യുവാക്കളുടെ ഹരമായി മാറിയ ബ്രാൻഡാണ് കെടിഎം. ബ്രാൻഡിൻ്റെ ഓരോ മോഡലുകൾക്കും ചെറുപ്പക്കാരുടെ ഇടയിൽ പ്രത്യേക ഫാൻബേസ് തന്നെയുണ്ട്. ഇപ്പോഴിതാ 160 സിസി സെഗ്മെൻ്റിൽ പുത്തൻ അവതാരത്തെ അവതരിപ്പിക്കാൻ തീരുമാനിച്ചിരിക്കുകയാണ് കമ്പനി. പേരോ മറ്റ് വിശദാംശങ്ങളോ കമ്പനി പുറത്ത് വിട്ടിട്ടില്ല.കെടിഎം ഇന്ത്യയുടെ ഇൻസ്റ്റാഗ്രാം പേജിലൂടെ ഒരു ചിത്രം മാത്രമാണ് പങ്കുവച്ചിരിക്കുന്നത്. 125 ഡ്യൂക്ക്, ആർ‌സി 125 എന്നീ മോഡലുകളെല്ലാം പിൻവലിച്ചതിന് ശേഷം ശക്തമായി 160 സിസി സെഗ്മെൻ്റിലൂടെ തിരിച്ചവരവ് നടത്താനാണ് കമ്പനി പദ്ധതിയിടുന്നത് എന്ന് ഈ ചിത്രം പുറത്ത് വിട്ടതിലൂടെ വ്യക്തമാണ്.

ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന മള്‍ട്ടി പര്‍പ്പസ് വാഹനമാണ് മാരുതി സുസുക്കി എര്‍ട്ടിഗ (Maruti Suzuki Ertiga) . സ്വകാര്യ ഉപഭോക്താക്കള്‍ക്ക് പുറമെ വിവിധ നഗരങ്ങളിലെ പൊലീസ് വാഹന വ്യൂഹത്തിലും എര്‍ട്ടിഗ സ്ഥാനം പിടിച്ചിട്ടുണ്ട്. മുംബൈ, ഡല്‍ഹി, ഗുരുഗ്രാം തുടങ്ങിയ നഗരങ്ങളിലെ പൊലീസ് സേനകളില്‍ ഇതിനോടകം തന്നെ ഔദ്യോഗിക ആവശ്യങ്ങള്‍ക്കായി എര്‍ട്ടിഗ ഉപയോഗിച്ച് വരുന്നു. എന്നാല്‍ സമീപകാലത്തായി പൊലീസ് എര്‍ട്ടിഗയെ ഒന്ന് മാറ്റിപ്പിടിക്കാന്‍ തുടങ്ങിയിട്ടുണ്ട്. മാരുതി സുസുക്കി എര്‍ട്ടിഗയെ തഴഞ്ഞ് എതിരാളിയായ കിയ കാരെന്‍സ് (Kia Carens) എംപിവിയാണ് ഇപ്പോള്‍ പൊലീസ് സേന തെരഞ്ഞെടുക്കാന്‍ തുടങ്ങിയത്.

ഇന്ത്യയിൽ ഏറ്റവും വിറ്റഴിക്കപ്പെടുന്ന വാഹനമെന്ന കിരീടത്തിനായി ശക്തമായ പോരാട്ടം തന്നെയാണ് നടക്കുന്നത്. മാരുതി കാറുകളെ വെട്ടിവീഴ്ത്തി ഹ്യുണ്ടായി ക്രെറ്റയും (Hyundai Creta) ടാറ്റ പഞ്ചുമെല്ലാം ഈയൊരു നേട്ടത്തിന് പലതവണ അർഹമായപ്പോൾ രാജ്യത്തെ ഏറ്റവും വലിയ വാഹന നിർമാതാക്കളുടെ ആധിപത്യം അവസാനിക്കാൻ പോവുന്നുവെന്ന് വിധിയെഴുതിവരും നമുക്കിടയിലുണ്ട്. എന്നാൽ മാരുതിയുടെ ഡിമാന്റ് ഒന്നും അങ്ങനെ പെട്ടന്ന് ഇല്ലാതാവുന്നതല്ലെന്ന് തെളിയിച്ചിരിക്കുകയാണ് വീണ്ടും. 2025 ജൂലൈ മാസത്തെ വിൽപ്പന കണക്കുകൾ പുറത്തുവരുമ്പോൾ ഏവരേയും ഞെട്ടിച്ചുകൊണ്ട് ഒന്നാം സ്ഥാനത്ത് എത്തിയിരിക്കുന്നത് ഒരു മാരുതി കാറാണ്.

ഇലക്ട്രിക് വാഹനങ്ങൾ സ്വന്തമാക്കുന്നതിലൂടെ നിങ്ങളുടെ ചിലവ് കുറയ്ക്കാൻ സാധിക്കുമെന്നതാണല്ലോ എല്ലാവരുടേയും ലക്ഷ്യം. ഇലക്ട്രിക് സ്കൂട്ടറുകളാണ് ആദ്യമായി വിപണിയിൽ ഇവികളുടെ അടിത്തറ പണിതത്. ഏഥർ, ഓല പോലെയുളള ബ്രാൻഡുകൾ കിടിലൻ റേഞ്ചും ഫീച്ചറുകളും നൽകാൻ തുടങ്ങിയപ്പോൾ ആളുകൾ അവരുടെ പിന്നാലെ പോയി. എന്നാൽ അതിൽ തന്നെ ബജാജ് തങ്ങളുടെ പുത്തൻ ഇവി സ്കൂട്ടറുകൾ പുറത്തിറക്കിയപ്പോൾ എതിരാളികൾ പോലും വിറച്ചു പോയി. എന്നാൽ ഇലക്ട്രിക് വിപണിയിൽ റെയർ എർത്ത് മാഗ്നറ്റിൻ്റെ ലഭ്യത കുറവ് വിൽപ്പനയെ നല്ല രീതിയിൽ ബാധിച്ചിട്ടുണ്ട് എന്നാണ് ബജാജ് ഓട്ടോയുടെ അവകാശവാദം.

നിലവില്‍ ഇന്ത്യയില്‍ കിടമത്സരം നടക്കുന്ന ഒരു വാഹന വിഭാഗമാണ് മിഡ്‌സൈസ് സ്‌പോര്‍ട് യൂട്ടിലിറ്റി വാഹനങ്ങള്‍ (എസ്‌യുവി). ഹ്യുണ്ടായി ക്രെറ്റയാണ് നിലവില്‍ ഈ വിഭാഗം ഭരിക്കുന്നത്. ഇലക്ട്രിക് പതിപ്പ് കൂടി വിപണിയില്‍ എത്തിയതോടെ ഈ കലണ്ടര്‍ വര്‍ഷം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന കാര്‍ പട്ടം സ്വന്തമാക്കാനുള്ള കൊണ്ടുപിടിച്ച ശ്രമത്തിലാണ് ക്രെറ്റ. എന്നാല്‍ വരും മാസങ്ങളില്‍ കൊറിയന്‍ എസ്‌യുവിക്ക് അത്ര സുഖകരമായിരിക്കില്ലെന്ന കാര്യം ഉറപ്പാണ്. കാരണം ജനപ്രിയ എസ്‌യുവിക്ക് ചെക്ക് വെക്കാനായി മാരുതി സുസുക്കി പുതിയ ഒരു എസ്‌യുവി പുറത്തിറക്കാന്‍ പോകുകയാണ്.

ജർമൻ ആഡംബര വാഹന നിർമാതാക്കളായ ബിഎംഡബ്ല്യുവിനെ കുറിച്ച് പ്രത്യേകിച്ച് ആമുഖത്തിന്റെ ആവശ്യമൊന്നും വേണ്ടിവരില്ല. കാറുകൾ മാത്രമല്ല, വില കൂടിയ ഇരുചക്ര വാഹനങ്ങളും നിർമിക്കുന്നതിൽ പ്രത്യേക കഴിവുള്ളവരാണ് ബ്രാൻഡ്. ഇവരുടെ ടൂവീലർ വിഭാഗമായ ബിഎംഡബ്ല്യു മോട്ടോറാഡ് ഇന്ത്യയിലും സജീവമായാണ് പ്രവർത്തിക്കുന്നത്. ഈ വർഷം ജനുവരിയിൽ R 1300 GS എന്നൊരു പുതുപുത്തൻ അഡ്വഞ്ചർ ബൈക്ക് കമ്പനി പുറത്തിറക്കിയിരുന്നു. 23.35 ലക്ഷം രൂപ എക്സ്ഷോറൂം വില വരുന്ന മോഡലിനായുള്ള ഡെലിവറി ആരംഭിച്ചിരിക്കുകയാണ് ബവേറിയൻ കമ്പനിയിപ്പോൾ. വ്യത്യസ്‌ത എഡിഷനുകളിലായി വരുന്ന വാഹനം ശരിക്കും നമ്മുടെ നിരത്തുകൾക്കൊരു വിസ്‌മയം തന്നെയായിരിക്കും.

ടാറ്റയുടെ ഫ്‌ലാഗ്ഷിപ്പ് ഇലക്ട്രിക് എസ്‌യുവിയായ ഹാരിയര്‍ ഇവി പുറത്തിറങ്ങിയ അന്ന് മുതല്‍ തലക്കെട്ടുകള്‍ സൃഷ്ടിക്കുകയാണ്. പാന്‍ ഇന്ത്യ ലെവലില്‍ ചര്‍ച്ചയായ കേരളത്തിലെ ആനപ്പാറ അനായാസം കയറുന്ന വീഡിയോയില്‍ നിന്നായിരുന്നു എല്ലാത്തിന്റെയും ആരംഭം. ഹാരിയര്‍ ഇവിയുടെ വരവോടെ ടാറ്റ മോട്ടോര്‍സ് ഇലക്ട്രിക് വാഹന വിഭാഗത്തില്‍ എക്കാലത്തെയും ഉയര്‍ന്ന വില്‍പ്പന 2025 ജൂലൈ മാസത്തില്‍ സ്വന്തമാക്കി. നിലവില്‍ ഹാരിയര്‍ ഇവിയുടെ ചില വേരിയന്റുകളുടെ കാത്തിരിപ്പ് കാലയളവ് ഏകദേശം 7 മാസത്തിനടുത്താണ്. ഇപ്പോള്‍ ഹാരിയര്‍ ഇവിയുടെ കിരീടത്തില്‍ മറ്റൊരു പൊന്‍തൂവലായിരിക്കുകയാണ് ഒരു പുത്തന്‍ റെക്കോഡ്. അത് എന്താണെന്ന് നമുക്ക് വിശദമായി ഈ ലേഖനത്തില്‍ വായിക്കാം.

സ്‌കൂട്ടർ വിപണിയിലെ രാജാക്കൻമാരാണ് ജാപ്പനീസ് വാഹന നിർമാതാക്കളായ ഹോണ്ട. പലതരത്തിലുള്ള ഗിയർലെസ് സ്‌കൂട്ടറുകളാൽ സമ്പന്നമായ ഹോണ്ടയുടെ നിര പകരംവെക്കാനില്ലാത്തതുമാണ്. ഇവിടെ ഹോണ്ടയ്ക്ക് ഒരു എതിരാളിയുണ്ടെങ്കിൽ അത് ടിവിഎസ് എന്ന ഇന്ത്യൻ ബ്രാൻഡാണ്. ആക്‌ടിവയ്ക്ക് വെല്ലുവിളി ഉയർത്താൻ ജുപ്പിറ്ററും ഡിയോയുടെ ആധിപത്യം തകർത്ത എൻടോർഖ് ഇവി വിപണിയിൽ ഐക്യുബ് എന്നിങ്ങനെയാണ് ടിവിഎസിന്റെ ആയുധങ്ങൾ. ലോകത്തിലെ ഏറ്റവും ജനപ്രിയമായ 2W, 3W നിർമാതാക്കളിൽ ഒന്നായ ടിവിഎസ് മോട്ടോർ ആഗോളതലത്തിൽ തങ്ങളുടെ സാന്നിധ്യം വിപുലീകരിക്കുകയാണ്. അതിന്റെ ഭാഗമായി കമ്പനിയുടെ ആദ്യത്തെ മാക്‌സി സ്റ്റൈൽ ഇലക്ട്രിക് സ്‌കൂട്ടറുമായി വിപണിയിലേക്ക് എത്തുകയാണ് ടിവിഎസ്.

പുതിയ കാർ വാങ്ങിയാൽ എല്ലാവരും തന്നെ ആദ്യം ചെയ്യുന്ന കാര്യമാണ് സീറ്റ് കവർ ഇടുക എന്നത്. എന്നാൽ എങ്ങനെ നിങ്ങളുടെ വാഹനത്തിന് ചേരുന്നതും മികച്ചതുമായ സീറ്റ് അപ്ഹോൾസ്റ്ററി ചെയ്യാമെന്നത് എല്ലാവർക്കും തന്നെ സംശയമുള്ള ഒരു കാര്യമാണ്. നിങ്ങളുടെ കാറുകളിൽ സ്റ്റോക്ക് കണ്ടീഷനിൽ ലഭിക്കുന്ന അപ്ഹോൾസ്റ്ററി ഉണ്ടെങ്കിൽ അതിന് എന്തെങ്കിലും രീതിയിൽ കേടുപാടുകൾ വന്നാൽ മാത്രമേ പുതിയതായി ചെയ്യാവു. അതിനൊപ്പം തന്നെ നിങ്ങളുടെ ആവശ്യകത മറ്റൊരു ഘടകമാണ്. നിങ്ങൾ വാഹനം ദിവസവും ഉപയോഗിക്കുന്നുണ്ടെങ്കിൽ സീറ്റ് അപ്ഹോൾസ്റ്ററി ചെയ്യുന്നത് നല്ല കാര്യമാണ്. എന്നാൽ ആഴ്ച്ചയിൽ ഒരിക്കൽ മാത്രമാണ് വാഹനം ഉപയോഗിക്കുന്നതെങ്കിൽ വെറുതേ അപ്ഹോൾസ്റ്ററി ചെയ്യേണ്ട കാര്യമില്ല.

പുതിയ വാഹനം വാങ്ങാൻ ആഗ്രഹിക്കുന്നവരുടെ പ്രിയപ്പെട്ട ബ്രാൻഡായി മാറിയിരിക്കുകയാണ് കിയ മോട്ടോർസ്.ഹ്യുണ്ടായിയുടെ സഹോദര മോഡലുകളാണ് ബ്രാൻഡ് അവതരിപ്പിക്കുന്നതെങ്കിലും കിയയുടെ എല്ലാ മോഡലുകൾക്കും ആവശ്യക്കാരേറെയാണ്. അത് കൊണ്ട് തന്നെ ഒരു 10 ലക്ഷം രൂപ ബജറ്റിൽ വാഹനങ്ങൾ വാങ്ങാൻ ആലോചിക്കുന്നുണ്ടെങ്കിൽ കിയയുടെ രണ്ട് കിടിലൻ മോഡൽ ലഭ്യമാണ്. നിങ്ങൾക്ക് ഒരു സബ് കോംപാക്ട് എസ്‌യുവി മോഡലും അത് പോലെ തന്നെ എംപിവിയും ലഭിക്കുമെന്ന് പറഞ്ഞാൽ വിശ്വസിക്കാൻ സാധിക്കുമോ. സത്യം തന്നെയാണ്, കിയ സോനെറ്റും അത് പോലെ തന്നെ എംപിവിയായ കാരൻസും ലഭിക്കും. വിശമായ വില അറിയാൻ തുടർന്ന് വായിക്കാൻ മറക്കരുതേ.

കോമെറ്റ്, വിൻഡ്‌സർ എന്നീ ഇലക്ട്രിക് കാറുകളിലൂടെ ഇന്ത്യക്കാർക്ക് പ്രിയങ്കരരായവരാണ് എംജി മോട്ടോർസ് (MG Motors). നേരത്തെ ഹെക്‌ടറും ഗ്ലോസ്റ്ററും പോലുള്ള ICE മോഡലുകളിലാണ് ശ്രദ്ധകേന്ദ്രീകരിച്ചിരുന്നതെങ്കിൽ ഇപ്പോൾ കമ്പനിയുടെ ഫുൾ ഫോക്കസ് ഇവികളിലാണ്. ഒപ്പം പരമ്പരാഗത ഇന്ധനത്തിൽ ഓടുന്ന കാറുകൾക്കും പ്രത്യേക പരിഗണന കമ്പനി കൊടുക്കുന്നുണ്ട്. ഇപ്പോഴിതാ ഇന്ത്യയിലെത്തി 6 വർഷം പൂർത്തിയാക്കിയതിന്റെ ആഘോഷത്തിലാണ് എംജി. ഇതിന്റെ ഭാഗമായി മോഡൽ നിരയിൽ ഗംഭീര വിലക്കുറവ് പ്രഖ്യാപിച്ചിരിക്കുകയാണ് ബ്രാൻഡ്. പക്ഷേ ടോപ്പ് സെല്ലിംഗ് വൈദ്യുത വാഹനങ്ങൾക്ക് ഓഫർ ലഭ്യമല്ല കേട്ടോ.

എല്ലാ വാഹനമുടമകളും ശ്രദ്ധിക്കേണ്ട കാര്യമാണ് തങ്ങളുടെ കാറിനോ ബൈക്കിനോ ഏത് വാഹനമായാലും ഇൻഷുറൻസ് ഉണ്ടായിരിക്കണം എന്നത്. കാലാവധി കഴിഞ്ഞച് പുതുക്കാൻ ഒട്ടും താമസം കാണിക്കരുത്. കാരണം ഇപ്പോൾ കേന്ദ്ര റോഡ് ഗതാഗത മന്ത്രാലയം ഇൻഷുറൻസ് ഇല്ലാത്ത വാഹനങ്ങളുടെ പിഴത്തുകയിൽ വർധനവ് വരുത്തിയിരിക്കുകയാണ്. ഇൻഷുറൻസ് കാലാവധി കഴിഞ്ഞ് വാഹനം റോഡിലിറക്കി പിടിക്കപ്പെട്ടാൽ പ്രീമിയം മൂന്നിരട്ടിയും വീണ്ടും കുറ്റം ആവർത്തിക്കുകയാണെങ്കിൽ അഞ്ചിരിട്ടി തുകയുമാണ് അടയ്ക്കേണ്ടത്. ഇൻഷുറൻസ് ഇല്ലാതെ റോഡിലിറങ്ങുന്ന വാഹനങ്ങളുടെ എണ്ണത്തിൽ വർധനവ് കണ്ടത് മൂലമാണ് പുതിയ പരിഷ്കാരം. ആദ്യ തവണ 2000 രൂപയും വീണ്ടും കുറ്റം ആവർത്തിച്ചാൽ 4000 രൂപയുമായിരുന്നു നിലവിലുളള പിഴത്തുക.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റ് അരങ്ങുവാഴുന്ന റോയൽ എൻഫീൽഡിനെ (Royal Enfield) വെല്ലാൻ ഇറങ്ങിത്തിരിച്ചവരാണ് ബ്രിട്ടീഷ് ഇരുചക്ര വാഹന നിർമാതാക്കളായ ട്രയംഫ് (Triumph). ആഡംബര ബൈക്കുകൾ മാത്രം വിറ്റിരുന്ന കമ്പനി പെട്ടന്നാണ് ഇന്ത്യയിലെ 400 സിസി വിഭാഗത്തിലേക്ക് കടന്നുവരുന്നത്. സ്പീഡ്, സ്ക്രാംബ്ലർ X എന്നിങ്ങനെ രണ്ട് മോഡലുകൾ പുറത്തിറക്കി വരവറിയിച്ച കമ്പനി ഹോണ്ടയുടെ (Honda) കച്ചോടം വരെ പിടിച്ചുകൊണ്ട് പോവുന്ന കാഴ്ച്ചയാണ് കാണാനായത്. പിന്നീട് വിശ്രമിക്കാൻ തയാറാവാതിരുന്ന കമ്പനി 400 ട്വിന്നുകളെ പല ഭാവത്തിൽ വിപണിയിൽ എത്തിക്കുകയും ചെയ്‌തു.

ഹ്യുണ്ടായി ഇന്ത്യൻ വിപണിയിൽ വളരെ ഡിമാൻ്റും വിൽപ്പനയിൽ മുന്നിൽ തന്നെ നിൽക്കുന്നവരാണ്. ഹ്യുണ്ടായിയുടെ പ്രീമിയം ബ്രാൻഡായ ജെനസീസ് ഇന്ത്യയിലേക്ക് വരുന്നു എന്ന വാർത്തകൾ കുറേ കാലമായി കേൾക്കുന്നുണ്ട്. ഒന്നിൽ കൂടുതൽ എസ്‌യുവികളും സെഡാനുകളും ഹ്യുണ്ടായി മോട്ടോറിന്റെ ആഡംബര വിഭാഗമായ ജെനസിസ് പുറത്തിറക്കുന്നുണ്ട്. ലഭിക്കുന്ന റിപ്പോർട്ടുകൾ അനുസരിച്ച്, സിബിയു റൂട്ട് വഴി ഹ്യുണ്ടായി ഇന്ത്യയിലേക്ക് എത്തിക്കാനാണ് പദ്ധതിയിടുന്നത്. കൂടാതെ, 2029-30 സാമ്പത്തിക വർഷത്തോടെ 26 പുതിയ മോഡലുകൾ പുറത്തിറക്കാനും ഹ്യുണ്ടായി ആലോചിക്കുന്നുണ്ടെന്നാണ് ലഭിക്കുന്ന റിപ്പോർട്ടുകളിൽ നിന്ന് വ്യക്തമാകുന്നത്.

ഒറ്റയ്ക്ക് ഒരു കാറുമായി വിപണിയിൽ പിടിച്ചുനിൽക്കാൻ ഏതെങ്കിലും കമ്പനിക്ക് സാധിക്കുമോ? എന്നാൽ അതെല്ലാം നിഷ്പ്രയാസം നടക്കുമെന്ന് തെളിയിച്ചിരിക്കുകയാണ് ജാപ്പനീസ് വാഹന നിർമാതാക്കളായ നിസാൻ. ഒറ്റയ്ക്ക് ഒരു രാജ്യം ഭരിക്കുന്ന രാജാവായി മാഗ്നൈറ്റ് ഇന്ത്യയിൽ തകർക്കാൻ തുടങ്ങിയിട്ട് അഞ്ച് വർഷത്തോളമായി. വന്നപ്പോഴുണ്ടായിരുന്ന കിക്‌സും ഇപ്പോൾ കൂട്ടിനുള്ള X-ട്രെയിലും ആർക്കും വേണ്ടെങ്കിലും മാഗ്നൈറ്റിനെ എല്ലാവരും നെഞ്ചോട് ചേർത്തിട്ടുണ്ട്. അതും മാരുതി സുസുക്കി, ഹ്യുണ്ടായി, ടാറ്റ മോട്ടോർസ്, മഹീന്ദ്ര, കിയ തുടങ്ങിയ വമ്പൻമാരോടെല്ലാം പടവെട്ടിയാണ് ഇന്നുകാണുന്ന നിലയിൽ നിസാനെ മാഗ്നൈറ്റ് എത്തിച്ചിരിക്കുന്നത്.

എംപിവി സെഗ്മെൻ്റിലെ രാജാവായി വിലസുന്ന മോഡലാണ് ടൊയോട്ട ഇന്നോവ. 2005 -ൽ വിപണിയിലെത്തി 20 വർഷം പൂർത്തിയാക്കുമ്പോൾ 12 ലക്ഷം യൂണിറ്റുകളാണ് ഇതുവരെ വിറ്റഴിച്ചത്. തലമുറകൾ പിന്നിട്ട് ഇപ്പോൾ ഹൈക്രോസിൽ ഹൈബ്രിഡ് ഹൃദയവുമായി ജൈത്രയാത്ര തുടരുകയാണ്.ക്വാളീസ് കളം വിടുന്ന സമയത്ത് വിപണിക്ക് സമ്മാനിച്ച മോഡലാണ് ഇന്നോവ എന്ന എംപിവി 7 ലക്ഷം രൂപയ്ക്ക് അവതരിപ്പിച്ച മോഡലിന് ഇപ്പോൾ വില 40 ലക്ഷം. വില എത്ര കൂടിയാലും വാങ്ങാൻ ആളുകളുടെ തിരക്കാണ്. കാരണം യാത്രാസുഖം തന്നെ. ഹൈബ്രിഡ് എഞ്ചിൻ എത്തിയതോടെ മൈലേജിൻ്റെ ഭയവും വേണ്ട എന്ന് പറയാം.

മലയാളികൾക്കിടയിൽ ഏറ്റവും കൂടുതൽ ഫാൻസുള്ള യൂട്യൂബ് വെബ് സീരീസാണ് കരിക്ക് (Youtube Web Series Karikku). സിനിമയിലെ നടീനടൻമാരെ പോലെ തന്നെ ഫാൻസ് കരിക്കിലെ താരങ്ങൾക്കുമുണ്ട്. സാമർഥ്യശാസ്ത്രത്തിലൂടെ പ്രേക്ഷകര്‍ക്ക് പ്രിയപ്പെട്ടതായി മാറി നടിയാണ് നിലീന്‍ സാന്ദ്ര. റോക്ക് പേപ്പർ സിസേഴ്സ്, സാമർഥ്യശാസ്ത്രം എന്നീ വെബ് സീരീസുകൾ എഴുതിയതും പുള്ളിക്കാരിയാണ്. കരിക്കാണ് നിലീന് കരിയറിൽ ബ്രേക്ക്ത്രൂ നൽകിയതെങ്കിലും നിലവിൽ വെള്ളിത്തിരയിലെ തിരക്കുള്ള നടി കൂടിയാണ് കക്ഷി. 2018, ആവാസവ്യൂഹം എന്നിവയാണ് കരിക്ക് വളർത്തിയ നടിയുടെ സിനിമകളായി എടുത്ത് പറയാനാവുന്നത്.

ജാപ്പനീസ് ഇരുചക്ര വാഹന നിർമാതാക്കളായ സുസുക്കിക്ക് ഇന്ത്യയിൽ ബ്രേക്ക്ത്രൂ നൽകിയത് സ്‌കൂട്ടറുകളാണ്. പ്രത്യേകിച്ച് ആക്‌സസ് എന്ന മോഡലാണ് കമ്പനിയുടെ വളർച്ചയുടെ പിന്നിൽ പ്രവർത്തിച്ചത് എന്നുപറഞ്ഞാലും തെറ്റൊന്നുമില്ല. രാജ്യത്തെ ആദ്യത്തെ 125 സിസി സ്‌കൂട്ടർ എന്ന നിലയിൽ പുറത്തിറങ്ങിയ മോഡൽ അതിവേഗമാണ് ജനപ്രിയമായത്. എന്നാൽ ആക്‌സസിന്റെ രണ്ടാംതലമുറ എത്തിയതോടെയാണ് ആളുകളെല്ലാം ഷോറൂമിലേക്ക് എത്തിയത്. എന്നാൽ സ്പോർട്ടിയർ ലുക്ക് ആഗ്രഹിക്കുന്ന ചെറുപ്പക്കാരെല്ലാം നേരെ പോയത് ടിവിഎസ് എൻടോർഖിലേക്കായിരുന്നു. ഇതിനെ വെല്ലാനായി സുസുക്കി ഡിസൈൻ ചെയ്‌തെടുത്ത സ്‌കൂട്ടറായിരുന്നു അവെനിസ് (Suzuki Avenis).

ഉത്സവ സീസണ്‍ പടിവാതിലില്‍ എത്തിനില്‍ക്കുകയാണ്. മലയാളികള്‍ ഓണം ആഘോഷിക്കാന്‍ തയറായി നില്‍ക്കുകയാണ്. ഇന്ത്യക്കാര്‍ കാര്‍ വാങ്ങുമ്പോഴും നിരവധി ഘടകങ്ങള്‍ അവര്‍ പരിഗണിക്കാറുണ്ട്. മൈലേജ്, ഫീച്ചര്‍, സേഫ്റ്റി എന്നിവ അവയില്‍ പെടുന്നു. ഇവ ഓരോ കാലത്തിന് അനുസരിച്ച് മാറിമാറി വരുന്നു. എന്നാല്‍ എല്ലാകാലത്തും ഉപഭോക്താക്കള്‍ പരിഗണിക്കുന്ന സംഗതി അത് വിലയാണ്. കുറഞ്ഞ വിലയില്‍ മികച്ച ഫീച്ചറുകളും പണത്തിനൊത്ത മൂല്യവും വാഗ്ദാനം ചെയ്യുന്ന വാഹനങ്ങളാണ് ഇന്ത്യക്കാര്‍ പൊതുവേ ഇഷ്ടപ്പെടുന്നത്. 2025 ഓഗസ്റ്റ് മാസത്തില്‍ 10 ലക്ഷം രൂപയില്‍ താഴെ വിലയില്‍ വാങ്ങാവുന്ന മികച്ച അഞ്ച് കാറുകള്‍ നോക്കാം.

തലക്കെട്ട് വായിക്കുമ്പോഴായിരിക്കും ചിലപ്പോൾ നിങ്ങളും ഈ കാര്യം ശ്രദ്ധിക്കുന്നത്. അതേ ന്യുജെൻ കാറുകളിൽ ബമ്പർ നിർമിച്ചിരിക്കുന്നത് ഫൈബർ ഉപയോഗിച്ചാണ്. എന്നാൽ പഴയ കാറുകളുടെ ബമ്പർ നിങ്ങൾ ശ്രദ്ധിച്ചാൽ മനസിലാകും മികച്ച മെറ്റൽ ബമ്പറാണ് നൽകിയിരിക്കുന്നത്. എന്നാലും എന്തായിരിക്കും ഇതിൻ്റെ കാരണമെന്ന് എപ്പോഴെങ്കിലും നിങ്ങൾ ചിന്തിച്ചിട്ടുണ്ടോ. എന്നാൽ നിങ്ങളുമായി പങ്കുവയ്ക്കാൻ പോകുന്നത് ഇതാണ്. പഴയ കാറുകളെ അപേക്ഷിച്ച് പുതിയ തലമുറ കാറുകളിൽ എന്തുകൊണ്ടാണ് മെറ്റൽ ബമ്പറിന് പകരം ഫൈബർ ബമ്പർ ഉപയോഗിക്കുന്നത്. കൂടുതലറിയാൻ തുടർന്ന് വായിക്കാൻ മറക്കരുതേ.

പെട്രോളിനേക്കാൾ ഡീസലിനാണ് വാഹനത്തിന് കൂടുതൽ മൈലേജ് നൽകാൻ സാധിക്കുന്നതെന്ന് എല്ലാവർക്കും അറിയാം. എന്നാൽ ഇപ്പോൾ പെട്രോൾ ഹൈബ്രിഡ് മോഡലുകളുടെ വരവോടെ മൈലേജ് കൂടുതൽ ലഭിക്കുന്നുണ്ട്. എന്നാൽ എഥനോൾ കലർത്തിയ പെട്രോളിൻ്റെ ഗുണം എന്താണ്. ഇപ്പോൾ രാജ്യത്ത് എഥനോൾ കലർത്തിയ പെട്രോളിന് വലിയ രീതിയിൽ തന്നെ സ്വീകാര്യത ലഭിക്കുന്നുണ്ട്. എന്നാൽ ഇതിൻ്റെ ഗുണവും ദോഷവും എന്തൊക്കെയാണെന്ന് പലർക്കും അറിയില്ല. മലിനീകരണം കുറയ്ക്കുന്നതിനൊപ്പം തന്നെ അസംസ്കൃത എണ്ണ ഇറക്കുമതിയെ ആശ്രയിക്കുന്നത് കുറയ്ക്കുന്നതിനും വേണ്ടിയാണ് ഈ ഇന്ധനം പ്രോത്സാഹിപ്പിക്കുക എന്നതാണ് തങ്ങളുടെ ലക്ഷ്യമെന്ന് ഇന്ത്യാ ഗവൺമെന്റ് പ്രസ്താവനയിൽ അറിയിച്ചിരുന്നു.

മെർസിഡീസ് ബെൻസ് ബ്രാൻഡിൻ്റെ ഏറെ പ്രിയപ്പെട്ട മോഡലാണ് ജി ക്ലാസ് വേരിയൻ്റ്. ഇപ്പോൾ ബ്രാൻഡ് വലിയ ഒരു നേട്ടം കൈവരിച്ചിരിക്കുകയാണ്. 600000 ലക്ഷം യൂണിറ്റുകൾ പൂർത്തിയാക്കിയിരിക്കുകയാണ്. ഓഫ്റോഡർ പ്രേമികളുടേയും ആഡംബര പ്രേമികളുടേയും പ്രിയപ്പെട്ട മോഡലായ വാഹനം ഒബ്സിഡിയൻ ബ്ലാക്ക് മെറ്റാലിക്കിൽ EQ സാങ്കേതികവിദ്യയുള്ള G 580 മോഡലിൻ്റെ ഇവിയും കമ്പനി അവതരിപ്പിച്ചിരുന്നു. 1979-ലാണ് ബ്രാൻഡ് ജി ക്ലാസ് മോഡൽ അവതരിപ്പിച്ചത്, പിന്നീടിങ്ങോട്ട് ഓഫ്റോഡിലും, വാഹനത്തിൻ്റെ മികച്ച ഡിസൈൻ എന്നിങ്ങനെയുള്ള സവിശേഷതകൾ കൊണ്ട് വാഹനം വിപണിയിൽ തൻ്റേതായ ഇടം സൃഷ്ടിച്ചു.

വണ്ടിഭ്രാന്തൻമാർക്കിടയിൽ പ്രത്യേക ഫാൻബേസുള്ള ബ്രാൻഡാണ് ഫോക്‌സ്‌വാഗൺ. അങ്ങ് ജർമനയിൽ നിന്നുമെത്തി ഇത്രയും വലിയ ഫാൻബേസ് സൃഷ്ടിച്ചെടുക്കണമെങ്കിൽ ചെറിയ റേഞ്ച് ഒന്നും പോരെന്ന് അറിയാമല്ലോ. വിൽപ്പന കണക്കുകളിൽ ഫോക്‌സിയുടെ സ്വീകാര്യത പ്രതിഫലിക്കുന്നില്ലെങ്കിലും ഇന്ത്യക്കാർക്ക് എത്രത്തോളം പ്രിയപ്പെട്ടതാണെന്ന കാര്യത്തിൽ സംശയമൊന്നും വേണ്ട. അല്ലെങ്കിൽ അടുത്തിടെ വിപണിയിലെത്തിയ ഗോൾഫ് ജിടിഐ എത്രവേഗത്തിലാണ് വിറ്റഴിഞ്ഞതെന്ന് നോക്കിയാൽ മതി. ഒന്നാന്തരം നിർമാണ നിലവാരവും പെർഫോമൻസും കോർത്തിണക്കിയെത്തുന്ന ഫോക്‌സ്‌വാഗൺ വണ്ടികൾ നിരത്തുകൾക്ക് ഒരു വിസ്‌മയം തന്നെയാണ്. നിലവിൽ ടൈഗൂണും വെർട്ടിസുമാണ് കമ്പനിയുടെ എൻട്രി ലെവൽ മോഡുകളായി പ്രവർത്തിക്കുന്നത്.

1990-കളില്‍ ബോളിവുഡ് അടക്കിഭരിച്ച നായികയായിരുന്നു കരിഷ്മ കപൂര്‍. ആമിര്‍ ഖാന്റെ കൂടെ തകര്‍ത്ത് അഭിനയിച്ച 'രാജാ ഹിന്ദുസ്ഥാനി' എന്ന സിനിമ മാത്രം മതി കരിഷ്മയെ നയന്റീസ് കിഡ്‌സിന് ഓര്‍ത്തെടുക്കാന്‍. കരിയറിന്റെ ഉന്നതിയില്‍ എത്തിനില്‍ക്കേ 2003 ല്‍ ബിസിനസുകാരനായ സഞ്ജയ് കപൂറിനെ വിവാഹം കഴിച്ച നടി പിന്നീട് ചുരുക്കം സിനിമകളില്‍ മാത്രമാണ് അഭിനയിച്ചത്. ഇന്ത്യയിലെ ഏറ്റവും വലിയ താര കുടുംബത്തില്‍ ഒന്നായ കപൂര്‍ കുടുംബത്തിലെ ആദ്യ നായികയാണ് കരിഷ്മ കപൂര്‍. കരിയറിന്റെ പീക്കില്‍ വര്‍ഷത്തില്‍ പത്തോളം സിനിമകളില്‍ വരെ അഭിനയിച്ച കരിഷ്മ 2013 മുതല്‍ ഇതുവരെ മൂന്ന് സിനിമകളില്‍ മാത്രമാണ് അഭിനയിച്ചത്.

മാരുതി കഴിഞ്ഞാൽ ഇന്ത്യക്കാരുടെ പ്രിയപ്പെട്ട വാഹന നിർമാതാക്കളായി മാറിയവരായിരുന്നു ടാറ്റ മോട്ടോർസ് (Tata Motors). ടായാഗോയും നെക്സോണും പഞ്ചുമെല്ലാം ചൂടപ്പം പോലെ വിറ്റഴിഞ്ഞിരുന്ന കാലത്ത് ഹ്യുണ്ടായി വരെ പത്തിമടക്കിയിട്ടുണ്ട്. സേഫ്റ്റിയും മോഡേൺ ഫീച്ചറുകളും കുത്തിനിറച്ചെത്തിയ ടാറ്റ കാറുകൾ നിരത്തുകൾക്കും ഒരു വിസ്‌മയമായിരുന്നു. എന്നാൽ കഴിഞ്ഞ കുറച്ച് നാളുകളായി ജനപ്രിയ വാഹന നിർമാതാക്കളായ ടാറ്റ മോട്ടോർസിന്റെ പ്രതാപം ചെറുതായൊന്ന് മങ്ങിനിൽക്കുകയാണ്. പിന്നിൽ നിന്ന മഹീന്ദ്ര വരെ വിൽപ്പനയുടെ കാര്യത്തിൽ ഓവർടേക്ക് ചെയ്‌ത് പോയപ്പോൾ സങ്കടത്തോടെ നോക്കി നിൽക്കാൻ മാത്രമേ കമ്പനിക്കായുള്ളൂ.