വെല്ലുവിളികള്‍ നിറഞ്ഞ ഇന്ത്യന്‍ റോഡുകളില്‍ സുരക്ഷിതരീതിയില്‍ വാഹനമോടിക്കാനുള്ള ഏറ്റവും ലളിതവും ഫലപ്രദവുമായ മാര്‍ഗങ്ങളില്‍ ഒന്നാണ് സുരക്ഷിതമായ അകലം പാലിക്കല്‍. റോഡ് സുരക്ഷയില്‍ വലിയ മാറ്റമുണ്ടാക്കുന്ന ഒരു ചെറിയ ശീലമാണിത്. നിങ്ങളുടെ വാഹനത്തിനും മുന്നിലുള്ള വാഹനത്തിനും ഇടയില്‍ മതിയായ സ്‌പെയ്‌സ് നിലനിര്‍ത്തുക എന്നതാണ് സുരക്ഷിതമായ അകലം പാലിക്കല്‍ എന്നത്‌കൊണ്ട് അര്‍ത്ഥമാക്കുന്നത്. ഗതാഗതക്കുരുക്കുകള്‍, പെട്ടെന്നുള്ള ബ്രേക്കിംഗ്, കുഴികള്‍, അലഞ്ഞുതിരിയുന്ന മൃഗങ്ങള്‍, റോഡ് മുറിച്ചു കടക്കുന്ന കാല്‍നടയാത്രക്കാര്‍ എന്നിവയെല്ലാം ഇന്ത്യന്‍ നിരത്തുകളിലെ സാധാരണ കാഴ്ചയാണ്.

സ്കോഡ എന്നാൽ പ്രായഭേദമന്യെ ഏതൊരാൾക്കും പ്രിയപ്പെട്ട ബ്രാൻഡ് തന്നെയാണ് എന്ന കാര്യത്തിൽ ഒരു സംശയവും വേണ്ട. പ്രത്യേകിച്ച് പെർഫോമൻസ് ഇഷ്ടപ്പെടുന്നവരുടെ കാര്യമാണെങ്കിൽ പറയുകയേ വേണ്ട. ഇപ്പോഴിതാ ആരാധകർ ഏറെ ആകാംക്ഷയോടെ കാത്തിരുന്ന മോഡലായ ഒക്ടാവിയ ആർഎസ് മോഡലിൻ്റെ പ്രീ ബുക്കിങ്ങ് തീയതി കമ്പനി പ്രഖ്യാപിച്ചിരിക്കുകയാണ്. ഒക്ടോബർ പതിനേഴിനാണ് സ്കോഡ തങ്ങളുടെ പെർഫോമൻസ് രാജാവിനെ രാജ്യത്ത് അവതരിപ്പിക്കാൻ പദ്ധതിയിട്ടിരിക്കുന്നത്. അതിന് മുന്നോടിയായി ഒക്ടോബർ ആറ് മുതൽ പ്രീ ബുക്കിങ്ങ് ആരംഭിക്കുമെന്നും കമ്പനി അറിയിച്ചിട്ടുണ്ട്. എന്തൊക്കെ ആയിരിക്കും സ്കോഡ ഒക്ടാവിയ ആർഎസിൽ പ്രതീക്ഷിക്കാവുന്നത് എന്നതാണ് നിങ്ങളുമായി പങ്കുവയ്ക്കുന്നത്.

ചെക്ക് റിപബ്ലിക്കന്‍ കാര്‍ ബ്രാന്‍ഡ് ആയ സ്‌കോഡയുടെ എന്‍ട്രി ലെവല്‍ മോഡലായി ഒമ്പത് മാസം മുമ്പാണ് കൈലാക് (Skoda Kylaq) പുറത്തിറങ്ങിയത്. അന്ന് 7.89 ലക്ഷം രൂപ എക്‌സ്‌ഷോറൂം വിലയില്‍ വിപണിയില്‍ എത്തിയ ഈ സബ് കോംപാക്ട് എസ്‌യുവി വില്‍പ്പനയുടെ കാര്യത്തില്‍ ഇത് ഇതിനകം തന്നെ അതിന്റെ എല്ലാ മുന്‍ഗാമികളെയും മറികടന്നു. ഇതിനുള്ള ഒരു കാരണം അതിന്റെ താങ്ങാനാവുന്ന വില തന്നെയാണ്. കൈലാക് ഇപ്പോള്‍ ഒരു വില്‍പ്പന നാഴികക്കല്ല് താണ്ടിയിരിക്കുകയാണ്. 2024 അവസാനത്തോടെ പുറത്തിറങ്ങിയ എസ്‌യുവിയുടെ 30,000 യൂണിറ്റുകള്‍ ഇതിനോടകം ഇന്ത്യന്‍ നിരത്തുകളിലെത്തി കഴിഞ്ഞു.

ആറ്റുനോറ്റ് ഒരു ആഡംബര വാഹനം വാങ്ങുമ്പോൾ അത് തകരാർ മൂലം തിരികെ വിളിച്ചാൽ എന്ത് സങ്കടമായിരിക്കും. അതും മെർസിഡീസ് ബെൻസ് തങ്ങളുടെ മൂന്ന് മോഡലുകൾ തിരികെ വിളിച്ചിരിക്കുകയാണ്. GLC AMG, C-Class AMG, GLC എന്നിങ്ങനെ മൂന്ന് മോഡലുകളാണ് തിരികെ വിളിച്ചിരിക്കുന്നത്. ബെൻസ് ഉടമകൾ ശ്രദ്ധിക്കേണ്ട ചില തീയതികൾ കൂടി ഓർമിപ്പിക്കുകയാണ്. 2022 സെപ്റ്റംബർ 19-ന് നിർമ്മിച്ച സ്റ്റാൻഡേർഡ് GLC യും അത് പോലെ തന്നെ 2023 സെപ്റ്റംബർ 20-ന് നിർമ്മിച്ച C-ക്ലാസ് AMG മോഡലിൻ്റേയും ഓരോ യൂണിറ്റ് വീതമാണ് തിരികെ വിളിച്ചിരിക്കുന്നത്.

ഒരു കാറിന്റെ ഏറ്റവും പ്രധാന ഭാഗങ്ങളില്‍ ഒന്നാണ് ടയര്‍. സാധാരണയായി നാല് ടയറുകളും ഒരു സ്‌പെയര്‍ ടയറും അടക്കം 5 ടയറുകള്‍ കാറില്‍ വരുന്നു. എന്നാല്‍ ടാറ്റ മോട്ടോര്‍സ്, മാരുതി സുസുക്കി തുടങ്ങിയ കമ്പനികള്‍ ഇന്ത്യയില്‍ വില്‍ക്കുന്ന ചില കാറുകളില്‍ സ്‌പെയര്‍ വീലുകള്‍ (Spare Wheel) നല്‍കുന്നത് നിര്‍ത്തി. ഇത് മറ്റ് കാറുകളിലേക്കും ഘട്ടം ഘട്ടമായി വ്യാപിപ്പിക്കുകയാണ്. പഞ്ച് ഇവി, ടിയാഗോ ഇവി, സഫാരി, ഹാരിയര്‍, മാരുതിയുടെ ഫ്രോങ്ക്‌സ്, ഗ്രാന്‍ഡ് വിറ്റാര തുടങ്ങിയ കാറുകളില്‍ സ്റ്റെപ്നി വീലുകള്‍ വാഗ്ദാനം ചെയ്യുന്നില്ല. ഇത് എന്തുകൊണ്ടാണെന്ന് നിങ്ങള്‍ക്ക് അറിയാമോ?. അറിയില്ലെങ്കില്‍ അതിനെ കുറിച്ച് വിശദമായി ചുവടെ വായിക്കാം.

ഇന്ത്യയിലെ ഏറ്റവും വലിയ രണ്ടാമത്തെ വാഹന നിര്‍മാതാക്കളാണ് ഹ്യുണ്ടായി (Hyundai). 1998 സെപ്റ്റംബറില്‍ സാന്‍ട്രോയെന്ന ടോള്‍ ബോയ് ഹാച്ച്ബാക്കുമായി ഇന്ത്യന്‍ വിപണിയിലെത്തിയ കമ്പനി വളരെ പെട്ടെന്ന് ഫേവറിറ്റായി മാറി. ഹാച്ച്ബാക്ക്, എസ്‌യുവി, സെഡാന്‍, ഇവി എന്നീ വിഭാഗങ്ങളിലായി കൊറിയന്‍ കമ്പനി ഇപ്പോള്‍ ഒരു ഡസനിലേറെ കാര്‍ മോഡലുകള്‍ വില്‍ക്കുന്നു. നിലവില്‍ രണ്ട് ഇലക്ട്രിക് കാറുകളാണ് ഹ്യുണ്ടായി ഇന്ത്യയില്‍ ഓഫര്‍ ചെയ്യുന്നത്. ഹ്യുണ്ടായി ക്രെറ്റ ഇലക്ട്രിക്, ഹ്യുണ്ടായി അയോണിക് 5 എന്നിവയാണ് അവ. ഈ രണ്ട് കാറുകളും താരതമ്യേന ഉയര്‍ന്ന വിലയിലാണ് വില്‍ക്കുന്നത്.

ഇന്ത്യക്കാരുടെ മനസിൽ എങ്ങനെയും കയറിപ്പറ്റാനുള്ള ശ്രമത്തിലാണ് ഫ്രഞ്ച് വാഹന നിർമാതാക്കളായ സിട്രൺ. വന്നകാലം മുതൽ ഇപ്പോൾ വരെ കച്ചോടം പിടിക്കാൻ ബ്രാൻഡ് പെടാപ്പാട് പെടുകയാണെന്ന് വേണം പറയാൻ. തുടക്കത്തിൽ അവതരിപ്പിച്ച പദ്ധതികളെല്ലാം പാളിപ്പോയതാണ് സിട്രണ് ഇത്തരത്തിലൊരു ഗതി വരാൻ കാരണമായതെന്ന് വേണം പറയാൻ. ബ്രാൻഡിന്റെ നിരയിലെ ഏറ്റവും നല്ല മോഡൽ ഏതാണെന്ന് ചോദിച്ചാൽ പലരും ആദ്യം പറയുന്ന പേര് ബസാൾട്ട് എന്നാവും. കൂപ്പെ എസ്‌യുവി വിഭാഗത്തിൽ എത്തിയ വാഹനം പലരുടേയും ഗുഡ് ബുക്കിൽ ഇടംനേടിയെങ്കിലും അതൊന്നും വിൽപ്പനയിൽ ഇതുവരെ പ്രതിഫലിച്ചില്ലെന്ന് പറയുന്നതാവും സത്യം.

സെവൻ സീറ്റർ വാഹനങ്ങൾ വാങ്ങാനിരിക്കുന്നവരിൽ പലരും മനസിൽ കണ്ടിരിക്കുന്നൊരു മോഡലായിരിക്കും മാരുതി സുസുക്കി എർട്ടിഗ (Maruti Suzuki Ertiga). രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാർ കൂടിയാണിതെന്ന് പറഞ്ഞാൽ പലർക്കും വിശ്വസിക്കാൻ അൽപം ബുദ്ധിമുട്ടാവും. വാഗൺആർ, സ്വിഫ്റ്റ്, ഡിസയർ, ബലേനോ പോലുള്ള ചെറിയ കാറുകൾ ഇവിടെയുള്ളപ്പോൾ എങ്ങനെയാണ് ഇത്രയും വലിയൊരു വണ്ടി ചൂടപ്പം പോലെ വിറ്റഴിയുന്നതെന്നാവും പലർക്കും സംശയം. താരതമ്യേന കുറഞ്ഞ വിലയും ഇന്റീരിയറിലെ സൌകര്യങ്ങളും 7 പേർക്ക് പോവാനാവുന്ന പ്രായോഗികതയും തന്നെയാണ് എർട്ടിഗയെ ടോപ്പ് സെല്ലറാക്കുന്നത്.

ഇന്ത്യയിലെ സൂപ്പർബൈക്ക് വിപണിയിൽ അരങ്ങുവാഴുന്ന ഡ്യുക്കാട്ടി, ബിഎംഡബ്ല്യു പോലുള്ള യൂറോപ്യൻ കമ്പനികൾക്കെതിരെ പോരടിക്കുന്ന ജാപ്പനീസ് വില്ലനാണ് കവസാക്കി. ടീം ഗ്രീൻ എന്ന് സ്നേഹത്തോടെ മോട്ടോർസൈക്കിൾ പ്രേമികൾ വിളിക്കുന്ന ബ്രാൻഡിന്റെ നിരയിൽ ഇല്ലാത്ത തരം മോഡലുകളൊന്നുമില്ലെന്ന് വേണം പറയാൻ. ക്ലാസിക്, അഡ്വഞ്ചർ, സ്പോർട്‌ട് ടൂറർ അങ്ങനെ നീളുന്ന കിടിലൻ ബൈക്കുകളുടെ കമനീയ ശേഖരം തന്നെയാണ് കവസാക്കിക്ക് ഇന്ത്യയിലുള്ളത്. ഡ്യുവൽ സ്പോർട്ട് സെഗ്മെന്റിൽ പോലും സാന്നിധ്യമുള്ള കമ്പനി പോയവർഷം KLX 230 S എന്ന റോഡ് ലീഗൽ ബൈക്കും നമുക്കായി സമർപ്പിച്ചിരുന്നു.

ക്രാഷ് ടെസ്റ്റിൽ ഹാച്ച്ബാക്കുകൾക്കും 5-സ്റ്റാർ സേഫ്റ്റി റേറ്റിംഗ് നോടാനാവുമെന്ന് തെളിയിച്ച വണ്ടിയാണ് ടാറ്റ ആൾട്രോസ്. രാജ്യത്ത് ഈയാരു നേട്ടം കൈവരിച്ചിരിക്കുന്ന ഏക ഹാച്ച്ബാക്ക് എന്നുപറഞ്ഞാലും തെറ്റൊന്നുമില്ല. പഞ്ച് വരുന്നത് വരെ പലരും ഈ മോഡൽ തേടി ഷോറൂമുകളിൽ എത്തിയിരുന്നു. എന്നാൽ അതേവിലയ്ക്ക് ചെറിയൊരു എസ്‌യുവി വാങ്ങാൻ കിട്ടിയപ്പോൾ പിന്നാലെ പോയവരാണ് പലരും. എന്നാൽ അടുത്തിടെ മത്സരം മുറുക്കാനായി ഇടിവെട്ട് ലുക്കിൽ ആൾട്രോസ് ഫെയ്‌സ്‌ലിഫ്റ്റ് വിപണിയിൽ എത്തുകയുണ്ടായി. അടിസ്ഥാന രൂപം നിലനിർത്തിയാണ് മുഖംമിനുക്കൽ ലഭിച്ചിരിക്കുന്നതെങ്കിലും ഫ്ലഷ് ഡോർ ഹാൻഡിൽ പോലുള്ള ഇടിവെട്ട് ഫീച്ചറുകളോടെയാണ് ആശാന്റെ വരവ്.

ടൂവീലർ സെഗ്മെന്റിലേക്ക് വരുമ്പോൾ എല്ലാവർക്കും ഇഷ്‌ടമുള്ള ബ്രാൻഡുകളിൽ ഒന്നായിരിക്കും ഹോണ്ട. നല്ല അടിപൊളി സ്‌കൂട്ടറുകളും ബൈക്കുകളും സൂപ്പർബൈക്കുകളുമെല്ലാം പണിതിറക്കുന്ന ജാപ്പനീസ് വാഹന നിർമാതാക്കൾ ഇതുവരെ അങ്ങനെ ചീത്തപ്പേര് ഒന്നും കേൾപ്പിച്ചിട്ടില്ല. കംപ്ലയിന്റ് ഒന്നുമില്ലാതെ ദീർഘകാലം ഓടിക്കാവുന്ന എഞ്ചിൻ തന്നെയാണ് ബ്രാൻഡിന്റെ പ്രധാന ശക്തി. പ്രീമിയം മോട്ടോർസൈക്കിളുകളുടെ കമനീയ ശേഖരമുള്ള ബ്രാൻഡ് നിരയിൽ പലർക്കും ഇഷ്‌ടമുള്ളൊരു മോഡലാണ് CB300R. ശരിക്കും ഇന്ത്യയിലെ ഒരു അണ്ടർറേറ്റഡ് ബൈക്കുകളിൽ ഒന്നായി ഇതിനെ തോന്നിയിട്ടുണ്ട്. കണ്ട എല്ലാവർക്കും ഇഷ്‌ടമായെങ്കിലും അൽപം ഉയർന്ന വിലയായിരുന്നതിനാൽ അധികം ആളുകളിലേക്ക് CB300R എത്തിയില്ല.

ഏതൊരു ചെറുപ്പക്കാരൻ്റേയും ആഗ്രഹമാണ് ഒരു ജോലിയൊക്കെ കിട്ടിയതിന് ശേഷം പുതിയ ബൈക്ക് വാങ്ങുക എന്നത്, എന്നാൽ ആഗ്രഹത്തിനോളം സാമ്പത്തികം കൈയ്യിൽ കാണില്ലെങ്കിൽ ആകെയുള്ള പോംവഴി ലോൺ എടുത്ത് വാങ്ങുക എന്നതാണ്. എന്നാൽ ലോൺ എടുക്കാൻ ചെല്ലുമ്പോൾ പലർക്കും സംശയമാണ്. എങ്ങനെ, എപ്പോൾ എന്നുളളത്. സ്വന്തമായി ബാങ്കിൽ പോയി അപേക്ഷിക്കുകയോ, അല്ലെങ്കിൽ ഷോറൂമിൽ നിന്ന് തന്നെ നിങ്ങൾക്ക് ലോൺ തയ്യാറാക്കി തരികയും ചെയ്യും. കുറഞ്ഞ പലിശ നിരക്കിൽ നിങ്ങൾക്ക് എളുപ്പമുളള തവണകളായി അടയ്ക്കാനുള്ള സംവിധാനം ഇന്ന് ലഭ്യമാണ്. എന്നാൽ നിങ്ങൾ വാങ്ങുന്ന വാഹനമനുസരിച്ച് വ്യത്യസ്ത ലോണുകളൊന്ന് പരിചയപ്പെട്ടാലോ.

2025 സെപ്റ്റംബര്‍ 22 മുതല്‍ രാജ്യത്ത് പുതിയ ജിഎസ്ടി ഘടന നിലവില്‍ വന്നിരിക്കുകയാണ്. 350 സിസി വരെ എഞ്ചിന്‍ ശേഷിയുള്ള ബൈക്കുകളുടെയും സ്‌കൂട്ടറുകളുടെയും ജിഎസ്ടി ഇപ്പോള്‍ 18 ശതമാനമാണ്. നേരത്തെ ഇത് 28 ശതമാനമായിരുന്നു. അതേസമയം പ്രീമിയം ബൈക്കുകളുടെ ജിഎസ്ടി 40 ശതമാനമാക്കി ഉയര്‍ത്തി. ജിഎസ്ടി സ്ലാബ് മാറിയത് കാരണം പെട്രോള്‍ ബൈക്കുകളുടെയും സ്‌കൂട്ടറുകളുടെയും വിലഗണ്യമായി കുറഞ്ഞിട്ടുണ്ട്. വില കുറഞ്ഞ വാഹനങ്ങള്‍ വാങ്ങാന്‍ ജനം ഷോറൂമിലേക്ക് ഒഴുകുകയാണെന്നാണ് കമ്പനികള്‍ പുറത്തുവിട്ട വില്‍പ്പന കണക്കുകള്‍ സൂചിപ്പിച്ചത്. യഥാര്‍ത്ഥത്തില്‍ ജിഎസ്ടി 2.0 കാരണം വെല്ലുവിളി നേരിടുന്ന ഒരു വിഭാഗമാണ് രാജ്യത്തെ ഇലക്ട്രിക് ടൂവീലര്‍ ബ്രാന്‍ഡുകള്‍.

വാഹനപ്രേമികളുടെ മനസറിഞ്ഞ് പുത്തൻ ട്രെൻഡിന് അനുസരിച്ച് വാഹനങ്ങൾ അവതരിപ്പിക്കാൻ പ്രത്യേക കഴിവാണ് മഹീന്ദ്രയ്ക്ക്. ലോഞ്ച് സമയത്ത് മുതൽ ഇതൊന്ന് റോഡിൽ കാണാൻ കാത്തിരിക്കുകയാണ് വാഹനപ്രേമികൾ. 999 യൂണിറ്റുകൾ മാത്രമേ നിർമിക്കു എന്ന് ലോഞ്ച് സമയത്ത് ബ്രാൻഡ് പ്രത്യേകം അറിയിച്ചിരുന്നു. 399 യൂണിറ്റുകൾ എന്നാണ് ആദ്യം കമ്പനി നിശ്ചയിച്ചിരുന്നത് എങ്കിലും ഡിമാൻ്റ് വർധിച്ചത് കൊണ്ടാണ് 999 യൂണിറ്റുകൾ എന്ന കണക്കിലേക്ക് എത്തുന്നത്. . ഓഗസ്റ്റ് 23, രാവിലെ 11 മണിക്ക് തന്നെ മഹീന്ദ്ര BE 6 ബാറ്റ്മാൻ എഡിഷനായുള്ള ബുക്കിംഗ് കമ്പനി ആരംഭിച്ചിരുന്നു.സ്റ്റാൻഡേർഡ് മോഡലുകളെ അപേക്ഷിച്ച് ഒരുപാട് നവീകരണങ്ങളോടെയാണ് ബാറ്റ്മാൻ എഡിഷന്റെ വരവ്.

ജിഎസ്ടി ഇളവ് പ്രാബല്യത്തിൽ വന്നതോടെ പുതിയ വാഹനം വാങ്ങാൻ തീരുമാനിച്ചിരുന്നവർക്ക് ലോട്ടറി അടിച്ച ഫീലായിരുന്നു. ലക്ഷകണക്കിന് രൂപയുടെ വ്യത്യാസമാണ് പഴയ വിലയിൽ നിന്ന് വന്നിരിക്കുന്നത്. ഹാച്ച്ബാക്ക് മുതൽ അങ്ങ് എസ്‌യുവി വരെ കിടിലൻ വിലകുറവാണ് വന്നിരിക്കുന്നത്. സബ് കോംപാക്ട് എസ്‌യുവി സ്വന്തമാക്കാൻ ആഗ്രഹിക്കുന്നവർക്ക് പറ്റിയ കിടിലൻ മോഡലുകളാണ് വിപണിയിലുളളത്. ലിസ്റ്റ് എടുത്താൽ കിയ സിറോസ് മുതൽ ഹ്യുണ്ടായി വെന്യു വരെയുണ്ട്. തുടക്കം കിയയുടെ സിറോസിൽ നിന്ന് തന്നെ ആരംഭിക്കാം. HTK, HTK (O), HTK പ്ലസ്, HTX, HTX പ്ലസ്, HTX പ്ലസ് (O) എന്നീ ആറ് വകഭേദങ്ങളിലാണ് വണ്ടി വിപണിയിലെത്തുന്നത്.

ഇന്ത്യയിലെ സെലിബ്രിറ്റികള്‍, വ്യവസായികള്‍, രാഷ്ട്രീയക്കാര്‍, സോഷ്യല്‍ മീഡിയ ഇന്‍ഫ്‌ലുവന്‍സര്‍മാര്‍ എന്നിവര്‍ക്കിടയില്‍ ട്രെന്‍ഡിംഗ് ആയ ഒരു എസ്‌യുവിയാണ് ലാന്‍ഡ് റോവര്‍ ഡിഫെന്‍ഡര്‍ (Land Rover Defender). ഓഫ്-റോഡ് കാര്‍ വിഭാഗത്തിലെ ഇതിഹാസങ്ങളില്‍ ഒന്നായി കണക്കാക്കപ്പെടുന്ന ഡിഫെന്‍ഡര്‍ സമീപകാലത്ത് പല സിനിമകളിലും 'കഥാപാത്രമായി' എത്തിയതും രാജ്യത്ത് ജനപ്രീതി വര്‍ധിക്കാന്‍ കാരണമായി. ഓഫ്-റോഡ് കഴിവുകളില്‍ വിട്ടുവീഴ്ച ചെയ്യാതെ തന്നെ പ്രീമിയം ഫീച്ചറുകള്‍ നല്‍കുന്നതാണ് പുതിയ ഡിഫെന്‍ഡറിനെ കൂടുതല്‍ ആകര്‍ഷകമാക്കിയത്. ഇപ്പോള്‍ രാജ്യത്തെ അറിയപ്പെടുന്ന സോഷ്യല്‍ മീഡിയ സെലിബ്രിറ്റികളില്‍ ഒരാള്‍ ഡിഫെന്‍ഡര്‍ ഓണേഴ്‌സ് ക്ലബില്‍ അംഗത്വം എടുത്തിട്ടുണ്ട്.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിൽ ടൊയോട്ടയുടെ സാന്നിധ്യമാണ് അർബൻ ക്രൂയിസർ ഹൈറൈഡർ. ഇറങ്ങിയപ്പോൾ തന്നെ ശ്രദ്ധിക്കപ്പെട്ടിരുന്നെങ്കിലും വിൽപ്പന കണക്കുകളിൽ മുൻനിരയിലേക്ക് എത്താൻ വാഹനത്തിനായിരുന്നില്ല. എന്നാൽ ഇന്ന് ഈ സെഗ്മെന്റിൽ ഏറ്റവും കൂടുതൽ വിറ്റഴിക്കപ്പെടുന്ന രണ്ടാമത്തെ മോഡൽ എന്ന പദവി സ്വന്തമാക്കി മുന്നേറുകയാണ് ഹൈറൈഡർ. മാത്രമല്ല, പല മാസങ്ങളിലും ടൊയോട്ട നിരയിൽ നിന്നും ഏറ്റവും കൂടുതൽ പണംവാരുന്ന കാറും ഇതുതന്നെയാണ്. പോയമാസം എസ്‌യുവിയുടെ 9,100 യൂണിറ്റുകളാണ് കമ്പനി വിറ്റഴിച്ചത്. ഉത്സവ സീസൺ കൊടിയേറിയതോടെ കൂടുതൽ ആളുകൾ ഷോറൂമിലേക്ക് എത്തുമെന്നാണ് പ്രതീക്ഷിക്കുന്നത്.

ഉത്സവ സീസൺ (Festive Season) കൊടിയേറിയതോടെ ഇന്ത്യയിലെ വാഹന വിപണിക്ക് ചാകരക്കാലമാണ്. കാറുകളും ബൈക്കുകളും സ്‌കൂട്ടറുകളുമെല്ലാം രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന സമയമാണിത്. വിലക്കുറവും ഓഫറുകളുമെല്ലാം നിർമാതാക്കൾ നൽകുന്നതിന് പുറമെ ഇത്തവണ ജിഎസ്‌ടി കുറച്ച് കേന്ദ്രസർക്കാരിന്റെ സമ്മാനവുമുണ്ട്. ഉത്സവകാലം കളറാക്കാനായി പുതിയ ജിഎസ്ടി ബെനിഫിറ്റ് ബൊനാൻസയുമായി രംഗത്തിറങ്ങിയിരിക്കുകയാണ് ഇന്ത്യയിലെ ഇരുചക്ര ഭീമൻമാരായ ടിവിഎസ് (TVS). വിവിധ മോഡലുകളിൽ ആകർഷകമായ വിലക്കുറവുകൾ പ്രഖ്യാപിച്ചുകൊണ്ടാണ് കമ്പനിയുടെ വരവ്. സ്‌കൂട്ടറുകളും കമ്മ്യൂട്ടർ മോട്ടോർസൈക്കിളുകളും വാങ്ങുന്നവർക്ക് 9,600 രൂപ വരെ ആനുകൂല്യങ്ങൾ ഉപയോഗപ്പെടുത്താം.

ഇന്ത്യയില്‍ ഒരാള്‍ കാര്‍ വാങ്ങാനായി തീരുമാനിച്ചാല്‍ അവരുടെ മുന്നില്‍ വരുന്ന ഏറ്റവും കൂടുതല്‍ ചോയ്‌സുകളും 5 സീറ്റര്‍ കാറുകള്‍ ആയിരിക്കും. കൂടുതല്‍ അംഗങ്ങളുള്ള കുടുംബങ്ങള്‍ക്കായി 6, 7 സീറ്റര്‍ കാറുകളും ഇന്ത്യന്‍ വിപണിയില്‍ വില്‍പ്പനക്കെത്തുന്നു. നിലവില്‍ ഇന്ത്യയില്‍ നിങ്ങള്‍ക്ക് വാങ്ങാന്‍ പറ്റുന്ന ഏറ്റവും കുറഞ്ഞ വിലയുള്ള കാര്‍ 6 സീറ്റര്‍ കാറാണ് മാരുതി സുസുക്കി ഈക്കോ. ഒംനിയുടെ പിന്‍ഗാമിയായി മാരുതി കൊണ്ടുവന്ന വാന്‍ ആണ് ഈക്കോ. സ്വകാര്യ ആവശ്യങ്ങള്‍ക്ക് മാത്രമല്ല വാണിജ്യ ആവശ്യങ്ങള്‍ക്കും എന്തിനേറെ ആംബുലന്‍സ് ആയും ഈക്കോ ഉപയോഗിക്കുന്നു.

സൂപ്പർസ്റ്റാർ രജനികാന്ത് നായകനായെത്തിയ കൂലി എന്ന ചിത്രത്തിൽ ഏവരുടേയും ശ്രദ്ധ പോയത് നടൻ നാഗാർജുനയിലേക്കാണ്. നാഗാർജുനയുടെ തന്നെ പഴയ സിനിമയിലെ ഗാനവും കൂടിയാണ് ഇതോടെ വൈറലായിരിക്കുന്നത്. അതിന് ശേഷം സോഷ്യൽ മീഡിയയിൽ റീലുകൾ ഭരിക്കുന്നത് നാഗാർജുനയാണ് എന്ന് വേണം പറയാൻ. ഇപ്പോഴിതാ നാഗാർജുനയും ഭാര്യയും റോൾസ് റോയ്സ് കലിനനിൽ വന്നിറങ്ങുന്ന ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്. 'കിംഗ്' എന്ന് ആരാധകര്‍ വിളിക്കുന്ന നാഗാര്‍ജുന തെലുങ്കിലെ ഇതിഹാസ താരം അക്കിനേനി നാഗേശ്വര റാവുവിന്‍െ മകനാണ്. നാഗാര്‍ജുനയുടെ മക്കളായ നാഗചൈതന്യയും അക്കിനേനി അഖിലും തെലുങ്കിലെ പ്രമുഖരായ യുവതാരങ്ങളുമാണ്.

ടൊയോട്ടയെന്നാൽ ഇന്ത്യക്കാരുടെ അവസാനവാക്ക് ഇന്നോവയാണ്. എംപിവി സെഗ്മെന്റിൽ കാലങ്ങളായി തമ്പുരാനായി വിലസുകയാണ് ഈ ജനനായകൻ. ദീർഘദൂര യാത്രകൾ പ്ലാൻ ചെയ്‌താൽ തന്നെ ആദ്യം ചിന്തിക്കുക ഒരു ഇന്നോവ ഒപ്പിച്ച് പോയാലോ എന്നാവും. യാത്രാസുഖവും, നല്ല മൈലേജും പെർഫോമൻസുമുള്ള എഞ്ചിനുമെല്ലാം കൂടി വരുമ്പോൾ മറിച്ചൊന്ന് ചിന്തിക്കേണ്ടതില്ല. അതുകൊണ്ട് തന്നെ ഇന്നോവയാവും (Toyota Innova) ടൊയോട്ടയുടെ ഏറ്റവും ബെസ്റ്റ് സെല്ലിംഗ് മോഡലെന്നാണ് ഏവരും ധരിച്ച് വെച്ചിട്ടുണ്ടാവുക. ഹൈക്രോസും ക്രിസ്റ്റയും ഒന്നിച്ച് നിന്നാൽ പോലും ഇപ്പോൾ ഈയൊരു വണ്ടിയെ തളയ്ക്കാനാവുന്നില്ലെന്നതാണ് സത്യം.

ഗെറ്റ്‌സിന്റെ പിന്‍ഗാമിയായി കൊണ്ട് ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി ഇന്ത്യന്‍ വിപണിയില്‍ എത്തിച്ച പ്രീമിയം ഹാച്ച്ബാക്കാണ് i20 (Hyundai i20). 2008-ല്‍ ആദ്യമായി ഇന്ത്യന്‍ വിപണിയില്‍ എത്തിയ ഹ്യുണ്ടായി i20. 2020-ല്‍ പുറത്തിറങ്ങിയ മൂന്നാം തലമുറ i20 ആണ് നിലവില്‍ ഇന്ത്യയില്‍ വിപണനം ചെയ്യുന്നത്. ഇപ്പോള്‍ പുതിയ i20 കൊണ്ടുവരുന്നതിന്റെ ഭാഗമായി പരീക്ഷണയോട്ടം തകൃതിയാക്കിയിരിക്കുകയാണ് കമ്പനി. ഹ്യുണ്ടായിയുടെ 2026 മോഡല്‍ i20 ഹാച്ച്ബാക്ക് പരീക്ഷണയോട്ടത്തിനിടെ ഗുരുഗ്രാമില്‍ വെച്ച് ക്യാമറക്കണ്ണില്‍ പതിഞ്ഞു. റഷ്ലൈനാണ് ഇതിന്റെ ചിത്രങ്ങള്‍ പങ്കുവെച്ചിരിക്കുന്നത്. അടുത്ത തലമുറ i20 ഇന്ത്യന്‍ നിരത്തുകളില്‍ ഇതാദ്യമായാണ് കാണപ്പെടുന്നത്.

ബസ് പ്രേമികളുടെ എണ്ണത്തിൽ ഒരു കുറവുമില്ലാത്ത നാടാണല്ലോ നമ്മുടേത്. അത് കൊണ്ട് തന്നെ പുതിയ ബസുകൾ അവതരിപ്പിക്കുമ്പോൾ ഏതൊരാളും വളരെ താൽപ്പര്യത്തോടെയാണ് നോക്കി കാണുന്നത്. അതിൽ തന്നെ പ്രധാന ബ്രാൻഡാണ് വോൾവോ. കൊമേഴ്ഷ്യൽ വിപണിയിൽ ഒരു വിപ്ലവം സൃഷ്ടിക്കാൻ തന്നെയാണ് ബ്രാൻഡിൻ്റെ തീരുമാനം. അതിൻ്റെ ഭാഗമായിട്ടാണ് 720 kWh ശേഷിയുളള ബാറ്ററി പായ്ക്കുകൾ ഘടിപ്പിച്ച് 700 കിലോമീറ്റർ വരെ റേഞ്ച് ലഭിക്കുന്ന ഇലക്ട്രിക് ബസുകൾ നിർമ്മിക്കാൻ സാധിക്കുന്ന ചേസിസി അവതരിപ്പിച്ചിരിക്കുകയാണ്. രണ്ടോ മൂന്നോ ആക്‌സിൽ കോൺഫിഗറേഷനുകളും നാല് മുതൽ എട്ട് വരെ മോഡുലാർ എനർജി സ്റ്റോറേജ് യൂണിറ്റുകളും ഉള്ള ഇലക്ട്രിക് ബസുകൾ നിർമിക്കാൻ പുതിയ വോൾവോ BZR ഇലക്ട്രിക് ഷാസി പ്ലാറ്റ്‌ഫോം ഉപയോഗിക്കും.

റോയൽ എൻഫീൽഡിനിട്ട് പണികൊടുക്കാനായി മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിലേക്ക് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട കൊണ്ടുവന്ന മോഡലായിരുന്നു ഹൈനസ് CB350. സംഭവം വേഗത്തിൽ ഹിറ്റായതോടെ ഇതിനെ അടിസ്ഥാനമാക്കി CB350, CB350 RS എന്നിങ്ങനെ രണ്ട് വേരിയന്റുകൾക്ക് കൂടി കമ്പനി രൂപം കൊടുക്കുകയുണ്ടായി. ഇതിൽ ആദ്യത്തേത് ക്ലാസിക് വൈബ് വേണ്ടവരെ തൃപ്ത്തിപ്പെടുത്താനായി എത്തിയതാണ്. റെട്രോ സ്റ്റൈലിംഗും കാര്യങ്ങളും ഉൾപ്പെടുത്തിയ മോഡൽ വിപണിയിൽ ചലനങ്ങളുണ്ടാക്കിയെന്ന് വേണം പറയാൻ. എൻഫീൽഡിന്റെ നിരയിൽ നിന്നും ഏറ്റവും കൂടുതൽ വിറ്റഴിക്കപ്പെടുന്ന ക്ലാസിക് 350-യുടെ കച്ചോടമായിരുന്നു ഇതിന്റെ ഉന്നം.