ഇന്ത്യയില്‍ സ്വന്തം മാതൃഭാഷയിലല്ലാതെ അനയഭാഷകളില്‍ പോയി കഴിവുതെളിയിച്ച ഒത്തിരി നടിമാരുണ്ട്. മലയാളത്തിലേക്ക് വന്നാല്‍ നയന്‍താര, അസിന്‍, പ്രിയാമണി എന്നിവര്‍ അതിന് ഉദാഹരണമാണ്. ഏറ്റവും പുതിയ തലമുറയില്‍ അനുപമ പരമേശ്വരന്‍, മമിത ബൈജു എന്നിവരും മറ്റ് ദക്ഷിണേന്ത്യന്‍ സംസ്ഥാനങ്ങളില്‍ പേരെടുക്കുന്നു. ഇവര്‍ക്കെല്ലാം മുമ്പേ ദക്ഷിണേന്ത്യന്‍ ഭാഷകളില്‍ തിളങ്ങിയ ഹിന്ദിക്കാരിയായിരുന്നു ഇഷ കോപ്പിക്കര്‍ (Isha Koppikar). തമിഴ്, കന്നഡ, തെലുഗു, മറാത്തി, ഹിന്ദി എന്നീ ഭാഷകളിലെല്ലാം ഇഷ അഭിനയിച്ചിട്ടുണ്ട്. മലയാള സിനിമകളില്‍ അഭിനയിച്ചിട്ടില്ലെങ്കിലും ചില ജനപ്രിയ കോളിവുഡ്, ബോളിവുഡ് പടങ്ങളിലൂടെ അവര്‍ മലയാളികള്‍ക്കും പ്രിയങ്കരിയാണ്.

ഏതൊരു വാഹനപ്രേമിയുടേയും പ്രിയപ്പെട്ട വാഹനമാണ് ലാൻഡ് റോവർ ഡിഫൻഡർ. ടാറ്റയുടെ ഉടമസ്ഥതയിലുള്ള ജെഎൽആർ രാജ്യത്തെ ഒരു സംസ്ഥാനത്ത് നിന്ന് കൂടി വാഹനം നിർമിക്കാൻ തീരുമാനമെടുത്തിരിക്കുകയാണ്. ഏത് സംസ്ഥാനത്തിനാണ് ലോട്ടറി അടിച്ചിരിക്കുന്നതെന്ന് അറിയണ്ടേ. അതിന് മുൻപ് കുറച്ച് കാര്യങ്ങൾ കൂടി അറിഞ്ഞിരിക്കുന്നത് നല്ലതാണ്. പണ്ട് മുതലേ സികെഡി കിറ്റുകളിൽ നിന്നുള്ള വാഹനങ്ങൾ ജെ‌എൽ‌ആർ പ്രാദേശികമായി തന്നെ നിർമ്മിക്കുന്നുണ്ട്. റേഞ്ച് റോവർ ഇവോക്ക്, റേഞ്ച് റോവർ വെലാർ എന്നിവയ്ക്ക് പുറമേ, റേഞ്ച് റോവർ, റേഞ്ച് റോവർ സ്‌പോർട് പോലുള്ള മുൻനിര എസ്‌യുവികളെല്ലാം തന്നെ പൂനെയിലുള്ള ടാറ്റ ഫാക്ടറിയിലാണ് നിർമിക്കുന്നത്.

ആഡംബര കാറുകൾ വാങ്ങാൻ സാമ്പത്തികമില്ലാത്തവരായിരിക്കും നമ്മളിൽ പലരുമെങ്കിലും വലിയ വ്യവസായികളും സിനിമ താരങ്ങളുമെല്ലാം ഇത്തരത്തിലുള്ള വാഹനങ്ങൾ സ്വന്തമാക്കുന്ന വാർത്തകൾ അറിയാനും വായിക്കാനുമെല്ലാം മലയാളികൾക്ക് ഏറെ താത്പര്യമുള്ള കാര്യമാണ്. നമുക്ക് അടുത്തറിയാവുന്ന ഒരാൾ കാർ വാങ്ങിയ സന്തോഷമാണ് ഇതുവായിക്കുമ്പോൾ പലർക്കും ഫീൽ ചെയ്യുന്നത്. അടുത്തിടെ മലയാളിയായ വേണു ഗോപാലകൃഷ്‌ണൻ ആളുകൾക്കിടയിൽ വലിയ സ്വാധീനമുണ്ടാക്കിയതും ഇത്തരത്തിൽ വലിയ ആഡംബര കാറുകൾ വാങ്ങിയാണ്. സംരംഭകർ പോലും ഇത്തരത്തിൽ അവരവരുടെ സ്വപ്‌നങ്ങൾ സാക്ഷാത്ക്കരിക്കുന്നത് കാണുമ്പോൾ എന്തെങ്കിലുമൊക്കെ ആയിത്തീരാൻ നമുക്കും ഒരു പ്രചോദനം ലഭിക്കുകയും ചെയ്യും.

ജൂണ്‍ ആദ്യ വാരമാണ് ടാറ്റ മോട്ടോര്‍സ് തങ്ങളുടെ കരുത്തുറ്റ ഇലക്ട്രിക് എസ്‌യുവിയായ ഹാരിയര്‍ ഇവി ഇന്ത്യന്‍ വിപണിയില്‍ അവതരിപ്പിച്ചത്. ലോഞ്ച് ഇവന്റില്‍ പ്രാരംഭ വില പ്രഖ്യാപിച്ച കമ്പനി ഏതാനും ദിവസങ്ങള്‍ക്ക് മുമ്പ് റിയര്‍ വീല്‍ ഡ്രൈവ് വേരിയന്റുകളുടെ വില പ്രഖ്യാപിച്ചിരുന്നു. ഓള്‍ വീല്‍ ഡ്രൈവ് (AWD) പതിപ്പിന്റെ വില ഇതുവരെ പുറത്തുവിട്ടിട്ടില്ല. ഹാരിയര്‍ ഇവി ഓള്‍ വീല്‍ ഡ്രൈവ് വേരിയന്റുകളുടെ വില നാളെ (2025 ജൂണ്‍ 27) ടാറ്റ പുറത്തുവിടുമെന്ന് കരുതുന്നു. ഓള്‍-വീല്‍-ഡ്രൈവ് കോണ്‍ഫിഗറേഷന്‍ ഉയര്‍ന്ന വേരിയന്റുകളില്‍ മാത്രമേ ലഭ്യമാകൂ.

മഹീന്ദ്രയുടെ ഷോറൂമുകളിലേക്ക് ആളുകളെ ഇരച്ചെത്തിച്ച മോഡലാണ് ഥാർ. വാഹനപ്രേമിയല്ലാത്ത ഒരാളാണെങ്കിൽ ഥാറിൻ്റെ അഴകിൽ മയങ്ങി വീഴാത്തവരായിട്ടാരും തന്നെയില്ല. 2010-ലാണ് മഹീന്ദ്ര ആദ്യമായി ഥാർ ഇന്ത്യൻ വിപണിയിൽ എത്തിക്കുന്നത്. ജീപ്പ് പ്രേമികളുടെ പ്രിയപ്പെട്ട മോഡലായിരുന്ന മഹീന്ദ്ര മേജർ തിരിച്ചുവിളിച്ചിട്ടാണ് ഥാർ അവതരിപ്പിച്ചത്. ഏതൊരു പരുക്കൻ പ്രദേശങ്ങളിലൂടേയും തികഞ്ഞ ആത്മവിശ്വാസത്തോടെ നിങ്ങൾക്ക് ഥാർ കൊണ്ടുപോകാൻ പാകത്തിന് ഓഫ്റോഡ് വാഹനമായിട്ടായിരുന്നു മഹീന്ദ്ര ഇതിനെ ഡിസൈൻ ചെയ്തത്. 2020-ലാണ് രണ്ടാം തലമുറ മോഡൽ അവതരിപ്പിച്ചത്. അടിമുടി മാറ്റങ്ങളോടെയാണ് പുതിയ ഥാർ എത്തിയത്.

വാഹനം അത് ബൈക്കോ കാറോ ആയിക്കോട്ടെ അത് ഒരു യാത്രാ മാര്‍ഗമായാണ് നമ്മള്‍ ഉപയോഗിക്കാറുളളത്. എന്നാല്‍ അടുത്ത കാലത്തായി ഓടുന്ന വാഹനങ്ങളില്‍ പരസ്യമായി സ്‌നേഹപ്രകടനം നടത്തുന്നവരുടെ എണ്ണം വര്‍ധിച്ചു വരുന്നതായി കാണാം. വാഹനങ്ങള്‍ കിടപ്പുമുറികളാക്കി മാറ്റുന്ന ഇക്കൂട്ടര്‍ ഇതിന് പിന്നിലുള്ള അപകടങ്ങള്‍ മദനസ്സിലാക്കാതെയാണോ അതോ അവ മനപ്പൂര്‍വം തിരസ്‌കരിക്കുന്നതാണോ എന്ന കാര്യം അറിയില്ല. ഏതായാലും കമിതാക്കള്‍ ഓടുന്ന വാഹനങ്ങളില്‍ ചുംബിക്കുകയും ആലിംഗനം ചെയ്യുകയും ചെയ്യുന്നതിന്റെ വീഡിയോകള്‍ സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നു ഇത് മറ്റ് യാത്രക്കാര്‍ക്കും കാല്‍നടയാത്രക്കാര്‍ക്കും അപകടമുണ്ടാക്കുന്ന രീതിയിലേക്ക് നീങ്ങുന്നുവെന്ന് വിമര്‍ശനമുണ്ട്.

ഇന്ത്യക്കാരുടെ ഇഷ്‌ടപ്പെട്ട എസ്‌യുവിയായി മഹീന്ദ്ര സ്കോർപിയോ (Mahindra Scorpio) അരങ്ങുവാഴാൻ തുടങ്ങിയിട്ട് രണ്ട് പതിറ്റാണ്ടിന് മുകളിലായി. ഇന്ന് ക്ലാസിക് (Scorpio Classic), N (Scorpio N) എന്നിങ്ങനെ രണ്ട് മോഡലുകളിലായി വിറ്റഴിക്കുന്ന മോഡലുകൾ സ്വന്തമാക്കാൻ ഓരോ മാസവും ഷോറൂമുകളിൽ എത്തുന്നത് പതിനായിരക്കണക്കിന് ആളുകളാണ്. രണ്ടാംതമലുറയിലെത്തിയപ്പോൾ സ്കോർപിയോയിൽ ഇല്ലാത്തതായിട്ട് അങ്ങനെ ആളുകളൊന്നും കണ്ടെത്തിയിരുന്നുമില്ല. കുലുക്കമൊന്നുമില്ലാതെ യാത്ര ചെയ്യാൻ മാത്രമല്ല, സേഫ്റ്റിയുടെ കാര്യത്തിലും 5-സ്റ്റാർ നിലവാരം കാത്തുസൂക്ഷിച്ചുകൊണ്ടാണ് ആശാൻ കളത്തിലെത്തിയത്. ഒപ്പം ആരുകണ്ടാലും മോഹിച്ചുപോവുന്ന രൂപവും ഭാവവും കൂടിയായപ്പോൾ കച്ചോടം പൊടിപൊടിക്കുകയും ചെയ്‌തു.

ലോകത്തിലെ ഇവി ഭീമനായ ടെസ്‌ല ഓരോ ദിവസവു പുതിയ പുതിയ കണ്ടുപിടിത്തങ്ങളുമായിട്ടാണ് വരുന്നത്, അതിൽ ഇപ്പോൾ പ്രധാനപ്പെട്ട ഒന്നാണ് ഡ്രൈവറില്ലാതെ ഓടുന്ന റോബോ ടാക്സികൾ. കഴിഞ്ഞ ദിവസം റോബോ ടാക്സികൾ സർവീസ് ആരംഭിച്ചിരിക്കുകയാണ്. എന്നാൽ മേലെപ്പറമ്പിൽ ആൺവീട് എന്ന ചിത്രത്തിൽ മഹാനാടൻ നരേന്ദ്ര പ്രസാദ് പറയുന്ന ഒരു ഡയലോഗുണ്ട് ഞാൻ ഒന്ന് ഇഷ്ടപ്പെട്ട് വരികയായിരുന്നു എന്ന്. അത് പോലെയാണ് റോബോ ടാക്സിയുടെ കാര്യവും. റോബോ ടാക്സി നിരവധി ട്രാഫിക് നിയമലംഘനങ്ങൾ നടത്തിയെന്ന് കാട്ടി കമ്പനിയോട് വിശദീകരണം ആവശ്യപ്പെട്ടിരിക്കുകയാണ് പൊലീസ് ഉദ്യോഗസ്ഥർ.

രാജ്യത്ത് ഇലക്ട്രിക് ഇരുചക്ര വാഹനങ്ങളുടെ ആവശ്യകത വര്‍ദ്ധിച്ചുവരുന്നതിനാല്‍ വിപണി കീഴടക്കാനായി നിരവധി ബ്രാന്‍ഡുകള്‍ കച്ചകെട്ടിയിറങ്ങിയിട്ടുണ്ട്. നിലവില്‍ നിരവധി ലോ സ്പീഡ്, ഹൈ സ്പീഡ് ഇലക്ട്രിക് ഇരുചക്ര വാഹനങ്ങള്‍ വിപണിയില്‍ ലഭ്യമാണ്. ഇന്ത്യയി്‌ലെ മുന്‍നിര ഇലക്ട്രിക് ഇരുചക്ര വാഹന കമ്പനിയായ കൊമാക്കി ഇലക്ട്രിക് അവരുടെ XR1 ഇലക്ട്രിക് മോപ്പഡ് വിപണിയില്‍ എത്തിച്ചിരിക്കുകയാണ്. ഇതിന്റെ വില വെറും 29,999 രൂപ മാത്രമാണ് കൊമാക്കിയുടെ ഏറ്റവും വിലകുറഞ്ഞ ഇലക്ട്രിക് ഇരുചക്ര വാഹനമാണിത്. ചെറുകിട ബിസിനസുകള്‍ക്ക് ദൈനംദിന ഉപയോഗത്തിന് കൊമാക്കി XR1 മികച്ച ഓപ്ഷനാണ്.

ഇലക്‌ട്രിക് കാറുകളിലൂടെ (Electric Cars) ഇന്ത്യക്കാർക്കിടയിൽ ജനപ്രീതിയാർജിച്ചവരാണ് എംജി മോട്ടോർസ്. ഹെക്‌ടർ, ഗ്ലോസ്റ്റർ, ആസ്റ്റർ തുടങ്ങിയ ICE എഞ്ചിൻ വാഹനങ്ങളിലൂടെയാണ് ചൈനീസ് ബ്രാൻഡ് രാജ്യത്ത് എത്തിയതെങ്കിലും രാശി തെളിഞ്ഞത് ഇവികളിലൂടെയായിരുന്നു. ZS ഇവിയിലൂടെയാണ് തുടക്കമിട്ടതെങ്കിലും കോമെറ്റും വിൻഡ്‌സറും എത്തിയതോടെയാണ് ഷോറൂമിൽ ആളുകൾ കൂടുതലായി കയറാൻ തുടങ്ങിയത്. നിലവിൽ കച്ചോടം ഓരോ മാസവും വർധിപ്പിച്ച് മുന്നേറുന്ന കമ്പനി ഇപ്പോഴിതാ അപ്രതീക്ഷിതമായി ഒരു പ്രഖ്യാപനം നടത്തിയിരിക്കുകയാണ്. എംജിയുടെ കാർ വാങ്ങാനിരുന്നവർക്കെല്ലാം ഒരുപോലെ നിരാശ തരുന്ന വാർത്തയാണ് ബ്രാൻഡിൽ നിന്നും പുറത്തുവരുന്നത്.

പെട്രോൾ കാശ് ലാഭിക്കാനാണല്ലോ ഇലക്ട്രിക് വാഹനങ്ങളിലേക്ക് ആളുകൾ തിരിയുന്നത്. എന്നാൽ ചിലർ പറയുന്നത് തങ്ങൾ വറുചട്ടിയിൽ നിന്ന് എരിതീയിലേക്ക് ചാടിയ പോലെയായി എന്നാണ്. പെട്രോൾ കാശ് ലാഭിക്കാൻ പോയിട്ട് വൈദ്യുതി ബില്ല് കണ്ട് നെഞ്ചുവേദന എടുക്കുന്നവരാണ് കൂടുതലും. എന്നാൽ കേരളത്തിൽ ഇലക്ട്രിക് വാഹനം വീട്ടിൽ ചാർജ് ചെയ്യുമ്പോൾ എത്ര രൂപ നിങ്ങൾക്ക് ചിലവ് വരും എന്ന് എപ്പോഴെങ്കിലും പരിശോധിച്ചിട്ടുണ്ടോ. ആളുകൾ പറയുന്നതിൽ എന്തെങ്കിലും സത്യാവസ്ഥ ഉണ്ടോ. നിങ്ങൾ ഒരു ഇലക്ട്രിക് വാഹനം വാങ്ങാൻ പദ്ധതിയിടുന്നുണ്ടെങ്കിൽ തീർച്ചയായും ഈ കണക്കുകൾ വായിക്കാതെ പോകരുത്.

സ്വന്തം വാഹനം ആയാലും മറ്റൊരാളുടെ വാഹനമായാലും അപകടത്തിൽപെടുക എന്നത് ആർക്കും സഹിക്കാൻ സാധിക്കുന്ന കാര്യമല്ല, നിർമാണ കമ്പനിയിൽ നിന്ന് ഡീലർഷിപ്പിലേക്ക് വാഹനം എത്തിച്ചതിന് ശേഷം കണ്ടെയ്നറിൽ നിന്ന് ഇറക്കുന്നതിനിടയിൽ അപകടമുണ്ടായത് നിങ്ങൾ അറിഞ്ഞു കാണുമല്ലോ. വളരെ ദാരുണമായ സംഭവത്തിൽ ഒരാളുടെ ജീവനും നഷ്ടപ്പെട്ടിരുന്നു. റേഞ്ച് റോവറിൻ്റെ ഓട്ടോബയോഗ്രഫി മോഡലാണ് അപകടത്തിൽപ്പെട്ടത്. വാഹനമോടിച്ച് പരിചയമില്ലാത്ത യൂണിയൻ തൊഴിലാളിയായിരുന്നു വാഹനം ഡീലർഷിപ്പിലേക്ക് ഇറക്കിയതെന്നാണ് റിപ്പോർട്ടുകൾ. നിയന്ത്രണം വിട്ട് വാഹനം ഷോറൂം ജോലിക്കാരനെ ഇടിക്കുകയും മാർബിൾ കടയിലേക്ക് ഇടിച്ച് കയറുകയായിരുന്നു.

ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന ബ്രാന്‍ഡുകളിലൊന്നായ സീലിയോ ഇ മൊബിലിറ്റി (ZELIO E) അവരുടെ പുതിയ ലോ-സ്പീഡ് കാര്‍ഗോ ഇലക്ട്രിക് സ്‌കൂട്ടറായ ലോജിക്‌സിന്റെ (Logix) പരിഷ്‌കരിച്ച മോഡല്‍ 2025 ജൂലൈയില്‍ പുറത്തിറക്കാന്‍ ഒരുങ്ങുന്നു. ചെറിയ വ്യാപാരികള്‍, ഡെലിവറി ബോയ്‌സ്, ചെറുകിട ബിസിനസുകാര്‍ എന്നിവരെ ലക്ഷ്യമിട്ടുള്ള പുതിയ ലോജിക്‌സ് ഫെയ്‌സ്‌ലിഫ്റ്റ് മികച്ച പ്രകടനം, കൂടുതല്‍ റേഞ്ച് എന്നിവയിലൂടെ ഇന്ത്യയിലെ അര്‍ബന്‍, സെമി അര്‍ബന്‍ വിപണികളിലെ ലാസ്റ്റ് മൈല്‍ ഡെലിവറി സേവന വിഭാഗത്തിലെ മികച്ച ചോയ്‌സായി മാറുമെന്ന് കമ്പനി അവകാശപ്പെടുന്നു. പുതിയ ഇന്ത്യന്‍ ഇലക്ട്രിക് സ്‌കൂട്ടിറിനെ കുറിച്ച് ചുവടെ വിശദമായി വായിക്കാം.

റോഡുകളിൽ വർധിച്ചുവരുന്ന അപകടങ്ങളും നിയമലംഘനങ്ങളുമെല്ലാം കുറയ്ക്കാനായി കേന്ദ്ര, സംസ്ഥാന സർക്കാരുകൾ പുതിയ നടപടികൾ സ്വീകരിക്കുന്നത് പുതുമയുള്ള കാര്യമൊന്നുമല്ല. ഒന്ന് വണ്ടിയുമെടുത്ത് റോഡിലേക്ക് ഇറങ്ങിയാൽ ഗതാഗത നിയമലംഘനങ്ങൾ നിരവധി കാണാനുമാവും. പൊലീസ് പരിശോധനകളും എഐ ക്യാമറകളുടെ വരവും നിയമലംഘനങ്ങൾ ഒരു പരിധി വരെ കുറയ്ക്കാൻ സഹായിച്ചിട്ടുണ്ടെങ്കിലും എല്ലായിടത്തും പൊലീസിന്റെ കണ്ണ് എത്തണമെന്നില്ലല്ലോ. അതുമല്ല, സാധാരണ ജനങ്ങൾക്ക് ഇതെല്ലാം കണ്ടുനിൽക്കാം എന്നല്ലാതെ പ്രത്യേകിച്ച് ഒന്നും ചെയ്യാനും സാധിക്കില്ല. ഇനി അവരെ ചോദ്യം ചെയ്‌ത് സംഭവം വഷളാക്കാമെന്ന് അല്ലാതെ പ്രത്യേകിച്ച് ഗുണമൊന്നുമില്ല താനും.

ഇന്ത്യയിലെ നമ്പര്‍ 1 കാര്‍ ബ്രാന്‍ഡ് ആണ് മാരുതി സുസുക്കി(Maruti Suzuki). ഇന്തോ-ജാപ്പനീസ് വാഹന നിര്‍മാതാക്കള്‍ ഓരോ മാസവും ലക്ഷക്കണക്കിന് കാറുകളാണ് രാജ്യത്ത് വിറ്റഴിക്കുന്നത്. പതിനായിരക്കണക്കിന് കാറുകള്‍ ഇന്ത്യയില്‍ നിര്‍മിച്ച് വിദേശത്തേക്ക് കപ്പല്‍ കയറ്റി അയക്കുകയും ചെയ്യുന്നു. നിലവില്‍ പാസഞ്ചര്‍ ഇവി വിപണി ഒഴികെ ഒട്ടുമിക്ക സെഗ്‌മെന്റുകളിലും ആധിപത്യം പുലര്‍ത്തുന്നത് മാരുതിയാണ്. വണ്ടി വില്‍ക്കുക മാത്രമല്ല വില്‍പ്പനാനന്തര സേവനങ്ങളുടെ കാര്യത്തിലും കമ്പനി മികച്ച് നില്‍ക്കുന്നു. ഇന്ത്യക്കാര്‍ ഒരു കാര്‍ വാങ്ങുമ്പോള്‍ ആദ്യം മാരുതി സുസുക്കി പരിഗണിക്കാനുള്ള ഒരു കാരണം അവരുടെ വിപുലമായ സര്‍വീസ് നെറ്റ്‌വര്‍ക്കാണ്.

90-കളിൽ ഒരു പോപ്പ് സംഗീത ആൽബം പുറത്തിറങ്ങിയത് മാത്രമേ ഓർമ്മയുളളു, പിന്നീടങ്ങോട്ട് ചെറുപ്പക്കാരുടെ നാവിൻതുമ്പത്ത് തുളളിക്കളിച്ച ഗാനമായി മാറാൻ ഗാനത്തിന് അധികസമയം ഒന്നും വേണ്ടി വന്നില്ല.സ്റ്റേജ് പ്രകടനങ്ങളിലൂടെ താരമായ മാറിയ ദലേർ മെഹന്തി മെഹന്തിയുടെ ബോലോ താ രാ രാ എന്ന ആദ്യ ആൽബം ഇന്ത്യയിലെ ഏറ്റവും വലിയ ഹിറ്റുകളിലൊന്നായിരുന്നു. ആദ്യ ആൽബത്തിന്റെ 20 ലക്ഷം കോപ്പികളാണ് ലോകത്താകമാനം വിറ്റു പോയിരുന്നത്. ദലേർ മെഹന്തിയുടെ സഹോദരനാണ് പ്രശസ്ത റാപ്പറായ മിക്ക സിങ്ങ്. മകളായ അജിത് കൗർ മെഹന്തിയുടെ ഭർത്താവായ നവ്‌രാജ് ഹാൻസ് ഒരു ഗായകനും നടനും കൂടിയാണ്.

രാവണപ്രഭുവിൽ മോഹൻലാലിന്റെ ഇൻട്രോയിൽ പ്രത്യക്ഷപ്പെട്ട ഇടിവെട്ട് എസ്‌യുവിയെ വാഹനപ്രേമികൾ ഇന്നും മറന്നിട്ടുണ്ടാവില്ല. ടൊയോട്ടയുടെ ഐതിഹാസിക ഓഫ് റോഡർ ലാന്‍ഡ് ക്രൂയിസര്‍ പ്രാഡോയാണ് ലാലേട്ടനൊപ്പം മാസ് എൻട്രി കൊടുത്തത്. ഇന്ത്യയിലേക്ക് പ്രാഡോ മറ്റൊരു വരവിന് ഒരുങ്ങുകയാണെന്ന് അടുത്തിടെ അഭ്യൂഹങ്ങൾ പരന്നതോടെ വണ്ടിഭ്രാന്തൻമാരെല്ലാം ആവേശത്തിലാവുകയും ചെയ്‌തിരുന്നു. മിക്കവാറും ഈ വർഷം അവസാനത്തോടെ നമ്മുടെ വിപണിയിലേക്ക് എത്തുമെന്ന് കരുതപ്പെടുന്ന പ്രാഡോ ഇപ്പോഴിതാ മൈലേജ് വർധിപ്പിക്കുന്ന സൂത്രപ്പണിയുമായി രംഗത്തെത്തിയിരിക്കുകയാണ്. സംഭവം വേറെയൊന്നുമല്ല, അന്താരാഷ്ട്ര വിപണികളിൽ വിൽപ്പനയ്‌ക്കെത്തുന്ന ലാൻഡ് ക്രൂയിസർ പ്രാഡോയിൽ 48V മൈൽഡ്-ഹൈബ്രിഡ് സിസ്റ്റം ഉൾപ്പെടുത്തി അവതരിപ്പിച്ചിരിക്കുകയാണ് ടൊയോട്ട.

ലോകത്ത് പലതരത്തിലുള്ള ലോഹങ്ങള്‍ വിവിധ രംഗങ്ങളില്‍ ഉപയോഗിക്കുന്നുണ്ട്. കേട്ടുകേള്‍വിയില്ലാത്ത ലോഹങ്ങള്‍ പോലും പല വ്യവസായങ്ങള്‍ക്കും വളരെ പ്രധാനമാണ്. അടുത്ത കാലത്തായി ഓട്ടോമൊബൈല്‍ രംഗത്ത് വളരെയേറെ ചര്‍ച്ചയായിരുന്നു റെയര്‍ എര്‍ത്ത് മൂലകങ്ങള്‍ (Rare Earth Elements). അമേരിക്കയുടെ തീരുവ 'യുദ്ധ'ത്തിന് മറുപടിയായി ചൈന ഏഴ് റെയര്‍ എര്‍ത്ത് ലോഹങ്ങളുടെ കയറ്റുമതിക്ക് വിലക്കേര്‍പ്പെടുത്തിയതോടെയാണ് ഇവ വാര്‍ത്തകളില്‍ നിറയാന്‍ തുടങ്ങിയത്. ആധുനിക വ്യവസായങ്ങള്‍ക്ക് നിര്‍ണായകമായ സമേരിയം (Samarium), ഗാഡോലിനിയം (Gadolinium), ടെര്‍ബിയം (Terbium), ഡിസ്‌പ്രോസിയം (Dysprosium), ല്യൂട്ടീഷ്യം (Lutetium), സ്‌കാന്‍ഡിയം (Scandium), യിട്രിയം (Yttrium) എന്നീ ഏഴ് ലോഹങ്ങളുടെ കയറ്റുമതിക്കായിരുന്നു നിയന്ത്രണം.

ബോളിവുഡ് സിനിമകളും സീരീസുകളുമെല്ലാം സ്ഥിരമായി കാണുന്നവരാണ് മലയാളികൾ. അതിനാൽ തന്നെ അവിടുത്തെ ഒട്ടുമിക്ക താരങ്ങളേയും തിരിച്ചറിയാനും നമുക്ക് വേഗത്തിൽ സാധിക്കും. പ്രമുഖതാരങ്ങളെ മാത്രമല്ല കേട്ടോ, സൈഡ് റോളുകൾ വരെ ചെയ്യുന്ന ചെറിയ താരങ്ങളെപ്പോലും ശ്രദ്ധിക്കുന്നവരാണ് മലയാളീസ്. ഹിന്ദി സിനിമകൾ സ്ഥിരമായി കാണുന്നവർക്കെല്ലാം ഏറെ പരിചിതമുള്ള കപ്പിളായിരിക്കും കൃഷ്ണ അഭിഷേകും കാശ്മീര ഷായും. ഇനിയും മനസിലായില്ലെങ്കിൽ കപിൽ ശർമ ഷോയിൽ ഹാസ്യവേഷങ്ങൾ ചെയ്‌ത് ശ്രദ്ധേയനായ കക്ഷിയാണ് അഭിഷേക്. ഇവിടെ ഒരു എപ്പിസോഡിൽ പ്രത്യക്ഷപ്പെടുന്നതിന് 10 ലക്ഷം രൂപയോളം പ്രതിഫലം കൈപ്പറ്റുന്ന താരമാണ് ഇദ്ദേഹം.

എല്ലാ ദിവസവും വാഹനം സ്റ്റാർട്ട് ചെയ്ത് ഓടിച്ചു പോകുന്നതിന് മുൻപ് ചില കാര്യങ്ങൾ പരിശോധിക്കാൻ പലരും മറക്കും. അതിൽ പ്രധാനമാണ് വാഹനത്തിൻ്റെ ബ്രേക്ക്. വാഹനം സ്റ്റാർട്ട് ചെയ്യുന്നതിന് മുൻപ് ബോണറ്റ് ഉയർത്തി എഞ്ചിൻ ഓയിൽ, ബ്രേക്ക് ഫ്ല്യൂയിഡ്, കൂളൻ്റ് എന്നിവയെല്ലാം പരിശോധിക്കുന്നത് നല്ലതാണ്. മൺസൂൺ കാലമായത് കൊണ്ട് തന്നെ പലപ്പോഴും വാഹനത്തിൻ്റെ നിയന്ത്രണം വിടാൻ സാധ്യതയുണ്ട്. വാഹനത്തിന് മികച്ച ബ്രേക്ക് ഇല്ലെങ്കിൽ വലിയ അപകടത്തിൽ കലാശിച്ചേക്കാം. ഇനി നിങ്ങളുടെ വാഹനത്തിൻ്റെ ബ്രേക്ക് നഷ്ടപ്പെട്ടാൽ എന്തു ചെയ്യണമെന്ന് ചിലർക്കെങ്കിലും അറിയാമായിരിക്കും. എന്നാൽ ഓട്ടോമാറ്റിക്ക് ഗിയർ സംവിധാനമാണെങ്കിൽ എന്തു ചെയ്യും.

ലോകമെമ്പാടും ഇലക്ട്രിക് വാഹനങ്ങള്‍ക്ക് (Electric Vehicles) ഇന്ന് പ്രചാരം ഏറിക്കൊണ്ടിരിക്കുകയാണ്. പരിസ്ഥിതി സൗഹൃദമാണ് ഇലക്ട്രിക് വാഹനങ്ങള്‍ എന്നുള്ളതാണ് ഇതിന് പ്രധാന കാരണം. ഇത് കാരണം കൊണ്ടുതന്നെ പല രാജ്യങ്ങളും ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നു. ആഗോള തലത്തില്‍ ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിന് വേറൊരു കാരണം കൂടിയുണ്ട്. പെട്രോളിന്റെയും (Petrol) ഡീസലിന്റെയും (Diesel) പ്രധാന അസംസ്‌കൃത വസ്തുവായ ക്രൂഡ് ഓയില്‍ ഇറക്കുമതി കുറയ്ക്കാന്‍ ഇത് സഹായിക്കുന്നു. ഭാരത സര്‍ക്കാറും ബദല്‍ ഇന്ധനങ്ങള്‍ പ്രോത്സാഹിപ്പിക്കാനുള്ള പ്രധാന കാരണങ്ങളില്‍ ഒന്ന് ഇതാണ്.

ഏതുതരം ഇരുചക്ര വാഹനങ്ങളും വാങ്ങാൻ ആളുള്ള വിപണിയായി മാറിയിരിക്കുകയാണ് നമ്മുടെ ഇന്ത്യ. വില നോക്കാതെ തങ്ങളുടെ ഇഷ്‌ടപ്പെട്ട കാറുകളും ബൈക്കുകളും സ്‌കൂട്ടറുകളുമെല്ലാം വാങ്ങുന്നവരായി ഇന്ത്യക്കാർ മാറിയതും വളരെ വേഗമായിരുന്നു. ഇക്കാര്യം കൃത്യമായി മനസിലാക്കിയവരാണ് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട. അടുത്തിടെയായി ആഗോളനിരയിലെ ആഡംബര മോഡലുകളെയെല്ലാം കൂട്ടത്തോടെ ഇന്ത്യയിലെത്തിക്കുന്ന തിരക്കിലാണ് ബ്രാൻഡ്. അടുത്തിടെ ഞെട്ടിക്കുന്ന വിലയിൽ പുതിയ 750 സിസി അഡ്വഞ്ചർ സ്‌കൂട്ടർ ഹോണ്ട വിപണിയിൽ അവതരിപ്പിച്ചിരുന്നു. വലിയൊരു എസ്‌യുവി വാങ്ങുന്ന പൈസയുണ്ടേൽ മാത്രമേ ഈ ഗിയർലെസ് സ്‌കൂട്ടർ സ്വന്തമാക്കാനാവൂ എന്നതാണ് പ്രത്യേകത.

ഫാദേഴ്സ് ഡേയിൽ എല്ലാവരും ഓരോ സ്റ്റാറ്റസ് ഒക്കെ ഇട്ട് കാണുമല്ലോ, എന്നാൽ ദുബായ് ആസ്ഥാനമായി പ്രവർത്തിക്കുന്ന അനക്സ് ക്യാപ്പിറ്റൽസ് ഉടമയായ സതീഷ് സൻപാൽ തൻ്റെ ഒരു വയസുകാരിയായ മകൾക്ക് ഒരു സമ്മാനം തന്നെ നൽകി. സമ്മാനം എന്താണെന്ന് അറിഞ്ഞാൽ പലരുടേയും ചങ്ക് തകരുമെന്ന കാര്യത്തിൽ ഒരു സംശയവും ഇല്ല, വല്ല കളിപ്പാട്ടവുമായിരിക്കും എന്ന് വിചാരിക്കാൻ വരട്ടെ. ആഡംബരത്തിൻ്റെ അവസാന വാക്ക് എന്നറിയപ്പെടുന്ന ബ്രാൻഡായ റോൾസ് റോയ്സിൻ്റെ കലിനൻ കാറാണ് ഇസബെല്ല എന്ന സുന്ദരിക്ക് സമ്മാനമായി കൊടുത്തത്. പ്രത്യേകം ഇസബെല്ലയ്ക്ക് വേണ്ടി കസ്റ്റമൈസ് ചെയ്ത് ലണ്ടനിൽ നിന്ന് ദുബായിലേക്ക് ഇറക്കുമതി ചെയ്യുകയായിരുന്നു.

രാജ്യത്ത് ഏറ്റവും കുറഞ്ഞ വിലയില്‍ വില്‍പ്പനക്കെത്തുന്ന കാറുകളില്‍ ഒന്നാണ് മാരുതി ആള്‍ട്ടോ. വിലക്കുറവിനൊപ്പം മികച്ച മൈലേജും ആള്‍ട്ടോയുടെ പ്രത്യേകതയാണ്. മെച്ചപ്പെടുത്തിയ അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റവും ലിറ്ററിന് 28.2 കിലോമീറ്റര്‍ മൈലേജുമായി പുതിയ ആള്‍ട്ടോ അവതരിപ്പിച്ച് സുസുക്കി ആള്‍ട്ടോ. പടച്ചോനെ ആള്‍ട്ടോയില്‍ ADAS ഫീച്ചറും ബൈക്കിന്റെ മൈലേജുമോ എന്ന് അന്താളിക്കാന്‍ വരട്ടെ. പറഞ്ഞുവരുന്നത് ഇന്ത്യക്കാരുടെ ആള്‍ട്ടോയെ കുറിച്ചല്ല, മറിച്ച് ഇതേ പേരില്‍ ജപ്പാനില്‍ വില്‍ക്കുന്ന കെയ് കാറിനെ കുറിച്ചാണ്. ജാപ്പനീസ് ആള്‍ട്ടോയാണ് നവീകരണങ്ങളോടെ അരങ്ങേറിയിരിക്കുന്നത്.