ഗിവ് എവേ എന്ന വാക്ക് ഇപ്പോൾ സോഷ്യൽ മീഡിയയിൽ വൈറലാണ്. അത് ട്രെൻഡാക്കിയതാരാണെന്ന് ചോദിച്ചാൽ അതിൻ്റെ ഉത്തരം ജോജി തമ്പിയെന്നാണ്. ജോജി തമ്പിയെ അറിയാത്ത ഒരു വണ്ടിപ്രാന്തനും കേരളത്തിലുണ്ടാവില്ല. ഒരു കാർ ഗിവ് എവേ കിട്ടുക എന്ന് പറഞ്ഞാൽ അതൊരു ചെറിയ കാര്യമല്ല. കേരളത്തിലെ മാത്രമല്ല ഇന്ത്യയിലെ തന്നെ വാഹനപ്രേമികളുടെ പല പ്രിയപ്പെട്ട മോഡലുകളും ജോജി തൻ്റെ ഗിവ് എവേയിലൂടെ നൽകിയിട്ടുണ്ട്. വെറുമൊരു വാഹനപ്രേമിയെന്ന ലേബലിൽ മാത്രം ഒതുങ്ങി നിൽക്കുന്ന ഒരാളല്ല ജോജി. പല ജീവകാരുണ്യപ്രവർത്തനങ്ങളും മുൻകൈ എടുത്ത് നടത്തുന്ന ഒരു മനുഷ്യസ്നേഹി കൂടിയാണ് ഇദ്ദേഹം എന്ന് പറയാതെ വയ്യ.

ഒരു അഭിനേതാവിന്റെ കരിയര്‍ മാറിമറിയാന്‍ ഒറ്റ സിനിമ മതിയെന്നതിന് ഒത്തിരി ഉദാഹരണങ്ങള്‍ നമ്മുടെ മുന്നിലുണ്ട്. ബാഹുബലിയിലൂടെ പ്രഭാസും കെജിഎഫിലൂടെ യാഷുമെല്ലാം പാന്‍ ഇന്ത്യന്‍ സ്റ്റാറുകള്‍ ആയി. സമാനമായ രീതിയില്‍ ബ്രഹ്‌മാണ്ഡ സിനിമകളുടെ സംവിധായകനായ എസ്എസ് രാജമൗലി ആഗോള പ്രശസ്തിയിയിലേക്ക് ഉയര്‍ത്തിയ രണ്ട് നടന്‍മാരാണ് നന്ദമൂരി താരക് രാമറാവു ജൂനിയറും (ജൂനിയര്‍ എന്‍ടിആര്‍) രാംചരണും. ബോക്‌സ്ഓഫീസില്‍ കൊടുങ്കാറ്റായി മാറിയ ആര്‍ആര്‍ആറിന് മുമ്പ് തന്നെ ജൂനിയര്‍ എന്‍ടിആറും രാജമൗലിയും മുമ്പും ടോളിവുഡിന് ചില ഹിറ്റുകള്‍ സമ്മാനിച്ചിട്ടുണ്ട്. സംഗീതത്തിനുള്ള ഓസ്‌കാര്‍ പുരസ്‌കാര നേട്ടത്തിലൂടെ ആര്‍ആര്‍ആറിന്റെ കീര്‍ത്തി വന്‍കരകള്‍ കടന്നപ്പോള്‍ എന്‍ടിആറിനും രാംചരണിനും ആഗോള പ്രശസ്തി ലഭിച്ചു.

ഓട്ടോ ടാക്സിയിൽ യാത്ര ചെയ്തിരുന്ന കാലത്ത് നിന്ന് ഊബറും ഓലയുമെത്തിയപ്പോൾ ആളുകളുടെ യാത്രകളും കൂടി. മറ്റ് ഓട്ടോ ടാക്സി നിരക്ക് വച്ച് താരതമ്യം ചെയ്യുമ്പോൾ വളരെ കുറവാണ് എന്നതാണ് ഉപഭോക്താക്കൾ കൂടുതലായി ഈ അപ്പുകൾ ഉപയോഗിച്ച് യാത്ര ചെയ്യുന്നത്. എന്നാൽ നിങ്ങൾ പോലും അറിയാതെ നിങ്ങളുടെ കൈയിലെ കാശ് ചോരുന്നുണ്ട് എന്ന് അറിഞ്ഞു വച്ചോളു. പതിവായി ഊബർ ആപ്പിൽ വണ്ടി ബുക്ക് ചെയ്യുമ്പോൾ നിങ്ങളുടെ ഓട്ടമെടുക്കാൻ ഡ്രൈവർ താമസിക്കുന്ന അവസ്ഥ വന്നാൽ ആപ്പ് തന്നെ ഡ്രൈവർക്ക് ടിപ്പ് കൊടുത്താൽ ശരിയാകുമെന്ന് പറയാറുണ്ടോ. 20 രൂപയല്ലേ കൊടുത്തേക്കാം എന്ന് നിങ്ങൾ ചിന്തിക്കുകയും ചെയ്യും. അവിടെയാണ് ഇവരുടെ ഏറ്റവും വലിയ ലാഭവും തട്ടിപ്പും.

പ്രീമിയം ഹാച്ച്ബാക്ക് വിഭാഗത്തില്‍ പുത്തന്‍ മാനദണ്ഡങ്ങള്‍ സൃഷ്ടിച്ച് കഴിഞ്ഞ ദിവസമാണ് ടാറ്റ ആള്‍ട്രോസ് ഫെയ്‌സ്‌ലിഫ്റ്റിന്റെ വില പ്രഖ്യാപിച്ചത്. വമ്പന്‍ മേക്കോവറിലാണ് കാര്‍ ഇപ്പോള്‍ വിപണിയില്‍ എത്തിയിരിക്കുന്നത്. ഡിസൈന്‍ വശം മാത്രമല്ല ടെക്‌നിക്കല്‍, ഫീച്ചര്‍ വിഭാഗങ്ങളിലും കാര്‍ ഇപ്പോള്‍ ഏറെ മുന്നേറിയിരിക്കുന്നു. ഈ അപ്ഡേറ്റില്‍ DCT, AMT ഗിയര്‍ബോക്സുകള്‍, ഡീസല്‍, സിഎന്‍ജി പവര്‍ട്രെയിനുകള്‍, ഫ്‌ലാഷ് ഡോര്‍ ഹാന്‍ഡിലുകള്‍, 10.25 ഇഞ്ച് സ്‌ക്രീനുകള്‍, 6 എയര്‍ബാഗുകള്‍ എന്നിവയുള്‍പ്പെടെ നിരവധി സവിശേഷതകള്‍ ലഭിക്കുന്നുണ്ടെങ്കിലും ചില പ്രധാന ഫീച്ചറുകള്‍ നഷ്ടമാകുന്നു. ആള്‍ട്രോസിൽ പ്രതീക്ഷിച്ച് എന്നാല്‍ കിട്ടാതെ പോയ ആ ഫീച്ചറുകള്‍ അല്ലെങ്കില്‍ കാര്യങ്ങള്‍ എന്തൊക്കെയാണെന്ന് നമുക്ക് പരിശോധിക്കാം.

ഒരു ഫാമിലി കാർ എന്ന് പറയുമ്പോൾ അതിൽ കംഫർട്ട്, ടെക്നോളജി, പെർഫോമൻസ്,സ്റ്റോറേജ് സ്പേസ് എല്ലാം ഉണ്ടായിരിക്കണം. അത്തരത്തിലൊരു മോഡലാണ് കിയ കാരൻസ്. വലിയ വരവേൽപ്പായിരുന്നു ഈ ഫാമിലി കാറിന് ലഭിച്ചത്. ബ്രാൻഡ് പുതിയതായി അവതരിപ്പിച്ച കിയ കാരൻസ് ക്ലാവിസ് എന്ന മോഡലിൻ്റെ റിവ്യു നിങ്ങൾ ഡ്രൈവ്സ്പാർക്ക് വെബ്സൈറ്റിൽ നിന്ന് വായിച്ചു കാണുമല്ലോ. നിലവിലെ തലമുറ കാരൻസിനൊപ്പം വിൽക്കാനിരിക്കുന്ന ഈ മോഡൽ നിലവിൽ അംഗീകൃത ഡീലർഷിപ്പുകളിൽ നിന്നോ ബ്രാൻഡിന്റെ ഔദ്യോഗിക വെബ്‌സൈറ്റ് വഴിയോ താത്പര്യമുള്ളവർക്ക ബുക്ക് ചെയ്യാനാവും. മോഡലിൻ്റെ വില പ്രഖ്യാപിച്ച് എതിരാളികളെ ഞെട്ടിച്ചിരിക്കുകയാണ് കിയ. വാഹനത്തിൻ്റെ വിലയും വിവരങ്ങളും അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ കുറഞ്ഞ വിലയുള്ള കാറുകളും പ്രീമിയം മോഡലുകളും ഒരുപോലെ വില്‍ക്കുന്നത് കൊണ്ടാണ് മാരുതി സുസുക്ക് ഇത്ര കണ്ട് വളരാന്‍ സാധിച്ചത്. വലിയ കുടുംബങ്ങള്‍ക്ക് കുറഞ്ഞ വിലയില്‍ വാങ്ങാന്‍ പറ്റിയ കിടിലന്‍ മൈലേജുള്ള ഒരു കാര്‍ ഏതാണെന്ന് ചോദിച്ചാല്‍ അധികം ആലോചിക്കാതെ മാരുതി സുസുക്കി എര്‍ട്ടിഗയെന്ന് പലരും ഉത്തരം പറയും. നിലവില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന മള്‍ട്ടി പര്‍പ്പസ് വാഹനം (എംപിവി) മാരുതി സുസുക്കി എര്‍ട്ടിഗയാണ്. എന്നാല്‍ എര്‍ട്ടിഗേയക്കാള്‍ കുറച്ച് കൂടി പ്രീമിയം നിലവാരമുള്ള എംപിവി വേണമെന്ന് ആഗ്രഹിക്കുന്നവരെ നിരാശപ്പെടുത്താതിരിക്കാനാണ് XL6 എന്ന മോഡല്‍ മാരുതി പുറത്തിറക്കുന്നത്.

സാധാരണ കാലാവസ്ഥയിൽ വാഹനമോടിക്കുന്നത് പോലെയല്ല മഴക്കാലത്ത് വാഹനമോടിക്കുന്നത്. ഒരുപാട് റിസ്കുളള സമയമാണിത്. അത് കൊണ്ട് തന്നെ ഒരുപാട് ശ്രദ്ധ ആവശ്യമുള്ള സമയം കൂടിയാണിത്. തുറന്ന് കിടക്കുന്ന ഓടകളും മാൻ ഹോളുകളും വെള്ളം മൂടിക്കിടക്കുന്ന കുഴികളും ഒടിഞ്ഞ് കിടക്കുന്ന മരചില്ലകളും പൊട്ടിക്കിടക്കുന്ന ഇലക്ട്രിക് ലൈനുകളും എല്ലാം അപകടം സൃഷ്ടിക്കുന്നതാണ്. കഴിയുന്നതും യാത്രകൾ ഒഴിവാക്കുക എന്നതാണ് ഉത്തമം എങ്കിലും തീരെ യാത്രകൾ ഒഴിവാക്കാൻ കഴിയാത്ത സാഹചര്യങ്ങളിൽ ചില കാര്യങ്ങൾ ശ്രദ്ധിക്കുന്നത് അപകടം ഒഴിവാക്കുവാൻ സഹായിക്കും. മഴകാലത്തെ ഡ്രൈവിങ്ങിൽ ശ്രദ്ധിക്കേണ്ട കുറച്ച് കാര്യങ്ങൾ പങ്കുവയ്ക്കുകയാണ്. അത് എന്തൊക്കെയെന്ന് അറിയാൻ തുടർന്ന് വായിക്കാൻ മറക്കരുതേ.

ലോകത്തെ വാഹന വിപണിയിൽ തങ്ങളുടെ സ്ഥാനമുറപ്പിച്ചിട്ട് 76 വർഷം തികയുന്നു. വിറ്റ ഇരുചക്ര വാഹനങ്ങളുടെ എണ്ണമെടുത്താൽ 500 മില്യൺ. 1949 മുതൽ ആരംഭിച്ച ഹോണ്ട എന്ന മഹാസാമ്രാജ്യത്തിൻ്റെ വിജയചരിത്രമാണ് പറഞ്ഞത്. ഗുജറാത്തിലെ ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യയുടെ വിത്തലാപൂർ പ്ലാന്റിൽ നിന്നാണ് 500 മില്യൺ തികച്ച യൂണിറ്റ് പുറത്തിറങ്ങിയത്. ഇന്ത്യൻ വിപണിയിൽ ഏറ്റവും പ്രിയപ്പെട്ട സ്കൂട്ടറായ ഹോണ്ട ആക്ടിവയാണ് പുറത്തിറക്കിയത്. 2048 ഓടെ 1 ബില്യൺ ഉൽപ്പാദനം കൈവരിക്കാനാണ് കമ്പനി ഇപ്പോൾ ലക്ഷ്യമിടുന്നത്. ഏതൊരു ഉപഭോക്താവിൻ്റേയും പ്രിയപ്പെട്ട മോഡൽ കൂടിയാണല്ലോ ഹോണ്ടയുടെ ആക്ടീവ.

ഇന്ത്യക്കാര്‍ക്ക് ഏറ്റവും വിശ്വാസമുള്ള കാര്‍ ബ്രാന്‍ഡുകളില്‍ ഒന്നാണ് ടൊയോട്ട. നിലവില്‍ ജാപ്പനീസ് കമ്പനി മാരുതിയുടെ പല മോഡലുകളും റീബാഡ്ജ് ചെയ്ത് വില്‍ക്കുമ്പോഴും ജനങ്ങള്‍ ഇരച്ചെത്തി അവ വാങ്ങുന്നത് ടൊയോട്ടയുടെ ബ്രാന്‍ഡ് വാല്യു കൂടി നോക്കിയാണ്. നിരവധി ലോകോത്തര കാറുകള്‍ ടൊയോട്ട വിദേശ വിപണികളില്‍ വില്‍ക്കുന്നുണ്ടെങ്കിലും അവ നോക്കി കൊതിക്കാന്‍ മാത്രമാണ് ഇന്ത്യക്കാര്‍ക്ക് വിധി. ഇപ്പോള്‍ അത്തരത്തില്‍ ഒരു മോഡല്‍ കൂടി ടൊയോട്ട ആഗോള വിപണിയില്‍ അവതരിപ്പിച്ചിരിക്കുകയാണ്. പുതുതലമുറ RAV4 കമ്പനി മറനീക്കി കൊണ്ടുവന്നിരിക്കുന്നത്. സ്‌റ്റൈലിഷ് ബോള്‍ഡ് ലുക്കും നൂതന സവിശേഷതകളും ഹൈബ്രിഡ് സെറ്റപ്പുമായി വരുന്ന എസ്‌യുവിയെ കുറിച്ച് ചുവടെ വിശദമായി വായിക്കാം.

മാഗ്നൈറ്റ് എന്ന ഒരൊറ്റ എസ്‌യുവിയിലൂടെ ഇന്ത്യൻ വാഹന വിപണിയിൽ പിടിച്ചുനിൽക്കുന്നവരാണ് നിസാൻ. 2020 മുതൽ ഈ കോംപാക്‌ട് സ്പോർട് യൂട്ടിലിറ്റി വാഹനം മാത്രമാണ് ബ്രാൻഡിന് കച്ചോടം നേടിക്കൊടുക്കുന്നത്. കൂട്ടിനായി എത്തിച്ച X-ട്രെയിൽ എന്ന വല്യേട്ടനാവട്ടെ കച്ചോടമൊന്നും ഇല്ലാതെ ഒരുവശത്ത് മാറിയിരിക്കുകയുമാണ്. പണ്ട് സണ്ണി, മൈക്രാ പോലുള്ള തട്ടുപൊളിപ്പൻ മോഡലുകളുള്ള വണ്ടിക്കമ്പനിയായിരുന്നു നിസാൻ. മാരുതി സ്വിഫ്റ്റ് പോലുള്ള വമ്പൻമാരോട് മല്ലടിച്ച മൈക്രയ്ക്ക് സെക്കൻഡ് ഹാൻഡ് വിപണിയിൽ ഇന്നും വലിയ ഡിമാന്റാണുള്ളത്. 1.5 ഡീസൽ എഞ്ചിൻ ഒക്കെയുണ്ടായിരുന്നു വിരുതൻ വിദേശത്തും ഹിറ്റായിരുന്നു.

ഇന്ത്യയില്‍ ഏറ്റവും കൂടുതല്‍ ആഡംബര കാറുകള്‍ വിറ്റഴിക്കുന്ന ബ്രാന്‍ഡ് ആണ് മെര്‍സിഡീസ് ബെന്‍സ്. ഒരു ഡസനിലേറെ മോഡലുകള്‍ ജര്‍മന്‍ ബ്രാന്‍ഡ് ഇന്ത്യന്‍ വിപണിയില്‍ വില്‍പ്പനക്കെത്തിക്കുന്നു. അതില്‍ വിവിധ ബോഡിസ്‌റ്റൈലിലുള്ള മോഡലുകള്‍ ഉണ്ട്. ഇന്ത്യയിലെ സമ്പന്നര്‍ക്കിടയില്‍ ഏറ്റവും പ്രചാരത്തിലുള്ള ആഡംബര കാറുകളില്‍ ഒന്നാണ് മെര്‍സിഡീസ് ബെന്‍സ് S-ക്ലാസ്. അമിതാഭ് ബച്ചന്‍, ഷാരൂഖ് ഖാന്‍, സല്‍മാന്‍ ഖാന്‍, ദീപിക പദുക്കോണ്‍ എന്നിവരടക്കം ഇന്ത്യയിലെ നിരവധി സെലിബ്രിറ്റികള്‍ ഈ കാര്‍ സ്വന്തമാക്കിയിട്ടുണ്ട്. ഈ കാറിന്റെ (S 350d) എന്‍ട്രി ലെവല്‍ വേരിയന്റിന് 1.79 കോടി രൂപയാണ് വില.

മാരുതി സുസുക്കി എർട്ടിഗ (Maruti Suzuki Ertiga) അരങ്ങുവാഴുന്ന 7-സീറ്റർ സെഗ്മെന്റിലേക്ക് കിയ പുതുതായി കൊണ്ടുവന്ന തുറുപ്പുചീട്ടാണ് കാരെൻസ് ക്ലാവിസ് (Kia Carens Clavis). ഏവർക്കും പരിചയമുള്ള കാരെൻസിന്റെ പ്രീമിയം പതിപ്പിയി ഇക്കഴിഞ്ഞ ദിവസമാണ് മോഡലിനെ കമ്പനി വിപണിയിൽ അവതരിപ്പിച്ചത്. ആഡംബര കാർ പോലുള്ള ഫീച്ചറുകളും പുതിയ ഡിസൈൻ മാറ്റങ്ങളുമെല്ലാമായി എത്തിയ ക്ലാവിസിന്റെ വില അറിയാനുള്ള കാത്തിരിപ്പിലാണ് ഇന്ത്യക്കാർ. എന്നാൽ അധികം മുഷിപ്പിക്കാതെ പുതിയ 7-സീറ്റർ എംപിവിയുടെ വില ദക്ഷിണ കൊറിയൻ വാഹന നിർമാതാക്കൾ നാളെ പ്രഖ്യാപിക്കും.

മാരുതി സുസുക്കി ഏറെ പ്രതീക്ഷയോടെ അവതരിപ്പിച്ച മോഡലാണ് ജിപ്സിയുടെ പിൻഗാമിയായി എത്തിയ ജിംനി. വിൽപ്പനയിൽ ആദ്യമൊന്ന് താഴെ പോയെങ്കിലും പ്രതാപം തിരിച്ചുപിടിക്കുന്നുണ്ട്. രാജ്യത്ത് ഏതൊരു വണ്ടിപ്രാന്തനും ഒരു വാഹനം സ്വന്തമാക്കിയാൽ അത് മോഡിഫൈ ചെയ്യുന്നത് വളരെ സാധാരണമായ കാര്യമാണ്. മാരുതിയുടെ കുഞ്ഞൻ മോഡലായ എസ്-പ്രെസോയും വിൽപ്പനയിൽ ഒട്ടും പിന്നിൽ അല്ലാതെ തന്നെ തുടരുന്നുണ്ട്. സോഷ്യൽ മീഡിയയിൽ വൈറലായിരിക്കുന്ന ഒരു മോഡിഫിക്കേഷൻ വിശേഷങ്ങളാണ് നിങ്ങളുമായി പങ്കുവയ്ക്കാനുളളത്. എസ്-പ്രെസോ എന്ന കുഞ്ഞനിൽ നിന്ന് ജിംനിയിലേക്ക് ഒരു മാറ്റമായാലോ. അത് എന്താണെന്ന് അറിയാൻ തുടർന്ന് വായിക്കാൻ മറക്കരുതേ.

ടാറ്റ മോട്ടോര്‍സ് തങ്ങളുടെ പ്രീമിയം ഹാച്ച്ബാക്ക് മോഡലായ ആള്‍ട്രോസിന്റെ ഫെയ്സ്ലിഫ്റ്റ് പതിപ്പ് ഇന്ത്യന്‍ വിപണിയില്‍ എത്തിച്ചിരിക്കുകയാണ്. ഇന്ന് (22 മെയ് 2025) 6.89 ലക്ഷം രൂപ പ്രാരംഭ എക്‌സ്-ഷോറൂം വിലയിലാണ് 2025 ആള്‍ട്രോസ് പുറത്തിറക്കിയിരിക്കുന്നത്. മാരുതി ബലേനോ, ടൊയോട്ട ഗ്ലാന്‍സ, ഹ്യുണ്ടായി i20 എന്നിവയുമായി ഏറ്റുമുട്ടുന്ന ആള്‍ട്രോസ് ഇപ്പോള്‍ മുമ്പത്തേക്കാള്‍ കൂടുതല്‍ സ്‌റ്റൈലിഷും സുരക്ഷിതവും ഫീച്ചര്‍ സമ്പന്നവുമായി മാറിയിരിക്കുന്നു. ഇതിനോടകം ആള്‍ട്രോസ് ഫെയ്‌സ്‌ലിഫ്റ്റ് ഒത്തിരി ഇന്ത്യക്കാരെ ആകര്‍ഷിച്ചിട്ടുണ്ട്. എന്നാല്‍ വേഗം തന്നെ ഈ പുത്തന്‍ കാര്‍ ബുക്ക് ചെയ്‌തേക്കാമെന്ന് വിചാരിച്ചാല്‍ അതിന് പറ്റില്ല. ആള്‍ട്രോസിന്റെ ബുക്കിംഗ്വിവരങ്ങളാണ് ഈ ലേഖനത്തില്‍ പറയാന്‍ പോകുന്നത്.

ഇന്ത്യക്കാർക്ക് ഇലക്ട്രിക് കാറുകളോടുള്ള അടുപ്പം വല്ലാണ്ട് കൂടിവരികയാണ്. ടാറ്റയും എംജിയുമെല്ലാം മത്സരിച്ച് സാധാരണക്കാരിലേക്ക് വൈദ്യുത കാറുകളെ എത്തിച്ചതാണ് മാറ്റങ്ങൾക്ക് കാരണമായത്. ഇവി വിപ്ലവത്തിന് പൊലിമയേകിയത് ടാറ്റ മോട്ടോർസ് ആണെങ്കിലും ഏറ്റവും കൂടുതൽ മോഡലുകൾ ഇപ്പോൾ അണിനിരക്കുന്നത് ആഡംബര വാഹന വിഭാഗത്തിലാണെന്ന് വേണം പറയാൻ. മെർസിഡീസ് ബെൻസും ബിഎംഡബ്ല്യുവുമെല്ലാം ഇവിടുന്ന് പണംവാരുമ്പോൾ സ്വീഡിഷ് വാഹന നിർമാതാക്കളായ വോൾവോയും കരുത്തോടെ മുൻപന്തിയിൽ തന്നെയുണ്ട്. ലോകത്തിലെ തന്നെ ഏറ്റവും സുരക്ഷിതമായ വാഹനങ്ങൾ നിർമിക്കുന്ന കമ്പനിയെന്ന് പേരെടുത്തവർ ഇന്ത്യയിലും ഫേമസാണ്.

വാഹനത്തിൻ്റെ വിലയിൽ ഞെട്ടിക്കുന്ന കാര്യത്തിൽ ടാറ്റ ഒരു സംഭവം തന്നെയാണ്. ഏറെ നാളത്തെ കാത്തിരിപ്പുകൾക്ക് ശേഷമാണ് 2025 ടാറ്റ ആൾട്രോസ് അവതരിപ്പിച്ചിരിക്കുന്നത്. എന്നാൽ ഞാൻ ആദ്യം പറഞ്ഞ പോലെ 6 ലക്ഷത്തിൽ തുടങ്ങി 13.5 ലക്ഷത്തിൽ വില പ്രഖ്യാപനം കേട്ടപ്പോൾ അക്ഷരാർത്ഥത്തിൽ ഞെട്ടിയെന്ന് വേണം പറയാൻ. അതും ഡീസൽ ഓട്ടോമാറ്റിക്ക് മോഡലിൻ്റെ ഓൺറോഡ് വില 13 ലക്ഷം എന്ന് കേട്ടാൽ ആരാണ് ഞെട്ടാത്തത്. ഈ വിലയ്ക്ക് വിപണിയിൽ ഡീസൽ വാഹനങ്ങൾ കിട്ടാനില്ല എന്നതാണ് ടാറ്റ മനസിലാക്കി കളിച്ച തന്ത്രം. എതിരാളികളുടെ ചങ്ക് തകർത്തു എന്ന കാര്യത്തിൽ ഒരു സംശയവും വേണ്ട.

അടുത്തിടെ വില വര്‍ധിപ്പിച്ചതിന് പിന്നാലെ കെടിഎം ഇന്ത്യ തങ്ങളുടെ RC 200 മോട്ടോര്‍സൈക്കിളിന് ഒരു പുതിയ നിറം സമ്മാനിച്ചു. മെറ്റാലിക് ഗ്രേ എന്നാണ് പുത്തന്‍ കളര്‍വേയുടെ പേര്. ഗ്രേ, ഓറഞ്ച്, ബ്ലാക്ക് എന്നിവ കലര്‍ന്ന ട്രിപ്പിള്‍-ടോണ്‍ ഓപ്ഷന്‍ ബൈക്കിന് തിളക്കമുള്ളതും ഊര്‍ജ്ജസ്വലവുമായ ആകര്‍ഷണം നല്‍കുന്നു. കുറച്ച് ദിവസങ്ങള്‍ക്ക് വില പരിഷ്‌കാരം നടപ്പാക്കിയതിനാല്‍ പുതിയ നിറത്തിലുള്ള മോഡലിന് നിലവിലുള്ള വില തന്നെ നല്‍കിയാല്‍ മതി. നിലവിലുള്ള കറുപ്പ്, ബ്ലാക്ക് നിറങ്ങള്‍ക്കൊപ്പം ഇതും കമ്പനി വെബ്‌സൈറ്റില്‍ ലിസ്റ്റ് ചെയ്തിട്ടുണ്ട്. പുതിയ നിറം ചേര്‍ത്തതൊഴികെ RC 200 മോട്ടോര്‍സൈക്കിളിന് മറ്റ് മാറ്റങ്ങള്‍ ഒന്നുമില്ല.

മാരുതി സുസുക്കി ബലേനോ അരങ്ങുവാഴുന്ന പ്രീമിയം ഹാച്ച്ബാക്ക് സെഗ്മെന്റ് തൂക്കാൻ ഇടിവെട്ട് മാറ്റങ്ങളോടെ വിപണിയിലെത്തിയിരിക്കുകയാണ് ടാറ്റ ആൾട്രോസ് ഫെയ്‌സ്‌ലിഫ്റ്റ്. മുൻഗാമിയെ അപേക്ഷിച്ച് എല്ലാ കുറ്റങ്ങളും കുറവുകളും പരിഹരിച്ചുകൊണ്ടാണ് കക്ഷിയുടെ ഇത്തവണത്തെ വരവ്. അതും രാജ്യത്തെ ഏക ഡീസൽ ഹാച്ച്ബാക്ക് കൂടിയാണിതെന്ന് അറിഞ്ഞാൽ വാങ്ങാനായി ആളുകൾ ഇടികൂടുമെന്ന കാര്യം ഉറപ്പാണ്. പുതിയ ഡിസൈനും, ആധുനിക ഫീച്ചറുകളും കുത്തിനിറച്ചെത്തുന്ന പുത്തൻ ആൾട്രോസിന്റെ വിലയും അടിപൊളിയായി തന്നെ നിർണയിക്കാനും ടാറ്റയ്ക്ക് കഴിഞ്ഞിട്ടുണ്ടെന്ന് വേണം പറയാൻ.

മഹീന്ദ്ര എന്ന പേര് എല്ലാ വാഹനപ്രേമികളുടേയും പ്രിയപ്പെട്ട ബ്രാൻഡാണ്. അത് വാഹനപ്രേമികൾക്ക് മാത്രമല്ല ഇന്ത്യൻ ഉപഭോക്താക്കൾക്കും താൽപ്പര്യമുളള ബ്രാൻഡാണ്. അത് കേവലം ഇന്ത്യൻ ബ്രാൻഡെന്നുളളത് കൊണ്ടല്ല കേട്ടോ. വാഹനത്തിൻ്റെ ക്വാളിറ്റിയും, ടെക്നോളജിയുടെ സംയോജനവും എല്ലാം കൊണ്ടാണ്. ഇപ്പോൾ മഹീന്ദ്രയെ പറ്റി അത്ഭുതമുണർത്തുന്ന കാര്യം എന്താണെന്ന് വച്ചാൽ മെയ് മാസത്തിൽ മഹീന്ദ്ര തങ്ങളുടെ മോഡലുകൾക്ക് ഒന്നും ഒരു ഓഫറും പ്രഖ്യാപിക്കാതെ തന്നെ വിൽപ്പനയിൽ മുന്നിൽ തന്നെയാണ് ബ്രാൻഡ്. അത് മാത്രം മതിയല്ലോ മഹീന്ദ്രയുടെ പവർ എന്താണെന്ന് മനസിലാക്കാൻ. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ കോംപാക്ട് എസ്‌യുവി സെഗ്‌മെന്റിന് തുടക്കമിട്ട റെനോ ഡസ്റ്റര്‍ അടുത്ത ഏതാനും മാസങ്ങള്‍ക്കുള്ളില്‍ തിരികെയെത്താന്‍ പോകുകയാണ്. 5 സീറ്റര്‍ ഡസ്റ്റര്‍ കൂടാതെ 7 സീറ്റര്‍ അവതാരത്തില്‍ റെനോ ബോറിയല്‍ എന്ന മോഡലും ഫ്രഞ്ച് നിര്‍മാതാക്കള്‍ പുറത്തിറക്കുന്നുണ്ട്. ന്യൂജെന്‍ ഡസ്റ്ററിന്റെ ലോഞ്ചിന് ശേഷമായിരിക്കും ഈ മോഡല്‍ ഇന്ത്യയിലെത്തുക. പുതുതലമുറ റെനോ ഡസ്റ്ററും അതിന്റെ 7 സീറ്റര്‍ ഡെറിവേറ്റീവായ ബിഗ്സ്റ്ററും കാത്തിരിക്കുന്നുണ്ടെങ്കില്‍ ഈ വാര്‍ത്ത നിങ്ങള്‍ക്കുള്ളതാണ്. ഇപ്പോള്‍ റെനോ ബോറിയല്‍ (ഡാസിയ ബിഗ്‌സ്റ്റര്‍) യൂറോ NCAP ക്രാഷ് ടെസ്റ്റിന് വിധേയമാക്കിയിരിക്കുകയാണ്. അതിന്റെ ഫലങ്ങള്‍ ചുവടെ വിശദമായി നോക്കാം.

ഓരോ രാജ്യത്തെയും സമ്പദ്‌വ്യവസ്ഥയുടെ ജീവനാഡിയായാണ് റോഡുകള്‍ കണക്കാക്കപ്പെടുന്നത്. ആ രാഷ്ട്രത്തിന്റെ വികസനം അടയാളപ്പെടുത്താന്‍ റോഡുകളുടെ നിലവാരം അളന്നാല്‍ മതി. നമ്മുടെ നാട്ടിലും ഇപ്പോള്‍ മൊത്തം ആറുവരിപ്പാതയും അതിന്റെ നിര്‍മാണവും നിലവാരവുമെല്ലാമാണ് ചര്‍ച്ച. കേരളത്തിലൂടെ കടന്ന് പോകുന്ന ദേശീയപാത 66 മലപ്പുറം എടരിക്കോട് എന്ന സ്ഥലത്ത് തകര്‍ന്നത് ഇപ്പോള്‍ വലിയ ഒച്ചപ്പാടുകള്‍ സൃഷ്ടിച്ചിരിക്കുകയാണ്. പൂര്‍ത്തിയായ ഭാഗങ്ങളിലൂടെ വാഹനങ്ങള്‍ കടന്ന് പോകാന്‍ തുടങ്ങിയതിന് പിന്നാലെ ജനങ്ങള്‍ നല്ല വാക്ക് പറയാന്‍ തുടങ്ങിയപ്പോള്‍ റോഡ് നിര്‍മാണത്തിന്റെ ക്രെഡിറ്റ് ഏറ്റെടുത്തവര്‍ അത് തകര്‍ന്നപ്പോള്‍ ഒരക്ഷരം മിണ്ടുന്നില്ലെന്ന് സോഷ്യല്‍ മീഡിയയില്‍ വ്യാപക വിമര്‍ശനം ഉയരുന്നുണ്ട്.

മിനി എസ്‌യുവികളുടെ വരവോടെ പ്രതാപം ചെറുതൊയെന്ന് ഇടിഞ്ഞ സെഗ്മെന്റാണ് പ്രീമിയം ഹാച്ച്ബാക്കുകളുടേത്. മാരുതി ബലേനോ, ഹ്യുണ്ടായി i20, ടാറ്റ ആൾട്രോസ്, ടൊയോട്ട ഗ്ലാൻസ തുടങ്ങിയ വിരലിൽ എണ്ണാവുന്ന മോഡലുകൾ മാത്രമാണ് ശ്രേണിയിലുള്ളതെങ്കിലും പ്രായോഗികതയിലും മൈലേജിലും എല്ലാം സ്പോർട് യൂട്ടിലിറ്റി വാഹനങ്ങളേക്കാൾ മിടുക്കൻമാരാണ് ഇവരെന്ന് വേണം പറയാൻ. നിലവിൽ ബലേനോ പതിനായിരം യൂണിറ്റുകൾക്ക് മുകളിൽ വിൽപ്പന നടത്തുമ്പോൾ എതിരാളികളുടെ വിൽപ്പന കണക്കുകളെല്ലാം കൂട്ടിച്ചേർത്താലും പതിനായിരം യൂണിറ്റുകൾ എത്തുന്നില്ലെന്നതാണ് രസകരമായ കാര്യം. എന്നാൽ ടോപ്പ് ഗിയറിലേക്ക് കച്ചോടം എത്തിക്കാനായി ടാറ്റ ആൾട്രോസ് ഫെയ്‌സ്‌ലിഫ്റ്റ് നാളെ വിപണിയിലേക്ക് എത്തുകയാണ്.

ടാറ്റ ആൾട്രോസിൻ്റെ മുഖം മിനുക്കിയ മോഡൽ അവതരിപ്പിക്കുന്നത് തന്നെ പഞ്ച് എന്ന മൈക്രോ എസ്‌യുവിയുടെ വരവോടെ വിൽപ്പന ചെറുതായൊന്ന് ഇടിഞ്ഞിരുന്നെങ്കിലും അത് തിരികെ പിടിക്കുന്നതിന് വേണ്ടിയായിരുന്നു. 2025 മെയ് 22-ന് ഔദ്യോഗികമായി പുത്തൻ ആൾട്രോസിനെ അവതരിപ്പിക്കുമെന്നാണ് അറിയിച്ചിരിക്കുന്നത്. അടിസ്ഥാന രൂപം നിലനിർത്തുന്നുണ്ടെങ്കിലും ഡിസൈൻ, ഫീച്ചറുകൾ, ക്യാബിൻ ലേഔട്ട് എന്നിവയിൽ സുപ്രധാന പൊളിച്ചെഴുത്തുമായാണ് ആൾട്രോസിന്റെ പുത്തൻ മോഡൽ വിപണിയിലേക്ക് എത്തുന്നത്. ടെക് ഫീച്ചറുകളെന്നാൽ എല്ലാവരു ഹ്യുണ്ടായി i20 എന്നാണല്ലോ കരുതുന്നത്. എന്നാൽ എതിരാളിയെ വെല്ലുന്ന കിടിലൻ ഫീച്ചറുകളാണ് ടാറ്റ ആൾട്രോസിലുളളത്.

നമ്മുടെ നാട്ടില്‍ ഇലക്ട്രിക് സ്‌കൂട്ടറുകള്‍ സര്‍വസാധാരണമാണ്. നാട്ടിലൂടെ ചുറ്റിയടിക്കാനും ഓഫീസില്‍ പോകാനും മറ്റ് ദൈനംദിന യാത്രകള്‍ക്കും ഇലക്ട്രിക് സ്‌കൂട്ടറുകള്‍ അനുയോജ്യമാണ്. രാത്രിയില്‍ വീട്ടിലോ പകല്‍ സമയത്ത് ജോലി സ്ഥലത്തോ ചാര്‍ജ് ചെയ്താല്‍ കാര്യങ്ങള്‍ സ്മൂത്തായി മുന്നോട്ട് പോകും. എന്നാല്‍ ഇലക്ട്രിക് ബൈക്കുകള്‍ നമ്മുടെ നാട്ടില്‍ അത്ര ജനകീയമായിട്ടില്ല. അതിന് ഒന്നിലേറെ കാരണങ്ങള്‍ ഉണ്ട്. ഒന്ന് അത്യാവശ്യം നല്ല ഇ-ബൈക്കുകളുടെ ഉയര്‍ന്ന വില, പിന്നെ കുറഞ്ഞ റേഞ്ചും ആണ്. ഇന്ന് ഒരു പ്രീമിയം മോട്ടോര്‍സൈക്കിള്‍ വാങ്ങുന്നവര്‍ ഉറപ്പായും ഒരു ലോംഗ് ട്രിപ്പ് എങ്കിലും പോകാന്‍ താല്‍പര്യപ്പെടുന്നുണ്ടാകും.

ഇന്ത്യയിൽ ഒരിടയ്ക്ക് ചൂടപ്പം പോലെ വിറ്റഴിച്ചിരുന്ന എസ്‌യുവികളായിരുന്നു ടാറ്റ ഹാരിയറും (Tata Harrier) സഫാരിയും (Tata Safari). പിന്നീട് എതിരാളികൾക്കിടയിൽ പെട്ടുപോയ മോഡലുകൾ ഇപ്പോൾ തരക്കേടില്ലാത്ത രീതിയിൽ വിറ്റഴിയുന്നുണ്ട് കേട്ടോ. ഫെയ്‌സ്‌ലിഫ്റ്റ് പതിപ്പുകൾ കൂടുതൽ കളർഫുള്ളായെങ്കിലും മസ്ക്കുലാർ ലുക്കിന്റെ കാര്യത്തിൽ പഴയ മോഡലുകളോടാണ് ആളുകൾക്ക് താത്പര്യം. എംജി ഹെക്‌ടർ, മഹീന്ദ്ര XUV700, ഹ്യുണ്ടായി അൽകസാർ തുടങ്ങിയ സെഗ്മെന്റിലെ എതിരാളികളെല്ലാം പെട്രോളിലും ഡീസലിലും വാങ്ങാൻ കിട്ടുമ്പോൾ ടാറ്റയുടെ ഇരട്ടകൾക്ക് ഡീസൽ എഞ്ചിൻ മാത്രമാണുള്ളത്. പെട്രോൾ കൂടിയുണ്ടായിരുന്നെങ്കിൽ പവറായാനേയെന്ന് ഫാൻസ് ഏറെനാളായി പറയുന്നുണ്ട്.