പുത്തനൊരു ബൈക്ക് വാങ്ങുമ്പോൾ അതിൽ എല്ലാത്തരം ഫീച്ചറുകളും ഉണ്ടാവണമെന്ന് ആഗ്രഹിക്കുന്നവരാണ് നമ്മളിൽ പലരും. കേരളത്തിലെ കുണ്ടും കുഴിയും നിറഞ്ഞ റോഡുകൾക്ക് ശരിക്കും അഡ്വഞ്ചർ മോട്ടോർസൈക്കിളുകളാണ് നല്ലതെങ്കിലും എല്ലാവരുടേയും ടേസ്റ്റ് വ്യത്യസ്‌തമായിരിക്കുമല്ലോ. മികച്ച ഹാൻഡ്‌ലിംഗിനും സ്റ്റെബിലിറ്റിയും കിട്ടാൻ അപ്‌സൈഡ്-ഡൗൺ ഫോർക്കുകളുള്ള ബൈക്കുകളെങ്കിലും നോക്കി വാങ്ങാൻ ഇപ്പോൾ പലരും ശ്രമിക്കാറുണ്ട്. അടുത്തിടെയായി ഇന്ത്യയിലെ ബൈക്കുകളിൽ ഏറ്റവും കൂടുതൽ ആവശ്യപ്പെടുന്ന സവിശേഷതകളിൽ ഒന്നായി ഇത് മാറിയിട്ടുമുണ്ട്. പണ്ട് വില കൂടിയ ബൈക്കുകളിൽ മാത്രമായിരുന്നു ലഭ്യമായിരുന്നതെങ്കിൽ ഇപ്പോൾ ചെറിയ വിലയുള്ള 125 സിസി മോഡലുകളിൽ പോലും ലഭ്യമായി തുടങ്ങിയിട്ടുണ്ട്.

അഡ്വഞ്ചർ മോട്ടോർസൈക്കിളുകളുടെ നല്ലകാലമാണിത്. വർഷങ്ങൾക്ക് മുമ്പേ റോയൽ എൻഫീൽഡ് ഹിമാലയൻ തിരികൊളുത്തിയ ട്രെൻഡ് ഇപ്പോൾ ടിവിഎസ് വരെ ഏറ്റെടുത്തിരിക്കുകയാണ്. ചെറിയ വിലയിലെത്തിയ RTX 300 രാജ്യത്ത് വലിയ വിപ്ലവം തന്നെയാരിക്കുമെന്നാണ് വിലയിരുത്തൽ. എഡിവി വിഭാഗത്തിൽ നിന്നും ബിഎംഡബ്ല്യു മോട്ടോറാഡ് അടുത്തിടെ 310 GS പിൻവലിച്ചത് പലർക്കും നിരാശ നൽകിയിരുന്നു. രാജ്യത്ത് കമ്പനി പുറത്തിറക്കുന്ന ഏറ്റവും കുറഞ്ഞ വിലയുള്ള മോഡലിന്റെ വിൽപ്പന അവസാനിപ്പിച്ചത് പലരും സങ്കടത്തോടെയാണ് നോക്കിനിന്നത്. എന്നാൽ പുതുപുത്തനൊരു അഡ്വഞ്ചർ ബൈക്ക് അവതരിപ്പിക്കാനായിരുന്നു ബവേറിയൻ ബ്രാൻഡ് ഇത്തരത്തിലൊരു തീരുമാനം കൈക്കൊണ്ടത്.

ഇന്ത്യക്കാർക്കിടയിൽ ഹൈബ്രിഡ് കാറുകളെ ജനപ്രിയമാക്കിയവരാണ് ജാപ്പനീസ് വാഹന നിർമാതാക്കളായ ടൊയോട്ട. കാമ്രി, ഹൈക്രോസ്, ഹൈറൈഡർ തുടങ്ങിയ മോഡലുകളിലാണ് ഈയൊരു എഞ്ചിൻ ഘടിപ്പിച്ച് കമ്പനി പണംവാരുന്നത്. മാരുതി സുസുക്കി ഗ്രാൻഡ് വിറ്റാരയിലും പുതുതായി പുറത്തിറക്കിയ വിക്ടോറിസിലും വരെ ടൊയോട്ടയുടെ ഹൈബ്രിഡ് എഞ്ചിനാണ് ഉപയോഗിക്കുന്നത് എന്നകാര്യം ഇപ്പോഴും പലർക്കും അറിയാൻ വയ്യ. എന്തായാലും ഈ ടെക്നോളജിയിൽ അഗ്രകണ്യൻമാരായ കമ്പനി തങ്ങളുടെ കാമ്രി ഹൈബ്രിഡ് കാറിന് തിരിച്ചുവിളിച്ചിരിക്കുകയാണ്. 2019 മുതൽ ഇന്ത്യയിൽ വിൽപ്പനയ്‌ക്കുള്ള മോഡൽ ആഡംബര കാർ വിഭാഗത്തിൽ തന്റേതായ സ്ഥാനം കണ്ടെത്തി മുന്നേറുന്നുണ്ട്.

വളർന്നുക്കൊണ്ടിരിക്കുന്ന ഇന്ത്യൻ ഓട്ടോമോട്ടീവ് മത്സരവിപണിയിൽ തരംഗം സൃഷ്ടിക്കാനൊരുങ്ങുകയാണ് ഇലക്ട്രിക് വാഹനങ്ങൾ. വരും വർഷങ്ങളിൽ ഇന്ത്യയിലെ വൻകിട വാഹനനിർമ്മാതാക്കൾ നിരത്തിലിറക്കാൻ പോകുന്നത് ഒരുക്കൂട്ടം ഇലക്ട്രിക് കാറുകളെയാണ്. സർക്കാർ പിന്തുണയും, വർദ്ധിച്ചുവരുന്ന ഉപഭോക്തൃ അവബോധവും, ചാർജിംഗ് അടിസ്ഥാന സൗകര്യങ്ങളിലെ പുരോഗതിയും കൊണ്ട് ഇലക്ട്രിക് വാഹനങ്ങൾ പഴയതിനേക്കാൾ ആകർഷകവും കുറഞ്ഞ വിലയിൽ ലഭിക്കുമെന്നതിലേക്ക് മാറിയിരിക്കുകയാണ്. മാരുതി സുസുക്കി, മഹീന്ദ്ര, ഹ്യുണ്ടായ്, കിയ, ടാറ്റ മോട്ടോഴ്‌സ് തുടങ്ങിയ ജനപ്രിയ കമ്പനികളാണ് വരും വർഷത്തെ അവരുടെ മോഡലുകളെ അവതരിപ്പിക്കാൻ പോകുന്നത്. വരാനിരിക്കുന്ന ഇലക്ട്രിക് കാറുകളെക്കുറിച്ച് കൂടുതൽ അറിഞ്ഞാലോ.

2025 നവംബര്‍ മാസം പിറന്നതോടെ വാഹന നിര്‍മാതാക്കള്‍ ഒക്‌ടോബര്‍ മാസത്തെ വില്‍പ്പന കണക്കുകള്‍ പുറത്ത് വിടാന്‍ തുടങ്ങിയിട്ടുണ്ട്. സെപ്റ്റംബര്‍ അവസാനം പ്രാബല്യത്തില്‍ വന്ന ജിഎസ്ടി പരിഷ്‌കാരങ്ങളുടെ ഗുണം കമ്പനികള്‍ ഏറ്റവും കൂടുതല്‍ അനുഭവിച്ചത് പക്ഷേ ഒക്‌ടോബറിലാണ്. ജിഎസ്ടി കട്ടിനൊപ്പം ഇരട്ടി മധുരമായി ബ്രാന്‍ഡുകള്‍ ഉത്സവകാല ഓഫറുകള്‍ കൂടി പ്രഖ്യാപിച്ചതോടെ ഒക്‌ടോബര്‍ മാസം ഷോറൂമുകള്‍ നിറഞ്ഞ് കവിഞ്ഞു. പോയ മാസവും 2 ലക്ഷത്തില്‍ കൂടുതല്‍ വാഹനങ്ങള്‍ വിറ്റ് മാരുതി സുസുക്കി തന്നെയാണ് വില്‍പ്പന പട്ടികയില്‍ ഒന്നാം സ്ഥാനത്ത്. എന്നാല്‍ ഇന്ത്യക്കാര്‍ക്ക് സ്വദേശി ബ്രാന്‍ഡുകളോടാണിപ്പോള്‍ പ്രിയമെന്നാണ് തുടര്‍ന്നുള്ള സ്ഥാനങ്ങള്‍ സൂചിപ്പിക്കുന്നത്.

ടാറ്റയുടെ ഏറെ കാത്തിരിക്കുന്ന മോഡലായ സിയറയുടെ ഏറ്റവും പുതിയ ടീസർ പുറത്തിറക്കിയിരിക്കുകയാണ് ടാറ്റ മോട്ടോർസ്. ഒരു കാലത്ത് ടാറ്റയുടെ ഐക്കോണിക്ക് മോഡലായിരുന്ന സിയറയുടെ തിരിച്ചു വരവോടെ ടാറ്റ മോട്ടോർസിൻ്റെ ജാതകം തന്നെ മാറുമെന്ന കാര്യത്തിൽ സംശയം ഒന്നും വേണ്ട. പുതിയ വരാനിരിക്കുന്ന സിയറയുടെ ടീസർ പുറത്ത് വിട്ടിരിക്കുകയാണ് ടാറ്റ മോട്ടോർസ്. സബ് 4 മീറ്റർ എസ്‌യുവിയിൽ നെക്സോൺ സ്വന്തമാക്കിയ അതേ വിപ്പനയും ഡിമാൻ്റും സിയറയ്ക്കും ലഭിക്കുമെന്ന് തന്നെയാണ് ബ്രാൻഡിൻ്റെ പ്രതീക്ഷ. അത് തെറ്റിക്കില്ല എന്ന് തന്നെ പ്രതീക്ഷിക്കുന്നതാണ് പുറത്ത് വിട്ട ടീസറിൽ നിന്ന് വ്യക്തമാക്കുന്നത്.

ലോകത്തെ ഏറ്റവും വലിയ വാഹന നിര്‍മാതാക്കളില്‍ ഒന്നാണ് ഫോക്‌സ്‌വാഗണ്‍. ഇന്ത്യന്‍ വിപണിയിലും എസ്‌യുവികളും സെഡാനുകളുമായി ഹ്യുണ്ടായി, മഹീന്ദ്ര, ടൊയോട്ട, ടാറ്റ മോട്ടേര്‍സ് പോലുള്ള കമ്പനികളോട് ജര്‍മന്‍ ബ്രാന്‍ഡ് മുട്ടിനില്‍ക്കുന്നു. ഇപ്പോള്‍ ഒരു പുത്തന്‍ ഉല്‍പ്പന്നം അണിയറയില്‍ ഒരുക്കുന്ന തിരക്കിലാണ് ബ്രാന്‍ഡ്. ഫോക്‌സ്‌വാഗണ്‍ ടെയ്‌റോണ്‍ പ്രീമിയം എസ്‌യുവിയാണ് ജര്‍മന്‍ ബ്രാന്‍ഡ് ഉടന്‍ ഇന്ത്യയില്‍ എത്തിക്കാന്‍ പോകുന്നത്. 2025 അവസാനത്തോടെ ഫോക്‌സ്‌വാഗണ്‍ ടെയ്റോണ്‍ ഇന്ത്യന്‍ വിപണിയില്‍ അരങ്ങേറ്റം കുറിക്കും. പുത്തന്‍ ഫോക്‌സ്‌വാഗണ്‍ ടെയ്റോണിന്റെ അണിയറ വിശേഷങ്ങള്‍ അറിയാന്‍ ഈ ലേഖനം തുടര്‍ന്ന് വായിക്കാം.

ഇന്ത്യയിലെ വാഹന വിപണിയിൽ എതിരാളികളെ എല്ലാം നിലംപരിശാക്കി വിൽപ്പനയിൽ രാജാവായി ഒന്നാം സ്ഥാനം കരസ്ഥമാക്കിയിരിക്കുകയാണ് ജനപ്രിയ ബ്രാൻഡായ മാരുതി സുസുക്കി. ഒക്ടോബർ മാസത്തെ സംബന്ധിച്ചിടത്തോളം എല്ലാ ബ്രാൻഡുകൾക്കും ഉത്സവ സീസണിൽ ചാകരയായിരുന്നു. പ്രത്യേകിച്ച് മാരുതി സുസുക്കിയുടെ ഷോറൂമുകളിൽ ജനതിരക്ക് തന്നെയായിരുന്നു എന്ന് വേണമെങ്കിൽ പറയാം. 2025 ഒക്ടോബർ മാസത്തിൽ ബ്രാൻഡ് വിറ്റത് 220,894 യൂണിറ്റുകളാണ്. പാസഞ്ചർ വാഹന സെഗ്മെൻ്റിൽ 176,318 യൂണിറ്റുകളാണ് കഴിഞ്ഞ മാസം വിറ്റത്. എല്ലാവർക്കും മാരുതി മതിയെന്ന് വെറുതെ പറയുന്നതല്ല എന്ന് വിൽപ്പന കണക്ക് കാണുമ്പോൾ തന്നെ മനസിലാകുമല്ലോ.

ഇന്ത്യയിലെ ഇലക്‌ട്രിക് കാർ വിപണിയെ ഇളക്കി മറിക്കാനായി മാരുതി സുസുക്കിയുടെ ആദ്യ മോഡൽ എത്തുമെന്ന് കേൾക്കാൻ തുടങ്ങിയിട്ട് നാളിമ്മിണിയായി. ഇക്കഴിഞ്ഞ ഓട്ടോ എക്സ്പോയിൽ ഇ വിറ്റാരയെ പ്രദർശിപ്പിച്ച കമ്പനി അധികം വൈകാതെ ഇലക്ട്രിക് എസ്‌യുവി വിപണനത്തിന് എത്തിക്കാനായിരുന്നു പ്ലാനിട്ടിരുന്നതും. ഈ വർഷം ആദ്യം പ്രതീക്ഷിച്ചിരുന്ന മാരുതി ഇ വിറ്റാരയുടെ വില പ്രഖ്യാപനം ബാറ്ററി വിതരണവും സോഫ്റ്റ്‌വെയർ വെല്ലുവിളികളും കാരണം പലതവണ വൈകുകയായിരുന്നു. എന്നാൽ ഇനി കാത്തിരുത്തി മുഷിപ്പിക്കാൻ രാജ്യത്തെ ഏറ്റവും വലിയ വാഹന നിർമാതാക്കൾ റെഡിയല്ലെന്ന് പ്രഖ്യാപിച്ചിരിക്കുകയാണ്.

എല്ലാ വര്‍ഷവും ദീപാവലി ഉത്സവകാലമാകാന്‍ ഉപഭോക്താക്കള്‍ക്കൊപ്പം വണ്ടിക്കമ്പനികളും കാത്തിരിക്കാറുണ്ട്. ഇന്ത്യക്കാര്‍ വാഹനം വാങ്ങാനായി തെരഞ്ഞെടുക്കുന്ന സമയമാണ് ദീപാവലി ഉത്സവ ദിനങ്ങള്‍. ഉത്സവകാല തിരക്കിനൊപ്പം ഇക്കുറി ചരക്കുസേവന നികുതി ഇളവുകളുടെ ആനുകൂല്യം കൂടി ചേര്‍ന്നതോടെ വമ്പന്‍ വില്‍പ്പന പ്രതീക്ഷിച്ചതാണ്. ഒട്ടുമിക്ക വാഹന നിര്‍മാതാക്കളും ജിഎസ്ടി ആനുകൂല്യങ്ങള്‍ക്കൊപ്പം ഉത്സവകാല ഓഫറുകളും പ്രഖ്യാപിച്ചു. ഒക്‌ടോബര്‍ മാസം അവസാനത്തോടെ തന്നെ ചില കമ്പനികള്‍ ദീപാവലി വില്‍പ്പന കണക്കുകള്‍ പുറത്തുവിട്ടിരുന്നു. 2025 ഒക്‌ടോബറിലെ ടോപ് 10 വാഹന നിര്‍മാതാക്കളെ അറിയാന്‍ തുടര്‍ന്ന് വായിക്കാം.

ദൈനംദിന യാത്രകള്‍, ദീര്‍ഘദൂര യാത്രകള്‍, ഫാമിലി ട്രിപ്പുകള്‍ എന്നിവയെല്ലാം നമ്മുടെ ജീവിതശൈലിയില്‍ ഒരുപാട് മാറ്റങ്ങള്‍ സൃഷ്ടിക്കാറുണ്ട്. ഇതിലെല്ലാം പ്രധാന ഘടകമായി വരുന്നത് നമ്മള്‍ സഞ്ചരിക്കുന്ന വാഹനങ്ങള്‍ തന്നെയാണ്. വീട്ടുമുറ്റത്തൊരു കാര്‍ വാങ്ങിയിടുക, അതില്‍ യാത്രചെയ്യുക എന്നതായിരിക്കും ഇന്നത്തെ കാലത്ത് പലരുടെയും ലക്ഷ്യം. അതില്‍ തന്നെ ഫുള്‍സൈസ് എസ്‌യുവികളോട് പ്രത്യേക ഇഷ്ടം സൂക്ഷിക്കുന്നവര്‍ ഉണ്ട്. പഴയ കാര്‍ മാറ്റി പുതിയ ഫുള്‍സൈസ് എസ്‌യുവി വാങ്ങാന്‍ പ്ലാനിടുന്നവര്‍ക്ക് ഏറ്റവും മികച്ച ഓപ്ഷന്‍ ടൊയോട്ട ഫോര്‍ച്യൂണര്‍ അല്ലെങ്കില്‍ എംജി ഗ്ലോസ്റ്റര്‍ ആയിരിക്കും. ഇവരില്‍ ആരാണ് ഏറ്റവും മികച്ചവനെന്ന ചോദ്യം പലരിലുമുണ്ട്. അതിനുളള ഉത്തരത്തിനായി ഈ ലേഖനം തുടര്‍ന്ന് വായിച്ചോളൂ.

ഒറ്റ ചോദ്യം മതി ജീവിതം മാറിമറിയാൻ എന്ന് നിങ്ങൾക്കും ആകാം കോടീശ്വരൻ എന്ന പ്രോഗ്രാമിൽ സുരഷ് ഗോപി പറയുന്നത് ഒറ്റ ഡാൻസ് കൊണ്ടോ,ചിത്രം കൊണ്ടോ അഭിനേതാക്കളുടെ റേഞ്ച് തന്നെ മാറി പോകും. അത്തരത്തിൽ ഹൈറേഞ്ചുളള താരമായി മാറിയ നടിയാണ് ശ്രീലീല. ഗുണ്ടൂര്‍ക്കാരം എന്ന തെലുങ്ക് ചിത്രത്തില്‍ മഹേഷ് ബാബുവിനോടൊപ്പം മാടത്തപ്പെട്ടി എന്ന ഗാനത്തില്‍ അസാധ്യമായ ഡാന്‍സുമായി എത്തി ആദ്യം വിസ്‌മയിപ്പിച്ച ശ്രീലീലക്ക് പാൻഇന്ത്യൻ റീച്ച് കിട്ടാൻ പുഷ്‌പയുടെ രണ്ടാംഭാഗത്തിലൂടെയായി. താരം എപ്പോഴൊക്കെ പുറത്തേക്കിറങ്ങിയാലും ചുറ്റും ആരാധകർ തടിച്ചു കൂടും. സോഷ്യൽ മീഡിയയിലും താരം കൊടൂര വൈറലാണ്.

കച്ചോടമില്ലാതിരുന്ന ഹോണ്ട ഷോറൂമുകളിൽ ആളെക്കയറ്റാൻ കമ്പനി കൊണ്ടുവന്ന തുറുപ്പുചീട്ടായിരുന്നു എലിവേറ്റ് എന്ന എസ്‌യുവി (Elevate SUV). ഹ്യുണ്ടായി ക്രെറ്റ, കിയ സെൽറ്റോസ്, മാരുതി സുസുക്കി ഗ്രാൻഡ് വിറ്റാര തുടങ്ങിയ വമ്പൻമാർ അരങ്ങുവാഴുന്ന മിഡ്-സൈസ് സ്പോർട് യൂട്ടിലിറ്റി വാഹനത്തിലെത്തിയ ഇവൻ തുടക്കത്തിൽ നല്ല രീതിയിൽ തന്നെ വിറ്റഴിഞ്ഞിരുന്നു. ഈ വിഭാഗത്തിലെ ഏറ്റവും ഉയർന്ന ഗ്രൌണ്ട് ക്ലിയറൻസും സിറ്റിയിലൂടെ പയറ്റിത്തെളിഞ്ഞ ഉഗ്രൻ എഞ്ചിനും കൂടിയായപ്പോൾ എലിവേറ്റ് (Honda Elevate) എല്ലാവരുടേയും ഗുഡ്ബുക്കിൽ ഇടംനേടി. മിടുക്കനായിരുന്നുവെങ്കിലും കടുത്ത മത്സരത്തിൽ പിൻനിരയിലേക്ക് മാറിയിരിക്കാനായിരുന്നു യോഗം.

2025 നവംബര്‍ 6 മുതല്‍ 9 വരെ ബൈക്ക് പ്രേമികളുടെ ഉത്സവമായ 2025 EICMA ഇറ്റലിയിലെ മിലാനില്‍ നടക്കാന്‍ പോകുകയാണ്. പുതിയ മോഡലുകള്‍ അവതരിപ്പിക്കാന്‍ മികച്ച വേദിയാണ് മിലാന്‍ എക്‌സിബിഷന്‍. ഇപ്പോള്‍ ടൂവീലര്‍ ബ്രാന്‍ഡുകള്‍ ഷോയില്‍ തങ്ങള്‍ അവതരിപ്പിക്കാന്‍ പോകുന്ന മോഡലുകളുടെ ഹൈപ്പ് ഉയര്‍ത്താന്‍ വേണ്ടി ടീസറുകള്‍ പുറത്തുവിട്ട് തുടങ്ങിയിട്ടുണ്ട്. കഴിഞ്ഞ വര്‍ഷം റോയല്‍ എന്‍ഫീല്‍ഡ് മിലാനില്‍ വെച്ചാണ് ക്ലാസിക് 650 അവതരിപ്പിക്കുകയും ബെയര്‍ 650, ഇലക്ട്രിക് ഫ്‌ലൈയിംഗ് ഫ്‌ലീ എന്നിവ പുറത്തിറക്കുകയും ചെയ്തത്. ആഗോളതലത്തില്‍ പുത്തന്‍ മോഡലുകള്‍ അവതരിപ്പിക്കാനും വിപണി പ്രതികരണം വിലയിരുത്താനും ഇത് സഹായിക്കും.

ഇന്ത്യക്കാരുടെ മനസറിഞ്ഞ് കാറുകൾ പുറത്തിറക്കുന്നവരായി മാറിയിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. കുഷാഖ്, സ്ലാവിയ, കൈലാക് തുടങ്ങിയ മെയ്‌ഡ് ഇൻ ഇന്ത്യ മോഡലുകളിലൂടെ പണംവാരുന്ന കമ്പനി പോയമാസവും തങ്ങളുടെ ശക്തി എതിരാളികൾക്ക് കാണിച്ചുകൊടുത്തിരിക്കുകയാണ്. ഒക്ടോബറിൽ രാജ്യത്ത് ഇതുവരെയുള്ളതിൽ വെച്ച് ഏറ്റവും ഉയർന്ന വിൽപ്പന കൈവരിച്ചുകൊണ്ട് ബ്രാൻഡ് വിൽപ്പന അവസാനിപ്പിച്ചത്. 2025 ജനുവരി മുതൽ ഒക്ടോബർ വരെ, സ്കോഡ ഓട്ടോ ഇന്ത്യ 61,607 കാറുകളാണ് നിരത്തിലെത്തിച്ചിരിക്കുന്നത്. കഴിഞ്ഞ മാസത്തെ മാത്രം കണക്കുകൾ നോക്കിയാൽ 8,252 യൂണിറ്റുകളുടെ വിൽപ്പനയാണ് കമ്പനിയെ തേടിയെത്തിയത്.

ഒക്ടോബർ മാസത്തിൽ എല്ലാ വാഹന നിർമാതാക്കളും തങ്ങളുടെ വിൽപ്പനയിൽ ശ്രദ്ധ കേന്ദ്രീകരിച്ചതിൻ്റെ ഫലമായി മികച്ച വിൽപ്പനയാണ് നേടാൻ സാധിച്ചിരിക്കുന്നത്. അതിൽ പ്രത്യേകിച്ച് മഹീന്ദ്ര തങ്ങളുടെ എസ്‌യുവികളുടെ വിൽപ്പനയിൽ റെക്കോർഡ് വിൽപ്പനയാണ് രേഖപ്പെടുത്തിയിരിക്കുന്നത്. 2025 ഒക്ടോബർ മാസത്തിൽ മൊത്തം വാഹന വിൽപ്പന 120,142 വാഹനങ്ങളായിരുന്നു, അതിനൊപ്പം തന്നെ കയറ്റുമതി ഉൾപ്പെടെ 26 ശതമാനത്തിൻ്റെ വളർച്ച രേഖപ്പെടുത്തിയിട്ടുണ്ട്. മഹീന്ദ്ര ആഭ്യന്തര വിപണിയിൽ 71624 വാഹനങ്ങളാണ് വിറ്റത്, 31 ശതമാനത്തിൻ്റെ വളർച്ചയുപ്പടെ കയറ്റുമതി ഉൾപ്പെടെ മൊത്തത്തിൽ 73890 വാഹനങ്ങളും. വാണിജ്യ വാഹനങ്ങളുടെ ആഭ്യന്തര വിൽപ്പന 14 വളർച്ചയോടെ 31741 ആയി.

ഇന്ത്യയിലെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കി മാസാമാസം ആയിരക്കണക്കിന് കാറുകളാണ് നിര്‍മിച്ച് വില്‍ക്കുന്നത്. നിലവില്‍ പെട്രോള്‍, സിഎന്‍ജി, ഹൈബ്രിഡ് പവര്‍ട്രെയിനുകളിലുള്ള കാറുകള്‍ മാരുതി വിപണനം ചെയ്യുന്നു. എന്നാല്‍, മാരുതി സുസുക്കിക്ക് സ്വന്തമായി സ്‌ട്രോംഗ് ഹൈബ്രിഡ് സിസ്റ്റം ഇല്ല. വാഹനങ്ങളും സാങ്കേതികവിദ്യയും കൈമാറ്റം ചെയ്യാനായി ടൊയോട്ടയുമായി തന്ത്രപരമായ പങ്കാളിത്തത്തില്‍ ഏര്‍പെട്ട കമ്പനി ജാപ്പനീസ് ബ്രാന്‍ഡിന്റെ സ്‌ട്രോംഗ് ഹൈബ്രിഡ് സാങ്കേതികവിദ്യയാണ് ഉപയോഗിക്കുന്നത്. നിലവില്‍ മാരുതിയുടെ ഗ്രാന്‍ഡ് വിറ്റാര, ഇന്‍വിക്‌റ്റോ, പുതുതായി പുറത്തിറക്കിയ വിക്ടോറിസ് തുടങ്ങിയ മോഡലുകളില്‍ സ്‌ട്രോംഗ് ഹൈബ്രിഡ് പവര്‍ട്രെയിന്‍ ലഭ്യമാണ്.

ഇന്ത്യയിലെ ഇലക്ട്രിക് വാഹന വിപണിയിൽ (Electric Vehicle Segment) തരംഗം തീർത്ത് മുന്നേറുകയാണ് മഹീന്ദ്ര BE 6, XEV 9e എന്നീ രണ്ട് ഇവികൾ. ഇന്ത്യൻ ടെസ്‌ലയെന്ന വിളിപ്പേരുമായി ലോക പ്രശസ്‌തമായി മാറിയ ഇരുവരും മഹീന്ദ്രയുടെ നിർമാണ മികവിനെയാണ് ലോകത്തിന് കാണിച്ചുകൊടുത്തത്. കൂട്ടത്തിൽ ഏറ്റവും ഫാൻസ് BE 6 എന്ന അഡാറ് മോഡലിനാണ്. ലുക്കും പെർഫോമൻസും തന്നെയാണ് ഇതിന് പിന്നിലുള്ള കാരണം. കൂട്ടത്തിൽ ഒതുക്കമുള്ള രൂപവും കൂടിയാവുന്നതോടെ സംഗതി കളറാവുകയും ചെയ്‌തു. പിന്നാലെ ആള് കൂടാൻ ഇതിലും വലിയ കാരണങ്ങൾ വേറെ വേണോ.

ദീപാവലിയടക്കമുള്ള ഉത്സവങ്ങളും ചരക്കുസേവന നികുതി ഇളവും കാരണം 2025 ഒക്‌ടോബര്‍ മാസം വണ്ടിക്കമ്പനികള്‍ക്കൊപ്പം ഉപഭോക്താക്കള്‍ക്കും ചാകരക്കാലമായിരുന്നു. ഓഫറുകള്‍ മാത്രമല്ല പുത്തന്‍ ഉല്‍പ്പന്നങ്ങള്‍ പുറത്തിറങ്ങുന്ന സമയം കൂടിയായതിനാല്‍ ഷോറൂമില്‍ കാര്‍ണിവലായിരുന്നു. പോയ മാസത്തെ പോലെ തന്നെ 2025 നവംബറും കാര്‍ പ്രേമികള്‍ക്ക് ഉത്സവ സീസണ്‍ പോലെ തന്നെയാകും. ഇന്ത്യന്‍ എസ്‌യുവി വിപണിയിലേക്ക് ചില വമ്പന്‍മാര്‍ ഈ മാസം എന്‍ട്രി നടത്താന്‍ പോകുകയാണ്. വാഹനപ്രേമികള്‍ വര്‍ഷങ്ങളായി വര്‍ഷങ്ങളായി കാത്തിരിക്കുന്ന ചില കാറുകള്‍ മുതല്‍ നിലവിലുള്ള കാറുകളുടെ അപ്‌ഡേറ്റഡ് പതിപ്പുകളും ഊഴം കാത്തിരിക്കുന്നു. ഒരു വശത്ത് ഹ്യുണ്ടായി വെന്യു പൂര്‍ണമായും പുതിയ രൂപത്തില്‍ എത്തുന്നു.

ഇന്ത്യൻ എസ്‌യുവി വിപണിയിൽ ഏറ്റവും ജനപ്രിയമായ മോഡലുകളിൽ ഒന്നായിരുന്നു റെനോ ഡസ്റ്റർ. വർഷങ്ങൾക്കുശേഷം ഈ ഐകോണിക് എസ്‌യുവി തിരിച്ച് വരവിൻ്റെ പാതയിൽ. പുതിയ ഡിസൈൻ, ഹൈബ്രിഡ് ടെക്നോളജി, ആധുനിക ഫീച്ചറുകൾ എന്നിവയോടെ തിരിച്ചെത്തുമ്പോൾ, പഴയ ഡസ്റ്ററുമായുള്ള താരതമ്യം കാറ് പ്രേമികളുടെ പ്രധാന ചർച്ചയായി മാറിയിരിക്കുകയാണ്. ഡിസൈൻ മുതൽ എഞ്ചിൻ വരെ എന്തെല്ലാം മാറ്റങ്ങളാണ് സംഭവിച്ചതെന്ന് വിശദമായി തന്നെ നോക്കിയാലോ. നിങ്ങൾ ഒരു റെനോ ഡസ്റ്റർ ഉടമയാണെങ്കിൽ തീർച്ചയായും ഇത് വായിച്ചിരിക്കണം. വാഹനപ്രേമികൾ ഏറെ കാത്തിരിക്കുന്ന റെനോ ഡസ്റ്ററിൻ്റെ വിശദാംശങ്ങൾ പങ്കുവച്ചാലോ.

മോട്ടോർസൈക്കിൾ പ്രേമികളുടെ ഡ്രീം ബൈക്കുകൾ പുറത്തിറക്കുന്നവരാണ് ഇറ്റാലിയൻ സൂപ്പർബൈക്ക് നിർമാതാക്കളായ ഡ്യുക്കാട്ടി. ജീവിതത്തിൽ ഒരുതവണയെങ്കിലും ഈയൊരു ബ്രാൻഡിന്റെ ഏതെങ്കിലും ഒരു മോഡൽ സ്വന്തമാക്കണമെന്ന് സ്വപ്‌നം കാണാത്തവരുണ്ടാവില്ല. ഇയൊരു സ്വപ്‌നം പൂവണിയിക്കാനായി ലോട്ടറി വരെ എടുക്കുന്നവരുണ്ടാവാം നമുക്കിടയിൽ. അങ്ങനെ ഡ്യുക്കാട്ടിയെ പകൽക്കിനാവ് കണ്ടിരിക്കുന്നവർക്ക് മുന്നിലേക്കായി കമ്പനിയിതാ ഏറ്റവും പുതിയ 2025 സ്ട്രീറ്റ്‌ഫൈറ്റർ V4 ശ്രേണി ഇന്ത്യയിലെത്തിച്ചിരിക്കുകയാണ്. കൂടുതൽ കരുത്തും മികച്ച ഇലക്ട്രോണിക്‌സും ഉൾപ്പെടുത്തിയാണ് പുത്തൻ സീരീസ് വിപണിയിലെത്തിച്ചിരിക്കുന്നത്. V4, V4 S എന്നിങ്ങനെ രണ്ട് വേരിയന്റുകളിൽ മോഡൽ സ്വന്തമാക്കാനുമാവും.

തെക്കുകിഴക്കൻ ഏഷ്യൻ രാജ്യങ്ങൾക്കായുള്ള പുതിയ കാർ അസസ്‌മെന്റ് പ്രോഗ്രാമിൽ (ASEAN NCAP)മാരുതി സുസുക്കിയുടെ ജനപ്രിയ മോഡൽ കരുത്ത് തെളിയിച്ചിരിക്കുകയാണ്. മലേഷ്യൻ വിപണിയിൽ അടുത്തിടെ വീണ്ടും സ്ഥിര സാന്നിധ്യം ഉറപ്പാക്കിയ, ബ്രാൻഡ് പുതുതായി പുറത്തിറക്കിയ കോം‌പാക്റ്റ് എസ്‌യുവി മോഡൽ ആസിയാൻ NCAP ക്രാഷ് ടെസ്റ്റിൽ പങ്കെടുത്ത് എതിരാളികളുടെ മനസിൽ വീണ്ടും ഭയം വിതച്ചിരിക്കുകയാണ്.മൊത്തത്തിൽ 77.70 പോയിന്റുകളുടെ ബലത്തിൽ 5-സ്റ്റാർ ആസിയാൻ NCAP റേറ്റിംഗ് നേടിയിരിക്കുകയാണ്. ബിൽഡ് ക്വാളിറ്റിയിൽ നിരവധി കളിയാക്കലുകളും ആക്ഷേപങ്ങളും കേട്ടിരുന്ന ബ്രാൻഡ് ഇപ്പോൾ ഓരോ ദിവസം ചെല്ലുന്തോറും സേഫ്റ്റിക്ക് മുൻഗണന നൽകുന്നുണ്ട്.

ഇന്ത്യൻ വാഹന ലോകത്ത് തങ്ങളുടെതായ ഒരു ആധിപത്യം നിലനിർത്തിക്കൊണ്ടുപ്പോകുന്ന ജാപ്പനീസ് വാഹന നിർമ്മാതാക്കളാണ് ഹോണ്ട. 1948-ൽ കെട്ടിപ്പടുത്ത ഹോണ്ട സാമ്രാജ്യം 150 ലധികം രാജ്യങ്ങളിൽ പേരുകേട്ട ആഗോള വാഹന ബ്രാൻഡായി വളർന്നത് അതിവേഗമായിരുന്നു. ഇന്ധനക്ഷമതയുള്ള കോംപാക്‌ട് കാറുകൾ മുതൽ ഇരുചക്ര വാഹനങ്ങൾ, ഹൈബ്രിഡ്, ഇലക്ട്രിക് വാഹനങ്ങൾ വരെ ഹോണ്ടയുടെ ആവനാഴിയിൽ നിന്നും പിറന്നു. ഇവയെല്ലാംതന്നെ വളർന്നു വരുന്ന ഉപഭോക്ത്യ സങ്കൽപ്പങ്ങളെ തൃപ്തിപ്പെടുത്തുന്നവയായിരുന്നു എന്നതാണ് പ്രത്യേകത. വിപണിയിലെ സാന്നിധ്യം ശക്തിപ്പെടുത്തുന്നതിനുള്ള പുതിയ തന്ത്രങ്ങൾ വെളിപ്പെടുത്തിയിരിക്കുകയാണ് കമ്പനി. ഈ വാർത്തയുടെ കൂടുതൽ വിശേഷങ്ങളറിയാൻ തുടർന്ന് വായിച്ചോളൂ.

ഇന്ത്യയില്‍ വളരെയധികം സിനിമകളൊന്നും 1000 കോടി രൂപ ക്ലബില്‍ ഇടംനേടിയിട്ടില്ല. ഏന്നാല്‍ സംവിധാനം ചെയ്ത മൂന്നാമത്തെ സിനിമ തന്നെ 1000 കോടി ക്ലബില്‍ കയറ്റിയ സംവിധായകനാണ് നാഗ് അശ്വിന്‍ (Nag Ashwin). ശേഖര്‍ കമ്മൂലയുടെ അസിസ്റ്റന്റ് ആയിരുന്ന നാഗ് അശ്വിന്‍ യേവഡെ സുബ്രഹ്‌മണ്യം എന്ന സിനിമയിലൂടെ 2015-ലാണ് സംവിധായക കുപ്പായമണിയുന്നത്. 2018-ല്‍ നടി സാവിത്രിയുടെ ജീവിത കഥപറഞ്ഞ മഹാനടിയിലൂടെ ഏറെ കൈയ്യടി നേടി. ദക്ഷിണേന്ത്യയില്‍ ഏറ്റവും കൂടുതല്‍ കളക്ഷന്‍ നേടിയ നായികാ പ്രാധാന്യമുള്ള സിനിമയെന്ന റെക്കോഡ് മഹാനടി നേടി.

ഇന്ത്യൻ മണ്ണിൽ വിതച്ചതൊന്നും വെറുതെ ആയിട്ടില്ല, അത് കൃഷിയുടെ കാര്യത്തിലാണെങ്കിലും വാഹന വിപണിയിൽ തുടക്കം കുറിക്കുന്ന ബ്രാൻഡുകളുടെ കാര്യമാണെങ്കിലും അങ്ങനെ തന്നെ. ഇലക്ട്രിക് വാഹന ബ്രാൻഡുകളാണല്ലോ ഇപ്പോൾ എല്ലാത്തിനും മുന്നിൽ നിൽക്കുന്നത്. വിയറ്റ്നാം ബ്രാൻഡായ വിൻഫാസ്റ്റ് രാജ്യത്ത് തങ്ങളുടെ ചുവടുറയ്പ്പിച്ചിരിക്കുകയാണ്. ഇന്ത്യയിലെ പ്രധാന നഗരങ്ങളിലായി 24 ഡീലർഷിപ്പുകൾ ഇപ്പോൾ പ്രവർത്തനക്ഷമമാണ്. ഇന്ത്യൻ ഉപഭോക്താക്കൾക്ക് പ്രീമിയം ഇലക്ട്രിക് മൊബിലിറ്റി അനുഭവങ്ങൾ നൽകുകയെന്ന ദൗത്യത്തിന്റെ ഭാഗമായി, 2025 അവസാനത്തോടെ രാജ്യവ്യാപകമായി 35 ഡീലർഷിപ്പുകൾ സ്ഥാപിക്കുക എന്നതാണ് ലക്ഷ്യം. കേരളത്തിൽ കൊച്ചിയിലാണ് ഷോറൂം ആരംഭിച്ചിരിക്കുന്നത്.