3 കോടി കാറുകളിൽ 47 ലക്ഷവും ലോർഡ് ആൾട്ടോ വാങ്ങിയവർ
ഓട്ടോമൊബൈൽസ്
- 1 year, 7 days ago
വണ്ടിയോടിക്കാൻ അറിയാവുന്ന മിക്കവരും ഡ്രൈവിംഗ് പഠിച്ചത് മാരുതിയുടെ ഏതെങ്കിലും കാറിലാവും അല്ലേ. ഡ്രൈവിംഗിന്റെ ആദ്യ പാഠങ്ങൾ 800 അല്ലെങ്കിൽ ആൾട്ടോയിലാവും നമ്മളിൽ പലരും അഭ്യസിച്ചിട്ടുണ്ടാവുക. ഒരു കാലത്ത് എൻട്രി ലെവൽ ഹാച്ച്ബാക്ക് സെഗ്മെന്റ് ഭരിച്ചിരുന്ന രാജാവായിരുന്നു മാരുതി ആൾട്ടോ. 800 എന്ന ഇതിഹാസത്തിന് പകരമായി സ്ഥാനംപിടിക്കുമ്പോൾ ആരും സ്വപ്നത്തിൽ പോലും കരുതാതിരുന്ന സ്വീകാര്യതയായിരുന്നു ഈ കുഞ്ഞൻ വണ്ടിക്ക് കിട്ടിയത്. മിക്കവരും ആദ്യ കാറായി വാങ്ങിയിട്ടുള്ളതും ആൾട്ടോയാവും അല്ലേ. അങ്ങനെയാണ് ലോർഡ് ആൾട്ടോയെന്ന ചെല്ലപ്പേരും മാരുതിയുടെ ചെറുകാറിന് ലഭിച്ചത്.