കഴിഞ്ഞ ആഴ്ച ഡല്‍ഹിയില്‍ നടന്ന 2025 ഓട്ടോ എക്‌സ്‌പോയില്‍ ശ്രദ്ധയാകര്‍ഷിച്ച രണ്ട് കാറുകള്‍ ആയിരുന്നു വിന്‍ഫാസ്റ്റ് VF3, വേവ് ഈവ എന്നിവ. തമിഴ്‌നാട്ടിലെ തൂത്തുക്കുടിയില്‍ പ്ലാന്റ് സ്ഥാപിച്ച് ഇന്ത്യയില്‍ പ്രവര്‍ത്തനം ആരംഭിക്കുന്ന വിന്‍ഫാസ്റ്റ് ഓട്ടോ എക്‌സ്‌പോയില്‍ തങ്ങളുടെ മോഡല്‍ നിര മൊത്തം പ്രദര്‍ശിപ്പിച്ചാണ് എന്‍ട്രി അടയാളപ്പെടുത്തിയത്. വിന്‍ഫാസ്റ്റ് VF6, VF7 എന്നീ മോഡലുകളുടെ കൂടെ പ്രദര്‍ശിപ്പിച്ച കുഞ്ഞന്‍ ഇലക്ട്രിക് കാര്‍ ആയ VF3 അവിടെ വേറിട്ടു നിന്നു. ഈ വര്‍ഷം അവസാനം വില്‍പ്പനയ്ക്കെത്തുന്ന VF 6, VF 7 എന്നിവയ്ക്കൊപ്പം ഈ കാറും ഉടന്‍ പുറത്തിറങ്ങുമെന്ന് പ്രതീക്ഷിക്കുന്നു.

ഏഷ്യന്‍ പാരാ ഗെയിംസില്‍ ഇന്ത്യയ്ക്ക് വേണ്ടി സ്വര്‍ണം നേടിയ ശീതള്‍ ദേവിയെ (Sheetal Devi) അങ്ങനൊന്നും നമുക്ക് മറക്കാനാവില്ല. ലോകത്തിലെ തന്നെ ആദ്യത്തെ കൈകളില്ലാത്ത വനിത അമ്പെയ്ത്തുക്കാരിയാണ് ജമ്മു കശ്മീരുകാരിയായ ശീതള്‍. അംഗപരിമിതരുടെ വിശ്വ കായികമേളയിലെ പ്രകടനം എന്നും ഇന്ത്യക്കാരുടെ മനസിൽ മായാതെ കിടപ്പുണ്ടാവും. ഇരുകൈകളുമില്ലാതെ കാലുകൊണ്ട് ഞാ‌ൺ വലിക്കുന്ന അദ്ഭുതതാരത്തിന് മഹീന്ദ്ര ഗ്രൂപ്പിന്റെ ചെയർമാനായ ആനന്ദ് മഹീന്ദ്ര പുത്തനൊരു വാഹനം സമ്മാനിച്ചിരിക്കുകയാണ്. കായികതാരങ്ങളെ വേണ്ടുവോളം പ്രോത്സാഹിപ്പിക്കുന്ന ശതകോടീശ്വരൻ പണ്ടേ ശീതളിന് ഒരു കാർ സമ്മാനം കൊടുക്കുമെന്ന് പ്രഖ്യാപിച്ചതാണ്.

വാഹനങ്ങൾക്ക് ഇൻഷുറൻസില്ലെങ്കിൽ വലിയ കുറ്റകരമാണ്. എന്നാൽ പലരും പിശുക്ക് കാരണവും സമയം ലാഭിക്കുന്നതിന് വേണ്ടിയും ഇൻഷുറൻസ് പുതുക്കാറില്ല. പെട്ടെന്ന് തന്നെ ഡ്രൈവിംഗ് ലൈസന്‍സ് പുതുക്കുന്നതിനും അതോടൊപ്പം തന്നെ ഫാസ്ടാഗ് ലഭിക്കുന്നതിനും ഇന്ധനം വാങ്ങുന്നതിനുപോലും നിങ്ങളുടെ വാഹനത്തിന് തേര്‍ഡ് പാര്‍ട്ടി ഇന്‍ഷുറന്‍സ് ഉണ്ടെന്ന് തെളിയിക്കേണ്ടി വരുമെന്നാണ് റിപ്പോർട്ടുകൾ സൂചിപ്പിക്കുന്നത്. രാജ്യത്ത് കൂടുതൽ വാഹനങ്ങളും ഇൻഷുറൻസ് പുതുക്കാൻ മടി കാണിക്കുന്നത് കൊണ്ട് കേന്ദ്ര സർക്കാർ പുതിയതായി പ്രാബല്യത്തിൽ കൊണ്ടുവരാൻ ഉദ്ദേശിക്കുന്ന നിയമം കൊണ്ട് തേർഡ് പാർട്ടിതസ ഇൻഷുറൻസ് പ്രോത്സാഹിപ്പിക്കുക എന്നതാണ് ഉദ്ദേശം.

കെടിഎം എന്നാൽ പല മാതാപിതാക്കൾക്കും പേടിസ്വപ്നമായ ഒരു പേരാണ്. എന്നാൽ വാഹനത്തെ അറിഞ്ഞ് ഓടിച്ചാൽ ഏറ്റവും മികച്ച ബൈക്കുകൾ തന്നെയാണ് കെടിഎമ്മിൻ്റേത്. ബ്രാൻഡിൻ്റെ ഏറ്റവും ആകാംക്ഷയോടെ കാത്തിരുന്ന രണ്ടാം തലമുറ കെടിഎം 390 അഡ്വഞ്ചർ 2025 ജനുവരി 30 ന് ഇന്ത്യയിൽ പുറത്തിറങ്ങുമെന്നാണ് ഇപ്പോൾ റിപ്പോർട്ടുകൾ വ്യക്തമാക്കുന്നത്. 2024 -ൽ ഇറ്റലിയിലെ മിലാനിൽ നടന്ന EICMA മോട്ടോർ ഷോയിലാണ് ഓസ്ട്രിയൻ ബ്രാൻഡ് പുതിയ മോട്ടോർസൈക്കിൾ ആദ്യമായി രംഗത്തെത്തിച്ചത്, തുടർന്ന് 2024 ലെ ഇന്ത്യ ബൈക്ക് വീക്കിൽ ഇന്ത്യയിൽ പ്രദർശിപ്പിച്ചിരുന്നു.

റോഡ് നിർമാണത്തിൻ്റെയും അറ്റകുറ്റപ്പണികളുടെയും ചെലവുകൾ തിരിച്ചുപിടിക്കാൻ സഹായിക്കുന്ന പ്രധാന ഘടകമാണ് ടോൾ പിരിവ്. പണ്ട് ഒരു പാലം പണിതാൽ പോലും അക്കരയിക്കരയായി ടോൾ പിരിവ് ഒരു സ്ഥിരം കാഴ്ച്ചയായിരുന്നു. എന്നാൽ ഇന്ന് വലിയ ഹൈവേകളിൽ മാത്രമേ ഇത്തരം ആചാരം കാണാനാവൂ. രാജ്യവ്യാപകമായി എക്സ്പ്രസ് ഹൈവേകളുടെ എണ്ണം ദിനംപ്രതി ഉയരുന്നതിനാൽ അവയിൽ നിന്നുള്ള ടോൾ വരുമാനവും കുമിഞ്ഞുകൂടുകയാണ്. ഡിസംബറിലെ ടോൾ പിരിവ് മുൻ വർഷത്തെക്കാൾ കൂടുതലാണെന്നാണ് റിപ്പോർട്ടുകൾ. എന്നാൽ ഇന്ത്യയിൽ ഏറ്റവും വരുമാനമുള്ള ടോൾപ്ലാസ (Toll Plaza) ഏതാണെന്ന് അറിയുമോ?

ഏതൊരു പുതിയ സംരംഭം ആരംഭിക്കുമ്പോഴും തങ്ങളുടെ മതവിശ്വാസത്തിന് അനുസരിച്ചുള്ള കര്‍മങ്ങള്‍ പിന്തുടരാറുണ്ട് മിക്കവരും. ജാതകത്തിലും ജ്യോതിഷത്തിലും വലിയ വിശ്വാസമുള്ളവരാണ് വലിയൊരു പങ്ക് ഇന്ത്യക്കാര്‍ എന്നതിനാല്‍ തന്നെ ജീവിതത്തില്‍ എന്ത് നല്ല കാര്യം ചെയ്യുമ്പോഴും അതിന്റെ സമയം നോക്കി ചെയ്യാന്‍ വിശ്വാസികളായ ആളുകള്‍ ശ്രദ്ധിക്കാറുണ്ട്. പുതുതായി വാഹനങ്ങള്‍ വാങ്ങുമ്പോള്‍ ടയറിന്റെ അടിയില്‍ ചെറുനാരങ്ങ വെക്കുന്നത് നിങ്ങള്‍ കണ്ടിട്ടുണ്ടാകും. ചെറുനാരങ്ങയുടെ മുകളിലൂടെ വാഹനം കയറ്റിയിറക്കിയാണ് പുതുവാഹനത്തിലെ യാത്രകള്‍ക്ക് ശുഭാരംഭം കുറിക്കാറ്. ലക്ഷങ്ങള്‍ കൊടുത്ത് വാങ്ങിയ കാറിന്റെ ടയറിന്റെ അടിയില്‍ ഒന്നോ രണ്ടോ രൂപ വില വരുന്ന ചെറുനാരങ്ങ വെക്കുന്നതിന്റെ കാരണം എന്താണെന്ന് നിങ്ങള്‍ ചിന്തിച്ചിട്ടുണ്ടോ?.

ടിവി പ്രേക്ഷകരുടെ ഇഷ്ട പ്രോഗ്രാമാണ് ബിഗ്ബോസ്. പല ഭാഷകളിലുളളത് കൊണ്ട് തന്നെ രാജ്യത്താകമാനം ആരാധകരുണ്ട്. ബിഗ്ബോസിൽ പങ്കെടുക്കുന്നവർക്ക് നിരവധി ആരാധകവൃന്ദം തന്നെയുണ്ട്. പ്രോഗ്രാമിൽ നിന്ന് പുറത്തായവർക്ക് പോലും പലപ്പോഴും ആരാധകർ കൂട്ടമായി പൊതിയുന്നത് കാണാം. പലരും ബിഗ്ബോസിൽ പങ്കെടുത്തതിന് ശേഷം ദമ്പതികളായവരുമുണ്ട്. ആ കൂട്ടത്തിലേക്ക് ഐഷ സിംഗും അവിനാശ് മിശ്രയുമാണ് എത്തിയിരിക്കുന്നത്. ഹിന്ദി ബിഗ് ബോസ് സീസൺ 18 ഷോയിലായിരുന്നു ഇരുവരും പങ്കെടുത്തത്. അതിന് ശേഷം അവർ ഷോയിൽ നിന്ന് ഇരുവരും പുറത്തായിരുന്നു. ഇപ്പോൾ വീണ്ടും സോഷ്യൽ മീഡിയയിൽ വൈറലായിരിക്കുകയാണ്. ഇരുവരും വിവാഹം കഴിക്കാൻ പോകുകയാണെന്നും റിപ്പോർട്ടുകളുണ്ട്.

മാരുതി സുസുക്കി 3 ഡോര്‍ ജിംനി ഇന്ത്യയില്‍ നിര്‍മിച്ച് വിദേശ രാജ്യത്തേക്ക് കയറ്റി അയച്ചപ്പോള്‍ നോക്കി നില്‍ക്കാനാണ് നമുക്ക് കഴിഞ്ഞത്. 3 ഡോര്‍ പതിപ്പിന് പകരം കൂടുതല്‍ പ്രായോഗികമായ 5 ഡോര്‍ ജിംനി ഇന്ത്യക്കാര്‍ക്ക് സമ്മാനിക്കുമെന്ന് പറഞ്ഞ വാക്ക് അവര്‍ 2023-ല്‍ പാലിച്ചു. ഇന്ത്യന്‍ വിപണിയില്‍ പ്രതീക്ഷിച്ച വിജയമാകാന്‍ സാധിച്ചില്ലെങ്കിലും മെയിഡ് ഇന്‍ ഇന്ത്യ ജിംനിക്ക് വിദേശ വിപണികളില്‍ വമ്പന്‍ ഡിമാന്‍ഡ് ആണ്. ഏതാനും മാസങ്ങള്‍ക്ക് മുമ്പ് മാരുതി സുസുക്കി ഇന്ത്യയില്‍ നിന്ന് ഫ്രോങ്ക്‌സ് ക്രോസ്ഓവര്‍ എസ്‌യുവി ജപ്പാനിലേക്ക് കയറ്റി അയക്കാന്‍ തുടങ്ങിയിരുന്നു. ഫ്രോങ്ക്‌സിന് ജാപ്പനീസ് വിപണിയില്‍ അതിഗംഭീര സ്വീകരണമാണ് ലഭിച്ചത്.

സെൽറ്റോസ് എന്ന മിഡ്-സൈസ് എസ്‌യുവിയിലൂടെ ഇന്ത്യയിൽ അരങ്ങേറ്റം കുറിച്ച വണ്ടിക്കമ്പനിയാണ് കിയ. പിന്നീട് കാർണിവൽ, സോനെറ്റ്, കാരെൻസ്, EV6 ഇവി, EV9 ഇവി അങ്ങനെ ഒരുപിടി കിടിലൻ മോഡലുകൾ പുറത്തിറക്കി ആളുകളെ ചാക്കിലാക്കിയ ദക്ഷിണ കൊറിയൻ വാഹന നിർമാതാക്കൾ ശക്തരിൽ ശക്തനാണ്. ഇടിവെട്ട് ഡിസൈനും ഫീച്ചറുകളുടെ ആറാട്ടുമുള്ള കിയ കാറുകൾ ആളുകൾക്ക് ഏറെ പ്രിയപ്പെട്ടതാണ്. ഇപ്പോഴിതാ ഇന്ത്യയിലെ തങ്ങളുടെ രണ്ടാമത്തെ കോംപാക്‌ട് എസ്‌യുവി കൂടി പുറത്തിറക്കാൻ റെഡിയായിരിക്കുകയാണ് കമ്പനി. സിറോസ് എന്ന് പേരിട്ടിരിക്കുന്ന സ്പോർട് യൂട്ടിലിറ്റി വാഹനം ഇതിനോടകം ഏറെ ചർച്ചയായിട്ടുണ്ട്.

കഴിഞ്ഞ കുറച്ച് നാളായി ഇന്ത്യന്‍ കാര്‍ വിപണിയിലെ ട്രെന്‍ഡ് പരിശോധിച്ചാല്‍ ഏറ്റവും ഡിമാന്‍ഡ് ഉള്ള കാര്‍ ഫീച്ചറായി കണക്കാക്കിയിരുന്നത് സണ്‍റൂഫ് ആണ്. ഇന്ത്യന്‍ കാലാവസ്ഥയ്ക്ക് അത്ര അത്യാവശ്യമല്ലാത്ത ഫീച്ചര്‍ ആയിരുന്നിട്ട് കൂടി സണ്‍റൂഫ് ചോദിച്ച് വാങ്ങുന്നവരുടെ എണ്ണം വളരെ കൂടുതലായിരുന്നു. തുടക്കത്തില്‍ ഹൈ-എന്‍ഡ് കാറുകളില്‍ മാത്രം കണ്ട് വന്നിരുന്ന ഈ ഫീച്ചര്‍ കഴിഞ്ഞ ഏതാനും വര്‍ഷങ്ങള്‍ക്കിടെ ബജറ്റ് കാറുകളുടെ മിഡില്‍ വേരിയന്റുകളില്‍ ഇടംനേടാന്‍ തുടങ്ങി. എന്നാല്‍ കലണ്ടര്‍ മാറി വന്ന സാഹചര്യത്തില്‍ സണ്‍റൂഫിനേക്കാള്‍ ഡിമാന്‍ഡ് ഉള്ള മറ്റൊരു ഫീച്ചര്‍ ഇപ്പോള്‍ ആളുകള്‍ നോക്കി വാങ്ങാന്‍ തുടങ്ങിയതായാണ് വിവരം. അത് ഏതാണെന്നാണ് നോക്കാം.

മലയാളി പേര് നൽകിയ സ്കോഡയുടെ പുതിയ എസ്‌യുവിയാണ് കൈലാഖ്. അവതരിപ്പിച്ച് മണിക്കൂറുകൾ കഴിയുന്നതിന് മുൻപ് തന്നെ പതിനായിരം ബുക്കിങ്ങുകളാണ് ലഭിച്ചത്. എന്നാൽ ഇപ്പോൾ ഇതാ സ്കോഡ കൈലാഖിൻ്റെ ആദ്യ അപകട വീഡിയോ സോഷ്യൽ മീഡിയയിൽ വൈറലായിരിക്കുകയാണ്. ഇൻസ്റ്റാഗ്രാമിലെ safecars_india എന്ന വെബ്‌സൈറ്റിൽ നിന്നാണ് വീഡിയേ പങ്കുവച്ചിരിക്കുന്നത്. സ്കോഡ കൈലാഖ് പെട്രോൾ പമ്പിൽ നിന്ന് പുറത്തേക്ക് വരുമ്പോഴായിരുന്നു അപകടം സംഭവിച്ചത്.അതിവേഗം വന്ന ലോറി കൈലാഖിൻ്റെ സൈഡിൽ വന്ന് ഇടിക്കുകയായിരുന്നു എന്നാണ് വീഡിയോയിൽ നിന്ന് വ്യക്തമാകുന്നത്. വലിയ തോതിലുളള അപകടം അല്ലായിരുന്നു എങ്കിലും വാഹനത്തിൻ്റെ സൈഡിൽ ലോറി ഉരയുകയായിരുന്നു.

ജബ് വി മെറ്റ്, ഉഡ്താ പഞ്ചാബ്, പദ്മാവത്, ജേഴ്‌സി, കബീർ സിങ് പോലുള്ള ഹിറ്റ് സിനിമകളിലൂടെ മലയാളികൾക്കിടയിലും ഫാൻസുണ്ടാക്കിയെടുത്ത ബോളിവുഡ് നടനാണ് ഷാഹിദ് കപൂർ (Shahid Kapoor). നടന്‍ പങ്കജ് കപൂറിന്റേയും നര്‍ത്തകി നീലിമ അസീമിന്റേയും മകനായിട്ടാണ് ബി-ടൌണിൽ എത്തുന്നതെങ്കിലും കരീന കപൂറിന്റെ കാമുകനായിട്ടാണ് തുടക്കം മുതൽ താരം അറിയപ്പെട്ടിരുന്നത്. പിന്നീട് പ്രിയങ്ക ചോപ്രയുമായി അടുപ്പത്തിലായതുമെല്ലാം ഗോസിപ്പ് കോളങ്ങളിൽ ഇടംപിടിച്ചിട്ടുണ്ട്. ഇതിനൊപ്പം ഒരുപിടി മികച്ച ചിത്രങ്ങൾ സമ്മാനിച്ച് ഹിന്ദിയിലെ ഏറ്റവും തിരക്കേറിയ നായകൻമാരിൽ ഒരാളായി മാറാനും ഷാഹിദ് കപൂറിനായിട്ടുണ്ട്.

ഇന്ത്യയില്‍ ഇലക്ട്രിക് കാറുകളുടെ ആവശ്യം ദിനംപ്രതി വര്‍ദ്ധിച്ചുകൊണ്ടിരിക്കുകയാണ്. ഇത്തരമൊരു സാഹചര്യത്തില്‍ മാരുതി സുസുക്കിയും രാജ്യത്തെ ഇലക്ട്രിക് കാര്‍ വിപണിയിലേക്ക് എന്‍ട്രി നടത്തി. മാസങ്ങളുടെ കാത്തിരിപ്പിനുശേഷം മാരുതി സുസുക്കിയുടെ ആദ്യ ഇലക്ട്രിക് വാഹനം അരങ്ങേറ്റം കുറിച്ചു. കഴിഞ്ഞ ആഴ്ച ഡല്‍ഹിയില്‍ വെച്ച് നടന്ന 2025 ഓട്ടോ എക്‌സ്‌പോയില്‍ വെച്ചണ് ഇ-വിറ്റാരയെന്ന് പേരിട്ട് ഇലക്ട്രിക് എസ്‌യുവി കമ്പനി അവതരിപ്പിച്ചത്. ഓട്ടോ എക്‌സ്‌പോയുടെ പ്രധാന ആകര്‍ഷണങ്ങളില്‍ ഒന്നായി മാറിയ ഇവി ഇതിനോടകം തന്നെ ഇന്ത്യന്‍ വിപണിയില്‍ വലിയ ഓളം സൃഷ്ടിച്ച് കഴിഞ്ഞു. ഇനി വില അറിയാനുള്ള കാത്തിരിപ്പാണ്. ഇതിനിടെ കാറിന്റെ ബുക്കിംഗ് ആരംഭിച്ചതായി റിപ്പോര്‍ട്ടുകള്‍ പുറത്തുവന്നിട്ടുണ്ട്.

ഇന്ത്യക്കാർക്കിടയിൽ പ്രത്യേക അന്തസുള്ളവരാണ് ജാപ്പനീസ് വാഹന നിർമാതാക്കളായ ഹോണ്ട. സിറ്റി, സിവിക്, അമേസ് തുടങ്ങിയ സെഡാനുകളാണ് കമ്പനിക്ക് അവിസ്‌മരണീയമായ വിജയം സമ്മാനിച്ചതെങ്കിൽ ഇപ്പോൾ എസ്‌യുവികളിലേക്ക് ചേക്കേറാൻ നിർബന്ധിതരായിരിക്കുകയാണ് ഹോണ്ട. ഇതിന്റെ ഭാഗമായി എലിവേറ്റ് എന്ന മിഡ്-സൈസ് എസ്‌യുവിക്ക് രൂപം കൊടുക്കുകയും ചെയ്‌തു. തുടക്കകാലത്ത് കാര്യമായി വിറ്റഴഞ്ഞുവെങ്കിലും നിലവിൽ പരുങ്ങലിലാണ് ഹോണ്ടയുടെ അവസ്ഥ. നിലവിലുള്ള മോഡലുകളെ തേടി കാര്യമായിട്ട് ആളുകൾ എത്തുന്നില്ലാത്തത് ബ്രാൻഡിനെ സംബന്ധിച്ച് വലിയ നിരാശയാണ് സമ്മാനിക്കുന്നത്. ആയതിനാൽ കൂടുതൽ പുത്തൻ കാറുകളെ അവതരിപ്പിച്ച് പഴയ പ്രതാപം തിരിച്ചുപിടിക്കാനുള്ള പുറപ്പാടിലാണ് ഹോണ്ട ഇപ്പോൾ.

ലുക്സും സ്ക്രീൻ പ്രസൻസും അഭിനയവും കൊണ്ട് നമ്മെ അംബരപ്പിച്ചും ആശ്ചര്യപ്പെടുത്തിയും ആരാധകരാക്കുന്ന ഒരുപാട് താരങ്ങളെ നമുക്ക് അറിയാം, എന്നാൽ തങ്ങളുടെ ശബ്ദവും സ്വര മാധുര്യവും കൊണ്ട് മനുഷ്യ മനസിൽ ഇടം നേടുന്ന ചില കക്ഷികളുമുണ്ട്, പാട്ടുകാരാവും ഇക്കൂട്ടരിൽ കൂടുതലും, എന്നാലും ശബ്ദത്തിന്റെ കാര്യത്തിൽ പാട്ടുകാരുടെ ഗണത്തിൽ പെടാത്ത എന്നാൽ സ്വരം കൊണ്ട് നമ്മെ ഫാൻസാക്കി മാറ്റിയ ചില എക്സ്ക്ലൂസീവ് കക്ഷികളുമുണ്ട്. പണ്ട് യു-ട്യൂബും ഇന്റർനെറ്റും അങ്ങനെ സുലഭമായി എല്ലാവരും ഉപയോഗിക്കാതിരുന്ന ഒരു കാലത്താണ് ഇവർ നമ്മുടെ മനസിൽ ഇടം പിടിച്ചത്.

ജപ്പാനിലെ പ്രമുഖ കാർ നിർമ്മാതാക്കളായ ഹോണ്ടയും നിസാൻ മോട്ടോറും ആഗോള വിപണിയിലെ തങ്ങളുടെ ഓപ്പറേഷനുകൾ ഒന്നിപ്പിക്കാനുളള പദ്ധതികൾ പ്രഖ്യാപിച്ച വിവരം എല്ലാവരും അറിഞ്ഞു കാണുമല്ലോ. എന്നാൽ അത് സംബന്ധിച്ച് ഇപ്പോൾ പുതിയ വാർത്തകളും റിപ്പോർട്ടുകളും പുറത്ത് വന്നിരിക്കുകയാണ്. മിത്സുബിഷിയും ഇവരുടെ ഭാഗമാകും എന്നായിരുന്നു തുടക്കത്തിൽ റിപ്പോർട്ടുകൾ വന്നിരുന്നത്. എന്നാൽ തങ്ങൾ ഈ സഖ്യത്തിലേക്ക് ഇല്ല എന്നാണ് മിത്സുബിഷി അറിയിച്ചിരിക്കുന്നത്. മിത്സുബിഷി സഖ്യത്തിൽ ചേരാതെ ഒരു സ്വതന്ത്ര കാർ നിർമ്മാതാവായി തുടർന്നാൽ പോവും നിസ്സാനും മിത്സുബിഷിയും തമ്മിലുള്ള നിലവിലുള്ള ബന്ധം കണക്കിലെടുത്ത്, വരാനിരിക്കുന്ന ഹോണ്ട-നിസ്സാൻ ഹോൾഡിംഗ് കമ്പനിക്ക് അതിൽ ഒരു ഓഹരി സ്വന്തമാക്കാൻ സാധിക്കുമെന്നാണ് വിദഗ്ധരുടെ അഭിപ്രായം.

അപകടത്തില്‍ പെട്ടാല്‍ 'പപ്പടം' പോലെ പൊടിയുന്ന കാര്‍ നിര്‍മിക്കുന്ന കമ്പനിയെന്ന് ദുഷ്‌പേര് കാലങ്ങളായി പേറിയവരായിരുന്നു മാരുതി സുസുക്കി. ഇന്തോ-ജാപ്പനീസ് വാഹന നിര്‍മാതാക്കളുടെ പല എന്‍ട്രി ലെവല്‍ കാറുകളുടെയും ക്രാഷ് ടെസ്റ്റ് ഫലങ്ങളും അങ്ങനെ ഉള്ളതായിരുന്നു. കുറഞ്ഞ വിലയില്‍ കാര്‍ നല്‍കാനുള്ള തിരക്കിനിടയില്‍ ബില്‍ഡ് ക്വാളിറ്റിയുടെ കാര്യത്തില്‍ കമ്പനി വേണ്ടത്ര ശ്രദ്ധ പതിപ്പിക്കുന്നില്ലെന്നായിരുന്നു വിമര്‍ശനം. എന്നാല്‍ കഴിഞ്ഞ വര്‍ഷം ഡിസയര്‍ സബ് കോംപാക്ട് സെഡാന്റെ പുതിയ തലമുറ പതിപ്പിലൂടെ മാരുതി ഈ വിമര്‍ശനങ്ങള്‍ക്കെല്ലാമുള്ള മറുപടി നല്‍കിയിരുന്നു. ഗ്ലോബല്‍ NCAP ക്രാഷ് ടെസ്റ്റില്‍ ഡിസയര്‍ 5 സ്റ്റാര്‍ സേഫ്റ്റി റേറ്റിംഗ് ആണ് നേടിയത്.

ഇന്ത്യൻ വിപണിയിലെ ഏറ്റവും വൈവിധ്യമാർന്ന എസ്‌യുവി ഏതാണെന്ന് ചോദിച്ചാൽ നിസംശയം ചൂണ്ടിക്കാണിക്കാനാവുന്ന മോഡലാണ് ടാറ്റ നെക്സോൺ. പെട്രോൾ, ഡീസൽ, ഇലക്‌ട്രിക്, സിഎൻജി അങ്ങനെ ലഭ്യമായ ഇന്ധനങ്ങളിലെല്ലാം ഓടാൻ കഴിവുള്ള ലോകത്തിലെ അപൂർവം ചില വാഹനങ്ങളിൽ ഒന്നാണ് നെക്സോൺ എന്ന് നിസംശയം പറയാം. സേഫ്റ്റിയും ഫീച്ചറുകളും കോർത്തിണക്കിയാണ് ടാറ്റയുടെ കോംപാക്‌ട് എസ്‌യുവി രാജ്യം വെട്ടിപ്പിടിച്ചതെങ്കിൽ കാലത്തിനൊത്ത് മാറാനും മോഡലിനായിട്ടുണ്ട്. അടിക്കടി സ്പെഷ്യൽ എഡിഷൻ പുറത്തിറക്കിയാണ് നെക്സോണിനെ കമ്പനി അഴകനാക്കാറുള്ളത്. ഇപ്പോഴിതാ നെക്‌സോൺ സിഎൻജിയിലേക്ക് ഡാർക്ക് എഡിഷനുമായി എത്തിയിരിക്കുകയാണ് ടാറ്റ മോട്ടോർസ്.

2025 -ലെ ഓട്ടോ എക്സ്പോ കൊടിയിറങ്ങിയതിന് ശേഷം ഇനി വിപണിയിൽ പുതിയ വാഹനങ്ങളുടെ വരവ് പ്രതീക്ഷിക്കാം. ഭാരത് മൊബിലിറ്റി ഓട്ടോ എക്സ്പോ 2025-ൽ ഹീറോ മോട്ടോകോർപ് രണ്ട് സ്കൂട്ടറുകളും രണ്ട് ബൈക്കുകളുമാണ് പുറത്തിറക്കി തങ്ങളുടെ കരുത്ത് തെളിയിച്ചത്. സൂം 110 സ്കൂട്ടറിൽ ആദ്യമായി അവതരിപ്പിച്ച "കോംബാറ്റ് എഡിഷൻ" തീം ഇപ്പോൾ തങ്ങളുടെ കരിസ്മ XMR -ലേക്ക് കൂടി അവതരിപ്പിക്കുകയാണ് കമ്പനി. സൂം 110 സ്കൂട്ടറിലേതിന് സമാനമായ ബോഡി പാനലുകളിൽ വ്യത്യസ്ത "ജെറ്റ് ഫൈറ്റർ" ഗ്രാഫിക്സുകൾ നൽകുന്ന മാറ്റ് ഷാഡോ ഗ്രേ പെയിന്റ് സ്കീം തന്നെയാണ് കരിസ്മ എക്സ്എംആർ കോംബാറ്റ് എഡിഷനിലപം കമ്പനി നൽകിയിരിക്കുന്നത്.

അടുത്തിടെ സമാപിച്ച 2025 ഓട്ടോ എക്‌സ്‌പോയില്‍ താരമായത് ഇലക്ട്രിക് വാഹനങ്ങള്‍ ആണ്. ഏതാനും വര്‍ഷങ്ങള്‍ക്ക് മുമ്പ് ഉണ്ടായിരുന്ന നിലയില്‍ നിന്ന് വൈദ്യുത വാഹനങ്ങള്‍ വളര്‍ച്ചയുടെ പാതയിലാണ്. അതുകൊണ്ട് തന്നെയാണ് മാരുതി സുസുക്കി തങ്ങളുടെ കന്നി ഇലക്ട്രിക് കാറായ ഇ വിറ്റാര ഓട്ടോ എക്‌സ്‌പോയില്‍ അവതരിപ്പിച്ചത്. എന്നിരുന്നാലും ഐസി എഞ്ചിന്‍ വാഹനങ്ങളില്‍ നിന്ന് ഇലക്ട്രിക്കിലേക്കുള്ള മാറ്റത്തിന് ഇനിയും വര്‍ഷങ്ങള്‍ ഒരുപാട് എടുക്കും. ഈ സമയത്തിനിടെയില്‍ കളംനിറയാന്‍ പോകുന്നത് ഹൈബ്രിഡ് വാഹനങ്ങളാണ്. ഇന്ത്യന്‍ വിപണി പരിശോധിച്ചാല്‍ തന്നെ നിലവില്‍ ഇലക്ട്രിക് കാറുകളുടെ അത്രത്തോളം തന്നെ പോപ്പുലര്‍ ആണ് ഹൈബ്രിഡ് വാഹനങ്ങള്‍.

ഇന്ത്യയിലെ ചെറുകാർ വിഭാഗത്തിൽ വിപ്ലവം തീർത്ത മോഡലായിരുന്നു റെനോ ക്വിഡ്. രാജ്യത്തെ എൻട്രി ലെവൽ സെഗ്മെന്റിൽ മാരുതി ആൾട്ടോ അരങ്ങുവാണിരുന്ന സമയത്താണ് കക്ഷിയുടെ വരവെങ്കിലും ചെറുകാറുകളുടെ സങ്കൽപം തന്നെ പൊളിച്ചെഴുതാൻ ഈ ഫ്രഞ്ച് വണ്ടിക്കായിരുന്നു. രൂപത്തിലായാലും ഭാവത്തിലായാലും മാരുതി കാറുകളെ നാണിപ്പിക്കുന്ന വിധത്തിലായിരുന്നു ക്വിഡ് അന്നേ പണികഴിപ്പിച്ചിരുന്നത്. ഡസ്റ്ററിന് ശേഷം ഇന്ത്യക്കാർ ഇത്രയേറെ സ്നേഹിച്ച മറ്റൊരു റെനോ വാഹനമുണ്ടോയെന്ന് വരെ സംശയമാണ്. പക്ഷേ കാലത്തിനൊത്ത് ട്രെൻഡ് മാറിയതോടെ A സെഗ്മെന്റ് കാറുകളോടൊന്നും ആളുകൾക്ക് കാര്യമായ താത്പര്യം ഇല്ലാതായി.

വാഹനം വഴിയിൽ വച്ച് കേടാകുമപോൾ സാധാരണ നമ്മൾ ചെയ്യുന്ന കാര്യമാണ് മറ്റ് വാഹനങ്ങളുപയോഗിച്ച് കെട്ടിവലിക്കുക എന്നത്. പക്ഷേ ഇപ്പോൾ പല ഡീലർഷിപ്പുകളും റോഡ് സൈഡ് അസിസ്റ്റൻസ് നൽകുന്നത് കൊണ്ട് അവർ തന്നെ ഫ്ലാറ്റ് ബെഡ് ട്രക്കുമായി വന്ന് വാഹനങ്ങൾ കയറ്റികൊണ്ട് പോകുന്നതാണ് പതിവ്. ഒരു വാഹനത്തിന് പകരം മൂന്ന് വാഹനങ്ങൾ കേടാകുകയോ തകരാറിലാകുകയോ ചെയ്താൽ എന്തു ചെയ്യും എന്ന് ആലോചിച്ചിട്ടുണ്ടോ. എന്നാൽ അങ്ങനെ ഒരു സന്ദർഭത്തിൽ ഒരു ടൊയോട്ട ഇന്നോവ ചെയ്ത കാര്യമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. അത് എന്താണ് എന്ന് അറിയാനും വീഡിയോ കാണുന്നതിനുമായി ലേഖനം തുടർന്ന് വായിക്കാൻ മറക്കരുതേ.

മാരുതിയുടെ അണിയറയിൽ 2025 -നായി വൻ ഒരുക്കങ്ങളാണ് നടക്കുന്നത്. വരും നാളുകളിൽ ഇന്തോ ജാപ്പനീസ് ബ്രാൻഡിൽ നിന്ന് വമ്പൻ ലോഞ്ചുകളും പുത്തൻ ടെക്നോളജികളും എല്ലാം ചേർന്ന് ഇന്ത്യൻ വിപണിയിൽ വലിയ കോളിളക്കൾ നമുക്ക് പ്രതീക്ഷിക്കാം. മൈലേജ് പ്രേമികൾ വളരെ ആകാംഷയോടെ കാത്തിരിക്കുന്ന ഹൈബ്രിഡ് ടെക്കാണ് ഇതിൽ പ്രധാനപ്പെട്ട ഒന്ന്. അതിന്റെ വികനസത്തിന്റെ പുത്തൻ വിവരങ്ങളും ഘട്ടങ്ങളും വെളിപ്പെടുത്തുകയാണ് അടുത്തിടെ പരീക്ഷണയോട്ടത്തിനിടെ ക്യാമറ കണ്ണിൽ പതിഞ്ഞ പുത്തൻ സ്വിഫ്റ്റ് ഹൈബ്രിഡ്. രാജ്യതലസ്ഥാനമായ ഡൽഹിയിൽ NCR പരിസരത്താണ് മാരുതി സ്വിഫ്റ്റ് ഹൈബ്രിഡിനെ ടെസ്റ്റിംഗിനിടയിൽ കണ്ടെത്തിയത്.

ശതകോടീശ്വരനും വ്യവസായ പ്രമുഖനുമായ ആനന്ദ് മഹീന്ദ്ര സോഷ്യല്‍ മീഡിയയിലൂടെ വലിയ ഇടപെടല്‍ നടത്തുന്ന വ്യക്തിയാണ്. ഇന്ത്യയിലെ സാധാരണക്കാരായ മനുഷ്യര്‍ കൊണ്ടുവരുന്ന നൂതന ആശയങ്ങള്‍ തന്റെ സോഷ്യല്‍ മീഡിയ പേജുകളിലൂടെ അദ്ദേഹം പ്രോത്സാഹിപ്പിക്കാറുണ്ട്. മഹീന്ദ്ര വാഹനങ്ങളുടെ മാത്രമല്ല മറ്റ് ബ്രാന്‍ഡുകളുടെ വാഹനങ്ങള്‍ ഉപയോഗപ്രദമായ രീതിയില്‍ മോഡിഫിക്കേഷന്‍ ചെയ്ത വീഡിയോകള്‍ അടക്കം അദ്ദേഹം തന്റെ പേജുകളില്‍ ഷെയര്‍ ചെയ്യുന്നു. ഇപ്പോള്‍ ഇന്ത്യന്‍ ദമ്പതികള്‍ ഒരു ടൊയോട്ട ഇന്നോവ എംപിവി ഡബിള്‍ ഡെക്കര്‍ വാഹനമാക്കി രൂപാന്തരപ്പെടുത്തിയ വീഡിയോ ആനന്ദ് മഹീന്ദ്രയുടെ ശ്രദ്ധയാകര്‍ഷിച്ചു. അവരെ കുറിച്ചാണ് നമ്മള്‍ ഇനി പറയാന്‍ പോകുന്നത്.

അഡ്വഞ്ചർ മോട്ടോർസൈക്കിൾ സെഗ്മെന്റിൽ റോയൽ എൻഫീൽഡ് ഹിമാലയന്റെ ഏറ്റവും വലിയ എതിരാളിയാണ് ഹീറോ എക്‌‌സ്‌പൾസ്. എഞ്ചിനിലും പെർഫോമൻസിലും താരതമ്യം ചെയ്യാനാവില്ലെങ്കിലും വിലയുടെ കാര്യത്തിലേക്ക് വരുമ്പോൾ മിക്കവർക്കും താങ്ങാനാവുന്നത് ഹീറോയുടെ ഈ മുതലാണ്. മാത്രമല്ല ഓഫ്-റോഡിംഗിൽ കൈകാര്യം ചെയ്യാനുള്ള എളുപ്പവും സിറ്റി റൈഡുകളിൽ കൂടുതൽ കംഫർട്ടാണെന്നതും എക്‌‌സ്‌പൾസിന് മൈലേജാവുന്ന പോയിന്റുകളാണ്. എന്നിരുന്നാലും ഒരു അഡ്വഞ്ചർ മോഡലാവുമ്പോൾ അൽപം കൂടി പെർഫോമൻസും കാര്യങ്ങളുമെല്ലാം കിട്ടിയിരുന്നെങ്കിൽ എന്ന് പലരും ആഗ്രഹിച്ചിരുന്നു. ഇതെല്ലാം മനസിൽ കണ്ടുകൊണ്ട് ഹീറോ വലിയ ഹൃദയം വെച്ചുപിടിപ്പിച്ച് പുത്തൻ എക്‌സ്‌പൾസിനെ അവതരിപ്പിക്കുകയുണ്ടായി.