ക്രൂയിസർ ബൈക്കുകൾക്ക് ഏറ്റവും ഡിമാന്റുള്ള നാടുകളിൽ ഒന്നാണ് നമ്മുടെ ഇന്ത്യ. വ്യത്യസ്‌ത തരത്തിലുള്ള മോഡലുകളുണ്ടെങ്കിലും ദീർഘദൂര യാത്രകൾക്കും സിറ്റി കമ്മ്യൂട്ടിംഗിനും ഒരുപോലെ അനുയോജ്യമായ ഇത്തരം മോട്ടോർസൈക്കിളുകൾ ഏറ്റവും കൂടുതൽ നിർമിക്കുന്ന ബ്രാൻഡ് റോയൽ എൻഫീൽഡാണ്. എന്നാൽ ഇതേ വിഭാഗത്തിൽ മറ്റ് വലിയ ബ്രാൻഡുകളും തങ്ങളുടേതായ രീതിയിൽ വേറിട്ടുനിൽക്കുന്നുണ്ട്. കുറച്ച് വർഷങ്ങളായി ഇന്ത്യൻ വാഹന വിപണിയിലെ സാന്നിധ്യമാണ് ഹംഗേറിയന്‍ ഇരുചക്ര വാഹന നിര്‍മാതാക്കളായ കീവേ. എൻഫീൽഡ് പോലുള്ള ബ്രാൻഡുകളോട് മത്സരിക്കാൻ കഴിവുള്ള കിടിലൻ മോട്ടോർസൈക്കിളുകൾ തന്നെയാണ് കമ്പനി പുറത്തിറക്കിയിട്ടുള്ളത്.

ഇന്ത്യയിലെ ആഡംബര കാർ വിഭാഗത്തിലെ കുഞ്ഞുങ്ങളാണ് മിനി (Mini). കൂപ്പർ ഹാച്ച്ബാക്കുകളിലൂടെ ലോകമെമ്പാടുമായി വലിയ ആരാധകവൃന്ദത്തെ സൃഷ്‌ടിച്ചിരിക്കുന്ന കമ്പനി അടിക്കടി പുത്തൻ മോഡലുകളുമായി രംഗത്തിറങ്ങാറുണ്ട്. ആഭ്യന്തര വിപണിയിലും സജീവമായ മിനി ഇന്ത്യ കൺവേർട്ടിബിൾ ജോൺ കൂപ്പർ വർക്ക്സ് പായ്ക്ക് രാജ്യത്ത് പുറത്തിറക്കിയിരിക്കുകയാണ്. 61.50 ലക്ഷം രൂപയുടെ എക്സ്ഷോറൂം വിലയിലെത്തിയിരിക്കുന്ന മോഡൽ പൂർണമായും വിദേശത്ത് നിർമിച്ചാണ് ഇവിടെ വിപണനത്തിന് എത്തുന്നത്. വാങ്ങാൻ താത്പര്യമുള്ളവർക്ക് ബ്രാൻഡിന്റെ ഡീലർഷിപ്പുകൾ സന്ദർശിച്ച് പ്രീ-ബുക്ക് ചെയ്‌തിടാനാവുന്നതാണ്. ലക്ഷ്വറി ഹാച്ചിനായുള്ള ഡെലിവറി ഉടൻ തന്നെ തുടങ്ങുന്നതുമായിരിക്കും.

ഇന്ത്യന്‍ വാഹന വിപണിയില്‍ ഇപ്പോള്‍ സ്റ്റൈലിഷ് ആയ കൂപ്പെ എസ്‌യുവികള്‍ക്ക് (Coupe SUVs) വന്‍ ഡിമാന്‍ഡാണ്. സാധാരണ എസ്യുവികളില്‍ നിന്നും വ്യത്യസ്തമായി പിന്നിലേക്ക് ചരിഞ്ഞിറങ്ങുന്ന റൂഫ്ലൈന്‍ ഈ വാഹനങ്ങള്‍ക്ക് കൂടുതല്‍ സ്‌പോര്‍ട്ടിയര്‍ ലുക്ക് നല്‍കുന്നു. താങ്ങാനാവുന്ന വിലയില്‍ കൂപ്പെ എസ്‌യുവികള്‍ സ്വന്തമാക്കാന്‍ ആഗ്രഹിക്കുന്നവര്‍ക്കായി നിലവില്‍ വിപണിയിലുള്ള ഏറ്റവും മികച്ച അഞ്ച് മോഡലുകളെ കുറിച്ചുള്ള വിവരങ്ങളാണ് താഴെ നല്‍കുന്നത്. മാരുതി സുസുക്കി മുതല്‍ മഹീന്ദ്ര വരെ വിവിധ കമ്പനികള്‍ ഈ വിഭാഗത്തില്‍ തങ്ങളുടെ സാന്നിധ്യം ശക്തമാക്കിയിട്ടുണ്ട്. കൂപ്പെ എസ്‌യുവികളുടെ സവിശേഷതകളും വിലയും സാങ്കേതിക വിവരങ്ങളും പരിശോധിക്കാം.

ഇന്ത്യയിലെ ഏറ്റവും പ്രശസ്തമായ കമ്മ്യൂട്ടര്‍ ബൈക്കുകളില്‍ ഒന്നായ ഹീറോ HF ഡീലക്‌സ് (Hero HF Deluxe) ഇപ്പോള്‍ വിപണിയില്‍ വലിയ ചര്‍ച്ചാ വിഷയമായി മാറിയിരിക്കുകയാണ്.ലിറ്ററിന് 70 കിലോമീറ്റര്‍ മൈലേജ് നല്‍കുന്ന ഈ ബൈക്ക് സാധാരണക്കാരുടെ ബജറ്റില്‍ ഒതുങ്ങുന്ന ഒരു മോഡൽ ആയിരുന്നു. എന്നാല്‍ 2026 മാര്‍ച്ച് മാസത്തിലെ വില്‍പ്പന കണക്കുകള്‍ പരിശോധിക്കുമ്പോള്‍ HF ഡീലക്‌സിന്റെ പ്രകടനം അത്ര ആശാവഹമല്ല. പോയ മാസത്തെ ബൈക്കിന്റെ പ്രകടനവും അതിന്റെ സാങ്കേതിക വശങ്ങളും വിപണിയിലെ സ്ഥാനവും നമുക്ക് വിശദമായി പരിശോധിക്കാം.

കാനഡ, യുകെ, ഓസ്‌ട്രേലിയ, സിംഗപ്പൂർ തുടങ്ങിയ രാജ്യങ്ങളിലേക്ക് കുടിയേറാൻ ആളുകളെ സഹായിക്കുന്ന മൾട്ടി നാഷണൽ കൺസൾട്ടൻസി സ്ഥാപനമായ ആംസ്റ്റർ ഇമിഗ്രേഷൻ സർവീസസിനെ കുറിച്ച് കേൾക്കാത്ത മലയാളികളുണ്ടാവില്ല. ആംസ്റ്റർ ഗ്രൂപ്പിന്റെ സ്ഥാപകയും സിഇഒയുമായ പാർവതിയും സ്ത്രീ സംരംഭക എന്ന നിലയിൽ ഏറെ ശ്രദ്ധനേടിയിട്ടുണ്ട്. ഇമിഗ്രേഷൻ സർവീസ് മാത്രമല്ല കേട്ടോ, ദുബായിയിലെ ദേ പുട്ടിന്റെ പിന്നിലെ ശക്തിയും ഇവർ തന്നെയാണ്. വിവാദങ്ങളിലും തീരെ പഞ്ഞമില്ലാത്ത ആംസ്റ്റർ ഗ്രൂപ്പിനെതിരെ നിരവധി പരാതികളും ഒരിടയ്ക്ക് ഉയർന്നുവന്നിരുന്നു. വിദേശത്ത് ജോലി വാഗ്ദാനം ചെയ്ത് മനുഷ്യക്കടത്ത്, കൂലിപ്പട്ടാളത്തിൽ ചേർക്കാൻ ശ്രമം തുടങ്ങിയ ആരോപണങ്ങളാണ് ഇവർക്കെതിരെ ഉയർന്നുവന്നത്.

ഇന്ത്യയിൽ ആദ്യം ഒരു ഇലക്‌ട്രിക് പുറത്തിറക്കിയവരാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. പക്ഷേ ബ്രാൻഡ് പ്രതീക്ഷിച്ചതു പോലെ ഹിറ്റടിച്ചില്ലെങ്കിലും പല കാര്യങ്ങളിലൂടെ കോന ഇവി ശ്രദ്ധനേടിയിട്ടുണ്ടായിരുന്നുവെന്ന് വേണം പറയാൻ. ടാറ്റ നെക്സോൺ ഇവി പോലുള്ള വമ്പൻമാർ എത്തിയതോടെ പല മാസങ്ങളിലും എസ്‌യുവിയുടെ വിൽപ്പന വട്ടപൂജ്യമായിരുന്നു. എന്നാൽ ഇതിന് പിന്നാലെ വേൾഡ് കാർ ഓഫ് ദി ഇയർ പുരസ്ക്കാരം വരെ നേടിയെടുത്ത അയോണിക് 5 എന്ന ഭീമനെയാണ് വൈദ്യുത വാഹന നിരയിൽ വിപ്ലവം സൃഷ്ടിക്കുവാനായി ഹ്യുണ്ടായി കൊണ്ടുവന്നത്.

റോയല്‍ എന്‍ഫീല്‍ഡിന്റെ ഇലക്ട്രിക് വാഹന വിഭാഗമായ 'ഫ്ലയിംഗ് ഫ്ലീ' (Flying Flea), തങ്ങളുടെ രണ്ടാമത്തെ മോഡലായ S6 സ്‌ക്രാംബ്ലര്‍ ഈ വര്‍ഷാവസാനത്തോടെ ഇന്ത്യന്‍ വിപണിയില്‍ അവതരിപ്പിക്കാന്‍ തയാറെടുക്കുന്നു. അടുത്തിടെ പുറത്തിറക്കിയ C6 മോഡലിന് ലഭിച്ച മികച്ച പ്രതികരണത്തിന് പിന്നാലെയാണ് കമ്പനി കൂടുതല്‍ പ്രീമിയം മോഡലായ S6-ലേക്ക് ശ്രദ്ധ തിരിക്കുന്നത്. സിറ്റി റൈഡുകള്‍ക്കും ചെറിയ തോതിലുള്ള ഓഫ്-റോഡിംഗിനും ഒരേപോലെ അനുയോജ്യമാകുന്ന രീതിയിലാണ് ഈ സ്‌ക്രാംബ്ലര്‍ ഇലക്ട്രിക് മോട്ടോര്‍സൈക്കിള്‍ രൂപകല്‍പ്പന ചെയ്തിരിക്കുന്നത്. റോയല്‍ എന്‍ഫീല്‍ഡ് പ്രേമികള്‍ ഏറെ പ്രതീക്ഷയോടെ കാത്തിരിക്കുന്ന ഈ ഇലക്ട്രിക് മോഡലിനെ കുറിച്ച് ഇതുവരെ നമുക്ക് അറിവുള്ള വിവരങ്ങള്‍ ചുവടെ വായിക്കാം.

നല്ല എഞ്ചിനും നല്ല ബിൽഡ് ക്വാളിറ്റിയും എല്ലാമുള്ള വിശ്വസിച്ച് വാങ്ങാൻ പറ്റിയ ഇരുചക്ര വാഹനങ്ങൾ പുറത്തിറക്കുന്നവരാണ് ഹോണ്ട. കമ്മ്യൂട്ടർ ബൈക്കുകളും സാധാരണക്കാർക്ക് പറ്റിയ സ്‌കൂട്ടറുകളും മാത്രമല്ല അങ്ങേയറ്റത്തെ പ്രീമിയമായ സൂപ്പർബൈക്കുകൾ വരെ നിർമിക്കുന്നതിൽ വൈദഗ്ധ്യമുള്ളവരാണ് ഇവർ. അതുമാത്രമല്ല, സർവീസിന്റെ കാര്യത്തിലായാലും ആരും അങ്ങനെ കുറ്റം പറഞ്ഞുകേൾക്കാറില്ല. വെറുതെയല്ലല്ലോ ആക്‌ടിവ വരെ ഇത്രയധികം ലക്ഷം യൂണിറ്റുകൾ ഓരോ മാസവും പുറത്തിറങ്ങുന്നത്. ഇപ്പോഴിതാ ഹോണ്ടയുടെ ബൈക്കുകൾ ഉപയോഗിക്കുന്നവർക്ക് സന്തോഷ വാർത്തയുമായി എത്തിയിരിക്കുകയാണ് ജാപ്പനീസ് ടൂവീലർ നിർമാതാക്കൾ.

ഇന്ത്യന്‍ ഇലക്ട്രിക് വാഹന വിപണിയില്‍ വിപ്ലവകരമായ മാറ്റങ്ങള്‍ കൊണ്ടുവരാന്‍ തയാറെടുക്കുകയാണ് പുണെ ആസ്ഥാനമായി പ്രവര്‍ത്തിക്കുന്ന സ്റ്റാര്‍ട്ട്-അപ്പ് കമ്പനിയായ വേവ് മൊബിലിറ്റി (Vayve Mobility). തങ്ങളുടെ നൂതന ഇലക്ട്രിക് കാറായ 'ഈവ' (Eva) നിരത്തുകളില്‍ എത്തിക്കാനുള്ള എല്ലാ തയാറെടുപ്പുകളും പൂര്‍ത്തിയാക്കിയിരിക്കുകയാണ് കമ്പനി ഇപ്പോള്‍. തിരക്കേറിയ നഗരങ്ങളില്‍ ഗതാഗതക്കുരുക്കില്‍ പെട്ട് കഷ്ടപ്പെടുന്നവരും പാര്‍ക്കിംഗിനായി ബുദ്ധിമുട്ടുന്നവര്‍ക്കും ഏറ്റവും അനുയോജ്യമായ വാഹനമായാണ് വേവ് മൊബിലിറ്റി ഈവ അവതരിപ്പിച്ചിരിക്കുന്നത്. സൗരോര്‍ജ്ജം ഉപയോഗിച്ച് പ്രവര്‍ത്തിക്കാന്‍ കഴിയുന്ന ഇന്ത്യയിലെ ആദ്യത്തെ ഇലക്ട്രിക് കാര്‍ എന്ന പ്രത്യേകതയും ഈ വാഹനത്തിനുണ്ട്. 2026-ന്റെ അവസാനത്തോടെ ഈ നൂതന വാഹനം ഉപഭോക്താക്കളിലേക്ക് എത്തും.

രണ്ടാം പിണറായി വിജയൻ സർക്കാരിലെ ഏറ്റവും മികച്ച മന്ത്രിമാരിൽ ഒരാളാണ് ഗതാഗത വകുപ്പിനെ മിടുക്കനാക്കിയ കെബി ഗണേഷ് കുമാർ. നഷ്‌ടത്തിൽ ഓടിയിരുന്ന കെഎസ്‌ആർടിസിയെ ലാഭത്തിലേക്ക് നയിച്ച് പുതിയ മുഖം നൽകുന്നതിന് ചുക്കാൻ പിടിച്ച മന്ത്രിയുടെ പ്രവർത്തനത്തിൽ എതിർപാർട്ടിക്കാർക്ക് പോലും എതിർപ്പുണ്ടാവില്ല. പല പ്രസ്‌താവനകളിലൂടെയും ലൈംലൈറ്റിൽ നിൽക്കാനും സിനിമാതാരം കൂടിയായ ഇദ്ദേഹത്തിന് സാധിച്ചിട്ടുണ്ട്. മലയാളികൾക്ക് പ്രത്യേക പരിചയപ്പെടുത്തലൊന്നും ആവശ്യമില്ലാത്ത ഗണേഷ് വലിയൊരു വണ്ടിഭ്രാന്തൻ കൂടിയാണ്. കിടിലൻ കാറുകളുടെ കളക്ഷനുള്ള മന്ത്രിയുടെ ഗരാജിലേക്ക് ഇപ്പോഴിതാ പുത്തനൊരു വാഹനം കൂടി കടന്നുവന്നിരിക്കുകയാണ്.

ചൈനീസ് വാഹന നിര്‍മ്മാതാക്കളായ ബില്‍ഡ് യുവര്‍ ഡ്രീംസ് (BYD) തങ്ങളുടെ അത്യാധുനിക പ്ലഗ്-ഇന്‍ ഹൈബ്രിഡ് എസ്‌യുവിയായ ലിയോപാര്‍ഡ് 8 (BYD Leopard 8) ഇന്ത്യയില്‍ അവതരിപ്പിക്കാന്‍ ഒരുങ്ങുന്നു. ഇതിനായി കമ്പനി ഈ വാഹനത്തിന്റെ പേറ്റന്റ് ഇന്ത്യയില്‍ രജിസ്റ്റര്‍ ചെയ്തു കഴിഞ്ഞു. നിലവില്‍ ഇന്ത്യയില്‍ ഇലക്ട്രിക് വാഹനങ്ങളില്‍ മാത്രം ശ്രദ്ധ കേന്ദ്രീകരിച്ചിരുന്ന BYD, ഹൈബ്രിഡ് സെഗ്മെന്റിലേക്കും കടന്നുവരുന്നത് ഇന്ത്യന്‍ വാഹന വിപണിയില്‍ വലിയ മാറ്റങ്ങള്‍ക്ക് വഴിവെക്കും. പ്രീമിയം ഫീച്ചറുകളും മികച്ച പ്രകടനക്ഷമതയും ഒത്തിണങ്ങിയ ഈ എസ്‌യുവി ഇന്ത്യന്‍ വാഹന പ്രേമികള്‍ക്ക് പുത്തന്‍ അനുഭവമായിരിക്കും സമ്മാനിക്കുക. ഹൈബ്രിഡ് വാഹനത്തിന്റെ പ്രത്യേകതകള്‍ ചുവടെ വിശദമായി വായിക്കാം.

ഇന്തോനേഷ്യ പോലുള്ള സൌത്ത് ഈസ്റ്റ് ഏഷ്യൻ രാജ്യങ്ങളിൽ ഹിറ്റടിച്ച് നിരത്തുകൾ വാഴുന്നത് കണ്ട് ഇന്ത്യക്കാർ ഏറെ കൊതിച്ചൊരു സ്‌കൂട്ടറായിരുന്നു യമഹ എയ്റോക്‌സ്. ബൈക്കിന്റെ പവറും സ്‌കൂട്ടറിന്റെ മൈലേജുമുള്ള പ്രാക്‌ടിറ്റിക്കാലിറ്റിയുമുള്ള മോഡൽ വിപണിയിലെത്തിയിട്ട് കുറച്ചുകാലമായിട്ടുണ്ട്. ഗിയർലെസ് സ്‌കൂട്ടർ വാങ്ങാൻ പ്ലാനിടുന്ന മിക്ക യൂത്തൻമാരും തങ്ങളുടെ വിഷ്‌ലിസ്റ്റിൽ എയ്റോക്‌സിനെ പരിഗണിച്ചിട്ടുമുണ്ടാവും. വില ഒന്നര ലക്ഷത്തിന് മുകളിലാണെങ്കിലും ഈ മാക്‌സി സ്‌കൂട്ടറിനെ തേടി ആളുകൾ എത്തുന്നതിൽ കുറവൊന്നും സംഭവിച്ചിട്ടുമില്ല. R15 എന്ന ഇതിഹാസ ബൈക്കിന്റെ എഞ്ചിൻ വെച്ച് സ്‌കൂട്ടർ എത്തിയാൽ എങ്ങനെ ആളുകൾ വാങ്ങിക്കാതിരിക്കും.

ഇന്ത്യന്‍ വിപണിയില്‍ തങ്ങളുടെ സാന്നിധ്യം ശക്തമാക്കാന്‍ ഒരുങ്ങുന്ന ഹോണ്ട കാര്‍സ് ഇന്ത്യ, ഏറെ പ്രതീക്ഷയോടെ കാത്തിരിക്കുന്ന രണ്ട് പുതിയ വാഹനങ്ങള്‍ വിപണിയിലെത്തിക്കുന്നു. 2026 മെയ് 22-ന് ഹോണ്ട സിറ്റി ഫെയ്സ്ലിഫ്റ്റും പ്രീമിയം എസ്‌യുവിയായ ഹോണ്ട ZR-V ഹൈബ്രിഡും ഒരേസമയം ലോഞ്ച് ചെയ്യാനാണ് കമ്പനിയുടെ തീരുമാനം. ഹോണ്ടയുടെ അഞ്ചാം തലമുറ സിറ്റി മോഡലിന്റെ ആദ്യത്തെ വലിയ അപ്‌ഡേറ്റാണ് ഈ ഫെയ്സ്ലിഫ്റ്റ് പതിപ്പിലൂടെ സംഭവിക്കുന്നത്. പ്രീമിയം വാഹന പ്രേമികള്‍ക്കിടയില്‍ ഈ വാര്‍ത്ത വലിയ പ്രതീക്ഷ സൃഷ്ടിച്ചിരിക്കുകയാണ്. ഹോണ്ടയുടെ ഈ നീക്കം ഇന്ത്യന്‍ വിപണിയില്‍ വന്‍ മാറ്റങ്ങള്‍ കൊണ്ടുവരുമെന്ന് ഉറപ്പാണ്.

ഇന്ത്യന്‍ എസ്‌യുവി വിപണിയില്‍ പുതിയൊരു മാറ്റത്തിനൊരുങ്ങി മഹീന്ദ്ര ആന്‍ഡ് മഹീന്ദ്ര. തങ്ങളുടെ ജനപ്രിയ കോംപാക്ട് എസ്‌യുവിയായ XUV 3XO സിഎന്‍ജി (CNG) പതിപ്പ് അവതരിപ്പിക്കാന്‍ കമ്പനി തയാറെടുക്കുകയാണ്. വരാനിരിക്കുന്ന കര്‍ശനമായ CAFE 3 മലിനീകരണ മാനദണ്ഡങ്ങള്‍ പാലിക്കുന്നതിന്റെ ഭാഗമായാണ് മഹീന്ദ്ര ഇത്തരമൊരു തന്ത്രപരമായ നീക്കം നടത്തുന്നത്. പെട്രോള്‍, ഡീസല്‍ വേരിയന്റുകള്‍ക്ക് പുറമെ സിഎന്‍ജി കൂടി എത്തുന്നതോടെ ടാറ്റ നെക്‌സോണ്‍ ഉള്‍പ്പെടെയുള്ള എതിരാളികള്‍ക്ക് കനത്ത വെല്ലുവിളി ഉയര്‍ത്താന്‍ മഹീന്ദ്ര കാറിന് സാധിക്കും. വാഹനപ്രേമികള്‍ വലിയ ആവേശത്തോടെയാണ് ഈ പുതിയ സിഎന്‍ജി പതിപ്പിനെ കാത്തിരിക്കുന്നത്.

ഇന്ത്യന്‍ ഇരുചക്ര വാഹന വിപണിയിലെ വിസ്മയകരമായ നേട്ടവുമായി ടിവിഎസ് ജുപ്പിറ്റര്‍ (TVS Jupiter). 2013-ല്‍ പുറത്തിറങ്ങിയത് മുതല്‍ ഇന്ത്യയിലുടനീളം 90 ലക്ഷം (9 മില്യണ്‍) യൂണിറ്റുകള്‍ വിറ്റഴിച്ചാണ് ജുപ്പിറ്റര്‍ ഈ ചരിത്രനേട്ടം കൈവരിച്ചത്. 2026 മാര്‍ച്ച് അവസാനത്തോടെ ടിവിഎസ് മോട്ടോര്‍ കമ്പനി ഔദ്യോഗികമായാണ് ഈ കണക്കുകള്‍ പുറത്തുവിട്ടത്. 113 സിസി, 125 സിസി എന്നിങ്ങനെ രണ്ട് പതിപ്പുകളിലായാണ് ഈ സ്‌കൂട്ടര്‍ വില്‍പ്പനക്കെത്തുന്നത്. ഇതിനോടകം തന്നെ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട സ്‌കൂട്ടറുകളില്‍ ഒന്നായി മാറാന്‍ ജുപ്പിറ്ററിന് സാധിച്ചിട്ടുണ്ട്. ഈ നേട്ടത്തിന്റെ വിശദാംശങ്ങള്‍ ചുവടെ വിശദമായി വായിക്കാം.

ഇന്ത്യന്‍ വാഹന വിപണിയില്‍ തങ്ങളുടെ സാന്നിധ്യം ശക്തമാക്കാന്‍ ഒരുങ്ങുന്ന ഫ്രഞ്ച് വാഹന നിര്‍മ്മാതാക്കളായ റെനോ (Renault), പുതിയൊരു 7-സീറ്റര്‍ എസ്‌യുവി കൂടി പുറത്തിറക്കാന്‍ തയാറെടുക്കുന്നു. നിലവില്‍ ക്വിഡ്, കൈഗര്‍, ട്രൈബര്‍, പുതിയ ഡസ്റ്റര്‍ എന്നിവയുമായി സജീവമായ റെനോ, 2026 കലണ്ടര്‍ വര്‍ഷത്തിന്റെ അവസാനത്തോടെ ഈ പുതിയ മോഡല്‍ വിപണിയില്‍ എത്തിക്കാനാണ് പദ്ധതിയിടുന്നത്. വലിയ കുടുംബങ്ങള്‍ക്ക് യാത്ര ചെയ്യാന്‍ അനുയോജ്യമായ രീതിയിലാണ് ഈ വാഹനം രൂപകല്‍പ്പന ചെയ്തിരിക്കുന്നത്. ഇന്ത്യന്‍ റോഡുകളിലെ വമ്പന്‍ എസ്‌യുവികളോട് മത്സരിക്കാന്‍ എത്തുന്ന ഈ മോഡലിനെ കുറിച്ച് ഇപ്പോള്‍ ലഭ്യമായ വിവരങ്ങള്‍ താഴെ നല്‍കുന്നു.

ഇന്ത്യന്‍ വാഹന വിപണിയില്‍ എസ്‌യുവികള്‍ (SUV) തരംഗം സൃഷ്ടിക്കുമ്പോഴും ഹാച്ച്ബാക്ക് കാറുകള്‍ക്കുള്ള പ്രിയം ഒട്ടും കുറഞ്ഞിട്ടില്ല എന്നതിന് തെളിവാണ് മാരുതി സുസുക്കിയുടെ സ്വിഫ്റ്റ് (Maruti Suzuki Swift). 2025-26 സാമ്പത്തിക വര്‍ഷത്തില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട ഹാച്ച്ബാക്ക് കാര്‍ എന്ന അഭിമാനകരമായ നേട്ടം സ്വന്തമാക്കിയിരിക്കുകയാണ് സ്വിഫ്റ്റ്. കഴിഞ്ഞ വര്‍ഷത്തെ അപേക്ഷിച്ച് മൂന്ന് ശതമാനം വളര്‍ച്ചയാണ് ഈ കാര്‍ രേഖപ്പെടുത്തിയിരിക്കുന്നത്. സാധാരണക്കാര്‍ക്കിടയില്‍ ഇന്നും സ്വിഫ്റ്റിനുള്ള സ്വീകാര്യത എത്രത്തോളമുണ്ടെന്ന് ഈ വില്‍പ്പന കണക്കുകള്‍ വിളിച്ചോതുന്നു. ഈ നേട്ടത്തിന് പിന്നിലെ പ്രധാന കാരണങ്ങളും മാരുതി സ്വിഫ്റ്റിന്റ പ്രത്യേകതകളും ഈ ലേഖനത്തില്‍ പരിശോധിക്കാം.

റോഡുകളിലെല്ലാം വമ്പൻ തിരക്കായതോടെ ആളുകളെല്ലാം ഓട്ടോമാറ്റിക് കാറുകളിലേക്ക് മാറിത്തുടങ്ങിയിട്ടുണ്ട്. മുമ്പൊക്കെ പ്രീമിയം, ആഡംബര വാഹന വിഭാഗത്തിന് മാത്രമായി പരിമിതപ്പെടുത്തിയിരുന്ന ഗിയർലെസ് ടെക്ക് ഇന്ന് എൻട്രി ലെവൽ കാറുകളിൽ വരെ സ്റ്റാൻഡേർഡായി മാറി. പണ്ട് സ്ത്രീകൾക്ക് വേണ്ടി മാത്രമുള്ളതാണ് ക്ലച്ച്ലെസ് സംവിധാനമെന്ന് പലരും തെറ്റിദ്ധരിച്ചിരുന്നുങ്കിലും ഇന്ന് പലരും ഡ്രൈവിംഗ് കൂടുതൽ ഈസിയാക്കാനാണ് ശ്രമിക്കുന്നത്. ബജറ്റ് വിഭാഗത്തിലും കാർ വാങ്ങുന്നവർ ഡ്യുവൽ പെഡൽ മോഡലുകൾക്ക് പ്രാധാന്യം കൊടുക്കുന്നതിന്റെ കാരണവും ഇതുതന്നെയാണ്. ബമ്പർ-ടു-ബമ്പർ ട്രാഫിക് ഒക്കെ വരുമ്പോൾ ഓട്ടോമാറ്റിക് കാറിയിരുന്നുവെങ്കിൽ എന്ന് ആഗ്രഹിക്കാത്തവർ ഉണ്ടാവില്ലല്ലോ.

അഡ്വഞ്ചർ മോട്ടോർസൈക്കിൾ വിഭാഗത്തിൽ റോയൽ എൻഫീൽഡും ഹീറോ മോട്ടോകോർപ്പും ടിവിഎസും കെടിഎമ്മുമെല്ലാം അരങ്ങ് തകർക്കുമ്പോൾ ഇവരുടെയെല്ലാം ഉറക്കം കെടുത്തുവാനായി ബേറിയൻ ടൂവീലർ നിർമാതാക്കളായ ബിഎംഡബ്ല്യു പുതുപുത്തനൊരു മോഡലുമായി രംഗത്തെത്തിയിരിക്കുകയാണ്. ഏറെക്കാലമായി ഇന്ത്യക്കാർ കാത്തിരുന്ന F 450 GS എഡിവിയെ അടിപൊളി വിലയ്ക്കാണ് ബിഎംഡബ്ല്യു ഇക്കഴിഞ്ഞ ദിവസം വിപണിയിലെത്തിച്ചത്. 2025 EICMA മോട്ടോർ ഷോയിലൂടെ വെളിപ്പെടുത്തിയ ബൈക്ക് മുമ്പുണ്ടായിരുന്ന G 310 GS മോഡലിന്റെ പിൻഗാമിയായി നാടുവാഴാനായാണ് എത്തിയിരിക്കുന്നത്. ടിവിഎസുമായി സഹകരിച്ച് പുറത്തിറക്കിയിരിക്കുന്ന മിഡിൽവെയ്റ്റ് അഡ്വഞ്ചർ ടൂറർ വിഭാഗത്തിന് പുതിയ മാനങ്ങൾ സമ്മാനിക്കുമെന്ന് ഉറപ്പാണ്.

എസ്‌യുവികളുടെ കടന്നുകയറ്റത്തോടെ ഇന്ത്യയിൽ സെഡാനുകളുടെ കാലം അവസാനിച്ചുവെന്ന് വിധിയെഴുതിയവരാണ് പലരും. എന്നാൽ ഇത്തരക്കാരെയെല്ലാം ഞെട്ടിച്ചുകൊണ്ട് പലമാസങ്ങളിലും രാജ്യത്തെ ബെസ്റ്റ് സെല്ലിംഗ് കാറാവുന്നത് ഒരു സെഡാനാണ്. ഇതോടൊപ്പം മറ്റ് ചില ത്രീ ബോക്‌സ് ടൈപ്പ് മോഡലുകളും വിൽപ്പനയിൽ നേട്ടമുണ്ടാക്കുന്നുണ്ടെന്നതാണ് രസകരമായ കാര്യം. യാത്രാസുഖത്തിൽ സെഡാനുകൾ നൽകുന്ന ഗ്യാരണ്ടി എസ്‌യുവിക്ക് ഒന്നും അത്രവേഗം കിട്ടുന്നതല്ല. മാരുതി സുസുക്കി ഡിസയറിൻ്റെ ഏറ്റവും വലിയ എതിരാളി ആരെന്ന് ചോദിച്ചാൽ അതിന്റെ ഉത്തരം പലർക്കും ഹോണ്ട അമേസ് എന്നായിരിക്കും.

ഫോർഡ് എൻഡവർ, എംജി ഗ്ലോസ്റ്റർ, സ്കോഡ കൊഡിയാക്, ഫോക്‌സ്‌വാഗൺ ടൈഗൂൺ, ജീപ്പ് മെറിഡൻ തുടങ്ങിയ വമ്പൻമാർ വിചാരിച്ചിട്ട് പോലും ഡി-സെഗ്മെന്റ് എസ്‌യുവി ശ്രേണിയിലെ രാജാവിന്റെ കിരീടം ടൊയോട്ട ഫോർച്യൂണറിൽ നിന്നും തട്ടിയെടുക്കാനായിട്ടില്ല. എന്നാൽ ഇത്തവണ ഒരു രണ്ടാം വരവിന് ഒരുങ്ങുകയാണ് എംജി. ഗ്ലോസ്റ്റർ നിർത്തലാക്കി പകരം അതിലും മികച്ചൊരു മോഡലുമായി രംഗത്തിറങ്ങാൻ പോവുകയാണ് കമ്പനി. ഏറെ നാളായി പലരും കാത്തിരിക്കുന്ന ഇന്ത്യയിലെ ആദ്യത്തെ ഡി പ്ലസ് സെഗ്മെന്റ് എസ്‌യുവിയായ മജസ്റ്റർ (MG Majestor) നാളെ ഇന്ത്യയിൽ ഔദ്യോഗികമായി അവതരിപ്പിക്കും.

വാങ്ങിയവരാരും അധികം കുറ്റം പറഞ്ഞുകേൾക്കാത്ത ഇലക്ട്രിക് സ്‌കൂട്ടറാണ് ഏഥർ എനർജിയുടേത്. 450, ഏഥർ തുടങ്ങിയ നിരയുടെ ബലത്തിൽ കമ്പനിയിപ്പോൾ സുപ്രധാനമായൊരു നാഴികക്കല്ല് താണ്ടിയിരിക്കുകയാണ്. വിൽപ്പനയുടെ കാര്യത്തിൽ ഇന്ത്യയിലെ ഏറ്റവും വലിയ മൂന്നാമത്തെ ഇലക്ട്രിക് ഇരുചക്ര വാഹന നിർമാതാക്കളായ ഏഥർ 6 ലക്ഷം യൂണിറ്റ് വിൽപ്പന മറികടന്നിരിക്കുകയാണ്. വാഹൻ പോർട്ടൽ അനുസരിച്ച് ബ്രാൻഡ് ഇതുവരെ 6,04,497 യൂണിറ്റുകളുടെ മൊത്തം വിൽപ്പനയാണ് പൂർത്തിയാക്കിയിരിക്കുന്നത്. ഇതിൽ ശ്രദ്ധേയമായ മറ്റൊരു കാര്യം എന്താണെന്ന് വെച്ചാൽ 2018 മുതലുള്ള ഏഥറിന്റെ മൊത്തം വിൽപ്പനയുടെ 50 ശതമാനവും കഴിഞ്ഞ 16 മാസങ്ങൾക്കുള്ളിലാണ് നടന്നിരിക്കുന്നത്.

ഇന്ത്യന്‍ ഇരുചക്ര വാഹന വിപണിയില്‍ ഒരു കാലത്ത് രാജാവായി വാണിരുന്ന ടിവിഎസ് സ്റ്റാര്‍ സിറ്റി പ്ലസ് (TVS Star City Plus) അസ്തമനത്തിന്റെ വക്കില്‍. കമ്പനിയുടെ ഔദ്യോഗിക കണക്കുകള്‍ പ്രകാരം 2026 മാര്‍ച്ചില്‍ വെറും 5 യൂണിറ്റുകള്‍ മാത്രമാണ് ഈ ബൈക്കിന്റെ വില്‍പ്പന. മുന്‍കാലങ്ങളില്‍ മികച്ച പ്രകടനം കാഴ്ചവെച്ചിരുന്ന ഈ മോഡലിന്റെ വില്‍പ്പനയിലുണ്ടായ ഈ കനത്ത ഇടിവ് ഇരുചക്രവാഹന പ്രേമികളെ ഞെട്ടിച്ചിരിക്കുകയാണ്. എന്തുകൊണ്ടാണ് ടിവിഎസ് സ്റ്റാര്‍ സിറ്റി പ്ലസിന് വിപണിയില്‍ നിന്ന് കനത്ത തിരിച്ചടി നേരിടുന്നത് എന്നതിനെ കുറിച്ചുള്ള വിശദമായ റിപ്പോര്‍ട്ട് ചുവടെ വായിക്കാം.

ഇലക്‌ട്രിക് കാറുകൾ വാങ്ങാൻ ആളുകൾക്ക് മടിയൊന്നുമില്ലാതായിരിക്കുകയാണ്. വിശ്വസിച്ച് കൂടെക്കൂട്ടാനാവുന്ന മോഡലുകൾ സുലഭമായതോടെ വൈദ്യുത വാഹനങ്ങളിലേക്ക് മാറാനുള്ള താത്പര്യവും ജനങ്ങൾക്ക് വർധിച്ചു. ഉയർന്ന വില കൊടുത്ത് പെട്രോളടിച്ച് നാട്ടിലൂടെ കറങ്ങുന്നതിലും എത്രയോ ഭേദമാണ് ഇവി ചാർജ് ചെയ്ത് കൊണ്ടുനടക്കുന്നത്. ടാറ്റ മോട്ടോർസാണ് ഇവികളെ രാജ്യത്ത് ജനകീയരാക്കിയതെങ്കിലും മഹീന്ദ്രയും എംജിയും പോലുള്ള ബ്രാൻഡുകളും വലിയ നേട്ടമുണ്ടാക്കി ഒപ്പമുണ്ട്. ഇപ്പോഴിതാ മാർച്ച് മാസത്തിലെ വിൽപ്പന കണക്കുകൾ പുറത്തുവരുമ്പോൾ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട ഇലക്ട്രിക് കാർ എന്ന പദവി തിരികെപ്പിടിച്ചിരിക്കുകയാണ് വിൻഡ്‌സർ ഇവി.

മാരുതി സുസുക്കിയുടെ ഏറ്റവും ജനപ്രിയ ക്രോസ് ഓവര്‍ എസ്‌യുവികളിലൊന്നായ ഫ്രോങ്ക്‌സ് പുതിയ മുഖവുമായി ഇന്ത്യന്‍ നിരത്തുകളിലേക്ക് എത്തുന്നു. 2026 ഫ്രോങ്ക്‌സ് ഫെയ്സ്ലിഫ്റ്റിന്റെ (Maruti Suzuki Fronx Facelif) പരീക്ഷണ ഓട്ടം ഇതിനകം തന്നെ സജീവമാണ്. കനത്ത രീതിയില്‍ മറച്ച നിലയില്‍ നിരത്തില്‍ പരീക്ഷണയോട്ടം നടത്തുന്ന ഫ്രോങ്ക്‌സ് ഫെയ്‌സ്‌ലിഫ്റ്റിന്റെ സ്‌പൈ ചിത്രങ്ങള്‍ ഇന്റര്‍നെറ്റില്‍ പ്രത്യക്ഷപ്പെട്ടു. ഡിസൈനിലും സാങ്കേതികവിദ്യയിലും വലിയ മാറ്റങ്ങളുമായിട്ടായിരിക്കും പുതിയ മോഡല്‍ വിപണിയിലെത്തുക എന്ന് വ്യക്തമാക്കുന്നതാണ് പുറത്തുവന്ന സ്‌പൈ ചിത്രങ്ങള്‍. വാഹനപ്രേമികള്‍ വലിയ ആവേശത്തോടെയാണ് ഈ കാറിന്റെ വരവിനായി കാത്തിരിക്കുന്നത്.