2023 ഏകദിന ക്രിക്കറ്റ് ലോകകപ്പില്‍ അഹമ്മദാബാദ് സ്‌റ്റേഡിയത്തിലെ ആയിരക്കണക്കിന് ആരാധകരെ നിശബ്ദമാക്കിക്കൊണ്ട് ഓസ്‌ട്രേലിയ കപ്പടിച്ച് കൊണ്ട് പോകുമ്പോള്‍ വിഷമിച്ചവരാണ് ഇന്ത്യക്കാര്‍. വര്‍ഷം രണ്ട് കഴിഞ്ഞിട്ടും അതിന്റെ മുറിവുകള്‍ ഉണങ്ങിയിട്ടില്ലെങ്കിലും ഇന്ത്യന്‍ പെണ്‍പുലികള്‍ കഴിഞ്ഞ ദിവസം ലോകകപ്പ് സെമി ഫൈനലിലൂടെ തോല്‍വിയുടെ വേദന ഓസ്‌ട്രേലിയക്കാരെ അറിയിച്ചു. ജമീമ റോഡ്രിഗസും ഹര്‍മന്‍പ്രീതുമടക്കമുള്ള ഇന്ത്യന്‍ താരങ്ങള്‍ രാജ്യത്തിന്റെ അഭിമാനമായപ്പോള്‍ മറ്റൊരു കായികവിനോദത്തില്‍ ഒരു പൂനെക്കാരി ചരിത്രം രചിക്കുകയാണ്. ഇന്റര്‍നാഷനല്‍ ഫെറാറി റേസിംഗ് സീരീസില്‍ മത്സരിക്കുന്ന ആദ്യ ഇന്ത്യന്‍ വനിതയാകാന്‍ ഒരുങ്ങുകയാണ് മഹാരാഷ്ട്രയിലെ പൂനെയില്‍ നിന്നുള്ള ഡയാന പുണ്ടോള്‍ (Diana Pundole).

ഇന്ത്യയിലെ ഇലക്‌ട്രിക് സ്‌കൂട്ടർ വിപണിയിൽ ഓലയോടും ഏഥറിനോടും ബജാജിനോടും ടിവിഎസിനോടുമെല്ലാം മത്സരിക്കാനെത്തിയ ഇറ്റാലിയൻ ഇരുചക്ര വാഹന നിർമാതാക്കളാണ് VLF എന്നറിയപ്പെടുന്ന വെലോസിഫെറോ. KAW വെലോസ് മോട്ടോർസ് പ്രൈവറ്റ് ലിമിറ്റഡുമായുള്ള പങ്കാളിത്തത്തോടെയാണ് ബ്രാൻഡ് രാജ്യത്ത് പ്രവർത്തനം ആരംഭിച്ചത്. തുടക്കത്തിൽ ഇവികളിലൂടെയാണ് കമ്പനി ശ്രദ്ധ നേടിയിരുന്നതെങ്കിൽ അടുത്തിടെ പുത്തനൊരു 125 സിസി പെട്രോൾ സ്കൂട്ടർ അവതരിപ്പിച്ച് കമ്പനി പലരുടേയും മനസിൽ കയറിപ്പറ്റിയിരുന്നു. ടിവിഎസ് എൻടോർഖ്, അപ്രീലിയ SR സീരീസ് എന്നിവർ അടക്കിവാഴുന്ന പെർഫോമൻസ് സ്‌കൂട്ടർ സെഗ്മെന്റിലേക്ക് എത്തിയത് വെലോസിഫെറോ മോബ്സ്റ്റർ ആയിരുന്നു.

ഇന്ത്യയിൽ നിരവധി ബ്രാൻഡുകൾ കച്ചോടം കുറഞ്ഞതിൻ്റെ പേരിൽ നാട് വിട്ട് പോയിട്ടുണ്ടെങ്കിലും ഫോർഡ് രാജ്യം വിട്ടപ്പോൾ എല്ലാ വാഹനപ്രേമികളുടേയും ചങ്ക് ഒന്ന് തകർന്നു. ഹാച്ച്ബാക്ക് മുതൽ മുട്ടൻ എസ്‌യുവി വരെ ലൈനപ്പിലുണ്ടായിരുന്ന ബ്രാൻഡ് പെട്ടെന്ന് നിർത്തി പോകുമ്പോൾ ആർക്കാണ് സങ്കടം വരാത്തത്. ഇനി ഒരു തിരിച്ചു വരവില്ല എന്ന് കരുതി കളം നിറഞ്ഞ് ആടുകയായിരുന്ന ടൊയോട്ടയുടെ ചങ്കിടിപ്പ് കൂട്ടാൻ ഫോർഡ് വലിയൊരു സിഗ്നൽ തന്നിട്ടുണ്ട്. നാടുവിട്ട് പോയപ്പോഴും തങ്ങളുടെ നിർമാണ പ്ലാൻ്റ് കൈവിടാതിരുന്നപ്പോഴേ എല്ലാവരും സംശയിച്ചിരുന്നതാണ് ഒരുനാൾ ബ്രാഡിൻ്റെ തിരിച്ചുവരവ്.

2026 സാമ്പത്തിക വര്‍ഷത്തിലെ ആദ്യ ആറുമാസങ്ങള്‍ പിന്നിട്ട് കഴിഞ്ഞു. മിക്ക വാഹന നിര്‍മാതാക്കളും തങ്ങളുടെ കാറുകളുടെ വില്‍പ്പന കണക്കുകള്‍ പുറത്തുവിട്ടിട്ടുണ്ട്. 2025 ഏപ്രില്‍ മുതല്‍ സെപ്റ്റംബര്‍ വരെയുള്ള കാലയളവില്‍ ചില മോഡലുകള്‍ മികച്ച പ്രകടനം കാഴ്ചവെച്ചപ്പോള്‍ ചിലര്‍ നിറംമങ്ങി. ഇന്ത്യയില്‍ ഏറ്റവും കൂടുതല്‍ വാഹനങ്ങള്‍ വില്‍ക്കുന്ന കമ്പനിയാണ് മാരുതി സുസുക്കി (Maruti Suzuki). കയറ്റുമതിയിലും അവരാണ് മുമ്പില്‍. ജിംനി പോലുള്ള ചില മോഡലുകള്‍ക്ക് ഇന്ത്യയില്‍ ആവശ്യക്കാര്‍ കുറവാണെങ്കിലും ചുടപ്പം പോലെ വിദേശത്ത് വിറ്റഴിക്കപ്പെടുന്നതിനാല്‍ കമ്പനിക്ക് വലിയ തലവേദനയില്ല.

ഇരുചക്രവാഹന നിര്‍മ്മാതാക്കള്‍ക്കിടയില്‍ തിളങ്ങിനില്‍ക്കുന്ന ഒരു ഇറ്റാലിയന്‍ ബ്രാന്‍ഡാണ് ഡ്യുക്കാട്ടി. യുവ തലമുറയുടെ ബൈക്ക് സങ്കല്‍പ്പത്തെ മാറ്റിഎഴുതിയ ഡ്യുക്കാട്ടി ഇറ്റാലിയന്‍ എഞ്ചിനീയറിംഗ്, ഡിസൈന്‍, റേസിംഗ് എന്നിവയ്ക്ക് ആഗോളതലത്തില്‍ പേരുകേട്ട ബ്രാന്‍ഡ് കൂടിയാണ്. ഇപ്പോഴിതാ ഇന്ത്യന്‍ യുവഹൃദയങ്ങളെ വീണ്ടും ആവേശഭരിതരാക്കിക്കൊണ്ട് പുത്തന്‍ ലോഞ്ചുകളുമായി മുന്നോട്ട് വന്നിരിക്കുകയാണ് കമ്പനി. ഏറ്റവും പുതിയ 2025 ഡ്യുക്കാട്ടി പാനിഗാലെ V2, V2 S മോഡലുകള്‍ കമ്പനി ഇന്ത്യന്‍ വിപണിയില്‍ എത്തിച്ചു. ശക്തമായ റേസിംഗ് പൈതൃകം മുന്നോട്ട് വെക്കുന്ന ഈ രണ്ട് മോഡലുകളും ഡ്യുക്കാട്ടി സെഗ്മെന്റിലെ ഏറ്റവും വൈവിധ്യമാര്‍ന്ന സൂപ്പര്‍ബൈക്കുകളാണ്. പാനിഗാലെ V2, V2 S മോട്ടോര്‍സൈക്കിളുകളില്‍ എന്തൊക്കെ മാറ്റങ്ങളാണ് ഡ്യുക്കാട്ടി വരുത്തിയിരിക്കുന്നത് എന്ന് അറിയാന്‍ തുടര്‍ന്ന് വായിച്ചോളൂ.

എസ്‌യുവി വിപണിയിലെ മത്സരം ഓരോ ദിവസം കഴിയുന്തോറും ഏറിവരികയാണ്. പുത്തനൊരു മോഡൽ വാങ്ങണമെന്ന് കരുതിയാൽ ഏത് വാങ്ങുമെന്ന കൺഫ്യൂഷനും പലർക്കും ഉണ്ടാവും. ഇതിൽ മിഡിൽ ക്ലാസുകാർക്ക് ഏറ്റവും പ്രിയം സബ്-4 മീറ്റർ കോംപാക്‌ട് എസ്‌യുവികളോടാണ്. ഫാമിലിക്ക് പറ്റിയ വലിപ്പവും ബജറ്റും മൈലേജുമെല്ലാമാണ് ഇവയുടെ പ്രത്യേകതകൾ. ഇപ്പോഴിതാ എല്ലാവരേയും കൈയിലെടുക്കാനായി പുതുതലമുറ ഹ്യുണ്ടായി വെന്യു (Hyundai Venue) ഒരുങ്ങിക്കഴിഞ്ഞു. നവംബർ നാലിന് അരങ്ങേറ്റം കുറിക്കാൻ പോവുന്ന വമ്പന്റെ ഫോട്ടോകളും മറ്റ് വിശദാംശങ്ങളും പുറത്തുവിട്ട് ഹൈപ്പുയർത്തുകയാണ് ദക്ഷിണ കൊറിയൻ വാഹന നിർമാതാക്കൾ.

ഇപ്പോൾ വാഹനപ്രേമികളുടെ കണ്ണെല്ലാം ജപ്പാൻ മൊബിലിറ്റിയിൽ ഉടക്കിയിരിക്കുകയാണ്. കാരണം മറ്റൊന്നുമല്ല വരാനിരിക്കുന്ന പല കിടിലൻ മോഡലുകളാണ് ബ്രാൻഡുകൾ അവതരിപ്പിച്ചത്. ജപ്പാൻ മൊബിലിറ്റി ഷോ 2025ൽ ലെക്സസ് അവതരിപ്പിച്ച LS 6-വീൽ വാൻ കൺസപ്റ്റ് ആഡംബര വാഹന ലോകത്തെ തന്നെ അമ്പരപ്പിച്ചിരിക്കുകയാണ്. മൂന്ന് ആക്സിലുകളും ആറ് വീലുകളുമുളള ഈ ലക്സറി ഇലക്ട്രിക് എംപിവി ഭാവിയിലെ ആഡംബര യാത്രകളുടെ കാഴ്ച്ചപ്പാട് തന്നെ മാറ്റാൻ പ്രാപ്തമായവയാണ്. ലോഞ്ച് സ്റ്റൈൽ ഇന്റീരിയർ, ഫ്യൂച്ചറിസ്റ്റിക് ഡിസൈൻ, ഗ്ലാസ് റൂഫ്, റോട്ടേറ്റിംഗ് സീറ്റുകൾ തുടങ്ങിയ സവിശേഷതകളുമായി ലെക്സസ് LS കൺസപ്റ്റ് ആഡംബര എംപിവി മാർക്കറ്റിന് പുതിയ വെളിച്ചം വീശാൻ സഹായകമാണ്.

ഇന്ത്യയില്‍ ഇരുചക്ര വാഹന നിര്‍മാതാക്കളും പെട്രോള്‍, ഇലക്ട്രിക് വാഹനങ്ങള്‍ അല്ലാതെ മറ്റ് ബദല്‍ ഇന്ധനങ്ങളുടെ സാധ്യതയും പരമാവധി ഉപയോഗപ്പെടുത്താനുള്ള ശ്രമത്തിലാണ്. അതുകൊണ്ടാണ് ടൂവീലര്‍ ബ്രാന്‍ഡുകള്‍ ഇപ്പോള്‍ കംപ്രസ്ഡ് നാചുറല്‍ ഗ്യാസില്‍ (സിഎന്‍ജി) പ്രവര്‍ത്തിക്കുന്ന ഉല്‍പ്പന്നങ്ങള്‍ക്ക് പിന്നില്‍ പ്രവര്‍ത്തിക്കുന്നത്. ബജാജ് ഓട്ടോ, ടിവിഎസ് മോട്ടോര്‍ എന്നീ കമ്പനികള്‍ ഇതില്‍ മുന്നിട്ട് നില്‍ക്കുന്നു. ടിവിഎസ് അവരുടെ ആദ്യ സിഎന്‍ജി സ്‌കൂട്ടറായ ജുപ്പിറ്റര്‍ 125 സിഎന്‍ജി വിപണിയിലെത്തിക്കാന്‍ ഒരുങ്ങുകയാണ്. ലോകത്തിലെ ആദ്യത്തെ സിഎന്‍ജി സ്‌കൂട്ടര്‍ ആയിരിക്കും ഇത്. 2026-ഓടെ ഇത് വിപണിയില്‍ എത്തുമെന്നാണ് പ്രതീക്ഷ.

നിലവിൽ സോഷ്യൽ മീഡിയയിൽ ഏറ്റവും ട്രെൻഡിംഗായി നിൽക്കുന്ന വാഹനമാണ് ടൊയോട്ടയുടെ ലാൻഡ് ക്രൂയിസർ FJ (Toyota Land Cruiser FJ). ജപ്പാൻ മൊബിലിറ്റി ഷോയിൽ പ്രദർശിപ്പിച്ച മോഡലിന് പിന്നാലെ ഏറ്റവും കൂടുതൽ പായുന്നത് ഇന്ത്യക്കാരാണ്. എന്നിവിടെ കൊണ്ടുവരുമെന്ന് കമ്പനിയോട് നിരന്തരമായി ചോദിച്ചുകൊണ്ടിരുന്നപ്പോൾ എസ്‌യുവി എന്തായാലും ഇന്ത്യയിൽ പുറത്തിറക്കുമെന്ന് തറപ്പിച്ചുപറഞ്ഞിരിക്കുകയാണ് ടൊയോട്ട. എന്നാൽ അൽപമൊന്ന് കാത്തിരിക്കേണ്ടി വരുമെന്ന് മാത്രം കേട്ടോ. ദിവസങ്ങളോ മാസങ്ങളോ അല്ല ജാപ്പനീസ് വാഹന നിർമാതാക്കൾ ചോദിച്ചിരിക്കുന്നത്. ലാൻഡ് ക്രൂയിസർ FJ ഇന്ത്യയിലെത്തിക്കാൻ രണ്ട് വർഷത്തോളം സമയമാണ് ബ്രാൻഡ് ആവശ്യപ്പെട്ടിരിക്കുന്നത്.

വാഹനം വാങ്ങാൻ എത്തുന്നവരുടെ മനസ് കൃത്യമായി മനസിലാക്കാൻ അറിയാവുന്നവരാണ് എംജി മോട്ടോർ. ഹെക്‌ടറിലൂടെ ഇന്ത്യയിൽ വേരോട്ടം നടത്തിയ ബ്രാൻഡ് ഇപ്പോൾ ഇലക്ട്രിക് കാറുകളിലൂടെയാണ് തരംഗം തീർക്കുന്നത്. ഇതോടൊപ്പം തന്നെ ICE എഞ്ചിൻ മോഡലുകളിലും വേണ്ട നവീകരണങ്ങൾ കൃത്യസമയത്ത് അവതരിപ്പിക്കാൻ ബ്രാൻഡിന് നല്ല മിടുക്കാണ്. ഇപ്പോഴിതാ വായൂ മലിനീകരണത്തെ നേരിടാനായി ജെഎസ്ഡബ്ല്യു എംജി മോട്ടോർ ഇന്ത്യ തങ്ങളുടെ വാഹനങ്ങൾക്കുള്ളിൽ PM 2.5 എയർ ഫിൽറ്ററുകൾ ഉൾപ്പെടുത്തിയിരിക്കുകയാണ്. കേരളത്തിൽ വായു മലിനീകരണം പൊതുവേ കുറവാണെങ്കിലും ഡൽഹി പോലുള്ള വലിയ നഗരങ്ങളിൽ വാഹനം ഉപയോഗിക്കുന്നവർക്ക് ഈയൊരു ഫീച്ചർ അനുഗ്രഹമായി തീരും.

ദേശീയപാതകളിലൂടെ സ്ഥിരമായി യാത്ര ചെയ്യുന്നവരാണ് നിങ്ങളെങ്കില്‍ വാഹനത്തില്‍ ഇതിനോടകം ഫാസ്ടാഗ് ആക്ടിവേറ്റ് ചെയ്തിട്ടുണ്ടാകും. എന്നാല്‍ ബാങ്കുകളില്‍ KYC (നോ യുവര്‍ കസ്റ്റമര്‍) എന്നത് പോലെ ഫാസ്ടാഗ് ഉപയോക്താക്കള്‍ക്ക് KYV (നോ യുവര്‍ വെഹിക്കിള്‍) വെരിഫിക്കേഷന്‍ കേന്ദ്ര സര്‍ക്കാര്‍ നിര്‍ബന്ധമാക്കിയ കാര്യം നിങ്ങള്‍ അറിഞ്ഞിരുന്നോ?. KYV വെരിഫിക്കേഷന്‍ പൂര്‍ത്തിയാക്കാത്ത ഫാസ്ടാഗ് കാര്‍ഡുകള്‍ പ്രവര്‍ത്തനരഹിതമാക്കുമെന്നും അധികൃതര്‍ മുന്നറിയിപ്പ് നല്‍കിയിട്ടുണ്ട്. ഫാസ്ടാഗുകളുടെ കാര്യത്തില്‍ പുതുതായി വന്ന മാറ്റങ്ങള്‍ അറിഞ്ഞിട്ടില്ലെങ്കില്‍ ടോള്‍ പ്ലാസകളില്‍ കുടുങ്ങുന്ന അവസ്ഥയും പെനാല്‍റ്റിയും അടക്കേണ്ട സാഹചര്യം വരാം. അതിനാല്‍ ഫാസ്ടാഗ് KYV വെരിഫിക്കേഷനെ കുറിച്ച് ഈ ലേഖനത്തില്‍ വിശദമായി വായിക്കാം.

സമ്മാനം കിട്ടുക എന്നത് എല്ലാവർക്കും ഇഷ്ടമുള്ള കാര്യമാണ്. ജീവിതത്തിലെ ഏറ്റവും സന്തോഷകരമായ നിമിഷത്തിൽ ഏറെ സ്വപ്നം കണ്ട ഒരു വാഹനം സമ്മാനമായി കിട്ടിയാലോ, അതിൽപരം സന്തോഷം എന്താണുളളത്. മലയാളികൾക്ക് പ്രത്യേകിച്ച് കോട്ടയംകാർക്ക് താടിക്കാരനേയും സൂസമ്മയും പ്രത്യേകം പരിചയപ്പെടുത്തേണ്ട കാര്യമില്ല. സോഷ്യൽ മീഡിയയിലൂടെ ഒരു സുഹൃത്തായും സഹോദരങ്ങളായും നിങ്ങൾക്ക് ജീവിതത്തിൽ വേണ്ട എല്ലാ കാര്യങ്ങളെ കുറിച്ചും വളരെ വ്യക്തതയോടെ നിങ്ങളോട് സംസാരിക്കുന്ന സോഷ്യൽ മീഡിയ കപ്പിൾസ്. ഇംഗ്ലീഷ് സംസാരിക്കുമ്പോൾ അല്ലെങ്കിൽ പെട്ടെന്ന് പഠിക്കാനുള്ള ചില നുറുങ്ങുവിദ്യങ്ങൾ സൂസമ്മയുടെ കൈയിലുണ്ട്.

ഈ വർഷം അവസാനിക്കാൻ ഇനി രണ്ട് മാസങ്ങൾക്കൂടി മാത്രമേ ബാക്കിയുള്ളൂവെങ്കിലും വാഹന വിപണിയെ സംബന്ധിച്ച് സുപ്രധാനമായൊരു കാലയളവായിരുന്നു 2025. ജിഎസ്‌ടി വെട്ടിക്കുറച്ചത് പോലെയുള്ള ആനുകൂല്യങ്ങൾ ലഭിച്ചത് വണ്ടിക്കച്ചോടത്തിന് മൈലേജായിട്ടുണ്ട്. വർഷം അവസാനിക്കാറായെങ്കിലും പുത്തൻ കാറുകൾ ഇനിയും വിപണിയിലെത്താനിരിക്കുന്നുണ്ട്. അടുത്ത മാസം ചില പ്രധാന മോഡലുകൾ ഉൾപ്പെടെ കിടിലൻ കാറുകളാണ് ഇന്ത്യയിൽ അവതരിപ്പിക്കാൻ പോവുന്നത്. കൂട്ടത്തിൽ ഒരു ഇതിഹാസ എസ്‌യുവിയുടെ തിരിച്ചുവരവിനും 2025 നവംബർ മാസം സാക്ഷ്യംവഹിക്കും. അടുത്ത മാസം ഇന്ത്യക്കാരെ ത്രസിപ്പിക്കാനെത്തുന്ന പുത്തൻ കാറുകൾ ഏതൊക്കെയെന്ന് നോക്കിയാലോ?

ഇന്നത്തെ കാലത്ത് ജനങ്ങളുടെ നടുവൊടിച്ചു കൊണ്ടിരിക്കുന്ന ഇന്ധന വില കാരണം എല്ലാവരും ഇലക്ട്രിക് വാഹനങ്ങളിലേക്ക് തിരിയുകയാണ്. പക്ഷേ എല്ലാവരും ചിന്തിക്കുന്ന ഒരു കാര്യം എന്താണെന്ന് വച്ചാൽ ഇലക്ട്രിക് വാഹനങ്ങളുടെ സർവീസിനെ കുറിച്ചായിരിക്കും. കാറുകളേക്കാൾ കൂടുതലായി രാജ്യത്ത് ഇലക്ട്രിക് സ്കൂട്ടറുകളുണ്ട്. സ്കൂട്ടറുകളുടെ റെഗുലർ സർവീസിൻ്റെ വിശദാംശങ്ങളിലേക്ക് നോക്കിയാൽ പെട്രോൾ വാഹനങ്ങളിലേതുപോലെ ഓയിൽ ചേഞ്ച്, ഫിൽറ്റർ, ക്ലച്ച് മുതലായ ഘടകങ്ങൾ ഒന്നും ഇല്ലാത്തത് കൊണ്ട് തന്നെ സർവീസ് ചെലവ് വളരെ കുറവായിരിക്കും. ഏകദേശം 300 മുതൽ 800 രൂപ വരെയേ വരു.

അടുത്തിടെ മോട്ടോര്‍ ഇന്ത്യ ലിമിറ്റഡ് (HMIL) നവംബര്‍ നാലിന് രണ്ടാം തലമുറ വെന്യു കോംപാക്ട് എസ്‌യുവി പുറത്തിറക്കാന്‍ പോകുകയാണ്. കമ്പനി ഇതിനോടകം കോംപാക്റ്റ് എസ്‌യുവിയുടെ ബുക്കിംഗ് ആരംഭിച്ചിട്ടുണ്ട്. താല്‍പര്യമുള്ള ഉപഭോക്താക്കള്‍ക്ക് 25,000 രൂപ ടോക്കണ്‍ തുക നല്‍കി ഓണ്‍ലൈനായും ഓഫ്‌ലൈനായും കാര്‍ ബുക്ക് ചെയ്യാം. ഔദ്യോഗികമായി വിപണിയില്‍ എത്തുന്നതിന് മുമ്പുതന്നെ ഹ്യുണ്ടായി വെന്യുവിന്റെ പുതിയ മോഡലുകള്‍ ഡീലര്‍ഷിപ്പുകളില്‍ എത്തിത്തുടങ്ങി. വരാനിരിക്കുന്ന ഈ എസ്‌യുവിയുടെ മിക്ക വിവരങ്ങളും കമ്പനി നേരത്തെ പുറത്തുവിട്ടിരുന്നു. ഇപ്പോള്‍ വെന്യുവിന്റെ ലോവര്‍ വേരിയന്റുകള്‍ ഡീലര്‍ സ്റ്റോക്ക് യാര്‍ഡുകളില്‍ എത്തിയിരിക്കുകയാണ്.

ഇന്ത്യൻ വാഹന വിപണിയിൽ ഏറ്റവും മുന്നിൽ നിൽക്കുന്ന സെഗ്മെന്റുകളിൽ ഒന്നാണ് മിഡ്-സൈസ് എസ്‌യുവി വിഭാഗം. മറ്റുള്ള സെഗ്മെന്റുകളിൽ നിന്ന് വ്യത്യസ്തമായി മിഡ്-സൈസ് എസ്‌യുവികളുടെ ഈ മുന്നേറ്റിന് കാരണം ഉപഭോക്താക്കളുടെ മനസ്സറിയാൻ മഹീന്ദ്ര, ടാറ്റ, ഹ്യുണ്ടായി പോലുള്ള ജനപ്രിയ വാഹന നിർമ്മാതാക്കൾക്ക് കഴിയുന്നു എന്നതുതന്നെയാണ്. 2025 സെപ്റ്റംബർ മാസത്തിൽ ഇന്ത്യയിലെ മിഡ്-സൈസ് എസ്‌യുവികൾ ശക്തമായ മുന്നേറ്റമാണ് കാഴ്ച്ചവെച്ചത്. മോഡൽ തിരിച്ചുള്ള പോയമാസത്തെ വിൽപ്പന കണക്കുകൾ എങ്ങനെയാണെന്ന് നോക്കിയാലോ?

കവസാക്കിയെന്ന് കേൾക്കുമ്പോഴേ യൂത്തൻമാരുടെ മനസിലേക്ക് ആദ്യം ഓടിയെത്തുന്ന പേര് നിഞ്ച (Kawasaki Ninja) എന്നാവും അല്ലേ. എന്നാൽ ബജാജിനൊപ്പം കൈപിടിച്ച് ഇടിവെട്ട് കമ്മ്യൂട്ടർ ബൈക്ക് പുറത്തിക്കിയ ഒരു ഭൂതകാലം ട്രീം ഗ്രീനിനുണ്ടായിരുന്നു. നിരത്തുകളിൽ നിന്നും മാഞ്ഞുവെങ്കിലും 80, 90 കിഡ്‌സിൽ പലർക്കും കവസാക്കി കാലിബർ (Kawasaki Calliber) അങ്ങനെ പെട്ടെന്ന് മറക്കാനാവില്ല. ഹൂഡിബാബ എന്ന പരസ്യമൊക്കെ ഒരുകാലത്തുണ്ടാക്കിയ ഓളം ചെറുതൊന്നുമല്ല. ബജാജുമായുള്ള (Bajaj) കൂട്ട്കെട്ട് ഏറെക്കാലം മുമ്പേ പിരിഞ്ഞുവെങ്കിലും കവസാക്കി ഇന്ത്യയിൽ പടുത്തിയർത്തിയിരിക്കുന്ന ബ്രാൻഡ് ഇമേജ് ചെറുതൊന്നുമല്ല.

ലോകത്തിലെ വാഹന നിർമ്മാതാക്കളെല്ലാം തന്നെ ഇന്ന് ഇന്ത്യയെ തങ്ങളുടെ ഓട്ടോമൊബൈൽ ഹബ് ആയി ലക്ഷ്യം വച്ചിരിക്കുകയാണ്. ഇലക്ട്രിക് വാഹനങ്ങൾ മുതൽ പെട്രോൾ, ഡീസൽ, ഹൈബ്രിഡ് മോഡലുകൾ വരെ എല്ലാ വിഭാഗങ്ങളിലുമുള്ള വാഹനങ്ങൾക്കും ഇന്ത്യൻ വിപണിയിൽ വലിയ ഭാവിയുണ്ട്. അത് കൊണ്ട് തന്നെ തന്നെയാണ് ടൊയോട്ട, ഹ്യുണ്ടായി, കിയ, ഫോക്സ്‌വാഗൺ, സ്റ്റെല്ലാന്റിസ്, ബിവൈഡി പോലുള്ള ആഗോള ബ്രാൻഡുകൾ ഇന്ത്യയിൽ തങ്ങളുടെ സ്ഥാനം അരക്കിട്ട് ഉറപ്പിക്കുന്ന തിരക്കിലാണ്. 2024-25 കാലഘട്ടത്തിൽ ഇന്ത്യൻ വിപണി ചൈന, യു.എസ്. എന്നിവയ്ക്ക് ശേഷം മൂന്നാമത്തെ വലിയ വാഹന വിപണിയായി മാറിയിട്ടുണ്ട്.

2025 ജാപ്പാന്‍ മൊബിലിറ്റി ഷോയില്‍ പ്രമുഖ ബ്രാന്‍ഡുകള്‍ പുത്തന്‍ വാഹനങ്ങള്‍ക്കൊപ്പം ഭാവിയില്‍ വരാന്‍ പോകുന്ന ഒരുപിടി ഉല്‍പ്പന്നങ്ങളും പ്രദര്‍ശിപ്പിച്ചിട്ടുണ്ട്. പരമ്പരാഗത ഇന്ധനത്തില്‍ പ്രവര്‍ത്തിക്കുന്ന വാഹനങ്ങള്‍ക്ക് പുറമെ വൈദ്യുതി, ഹൈഡ്രജന്‍, ബയോഗ്യാസ് എന്നിങ്ങനെ ബദല്‍ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങളുടെ കണ്‍സെപ്റ്റ് പതിപ്പുകളും ഷോയില്‍ എത്തിയിട്ടുണ്ട്. രാജ്യത്ത് എത്താന്‍ ഏറെ സാധ്യത കൂടുതലായതിനാല്‍ സുസുക്കിയുടെ സ്റ്റാളിലാണ് ഇന്ത്യക്കാര്‍ കൂടുതലും കണ്ണുവെച്ചത്. ഇപ്പോള്‍ ജപ്പാന്‍ മൊബിലിറ്റി ഷോ വേദിയില്‍ ഫ്രോങ്ക്‌സ് എസ്‌യുവിയുടെ ഫ്ലെക്‌സ്-ഫ്യുവല്‍ പതിപ്പ് (Maruti Suzuki Fronx Flex Fuel) അവതരിപ്പിച്ചിരിക്കുകയാണ് സുസുക്കി.

കോംപാക്‌ട് എസ്‌യുവി സെഗ്മെന്റിനെ (Compact SUV Segment) ഇളക്കിമറിക്കാനായി എത്തുകയാണ് പുത്തൻ ഹ്യുണ്ടായി വെന്യു (New Gen Hyundai Venue). അഡാറ് ലുക്കും ഇതുവരെ കാണാത്തത്ര ഫീച്ചറുകളുമെല്ലാം കുത്തിനിറച്ചെത്തുന്ന മോഡലിന്റെ ഔദ്യോഗിക അവതരണവും നവംബർ നാലിന് നടക്കും. ഇതിനോടകം പല കാര്യങ്ങളും വെളിപ്പെടുത്തിയ ന്യൂജെൻ പതിപ്പിന്റെ എഞ്ചിൻ വിശദാംശങ്ങളുമായി എത്തിയിരിക്കുകയാണ് ദക്ഷിണ കൊറിയൻ വാഹന നിർമാതാക്കൾ ഇപ്പോൾ. ഏവരും പ്രതീക്ഷിച്ചിരുന്നത് പോലെ തന്നെ പഴയ വെന്യുവിലെ അതേ എഞ്ചിൻ തന്നെയാണ് പുതുതലമുറ ആവർത്തനത്തിലും ഹ്യുണ്ടായി (Hyundai) ഉപയോഗിച്ചിരിക്കുന്നത്.

ഇന്ത്യയിൽ തങ്ങളുടെ ഒരു മോഡൽ മാത്രം കൊണ്ട് വിപണിയിൽ തളരാതെ പിടിച്ചു നിൽക്കുന്നുണ്ടെങ്കിൽ നിസാൻ നമ്മൾ വിചാരിക്കുന്ന ആളല്ല സാർ. പലപ്പേആഴും ചിന്തിക്കാറില്ലെ എന്തിനാണ് നിസാൻ ഇങ്ങനെ തുടരുന്നതെന്ന്. കനലിൻ്റെ ഒരു ചെറിയ തരി മതിയല്ലോ ആളിക്കത്താൻ. അത് കൊണ്ട് തന്നെ ഇന്ത്യൻ വിപണി ഒരിക്കലും നിസാനെ കൈവിട്ടിട്ടും ഇല്ല. ഇപ്പോഴിതാ ഒരു വലിയ നേട്ടമാണ് കമ്പനി കൈവരിച്ചിരിക്കുന്നത്. മെയ്ക്ക് ഇൻ ഇന്ത്യ മെയ്ക്ക് ഫോർ ദി വേൾഡ് എന്ന സംരഭത്തിന് കീഴിൽ ഇതു വരെ 12 ലക്ഷം കാറുകളാണ് വിദേശത്തേക്ക് നിസാൻ കയറ്റി അയച്ചിരിക്കുന്നത്.

2025 ജപ്പാന്‍ മൊബിലിറ്റി ഷോയില്‍ സുസുക്കി നിരവധി ഉല്‍പ്പന്നങ്ങള്‍ പ്രദര്‍ശനത്തിനെത്തിച്ചിട്ടുണ്ട്. ഷോയില്‍ മാരുതി അവരുടെ പുതിയ കോംപാക്ട് ക്രോസ്ഓവര്‍ മോഡലായ XBEE അവതരിപ്പിച്ചു. ക്രോസ്ബീ എന്നാണ് ഇത് ഉച്ഛരിക്കുക. 2017-ല്‍ ജപ്പാനിലെ മൈക്രോ എസ്‌യുവി സെഗ്‌മെന്റില്‍ അരങ്ങേറിയ മോഡലിന്റെ പുതിയ ഫെയ്സ്ലിഫ്റ്റാണിത്. ഈ കാര്‍ ഇതുവരെ ഇന്ത്യയില്‍ വില്‍പ്പനക്കെത്തിയിട്ടില്ല. എന്നിരുന്നാലും ക്രോസ്ബീയുടെ വലിപ്പവും സ്വഭാവവുമെല്ലാം പരിഗണിക്കുമ്പോള്‍ ടാറ്റ പഞ്ചിനും ഹ്യുണ്ടായി എക്‌സ്റ്ററിനും എതിരെ ഇറക്കാന്‍ പറ്റിയ പടയാളിയാണ് ഇവന്‍. പുത്തന്‍ കാറിനെ കുറിച്ച് ഈ ലേഖനത്തില്‍ വിശദമായി വായിക്കാം.

ഇന്ത്യയിലെ ഇലക്‌ട്രിക് വാഹന വിപണിയിൽ (Electric Car) മാറ്റങ്ങൾ കൊണ്ടുവന്നവരാണ് ബിൽഡ് യുവർ ഡ്രീംസ് എന്ന ബിവൈഡി (BYD). ഇലക്‌ട്രിക് കാറുകൾക്ക് വിലയൊരു വിലങ്ങുതടിയല്ലെന്ന് തെളിയിച്ച ചൈനീസ് ബ്രാൻഡ് നല്ല കാറുകൾ കൊടുത്താൽ വാങ്ങാൻ ഇന്ത്യയിൽ ആളുണ്ടാവുമെന്നും ലോകത്തിന് മുന്നിൽ കാണിച്ചുകൊടുത്തു. സാക്ഷാൽ ടെസ്‌ലയെ വരെ അരിഞ്ഞുവീഴ്ത്തി ലോകത്തിലെ ഏറ്റവും വലിയ ഇവി നിർമാതാക്കളെന്ന കിരീടം സ്വന്തമാക്കിയത് വെറുതേയല്ലല്ലോ. വൈവിധ്യമാർന്ന മോഡലുകൾ നിർമിക്കാൻ ബിവൈഡിക്ക് വല്ലാത്തൊരു കഴിവാണുള്ളത്. ഇപ്പോഴിതാ അക്കാര്യം വീണ്ടും ലോകത്തിന് മുന്നിൽ തെളിയിച്ചിരിക്കുകയാണ് ബ്രാൻഡ്.

ഇന്ത്യൻ വാഹന വിപണിയും വാഹനപ്രേമികളും ഏറെ പ്രതീക്ഷയോടെ കാത്തിരിക്കുന്ന ഒരു മോഡലാണ് ടൊയോട്ട ലാൻഡ് ക്രൂയിസർ FJ ക്രൂയിസർ. ഇപ്പോൾ ബ്രാൻഡ് ജപ്പാൻ മൊബിലിറ്റി ഷോയിൽ അവതരിപ്പിച്ചിരിക്കുകയാണ്. ആദ്യമായിട്ടാണ് പബ്ലിക്കായി ഈ മോഡൽ അവതരിപ്പിക്കുന്നതെന്ന പ്രത്യേകതയുമുണ്ട്. 2026 മധ്യത്തോടെ ജപ്പാൻ ഉൾപ്പടെ ഒട്ടുമിക്ക രാജ്യങ്ങളിൽ വിൽപ്പനയ്ക്കെത്തിക്കുമെന്നാണ് അറിയിച്ചിരിക്കുന്നത്. ബേബി ഫോർച്ച്യൂണർ എന്ന് വിളിപേരുളള FJ ക്രൂയിസർ ഫോർച്ച്യൂണറിനേക്കാൾ നീളത്തിൽ കുറവാണെങ്കിലും ഉയരത്തിൽ ചേട്ടനെക്കാളും ഉണ്ട് എന്നാണ് കണക്കുകൾ സൂചിപ്പിക്കുന്നത്. ഫോർച്ച്യൂണറിൻ്റെ കച്ചോടം ഇനി FJ ക്രൂയിസറിന് ലഭിക്കുമോ എന്ന് കണ്ടറിയാം.

ഇന്ത്യക്കാര്‍ക്ക് പ്രിയപ്പെട്ട ഒരുപിടി കാര്‍ നിര്‍മാതാക്കള്‍ ജപ്പാനില്‍ നിന്ന് കടല്‍ കടന്ന് എത്തിയവരാണ്. അതുകൊണ്ട് നിലവില്‍ ജപ്പാനില്‍ നടന്നുകൊണ്ടിരിക്കുന്ന 2025 ജപ്പാന്‍ മൊബിലിറ്റി ഷോ ഇന്ത്യക്കാരും സസൂക്ഷ്മം വീക്ഷിക്കുന്നു. ഭാവിയില്‍ ഇന്ത്യന്‍ വിപണിയില്‍ അരങ്ങേറാന്‍ സാധ്യതയുള്ള ചില ഉല്‍പ്പന്നങ്ങളുടെ പ്രദര്‍ശനങ്ങള്‍ അവിടെ നടക്കുന്നുണ്ട്. ഇന്ത്യക്കാരുടെ പ്രിയപ്പെട്ട ജാപ്പനീസ് ബ്രാന്‍ഡുകളില്‍ ഒന്നായ ഹോണ്ടയും ഈ വര്‍ഷത്തെ ജപ്പാന്‍ മൊബിലിറ്റി ഷോയില്‍ സജീവമാണ്. കമ്പനിയില്‍ നിന്നുള്ള ഭാവി ഉല്‍പ്പന്നങ്ങളും കണ്‍സെപ്റ്റുകളും ഹോണ്ട തങ്ങളുടെ പ്രദര്‍ശിപ്പിച്ചിട്ടുണ്ട്. ഹോണ്ടയുടെ പവലിയനിലെത്തുന്നവരെ ആകര്‍ഷിച്ച ഒരു പ്രേട്ടോടൈപ്പിനെ കുറിച്ചാണ് നമ്മള്‍ ഇനി പറയാന്‍ പോകുന്നത്.