ഇന്ന് കുടുംബവുമായി ഒന്നിച്ച് യാത്ര പോവാന്‍ വലിയ ഫാമിലി കാറുകളാണ് കൂടുതല്‍ പേരും തെരഞ്ഞെടുക്കുന്നത്. സാധാരണ 5 സീറ്റര്‍ കാറുകളെ അപേക്ഷിച്ച് 7 സീറ്റര്‍ കാറുകള്‍ക്ക് അല്‍പ്പം വില കൂടും. എന്നാല്‍ 5 സീറ്റര്‍ കാറിന്റെ വിലയില്‍ ലഭ്യമാകുന്ന ഒരു 7 സീറ്റര്‍ കാര്‍ ഇന്ത്യയിലുണ്ട്. വളരെ കുറഞ്ഞ വിലയ്ക്ക് ഒരു 7 സീറ്റര്‍ കാര്‍ വാങ്ങാന്‍ ആഗ്രഹിക്കുന്നവരുടെ മുന്നിലെത്തുന്ന ഏറ്റവും മികച്ച ഓപ്ഷനായ റെനോ ട്രൈബറിനെ കുറിച്ചാണ് നമ്മള്‍ പറഞ്ഞ് വരുന്നത്. ഇന്ത്യന്‍ വിപണിയില്‍ ലഭ്യമായ ഏറ്റവും വിലകുറഞ്ഞ 7 സീറ്റര്‍ കാറുകളില്‍ ഒന്നാണിത്.

ഇന്ത്യൻ വാഹന വിപണിയിൽ ശോഭിക്കാനാവാതെ പെടാപ്പാട് പെടുന്നൊരു കമ്പനിയാണ് സിട്രൺ. തുടക്കത്തിൽ അവതരിപ്പിച്ച മോഡലുകളിലുണ്ടായിരുന്ന പോരായ്‌മകൾ കാരണമാണ് ഫ്രഞ്ച് വാഹന നിർമാതാക്കളോട് ഇന്ത്യക്കാർ കൂട്ടുകൂടാതിരുന്നതിന്റെ കാരണം. എന്നാൽ കുറ്റങ്ങളും കുറവുകളുമെല്ലാം പരിഹരിച്ച് മിടുക്കൻമാർ ആയിക്കൊണ്ടിരിക്കുകയാണ് സിട്രൺ മോഡലുകൾ. നിലവിൽ ആറോളം കിടിലൻ കാറുകൾ പുറത്തിറക്കുന്ന കമ്പനി പുതിയ ജിഎസ്ടി ഇളവുകൾ പ്രകാരം മോഡൽ നിരയിൽ വമ്പൻ വിലക്കുറവ് പ്രഖ്യാപിച്ച് മുമ്പോട്ട് വന്നിരിക്കുകയാണ്. ടാറ്റ മോട്ടോർസ്, മഹീന്ദ്ര, സ്കോഡ, ഹ്യുണ്ടായി, കിയ തുടങ്ങിയ വമ്പൻമാർക്ക് പിന്നാലെ വില വെട്ടിക്കുറച്ച് കമ്പനി സെപ്റ്റംബർ 22 മുതൽ പുതിയ വിലയിലായിരിക്കും വാഹനങ്ങൾ വിൽക്കുക.

ജിഎസ്ടിയുടെ ഇളവ് പ്രഖ്യാപിച്ചതോടെ ടൂവീലർ ബ്രാൻഡുകളെല്ലാം തന്നെ തങ്ങളുടെ പുതുക്കിയ നിരക്ക് അവതരിപ്പിച്ചിട്ടുണ്ട്. ജനപ്രിയ ബ്രാൻഡായ യമഹ തങ്ങളുടെ എല്ലാ മോഡലുകൾക്കും മികച്ച വിലകുറവാണ് പ്രഖ്യാപിച്ചിരിക്കുന്നത്. ജിഎസ്ടി 2.0 പരിഷ്കാരങ്ങൾ നടപ്പിലാക്കുന്നത് അനുസരിച്ച് 2025 സെപ്റ്റംബർ 22 മുതലാണ് ഈ മാറ്റം പ്രാബല്യത്തിൽ വരിക എന്ന് എല്ലാവർക്കും അറിയാമല്ലോ. 350 സിസി വരെയുള്ള മോട്ടോർസൈക്കിളുകളുടെയും സ്കൂട്ടറുകളുടെയും ജിഎസ്ടി 28 ശതമാനത്തിൽ നിന്ന് 18 ശതമാനമായി കുറയ്ക്കാനുള്ള സർക്കാരിൻ്റെ തീരുമാനം എല്ലാ ഇരുചക്ര നിർമാതാക്കൾക്കും സന്തോഷകരമായ കാര്യം തന്നെയാണ്. ഇളവിൻ്റെ പ്രത്യേകത എന്താണെന്ന് വച്ചാൽ ഏതൊരാൾക്കും താങ്ങാനാകുന്ന വില ആയി എന്നാണ്.

ജിഎസ്ടി ഇളവ് രാജ്യമെങ്ങും ആഘോഷിക്കുമ്പോൾ, നിരവധി ബ്രാൻഡുകൾ തങ്ങളുടെ മോഡലുകളുടെ വിലകൾ പരിഷ്കരിച്ചു കൊണ്ടിരിക്കുകയാണ്. ബജാജിൻ്റെ പ്ലാറ്റിന എന്ന മോഡലിൽ തുടങ്ങി ഡൊമിനാർ 250 വരെ മുഴുവൻ ആനുകൂല്യങ്ങളും കമ്പനി പ്രഖ്യാപിച്ചിട്ടുണ്ട്. ഇരുചക്ര വാഹനങ്ങൾക്ക് 20,000 രൂപ വരെ ലാഭവും350 സിസിയിൽ താഴെയുള്ള എഞ്ചിൻ ശേഷിയുള്ള എല്ലാ മോട്ടോർസൈക്കിളുകൾക്കും വിലക്കുറവ് ബാധകമാകുമെന്നും ബജാജ് സ്ഥിരീകരിച്ചിട്ടുണ്ട്. ഇതിൽ തന്നെ ഒന്നിലധികം പൾസർ മോഡലുകളും, പ്ലാറ്റിന, സിടി, അവഞ്ചർ ലൈനപ്പ്, ഡൊമിനാർ 250 എന്നിവയുമെല്ലാമാണ് ഉൾപ്പെടുത്തിയിരിക്കുന്നത്. നിങ്ങളൊരു ബജാജ് ബൈക്ക് വാങ്ങാൻ തീരുമാനിച്ചിരിക്കുകയാണെങ്കിൽ കുറച്ച് കൂടി കാത്ത് നിൽക്കണേ.

ജിഎസ്‌ടിയിലെ പുതിയ പരിഷ്ക്കാരങ്ങൾക്ക് പിന്നാലെ മോഡൽ നിരയിൽ വിലക്കുറവ് പ്രഖ്യാപിച്ച് ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ്. 2025 സെപ്റ്റംബർ 22 മുതൽ ഹീറോയുടെ വിപുലമായ ഇരുചക്ര വാഹന നിരയിലുടനീളം വില കുറയുമെന്നത് ഉപഭോക്താക്കളെ സംബന്ധിച്ച് വലിയ നേട്ടമായിരിക്കും. സ്പ്ലെൻഡർ പോലെ രാജ്യത്ത് ഏറ്റവും കൂടുതൽ വിറ്റഴിയപ്പെടുന്ന ബൈക്കുകളെല്ലാം ഉത്സവ സീസണോടെ താങ്ങാനാവുന്ന വിലയിൽ കിട്ടുന്നത് വിൽപ്പന വർധിപ്പിക്കാനും സഹായിക്കുന്ന കാര്യമാണ്. പരമ്പരാഗതമായി ഇരുചക്ര വാഹന വ്യവസായത്തിന് ഏറ്റവും ഉയർന്ന ഡിമാൻഡ് ഉള്ള സമയമാണിത്.

പുതിയൊരു കാർ വാങ്ങുമ്പോൾ എല്ലാ ഫീച്ചറുകളുമുള്ള മോഡൽ വാങ്ങാനായിരിക്കുമല്ലോ പലർക്കും താത്പര്യം. നിലവിൽ എസ്‌യുവി വാഹനങ്ങളോടാണ് എല്ലാവർക്കും കമ്പമെങ്കിലും പണ്ടൊക്കെ കാർ എന്നതിന്റെ അവസാന വാക്ക് സെഡാനുകളായിരുന്നു. അംബാസിഡർ, പ്രീമിയർ പദ്മിനി, മാരുതി എസ്റ്റീം അങ്ങനെ നിരത്തുകൾ വാണിരുന്ന വിരുതൻമാർ ഏറെയായിരുന്നു. മാരുതി 800-ന്റെ വരവോടെയാണ് ഹാച്ച്ബാക്കുകൾ ഇന്ത്യയിൽ പ്രത്യക്ഷപ്പെടാൻ തുടങ്ങിയത്. അപ്പോഴും പലരും സ്നേഹിച്ചിരുന്നത് ത്രീ-ബോക്‌സ് ടൈപ്പ് മോഡലുകളായ സെഡാനുകളെയായിരുന്നു. ഇന്നത്തെ എസ്‌യുവികൾക്ക് പോലുമില്ലാത്ത പല ഗുണങ്ങളും ഈ വാഹനങ്ങൾക്കുണ്ടെങ്കിലും എല്ലാവർക്കും ട്രെൻഡിനൊപ്പം സഞ്ചരിക്കാനാണ് ഇഷ്ടം.

മാരുതി സുസുക്കിയെ സംബന്ധിച്ചിടത്തോളം നിലവിൽ വിപണിയുടെ 50 ശതമാനവും അവരുടെ കൈയ്യിലാണ്. കേരളത്തിലെ നോക്കിയാൽ രണ്ട് വാഹനം വിറ്റാൽ അതിൽ ഒരെണ്ണം മാരുതി സുസുക്കി ആയിരിക്കും എന്നാണ് കണക്ക്. പെട്രോൾ മോഡൽ മാത്രമായിട്ട് കൂടി ഇപ്പോഴും വിപണിയിൽ തങ്ങളുടേതായ സ്വാധീനത്തിൽ ഒരു കുറവും വരുത്തിയിട്ടില്ല. നിരവധി എതിരാളികൾ വന്ന് ഏറ്റുമുട്ടി നോക്കുന്നുണ്ട് എങ്കിലും അങ്ങോട്ട് ശോഭിക്കുന്നില്ല എന്നതാണ് പ്രശ്നം. മാരുതിയെ ആവശ്യമുളളവർ അവരുടെ അടുത്തേക്ക് തന്നെ എത്തും, അതിന് മാരുതിക്ക് ഒരു പ്രമോഷൻ്റേയും ആവശ്യമില്ല. ഇപ്പോൾ വിപണിയിൽ നന്നായി വിറ്റു പോകുന്ന ബ്രാൻഡുകളായി മാറാൻ കൊറിയൻ ബ്രാൻഡുകളായ ഹ്യുണ്ടായി, കിയയ്ക്ക് സാധിച്ചിട്ടുണ്ട്.

ഇന്ത്യൻ വിപണിയിലെ വിൽപ്പന എങ്ങനെയും വർധിപ്പിക്കാനുള്ള തീവ്രമായ ശ്രമത്തിലായിരുന്നു അമേരിക്കൻ സ്പോർട് യൂട്ടിലിറ്റി വാഹന നിർമാതാക്കളായ ജീപ്പ് (Jeep). കോമ്പസും (Compass SUV) മെറിഡിയനുമെല്ലാം (Meridian SUV) വലിയ ഫാൻബേസുണ്ടെങ്കിലും അതൊന്നും വിൽപ്പന കണക്കുകളിലേക്ക് എത്തിക്കാൻ കമ്പനിക്കാവുന്നുണ്ടായിരുന്നില്ല. എങ്കിലും ഡോക്‌ടർമാർ പോലുള്ളവരുടെ ജനപ്രിയ ബ്രാൻഡായി ജീപ്പിന് തുടരാനാവുന്നുണ്ട്. അടിക്കടി ഓഫറുകളും ആനുകൂല്യങ്ങളുമിട്ട് എസ്‌യുവികൾ വിലക്കുറച്ച് കൊടുക്കാനും ബ്രാൻഡ് ശ്രമിക്കാറുണ്ട്. ഇപ്പോഴിതാ കേന്ദ്ര സർക്കാർ ജിഎസ്ടി (GST) നിരക്കുകൾ കുറച്ചതോടെ ജീപ്പ് മോഡലുകൾ ഇനി കുറഞ്ഞ വിലയ്ക്ക് വീട്ടുമുറ്റത്തെത്തിക്കാനാവും.

മഹീന്ദ്രയുടെ പുതിയ ഫാമിലി കാർ വരുന്നു എന്നൊരു ശ്രുതി കേൾക്കാൻ തുടങ്ങിയിട്ട് കാലം കുറേ ആയിരുന്നു, എന്നാൽ ചിലയിടങ്ങിൽ മോഡലിൻ്റെ സ്പൈ ചിത്രങ്ങൾ പ്രത്യക്ഷപ്പെടാൻ തുടങ്ങിയപ്പോഴാണ് പലർക്കും വിശ്വാസം വന്നത്. എന്നാൽ xuv 700-യുടെ മുഖം മിനുക്കി അവതരിപ്പിക്കുന്ന മോഡലാണ് ഇതെന്നാണ് കരകമ്പി. സ്പൈ ചിത്രങ്ങളിൽ നിന്നും അത് തന്നെയാണ് മനസിലാക്കാൻ സാധിക്കുന്നത്. ഇപ്പോൾ ഇൻ്റർനെറ്റിൽ വൈറലായിരിക്കുന്നത്. xuv 700-യുടെ ഏറ്റവും വലിയ ഒരു പ്രത്യേകത എന്താണെന്ന് വച്ചാൽ രാജ്യത്ത് അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റംസ് (ADAS) അടക്കമുള്ള ഫീച്ചറുകള്‍ തരംഗമാക്കിയത് ഈ ഒരു മോഡല്‍ ആയിരുന്നു. ഇനി ഫെയ്സ്‌ലിഫ്റ്റ് പതിപ്പിൻ്റെ കൂടുതൽ വിശേഷങ്ങളിലേക്ക് ഒന്ന് നോക്കിയാലോ.

വാഹനങ്ങൾക്ക് പുതിയ ജിഎസ്‌ടി നിരക്കുകൾ പ്രഖ്യാപിച്ചതോടെ കാറുകൾക്ക് മാത്രമല്ല, രാജ്യത്തെ ഇരുചക്ര വാഹനങ്ങൾക്കും കാര്യമായ വിലക്കുറവ് സംഭവിക്കാൻ പോവുകയാണ്. 350 സിസി വരെയുള്ള ബൈക്കുകൾക്കും സ്‌കൂട്ടറുകൾക്കും വലിയതോതിൽ തന്നെ വില കുറയുന്നതായിരിക്കും. ടിവിഎസ് പോലുള്ള ബ്രാൻഡുകൾ ജിഎസ്‌ടി നിരക്കുകൾ കുറച്ചുകൊണ്ടുള്ള വില പ്രഖ്യാപിച്ച് കഴിഞ്ഞതോടെ ടൂവീലർ നിർമാതാക്കളെല്ലാം സമാനമായ പ്രഖ്യാപനങ്ങളോടെ പിന്നാലെയുണ്ട്. റെട്രോ ക്ലാസിക് മോട്ടോർസൈക്കിൾ നിർമാതാക്കളായ റോയൽ എൻഫീൽഡും (Royal Enfield) ജിഎസ്ടി (GST) നിരക്ക് കുറയ്ക്കലിന്റെ മുഴുവൻ ആനുകൂല്യവും ഉപഭോക്താക്കൾക്ക് കൈമാറുമെന്ന് ഔദ്യോഗികമായി അറിയിച്ചിരിക്കുകയാണിപ്പോൾ.

എത്രയൊക്കെ ഇലക്ട്രിക്കും,ഹൈബ്രിഡും ഒക്കെ വന്നുവെന്ന് പറഞ്ഞാലും ഡീസൽ വാഹനങ്ങളോടുളള താൽപ്പര്യം ആർക്കും ഒരിക്കലും കുറയില്ല എന്ന് ഉറപ്പാണ്. കാരണം ഡീസൽ വാഹനങ്ങളുടെ ഡിമാൻ്റ് തന്നെ അതിനുള്ള തെളിവാണല്ലോ. എന്നാൽ ഡീസൽ എഞ്ചിനുകളുടെ നിർമാണം അൽപ്പം ചിലവേറിയതായത് കൊണ്ട് തന്നെ പല ബ്രാൻഡുകളും തങ്ങളുടെ ഡീസൽ എഞ്ചിൻ നിർമാണ് നിർത്തിയിരുന്നു. അതിൽ പ്രധാനികളാണ് മാരുതി സുസുക്കിയും ഹോണ്ടയും ഫോക്സ്‌വാഗണും സ്കോഡയുമൊക്കെ. അത് കൊണ്ട് തന്നെ രാജ്യത്ത് ഡീസൽ എഞ്ചിൻ മോഡലുകൾ വിൽക്കുന്നത് ഇപ്പോൾ വിരലിൽ എണ്ണാനും മാത്രം ബ്രാൻഡുകൾ മാത്രമേയുളളു. 10 ലക്ഷത്തിൽ താഴെ ലഭിക്കുന്ന കുറച്ച് ഡീസൽ കാറുകളെ പരിചയപ്പെട്ടാലോ.

ജിഎസ്‌ടി (GST) സ്ലാബുകളിലെ ഇളവുകൾ പ്രഖ്യാപിച്ചതോടെ വാഹനങ്ങൾക്കെല്ലാം വില കുത്തനെ കുറയുന്ന കാഴ്ച്ചയാണ് ഇപ്പോൾ കാണാനാവുന്നത്. പുത്തൻ കാറുകൾ വാങ്ങാൻ ഇതിലും നല്ലൊരു സമയം വേറെയുണ്ടോയെന്ന് വരെ സംശയിക്കേണ്ടിയിരിക്കുന്നു. നികുതി കുറച്ചതിന് പുറമെ ഉത്സവ സീസൺ ആനുകൂല്യങ്ങളോടെ വാഹനങ്ങൾ പോർച്ചിലെത്തിക്കാനാവും. ജിഎസ്ടി 2.0 പരിഷ്ക്കാരത്തോടെ വിവിധ സെഗ്മെന്റുകളിലുടനീളം പാസഞ്ചർ വാഹനങ്ങൾക്ക് വലിയ വിലക്കുറവിന് കാരണമായത് നിർമാതാക്കളെ സംബന്ധിച്ചും വലിയ നേട്ടമാണ്. വിൽപ്പന കുറഞ്ഞുവരുന്ന എൻട്രി ലെവൽ കാറുകൾക്കാണ് (Entry Level Cars) നികുതിയിളവ് കൊണ്ട് കൂടുതൽ സഹായം ലഭിക്കുക.

രാജ്യത്ത് ഇലക്ട്രിക് വാഹനങ്ങളുടെ ഡിമാൻ്റ് വർധിച്ചു കൊണ്ടിരിക്കുകയാണ്. ഇന്ന് ലോക ഇവി ദിനമായത് കൊണ്ട തന്നെ നിങ്ങൾക്ക് ഒരു ഇവി വാങ്ങാൻ താൽപ്പര്യമുണ്ടെങ്കിൽ ചില കാര്യങ്ങൾ തീർച്ചയായും അറിഞ്ഞിരിക്കണം. അധികം ലാഗ് അടിപ്പിക്കാതെ തന്നെ കാര്യത്തിലേക്ക് കടന്നാൽ ഇലക്ട്രിക് വാഹനം വാങ്ങുമ്പോള്‍ ശ്രദ്ധിക്കേണ്ട പ്രധാന കാര്യങ്ങളിലൊന്നാണ് ചാര്‍ജിംഗ് സംവിധാനം. നിങ്ങളുടെ വീടിന് സമീപം ചാര്‍ജിംഗ് സ്റ്റേഷനുകള്‍ ഉണ്ടോ ഇല്ലയോ അതോ തന്റെ തന്നെ വീട്ടില്‍ ചാര്‍ജിംഗ് സൗകര്യം ഉണ്ടോ എന്ന്‌ നോക്കിയിട്ട് വേണം ഇവി വാങ്ങാം എന്ന കാര്യം തീരുമാനിക്കാൻ. ദീര്‍ഘനേരം വണ്ടി എവിടെയാണോ പാര്‍ക്ക് ചെയ്യുന്നത് അവിടെ തന്നെ വാഹനം ചാര്‍ജ് ചെയ്യുന്നതാണ് നല്ലത്.

ഇന്ത്യയിൽ ഏറെ പ്രതീക്ഷയോടെ എത്തിയ ഓഫ്-റോഡർ എസ്‌യുവിയായിരുന്നു ജിംനി. പഴയ ജിപ്‌സിയുടെ പകരക്കാരൻ എന്ന ലേബലും വിദേശത്തെ വീരപുരുഷനെന്ന പദവിയുമായി എത്തിയത് സാക്ഷാൽ മഹീന്ദ്ര ഥാറിനോട് മത്സരിക്കാനായിരുന്നു. ജിംനി എത്തുന്നതോടെ മഹീന്ദ്രയുടെ കാര്യം തീരുമെന്നായിരുന്നു വിലയിരുത്തലുകൾ. ഓഫ്-റോഡർ ആണെങ്കിലും ഫാമിലി ഉപയോഗങ്ങൾക്ക് ആശാനെ കൂടുതൽ പ്രായോഗികമാക്കുവാനായി 5-ഡോറുകളും പ്രത്യേകം മാരുതി സുസുക്കി ഒരുക്കി. വലിപ്പത്തിന് ഇണങ്ങാത്ത വിലയിട്ടതും ഥാറിന്റെ റോഡ് പ്രസൻസ് ഇല്ലാത്തതുമെല്ലാം ജിംനിക്ക് തിരിച്ചടിയായി. തുടക്കത്തിൽ നല്ല കച്ചോടം പിടിച്ചിരുന്നെങ്കിലും ഇപ്പോൾ പല മാസങ്ങളിലും ശോകമാണ് സീൻ.

വാഹനത്തിൻ്റെ എഞ്ചിൻ പവർ കൂടുന്തോറും മൈലേജ് കുറയുമെന്നതാണല്ലോ പണ്ട് മുതലേ കേട്ടുവരുന്നത്. എന്നാൽ മൈലേജ് കുറയുന്നത് അത് കൊണ്ട് മാത്രമാണെന്ന് നിങ്ങൾക്ക് തോന്നുന്നുണ്ടോ. വാഹനമോടിക്കുന്ന രീതി, സർവീസ് അങ്ങനെ കുറച്ച് കാരണങ്ങൾ കൂടിയുണ്ടെന്ന് ഓർക്കുക. മഹീന്ദ്ര ഥാർ ഉപയോഗിക്കുന്ന പലരും പറഞ്ഞു കേൾക്കുന്നതാണ് മൈലേജ് കുറവാണ് എന്നത്. പെട്രോൾ ഓട്ടോമാറ്റിക്ക് വേരിയൻ്റിന് കമ്പനി പറയുന്ന മൈലേജ് 10 ആണ്, എന്നാൽ പെട്രോൾ മാനുവൽ വേരിയൻ്റിന് 15 കിലോമീറ്ററാണ്. ഡീസലിലേക്ക് വന്നാൽ ഓട്ടോമാറ്റിക്കിന് 13 കിലോമീറ്ററും മാനുവൽ വേരിയൻ്റിന് 15 കിലോമീറ്ററുമാണ് കമ്പനി അവകാശപ്പെടുന്ന മൈലേജ്.

ഇന്ന് ലോകം ഇലക്ട്രിക് വാഹന ദിനമായി ആചരിക്കുകയാണ്. ഇന്റേണൽ കമ്പഷൻ എഞ്ചിൻ വാഹനങ്ങളിൽ നിന്നും വൈദ്യുത വാഹനങ്ങളിലേക്ക് ലോകത്തിന്റെ കുതിപ്പ് ഇന്നും തുടർന്നുകൊണ്ടിരിക്കുകയാണ്. അക്കൂട്ടത്തിൽ ഇന്ത്യയിൽ നിന്നുമുള്ള സംഭാവന ചെറുതൊന്നുമല്ല. നിലവിൽ ഇവികൾക്ക് ഏറ്റവും കൂടുതൽ ഡിമാന്റുള്ള ലോകരാജ്യങ്ങളിൽ ഒന്നാണ് ഇന്ത്യ. രാജ്യത്തിന്റെ ഗതാഗത രംഗത്ത് വലിയ വിപ്ലവം തന്നെ സൃഷ്ടിക്കാൻ ഇലക്ട്രി വാഹനങ്ങൾക്ക് സാധിച്ചിട്ടുണ്ട്. അതിന്റെ പ്രധാന കാരണം ഉയർന്ന ഇന്ധന വില തന്നെയാണ്. നിലവിൽ നമ്മുടെ നിത്യജീവിതത്തിന്റെ പ്രധാന ഭാഗമായി ഇവികൾ മാറിയിട്ടുണ്ടെന്ന് പറയാം. പച്ച നമ്പർ പ്ലേറ്റം ഘടിപ്പിച്ച് നിശബ്‌ദമായി ചീറിപ്പായുന്ന കാണാൻ തന്നെ വല്ലാത്തൊരു ചേലാണ്.

ഇന്ത്യൻ വാഹന വിപണിയിൽ വാഹന നിർമാതാക്കൾ കനത്ത മത്സരം നേരിടുമ്പോൾ പലപ്പോഴും ബ്രാൻഡുകൾ ചെയ്യുന്നത് കൂടുതൽ ഫീച്ചറുകൾ ചേർക്കുകയോ അല്ലെങ്കിൽ തങ്ങളുടെ ബേസ് മോഡലിൽ മികച്ച ഫീച്ചർ നൽകുകയോ ആണ്. അത്തരത്തിൽ ഒരു വാഹനത്തിൽ ഉണ്ടാകേണ്ട ഫീച്ചറാണ് ട്രാക്ഷൻ കൺട്രോൾ,അല്ലെങ്കിൽ ഇലക്ട്രോണിക് സ്റ്റെബിളിറ്റി കൺട്രോൾ. കാറിന്റെ ചലനങ്ങൾ നിരീക്ഷിക്കാൻ സെൻസറുകൾ ഉപയോഗിക്കുകയും നിയന്ത്രണം നഷ്ടപ്പെടുന്നത് കണ്ടെത്തിയാൽ വ്യക്തിഗത വീലുളിൽ യാന്ത്രികമായി ബ്രേക്ക് പ്രയോഗിച്ച് സ്വയം ഇടപെടുകയും ചെയ്യുന്നൊരു സവിശേഷതയാണ് ഇലക്ട്രോണിക് സ്റ്റൈബിലിറ്റി കൺട്രോൾ എന്ന് വളരെ ലളിതമായി പറയാം.

സെൽറ്റോസിലൂടെ ഇന്ത്യക്കാർക്കിടയിൽ ഫേമസായവരാണ് ദക്ഷിണ കൊറിയൻ വാഹന നിർമാതാക്കളായ കിയ (Kia India). ഹ്യുണ്ടായിയുടെ കസിൻ ബ്രാൻഡ് ആണെങ്കിലും ഇരുവരും ബന്ധുക്കളാണെന്ന് കാഴ്ച്ചയിലൊന്നും അങ്ങനെ മനസിലാക്കാനാവില്ല എന്നതായിരുന്നു കിയയുടെ വിജയം. ആദ്യ വാഹനമായ സെൽറ്റോസ് പ്രതീക്ഷിച്ചതിലും വലിയ വിജയം ആയപ്പോൾ പിന്നാലെയെത്തിയത് കാർണിവൽ, സോനെറ്റ്, കാരെൻസ് തുടങ്ങിയ വമ്പൻമാരായിരുന്നു. അതോടൊപ്പം ഇലക്ട്രിക് വാഹനങ്ങളിലൂടെ പരീക്ഷണത്തിനും കമ്പനി തയാറായി. ഇക്കഴിഞ്ഞ ദിവസം ജിഎസ്‌ടി പുതുക്കി നിശ്ചയിച്ചതോടെ കിയ കാറുകൾക്കും വില കുറച്ച് അതിന്റെ ആനുകൂല്യങ്ങൾ ഉപഭോക്താക്കളിലേക്ക് എത്തിച്ചിരിക്കുകയാണ് ബ്രാൻഡ്.

നിങ്ങൾ ഒരു ഇലക്ട്രിക് വാഹനയുടമയാണോ, എങ്കിൽ ഇന്ന് നിങ്ങളുടെ ദിവസമാണ്. ഇന്നാണ് ലോക ഇവി ദിനം. ഒരു ഇവി വാങ്ങുന്നതിലൂടെ നിങ്ങൾ പ്രകൃതിയിലേക്ക കൂടുതൽ അടുക്കുകയാണ്. രാജ്യത്തിൻറെ ഗതാഗത രംഗത്ത് വലിയ വിപ്ലവം തന്നെ സൃഷ്ടിക്കാൻ ഇലക്ട്രി വാഹനങ്ങൾക്ക് സാധിച്ചു എന്നതാണ് വലിയ കാര്യം. ദിനംപ്രതി കൂടി വരുന്ന ഇന്ധനവില തന്നെയാണ് പലരേയും ഇവികളിലേക്ക് തിരിയാൻ പ്രേരിപ്പിച്ചത് എന്ന് പറയാം. രാജ്യത്തിൻ്റെ ഇവികളുടെ കാര്യത്തിലേക്ക് നോക്കിയാൽ രാജ്യത്തിൻ്റെ വായു മലിനീകരണ നിലവാരത്തിൽ ഇവികൾ വലിയ രീതിയിൽ സംഭാവന നൽകുന്നുണ്ട്.

ജിഎസ്‌ടി കുറച്ചതോടെ രാജ്യത്തെ പ്രമുഖ വാഹന ബ്രാൻഡുകളെല്ലാം വിലക്കുറവ് പ്രഖ്യാപിച്ച് ഉപഭോക്താക്കളെ ഷോറൂമിലേക്ക് ആകർഷിക്കുകയാണ്. ടാറ്റ മോട്ടോർസ്, റെനോ, മഹീന്ദ്ര, ടൊയോട്ട, സ്കോഡ, കിയ, എംജി, ഹ്യുണ്ടായി തുടങ്ങിയവരെല്ലാം അവരുടെ വാഹനങ്ങളുടെ പുതിയ വില പ്രസിദ്ധീകരിക്കുകയും ചെയ്‌തിട്ടുണ്ട്. എന്നാൽ ഓരോ മാസവും ലക്ഷക്കണത്തിന് കാറുകൾ വിറ്റഴിക്കുന്ന രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി മാത്രം ഇതുവരെ നികുതി കുറച്ചുള്ള വിലയൊന്നും പ്രഖ്യാപിച്ചിട്ടില്ലെന്നത് പലരേയും അമ്പരപ്പിച്ചിട്ടുണ്ട്. സെപ്റ്റംബർ 22 വരെ കാത്തിരിക്കാനാണോ മാരുതിയുടെ പ്ലാൻ എന്നതാണ് ഇനി കണ്ടറിയേണ്ടത്.

ജിഎസ്ടി കുറച്ചതിന് ശേഷം എല്ലാ ഉപഭോക്താക്കളും കണ്ണിൽ എണ്ണയൊഴിച്ച് കാത്തിരിക്കുകയാണ് എങ്ങനെയെങ്കിലും സെപ്റ്റംബർ 22 ആകാൻ വേണ്ടി. എന്നിട്ട് വേണം തങ്ങളുടെ പ്രിയപ്പെട്ട ബ്രാൻഡിൻ്റെ വാഹനങ്ങൾ സ്വന്തമാക്കാൻ. ഫോർ വീലർ മാത്രമല്ല ടൂവീലർ പ്രേമികൾക്കാണ് കൂടുതൽ ആകാംക്ഷ. ഇരുചക്ര വാഹന നിർമാതാക്കളുടെ ഇടയിൽ ജിഎസ്ടിയിലെ നിരക്ക് കുറച്ചിരിക്കുന്നതിൻ്റെ മുഴുവൻ ആനുകൂല്യങ്ങളും ഉപഭോക്താക്കൾക്ക് നൽകുന്ന ബ്രാൻഡായി ടിവിഎസ് മോട്ടോർസ് മാറിയിരിക്കുകയാണ്. യുവാക്കളുടെ പ്രിയപ്പെട്ട മോഡലാണ് അപ്പാച്ചെ. ഇനി നിങ്ങൾക്ക് വൻ വിലകുറവിൽ നിങ്ങളുടെ ഇഷ്ടമോഡൽ സ്വന്തമാക്കം എന്നതാണ് പ്രത്യേകത. ടിവിഎസിൻ്റെ ലൈനപ്പിലെ മോഡലുകളുടെ വില അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിൽ ഇതിഹാസ പരിവേഷമുള്ള ബൈക്കുകൾ ഇത്രത്തോളം അവതരിപ്പിച്ചിരിക്കുന്ന യമഹയെ പോലെ മറ്റൊരു ടൂവീലർ ബ്രാൻഡ് ഉണ്ടെന്ന് തോന്നുന്നില്ല. RX100, RX-135, RX-Z, RD-350, FZ, R15 അങ്ങനെ നീളും കമ്പനിയുടെ നിരയിലെ കിടിലൻ മോഡലുകളുടെ പേരുകൾ. നിലവിൽ അവസാനത്തെ രണ്ട് മോട്ടോർസൈക്കിളുകൾ വിപണിയിലുണ്ടെങ്കിലും ചെറുപ്പക്കാർക്കിഷ്‌ടം R15 എന്ന ബേബി സൂപ്പർബൈക്കിനോടാണ്. അതിന്റെ പ്രധാന കാരണം താങ്ങാനാവുന്ന വില, ഉഗ്രൻ പെർഫോമൻസ്, കിടിലൻ മൈലേജ്, ഒടുക്കത്തെ റിഫൈൻമെന്റ് എന്നിവ തന്നെയാണന്നതിൽ സംശയമൊന്നും വേണ്ട. നാലാംതലമുറ ആവർത്തനത്തിലും ചൂടപ്പം പോലെയാണ് YZF-R15 വിറ്റഴിയുന്നത്.

ഈ ഓണക്കാലത്ത് പുത്തന്‍ കാര്‍ വാങ്ങിയവര്‍ എല്ലാവരും സങ്കടത്തിലാണ്. കാരണം കഴിഞ്ഞ ആഴ്ചയാണ് കേന്ദ്ര ധനമന്ത്രി കാറുകള്‍ക്കും ബൈക്കുകള്‍ക്കും വില കുറയാന്‍ കാരണമാകുന്ന ജിഎസ്ടി പരിഷ്‌കാരങ്ങള്‍ പ്രഖ്യാപിച്ചത്. സെപ്റ്റംബര്‍ 22 മുതല്‍ പുതിയ ജിഎസ്ടി നിരക്കുകള്‍ നിലവില്‍ വരുന്നതിനാല്‍ കാര്‍ കമ്പനികള്‍ തങ്ങളുടെ ഉല്‍പ്പന്നങ്ങള്‍ക്ക് എത്ര രൂപ വരെ കുറയുമെന്നത് സംബന്ധിച്ച വിശദാംശങ്ങള്‍ പുറത്തുവിട്ടുകൊണ്ടിരിക്കുകയാണ്. ഇപ്പോള്‍ ഇന്ത്യക്കാരുടെ പ്രിയപ്പെട്ട ബ്രാന്‍ഡുകളില്‍ ഒന്നായ ജെഎസ്ഡബ്ല്യു എംജി മോട്ടോര്‍ ഇന്ത്യ ജിഎസ്ടി ഇളവിന്റെ 100 ശതമാനം ആനുകൂല്യങ്ങളും ഉപഭോക്താക്കള്‍ക്ക് കൈമാറുമെന്ന് പ്രഖ്യാപിച്ചിരിക്കുകയാണ്.

വാഹനം വാങ്ങാനിരുന്നവർക്കെല്ലാം ലോട്ടറി പോലെയായിരുന്നു ജിഎസ്‌ടി നിരക്കുകൾ വെട്ടിക്കുറച്ചുള്ള പ്രഖ്യാപനം എത്തിയത്. കേന്ദ്രസർക്കാരിൽ നിന്നും ഈയടുത്ത കാലത്ത് ലഭിച്ചതിൽ ഏറ്റവും നല്ല പ്രഖ്യാപനങ്ങളിൽ ഒന്നുകൂടിയാണിത്. ഇനി പെട്രോൾ, ഡീസൽ വില കൂടി എങ്ങനെയെങ്കിലും കുറച്ചാൽ ഇരട്ടി മധുരമാവും. അത് തൽക്കാലം അവിടെ നിൽക്കട്ടെ, വാഹന വിലയിലുണ്ടായിരിക്കുന്ന വലിയ മാറ്റം ഉപക്താക്കളിലേക്ക് ഉടനടി അവതരിപ്പിച്ചുകൊണ്ട് വാഹന നിർമാണ കമ്പനികളും മാസ് കാണിച്ചിട്ടുണ്ട്. ടാറ്റ മോട്ടോർസ്, ഹ്യുണ്ടായി, റെനോ, മഹീന്ദ്ര, സ്കോഡ അങ്ങനെ പ്രമുഖ ബ്രാൻഡുകളെല്ലാം അവരവരുടെ മോഡലുകളുടെ പുതിയ വില പ്രസിദ്ധീകരിച്ച് കഴിഞ്ഞു. ഇപ്പോഴിതാ നിസാനും മാഗ്നൈറ്റിന്റെ പുതിയ വില എത്രയാണെന്ന് വെളിപ്പെടുത്തിയിരിക്കുകയാണ്.

ഇന്ത്യയില്‍ ഇലക്ട്രിക് ഇരുചക്ര വാഹന വിഭാഗത്തില്‍ പരമ്പരാഗത കമ്പനികള്‍ക്കൊപ്പം നിരവധി നവാഗതരുമുണ്ട്. ഇലക്ട്രിക് വാഹനങ്ങള്‍ക്കുള്ള സ്പെയര്‍ പാര്‍ട്‌സ് നിര്‍മ്മിക്കുന്ന കമ്പനിയായ ന്യൂമറസ് മോട്ടോര്‍സ് ന്യൂ ഏജ് ഇലക്ട്രിക് ടൂവീലറുകളും പുറത്തിറക്കുന്നുണ്ട്. ഈ വര്‍ഷം കമ്പനി പുറത്തിറക്കിയ മള്‍ട്ടി പര്‍പ്പസ് ഇലക്ട്രിക് സ്‌കൂട്ടര്‍ ആയിരുന്നു ന്യൂമറസ് ഡിപ്ലോസ്. ഇപ്പോള്‍ ഈ ഇലക്ട്രിക് സ്‌കൂട്ടറിന്റെ അപ്ഗ്രേഡഡ് പതിപ്പ് വിപണിയില്‍ എത്തിച്ചിരിക്കുകയാണ് ന്യൂമറസ് മോട്ടോര്‍സ്. ഡിപ്ലോസ് മാക്‌സ് സ്‌കൂട്ടറിന്റെ നവീകരിച്ച പതിപ്പിന് ന്യൂമറസ് മോട്ടോര്‍സ് 'ഡിപ്ലോസ് മാക്സ്+' എന്നാണ് പേരിട്ടിരിക്കുന്നത്. അതിന്റെ വിശദാംശങ്ങള്‍ ഈ ലേഖനത്തില്‍ വായിക്കാം.