പുതുപുത്തൻ മോഡലുകൾ ഇന്ത്യൻ വിപണിയിൽ അവതരിപ്പിച്ച് തങ്ങളുടെ സൂപ്പർബൈക്ക് വിപുലീകരിക്കുന്ന തിരക്കിലാണ് നമ്മുടെ സ്വന്തം ഡ്യുക്കാട്ടി. അടുത്തിടെ പാനിഗാലെ V4, സ്ട്രീറ്റ്ഫൈറ്റർ V4, സ്‌ക്രാംബ്ലര്‍ റിസോമ, മൾട്ടിസ്ട്രാഡ തുടങ്ങിയ പ്രീമിയം മോട്ടോർസൈക്കിളുകളുടെ 2025 പതിപ്പുകളെ ആഭ്യന്തര നിരത്തിലെത്തിച്ച ബ്രാൻഡ് ഇപ്പോഴിതാ മൾട്ടിസ്ട്രാഡ V4 പൈക്സ് പീക്ക് വേരിയന്റിന്റെ പുതുപുത്തൻ ആവർത്തനവും ഇന്ത്യയിൽ അവതരിപ്പിച്ചിരിക്കുകയാണ്. 36.16 ലക്ഷം രൂപയുടെ എക്സ്ഷോറൂം വിലയിലാണ് വിപണനത്തിന് എത്തുന്നത്. ഈ ഏറ്റവും പുതിയ പതിപ്പ് E20 ഫ്യുവൽ നിലവാരത്തിലേക്ക് അതിന്റെ എഞ്ചിനും നവീകരിച്ചിട്ടുണ്ടെന്നാണ് ഡ്യുക്കാട്ടി പറയുന്നത്.

2025 നവംബര്‍ മാസം പിറന്നതോടെ ഇന്ത്യന്‍ വണ്ടിക്കമ്പനികളെല്ലാം ഓഫര്‍ പൊങ്കാലയിടുന്ന തിരക്കിലാണ്. എന്തിന് ജപ്പാന്‍ക്കാരായ ടൊയോട്ടയും ഹോണ്ടയും വരെ ഇങ്ങ് ഇന്ത്യയില്‍ വന്ന് മിഠായിക്കണക്കെയാണ് അവരുടെ വാഹനങ്ങള്‍ വിറ്റഴിക്കുന്നത്. എന്നുവെച്ച് ഇന്ത്യക്കാരുടെ കണ്ണിലുണ്ണിയായ ടാറ്റ മോട്ടോര്‍സ് ഉപഭോക്താക്കളോടുള്ള സ്‌നേഹത്തിന് കുറവൊന്നും കാണിക്കില്ല കേട്ടോ. ഇവികളിലെ പോലെ തന്നെ മറ്റ് സെഗ്മെന്റുകളിലും ഇപ്പോള്‍ വമ്പന്‍ ഓഫറുകള്‍ ടാറ്റ നല്‍കുന്നുണ്ട്. മിഡ്-സൈസ് എസ്‌യുവികൾ, പ്രീമിയം ഹാച്ച്ബാക്കുകള്‍, കോംപാക്റ്റ് സെഡാനുകള്‍ എന്നീ വിഭാഗങ്ങളിലാണ് ആനുകൂല്യങ്ങള്‍ ലഭ്യമാകുന്നത്. ആ മോഡലുകള്‍ ഏതെല്ലാമാണെന്നറിയാന്‍ ലേഖനം തുടര്‍ന്ന് വായിക്കാം.

വണ്ടിയോടിക്കാൻ അറിയാവുന്ന മിക്കവരും ഡ്രൈവിംഗ് പഠിച്ചത് മാരുതിയുടെ ഏതെങ്കിലും കാറിലാവും അല്ലേ. ഡ്രൈവിംഗിന്റെ ആദ്യ പാഠങ്ങൾ 800 അല്ലെങ്കിൽ ആൾട്ടോയിലാവും നമ്മളിൽ പലരും അഭ്യസിച്ചിട്ടുണ്ടാവുക. ഒരു കാലത്ത് എൻട്രി ലെവൽ ഹാച്ച്ബാക്ക് സെഗ്മെന്റ് ഭരിച്ചിരുന്ന രാജാവായിരുന്നു മാരുതി ആൾട്ടോ. 800 എന്ന ഇതിഹാസത്തിന് പകരമായി സ്ഥാനംപിടിക്കുമ്പോൾ ആരും സ്വപ്നത്തിൽ പോലും കരുതാതിരുന്ന സ്വീകാര്യതയായിരുന്നു ഈ കുഞ്ഞൻ വണ്ടിക്ക് കിട്ടിയത്. മിക്കവരും ആദ്യ കാറായി വാങ്ങിയിട്ടുള്ളതും ആൾട്ടോയാവും അല്ലേ. അങ്ങനെയാണ് ലോർഡ് ആൾട്ടോയെന്ന ചെല്ലപ്പേരും മാരുതിയുടെ ചെറുകാറിന് ലഭിച്ചത്.

ദീപാവലി കഴിഞ്ഞെങ്കിലും ഇന്ത്യയിലെ പല കമ്പനികളും 2025 നവംബറിലും കിടിലന്‍ ഓഫറുകളുമായി ഉപഭോക്താക്കളെ മാടിവിളിക്കുകയാണ്. അതില്‍ സ്വദേശി, വിദേശി ബ്രാന്‍ഡുകള്‍ എല്ലാം തന്നെയുണ്ട്. ഇന്ത്യക്കാരുടെ പ്രിയപ്പെട്ട ഫേറിന്‍ ബ്രാന്‍ഡുകളില്‍ ഒന്നാണ് റെനോ. സാധാരണക്കാര്‍ക്ക് പറ്റിയ ലോകോത്തര കാറുകള്‍ വിപണിയില്‍ എത്തിക്കുന്ന റെനോ എന്നും ഓഫറുകള്‍ നല്‍കുന്ന കാര്യത്തില്‍ മിടുക്കന്‍മാരാണ്. ഉത്സവ സീസണ്‍ അവസാനിച്ചെങ്കിലും റെനോയുടെ ഷോറൂമുകളില്‍ ഫെസ്റ്റിവല്‍ ഓഫറുകള്‍ ഇതുവരെ അവസാനിച്ചിട്ടില്ല. ഈ മാസം റെനോ കാറുകള്‍ (Renault Cars) വാങ്ങുമ്പോള്‍ നിങ്ങള്‍ക്ക് നേടാവുന്ന ആനുകൂല്യങ്ങളെ കുറിച്ച് വിശദമായി ചുവടെ വായിക്കാം.

ദക്ഷിണ കൊറിയൻ വാഹന നിർമാതാക്കളായ കിയയ്ക്ക് ഇന്ത്യയിൽ അഡ്രസുണ്ടാക്കി കൊടുത്ത വാഹനമാണ് സെൽറ്റോസ് (Kia Seltos). മിഡ്-സൈസ് എസ്‌യുവി വിഭാഗത്തിൽ ഹ്യുണ്ടായി ക്രെറ്റയുടെ (Hyundai Creta) ഒന്നാം സ്ഥാനം വരെ അടിച്ചെടുത്ത് മിന്നിത്തിളങ്ങിയിട്ടുണ്ട് ആശാൻ. നിലവിൽ വിൽപ്പന അൽപം കുറവാണെങ്കിലും പഴയ ഫോമിലേക്ക് സെൽറ്റോസിനെ കൊണ്ടുവരാനുള്ള ഒരുക്കത്തിലാണ് കമ്പനിയിപ്പോൾ. അടുത്ത വർഷം എസ്‌യുവിയുടെ ന്യൂജെൻ മോഡലിനെ പുറത്തിറക്കാനുള്ള തയാറെടുപ്പിലാണ് ബ്രാൻഡ്. അതിന്റെ ഭാഗമായുള്ള പരീക്ഷണയോട്ടവും കിയ ആരംഭിച്ചിട്ടുണ്ട്. പലതവണ പൊതുനിരത്തുകളിൽ പ്രത്യക്ഷപ്പെട്ട വാഹനത്തിന്റെ കൂടുതൽ വിവരങ്ങൾ പുറത്തുവന്നുകൊണ്ടിരിക്കുകയാണ് ഇപ്പോൾ.

കേരളത്തിൽ കുറച്ച് ആഴ്ച്ചകൾക്ക് മുൻപ് വരെ ഓപ്പറേഷൻ നുംഖോർ എന്നായിരുന്നു കേൾക്കാനുണ്ടായിരുന്നത്. അതിൽ തന്നെ ഏറെ ആക്ഷേപങ്ങളും കുത്തുവാക്കുകളും കേട്ടതോ ദുൽഖർ സൽമാനും. ദുൽഖറിൻ്റെ ഗാരേജ് കേരളത്തിലെ കൊച്ചുകുട്ടികൾക്ക് വരെ കാണാപാഠമാണ്. താരത്തിൻ്റെ വാഹനങ്ങൾ പിടിച്ചെടുക്കുകയും അതിന് ശേഷം വിട്ടു കൊടുക്കുകയും ചെയ്തിരുന്നു. ദുൽഖർ സൽമാൻ്റെ പക്കൽ ഭൂട്ടാനിൽ നിന്ന് അനധികൃതമായി എത്തിച്ച നാലോളം വാഹനങ്ങളുണ്ടെന്നും അതിൽ രണ്ട് വാഹനങ്ങളാണ് കസ്റ്റംസ് പിടിച്ചെടുത്തത് എന്നായിരുന്നു വാദം. സംസ്ഥാനത്ത് ഇത്തരത്തില്‍ ഇരുനൂറോളം വാഹനങ്ങള്‍ എത്തിയിട്ടുണ്ടെന്നും ഇതില്‍ 36 എണ്ണം പരിശോധനയില്‍ കസ്റ്റംസ് അറിയിച്ചിരുന്നു.

ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന സ്റ്റാര്‍ട്ടപ്പാണ് സിമ്പിള്‍ എനര്‍ജി. ഓല ഇലക്ട്രിക്കിനൊപ്പം മാര്‍ക്കറ്റില്‍ പ്രവേശിച്ചവര്‍ ആണെങ്കിലും പല കാരണങ്ങള്‍ കൊണ്ട് സിമ്പിളിന്റെ ആദ്യ ഉല്‍പ്പന്നം യാഥാര്‍ത്ഥ്യമാകാന്‍ സമയമെടുത്തു. തമിഴ്‌നാട്ടിലെ ഹൊസൂരില്‍ 2 ലക്ഷം ചതുരശ്ര അടി വിസ്തീര്‍ണമുള്ള വമ്പന്‍ ഇവി നിര്‍മാണ പ്ലാന്റും സിമ്പിളിനുണ്ട്. എന്നാല്‍ സിമ്പിളിന്റെ വില്‍പ്പന കണക്കുകള്‍ പരിശോധിക്കുമ്പോള്‍ കാര്യങ്ങള്‍ ആരും വിചാരിക്കും പോലെ അത്ര സിമ്പിള്‍ അല്ലെന്ന് മനസിലാകും. 2024-25 സാമ്പത്തിക വര്‍ഷത്തില്‍ സിമ്പിള്‍ എനര്‍ജി നേടിയ വില്‍പ്പനയാണ് ഇത് പറയാന്‍ കാരണം.

രാജ്യത്തെ എസ്‌യുവി സെഗ്മെൻ്റിലേക്ക് വരാൻപോകുന്ന പുതിയ രണ്ട് അതിഥികളെക്കുറിച്ച് ഇതിനോടകം തന്നെ നിങ്ങളറിഞ്ഞിരിക്കുമല്ലോ. റെനോ-നിസ്സാൻ സഖ്യത്തിന് കീഴിലുള്ള CMF-B പ്ലാറ്റ്‌ഫോമിൽ നിർമ്മിച്ച റെനോ ഡസ്റ്ററും നിസ്സാൻ ടെക്‌റ്റണും അടുത്ത വർഷം ഇന്ത്യൻ വിപണിയിലെത്തും. അതിവേഗം ശക്തി പ്രാപിക്കുന്ന ഇന്ത്യൻ ഓട്ടോമോട്ടീവ് വിപണിയിലേക്കുള്ള രണ്ട് എസ്‌യുവികളുടെയും കടന്നുവരവ്, ഇരു കമ്പനികളെയും സംമ്പന്ധിച്ച് വലിയ പ്രതീക്ഷ ഉളവാക്കുന്ന ഒന്നാണ്. ഒരേ പ്ലാറ്റ്‌ഫോം പങ്കിടുന്നവരാണെങ്കിലും സ്റ്റൈലിലും പെർഫോമൻസിലും ഇരുവരും രണ്ട് മുഖക്കാരാണ്. ഇവ തമ്മിലുള്ള വ്യത്യാസങ്ങൾ എന്തെല്ലാമാണെന്ന് അറിയേണ്ടേ. എങ്കിൽ ഈ ലേഖനം തുടർന്ന് വായിച്ചോളൂ.

ഏതൊരു സെലിബ്രിറ്റിയുടേയും മനം മയക്കുന്ന അഴകാണ് ജർമൻ ബ്രാൻഡായ ബിഎംഡബ്ല്യുവിന്. ബ്രാൻഡിൻ്റെ ലൈനപ്പിലുളള എസ്‌യുവികളിലെ ഫ്ലാഗ്ഷിപ്പ് മോഡലായ X7-ന് ബിസിനസുകാരുടേയും സിനിമാക്കാരുടേയും ഇടയിൽ വലിയ ഡിമാൻ്റാണുളളത്. മോളിവുഡിലെ പ്രശസ്ത നായികയും നിർമാതാവുമായ ഷീലു എബ്രഹാം തൻ്റെ ഗാരേജിലേക്ക് പുത്തൻ എസ്‌യുവി എത്തിച്ചിരിക്കുകയാണ്. ബിഎഡബ്ല്യു X7 xDrive40i M സ്പോര്‍ട്ട് പെട്രോൾ മോഡലാണ് സ്വന്തമാക്കിയിരിക്കുന്നത്. കുടുംബസമേതം ഷോറൂമിൽ എത്തിയായിരുന്നു താരം വാഹനത്തിൻ്റെ ഡെലിവറിയെടുത്തത്. 2013 -ൽ വീപ്പിങ്ങ് ബോയ് എന്ന ചിത്രത്തിലൂടെ അഭിനയരംഗത്തേക്ക് എത്തിയ താരം വിവാഹം കഴിച്ചിരിക്കുന്നത് നിർമാതാവും പ്രശസ്ത ബിസിനസ് പ്രമുഖനുമായ എബ്രഹാമിനെയാണ്.

ചെറുകാർ നിരയിൽ പുതുവിപ്ലവം രചിക്കാൻ മാരുതി സുസുക്കി പുറത്തിറക്കിയ മോഡലായിരുന്നു എസ്-പ്രെസോ. എസ്‌യുവിയുടെ സ്റ്റൈലും ഹാച്ച്ബാക്കിന്റെ പ്രായോഗിതയുമായി എത്തിയ വാഹനത്തെ തുടക്കത്തിൽ ആരും സ്വീകരിച്ചിരുന്നില്ല. അതിന്റെ പ്രധാന കാരണം സോപ്പുപെട്ടി പോലെയുള്ള ഡിസൈൻ തന്നെയായിരുന്നു. എന്നാൽ പിന്നീട് എസ്-പ്രെസോയുടെ പ്രാക്‌റ്റിക്കാലിറ്റിക്ക് മുന്നിൽ ഇന്ത്യക്കാർ മൂക്കുംകുത്തി വീണു. തിരക്കേറിയ നഗരങ്ങളിലൂടെ എസിയിട്ട് അനായാസം കൊണ്ടുനടക്കാനാവുന്ന മോഡൽ സ്ത്രീകളുടെ വരെ ഫേവറീറ്റ് കാറായി മാറി. ഇന്ത്യയിൽ ഏറ്റവും ജനപ്രിയമായ മോഡേൺ സിറ്റി കാറുകളിൽ ഒന്നാണ് മാരുതി എസ്-പ്രെസോയെന്ന് പലരും പറഞ്ഞുനടന്നിട്ടുണ്ട്.

ഇന്ത്യയില്‍ ഇപ്പോള്‍ അതിവേഗത്തില്‍ വിറ്റഴിക്കപ്പെടുന്ന സബ് 4 മീറ്റര്‍ എസ്‌യുവികളില്‍ ഒന്നാണ് മാരുതി സുസുക്കി ഫ്രോങ്ക്‌സ്. ബലേനോ പ്രീമിയം ഹാച്ച്ബാക്കിനെ അടിസ്ഥാനമാക്കി നിര്‍മിച്ച ഈ ക്രോസ്ഓവര്‍ എസ്‌യുവി നെക്‌സ ഷോറൂമുകള്‍ വഴിയാണ് വിറ്റഴിക്കപ്പെടുന്നത്. ചരക്കുസേവന നികുതി (ജിഎസ്ടി) ഇളവുകള്‍ ലഭിച്ചതോടെ ഈ കാര്‍ കൂടുതല്‍ താങ്ങാനാകുന്ന വിലയില്‍ ലഭ്യമായിരുന്നു. ഉത്സവകാല കിഴിവുകള്‍ അവസാനിച്ചുവെങ്കിലും ഫ്രോങ്ക്‌സിന് ഈ മാസം മാരുതി സുസുക്കി ആകര്‍ഷകമായ ഓഫറുകള്‍ വാഗ്ദാനം ചെയ്യുന്നുണ്ട്. ഈ വാഹനത്തിന് നിലവില്‍ ലഭിക്കുന്ന ഡിസ്‌കൗണ്ടുകള്‍ വില്‍പ്പന വര്‍ദ്ധിപ്പിക്കാന്‍ സഹായിക്കുന്നുണ്ട്. കോംപാക്റ്റ് എസ്‌യുവിയുടെ കിഴിവുകള്‍ ഈ ലേഖനത്തില്‍ വായിക്കാം.

ഇൻഡിക്കയെന്ന മഹാത്ഭുതത്തിന് ശേഷം ടാറ്റയുടെ ഷോറൂമുകളിൽ സാധാരണക്കാരൻ എത്താൻ തുടങ്ങിയതിന്റെ പ്രധാന കാരണങ്ങളിൽ ഒന്നാണ് ടിയഗോ (Tata Tiago) എന്ന കൊച്ചുമിടുക്കൻ. കോംപാക്‌ട് രൂപവും നല്ല റിഫൈൻഡായിട്ടുള്ള എഞ്ചിനും ആവശ്യത്തിന് ഫീച്ചറുകളുമെല്ലാം കോർത്തിണക്കിയെത്തിയ ടാറ്റയുടെ ചെറുകാർ വളരെ വേഗമാണ് ആളുകളുടെ ഗുഡ് ബുക്കിൽ ഇടംനേടിയത്. പതിറ്റാണ്ടുകളായി ടാറ്റ മോട്ടോർസ് (Tata Motors) പിന്തുടര്‍ന്ന് വന്ന ഡിസൈന്‍ ശൈലി പൊളിച്ചെഴുതി ഇംപാക്ട് ഡിസൈന്‍ ഫിലോസഫി അടിസ്ഥാനമാക്കി ഒരുങ്ങിയ ടിയാഗോയുടെ 6 ലക്ഷത്തോളം യൂണിറ്റുകളാണ് ഇന്ന് നമ്മുടെ നിരത്തുകളില്‍ കുതിച്ചുപായുന്നത്.

കുഞ്ഞൻ എസ്‌യുവികളുടെ ലോകത്തേക്ക് ഹ്യുണ്ടായിയുടെ പുതിയ അവതാരത്തെ എത്തിച്ചിരിക്കുകയാണ്. വെറും 7.89 ലക്ഷം രൂപ പ്രാരംഭ വിലയിൽ എത്തിയിരിക്കുന്ന രണ്ടാം തലമുറ വെന്യു എതിരാളികളുടെ പേടിസ്വപ്നമായി മാറിയിരിക്കുകയാണ്. കാരണം മറ്റൊന്നുമല്ല 10 ലക്ഷം രൂപയിൽ താഴെ കൊട്ടക്കണക്കിന് ഫീച്ചറുകൾ ലഭിക്കുന്ന കുഞ്ഞൻ എസ്‌യുവി വേറെ ഇല്ല എന്ന് തന്നെ പറയാം. പുതുക്കിയ ഡിസൈൻ, ആകർഷകമായ ഇൻ്റീരിയർ, ഫീച്ചർ ലോഡഡ്,വ്യത്യസ്ത പവർട്രെയിനുകൾ എന്നിവയെല്ലാം കൊണ്ട് തന്നെ മുന്നിട്ട് നിൽക്കുന്നത്. ഇനി പറയാൻ പോകുന്നത് വെന്യുവിൻ്റെ സുരക്ഷയുടെ കാര്യത്തിലൊരു പൊൻതൂവൽ ആകാൻ സാധ്യതയുളള കാര്യമാണ്.

ഇന്ത്യയിലെ മുന്‍നിര സ്‌പോര്‍ട് യൂടിലിറ്റി വാഹന (എസ്‌യുവി) നിര്‍മാതാക്കളാണ് മഹീന്ദ്ര ആന്‍ഡ് മഹീന്ദ്ര എന്ന കാര്യം എല്ലാവര്‍ക്കും അറിയാം. ഇലക്ട്രിക് വാഹന വിഭാഗത്തില്‍ നിലവില്‍ മൂന്ന് മോഡലുകള്‍ മാത്രമാണ് കമ്പനി വില്‍പ്പനക്കെത്തിക്കുന്നതെങ്കിലും രാജ്യത്ത് ഇലക്ട്രിക് വാണിജ്യ വാഹന വിഭാഗത്തില്‍ ഒന്നാമന്‍മാരാണ് മഹീന്ദ്ര ലാസ്റ്റ് മൈല്‍ മൊബിലിറ്റി ലിമിറ്റഡ് (MLMML). ഇപ്പോള്‍ 3 ലക്ഷം ഇലക്ട്രിക് വാഹനങ്ങള്‍ വിറ്റഴിച്ച് കൊമേഴ്ഷ്യല്‍ ഇവി വിപണിയില്‍ എംഎല്‍എംഎംഎല്‍ ചരിത്രം രചിച്ചിരിക്കുകയാണ്. ഇന്ത്യയിലെ വാണിജ്യ ഇലക്ട്രിക് വാഹന വിഭാഗത്തില്‍ ഈ നേട്ടം കൈവരിക്കുന്ന ആദ്യത്തെ കമ്പനിയാണ് മഹീന്ദ്ര.

ഇലക്ട്രിക് കാർ എന്ന് കേൾക്കുമ്പോൾ ഇന്ത്യക്കാർ ഇപ്പോൾ ആദ്യം മനസിലേക്ക് ഓടിയെത്തുന്ന പേര് ടാറ്റ മോട്ടോർസ് അല്ലെങ്കിൽ എംജിയായിരിക്കും അല്ലേ. എന്നാഷ വൈദ്യുത വാഹന രംഗത്തും തകർത്തുകൊണ്ടിരിക്കുകയാണ് നമ്മുടെ മഹീന്ദ്ര ആൻഡ് മഹീന്ദ്ര. അടുത്തിടെ ട്രെൻഡ് സെറ്ററായ BE 6, XEV 9e എന്നീ രണ്ട് എസ്‌യുവികളാണ് ഇവി രംഗത്ത് മഹീന്ദ്രയുടെ തലവര മാറ്റിയത്. പല മോഡലുകൾ പരീക്ഷിച്ച് നോക്കിയെങ്കിലും മിക്കതും വലിയ ഫ്ലോപ്പായിരുന്നു. എന്തൊക്കെയായാലും ഇപ്പോൾ ശ്വാസം നേരെ വീണ കമ്പനി തങ്ങളുടെ ബോൺ ഇലക്ട്രിക് വാഹന നിരയിലേക്ക് പുത്തനൊരു 7-സീറ്റർ വാഹനം പുറത്തിറക്കാൻ തയാറെടുത്ത് കൊണ്ടിരിക്കുകയാണ്.

Skoda Octavia RS launched in India at a price of INR 45.00 Lakhs. Check out the features, specs and more. | Skoda Octavia RS ഇന്ത്യയിൽ 45.00 ലക്ഷം രൂപയ്ക്ക് പുറത്തിറങ്ങി. ഫീച്ചറുകൾ, സവിശേഷതകൾ എന്നിവ പരിശോധിക്കുക.

ഈ വര്‍ഷം ഓഗസ്റ്റില്‍ നടന്ന ഫ്രീഡം NU ഇവന്റില്‍ വെച്ചാണ് മഹീന്ദ്ര BE6 ബാറ്റ്മാന്‍ എഡിഷന്‍ പുറത്തിറക്കിയത്. വാര്‍ണര്‍ ബ്രദേഴ്‌സുമായി സഹകരിച്ചാണ് മഹീന്ദ്ര ക്രിസ്റ്റഫര്‍ നോളന്റെ ഡാര്‍ക്ക് നൈറ്റ് ട്രൈലോജിയിലെ കഥാപാത്രത്തെ അടിസ്ഥാനമാക്കി ഇവിയുടെ ബാറ്റ്മാന്‍ എഡിഷന്‍ സൃഷ്ടിച്ചത്. സിനിമാറ്റിക് സവിശേഷതകളും ഓട്ടോമോട്ടീവ് സ്റ്റൈലിംഗും സംയോജിപ്പിക്കുന്ന തരത്തില്‍ രൂപകല്‍പ്പന ചെയ്ത ഈ ഇലക്ട്രിക് എസ്‌യുവിയുടെ എക്‌സ്-ഷോറൂം വില 27.79 ലക്ഷം രൂപയായിരുന്നു. തുടക്കത്തില്‍ 300 കാറുകള്‍ മാത്രമേ നിര്‍മിക്കൂവെന്നായിരുന്നു കമ്പനി പ്രഖ്യാപിച്ചതെങ്കിലും വമ്പന്‍ പ്രതികരണത്തെ തുടര്‍ന്ന് 999 കാറുകള്‍ വില്‍പ്പനക്കെത്തുമെന്ന് കമ്പനി പ്രഖ്യാപിച്ചു.

രാജ്യത്ത് അനുദിനം വർദ്ധിച്ചുവരുന്ന ഏറെ ഡിമാൻ്റുളള ഒരു സെഗ്മെൻ്റാണ് കോം‌പാക്റ്റ് എസ്‌യുവികളുടേത്. പുതിയ വെന്യുവിൻ്റെ വരവിലൂടെ ഹ്യുണ്ടായി ഈ സെഗ്മെൻ്റിലേക്ക് ഒരു വമ്പൻ തിരിച്ചുവരവ് നടത്തിയിരിക്കുകയാണ്. ഇത് കാലങ്ങളായുള്ള ടാറ്റ നെക്‌സണിൻ്റെ ആധിപത്യത്തിൽ ഒരു വലിയ തിരിച്ചടി ആയിരിക്കുമെന്ന കാര്യത്തിൽ സംശയമില്ല. എങ്കിലും വിട്ടുക്കൊടുക്കാൻ ഞങ്ങൾ തയ്യാറല്ല എന്ന മട്ടിലാണ് നെക്‌സോൺ. ഇരുവരും ഒരേ സവിശേഷതകളും, ശക്തമായ എഞ്ചിനുകളും, ബോൾഡ് ഡിസൈനുകളും ഒരു പോലെ വാഗ്ദാനം ചെയ്യുന്നുണ്ടെങ്കിലും ഇവ തമ്മിൽ ചില വ്യത്യാസങ്ങളുണ്ട്. അവയെന്തെല്ലാമെന്നറിയാൻ ഈ ലേഖനം തുടർന്ന് വായിച്ചാലോ.

വളരെ മത്സരാധിഷ്ഠിതമായ ഇന്ത്യൻ വാഹന വിപണിയിൽ നിന്നും കച്ചോടം പിടിക്കാൻ പെടാപ്പാട് പെടുകയാണ് ജാപ്പനീസ് ബ്രാൻഡായ ഹോണ്ട. പണ്ടത്തെ പ്രതാപമൊക്കെ നഷ്‌ടപ്പെട്ട കമ്പനി ഇക്കഴിഞ്ഞ ഉത്സവ സീസണിൽ തരക്കേടില്ലാത്ത രീതിയിൽ പണംവാരിയിട്ടുണ്ട്. പടവലം പോലെ താഴേക്ക് വീണിരുന്ന വിൽപ്പന സംഖ്യയെ ഉയർത്തിപ്പിടിക്കാൻ സഹായിച്ച ഉത്സവ കാലത്തിന് കമ്പനി എത്ര നന്ദി പറഞ്ഞാലും മതിയാവില്ല. പോയ മാസം 6,384 കാറുകളുടെ വിൽപ്പനയാണ് ഹോണ്ട രേഖപ്പെടുത്തിയത്. കഴിഞ്ഞ വർഷം ഇതേസമയത്തെ വിൽപ്പനയേക്കാൾ 15.29 ശതമാനത്തിന്റെ വർധനവ് കൈവരിക്കാൻ ബ്രാൻഡിനായിട്ടുണ്ട്.

ഇന്ത്യയിലെ മുന്‍നിര ഇലക്ട്രിക് മൊബിലിറ്റി ബ്രാന്‍ഡുകളിലൊന്നായ ഇ-മോട്ടോറാഡ് (EMotorad) തങ്ങളുടെ ജനപ്രിയ X1 ഇലക്ട്രിക് സൈക്കിളിന്റെ അപ്‌ഡേറ്റഡ് പതിപ്പ് പുറത്തിറക്കി. മെച്ചപ്പെട്ട ബാറ്ററിയും ആകര്‍ഷകമായ പുതിയ നിറങ്ങളുമായി X1 ഇന്ത്യന്‍ വിപണിയിലെ താങ്ങാനാവുന്നതും വിശ്വസനീയവുമായ ഇലക്ട്രിക് സൈക്കിളുകളില്‍ ഒന്നായി മാറിയിരിക്കുകയാണ്. അപ്‌ഡേറ്റില്‍ ഏറ്റവും സുപ്രധാന മാറ്റം വന്നിരിക്കുന്നത് ബാറ്ററിയിലാണ്. ഇ'മോട്ടോറാഡ് X1 ഇലക്ട്രിക് സൈക്കിളിന്റെ മുന്‍മോഡലില്‍ 7.65 Ah യൂണിറ്റിന്റെ ബാറ്ററിയായിരുന്നു ഉണ്ടായിരുന്നത്. ഇപ്പോള്‍ ഇ-മോട്ടോറാഡ് പുതിയ X1 സൈക്കിളില്‍ 36V 10.2 Ah ലിഥിയം-അയേണ്‍ ബാറ്ററി ഘടിപ്പിച്ചിരിക്കുന്നു.

ലോകത്തിലെ തന്നെ ഏറ്റവും വലിയ ഇരുചക്ര വാഹന നിർമ്മാതാക്കളായ ഹീറോ മോട്ടോർകോർപ്പ്, കഴിഞ്ഞ മാസം ഉത്സവകാലത്ത് മികച്ച പ്രകടനമാണ് കാഴ്ചവെച്ചിരിക്കുന്നത്. വാഹൻ രജിസ്‌ട്രേഷൻ ഡാറ്റ പ്രകാരം 9,94,690 യൂണിറ്റ് വിൽപ്പനയാണ് കമ്പനി രേഖപ്പെടുത്തിയിരിക്കുന്നത്. തുടർച്ചയായ രണ്ടാം മാസവും ഉത്സവകാലത്ത് മികച്ച മുന്നേറ്റം നിലനിർത്തിക്കൊണ്ട് 2025 ഒക്ടോബറിൽ 6,35,808 യൂണിറ്റുകൾ കമ്പനി മൊത്തവ്യാപാരത്തിലൂടെ വിതരണം ചെയ്തു. തുടർച്ചയായ ഉത്സവകാല വിൽപ്പനയും ഉപഭോക്താക്കളുടെ മികച്ച ഡിമാൻ്റും ഈ നേട്ടത്തിന് പിന്നിലുണ്ട്. ജിഎസ്ടി ഇളവുകൾ ഉൾപ്പെടെയുള്ള അനുകൂലമായ വിപണി സാഹചര്യങ്ങളും ഇതിന് പിന്തുണ നൽകിയെ്ന് പറയാതെ വയ്യ.

ഇന്ത്യയിൽ ഇലക്‌ട്രിക് സ്‌കൂട്ടറുകൾക്ക് പ്രചാരമേറിവരികയാണ്. വിവിധ തരത്തിലുള്ള മോഡലുകളാൽ സമ്പന്നമായി മാറിയിട്ടുമുണ്ട് നമ്മുടെ വാഹന വിപണി. ഒരു സ്മാർട്ട്ഫോൺ വാങ്ങുന്ന വിലയിൽ പോലും ഇവികൾ സ്വന്തമാക്കാനാവുമെന്നതാണ് കൌതുകകരമായ കാര്യം. വലിയ ഫാൻസി ഫീച്ചറുകൾ ഒന്നുമില്ലെങ്കിലും ചെറിയ യാത്രകൾക്ക് ഒക്കെ ഇവൻമാർ മിടുക്കൻമാരാണ്. ഒന്നുമില്ലെങ്കിലും 100 രൂപയ്ക്ക് മുകളിൽ കൊടുത്ത് പെട്രോൾ അടിക്കാതെ ചുമ്മാ ചാർജ് ചെയ്‌ത് കൊണ്ടുനടക്കുന്നതിന്റെ ഹരം ഒന്ന് വേറെ തന്നെയാണ്. എന്നിരുന്നാലും ഭൂരിഭാഗം ആളുകൾക്കും ഇവി വാങ്ങാൻ ലക്ഷങ്ങൾ മുടക്കാനൊന്നും താത്പുമര്യമുണ്ടാവില്ല.

ഇപ്പോഴത്തെ വാഹന വിപണിയിൽ ടെക്നോളജിക്കാണ് കൂടുതൽ പ്രാധാന്യം നൽകുന്നത്. അത് കൊണ്ട് തന്നെ പരമാവധി ഫീച്ചറുകൾ കുത്തിനിറച്ചാണ് ഹ്യുണ്ടായിയുടേയും കിയയുടേയും മോഡലുകൾ ഇന്ത്യൻ വിപണിയിൽ എത്തുന്നത്. ഇപ്പോഴിതാ ഏറെ നാളത്തെ കാത്തിരിപ്പിന് ശേഷം തങ്ങളുടെ കുഞ്ഞൻ എസ്‌യുവി അവതരിപ്പിച്ചതിൻ്റെ സന്തോഷത്തിലാണ് ഹ്യുണ്ടായി. 10 ലക്ഷത്തിൽ താഴെ ഇത്രയും ഫീച്ചറുകൾ ലഭിക്കുന്ന മറ്റൊരു മോഡലുണ്ടോ എന്ന് ആർക്കായാലും തോന്നിപോകും. എതിരാളികളുടെ ചങ്ക് തകർക്കുന്ന വില കൂടി ആയപ്പോൾ അക്ഷരാർത്ഥത്തിൽ വെന്യു കച്ചോടം പിടക്കുമെന്ന കാര്യത്തിൽ ഒരു സംശയവും വേണ്ട. വാഹനത്തിൽ ലഭിക്കുന്ന കിടിലൻ ഫീച്ചറുകളെ കുറിച്ച് വിശദമായി ഒന്ന് അറിഞ്ഞാലോ.

ഈ നവംബര്‍ മാസം ഒരൊന്നൊന്നര ഡിസ്‌കൗണ്ട് കാലമാണ് ഇന്ത്യന്‍ വാഹനപ്രേമികളെ കാത്തിരിക്കുന്നത്. പുതിയ കാര്‍ വാങ്ങുന്നവര്‍ക്കും പഴയ കാര്‍ മാറ്റി പുതിയത് വാങ്ങാന്‍ പോകുന്നവര്‍ക്കുമെല്ലാം ഈ മാസം ഒരുപോലെ ലാഭം കൊയ്യാന്‍ സാധിക്കും. ടാറ്റ, മാരുതി, ഹോണ്ട പോലുള്ള വന്‍കിട വാഹന നിര്‍മാതാക്കള്‍ തങ്ങളുടെ ഉപഭോക്താക്കള്‍ക്കായി വമ്പന്‍ ഓഫറുകള്‍ മുന്നോട്ട് വെച്ചതോടെ എല്ലാവര്‍ക്കും ലോട്ടറി അടിച്ച ഫീലാണ്. ഉപഭോക്താക്കളോടുള്ള സ്‌നേഹത്തിന് കുറവൊന്നും വരുത്താതെ ഫോക്‌സ്‌വാഗണും കിടിലന്‍ ഓഫറുകള്‍ വാഗ്ദാനം ചെയ്യുന്നുണ്ട്. ടിഗുവാന്‍, വെര്‍ട്ടിസ്, ടൈഗൂണ്‍ എന്നീ ജനപ്രിയ മോഡലുകള്‍ക്കാണ് ബ്രാന്‍ഡ് ഇപ്പോള്‍ ഡിസ്‌കൗണ്ടുകള്‍ വാഗ്ദാനം ചെയ്യുന്നത്.

ഹോണ്ട ടൂവീലറുകൾക്ക് രാജ്യത്ത് വലിയ സ്വീകാര്യതയാണുളളത്. അത് കൊണ്ട് തന്നെ എല്ലാ മാസവും വിൽപ്പനയുടെ കാര്യത്തിൽ ഒരു ടെൻഷനും ബ്രാൻഡിനില്ല എന്നതാണ് സത്യം. വർഷങ്ങളായി രാജ്യത്ത് തൻ്റെ ഉയർന്ന സ്ഥാനം ഉറപ്പിച്ചിരിക്കുന്നത് ഉപഭോക്താക്കളുടെ മനസറിഞ്ഞുളള അപ്ഡേറ്റുകൾ കൊണ്ടും പുത്തൻ ഡിസൈനുകൾ അവതരിപ്പിച്ചുകൊണ്ടാണ്. ഇപ്പോഴിതാ ബ്രാൻഡ് തങ്ങളുടെ ലോഗോയിൽ മാറ്റം വരുത്തിയിരിക്കുകയാണ്. ഫ്ലാഗ്ഷിപ്പ് മോഡലുകൾ,സാധാരണ ഐസിഇ സ്കൂട്ടറുകൾ, ഇലക്ട്രിക് സ്കൂട്ടറുകൾ അങ്ങനെ മൂന്ന് ലോഗോകളാണ് അവതരിപ്പിച്ചിരിക്കുന്നത്. ഇനി മുതൽ പുറത്തിറങ്ങുന്ന മോഡലുകളിലെല്ലാം തന്നെ പുത്തൻ ലോഗോകൾ ലഭിക്കുമെന്നും കമ്പനി അറിയിച്ചിട്ടുണ്ട്.