ഇന്ത്യയിലെ ഇലക്‌ട്രിക് കാർ വിപണിയെ ഹരം കൊള്ളിക്കാനായി രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി വരുമെന്ന വാർത്ത കുറച്ചുനാളായി ഏവരും കേൾക്കുന്നുണ്ട്. ഇക്കഴിഞ്ഞ ഓട്ടോ എക്സ്പോയിൽ ഇ വിറ്റാരയെ പരിചയപ്പെടുത്തി ഹൈപ്പുയർത്താനും ബ്രാൻഡിനായിരുന്നു. മാരുതി ഇലക്ട്രിക് കാർ പുറത്തിറക്കിയാൽ വാങ്ങാമെന്ന് കരുതിയിരിക്കുന്ന കുറെയാളുകൾ നമുക്കിടയിലുണ്ട്. അവരെല്ലാം ഇവിക്കായി ഇപ്പോഴും കാത്തിരിക്കുകയാണ്. എന്നാൽ മറനീക്കി മാരുതിയുടെ ആദ്യത്തെ ഇലക്ട്രിക് എസ്‌യുവി 2025 സെപ്റ്റംബർ മൂന്നിന് ഇന്ത്യൻ വിപണിയിൽ എത്തുമെന്നാണ് ഓട്ടോഹിന്ദുസ്ഥാൻ റിപ്പോർട്ട് ചെയ്‌തിരിക്കുന്നത്. അവതരണത്തിന് മുന്നോടിയായി ഇ വിറ്റാരയെ കുറിച്ചുള്ള കൂടുതൽ വിവരങ്ങളും കമ്പനി ഇക്കഴിഞ്ഞ ദിവസം വെളിപ്പെടുത്തിയിരുന്നു

ഇലക്ട്രിക് കാർ വിപണിയിൽ വിസ്‌മയം തീർത്ത് മുന്നേറുകയാണ് എംജി മോട്ടോർസ്. ZS ഇവിയിലൂടെയാണ് തുടക്കമിട്ടതെങ്കിലും കോമെറ്റും വിൻഡ്‌സറും എത്തിയതോടെയാണ് ബ്രാൻഡിന്റെ രാശി തെളിഞ്ഞത്. അതുവരെ ടാറ്റയുടെ വൈദ്യുത വാഹനങ്ങൾ മാത്രം കണ്ടുപരിചയിച്ച മിഡിൽ ക്ലാസുകാർക്ക് എംജിയുടെ ഇവികൾ ശരിക്കും ഒരു മാന്ത്രിക സ്പർശമാണ് സമ്മാനിച്ചത്. നല്ല സർവീസ്, പ്രീമിയം ഫീച്ചറുകൾ, കിടിലൻ ബിൽഡ് ക്വാളിറ്റി എന്നിവയെല്ലാം സമന്വയിപ്പിച്ച് അവതരിപ്പിച്ചിരിക്കുന്ന വണ്ടികളെ ഇന്ത്യക്കാർ വല്ലാണ്ട് സ്നേഹിച്ച് തുടങ്ങിയിട്ടുണ്ട്. ക്ഷീണമൊന്നുമില്ലാതെ ഏത് ദീർഘദൂര യാത്രകൾക്കും പറ്റുന്നൊരു പുത്തൻ വാഹനവുമായാണ് എംജി അടുത്തതായി വരുന്നത്.

2023 ജൂലൈയിലെ നിഫ്റ്റി ബാങ്കിന്റെ പ്രകടനവും വിപണി പ്രവണതകളും പര്യവേക്ഷണം ചെയ്യുക. പ്രധാന ഉൾക്കാഴ്ചകൾ, പ്രതിരോധ നിലകൾ, വ്യാപാര തന്ത്രങ്ങൾ എന്നിവ ചർച്ച ചെയ്തു.

ഒരു വാഹനം വാങ്ങുമ്പോൾ സേഫ്റ്റി ഫീച്ചറുകൾക്കാണ് എല്ലാവരും മുൻഗണന നൽകുന്നത്. അത് കൊണ്ട് തന്നെ ഇപ്പോൾ എല്ലാ വാഹന നിർമാതാക്കളും തങ്ങളുടെ മോഡലുകളുടെ സുരക്ഷ വർധിപ്പിക്കുകയാണ്. നിരവധി ബ്രാൻഡുകൾ സ്റ്റാൻഡേർഡായി 6 എയർബാഗുകൾ നൽകുന്നുണ്ട്. വിപണിയിൽ ഇത്തരത്തിൽ നിരവധി കാറുകളുണ്ടെങ്കിലും ഏറ്റവും മികച്ച കാറുകളുടെ ലിസ്റ്റ് നിങ്ങളുമായി പങ്കുവയ്ക്കാൻ പോകുന്നത്. സേഫ്റ്റിയുടെ പേരിൽ നിറയെ ആക്ഷേപങ്ങളും കളിയാക്കലുകളും കേൾക്കേണ്ടി വന്ന ബ്രാൻഡാണ് മാരുതി സുസുക്കി. എന്നാൽ ഇപ്പോൾ എല്ലാവരുടേയും വായ് അടപ്പിച്ചു കൊണ്ട് മാരുതി തങ്ങളുടെ ചില മോഡലുകൾക്ക് ആറ് എയർബാഗുകൾ നൽകുന്നുണ്ട്.

ഇലക്ട്രിക് വാഹനങ്ങളാണ് ഇപ്പോൾ വിലസി നടക്കുന്നത്, എന്നാൽ ഇവി വിപണി ക്ലച്ച് പിടിച്ചത് കൂടുതലും ഇരുചക്രവാഹനങ്ങളിലൂടെയാണ് എന്നത് തർക്കമില്ലാത്ത കാര്യം തന്നെയാണ്. 2013-ലാണ് ഏഥർ തങ്ങളുടെ ഇവി സ്കൂട്ടർ അവതരിപ്പിക്കുന്നതി, പിന്നീടിങ്ങോട്ട് നിരവധി ബ്രാൻഡുകൾ ഇവിയിലേക്ക് തിരിയുകയും തങ്ങളുടെ കരുത്ത് കാണിക്കുകയും ചെയ്തിട്ടുളളതാണ്. എന്നാൽ ഹീറോയുടെ ഇവി സ്കൂട്ടറുകളോട് പ്രത്യേക ഒരു താൽപ്പര്യമുണ്ട് ഉപഭോക്താക്കൾക്ക് അതിൻ്റെ തെളിവ് വിൽപ്പനയിലും കാണാനുണ്ട്. ഹീറോ പുതിയതായി അവതരിപ്പിച്ചിരിക്കുന്ന ഹീറോ വിഡ Vx2 സ്കൂട്ടറാണ് നമ്മുടെ വിഷയം. നിങ്ങളൊരു ഇവി സ്കൂട്ടർ വാങ്ങാൻ ഉദ്ദേശിക്കുന്നുണ്ടെങ്കിൽ എന്തുകൊണ്ട് ഹീറോ വിഡ പരിഗണിക്കണം എന്ന വിശദമായി തന്നെ പറഞ്ഞു തരാം.

ടാറ്റയുടെ ഉടമസ്ഥതയിലുള്ള ബ്രിട്ടീഷ് ആഡംബര വാഹന നിര്‍മാതാക്കളായ ജാഗ്വാര്‍ ലാന്‍ഡ്‌റോവര്‍ (ജെഎല്‍ആര്‍) ഏറ്റവും പുതിയ റേഞ്ച് റോവര്‍ വെലാര്‍ ഓട്ടോബയോഗ്രഫി ഇന്ത്യന്‍ വിപണിയില്‍ അവതരിപ്പിച്ചു. റേഞ്ച് റോവര്‍ വെലാര്‍ ഓട്ടോബയോഗ്രഫി വേരിയന്റ് 89.90 ലക്ഷം രൂപ എക്‌സ്‌ഷോറൂം വിലയിലാണ് പുറത്തിറങ്ങിയിരിക്കുന്നത്. പെട്രോള്‍, ഡീസല്‍ എഞ്ചിന്‍ ഓപ്ഷനുകളില്‍ ഈ വാഹനം വാങ്ങാനാകും. പെട്രോള്‍ എഞ്ചിന്‍ ഓപ്ഷനില്‍ മാത്രം വാങ്ങാനാകുന്ന ഡൈനാമിക് വേരിയന്റിനെക്കാള്‍ 5 ലക്ഷം രൂപ കൂടുതലാണ് ഇതിന്. അധിക പവര്‍ട്രെയിന്‍ ഓപ്ഷനിനൊപ്പം പുതിയ റേഞ്ച് റോവര്‍ വെലാര്‍ ഓട്ടോബയോഗ്രഫിയില്‍ പുതുതായി എന്തൊക്കെയാണ് കമ്പനി ഒരുക്കിയിരിക്കുന്നതെന്ന് നമുക്ക് നോക്കാം.

ഇന്ത്യക്കാരുടെ പ്രിയപ്പെട്ട കാര്‍ ബ്രാന്‍ഡുകളില്‍ ഒന്നാണ് ടാറ്റ മോട്ടോര്‍സ്. കഴിഞ്ഞ ആറ് മാസത്തിനിടയില്‍ ഏറ്റവും കുറഞ്ഞ വില്‍പ്പന രേഖപ്പെടുത്തിയത് 2025 ജൂണ്‍ മാസത്തിലാണ്. പ്രതിമാസ വില്‍പ്പന 40,000 യൂണിറ്റില്‍ താഴെയായതും ഇതാദ്യമാണ്. ഒരുകാലത്ത് തങ്ങളുടെ പിന്നിലായിരുന്ന മഹീന്ദ്ര വരെ ഇപ്പോള്‍ മാരുതിക്ക് പിന്നില്‍ രണ്ടാം സ്ഥാനത്തെത്തി. എങ്കിലും നെക്‌സോണ്‍, പഞ്ച് എന്നീ എസ്യുവികളുടെ മികച്ച പ്രകടനം കമ്പനിക്ക് നേട്ടമായി. മൊത്തം ആഭ്യന്തര വില്‍പ്പനയുടെ ഏകദേശം 60% ഈ രണ്ട് മോഡലുകളാണ് നേടിയത്. അതായത് കമ്പനിയുടെ ഏറ്റവും ചെറിയ എസ്‌യുവികളാണ് വില്‍പ്പനക്ക് ഏറ്റവും ഉയര്‍ന്ന സംഭാവന ചെയ്തത്.

ബോർഡർ എന്ന ചിത്രം അക്കാലത്തെ ഏറെ പ്രിയപ്പെട്ടതും ഹിറ്റുമായിരുന്നു ചിത്രമായിരുന്നു. പടത്തിലെ നായകനായിരുന്നത് സണ്ണി ഡിയോളായിരുന്നു. അദ്ദേഹത്തിൻ്റെ എല്ലാ ചിത്രങ്ങളും ഹിറ്റ് ആയിരുന്നു.അഭിനയത്തോടൊപ്പം തന്നെ രാഷ്ട്രീയത്തിലും അദ്ദേഹം തൻ്റെ സാന്നിധ്യം അറിയിച്ചിരുന്നു. ഒരു സിനിമ കഴിഞ്ഞാൽ അദ്ദേഹം ഒരു യാത്ര പോകുന്നതാണ് ശീലം. യാത്രകളെ ഇഷ്ടപ്പെടുന്ന അദ്ദേഹം ഒരു വലിയ വാഹനപ്രേമി കൂടിയാണ്. ബോർഡർ 2 എന്ന ചിത്രത്തിൻ്റെ ഷൂട്ടിങ്ങ് അവസാനിച്ചതിന് ശേഷം അദ്ദേഹം ഒരു യാത്ര പോയിരിക്കുന്നതിൻ്റെ ചിത്രങ്ങൾ സോഷ്യൽ മീഡിയയിൽ പങ്കുവച്ചിരിക്കുകയാണ്. താരം എങ്ങോട്ടാണ് പോയതെന്ന് അറിയാൻ തുടർന്ന് വായിക്കാൻ മറക്കരുതേ.

മാരുതി വാഗൺആറും മാരുതി സ്വിഫ്റ്റും പോലുള്ള കിടിലൻ കാറുകൾ അരങ്ങുവാണിരുന്ന വില നിലവാരത്തിലേക്ക് ജനപ്രിയരായ ടാറ്റ മോട്ടോർസ് അവതരിപ്പിച്ച എസ്‌യുവിയായിരുന്നു പഞ്ച്. ഹാച്ച്ബാക്ക് വാങ്ങുന്ന വിലയ്ക്ക് എസ്‌യുവി വാങ്ങിപ്പിക്കാൻ ഇന്ത്യക്കാരെ പഠിപ്പിച്ച മോഡലായി ഈ കുട്ടിത്താരം പ്രശസ്‌തിയാർജിച്ചത് വളരെ വേഗത്തിലായിരുന്നു. മാരുതി കാറുകളെ വരെ താഴെയിറക്കി ഇന്ത്യയിൽ ഏറ്റവും കൂടുതൽ ആളുകൾ വാങ്ങുന്ന കാർ എന്ന ബഹുമതിയും പല മാസങ്ങളിൽ പഞ്ച് സ്വന്തമാക്കിയിരുന്നു. ഏറ്റവും കുറഞ്ഞ വിലയിൽ കിട്ടുന്ന ഏറ്റവും സേഫ്റ്റി കൂടിയ വാഹനം എന്ന നിലയിലും മാർക്കറ്റ് ചെയ്‌തതോടെ എസ്‌യുവിയുടെ കച്ചോടം കുതിച്ചുയർന്നു.

നിലവില്‍ ആഭ്യന്തര വിപണിയിലെ വലിയൊരു വിഭാഗം ഉപഭോക്താക്കള്‍ക്കിടയില്‍ സ്‌കൂട്ടറുകള്‍ക്ക് ഉയര്‍ന്ന ഡിമാന്‍ഡാണ്. അതേസമയം, അവശ്യവസ്തുക്കള്‍ കൊണ്ടുപോകുന്നതിന് സൗകര്യമുളളതിനാല്‍ ദെനംദിന യാത്രയ്ക്ക് സ്‌കൂട്ടറുകള്‍ ഒരു മികച്ച ഓപ്ഷനായി മാറുകയാണ്. സ്‌കൂട്ടറുകള്‍ ഓടിക്കാന്‍ വളരെ എളുപ്പമാണ്. സ്‌കൂട്ടറുകളുടെ ഗണത്തില്‍ പെടുത്താമെങ്കിലും ബൈക്കിന്റെ പവറുള്ള സ്‌പോര്‍ട്‌സ് സ്‌കൂട്ടറുകളും ഇന്ന് ലഭ്യമാണ്. അത്തരത്തില്‍ ചില സ്‌കൂട്ടറുകള്‍ പുറത്തിറക്കുന്ന കമ്പനിയാണ് അപ്രീലിയ. ബ്രാന്‍ഡ് ഇന്ത്യയില്‍ എത്തിക്കുന്ന ഏറ്റവും പവര്‍ഫുളായ എയര്‍ കൂള്‍ഡ് സ്‌കൂട്ടറായ അപ്രീലിയ SR 175 എന്ന മോഡലിന് പിന്നാലെ അതന്റെ കുഞ്ഞിനിയനും വിപണിയില്‍ എത്തി.

പുതിയ വ്യത്യസ്‌ത മോഡലുകളാൽ സമ്പന്നമാവുകയാണ് ഇന്ത്യയിലെ ഇലക്‌ട്രിക് ഇരുചക്ര വാഹന വിപണി. നേരത്തെ സ്‌കൂട്ടറുകളായിരുന്നു ഈ നിര കീഴടക്കിയിരുന്നതെങ്കിൽ മോട്ടോർസൈക്കിളുകളും പതിയെ വിപണിയിൽ ശ്രദ്ധനേടിത്തുടങ്ങിയിട്ടുണ്ട്. റിവോൾട്ട്, ടോർക്ക്, അൾട്രാവയലറ്റ്, ഒബെൻ തുടങ്ങിയ ബ്രാൻഡുകളെല്ലാം കളത്തിലറങ്ങിയിട്ടുണ്ട്. എന്നാൽ ഇവർക്കെല്ലാം മുമ്പേ തന്നെ ക്രൂയിസർ ഇലക്ട്രിക് ബൈക്ക് പുറത്തിറക്കിയവരാണ് കൊമാകി (Komaki). കാഴ്ച്ചയിൽ അത്ര ആഡംബരമോ സൌന്ദര്യമോ ഒന്നുമില്ലെങ്കിലും പ്രായോഗികതയിൽ റേഞ്ചർ ഇവി പുലിയാണെന്ന് വേണം പറയാൻ. ഡൽഹി ആസ്ഥാനമായി പ്രവർത്തിക്കുന്ന സ്റ്റാർട്ടപ്പായ കൊമാകിയുടെ ഇപ്പോഴത്തെ വജ്രായുധം കൂടിയാണ് റേഞ്ചർ.

മുറ്റത്തൊരു ജർമൻ കാർ ഉണ്ടെങ്കിൽ അതിൻ്റെ അഴകൊന്ന് വേറെ തന്നെയാണേ. ഒരു ബിഎംഡബ്ല്യു സ്വന്തമാക്കുക എന്നത് ഏതൊരാളുടേയും സ്വപ്നമാണ്. പക്ഷേ താങ്ങാൻ കഴിയാത്ത വില കാരണം ഇത് പലരുടേയും മനസിൽ ഇന്നും ഒരു സ്വപ്നം തന്നെയാണ്. പക്ഷേ ഇപ്പോഴിതാ കമ്പനി 48 ലക്ഷം രൂപ എക്സ്ഷോറൂം വിലയിൽ ഒരു കിടിലൻ 2 സീരിസ് ഗ്രാൻ കൂപ്പെ മോഡൽ അവതരിപ്പിച്ചിരിക്കുകയാണ്. ചെന്നൈയിലെ ബിഎംഡബ്ല്യു ഗ്രൂപ്പ് പ്ലാന്റിൽ തദ്ദേശീയമായി നിർമ്മിക്കുന്ന രണ്ടാം തലമുറ ബിഎംഡബ്ല്യു 2 സീരീസ് ഗ്രാൻ കൂപ്പെ, പെട്രോൾ പവർട്രെയിനിൽ മാത്രമാണ് ലഭ്യമാകുക. എല്ലാ ബിഎംഡബ്ല്യു ഇന്ത്യ ഡീലർഷിപ്പുകളിലും കാർ ബുക്ക് ചെയ്യുകയും ചെയ്യാം.

ജനങ്ങളുടെ പൾസ് കൃത്യമായി മനസിലാക്കി പ്രവർത്തിക്കാൻ അറിയാവുന്നവരാണ് മാരുതി സുസുക്കി. സേഫ്റ്റിയില്ലെന്ന് പറഞ്ഞ് മാറ്റിനിർത്തിവരെക്കൊണ്ട് പോലും കൈയടിപ്പിച്ച് അടുത്തിടെ തങ്ങളുടെ കാറുകളും പപ്പടമല്ലെന്ന് തെളിയിക്കാൻ രാജ്യത്തെ ഏറ്റവും വലിയ വാഹന നിർമാതാക്കൾക്ക് സാധിച്ചിരുന്നു. ഭാരത് NCAP ക്രാഷ് ടെസ്റ്റിൽ പുത്തൻ ഡിയസർ 5-സ്റ്റാർ റേറ്റിംഗ് സ്വന്തമാക്കിയതിന് പിന്നാലെ ഗ്രാൻഡ് വിറ്റാരയും ഫുൾമാർക്ക് നേടി പാസായിരുന്നു. ഇതോടൊപ്പം തന്നെ ഇടിപ്പരീക്ഷയിൽ 4-സ്റ്റാർ നേടി ബലേനോയും ബലം തെളിയിച്ചിരുന്നു. അടുത്തിടെ ആൾട്ടോ ഉൾപ്പടെയുള്ള ചെറുകാറുകളിൽ വരെ 6 എയർബാഗുകൾ സ്റ്റാൻഡേർഡായി ചേർത്ത് വിപ്ലവം സൃഷിടിക്കാനും കമ്പനിക്കായിരുന്നു.

കാത്തുകാത്തിരുന്ന് ഒടുവില്‍ അമേരിക്കന്‍ ഇലക്ട്രിക് വാഹന ഭീമന്‍മാരായ ടെസ്‌ല ഇന്ത്യയില്‍ അരങ്ങേറ്റം കുറിച്ചിരിക്കുകയാണ്. ഇറക്കുമതി തീരുവയില്‍ ഇളവ് നല്‍കാനായി കേന്ദ്ര സര്‍ക്കാറുമായി വര്‍ഷങ്ങളോളം വിലപേശിയിട്ടും അനുകൂല തീരുമാനമൊന്നും ഉണ്ടായില്ലെങ്കിലും ചൊവ്വാഴ്ച (15 ജൂലൈ 2025) ടെസ്‌ലയുടെ ഇന്ത്യയിലെ ആദ്യത്തെ ഷോറൂമിന് ഷട്ടര്‍ ഉയര്‍ന്നു. ടെസ്‌ലയുടെ ഇന്ത്യന്‍ എന്‍ട്രി എതിരാളികള്‍ പോലും ഉറ്റുനോക്കിയിരുന്നു. നിലവില്‍ ലോകത്ത് ഏറ്റവും കുടുതല്‍ ഇലക്ട്രിക് വാഹനങ്ങള്‍ വില്‍ക്കുന്ന കമ്പനികളില്‍ ഒന്നായ ടെസ്‌ലക്ക് ബിവൈഡി അടക്കമുള്ള എതിരാളികളില്‍ നിന്ന് കടുത്ത വെല്ലുവിളിയാണ് നേരിടുന്നത്.

ടൊയോട്ട ഇന്നോവ ഹൈക്രോസിനെ എങ്ങനേയും താഴെ ഇറക്കുക എന്നതാണ് എതിരാളികളുടെ ലക്ഷ്യം. പലകുറി പലരും ശ്രമിച്ചിട്ടും നടക്കാതെ പോയ ഈ സ്വപ്നം എങ്ങനേയും സാധ്യമാക്കാൻ ഇറങ്ങിതിരിച്ചിരിക്കുകയാണ് ബിവൈഡിയും കൊറിയൻ ബ്രാൻഡായ കിയയും. അതും ഇലക്ട്രിക് മോഡലുകൾ വച്ച് ഇന്നോവ ഹൈക്രോസ് പോലെയൊരു വമ്പനോട് മുട്ടണമെങ്കിൽ ചെറിയ ചങ്കൂറ്റം ഒന്നും പോര. അത് കൊണ്ട് തന്നെ ബിവൈഡി emax7 എന്ന മോഡലും കിയ തങ്ങളുടെ ഏറ്റവും പുതുതായി അവതരിപ്പിച്ച ഇവി മോഡലായ കിയ കാരൻസ് ക്ലാവിസ് ഇവിയുമായി ഒരു താരതമ്യം ചെയ്തു നോക്കിയാലോ.

കമ്മ്യൂട്ടർ മോട്ടോർസൈക്കിളുകൾ മുതൽ സ്പോർട് ബൈക്കുകൾ വരെ നിർമിക്കുന്നതിൽ തങ്ങളുടെ കഴിവ് തെളിയിച്ചവരാണ് ടിവിഎസ് (TVS). എന്തിന് ഏറെ പറയുന്നു ടിവിഎസിന്റെ ഗിയർലെസ് സ്‌കൂട്ടറുകൾ വരെ ചൂടപ്പം പോലെയാണ് ഇന്ത്യയിൽ വിറ്റഴിയുന്നത്. ബജാജ് പൾസറുകൾ അരങ്ങുവാണിരുന്ന കാലത്താണ് അപ്പാച്ചെ (Apache) എന്നൊരു ഇടിവെട്ട് സ്പോർട്‌സ് ബൈക്കിന് ബ്രാൻഡ് രൂപം കൊടുക്കുന്നത്. അന്നു മുതൽ ഇന്നുവരെ ഈയൊരു പേര് യൂത്തൻമാർക്കിടയിൽ വളരെ ഫേമസാണ്. കാലത്തിനൊത്ത് മാറാനും പുതിയ മോഡലുകളെ കൊണ്ടുവരാനും കാണിക്കുന്ന ധീരതയാണ് ഇത്രയും വലിയ വിജയത്തിന് കാരണമായിരിക്കുന്നത്.

ഇന്ത്യയില്‍ കാറുകള്‍ വില്‍പ്പന നടത്തുന്ന ഒന്നിലേറെ വിദേശ ബ്രാന്‍ഡുകള്‍ ഉണ്ട്. ചില ബ്രാന്‍ഡുകള്‍ ഒന്നിലേറെ കാറുകളുടെ ബലത്തില്‍ മാര്‍ക്കറ്റില്‍ പിടിച്ചുനില്‍ക്കുന്നു. അവര്‍ക്ക് വ്യത്യസ്ത ബോഡി സ്‌റ്റൈലുകളിലുള്ള കാറുകള്‍ അണിനിരക്കുന്ന പോര്‍ട്‌ഫോളിയോ ഉണ്ടായിരിക്കും. എന്നാല്‍ ഒരു വണ്ടിക്കമ്പനിയെ ഒറ്റക്ക് തോളിലേറ്റുന്ന ഒരു കാര്‍ ഉണ്ട്. രണ്ട് കാറുകള്‍ വില്‍പ്പനക്കെത്തിക്കുന്ന ഈ കമ്പനിയുടെ ഒരു കാര്‍ ആണ് ഏറ്റവും കൂടുതല്‍ വിറ്റഴിക്കപ്പെടുന്നത്. മറ്റൊന്ന് വാങ്ങാന്‍ ഒരാള്‍ പോലും എത്തിയില്ല. ആ ബ്രാന്‍ഡിനെ കുറിച്ചാണ് നമ്മള്‍ ഇനി പറയാന്‍ പോകുന്നത്.

മഹീന്ദ്രയുടെ ഇന്നത്തെ സൗഭാഗ്യങ്ങൾക്കെല്ലാം കാരണക്കാരനായ മോഡൽ പുതുതലമുറ ഥാർ (New Gen Mahindra Thar) ആണെന്ന് വിശ്വസിക്കുന്നവരായിരിക്കും ഭൂരിഭാഗം ആളുകളും. എന്നാൽ മഹീന്ദ്ര എസ്‌യുവികളെ ഇത്രയും മോഡേണും ഫീച്ചർ റിച്ചാക്കിയതും XUV500 എസ്‌യുവിയുടെ പകരക്കാരനായിട്ട് അവതരിച്ച XUV700 ആണെന്ന് നിസംശയം വാദിക്കാം. അതുവരെ ഈ ബജറ്റിൽ കിട്ടാത്ത ഫീച്ചറുകളെല്ലാം അണിനിരത്തിയെത്തിയ ഫാമിലി സ്പോർട് യൂട്ടിലിറ്റി വാഹനത്തിനെ നെഞ്ചിലേറ്റാൻ ഇന്ത്യക്കാർക്ക് മറിച്ചൊരു ചിന്തയുടെ ആവശ്യം വേണ്ടിവന്നിട്ടില്ല. ഇപ്പോഴിതാ 3 ലക്ഷം യൂണിറ്റ് വിൽപ്പനയെന്ന നാഴികക്കല്ലും പിന്നിട്ട് കുതിക്കുകയാണ് മഹീന്ദ്ര XUV700.

കുറഞ്ഞ അസ്ഥിരതയ്ക്കിടയിൽ വിശകലന വിദഗ്ധർ സ്റ്റോക്ക് ശുപാർശകൾ നിർദ്ദേശിച്ചതോടെ നിഫ്റ്റി ബാങ്ക് ഉയർന്നു. നിഫ്റ്റിയും ടാറ്റ പവറും പ്രധാന ലെവലുകൾ എടുത്തുകാണിച്ചു.

രാജ്യത്തെ ഉപഭോക്താക്കളുടെ ഇടയിൽ എംപിവിക്ക് പ്രത്യേക ഡിമാൻ്റുണ്ട്. എതിരാളികളില്ലാതെ വാഴുന്ന ടൊയോട്ടയുടെ എംപിവിയായ ഇന്നോവയ്ക്ക് ഒരു എതിരാളിയായി കാണാൻ സാധിക്കുന്ന ഒരു മോഡലാണ് കൊറിയൻ ബ്രാൻഡായ കിയ അവതരിപ്പിച്ചിരിക്കുന്നത്. എംപിവിയുടെ ഇലക്ട്രിക് പതിപ്പാണ് ബ്രാൻഡ് അവതരിപ്പിച്ചിരിക്കുന്നത്. നാലോളം വേരിയന്റുകളിൽ എത്തുന്ന ഇലക്ട്രിക് 7-സീറ്ററിന് 17.99 ലക്ഷം മുതൽ 24.49 ലക്ഷം രൂപ വരെയാണ് ഇന്ത്യയിലെ എക്സ്ഷോറൂം വില വരുന്നത്. സ്റ്റാൻഡേർഡ് റേഞ്ച്, എക്സ്റ്റെൻഡ് റേഞ്ച് എന്നിങ്ങനെ രണ്ട് വകഭേദങ്ങളിലായാണ് എംപിവിയെ തരംതിരിച്ചിരിക്കുന്നത്. ഹ്യുണ്ടായിയുടെ പ്രാദേശികവൽക്കരിച്ച E-GMP പ്ലാറ്റ്‌ഫോമിനെ അടിസ്ഥാനമാക്കിയാണ് വാഹനം പണിതിറക്കിയിരിക്കുന്നത് കൊണ്ട് തന്നെ വിൽപ്പനയിൽ ആശങ്കപ്പെടേണ്ടതില്ല.

ഇലക്ട്രിക് ഇരുചക്രവാഹന വിപണിയിൽ തങ്ങളുടേതായ സ്ഥാനം സൃഷ്ടിച്ചവരാണ് ഓല. ഒന്നാം സ്ഥാനത്തേക്കുളള ഓട്ടത്തിനിടയിൽ ഓലയ്ക് മഹാരാഷ്ട്ര സർക്കാരിൻ്റെ വക കിടിലൻ പണി കിട്ടിയത് വാഹന ലോകത്ത് വലിയ വാർത്തയായിരിക്കുകയാണ്. ഓല വാങ്ങിയവരുടെ അവസ്ഥ ഇനി എന്താകുമെന്നാണ് എല്ലാവരും ആശങ്കപ്പെടുന്നത്. എന്നാൽ എന്താണ് ഇതിന് പിന്നിലെ സത്യാവസ്ഥ എന്ന് പലരും അന്വേഷിക്കുന്നില്ല. ഓലയുടെ ഭാഗത്ത് നിന്ന് സംഭവിച്ച പിഴവാണോ ഇതിന് കാരണമെന്ന് വിശദമായി തന്നെ നോക്കിയാലോ. മഹാരാഷ്ട്രയിലെ 388 ഷോറൂമുകളാണ് അടച്ചുപൂട്ടാൻ സർക്കാർ ഉത്തരവിട്ടിരിക്കുന്നത്. ഈ ഉത്തരവിലൂടെ ഓലയുടെ വിൽപ്പനയെ ബാധിക്കുമെന്ന കാര്യത്തിൽ ഒരു സംശയവും വേണ്ട.

ഇലക്ട്രിക് സ്‌കൂട്ടറുകളെ അപേക്ഷിച്ച് ഇലക്ട്രിക് മോട്ടോര്‍സൈക്കിളുകള്‍ക്ക് ഇന്ത്യയില്‍ ഡിമാന്‍ഡ് കുറവാണ്. ഓല ഇലക്ട്രിക് അടക്കം ഈ സെഗ്‌മെന്റില്‍ പ്രവേശിച്ചിട്ടുണ്ടെങ്കിലും അതിന്റെ മാറ്റങ്ങള്‍ പ്രകടമായില്ല. ഈ സാഹചര്യത്തില്‍ ഇലക്ട്രിക് മോട്ടോര്‍സൈക്കിളുകളുടെ വില്‍പ്പന കൂട്ടാനായി പരമ്പരാഗത മാര്‍ഗങ്ങള്‍ക്കൊപ്പം ഡിജിറ്റല്‍ റീട്ടെയില്‍ തന്ത്രങ്ങളും പയറ്റുകയാണ് ഇവി നിര്‍മാതാക്കള്‍. ഒബെന്‍ ഇലക്ട്രിക് തങ്ങളുടെ പുതിയ സിറ്റി കമ്മ്യൂട്ടര്‍ ബൈക്കായ റോര്‍ EZ (Oben Rorr EZ) ആമസോണില്‍ ലഭ്യമാക്കി തുടങ്ങി. ഇ-കൊമേഴ്‌സ് പ്ലാറ്റ്ഫോമുകള്‍ ഉപയോഗിച്ച് ഇലക്ട്രിക് വാഹനങ്ങളുടെ വില്‍പ്പന വര്‍ധിപ്പിക്കാനുള്ള കമ്പനിയുടെ നീക്കങ്ങളാണ് ഇത് അടയാളപ്പെടുത്തുന്നത്.

കേരളത്തിൽ ടൊയോട്ടയുടെ വാഹനങ്ങൾക്ക് പ്രത്യേക ഫാൻ ബേസ് ഉണ്ടെന്ന് എല്ലാവർക്കും അറിയാവുന്ന കാര്യം തന്നെയാണല്ലോ, പ്രത്യേകിച്ച് എംപിവി സെഗ്മെൻ്റിലെ എതിരാളികളില്ലാത്ത മോഡലായ ഇന്നോവയ്ക്ക്.യാത്രാസുഖത്തിൽ ഇവനെ വെല്ലാൻ വേറെ ആരുമില്ല. ഒരു ഇന്നോവ വാങ്ങുക എന്നത് ഏതൊരു വാഹനപ്രേമിയുടേയും ആഗ്രഹമാണ്. പുത്തൻ വാങ്ങാനുള്ള ത്രാണി ഇല്ലെങ്കിൽ ഒരു സെക്കൻഡ് ഇന്നോവ കിട്ടാൻ കേരളത്തിൽ ഒരു ബുദ്ധിമുട്ടുമില്ല. എന്നാൽ അതിനും കൊടുക്കണം പൊന്നും വില. 2013 മോഡൽ ഇന്നോവയ്ക്ക് പോലും 9 ലക്ഷം രൂപയോളം വിലയുണ്ട് സെക്കൻഡ് ഹാൻഡ് മാർക്കറ്റിൽ.

ചർമ്മസംരക്ഷണത്തിന് മുട്ടയുടെ സ്വാഭാവിക ഗുണങ്ങൾ പര്യവേക്ഷണം ചെയ്യുക, അതിൽ ജലാംശം, മുഖക്കുരു നിയന്ത്രണം, പ്രായമാകൽ തടയൽ ഗുണങ്ങൾ എന്നിവ ഉൾപ്പെടുന്നു.

ഇന്ത്യക്കാരുടെ പ്രിയപ്പെട്ട കാര്‍ ബ്രാന്‍ഡുകളില്‍ ഒന്നാണ് ടൊയോട്ട. ഒന്നിലേറെ ബോഡിസ്‌റ്റൈലുകളില്‍ ടൊയോട്ട കാറുകള്‍ വിപണനം ചെയ്യുന്നുണ്ട്. അടുത്തകാലത്തായി ടൊയോട്ട കിര്‍ലോസ്‌കര്‍ മോട്ടോര്‍ (TKM) തങ്ങളുടെ ചില മോഡലുകളുടെ വിലകള്‍ പരിഷ്‌കരിക്കുകയാണ്. ഇക്കഴിഞ്ഞ ദിവസം കമ്പനി ടൈസര്‍ ക്രോസ്ഓവര്‍ എസ്‌യുവിയുടെ വില വര്‍ധിപ്പിച്ചിരുന്നു. ഇപ്പോള്‍ ജാപ്പനീസ് വാഹന നിര്‍മാതാക്കള്‍ ഇന്ത്യക്കാരുടെ ഏറ്റവും പ്രിയപ്പെട്ട മള്‍ട്ടി പര്‍പ്പസ് വാഹനമായ ഇന്നോവ ഹൈക്രോസിന്റെ വില വര്‍ധിപ്പിച്ചിരിക്കുകയാണ്. ഭാരത് NCAP ക്രാഷ് ടെസ്റ്റില്‍ 5 സ്റ്റാര്‍ സേഫ്റ്റി റേറ്റിംഗ് നേടിയതിന് പിന്നാലെയാണ് കാറിന്റെ വില കൂട്ടിയതെന്നതാണ് ശ്രദ്ധേയം.