വിവിധ ബോഡിടൈപ്പുകളിലായി ഒന്നര ഡസനിലേറെ കാറുകള്‍ മാരുതി സുസുക്കി ഇന്ത്യക്കാര്‍ക്കായി വാഗ്ദാനം ചെയ്യുന്നുണ്ട്. അടുത്ത കാലത്തായി പല കാറുകളുടെയും 2025 മോഡല്‍ പുറത്തിറക്കുമ്പോള്‍ അവയില്‍ കാര്യമായ പരിഷ്‌കാരങ്ങള്‍ വരുത്താന്‍ മാരുതി ശ്രദ്ധിച്ചിട്ടടുണ്ട്. 6 എയര്‍ബാഗുകള്‍ സ്റ്റാന്‍ഡേര്‍ഡായി വന്ന ആദ്യ മാരുതി കാര്‍ നാലാം തലമുറ ഡിസയര്‍ കോംപാക്ട് സെഡാന്‍ ആയിരുന്നു. ഇക്കഴിഞ്ഞ ദിവസം 6 എയര്‍ബാഗുകള്‍ സ്റ്റാന്‍ഡേര്‍ഡ് ഫിറ്റ്‌മെന്റാക്കി സെലേറിയോ ഹാച്ച്ബാക്കും പരിഷ്‌കരിച്ചു. ഇപ്പോള്‍ 6 എയര്‍ബാഗുകള്‍ ചേര്‍ത്ത് അപ്‌ഡേറ്റ് ചെയ്ത ബ്രെസ സബ് 4 മീറ്റര്‍ എസ്‌യുവി വിപണിയില്‍ എത്തിച്ചിരിക്കുകയാണ് മാരുതി.

ബജാജ് പൾസർ (Bajaj Pulsar) നിരയിൽ ഏറ്റവും ഫാൻസുള്ളത് ഏത് മോഡലാനാണെന്ന് ചോദിച്ചാൽ കണ്ണുംപൂട്ടി പറയാം അത് NS സീരീസിനാണെന്ന്. 125 സിസി മുതൽ 400 സിസി വരെ വ്യാപിച്ചുകിടക്കുന്ന ഈ മോട്ടോർസൈക്കിൾ ശ്രേണി യുവാക്കളുടെ ഹരമായി മാറിയിട്ട് നാളിമ്മിണിയായി. NS200 സ്പോർട് ബൈക്കിൽ നിന്നുമാണ് ബജാജ് പണി തുടങ്ങിയത്. നല്ല പെർഫോമൻസും അഡാറ് ലുക്കും തന്നെയാണ് ഇത്രയും വിജയം നേടിയെടുക്കാൻ കാരണമായത്. ഒപ്പം പൾസൾ മുതലാളി (Bajaj Aut0) നിശ്ചയിക്കുന്ന വിലയും ഏത് സാധാരണക്കാരനും താങ്ങാനാവുന്നതുമാണ്.

ഏതൊരു ബ്രാന്‍ഡും അല്ലെങ്കില്‍ ഉല്‍പ്പന്നവും ജനങ്ങളിലേക്ക് കൃത്യമായി എത്തിക്കാനുള്ള മാര്‍ഗമാണ് അതിന്റെ മുഖമായി ജനങ്ങള്‍ക്ക് അത്രയും ഇഷ്ടമുള്ള ഏതെങ്കിലും സെലിബ്രിറ്റിയെ കൊണ്ടുവരികയെന്നത്. അതുകൊണ്ടാണ് ഇന്ത്യയിലെ മുന്‍നിര ബ്രാന്‍ഡുകള്‍ അവരുടെ അംബാസഡര്‍മാരായി സിനിമാ താരങ്ങളെയും ക്രിക്കറ്റ് താരങ്ങളെയുമെല്ലാം കൊണ്ടുവരുന്നത്. സിനിമയും ക്രിക്കറ്റും പോലെ തന്നെ ഇന്ത്യക്കാര്‍ക്ക് വളരെ പ്രിയപ്പെട്ട ഒന്നാണ് സംഗീതം. മികച്ച സംഗീതജ്ഞരെയും ഗായകരെയും നെഞ്ചേറ്റുന്ന പാരമ്പര്യമാണ് ഇന്ത്യക്കാര്‍ക്കുള്ളത്. ഇന്ത്യയുടെ യശസ്സ് ഓസ്‌കാര്‍ വേദി വരെയെത്തിച്ച സംഗീത മാന്ത്രികനാണ് എആര്‍ റഹ്‌മാന്‍. നിരവധി ബ്രാന്‍ഡുകളുമായി മദ്രാസ് മൊസാര്‍ട്ട് സഹകരിച്ച് പ്രവര്‍ത്തിച്ച് വരുന്നു.

വാഹനം വാങ്ങുമ്പോൾ നിങ്ങൾക്ക് പ്രിയപ്പെട്ട നമ്പർ തെരഞ്ഞെടുക്കാൻ സാധിക്കും. എന്നാൽ ഒരു വാഹനത്തിന് നമ്പർപ്ലേറ്റ് വളരെ നിർബന്ധമാണ് എന്ന് എല്ലാവർക്കും അറിയാവുന്ന കാര്യമാണ്. നമ്പർപ്ലേറ്റിന് സർക്കാർ നിർദേശിക്കുന്ന അളവും വലിപ്പവും ഉണ്ട്. അത് പാലിച്ചില്ല എങ്കിൽ തീർച്ചയായും കുറ്റകരമാണ്. എന്നാൽ ചിലർ തങ്ങളുടെ ഇഷ്ടത്തിന് അനുസരിച്ച് നമ്പർപ്ലേറ്റിൽ കസ്റ്റമൈസേഷൻ നടത്തുന്നു. അത്തരത്തിൽ ഒരു ഫ്രീക്കനെ പൊലീസ് പൊക്കിയിരിക്കുകയാണ്. 32000 രൂപയാണ് അദ്ദേഹത്തിന് പിഴയായി നൽകിയിരിക്കുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്. റോയൽ എൻഫീൽഡിന്റെ നമ്പർ പ്ലേറ്റിൽ രജിസ്ട്രേഷൻ നമ്പറിന് പകരം 'ഹർഷ്' എന്ന് റൈഡറിൻ്റെ പേര് എഴുതിയതിനാണ് പിഴ ലഭിച്ചിരിക്കുന്നത്.

മോളിവുഡിലെ ഏറ്റവും വലിയ ക്രൗഡ് പുള്ളര്‍മാരില്‍ ഒരാളാണ് ദുല്‍ഖര്‍ സല്‍മാന്‍. മെഗാസ്റ്റാർ മമ്മൂട്ടിയുടെ മകൻ എന്നതിലുപരിയായി തന്നെ ഡിക്യുവിന് ആളുകൾക്കിടയിൽ വലിയൊരു സ്ഥാനമുണ്ട്. ഉസ്‌താദ് ഹോട്ടൽ, ചാർലി, എബിസിഡി, ബാംഗ്ലൂർ ഡേയ്‌സ്, വിക്രമാദിത്യൻ, നീലാകാശം പച്ചക്കടൽ ചുവന്ന ഭൂമി, പറവ എന്നീ ഹിറ്റ് ചിത്രങ്ങളിലൂടെയാണ് താരം മലയാള സിനിമയിലെ തന്റെ സ്ഥാനം ഊട്ടിയുറപ്പിച്ചത്. സമീപകാലത്ത് അന്യഭാഷ ചിത്രങ്ങളിലൂടെ പാൻഇന്ത്യൻ ലെവലിലേക്കും ഉയരാൻ ദുൽഖറിനായിട്ടുണ്ട്. കിങ് ഓഫ് കൊത്തക്ക് ശേഷം മലയാളത്തില്‍ നിന്ന് ചെറിയ ഇടവേളയെടുത്തിരിക്കുകയാണെങ്കിലും അടുത്തിടെയെത്തിയ തെലുങ്ക് ചിത്രം ലക്കി ഭാസ്ക്കർ കേരളത്തിലും വലിയ വിജയമായിരുന്നു.

സെലിബ്രിറ്റികൾ പുതിയ വാഹനം വാങ്ങുന്നത് വലിയ കാര്യമൊന്നുമല്ല. പ്രത്യേകിച്ച് ബോളിവുഡിൽ. ചില നായികമാരൊക്കെ അഭിനയിക്കുന്ന പടം ഹിറ്റായാൽ പുതിയ വാഹനം വാങ്ങുന്നതാണ് പതിവ്. അതും വില കൂടിയ ആഡംബര വാഹനം ആയിരിക്കും വാങ്ങുക. ലക്കി ഭാസ്കറിലൂടെ ജനങ്ങളുടെ മനസിലേക്ക് കയറികൂടിയ സുന്ദരിയാണ് മീനാക്ഷി ചൗധരി. ഫെമിന മിസ് ഇന്ത്യ 2018-ൽ ഹരിയാന സംസ്ഥാനത്തെ പ്രതിനിധീകരിച്ച് കൊണ്ട് മീനാക്ഷി ഫെമിന മിസ് ഇന്ത്യ ഗ്രാൻഡ് ഇൻ്റർനാഷണൽ വിജയി ആയിരുന്നു. ഇപ്പോൾ സോഷ്യൽ മീഡിയയിൽ മീനാക്ഷി ഇന്നോവ ക്രിസ്റ്റയിൽ വന്നിറങ്ങുന്ന വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.

പ്രശസ്തരായ സെലിബ്രിറ്റികള്‍ ഫോറിന്‍ കാറുകള്‍ സ്വന്തമാക്കുന്നത് അത്ര പുതുമയുള്ള കാര്യമല്ല. എന്നാല്‍ വില കൂടിയ കാറുകള്‍ സ്വന്തമാക്കി സെലിബ്രിറ്റിയായി മാറിയ ബെംഗളൂരു സ്വദേശിയായ ഭൂപേഷ് റെഡ്ഡിയെ കുറിച്ച് അറിയാത്ത വാഹനപ്രേമികള്‍ വളരെ ചുരുക്കമായിരിക്കും. ബെംഗളൂരുവിലെ ഏറ്റവും പ്രശസ്തമായ റിയല്‍ എസ്റ്റേറ്റ് ഡെവലപ്പര്‍മാരില്‍ ഒരാളായ ബ്രെന്‍ കോര്‍പ്പറേഷന്റെ സ്ഥാപകനും മാനേജിംഗ് ഡയറക്ടറുമായ ഭൂപേഷ് റെഡ്ഡിയാണ് ഇന്ത്യയിലെ വണ്ടിപ്രാന്തന്‍മാര്‍ കൊതിക്കുന്ന 'ബ്രൊന്‍ ഗരാജിന്റെ' ഉടമ. ആഡംബരപൂര്‍ണമായ ബ്രെന്‍ ഗരാജിലെ ആയുധ പൂജയുടെ ചിത്രങ്ങളും വീഡിയോകളുമെല്ലാം സോഷ്യല്‍ മീഡിയ ഇളക്കി മറിക്കാറുണ്ട്.

ഇന്ത്യയിൽ ഏറ്റവും കൂടുതൽ ഫാൻസുള്ള വാഹന നിർമാതാക്കളിൽ ഒരാളാണ് ടൊയോട്ട. ജൻമദേശം അങ്ങ് ജപ്പാനിലാണെങ്കിലും അമേരിക്കൻ നാടുകളിലും മിഡിൽ ഈസ്റ്റിലും ഏഷ്യൻ വിപണിയിലുമെല്ലാം ടൊയോട്ടയ്ക്കുള്ള ഇമേജ് വേറെ ലെവലാണ്. ലോകത്തിലെ തന്നെ ഏറ്റവും വലിയ വാഹന നിർമാണ കമ്പനിയെന്ന പട്ടം തുടർച്ചയായ അഞ്ചാം തവണയും കരസ്ഥമാക്കിയത് ചുമ്മാതല്ലല്ലോ. ടൊയോട്ടയുടെ ആഡംബര വാഹന വിഭാഗമാണ് ലെക്‌സസ് എന്ന ബ്രാൻഡ്. ശരിക്കും അമേരിക്കക്കായി പിറവികൊണ്ട വിഭാഗമാണെങ്കിലും പിന്നീട് ലോകംകീഴടക്കുന്ന കാഴ്ച്ച നാം കണ്ടതാണ്. ലക്ഷ്വറി ഫോർ യുഎസ് എന്നതാണ് ലെക്‌സസ് എന്ന പേര്കൊണ്ട് ഉദ്ദേശിക്കുന്നത് തന്നെ.

പെര്‍ഫോമന്‍സ് ഓറിയന്റഡ് ബൈക്ക് പരിഗണിക്കുന്ന ഇന്ത്യയിലെ ചെറുപ്പക്കാരുടെ ആദ്യത്തെ ചോയ്‌സാണ് കെടിഎം. ടീം ഓറഞ്ച് വിവിധ സെഗ്‌മെന്റുകളിലായി ഒരുപിടി ബൈക്കുകള്‍ വിപണിയില്‍ എത്തിക്കുന്നുണ്ട്. ഹൈ-പെര്‍ഫോമന്‍സ് ബൈക്ക് ശരിയായ രീതിയില്‍ ഹാന്‍ഡില്‍ ചെയ്യാനറിയാതെ യുവാക്കള്‍ അപകടത്തില്‍ പെടുന്നതിനാല്‍ വീട്ടമ്മമാര്‍ക്ക് പലര്‍ക്ക് ഈ ബൈക്കുകള്‍ പേടിയാണ്. ഈ ഒരു വിമര്‍ശനങ്ങള്‍ക്കും ആഗോള തലത്തില്‍ കടക്കെണിയിലായതൊന്നും ഇന്ത്യയിലെ അവരുടെ പ്രവര്‍ത്തനങ്ങളെ ബാധിച്ച മട്ടില്ല. കാരണം ബജാജിന്റെ പിന്തുണയാണ്. പുതുതായി ഒരു കെടിഎം ബൈക്ക് വാങ്ങാന്‍ താല്‍പര്യമുള്ള ആളുകളെ കാത്ത് ഒരു സന്തോഷ വാര്‍ത്തയുണ്ട്. ഓസ്ട്രിയന്‍ ബ്രാന്‍ഡ് കെടിഎം 390 ഡ്യൂക്കിന്റെ വില കുറച്ചിരിക്കുകയാണ്.

ബിൽഡ് ക്വാളിറ്റിയുടെ കാര്യത്തിൽ എല്ലാവരും വാനോളം പുകഴ്ത്തുന്നത് ടാറ്റ മോട്ടോർസിനെയാണ്. അതേ പോലെ തന്നെ ബിൽഡ് ക്വാളിറ്റിയിൽ ഒരുപാട് കല്ലേറുകളും കുറ്റപ്പെടുത്തലുകളും ഏറ്റുവാങ്ങിയ കമ്പനിയാണ് മാരുതി സുസുക്കി. ഇപ്പോൾ നെക്സോണിനെ ഇടിച്ച് തലകീഴായി മറിച്ചിരിക്കുകയാണ് മാരുതിയുടെ എംപിവിയായ എർട്ടിഗ. യൂട്യൂബിലെ റാഫ്താർ 7811 എന്ന പേജിലാണ് വീഡിയോ പങ്കുവച്ചിരിക്കുന്നത്. നെക്‌സോൺ എർട്ടിഗയെ വശത്ത് നിന്ന് ഇടിച്ചുവെന്നാണ് വീഡിയോയിൽ പരാമർശിക്കുന്നത്. നെക്സോൺ അമിതവേഗതിയിലായിരുന്നുവെന്ന് തോന്നുന്നു. അത് കൊണ്ടായിരിക്കും ചിലപ്പോൾ നെക്സോ മറിയാൻ ഇടയായത്. സബ് കോംപാക്റ്റ് എസ്‌യുവിക്ക് മൊത്തത്തില്‍ 3995 mm നീളവും 1804 mm വീതിയും 1620 mm ഉയരവും 2498 mm വീല്‍ബേസുമാണുള്ളത്.

മാരുതി എർട്ടിഗയും ടൊയോട്ട ഇന്നോവയുമെല്ലാം അരങ്ങുവാഴുന്ന 7-സീറ്റർ എംപിവി സെഗ്മെന്റിലെത്തി വെന്നിക്കൊടി പാറിച്ച മോഡലാണ് കിയ കാരെൻസ്. കൊവിഡ് മഹാമാരിക്ക് ശേഷം രാജ്യത്ത് 7-സീറ്റർ കാറുകളുടെ ഡിമാന്റിൽ വലിയ വർധവുണ്ടായത് മുതലെടുക്കാനായി ദക്ഷിണ കൊറിയൻ വാഹന നിർമാതാക്കൾ കൊണ്ടുവന്ന മോഡൽ വളരെ വേഗത്തിൽ ഹിറ്റടിക്കുന്ന കാഴ്ച്ചയാണ് കാണാനായത്. ശരിക്കും പറഞ്ഞാൽ വിലയുടെ കാര്യത്തിൽ എർട്ടിഗയ്ക്കും ഇന്നോവയ്ക്കും ഇടയിലാണ് കാരെൻസിന്റെ സ്ഥാനം. നല്ല ഒന്നാന്തരം ഫീച്ചറുകളും ഇഷ്ടം പോലെ സ്പേസും വ്യത്യസ്‌തമായ ഡിസൈനും എല്ലാം കാരണം കിയയുടെ നാലാമന് വളരെ വേഗത്തിൽ വിജയം കൈവരിക്കാനായി.

അടുത്തിടെയാണ് രണ്ട് ബോണ്‍ ഇലക്ട്രിക് എസ്‌യുവികള്‍ ചേര്‍ത്ത് മഹീന്ദ്ര തങ്ങളുടെ ഇവി പോര്‍ട്‌ഫോളിയോ വിപുലീകരിച്ചത്. ഇപ്പോള്‍ 'അണ്‍ലിമിറ്റഡ് ലവ്' എന്ന ബ്രാന്‍ഡ് തീമുമായി യോജിക്കുന്ന തരത്തില്‍ BE 6, XEV 9e ഇലക്ട്രിക് എസ്‌യുവികളുടെ ബുക്കിംഗ് വാലന്റൈൻസ് ദിനത്തില്‍ ആരംഭിച്ചിരിക്കുകയാണ് മഹീന്ദ്ര. താല്‍പര്യമുള്ള ഉപഭോക്താക്കള്‍ക്ക് കമ്പനിയുടെ ഔദ്യോഗിക വെബ്‌സൈറ്റ് വഴിയോ അടുത്തുള്ള മഹീന്ദ്ര ഡീലര്‍ഷിപ്പില്‍ നിന്നോ ഈ വാഹനങ്ങള്‍ റിസര്‍വ് ചെയ്യാവുന്നതാണ്. BE 6 മോഡലിന്റെ വില 18.90 ലക്ഷം രൂപ മുതലും അല്‍പ്പം വലിയ മോഡലായ XEV 9e ന്റെ വില 21.90 ലക്ഷം രൂപയിലും ആരംഭിക്കുന്നു.

ഏതൊരു ഇവി ഉടമയുടേയും പേടിസ്വപ്നമാണ് ദൂരയാത്ര പോകുമ്പോൾ ചാർജിങ്ങ് സ്റ്റേഷനുകൾ കാണുമോ എന്നത്. എന്നാൽ ഇനി പേടിക്കണ്ട എന്നാണ് ടാറ്റയുടെ അഹ്വാനം. അത് മറ്റൊന്നുമല്ല 2027 ആകുമ്പോഴേക്കും രാജ്യത്ത് 4 ലക്ഷം ചാർജിങ്ങ് പോയിൻ്റുകൾ എന്ന ലക്ഷ്യത്തിലേക്കാണ് ടാറ്റ പദ്ധതി ഇട്ടിരിക്കുന്നത്. TATA.ev 2023-ൽ 'ഓപ്പൺ കൊളാബറേഷൻ' പദ്ധതി ആരംഭിച്ചിരുന്നു, ചാർജ് പോയിന്റ് ഓപ്പറേറ്റർമാർ (CPO-കൾ), ഓയിൽ മാർക്കറ്റിംഗ് കമ്പനികൾ (OMC-കൾ) എന്നിവയുമായി പങ്കാളിത്തം സ്ഥാപിച്ചിട്ടുണ്ട്. തടസ്സമില്ലാത്ത ദീർഘദൂര മൊബിലിറ്റി ഉറപ്പാക്കുന്നതിന്, പ്രധാന ഹോട്ട്‌സ്‌പോട്ടുകളിൽ, പ്രത്യേകിച്ച് ഹൈവേകളിൽ, ചാർജിംഗ് ഇൻഫ്രാസ്ട്രക്ചർ വികസിപ്പിക്കുന്നതിലാണ് ശ്രദ്ധ കേന്ദ്രീകരിക്കുന്നത്.

അഡ്വഞ്ചർ മോട്ടോർസൈക്കിളുകൾ എന്ന് കേൾക്കുമ്പോൾ തന്നെ നമ്മൾ ഇന്ത്യക്കാരുടെ മനസിലേക്ക് ആദ്യം ഓടിയെത്തുന്നത് റോയൽ എൻഫീൽഡ് ഹിമാലയനോ അല്ലെങ്കിൽ ഹീറോ എക്‌സ്‌പൾസോ തുടങ്ങിയ ചില ബൈക്കുകളാവും അല്ലേ. പക്ഷേ പ്രീമിയം സെഗ്മെന്റിലേക്ക് വന്നാൽ ഹോണ്ടയാണ് അതികായകൻമാരെന്ന് വേണം പറയാൻ. ആഫ്രിക്ക ട്വിൻ, NX500 പോലുള്ള തട്ടുപൊളിപ്പൻ മോഡലുകളിലൂടെയാണ് ജാപ്പനീസ് ബ്രാൻഡ് ഇവിടെ കരുത്ത് തെളിയിച്ചിട്ടുള്ളത്. എന്നാൽ ഇന്ത്യൻ വിപണിയിൽ എഡിവി ബൈക്കുകളുടെ ജനപ്രീതി വർധിച്ച് വന്നതോടെ ഹോണ്ട പക്കാ അഡ്വഞ്ചറിലേക്ക് മാറാതെ ഒരു ക്രോസ്ഓവർ മോഡലിനാണ് രൂപംകൊടുത്തത്.

ടിവിഎസിൻ്റെ ഒരുപാട് ആരാധകരുള്ള ഒരു മോഡലാണ് അപ്പാച്ചെ. പുതിയ RTX 300 അവതരിപ്പിക്കുന്നതിലൂടെ ടിവിഎസ് അഡ്വഞ്ചർ വിഭാഗത്തിലേക്ക് ചാടികയറാനാണ് പദ്ധതി ഇടുന്നത്. കമ്മ്യൂട്ടർ, സ്പോർട്സ് ബൈക്ക് സെഗ്മെൻ്റിൽ നിന്ന് അഡ്വഞ്ചർ മേഖലയിലേക്കുള്ള ചുവടുവയ്പ്പ് വളരെ നിർണായകമാണ് എന്ന് വേണം പറയാൻ. ബ്രാൻഡിൽ നിന്നുള്ള രണ്ടാമത്തെ ലിക്വിഡ്-കൂൾഡ് എഞ്ചിനാണിത്. 299 സിസി ഡിസ്പ്ലേസ്മെന്റുള്ള ടിവിഎസിന്റെ പുതുഹൃദയം 9,000 ആർപിഎമ്മിൽ 35 bhp കരുത്തും 7,000 ആർപിഎമ്മിൽ 28.5 Nm ടോർക്കും വരെ ഉത്പാദിപ്പിക്കാൻ ശേഷിയുള്ളതാണ്. ബോർ, സ്ട്രോക്ക് കണക്കുകൾ യഥാക്രമം 78 mm x 62.6 mm ആണെന്നും കമ്പനി പറയുന്നു.

മോളിവുഡിലെ പോലെയല്ല ബോളിവുഡിലും മറ്റും പേരിലെ 'വാലിന്' വലിയ പ്രാധാന്യമുണ്ട്. ഖാന്‍, കപൂര്‍, ചോപ്ര എന്നീ പേരുകള്‍ സര്‍നെയിമായി വരുന്നവര്‍ക്ക് സിനിമയിലേക്കുള്ള എന്‍ട്രി വളരെ എളുപ്പമാണ്. വിഖ്യാത സംവിധായകന്‍ യാഷ് ചോപ്രയും മകന്‍ ആദിത്യ ചോപ്രയും ഹിന്ദി സിനിമാ ലോകത്തെ ഏറ്റവും പ്രമുഖരായ രണ്ട് പേരാണ്. അതുപോലെ തന്നെയാണ് പ്രിയങ്ക ചോപ്രയും. ബോളിവുഡിന്റെ താരറാണിയായി തിളങ്ങിയ പ്രിയങ്ക ചോപ്ര ഇന്ന് ആഗോള തലത്തി അറിയപ്പെടുന്ന നടിയാണ്. ഗായകനായ നിക് ജൊനാസിനെ വിവാഹം ചെയ്ത് ഇപ്പോള്‍ വിദേശത്ത് സ്ഥിരതാമസമാണ് പ്രിയങ്ക. നടിയും യാഷ് ചോപ്രയും തമ്മില്‍ ബന്ധമൊന്നുമില്ലെന്നാണ് വിവരം.

ഓഫ്റോഡർ പ്രേമികളുടെ ഇഷ്ടവാഹനമാണ് ലാൻഡ് ക്രൂയിസർ പ്രാഡോ. നിലവിൽ മിഡിൽ ഈസ്റ്റ്, ഫ്രാൻസ്, ഓസ്‌ട്രേലിയ എന്നിവിടങ്ങളിൽ പ്രാഡോ എസ്‌യുവി വിൽപ്പനയിലുണ്ട്. 2025 ഭാരത് മൊബിലിറ്റി ഓട്ടോ എക്സ്പോയിൽ പ്രാഡോ ടൊയോട്ട അവതരിപ്പിച്ചിരുന്നില്ല. ലാൻഡ് ക്രൂയിസർ 300 ലഭ്യമല്ലാത്ത വടക്കേ അമേരിക്ക, യുണൈറ്റഡ് കിംഗ്ഡം തുടങ്ങിയ വിപണികളിൽ ടൊയോട്ടയുടെ മുൻനിര ഉൽപ്പന്നം കൂടിയാണ് പ്രാഡോ. മെച്ചപ്പെട്ട ഓൺ-ഓഫ്-റോഡ് യാത്രയായിരിക്കും ലാൻഡ് ക്രൂയിസർ പ്രാഡോയിൽ ടൊയോട്ട ഒരുക്കുക. ലാഡർ ഫ്രെയിം ആർക്കിടെക്ചറിലാണ് നിർമാണമെങ്കിലും ഷാസി അതിൻ്റെ മുൻഗാമിയേക്കാൾ 50 ശതമാനം കൂടുതൽ കർക്കശമാണെന്ന് കമ്പനി പറയപ്പെടുന്നു.

ഇന്ത്യയുടെ ദേശീയ കായിക വിനോദമാണ് ഹോക്കി. മലയാളക്കര ഇന്ത്യന്‍ ഹോക്കിക്ക് സമ്മാനിച്ച ഇതിഹാസമാണ് പിആര്‍ ശ്രീജേഷ്. ഹോക്കിക്ക് സമ്മാനിച്ച സംഭാവനകള്‍ പരിഗണിച്ച് അടുത്തിടെയാണ് രാജ്യം കേരളത്തിന്റെ ശ്രീക്ക് ഏറ്റവും ഉയര്‍ന്ന മൂന്നാമത്തെ സിവിലിയന്‍ ബഹുമതിയായ പത്മഭൂഷണ്‍ നല്‍കി ആദരിച്ചത്. ഇന്ത്യന്‍ ഹോക്കി ടീം നായകനായിരുന്ന ശ്രീജേഷ് സ്റ്റിക്ക് മാറ്റിവെച്ച ശേഷം ദേശീയ ജൂനിയര്‍ ടീമിന്റെ പരിശീലകനായി പ്രവര്‍ത്തിച്ച് വരികയാണ്. 2020, 2024 ഒളിമ്പിക്‌സുകളില്‍ ഇന്ത്യക്ക് വെങ്കല മെഡല്‍ നേടിക്കൊടുക്കുന്നതില്‍ നിര്‍ണായക പങ്കുവഹിച്ചത് ഗോള്‍കീപ്പറായിരുന്ന ശ്രീജേഷ് ആയിരുന്നു. ഏഷ്യന്‍ ഗെയിംസിലും കോമണ്‍വെല്‍ത്ത് ഗെയിംസിലും ചാമ്പ്യന്‍സ് ട്രോഫിയിലുമെല്ലാം മെഡല്‍ നേടിയ ടീമില്‍ അംഗമായിരുന്നു അദ്ദേഹം.

രാജ്യത്തെ പ്രധാന തീർഥാടന കേന്ദ്രങ്ങളിലൊന്നായ പ്രയാഗ് രാജിൽ മഹാകുംഭമേള ജനുവരി 13ന് ആരംഭിച്ചിരുന്നു. ഓരോ 12 വർഷം കൂടുമ്പോളും പ്രയാഗ് രാജിൽ നടക്കുന്ന ഏറ്റവും സുപ്രധാനമായ പൂജയാണ് കുംഭമേള. 12 പൂർണ്ണ കുംഭമേളയ്ക്കു ശേഷം 144 വർഷത്തിലൊരിക്കൽ മഹാ കുംഭമേള നടത്തപ്പെടുന്നത്. ലോകത്തിൻ്റെ പല ഭാഗങ്ങളിൽ നിന്ന് വരെ ചടങ്ങിൽ പങ്കെടുക്കാൻ ജനങ്ങൾ ഒഴുകിയെത്തുന്നുണ്ട്. ലോകത്തെ ഏറ്റവും വലിയ മനുഷ്യ ഒത്തുചേരലിനാണ് ഉത്തർ​പ്രദേശിലെ പ്രയാഗ് രാജ് സാക്ഷ്യം വഹിച്ചുകൊണ്ടിരിക്കുന്നത്. ഫെബ്രുവരി 26-നാണ് മേള അവസാനിക്കുന്നത്. നമ്മുടെ രാജ്യത്ത് ഇത്രയും വലിയ ചടങ്ങ് നടക്കുമ്പോൾ അതിൽ നിന്ന് വിട്ട് നിൽക്കാൻ അംബാനി കുടുംബത്തിന് കഴിയില്ലല്ലോ.

മൂന്ന് ദിവസം കൊണ്ട് മൂന്ന് ലക്ഷ്വറി കാറുകള്‍ വാങ്ങിയ ഒരു മലയാളി ഗായകനെ ഏതാനും ദിവസങ്ങള്‍ മുമ്പ് ഞങ്ങള്‍ പരിചയപ്പെടുത്തിയിരുന്നു. കേരള സര്‍വകലാശാല യുവജനോത്സവ വേദിയിലൂടെ കടന്ന് വന്ന് ഹിറ്റ് ഗാനങ്ങളുടെ കാര്‍ സോംഗുകള്‍ പാടി സോഷ്യല്‍ മീഡിയയെ കൈയ്യിലെടുത്ത ആ യുവ ഗായകന്റെ പേര് ബി മുരളീകൃഷ്ണ എന്നാണ്. ആസിഫലി നായകനായി എത്തിയ മഹേഷും മാരുതിയും എന്ന ചിത്രത്തിലൂടെ ബി മുരളീകൃഷ്ണ പിന്നണി ഗായകനായും വരവറിയിച്ചു. സംഗീതമല്ലാതെ ബി മുരളീകൃഷ്ണയുടെ മറ്റൊരു വീക്ക്‌നെസ് കാറുകളാണ്. അത് അദ്ദേഹത്തിന്റെ ഇന്‍സ്റ്റഗ്രാം പൊഫൈല്‍ സന്ദര്‍ശിക്കുന്നവര്‍ക്ക് മനസ്സിലാകും. മലയാളി ഗായകര്‍ക്കിടയിലെ വണ്ടിപ്രാന്തന്‍ എന്ന് വേണമെങ്കില്‍ വിശേഷിപ്പിക്കാം.

ഔഡി എന്നും എല്ലാ വാഹന പ്രേമികളുടേയും ഇഷ്ടവാഹനമാണ്. രാജ്യത്ത് ഔഡിക്ക് വിൽപ്പനയിൽ കാര്യമായി മുന്നേറാൻ കഴിയുന്നില്ല എങ്കിൽ പോലും എതിരാളികൾക്ക് എന്നും ഒരു പേടിസ്വപ്നം തന്നെയാണ് ഈ ആഡംബര ബ്രാൻഡ്. ഇപ്പോഴിതാ തങ്ങളുടെ ഇന്ത്യയിലെ വെബ്സൈറ്റിൽ നിന്ന് രണ്ട് മോഡലുകളെ നീക്കം ചെയ്തിരിക്കുകയാണ്. A8 L സെഡാനും RS 5 സ്‌പോർട്‌ബാക്കും ആണ് കമ്പനി നീക്കിയ രണ്ട് മോഡലുകൾ. CBU യൂണിറ്റായിട്ടാണ് ഈ രണ്ട് മോഡലുകളും എത്തിച്ചിരുന്നത്. 1.63 കോടി രൂപയും 1.13 കോടി രൂപയുമാണ് രണ്ട് വാഹനങ്ങളുടെ എക്സ്ഷോറൂം വില. 2021-ലായിരുന്നു ഔഡി തങ്ങളുടെ RS5 സ്പോർട്ബാക്ക് മോഡൽ രാജ്യത്ത് അവതരിപ്പിച്ചത്.

തണുപ്പ് കാലത്ത് വാഹനം സ്റ്റാർട്ട് ചെയ്യുന്ന കാര്യം പലർക്കും തലവേദന പിടിച്ച കാര്യമാണ്. വിദേശ രാജ്യങ്ങളിലാണ് പ്രത്യേകിച്ച് ഇത്തരം അവസ്ഥകൾ വരുന്നത്. തണുപ്പ് കാലത്ത് വാഹനങ്ങൾ സ്റ്റാർട്ട് ചെയ്യാൻ ഒരുപാട് കഷ്ടപ്പെടുന്നത് വീഡിയോകളിലൂടെ എല്ലാവരും കാണുന്നതാണ്. എന്നാൽ ഇന്ത്യൻ വാഹനങ്ങൾ ഇത്തരത്തിൽ കഷ്ടപ്പെടുന്നത് അധികം കാണാറില്ല. എന്നാൽ ഇപ്പോൾ ഹിമാചൽ പ്രദേശിൽ ടാറ്റ ആൾട്രോസ് -31 ഡിഗ്രി സെൽഷ്യസിൽ സ്റ്റാർട്ട് ആകുന്ന വീഡിയോ ആണ് ശ്രദ്ധ പിടിച്ചു പറ്റുന്നത്. തണുപ്പ് കാലത്ത് ഡീസൽ വാഹനങ്ങൾ സ്റ്റാർട്ട് ആകാൻ കുറച്ച് ബുദ്ധിമുട്ടുളളതാണ്. തുടക്കത്തിൽ ആൾട്രോസും മടി കാണിക്കുന്നുണ്ട് എങ്കിലും വളരെ പെട്ടെന്ന് തന്നെ വാഹനം സ്റ്റാർട്ട് ആകുന്നുണ്ട്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.