സെലിബ്രിറ്റികളും വലിയ വ്യവസായ പ്രമുഖരുമെല്ലാം ആഡംബര കാറുകൾ വാങ്ങിക്കൂട്ടുന്ന വാർത്തകളെല്ലാം മലയാളികൾ ഇരുകൈയും നീട്ടിയാണ് സ്വീകരിക്കാറുള്ളത്. ഇതിൽ എപ്പോഴും കാണുന്നൊരു പേരായിരിക്കും ബിഎംഡബ്ല്യു ഇവിഎം ഓട്ടോക്രാഫ്റ്റിന്റേത്. ജർമൻ ആഡംബര വാഹന നിർമാതാക്കളുടെ കേരളത്തിലെ മുൻനിര വിതരണക്കാരാണ് ഇവർ. ഈയൊരു വലിയ ഡീലർഷിപ്പ് ശൃംഖലയുടെ തലപ്പത്തിരിക്കുന്നതാവട്ടെ ജിഷിൽ ബോസ് എന്ന വ്യക്തിയാണ്. സോഷ്യൽ മീഡിയയിലെല്ലാം വളരെ സജീവമായ ഈ വണ്ടിഭ്രാന്തനെ ചിലർക്കെങ്കിലും സുപരിചിതമായിക്കും. വർഷങ്ങൾക്ക് മുൻപ് മാരുതി ഡീലർഷിപ്പിലൂടെ ഓട്ടോമൊബൈൽ ഇൻഡസ്ട്രിയിൽ ഫ്രണ്ട് ഓഫീസ് എക്സിക്യൂട്ടീവായി കരിയർ ആരംഭിച്ചയാളാണ് ജിഷിൽ.

ഹെക്‌ടർ എന്ന എസ്‌യുവിയിലൂടെ ഇന്ത്യക്കാരുടെ പ്രിയങ്കരായി മാറിയ വാഹന നിർമാതാക്കളാണ് എംജി (MG Motor). ബ്രിട്ടീഷ് പൈതൃകവുമായി എത്തിയ ചൈനീസ് ബ്രാൻഡായിരുന്നുവെങ്കിലും അതിന്റെ യാതൊരുവിധ കുറ്റങ്ങളും കുറവുകളും എംജിക്കില്ലായിരുന്നു. പിന്നീട് ഇന്ത്യയിലെ പ്രധാന ഓഹരി ജെഎസ്‌ഡബ്ല്യു ഗ്രൂപ്പ് വാങ്ങിയതോടെ പാതി ദേസി ആയി മാറാനും കമ്പനിക്കായി. ഹെക്‌ടറും ഗ്ലോസ്റ്ററും ആസ്റ്ററും നീളുന്ന ICE എഞ്ചിൻ മോഡലുകൾക്ക് ഒരു പരിധിക്ക് മുകളിൽ വിൽപ്പന കൊണ്ടുവരാൻ സാധിക്കാതായതോടെ എംജി മോട്ടോർ വൈദ്യുത വാഹനങ്ങളിലേക്ക് ശ്രദ്ധ കേന്ദ്രീകരിക്കുകയുണ്ടായി. പിന്നെ ബ്രാൻഡിന് തിരിഞ്ഞുനോക്കേണ്ടി വന്നിട്ടില്ല.

സ്കൂട്ടർ വാങ്ങുമ്പോൾ നിങ്ങൾക്ക് ഹെൽമറ്റ് ഡീലർഷിപ്പിൽ നിന്ന് ലഭിക്കുന്ന രീതിയുണ്ട്. എന്നാൽ സർക്കാർ ഉത്തരവ് പ്രകാരം ഒരു സ്കൂട്ടർ വിൽക്കുമ്പോൾ രണ്ട് ഹെൽമറ്റുകൾ നൽകണമെന്ന് നിർബന്ധമായും ഉത്തരവിറക്കിയിരിക്കുകയാണ്. രാജ്യത്ത് ഓരോ വർഷവും അഞ്ച് ലക്ഷം അപകടങ്ങളാണ് സംഭവിക്കുന്നത്. അത് കുറയ്ക്കുന്നതിൻ്റെ ഭാഗമായിട്ടാണ് സർക്കാർ ഇത്തരത്തിലൊരും നിയമം പുറപ്പെടുവിക്കുന്നത്. എല്ലാ പുതിയ ഇരുചക്ര വാഹനങ്ങളിലും ഇനി രണ്ട് ഐഎസ്ഐ മുദ്രയുള്ള ഹെൽമെറ്റുകൾ വിൽക്കണമെന്നാണ് ഉത്തരവിൽ പറയുന്നത്. ന്യൂഡൽഹിയിൽ നടന്ന ഓട്ടോ ഉച്ചകോടിയിൽ കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി ഈ നയം പ്രഖ്യാപിച്ചത്.

വിജയ് ദേവരകൊണ്ട എന്നാൽ പെൺകുട്ടികൾക്ക് എപ്പോഴും ഒരു ഹരമാണ്. അർജ്ജുൻ റെഡ്ഡി എന്ന ഒറ്റ പടത്തിലൂടെ പ്രത്യേകിച്ച് പെൺകുട്ടികളുടെ മനസിൽ ഇടം നേടിയ നടനാണ് വിജയ് ദേവരകൊണ്ട. നടനെ ചുറ്റിപ്പറ്റി നിരവധി കരകമ്പികൾ ഉയരുന്നുണ്ട്. നാഷണൽ ക്രഷ് എന്നറിയപ്പെടുന്ന രശ്നമികയുടെ കാമുകനാണ് എന്ന് പോലും അറിയപ്പെടുന്ന നടനാണ് വിജയ്. ഇപ്പോഴിതാ താരം ഒരു എംപിവിയിൽ വന്നിറങ്ങുന്ന വീഡിയോ വൈറലായിരിക്കുകയാണ്. അത് മറ്റൊന്നുമല്ല ജനപ്രിയ എംപിവിയായ ടൊയോട്ട ഇന്നോവ ക്രിസ്റ്റയാണ്. മുംബൈ എയർപോർട്ടിൽ താരം വന്നിറങ്ങുന്നത് ടൊയോട്ട ഇന്നോവ ക്രിസ്റ്റയിലാണ്. ക്രിസ്റ്റയുടെ കൂടുതൽ വിശദാംശങ്ങൾ അറിയാൻ തുടർന്ന് വായിക്കാൻ മറക്കരുതേ.

2024 കലണ്ടര്‍ വര്‍ഷത്തില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട പാസഞ്ചര്‍ കാറായി മാറി ടാറ്റ പഞ്ച് വിപണിയെ മൊത്തം ഞെട്ടിച്ചിരുന്നു. എന്നാല്‍ പഞ്ചിനെ പഞ്ചറാക്കിക്കൊണ്ട് 2024-205 സാമ്പത്തിക വര്‍ഷത്തിലെ ബെസ്റ്റ് സെല്ലര്‍ കാര്‍ പദവി ഒരു മാരുതി കാര്‍ തിരിച്ചുപിടിച്ചിരിക്കുകയാണ്. അത് മറ്റാരുമല്ല പതിറ്റാണ്ടുകളായി ഇന്ത്യക്കാരുടെ പ്രിയപ്പെട്ട കാര്‍ മോഡലായി തുടരുന്ന വാഗണ്‍ആര്‍ ആണ് 2024-25 സാമ്പത്തിക വര്‍ഷത്തില്‍ ഏറ്റവും കൂടുതല്‍ വിറ്റഴിക്കപ്പെട്ട പാസഞ്ചര്‍ വാഹനമായി മാറിയത്. 2025 സാമ്പത്തിക വര്‍ഷത്തില്‍ മാരുതി 1,98,451 യൂണിറ്റ് വാഗണ്‍ആര്‍ വിറ്റഴിച്ചു. 2024 സാമ്പത്തിക വര്‍ഷത്തില്‍ വിറ്റഴിച്ച 2,00,177 യൂണിറ്റിനെ അപേക്ഷിച്ച് നേരിയ കുറവുണ്ട്.

2024-2025 സാമ്പത്തിക വര്‍ഷം അവസാനിച്ചതോടെ വാഹന നിര്‍മാതാക്കള്‍ വില്‍പ്പന കണക്കുകള്‍ പുറത്തുവിടുന്ന തിരക്കിലാണ്. ഇത് എഴുതുന്ന ഞങ്ങള്‍ക്കും വായിക്കുന്ന നിങ്ങള്‍ക്കും ഒന്നാം സ്ഥാനക്കാര്‍ ആരായിരിക്കുമെന്ന കാര്യത്തില്‍ തര്‍ക്കമൊന്നും കാണുന്നില്ല. മാരുതിയുടെ വില്‍പ്പന കാണുമ്പോള്‍ ശരിക്കും ഒരു എതിരാളിയില്ലാതെ നിങ്ങള്‍ക്ക് മടുക്കുന്നില്ലേ എന്നാണ് ചോദിക്കാന്‍ തോന്നുന്നത്. എതിരാളികളില്‍ പലരും 10 കൊല്ലമെടുത്താല്‍ പോലും വില്‍ക്കാത്ത അത്രയും കാറുകളാണ് മാരുതി സുസുക്കി ഒറ്റ വര്‍ഷം കൊണ്ട് വിറ്റുതീര്‍ക്കുന്നത്. 2024-25 സാമ്പത്തിക വര്‍ഷത്തില്‍ ഇന്ത്യയിലെ നമ്പര്‍ 1 കമ്പനി മൊത്തം 2,234,266 യൂണിറ്റ് വില്‍പ്പന നേടി.

മഹീന്ദ്ര (Mahindra) ഏത് പുതിയ വാഹനം പുറത്തിറക്കിയാലും ഹിറ്റായിക്കൊണ്ടിരിക്കുന്ന കാലമാണിത്. രണ്ടാംതലമുറ ഥാർ, XUV700, സ്കോർപിയോ N, XUV 3XO തുടങ്ങിയവയെല്ലാം ഇതിന് ഉദാഹരണങ്ങളാണ്. എന്തിനേറെ പറയുന്നു അടുത്തിടെ ഇന്ത്യക്കായി സമ്മാനിച്ച BE 6, XEV 9e ഇലക്‌ട്രിക് എസ്‌യുവികൾ വരെ ലോകശ്രദ്ധപിടിച്ചുപറ്റിയത് വെറുതേയല്ല. എതിരാളികൾ വരെ രഹസ്യമായി ആരാധിക്കുന്ന ഇവികളായി ഇരുവരും മാറിയിട്ടുണ്ടെന്നതാണ് സത്യം. സെലിബ്രിറ്റികളും വലിയ വ്യവസായി പ്രമുഖരുമെല്ലാം കൂട്ടത്തോടെ എത്തുന്നുമുണ്ടിപ്പോൾ. രണ്ട് പുത്തൻ വൈദ്യുത കാറുകളുടേയും ഡെലിവറിയും വലിയ ആഘോഷമാക്കി കമ്പനി മാറ്റിയിട്ടുണ്ട്.

ഏതൊരു ഇരുചക്ര വാഹന ബ്രാന്‍ഡിനും 2 കോടി അല്ലെങ്കില്‍ 20 ദശലക്ഷം മോട്ടോര്‍സൈക്കിളുകള്‍ വിറ്റഴിക്കുകയെന്നത് അസുലഭമായ ഒരു നേട്ടമാണ്. പെര്‍ഫോമന്‍സ് മോട്ടോര്‍സൈക്കിളുകളുടെ കാര്യത്തില്‍ ഇത് കൂടുതല്‍ ശ്രദ്ധേയമാണ്. ഇപ്പോള്‍ ഇന്ത്യന്‍ ബ്രാന്‍ഡ് ആയ ബജാജിന്റെ ഓള്‍ടൈം ഹിറ്റ് മോഡലുകളില്‍ ഒന്നായ പള്‍സറിന്റെ മൊത്തം വില്‍പ്പന 2 കോടി പിന്നിട്ടു. 2001-ല്‍ രാജ്യത്ത് പെര്‍ഫോമന്‍സ് ബൈക്കിംഗ് കേട്ടുകേള്‍വി പോലുമില്ലാതിരുന്ന ഒരു കാലത്ത്, സ്‌പോര്‍ട്ടി മസ്‌കുലാര്‍ ഡിസൈന്‍, ക്ലാസ്-ലീഡിംഗ് പെര്‍ഫോമന്‍സ്, ടെക്‌നോളജി എന്നിവയിലൂടെ പള്‍സര്‍ ഇന്ത്യന്‍ ഇരുചക്ര വാഹന വിപണിയില്‍ കൊടുങ്കാറ്റായി മാറി.

ടാറ്റയുടെ പ്രത്യേകത എന്താണെന്ന് വച്ചാൽ തങ്ങളുടെ ഏതൊരു മോഡൽ അവതരിപ്പിച്ചാലും അതിൻ്റെ ഡാർക്ക് എഡീഷൻ അവതരിപ്പിക്കുക എന്നതാണ്. ഇപ്പോഴിതാ ക്രെറ്റയുടെ എതിരാളിയായ കർവ്വ് കൂപ്പെ എസ്‌യുവിയുടെ ഡാർക്ക് എഡീഷൻ ഒരു ഡീലർഷിപ്പിൽ എത്തിയതിൻ്റെ ചിത്രങ്ങൾ ഇൻ്റർനെറ്റിലും സോഷ്യൽ മീഡിയയിലും കത്തി പടരുകയാണ്. മറ്റ് ഡാർക്ക് എഡീഷനിലേത് പോലെ തന്നെ മുന്നിലും പിന്നിലും ഡാർക്ക് എലമെൻ്റ് കൊണ്ട് ലോഗോകളും ബാഡ്ജിങ്ങുകളും തീർത്തിരിക്കുകയാണ്. ഹൈപ്പീരിയൻ 1.2 ലിറ്റർ ടർബോ പെട്രോൾ ജിഡിഐ, ക്രിയോജെറ്റ് 1.5 ലിറ്റർ ടർബോ ഡീസൽ എഞ്ചിൻ ഓപ്ഷനുകൾക്കൊപ്പമാവും കർവ് ഡാർക്ക് എഡിഷൻ പുറത്തിറക്കുക.

ഉയർന്ന മെയിന്റനെൻസ് കോസ്റ്റിന്റെ പേരിൽ സ്കോഡയോട് ഇന്ത്യക്കാർക്ക് പണ്ടൊരു അകൽച്ചയുണ്ടായിരുന്നു. എന്നാൽ ആധുനിക വാഹനങ്ങളിലൂടെ അതെല്ലാം പരിഹരിച്ച് സാധാരണക്കാരിലേക്ക് കൂടുതൽ അടുക്കാൻ ഈ ചെക്ക് റിപ്പബ്ലിക്കൻ വാഹന നിർമാതാക്കൾക്ക് സാധിച്ചിട്ടുണ്ടെന്നതാണ് സത്യം. കുഷാഖ്, സ്ലാവിയ തുടങ്ങിയവർ തിരികൊളുത്തിയ ജനപ്രീതി വേറൊരു തലത്തിലെത്തിച്ചത് കൈലാക് എന്ന കുഞ്ഞൻ എസ്‌യുവിയാണെന്ന് നിസംശയം പറയാം. കുറഞ്ഞ വിലയും മലയാളി പേരിട്ടതുമെല്ലാം കേരളത്തിൽ പോലും കൈലാക്കിന് കൂടുതൽ ഫാൻസിനെ സമ്മാനിച്ചു. 2025 മാർച്ചിലെ വിൽപ്പന കണക്കുകൾ കൂടി പുറത്തുവരുമ്പോൾ സ്കോഡയുടെ സ്വീകാര്യത വ്യക്തമായി മനസിലാവുകയും ചെയ്യും.

ലോകത്തെ പ്രമുഖര്‍ക്കിടയില്‍ ഏറ്റവും പ്രചാരമുള്ള ആഡംബര എസ്‌യുവികളില്‍ ഒന്നാണ് ലാന്‍ഡ് റോവര്‍ ഡിഫെന്‍ഡര്‍. സുഖസൗകര്യങ്ങള്‍, ഏറ്റവും പുതിയ സാങ്കേതികവിദ്യ, ആത്യന്തിക ഓഫ്-റോഡിംഗ് കഴിവുകള്‍ എന്നിവയുടെ സന്തുലിതമായ പാക്കേജ് ഓഫര്‍ ചെയ്യുന്ന ഈ കാര്‍ ഇന്ത്യയിലും വന്‍ വിജയമാണ്. കഴിഞ്ഞ ദിവസമാണ് ഇന്ത്യയില്‍ ഈ കാറിന്റെ വില്‍പ്പന 5000 യൂണിറ്റ് കഴിഞ്ഞതായി ജാഗ്വാര്‍ ലാന്‍ഡ് റോവര്‍ പ്രഖ്യാപിച്ചത്. തങ്ങളുടെ വിജയവും സമ്പത്തും പ്രകടിപ്പിക്കാനുള്ള ഏറ്റവും മികച്ച മാര്‍ഗമാണ് ഒരു ലക്ഷ്വറി കാര്‍ വാങ്ങുന്നത്. അതിനായി ഇന്ത്യയിലെ സെലിബ്രിറ്റികള്‍ സമീപകാലത്തായി ഏറ്റവും കൂടുതലായി വാങ്ങുന്ന കാറുകളില്‍ ഒന്നാണ് ഡിഫെന്‍ഡര്‍.

ടൊയോട്ടയുടെ ലൈനപ്പിൽ ഏറ്റവും മസ്കുലർ ലുക്കുളള വാഹനമേതാണെന്ന് ചോദിച്ചാൽ അത് ഫോർച്ച്യൂണർ തന്നെ. പല ഫോർച്ച്യൂണർ ഉടമകളും ലെക്സസ് കിറ്റുകൾ ഘടിപ്പിക്കുന്നത് നിങ്ങളുടെ ശ്രദ്ധയിൽപ്പെട്ടിട്ടുണ്ടാകാം. പലരും പഴയ മോഡൽ പുതിയ മോഡലിലേക്ക് കൺവേർട്ട് ചെയ്യാറുണ്ട്. പ്രത്യേകിച്ച് ലെജൻഡർ വേരിയൻ്റിലേക്ക്. അത്തരത്തിലൊരു കൺവേർട്ട് ചെയ്യുന്ന വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. എന്തൊക്കെയാണ് പഴയതിൽ നിന്ന് ലെജൻഡറിലേക്ക് മാറ്റുന്നതിന് വേണ്ടി ചെയ്തെന്ന് നോക്കിയാലോ.നിങ്ങൾക്കൊരു ഫോർച്ച്യൂണർ ഉണ്ടെങ്കിൽ ഇത് നിങ്ങൾക്കും ഉപകാരപ്രദമായിരിക്കും എന്ന കാര്യത്തിൽ ഒരു സംശയവും വേണ്ട. വിശദമായി അറിയാൻ തുടർന്ന് വായിക്കാൻ മറക്കരുതേ.

ഇന്ത്യൻ വിപണിയിലേക്ക് ഒരു അതിഥിയായി കടന്നുവന്ന് ജനഹൃദയങ്ങൾ കീഴടക്കി ജനങ്ങളിൽ ഒരുവനായി മാറിയ ദക്ഷിണ കൊറിയൻ വാഹന നിർമാതാക്കളാണ് കിയ (Kia). സെൽറ്റോസ് (Seltos), സോനെറ്റ് (Sonet) തുടങ്ങിയ തട്ടുപൊളിപ്പൻ എസ്‌യുവികളിലൂടെ രാജ്യത്ത് പ്രവർത്തനം ആരംഭിച്ച കമ്പനി പിന്നീട് പുതുമയാർന്ന മോഡലുകളിലൂടെ എല്ലാത്തരം ആളുകളിലേക്കും ഇറങ്ങിച്ചെല്ലുകയായിരുന്നു. കാരെൻസ്, സിറോസ് തുടങ്ങിയവരും തങ്ങളുടേതായ സ്ഥാനം കണ്ടെത്തിയപ്പോൾ ഹ്യുണ്ടായിയുടെ കസിൻ ബ്രാൻഡിനെ ഇന്ത്യക്കാർ ഹൃദയത്തിൽ കുടിയിരുത്തി. നല്ല ഡിസൈനും, ആധുനിക ഫീച്ചറുകളും, സേഫ്റ്റിയുമെല്ലാം കോർത്തിണക്കിയാണ് കിയ കാറുകൾ വിപണിയിലേക്ക് വരുന്നത്.

2024-25 സാമ്പത്തിക വര്‍ഷം അവസാനിച്ചിരിക്കുകയാണ്. പുതിയ സാമ്പത്തിക വര്‍ഷം പിറന്നതോടെ വാഹന നിര്‍മാതാക്കള്‍ പോയ വര്‍ഷത്തെ വില്‍പ്പന കണക്കുകള്‍ പുറത്ത് വിട്ട് തുടങ്ങി. 2024-2025 സാമ്പത്തിക വര്‍ഷത്തില്‍ ഏറ്റവും കൂടുതല്‍ നേട്ടമുണ്ടാക്കിയ ബ്രാന്‍ഡുകളില്‍ ഒന്നാണ് മഹീന്ദ്ര ആന്‍ഡ് മഹീന്ദ്ര. കഴിഞ്ഞ സാമ്പത്തിക വര്‍ഷം മഹീന്ദ്ര മൊത്തം 5,51,487 യൂണിറ്റ് വില്‍പ്പനയാണ് രേഖപ്പെടുത്തിയത്. മഹീന്ദ്രയുടെ എക്കാലത്തെയും ഉയര്‍ന്ന വാര്‍ഷിക വില്‍പ്പന കണക്കുകളാണ് ഇത്. മാത്രമല്ല ആദ്യമായാണ് മഹീന്ദ്ര ആഭ്യന്തര വിപണിയില്‍ 5 ലക്ഷം യൂണിറ്റ് വില്‍പ്പന നാഴികക്കല്ല് താണ്ടുന്നത്.

നമ്മുടെ ആരോഗ്യത്തിൽ ഏറ്റവും വലിയ പങ്ക് വഹിക്കുന്ന ഒരു ഘടകമാണല്ലോ വെളളം. അതും ശുദ്ധമായ വെളളമാണ് ശരീരത്തിന് ആവശ്യം. നിങ്ങളുടെ വീടുകളിൽ ഒരു വാട്ടർ പ്യൂരിഫയർ സ്ഥാപിച്ചിട്ടുണ്ടാകാം. ചിലപ്പോൾ അതിൽ h20 കെയർ എന്ന ഒരു സ്റ്റിക്കർ ഉണ്ടെങ്കിൽ ഒന്ന് കൊണ്ടും പേടിക്കണ്ട നിങ്ങളുടേയും നിങ്ങളുടെ കുടംബത്തിൻ്റേയും ആരോഗ്യത്തിന് ഇതിലും മികച്ച സംരക്ഷണം ലഭിക്കാനില്ല. h20 കെയർ എന്ന വാട്ടർ പ്യൂരിഫയിങ്ങ് സംവിധാനം ഇപ്പോൾ കേരളത്തിലെ നിരവധി വീടുകളിലും സ്ഥാപനങ്ങളിലും സ്ഥാപിച്ചിട്ടുണ്ട്. ജോർജ് സ്കറിയ ആണ് ഈ സ്ഥാപനത്തിൻ്റെ ഉടമ.

ടെറാനോ, മൈക്രാ, സണ്ണി തുടങ്ങിയ കിടിലൻ വാഹന നിര ഇന്ത്യയിലുണ്ടായിരുന്ന കമ്പനിയായിരുന്നു നിസാൻ. എന്നാൽ ഇന്ന് ആകെ രണ്ട് എസ്‌യുവികൾ വെച്ചാണ് ജാപ്പനീസ് വാഹന നിർമാതാക്കൾ രാജ്യം ഭരിക്കുന്നതെന്ന് വേണം പറയാൻ. പക്ഷേ ഇതിൽ മാഗ്നൈറ്റ് ബംഗാളികളെ പോലെ പണിയെടുക്കുമ്പോൾ കൂട്ടിനെത്തിയ X-ട്രെയിൽ കാര്യമായി പണിയൊന്നുമെടുക്കുന്നില്ലെന്ന് വേണം പറയാൻ. വിൽപ്പനയുടെ കാര്യത്തിൽ ആളൊരു ദരിദ്രൻ ആണെന്ന് പറയുന്നതാണ് ശരി. ആരും കയറാതിരുന്ന ഷോറൂമുകളിൽ ആളെക്കയറ്റിയതും നിസാന്റെ ജീവശ്വാസം ആയതും മാഗ്നൈറ്റ് എന്ന കോംപാക്‌ട് എസ്‌യുവിയാണ്. വന്ന കാലം മുതൽ ഇന്നുവരെ കാര്യമായ രീതിയിൽ തന്നെ വിറ്റഴിക്കുന്ന വാഹനം വാങ്ങാൻ ആളുകളുടെ തിക്കുംതിരക്കുമാണ്.

കേരളത്തിലടക്കം പല സംസ്ഥാനങ്ങളിലും ഗതാഗത നിയമ ലംഘനങ്ങള്‍ നിരീക്ഷിക്കുന്നതിനായി ക്യാമറകള്‍ സ്ഥാപിച്ചിട്ടുണ്ട്. പൊലീസും എംവിഡിയും പരിശോധനകള്‍ നടത്താറുണ്ടെങ്കിലും ആര്‍ട്ടിഫിഷ്യല്‍ ഇന്റലിജന്‍സ് (എഐ) ക്യാമറകള്‍ സ്ഥാപിച്ചത് കാരണം പലരും നിയമം പാലിക്കാന്‍ തുടങ്ങിയിട്ടുണ്ട്. ഇപ്പോള്‍ ഒരാള്‍ ഗതാഗത നിയമങ്ങള്‍ ലംഘിക്കുമ്പോള്‍ പിഴ അടയ്ക്കാന്‍ ആവശ്യപ്പെട്ട് അയാളുടെ പേരില്‍ ഒരു ഇലക്ട്രോണിക് ചലാന്‍ പുറപ്പെടുവിക്കാറാണ് പതിവ്. എന്നിരുന്നാലും പലരും അത് അവഗണിക്കുകയും ചലാന്‍ അടയ്ക്കാതിരിക്കുകയും ചെയ്യുന്നു. ഏറ്റവും പുതിയ റിപ്പോര്‍ട്ടുകള്‍ പ്രകാരം ഇതുവരെ അയച്ച ചലാനുകളുടെ 40% മാത്രമേ തിരിച്ചുപിടിച്ചിട്ടുള്ളൂ. പല സംസ്ഥാനങ്ങളിലും വലിയൊരു വിഭാഗം ആളുകള്‍ ഇത് അവഗണിക്കുകയാണെന്നാണ് ഇതില്‍ നിന്ന് മനസ്സിലാകുന്നത്.

കേരളത്തിൽ ഇപ്പോൾ ബിജെപി പ്രവർത്തകർക്ക് ഏറെ സന്തോഷം നൽകുന്ന ഒന്ന് സംഭവിച്ചിരിക്കുകയാണ്. സംസ്ഥാന തലപ്പത്തേക്ക് ഏറെ അനുഭവ സമ്പത്തും, മികച്ച നേതാവുമായ രാജീവ് ചന്ദ്രശേഖർ എത്തിയിരിക്കുകയാണ്. അങ്ങിങ്ങായി ചെറിയ മുറുമുറുപ്പുകൾ ഒക്കെ ഉയരുന്നുണ്ട് എങ്കിലും അതിനെ ഒന്നും വകവയ്ക്കാതെ തലയുയർത്തി തന്നെ കേരളത്തെ പിടിക്കാൻ പുതിയ കരുക്കൾ നീക്കാൻ അദ്ദേഹം പ്രതിജ്ഞാബദ്ധനാണ് എന്ന കാര്യത്തിൽ ഒരു സംശയവും വേണ്ട. രാജീവ് ചന്ദ്രശേഖർ ആരാണെന്ന് അറിയാത്തവരാണ് അദ്ദേഹത്തിനെതിരെ ആരോപണങ്ങളും അനാവശ്യപ്രചരണങ്ങൾ തൊടുത്തുവിടുന്നത്. കോടീശ്വരനായ ഒരു ബിസിനസുകാരനപ്പുറം അദ്ദേഹം ഒരു കേന്ദ്ര മന്ത്രി കൂടിയായിരുന്നു. ഇതിലെല്ലാം ഉപരി അദ്ദേഹം ഒരു വാഹനപ്രേമി കൂടിയാണ്.

ക്രിസ്റ്റോ ടോമി തിരക്കഥയെഴുതി സംവിധാനം ചെയ്‌ത ഉള്ളൊഴുക്ക് എന്ന ഗംഭീര ചിത്രം കണ്ടവരാരും അത്രവേഗം മറക്കാനൊന്നും സാധ്യതയില്ല. പാർവതി തിരുവോത്ത്, ഉർവശി എന്നിവർ മുഖ്യകഥാപാത്രങ്ങളെ അവതരിപ്പിച്ച സിനിമ ഏറെ നിരൂപക പ്രശംസ നേടുകയും ചെയ്‌തിരുന്നു. ഈ രണ്ട് ശക്തരായ സ്ത്രീകളെ പോലെ തന്നെ ചിത്രത്തിൽ ശ്രദ്ധേയ വേഷത്തിലെത്തിയ പ്രശാന്ത് മുരളിയുടെ പ്രകടനവും കൈയടി നേടിയിരുന്നു. അധികം സീനുകളിലൊന്നും പ്രത്യക്ഷപ്പെട്ടിട്ടില്ലെങ്കിലും ഉള്ളൊഴുക്കിൽ മാറ്റി നിർത്താൻ പറ്റാത്ത കഥാപാത്രമാണ് പ്രശാന്തിന്റേത്. അഭിനേതാവ്, കഥ, തിരക്കഥാകൃത്ത് എന്നിങ്ങനെ നിരവധി മേഖലകളിൽ കൈവെച്ച് വിജയിച്ച ഈ പാലാക്കാരൻ ഇപ്പോൾ മോളിവുഡിലെ സ്ഥിരം മുഖമായി മാറിയിട്ടുമുണ്ട്.

മകൻ ഉപയോഗിച്ചുകൊണ്ടിരുന്ന വാഹനം, മകൻ അത്രമേൽ സ്നേഹിച്ചിരുന്ന വാഹനം മരണശേഷം ഒരു പിതാവ് അത് വാങ്ങുന്നുണ്ടെങ്കിൽ എന്തുമാത്രം സ്നേഹമുണ്ടായിരിക്കണം. സംഗീതം എല്ലാവർക്കും ഇഷ്ടമുള്ള കാര്യമാണ്, ഇന്നത്തെ തലമുറയിൽ നോക്കിയാൽ റാപ്പ് സോങ്ങുകൾ. അങ്ങനെ ഏവർക്കും പ്രിയപ്പെട്ട പഞ്ചാബി റാപ്പ് ഗായകനായിരുന്നു സിദ്ധു മൂസ് വാല. എന്നാൽ അദ്ദേഹം 2022 -ൽ കൊല്ലപ്പെടുകയായിരുന്നു. അതിൻ്റെ കാരണങ്ങളും വിശദീകരണങ്ങളും എല്ലാവർക്കും അറിയാവുന്ന കാര്യം തന്നെയാണ്. 3 വർഷങ്ങൾക്ക് ശേഷം അദ്ദേഹത്തിൻ്റെ പിതാവ് മകന് വേണ്ടി അവന എപ്പോഴും ഉപയോഗിച്ചിരുന്ന ബുള്ളറ്റ് പ്രൂഫ് ടൊയോട്ട ഫോർച്ച്യൂണറായത് കൊണ്ട് തന്നെ പുതിയ ഒരു വാഹനം സ്വന്തമാക്കിയിരിക്കുകയാണ്.

ഒരുകാലത്ത് സ്പോർട്‌സ് ബൈക്കുകളുടെ അവസാന വാക്കായി യൂത്തൻമാർ പറയുന്ന പേരായിരുന്നു ഹീറോ കരിസ്‌മ (Hero Karizma). 2003-ലാണ് പിറവിയെടുത്തതെങ്കിലും 2007-ൽ സ്റ്റൈലൻ മാറ്റത്തോടെ R വേരിയന്റിൽ എത്തിയതോടെയാണ് മോട്ടോർസൈക്കിളിനെ ഏവരും ശ്രദ്ധിച്ചുതുടങ്ങിയത് (Karizma R). പിന്നീട് പൾസറുകളുടെ വില്ലനായി പലരും ചൂണ്ടിക്കാണിച്ചതും കരിസ്‌മയെ ആയിരുന്നു. ഇതിഹാസ പട്ടം നേടിയെടുത്ത് യുവാക്കളുടെ ഡ്രീം ബൈക്കായി നിരത്തുകളിൽ ഹീറോയുടെ മോട്ടോർസൈക്കിൾ ഓടിത്തിമിർത്ത കാലം 90 കിഡ്‍‌സിന് അങ്ങനെയൊന്നും വിസ്‌മരിക്കാനാവില്ല. പിന്നീട് നിർത്തലാക്കിയെങ്കിലും കരിസ്‌മ കാണുമ്പോൾ ആളുകളിൽ ഒരു മിസ്സിംഗ് ഫീലും ഉണ്ടായി.

രാജ്യം കാക്കുന്ന പട്ടാളക്കാരുടെ യാത്രയ്ക്കും ചരക്ക് നീക്കത്തിനുമായി ഇന്ത്യൻ നിർമിത വാഹനങ്ങൾ ആർമിയിലേക്ക് എടുക്കുന്ന പതിവ് ഉണ്ടെന്ന് എല്ലാവർക്കും അറിയാവുന്ന കാര്യമാണല്ലോ. അത്തരത്തിൽ മാരുതി സുസുക്കി, മഹീന്ദ്ര,ടാറ്റ എന്നീ നിരവധി വാഹനങ്ങൾ ആർമിയിൽ സേവനം നടത്തുന്നുണ്ട്. ഇനി അവരിലേക്ക് മഹീന്ദ്രയുടെ മറ്റൊരു വാഹനം കൂടി ചേരുകയാണ്. കഴിഞ്ഞ വര്‍ഷം സ്‌കോര്‍പിയോ N അടിസ്ഥാനമാക്കിയുള്ള പിക്ക്-അപ്പ് ട്രക്ക് മഹീന്ദ്ര അവതരിപ്പിച്ചിരുന്നു. ഇപ്പോഴിതാ 1986 സ്കോർപിയോ പിക്കപ്പ് ട്രക്ക് ആർമിയിലേക്ക് ചേർക്കുന്നതിൻ്റെ ഭാഗമായി 2700 കോടി രൂപയുടെ കരാറിൽ മഹീന്ദ്ര ഒപ്പുവച്ചിരിക്കുകയാണ്.

ഏറെ പ്രതീക്ഷയോടെ തന്നെ പുതിയ സാമ്പത്തിക വർഷത്തിലേക്ക് കടക്കുകയാണ് രാജ്യം. എന്നാൽ വാഹന വിപണിയിലേക്ക് നോക്കുകയാണെങ്കിൽ നിർമാതാക്കൾക്ക് സന്തോഷവും ഉപഭോക്താക്കൾക്ക് നിരാശയും തരുന്നൊരു കാര്യമാണ് ആദ്യം എടുത്ത് പറയാനുള്ളത്. മറ്റൊന്നുമല്ല, ഏപ്രിൽ 1 മുതൽ മോഡൽ നിരയിലാകെ വില വർധനവ് നടപ്പിലാവുകയാണ്. കാർ വാങ്ങാനിരുന്നവരെ നിരാശപ്പെടുത്തുന്ന കാര്യമായിരിക്കും ഇതെങ്കിലും അടുത്ത മാസം വരാനിരിക്കുന്ന കാറുകളുടെ നിര കണ്ടാൽ ആർക്കായാലും ഒന്ന് വാങ്ങാൻ തോന്നിയേക്കും. 2025 കലണ്ടർ വർഷത്തിലെ ആദ്യപാദം കിയ സിറോസ്, ഹ്യുണ്ടായി ക്രെറ്റ ഇലക്ട്രിക്, മഹീന്ദ്ര BE 6 തുടങ്ങി നിരവധി ശ്രദ്ധേയമായ കാർ ലോഞ്ചുകൾക്കാണ് രാജ്യം സാക്ഷ്യംവഹിച്ചത്.