സ്പെഷ്യൽ എഡിഷൻ മോഡലുകൾ വിപണിയിൽ അവതരിപ്പിച്ച് ഏറ്റവും കൂടുതൽ പണംവാരിയിരിക്കുന്നത് ഏത് കമ്പനിയാണെന്ന് ചേദിച്ചാൽ നിസംശയം പറയാം അത് ടാറ്റ മോട്ടോർസാണെന്ന് (Tata Motors). എത്രയെത്ര മോഡലുകൾ ഇത്തരത്തിൽ അവതരിപ്പിച്ചുവെന്ന് ചോദിച്ചാൽ ചിലപ്പോൾ എണ്ണം പറയാൻ സാക്ഷാൽ ടാറ്റയ്ക്ക് വരെ തെറ്റിപ്പോയേക്കാം. അക്കൂട്ടത്തിലേക്ക് പുതുതായി ഹാരിയറിന്റേയും സഫാരിയുടേയും സ്റ്റെൽത്ത് എഡിഷനുകളും ബ്രാൻഡ് അടുത്തിടെ പുറത്തിറക്കിയിരുന്നു. സഫാരിയുടെ (Tata Safari) 27 വർഷത്തെ സ്മരണയ്ക്കായിട്ടാണ് ഈ പ്രത്യേക പതിപ്പുകളെ ടാറ്റ അവതരിപ്പിച്ചിരിക്കുന്നത് തന്നെ. ഇതൊരു ലിമിറ്റഡ് എഡിഷൻ മോഡലായിരിക്കുമെന്നതാണ് പ്രത്യേകത.

കഴിഞ്ഞ വര്‍ഷം ഇന്ത്യന്‍ വിപണി ഇളക്കിമറിച്ച് കൊണ്ട് പുറത്തിറങ്ങിയ ഒരു എസ്‌യുവിയാണ് മഹീന്ദ്ര ഥാര്‍ റോക്‌സ്. ലൈഫ്‌സ്‌റ്റൈല്‍ എസ്‌യുവി സെഗ്‌മെന്റ് ലീഡറായ ഥാറിന്റെ 5 ഡോര്‍ പതിപ്പായ റോക്‌സ് കഴിഞ്ഞ സ്വതന്ത്ര്യ ദിനത്തില്‍ നമ്മുടെ സ്വന്തം കൊച്ചിയില്‍ സംഘടിപ്പിച്ച ഇവന്റില്‍ വെച്ചാണ് മഹീന്ദ്ര അവതരിപ്പിച്ചത്. ലോഞ്ച് സമയത്ത് ഐവറി കളറിലുള്ള ഇന്റീരിയറിലായിരുന്നു റോക്‌സ് എത്തിയത്. എന്നാല്‍ ലോഞ്ചിന് പിന്നാലെ നടന്ന മീഡിയ ഡ്രൈവിനിടെ ഏറ്റവും കൂടുതല്‍ പേര്‍ ചൂണ്ടിക്കാണിച്ച പോരായ്മയും ഇത് തന്നെയായിരുന്നു. ഇളംനിറത്തിലുള്ള ഈ കളറില്‍ എളുപ്പത്തില്‍ അഴുക്കാകുമെന്നായിരുന്നു വിമര്‍ശനം.

ഒരു വർഷം മുമ്പാണ്, കെടിഎമ്മിന്റെ ആർ‌സി 390, യമഹ ആർ‌3 എന്നീ മോഡലുകൾക്കെതിരെ പോരാടാൻ ഫെയർഡ്, റേസ്-റെഡി സ്‌പോർട്‌സ് ബൈക്കായ ആർ‌എസ് 457 നെ അപ്രീലിയ കളത്തിലിറക്കുന്നത് ഇപ്പോൾ, അപ്രീലിയ അതിന്റെ 457 നിരയിലെ അടുത്ത ബ്രഹ്മാസ്ത്രമായ ടുവോണോ 457 അവതരിപ്പിച്ചിരിക്കുകയാണ്. വാഹനത്തെ അടുത്തറിയാനും ഓടിച്ചു നോക്കാനും ഞങ്ങൾക്ക് സാധിച്ചു. RS 457 ന്റെ തിരശ്ചീന ട്രിപ്പിൾ ലൈറ്റ് സജ്ജീകരണം നിലനിർത്തുന്നതിനുപകരം, അപ്രീലിയ ടുവോണോ 457 തിരഞ്ഞെടുത്തിരിക്കുന്നത് ഇരട്ട സ്റ്റാക്ക് ചെയ്ത ലംബ LED ലൈറ്റിംഗ് സജ്ജീകരണമാണ്. വാഹനത്തിൻ്റെ വിശദമായ റിവ്യു അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിൽ റെട്രോ ക്ലാസിക് മോട്ടോർസൈക്കിളുകൾ (Retro Classic Motorcycles) എന്നുകേട്ടാൽ തന്നെ ആളുകൾക്ക് ആദ്യം ഓർമ വരുന്ന പേര് റോയൽ എൻഫീൽഡ് (Royal Enfield) എന്നാവും അല്ലേ. എന്നാൽ ഒരുകാലത്ത് ഈ വിശേഷണത്തിന് അർഹമായിരുന്നവരാണ് ജാവ ബൈക്കുകൾ. ക്ലാസിക് മോട്ടോർസൈക്കിളുകളുടെ രാജകുമാരായി അരങ്ങുവാണിരുന്ന സുന്ദര കാലഘട്ടം വീണ്ടും പടുത്തുയർത്താൻ അടവുകൾ പതിനെട്ടും പയറ്റുകയാണ് ജാവയിപ്പോൾ. കാര്യമായി ക്ലച്ചുപിടിക്കുന്നില്ലെങ്കിലും പുതിയ പരീക്ഷണങ്ങളുമായി കമ്പനി സജീവമാണ് വിപണിയിൽ. 350 സിസി സെഗ്മെന്റിൽ എൻഫീൽഡിന്റെ പണികൊടുക്കാൻ പുതിയൊരു മോഡലിനെ കൂടി അവതരിപ്പിച്ചിരിക്കുകയാണ് ബ്രാൻഡ്.

വെബ്‌സീരിസുകളുടെ രാജാവാണ് കരിക്ക് എന്ന് വേണമെങ്കിൽ പറയാം. കൊവിഡ് കാലത്ത് മനസിന് ഏറെ സന്തോഷം നൽകിയിരുന്നതും ഏറെ ആശ്രയിച്ചിരുന്നതും മൊബൈൽ ഫോണുകളേയും സോഷ്യൽ മീഡിയകളേയുമായിരുന്നു എന്ന് എല്ലാവർക്കും അറിയാവുന്ന കാര്യമാണല്ലോ. അത്തരത്തിൽ ഏറെ പ്രശസ്തി നേടിയ ടീമായിരുന്നു കരിക്ക്. വീഡിയോകളിലുടേയും വെബ് സീരിസുകളിലുടേയും ഏറെ ജനശ്രദ്ധ പിടിച്ചു പറ്റാൻ സാധിച്ചു. കരിക്ക് ടീമിൻ്റെ ഓരോ വീഡിയോകൾക്കും വേണ്ടി കാത്തിരിക്കുന്നവർ ഏറെയായിരുന്നു. കരിക്കിൽ അഭിനയിച്ചവരിൽ ഏറെ പ്രിയപ്പെട്ട നിരവധി പേരുണ്ട് അതിൽ ഒരാളാണ് ഷിനു ജോൺ ചാക്കോ. റീൽസുകളിലൂടെയാണ് ഷിനു അഭിനയരംഗത്തേക്ക് എത്തുന്നത്. ഷിനു തൻ്റെ അമ്മയ്ക്ക് ഒരു സമ്മാനം നൽകിയതിൻ്റെ വീഡിയോ പങ്കുവച്ചിട്ടുണ്ട്.

ദക്ഷിണ കൊറിയന്‍ വാഹന നിര്‍മാതാക്കളായ കിയയുടെ ജനപ്രിയ കോംപാക്ട് എസ്‌യുവിയാണ് സെല്‍റ്റോസ്. ഹ്യുണ്ടായി ക്രെറ്റക്ക് പിന്നില്‍ സെഗ്‌മെന്റിലെ രണ്ടാം സ്ഥാനക്കാരായിരുന്ന സെല്‍റ്റോസിന് സമീപകാലത്ത് വില്‍പ്പനയില്‍ ചെറിയ ഇടിവ് നേരിട്ടിരുന്നു. ഇപ്പോള്‍ വില്‍പ്പന ഉയര്‍ത്താനായി കിയ ഇന്ത്യ പുതുക്കിയ 2025 സെല്‍റ്റോസ് അവതരിപ്പിച്ചു. പുതിയ സവിശേഷതകളും വിപുലീകരിച്ച വേരിയന്റ് ഓപ്ഷനുകളും ഉപയോഗിച്ച് കാറിന്റെ പ്രീമിയം ആകര്‍ഷണം വര്‍ധിപ്പിച്ചിട്ടുണ്ട് കമ്പനി. പുതുക്കിയ മോഡല്‍ ഇപ്പോള്‍ 24 ട്രിമ്മുകളിലാണ് വരുന്നത്. അതില്‍ പുതുതായി ചേര്‍ത്ത എട്ട് വേരിയന്റുകളും ഉള്‍പ്പെടുന്നു. ഈ അപ്ഡേറ്റിലൂടെ കൂടുതല്‍ വിശാലമായ ഉപഭോക്താക്കളിലേക്ക് എത്തിച്ചേരാനാണ് കിയ ലക്ഷ്യമിടുന്നത്.

ഇലക്‌ട്രിക് കാറുകളിലൂടെ വിസ്‌മയം തീർക്കുകയാണ് എംജി മോട്ടോർസ് (MG Motor). ZS ഇവി, കോമെറ്റ്, വിൻഡ്‌സർ തുടങ്ങിയ മോഡലുകളെല്ലാം വാങ്ങാൻ ഷോറൂമുകളിൽ വലിയ തിരക്കാണ് അനുഭവപ്പെടുന്നത്. സാക്ഷാൽ ടാറ്റ നെക്സോൺ ഇവിയെ വരെ കടത്തിവെട്ടി രാജ്യത്ത് ഏറ്റവും കൂടുതൽ വിറ്റഴിക്കുന്ന വൈദ്യുത വാഹനമായി മാറാൻ വിൻഡ്സർ ഇവിക്ക് (Windsor EV) സാധിച്ചതെല്ലാം കമ്പനിയുടെ പുതിയ പദ്ധതികളുടെ വിജയമായിരുന്നു. അതിന്റെ ചൂടാറുന്നതിന് മുമ്പ് ഒന്നാന്തരമൊരു ഇലക്ട്രിക് സ്പോർട്‌സ് കാർ കൂടി ഇന്ത്യക്കാർക്ക് സമ്മാനിക്കാൻ ഒരുങ്ങുകയാണ് ജെഎസ്ഡബ്ല്യു ഗ്രൂപ്പിന്റെ ഭാഗമായ എംജി.

ലോകം മുഴുവൻ കാത്തിരുന്ന ഒരു മോഡലായിരുന്നു ടെസ്‌ലയുടെ സൈബർ ട്രക്ക്. 2023ലെ ടെസ്‌ലയുടെ ഇന്‍വെസ്റ്റര്‍ ഡേയിലാണ് ആദ്യമായി ബൈ ഡയറക്ഷണല്‍ ചാര്‍ജിങ് സാങ്കേതികവിദ്യ കമ്പനി അവതരിപ്പിച്ചത്. വേണ്ടി വന്നാൽ ഒരു ടെസ്‌ല കാർ ചാർജ് ചെയ്യാനുളള ശേഷി ഈ ട്രക്കിനുണ്ട് എന്നാണ് കമ്പനി അവകാശപ്പെടുന്നത്. വെറും 2.9 സെക്കൻഡിൽ 0-100 കിലോമീറ്റർ വേഗത കൈവരിക്കാൻ തങ്ങളുടെ ഇലക്ട്രിക് പിക്ക്-അപ്പിന് കഴിയുമെന്നും ഒറ്റ ചാർജിൽ 800 കിലോമീറ്റർ റേഞ്ച് വാഗ്ദാനം ചെയ്യുമെന്നാണ് ടെസ്‌ല അവകാശപ്പെടുന്നത്. ഇപ്പോഴിതാ ഫൈവ് സ്റ്റാർ റേറ്റിങ്ങ് ലഭിച്ചിരിക്കുകയാണ് സൈബർ ട്രക്കിന്.

ഇന്ത്യയില്‍ ഇപ്പോള്‍ ഇലക്ട്രിക് കാര്‍ വിഭാഗം ഭരിക്കുന്നത് ടാറ്റ മോട്ടോര്‍സ് അടക്കമുള്ള ആഭ്യന്തര വാഹന നിര്‍മാതാക്കളാണ്. വിദേശത്ത് നിന്ന് ആഡംബര ഇവികള്‍ ഇറക്കുമതി ചെയ്യുന്നതിന് വമ്പന്‍ നികുതിയുള്ളത് ഏറ്റവും കൂടുതല്‍ ഗുണം ചെയ്തത് ടാറ്റയടക്കമുള്ള കമ്പനികള്‍ക്കാണ്. എന്നാല്‍ ഇപ്പോള്‍ ആഗോള ബ്രാന്‍ഡുകളെ രാജ്യത്തേക്ക് ആകര്‍ഷിക്കാനായി കേന്ദ്ര സര്‍ക്കാര്‍ പുതിയ ഇവി നയം കൊണ്ടുവരാന്‍ പോകുകയാണ്. രാജ്യത്ത് വാഹന നിര്‍മാണശാല സ്ഥാപിക്കുന്ന കമ്പനികള്‍ക്ക് ഇറക്കുമതി തീരുവ കുറച്ച് നല്‍കുന്നതടക്കമുള്ള ആനുകൂല്യങ്ങള്‍ ഉണ്ടാകും. അമേരിക്കന്‍ ഇവി ഭീമന്‍മാരായ ടെസ്‌ലയടക്കമുള്ള കമ്പനികള്‍ ആയിരിക്കും ഇതിന്റെ ഏറ്റവും വലിയ ഗുണഭോക്താക്കള്‍.

കഴിഞ്ഞ കുറച്ച് വർഷങ്ങളായി സേഫ്റ്റി നോക്കി വാഹനങ്ങൾ വാങ്ങുന്നവരുടെ എണ്ണത്തിൽ വലിയ വർധനവ് തന്നെയാണുണ്ടായിരിക്കുന്നത്. ടാറ്റയും (Tata Motors) മഹീന്ദ്രയുമെല്ലാം (Mahindra) ക്രാഷ് ടെസ്റ്റിലെ കേമത്തം പറഞ്ഞ് കച്ചോടംപിടിച്ചപ്പോൾ ഇതിനൊന്നും കാര്യമായ പരിഗണന കൊടുക്കാതിരുന്നവരായിരുന്നു രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കിയും ഹ്യുണ്ടായിയും (Hyundai). എന്നാൽ പുതിയ വെർണ (Verna) പുറത്തിറക്കിയപ്പോൾ ഇടിപ്പരീക്ഷയിൽ ഫുൾ-മാർക്കും വാങ്ങിയായിരുന്നു കൊണ്ടുവന്നത്. ഒപ്പം നല്ല കിടിലൻ ഡിസൈനും ഫീച്ചറുകളുടെ ആറാട്ടും കൂടിയായപ്പോൾ ആളുകൾ ഇരുകൈയും നീട്ടിയാണ് വാഹനത്തെ സ്വീകരിച്ചത്.

പലതരം മോഡിഫിക്കഷനുകൾ കാണാൻ സാധിക്കും നമ്മുടെ രാജ്യത്ത്. എന്നാൽ ചിലതൊക്കെ വളരെ ഭയാനകവും തീവ്രവുമായതാണ്. 2021 -ൽ രാജ്യം വിട്ട ഫോർഡ് കമ്പനി ചിലപ്പോൾ തങ്ങളുടെ വാഹനത്തിൽ കാണിക്കുന്ന മോഡിഫിക്കേഷൻ കണ്ടാൽ തിരിച്ചു വന്നേക്കുമെന്ന് വരെ തോന്നിയേക്കാം. അത്തരത്തിലൊരു മോഡിഫിക്കേഷൻ്റെ വിശേഷങ്ങളാണ് നിങ്ങളുമായി പങ്കുവയ്ക്കാനുളളത്. ആഡംബര വാഹനങ്ങളുടെ മോഡൽ ഉണ്ടാക്കുന്ന വാർത്തകൾ നിങ്ങളിലേക്ക് ഞങ്ങൾ എത്തിച്ചിട്ടുണ്ട്. എന്നാൽ ഒരു ലിമോസിൻ കാർ ഉണ്ടാക്കിയ വ്യക്തിയുടെ വിവരങ്ങളാണ് പറയാൻ പോകുന്നത്. ഇന്ത്യയിലെ ആദ്യ ഫോർഡ് ഫിഗോ ലിമാസിൻ. ടെക്നിക്കൽ പാർത്ഥ എന്ന യുട്യൂബ് ചാനലിലാണ് വീഡിയോ പങ്കുവച്ചിരിക്കുന്നത്.

കഴിഞ്ഞ കുറച്ച് വര്‍ഷങ്ങളായി ഇന്ത്യന്‍ വാഹന വിപണിയില്‍ മികച്ച വിജയം ആസ്വദിക്കുന്ന ബ്രാന്‍ഡ് ആണ് മഹീന്ദ്ര ആന്‍ഡ് മഹീന്ദ്ര. കഴിഞ്ഞ ഏതാനും വര്‍ഷങ്ങള്‍ക്കിടെ കമ്പനി പുറത്തിറക്കിയ ഒട്ടുമിക്ക മോഡലുകളും വമ്പന്‍ ഹിറ്റാണ്. അടുത്തിടെ ഇലക്ട്രിക് കാറുകളില്‍ ശ്രദ്ധ കേന്ദ്രീകരിക്കുന്ന കമ്പനി പുറത്തിറക്കിയ BE 6, XEV 9e എന്നീ മോഡലുകള്‍ ബുക്കിംഗ് ചാര്‍ട്ടുകള്‍ വിറപ്പിച്ച് മുന്നേറുകയാണ്. ഇതിന്റെ കൂടെ തന്നെ ഐസി എഞ്ചിന്‍ വാഹനങ്ങളെയും കമ്പനി കാര്യമായി ഗൗനിക്കുന്നുണ്ട്. മഹീന്ദ്ര 2022 ജൂണില്‍ പുറത്തിറക്കിയ സൂപ്പര്‍ ഹിറ്റ് മോഡലാണ് സ്‌കോര്‍പിയോ N.

ആദിശ്വർ ഓട്ടോ റൈഡ് ഇന്ത്യയുമായുള്ള (AARI) പങ്കാളിത്തത്തോടെ ഇന്ത്യൻ ഇരുചക്ര വാഹന വിപണിയിലേക്ക് കടന്നുവന്ന പ്രീമിയം മോട്ടോർസൈക്കിൾ നിർമാതാക്കളാണ് മോട്ടോ മോറിനി. കിടിലൻ മോഡലുകൾ ചെറിയ വിലയ്ക്ക് അവതരിപ്പിച്ച ബ്രാൻഡ് ശ്രദ്ധനേടിയിരുന്നുവെങ്കിലും വേണ്ടവിധത്തിൽ ശ്രദ്ധിക്കപ്പെടാൻ ഇതുവരെ കഴിഞ്ഞില്ലെന്ന് പറയുന്നതാവും ശരി. എങ്ങനെയെങ്കിലും വിൽപ്പന കൂട്ടാനായും നിലവിലെ സ്റ്റോക്കുകൾ വിറ്റഴിക്കാനുമായി കമ്പനി കുറച്ചുകാലമായി ആഞ്ഞ് ശ്രമിക്കുകയാണ്. ഇതിന്റെ ഭാഗമായി മിക്ക ബൈക്കുകളിലും ഗംഭീര വിലക്കുറവും പല തവണയായി പ്രഖ്യാപിച്ചിട്ടുണ്ട്. എക്‌സ്-കേപ്പ് 650, എക്‌സ്-കേപ്പ് 650X, സീമെസോ, റെട്രോ സ്ട്രീറ്റ്, സ്ക്രാംബ്ലർ എന്നിവയുമായാണ് ഇറ്റാലിയൻ പൈതൃകമുള്ള മോട്ടോ മോറിനി രാജ്യത്തിനായി പണിതിറക്കിയിട്ടുള്ളത്.

ഇന്ത്യക്കാര്‍ ഒരിക്കലും മറക്കാന്‍ ഇടയില്ലാത്ത ഒരു വാഹനമാണ് മാരുതി സുസുക്കി ഒംനി. സിനിമകളില്‍ വില്ലന്‍മാരുടെ സ്വന്തം വാഹനമായിരുന്നെങ്കിലും യഥാര്‍ത്ഥ ജീവിതത്തില്‍ പാസഞ്ചര്‍ വാഹനം എന്നതിലുപരി ആംബുലന്‍സ്, സ്‌കൂള്‍ വാന്‍, കാര്‍ഗോ വാന്‍ എന്നീ നിലകളിലും ഒംനി സേവനമുനഷ്ടിച്ചു. ഒംനിയുടെ പകരക്കാരായി പല വാഹനങ്ങളും വന്നുപോയെങ്കിലും അതേ ഒരു ഓളം തീര്‍ക്കാന്‍ മറ്റൊരു മോഡലിനും സാധിച്ചിട്ടില്ല. ഇപ്പോള്‍ ഒംനി ഒഴിച്ചിട്ട് പോയ സിംഹാസനം കൈയ്യടക്കാനായി ഒരു പുത്തന്‍ വാന്‍ വരാന്‍ പോകുകയാണ്. എന്നാല്‍ ഈ മോഡല്‍ പുറത്തിറക്കുന്ന കമ്പനി മാരുതി സുസുക്കിയല്ലെന്ന് മാത്രം. അത് ദക്ഷിണ കൊറിയന്‍ വാഹന നിര്‍മാതാക്കളായ കിയയാണ്.

ഇന്ത്യയിൽ ഇലക്‌ട്രിക് സ്‌കൂട്ടർ വിപണിയിലേക്ക് ദിനംപ്രതി അനേകം മോഡലുകളാണ് ഇപ്പോൾ കടന്നുവരുന്നത്. ചെറിയ വില മുതൽ പ്രീമിയം വില വരെയുള്ള ഇവികൾ സമ്പന്നമാണ് ഇപ്പോൾ നമ്മുടെ ഇരുചക്ര വാഹന രംഗമെന്ന് വേണം പറയാൻ. ഓലയും ഏഥറും ഹീറോയും ടിവിഎസും ബജാജും ഹോണ്ടയുമെല്ലാം അരങ്ങ് തകർക്കുമ്പോൾ കടലിലെ ചെറുമീനുകളായി മറ്റ് നിരവധി സ്റ്റാർട്ടപ്പ് ബ്രാൻഡുകളും ഇലക്ട്രിക് സ്കൂട്ടറുകൾ പുറത്തിറക്കുന്നുണ്ട്. പക്ഷേ ചെറിയ വിലയിൽ മോഡലുകൾ നോക്കുന്നവർ ചിലപ്പോൾ നിരാശപ്പെട്ടേക്കാം. 1 ലക്ഷം അല്ലെങ്കിൽ അതിനടുത്ത് കൊടുത്തെങ്കിൽ മാത്രമേ ഒത്തൊരു വണ്ടി വാങ്ങാനാവൂ എന്ന അവസ്ഥയാണ് ഇപ്പോഴുള്ളത്.

സെലിബ്രിറ്റികളുടെ ഏറ്റവും പ്രിയപ്പെട്ട കാറുകളിൽ ഒന്നാണ് ലാൻഡ് റോവർ ഡിഫൻഡർ (Land Rover Defender). പ്രത്യേകിച്ച് ഹിന്ദി സിനിമാ താരങ്ങൾക്കിടയിലെ പ്രിയങ്കരനാണ് ഈ ആഡംബര സ്പോർട് യൂട്ടിലിറ്റി വാഹനം. സിനിമാ മേഖലയിൽ ഉള്ളവർ മാത്രമല്ല കേട്ടോബിസിനസുകാർ, ക്രിക്കറ്റ് താരങ്ങൾ തുടങ്ങിയ സമ്പന്നർക്കിടയിൽ ഡിഫൻഡറിന് ഒരുപാട് ആരാധകരുണ്ട്. കോടികൾ വില വരുന്ന വാഹനം പല വ്യത്യസ്‌ത വേരിയന്റുകളിലാണ് സ്വന്തമാക്കാനും സാധിക്കുന്നത്. നല്ല യാത്രാ കംഫർട്ട് തരുന്ന സ്പോർട്ട് യൂട്ടിലിറ്റി വാഹനത്തിന് ഓൺ-റോഡിലേത് പോലെ ഓഫ്-റോഡിലും അതിഗംഭീര പ്രകടനമാണ് കാഴ്ച്ചവെക്കാനാവുന്നത്.

ഇന്ത്യക്കാരുടെ പ്രിയപ്പെട്ട കാര്‍ ബ്രാന്‍ഡ് ആയ മെര്‍സിഡീസ് ബെന്‍സ് 1 ഡസനിലേറെ മോഡലുകള്‍ രാജ്യത്ത് വില്‍ക്കുന്നുണ്ട്. അവയില്‍ ചില മോഡലുകളോട് ആയിരിക്കും സെലിബ്രിറ്റികള്‍ക്ക് കമ്പം കൂടുതല്‍. അക്കൂട്ടത്തില്‍ പെട്ട ഇന്ത്യന്‍ സിനിമാ താരങ്ങള്‍ക്കിടയില്‍ ഏറ്റവും ജനപ്രിയമായ കാറുകളില്‍ ഒന്നാണ് മെര്‍സിഡീസ് ബെന്‍സ് S-ക്ലാസ്. കരീന കപൂര്‍, ഷാഹിദ് കപൂര്‍, മൃണാല്‍ ഠാക്കൂര്‍, സോനം കപൂര്‍, കപില്‍ ശര്‍മ്മ തുടങ്ങിയ സെലിബ്രിറ്റികള്‍ ഈ ആഡംബര സെഡാന്‍ സ്വന്തമാക്കിയിട്ടുണ്ട്. ബോളിവുഡിലെ സീനിയര്‍ നടന്മാരില്‍ ഒരാളും ഇതിഹാസ താരവുമായ ഒരാള്‍ ഇപ്പോള്‍ ഈ കാര്‍ വാങ്ങിയിട്ടുണ്ട്. അതുമായി ബന്ധപ്പെട്ട വീഡിയോ ഇപ്പോള്‍ യൂട്യൂബില്‍ ഏറെ ശ്രദ്ധിക്കപ്പെടുന്നുണ്ട്.

കേരളത്തിൽ എന്നും മോട്ടോർ വാഹന വകുപ്പ് എയറിലാണ്. ഒരു പ്രശ്നം ഒതുക്കി തീർക്കുമ്പോൾ അടുത്തത് പൊങ്ങി വരും. അങ്ങനെ ഇപ്പോൾ ഉയർന്ന് വന്നിരിക്കുന്ന മറ്റൊരു പ്രശ്നമാണ് പ്രവാസികൾക്ക് ലൈസൻസ് പുതുക്കുന്നതിലുളള പ്രതിസന്ധികൾ. ഡ്രൈവിങ് ലൈസന്‍സ് പുതുക്കുന്നതിന് അംഗീകൃത ഡോക്ടര്‍മാരില്‍നിന്ന് നേത്ര, മെഡിക്കല്‍ സര്‍ട്ടിഫിക്കറ്റുകള്‍ നിര്‍ബന്ധമാണെന്ന് എല്ലാവർക്കും അറിയാവുന്നതാണല്ലോ. എന്നാൽ പ്രവാസികൾക്ക് വേണ്ടി ഓൺലൈൻ ആപ്പിലൂടെ പുതുക്കാനുളള സംവിധാനം ഒരുക്കിയിട്ടുണ്ട്. എന്നാൽ അതിൽ ഒരു പ്രശ്നമുളളത് സംസ്ഥാന മെഡിക്കൽ കൗണ്‍സില്‍ അംഗീകരിച്ച ഡോക്ടര്‍മാരുടെ മാത്രമേ സർട്ടിഫിക്കറ്റ് സ്വീകരിക്കു എന്നാണ് എംവിഡി നിർബന്ധം പിടിക്കുന്നത്.

ഇന്ത്യക്കാരുടെ പ്രിയപ്പെട്ട വാഹന നിർമാതാക്കളായി അതിവേഗം വളരുകയാണ് സ്കോഡ. കുഷാഖ്, സ്ലാവിയ, കൊഡിയാക്, കൈലാക് തുടങ്ങിയുള്ള ചെറിയ വാഹന നിരയാണുള്ളതെങ്കിലും എല്ലാ മോഡലുകളും വാങ്ങാൻ രാജ്യത്ത് ആളുണ്ട് താനും. അതിന്റെ പ്രധാന കാരണം സേഫ്റ്റിയും നിർമാണ നിലവാരവുമാണെന്ന് പറഞ്ഞാലും തെറ്റുപറയാനാവില്ല. അടുത്തിടെ വന്ന കുഞ്ഞൻ കോംപാക്‌ട് എസ്‌യുവിയായ കൈലാക്കും വിപണിയിൽ തരംഗമായി മുന്നേറുകയാണ്. ഇതിനിടയിൽ ഇന്ത്യയിൽ പ്രവർത്തനം ആരംഭിച്ചിട്ട് 25 വർഷം പൂർത്തിയാക്കിയ സന്തോഷത്തിലുമാണ് ചെക്ക് റിപ്പബ്ലിക്കൻ വാഹന നിർമാതാക്കൾ. ഇപ്പോഴിതാ വണ്ടിവിൽക്കാൻ സിനിമ നടന്റെ കൂട്ടുപിടിച്ചിരിക്കുകയാണ് സ്കോഡ.

ഒരു കാര്‍ എന്നത് ഇന്നും പലരുടെയും സ്വപ്‌നമായിരിക്കും. കാര്‍ വാങ്ങി കഴിഞ്ഞാല്‍ അവയ്ക്കുള്ള പരിപാലന ചെലവ് കാരണം ടൂവീലറില്‍ തന്നെ യാത്ര തുടരുന്ന ഒത്തിരി പേര്‍ നമുക്ക് ചുറ്റുമുണ്ട്. എന്നാല്‍ ഇന്ന് ഇന്ത്യയില്‍ വളരെ കുറച്ച് പരിപാലന ചെലവ് മാത്രമുള്ള ചില കാറുകളും വില്‍പ്പനക്കെത്തുന്നുണ്ട്. മാരുതി സുസുക്കി, ഹ്യുണ്ടായി, ടാറ്റ, ഹോണ്ട എന്നീ പ്രമുഖ ബ്രാന്‍ഡില്‍ നിന്നുള്ള ആ കാറുകളുടെ ഒരു പട്ടിക ഞങ്ങള്‍ തയാറാക്കിയിട്ടുണ്ട്. 'തീറ്റിപ്പോറ്റാന്‍' കുറഞ്ഞ ചെലവ് മാത്രമുള്ള ആ കാറുകള്‍ ഏതൊക്കെ ആണെന്നും അവയുടെ വില, എഞ്ചിന്‍ ഓപ്ഷനുകള്‍ പ്രത്യേകതകള്‍ എന്നിവ ചുവടെ വിശദമായി വായിക്കാം.

വർഷങ്ങൾക്ക് മുമ്പേ ഇന്ത്യയിൽ നിന്നും പടിയിറങ്ങിയെങ്കിലും ഇപ്പോഴും വലിയ ആരാധകവൃന്ദമുള്ള വാഹന നിർമാതാക്കളാണ് ഫിയറ്റ്. പുന്തോയും അബാർത്തും ലിനിയയുമൊക്കെ നമ്മുടെ നിരത്തുകൾ ഭരിച്ചിരുന്ന കാലം ആർക്കും അങ്ങനെ പെട്ടെന്ന് മറക്കാനൊക്കില്ലല്ലോ. മറക്കാൻ ശ്രമിച്ചാലും ഒരുകാലത്ത് മാരുതി സ്വിഫ്റ്റ് പോലുള്ള ജനപ്രിയ കാറുകൾക്ക് കൊടുത്തിരുന്ന കുഞ്ഞൻ ഡീസൽ എഞ്ചിൻ മാത്രം മതി ഫിയറ്റിനെ ഓർമിക്കാൻ. ഇന്ത്യയിൽ മാത്രമല്ല കേട്ടോ, ലോക കാർ വിപണിയുടെ ചരിത്രത്തിൽ തന്നെ പ്രത്യേക സ്ഥാനമുള്ളവരാണ് ഫിയറ്റ്. 1964-ൽ ഇന്ത്യയിൽ പ്രവർത്തനം ആരംഭിച്ച ബ്രാൻഡ് 2019-ലാണ് ഇവിടെ നിന്നും പടിയിറങ്ങുന്നത്.

ദക്ഷിണ കൊറിയന്‍ ബ്രാന്‍ഡായ കിയ ഇന്ത്യയില്‍ വില്‍പ്പനക്കെത്തിക്കുന്ന പ്രീമിയം ഇവിയാണ് EV6. കംപ്ലീറ്റ്‌ലി ബില്‍റ്റപ്പ് യൂണിറ്റായി ഇന്ത്യയിലേക്ക് ഇറക്കുമതി ചെയ്യുന്ന കാര്‍ മോഡലായ ഇതിന് ഉയര്‍ന്ന വിലയാണുള്ളത്. കഴിഞ്ഞ ഏതാനും മാസത്തെ വില്‍പ്പന കണക്കുകള്‍ നോക്കിയാല്‍ ഏറ്റക്കുറച്ചിലുകള്‍ അനുഭവപ്പെട്ടിരുന്നുവെങ്കിലും 2025 ജനുവരിയിലെ കണക്കുകള്‍ ഞെട്ടിക്കുന്നതാണ്. കഴിഞ്ഞ മാസം കിയ EV6-ന്റെ ഒരു യൂണിറ്റ് പോലും വിറ്റുപോയിട്ടില്ലെന്നാണ് വില്‍പ്പന കണക്കുകള്‍ സൂചിപ്പിക്കുന്നത്. ജനുവരിയില്‍ അരങ്ങേറിയ 2025 ഓട്ടോ എക്‌സ്‌പോയില്‍ വെച്ച് കിയ EV6-ന്റെ ഫെയ്‌സ്‌ലിഫ്റ്റ് പതിപ്പ് പ്രദര്‍ശിപ്പിച്ചിരുന്നു. ഒരുപക്ഷേ അതായിരിക്കാം വില്‍പ്പന കുറയാന്‍ കാരണം.

വാഹനത്തിൽ പല തരം മോഡിഫിക്കേഷനുകൾ നടത്തുന്നത് കണ്ടിട്ടുണ്ട്. പല വീഡിയോകളും കാണുമ്പോൾ ഹോ പൊലീസ് അല്ലെങ്കിൽ എംവിഡി ഇതൊന്നും കാണുന്നില്ലേ എന്ന് തോന്നിപോകാറുണ്ട്. അത്തരത്തിലൊരു മോഡിഫിക്കേഷനാണ് നിങ്ങളെ പരിചയപ്പെടുത്തുന്നത്. അകത്തും പുറത്തുമായി നിരവധി മോഡിഫിക്കേഷൻ നടത്താനുളള സംവിധാനങ്ങളുണ്ട്. എന്നാൽ വാഹനത്തിൻ്റെ ബോഡിയിൽ നിറയെ ഒരു രൂപ നാണയങ്ങൾ പതിപ്പിക്കുന്ന മോഡിഫിക്കേഷൻ നിങ്ങൾ കണ്ടിട്ടുണ്ടാവില്ല. രാജസ്ഥാനിലെ ഒരു മാരുതി സുസുക്കി ഡിസയർ ഉടമയാണ് വൈറലാവാൻ വേണ്ടി ഇങ്ങനെ ഒരു പ്രവർത്തി കാണിച്ചത്. എന്തായാലും അദ്ദേഹം ഉദ്ദേശിച്ചത് പോലെ തന്നെ സംഭവം വൈറലാകുകയും ചെയ്തു. ഇൻസ്റ്റാഗ്രാം പേജിലാണ് വീഡിയോ പങ്കുവച്ചത്.

ഇന്ത്യയിലെ ഏറ്റവും വലിയ എസ്‌യുവി നിര്‍മാതാക്കളാണ് മഹീന്ദ്ര. അള്‍ടുരാസ് നിര്‍ത്തലാക്കിയതോടെ നിലവില്‍ മഹീന്ദ്രയുടെ മുന്‍നിര എസ്‌യുവിയാണ് XUV700. ഇന്ത്യന്‍ കാര്‍ വിപണിയില്‍ തരംഗം സൃഷ്ടിച്ച ഈ മോഡലാണ് അഡ്വാന്‍സ്ഡ്് ഡ്രൈവര്‍ അസിസ്റ്റന്‍സ് സിസ്റ്റംസ് (ADAS) അടക്കമുള്ള ഫീച്ചറുകള്‍ ഇന്ത്യയില്‍ ട്രെന്‍ഡിംഗ് ആക്കിയത്. ഇന്ത്യയില്‍ മിഡില്‍ ക്ലാസ് അല്ലെങ്കില്‍ അപ്പര്‍ മിഡില്‍ ക്ലാസ് ആളുകളാണ് ഈ കാര്‍ പൊതുവേ വാങ്ങാറുള്ളത്. മുന്‍കാലങ്ങളില്‍ ഇന്ത്യയിലെ സിനിമാതാരങ്ങള്‍ കൂടുതലും ആഡംബര കാറുകള്‍ വാങ്ങിയിരുന്നത് മെര്‍സിഡീസ് ബെന്‍സ്, ഔഡി, ബിഎംഡബ്ല്യു തുടങ്ങിയ ജര്‍മ്മന്‍ കമ്പനികളില്‍ നിന്നാണ്.

ടാറ്റയും എംജിയും അരങ്ങുവാഴുന്ന ഇന്ത്യയിലെ ഇലക്ട്രിക് വാഹന വിഭാഗത്തിലേക്ക് രാജ്യത്തെ ഏറ്റവും വലിയ കാർ നിർമാണ കമ്പനികളായ മാരുതി സുസുക്കിയും ഹ്യുണ്ടായിയും എത്തുകയാണ്. മാരുതി ഇ-വിറ്റാരയുമായി വന്നപ്പോൾ ദക്ഷിണ കൊറിയൻ ബ്രാൻഡ് ജനപ്രിയനായ ക്രെറ്റയുടെ വൈദ്യുത മോഡലുമായാണ് കടന്നുവന്നിരിക്കുന്നത്. എന്തായാലും ICE എഞ്ചിൻ മോഡൽ ചൂടപ്പം പോലെ വിറ്റഴിയുമ്പോൾ ഇവിക്കും തകർക്കാനാവുമെന്നാണ് വിശ്വാസം. അതും മാന്യമായ വിലയിൽ കിടിലൻ റേഞ്ചും വാഗ്‌ദാനം ചെയ്യുന്നതിനാൽ ക്രെറ്റ ഇവിക്കായി ആവശ്യക്കാർ ഒഴുകിയെത്തുമെന്നാണ് അനുമാനം. ഇപ്പോഴിതാ കാത്തിരുത്തി മുഷിപ്പിക്കാതെ തന്നെ ക്രെറ്റ ഇലക്ട്രിക്കാനായുള്ള ഡെലിവറിയും ആരംഭിച്ചിരിക്കുകയാണ് കമ്പനി.