ഇന്ത്യയിൽ ഇലക്‌ട്രിക് ഇരുചക്ര വാഹനങ്ങളെ ജനകീയരാക്കുന്നതിൽ പ്രധാന പങ്കുവഹിച്ചവരാണ് സ്റ്റാർട്ടപ്പ് ബ്രാൻഡുകൾ. ഓലയും ഏഥറും അരങ്ങത്ത് സജീവമാവുന്നതിന് മുമ്പേ മറ്റ് ചില ചെറിയ കമ്പനികളാണ് ഇവി വിപണിയെ കൈപിടിച്ചുയർത്തിയത്. ഇവിടെയാണ് ഗ്രീവ്‌സ് കോട്ടൺ ലിമിറ്റഡിന്റെ ഇലക്ട്രിക് വാഹന വിഭാഗമായ ഗ്രീവ്‌സ് ഇലക്ട്രിക് മൊബിലിറ്റി ലിമിറ്റഡിന്റെ കീഴിൽ പ്രവർത്തിക്കുന്ന ആംപിയർ തലയുയർത്തി നിൽക്കുന്നത്. കൃത്യമായ ഇടവേളകളിൽ പുതിയ മോഡലുകൾ പുറത്തിറക്കുന്നതും നിലവിലുള്ള ഇവികളെ കാലത്തിനൊത്ത് മാറ്റാനും ആംപിയർ പ്രത്യേകം ശ്രദ്ധിക്കാറുണ്ട്. ബ്രാൻഡ് നിരയിലെ ടോപ്പ് സെല്ലിംഗ് ഇവികളിൽ ഒന്നായ മാഗ്നസ് നിയോയുടെ പുതുക്കിയ പതിപ്പ് ഇന്ത്യയിൽ അവതരിപ്പിച്ചിരിക്കുകയാണ് കമ്പനിയിപ്പോൾ.

പ്രീമിയം ഹെല്‍മെറ്റ് വിപണിയില്‍ പുതിയ വിപ്ലവവുമായി KYT തങ്ങളുടെ ഏറ്റവും പുതിയ R1R ഫുള്‍-ഫേസ് റേസിംഗ് ഹെല്‍മെറ്റ് ഇന്ത്യയില്‍ അവതരിപ്പിച്ചു. 39,000 രൂപ പ്രാരംഭ വിലയില്‍ പുറത്തിറങ്ങിയ ഈ ഹെല്‍മെറ്റ്, ഹോസ് ഓഫ് മെഷീന്‍സ് (House Of Machines) വഴിയാണ് വിപണിയിലെത്തിക്കുന്നത്. കഴിഞ്ഞ വര്‍ഷം ഇന്ത്യ ബൈക്ക് വീക്കില്‍ ആദ്യമായി പ്രദര്‍ശിപ്പിച്ച ഈ ഹെല്‍മെറ്റ് ഇപ്പോള്‍ രാജ്യത്തുടനീളമുള്ള അംഗീകൃത ഡീലര്‍ഷിപ്പുകളില്‍ ലഭ്യമാണ്. റേസിംഗ് പ്രേമികള്‍ക്കും പ്രീമിയം റൈഡിംഗ് ഗിയറുകള്‍ ഇഷ്ടപ്പെടുന്നവര്‍ക്കുമായി റേസിംഗ് മികവും സുരക്ഷയും ഒത്തിണങ്ങിയ ഉല്‍പ്പന്നമായാണ് ഇത് അവതരിപ്പിച്ചിരിക്കുന്നത്. KYT R1R ഹെല്‍മെറ്റ് മൂന്ന് വ്യത്യസ്ത വേരിയന്റുകളിലായാണ് വിപണിയില്‍ എത്തിയിരിക്കുന്നത്.

നിസാന്‍ മോട്ടോര്‍ ഇന്ത്യ തങ്ങളുടെ ജനപ്രിയ മോഡലുകളായ മാഗ്‌നൈറ്റ് എസ്‌യുവിക്കും ഗ്രാവൈറ്റ് എംപിവിക്കുമായി പുതിയ ലീസിംഗ്, സബ്സ്‌ക്രിപ്ഷന്‍ പദ്ധതികള്‍ പ്രഖ്യാപിച്ചു. ആവിസ് ഇന്ത്യയുമായി (Avis India) സഹകരിച്ചാണ് ഈ പുതിയ സംരംഭം ആരംഭിച്ചിരിക്കുന്നത്. ബിസിനസ് ആവശ്യങ്ങള്‍ക്കായി വാഹനങ്ങള്‍ ഉപയോഗിക്കുന്ന കമ്പനികള്‍ക്ക് കൂടുതല്‍ വഴക്കമുള്ളതും ലാഭകരവുമായ യാത്രാമാര്‍ഗങ്ങള്‍ ഒരുക്കുകയാണ് ഇതിന്റെ ലക്ഷ്യം. മുന്‍കൂട്ടി വലിയ തുക മുടക്കി വാഹനം വാങ്ങുന്നതിന് പകരം, പ്രതിമാസ വാടകയില്‍ വാഹനം ഉപയോഗിക്കാന്‍ ഈ പദ്ധതി സഹായിക്കുന്നു. കോര്‍പ്പറേറ്റ് മേഖലയില്‍ തങ്ങളുടെ സാന്നിധ്യം ശക്തമാക്കുന്നതിനായാണ നിസാന്‍ ഈ സുപ്രധാന തീരുമാനം കൈക്കൊണ്ടിരിക്കുന്നത്.

ഭാരത് മൊബിലിറ്റി ഗ്ലോബൽ എക്‌സ്‌പോയുടെ 2025 പതിപ്പിൽ ഇന്ത്യൻ വിപണിക്കായി നിരവധി പുതിയ കാറുകൾ അവതരിപ്പിച്ച ബ്രാൻഡായിരുന്നു എംജി മോട്ടോർ. രാജ്യത്തെ ഏറ്റവും വലിയ വാഹന മാമാങ്കത്തിൽ സൈബർസ്റ്റർ ഇലക്ട്രിക് കൺവെർട്ടിബിൾ സ്‌പോർട്‌സ് കാർ, M9 ഇലക്ട്രിക് ആഡംബര എംപിവി, മജസ്റ്റർ ഫുൾ-സൈസ് എസ്‌യുവി എന്നിവ പോലെയുള്ള കിടിലൻ മോഡലുകളായിരുന്നു എംജി കൊണ്ടുവന്നത്. ഇതിൽ ആളുകൾ ഏറ്റവും കൌതുകത്തോടെ നോക്കിയത് ടൊയോട്ട ഫോർച്യൂണറുമായി മല്ലിടാനായി എത്തുന്ന മജസ്റ്ററിനെയായിരുന്നു. അടുത്തിടെ സോഷ്യൽ മീഡിയിയൂടെ എസ്‌യുവിയുടെ കേപ്പബിലിറ്റി എത്രത്തോളമുണ്ടെന്ന് കാണിക്കുന്ന ടീസർ വീഡിയോകൾ പുറത്തിറക്കി കമ്പനി ഹൈപ്പ് ഉയർത്തിയിരുന്നു.

ഇന്ത്യയിലെ ഇലക്ട്രിക് വാഹന വിപണിയില്‍ പുതിയൊരു ചുവടുവയ്പ്പുമായി സീലിയോ ഇ-മൊബിലിറ്റി (Zelio E-Mobility). ന്യൂഡല്‍ഹിയിലെ ഭാരത് മണ്ഡപത്തില്‍ നടന്ന റൈഡ് ഏഷ്യ ഇവി എക്‌സ്‌പോ 2026-ല്‍ വെച്ച് കമ്പനി തങ്ങളുടെ പുതിയ 'ഗ്രേസി' (Gracy) ഇലക്ട്രിക് സ്‌കൂട്ടറിന്റെ 2026 പതിപ്പ് ഔദ്യോഗികമായി പുറത്തിറക്കി. 59,999 രൂപ മുതലാണ് ഈ സ്‌കൂട്ടറിന്റെ വില ആരംഭിക്കുന്നത്. നഗരങ്ങളിലെ റൈഡേഴ്‌സിനെ, പ്രത്യേകിച്ച് കോളേജ് വിദ്യാര്‍ത്ഥികളെയും യുവതികളെയും ലക്ഷ്യമിട്ടാണ് ഈ ഇവി രൂപകല്‍പ്പന ചെയ്തിരിക്കുന്നത്. ലോ സ്പീഡ് ഇലക്ട്രിക് സ്‌കൂട്ടര്‍ വിഭാഗത്തില്‍ മികച്ച മൂല്യം നല്‍കുന്ന ഉല്‍പ്പന്നമായാണ് കമ്പനി ഇതിനെ അവതരിപ്പിക്കുന്നത്.

രാജ്യത്ത് അധികം പ്രചാരമില്ലാത്തൊരു സെഗ്മെന്റായ ലൈഫ് സ്റ്റൈൽ പിക്കപ്പ് ട്രക്ക് വിഭാഗത്തിലേക്ക് ഹൈലക്‌സുമായി ടൊയോട്ട എത്തിയത് പലർക്കും കൌതുകമായിരുന്നു. ജാപ്പനീസ് ബ്രാൻഡിന്റെ ഗ്ലോബൽ മോഡൽ രാജ്യത്ത് എത്തുമ്പോൾ ടൊയോട്ടയ്ക്ക് പ്രതീക്ഷകളും വാനോളമായിരുന്നു. എന്നാൽ വലിയ വിജയം ആയില്ലെങ്കിലും പലരുടേയും ഡ്രീം കാറായി മാറാൻ ഹൈലക്‌സിന് അധികം സമയമൊന്നും വേണ്ടി വന്നില്ലെന്നതാണ് സത്യം. ലോകവിപണി കീഴടക്കിയ ഹൈലക്‌സ് ഇന്ത്യയിലെത്തിയപ്പോൾ ചെറുതായൊന്ന് പതറിയെന്ന് വേണം പറയാൻ. എങ്കിലും അധികം നഷ്‌ടമൊന്നും ഉണ്ടാക്കാതെ ഓരോ മാസവും തരക്കേടില്ലാത്ത രീതിയിൽ പിക്കപ്പ് വിറ്റഴിയുന്നുമുണ്ട്.

ഇലക്‌ട്രിക് സ്‌കൂട്ടർ വിപണിയെ തുടക്കത്തിൽ കൈപിടിച്ചുയർത്തിയത് സ്റ്റാർട്ടപ്പ് ബ്രാൻഡുകളാണെങ്കിലും ഇതിന്റെ സാധ്യത കൃത്യമായി മനസിലാക്കിയ രാജ്യത്തെ പ്രമുഖ ഇരുചക്ര വാഹന നിർമാതാക്കളെല്ലാം ഈ രംഗത്തേക്കിറങ്ങുകയുണ്ടായി. ആദ്യ ഘട്ടത്തിൽ എത്തിയ ബജാജും ടിവിഎസും തന്നെയാണ് ഇന്ന് ഇവി വിപണി ഭരിക്കുന്നതും. ഇവർക്ക് പിന്നാലെ ഹീറോ മോട്ടോകോർപ്, ഹോണ്ട, സുസുക്കി, യമഹ പോലുള്ള ബ്രാൻഡുകളും ഇപ്പോൾ വൈദ്യുത മോഡലുകളുമായി തങ്ങളുടെ സാന്നിധ്യം അറിയിച്ചിട്ടുണ്ട്. കൂട്ടത്തിൽ സ്‌കൂട്ടർ വിപണിയിലെ രാജാക്കൻമാരായ ഹോണ്ടയുടെ പദ്ധതികൾ പൊട്ടിപ്പാളീസായത് ഞെട്ടലോടെയാണ് വിപണി സാക്ഷ്യംവഹിച്ചത്. സുസുക്കിയും യമഹയും സെഗ്മെന്റിൽ എത്തുമ്പോഴും ഈയൊരു തെറ്റ് ആവർത്തിക്കരുതെന്ന് മനസിൽ കുറിച്ചിട്ടുണ്ടായിരുന്നിരിക്കാം.

ഇന്ത്യയിൽ അടിക്കടി പുത്തൻ കാറുകൾ പുറത്തിറക്കി സജീവമായി നിൽക്കുന്നവരാണ് ജർമൻ ആഡംബര വാഹന നിർമാതാക്കളായ മെർസിഡീസ് ബെൻസ്. വന്നകാലം മുതൽ ദേ ഇന്നു വരെ കൃത്യമായ ഇടവേളകളിൽ പുതിയ മോഡലുകൾ അവതരിപ്പിക്കുന്നതിൽ ബെൻസിന് യാതൊരു മടിയുമില്ല. ഇപ്പോഴിതാ രാജ്യത്തിനായി പുതിയ ലക്ഷ്വറി ഇലക്‌ട്രിക് കാറുമായാണ് മെർസിഡീസ് രംഗത്തെത്തിയിരിക്കുന്നത്. കഴിഞ്ഞ മാസം 1.50 ലക്ഷം രൂപയുടെ ടോക്കൺ തുകയ്ക്ക് പ്രീ-ബുക്കിംഗ് ആരംഭിച്ച CLA ബാറ്ററി ഇലക്‌ട്രിക് കാറാണ് ഇന്ത്യയിൽ എത്തിയിരിക്കുന്നത്. 55 ലക്ഷം രൂപയുടെ പ്രാരംഭ വിലയിലാണ് ബെൻസിന്റെ ഇലക്ട്രിക് സെഡാൻ ഇവി കളത്തിലെത്തിയിരിക്കുന്നത്.

അമേരിക്കൻ വാഹന നിർമാതാക്കൾക്ക് അധികം രാശിയില്ലാത്തൊരു നാടാണ് ഇന്ത്യയെന്ന് തെളിയിക്കുകയാണ് ജീപ്പ്. ഫോർഡിനും ഷെവർലയ്ക്കുമെല്ലാം സംഭവിച്ച അതേകാര്യം തന്നെ ഇവർക്കും സംഭവിക്കുമോയെന്ന ആശങ്കയിലാണ് ആളുകൾ. പ്രീമിയം വാഹനങ്ങളായതിനാൽ ആർക്കും ഓടിച്ചെന്ന് വാങ്ങാനും ഒക്കില്ലല്ലോ. വലിയ വ്യവസായികൾ, ഡോക്‌ടർമാർ തുടങ്ങിയവരാണ് ജീപ്പിന്റെ പ്രധാന ഉപഭോക്താക്കൾ. കോമ്പസിലൂടെ നല്ലൊരു തുടക്കം കിട്ടിയെങ്കിലും പിന്നീട് എത്തിയവരൊന്നും കാര്യമായ സംഭാവന ചെയ്യാതായതോടെ ഇരുട്ടിൽ തപ്പുകയാണ് കമ്പനി. കോമ്പസിനേക്കാൾ കിടിലമായ മെറിഡിയൻ 7-സീറ്റർ എസ്‌യുവി (Jeep Meridian) എത്തിയപ്പോൾ ബ്രാൻഡിന് വാനോളം പ്രതീക്ഷകളായിരുന്നു ഉണ്ടായിരുന്നത്.

ടാറ്റയും മഹീന്ദ്രയുമെല്ലാം എത്രയെത്ര കാറുകൾ പുറത്തിറക്കിയാലും ഈയടുത്ത കാലത്തൊന്നും മാരുതി സുസുക്കിയോട് വിൽപ്പനയുടെ കാര്യത്തിൽ കിടപിടിക്കാനാവില്ലെന്നതാണ് സത്യം. വിൽപ്പനയിലും സർവീസിലുമെല്ലാം ഒന്നിനൊന്നിന് മികച്ച് നിൽക്കുന്നതും സാധാരണക്കാർക്ക് താങ്ങാനാവുന്ന വിലയിൽ വിശ്വസിച്ച് വാങ്ങാനാവുന്നതും മാരുതി തന്നെയാണെന്നതിൽ തർക്കമൊന്നുമില്ല. കുറഞ്ഞ മെയിന്റനെൻസ് കോസ്റ്റും മാരുതിയുടെ മാത്രം പ്രത്യേകതയാണ്. 2025-26 സാമ്പത്തിക വർഷം മാരുതിയുടെ പ്ലാന്റുകളിൽ നിന്ന് 23.47 ലക്ഷം കാറുകളാണ് നിർമിച്ച് പുറത്തിറക്കിയത്. രാജ്യത്തെ ഏറ്റവും വലിയ വാഹന നിർമാതാക്കൾ ഇതുവരെ രേഖപ്പെടുത്തിയിട്ടില്ലാത്ത ഏറ്റവും ഉയർന്ന വാർഷിക ഉത്പ്പാദന കണക്കാണിത്.

പണ്ടുകാലത്ത് ഇന്ത്യയിലടക്കുള്ള ഗിയർ സ്‌കൂട്ടർ വിപണി ഭരിച്ചിരുന്ന ക്ലാസിക് രാജാക്കൻമാരാണ് വെസ്‌പ. പതിറ്റാണ്ടുകൾക്കപ്പുറം ഗിയർലെസ് പതിപ്പിലേക്ക് ചേക്കേറിയപ്പോഴും ആളുകളെ തൃപ്ത്തിപ്പെടുത്താൻ ഇവർക്കായി എന്നതാണ് സത്യം. നിലവിൽ ആഭ്യന്തര വിപണിയിലെ പ്രീമിയം സെഗ്മെന്റിൽ ഇടംപിടിച്ചിരിക്കുന്ന വെസ്‌പ സ്‌കൂട്ടറുകൾക്ക് ആവശ്യക്കാർ ഏറെയാണ്. വെസ്പയുടെ 80-ാം വാർഷികാഘോഷത്തിന്റെ ഭാഗമായി വെസ്പ ടെക് 80th എന്ന പേരിൽ ഇന്ത്യയ്ക്കായി ഒരു സ്പെഷ്യൽ എഡിഷൻ പുറത്തിറക്കാൻ പോവുകയാണ് ഇറ്റാലിയൻ ഇരുചക്ര വാഹന നിർമാതാക്കൾ. മറ്റ് മോഡലുകളിൽ നിന്നും ധാരാളം മാറ്റങ്ങളോടെയാണ് പ്രത്യേക പതിപ്പ് പണികഴിപ്പിക്കുക.

സീ കേരളത്തിലെ മ്യൂസിക് റിയാലിറ്റി ഷോയായ 'സരിഗമപ'യിലൂടെ പ്രേക്ഷകശ്രദ്ധ നേടിയ ഗായികയാണ് പുണ്യ പ്രദീപ്. പൂപ്പിയെന്ന് പ്രേക്ഷകർ സ്നേഹത്തോടെ വിളിക്കുന്ന ഗായിക സോഷ്യൽ മീഡിയ പ്ലാറ്റ്ഫോമുകളിലും ജനപ്രിയയാണ്. പശ്ചാത്തല സംഗീതത്തിലും കവർ സോങ്ങുകളിലും സജീവമായ പുണ്യ സമൂഹമാധ്യമങ്ങളിലൂടെ തൻ്റെ വിശേഷങ്ങൾ പങ്കുവെക്കാറുണ്ട്. ഗോപി സുന്ദറുമായി ഒന്നിച്ചുള്ള ചിത്രങ്ങൾ പങ്കുവെച്ചതിന് ഏറെ വിമർശനങ്ങളും താരം കേട്ടിട്ടുണ്ട്. പക്ഷേ ഇതൊന്നും കാര്യമാക്കാതെ മുന്നോട്ട് പോവുകയാണ് പുണ്യ. ഇപ്പോഴിതാ ലക്ഷങ്ങൾ മുടക്കി പുതിയൊരു കാർ വാങ്ങിയ വീഡിയോയുമായാണ് താരം എത്തിയിരിക്കുന്നത്.

ബ്രിട്ടീഷ് ആഡംബര വാഹന നിർമാതാക്കളായ മിനിക്ക് ഇന്ത്യയിൽ പ്രത്യേക ഫാൻബേസ് തന്നെയാണുള്ളത്. നിലവിൽ ജർമൻ ആഡംബര വാഹന നിർമാതാക്കളായ ബിഎംഡബ്ല്യു ഗ്രൂപ്പിന്റെ കീഴിലുള്ളതിനാൽ കൃത്യമായ ഇടവേളകളിൽ മോഡലുകളെ പുതുക്കുന്നതും പുതിയ കാറുകൾ അവതരിപ്പിക്കുന്നതും ബ്രാൻഡിന്റെ പ്രധാന വിനോദമാണ്. ഇപ്പോഴിതാ ലക്ഷ്വറി കോംപാക്‌ട് എസ്‌യുവി ശ്രേണിയിലെ സാന്നിധ്യം വിപുലീകരിക്കുകയാണ്. ഇതിൻ്റെ ഭാഗമായി മിനി ഇന്ത്യ പുതിയ കൺട്രിമാൻ സിയുടെ പ്രീ-ലോഞ്ച് ബുക്കിംഗ് ഔദ്യോഗികമായി ആരംഭിച്ചിരിക്കുകയാണ്. മിനിയുടെ പുത്തൻ സുന്ദരിയെ വാങ്ങാൻ താത്പര്യമുള്ളവർക്ക് രാജ്യവ്യാപകമായി എല്ലാ അംഗീകൃത ഡീലർഷിപ്പുകളിലും എത്തി നേരിട്ട് വാഹനം ബുക്ക് ചെയ്‌തിടാം.

ഏറെക്കാലമായി അഡ്വഞ്ചർ മോട്ടോർസൈക്കിൾ പ്രേമികൾ കാത്തിരിക്കുന്ന ബിഎംഡബ്ല്യു F 450 (BMW F 450 GS) GS ഒടുവിൽ ഇന്ത്യയിലും എത്തിയിരിക്കുകയാണ്. 2025 EICMA മോട്ടോർ ഷോയിലൂടെ വെളിപ്പെടുത്തിയ ബൈക്ക് മുമ്പുണ്ടായിരുന്ന G 310 GS മോഡലിന്റെ പിൻഗാമിയായി നാടുവാഴാനായാണ് എത്തിയിരിക്കുന്നത്. ബവേറിയൻ ഇരുചക്ര വാഹന നിർമാതാക്കൾക്കായി ടിവിഎസാണ് ഈ ബൈക്ക് ഇന്ത്യയിൽ നിർമിക്കുന്നത് എന്നതാണ് വലിയൊരു ഹൈലൈറ്റ്. 13 വർഷം മുമ്പ് അതായത് 2013-ൽ ആരംഭിച്ച ഇന്തോ-ജർമൻ സഹകരണത്തിൻ്റെ ഭാഗമായി ഈ കൂട്ടുകെട്ടിൽ ഇതുവരെ 2 ലക്ഷം ബൈക്കുകളാണ് വിറ്റഴിഞ്ഞിരിക്കുന്നത്.

യെസ്ഡിയും BSA-യും (Yezdi & BSA) സംയുക്തമായി തങ്ങളുടെ രണ്ട് പുതിയ സ്‌ക്രാംബ്ലര്‍ മോട്ടോര്‍സൈക്കിളുകള്‍ വ്യാഴാഴ്ച (23 ഏപ്രില്‍ 2026) ഇന്ത്യന്‍ വിപണിയില്‍ അവതരിപ്പിച്ചു. 350 സിസി, 650 സിസി വിഭാഗങ്ങളിലായാണ് ഈ പുത്തന്‍ വാഹനങ്ങള്‍ പുറത്തിറക്കിയിരിക്കുന്നത്. സിറ്റി റൈഡുകള്‍ക്കും വാരാന്ത്യങ്ങളിലെ സാഹസിക യാത്രകള്‍ക്കും ഒരുപോലെ അനുയോജ്യമായ രീതിയിലാണ് ഇവ രൂപകല്‍പ്പന ചെയ്തിരിക്കുന്നത്. മുംബൈയില്‍ വെച്ച് നടന്ന ചടങ്ങില്‍ പുറത്തിറങ്ങിയ ഈ രണ്ട് മോഡലുകളിലൂടെ അതാത് സെഗ്‌മെന്റില്‍ പുതിയ ട്രെന്‍ഡിന് തുടക്കമിടാനാണ് കമ്പനികള്‍ ലക്ഷ്യമിടുന്നത്

ദക്ഷിണ കൊറിയന്‍ വിപണിയില്‍ കാര്‍ വില്‍പ്പന അവസാനിപ്പിച്ചതായി ജാപ്പനീസ് കമ്പനിയായ ഹോണ്ട മോട്ടോര്‍ കമ്പനി. ഈ വര്‍ഷം അവസാനത്തോടെയായിരിക്കും കൊറിയയില്‍ പ്രവര്‍ത്തനം അവസാനിപ്പിക്കുകയെന്ന് വ്യാഴാഴ്ച (23 ഏപ്രില്‍ 2026) കമ്പനി ഔദ്യോഗികമായി പ്രഖ്യാപിച്ചു. ആഗോളതലത്തിലും ദക്ഷിണ കൊറിയയിലും വാഹന വിപണിയിലുണ്ടായ മാറ്റങ്ങള്‍ കണക്കിലെടുത്താണ് രണ്ട് പതിറ്റാണ്ടിലേറെ കാലത്തെ പ്രവര്‍ത്തനത്തിന് ശേഷം ഇത്തരമൊരു നിര്‍ണായക തീരുമാനം കമ്പനി കൈക്കൊണ്ടത്. ദീര്‍ഘകാലാടിസ്ഥാനത്തില്‍ കമ്പനിയുടെ സാമ്പത്തിക സ്രോതസുകള്‍ കൂടുതല്‍ കാര്യക്ഷമമായി ഉപയോഗിക്കാനും ആഗോളതലത്തില്‍ മത്സരക്ഷമത വര്‍ദ്ധിപ്പിക്കാനുമാണ് ഹോണ്ട ലക്ഷ്യമിടുന്നത്. ഈ മാറ്റം ഇന്ത്യയിലെ വാഹന വിപണിയിലും വലിയ ചര്‍ച്ചകള്‍ക്ക് വഴിവെച്ചിരിക്കുകയാണ്.

ഫ്രഞ്ച് വാഹന നിർമാതാക്കളായ സിട്രൺ ഇന്ത്യയിലേക്ക് വരുന്നുവെന്ന വാർത്ത ആവേശത്തോടെ ഏറ്റെടുത്തവരായിരുന്നു രാജ്യത്തെ വണ്ടിഭ്രാന്തൻമാർ. പുതിയ കാർ വാങ്ങാനിരുന്ന പലരും സിട്രണിന്റെ വരവിനായി പിന്നീട് കാത്തിരിക്കുകയായിരുന്നു. തങ്ങളുടെ ആദ്യ മോഡലായി C5 എയർക്രോസ് അവതരിപ്പിച്ചപ്പോൾ പക്ഷേ പലരും നിരാശരാവുകയായിരുന്നു. ഉഗ്രൻ വണ്ടിയായിരുന്നുവെങ്കിലും ഒടുക്കത്തെ വിലയിട്ടതോടെ പലരുടേയും സ്വപ്‌നങ്ങൾ വിടരും മുമ്പേ കൊഴിഞ്ഞു. ഇന്ത്യയിൽ അസംബിൾ ചെയ്‌ത് വിൽക്കാൻ തീരുമാനിച്ചതാണ് വില ഇത്രയും കയറിപ്പോവാൻ കാരണമായത്. ഇതുവരെ കാര്യമായ രീതിയിൽ സിട്രൺ C5 എസ്‌യുവിക്ക് ക്ലച്ചുപിടിക്കാനായില്ല.

സ്‌ട്രോംഗ് ഹൈബ്രിഡ് കാറുകളുടെ (Strong Hybrid Cars) കുത്തൊഴുക്കിനാണ് വരും മാസങ്ങളിൽ ഇന്ത്യൻ വാഹന വിപണി സാക്ഷ്യം വഹിക്കാൻ പോകുന്നത്. പരിസ്ഥിതി സൗഹൃദവും ഇന്ധനക്ഷമതയേറിയതുമായ വാഹനങ്ങളോട് ഇന്ത്യക്കാർക്ക് പ്രിയം വർദ്ധിച്ചുവരുന്ന സാഹചര്യം കണക്കിലെടുത്ത് ലോകോത്തര കമ്പനികൾ പോലും തങ്ങളുടെ ഹൈബ്രിഡ് മോഡലുകൾ ഇന്ത്യയിലേക്ക് എത്തിക്കാൻ തയ്യാറെടുക്കുകയാണ്. ഇന്ധനവിലയിലെ വർദ്ധനവും (Fuel Price Hike) മലിനീകരണ നിയന്ത്രണ മാനദണ്ഡങ്ങളും ഹൈബ്രിഡ് കാറുകളുടെ ഡിമാൻഡ് ഉയർത്തുന്നു. വാഹനപ്രേമികൾ ഏറെ ആകാംക്ഷയോടെ കാത്തിരിക്കുന്ന പ്രധാന ഹൈബ്രിഡ് മോഡലുകളെ കുറിച്ച് ഈ ലേഖനത്തിൽ വായിക്കാം.

ഇന്ത്യയിലെ 125 സിസി സ്പോർട്ടി കമ്മ്യൂട്ടർ മോട്ടോർസൈക്കിൾ വിഭാഗത്തിന് പുതിയ മാനം നൽകിയവരാണ് ടിവിഎസ്. പണ്ട് കമ്മ്യൂട്ടർ ബൈക്കുകൾ മാത്രം അരങ്ങുവാണിരുന്ന ഇവിടമിപ്പോൾ യങ് മോഡലുകൾക്കൊണ്ട് സമ്പന്നമാണ്. ഇതിനെല്ലാം കാരണക്കാരനായത് റൈഡർ 125 എന്ന ചുള്ളൻ ചെക്കനാണ്. ഇവന് ലഭിക്കുന്ന വിൽപ്പന കണ്ട് ഹാലിളകിയ ഹീറോ മോട്ടോകോർപ്പും ഹോണ്ടയും ബജാജുമെല്ലാം പുത്തൻ മോട്ടോർസൈക്കിളുകളുമായി ഈ രംഗത്തേക്കിറങ്ങുകയുണ്ടായി. എങ്കിലും പ്രായമായവർക്കും പയ്യൻമാർക്കുമെല്ലാം ഒരേ പോലെ ചേരുന്ന റൈഡറിനെ തോൽപ്പിക്കാനായില്ലെന്നതാണ് സത്യം. അടിക്കടി ബൈക്കിലേക്ക് കൊണ്ടുവരുന്ന പരിഷ്ക്കാരങ്ങളും ടിവിഎസിന് കരുത്തായിട്ടുണ്ട്.

ഇന്ത്യന്‍ വിപണിയിലെ ടൊയോട്ടയുടെ ഏറ്റവും താങ്ങാനാവുന്ന വിലയില്‍ ലഭ്യമായ വാഹനമാണ് അര്‍ബന്‍ ക്രൂയിസര്‍ ടൈസര്‍ (Toyota Urban Cruiser Taisor ). മാരുതി സുസുക്കി ഫ്രോങ്ക്‌സിന്റെ റീബാഡ്ജ് മോഡലായ ടൈസറിന്റെ വിലയില്‍ കമ്പനി ഇപ്പോള്‍ വര്‍ദ്ധനവ് വരുത്തിയിരിക്കുകയാണ്. ഹൈറൈഡറിന് പിന്നാലെ ടൈസറിന്റെ വിലയും ഉയര്‍ന്നതോടെ ടൊയോട്ട കാറുകള്‍ വാങ്ങാനിരുന്നവര്‍ നിരാശയിലാണ്. എന്നാല്‍ തിരഞ്ഞെടുത്ത ടര്‍ബോ-പെട്രോള്‍ വേരിയന്റുകളെ മാത്രമാണ് ഈ വില പരിഷ്‌കരണം ബാധിച്ചിരിക്കുന്നത്. ടൊയോട്ട ടൈസറിന്റെ വിലയില്‍ എന്തൊക്കെയാണ് പുതിയ മാറ്റങ്ങളെന്നും, ഏതൊക്കെ വേരിയന്റുകള്‍ക്കാണ് വില കൂടിയതെന്നും താഴെ വിശദമായി പരിശോധിക്കാം.

രാജ്യത്തെ മിഡ്-സൈസ് എസ്‌യുവി വിഭാഗത്തിൽ മിന്നുന്ന വിജയം കരസ്ഥമാക്കിക്കൊണ്ട് കുതിക്കുകയാണ് ടൊയോട്ട അർബൻ ക്രൂയിസർ ഹൈറൈഡർ (Toyota Urban Cruiser Hyryder). മാരുതി സുസുക്കി ഗ്രാൻഡ് വിറ്റാരയുമായി (Maruti Suzuki Grand Vitara) എല്ലാക്കാര്യങ്ങളും പങ്കിടുന്ന മോഡലായിട്ട് പോലും ഇപ്പോൾ കൂടുതൽ ആളുകളും ഇഷ്‌ടപ്പെടുന്നത് ടൊയോട്ടയുടെ ബാഡ്‌ജ് വഹിക്കുന്ന ഹൈറൈഡറിനെയാണ്. നല്ല യാത്രാസുഖവും, നല്ല മൈലേജും പെർഫോമൻസുമുള്ള എഞ്ചിനുമെല്ലാം കൂടി ഒത്തുചേരുമ്പോൾ വാങ്ങിക്കാൻ എത്തുന്നവരുടെ എണ്ണവും കൂടുന്നുണ്ട്. എന്നാൽ ഇനി വാങ്ങാനിരിക്കുന്നവരെ സങ്കടപ്പെടുത്തുന്ന വാർത്തയുമായാണ് ജാപ്പനീസ് വാഹന നിർമാതാക്കൾ രംഗത്തുവന്നിരുന്നു.

പുതിയൊരു വാഹനം വാങ്ങുന്നതിന് മുന്‍പ് നമ്മള്‍ നടത്തുന്ന ഏറ്റവും പ്രധാനപ്പെട്ട കാര്യമാണ് ടെസ്റ്റ് ഡ്രൈവ്. എന്നാല്‍, ടെസ്റ്റ് ഡ്രൈവിനിടെ അബദ്ധത്തില്‍ വാഹനം അപകടത്തില്‍പ്പെട്ടാല്‍ എന്തുചെയ്യും? ആര് ഇതിന്റെ നഷ്ടപരിഹാരം നല്‍കും? ഭൂരിഭാഗം പേര്‍ക്കും ഇത്തരം സന്ദര്‍ഭങ്ങളില്‍ എന്താണ് സംഭവിക്കുക എന്നതിനെ കുറിച്ച് കൃത്യമായ അറിവില്ല. ഇത്തരം സാഹചര്യങ്ങളില്‍ ഡീലര്‍ഷിപ്പിന്റെ ഇന്‍ഷുറന്‍സാണ് പ്രധാനമായും പരിരക്ഷ നല്‍കുന്നത്. എങ്കിലും അപകടത്തിന് കാരണമായ സാഹചര്യങ്ങള്‍, നിങ്ങള്‍ ഒപ്പിട്ടു നല്‍കിയ രേഖകള്‍ എന്നിവയെ അടിസ്ഥാനമാക്കിയാണ് അന്തിമ ഉത്തരവാദിത്തം നിശ്ചയിക്കപ്പെടുന്നത്. ഓരോ വാഹനപ്രേമിയും അറിഞ്ഞിരിക്കേണ്ട സുപ്രധാന നിയമവശങ്ങളാണ് ഇനി ചുവടെ പറയാന്‍ പോകുന്നത്.

തങ്ങളുടെ പുതിയ ഫ്‌ലാഗ്ഷിപ്പ് എസ്‌യുവിയായ മജസ്റ്ററിന്റെ വില പ്രഖ്യാപനം ഏപ്രില്‍ 27-ന് നടത്തുമെന്ന് ഔദ്യോഗികമായി സ്ഥിരീകരിച്ച്എംജി മോട്ടോര്‍ ഇന്ത്യ. ഗ്ലോസ്റ്ററിന് പകരമായി എത്തുന്ന ഈ ഡി-സെഗ്മെന്റ് എസ്‌യുവി ആഡംബരവും കരുത്തും ഒത്തിണങ്ങിയ രൂപകല്‍പ്പനയുമായാണ് വരുന്നത്. ഷാര്‍പ്പ് (Sharp), സാവി (Savvy) എന്നീ രണ്ട് വേരിയന്റുകളിലായാണ് എസ്‌യുവി വിപണിയിലെത്തുന്നത്. 40 ലക്ഷം മുതല്‍ 45 ലക്ഷം രൂപ വരെയാണ് എംജി മജസ്റ്ററിന്റെ എക്‌സ്‌ഷോറൂം വില പ്രതീക്ഷിക്കുന്നത്. ടൊയോട്ട ഫോര്‍ച്യൂണര്‍, സ്‌കോഡ കൊഡിയാക് തുടങ്ങിയ വാഹനങ്ങളോടാണ് മജസ്റ്റര്‍ നേരിട്ട് ഏറ്റുമുട്ടുക. എംജി മജസ്റ്ററിനെ കുറിച്ച് ഇതുവരെ അറിയാവുന്ന കാര്യങ്ങള്‍ ഈ ലേഖനത്തില്‍ വായിക്കാം.

ഇന്ത്യയിൽ അഡ്വഞ്ചർ മോട്ടോർസൈക്കിളുകൾക്ക് ചിറകുകൾ നൽകിയ മോഡലാണ് റോയൽ എൻഫീൽഡ് ഹിമാലയൻ 411. 2016-ൽ ആദ്യമായി വിപണിയിലെത്തിയപ്പോൾ അന്നേവരെ നിരത്തുകൾക്ക് പരിചിതമല്ലാത്ത സ്റ്റൈലിംഗും മറ്റുമാണ് ബൈക്കിനെ വേറിട്ടുനിർത്തിയത്. ഒരു കംപ്ലീറ്റ് പാക്കേജ് ആയിരുന്നില്ലെങ്കിലും കാലക്രമേണ കിടിലമായ മോഡൽ നിർത്തലാക്കിയിട്ട് മൂന്ന് വർഷത്തോളമായി. പകരക്കാരനായി എത്തിയ 450 സിസി പതിപ്പ് മിടുമിടുക്കനാണെങ്കിലും ആദ്യതലമുറ മോഡലിന്റെ അത്ര ഫാൻബേസ് നേടിയെടുക്കാൻ പിൻഗാമിക്കായില്ലെന്നതാണ് സത്യം. ഇത് റെട്രോ ക്ലാസിക് ടൂവീലർ നിർമാതാക്കളായ എൻഫീൽഡും കൃത്യമായി മനസിലാക്കിയിട്ടുണ്ട്. പഴയ ഹിമാലയനും ഇക്കൂടെ വിൽക്കാമായിരുന്നുവെന്ന് ആരാധകർ കമ്പനിക്ക് പലതവണ ഉപദേശവും കൊടുത്തിരുന്നു.

റോഡിലേക്ക് ഒന്നിറങ്ങിയാൽ ഇപ്പോൾ ഇലക്ട്രിക് സ്‌കൂട്ടർ വിപ്ലവം നടക്കുന്നത് കാണാം. സൈലന്റായി ചീറിപ്പായുന്നവരുടെ മുഖത്ത് പെട്രോൾ അടിക്കാൻ പണം വേണ്ടാത്തതിന്റെ സന്തോഷവും കൂട്ടത്തിൽ കാണാം. പ്രമുഖ ബ്രാൻഡുകളെല്ലാം വൈദ്യുത രംഗത്തേക്കിറങ്ങിയതും ആളുകൾക്ക് പ്രോത്സാഹനമായിട്ടുണ്ട്. ടിവിഎസ്, ബജാജ്, ഹീറോ മോട്ടോകോർപ്, സുസുക്കി, യമഹ, ഹോണ്ട തുടങ്ങിയവരെല്ലാം ഇവികളിലൂടെ പണംവാരുന്നുണ്ട്. ഒപ്പം ഓല, ഏഥർ, ഒഖിനാവ പോലുള്ള സ്റ്റാർട്ടപ്പ് ബ്രാൻഡുകളും ഇലക്ട്രിക് ഇരുചക്ര വാഹന രംഗത്തെ പ്രമുഖരാണ്. നേരത്തെ നഗരങ്ങളിൽ മാത്രമായിരുന്നു വൈദ്യുത വാഹനങ്ങൾക്ക് ആവശ്യക്കാരുണ്ടായിരുന്നതെങ്കിൽ ഇപ്പോൾ ഗ്രാമപ്രദേശങ്ങളിലും ഇവികൾക്ക് നല്ല ഡിമാന്റാണ്.