യമഹയിൽ നിന്നും ഏറെക്കാലമായി ആളുകൾ കാത്തിരിക്കുന്ന മോഡലായിരുന്നു XSR155. റെട്രോ ക്ലാസിക് ലുക്കും R15 സ്പോർട്‌സ് ബൈക്കിലുള്ള ഉഗ്രൻ എഞ്ചിനും ചേർന്നുള്ള കോമ്പിനേഷൻ ഒന്ന് വേറെ തന്നെയാണെന്ന് വേണം പറയാൻ. ഇത്രയും കാലം വിദേശത്ത് മാത്രം കണ്ടിരുന്ന മിടുക്കൻ ഇപ്പോൾ നമ്മുടെ നിരത്തുകളും കീഴടക്കാൻ എത്തിയിരിക്കുകയാണ്. ജാപ്പനീസ് ഇരുചക്ര വാഹന നിർമാതാക്കളുടെ 150 സിസി നിയോ-റെട്രോ റോഡ്‌സ്റ്ററിന്റെ എൻട്രിയോടെ ഇനി ഷോറൂമുകളിലെല്ലാം ഉത്സവത്തിരക്കായിരിക്കും. 1,49,990 രൂപയുടെ എക്സ്ഷോറൂം വിലയിലാണ് XSR155 അവതരിപ്പിച്ചിരിക്കുന്നത്.

ലോകത്തിലെ ഏറ്റവും വ്യാപകമായി ഉപയോഗിക്കുന്ന ഡിജിറ്റല്‍ മാപ്പിംഗ് സേവനങ്ങളില്‍ ഒന്നാണ് ഗൂഗിള്‍ മാപ്സ്. നിങ്ങള്‍ ആഗ്രഹിക്കുന്ന ലക്ഷ്യസ്ഥാനത്ത് എത്തിച്ചേരാനുള്ള വഴികളും, സമീപത്തുള്ള പ്രധാന സ്ഥലങ്ങളുടെയും സ്ഥാപനങ്ങളുടെയും വിവരങ്ങളും എളുപ്പത്തില്‍ കണ്ടെത്താന്‍ ഇത് ഹായിക്കുന്നു. ഡ്രൈവിംഗ്, ടൂവീലര്‍, പൊതുഗതാഗത സംവിധാനങ്ങള്‍, കാല്‍നട എന്നിവയടക്കമുള്ള യാത്രമാര്‍ഗങ്ങള്‍ ഉപയോഗപ്പെടുത്താന്‍ പാകത്തിന് ടേണ്‍-ബൈ-ടേണ്‍ നാവിഗേഷന്‍ സൗകര്യം ആപ്പില്‍ ലഭ്യമാണ്. കൂടാതെ റിയല്‍-ടൈം ട്രാഫിക് അപ്ഡേറ്റുകള്‍, ഗതാഗതക്കുരുക്ക്, ഇടിഎ എന്നിവ നല്‍കുന്നതിനാല്‍ യാത്രകള്‍ കൂടുതല്‍ സുഗമമാക്കുന്നു. സ്റ്റ്രീറ്റ് വ്യൂ, ഓഫ്‌ലൈന്‍ മാപ്പുകള്‍, ബിസിനസ് ലിസ്റ്റിംഗുകള്‍, റിവ്യൂകള്‍ എന്നിവ പോലുള്ള ഏറെ ഉപകാരപ്രദമായ സവിശേഷതകളും ഗൂഗിള്‍ മാപ്സ് വാഗ്ദാനം ചെയ്യുന്നു.

ആഗോള താപനത്തിന്റെ ഫലമായി ലോക രാജ്യങ്ങള്‍ ബദല്‍ ഇന്ധനങ്ങളെ പ്രോത്സാഹിപ്പിക്കുകയാണ്. വൈദ്യുത വാഹനങ്ങള്‍ക്കാണ് പല രാഷ്ട്രങ്ങളും പ്രോത്സാഹനം നല്‍കുന്നത്. എന്നാല്‍ ഒന്നിലേറെ കാരണങ്ങള്‍ കൊണ്ട് ഐസി എഞ്ചിന്‍ വാഹനങ്ങളില്‍ നിന്ന് ധൃതിപ്പെട്ട് ഇവികളിലേക്ക് മാറാന്‍ വലിയൊരു വിഭാഗം ഒരുക്കമല്ല. അക്കൂട്ടര്‍ ഒരു ഇടത്താവളമായി കണ്ടിരിക്കുന്നത് ഹൈബ്രിഡ് വാഹനങ്ങളാണ്. പല മാര്‍ക്കറ്റുകളിലും ഹൈബ്രിഡ് മോഡലുകള്‍ക്ക് ലഭിക്കുന്ന സ്വീകാര്യത ഇതിന് അടിവരയിടുന്നു. ഇവികളിലേക്കുള്ള പരിവര്‍ത്തനം പതുക്കെയാകുകയും ഹൈബ്രിഡുകള്‍ക്ക് പ്രചാരം നേടുകയും ചെയ്യുന്ന സാഹചര്യത്തില്‍ പല വണ്ടിക്കമ്പനികളും തങ്ങളുടെ തന്ത്രങ്ങള്‍ മാറ്റി പയറ്റാന്‍ തുടങ്ങിയിട്ടുണ്ട്.

ഇന്ത്യൻ എസ്‌യുവി നിരയിലെ ചാണക്യനാണ് ടാറ്റ മോട്ടോർസ്. പഞ്ച് മുതൽ സഫാരി വരെ നീളുന്ന സ്പോർട് യൂട്ടിലിറ്റി വാഹന നിരയിലേക്ക് അടുത്തതായി സിയറ കൂടി എത്തുന്നതോടെ ബ്രാൻഡിന്റെ ഇമേജ് ചെറുതായൊന്നുമായിരിക്കില്ല ഉയരുക. നിലവിൽ ടോപ്പ് സെല്ലിംഗ് മോഡലുകളായി പഞ്ചും നെക്സോണും അരങ്ങ് തകർക്കുമ്പോൾ പോയമാസത്തെ വിൽപ്പനയിൽ മറ്റൊരു മോഡൽ കൂടി ഞെട്ടിച്ചിരിക്കുകയാണ്. മറ്റേതുമല്ല, ദേസി റേഞ്ച് റോവർ എന്ന് ആരാധകർ സ്നേഹത്തോടെ വിളിക്കുന്ന ഹാരിയർ എസ്‌യുവിയാണ് (Tata Harrier SUV) 2025 ഒക്ടോബർ മാസത്തെ വിൽപ്പന കണക്കുകളിൽ തന്റെ കരുത്തുകാട്ടിയത്.

തലക്കെട്ടിൽ നിന്ന് തന്നെ ഏത് വാഹനമാണെന്ന് പലർക്കും മനസിലായി കാണുമല്ലോ. അതേ മഹീന്ദ്രയുടെ ബൊലേറോ ഒക്ടോബർ മാസത്തിൽ റെക്കോർഡ് വിൽപ്പനയാണ് കരസ്ഥമാക്കിയിരിക്കുന്നത്. കാരണം മുഖം മിനുക്കി ബൊലേറോ അവതരിപ്പിച്ചത് മുതൽ വാഹനത്തിന് ആവശ്യക്കാർ കൂടിയിട്ടുണ്ട്. മുൻപുളള മാസങ്ങളിലൊക്കെ വിൽപ്പനയിൽ അൽപ്പം ഇടിവ് വന്നിരുന്നു, അതെല്ലാം കൂടെ ഒക്ടോബർ മാസത്തിൽ 14,433 യൂണിറ്റുകൾ വിറ്റ് ബ്രാൻഡ് നികത്തിയിട്ടുണ്ട്. ഉത്സവകാലത്തെ വിൽപ്പനയും നല്ല രീതിയിൽ ബാധിച്ചിട്ടുണ്ടെന്ന് തന്നെയാണ് കണക്കുകൾ സൂചിപ്പിക്കുന്നത്. കഴിഞ്ഞ ഇടയ്ക്കാണ് കേരളത്തിലെ സർക്കാർ മഹീന്ദ്രയുടെ പുതിയ നിരവധി വാഹനങ്ങൾ പൊലീസിന് വാങ്ങിയത്.

കിയ ഇന്ത്യ ദക്ഷിണേന്ത്യയിലുടനീളം 2025 നവംബർ 15 മുതൽ 23 വരെ ഓണർഷിപ്പ് സർവീസ് ക്യാമ്പ് ആരംഭിക്കുകയാണ്, വിൽപ്പനാനന്തര അനുഭവം മെച്ചപ്പെടുത്തുന്നതിനും കൂടുതൽ ഉപഭോക്തൃ ഇടപെടൽ ശക്തിപ്പെടുത്തുന്നതിനും കൂടി വേണ്ടിയാണ് ഇത്തരം ക്യാമ്പുകൾ സംഘടിപ്പിക്കുന്നത്. ആന്ധ്രാപ്രദേശ്, കർണാടക, കേരളം, തമിഴ്നാട്, തെലങ്കാന, പുതുച്ചേരി എന്നിവിടങ്ങളിലെ 122 കിയ അംഗീകൃത വർക്ക്‌ഷോപ്പുകളിലായാണ് 9 ദിവസത്തെ ഈ ക്യാമ്പ് നടത്തുന്നത്. വെറുതെ വിൽപ്പന മാത്രമല്ല അതിലുപരി വാഹനങ്ങളുടെ സർവീസിങ്ങിലും വലിയ ഉത്തരവാദിത്തവും ശ്രദ്ധയും കമ്പനി നൽകുന്നുണ്ട് എന്നതിൻ്റെ തെളിവ് കൂടിയാണല്ലോ ഇത്.

കാറുകളുടെ ലോകത്ത് സ്വന്തമായൊരു ശൈലിയും വ്യക്തിത്വവും സൃഷ്ടിച്ച ഒന്നാന്തരം ബ്രാൻഡാണ് കിയ. കൊറിയയിൽ നിന്നും വളർന്ന ഈ കമ്പനി വാഹന വിപണിയിൽ പുതുമയുള്ള ഡിസൈൻ ഭാഷകൊണ്ടും പ്രീമിയം ഫീച്ചറുകൾക്കൊണ്ടും വൻ ആരാധക പിന്തുണ നേടിയിട്ടുണ്ട്. സെൽറ്റോസ്, കാരെൻസ്, സോനെറ്റ് തുടങ്ങിയ മോഡലുകൾ ഇറക്കിക്കൊണ്ട് ഇന്ത്യൻ ജനതയുടെ മനസ്സിലും പ്രത്യേക സ്ഥാനം പിടിക്കാൻ ഇവർക്ക് കഴിഞ്ഞു. ഇതിൽ പ്രധാനമായും മിഡ്-സൈസ് എസ്‌യുവി സെഗ്മെൻ്റിൻ്റെ വിപ്ലവം കൊണ്ടുവന്ന സെൽറ്റോസിനാണ് ആരാധകർ ഏറെയുള്ളത്. ഇപ്പോൾ അതേ സെൽറ്റോസിൻ്റെ പുതുമോഡൽ പുറത്തിറക്കാൻ ഒരുങ്ങുകയാണ് കമ്പനി.

ഉപഭോക്താക്കളെ തൃപ്ത്തിപ്പെടുത്തുന്നതിൽ നിരന്തരം പ്രയത്നിക്കുന്നവരാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. ഡിസ്‌കൗണ്ട് ഓഫറുകളിലൂടെയും നല്ല വിൽപ്പനാനന്തര സേവനങ്ങൾ നൽകിയും ആളുകളുടെ മനസിൽ പ്രത്യേക ഇടമുണ്ടാക്കിയെടുക്കാൻ ബ്രാൻഡിനായിട്ടുണ്ട്. ഇപ്പോഴിതാ ഉപഭോക്തൃ സംതൃപ്തിയോടുള്ള പ്രതിബദ്ധത വീണ്ടും ഉറപ്പിച്ചുകൊണ്ട് കമ്പനി സ്മാർട്ട് കെയർ ക്ലിനിക് സർവീസ് ക്യാമ്പയിന് തുടക്കം കുറിക്കുകയാണ്. ഹ്യുണ്ടായി ഉടമകൾക്ക് സൗകര്യപ്രദമായ സർവീസ് എക്സ്പീരിയൻസും എക്സ്ക്ലൂസീവ് ആനുകൂല്യങ്ങളും വാഗ്ദാനം ചെയ്യുക എന്ന ലക്ഷ്യത്തോടെയാണ് പുതിയ സർവീസ് ക്യാമ്പയിൻ അവതരിപ്പിച്ചിരിക്കുന്നത്. ഏറെ പ്രതീക്ഷയോടെ കാത്തിരിക്കുന്ന പുത്തൻ വെന്യു എസ്‌യുവിയുടെ വരവിന് പിന്നാലെയാണ് ഈയൊരു പ്രഖ്യാപനവും എത്തുന്നത്.

2025 ഒക്‌ടോബറില്‍ മൊത്തത്തില്‍ 2 ലക്ഷത്തില്‍ കൂടുതല്‍ യൂണിറ്റ് വില്‍പ്പന നടത്തി മാരുതി സുസുക്കി നിരവധി റെക്കോഡുകള്‍ പഴങ്കഥയാക്കിയിരുന്നു. പോയ മാസം 37.8 ശതമാനം വിപണി വിഹിതവുമായി ഇന്ത്യയില്‍ മാത്രം 1.76 ലക്ഷം യൂണിറ്റ് ആണ് മാരുതി വിറ്റഴിച്ചത്. ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട 10 കാറുകളുടെ പട്ടികയില്‍ ആറെണ്ണം മാരുതിയുടെ ആയിരുന്നു. ഇപ്പോള്‍ മാരുതി സുസുക്കിയുടെ മോഡല്‍ തിരിച്ചുള്ള വില്‍പ്പന കണക്കുകള്‍ പുറത്തുവന്നിട്ടുണ്ട്. ജിഎസ്ടി 2.0 പ്രാബല്യത്തിൽ വന്നതോടെ ഇന്ത്യയിലെ ഏറ്റവും താങ്ങാനാവുന്ന വിലയുള്ള കാര്‍ എന്ന സ്ഥാനം മാരുതി ആള്‍ട്ടോ K10 ഹാച്ച്ബാക്കില്‍ നിന്ന് എസ്‌പ്രെസോ തട്ടിയെടുത്തിരുന്നു.

എസ്‌യുവികളിലൂടെ വിസ്‌മയം തീർത്തുകൊണ്ടിരിക്കുകയാണ് ഇന്ത്യക്കാരുടെ സ്വന്തം വാഹന നിർമാതാക്കളായ മഹീന്ദ്ര ആൻഡ് മഹീന്ദ്ര. ബ്രാൻഡ് പുറത്തിറക്കിയിരിക്കുന്ന എല്ലാ മോഡലുകൾക്കും വലിയ ഫാൻബേസുള്ളതിന്റെ പ്രധാന കാരണം അതിൽ ലഭിക്കുന്ന ഫീച്ചറുകളും സേഫ്റ്റിയും തന്നെയാണെന്ന് വേണം പറയാൻ. രാജ്യത്തെ ഏറ്റവും മത്സരാധിഷ്ഠിതമായ സബ്-4 മീറ്റർ എസ്‌യുവി സെഗ്മെന്റിൽ മാരുതി സുസുക്കി ബ്രെസ, ടാറ്റ നെക്സോൺ, കിയ സോനെറ്റ്, ഹ്യുണ്ടായി വെന്യു എന്നീ വമ്പൻമാരോട് ഏറ്റുമുട്ടാൻ മഹീന്ദ്ര ആൻഡ് മഹീന്ദ്ര പുറത്തിറക്കിയ മോഡലായിരുന്നു XUV300. എന്നാൽ വേണ്ടത്ര രീതിയിൽ വിപണി പിടിക്കാൻ കക്ഷിക്കായിരുന്നില്ല.

ഓസ്‌ട്രേലിയയും ന്യൂസിലാന്‍ഡുമടക്കമുള്ള (New Zealand) ദ്വീപ് രാഷ്ട്രങ്ങളിലേക്ക് കുടിയേറുന്ന ഇന്ത്യക്കാരുടെ എണ്ണം ഓരോ വര്‍ഷവും കൂടിക്കൊണ്ടിരിക്കുകയാണ്. പഠനാവശ്യത്തിനും ജോലികള്‍ക്കുമായി കടല്‍ കടക്കുന്നവരാണ് കൂടുതല്‍. മെച്ചപ്പെട്ട ജീവിതം സ്വപ്‌നം കണ്ട് ജന്മനാട് ഉപേക്ഷിച്ച് പോകുന്നവരില്‍ പലര്‍ക്കും തുടക്കകാലത്ത് നല്ല കഷ്ടതകള്‍ അനുഭവിക്കേണ്ടി വരാറുണ്ട്. തുടക്കത്തില്‍ ചെറിയ ജോലികള്‍ ചെയ്ത ചിലര്‍ പിന്നീട് ഉയര്‍ന്ന നിലയില്‍ എത്തിയ നിരവധി ഉദാഹരണങ്ങളും നമ്മുടെ മുന്നിലുണ്ട്. അത്തരത്തില്‍ ഒരാളാണ് എംഡി പ്രോജക്ട്സ് ലിമിറ്റഡിന്റെ (MD Projects NZ Ltd) സ്ഥാപകനായ മനീന്ദര്‍ സിങ്.

ഉത്സവകാലത്ത് എല്ലാ ബ്രാൻഡുകളും കാശ് വാരിയെങ്കിലും ഇവിക്ക് അൽപ്പം വിൽപ്പന കുറവ് നേരിട്ടിരുന്നു. എന്നാൽ കിയയുടെ ഇലക്ട്രിക് ലൈനപ്പിൽ എല്ലാ മോഡലുകളും ഗംഭീര വിൽപ്പനയാണ് നേടിയത്. അതിൻ്റെ മുന്നിൽ തന്നെ നിൽകുന്നത് കാരൻസ് ക്ലാവിസ് ഇവിയാണ്. ആഡംബര ഇവി സെഗ്മെൻ്റിലെ കിയയുടെ മോഡലായ ഇവി6-ന് 15 ലക്ഷം രൂപയുടെ ഓഫറാണ് ഇപ്പോൾ പ്രഖ്യാപിച്ചിരിക്കുന്നത്. സാധാരണ സ്റ്റോക്ക് ക്ലിയറൻസ്, പുതിയ ഫെയ്‌സ്‌ലിഫ്റ്റിൻ്റെ വരവ് ഇങ്ങനെയുളള സാഹചര്യങ്ങളിലാണ് വലിയ കിഴിവ് നൽകാറുളളത്. എന്നാൽ വാഹനത്തിൻ്റെ വിൽപ്പന വർധിപ്പിക്കുന്നതിൻ്റെ ഭാഗമായിട്ടാണ് ഇത്രയും ഭീമമായ തുക ഓഫറായി നൽകുന്നത്. വാഹനത്തിൻ്റെ കൂടുതൽ വിശദാംശങ്ങൾ കൂടി അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിലെ ഇലക്‌ട്രിക് വാഹന വിപണി കൈപ്പിടിയിലാക്കാനായി കച്ചകെട്ടിയിറങ്ങിയിരിക്കുകയാണ് മഹീന്ദ്ര ആൻഡ് മഹീന്ദ്ര (Mahindra). ആദ്യം പുറത്തിറക്കിയ ചില മോഡലുകൾ വൻ ഫ്ലോപ്പായെങ്കിലും ബോൺ ഇലക്‌ട്രിക് എസ്‌യുവികളായ BE 6, XEV 9e തുടങ്ങിയ ന്യൂജെൻ പിള്ളേർ ഇവി സെഗ്മെന്റ് തൂക്കിയിട്ടുണ്ട്. നല്ല പ്രതികരണങ്ങൾ നേടി കുതിക്കുന്നതിനിടയിൽ പുത്തനൊരു വണ്ടി കൂടി ഇന്ത്യക്കാർക്ക് സമ്മാനിക്കാൻ ഒരുങ്ങുകയാണ് കമ്പനി. ഇക്കഴിഞ്ഞ ദിവസങ്ങളിൽ ടീസർ വീഡിയോകളിലൂടെ ഹൈപ്പുയർത്തി വെച്ചിരിക്കുന്ന XEV 9S സെവൻ സീറ്റർ ഇലക്ട്രിക് എസ്‌യുവിയാണ് അടുത്തതായി രംഗപ്രവേശം ചെയ്യുന്നത്.

ഇന്ത്യന്‍ വാഹന വിപണിയില്‍ എപ്പോഴും ഡീസല്‍ വാഹനങ്ങള്‍ക്ക് വലിയ പ്രാധാന്യം ഉണ്ടാകാറുണ്ട്. പെട്രോള്‍, ഹൈബ്രിഡ്, ഇലക്രട്രിക് വാഹനങ്ങള്‍ എല്ലാം വന്നാലും പെര്‍ഫോമന്‍സും മൈലേജും ഒന്നിച്ച് വേണം എന്ന് പറയുന്ന ഡ്രൈവര്‍മ്മാര്‍ക്ക് ഇന്നും ഡീസലിനോടാണ് കമ്പം. കുഴികളുള്ള റോഡുകളിലാണെങ്കിലും ട്രാഫിക് നിറഞ്ഞ റോഡുകളിലാണെങ്കിലും ഒരു ഡീസല്‍ കാര്‍ ഉണ്ടെങ്കില്‍ ആത്മവിശ്വാസം വേറെ തന്നെയാണ്. ഇപ്പോള്‍ കുറഞ്ഞ വിലയില്‍ ഉപഭോക്താക്കളെ തൃപ്തിപ്പെടുത്തുന്ന മോഡലുകള്‍ കുറവാണെങ്കിലും, ചില ബ്രാന്‍ഡുകള്‍ ഈ സെഗ്മെന്റ് കൈയ്യടക്കിവെച്ചിട്ടുണ്ട്. നിങ്ങള്‍ ഒരു ഡീസല്‍ കാര്‍ വാങ്ങാന്‍ ഉദ്ദേശിക്കുന്നവരോ അല്ലെങ്കില്‍ പഴയതില്‍ നിന്നും ഡീസലിലേക്ക് മാറാന്‍ പോകുന്നവരോ ആണെങ്കില്‍ ഈ ലേഖനം നിങ്ങള്‍ക്ക് ഉപകാരപ്പെട്ടേക്കും.

ഇന്ത്യൻ കാർ പ്രേമികളുടെ ഹൃദയത്തിൽ ഇന്നുവരെ പ്രത്യേക സ്ഥാനം നേടിയ ഒരു പേരാണ് ടാറ്റ സിയറ എന്നത്. 90-കളിൽ ഇന്ത്യയിലെ എസ്‌യുവിയെ ജനങ്ങളുടെ ഇടയിലേക്ക് തുറന്നുകാട്ടിയ ഈ മോഡൽ, ഇപ്പോൾ വീണ്ടും ഒരു തിരിച്ചുവരവ് നടത്തുകയാണ്. പഴയ സിയറയുടെ പാരമ്പര്യവും പുത്തൻ ടെക്നോളജിയും കൂടെ ഒത്തുചേരുമ്പോൾ ഈ മാസം നടക്കാൻ പോകുന്ന ലോഞ്ച് ഒരു ചരിത്ര സംഭവം തന്നെയായിരിക്കുമെന്ന കാര്യത്തിൽ ഒരു സംശയവും വേണ്ട. ഇന്ത്യയിലെ ആദ്യ 3 ഡോർ എസ്‌യുവിയായിരുന്നു സിയറ. ബോൾഡ്,മസ്കുലർ ലുക്കും ടർബോ ഡീസൽ പവറും കൂടി ഒരുമിച്ചപ്പോൾ കിട്ടിയത് ടാറ്റ പോലും അന്തിച്ചു പോയ സ്വീകാര്യത.

പുതിയ കാര്‍ വാങ്ങാന്‍ ആഗ്രഹിച്ചുവെങ്കിലും ഇക്കഴിഞ്ഞ ഉത്സവ സീസണില്‍ അത് നിറവേറ്റാന്‍ സാധിക്കാതിരുന്നവര്‍ക്ക് ജാപ്പനീസ് വാഹന ഭീമന്‍മാരായ നിസാനിന്റെ വക സന്തോഷവാര്‍ത്തയുണ്ട്. നിസാന്‍ വിപണിയില്‍ എത്തിക്കുന്ന ജനപ്രിയ സബ് 4 മീറ്റര്‍ എസ്‌യുവിയായ മാഗ്‌നൈറ്റിന് 2025 നവംബറില്‍ ആകര്‍ഷകമായ ഓഫറുകള്‍ പ്രഖ്യാപിച്ചു. ഈ മാസം മാഗ്‌നൈറ്റ് വാങ്ങുന്ന ഉപഭോക്താക്കള്‍ക്ക് 91,000 രൂപ വരെ ലാഭിക്കാന്‍ കഴിയും. എന്‍-കണക്റ്റ, ടെക്‌ന, ടെക്‌ന+ എന്നീ വേരിയന്റുകളിലാണ് ഏറ്റവും കൂടുതല്‍ കിഴിവുകള്‍ ഉള്ളത്. രാജ്യമൊട്ടാകെയുള്ള ഓഫറുകള്‍ക്കൊപ്പം സൗത്ത്, ഈസ്റ്റ് എന്നീ സോണ്‍ തിരിച്ചുള്ള കിഴിവുകളും നിസാന്‍ അവരുടെ ഔദ്യോഗിക വെബ്‌സൈറ്റില്‍ നല്‍കിയിട്ടുണ്ട്.

ഇന്ത്യക്കാരുടെ പ്രിയപ്പെട്ട കാറുകളിൽ ഒന്നാണ് സ്വിഫ്റ്റ്. കോംപാക്‌ട് ഹാച്ച്ബാക്ക് വിഭാഗത്തിൽ പതിറ്റാണ്ടുകളായി തകർത്ത് വാരുന്ന മോഡലിന് നിലവിൽ ടാറ്റയുടെ മൊക്രോ എസ്‌യുവി വലിയ ഭീഷണിയായിട്ടുണ്ട്. സ്വിഫ്റ്റ് വാങ്ങാനിരുന്നവരിൽ പലരും മനസ് മാറി പഞ്ച് എന്ന മിടുക്കനെ സ്വന്തമാക്കിയിട്ടുണ്ട്. ഇപ്പോഴും അതേ ട്രെൻഡ് തുടരുകയാണെന്ന് വിളിച്ച് പറയുകയാണ് ഒക്ടോബർ മാസത്തെ വിൽപ്പന കണക്കുകൾ. സ്വിഫ്റ്റിനെ പൊട്ടിച്ച് പഞ്ചിന്റെ വിൽപ്പന കുതിക്കുകയാണ്. അധികം വൈകാതെ ഫെയ്‌സ്‌ലിഫ്റ്റ് നവീകരണം ലഭിക്കാൻ ഇരുന്നിട്ട് പോലും പോയമാസം മൈക്രോ എസ്‌യുവി വാങ്ങിയത് 16,810 പേരാണ്.

ഇന്ത്യയില്‍ ഏറ്റവും കൂടുതല്‍ വില്‍പ്പനയും അതുപോലെ തന്നെ മത്സരവും നടക്കുന്ന ഒരു സെഗ്‌മെന്റ് ആണ് സബ് 4 മീറ്റര്‍ എസ്‌യുവികളുടേത്. മാരുതി സുസുക്കി ബ്രെസ, ടാറ്റ നെക്‌സോണ്‍, ഹ്യുണ്ടായി വെന്യു, കിയ സോനെറ്റ്, മഹീന്ദ്ര XUV 3XO എന്നീ വമ്പന്‍മാര്‍ മാറ്റുരയ്ക്കുന്ന സെഗ്‌മെന്റിലെ ഏറ്റവും പുതിയ എന്‍ട്രികളില്‍ ഒന്നായിരുന്നു കിയ സിറോസ്. ഈ വിഭാഗത്തിലെ ഏറ്റവും ഫീച്ചവും പായ്ക്ക്ഡ് ആയ മോഡലുകളില്‍ ഒന്നായിരുന്നിട്ടും കൊറിയക്കാര്‍ പ്രതീക്ഷിച്ച വില്‍പ്പന കൊണ്ടുവരാന്‍ സിറോസിന് സാധിച്ചിട്ടില്ല. ആകര്‍ഷകമായ രൂപകല്‍പ്പനയും മികച്ച ഫീച്ചറുകളും പ്രീമിയം ഇന്റീരിയറും ഉണ്ടായിരുന്നിട്ടും 2025 സെപ്റ്റംബറില്‍ സിറോസിന്റെ വില്‍പ്പന 500 യൂണിറ്റില്‍ താഴെയായിരുന്നു.

വലിയ ഫുള്‍സൈസ് എസ്‌യുവികള്‍ ഇഷ്ടപ്പെടുന്നവരുടെ സ്വപ്‌ന വാഹനങ്ങളില്‍ ഒന്നായിരിക്കും ടൊയോട്ട ഫോര്‍ച്യൂണര്‍ (Toyota Fortuner). രാഷ്ട്രീയക്കാരുടെയും ബിസിനസുകാരുടെയുമെല്ലാം ഇഷ്ട വാഹനമായ ഫോര്‍ച്യൂണര്‍ അക്ഷരാര്‍ത്ഥത്തില്‍ എതിരാളികള്‍ ഇല്ലാതെ ഇന്ത്യയിലെ ഫുള്‍സൈസ് എസ്‌യുവി വിഭാഗത്തില്‍ അര്‍മാദിക്കുകയാണ്. ഫോര്‍ഡ് എന്‍ഡവര്‍ കളംവിട്ടതോടെ ഇവിടം ഫോര്‍ച്യൂണറിന്റെ ഏകാധിപത്യ ഭരണമാണ്. അതേസമയം തന്നെ ടൊയോട്ട പുറത്തിറക്കുന്ന ഹൈലക്‌സ് (Toyota Hilux) പിക്കപ്പ് ട്രക്കിന് ഇന്ത്യയില്‍ വേണ്ടത്ര പ്രചാരം ലഭിച്ചിട്ടുമില്ല. പിക്കപ്പ് ട്രക്കുകള്‍ ജീവിതത്തിന്റെ ഭാഗമാക്കി കൊണ്ടുനടക്കുന്ന പാശ്ചാത്യ രാജ്യങ്ങളില്‍ നിന്ന് വിഭിന്നമാണ് ഇവിടെ കാര്യങ്ങള്‍.

ഹൈറേഞ്ചിലേക്കുളള യാത്രകൾ എന്നും എല്ലാവർക്കും പ്രിയപ്പെട്ടതായിരിക്കും. സുഖകരവും ആനന്ദകരവുമായ യാത്രകളിൽ പ്രത്യേകിച്ച് കുടുംബവുമായി പോകാൻ എംപിവികൾ തന്നെയാണ് എന്നും മികച്ചത്. അത് കൊണ്ട് തന്നെ നമ്മുടെ യാത്രയിൽ കൂട്ടായി എത്തിയത് കിയയുടെ ജനപ്രിയ എംപിവി മോഡലായ കാരൻസ് ക്ലാവിസ് ആയിരുന്നു. കോട്ടയത്തെ ഇഞ്ചിയോൺ ഷോറൂമിൽ വാഹനത്തിനായി ചെന്നപ്പോൾ പാർക്കിങ്ങ് ലോട്ടിൽ എനിക്കായി കാത്ത് കിടപ്പുണ്ടായിരുന്നു അറോറ ബ്ലാക്ക് പേളിൽ കിയ കാരൻസ് ക്ലാവിസ്. 7 സീറ്ററായത് കൊണ്ട് തന്നെ ഹൈറേഞ്ചിലേക്ക് നാടൻ ഭാഷയിൽ പറഞ്ഞാൽ കൂടും കുടുക്കയുമായി മലകയറുകയാണ്.

ഇന്ത്യയിൽ അനേകം മേഖലകളിൽ പ്രവര്‍ത്തിക്കുന്ന വ്യക്തിയാണ് സോഫി ചൗദ്രി. മോഡലിംഗ്, ടിവി ഹോസ്റ്റിംഗ്, ഗായിക എന്നിങ്ങനെ നിരവധി മേഖലകളിൽ തൻ്റേതായ ഇടം കണ്ടെത്തിയ സുന്ദരിയാണ് താരം. ഫാഷന്‍, ലൈഫ്സ്റ്റൈല്‍ ബ്രാന്‍ഡുകളുമായി ബന്ധപ്പെട്ട് സോഫി സോഷ്യല്‍ മീഡിയയിൽ നിറസാന്നിധ്യമാണ്. എംടിവി ഇന്ത്യയുടെ മുൻ വിജെ ആയിരുന്നു സോഫി. ഇപ്പോൾ താരം തന്നെ പാടി അഭിനയിച്ച നിരവധി ആൽബം ഗാനങ്ങൾ പുറത്തിറങ്ങുന്നുണ്ട്. ശരീര ഫിറ്റ്നസിൽ പ്രത്യേക ശ്രദ്ധയുള്ള താരത്തിൻ്റെ വർക്ക്ഔട്ട് വീഡിയോകൾ സോഷ്യൽ മീഡിയയിൽ വലിയ ഹിറ്റ് ആണ്. താരം ഇപ്പോൾ തൻ്റെ യാത്രകൾക്ക് കൂട്ടായി ബിഎംഡബ്ല്യുവിൻ്റെ എസ്‌യുവി സ്വന്തമാക്കിയിരിക്കുകയാണ്.

ടാറ്റ മോട്ടോര്‍സില്‍ നിന്ന് ഈ വർഷം ഇന്ത്യക്കാര്‍ ഏറ്റവും കൂടുതല്‍ പ്രതീക്ഷയോടെ കാത്തിരിക്കുന്ന കാര്‍ ആണ് പുതിയ സിയറ. രാജ്യത്തെ ആദ്യത്തെ സ്‌പോര്‍ട് യൂടിലിറ്റി വാഹനമെന്ന വിശേഷണമുള്ള സിയറ പുത്തന്‍ രൂപത്തിലും ഭാവത്തിലും പുനര്‍ജനിക്കുമ്പോള്‍ കമ്പനിക്ക് മാത്രമല്ല വാഹനപ്രേമികള്‍ക്കും പ്രതീക്ഷകള്‍ വാനോളമാണ്. ഹ്യുണ്ടായി ക്രെറ്റ, കിയ സെല്‍റ്റോസ്, മാരുതി ഗ്രാന്‍ഡ് വിറ്റാര, വിക്‌ടോറിസ്, ടൊയോട്ട ഹൈറൈഡര്‍, ഹോണ്ട എലിവേറ്റ് തുടങ്ങിയ പ്രമുഖ മോഡലുകള്‍ക്ക് ടാറ്റ നല്‍കുന്ന മറുപടിയാണ് സിയറ.നവംബര്‍ 25-നാണ് സിയറയുടെ ഔദ്യോഗിക അരങ്ങേറ്റം. ഇതിനോടകം വാഹനലോകത്ത് വലിയ അലയൊലികള്‍ സൃഷ്ടിച്ച സിയറ ആദ്യം സ്വന്തമാക്കാനായി പിടിവലികള്‍ പ്രതീക്ഷിക്കാം.

ഒരു പുതിയ വാഹനം കണ്ടാൽ ആദ്യം നോൽക്കുന്നത് വാഹനത്തിൻ്റെ അകത്തേക്ക് ആയിരിക്കും അല്ലേ, അതേ കാറിൻ്റെ ഇൻ്റീരിയർ എങ്ങനെയുണ്ടെന്ന് ആണ് ആദ്യം അറിയേണ്ടത്. എക്സ്റ്റീരിയർ എത്ര അടിപൊളിയായാലും ഇൻ്റീരിയർ സുഖമില്ലെങ്കിലും ആളുകൾക്ക് മനസ് മടുത്ത് പോകും. കാശ് എണ്ണി കൊടുത്ത് വാഹനം വാങ്ങുമ്പോൾ അകത്ത് ഇരുന്ന് യാത്ര ചെയ്യാൻ സുഖമില്ലെങ്കിൽ എന്തു ചെയ്യും. 20 ലക്ഷത്തിൽ താഴെ നിങ്ങളുടെ മനസ് മയക്കുന്ന ഇൻ്റീരിയർ ലഭിക്കുന്ന കുറച്ച് വാഹനങ്ങളെ പരിചയപ്പെട്ടാലോ. ലിസ്റ്റിൽ നിങ്ങളുടെ വാഹനമുണ്ടോ എന്ന് കൂടി അറിയാൻ തുടർന്ന് വായിക്കാൻ മറക്കരുതേ.

പ്രിയപ്പെട്ടവരുടെ പിറന്നാള്‍ അവര്‍ എന്നെന്നും ഓര്‍മിക്കുന്ന ഒന്നാക്കി മാറ്റാന്‍ എല്ലാവരും ശ്രമിക്കാറുണ്ട്. പ്രായപൂര്‍ത്തിയായി കഴിഞ്ഞാല്‍ ആണ്‍കുട്ടികള്‍ക്ക് മാതാപിതാക്കള്‍ ജന്മദിന സമ്മാനമായി ആദ്യം പരിഗണിക്കുന്നത് വാഹനങ്ങള്‍ ആയിരിക്കും. ഇപ്പോള്‍ മകനോട് ഏറെ കരുതലുള്ള ഒരു പിതാവ് മകന്റെ ജന്മദിനത്തിന് മുമ്പായി സര്‍പ്രൈസ് സമ്മാനം നല്‍കിയ സംഭവം സോഷ്യല്‍ മീഡിയയില്‍ ഏറെ ശ്രദ്ധിക്കപ്പെടുകയാണ്. പ്രശസ്ത കോമഡി താരമായ സുധേഷ് ലേഹ്രിയാണ് തന്റെ മകന് പിറന്നാള്‍ സമ്മാനമായി പുത്തന്‍ മഹീന്ദ്ര ഥാര്‍ റോക്സ് സമ്മാനിച്ച് ആരാധകരെ അമ്പരപ്പിച്ചത്. താരവും കുടുംബവും പുത്തന്‍ കാറിന് മുന്നില്‍ ആഘോഷിക്കുന്ന നിമിഷങ്ങള്‍ സോഷ്യല്‍ മീഡിയയില്‍ വൈറലായി.

ടയറുകൾ എന്നാൽ ഒരു കാറിന്റെ ഏറ്റവും പ്രധാന ഘടകങ്ങളിൽ ഒന്നാണല്ലോ. എഞ്ചിൻ എത്ര കരുത്തുണ്ടെങ്കിലും, ബ്രേക്കുകൾ എത്ര മികച്ചതായാലും, ടയറുകൾ ശരിയായ നിലയിൽ ഇല്ലെങ്കിൽ നിങ്ങളുടെ വാഹനത്തിൻ്റെ പെർഫോമൻസിനേയും സുരക്ഷയേയും ഗൗരവമായി ബാധിക്കും എന്ന് ആദ്യം തന്നെ മനസിലാക്കുക. ടയറുകളുടെ പരിപാലനത്തെ കുറിച്ച് നിരവധി തവണ പല ലേഖനങ്ങളും നിങ്ങളുമായി പങ്കുവച്ചിട്ടുണ്ട്. അതിൽ തന്നെ പ്രധാനപ്പെട്ട ഒരു കാര്യമാണ് ഈ ലേഖനത്തിലൂടെ നിങ്ങളുമായി പങ്കുവയ്ക്കുന്നത്. ചിലർ തങ്ങളുടെ കാറുകളിൽ ഇത് ചെയ്യുന്നുമുണ്ടാവാം. ഇനി കാറില്ലെങ്കിലും നിങ്ങൾ കാർ സ്വന്തമാക്കുമ്പോൾ പ്രാവർത്തികമാക്കാൻ വേണ്ടി അറിഞ്ഞു വച്ചോളു.