കോമ്പസിന് ശേഷം ഇന്ത്യയിൽ ജീപ്പിന് കൂടുതൽ കച്ചോടം പിടിച്ചുകൊടുക്കുന്ന മോഡലാണ് മെറിഡിയൻ. 7-സീറ്റർ അല്ലെങ്കിൽ 5-സീറ്റർ പതിപ്പിൽ വാങ്ങാനാവുന്ന എസ്‌യുവി മത്സരിക്കുന്നതാവട്ടെ ടൊയോട്ട ഫോർച്യൂണർ, എംജി ഗ്ലോസ്റ്റർ, സ്കോഡ കൊഡിയാക് തുടങ്ങിയ വമ്പൻമാരോടാണ്. ഇന്ത്യയിൽ മെറിഡിയൻ എന്ന പേര് സ്വീകരിച്ചപ്പോൾ ബ്രസീൽ പോലുള്ള ആഗോള വിപണികളിൽ കമാൻഡർ എന്ന പേരാണ് വാഹനം സ്വീകരിച്ചിരുന്നത്. ഇപ്പോഴിതാ കാനറിപ്പടയുടെ നാട്ടിൽ കമാൻഡറിന്റെ പുത്തൻ മോഡൽ അവതരിപ്പിച്ച് വാർത്തകളിൽ ഇടംനേടിയിരിക്കുകയാണ് അമേരിക്കൻ സ്പോർട് യൂട്ടിലിറ്റി വാഹന നിർമാതാക്കളായ ജീപ്പ്.

സമൂഹമാധ്യമങ്ങളിൽ ഇപ്പോൾ ഇൻഫ്ലുവൻസർമാരുടെ തിക്കും തിരക്കുമാണ്. എങ്ങനെയെങ്കിലും പ്രശസ്തി പിടിച്ചു പറ്റാൻ വേണ്ടി വീഡിയോകൾ ചെയ്യുന്നവരാണ് പലരും. എന്നാൽ അതിൽ നിന്ന് എല്ലാം വ്യത്യസ്തമായി ഒരു നാടകീയതയുമില്ലാതെ വളരെ തന്മയത്വത്തോടെ വീഡിയോ ചെയ്യുന്നവരാണ് ക്രേസികപ്പിൾസ്4എവർ എന്ന ദമ്പതികൾ. ബാങ്ക് ഉദ്യോഗസ്ഥനായ വിഘ്നേഷും ഡോക്ടറായ അശ്വതിയും തങ്ങളുടെ ജോലി തിരക്കുകൾക്കിടയിലും തങ്ങളെ സ്നേഹിക്കുന്ന പ്രേക്ഷകർക്ക് വേണ്ടി മികച്ച രീതിയിൽ തന്നെ വീഡിയോകളും പുതിയ പുതിയ കാര്യങ്ങൾ പങ്കുവയ്ക്കുന്നവരിൽ മുന്നിൽ തന്നെയുണ്ട്. ഇപ്പോൾ തങ്ങളുടെ യാത്രയ്ക്ക് വേണ്ടി മഹീന്ദ്രയുടെ പ്രീമിയം 7 സീറ്റർ മോഡൽ സ്വന്തമാക്കിരിക്കുകയാണ് ജനപ്രിയ ദമ്പതികൾ.

വാഹനങ്ങളിൽ മോഡിഫിക്കേഷൻ നടത്തുന്നത് ഇപ്പോൾ സർവ്വസാധാരണമാണ്. ചിലർ വാഹനത്തിൽ രൂപമാറ്റം വരുത്തുന്നുണ്ടെങ്കിൽ മറ്റ് ചിലർ വാഹനത്തിൻ്റെ ടയറുകളേയും അലോയ് വീലുകളേയുമാണ് ലക്ഷ്യം വച്ചിരിക്കുന്നത്. വാഹനത്തിൻ്റെ സ്റ്റോക്ക് ടറുകൾ മാറ്റി വലിപ്പമുള്ള ടയറുകൾ ഘടിപ്പിക്കുന്നത് പ്രോത്സാഹിപ്പിക്കുന്ന കാര്യമല്ല എങ്കിലും പലരും തങ്ങളുടെ താൽപ്പര്യത്തിന് അനുസരിച്ച് കമ്പനി നിഷ്കർശിക്കുന്നതിനേക്കാൾ വലിപ്പമുള്ള ടയറുകൾ വാഹനത്തിൽ ഇടാറുണ്ട്. മാരുതി സുസുക്കിയുടെ എൻട്രി ലെവൽ മോഡലായ ആൾട്ടോയിൽ ഒരു ട്രാക്ടറിൻ്റെ ടയറുകൾ ഘടിപ്പിച്ചാൽ എങ്ങനെയിരിക്കുമെന്ന് എപ്പോഴെങ്കിലും ചിന്തിച്ചിട്ടുണ്ടോ. യുപിയിലുളള ഒരു വ്യക്തിയാണ് തൻ്റെ ആൾട്ടോ കാറിൽ ട്രാക്ടറിൻ്റെ ടയറുകൾ ഇട്ടത്.

രാജ്യത്ത് ഇപ്പോൾ എഥനോൾ ഇന്ധന വിഷയം കത്തി നിൽക്കുകയാണല്ലോ. സോഷ്യൽ മീഡിയയിലൂടെ എഥനോളിനെതിരെ നിരവധി പ്രക്ഷോഭങ്ങളും നെഗറ്റീവ് പബ്ലിസിറ്റികളും പരക്കുന്നുണ്ട്. എന്നാൽ എന്താണ് ഇതിൻ്റെ സത്യാവസ്ഥ. ശരിക്കും വാഹനങ്ങളിൽ എഥനോൾ നിറച്ചാൽ വാനത്തിന് ദോഷമാണോ. റെനോ വാഹനയുടമകൾക്കായി ബ്രാൻഡ് ഒരു സന്തോഷ വാർത്ത അറിയിച്ചിരിക്കുകയാണ്. അത് എന്താണെന്ന് അല്ലേ. നിങ്ങൾ റെനോ വാഹനം ഉപയോഗിക്കുന്നെങ്കിൽ നിങ്ങൾക്ക് എഥനോൾ ഇന്ധനം നിങ്ങളുടെ വാഹനത്തിൽ നിറയ്ക്കുന്നതിന് ഒരു തടസവുമില്ലെന്നും വാഹനത്തിന് തകരാർ സംഭവിക്കില്ല എന്നുമാണ് ബ്രാൻഡ് അറിയിച്ചിരിക്കുന്നത്. ഇന്ത്യൻ ഓയിൽ കോർപ്പറേഷനും ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യയും കൂടി ചേർന്ന് നടത്തിയ പരിശോധനയിലാണ് റിപ്പോർട്ട് പുറത്ത് വന്നിരിക്കുന്നത്.

ഇന്ത്യയിലെ മുന്‍നിര ഇരുചക്ര വാഹന നിര്‍മാതാക്കളായ ടിവിഎസ് മോട്ടോര്‍ ഈ ഉത്സവ സീസണില്‍ വില്‍പ്പന ഉയര്‍ത്താനായി തുടരെ പുത്തന്‍ ഉല്‍പ്പന്നങ്ങള്‍ വിപണിയില്‍ എത്തിക്കുന്ന തിരക്കിലാണ്. ഒന്നിലേറെ അപ്പാച്ചെ മോഡലുകളുടെ അപ്ഡേറ്റഡ് പതിപ്പുകളും ചില സ്പെഷ്യല്‍ എഡിഷനുകള്‍ക്കും ശേഷം ഇക്കഴിഞ്ഞ ദിവസമാണ് തമിഴ്നാട് ആസ്ഥാനമായി പ്രവര്‍ത്തിക്കുന്ന കമ്പനി പുതിയ എന്‍ട്രി ലെവല്‍ ഇലക്ട്രിക് സ്‌കൂട്ടര്‍ ആയ ഓര്‍ബിറ്റര്‍ പുറത്തിറക്കിയത്. 1 ലക്ഷം രൂപയില്‍ താഴെ വിലയില്‍ വിപണിയില്‍ എത്തിയിരിക്കുന്ന ടിവിഎസ് ഓര്‍ബിറ്റര്‍ ഇലക്ട്രിക് ടൂവീലര്‍ വിഭാഗത്തില്‍ ഓളങ്ങള്‍ സൃഷ്ടിക്കുന്നതിനിടെ സ്പോര്‍ട്ടിയര്‍ സ്‌കൂട്ടര്‍ വിഭാഗം പിടിച്ചെടുക്കാനായി ഒരു പുത്തന്‍ പോരാളിയെ ഇറക്കി വിടുകയാണ് കമ്പനി.

ഇന്ത്യയിൽ കിട്ടാവുന്ന ഏറ്റവും വലിയ ആഡംബര കാറുകളും ബൈക്കുകളുമെല്ലാം വാങ്ങിക്കൂട്ടുന്ന തിരക്കിലാണ് മലയാളിയും സോഫ്റ്റ്‌വെയർ കമ്പനിയായ ലിറ്റ്മസ് 7 സിസ്റ്റം കൺസൽട്ടിംഗ് പ്രൈവറ്റ് ലിമിറ്റഡിന്റെ മുതലാളിയുമായ വേണു ഗോപാലകൃഷ്‌ണൻ. ചുരുങ്ങിയ കാലംകൊണ്ട് കേരളത്തിലെ ഓരോ വ്യക്തികൾക്കും ഈ പേര് സുപരിചിതമാവാനും കാരണം ഇദ്ദേഹത്തിന്റെ വണ്ടിഭ്രാന്ത് തന്നെയാണ്. ലംബോർഗിനി ഉറൂസിനായി 45.99 ലക്ഷം രൂപ വാരിയെറിഞ്ഞ് ഫാൻസി നമ്പർ സ്വന്തമാക്കിയത് മുതലാണ് വേണുവിനെ പലരും ശ്രദ്ധിക്കാൻ തുടങ്ങുന്നത്. അവിടുന്ന റോൾസ് റോയ്‌സ്, മെർസിഡീസ് ബെൻസ് ജി-വാഗൺ പോലുള്ള അത്യാഡംബര കാറുകളും പോർച്ചിലെത്തിച്ച് ഇദ്ദേഹം പ്രസിദ്ധനായി.

ഇന്ത്യന്‍ ക്രിക്കറ്റ് ടീമിന്റെ എക്കാലത്തെയും മികച്ച ക്യാപ്റ്റന്‍മാരില്‍ ഒരാളാണ് എംഎസ് ധോണി. ക്രിക്കറ്റ് കഴിഞ്ഞാല്‍ ധോണിക്ക് കമ്പം വാഹനങ്ങള്‍ ആണ്. മോട്ടോര്‍ സൈക്കിളുകളോട് ധോണിക്ക് എപ്പോഴും പ്രത്യേക താല്‍പ്പര്യമുണ്ട്. തന്റെ ഉടമസ്ഥതയിലുള്ള നൂറുകണക്കിന് ഇരുചക്ര വാഹനങ്ങള്‍ പാര്‍ക്ക് ചെയ്യാന്‍ വേണ്ടി മാത്രമായി അദ്ദേഹം വീട്ടില്‍ ഒരു വലിയ ഗരാജ് പണിതിട്ടുണ്ട്. മോട്ടോര്‍ സൈക്കിളുകളെപ്പോലെ തന്നെ ധോണിയുടെ പക്കല്‍ ചില സവിശേഷ കാറുകളുമുണ്ട്. അവയില്‍ ഏറ്റവും പ്രധാനപ്പെട്ടത് ഹമ്മര്‍ H2 ആണ്. കാരണം ഈ ഹമ്മര്‍ വാഹനം ഇന്ത്യയില്‍ വില്‍പ്പനയ്ക്ക് ലഭ്യമല്ല. വിദേശത്ത് നിന്ന് ഈ വാഹനം ഇറക്കുമതി ചെയ്താണ് നമ്മുടെ രാജ്യത്തെത്തിക്കുന്നത്.

ബാച്ചിലർ പാർട്ടിയെന്ന അമൽ നീരദ് ചിത്രത്തിലൂടെ മിക്കവർക്കും സുപരിചിതമായ വാഹനമായിരിക്കും ടാറ്റ വിംഗർ. ഫ്രണ്ട്‌സും ഫാമിലിയുമെല്ലാമായി അടിച്ചുപൊളിച്ച് ട്രിപ്പ് പോവാൻ പലരും വാങ്ങണമെന്ന് മനസിൽ കോറിയിട്ടിരിക്കുന്ന വണ്ടികൂടിയാണിത്. യാത്രാ, ടൂറിസം മേഖലയ്ക്കും വേണ്ടി ടാറ്റ മോട്ടോർസിന്റെ വാണിജ്യ വാഹന വിഭാഗം പ്രത്യേകം രൂപകൽപ്പന ചെയ്‌തിരിക്കുന്ന 9 സീറ്റർ വാനിന്റെ പുത്തൻ മോഡൽ വിപണിയിൽ അവതരിപ്പിച്ചിരിക്കുകയാണ് കമ്പനി. 20.60 ലക്ഷം രൂപ എക്‌സ്‌ഷോറൂം വിലയിലാണ് വിംഗർ പ്ലസ് എന്നുപേരിട്ടിരിക്കുന്ന മോഡൽ പുറത്തിറക്കിയിരിക്കുന്നത്. പഴയ പതിപ്പിനെ അപേക്ഷിച്ച് ധാരാളം പുതുകളോടെയാണ് ആശാൻ രംഗത്തെത്തിയിരിക്കുന്നത്.

ഇലക്ട്രിക് വാഹന വിപണിയിലെ വലിയൊരു വില്ലൻ പരിവേഷവുമായി എത്തുകയായിരുന്നു ചൈന. സംഭവം എന്താണെന്ന് വച്ചാൽ ഇലക്ട്രിക് വാഹനങ്ങളുടെ നിർമാണത്തിന് ആവശ്യമായ റെയർ എർത്ത് മാഗ്നറ്റ് ചൈനയിൽ നിന്നായിരുന്നു എത്തിയിരുന്നത്. എന്നാൽ ചൈന അതിൻ്റെ നിർമാണം നിർത്തിയതോടെ എല്ലാ വാഹനം വിപണിയും, പ്രത്യേകിച്ച് ഇന്ത്യയിലെ ഇവി ബ്രാൻഡുകൾക്കെല്ലാം പണി കിട്ടി. അതിൽ തന്നെ ബജാജിന് തങ്ങളുടെ വാഹനങ്ങളുടെ നിർമാണം പോലും നിർത്തി വയ്ക്കേണ്ട അവസ്ഥയിലെത്തിയിരുന്നു. മാസങ്ങളായി നിർത്തിവച്ച ചേതക് ഇവിയുടെ നിർമാണം വീണ്ടും ബ്രാൻഡ് പുനരാരംഭിച്ചിരിക്കുകയാണ്. ഇനി ബജാജ് ചേതക് ഇവി ബുക്ക് ചെയ്ത് കാത്തിരിക്കുന്നവരെ മുഷിപ്പിക്കാതെ എത്രയും പെട്ടെന്ന് തന്നെ ഡെലിവറി നടത്തുമെന്നാണ് അറിയിച്ചിരിക്കുന്നത്.

ഇന്ത്യന്‍ ഇലക്ട്രിക് വാഹന വിപണിയില്‍ സമീപകാലത്ത് തരംഗം സൃഷ്ടിച്ച മോഡലുകളില്‍ ഒന്നാണ് മഹീന്ദ്ര BE 6. ഐസിഇ വാഹനങ്ങള്‍ വൈദ്യുതീകരിക്കുന്നതിന് പകരം ഇലക്ട്രിക് മോഡലായി പിറവികൊണ്ട ഈ മോഡല്‍ ബുക്കിംഗ് തുടങ്ങിയ അന്ന് മുതല്‍ തലക്കെട്ടുകള്‍ സൃഷ്ടിച്ചിരുന്നു. സെലിബ്രിറ്റികളും സമ്പന്നരുമായ നിരവധി പേര്‍ ഇതിനോടകം ഈ കാര്‍ സ്വന്തമാക്കി. ഇപ്പോള്‍ മഹീന്ദ്ര BE6 ഉടമകളായ സെലിബ്രിറ്റികളുടെ പട്ടികയിലേക്കുള്ള ഏറ്റവും പുതിയ എന്‍ട്രിയാണ് മ്യൂസിക് സെന്‍സേഷന്‍ ആയ അനിരുദ്ധ് രവിചന്ദര്‍. രാജ്യത്തെ ഏറ്റവും വിലപിടിപ്പുള്ള സംഗീത സംവിധായകരില്‍ ഒരാളായ അനിരുദ്ധ് പുത്തന്‍ ഇലക്ട്രിക് എസ്‌യുവിയില്‍ പൊതുമധ്യത്തില്‍ പ്രത്യക്ഷപ്പെട്ട വീഡിയോ സോഷ്യല്‍ മീഡിയയില്‍ വൈറലായി.

ഹാച്ച്ബാക്കുകളുടെ തമ്പുരാക്കൻമാരായി ഇന്നും അറിയപ്പെടുന്നവരാണ് മാരുതി സുസുക്കി. സാധാരണക്കാർക്ക് വേണ്ടി നിലകൊണ്ട് കുറഞ്ഞ വിലയുള്ള കാറുകൾ മാത്രം പുറത്തിറക്കിയിരുന്ന കമ്പനി ഇപ്പോൾ പ്രീമിയം മോഡലുകളിലും ശ്രദ്ധകേന്ദ്രീകരിക്കാൻ തുടങ്ങിയിട്ടുണ്ട്. വിപണിയിലെ ട്രെൻഡ് എസ്‌യുവികളിലേക്ക് മാറിയപ്പോൾ അതിനനുസരിച്ച് തങ്ങളുടെ വാഹന നിര വിപുലീകരിക്കുന്നതിലും മാരുതി പ്രത്യേകം ശ്രദ്ധകൊടുത്തു. ഫ്രോങ്ക്‌സ്, ബ്രെസ, ഗ്രാൻഡ് വിറ്റാര, ജിംനി തുടങ്ങിയ അഞ്ചോളം സ്പോർട് യൂട്ടിലിറ്റി വാഹനങ്ങളാണ് ബ്രാൻഡ് ഇപ്പോൾ വിപണിയിലെത്തിക്കുന്നത്. തങ്ങളുടെ ആയുധ ശേഖരത്തിലേക്ക് പുതിയൊരു മോഡലിനെ കൂടി ഉൾപ്പെടുത്താനുള്ള എല്ലാ ഒരുക്കങ്ങളും പൂർത്തിയാക്കിയിരിക്കുകയാണ് മാരുതി സുസുക്കി ഇപ്പോൾ.

പുതിയ വാഹനം വാങ്ങാൻ ആഗ്രഹിക്കുന്നവർ ആദ്യം തന്നെ പ്രാധാന്യം കൊടുക്കുന്നത് സുരക്ഷയ്ക്കാണ്. ഫൈവ് സ്റ്റാർ റേറ്റിങ്ങ് കൂടി ഉണ്ടെങ്കിൽ മറ്റൊന്നും ചിന്തിക്കാതെ വാഹനം എങ്ങനെയെങ്കിലും സ്വന്തമാക്കാനാണ് അവർ തീരുമാനിക്കുന്നത്. ഉപഭോക്താക്കളുടെ താൽപ്പര്യത്തിന് അനുസരിച്ച് അത് കൊണ്ട് നിർമാതാക്കളും തങ്ങളുടെ വാഹനം കൂടുതൽ സുരക്ഷിതമാക്കാനാണ് ശ്രമിക്കുന്നത്. എന്നാൽ സേഫ്റ്റി കൂടുന്തോറും വാഹനത്തിൻ്റെ വില കൂടുമോ എന്ന് പലർക്കും ആശങ്കയുണ്ട്. നിങ്ങളുടെ ബജറ്റിൽ കൂടുതൽ വിലയായാൽ സ്വന്തമാക്കാൻ സാധിക്കില്ല എന്നുള്ള സങ്കടങ്ങൾ ഇനി വേണ്ട. 10 ലക്ഷം രൂപ ബജറ്റിൽ നിങ്ങൾക്ക് ഫൈവ് സ്റ്റാർ റേറ്റിങ്ങുളള വാഹനം സ്വന്തമാക്കാൻ സാധിക്കുമെന്ന് പറഞ്ഞാൽ വിശ്വസിക്കുമോ.

ഉത്സവ സീസണില്‍ വാഹനം വാങ്ങുന്നവര്‍ക്ക് വമ്പന്‍ കിഴിവുകളും ആകര്‍ഷകമായ സമ്മാനങ്ങളും വാഗ്ദാനം ചെയ്യാറുണ്ട്. വണ്ടിക്കമ്പനികളുടെ ഓഫറുകള്‍ക്ക് പുറമെ ഡീലര്‍ഷിപ്പുകളും വില്‍പ്പന ഉയര്‍ത്താനായി ഓഫറുകള്‍ പ്രഖ്യാപിക്കുന്നു. പൊതുവേ ലക്ഷങ്ങളുടെ ഓഫറുകളാണ് കാര്‍ വാങ്ങുമ്പോള്‍ കമ്പനികള്‍ പ്രഖ്യാപിക്കാറുള്ളത്. ചിലര്‍ ഉത്സവ സീസണില്‍ മൊത്തത്തിലായി നറുക്കെടുപ്പ് നടത്തി ബമ്പര്‍ സമ്മാനമായി ബൈക്കുകളും സ്‌കൂട്ടറുകളും നല്‍കുന്നതും നാം കാണാറുണ്ട്. എന്നാല്‍ ഇപ്പോള്‍ ടൊയോട്ട ടൈസര്‍ കാര്‍ വാങ്ങുന്നവര്‍ക്ക് റോയല്‍ എന്‍ഫീല്‍ഡ് ഹണ്ടര്‍ സമ്മാനമായി നല്‍കുകയാണ് ഒരു ഡീലര്‍ഷിപ്പ്. അത് എവിടെയാണെന്നും മറ്റ് വിശദാംശങ്ങളും നമുക്ക് നോക്കാം.

Renault Kiger facelift launched in India with updated design, features, and competitive pricing. Explore the new Kiger's specifications and driving experience. | പുതിയ രൂപകൽപ്പനയും ഫീച്ചറുകളുമായി റെനോ കെയ്ഗർ ഫെയ്‌സ്‌ലിഫ്റ്റ് ഇന്ത്യൻ വിപണിയിൽ പുറത്തിറങ്ങി. പുതിയ കെയ്‌ഗറിൻ്റെ സവിശേഷതകളും ഡ്രൈവിംഗ് അനുഭവവും അറിയുക.

രാജ്യത്തെ ചെറുകാർ വിഭാഗത്തിൽ മൈലേജ് വിപ്ലവം തീർത്ത മോഡലാണ് മാരുതി സുസുക്കി സെലേറിയോ. വാഗൺആർ വാങ്ങുന്ന അതേവിലയിൽ എന്തിനാണ് പുത്തനൊരു മോഡൽ എന്ന് പലരും അന്ന് ചോദിച്ചിരുന്നുവെങ്കിലും പിന്നീട് ആളുകൾ ചോദിച്ച് വാങ്ങുന്ന ഹാച്ച്ബാക്കായി സെലേറിയോ വളർന്നത് വളരെ പെട്ടന്നായിരുന്നു. ടോൾബോയ് രൂപവും നല്ല ഇന്റീരിയർ സ്പേസും 1.0 ലിറ്റർ പെട്രോൾ എഞ്ചിനുമെല്ലാമായി എത്തിയ വാഹനം നല്ലൊരു ഫാമിലി കാറായാണ് വിജയം കൊയ്‌തത്. ഒരു കാലത്ത് മാരുതി സുസുക്കിയുടെ ഏറ്റവും ജനപ്രിയമായ കാറുകളിൽ ഒന്നായിരുന്നു ഇതെങ്കിലും ഇന്ന് അത്രയ്ക്ക് വിൽപ്പനയൊന്നും നേടാനാവുന്നില്ലെന്നതാണ് സത്യം.

ഇലക്ട്രിക് സ്‌കൂട്ടർ (Electric Scooter) വിപണിയിലെ മത്സരം കനക്കുമ്പോൾ പണ്ടുണ്ടായിരുന്ന സ്റ്റാർട്ടപ്പ് ബ്രാൻഡുകളെല്ലാം രാജ്യത്തെ പ്രമുഖർക്ക് മുന്നിൽ അടിപതറുകയായിരുന്നു. നേരത്തെ ഇവി വിപണിയിൽ ഓലയും ഏഥറുമായിരുന്നു രാജാക്കൻമാരായി വിലസിയിരുന്നതെങ്കിൽ ഇന്ന് ബജാജും ടിവിഎസും ഹീറോയുമെല്ലാം ആസ്ഥാനം ഏറ്റെടുത്തു. സ്റ്റാർട്ടപ്പുകളെ ഒതുക്കി ആളാവാൻ ഹോണ്ടയും എത്തിയെങ്കിലും ഇതുവരെ ശോഭിക്കാനായില്ല. എന്നാൽ വിപണിയിലെ വമ്പൻമാരായ സുസുക്കിയും വൈദ്യുത വാഹന രംഗത്തേക്ക് കടന്നുവരികയാണ്. 2025 ഓട്ടോ എക്സ്പോയിൽ അവതരിപ്പിച്ച ഇ-ആക്‌സസുമായി (Suzuki e-Access) കമ്പനി എന്ന് വിപണിയിൽ എത്തുമെന്ന് ആരാധകർ നിരന്തരം ചോദിച്ചുകൊണ്ടിരിക്കുകയായിരുന്നു.

ടെക്നോളജിയുടെ അതിപ്രസരം കൊണ്ട് പുതിയതായി അവതരിപ്പിക്കുന്ന വാഹനങ്ങളിൽ ഒരുപാട് ഫീച്ചറുകൾ നൽകുന്നുണ്ട്. അതിൽ തന്നെ പലതും ഉപയോഗിക്കുന്നില്ല എന്നതാണ് സത്യം. പലരും ഷോറൂമിൽ ചെല്ലുമ്പോൾ ചോദിക്കുന്ന ഫീച്ചറാണ് സൺറൂഫ്. എന്നാൽ കേരളത്തിലെ കാലാവസ്ഥയ്ക്ക് വലിയ കാര്യമായി അനുയോജ്യമായ ഒന്നല്ല ഇത്. വാഹനത്തിൻ്റെ ആഡംബരത്തിനൊരു ഫീച്ചർ എന്നുളളത് മാത്രമാണ് ഇത്. സൺറൂഫുളള വാഹനം വാങ്ങുന്നതിൽ തെറ്റില്ല, എന്നാൽ അത് മികച്ച രീതിയിൽ പരിപാലിക്കാൻ കഴിയുന്നതിലാണ് കാര്യം. സൺറൂഫൂളള വാഹനങ്ങൾ എങ്ങനെ പരിപാലിക്കണമെന്ന് വിശദമായി അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിൽ ഇലക്ട്രിക് വാഹനങ്ങളുടെ ഡിമാൻ്റ് ദിനംപ്രതി വർധിച്ചുകൊണ്ടിരിക്കുകയാണെന്ന് എല്ലാവർക്കും അറിയാവുന്ന കാര്യമാണല്ലോ. എന്നാൽ ഇതു വരെ എത്ര വാഹനങ്ങൾ വിറ്റു പോയെന്ന് എപ്പോഴെങ്കിലും ചിന്തിച്ചിട്ടുണ്ടോ. എന്നാൽ സർക്കാരിൻ്റെ പക്കലുള്ള കണക്കുകളിൽ നിന്ന് വ്യക്തമാകുന്നത് ഫെബ്രുവരി മാസം വരെ 57 ലക്ഷം യൂണിറ്റുകളാണ് ഇന്ത്യയിൽ ഇതുവരെ വിറ്റു പോയ ഇലക്ട്രിക് വാഹനങ്ങളുടെ കണക്ക്. മലിനീകരണം കുറയ്ക്കാനും ഇലക്ട്രിക് വാഹനങ്ങളുടെ വിൽപ്പനയെ കൂട്ടാനും സർക്കാരിന് ഇതുവഴി സാധിച്ചു എന്നതിൻ്റെ തെളിവായി ഇതിനെ കാണാം. 2025 സാമ്പത്തിക വർഷത്തിൽ, ഇലക്ട്രിക് ഇരുചക്ര വാഹന വിൽപ്പന 11.49 ലക്ഷം യൂണിറ്റിലെത്തിയിരുന്നു. കഴിഞ്ഞ വർഷത്തേക്കാൾ 21 ശതമാനം വർധനവാണ് ഉണ്ടായത്.

ആഡംബര കാര്‍ ബ്രാന്‍ഡായ ബിഎംഡബ്ല്യു തങ്ങളുടെ ജനപ്രിയ X5 എസ്‌യുവിയുടെ പുതിയ വേരിയന്റായ X5 M സ്‌പോര്‍ട് പ്രോ ഇന്ത്യന്‍ വിപണിയിലെത്തിച്ചു. പെട്രോള്‍, ഡീസല്‍ എഞ്ചിന്‍ ഓപ്ഷനുകളില്‍ ഈ മോഡല്‍ ലഭ്യമാണ്. പെട്രോള്‍ വേരിയന്റായ X5 xDrive 40i M സ്‌പോര്‍ട് പ്രോ വേരിയന്റിന് 1.13 കോടി രൂപയാണ് വില. അതേസമയം ഡീസല്‍ വേരിയന്റ് ആയ X5 xDrive 30d M സ്‌പോര്‍ട് പ്രോയ്ക്ക് 1.15 കോടി രൂപയാണ് വില. എക്‌സ്-ഷോറൂം വിലകളാണ് ഇത്. പുതിയ M സ്പോര്‍ട് പ്രോ വേരിയന്റിനെ സ്റ്റാന്‍ഡേര്‍ഡ് X5-നേക്കാള്‍ കൂടുതല്‍ സ്‌റ്റൈലിഷും ആകര്‍ഷകവുമാക്കിയിട്ടുണ്ട് ബാവേറിയന്‍ ബ്രാന്‍ഡ്.

ജീവിതത്തിൽ ഡ്രൈവിങ്ങ് പഠിച്ചിരിക്കേണ്ടത് വളരെ അത്യാവശമാണ്. വാഹനം സ്വന്തമായിട്ടില്ലാത്ത ഞാൻ എന്തിനാണ് ഡ്രൈവിങ്ങ് പഠിക്കുന്നതെന്ന് പലരും ചോദിക്കാറുണ്ട്. എന്നാൽ എപ്പോഴാണ് ഡ്രൈവിങ്ങിൻ്റെ ആവശ്യം വരിക എന്ന് ആർക്കും പറയാൻ സാധിക്കില്ല, ചിലപ്പോൾ അതൊരു തൊഴിലായി പോലും നിങ്ങൾക്ക് ഗുണമുണ്ടായേക്കാം. പലർക്കും ഡ്രൈവിങ്ങ് എന്ന് കേൾക്കുമ്പോൾ പേടിയാണ്. പ്രത്യേകിച്ച് പ്രായമായതിന് ശേഷം ഡ്രൈവിങ്ങ് പഠിക്കേണ്ടി വരുമ്പോൾ. അത്തരക്കാർക്കൊരു പ്രചോദനവും പ്രോത്സാഹനവുമാണ് കൊച്ചി തോപ്പുംപടി സ്വദേശിനി രാധാമണി അമ്മ. ഈ വളയിട്ട കൈ കൊണ്ട് ഇതു വരെ മെരുക്കാത്ത വാഹനങ്ങളില്ല എന്ന് തന്നെ പറയാം. ബൈക്ക് മുതൽ ക്രെയിനും ജെസിബിയും വരെ ഈ അമ്മയുട കൈയിൽ മെരുങ്ങി നിൽക്കും.

ഇന്ത്യൻ വിപണിയിൽ ഫോക്‌സ്‌വാഗൺ മോഡലുകൾക്ക് വലിയ സ്വീകാര്യതയാണ് എപ്പോഴുമുള്ളത്. ഒന്നാന്തരം നിർമാണ നിലവാരം, സേഫ്റ്റി, കാലത്തിനൊത്ത ഫീച്ചറുകൾ, കിടിലൻ എഞ്ചിൻ ഓപ്ഷനുകൾ എന്നിവയെല്ലാമാണ് ഈ ജർമൻ കാറുകളുടെ പ്രധാന ഹൈലൈറ്റുകൾ. പോളോ, വെന്റോ പോലുള്ള മോഡലുകളാണ് ഫോക്‌സിക്ക് രാജ്യത്ത് വേരോട്ടമുണ്ടാക്കുന്നതിൽ പ്രധാന പങ്കുവഹിച്ചിരുന്നത്. പ്രത്യേകിച്ച് പോളോ ഇവിടെ വൻ വിജയമായിരുന്നു. 2022-ൽ ഇത് നിർത്തലാക്കിയെങ്കിലും ഇന്നും നമ്മുടെ റോഡുകളിലെ നിറ സാന്നിധ്യമാണ് ഈ പ്രീമിയം ഹാച്ച്ബാക്ക്. നന്നായി മെയിന്റനെൻസ് ചെയ്‌ത് കൊണ്ടുനടക്കുന്ന ഇഷ്ടം പോലെ ഉടമകളും നമുക്കിടയിലുണ്ട്.

ഇലക്ട്രിക് ഇരുചക്ര വാഹന വിപണിയില്‍ ഐക്യൂബിനൊപ്പം പടവെട്ടാനായി ടിവിഎസ് ഇന്ന് പുത്തന്‍ ഒരു പോരാളിയെ കളത്തില്‍ ഇറക്കിയിരിക്കുകയാണ്. ടിവിഎസ് ഓര്‍ബിറ്റര്‍ എന്ന് പേരിട്ടിരിക്കുന്ന പുത്തന്‍ ഇവി ഐക്യൂബ് ഇലക്ട്രിക് സ്‌കൂട്ടറിന്റെ കൂടുതല്‍ പ്രായോഗികവും സ്‌പേഷ്യസുമായ ഒരു ബദലായി സ്ഥാനം പിടിച്ചിരിക്കുന്നു. നിലവില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന ഫാമിലി ഇലക്ട്രിക് സ്‌കൂട്ടറുകളില്‍ ഒന്നായ ഏഥര്‍ റിസ്തയുമായാണ് ഇത് ഏറ്റുമുട്ടുന്നത്. ഈ ഉത്സവ സീസണില്‍ നിങ്ങള്‍ ഒരു പുതിയ അത്യാവശ്യം നല്ല സ്‌പെയ്‌സുള്ള ഇലക്ട്രിക് സ്‌കൂട്ടര്‍ വാങ്ങാന്‍ പദ്ധതിയിടുകയാണെങ്കില്‍ പുതുതായി പുറത്തിറക്കിയ ടിവിഎസ് ഓര്‍ബിറ്ററും ഏഥര്‍ റിസ്തയും നിങ്ങളുടെ മുന്നിലെത്തും.

ക്രിക്കറ്റ് എന്ന് പറയുമ്പോഴേ നമ്മുടെയെല്ലാം മനസിലേക്ക് ആദ്യം വരുന്നത് ബാറ്റോ ബോളോ മൈതാനമോ ഒന്നുമായിരിക്കില്ലല്ലോ. മറിച്ച് ക്രിക്കറ്റിന്റെ ദൈവമായി കണക്കാക്കുന്ന സച്ചിൻ തെൻഡുൽക്കറിന്റെ മുഖമായിരിക്കും ഓരോ ക്രിക്കറ്റ് പ്രേമികളുടേയും മനസിൽ ആദ്യം ഓടിയെത്തുക. എൺപതുകളിലും തൊണ്ണൂറുകളിലുമെല്ലാം ജനിച്ചവർക്ക് സച്ചിൻ എന്നാൽ വേറൊരു വികാരമാണ്. വിരമിച്ചിട്ട് ഒരു പതിറ്റാണ്ട് കഴിഞ്ഞുവെങ്കിലും ഇന്നും മാസ്റ്റർ ബ്ലാസ്റ്ററിന്റെ ബാറ്റിൽ നിന്ന് പിറന്ന ഷോട്ടുകൾ ഓരോ ഇന്ത്യക്കാരന്റേയും മനസിൽ മായാതെ കിടപ്പുണ്ട്. 1989-ൽ അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ച താരം 2013-ലാണ് ക്രിക്കറ്റ് മൈതാനത്തോട് വിടപറയുന്നത്.

ഇന്ത്യക്കാരുടെ പ്രിയപ്പെട്ട ഫോറിന്‍ കാര്‍ നിര്‍മാതാക്കളില്‍ ഒന്നാണ് ഫ്രഞ്ചുകാരായ റെനോ. ഡസ്റ്റര്‍ അടക്കം ചില ഐതിഹാസിക മോഡലുകള്‍ സമ്മാനിച്ച റെനോ നിലവില്‍ മൂന്ന് കാറുകളാണ് ഇന്ത്യയില്‍ വില്‍ക്കുന്നത്. അതില്‍ തന്നെ ട്രൈബര്‍ എംപിവിയും കൈഗര്‍ സബ് കോംപാക്ട് എസ്‌യുവിയും അടുത്തിടെ നവീകരിച്ച് വിപണിയിലെത്തി. ഇനി ബാക്കിയുള്ളത് ക്വിഡ് ആണ്. രാജ്യത്ത് ഏറ്റവും കുറഞ്ഞ വിലയില്‍ വില്‍പ്പനക്കെത്തുന്ന കുഞ്ഞന്‍ കാര്‍ ആണ് ക്വിഡ്. ഈ കാറിന്റെ അപ്ഡേറ്റ് ചെയ്ത പതിപ്പ് വരും മാസങ്ങളില്‍ ഇന്ത്യന്‍ വിപണിയിലെത്തുമെന്ന് കാര്‍വാലെ വെബ്സൈറ്റ് റിപ്പോര്‍ട്ട് ചെയ്യുന്നു. പുത്തന്‍ കാറില്‍ നമുക്ക് എന്തൊക്കെ പ്രതീക്ഷിക്കാമെന്ന് ഈ ലേഖനത്തില്‍ വായിക്കാം.

ഉത്സവ കാലം എന്നാൽ വാഹന വിപണിയെ സംബന്ധിച്ച് ചാകരയാണ്. ഉത്സവ കാലങ്ങളിൽ ബ്രാൻഡുകൾ കാൽ ലക്ഷം യൂണിറ്റുകളുടെ വിൽപ്പനയാണ് പ്രതീക്ഷിക്കുന്നത്. ഇപ്പോൾ കേരളത്തിൽ ഓണക്കാലമായത് കൊണ്ട് തന്നെ പുത്തൻ വാഹനം വാങ്ങാൻ എത്തുന്നവരുടെ തിരക്കാണ് ഷോറൂമുകളിൽ. പല ബ്രാൻഡുകളും തങ്ങളുടെ പുത്തൻ മോഡലിനെ ഉത്സവ കാലത്ത് അവതരിപ്പിക്കാൻ വേണ്ടി കാത്തിരിക്കുകയാണ്. അത്തരത്തിൽ ഒരു ബ്രാൻഡാണ് വിയറ്റ്നാം വാഹന നിർമാതാക്കളായ വിൻഫാസ്റ്റ്. ലോഞ്ചിന് മുൻപ് തന്നെ രാജ്യത്ത് വാഹനം അവതരിപ്പിക്കുകയും ബുക്കിങ്ങുകൾ ആരംഭിക്കുകയും ചെയ്തിരുന്നു. ഇപ്പോൾ ബ്രാൻഡ് തങ്ങളുടെ രണ്ട് മോഡലുകളുടേയും ലോഞ്ച് തീയതി ഔദ്യോഗികമായി അറിയിച്ചിരിക്കുകയാണ്.