ഇന്ത്യന്‍ ഹരിത ഇന്ധന വിപ്ലവത്തില്‍ ചരിത്രപരമായ നാഴികക്കല്ല് കുറിച്ചുകൊണ്ട് രാജ്യത്തെ ആദ്യത്തെ E85 ഫ്യുവല്‍ ഡിസ്‌പെന്‍സിംഗ് സ്റ്റേഷന്‍ ന്യൂഡല്‍ഹിയില്‍ ഔദ്യോഗികമായി പ്രവര്‍ത്തനമാരംഭിച്ചു ആരംഭിച്ചു. വിദേശത്ത് നിന്ന് ഇറക്കുമതി ചെയ്യുന്ന അസംസ്‌കൃത എണ്ണയെ ആശ്രയിക്കുന്നത് കുറയ്ക്കുന്നതിനും സുസ്ഥിര ഗതാഗത സംവിധാനങ്ങള്‍ പ്രോത്സാഹിപ്പിക്കുന്നതിനുമുള്ള കേന്ദ്ര ഗതാഗത മന്ത്രാലയത്തിന്റെ തന്ത്രപരമായ നീക്കങ്ങളുടെ ഭാഗമായാണ് പുതിയ E85 ഇന്ധന വിതരണ കേന്ദ്രം രാജ്യതലസ്ഥാനത്ത് തുറന്നത്. പെട്രോളിനേക്കാള്‍ വളരെ കുറഞ്ഞ വിലയില്‍ ലഭ്യമാകുന്ന ഈ പുത്തന്‍ പരിസ്ഥിതി സൗഹൃദ ഇന്ധനത്തെ കുറിച്ചും അതിന്റെ സാങ്കേതികവും മെക്കാനിക്കലുമായ സവിശേഷതകളെ കുറിച്ചും ഈ റിപ്പോര്‍ട്ടില്‍ വിശദമായി വായിക്കാം.

സാധാരണക്കാരന്റെ കാർ എന്ന സ്വപ്നത്തിന് ചിറകുകൾ നൽകുന്നവരാണ് മാരുതി സുസുക്കി. അന്നും ഇന്നും ചെറിയ ബജറ്റിൽ അടിപൊളി കാറുകൾ പുറത്തിറക്കുന്നത് കമ്പനിയുടെ മെയിൻ പൊളിസികളിൽ ഒന്നാണെന്ന് തോന്നുന്നു. അതിനാൽ ചെറുകാർ വിപണിയിൽ ഇവർക്ക് എതിരാളികളേയില്ലെന്ന് പറയുന്നതാവും ശരി. മാരുതി 800 ഗുഡ്ബൈ പറഞ്ഞിറങ്ങിയപ്പോൾ പകരക്കാരനായി എത്തിയ ആൾട്ടോ (Maruti Suzuki Alto) പിന്നീട് ഓരോ ഇന്ത്യക്കാരന്റേയും മനസ് നിറയ്ക്കുന്ന കാഴ്ച്ചയാണ് നാം കണ്ടത്. ഇപ്പോൾ എസ്‌യുവികളുടെ ട്രെൻഡിനിടയിലും ചൂടപ്പം പോലെ വിറ്റഴിയുന്നുണ്ടെങ്കിൽ മോഡലിന്റെ റേഞ്ച് എന്താണെന്ന് മനസിലാക്കാമല്ലോ.

ഇന്ത്യയില്‍ മിഡ്‌സൈസ് എസ്‌യുവി വിപണിക്ക് തുടക്കം കുറിച്ച റെനോ ഡസ്റ്റര്‍ എന്ന ഐതിഹാസിക എസ്‌യുവി ഏതാനും ആഴ്ചകള്‍ക്ക് മുമ്പാണ് രാജ്യത്ത് റീഎന്‍ട്രി നടത്തിയത്. കാലികമായ മാറ്റങ്ങളുമായി അത്യന്ത്യം മത്സരം നിറഞ്ഞ സെഗ്‌മെന്റില്‍ അങ്കത്തിനിറങ്ങിയ ഡസ്റ്റര്‍ ഇതിനോടകം തന്നെ മികച്ച അഭിപ്രായം നേടിയിരുന്നു. പുതിയ രൂപത്തിലും ഭാവത്തിലും വിപണിയിലെത്തിയ 2026 റെനോ ഡസ്റ്ററിന്റെ ഏറ്റവും പുതിയ 1.0 ലീറ്റര്‍ ടര്‍ബോ പെട്രോള്‍ പതിപ്പിന്റെ മൈലേജ് വിവരങ്ങള്‍ കമ്പനി ഇപ്പോള്‍ ഔദ്യോഗികമായി വെളിപ്പെടുത്തിയിരിക്കുകയാണ്. ഇന്ധനക്ഷമതയ്ക്ക് പ്രാധാന്യം നല്‍കുന്ന ഇന്ത്യന്‍ ഉപഭോക്താക്കളെ ആകെ ആകര്‍ഷിക്കുന്ന കണക്കുകളാണ് പുറത്തുവന്നിട്ടുള്ളത്.

90 കിഡ്‌സ് സിനിമ കാണാൻ തുടങ്ങിയ കാലം മുതൽ കണ്ടുവരുന്ന മുഖമാണ് ബൈജു സന്തോഷിന്റേത്. വളരെ ചെറുപ്പകാലത്ത് തന്നെ മലയാള സിനിമയില്‍ നിറ സാന്നിധ്യമായ താരം ഇന്നും വെള്ളിത്തിരയിൽ നിറഞ്ഞുനിൽക്കുകയാണ്. 1981-ല്‍ പുറത്തുവന്ന മണിയന്‍പിള്ളയായിരുന്നു താരത്തിന്റെ ആദ്യ സിനിമ. വലിയ സൂപ്പർതാരമല്ലെങ്കിലും അഭിനയ ശൈലികൊണ്ടും അവതരണ ശൈലികൊണ്ടും ആളുകളെ എളുപ്പത്തിൽ കൈയിലെടുക്കാൻ ബൈജുവിന് സാധിക്കും. ധ്യാൻ ശ്രീനിവാസൻ കഴിഞ്ഞാൽ മലയാളികൾ ഏറ്റവും കൂടുതൽ കാത്തിരിക്കുന്ന ഇന്റർവ്യൂവും ഇദ്ദേഹത്തിന്റേതാണെന്ന് പറയാം. അടിക്കടി വിവാദങ്ങളിലൂടെയും വാർത്തകളിൽ നിറഞ്ഞുനിന്ന ബൈജു പുതിയൊരു വാഹനം സ്വന്തമാക്കിയിരിക്കുകയാണ്.

ഇന്ത്യന്‍ മിഡില്‍ക്ലാസ് കുടുംബങ്ങളുടെ ഇഷ്ടപ്പെട്ട എന്‍ട്രി ലെവല്‍ ഹാച്ച്ബാക്കായ ടാറ്റ ടിയാഗോ സ്‌പോര്‍ട്ടി ലുക്കും പ്രീമിയം ഫീച്ചര്‍ കൂട്ടിച്ചേര്‍ക്കലുമടക്കം വമ്പന്‍ മാറ്റങ്ങളോടെ അടുത്തിടെയാണ് മുഖംമിനുക്കി എത്തിയത്. ഉപഭോക്താക്കളുടെ ആവശ്യങ്ങള്‍ കൃത്യമായി മനസിലാക്കിക്കൊണ്ടാണ് ഇതിനോടകം തന്നെ വിപണിയില്‍ മികച്ച പ്രകടനം കാഴ്ചവെക്കുന്ന ഈ ചെറു കാറിന് ടാറ്റ ഫെയ്‌സ്‌ലിഫ്റ്റ് സമ്മാനിച്ചത്. പുതിയ ടാറ്റ ടിയാഗോ ഫെയ്‌സ്‌ലിഫ്റ്റ് മോഡല്‍ ഓടിച്ച് നോക്കാന്‍ ഞങ്ങള്‍ക്ക് അവസരം ലഭിച്ചു. ടാറ്റയുടെ എന്‍ട്രി ലെവല്‍ കാറിന്റെ പുത്തന്‍ അപ്‌ഡേറ്റ് എങ്ങിനെയുണ്ടെന്ന് അറിയാന്‍ തുടര്‍ന്ന് വായിക്കാം.

ഇന്ത്യക്കാർക്ക് 7 സീറ്റർ എംപിവിയെന്നാൽ മാരുതി എർട്ടിഗ അല്ലെങ്കിൽ ഇന്നോവ ക്രിസ്റ്റയായിരിക്കും അവസാനവാക്ക്. എന്നാൽ ഒന്നിന് പ്രീമിയം ഫീൽ നൽകാനാവാത്തതും മറ്റൊന്നിന് ഒടുക്കത്തെ വിലയുമായതിനാൽ ഇതിനിടയിൽ ചിന്തിക്കുന്നവർക്ക് തെരഞ്ഞെടുക്കാൻ പറ്റിയ ഓപ്ഷനാണ് കിയ കാരെൻസ് ക്ലാവിസ് എന്ന മിടുക്കൻ. ചുരുങ്ങിയ കാലംകൊണ്ട് സെഗ്മെൻ്റിൽ വെന്നിക്കൊടി പാറിച്ച മോഡൽ ശരിക്കും ടൊയോട്ട ഇന്നോവയ്ക്ക് പോലും ഭീഷണിയാണെന്ന് പറഞ്ഞാലും തെറ്റൊന്നുമില്ല. നല്ല ഫീച്ചറുകൾ, മോഡേൺ ഡിസൈൻ നല്ല എഞ്ചിൻ ഓപ്ഷനുകൾ എന്നിവയെല്ലാം നൽകി ആളുകളെ ചാക്കിലാക്കിയ കാരെൻസ് വിൽപ്പനയിൽ നേട്ടം കൊയ്‌ത് മുമ്പോട്ട് പോവുകയാണ്.

ഇന്ത്യന്‍ ഇരുചക്ര വാഹന വിപണിയില്‍ വലിയ വിപ്ലവം സൃഷ്ടിച്ചുകൊണ്ട് ബജാജ് ഓട്ടോ അവതരിപ്പിച്ച ലോകത്തിലെ ആദ്യത്തെ സിഎന്‍ജി ബൈക്കായ 'ഫ്രീഡം 125' (Bajaj Freedom 125) വിപണിയില്‍ കടുത്ത വെല്ലുവിളി നേരിടുന്നു. പെട്രോള്‍ വിലവര്‍ദ്ധനവില്‍ നിന്ന് 'സ്വാതന്ത്ര്യം' നേടാമെന്ന പ്രചാരണത്തിലൂന്നി വിപണനം ചെയ്ത ഫ്രീഡം 125 വില്‍പ്പനയില്‍ കനത്ത തിരിച്ചടി നേരിടുന്നതായി ഓട്ടോകാര്‍ ഇന്ത്യയില്‍ പ്രസിദ്ധീകരിച്ച പുതിയ റിപ്പോര്‍ട്ടില്‍ പറയുന്നു. വിപണിയില്‍ എത്തിയതിന് ശേഷമുള്ള ബജാജ് ഫ്രീഡം 125 സിഎന്‍ജി ബൈക്കിന്റെ ഏറ്റവും കുറഞ്ഞ പ്രതിമാസ വില്‍പ്പനയാണ് 2026 മെയ് മാസത്തില്‍ രേഖപ്പെടുത്തിയിട്ടുള്ളത്.

ഇന്ത്യയിലെ ഫാമിലി ഇലക്‌ട്രിക് സ്‌കൂട്ടർ സെഗ്മെ്റിൽ വിപ്ലവം രചിച്ച മോഡലാണ് ഏഥർ റിസ്‌ത. പെട്രോൾ വിപണിയിൽ ഹോണ്ട ആക്‌ടിവ എങ്ങനെയാണോ അതുപോലെയാണ് ഇപ്പോൾ ഇവി വിപണിയിൽ റിസ്‌തയുടെ സ്ഥാനം. ഇന്ധന വില ഇങ്ങനെ കൂടിക്കൊണ്ടിരിക്കുന്ന സാഹചര്യത്തിൽ ആളുകളെല്ലാം വൈദ്യുത വാഹനങ്ങളിലേക്ക് ചേക്കേറാനുള്ള തയാറെടുപ്പിലാണ്. അങ്ങനെ മാറിച്ചിന്തിക്കുന്ന പലരുടേയും ലിസ്റ്റിൽ ഏഥറിന്റെ മോഡലും സ്ഥാനം പിടിച്ചിട്ടുണ്ടാവും. അധികം കംപ്ലയിന്റ് ഇല്ലാതെ, ഓല പോലെ തലവേദനയൊന്നുമില്ലാതെ കൊണ്ടുനടക്കാൻ പറ്റിയ മിടുക്കൻ ഇലക്ട്രിക് സ്കൂട്ടറുകൾ തേടുന്നവർക്ക് ഇവനെ കണ്ണുംപൂട്ടി സ്വന്തമാക്കാം.

വിയറ്റ്‌നാം ആസ്ഥാനമായി പ്രവര്‍ത്തിക്കുന്ന പ്രമുഖ ഗ്രീന്‍ മൊബിലിറ്റി കമ്പനിയായ ഗ്രീന്‍ SM (Green SM), തങ്ങളുടെ അത്യാധുനിക ഇലക്ട്രിക് ടാക്‌സി സര്‍വീസായ 'ഗ്രീന്‍ SM ലിമോ' (Green SM Limo) ഇന്ത്യന്‍ വിപണിയില്‍ ഔദ്യോഗികമായി അവതരിപ്പിച്ചു. ലോക പരിസ്ഥിതി ദിനത്തോട് അനുബന്ധിച്ച് ന്യൂഡല്‍ഹിയില്‍ നടന്ന പ്രൗഢ ഗംഭീരമായ ചടങ്ങില്‍ വെച്ചാണ് ഈ സുസ്ഥിര യാത്രാ സംവിധാനം രാജ്യത്തിന് സമര്‍പ്പിച്ചത്. വിയറ്റ്‌നാം, ലാവോസ്, ഇന്തോനേഷ്യ, ഫിലിപ്പീന്‍സ് എന്നിവയ്ക്ക് ശേഷം കമ്പനി പ്രവര്‍ത്തനം ആരംഭിക്കുന്ന അഞ്ചാമത്തെ അന്താരാഷ്ട്ര വിപണിയാണ് ഇന്ത്യ.

മാരുതി സുസുക്കിയും ടൊയോട്ടയും തമ്മിലുള്ള പങ്കാളിത്തത്തിന്റെ ഭാഗമായി നിരവധി കാറുകളാണ് റീബാഡ്‌ജിംഗിന് വിധേയമായത്. എർട്ടിഗ, ബലേനോ, ഇന്നോവ തുടങ്ങിയ ജനപ്രിയർ ഇത്തരത്തിൽ കുപ്പായമാറ്റത്തിന് വിധേയമായപ്പോൾ ഇന്ത്യക്കാർ വണ്ടറടിച്ചിട്ടുണ്ട്. പോരാത്തതിന് ലാൻഡ് ക്രൂയിസർ, വെൽഫയർ തുടങ്ങിയ മോഡലുകൾ സുസുക്കിയുടെ ബാഡ്‌ജ് അണിഞ്ഞെത്തുന്ന ഫോട്ടോകൾ ട്രോളാക്കിയും പലരും സോഷ്യൽ മീഡിയയിൽ പ്രചരിപ്പിച്ചിട്ടുണ്ട്. അത്തരത്തിൽ വെൽഫയർ മാരുതിയുടെ അഡ്രസിൽ ശരിക്കും എത്തിയാൽ എങ്ങനെയിരിക്കുമെന്ന് എപ്പോഴെങ്കിലും നിങ്ങൾ ആളോചിച്ചിട്ടുണ്ടോ? എന്നാൽ അതുപോലൊരു അത്യാഡംബര മിനിവാൻ നമ്മുടെ ജാപ്പനീസ് വാഹന നിർമാതാക്കളായ സുസുക്കിക്ക് അങ്ങ് ആഗോള വിപണിയിലുണ്ട്.

ടിക്‌ടോക്കിലൂടെയും പിന്നീട് ഇന്‍സ്റ്റഗ്രാം റീലുകളിലൂടെയും ദക്ഷിണേന്ത്യന്‍ സോഷ്യല്‍ മീഡിയ ലോകത്ത് വലിയ ആരാധകവൃന്ദത്തെ സൃഷ്ടിച്ച നടിയാണ് സോനു ശ്രീനിവാസ് ഗൗഡ (Sonu Srinivas Gowda). ചുരുങ്ങിയ കാലം കൊണ്ട് ദശലക്ഷക്കണക്കിന് ഫോളോവേഴ്സിനെ നേടിയ നടി പിന്നീട് കന്നഡ ബിഗ് ബോസ് ഒടിടി ഒന്നാം സീസണില്‍ മത്സരാര്‍ത്ഥിയായി എത്തിയതോടെയാണ് കൂടുതല്‍ പ്രശസ്തയായത്. തുടര്‍ന്ന് നിരവധി കന്നഡ മ്യൂസിക് ആല്‍ബങ്ങളിലും ഹ്രസ്വചിത്രങ്ങളിലും അഭിനയിച്ച സോനു മിഡില്‍ക്ലാസ് കുടുംബത്തില്‍ നിന്ന് സ്വന്തം പ്രയത്‌നം കൊണ്ടാണ് ഇന്നത്തെ നിലയിലേക്ക് ഉയര്‍ന്നത്. തുടക്കത്തില്‍ സൈബര്‍ ആക്രമണങ്ങള്‍ നേരിട്ടിട്ടും പിന്മാറാന്‍ തയാറാവാതിരുന്ന സോനുവിനെ എപ്പോഴും വിവാദങ്ങളും പിന്തുടര്‍ന്നിരുന്നു.

ഒരു ടൂവീലർ വാങ്ങുമ്പോൾ പലയാളുകളും ഹോണ്ട, യമഹ പോലുള്ള നല്ല ബ്രാൻഡുകൾ നോക്കി വാങ്ങാൻ കാരണം നല്ല വിൽപ്പനാന്തര സേവനങ്ങളും ലഭിക്കുമെന്നതാണ്. നല്ല സർവീസുണ്ടെങ്കിൽ തന്നെ മനസമാധാനം ലഭിക്കുന്ന കാര്യമാണ്. കൂടെ കുറഞ്ഞ മെയിന്റനെൻസും ഉണ്ടെങ്കിൽ സന്തോഷം ഇരട്ടിയാവും. എന്നാൽ ഇലക്‌ട്രിക് സ്‌കൂട്ടർ വാങ്ങാൻ നോക്കുമ്പോൾ ആളുകൾ കൂടുതലും റേഞ്ച് നോക്കിയാണ് വാങ്ങാറ്. പക്ഷേ കുറഞ്ഞ മെയിന്റനെൻസ് കോസ്റ്റുള്ള ഇവികൾ നോക്കിവാങ്ങാനും പ്രത്യേകം ശ്രദ്ധിക്കേണ്ടതുണ്ട്. നല്ല സർവീസ് ലഭിക്കുന്നതും ചെറിയ പ്രവർത്തന ചെലവും കിട്ടിയാൽ തന്നെ വണ്ടി കൊണ്ടുനടക്കാൻ ഒരു സുഖമാണ്.

കൂടുതല്‍ കരുത്തോടെയും അത്യാധുനിക സാങ്കേതിക വിദ്യകളോടെയും ഇന്ത്യക്കാരുടെ പ്രിയപ്പെട്ട ഹ്യുണ്ടായി i20 (Hyundai i20) പ്രീമിയം ഹാച്ച്ബാക്കിന്റെ പുതിയ തലമുറ മോഡല്‍ വിപണിയിലെത്താന്‍ പോകുന്നു. ന്യൂജെന്‍ i20 മോഡലിന്റെ ആദ്യ ഔദ്യോഗിക ടീസര്‍ ചിത്രം കമ്പനി ആഗോളതലത്തില്‍ പുറത്തുവിട്ടു. ഹ്യുണ്ടായി ബ്രസീലിന്റെ ഔദ്യോഗിക ഇന്‍സ്റ്റാഗ്രാം പേജിലൂടെയാണ് പുത്തന്‍ i20-യുടെ ഫ്രണ്ട് ഡിസൈന്‍ വ്യക്തമാക്കുന്ന ഹെഡ്ലൈറ്റ് ഡിസൈന്‍ ടീസര്‍ പുറത്തുവിട്ടത്. അന്താരാഷ്ട്ര വിപണിക്കൊപ്പം ഇന്ത്യയിലും ഒരേസമയം അവതരിപ്പിക്കാന്‍ പോകുന്ന ഈ വാഹനം നിലവില്‍ രാജ്യത്തെ വിവിധ റോഡുകളില്‍ കഠിനമായ പരീക്ഷണ ഓട്ടത്തിലാണ്.

ഇന്ത്യന്‍ വാഹന വിപണിയിലെ ഒന്നാം സ്ഥാനക്കാരായ മാരുതി സുസുക്കി, തങ്ങളുടെ പുത്തന്‍ മിഡ്-സൈസ് എസ്‌യുവി മോഡലായ വിക്ടോറിസിലൂടെ (Maruti Suzuki Victoris) രാജ്യത്തെ എസ്‌യുവി വിപണിയില്‍ ശക്തമായ സാന്നിധ്യമായി മാറുകയാണ്. 2026 മെയ് മാസത്തിലെ മൊത്തം വില്‍പ്പന കണക്കുകള്‍ പുറത്തുവരുമ്പോള്‍ വിക്ടോറിസ് മികച്ച പ്രകടനമാണ് കാഴ്ചവെച്ചിരിക്കുന്നത്. പ്രമുഖ ഓട്ടോമൊബൈല്‍ അനലിറ്റിക്‌സ് പോര്‍ട്ടലായ ഓട്ടോപണ്ഡിറ്റ്‌സ് (Autopunditz) പുറത്തുവിട്ട 2026 മെയ് മാസത്തിലെ വില്‍പ്പന റിപ്പോര്‍ട്ടുകള്‍ പ്രകാരം, ആഭ്യന്തര വിപണിയില്‍ മാത്രം 10,853 യൂണിറ്റ് മാരുതിവിക്ടോറിസാണ് വിറ്റ്‌പോയത്. വിപണിയില്‍ ഏതാനും നാളുകള്‍ക്കുള്ളില്‍ രാജ്യത്ത് ഏറ്റവും കൂടുതല്‍ വിറ്റഴിക്കപ്പെടുന്ന എസ്‌യുവികളില്‍ ഒന്നാകാന്‍ വിക്ടോറിസിന് സാധിച്ചു.

എസ്‌യുവി വിപണിയിൽ വർഷങ്ങളായുള്ള ഹ്യുണ്ടായി ക്രെറ്റയുടെ (Hyundai Creta) ആധിപത്യം തകർത്ത് കൈയിൽ കൊടുത്തിരിക്കുകയാണ് മഹീന്ദ്ര ആൻഡ് മഹീന്ദ്ര. അതും ഇതിഹാസ മോഡലായ സ്കോർപിയോ (Mahindra Scorpio) വെച്ചാണ് കഴിഞ്ഞമാസത്തെ വിൽപ്പന മഹീന്ദ്ര തൂത്തുവാരിയിരിക്കുന്നത്. ഏറ്റവും പുതിയ വിൽപ്പന കണക്കുകൾ പ്രകാരം 2026 മെയ് മാസത്തിൽ മഹീന്ദ്ര സ്കോർപിയോ ഹ്യുണ്ടായി ക്രെറ്റയെ മറികടന്നിരിക്കുകയാണ്. വന്നകാലം മുതൽ നിരത്തുകൾ അരങ്ങുവാഴുന്ന മിഡ്-സൈസ് എസ്‌യുവിയുമായി താരതമ്യപ്പെടുത്താനാവില്ലെങ്കിലും ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കാറുകളുടെ പട്ടികയിൽ സ്കോർപിയോയുടെ മുകളിലായിരുന്നു ക്രെറ്റയുടെ സ്ഥാനം.

എസ്‌യുവികളുടെ ട്രെൻഡിനിടയിലും രാജ്യത്തെ ടോപ്പ് സെല്ലിംഗ് കാർ കിരീടം വീണ്ടും അണിഞ്ഞിരിക്കുകയാണ് നമ്മുടെ സ്വന്തം മാരുതി സുസുക്കി ഡിസയർ (Maruti Suzuki Dzire). പെർഫെക്‌ട് ഫാമിലി കാറായി മാത്രമല്ല, ടാക്‌സി കാറായും ഒരുപോലെ വിറ്റഴിയുന്നതിനാലാണ് ഓരോ മാസവും ഇരുപതിനായിരത്തിന് മുകളിൽ ഡിസയർ വിറ്റഴിയുന്നത്. ക്രാഷ് ടെസ്റ്റിൽ 5-സ്റ്റാർ സേഫ്റ്റി റേറ്റിംഗ് സ്വന്തമാക്കിയ മാരുതി സുസുക്കിയുടെ ആദ്യത്തെ കാർ എന്നതും ഇന്ത്യക്കാരെ ഡിസയറിലേക്ക് അടുപ്പിക്കുന്നുണ്ട്. ഫോർ സിലിണ്ടർ ഉപേക്ഷിച്ച് ത്രീ സിലിണ്ടർ പെട്രോൾ എഞ്ചിനിലേക്ക് മാറിയപ്പോൾ പലരും അന്ത്യം അടുത്തുവെന്ന് വിധിയെഴുതിയിരുന്നതാണ്.

ഇന്ത്യന്‍ ഇരുചക്ര വാഹന വിപണിയിലെ മുന്‍നിരക്കാരായ ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ (HMSI) 2026 മെയ് മാസത്തില്‍ തങ്ങളുടെ എക്കാലത്തെയും മികച്ച ഇലക്ട്രിക് സ്‌കൂട്ടര്‍ വില്‍പ്പന നേട്ടം സ്വന്തമാക്കി. പ്രമുഖ ഓട്ടോമൊബൈല്‍ പ്രസിദ്ധീകരണമായ ഓട്ടോകാര്‍ ഇന്ത്യ പുറത്തുവിട്ട ഏറ്റവും പുതിയ റിപ്പോര്‍ട്ടുകള്‍ അനുസരിച്ച് കഴിഞ്ഞ മാസം ആക്ടിവ e: (Honda Activa e:), QC1 എന്നീ മോഡലുകള്‍ രണ്ടും ചേര്‍ത്ത് മൊത്തം 520 യൂണിറ്റ് ഇലക്ട്രിക് സ്‌കൂട്ടറുകളാണ് ഹോണ്ട രാജ്യത്തുടനീളം വിറ്റഴിച്ചത്. ആദ്യമായാണ് ജാപ്പനീസ് ബ്രാന്‍ഡിന്റെ ഇവി വില്‍പ്പന ഒരു മാസം 500 യൂണിറ്റ് കടക്കുന്നത്.

ഇക്കഴിഞ്ഞ ദിവസമാണ് ബജറ്റ് ഹാച്ച്ബാക്ക് സെഗ്മെന്റിനെ ഇളക്കിമറിച്ചുകൊണ്ട് ടാറ്റ ടിയാഗോ ഫെയ്‌സ്‌ലിഫ്റ്റ് വിപണിയിലെത്തുന്നത്. കുറഞ്ഞ വിലയിൽ വാങ്ങാൻ പറ്റുന്ന ഏറ്റവും നല്ല ഹാച്ച്ബാക്ക് എന്ന് പേരെടുത്ത് വരുന്ന കാറിന്റെ വില തുടങ്ങുന്നത് തന്നെ വെറും 5 ലക്ഷം രൂപയിൽ താഴെ വിലയിലാണ്. നല്ല സേഫ്റ്റിയും ബിൽഡ് ക്വാളിറ്റിയുമുള്ള മോഡൽ സ്മാർട്ട്, പ്യുവർ, പ്യുവർ പ്ലസ്, പ്യുവർ പ്ലസ് A, ക്രിയേറ്റീവ്, ക്രിയേറ്റീവ് പ്ലസ് എന്നിങ്ങനെ നിരവധി വേരിയന്റുകളിലും തെരഞ്ഞെടുക്കാൻ അവസരമുണ്ട്. ഇതിൽ ബേസ് മോഡൽ എങ്ങനെയുണ്ടെന്നറിയാൻ പലർക്കും താത്പര്യമുണ്ടാവും അല്ലേ.

ജൂണ്‍ മാസം പിറന്നതോടെ ഇന്ത്യന്‍ വാഹന വിപണിയില്‍ മെയ് മാസത്തില്‍ വിറ്റഴിക്കപ്പെട്ട കാറുകളുടെ കണക്കുകള്‍ പുറത്തുവന്നതോടെ ജനപ്രിയ മോഡലുകള്‍ തമ്മിലുള്ള ആവേശം നിറഞ്ഞ പോരാട്ടത്തിന്റെ ചിത്രം കൂടുതല്‍ വ്യക്തമായി. കോംപാക്റ്റ് സെഡാന്‍ ശ്രേണിയിലെ മാരുതി സുസുക്കി ഡിസയര്‍ ആണ് ഇത്തവണയും ഏറ്റവും കൂടുതല്‍ വിറ്റഴിക്കപ്പെട്ട വാഹനമായി മാറിയത്. വിപണിയില്‍ കഴിഞ്ഞ കുറച്ചു മാസങ്ങളായി ഒന്നാം സ്ഥാനത്തുണ്ടായിരുന്ന ടാറ്റ പഞ്ച് അടക്കമുള്ള മോഡലുകളെ പിന്നിലാക്കിക്കൊണ്ടാണ് മാരുതി സെഡാന്‍ മോഡലിന്റെ കുതിപ്പ്. കഴിഞ്ഞ മാസം ഇന്ത്യന്‍ വിപണിയില്‍ ഏറ്റവും കൂടുതല്‍ വിറ്റഴിക്കപ്പെട്ട 10 കാറുകള്‍ ഏതൊക്കെയാണെന്ന് ഈ റിപ്പോര്‍ട്ടില്‍ പരിശോധിക്കാം.

ഇന്ത്യയിലെ എംപിവികളിലെ സുൽത്താനായി അറിയപ്പെടുന്ന മോഡലാണ് ടൊയോട്ട ഇന്നോവ ക്രിസ്റ്റ (Toyota Innova Crysta). ക്രിസ്റ്റയായും ഹൈക്രോസായും ഇന്നും വിപണിയിൽ വിറ്റഴിക്കുന്ന ഇന്നോവ യാത്രാ സുഖത്തിലൂടെയാണ് ഇന്ത്യക്കാരുടെ പ്രിയങ്കരനായി മാറിയത്. കൂടെ ഡീസൽ എഞ്ചിന്റെ സാന്നിധ്യവും തരക്കേടില്ലാത്ത മൈലേജും കുറഞ്ഞ മെയിന്റനെൻസും ആയപ്പോൾ ഹേറ്റേഴ്‌സില്ലാത്ത 7-സീറ്റർ മോഡലായി ഇന്നോവ പേരെടുത്തു. ശരിക്കും മൂന്ന് തലമുറ ആവർത്തനങ്ങളിൽ പുറത്തിറക്കിയിട്ടുണ്ടെങ്കിലും രണ്ടാമനായ ക്രിസ്റ്റയ്ക്കാണ് കൂടുതൽ ആവശ്യക്കാരുള്ളത്. അടുത്ത വർഷത്തോടെ നിർത്തലാക്കാൻ പോവുകയാണെങ്കിലും ഇന്നും ചൂടപ്പം പോലെയാണ് ക്രിസ്റ്റയെന്ന ഡീസൽ മോഡൽ വിറ്റഴിഞ്ഞുകൊണ്ടിരിക്കുന്നത്.

ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ ഇപ്പോള്‍ ഫിക്‌സഡ് ബാറ്ററിയും സ്വാപ്പബിള്‍ ബാറ്ററിയുമായി വരുന്ന സ്‌കൂട്ടറുകള്‍ ലഭ്യമാണ്. ചാര്‍ജ് ചെയ്യാനുള്ള മണിക്കൂറുകളുടെ കാത്തിരിപ്പ് ഒഴിവാക്കാന്‍ സഹായിക്കുന്ന സ്വാപ്പബിള്‍ ബാറ്ററി സാങ്കേതികവിദ്യയുള്ള ഇലക്ട്രിക് സ്‌കൂട്ടറുകള്‍ക്ക് രാജ്യത്ത് പ്രിയമേറുകയാണ്. ചാര്‍ജ് തീര്‍ന്ന ബാറ്ററിക്ക് പകരം ചാര്‍ജ് ഉള്ളവ ഉടനടി മാറ്റി സ്ഥാപിക്കാമെന്നതാണ് സ്വാപ്പബിള്‍ ബാറ്ററി പായ്ക്കിന്റെ ഏറ്റവും വലിയ പ്രായോഗിക സവിശേഷത. സ്വാപ്പബിള്‍ ബാറ്ററികളുമായി പ്രമുഖ ബ്രാന്‍ഡുകള്‍ വിപണിയില്‍ എത്തിച്ച മികച്ച 5 മോഡലുകളുടെ വില, റേഞ്ച്, മറ്റ് പ്രധാന മെക്കാനിക്കല്‍ സവിശേഷതകള്‍ എന്നിവ ഈ റിപ്പോര്‍ട്ടില്‍ വിശദമായി വായിക്കാം.

ഇന്ധന വില കുതിച്ചുയർന്നതോടെ എല്ലാവർക്കും സുപരിചിതമായി മാറിയ വാക്കാണ് ഫ്ലെക്‌സ് ഫ്യുവൽ. ഇന്നലെ രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ് രണ്ട് പുത്തൻ ഫ്ലെക്‌സ് ഫ്യുവൽ ബൈക്കുകൾ പുറത്തിറക്കിക്കൊണ്ട് പുതിയൊരു മാറ്റത്തിന് തുടക്കം കുറിച്ചിരുന്നു. ഇപ്പോഴിതാ സാധാരണക്കാരുടെ സ്വന്തം പാസഞ്ചർ കാർ നിർമാതാക്കളായ മാരുതി സുസുക്കി ഇന്ത്യക്കായുള്ള ആദ്യത്തെ ഫ്ലെക്‌സ് ഫ്യുവൽ കാർ വിപണിയിൽ അവതരിപ്പിച്ചിരിക്കുകയാണ്. E85 വരെ എഥനോൾ മിശ്രിതങ്ങളിൽ പ്രവർത്തിക്കാൻ കഴിവുള്ള വാഗൺആർ ഫ്ലെക്സ് ഫ്യുവൽ പ്രോട്ടോടൈപ്പ് പ്രദർശിപ്പിച്ചുകൊണ്ടാണ് കമ്പനി ബദൽ ഇന്ധന മാർഗത്തിലേക്ക് മറ്റൊരു ചുവടുവയ്പ്പ് നടത്തിയിരിക്കുന്നത്.

ഇന്ത്യയിലെ മൈക്രോ എസ്‌യുവി വിഭാഗത്തില്‍ വലിയ ചലനങ്ങള്‍ സൃഷ്ടിച്ച എക്സ്റ്ററിന്റെ വില വര്‍ധിപ്പിച്ച് ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി. 2026 ജൂണ്‍ മാസം മുതല്‍ പുതിയ നിരക്കുകള്‍ പാബല്യത്തില്‍ വന്നു. വില വര്‍ധനവിനൊപ്പം എക്‌സ്റ്ററിന്റെ പുതിയ വേരിയന്റുകള്‍ കമ്പനി അവതരിപ്പിച്ചിട്ടുണ്ട്. ലൈവ് ഹിന്ദുസ്ഥാൻ (livehindustan) റിപ്പോർട്ട് പ്രകാരം ഹ്യുണ്ടായി എക്സ്റ്ററിന്റെ വിവിധ മോഡലുകള്‍ക്ക് 5,700 രൂപ വരെയാണ് ഇപ്പോള്‍ വര്‍ദ്ധിപ്പിച്ചിട്ടുള്ളത്. ഇത് ഏകദേശം 0.91 ശതമാനം വരെയുള്ള വില വര്‍ദ്ധനവാണ് രേഖപ്പെടുത്തുന്നത്. എക്സ്റ്ററിന്റെ HX3, HX4 പെട്രോള്‍ മാനുവല്‍ പതിപ്പുകള്‍ക്കാണ് ഏറ്റവും ഉയര്‍ന്ന വില വില വര്‍ധനവ് ലഭിച്ചത്.

വിഡി സതീശൻ കേരളത്തിന്റെ മുഖ്യമന്ത്രിയാവാൻ നോക്കിയിരുന്നവരാണ് വണ്ടിഭ്രാന്തൻമാർ. അതിന്റെ പ്രധാന കാരണം ചെറുപ്പക്കാർ ആവശ്യപ്പെട്ട വാഹന മോഡിഫിക്കേഷൻ നിയമാനുസൃതമാക്കാമെന്നായിരുന്നു അദ്ദേഹത്തിന്റെ വാഗ്ദാനം. മുഖ്യമന്ത്രിയായി സത്യപ്രതിജ്ഞ ചെയ്‌തതിന് ശേഷം വാർത്താ സമ്മേളനത്തിൽ വാഹന മോഡിഫിക്കേഷനുമായി ബന്ധപ്പെട്ട ചോദ്യത്തിനുള്ള വിഡി സതീശന്റെ റീയാക്ഷനും സോഷ്യൽ മീഡിയയിൽ ട്രെൻഡായിരുന്നു. 'സുരക്ഷിത വാഹന മോഡിഫിക്കേഷനുകൾ' നിയമവിധേയമാക്കാൻ കാത്തിരുന്നവരിലേക്ക് സന്തോഷ വാർത്തയുമായി എത്തിയിരിക്കുകയാണ് മോട്ടോർ വാഹന വകുപ്പ്. വാഹനങ്ങളിൽ 18 തരം മോഡിഫിക്കേഷനുകൾക്ക് അനുമതി നൽകിക്കൊണ്ടുള്ള പുതിയ സർക്കാർ റിപ്പോർട്ട് ഇപ്പോൾ വലിയ ചർച്ചയായിരിക്കുകയാണ്.

സ്റ്റാര്‍ട്ടപ്പുകളില്‍ നിന്നും രാജ്യത്തെ ടോപ് 3 ഇലക്ട്രിക് ഇരുചക്ര ബ്രാന്‍ഡകളില്‍ ഒന്നായി വളര്‍ന്ന ഏഥര്‍ എനര്‍ജി (Ather Energy) 2026 മെയ് മാസത്തില്‍ വില്‍പ്പനയില്‍ റെക്കോര്‍ഡ് വര്‍ദ്ധനവ് രേഖപ്പെടുത്തി. മുന്‍വര്‍ഷത്തെ അപേക്ഷിച്ച് ഇരട്ടി വളര്‍ച്ചയാണ് കമ്പനി ഇത്തവണ വിപണിയില്‍ സ്വന്തമാക്കിയത്. ബെംഗളൂരു ആസ്ഥാനമായി പ്രവര്‍ത്തിക്കുന്ന കമ്പനിയുടെ ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം, 2026 മെയ് മാസത്തില്‍ 28,211 ഇലക്ട്രിക് സ്‌കൂട്ടറുകളാണ് ഇന്ത്യയിലുടനീളം വിറ്റഴിച്ചത്. 2025 മെയ് മാസത്തില്‍ ഇത് വെറും 14,101 യൂണിറ്റുകള്‍ മാത്രമായിരുന്നു എന്ന് പഴയ കണക്കുകള്‍ വ്യക്തമാക്കുന്നു.