സെപ്റ്റംബര്‍ 22 മുതല്‍ രാജ്യത്ത് പുതിയ ചരക്കുസേവന നികുതി ഘടന നിലവില്‍ വന്നിട്ടുണ്ട്. കേന്ദ്ര സര്‍ക്കാര്‍ നൂറിലേറെ ഉല്‍പ്പന്നങ്ങളുടെ നികുതി കുറച്ചപ്പോള്‍ ഓട്ടോമൊബൈല്‍ ഇന്‍ഡസ്ട്രിക്ക് വലിയ ഉത്തേജനമായി. ജിഎസ്ടി നികുതി കുറച്ചതിനെത്തുടര്‍ന്ന് രാജ്യത്തുടനീളം വാഹനങ്ങളുടെ വില ഗണ്യമായി കുറഞ്ഞിരുന്നു. പെട്രോള്‍, ഡീസല്‍, ഹൈബ്രിഡ് വാഹനങ്ങള്‍ക്ക് ജിഎസ്ടി നിരക്ക് ഇളവിന്റെ നേട്ടമുണ്ടായി. താരതമ്യേന കുറഞ്ഞ മലിനീകരണവും കൂടുതല്‍ മൈലേജും തരുന്ന സ്‌ട്രോംഗ് ഹൈബ്രിഡ് കാറുകള്‍ക്ക് രാജ്യത്ത് പ്രചാരമേറുന്ന സമയത്ത് നിരാശപ്പെടുത്തുന്ന ഒരു തീരുമാനം കൈക്കൊണ്ടിരിക്കുകയാണ് രാജ്യത്തെ ഏറ്റവും വലിയ സംസ്ഥാനത്തെ സര്‍ക്കാര്‍.

സൂപ്പർകാറുകൾ എന്ന് കേൾക്കുമ്പോഴേ പലരുടേയും മനസിലേക്ക് ആദ്യം ഓടിയെത്തുന്ന പേര് ലംബോർഗിനി അല്ലെങ്കിൽ ഫെറാറിയുടേതാവും അല്ലേ. എന്നാൽ ഇവരേക്കാൾ കേമൻ അല്ലെങ്കിൽ ഈ ഇറ്റാലിയൻ ബ്രാൻഡുകൾക്കൊപ്പം കിടപിടിക്കുന്ന സൂപ്പർകാർ നിർമാതാക്കളിൽ ഒരാളാണ് മസെരാട്ടി. നിലവിൽ ഇന്ത്യയിൽ സജീവമായി പ്രവർത്തിക്കുന്ന കമ്പനി ഇപ്പോഴിതാ പുതുപുത്തനൊരു മോഡലിനെ കൂടി രാജ്യത്തിനായി കൊണ്ടുവന്നിരിക്കുകയാണ്. ഇറ്റാലിയൻ ഡിസൈനിൽ, കിടിലൻ പെർഫോമൻസും, നൂതന സാങ്കേതികവിദ്യകളും കോർത്തിണക്കി പണികഴിപ്പിച്ചിരിക്കുന്ന മസെരാട്ടി എംസിപ്യൂറയാണ് ഇന്ത്യൻ വിപണിയിൽ എത്തിയിരിക്കുന്നത്.

ഇന്ത്യയില്‍ ഇലക്ട്രിക് വാഹന വില്‍പ്പന ഗണ്യമായി വര്‍ധിച്ചുകൊണ്ടിരിക്കുകയാണ്. ടാറ്റ മോട്ടോര്‍സ്, മഹീന്ദ്ര, എംജി മോട്ടോര്‍, ഹ്യുണ്ടായി, BYD എന്ന് തുടങ്ങി സ്വദേശി, വിദേശി ബ്രാന്‍ഡുകള്‍ രാജ്യത്ത് ഇവികള്‍ വില്‍പ്പനക്കെത്തിക്കുന്നു. ഇന്ത്യയില്‍ ഇവികള്‍ക്കുള്ള സാധ്യത തിരിച്ചറിഞ്ഞാണ് അമേരിക്കയില്‍ നിന്ന് ടെസ്‌ലയും വിയറ്റ്‌നാമില്‍ നിന്ന് വിന്‍ഫാസ്റ്റും വിപണിയില്‍ പ്രവേശിച്ചത്. ഇപ്പോള്‍ ഇന്ത്യയില്‍ ഇലക്ട്രിക് വാഹന വില്‍പ്പന പുത്തന്‍ നാഴികക്കല്ല് പിന്നിട്ടിരിക്കുകയാണ്. 2025-2026 സാമ്പത്തിക വര്‍ഷത്തിന്റെ ആദ്യ പകുതിയില്‍, അതായത് ഏപ്രില്‍ മുതല്‍ സെപ്റ്റംബര്‍ വരെയുള്ള മാസങ്ങളില്‍ 10 ലക്ഷത്തിലധികം ഇലക്ട്രിക് വാഹനങ്ങള്‍ വിറ്റഴിച്ചതായാണ് റിപ്പോര്‍ട്ടുകള്‍. ഈ മുന്നേറ്റത്തെ കുറിച്ച് ചുവടെ വിശദമായി വായിക്കാം.

മോഡേണ്‍ കാറുകളില്‍ കണ്ടുവരുന്ന ഒരു സവിശേഷതയാണ് സ്മാര്‍ട് എയര്‍ പ്യൂരിഫയര്‍ (Smart Air Purifier). ഈ സവിശേഷത കാറുകളിലെ വായു ഗുണനിലവാരം മെച്ചപ്പെടുത്തുകയും യാത്രക്കാര്‍ക്ക് ആരോഗ്യ സംരക്ഷണം നല്‍കുകയും ചെയ്യുന്നു. പൊടി, പുക, ദുര്‍ഗന്ധം, ദോഷകരമായ മാലിന്യങ്ങള്‍ എന്നിവ നീക്കം ചെയ്തുകൊണ്ട് കാറിനകത്തെ വായു വൃത്തിയുള്ളതും പുതുമയുള്ളതുമായി നിലനിര്‍ത്താനായി സഹായിക്കുന്ന ഒരു ചെറിയ ഉപകരണമാണ് സ്മാര്‍ട്ട് എയര്‍ പ്യൂരിഫയര്‍ എന്ന് ലളിതമായി പറയാം. ഇത് HEPA, ആക്റ്റിവേറ്റഡ് കാര്‍ബണ്‍ ഫില്‍ട്ടറുകള്‍ എന്നിവ ഉപയോഗിച്ച് ചെറിയ പൊടിപടലങ്ങള്‍, ബാക്ടീരിയ, ദോഷകരമായ വാതകങ്ങള്‍ എന്നിവ ഫില്‍ട്ടര്‍ ചെയ്യുന്നു.

ഇന്ത്യയില്‍ ഇലക്ട്രിക് കാര്‍ വിഭാഗം അതിവേഗം വളര്‍ന്ന് കൊണ്ടിരിക്കുകയാണ്. കുറഞ്ഞ വിലയുള്ള ഇലക്ട്രിക് ഹാച്ച്ബാക്കുകള്‍ മുതല്‍ കോടികള്‍ വിലയുള്ള പ്രീമിയം ഇലക്ട്രിക് എസ്‌യുവികള്‍ വരെ ഇന്ന് മാര്‍ക്കറ്റില്‍ ലഭ്യമാണ്. എന്നാല്‍ ബഹുഭൂരിപക്ഷം സാധാരണക്കാരായ ജനങ്ങള്‍ വസിക്കുന്ന ഇന്ത്യ പോലെ ഒരു രാജ്യത്ത് ഇലക്ട്രിക് വിപ്ലവം സാധ്യമാക്കാന്‍ കുറഞ്ഞ വിലയില്‍ കൂടുതല്‍ മാസ് മാര്‍ക്കറ്റ് ഇവികള്‍ പുറത്തിറങ്ങിയേ മതിയാകൂ. നിലവില്‍ ഇന്ത്യന്‍ വിപണിയില്‍ കുറഞ്ഞ വിലയില്‍ ലഭ്യമാകുന്ന രണ്ട് ഇലക്ട്രിക് കാറുകളാണ് ടാറ്റ ടിയാഗോ ഇവിയും എംജി കോമെറ്റ് ഇവിയും. ഇവ രണ്ടും തരക്കേടില്ലാത്ത വില്‍പ്പനയും നേടുന്നുണ്ട്.

ഉത്സവ സീസണ്‍ ആയതിനാല്‍ ഇപ്പോള്‍ യമഹ (Yamaha) അടക്കം ഒട്ടുമിക്ക ബ്രാന്‍ഡുകളുടെയും ഷോറൂമുകളില്‍ തിരക്കാണ്. ഇന്ന് യമഹ ഷോറൂമിലേക്ക് കടന്നു ചെല്ലുന്ന ഒരാള്‍ക്ക് കമ്പനിയുടെ ട്വിന്‍ സിലിണ്ടര്‍ ഇരട്ടകളുടെ മേല്‍ പുതിയ പ്രൈസ് ടാഗ് കാണാന്‍ കഴിയും. 2023 അവസാനത്തോടെയാണ് ജാപ്പനീസ് ഇരുചക്ര വാഹന നിര്‍മാതാക്കള്‍ R3, MT-03 എന്നീ ലോകോത്തര മോഡലുകള്‍ ഇന്ത്യന്‍ വിപണിയില്‍ എത്തിച്ചത്. അന്ന് R3-യുടെ വില 4.65 ലക്ഷം രൂപയും MT-03 മോട്ടോര്‍സൈക്കിളിന്റെ വില 4.60 ലക്ഷം ലക്ഷം രൂപയുമായിരുന്നു (എക്‌സ്-ഷോറൂം).

റോഡിലെ തിരക്ക് ദിനംപ്രതി കൂടിവരുന്നതിനാൽ പലരും മാനുവൽ ഗിയർബോക്‌സുള്ള കാറുകൾ ഉപേക്ഷിച്ച് ഓട്ടോമാറ്റിക്കിലേക്ക് പതിയെ ചേക്കേറി തുടങ്ങിയിട്ടുണ്ട്. പണ്ട് ലേഡീസിനായിരുന്നു ഇത്തരം കാറുകളോട് പ്രിയം കൂടുതലുണ്ടായിരുന്നെങ്കിൽ ഇന്ന് എല്ലാത്തരം ആളുകൾക്കും ഓട്ടോമാറ്റിക്കിനോടാണ് അടുപ്പം. പുതുതായി വാഹനം വാങ്ങുന്നവർ ക്ലച്ച്ലെസ് വണ്ടികളെ സ്നേഹിക്കുന്നതിന്റെ പ്രധാന കാരണം പ്രായോഗികത തന്നെയാണ്. ഓടിക്കാൻ എളുപ്പവും ട്രാഫിക്കിലും മറ്റും പെട്ടുപോയാൽ ക്ലച്ച് ചവിട്ടി മടുക്കാതിരിക്കാനും ഗിയർലെസ് മോഡലുകൾ അനുഗ്രഹമാണ്. എന്നാൽ എഎംടി, ടോക്ക് കൺവെർട്ടർ, ഡിസിടി എന്നിങ്ങനെ ഒരുപാട് ഓട്ടോമാറ്റിക് സംവിധാനങ്ങൾ വിപണിയിൽ സുലഭമായുള്ളതിനാൽ ഏവർക്കും ഏതെടുക്കുമെന്ന കൺഫ്യൂഷനുണ്ട്.

കാത്തിരുന്ന് മുഷിഞ്ഞെങ്കില്‍ എസ്‌യുവി പ്രോമികളെ നിങ്ങള്‍ക്കിതാ ഒരു സന്തോഷ വാര്‍ത്ത. സ്‌കോഡ തങ്ങളുടെ ജനപ്രിയ കോംപാക്റ്റ് എസ്‌യുവിയായ കുഷാഖിൻ്റെ ഫെയ്‌സ്‌ലിഫ്റ്റ് പതിപ്പ് ഈ വര്‍ഷം അവസാനമോ 2026 തുടക്കത്തിലോ പുറത്തിറക്കാന്‍ തീരുമാനിച്ചു. പുത്തന്‍ ഡിസൈന്‍, ഇന്റീരിയര്‍, സുരക്ഷാ സംവിധാനങ്ങള്‍, പവര്‍ട്രെയിന്‍ ഒപ്ഷനുകള്‍ എന്നിവ സംയോജിപ്പിച്ചുള്ള ഈ വരവ് മറ്റ് എസ്‌യുവികള്‍ക്ക് വെല്ലുവിളി സൃഷ്ടിക്കുമെന്ന് തീര്‍ച്ച. വരാന്‍ പോകുന്ന എസ്‌യുവിയില്‍ നമുക്ക് എന്തൊക്കെ പ്രതീക്ഷിക്കാമെന്നാണ് ഈ ലേഖനത്തില്‍ നാം പരിശോധിക്കുന്നത്.

ലോകത്തിലെ ഏറ്റവും വലിയ രാജ്യങ്ങളിലൊന്നായ ഇന്ത്യയിലെ വിവിധ നഗരങ്ങളെ ബന്ധിപ്പിക്കുന്ന ദേശീയ പാതകളുണ്ട്. ഒരു നഗരത്തില്‍ നിന്ന് മറ്റൊന്നിലേക്ക് അതിവേഗം റോഡ് മാര്‍ഗം എത്തിച്ചേരാനാണ് ആളുകള്‍ ഹൈവേകള്‍ ഉപയോഗിക്കുന്നത്. ഇന്ത്യയില്‍ ഇപ്പോള്‍ ഹൈവേകളുടെ വികസനം തകൃതിയായി മുന്നോട്ട് നീങ്ങുകയാണ്. ദേശീയ പാതാ അതോറിറ്റിയാണ് (NHAI) രാജ്യത്തെ ദേശീയപാതകളും ഹൈവേകളും പരിപാലിക്കുന്നത്. ഇതിനായി ഹെവേകളില്‍ യാത്ര ചെയ്യുന്നവരില്‍ നിന്ന് ടോള്‍ പിരിക്കുന്നു. രാജ്യത്തെ ദേശീയ പാതകളിലൂടെ ടോള്‍ അടച്ച് യാത്ര ചെയ്യുന്ന പൗരന്‍മാര്‍ക്ക് യാത്രയ്ക്കിടെ എന്തെങ്കിലും പ്രശ്‌നങ്ങള്‍ നേരിട്ടാല്‍ സഹായമെത്തിക്കാനായി ഒരു ഹൈടെക്് പരിപാടി നടപ്പിലാക്കാന്‍ പോകുകയാണ് സര്‍ക്കാര്‍.

ഇതിഹാസ താരമായ കപിൽ ദേവിന്റെ പിൻമുറക്കാരൻ എന്ന് ആരാധകർ സ്നേഹത്തോടെ വിളിക്കുന്ന ക്രിക്കറ്ററാണ് ഹാർദിക് പാണ്ഡ്യ. ഏഷ്യാ കപ്പിൽ ശ്രീലങ്കയ്ക്കെതിരായ സൂപ്പർ ഫോർ മത്സരത്തിനിടെ പരിക്കേറ്റ് പുറത്തായെങ്കിലും കപ്പുയർത്തുന്നതിൽ താരത്തിന്റെ പ്രകടനം നിർണായകമായിരുന്നുവെന്നതിൽ സംശയമൊന്നുമില്ല. പരിക്ക് കാരണം വരാനിരിക്കുന്ന ഓസട്രേലിയൻ പരമ്പര താരത്തിന് നഷ്‌ടമാവുമെന്നാണ് വിവരം. നിലവിൽ വിശ്രമത്തിലുള്ള ഹാർദിക് ഇപ്പോൾ പുത്തനൊരു ആഡംബര എസ്‌യുവി സ്വന്തമാക്കിയിരിക്കുകയാണ്. കോടികൾ വില വരുന്ന വാഹനത്തിൽ കറങ്ങാനിറങ്ങിയ ക്രിക്കറ്ററിന്റെ വീഡിയോ സോഷ്യൽ മീഡിയ പ്ലാറ്റ്ഫോമുകളിൽ വൈറലുമാണ്.

വേഗതയ്ക്കും ഗ്ലാമറിനും ആകാശത്തോളം ഉയരുന്ന അഭിലാഷങ്ങള്‍ക്കും പേരുകേട്ട ഒരു നഗരമാണ് ദുബായ്. അവിടെ കോടീശ്വരന്‍ എന്ന നിലയില്‍ മാത്രമല്ലാതെ ജീവിതം 'ഫുള്‍ ത്രോട്ടിലില്‍' ആസ്വദിക്കുന്ന ഒരു 21-കാരന്‍ ഉണ്ട്. കാര്‍പ്രേമികള്‍ക്കിടയില്‍ സുപരിചിതനാല രാഘവ് ഷേണായി കുറിച്ചാണ് പറഞ്ഞുവരുന്നത്. പലര്‍ക്കും സ്വപ്‌നം കാണാന്‍ മാത്രം സാധിക്കുന്ന ആഡംബര കാറുകളോടൊപ്പമുള്ള ചിത്രങ്ങളും വീഡിയോകളും അദ്ദേഹം തന്റെ സോഷ്യല്‍ മീഡിയ അക്കൗണ്ടുകളിലൂടെ പങ്കുവെക്കാറുണ്ട്. അദ്ദേഹത്തിന്റെ ഇന്‍സ്റ്റാഗ്രാം ഫീഡ് ആഡംബരങ്ങളുടെ ഒരു റോളിംഗ് ഗാലറിയാണ്. മനോഹരമായ ലംബോര്‍ഗിനികള്‍, കസ്റ്റമൈസ്ഡ് മക്ലാരന്‍ കാറുകള്‍, മനോഹരമായ ആല്‍പൈന്‍ റോഡുകള്‍, സ്വകാര്യ എസ്റ്റേറ്റുകളിലെ പിറ്റ് സ്റ്റോപ്പുകള്‍ എന്നിവയാണ് അതിലെ ഹൈലൈറ്റുകള്‍.

സേഫ്റ്റിയെന്ന് കേൾക്കുമ്പോഴേ ഇന്ത്യക്കാർക്ക് മനസിൽ ആദ്യം ഓടിയെത്തുന്ന പേരുകളിൽ ഒന്നായിരിക്കും ടാറ്റ മോട്ടോർസ്. കമ്പനിയുടെ നിരയിലെ ഏറ്റവും ജനപ്രിയമായ മോഡൽ ഏതെന്ന് ചോദിച്ചാൽ പലരും നെക്സോണിനെയാവും ചൂണ്ടിക്കാണിക്കുക. കോംപാക്‌ട് എസ്‌യുവി നിരയിലെ മിടുക്കനായ വണ്ടി ഇന്നും ചൂടപ്പം പോലെയാണ് വിറ്റഴിയുന്നത്. വാഹനത്തെ കൃത്യസമയങ്ങളിൽ നവീകരിക്കുന്നതും ആളുകൾക്ക് വൈവിധ്യമാർന്ന വേരിയന്റുകൾ വാഗ്‌ദാനം ചെയ്യുന്നതും താങ്ങാനാവുന്ന വിലയും ഡീസൽ എഞ്ചിന്റെ സാന്നിധ്യവും അഡാറ് സേഫ്റ്റിയുമെല്ലാമാണ് നെക്സോണിനെ ഇത്രയും സവിശേഷമാക്കുന്നത്. ഒപ്പം ആവശ്യമുള്ളവർക്ക് ഇലക്ട്രിക്കിലും സിഎൻജി കരുത്തിലും എസ്‌യുവി തെരഞ്ഞെടുക്കാനാവും.

ഫാമാലിയായോ അല്ലെങ്കിൽ ഫ്രണ്ട്സ് ഗ്യാങുമായോ ഒന്ന് യാത്ര പോവണമെന്ന് വിചാരിച്ചാൽ ഒരു 7-സീറ്റർ വാഹനം കൈയിലുണ്ടെങ്കിൽ പിന്നെ വേറൊന്ന് ചിന്തിക്കാനില്ല. പ്രായോഗികത, മൈലേജ്, മോഡേൺ ഫീച്ചറുകൾ എന്നിവ താങ്ങാനാവുന്ന വിലയിൽ സംയോജിപ്പിക്കുന്ന ഒരുപാട് മോഡലുകൾ ഇന്ന് വിപണിയിൽ ലഭ്യമാണ്. ആയതിനാൽ ഒന്ന് വാങ്ങുകയെന്നത് ആശയക്കുഴപ്പമുണ്ടാക്കുന്ന കാര്യമാണ്. എസ്‌യുവികൾ ട്രെൻഡായതിനാൽ ചെറിയ വിലയിൽ സ്വന്തമാക്കാനാവുന്ന ചില ഡീസൽ സെവൻ സീറ്റർ സ്പോർട് യൂട്ടിലിറ്റി വാഹനങ്ങളെ നമുക്കൊന്ന് പരിചയപ്പെട്ടാലോ? ഒരു 7 സീറ്റർ വാങ്ങണമെന്ന് കാലങ്ങളായി ആഗ്രഹിക്കുന്നവരാണെങ്കിൽ ഇനി പറയുന്ന മോഡലുകൾ പരിഗണിക്കാം.

രാജ്യത്ത് ലൈഫ്‌സ്‌റ്റൈല്‍ എസ്‌യുവി വിഭാഗം ഭരിക്കുന്ന മോഡല്‍ ആണ് മഹീന്ദ്ര ഥാര്‍. റോക്‌സ് എന്ന പേരില്‍ എസ്‌യുവിയുടെ 5 ഡോര്‍ പതിപ്പ് പുറത്തിറങ്ങിയതോടെ ഥാര്‍ 3 ഡോറിന്റെ ഡിമാന്‍ഡിന് ചെറിയ ഇടിവ് നേരിട്ടിരുന്നു. ഈ സാഹചര്യത്തില്‍ 3 ഡോര്‍ പതിപ്പിന്റെ ആകര്‍ഷണം വീണ്ടെടുക്കാനായി കമ്പനി കഴിഞ്ഞ ദിവസം ഥാര്‍ ഫെയ്‌സ്‌ലിഫ്റ്റ് പുറത്തിറക്കി. എന്നാല്‍ 2025 ഥാര്‍ ഫെയ്‌സ്‌ലിഫ്റ്റിന്റെ ചിത്രങ്ങള്‍ കണ്ടവര്‍ ഒറ്റനോട്ട കാര്യമായ മാറ്റങ്ങള്‍ ഒന്നുമില്ലെന്ന് പറയുമായിരിക്കും. എന്നാല്‍ എസ്‌യുവിയിലെ മാറ്റം കാഴ്ചയിലല്ല അനുഭവിച്ചറിയണം എന്നാണ് മഹീന്ദ്ര പറയുന്നത്.

ഇന്ത്യൻ വാഹന വിപണിയിൽ പല വിപ്ലവകരമായ തീരുമാനങ്ങളും നടപ്പിലാക്കിയവരാണ് മാരുതി സുസുക്കി. രാജ്യത്തെ ജനങ്ങളുടെ പൾസറിഞ്ഞ് കൃത്യമായ രീതിയിൽ പ്രവർത്തിക്കുന്ന മറ്റൊരു ബ്രാൻഡ് ഉണ്ടോയെന്ന് വരെ സംശയമാണ്. ഇപ്പോഴിതാ ഇന്ത്യയിലെ വാഹന വ്യവസായ ചരിത്രത്തിൽ സുപ്രധാന നേട്ടം കൈവരിച്ചിരിക്കുകയാണ് കമ്പനി. കശ്മീർ താഴ്‌വരയിലേക്ക് റെയിൽ മാർഗം വാഹനങ്ങൾ എത്തിക്കുന്ന ആദ്യത്തെ കാർ നിർമാതാക്കൾ എന്ന നേട്ടമാണ് മാരുതി സുസുക്കി തങ്ങളുടെ പേരിൽ എഴുതിച്ചേർത്തിരിക്കുന്നത്. ഹരിയാനയിലെ മനേസർ ഇൻ-പ്ലാന്റിലെ റെയിൽവേ സൈഡിംഗിൽ നിന്ന് ജമ്മു കശ്മീരിൽ പുതുതായി തുറന്ന അനന്തനാഗ് റെയിൽവേ ടെർമിനലിലേക്കാണ് കാറുകൾ ട്രെയിൻ മാർഗം എത്തിയിരിക്കുന്നത്.

സെപ്റ്റംബര്‍ 22 മുതല്‍ രാജ്യത്ത് പുതിയ ജിഎസ്ടി ഘടന പ്രാബല്യത്തില്‍ വന്നു. ചെറുകാറുകളുടെ ജിഎസ്ടി 28 ശതമാനത്തില്‍ നിന്ന് 18 ശതമാനമാക്കി കുറച്ചതിന്റെ ആനുകൂല്യങ്ങള്‍ വാഹന നിര്‍മാതാക്കള്‍ ഉപഭോക്താക്കള്‍ക്ക് കൈമാറി. ചില നിര്‍മാതാക്കള്‍ ജിഎസ്ടി കട്ടിന് ശേഷമുള്ള പുതിയ വിലകള്‍ ഉടനടി പ്രാബല്യത്തില്‍ വരുത്തിയപ്പോള്‍ ചിലര്‍ സെപ്റ്റബര്‍ 22 ആകാന്‍ കാത്തിരുന്നു. ഏതായാലും രാജ്യത്തെ പ്രധാന ഉത്സവങ്ങളില്‍ ഒന്നായ നവരാത്രി സമയത്തായിരുന്നു ഉപഭോക്താക്കളെയും കമ്പനികളെയും ഒരുപോലെ സന്തോഷിപ്പിച്ച മാറ്റം നിലവില്‍ വന്നത്. രാജ്യത്തെ പ്രധാനപ്പെട്ട ബ്രാന്‍ഡുകളുടെയെല്ലാം വില്‍പ്പന കണക്കുകളില്‍ ജിഎസ്ടി മാറ്റത്തിന്റെ നേട്ടം പ്രതിഫലിച്ചിരുന്നു.

എസ്‌യുവി വിപണി കൈയടക്കാനായി കച്ചകെട്ടിയിറങ്ങിയിരിക്കുകയാണ് ഇന്ത്യയിലെ ഏറ്റവും വലിയ വാഹന നിർമാതാക്കളായ മാരുതി സുസുക്കി. ഫ്രോങ്ക്‌സ്, ബ്രെസ, ജിംനി, ഗ്രാൻഡ് വിറ്റാര എന്നിവയ്ക്ക് ശേഷം ബ്രാൻഡ് നിരയിലേക്ക് അടുത്തിടെ വിക്ടോറിസ് എന്നൊരു മിടുക്കൻ കൂടിയെത്തുകയുണ്ടായി. ലുക്ക് കൊണ്ടും ഫീച്ചറുകൾകൊണ്ടും മാത്രമല്ല, വിലയുടെ കാര്യത്തിലും വിസ്‌മയിപ്പിച്ചാണ് വിക്ടോറിസ് വിപണിയിലേക്ക് എത്തിയത്. ഹ്യുണ്ടായി ക്രെറ്റ അരങ്ങുവാഴുന്ന മിഡ്-സൈസ് എസ്‌യുവി സെഗ്മെന്റിലേക്ക് മാരുതി പുറത്തിറക്കുന്ന രണ്ടാമത്തെ മോഡൽ ഇതിനോടകം വിജയം രുചിച്ച് കഴിഞ്ഞുവെന്ന് പറയാം. പുറത്തിറങ്ങി ദിവസങ്ങൾക്കകം മോഡൽ 25,000 യൂണിറ്റ് ബുക്കിംഗും കടന്ന് കുതിക്കുകയാണ്.

പുതിയ ജോലി സ്വന്തമാക്കിയതിന് ശേഷം ആദ്യം തന്നെ ഒരു കാർ അല്ലെങ്കിൽ ഒരു ബൈക്ക് വാങ്ങുക എന്നതാണല്ലോ ലക്ഷ്യം. ഇഎംഐ ഇട്ട് വാങ്ങുന്നതാണല്ലോ പതിവ്. എന്നാൽ നിങ്ങളുടെ ശമ്പളത്തുക അനുസരിച്ച് വേണം വാഹനം വാങ്ങാൻ എന്നൊരു കാര്യം കൂടി ഓർക്കണം കേട്ടോ. വരുമാനത്തിൽ നിന്ന് കാർ വായ്പയുടെയും, ഇന്ധനത്തിന്റെയും, ഇൻഷുറൻസിന്റെയും ചെലവുകൾ ഉൾപ്പടെ മൊത്തം ചെലവ് കണക്കാക്കണം. 4 ലക്ഷം മുതൽ 6 ലക്ഷം രൂപ വരെ വിലയുള്ള കാറുകൾ വാങ്ങി പരിപാലിക്കാൻ ഇന്ത്യയിൽ 50000 രൂപ ശമ്പളം മതിയാകും എന്ന് പറഞ്ഞാൽ നിങ്ങൾ വിശ്വസിക്കുമോ.ലിസ്റ്റിൽ ആദ്യം തന്നെ മാരുതി സുസുക്കി കാറുകളാണ് എന്നതാണ് പ്രത്യേകത.

ടാറ്റ മോട്ടോർസിൻ്റെ സെപ്റ്റംബറിലെ വിൽപ്പന കണക്ക് കേട്ടാൽ എതിരാളികൾ പോലും ഞെട്ടുമെന്ന കാര്യത്തിൽ ഒരു സംശയവുമില്ല. റെക്കോർഡ് വിൽപ്പനയെന്ന് പറയുമ്പോൾ സെപ്റ്റംബർ മാസത്തിൽ 60907 യൂണിറ്റുകളാണ് രാജ്യത്ത് വിറ്റത്.ഇത് വഴി 47 ശതമാനത്തിൻ്റെ വർധനവയാണ് വിൽപ്പനയിൽ വന്നിരിക്കുന്നത്. അതിൽ തന്നെ നെക്സോൺ ഇവിക്ക് വേണ്ടി പിടിച്ചുപറി നടന്നെന്ന് തോന്നിപോകും. കാരണം 22,500 നെക്സോൺ കാറുകളാണ് പോയ മാസം വിറ്റത്. ഹാരിയറും സഫാരിയും എല്ലാം ഒന്നിനൊന്ന് മികച്ച പ്രകടനം കാഴ്ച്ചവച്ചുവെന്ന് പ്രത്യേകം പറയേണ്ട കാര്യമില്ലല്ലോ. ഇതോടെ വിൽപ്പന ചാർട്ടിൽ ടാറ്റ രണ്ടാം സ്ഥാനത്തേക്ക് കുതിച്ചിരിക്കുകയാണ്.

സമീപ കാലത്ത് ഇന്ത്യയില്‍ ഏറ്റവും വലിയ ഹിറ്റായ ഇലക്ട്രിക് എസ്‌യുവികളില്‍ ഒന്നാണ് മഹീന്ദ്ര XEV 9e. ഫ്യൂചറിസ്റ്റിക് രൂപകല്‍പ്പനയും പ്രീമിയം ഇവികളില്‍ കണ്ടുവരുന്ന ഫീച്ചറുകളുമായി വരുന്ന കാര്‍ തല്‍ക്ഷണം ഹിറ്റായി. ബുക്കിംഗ് ചാര്‍ട്ടുകള്‍ വിറപ്പിച്ച മഹീന്ദ്ര XEV 9e വാങ്ങിയവരില്‍ സമ്പന്നരായ വ്യവസായികളും സിനിമാ രംഗത്ത് നിന്നുള്ള പ്രമുഖരും ഉണ്ടായിരുന്നു. ഈ ഇലക്ട്രിക് എസ്‌യുവി രാഷ്ട്രീയക്കാരുടെയും ഇഷ്ടം പിടിച്ചു പറ്റിക്കൊണ്ടിരിക്കുകയാണ്. ഇപ്പോള്‍ കേന്ദ്ര ഉരുക്ക് വ്യവസായ മന്ത്രിയും കര്‍ണാടക മുന്‍ മുഖ്യമന്ത്രിയുമായ എച്ച്ഡി കുമാരസ്വാമി ഈ ഇവി സ്വന്തമാക്കിയതായി കാര്‍ടോക് റിപ്പോര്‍ട്ട് ചെയ്യുന്നു.

പെര്‍ഫോമന്‍സ്, സുഖസൗകര്യങ്ങള്‍, പ്രായോഗികത എന്നിവയുടെ സമ്മിശ്രണം കാരണം എസ്യുവികളെ ഒരു വീക്‌നസ് ആക്കിവെച്ചിരിക്കുന്നരാണോ നിങ്ങള്‍? എങ്കില്‍ ആ വീക്‌നസ് ഒന്നു ചേഞ്ച് ആക്കിയാലോ. എസ്യുവി പ്രചോദിത സ്‌റ്റൈലിംഗും സിറ്റി മൊബിലിറ്റി ഫീച്ചറുകളും ഒരുമിച്ച് കൊണ്ടുവരുന്ന ഒരു പ്രീമിയം ഇലക്ട്രിക് സ്‌കൂട്ടറിനെപ്പറ്റി നിങ്ങള്‍ക്ക് സങ്കല്‍പ്പിക്കാന്‍ സാധിക്കുമോ? അതെ, സിറ്റി റൈഡര്‍മാര്‍ക്കായി രൂപകല്‍പ്പന ചെയ്തിരിക്കുന്ന സ്‌റ്റൈലിഷും ശക്തവുമായ ഇലക്ട്രിക് സ്‌കൂട്ടറായ റിവര്‍ ഇന്‍ഡി അതിന്റെ മൂന്നാം തലമുറ അവതാരത്തില്‍ ഇതാ നിങ്ങള്‍ക്കായി വിപണിയിലെത്തിക്കഴിഞ്ഞു.

ഇന്ത്യയിലെ തങ്ങളുടെ മോഡലുകളെയെല്ലാം മികച്ചതാക്കി മാറ്റിക്കൊണ്ടിരിക്കുകയാണ് ഫ്രഞ്ച് വാഹന നിർമാതാക്കളായ സിട്രൺ. അടുത്തിടെ വേരിയന്റുകളുടെ കൂടെ X എന്ന പേര് കൂടി ചേർത്ത് ബസാൾട്ട്, C3 എന്നിവയെ കമ്പനി പുതുക്കി വിപണിയിൽ അവതരിപ്പിച്ചിരുന്നു. മോഡൽ നിരയിൽ വമ്പൻ മാറ്റങ്ങൾ അവതരിപ്പിച്ചുകൊണ്ട് ശ്രദ്ധനേടുന്ന കമ്പനി അടുത്തതായി ഇന്ത്യയിലെ ഏറ്റവും ചെറിയ വിലയുള്ള 7-സീറ്റർ എസ്‌യുവികളിൽ ഒന്നായ എയർക്രോസിന്റെ (Citreon Aircross) പുത്തൻ മോഡലിലൂടെ രാജ്യം വെട്ടിപ്പിടിക്കാൻ ഒരുങ്ങുകയാണ്. അതിന്റെ ഭാഗമായി എസ്‌യുവിയുടെ പുത്തൻ മോഡലിനെ കമ്പനി വിപണിയിൽ എത്തിച്ചു.

നിലവില്‍ രാജ്യത്ത് ഏറ്റവും കൂടുതല്‍ പുതിയ ഉല്‍പ്പന്നങ്ങള്‍ പുറത്തിറങ്ങുന്ന സെഗ്‌മെന്റ് ആണ് ഇലക്ട്രിക് ടൂവീലര്‍. പരമ്പരാഗത ടൂവീലര്‍ ബ്രാന്‍ഡുകള്‍ക്കൊപ്പം സ്റ്റാര്‍ട്ടപ്പ് കമ്പനികളും ഈ വിഭാഗത്തില്‍ മത്സരിച്ച് വാഹനങ്ങള്‍ പുറത്തിറക്കുകയാണ്. അതുകൊണ്ട് തന്നെ സെഗ്‌മെന്റില്‍ കടുത്ത മത്സരമാണ് അരങ്ങേറിക്കൊണ്ടിരിക്കുന്നത്. ഓല ഇലക്ട്രിക്, ടിവിഎസ് മോട്ടോര്‍, ബജാജ് ഓട്ടോ, ഏഥര്‍ എനര്‍ജി എന്നീ കമ്പനികളാണ് നിലവില്‍ ഇന്ത്യന്‍ ഇലക്ട്രിക് ടൂവീലര്‍ സെഗ്‌മെന്റിന്റെ തലപ്പത്തുള്ളത്. കഴിഞ്ഞ കുറച്ച് മാസങ്ങളായി ആദ്യ നാല് സ്ഥാനങ്ങള്‍ മാറിക്കൊണ്ടിരിക്കുകയാണ്. 2025 സെപ്റ്റംബറിലും ടോപ് 4 റാങ്കിങ്ങുകളില്‍ മാറ്റങ്ങളുണ്ട്. നമുക്ക് അത് വിശദമായി നോക്കാം.

ഇവികൾ അരങ്ങുവാഴുന്നിടത്തേക്ക് തങ്ങളുടെ പുതിയ ഓട്ടോണോമസ് ഇലക്ട്രിക് തീ വീലറുമായി എത്തിയിരിക്കുകയാണ് ഒമേഗ സെയ്കി മൊബിലിറ്റി. ലോകത്തിലെ തന്നെ ആദ്യത്തെ പ്രൊഡക്ഷൻ-റെഡി ഓട്ടോണമസ് ഇലക്ട്രിക് ത്രീ വീലറായ സ്വയംഗതി ഔദ്യോഗികമായി കമ്പനി പുറത്തിറക്കിയിരിക്കുകയാണ്. വാണിജ്യ ആവശ്യങ്ങൾക്ക് ഒപ്പം തന്നെ പാസഞ്ചർ പതിപ്പിന് വെറും 4 ലക്ഷം രൂപയാണ് വില. വിമാനത്താവളങ്ങൾ, സ്മാർട്ട് കാമ്പസുകൾ, വ്യാവസായിക പാർക്കുകൾ, ഗേറ്റഡ് കമ്മ്യൂണിറ്റികൾ, എന്നിവടങ്ങളിലുളള ഹ്രസ്വ-ദൂര ഉപയോഗങ്ങൾക്ക് വേണ്ടി AI-ഡ്രൈവ് ചെയ്ത റിട്രോഫിറ്റ് ഓട്ടോണമി സിസ്റ്റവുമായിട്ടാണ് സ്വയംഗതി എന്ന മോഡൽ ഒമേഗ സെയ്കി മൊബിലിറ്റി പുറത്തിറക്കിയിരിക്കുന്നത്.

Mahindra Thar 3-Door Facelift (2025) launched in India with design and feature upgrades. Expected price: INR 12 Lakhs. | മഹീന്ദ്ര ഥാർ 3-ഡോർ ഫെയ്‌സ്‌ലിഫ്റ്റ് (2025) രൂപകൽപ്പനയിലും ഫീച്ചറുകളിലുമുള്ള മാറ്റങ്ങളോടെ ഇന്ത്യയിൽ പുറത്തിറങ്ങി. ഏകദേശ വില: 12 ലക്ഷം രൂപ.