ഒക്‌ടാവിയ മുതൽ കൈലാക് വരെ നീണ്ടുകിടക്കുന്ന എണ്ണം പറഞ്ഞ കിടിലൻ കാറുകൾ നമ്മുടെ നിരത്തുകൾക്ക് സമ്മാനിച്ചവരാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. നിലവിൽ ഫോക്‌സ്‌വാഗൺ ഗ്രൂപ്പിന് കീഴിലാണുള്ളതെങ്കിലും തങ്ങളുടേതായ ശൈലി ഇന്നും കമ്പനി തുടർന്നുപോവുന്നുണ്ട്. സ്കോഡ ഇന്ത്യയിൽ പുറത്തിറക്കിയ കാറുകളുടെ ലിസ്റ്റ് എടുത്ത് നോക്കിയാൽ തന്നെ പല വണ്ടിഭ്രാന്തൻമാരുടേയും കണ്ണ്തണ്ണിപ്പോയേക്കാം. ഒക്‌ടാവിയ, സൂപ്പർബ്, റാപ്പിഡ്, യെതി അങ്ങനെ നീളുന്ന അഡാറ് വണ്ടികളാണ് യൂറോപ്യൻ ബ്രാൻഡ് നമുക്ക് സമ്മാനിച്ചിട്ടുള്ളത്. ഇതിൽ ഒക്‌ടാവിയ എന്ന എക്‌സിക്യൂട്ടീവ് സെഡാന് പ്രത്യേക ആരാധകവൃന്ദമാണ് ഇവിടുള്ളതും.

കന്നഡ സിനിമാ ലോകത്തെ ഏറ്റവും വലിയ സൂപ്പര്‍ താരങ്ങളില്‍ ഒരാളാണ് കിച്ച സുദീപ്. ബ്രഹ്‌മാണ്ഡ സംവിധായകന്‍ എസ്എസ് രാജമൗലി ഒരുക്കിയ 'ഈച്ച' എന്ന സിനിമയിലെ പ്രതിനായക വേഷത്തില്‍ അഭിനയിച്ച സുദീപ് മലയാളികള്‍ക്കും സുപരിതനാണ്. മലയാളിയായ പ്രിയ രാധാകൃഷ്ണയെ വിവാഹം ചെയ്ത സുദീപ് കേരളക്കരയുടെ മരുമകന്‍ കൂടിയാണ്. നടന്‍ എന്ന നിലയില്‍ മാത്രമല്ല, സംവിധായകന്‍, നിര്‍മ്മാതാവ്, ടെലിവിഷന്‍ അവതാരകന്‍, ഗായകന്‍ എന്നീ നിലകളിലും അദ്ദേഹം പേരെടുത്തിട്ടുണ്ട്. കര്‍ണാടകയിലുടനീളം പ്രത്യേകിച്ച് യുവാക്കളിലും കുടുംബ പ്രേക്ഷകരിലും അദ്ദേഹത്തിന് വലിയൊരു ആരാധകവൃന്ദമുണ്ട്.

ഇലക്‌ട്രിക് സ്‌കൂട്ടർ വിപണിയിൽ ഓലയോടും ഏഥറിനോടും ബജാജിനോടും ടിവിഎസിനോടുമെല്ലാം പടവെട്ടി തങ്ങളുടേതായ സ്ഥാനം കണ്ടെത്തിയവരാണ് ഇറ്റാലിയൻ വൈദ്യുത വാഹന നിർമാതാക്കളായ VLF എന്നറിയപ്പെടുന്ന വെലോസിഫെറോ (Velocifero). KAW വെലോസ് മോട്ടോർസ് പ്രൈവറ്റ് ലിമിറ്റഡുമായുള്ള പങ്കാളിത്തത്തോടെയാണ് ബ്രാൻഡ് രാജ്യത്ത് പ്രവർത്തനം ആരംഭിച്ചത്. നമ്മൾ പൊതുവേ കണ്ടുവന്നിരുന്ന ഇവികളിൽ നിന്നും വ്യത്യസ്‌തമായ രൂപവും ഭാവവുമായി എത്തിയ VLF മോഡലുകൾ അതിവേഗം ജനപ്രീതിയാർജിക്കുകയുണ്ടായി. ഇപ്പോഴിതാ രാജ്യത്തെ പെട്രോൾ സ്‌കൂട്ടർ രംഗത്തേക്കും ചുവടുവെച്ചിരിക്കുകയാണ് കമ്പനി. നീണ്ടനാളത്തെ കാത്തിരിപ്പുകൾക്കൊടുവിൽ വെലോസിഫെറോ മോബ്സ്റ്ററാണ് വിപണിയിൽ എത്തിയിരിക്കുന്നത്.

കേന്ദ്ര സര്‍ക്കാര്‍ ചരക്കുസേവന നികുതി പരിഷ്‌കരിച്ചതോടെ കോംപാക്ട് എസ്‌യുവികള്‍ ഇപ്പോള്‍ കൂടുതല്‍ താങ്ങാനാകുന്ന വിലയില്‍ ലഭ്യമായി തുടങ്ങി. പെട്രോള്‍ കാറുകള്‍ക്ക് പുറമെ ഡീസല്‍ മോഡലുകള്‍ക്കും വില കുറഞ്ഞിട്ടുണ്ട്. എണ്ണത്തില്‍ കുറവാണെങ്കിലും എസ്‌യുവികളുടെ ഡീസല്‍ വേരിയന്റുകള്‍ക്ക് എന്നും സ്വന്തമായി ഫാന്‍ബേസ് ഉണ്ടായിരുന്നു. ഇപ്പോള്‍ ഗണ്യമായ നികുതി ഇളവ് കൂടിയായതോടെ ഡീസല്‍ എസ്‌യുവികള്‍ക്ക് ഡിമാന്‍ഡ് കൂടും. ജിഎസ്ടി 2.0 പ്രാബല്യത്തില്‍ വന്നതോടെ കോംപാക്ട് ഡീസല്‍ എസ്‌യുവി വാങ്ങുന്നവര്‍ക്ക് 1.86 ലക്ഷം രൂപ വരെയാണ് ലാഭം. ഏറ്റവും കൂടുതല്‍ നികുതി ഇളവ് ലഭിച്ച 5 കോംപാക്ട് ഡീസല്‍ എസ്‌യുവകള്‍ ഏതൊക്കെയാണെന്ന് ഈ ലേഖനത്തില്‍ നോക്കാം.

സ്കോഡയുടെ ജനപ്രിയ മോഡലാണ് കുഷാഖ്. വിപണിയിൽ അവതരിപ്പിച്ചപ്പോൾ മുതൽ വിൽപ്പനയിൽ ഒരു കുറവും മോഡൽ വരുത്തിയിട്ടില്ല എന്നതാണ് പ്രത്യേകത. ഏത് മോഡലാണെങ്കിലും ഒരു മുഖം മിനുക്കൽ ആവശ്യമാണല്ലോ. അത്തരത്തിൽ സ്കോഡ കുഷാഖിൻ്റെ പുതിയ മുഖം മിനുക്കിയെത്തുന്ന മോഡലിൻ്റെ സ്പൈ ചിത്രങ്ങൾ ഇപ്പോൾ പുറത്ത് വന്നിരിക്കുകയാണ്. എന്തൊക്കെ മാറ്റങ്ങളാണ് എസ്‌യുവിയിൽ വരുത്തിയിരിക്കുന്നതെന്ന് അറിയാൻ എല്ലാവരും കാത്തിരിക്കുകയാണെന്ന് അറിയാം. പ്രാദേശികമായി നിർിക്കുന്ന MQB A0 IN പ്ലാറ്റ്‌ഫോമിനെ അടിസ്ഥാനമാക്കിയാണ്, കുഷാഖ്, സ്ലാവിയ എല്ലാ നിർമിക്കുന്നത്. 2021-ന് ശേഷം ആദ്യമാണ് സ്കോഡ തങ്ങളുടെ കുഷാഖിന് പുതിയ മുഖം സമ്മാനിക്കുന്നത്.

ഗോള്‍ഡ് സ്റ്റാറുമായി 2021-ലാണ് വിഖ്യാത മോട്ടോര്‍സൈക്കിള്‍ ബ്രാന്‍ഡ് ആയ ബിഎസ്എ തിരിച്ചുവന്നത്. കഴിഞ്ഞ വര്‍ഷം മാത്രമാണ് ക്ലാസിക് ലെജന്‍ഡ്‌സ് ബിഎസ്എ ഗോള്‍ഡ് സ്റ്റാര്‍ 650 മോഡല്‍ 2.99 ലക്ഷം രൂപ എക്‌സ്‌ഷോറൂം വിലയില്‍ ഇന്ത്യയിലെത്തിച്ചത്. ഈ ഉത്സവ സീസണില്‍ ബൈക്ക് പ്രേമികള്‍ക്ക് സന്തോഷം നല്‍കിക്കൊണ്ട് ബിഎസ്എ ഫ്‌ലാഗ്ഷിപ്പ് റെട്രോ-സ്‌റ്റൈല്‍ ബൈക്കായ ഗോള്‍ഡ് സ്റ്റാര്‍ 650-ക്ക് വമ്പിച്ച ഓഫര്‍ പ്രഖ്യാപിച്ചു. ബൈക്ക് വാങ്ങാന്‍ എത്തുന്ന ആദ്യത്തെ 500 ഉപഭോക്താക്കള്‍ക്ക് ജിഎസ്ടി പരിഷ്‌കരണത്തിന് മുമ്പുള്ള വിലയില്‍ ബൈക്ക് ലഭിക്കുമെന്ന് കമ്പനി അറിയിച്ചു. അതായത് ബിഎസ്എയുടെ ഫ്‌ലാഗ്ഷിപ്പ് മോഡല്‍ ഇപ്പോഴും പഴയ വിലയില്‍ തന്നെ ലഭ്യമാകും.

ഇലക്ട്രിക് ഇരുചക്ര വാഹന വിപണി കൈപ്പിടിയിലാക്കാനായി കിടിലൻ മോഡലുകളാൽ തങ്ങളുടെ വാഹന നിര വിപുലീകരിക്കുന്ന തിരക്കിലാണ് ദുൽഖർ സൽമാന് ഓഹരിയുള്ള ഇവി നിർമാതാക്കളായ അൾട്രാവയലറ്റ്. കുറച്ച് നാളുകൾക്ക് മുമ്പ് അവതരിപ്പിച്ച ടെസറാക്റ്റും ഷോക്ക്‌വേവും തീർത്ത ആരവം കെട്ടടങ്ങുന്നതിന് മുമ്പേ തന്നെ പുതിയ ഇലക്ട്രിക് അഡ്വഞ്ചർ മോട്ടോർസൈക്കിളുമായി എത്തി ഞെട്ടിച്ചിരിക്കുകയാണ് കമ്പനി. X-47 എന്നുപേരിട്ടിരിക്കുന്ന മോഡൽ ഇതിനോടകം തന്നെ തരംഗമായിട്ടുണ്ട്. 2.49 ലക്ഷം രൂപയുടെ പ്രാരംഭ എക്സ്ഷോറൂം വിലയിലാണ് ഇത് അവതരിപ്പിച്ചതും. എന്നാൽ ബൈക്ക് വാങ്ങാനെത്തുന്ന ആദ്യത്തെ 1,000 പേർക്കായിരുന്നു ഈയൊരു വിലയ്ക്ക് വണ്ടി കൊടുത്തിരുന്നത്.

ഇന്ത്യയിലെ മിഡ്-കപ്പാസിറ്റി മോട്ടോർസൈക്കിൾ വിഭാഗത്തിലേക്ക് കൃത്യമായ പദ്ധതികളോടെ എത്തിയവരാണ് ട്രയംഫ് (Triumph). സൂപ്പർബൈക്കുകളും പ്രീമിയം മോട്ടോർസൈക്കിളുകളും മാത്രം നിർമിച്ചുവന്നിരുന്ന കമ്പനി ബജാജുമായി സഹകരിച്ചാണ് കുറഞ്ഞ വിലയുള്ള മോഡലുകളുമായി രംഗത്തിറങ്ങുന്നത്. ആദ്യം അവതരിപ്പിച്ച സ്പീഡ് 400, സ്ക്രാംബ്ലർ 400 എന്നിവ വലിയ വിജയം ആയപ്പോൾ ഇതിനെ അടിസ്ഥാനമാക്കിയുള്ള വിവിധ ശൈലിയിലുള്ള മറ്റ് ബൈക്കുകളും അടുത്തിടെ വിപണിയിൽ എത്തിയിരുന്നു. ശരിക്കും പറഞ്ഞാൽ ബ്രിട്ടീഷ് ഇരുചക്ര വാഹന നിർമാതാക്കളുടെ വരവ് സെഗ്മെന്റ് കിങായിരുന്ന റോയൽ എൻഫീൽഡിന് (Royal Enfield) തിരിച്ചടിയായിരുന്നുവെന്ന് വേണം പറയാൻ.

ഏത് ഇരുട്ടത്തും തിരിച്ചറിയാൻ സാധിക്കുന്ന ഒരു ബ്രാൻഡ് ലോഗോ ഏതാണെന്ന് ചോദിച്ചാൽ അത് മാരുതി സുസുക്കിയുടേതാണ് എന്നതാണ് ഉത്തരം. കാരണം കുട്ടിക്കാലം മുതലേ കണ്ട് പരിചയിച്ച ഒരു ബ്രാൻഡ് ലോഗോ ആണ് അത്. നീണ്ട 22 വർഷങ്ങൾക്ക് ശേഷം മാരുതി സുസുക്കി തങ്ങളുടെ ലോഗോയിൽ മാറ്റം വരുത്തിയിരിക്കുകയാണ്. എന്നാൽ എന്തുകൊണ്ടായിരിക്കും പെട്ടെന്ന് ലോഗോയിൽ ഒരു മാറ്റം കൊണ്ടു വരാൻ കമ്പനി തീരുമാനിച്ചത്. ഈ ലോഗോയ്‌ക്കൊപ്പം, ഇംഗ്ലീഷിൽ "ബൈ യുവർ സൈഡ്" എന്ന പേരും ടാഗ്‌ലൈനായി നൽകിയിട്ടുണ്ട് എന്നതാണ് പ്രത്യേകത. ഉപഭോക്താക്കളിലാണ് തങ്ങളുടെ ശ്രദ്ധ എന്നാണ് മാരുതി സുസുക്കി പറഞ്ഞ് വയ്ക്കുന്നത് എന്ന് വ്യക്തം.

പണ്ടൊക്കെ വാഹനം വാങ്ങാൻ പോകുമ്പോൾ പെട്രോൾ വേണോ ഡീസൽ വേണോ എന്നാണ് ആലോചിച്ചിരുന്നതെങ്കിൽ ഇലക്ട്രിക്, ഹൈബ്രിഡ്,സിഎൻജി അങ്ങനെ ഓപ്ഷൻ നീളുകയാണ്. ഓരോ പവർട്രെയിൻ സ്വന്തമാക്കുമ്പോഴും അതിൻ്റേതായ ഗുണവും ദോഷവും ഉണ്ട്. നമ്മൾ എങ്ങനെ പരിപാലിക്കുന്നു എന്നത് അനുസരിച്ചാണ് വാഹനത്തിൻ്റെ ലൈഫ്.അത് പെട്രോളാണെങ്കിലും മറ്റ് ഏത് പവർട്രെയിനാണെങ്കിലും അങ്ങനെ തന്നെ. എന്നാൽ സാധാരണ കാറുകളേക്കാൾ ഹൈബ്രിഡ് വാഹനങ്ങൾക്ക് പ്രത്യേക പരിചരണവും സൂക്ഷ്മതയോടെയുളള ഉപയോഗവും ആവശ്യമാണ് എന്ന് ആദ്യം മനസിലാക്കണം. കൃത്യമായി പരിപാലിച്ചാൽ ഹൈബ്രിഡ് കാർ കൂടുതൽ വർഷങ്ങൾ മികച്ച പ്രകടനം കാഴ്ചവയ്ക്കുകയും മികച്ച ഇന്ധനക്ഷമത നൽകി നിങ്ങളുടെ പോക്കറ്റ് ചോരാതിരിക്കാൻ സഹായിക്കുകയും ചെയ്യും.

ഇന്ത്യയൊട്ടാകെ ദുല്‍ഖര്‍ സല്‍മാന്‍ എന്ന അഭിനേതാവിന്റെ പേര് മുഴങ്ങിക്കേട്ട കുറച്ച് ആഴ്ചകളാണ് കടന്ന് പോയിട്ടുള്ളത്. ആദ്യം 'ലോക ചാപ്റ്റര്‍ 1 ചന്ദ്ര' എന്ന സിനിമയുടെ നിര്‍മാതാവ്, അഭിനേതാവ് എന്ന നിലയിലായിരുന്നു താരം തലക്കെട്ടുകള്‍ സൃഷ്ടിച്ചത്. ഏകദേശം 30 കോടി മുതല്‍ മുടക്കില്‍ നിര്‍മിച്ച ഡൊമനിക് അരുണ്‍ സംവിധാനം ചെയ്ത സിനിമ 270 കോടിയിലധികം വാരി മലയാളത്തിലെ ഏറ്റവും പുതിയ ഇന്‍ഡസ്ട്രി ഹിറ്റായി മാറിയിരിക്കുകയാണ്. നിര്‍മാതാവ് എന്ന റോളിന് പുറമെ ചിത്രത്തില്‍ ഒടിയന്‍/ചാര്‍ളി എന്ന റോളില്‍ ദുല്‍ഖര്‍ കാമിയോ വേഷത്തിലും തകര്‍ത്താടി. ഓപറേഷന്‍ നുംഖോറിന്റെ ഭാഗമായി ഡിക്യുവിന്റെ രണ്ട് വാഹനങ്ങള്‍ പിടിച്ചെടുത്തതായാണ് വിവരം.

ഇന്ന് വാഹന ലോകം ഇനി എഞ്ചിനുകള്‍, ചക്രങ്ങള്‍, പെട്രോള്‍, ഡീസല്‍ എന്നിവയില്‍ മാത്രം ഒതുങ്ങുന്നതല്ല. കണക്റ്റഡ് സാങ്കേതികവിദ്യയുടെ ദ്രുതഗതിയിലുള്ള വളര്‍ച്ചയോടെ കാറുകള്‍ അനുദിനം സ്മാര്‍ട്ടായിക്കൊണ്ടിരിക്കുന്നു. സാങ്കേതികവിദ്യയിലെ പുരോഗതി വാഹനം ഓടിക്കുന്ന രീതിയിലും അവയുമായുള്ള ഇടപഴകലുമെല്ലാം മാറ്റിക്കൊണ്ടിരിക്കുകയാണ്. അത്തരത്തില്‍ ഉള്ള ഒരു നൂതന ആശയമാണ് ജിയോഫെന്‍സിംഗ്. പേരുകേട്ട് അംബാനിയുടെ ജിയോയുമായി ബന്ധപ്പെട്ട എന്തെങ്കിലുമാണെന്ന് തെറ്റിദ്ധരിക്കല്ലേ. അടുത്തകാലത്തായി ഓട്ടോമോട്ടീവ് ലോകത്ത് ശ്രദ്ധ നേടിയ സ്മാര്‍ട്ട് ഫീച്ചര്‍ ആണിത്. എന്താണ് ജിയോഫെന്‍സിംഗ് എന്നും അത് വാഹനങ്ങളില്‍ എങ്ങനെ പ്രവര്‍ത്തിക്കുന്നു എന്നുമാണ് നമ്മള്‍ ഈ ലേഖനത്തില്‍ നോക്കാന്‍ പോകുന്നത്.

ആഡംബര ബ്രാൻഡുകളിൽ ഏറെ പ്രിയപ്പെട്ട മോഡലാണ് ഔഡി. ഈ വർഷം ജൂണിലായിരുന്നു മൂന്നാം തലമുറ ഔഡി Q3 ആഗോള വിപണിയിൽ അരങ്ങേറ്റം കുറിച്ചതിന് ശേഷം ഇന്ത്യയിലേക്ക് എത്താൻ ഇനി അധികം സമയം എടുക്കില്ല എന്നാണ് പുറത്ത് വരുന്ന വാർത്തകൾ സൂചിപ്പിക്കുന്നത്. ഔഡി ക്യു3 യുടെ ഉൾഭാഗം വിശാലവും പ്രവർത്തനക്ഷമവുമായ ഒരു ഇന്റീരിയർ ആണ് ലഭിക്കുന്നത്. മെച്ചപ്പെട്ട ഡിസൈൻ ഘടകങ്ങളോടെയാണ് ഈ മോഡൽ വരുന്നത്. സെന്റർ കൺസോളിൽ കൂടുതൽ സ്റ്റോറേജ് ​​സ്പേസിന് വേണ്ടി സ്റ്റിയറിംഗ് വീൽ കൺട്രോൾ യൂണിറ്റ് റീഡിസൈൻ ചെയ്തിട്ടുണ്ട്.

കാലങ്ങളായി ഒരു പുത്തന്‍ ബൈക്ക് വാങ്ങാനായി സ്വപ്‌നം കാണുന്നവരുണ്ടാകും. എന്നാല്‍ അവരില്‍ പലരുടെയും മുന്നിലുള്ള പ്രശ്‌നങ്ങളില്‍ ഒന്ന് അതിനുളള പണം തന്നെയായിരിക്കും. പുതിയ മോട്ടോര്‍സൈക്കിള്‍ വാങ്ങാനിരുന്ന് പണം ഒരു പ്രശനമായി വന്നവര്‍ക്ക് മുന്നിലേക്കാണ് പുത്തന്‍ ഓഫറുകളും ജിഎസ്ടി 2.0 ആനുകൂല്യങ്ങളും വന്നിരിക്കുന്നത്. നിങ്ങള്‍ ഒരു നിയോ റെട്രോ മോട്ടോര്‍സൈക്കിള്‍ വാങ്ങാന്‍ പദ്ധതിയിട്ടിരിക്കുന്ന വ്യക്തിയാണെങ്കില്‍ ഈ ലേഖനം ഒരിക്കലും നിരാശപ്പെടുത്തില്ല. 350 സിസിയില്‍ താഴെയുള്ള മികച്ച 5 നിയേ-റെട്രോ മോട്ടോര്‍സൈക്കിളുകള്‍ പരിചയപ്പെടാം.

ആളുകളുടെ പൾസറിഞ്ഞ് പ്രവർത്തിക്കുന്നവരാണ് പൾസർ മുതലാളിയായ ബജാജ്. 350 സിസിക്ക് മുകളിലുള്ള മോട്ടോർസൈക്കിളുകൾക്ക് കേന്ദ്ര സർക്കാർ ജിഎസ്ടി വർധനവ് നടപ്പിലാക്കിയിട്ടും പൾസർ NS400Z, ഡൊമിനാർ 400 എന്നിവയുടെ വില തങ്ങൾക്ക് വർധിപ്പിക്കാൻ മനസില്ലെന്ന് വ്യക്തമാക്കിയിരിക്കുകയാണ് കമ്പനി. അധിക നികുതി ഭാരം ഉപഭോക്താക്കളിലേക്ക് കൈമാറുന്നതിനുപകരം ചെലവ് സ്വയം ഏറ്റെടുക്കാനാണ് ബജാജ് തീരുമാനിച്ചിരിക്കുന്നത്. 350 സിസിയിൽ താഴെയുള്ള ബൈക്കുകളുടെ ഉപഭോക്താക്കൾക്ക് കമ്പനി പൂർണ ജിഎസ്ടി ആനുകൂല്യം നൽകിയിട്ടുണ്ടെന്നതും ശ്രദ്ധേയമായ കാര്യമാണ്. റോയൽ എൻഫീൽഡ് പോലുള്ള ചില ബ്രാൻഡുകൾ 350 സിസിക്ക് മുകളിലുള്ള മോഡലുകളുടെ വില ഉയർത്തിയതിന് പിന്നാലെയാണ് സ്വാഗതാർഹമായ കാര്യം ബജാജ് കൈക്കൊണ്ടിരിക്കുന്നത്.

സിനിമാ താരങ്ങളുടെ വാഹനം കസ്റ്റംസ് പിടിച്ചെടുത്തത് സംബന്ധിച്ച വാർത്തകളാണ് ഇപ്പോൾ എങ്ങും തിങ്ങിനിറഞ്ഞിരിക്കുന്നത്. ഓപ്പറേഷൻ നുംഖോർ എന്ന പേരിൽ റെയ്‌ഡ് തകൃതിയായി നടക്കുന്നുണ്ട്. ഭൂട്ടാനി ഭാഷയില്‍ വാഹനം എന്ന് അര്‍ഥം വരുന്ന നുംഖോര്‍ എന്ന് പേരിട്ടിക്കുന്ന ഓപ്പറേഷന്‍ എന്തായാലും വലിയ ചർച്ചയായിട്ടുണ്ട്. ഭൂട്ടാന്‍ വഴി ആഡംബര കാറുകള്‍ നികുതി വെട്ടിച്ച് ഇന്ത്യയിലെത്തിച്ച് മറിച്ചുവില്‍ക്കുന്നുവെന്ന കണ്ടെത്തലിനെ തുടര്‍ന്ന് കസ്റ്റംസ് രാജ്യവ്യാപകമായി നടത്തുന്ന ഓപ്പറേഷന്‍ നുംഖൂറിൽ സിനിമ താരങ്ങളാണ് കൂടുതലും പെട്ടിരിക്കുന്നത്. ദുല്‍ഖര്‍ സല്‍മാന്‍, പൃഥ്വിരാജ് സുകുമാരന്‍ എന്നിവരുടെ വീടുകളില്‍ ഇന്നലെ പരിശോധന നടന്നിരുന്നു. ഡിക്യുവിന്റെ രണ്ട് വാഹനങ്ങൾ പിടിച്ചെടുത്തുവെന്നാണ് ഉദ്യോഗസ്ഥർ സ്ഥിരീകരിച്ചത്.

പ്രീമിയം ഹാച്ച്ബാക്കായ ബലേനോയുടെ വില ജിഎസ്ടി 2.0 അടിസ്ഥാനമാക്കി പുതുക്കി നിശ്ചയിച്ച് മാരുതി സുസുക്കി. നികുതി ഇളവുകളുടെ മുഴുവന്‍ ആനുകൂല്യങ്ങളും ഉപഭോക്താക്കള്‍ക്ക് കൈമാറുന്നതിനാല്‍ ഈ മാറ്റം എല്ലാ വേരിയന്റുകളിലും പ്രകടമാണ്. ജിഎസ്ടി 2.0 പരിഷ്‌കാരങ്ങളുടെ ഭാഗമായി ചെറു കാറുകളുടെ നികുതി സ്ലാബുകളില്‍ മാറ്റങ്ങള്‍ വരുത്തിയിട്ടുണ്ട്. ജിഎസ്ടി കൗണ്‍സിലിന്റെ ഈ തീരുമാനം മാരുതി ബലേനോയുടെ എല്ലാ വേരിയന്റിന്റെയും വില കുറയ്ക്കുന്നതിന് സഹായിച്ചു. ഉയര്‍ന്ന മോഡലുകള്‍ക്കാണ് ഏറ്റവും കൂടുതല്‍ വിലക്കിഴിവ് ലഭിച്ചത്.ഈ വിലക്കുറവോടെ, പ്രീമിയം ഹാച്ച്ബാക്ക് വിഭാഗത്തില്‍ ബലേനോ കൂടുതല്‍ ആകര്‍ഷകമായ ഒരു ഓപ്ഷനായി മാറിയിരിക്കുന്നു.

ഒരു ബിസിനസ് ആരംഭിക്കുമ്പോൾ വാഹനം വാങ്ങേണ്ട ആവശ്യം എന്താണെങ്കിലും വരുമല്ലോ. അങ്ങനെ ഒരു ചെറുകിട കച്ചവടം ആരംഭിക്കുമ്പോൾ വാങ്ങാൻ വിപണിയിൽ ഏതൊക്കെ ലൈറ്റ് കൊമേഴ്ഷ്യൽ വാഹനങ്ങളുണ്ടെന്ന് പലർക്കും അറിയില്ല. എല്ലാവർക്കും ചില ബ്രാൻഡുകൾ മാത്രമേ പരിചയമുളളു. ടാറ്റ മുതൽ അശോക് ലെയ്‌ലാൻഡ് വരെ ലൈറ്റ് കൊമേഴ്ഷ്യൽ വാഹനങ്ങൾ വിൽക്കുന്നുണ്ട്. കച്ചവടത്തിൻ്റെ സ്വഭാവമനുസരിച്ചാണ് ഏത് തരം വാഹനങ്ങൾ വാങ്ങുന്നാണ് ഉചിതമെന്ന് മനസിലാക്കാൻ സാധിക്കു. വാഹനങ്ങളെ പരിചയപ്പെടുന്നതിനൊപ്പം തന്നെ ചെറിയ ബിസിനസുകൾക്ക് LCV തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ കൂടി പറഞ്ഞു തരുന്നുണ്ട്.

ഉത്സവ സീസൺ ആയതോടെ വാഹന നിർമാതാക്കൾക്കെല്ലാം ചാകരയായിരിക്കുകയാണ്. ഷോറൂമിലെല്ലാം പൂരപ്പറമ്പിലേത് പോലുള്ള തിരക്ക് കണ്ടാൽ കാരണം ഇതുതന്നെയാണെന്ന് മനസിലാക്കാം. സെപ്റ്റംബർ മുതൽ നവംബർ വരെയുള്ള മാസങ്ങളിലാണ് ഇന്ത്യയിൽ ഏറ്റവും കൂടുതൽ വാഹനങ്ങൾ വിറ്റഴിയുന്നത്. വീട്ടിലേക്ക് പുതിയൊരു വണ്ടിയെടുക്കാൻ ഏറ്റവും നല്ല സമയം ഇതാണെന്നാണ് ഇന്ത്യക്കാരുടെ പൊതുവേയുള്ള വിശ്വാസം. ഇക്കഴിഞ്ഞ ദിവസങ്ങളിൽ മാരുതി സുസുക്കിയും ഹ്യുണ്ടായിയുമെല്ലാം ഒറ്റയടിക്ക് വിറ്റത് ആയിരക്കണക്കിന് കാറുകളായിരുന്നു. സമാനമായൊരു സംഭവം ടാറ്റ മോട്ടോർസും നടത്തി ഞെട്ടിച്ചിരിക്കുകയാണിപ്പോൾ. നവരാത്രിയുടെ ആദ്യ ദിവസം ടാറ്റ 10,000 കാറുകൾ ഡെലിവറി ചെയ്തിരിക്കുന്നത്.

ഭക്തന്‍മാര്‍ തങ്ങളുടെ ആഗ്രഹങ്ങള്‍ സഫലമാകുമ്പോഴും നന്ദി പ്രകടിപ്പിക്കുന്നതിനും അനുഗ്രഹത്തിനും സമാധാനത്തിനുമായി ക്ഷേത്രങ്ങളില്‍ കാണിക്ക സമര്‍പ്പിക്കുന്നത് നാം കാണാറുണ്ട്. വാഹന നിര്‍മാതാക്കളും തങ്ങളുടെ ഉല്‍പ്പന്നങ്ങള്‍ പ്രശസ്തമായ ക്ഷേത്രങ്ങളിലും മറ്റ് ആത്മീയ സ്ഥാപനങ്ങള്‍ക്കും കാണിക്കയായി സമര്‍പ്പിക്കാറുണ്ട്. ഈ വര്‍ഷം ഏപ്രിലില്‍ ടിവിഎസ് മോട്ടോര്‍ ഗുരുവായൂര്‍ ക്ഷേത്രത്തിന് 5 ഇലക്ട്രിക് സ്‌കൂട്ടറുകള്‍ സമര്‍പ്പിച്ചിരുന്നു. മാസങ്ങള്‍ക്ക് ശേഷം ടിവിഎസ് മോട്ടോര്‍ കമ്പനി അവരുടെ പുതിയ എന്‍ടോര്‍ഖ് 150, ഓര്‍ബിറ്റര്‍ ഇലക്ട്രിക് സ്‌കൂട്ടര്‍, കിംഗ് കാര്‍ഗോ ഇവി എന്നീ വാഹനങ്ങള്‍ ഗുരുവായൂരപ്പന് കാണിക്കയായി സമര്‍പ്പിച്ചിട്ടുണ്ട്. അതിനെ കുറിച്ച് വിശദമായി ഈ ലേഖനത്തില്‍ വായിക്കാം.

8 വർഷങ്ങൾക്ക് മുൻപാണ് ടാറ്റ മോട്ടോർസ് തങ്ങളുടെ ലൈനപ്പിലേക്ക് ഒരു കിടിലൻ എസ്‌യുവിയെ ഇറക്കിവിട്ടത്. അതേ നെക്സോണിൻ്റെ ജൈത്രയാത്ര ഇപ്പോൾ 8 വർഷം പൂർത്തിയാക്കിയിരിക്കുകയാണ്. 2025 ഓഗസ്റ്റ് അവസാനം വരെ ആഭ്യന്തര വിപണിയിൽ ആകെ 887,607 യൂണിറ്റുകളുടെ മൊത്ത വിൽപ്പന രജിസ്റ്റർ ചെയ്തിട്ടുണ്ട് എന്നാണ് കണക്കുകൾ വ്യക്തമാക്കുന്നത്. ഉടൻ തന്നെ 9 ലക്ഷം എന്ന നേട്ടം കൈവരിക്കാൻ സാധിക്കുമെന്നാണ് വിശ്വസിക്കുന്നത്. നെക്‌സോണിന്റെ സ്വീകാര്യതയ്ക്ക് പിന്നിലെ പ്രധാന കാരണങ്ങളിലൊന്ന് അതിന്റെ വൈവിധ്യമാർന്ന എഞ്ചിൻ ഓപ്ഷനുകളാണ്. ഏറ്റവും പുതിയ വിൽപ്പന കണക്കുകൾ പ്രകാരം എസ്‌യുവിയുടെ 14,004 യൂണിറ്റുകളാണ് പോയമാസം നിരത്തിലെത്തിയത്.

ലൈഫ്‌സ്‌റ്റൈല്‍ എസ്‌യുവി വിഭാഗത്തിലെ കിരീടം വെക്കാത്ത രാജാവാണ് മഹീന്ദ്ര ഥാര്‍. കഴിഞ്ഞ വര്‍ഷം 5 ഡോറുകളും പ്രായോഗികതയുമായി ഥാര്‍ റോക്‌സ് കൂടി വിപണിയില്‍ എത്തിയതോടെ എതിരാളികളായ ജിംനിക്കും ഗൂര്‍ഖയ്ക്കും തൊടാന്‍ പറ്റാത്ത ഉയരങ്ങളിലേക്ക് ഥാര്‍ പോയി. നിലവില്‍ ഥാര്‍ റോക്‌സ് വാങ്ങാനാണ് ആവശ്യക്കാര്‍ കൂടുതല്‍. എന്ന് കരുതി ഈ വിഭാഗത്തില്‍ തങ്ങള്‍ക്ക് മേല്‍വിലാസമുണ്ടാക്കി തന്ന ഥാറിനെ കൈവിടാന്‍ കമ്പനിക്ക് സാധിക്കില്ലല്ലോ. ഈ സാഹചര്യത്തില്‍ മഹീന്ദ്ര ഥാറിന് മുഖംമിനുക്കല്‍ സമ്മാനിക്കുകയാണ്. മഹീന്ദ്ര ഥാര്‍ ത്രീ-ഡോര്‍ പതിപ്പിന്റെ വരാനിരിക്കുന്ന ഫെയ്സ്ലിഫ്റ്റ് പതിപ്പ് ഒരു ഡീലര്‍ഷിപ്പില്‍ എത്തുന്നതിന്റെ സ്‌പൈ ചിത്രങ്ങള്‍ പുറത്തുവന്നിട്ടുണ്ട്. അതിന്റെ വിശേഷങ്ങള്‍ വായിക്കാം.

ഇന്ത്യയിൽ സ്‌കൂട്ടറുകൾക്ക് പ്രചാരമേറിയിട്ട് കാലംകുറച്ചായി. ഹോണ്ട ആക്‌ടിവ മുതൽ വൈവിധ്യമാർന്ന ധാരാളം മോഡലുകൾ ഇന്ന് വാങ്ങാനും സാധിക്കും. എല്ലാത്തരത്തിലുമുള്ള ഗിയർലെസ് സ്‌കൂട്ടറുകളും വാങ്ങാനും ഇവിടെ ആളുണ്ടെന്നതും വാഹന നിർമാതാക്കൾക്ക് പ്രചോദനമാവുന്ന കാര്യമാണ്. പെർഫോമൻസ് കോർത്തിണക്കി ഇന്ത്യക്കാർക്ക് കിടിലനൊരു സ്പോർട്ടി സ്‌കൂട്ടർ ആദ്യമായി സമ്മാനിച്ചവരാണ് ഇറ്റാലിയൻ ബ്രാൻഡായ അപ്രീലിയ (Aprilia). അടുത്തിടെ രാജ്യത്തെ യൂത്തൻമാരെ ചാക്കിലാക്കാൻ പുതിയ 175 സിസി സ്‌കൂട്ടറിനെ അപ്രീലിയ പുറത്തിറക്കിയിരുന്നു. SR 175 എന്ന് പേരിട്ടിരിക്കുന്ന മോഡൽ പലരുടേയും ഗുഡ് ബുക്കിൽ ഇടംപിടിക്കുകയും ചെയ്‌തിട്ടുണ്ടാവും.

ഇലക്‌ട്രിക് സ്‌കൂട്ടർ വിപണിയിലെ മത്സരം ഓരോ ദിവസം ചെല്ലുമ്പോഴും കനക്കുകയാണ്. സ്റ്റാർട്ടപ്പ് ബ്രാൻഡുകൾ തിരികൊളുത്തിയ നിശബ്‌ദ വിപ്ലവം ഏറ്റുപിടിച്ച് പ്രമുഖ ടൂവീലർ നിർമാതാക്കൾ കൂടി സജീവമായതോടെ വിപണിയിൽ നിരവധി മോഡലുകളാണ് അണിനിരന്നത്. ഓലയേയും ഏഥറിനേയുമെല്ലൊം ഒതുക്കി നിലവിൽ മത്സരം ഹീറോ മോട്ടോകോർപ്പും ബജാജും ടിവിഎസും തമ്മിലാണ്. ഇടയ്ക്ക് ആക്ടിവ മുതലാളിയായ ഹോണ്ട കൂടി കളത്തിലെത്തിയെങ്കിലും ശോഭിക്കാനാവാതെ പോയി. വിഡ ശ്രേണിയിലൂടെ രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മറുവശത്ത് തകർക്കുകയാണ്. കമ്പനിയിതാ ഉടമസ്ഥാവകാശം കൂടുതൽ എളുപ്പമാക്കുന്ന പുതിയ പദ്ധതികളുമായി രംഗത്തെത്തിയിരിക്കുകയാണ്.

കാർ വാങ്ങിയാൽ പരമാവധി കാലം ഉപയോഗിക്കുക എന്നതാണല്ലോ പതിവ്, എന്നാൽ ചിലർ പരമാവധി 5 വർഷം ഉപയോഗിച്ചതിന് ശേഷം വിൽക്കുകയോ മാറ്റി വാങ്ങുകയോ ചെയ്യാറുണ്ട്. എന്നാൽ 2 വർഷം വാഹനമുപയോഗിച്ചതിന് ശേഷം മാറ്റി വാങ്ങുന്നത് വലിയ ചിലവുള്ള കാര്യമാണ്. ഇവിടെയാണ് കാർ സബ്സ്ക്രിപ്ഷൻ്റെ ആവശ്യകത കൂടി വരുന്നത്. പുത്തൻ കാർ വാങ്ങുമ്പോൾ ഇൻഷുറൻസ്, ടാക്സ് അങ്ങനെ വലിയ ചിലവുകൾ വഹിക്കാൻ സാധിക്കാത്തവർക്ക് ഉപകാരപ്പെടുന്ന കാര്യമാണ് കാർ സബ്സ്ക്രിപ്ഷൻ. എന്നാൽ ഇത് എല്ലായിടത്തും ലഭ്യമാണോ, ഇതിന് എന്തൊക്കെ ചെയ്യണം എന്ന സംശയം നിങ്ങൾക്കുണ്ടായേക്കാം.