രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കിക്ക് സൌഭാഗ്യങ്ങൾ കൊണ്ടുകൊടുത്ത മോഡലാണ് ഫ്രോങ്ക്‌സ്. ജിംനി പൊട്ടിപാളീസായെങ്കിലും ഓഫ്-റോഡറിനൊപ്പം സർപ്രൈസായി അവതരിപ്പിച്ച മോഡൽ ജനഹൃദയങ്ങൾ കീഴടക്കുന്ന കാഴ്ച്ചയാണ് കാണുവാനായത്. പ്രീമിയം ഹാച്ച്ബാക്കായ ബലേനോയെ അടിസ്ഥാനമാക്കി പണികഴിപ്പിച്ച ക്രോസ്ഓവർ ലുക്കുള്ള എസ്‌യുവി ഇന്ന് റോഡിലിറങ്ങിയാൽ ഏറ്റവും കൂടുതൽ കാണുന്ന കാറുകളിൽ ഒന്നാണ്. താങ്ങാനാവുന്ന വില, അഡാറ് ലുക്ക്, കിടിലൻ ഫീച്ചറുകൾ, കുറഞ്ഞ മെയിന്റനെൻസ്, നല്ല വില എന്നീ മാരുതിയുടെ എല്ലാ സംഭവങ്ങളും ഒത്തുചേർന്ന ഫ്രോങ്ക്‌സ് എല്ലാമാസവും പതിനായിരം യൂണിറ്റുകൾക്ക് മുകളിലാണ് വിറ്റഴിയുന്നത്.

ഇലക്ട്രിക് വാഹന വിപണിയിൽ ദിനംപ്രതി മത്സരം കനത്തുകൊണ്ടിരിക്കുകയാണ്. എല്ലാ ബ്രാൻഡുകളും തങ്ങളുടെ ഇലക്ട്രിക് മോഡലുകളുടെ വേഷം അണിയാൻ തയ്യാറെടുക്കുകയാണ്. ആഡംബര ബ്രാൻഡുകളും ഈ കാര്യത്തിൽ ഒട്ടും പിന്നിൽ അല്ല കേട്ടോ. കംഫർട്ടിൻ്റെ കാര്യത്തിൽ ആണെങ്കിലും ഡിസൈനിലും എല്ലാം ഒരു വിട്ടുവിഴ്ച്ചയും വരുത്താതെ തങ്ങളുടെ ഉപഭോക്താക്കൾക്ക് വേണ്ടി മികച്ച മോഡലുകൾ അവതരിപ്പിക്കുന്നവരാണ് പോർഷ. ഇപ്പോഴിതാ ബ്രാൻഡിൻ്റെ പ്രിയപ്പെട്ട എസ്‌യുവി മോഡലായ കയീൻ്റെ ഇലക്ട്രിക് പതിപ്പ് അവതരിപ്പിക്കാനൊരുങ്ങുകയാണ് ബ്രാൻഡ്. എന്നാൽ ഇത്തവണ ഇലക്ട്രിക് കരുത്തോട് കൂടിയാണ് ബ്രാൻഡ് തങ്ങളുടെ ഉപഭോക്താക്കളെ ഞെട്ടിക്കാൻ പോകുന്നത്.

വാഹനമോടിക്കുമ്പോൾ ചിലപ്പേആൾ തോന്നാറില്ലേ എന്റെ വണ്ടിക്ക് അൽപ്പം കൂടി പവറുണ്ടായിരുന്നു എങ്കിൽ എന്ന്. ഇനി ഫോക്സ്‌വാഗൺ ഉടമകൾക്ക് അങ്ങനെയൊരു സങ്കടത്തിന് വഴിയുണ്ടാവില്ല എന്നാണ് ബ്രാൻഡ് അറിയിച്ചിരിക്കുന്നത്. കാര്യം എന്താണെന്ന് അല്ലേ, ഫോക്സ്‌വാഗൺ ഇവികൾക്ക് പവർ കൂടുതൽ കിട്ടുന്നതിന് വേണ്ടിയുളള സബ്സ്ക്രിപ്ഷൻ സംവിധാനം കമ്പനി ആരംഭിച്ചിരിക്കുകയാണ്. അത് കേട്ടപ്പോൾ തന്നെ നിങഅങളുടെ മനസിൽ ഉയർന്ന ചോദ്യം അതിന് ഇന്ത്യയിൽ എവിടെയാണ് ബ്രാൻഡിന് ഇവികളുളളത് എന്നായിരിക്കും.അതിൻ്റെ കൂടുതൽ വിവരങ്ങൾ അറിയുന്നതിന് വേണ്ടി ലേഖനം തുടർന്ന് വായിക്കാൻ മറക്കരുതെന്ന് പ്രത്യേകം ഓർമിപ്പിക്കുകയാണ് കേട്ടോ.

കിയ കാരൻസ് ക്ലാവിസ് എംപിവി വിപണിയിൽ എത്തിയത് മുതലുള്ള ആഗ്രഹമായിരുന്നു ഒന്ന് ഓടിച്ചു നോക്കണം എന്നത്. അങ്ങനെ കാത്തിരിപ്പുകൾക്ക് ശേഷം കുറച്ച് ദിവസത്തേക്ക് ഈ ആഡംബരങ്ങളുടെ രാജകുമാരനായ എംപിവി കൈയിലേക്ക് കിട്ടി. കിയയുടെ കോട്ടയത്തെ ഇഞ്ചിയോൺ ഡീലർഷിപ്പിൽ നിന്ന് വാഹനം ഏറ്റുവാങ്ങി പുറത്തേക്ക് ഇറങ്ങിയപ്പോൾ ഒരു ഡെലിവറി കഴിഞ്ഞ പ്രതീതിയായിരുന്നു മനസിൽ. വാഹനത്തിൻ്റെ ഇൻ്റീരിയറിൽ ആണെങ്കിൽ ടെക്നോളജിയുടെ വിളയാട്ടം തന്നെയാണ് എന്ന് പറയാതിരിക്കാൻ കഴിയില്ല. റോഡ് ക്രോസ് ചെയ്യുമ്പോഴും, റിവേഴ്സ് എടുക്കുമ്പോഴും പുതിയ വഴിയിലേക്ക് തിരിയുമ്പോഴും ഒക്കെ മുതലാളി ഒന്നും പേടിക്കണ്ട ഞാൻ എല്ലാ നോക്കിക്കോളാം എന്ന് വാഹനം നമ്മളോട് പറയുന്നത് പോലെയാണ് തോന്നുന്നത്.

ഇന്ത്യയിലെ ഏറ്റവും ഫ്യൂച്ചറിസ്റ്റിക്കായ 125 സിസി മോട്ടോര്‍സൈക്കിള്‍ വിപണിയിലെത്തിച്ച് ഹീറോ മോട്ടോകോര്‍പ്പ്. ചെവ്വാഴ്ചയാണ് (2025 ഓഗസ്റ്റ് 19) രാജ്യത്തെ നമ്പര്‍ 1 ടൂവീലര്‍ ബ്രാന്‍ഡ് ആയ ഹീറോ ഗ്ലാമര്‍ X 125 വിപണിയില്‍ എത്തിച്ചത്. ബേസ് ഡ്രം വേരിയന്റിന് 89999 രൂപയാണ് വിലയിട്ടിരിക്കുന്നത്. മോട്ടോര്‍സൈക്കിളിന്റെ ടോപ്‌സ്‌പെക് ഡിസ്‌ക് വേരിയന്റിന് 99,999 ലക്ഷം രൂപയാണ് വില. എക്‌സ്‌ഷോറൂം വിലകള്‍ ആണ് ഇത്. സ്‌റ്റൈലിംഗ് അപ്‌ഡേറ്റുകള്‍ക്കൊപ്പം പുത്തന്‍ ഫീച്ചറുകളുമായി എത്തുന്ന പുത്തന്‍ മോട്ടോര്‍സൈക്കിളിനെ കുറിച്ച് ചുവടെ വിശദമായി വായിക്കാം.

മലയാള സിനിമയിലെ പ്രശസ്‌ത സംവിധായകരിൽ ഒരാളാണ് ബി ഉണ്ണികൃഷ്‌ണൻ. ത്രില്ലർ സിനിമകളുടെ രാജകുമാരൻ എന്നുകൂടി വിളിപ്പേരുള്ള ഇദ്ദേഹം വലിയൊരു ഹിറ്റ് സമ്മാനിച്ചിട്ട് കുറച്ച് നാളുകളായെങ്കിലും ലാലേട്ടന്റെ മാടമ്പി സുരേഷ് ഗോപിയുടെ ടൈഗർ തുടങ്ങിയ ചിത്രങ്ങൾ മതി ഇങ്ങേരുടെ ലെവൽ മനസിലാവാൻ. ക്രിസ്റ്റഫർ, നെയ്യാറ്റിൻകര ഗോപന്റെ ആറാട്ട്, മിസ്റ്റർ ഫ്രോഡ്, ദി ത്രില്ലർ, ഗ്രാൻഡ്മാസ്റ്റർ, കോടതി സമക്ഷം ബാലൻ വക്കീൽ, പ്രമാണി തുടങ്ങിയ നിരവധി ചിത്രങ്ങളും ഉണ്ണികൃഷ്‌ണൻ മലയാളികൾക്ക് സമ്മാനിച്ചിട്ടുണ്ട്. ഫെഫ്കയുടെ ജനറൽ സെക്രട്ടറിയായ ഇദ്ദേഹത്തിന് കൂട്ടായി പുതിയൊരാൾ കൂടി കടന്നുവന്നിരിക്കുകയാണ്.

ഇന്ത്യന്‍ വിപണിയിലെ ഏറ്റവും ജനപ്രിയമായ കാറുകളില്‍ ഒന്നാണ് എംജി കോമറ്റ് ഇവി (MG Comet EV). കുഞ്ഞന്‍ വലിപ്പത്തിലുള്ള ഈ കോംപാക്ട് ഇവിയാണ് നിലവില്‍ ഇന്ത്യയില്‍ ഏറ്റവും കുറഞ്ഞ വിലയില്‍ വാങ്ങാന്‍ സാധിക്കുന്ന ഇലക്ട്രിക് കാര്‍. വലിപ്പം കുറഞ്ഞ കാര്‍ ആണെങ്കിലും ഇതില്‍ നാലുപേര്‍ക്ക് സുഖമായി യാത്ര ചെയ്യാമെന്നതിനാല്‍ ഇന്ത്യയിലെ നഗരപ്രദേശങ്ങളില്‍ കോമെറ്റ് ഇവിക്ക് നല്ല പ്രചാരമുണ്ട്. ഒതുക്കമുള്ള വലിപ്പം കാരണം തിരക്കേറിയ റോഡുകളിലൂടെ ഓടിക്കാന്‍ അനുയോജ്യമാണ് എംജി കോമെറ്റ് ഇവി. അതുകൊണ്ട് തന്നെ ഇന്ത്യയിലെ മെട്രോ നഗരങ്ങളില്‍ എംജി കോമെറ്റ് ഇവിക്ക് നല്ല ഡിമാന്‍ഡ് ഉണ്ട്.

പുത്തനൊരു കാർ വാങ്ങാൻ പോവുന്നവർ ഇപ്പോൾ കൂടുതലും പ്രാധാന്യം കൊടുക്കുന്നത് ഫീച്ചറുകൾക്കും സേഫ്റ്റിക്കുമാണ്. പണ്ടൊക്കെ എസിയില്ലാതെയും കാറുകൾ പുറത്തിറങ്ങിയിരുന്നുവെങ്കിലും ഇന്നിറങ്ങുന്ന എല്ലാ മോഡലുകളിലും ഈയൊരു കാര്യം സ്റ്റാൻഡേർഡ് ഫീച്ചറായി മാറിയിട്ടുണ്ട്. എസിയുടെ ഉപയോഗം അത്രയേറെ നമ്മുടെ ദൈനംദിന ജീവിതത്തിന്റെ ഭാഗമായി മാറിക്കഴിഞ്ഞുവെന്ന് സാരം. ആവശ്യങ്ങള്‍ക്ക് അനുസരിച്ച് കാറിന്റെ ഉള്‍വശം തണുപ്പിക്കാനും ചൂടാക്കാനും എയര്‍ കണ്ടീഷനുകള്‍ക്ക് (AC) കഴിയുമെന്നതാണ് പ്രത്യേകത. അങ്ങനെ എല്ലാ മോഡലുകളും എസി കാറുകളായപ്പോൾ ഇതിൽ ഒരു പുതുമ കൊണ്ടുവന്ന സംവിധാനമായിരുന്നു ഓട്ടോമാറ്റിക് ക്ലൈമറ്റ് കൺട്രോളുകൾ.

ഇപ്പോൾ വാഹന വിപണിയിൽ ഫീച്ചറുകൾ കൂടുതലുളള വാഹനങ്ങളോടാണ് ജനങ്ങൾക്ക് ഇഷ്ടകൂടുതൽ എന്നത് വളരെ സത്യമാണ്. മാനുവലായി ചെയ്യുന്ന കാര്യങ്ങൾ പലർക്കും ഇപ്പോൾ ഒരു ബുദ്ധിമുട്ടായിരിക്കുകയാണ്. ജനങ്ങളുടെ മനസ് അറിഞ്ഞ് ടെക്നോളജികൾ അവതരിപ്പിക്കുന്നതിൽ കൊറിയൻ ബ്രാൻഡായ ഹ്യുണ്ടായി വേറെ ലെവലാണ്. അതിൽ തന്നെ പ്രധാനമാണ് ഡിജിറ്റൽ കീ. 2024 സെപ്റ്റംബറിൽ ഹ്യുണ്ടായി അൽകസാറിനൊപ്പം ലോഞ്ച് ചെയ്‌ത് പിന്നീട് 2025 ജനുവരിയിൽ ഹ്യുണ്ടായി CRETA ഇലക്ട്രിക്കിൽ അവതരിപ്പിച്ച ഈ ഫീച്ചർ അവതരിപ്പിച്ച് ഒരു വർഷത്തിനുള്ളിൽ തന്നെ അതിവേഗം ഉപഭോക്താക്കൾ ഏറ്റെടുക്കുകയും ചെയ്തു.

2025 ഓഗസ്റ്റ് 15-ന് കാര്‍ ഉടമകള്‍ക്കായി പുറത്തിറക്കിയ ഫാസ്ടാഗ് വാര്‍ഷിക പാസ് അവതരിപ്പിച്ച് നാല് ദിവസത്തിനുള്ളില്‍ അഞ്ച് ലക്ഷം ഉപയോക്താക്കള്‍ പ്രയോജനപ്പെടുത്തിയതായി കേന്ദ്ര റോഡ് ഗതാഗത, ഹൈവേ മന്ത്രാലയം (MoRTH) അറിയിച്ചു. ദേശീയ പാതകളില്‍ 3,000 രൂപ വാര്‍ഷിക നിരക്കില്‍ 200 യാത്രകള്‍ നടത്താനാകുന്ന പാസിന് ഉപയോക്താക്കളില്‍ നിന്ന് മികച്ച പ്രതികരണമാണ് ലഭിച്ചിരിക്കുന്നത്.പാസ് ഉപയോഗപ്പെടുത്തുന്ന ഉപയോക്താക്കള്‍ക്ക് ഓരോ യാത്രയ്ക്കും 15 രൂപ മാത്രമാണ് നിരക്ക് വരിക. കഴിഞ്ഞ നാല് ദിവസത്തിനിടെ വാര്‍ഷിക പാസ് വാങ്ങിയവരുടെ എണ്ണത്തില്‍ തമിഴ്‌നാട് ഒന്നാമതെത്തി. കര്‍ണാടകയും ഹരിയാനയും തൊട്ടുപിന്നിലുണ്ട്.

വണ്ടിഭ്രാന്തൻമാരുടെ ഇഷ്‌ടപ്പെട്ട ആഡംബര വാഹന നിർമാതാക്കളിൽ പ്രമുഖരാണ് ബിഎംഡബ്ല്യു. മെർസിഡീസ് ബെൻസ് എന്ന അതികായകൻമാരുടെ മുഖ്യ എതിരാളിയായി കണക്കാക്കപ്പെടുന്നതും ഇതേ ബ്രാൻഡിനെയാണ്. രാജ്യത്തെ സ്ത്രീജനങ്ങൾക്ക് പോലും അറിയാവുന്ന ജർമൻpeJz കമ്പനി വാഹനങ്ങൾ പുറത്തിറക്കുന്നതിൽ യാതൊരു വിധ മടിയും കാണിക്കാറില്ല. വിപണിയിൽ സജീവമായി നിൽക്കുന്നതിനായി പുതുപുത്തൻ മോഡലുകൾ അടിക്കടി ഇന്ത്യയിലേക്ക് കൊണ്ടുവരാറുണ്ട്. ഇപ്പോഴിതാ 3 സീരീസിന്റെ പുത്തൻ പതിപ്പുകളുമായി വിപണിയിൽ എത്തിയിരിക്കുകയാണ് ബിഎംഡബ്ല്യു. ആഗോളതലത്തിൽ പ്രശസ്തമായ 3 സീരീസിന്റെ 50-ാം വാർഷികം ആഘോഷിക്കുന്നതിന്റെ ഭാഗമായിട്ടുള്ള ലിമിറ്റഡ് റൺ '50 ജഹ്രെ' എഡിഷനാണ് കമ്പനി അവതരിപ്പിച്ചിരിക്കുന്നത്.

രാജ്യത്ത് വാഹന രംഗത്ത് ഇപ്പോള്‍ ചര്‍ച്ച ജിഎസ്ടി പരിഷ്‌കാരത്തെയും E20 ഇന്ധനത്തെയും ചുറ്റിപ്പറ്റിയാണ്. മലിനീകരണവും അസംസ്‌കൃത എണ്ണ ഇറക്കുമതിയും കുറയ്ക്കാനായി 20 ശതമാനം എഥനോള്‍ കലര്‍ത്തിയ E20 പെട്രോള്‍ ഇന്ത്യയില്‍ പുതിയ മാനദണ്ഡമായി മാറാന്‍ പോകുകയാണ്. E20 പെട്രോള്‍ മികച്ചതാണെങ്കിലും ഇതിന് അനുസൃതമായി രൂപകല്‍പ്പന ചെയ്തിട്ടില്ലാത്ത പഴയ മോട്ടോര്‍സൈക്കിളുകള്‍ക്ക് ഒരു വെല്ലുവിളിയാണ്. കാരണം, എഥനോള്‍ ഹൈഗ്രോസ്‌കോപ്പിക് ആണ് (ഈര്‍പ്പം ആഗിരണം ചെയ്യുന്നു). കൂടാതെ ഇത് പഴയ ബൈക്കുകളുടെ ലോഹ ഭാഗങ്ങള്‍, റബ്ബര്‍ സീലുകള്‍, ഫ്യുവല്‍ സിസ്റ്റം എന്നിവയ്ക്ക് കേടുവരുത്തും.

പുത്തൻ വാഹനം വാങ്ങുമ്പോൾ ആദ്യം തന്നെ ചെയ്യുന്ന കാര്യമാണ് വാഹനത്തിന് ചേരുന്ന അലോയ് വീലുകൾ തെരഞ്ഞെടുക്കുക എന്നത്. ഏതൊരു വാഹനം ആണെങ്കിലും യോജിക്കുന്ന അലോയ് വീലുകൾ ഇട്ട് കഴിയുമ്പോൾ വാഹനത്തിൻ്റെ ലുക്ക് കണ്ട് നിങ്ങൾക്ക് തന്നെ അത്ഭുതം വന്നേക്കാം. പക്ഷേ വെറുതെ കടയിൽ കാണുന്ന അലോയ് വീലുകൾ ഇടുന്നതിലല്ല കാര്യം. ലുക്കിൽ അല്ല അലോയ് വീലുതളുടെ വർക്കിലാണ് കാര്യം എന്നത് കൂടി ഓർമ്മയിൽ വയ്ക്കണം. വാഹനത്തിൽ ലഭിക്കുന്ന സ്റ്റീൽ റിമ്മുകളിൽ നിന്ന് ഭാരം കുറഞ്ഞതും കൂടുതൽ ഭംഗിയുള്ള അലോയ് വീലുകളിലേക്ക് മാറ്റുമ്പോൾ എന്തൊക്കെ ശ്രദ്ധിക്കണം എന്നത് നിങ്ങളുടെ ശ്രദ്ധയിലേക്ക് കൊണ്ടുവരികയാണ്. കൂടുതൽ അറിയാൻ തുടർന്ന് വായിക്കാൻ മറക്കരുതേ.

ഇറങ്ങിയ കാലത്ത് സോപ്പു പെട്ടി പോലുള്ള ഡിസൈനിന്റെ പേരിൽ ഏറെ കളിയാക്കലുകൾ കേട്ടിരുന്ന വണ്ടിയായിരുന്നു മാരുതി സുസുക്കി എസ്-പ്രെസോ. അതുവരെ ഇന്ത്യക്കാർ അത്രകണ്ട് പരിചിതമല്ലാത്ത രൂപവുമായി എത്തിയപ്പോൾ വിപണിയിൽ മൂക്കുകുത്തി വീഴുമെന്ന് പ്രവചിച്ചവരായിരുന്നു അധികവും. എന്നാൽ കാറിന്റെ പ്രായോഗികതയും കഴിവുകളും കണ്ട് ആളുകൾ ഫ്ലാറ്റായ കാഴ്ച്ചയാണ് കാണാനായത്. ഇന്ത്യയിൽ ഏറ്റവും ജനപ്രിയമായ മോഡേൺ സിറ്റി കാറുകളിൽ ഒന്നാണ് മാരുതി സുസുക്കി എസ്-പ്രെസോയെന്ന് നിസംശയം പറയാം. കോംപാക്‌ടായ രൂപവും ഉയർന്ന സീറ്റിംഗ് പൊസിഷനും എല്ലാമുള്ള മോഡൽ സിറ്റി ട്രാഫിക്കിലെല്ലാം കൊണ്ടുനടക്കാൻ എളുപ്പമാണ്.

അമേരിക്കന്‍ ഇരുചക്ര വാഹന നിര്‍മാതാക്കളായ ഹാര്‍ലി ഡേവിഡ്സണ്‍ സ്ട്രീറ്റ് ബോബ് 117 ( Harley-Davidson Street Bob 117) ഇന്ത്യന്‍ വിപണിയില്‍ അവതരിപ്പിച്ചു. വലിയ മില്‍വാക്കി-എയിറ്റ് 117 (1,923 സിസി) വി-ട്വിന്‍ എഞ്ചിനോടുകൂടിയ ക്ലാസിക് ബോബര്‍ മോഡലിന്റെ തിരിച്ചുവരവില്‍ 18.77 ലക്ഷം രൂപയാണ് കമ്പനി എക്‌സ്‌ഷോറൂം വില നിശ്ചയിച്ചിരിക്കുന്നത്. ഈ വിലയില്‍, 117 എഞ്ചിന്‍ ഉള്‍ക്കൊള്ളുന്ന ഏറ്റവും താങ്ങാനാവുന്ന ഹാര്‍ലി മോഡലായി ഇത് മാറുന്നു. ഹാര്‍ലിയുടെ പാരമ്പര്യം പേറുന്ന രൂപകല്‍പ്പനക്കൊപ്പം മികച്ച പ്രകടനവും ഇത് വാഗ്ദാനം ചെയ്യുന്നു.

ദീപാവലിയോടെ ഇന്ത്യയിൽ കാറുകൾക്ക് വില കുറയാൻ പോവുന്നുവെന്ന വാർത്തകൾ വാഹനം വാങ്ങാനിരിക്കുന്നവർക്കെല്ലാം ഇരട്ടി സന്തോഷമാണ് നൽകിയിരിക്കുന്നത്. കാർ എന്ന സ്വപ്‌നം മനസിലിട്ട് നടക്കുന്നവർക്ക് ഇനി അധിക ചെലവില്ലാതെ പോർച്ചിൽ വണ്ടിയെത്തിക്കാനാവും. ഒക്ടോബറോടെ നിരക്ക് കുറയ്ക്കാനും ചരക്ക് സേവന നികുതി (ജിഎസ്ടി) ലളിതമാക്കാനും സർക്കാർ പദ്ധതിയിടുന്നതായുള്ള റിപ്പോർട്ടുകൾ പുറത്തുവന്നതോടെയാണ് വാഹന വിപണിക്ക് മൈലേജാവുന്ന ഈ കാര്യം തീപ്പൊരി പോലെ പടരുന്നത്. നിലവിൽ മിക്ക സാധനങ്ങൾക്കും സേവനങ്ങൾക്കും സർക്കാർ 5, 12, 18, 28 ശതമാനം നികുതിയാണ് ചുമത്തുന്നത്.

ഓണക്കാലമായതിനാല്‍ പലരും പുതിയ കാര്‍ വീട്ടിലെത്തിക്കുന്നതിനെ കുറിച്ച് ചിന്തിക്കുന്നുണ്ടാകും. മാരുതി സുസുക്കിയുടെ അരീന ഡീലര്‍ഷിപ്പുകള്‍ ഈ മാസം വിവിധ കാറുകളുടെ ചില വേരിയന്റുകള്‍ക്ക് 1.10 ലക്ഷം രൂപ വരെ കിഴിവുകള്‍ വാഗ്ദാനം ചെയ്യുന്നു. ജനപ്രിയ മാരുതി മോഡലുകള്‍ വാങ്ങുമ്പോള്‍ കണ്‍സ്യൂമര്‍ ഡിസ്‌കൗണ്ട്, എക്‌സ്‌ചേഞ്ച് അല്ലെങ്കില്‍ അപ്‌ഗ്രേഡ് ആനുകൂല്യങ്ങള്‍, ഇന്‍സ്റ്റിറ്റിയൂഷനല്‍ സ്‌കീമുകള്‍, ലിമിറ്റഡ് എഡിഷന്‍ കിറ്റുകള്‍ എന്നിവയുടെ രൂപത്തില്‍ വലിയാരു തുക ലാഭിക്കാം. ആള്‍ട്ടോ K10 മുതല്‍ ബ്രെസ വരെയുളള കാറുകള്‍ 2025 ഓഗസ്റ്റില്‍ ആകര്‍ഷകമായ കിഴിവില്‍ വാഗ്ദാനം ചെയ്യുന്നു.

ലോകത്തിലെ ഏറ്റവും വലിയ ഇരുചക്ര വാഹന നിര്‍മാതാക്കളാണ് ഹീറോ മോട്ടോകോര്‍പ്പ്. ഒരുവിധം എല്ലാ സെഗ്‌മെന്റുകളിലും ഉല്‍പ്പന്നങ്ങള്‍ വാഗ്ദാനം ചെയ്യുന്ന ഹീറോ എല്ലാ ഉപഭോക്താക്കള്‍ക്കും ആവശ്യമായത് ലഭിക്കുന്നുവെന്ന് ഉറപ്പാക്കുന്നു. അതുകൊണ്ട് തന്നെ വളരെ വിപുലമായ ഒരു പോര്‍ട്‌ഫോളിയോ ഹീറോയ്ക്കുണ്ട്. ഇന്ത്യയില്‍ 125 സിസി സെഗ്മെന്റിലെ ഏറ്റവും ജനപ്രിയ ബൈക്കുകളില്‍ ഒന്നാണ് ഹീറോ ഗ്ലാമര്‍. ഹീറോ മോട്ടോകോര്‍പ്പ് ഇപ്പോള്‍ ഗ്ലാമര്‍ 125 മോഡലിന്റെ പുതിയ പതിപ്പ് പുറത്തിറക്കാന്‍ ഒരുങ്ങുകയാണ്. നാളെ ലോഞ്ച് ചെയ്യുന്നതിന് മുമ്പ് ബൈക്കിന്റെ ചിത്രങ്ങൾ ഇന്റർനെറ്റിൽ ചോർന്നിടിക്കുകയാണ്.

ഇന്ത്യക്കാർക്ക് ഏറ്റവും കൂടുതൽ ഇഷ്‌ടമുള്ള വാഹന നിർമാതാക്കളിൽ ഒരാളാണ് ടൊയോട്ട. അങ്ങ് ജാപ്പനിൽ നിന്നും വന്ന് ആളുകളുടെ മനസ് കീഴടക്കാൻ ഒരുപാട് മോഡലുകളൊന്നും ബ്രാൻഡിന് ആവശ്യമായിരുന്നില്ല. ക്വാളിസ്, ഇന്നോവ, ഫോർച്യൂണർ, എത്തിയോസ് ലിവ, എത്തിയോസ് സെഡാൻ എന്നിങ്ങനെ ജനകീയരായ മോഡലുകൾ ടൊയോട്ടയുടെ നിരയിൽ ഏറെയുണ്ട്. അക്കൂട്ടത്തിലെ മറ്റൊരു പ്രധാനിയാണ് കാമ്രി. 2019 മുതൽ ഇന്ത്യയിൽ വിൽപ്പനയ്‌ക്കുള്ള കാർ തരക്കേടില്ലാത്ത രീതിയിൽ പണമുണ്ടാക്കുന്നുണ്ട്. പ്രീമിയം വിഭാഗത്തിൽ ഇടംപിടിക്കുന്നതിനാൽ തന്നെ മെർസിഡീസ് ബെൻസ്, ഔഡി, ബിഎംഡബ്ല്യു തുടങ്ങിയ ലക്ഷ്വറി ബ്രാൻഡുകളുടെ എൻട്രി ലെവൽ മോഡലുകളോടാണ് കാമ്രിയുടെ മത്സരം.

ഒരു കാര്‍ വാങ്ങുമ്പോള്‍ മൈലേജിനെക്കാള്‍ പ്രാധാന്യം സുരക്ഷയ്ക്ക് നല്‍കുന്ന ഒരു കാലഘട്ടമാണിത്. വാഹനങ്ങളുടെ സുരക്ഷ വിലയിരുത്തുന്നതിനായി വിവിധ കാര്‍ സേഫ്റ്റി അസെസ്‌മെന്റ് പ്രോഗ്രാമുകള്‍ പ്രചാരത്തില്‍ ഉണ്ട്. അതില്‍ പ്രധാനമാണ് ഗ്ലോബല്‍ ന്യൂ കാര്‍ അസെസ്‌മെന്റ് പ്രോഗ്രാം. ഗ്ലോബല്‍ NCAP ആയിരുന്ന ഇന്ത്യയിലെ കാറുകളുടെ സേഫ്റ്റി വിലയിരുത്തി വന്നിരുന്നത്. 2023-ല്‍ കേന്ദ്രസര്‍ക്കാര്‍ ഭാരത് NCAP എന്ന തദ്ദേശീയ ക്രാഷ് ടെസ്റ്റ് കൊണ്ടുവന്നു. ഇന്ത്യയിലെ നിരവധി കാറുകളുടെ സേഫ്റ്റി ഇതിന് കീഴില്‍ വിലയിരുത്തിയിട്ടുണ്ട്. 10 ലക്ഷം രൂപയില്‍ താഴെ വിലയില്‍ മികച്ച സേഫ്റ്റി റേറ്റിംഗ് നേടിയ കാറുകളെയാണ് ഈ ലേഖനത്തില്‍ നമ്മള്‍ പരി്ചയപ്പെടാന്‍ പോകുന്നത്.

ഇന്ത്യയിലെ സ്‌കൂട്ടർ വിപണിയെ കൈയിലെടുക്കാനായി പുതിയ പദ്ധതികൾ ആവിഷ്ക്കരിച്ച് മുന്നേറുന്നവരാണ് ജാപ്പനീസ് ഇരുചക്ര വാഹന നിർമാതാക്കളായ യമഹ. ഫാസിനോ, റേ ZR, എയ്റോക്‌സ് എന്നിങ്ങനെ മൂന്ന് മോഡലുകൾ മാത്രമാണ് കമ്പനിയുടെ ഗിയർലെസ് സ്‌കൂട്ടർ നിരയിലുള്ളതെങ്കിലും തരക്കേടില്ലാത്ത രീതിയിൽ കച്ചോടം പിടിക്കാൻ ബ്രാൻഡിനാവുന്നുണ്ട്. ഫാമിലി, ലേഡീസ് സ്‌കൂട്ടറായ ഫാസിനോ ഹൈബ്രിഡിനെ ഇക്കഴിഞ്ഞ ദിവസം പുതിയ അപ്ഡേറ്റുകളോടെ യമഹ പുതുക്കി വിപണിയിൽ അവതരിപ്പിച്ചിരുന്നു. ഇതിന് പിന്നാലെ യൂത്തൻമാരുടെ ഫേവറീറ്റായ റേ ZR സ്‌കൂട്ടറിന്റെ പുതിയ പതിപ്പിനേയും വിപണിയിൽ എത്തിച്ചിരിക്കുകയാണ് കമ്പനി.

ലോകത്ത് തന്നെ നിരവധി ആഡംബര കാറുകള്‍ പുറത്തിറങ്ങുന്നുണ്ട്. അതില്‍ തന്നെ ഇറ്റാലിയന്‍ ബ്രാന്‍ഡ് ആയ ലംബോര്‍ഗിനിയുടെ (Lamborghini ) കാറുകള്‍ ഇഷ്ടമല്ലാത്തവര്‍ ചുരുക്കമാണ്. കോടിക്കണക്കിന് രൂപ വില വരുന്ന ലംബോര്‍ഗിനിയുടെ കാറുകള്‍ അത്ര സുലഭമായി ഇറങ്ങാത്തത് കൊണ്ട് പലര്‍ക്കും നേരില്‍ കാണാന്‍ പോലും സാധിക്കാറില്ല. അത്തരമൊരു സാഹചര്യത്തില്‍, സോഷ്യല്‍ മീഡിയ കാരണം ലംബോര്‍ഗിനി ഓടിക്കാന്‍ സാധിച്ച ഒരു ലോറി ഡ്രൈവറെക്കുറിച്ചാണ് ഇവിടെ പറയുന്നത്. രാജേഷ് എന്നാണ് ഇദ്ദേഹത്തിന്റെ പേര്. ഝാര്‍ഖണ്ഡുകാരനായ ഇദ്ദേഹം ഇന്ത്യയിലുടനീളം ലോറി ഓടിക്കുന്ന പരിചയസമ്പന്നനായ ഡ്രൈവറാണ്.

ഇന്ത്യയിലെ പാസഞ്ചർ കാറുകളുടെയും ഇരുചക്ര വാഹനങ്ങളുടെയും വില കുത്തനെ കുറയ്ക്കാൻ പദ്ധതിയുമായി കേന്ദ്രസർക്കാർ. ഒക്ടോബറോടെ നിരക്ക് കുറയ്ക്കാനും ചരക്ക് സേവന നികുതി (ജിഎസ്ടി) ലളിതമാക്കാനും സർക്കാർ പദ്ധതിയിടുന്നതായുള്ള റിപ്പോർട്ടുകൾ പുറത്തുവരികയാണിപ്പോൾ. സംഭവം നടപ്പിലായാൽ ദീപാവലിയോടെ കാറുകളും ബൈക്കുകളുമെല്ലാം കൂടുതൽ താങ്ങാനാവുന്ന വിലയിൽ ലഭ്യമാകും. ഇന്ത്യയുടെ 79-ാമത് സ്വാതന്ത്ര്യദിനാഘോഷ വേളയിലാണ് സുപ്രധാനമായ ഈ നീക്കം പ്രധാനമന്ത്രി നരേന്ദ്ര മോദി പ്രഖ്യാപിച്ചത്. ഒന്നിലധികം വിഭാഗങ്ങളിലുടനീളം ആഭ്യന്തര ആവശ്യം വർധിപ്പിക്കുക എന്നതാണ് ഈ നീക്കം ലക്ഷ്യമിടുന്നത്. ജിഎസ്ടിയിലെ ഘടനാപരമായ പരിഷ്ക്കരണത്തിന്റെ ഭാഗമായി കേന്ദ്രം മുന്നോട്ടുവയ്ക്കുന്ന നിർദ്ദേശം അടുത്ത യോഗം ചേരുമ്പോൾ ജിഎസ്ടി കൗൺസിലിൽ പാസാക്കിയേക്കും.

2024 നവംബറില്‍ പുറത്തിറങ്ങിയതിന് ശേഷം മഹീന്ദ്ര XEV 9e ഇലക്ട്രിക് എസ്യുവിയുടെ കസ്റ്റമര്‍ ഡെലിവറി 2025 മാര്‍ച്ചില്‍ ആരംഭിച്ചു. തുടക്കത്തില്‍ ടോപ്പ്-എന്‍ഡ് പായ്ക്ക് ത്രീ വേരിയന്റുകളാണ് വിതരണം ചെയ്തത്, തുടര്‍ന്ന് പായ്ക്ക് ത്രീ സെലക്ട് ഓപ്ഷനും ലഭ്യമായി. ഈ ഘട്ടത്തില്‍ സെലിബ്രിറ്റികളും സമ്പന്നരായ ആളുകളുമടക്കം നിരവധി പേര്‍ ഈ ഫ്യൂചറിസ്റ്റിക് ഇവി സ്വന്തമാക്കി. അടുത്തിടെ ഇവിയുടെ മിഡ്-സ്പെക്ക് പായ്ക്ക് ടൂ വേരിയന്റിന്റെ വിതരണവും മഹീന്ദ്ര ആരംഭിച്ചു. മഹീന്ദ്രയുടെ XEV 9e, പായ്ക്ക് ടൂ, പായ്ക്ക് ത്രീ സെലക്ട് പതിപ്പുകള്‍ക്ക് യഥാക്രമം 24.90 ലക്ഷം രൂപയും 27.90 ലക്ഷം രൂപയുമാണ് എക്സ്-ഷോറൂം വില.

ഒരിടയ്ക്ക് ഇന്ത്യൻ വാഹന വിപണിയിൽ കുതിച്ചുകൊണ്ടിരുന്നവരായിരുന്നു ടാറ്റ മോട്ടോർസ്. എന്നാൽ ഇന്ന് ഒരൽപം കിതപ്പോടെയാണ് എതിരാളികൾക്ക് പിന്നിൽ ടാറ്റ മത്സരിക്കുന്നത്. പഴയ കച്ചോടം ഒന്നും പിടിക്കാനാവാത്തതിനാൽ ബ്രാൻഡ് നാലാം സ്ഥാനത്തേക്ക് പിന്തള്ളപ്പെടുകയും ചെയ്‌തു. ചെറിയ മാർജിനിലാണ് ഹ്യുണ്ടായിയോടും മഹീന്ദ്രയോടും മാറ്റുരയ്ക്കുന്നത് എന്നത് കമ്പനിക്ക് ആശ്വാസം നൽകുന്ന കാര്യമാണ്. പഞ്ച് ഫെയ്‌സ്‌ലിഫ്റ്റ് എത്തുമ്പോഴേക്കും ഈ ഗ്യാപ്പ് കുറയ്ക്കാൻ സാധിക്കുമെന്ന കണക്കുകൂട്ടലും ടാറ്റയുടെ ആരാധകർക്കുണ്ട്. എട്ടോളം കാറുകളാണ് ടാറ്റ നിലവിൽ ഇന്ത്യൻ വിപണിയിൽ വിറ്റഴിക്കപ്പെടുന്നത്. ഇതോടൊപ്പം 6 മോഡലുകൾ ഉൾപ്പെടുന്ന ഇന്ത്യയിലെ ഏറ്റവും വലിയ ഇലക്ട്രിക് കാറുകളുടെ നിരയും വേറെയുണ്ട്.