ഇന്ത്യന്‍ വിപണിയില്‍ ഹാച്ച്ബാക്ക് കാറുകളുടെ വില്‍പ്പന നിലവില്‍ മന്ദഗതിയിലാണ്. വില്‍പ്പന ഉയര്‍ത്തുന്നതിനായി നമ്പര്‍ 1 കാര്‍ കമ്പനിയായ മാരുതി സുസുക്കിയടക്കം നിരവധി പദ്ധതികള്‍ ആസൂത്രണം ചെയ്ത് നടപ്പാക്കി വരികയാണ്. സ്ഥിരമായി നല്‍കാറുള്ള ഓഫറുകള്‍ക്ക് പുറമെ ചെറുകാറുകളുടെ ഏറ്റവും വലിയ പോരായ്മയായിരുന്ന സേഫ്റ്റിയില്‍ വരെ കമ്പനി അപ്ഡേറ്റ് ചെയ്തിട്ടും മാരുതി സുസുക്കി ആള്‍ട്ടോ K10 ഹാച്ച്ബാക്കിന് അടക്കം ഈ പ്രതിസന്ധിയില്‍ നിന്ന് മോചനമില്ല. രാജ്യത്തെ ഏറ്റവും വില കുറഞ്ഞ ഹാച്ച്ബാക്ക് മോഡലുകളിലൊന്നാണ് ആള്‍ട്ടോ K10. അടുത്തിടെ ഈ എന്‍ട്രി ലെവല്‍ ഹാച്ചിന്റെ ബേസ് വേരിയന്റില്‍ വരെ കമ്പനി 6 എയര്‍ബാഗുകള്‍ ചേര്‍ത്തിരുന്നു.

ഓരോ മാരുതി കാറുകളുടെയും വരവ് ആഘോഷിക്കുന്നവരാണ് നാം ഇന്ത്യക്കാർ. പുതുമോഡലുകൾ ഇറക്കുമ്പോഴും അതിൽ എന്തെങ്കിലും വിസ്‌മയം ഒരുക്കാനും ആളുകളോട് അടുത്ത് നിൽക്കുന്ന എന്തെങ്കിലും കരുതാനും കമ്പനി ശ്രദ്ധിക്കാറുണ്ട്. വിലയുടെ കാര്യത്തിൽ വലിയ കടുംപിടുത്തമൊന്നും ഇല്ലാത്ത മാരുതിക്ക് ഇന്ത്യക്കാരുടെ പൾസ് കൃത്യമായി അറിയാം. ഇലക്‌ട്രിക് കാറുകളാൽ സമ്പന്നമായിക്കൊണ്ടിരിക്കുന്ന നിരത്തുകളിൽ പ്രകമ്പനമാവാൻ പുതിയൊരു ഇലക്ട്രിക് കാറിനെയാണ് പീപ്പിൾസ് ബ്രാൻഡ് അടുത്തതായി പുറത്തിറക്കാൻ ഒരുങ്ങുന്നത്. മറ്റേതുമല്ല, ഏറെക്കാലമായി നാം കാത്തിരിക്കുന്ന ഇ-വിറ്റാര എസ്‌യുവിയാണത്. 2025 ഓട്ടോ എക്സ്പോയിൽ പ്രദർശിപ്പിച്ച ഇവിക്ക് പ്രത്യേകിച്ച് കാരണമൊന്നും ഇല്ലെങ്കിലും ഒടുക്കത്തെ ഹൈപ്പാണ് കിട്ടിയിരിക്കുന്നത്.

രാജ്യത്ത് ഇപ്പോൾ എഥനോൾ പെട്രോൾ വിഷയം കത്തി നിൽക്കുകയാണ്. എഥനോൾ കലർന്ന പെട്രോൾ നിറയ്ക്കുന്നത് വഴി വാഹനങ്ങൾക്ക് തകരാർ വരുമെന്നാണ് വാഹനയുടമകളുടെ വാദം. എന്നാൽ അത്തരത്തിലൊരു വിഷയം ഉദിക്കുന്നില്ല എന്നാണ് സർക്കാരിൻ്റെ ഉറച്ച വാക്കുകൾ. പക്ഷേ പഴയ വാഹനങ്ങളിൽ എഥനോൾ കലർന്ന പെട്രോൾ നിറയ്ക്കുന്നത് വഴി ചെറിയ പ്രശ്നങ്ങൾ ഉണ്ടാകാനുള്ള സാധ്യത തള്ളിക്കളയാനാവില്ല എന്ന വാദവും നില നിൽക്കുന്നുണ്ട്. എന്നാൽ ബജാജ് തങ്ങളുടെ BS3 മോട്ടോർസൈക്കിളുകൾ ഉപയോഗിക്കുന്നവർക്ക് വേണ്ടി ഒരു ചെറിയ ടിപ്പുമായി രംഗത്തെത്തിയിരിക്കുകയാണ്. ഫുൾടാങ്ക് നിറയ്ക്കുമ്പോൾ ഈ കാര്യങ്ങൾ ചെയ്താൽ നിങ്ങളുടെ വാഹനത്തിനെ സംരക്ഷിക്കാം എന്നാണ് ബജാജ് പങ്കുവയ്ക്കുന്നത്.

യുവാക്കളുടെ പ്രിയപ്പെട്ട സെഗ്മെൻ്റാണ് 350 സിസി. അതിൽ തന്നെ രാജാവായി വാഴുന്ന റോയൽ എൻഫീൽഡിൻ്റെ നിരവധി മോഡലുകളുണ്ടെങ്കിൽ വിൽപ്പനയിലും ഡിമാൻ്റിലും മുന്നിൽ നിൽക്കുന്നത് മീറ്റിയോർ 350 ആണ്. തണ്ടർബേർഡിന് പകരക്കാരനായി വിപണിയിൽ റോയൽ എൻഫീൽഡ് അവതരിപ്പിച്ച മോഡലായിരുന്നു ഇത്. ഇപ്പോഴിതാ സെഗ്മെൻ്റിലേക്ക് പുതിയ എതിരാളി കൂടി എത്തിയിരിക്കുകയാണ്. ഏവരും കാത്തിരുന്ന 2025 യെസ്ഡി റോഡ്‌സ്റ്റര്‍ പുതിയ നിറങ്ങളും ചില അപ്‌ഗ്രേഡുകളുമായിട്ടാണ് വന്നിരിക്കുന്നത്. ഇവ രണ്ടും തമ്മിലൊരു ചെറിയ താരതമ്യം നടത്തി നോക്കിയാലോ. ആരാണ് കേമൻ എന്ന് അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ സ്‌പോര്‍ട് യൂടിലിറ്റി വാഹനങ്ങള്‍ (എസ്‌യുവി) വാങ്ങുന്നവരുടെ എണ്ണം ഓരോ വര്‍ഷവും വര്‍ധിച്ച് വരികയാണ്. മുന്‍കാലങ്ങളില്‍ ഇന്ത്യക്കാര്‍ക്ക് ഹാച്ച്ബാക്കുകളോടും സെഡാനുകളോടുമായിരുന്നു പ്രിയമെങ്കില്‍ ഇന്ന് രാജ്യത്ത് വില്‍ക്കപ്പെടുന്ന കാറുകളില്‍ 50 ശതമാനത്തോളം എസ്‌യുവികളാണ്. കാരണം ഇന്നത്തെ ഉപഭോക്താക്കള്‍ ചെറു കാറുകളേക്കാള്‍ മികച്ച ബില്‍റ്റ് ക്വാളിറ്റിയും വിശാലമായ ക്യാബിനും മോഡേണ്‍ ഫീച്ചറുകളുമുള്ള കാറുകളോടാണ് കമ്പം. നിലവില്‍ ഇന്ത്യയില്‍ ഏറ്റവും ഡിമാന്‍ഡ് കോംപാക്ട് എസ്‌യുവികള്‍ക്കാണ്. ഹാച്ച്ബാക്കിന്റെയോ സെഡാന്റെയോ ഫീച്ചറുകള്‍, ഉയര്‍ന്ന ഡ്രൈവിംഗ് പൊസിഷന്‍, ഗ്രൗണ്ട് ക്ലിയറന്‍സ്, പരമ്പരാഗത എസ്‌യുവിയുടെ പരുക്കന്‍ സ്‌റ്റൈലിംഗ് എന്നിവയുമായി സംയോജിപ്പിക്കുന്നവയാണ് കോംപാക്ട് എസ്‌യുവികള്‍.

ഇവി വിപ്ലവം ഉണ്ടാക്കുന്നതിൽ ഇലക്ട്രിക് സ്കൂട്ടർ വാഹന നിർമാതാക്കളായ ഓലയ്ക്ക് വലിയ പങ്കു തന്നെയുണ്ട്. പുതിയ ഓല എസ്1 പ്രോ സ്‌പോർട്, എസ്1 പ്രോ+ ന്റെ ഒരു സ്‌പോർട്ടിയർ പതിപ്പായി ബ്രാൻഡ് അവതരിപ്പിച്ചിരിക്കുകയാണ്.1.49 ലക്ഷം രൂപ പ്രാരംഭ വിലയിലാണ് പുത്തൻ ഇവി സ്കൂട്ടർ വിപണിയിലെത്തിച്ചിരിക്കുന്നത്. വെറും 999 രൂപയ്ക്ക് വാഹനം മുൻകൂട്ടി ബുക്ക് ചെയ്യാമെന്നും ഡെലിവറികൾ 2026 ജനുവരിയിൽ ആരംഭിക്കാനാണ് ബ്രാൻഡ് പദ്ധതിയിട്ടിരിക്കുന്നത്. എസ്1 പ്രോ സ്‌പോർട് 21.45 bhp പരമാവധി പവറും 71 nm പീക്ക് ടോർക്കും ഉത്പാദിപ്പിക്കുന്ന ഇൻ-ഹൗസ് ഡിസൈൻ ചെയ്ത മിഡ്-മൗണ്ടഡ് മോട്ടോറിലാണ് ഇവി സ്കൂട്ടർ പ്രവർത്തിക്കുന്നത്.

ചെറിയ നാളുകൾകൊണ്ട് ദക്ഷിണ കൊറിയൻ വാഹന നിർമാതാക്കളായ കിയയ്ക്ക് ഇന്ത്യയിൽ വലിയ സ്വീകാര്യതയാണ് നേടിയെടുക്കാനായിരിക്കുന്നത്. സെൽറ്റോസിൽ നിന്നും തുടങ്ങിയ യുദ്ധം ഇന്ന് കാരെൻസ് ക്ലാവിസ് ഇവി വരെ എത്തിനിൽക്കുകയാണ്. മാരുതി സുസുക്കി എർട്ടിഗയും ടൊയോട്ട ഇന്നോവയുമെല്ലാം അരങ്ങുവാഴുന്ന 7-സീറ്റർ എംപിവി വിഭാഗത്തിലേക്കാണ് കാരെൻസ് എന്ന മോഡലിനെ കമ്പനി അവതരിപ്പിക്കുന്നത്. വലിയ വിജയമായ വാഹനത്തിന്റെ ഫെയ്‌സ്‌ലിഫ്റ്റ് പതിപ്പിനെയാണ് കിയ അടുത്തിടെ വിപണിയിൽ എത്തിച്ചിരുന്നത്. ഒപ്പം കാരെൻസ് ക്ലാവിസ് എന്ന ഇടിവെട്ട് പേരും കൊടുത്തു. പെട്രോളിലും ഡീസലിലും മാത്രമല്ല, ഇവിയിലും കക്ഷിയെ ഇപ്പോൾ സ്വന്തമാക്കാനാവും.

കഴിഞ്ഞ കുറച്ച് വര്‍ഷങ്ങളായി ഇന്ത്യയില്‍ ഇലക്ട്രിക് വാഹനങ്ങള്‍ക്ക് പ്രചാരം വര്‍ധിച്ച് കൊണ്ടിരിക്കുകയാണ്. ലോകത്തിലെ ഏറ്റവും വലിയ മൂന്നാമത്തെ കാര്‍ വിപണിയായി കണക്കാക്കപ്പെടുന്ന ഇന്ത്യയില്‍ ഇവികള്‍ക്കുള്ള സാധ്യത തിരിച്ചറിഞ്ഞ കമ്പനികളില്‍ ഒന്നാണ് വിന്‍ഫാസ്റ്റ്. വിയറ്റ്നാമീസ് വാഹന നിര്‍മ്മാതാക്കളായ വിന്‍ഫാസ്റ്റ് തമിഴ്നാട്ടിലെ തൂത്തുക്കുടിയില്‍ ഇലക്ട്രിക് കാര്‍ നിര്‍മ്മാണശാല സ്ഥാപിച്ച് പ്രവര്‍ത്തനം തുടങ്ങിയിട്ടുണ്ട്. ഏതാനും ദിവസങ്ങള്‍ക്ക് മുമ്പ് പുതിയ പ്ലാന്റില്‍ നിര്‍മിച്ച ആദ്യ വാഹനം പുറത്തിറങ്ങിയിരുന്നു. ഈ വര്‍ഷം ജനുവരിയില്‍ നടന്ന 2025 ഓട്ടോ എക്സ്പോയില്‍ വിന്‍ഫാസ്റ്റ് തങ്ങളുടെ മുഴുവന്‍ ഇവി നിരയും പ്രദര്‍ശിപ്പിച്ചിരുന്നു.

ഒട്ടുമിക്ക ബ്രാൻഡുകളും തങ്ങളുടെ വാഹനത്തിന് മികച്ച് നിറങ്ങൾ നൽകുന്നുണ്ട്. കറുപ്പ്, വെളള, പച്ച,നീല എന്നിങ്ങനെ നിറങ്ങളുടെ പല ഷേഡുകളും ഇപ്പോഴത്തെ വാഹനങ്ങൾക്ക് ലഭ്യമാണ്. മാരുതി സുസുക്കിയുടെ മികച്ച ഹാച്ച്ബാക്ക് മോഡലായ ഫ്രോങ്ക്സിനെ ഒരു ലംബോർഗിനി മോഡലിൻ്റെ പച്ച നിറത്തിലുള്ള കാറായി രൂപാന്തരപ്പെടുന്നതിന്റെ മാറ്റിയിരിക്കുകയാണ് ETU സ്റ്റുഡിയോസ്. ഈ ഫ്രോങ്ക്സിന്റെ ഉടമയുടെ പ്രത്യേക അഭ്യർത്ഥന കൊണ്ടാണ് ഹാച്ച്ബാക്കിന് ഒരു ലംബോർഗിനി പച്ച നിറം നൽകിയിരിക്കുന്നതെന്നാണ് കടയുടമ പറഞ്ഞിരിക്കുന്നത്. നിറം നൽകുന്നതിനൊപ്പം തന്നെ വാഹനം വ്യത്യസ്ത ട്യൂണിങ്ങും നടത്തിയിട്ടുണ്ട് എന്നാണ് കടയുടമ പറഞ്ഞിരിക്കുന്നത്.

ഇന്ത്യയിൽ യൂസ്‌ഡ് കാറുകൾക്കുള്ള ഡിമാന്റ് കുതിച്ചുയരുകയാണ്. അതിന്റെ പ്രധാന കാരണം പുതിയ കാറുകൾക്ക് മുടക്കേണ്ടി വരുന്ന ഉയർന്ന വിലയാണ്. ഓരോ വർഷവും മൂന്നും നാലും തവണയെല്ലാം വാഹനങ്ങൾക്ക് വില വർധിപ്പിക്കുന്നത് സ്ഥിരം കാഴ്ച്ചയായിട്ടുണ്ട്. എന്തായാലും സെക്കൻഡ് ഹാൻഡ് വിപണിക്ക് ഇതൊരു ഊർജം തന്നെയാണ്. പുതിയ കാറിന് മുടക്കുന്നതിന്റെ പകുതി വിലയോളം മതി അതേ വണ്ടിയുടെ സെക്കൻഡ് ഹാൻഡ് വാങ്ങാൻ എന്നതാണ് രസകരമായ കാര്യം. അധികം കിലോമീറ്ററുകൾ ഓടാത്തതും നല്ലപോലെ മെയിന്റനെൻസ് ചെയ്‌തതുമായി ധാരാളം മോഡലുകൾ സുലഭമായി നാട്ടിലുണ്ട് താനും.

വിജയിച്ച ഓരോ പുരുഷന്റെ പിന്നിലും ഒരു സ്ത്രീയുണ്ടാകും. ചിലര്‍ക്ക് അത് അമ്മയാകാം, ഭാര്യയാകാം, സഹോദരിയാകാം മകളുമാകാം. ഇന്ന് കേരളത്തിലെ അറിയപ്പെടുന്ന ബിസിനസുകാരനായ എകെ ഷാജിയും ഇത് അടിവരയിടും. മൊബൈല്‍ഫോണ്‍, ഇലക്‌ട്രോണിക് ഗാഡ്ജറ്റുകള്‍ എന്നിവയുടെ ദക്ഷിണേന്ത്യയിലെ ഏറ്റവും വലിയ റീട്ടെയില്‍ നെറ്റ്‌വര്‍ക്കുകളില്‍ ഒന്നായ മൈജിയുടെ ചെയര്‍മാനും മാനേജിംഗ് ഡയരക്ടറുമാണ് അദ്ദേഹം ഏതാനും ദിവസങ്ങള്‍ക്ക് മുമ്പ് കോഴിക്കോട് ജില്ലയിലെ താമരശ്ശേരിയില്‍ 'മൈജി ഹദീഖ' എന്ന ആഡംബര ഭവനത്തിന്റെ ഗൃഹപ്രവേശന ചടങ്ങിനോടൊപ്പം രണ്ട് ആഡംബര വാഹനങ്ങള്‍ ഡെലിവറിയെടുത്തിരുന്നു. വ്യക്തിപരമായ ഉപയോഗത്തിനുള്ള മെര്‍സിഡീസ് മെയ്ബാക്ക് GLS 600 അത്യാഡംബര എസ്‌യുവിയോടൊപ്പം മകന് ലാന്‍ഡ് റോവര്‍ ഡിഫെന്‍ഡറും സമ്മാനിച്ചു.

ചില സിനിമകൾക്ക് വേണ്ടി കാത്തിരിക്കുന്നത് ചിലപ്പോൾ അതിലെ നായകൻമാർക്ക് വേണ്ടിയായിരിക്കില്ല, സംവിധായകന് വേണ്ടിയായിരിക്കും. സംവിധാനം ലോകേഷ് എന്ന ഒറ്റ പേര് സ്ക്രീനിൽ തെളിയുമ്പോൾ തന്നെ ചാർജാകും. അങ്ങനെ ആരാധകർ കാത്തിരുന്ന ചിത്രമായിരുന്നു കൂലി. എല്ലാ ഭാഷയിലേയും നടൻമാർ ചിത്രത്തിലുണ്ട് എന്നതായിരുന്നു ഇതിൻ്റെ ഹൈലൈറ്റ്. അതിൽ തന്നെ മോളിവുഡിൽ നിന്ന് രണ്ട് പേരാണുളളത്. ഗ്യാങ്ങ് ലീഡറായി എത്തുന്നത് ജനപ്രിയ നടനായ സൗബിൻ ഷാഹിർ ആണ്. മറ്റൊരു റോളിൽ പഴയ വില്ലനും ഇപ്പോൾ കോമഡി റോളുകൾ കൈകാര്യം ചെയ്യുന്ന ബാബുരാജുമാണ്.

ഓഫ്-റോഡ് പ്രേമികൾക്കിടയിലും പൊലീസിനിടയിലും പ്രത്യേക ഫാൻബേസുള്ള എസ്‌യുവിയാണ് ഫോഴ്‌സ് ഗൂർഖ. രാജ്യത്തെ ലൈഫ്‌-സ്‌റ്റൈല്‍ എസ്‌യുവി സെഗ്‌മെന്റില്‍ ഏറെക്കാലമായി സാന്നിധ്യം ആണെങ്കിലും അര്‍ഹിച്ച അംഗീകാരം ലഭിക്കാത്ത മോഡലാണ് ഈ തട്ടുപൊളിപ്പൻ സ്പോർട് യൂട്ടിലിറ്റി വാഹനം എന്നുപറയാം. ഏത് കുന്നും മലയും താണ്ടാൻ കഴിവുള്ള ആശാൻ സാക്ഷാൽ മഹീന്ദ്ര ഥാറുമായാണ് മത്സരിക്കുന്നത്. സെഗ്‌മെന്റ് പുനര്‍നിര്‍വചിക്കാനാവശ്യമായ സാങ്കേതിക സവിശേഷതകള്‍ ഉള്‍പ്പെടുത്തി കൊണ്ടുള്ള ഗൂർഖ 5 ഡോർ പതിപ്പിലും 3 ഡോര്‍ പതിപ്പിലും വരെ ഇപ്പോൾ വാങ്ങാനാവും. അണ്ടർറേറ്റഡ് ആയിട്ട് വിപണിയിൽ തുടരുന്നതിനാൽ ആരും കാര്യമായി ശ്രദ്ധിക്കുന്നില്ലെന്ന് മാത്രം.

ഇന്ത്യയിലെ മുന്‍നിര ഇലക്ട്രിക് കാര്‍ നിര്‍മാതാക്കളാണ് ടാറ്റ മോട്ടോര്‍സ്. ആഭ്യന്തര വാഹന നിര്‍മാതാക്കള്‍ പുറത്തിറക്കുന്ന ഒരു ജനപ്രിയ മോഡലാണ് ടാറ്റ പഞ്ച് ഇവി. മൈക്രോ എസ്‌യുവിയായ പഞ്ചിന്റെ ഇലക്ട്രിക് പതിപ്പാണ് പഞ്ച് ഇവി. 2024 കലണ്ടര്‍ വര്‍ഷം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാര്‍ ആയി മാറാനുള്ള കാരണം പഞ്ച് ഇവിയുടെ വരവായിരുന്നു. ഇന്ത്യയില്‍ പ്രതിമാസം 10,000 യൂണിറ്റിലധികം വില്‍ക്കുന്ന കാറാണ് പഞ്ച്. ഇന്ത്യയില്‍ ഏറ്റവും കുറഞ്ഞ വിലയില്‍ ലഭ്യമാകുന്ന ഇലക്ട്രിക് എസ്‌യുവിയാണ് പഞ്ച് ഇവി. മൊത്തത്തില്‍ ഇപ്പോള്‍ പഞ്ചിന് ഇപ്പോള്‍ കുറച്ച് മോശം സമയമാണ്.

കോംപാക്‌ട് എസ്‌യുവി സെഗ്മെന്റിൽ മാരുതി ബ്രെസയോടും ടാറ്റ നെക്സോണിനോടും ഏറ്റുമുട്ടാൻ മഹീന്ദ്ര ആൻഡ് മഹീന്ദ്ര (Mahindra) പുറത്തിറക്കിയ മോഡലായിരുന്നു XUV300. സേഫ്റ്റിയിലും പെർഫോമൻസിലും മിടുക്കനായിരുന്നുവെങ്കിലും അധികം ആളുകളൊന്നും തേടിയെത്തിയിരുന്നില്ല. എല്ലാംതികഞ്ഞവനായിട്ടും ആരും വാങ്ങാനെത്താതിരുന്നത് മഹീന്ദ്രയ്ക്ക് തിരിച്ചടിയായിരുന്നു. എന്നാൽ തളരാതിരുന്ന കമ്പനി മുഖംമിനുക്കി പുതിയ പേരുമിട്ട് എസ്‌യുവിയെ പുതുക്കിപണിതിറക്കി. XUV 3XO എത്തിയതോടെ കാര്യങ്ങളെല്ലാം മാറിമറിഞ്ഞുവെന്ന് വേണം പറയാൻ. ചൂടപ്പം പോലെ വിറ്റഴിഞ്ഞ മോഡൽ പലമാസങ്ങളും പതിനായിരക്കണക്കിന് യൂണിറ്റുകളാണ് വിറ്റുകൊണ്ടിരുന്നത്. ഇപ്പോഴും മാന്യമായ രീതിയിൽ വിറ്റഴിയുന്നുമുണ്ടെന്നത് ബ്രാൻഡിന് മൈലേജാണ്.

അലാസ്കയിൽ നടന്ന ട്രംപ്-പുടിൻ ഉച്ചകോടി ഉക്രെയ്ൻ സംഘർഷത്തിൽ ശ്രദ്ധ കേന്ദ്രീകരിച്ചു, നേതാക്കൾ പരിഹരിക്കപ്പെടാത്ത പ്രശ്നങ്ങളും ഭാവി സഹകരണവും ചർച്ച ചെയ്തു.

ബംഗ്ലൂരു ആസ്ഥാനമായി പ്രവർത്തനം ആരംഭിച്ച ഇലക്ട്രിക് സ്കൂട്ടർ നിർമാതാക്കളായ ഏഥർ തങ്ങളുടെ ഉപഭോക്താക്കൾക്ക് വേണ്ടി ഒരു കിടിലൻ സംവിധാനം അവതരിപ്പിച്ചിരിക്കുകയാണ്. ബ്രാൻഡിൻ്റെ ഏറ്റവും വിൽപ്പനയുളള മോഡലായ റിസ്തയ്ക്ക് ബാറ്ററി സബ്‌സ്ക്രിപ്ഷൻ സംവിധാനം നൽകിയിരിക്കുകയാണ്. വാഹനം വാങ്ങുമ്പോൾ ബാറ്ററിയുടെ വില മുൻകൂട്ടി അടയ്ക്കുന്നതിനുപകരമായി, റിസ്തയുടേയും 450 സീരീസിന്റെയും ഉടമകൾക്ക് അതിന്റെ ഉപയോഗത്തിന് പ്രതിമാസമോ അല്ലെങ്കിൽ ഓരോ കിലോമീറ്ററിനുമായി തുക അടയ്ക്കാൻ സാധിക്കുന്നതാണ്. കിലോമീറ്ററിന് 1 രൂപ മുതലാണ് ആരംഭിക്കുന്നത്. നാല് വർഷത്തെ BaaS പാക്കേജിൽ പ്രതിമാസം കുറഞ്ഞത് 1,000 കിലോമീറ്റർ ഓടുന്ന ഒരു റൈഡർ ബാറ്ററി ഉപയോഗത്തിന് കിലോമീറ്ററിന് ഏകദേശം ഒരു രൂപയാണ് നൽകേണ്ടിവരിക.

ഇലക്ട്രിക് കാറുകളിലൂടെ പണംവാരുകയാണ് നമ്മുടെ സ്വന്തം എംജി മോട്ടോർ. ZS ഇവിയിലൂടെ തുടക്കമിട്ട കമ്പനി പിന്നീട് കോമെറ്റും വിൻഡ്‌സറും പുറത്തിറക്കിയാണ് ബ്രാൻഡ് വൈദ്യുത വാഹന വിപണിയുടെ നിറുകയിലേക്ക് എത്തുന്നത്. സാക്ഷാൽ ടാറ്റ മോട്ടോർസിനെ വരെ പിന്തള്ളി പലമാസങ്ങളിലും നമ്പർ വൺ ആയിട്ടുമുണ്ട്. ഹെക്‌ടർ, ഗ്ലോസ്റ്റർ, ആസ്റ്റർ തുടങ്ങിയ ICE എഞ്ചിൻ വാഹനങ്ങളിലൂടെയാണ് ബ്രാൻഡ് രാജ്യത്ത് എത്തിയതെങ്കിലും രാശി തെളിഞ്ഞത് ഇവികളിലൂടെയായിരുന്നുവെന്ന് വേണം പറയാൻ. എങ്കിലും പെട്രോൾ, ഡീസൽ കാറുകളിൽ നിന്നും പ്രതീക്ഷ കൈവിടാനും കമ്പനി തയാറായിട്ടില്ല. ഈ മോഡലുകളെ കൂടുതൽ ആളുകളിലേക്ക് എത്തിക്കാനായി കമ്പനി ഇപ്പോഴിതാ ഗംഭീര ഓഫറുകൾ അവതരിപ്പിച്ചിരിക്കുകയാണ് എംജി.

ഫാസ്ടാഗ് ഉപയോഗിക്കുന്നവര്‍ക്ക് ഇന്ന് മുതല്‍ വാര്‍ഷിക പാസിനായി (FASTag annual pass) അപേക്ഷിക്കാം. 3000 രൂപ അടച്ച് ഈ പാസ് സ്വന്തമാക്കിയാല്‍ 200 യാത്രകള്‍ നടത്താന്‍ സാധിക്കും. ഓരോ ടോള്‍ പ്ലാസയിലും പ്രത്യേകമായി പണം ഈടാക്കുന്നതിനു പകരമാണ് വാര്‍ഷിക പാസ് നടപ്പാക്കുന്നത്. വാഹനത്തില്‍ നിലവിലുള്ള ഫാസ്ടാഗിലേക്ക തന്നെയാണ് വാര്‍ഷിക പാസും ലോഡ് ചെയ്യുന്നത്. വാഹനത്തിന്റെ രജിസ്‌ട്രേഷന്‍ നമ്പറുമായി ക്യത്യമായി ബന്ധിപ്പിച്ച് ഫാസാഗുകളില്‍ മാത്രമേ വാര്‍ഷിക പാസ് നല്‍കൂ. കാര്‍, ജീപ്പ്, വാന്‍ തുടങ്ങിയ വാണിജ്യേതര വാഹനങ്ങള്‍ക്ക് മാത്രമാണിത്. ഫാസ്ടാഗ് വാര്‍ഷിക പാസ് എങ്ങനെ നേടാമെന്നും എവിടെയെല്ലാം ഉപയോഗിക്കാമെന്നും വിശദമായി അറിയാം.

ഓഗസ്റ്റ് 15-ന് മഹീന്ദ്രയുടെ വക ഒരു സർപ്രൈസിന് വേണ്ടി വാഹനലോകം മുഴുവൻ കാത്തിരിക്കുകയാണ്. എന്തായാലും കാത്തിരിപ്പ് വെറുതെയായില്ല എന്ന് തന്നെ പറയാം. ഞെട്ടിക്കുന്ന 4 കൺസപ്റ്റ് മോഡലുകളാണ് മഹീന്ദ്ര സമ്മാനിച്ചിരിക്കുന്നത്. ഥാർ ഇ പ്രോട്ടോടൈപ്പിൽ നിന്ന് പ്രചോദനം ഉൾക്കൊണ്ട ഒരു കരുത്തുറ്റ പിക്കപ്പ് ട്രക്ക് വിഷൻ എസ്‌എക്‌സ്‌ടി കൺസെപ്റ്റ് ആണ് ബ്രാൻഡ് ആദ്യമായി അവതരിപ്പിച്ചത്.ഇപ്പോൾ കാണിക്കുന്ന ഡിസൈനിൽ ആയിരിക്കില്ല നിർമാണം ആരംഭിക്കുമ്പോൾ എങ്കിലും കമ്പനിയുടെ nu.iq പ്ലാറ്റ്‌ഫോമോട് കൂടി വരുന്ന ഇലക്ട്രിക്, ഹൈബ്രിഡ് അല്ലെങ്കിൽ ഐസിഇ പവറാകാനാണ് സാധ്യത.

രാജ്യം ഇന്ന് സ്വതന്ത്ര്യ ദിനം ആഘോഷിക്കുകയാണ്. ഇറക്കുമതി കിറ്റുകളില്‍ നിന്ന് ലൈസന്‍സ് രാജ് നിയന്ത്രണങ്ങളിലൂടെ കടന്നുവന്ന് ഫീച്ചര്‍ സമ്പന്നമായ എസ്‌യുവികളിലേക്കും ഇലക്ട്രിക് വാഹനങ്ങളിലേക്കുമായി വളര്‍ന്ന ഇന്ത്യന്‍ ഓട്ടോമൊബൈല്‍ ഇന്‍ഡസ്ട്രിയുടെ അത്ഭുതകരമായ യാത്ര ഈ സമയം നാം വിസ്മരിക്കേണ്ടിയിരിക്കുന്നു. ഈ പ്രയാണത്തില്‍ ചില കാറുകള്‍ വെറും വില്‍പ്പന സംഖ്യകളില്‍ മാത്രം ഒതുങ്ങിനില്‍ക്കാതെ രാജ്യത്തിന്റെ ഡ്രൈവിംഗ് രീതികളെയും സ്വപ്നങ്ങളെയും അഭിലാഷങ്ങളെയും പുനര്‍നിര്‍വചിച്ചു. ഇന്ന് എന്തിനും ഏതിനും നാം ചാറ്റ്ജിപിടിയിലാണെല്ലോ തിരയാറ്. ചാറ്റ്ജിപിടി പറയുന്നത് അനുസരിച്ച് ഇന്ത്യന്‍ വാഹന രംഗത്ത് മാറ്റങ്ങള്‍ കൊണ്ടുവന്ന 10 ഐക്കണിക് കാറുകളെക്കുറിച്ചാണ് ഈ ലേഖനത്തില്‍ നമ്മള്‍ പറയാന്‍ പോകുന്നത്.

sഇന്ത്യയുടെ 79-ാം സ്വാതന്ത്ര്യദിനം (Independence Day 2025) ആഘോഷിക്കുകയാണ് നമ്മുടെ രാജ്യം ഇന്ന്. ത്രിവർണ്ണ പതാക ഉയർത്തിയും, ദേശഭക്തി ഗാനങ്ങൾ ആലപിച്ചും, രക്തസാക്ഷികളെ അനുസ്മരിച്ചും നാം ഈയൊരു പ്രത്യേക ദിനം പതിവായി ആഘോഷിക്കാറുള്ളതാണ്. 1947-ൽ ബ്രിട്ടീഷുകാരിൽ നിന്ന് ഇന്ത്യ സ്വാതന്ത്ര്യം നേടിയതിന്റെ ഓർമയ്ക്കായാണ് എല്ലാ വർഷവും സ്വാതന്ത്ര്യദിനം രാജ്യമെമ്പാടും ആഘോഷിക്കുന്നത്. എത്രയോ ധീരന്മാരായ മുൻഗാമികളുടെ ആത്മസമർപ്പണത്തിന്റെയും പോരാട്ട വീര്യത്തിന്റെയും ഫലമായാണ് രാജ്യം സ്വാതന്ത്ര്യം നേടിയതെന്ന് പറയേണ്ടതില്ലല്ലോ. സ്വാതന്ത്ര്യദിന ആഘോഷങ്ങളുടെ ഭാഗമായി പലരും തങ്ങളുടെ വാഹനങ്ങളിൽ ദേശീയ പതാക വയ്ക്കാറുണ്ട്.

ഒരു വാഹനം തിരികെ വിളിക്കുന്നത് ഒരിക്കലും കമ്പനിയുടെ പിഴവായി കണക്കാക്കരുത്. വാഹനങ്ങൾക്ക് എന്തെങ്കിലും തരത്തിലുള്ള പ്രശ്നങ്ങൾ വന്നാൽ കമ്പനി ഉപഭോക്താക്കളുടെ സുരക്ഷയ്ക്ക് കൂടി പ്രാധാന്യം നൽകുന്നത് കൊണ്ടാണ് എത്രയും പെട്ടെന്ന് വാഹനങ്ങൾ തിരികെ വിളിക്കുന്നത്. അത്തരത്തിൽ ഇപ്പോൾ 1.21 ലക്ഷം കാറുകളാണ് ജാഗ്വർ ലാൻഡ് റോവർ തിരികെ വിളിച്ചിരിക്കുന്നത്. ഇത്രയും കാറുകൾ തിരികെ വിളിക്കണമെങ്കിൽ എന്തെങ്കിലും ഗുരുതരമായ വിഷയമായിരിക്കും എന്ന് എല്ലാവർക്കും ബോധ്യമായി കാണുമല്ലോ. എന്തിനായിരിക്കും ഇത്രയും കാറുകൾ തിരികെ വിളിച്ചിരിക്കുന്നതെന്ന് അറിയാൻ തുടർന്ന് വായിക്കാൻ മറക്കരുതേ. അതോടൊപ്പം തന്നെ നിങ്ങളുടെ വാഹനം ഇതിൽ ഉൾപ്പെട്ടിട്ടുണ്ടോ എന്നുള്ള ആശങ്കയും തീർക്കാം.