വായു മലിനീകരണം എങ്ങനെയും കുറയ്ക്കുന്നതിന്റെ ഭാ​ഗമായി നാളെ മുതൽ രാജ്യതലസ്ഥാനത്ത് പഴയ വാഹനങ്ങൾക്ക് കർശന നിയന്ത്രണം ഏർപ്പെടുത്താൻ തീരുമാനിച്ചിരിക്കുകയാണ് ഡൽഹി സർക്കാർ. കാലപ്പഴക്കം ചെന്ന പെട്രോൾ, ഡീസൽ കാറുകൾക്ക് ജൂലൈ ഒന്ന് മുതൽ പിടിവീഴും. ഈയൊരു വാർത്ത കേട്ടാൽ ഡൽഹി നിവാസികൾക്ക് വലിയൊരു നിരാശാജനകമായ വാർത്തയാവുമെങ്കിലും കേരളത്തിലുള്ളവർക്ക് ഇക്കാര്യം സന്തോഷം പകർന്നേക്കും. അവിടുന്ന് ഇങ്ങോട്ട് ധാരാളം യൂസ്‌ഡ് കാറുകൾ ചുളുവിലയ്ക്ക് ഇറങ്ങുന്നുണ്ടെന്നത് തന്നെയാണ് കാരണം. ചൊവ്വാഴ്ച്ച മുതൽ ദേശീയ തലസ്ഥാനത്ത് എൻഡ്-ഓഫ്-ലൈഫ് (EOL) വാഹനങ്ങൾ പിടിച്ചെടുക്കാൻ തീരുമാനമായതിന്റെ കൂടുതൽ വിശദാംശങ്ങളിലേക്ക് കടന്നാലോ.

ഓഗസ്റ്റ് മുതല്‍ നവംബര്‍ വരെയാണ് ഇന്തയില്‍ ഉത്സവ സീസണ്‍. ഓട്ടോമൊബൈല്‍ ഇന്‍ഡ്സട്രിക്ക് അടക്കം ചാകരക്കാലമായാണ് ഈ കാലയളവ് കണക്കാക്കപ്പെടുന്നത്. ഉത്സവ കാലത്ത് ഇന്ത്യക്കാര്‍ കാര്‍ വാങ്ങാന്‍ നല്ല സമയമായി കണക്കാക്കുന്നതിനാല്‍ ഒട്ടുമിക്ക കമ്പനികളും ഈ കാലയളവില്‍ പുത്തന്‍ കാറുകള്‍ വിപണിയില്‍ എത്തിക്കുന്നു. ചില കമ്പനികള്‍ അതിന് മുമ്പേ തന്നെ പോര്‍ട്ഫോളിയോ സെറ്റാക്കി നിര്‍ത്തും. അതിന്റെ ഭാഗമായി 2025 ജൂലൈ മാസത്തില്‍ ഇന്ത്യയില്‍ ചില കിടിലന്‍ കാറുകള്‍ പുറത്തിറങ്ങാന്‍ പോകുകയാണ്. മാസ്മാര്‍ക്കറ്റ്, ലക്ഷ്വറി കാര്‍ വിഭാഗങ്ങളിലെ ഉപഭോക്താക്കളെ ഒരുപോലെ തൃപ്തിപ്പെടുത്തുന്ന തരത്തില്‍ പുതിയ വാഹനങ്ങള്‍ വരുന്നുണ്ട്. അവ ഏതൊക്കെയാണെന്ന് ഈ ലേഖനത്തില്‍ വായിക്കാം.

ഇരുചക്ര വാഹനമോടിക്കുന്നവർ മാത്രമല്ല യാത്രകാർക്കും ഹെൽമറ്റ് ഇപ്പോൾ നിർബന്ധമാണെന്ന് അറിയാമല്ലോ, പലപ്പോഴും അപകടസമയത്ത് പിന്നിൽ ഇരിക്കുന്നവരാണ് മരണപ്പെടുന്നത്,ഇത് ഒഴിവാക്കുന്നതിന് വേണ്ടിയാണ് രണ്ട് പേർക്കും സർക്കാർ ഹെൽമറ്റ് നിർബന്ധമാക്കിയിരിക്കുന്നത്. എന്നാൽ എഐ ക്യാമറയും പൊലീസിനെയും പറ്റിക്കാൻ ഗുണനിലവാരം കുറഞ്ഞ ഹെൽമറ്റ് വയ്ക്കുന്ന സ്വഭാവമുണ്ട് പലർക്കും, അങ്ങനെയുളളവർ ഒരു ആലോചിക്കുന്നത് നല്ലതായിരിക്കും. നിങ്ങൾക്ക് പൊലീസിനെ പറ്റിക്കാമായിരിക്കും പക്ഷേ അപകടത്തിൽപ്പെടുമ്പോൾ നിങ്ങളുടെ ജീവൻ നഷ്ടപ്പെടാൻ ഇത് മതി. അത് കൊണ്ട് നിങ്ങൾ ഇരുചക്രവാഹനമുപയോഗിക്കുന്നവരാണെങ്കിൽ തീർച്ചയായും ഗുണമേൻമയുളള ഹെൽമറ്റുകൾ ധരിക്കുക. സ്റ്റീൽബേർഡ് തങ്ങളുടെ പുതിയ ടൊർണാഡോ എന്ന ഹെൽമറ്റുകൾ അവതരിപ്പിച്ചിരിക്കുകയാണ്.

ഇറ്റാലിയൻ സൂപ്പർബൈക്ക് നിർമാതാക്കളായ അപ്രീലിയ രാജ്യത്ത് എത്തിയതിന് ശേഷം ചെറുപ്പകാരുടെ ബക്കറ്റ് ലിസ്റ്റിൽ കയറി കൂടാൻ ആധിക കാലം വേണ്ടി വന്നില്ല. ഡ്യുക്കാട്ടിയും കവസാക്കിയും ഹോണ്ടയും ട്രയംഫുമെല്ലാം സുഖമായി വാഴുന്ന ഇന്ത്യൻ വിപണിയിൽ തങ്ങളുടെ കാലുറയ്പ്പിക്കുക എന്നത് ബ്രാൻഡിന് അത്ര എളുപ്പമായിരുന്നില്ല. അതിന് അവർ കണ്ടുപിടിച്ച ഒരു വിദ്യയാണ് ചെറുപ്പക്കാരുടെ പ്രിയപ്പെട്ട താരത്തിനെ ബ്രാൻഡ് അംബാസഡറാക്കുക എന്നത്. ജോൺ എബ്രഹാം ബ്രാൻഡ് അംബാസഡറായതിന് ശേഷം യുവാക്കളുടെ ശ്രദ്ധ ബ്രാൻഡിലേക്ക് തിരിയുമെന്നായിരുന്നു കണക്കുകൂട്ടൽ. ഇപ്പോഴിതാ പുതിയ പരസ്യ വീഡിയോ അവതരിപ്പിച്ചിരിക്കുകയാണ്. ടുവോണോ 457 എന്ന ബൈക്കിൻ്റെ വീഡിയോ ആണ് പുറത്ത് വിട്ടിരിക്കുന്നത്.

ആഗോള തലത്തില്‍ ഇലക്ട്രിക് വാഹനങ്ങള്‍ക്കുള്ള ഡിമാന്‍ഡ് കുറയുന്ന സാഹചര്യത്തില്‍ പല ബ്രാന്‍ഡുകളും ഐസിഇ വാഹനങ്ങളില്‍ തന്നെ തുടരാനോ അല്ലെങ്കില്‍ ഹൈബ്രിഡുകളിലേക്ക് ശ്രദ്ധകേന്ദ്രീകരിക്കാനോ തുടങ്ങിയിട്ടുണ്ട്. ഇന്ത്യയിലും നിലവില്‍ ഹൈബ്രിഡ് കാറുകള്‍ക്ക് മികച്ച ഡിമാന്‍ഡാണ്. ഇവികള്‍ക്ക് അനുകൂലമായ എക്കോസിസ്റ്റം സ്ഥാപിതമാകുന്നത് വരെ ഹൈബ്രിഡ് കാറുകള്‍ വിലസുമെന്ന കാര്യത്തില്‍ സംശയമൊന്നുമില്ല. പരമ്പരാഗത ഇന്ധനങ്ങളില്‍ പ്രവര്‍ത്തിക്കുന്ന കാറുകളെ അപേക്ഷിച്ച് നൂതന സാങ്കേതികവിദ്യകളുടെ സഹായത്തോടെ കണ്ണഞ്ചിപ്പിക്കുന്ന മൈലേജ് വാഗ്ദാനം ചെയ്താണ് ഹൈബ്രിഡുകള്‍ ഉപഭോക്താക്കളെ കൈയ്യിലെടുക്കുന്നത്. അതിന്റെ കൂടെ പരിസ്ഥിതി അവബോധമുള്ള കസ്റ്റമേഴ്സും ഇവയില്‍ ആകൃഷ്ടരാകുന്നു.

മാരുതി സുസുക്കിയോട് ഇന്ത്യക്കാർ ചോദിച്ച് അവതരിപ്പിച്ച വാഹനമായിരുന്നു ജിംനി. ഐതിഹാസികനായ ജിപ്‌സിയുടെ പിൻഗാമിയായി എത്തിയ 5-ഡോർ മോഡൽ ഓഫ്-റോഡ് എസ്‌യുവി സെഗ്മെന്റിലെ തന്നെ ഏറ്റവും പ്രായോഗികമായ മോഡലായിട്ടാണ് രാജ്യത്തേക്ക് കടന്നുവന്നത്. എന്നാൽ വലിപ്പത്തിന് ഇണങ്ങാത്ത വിലയിട്ടത് ആളുകൾക്ക് അങ്ങ് കാര്യമായി ബോധിച്ചില്ലെന്ന് വേണം പറയാൻ. അങ്ങനെ മാരുതിയുടെ സ്വപ്‌നങ്ങൾക്ക് എതിരായി ജിംനിയുടെ വിൽപ്പന കൂപ്പുകുത്തി വീഴുകയും ചെയ്‌തു. കൂടെ ഥാർ റോക്‌സ് കളത്തിലെത്തിയതും ജിംനിക്ക് ക്ഷീണമായെന്ന് പറയുന്നതാവും ശരി. ഇന്ത്യക്കാർക്ക് വേണ്ടെങ്കിലും വിദേശ രാജ്യങ്ങളിൽ വാഹനത്തിന് കൾട്ട് സ്റ്റാറ്റസാണുള്ളത്.

എല്ലാ വസ്തുവിനുമെന്ന പോലെ കാറുകള്‍ക്കും ആയുസുണ്ട്. അത്യാവശ്യം പഴക്കം ചെന്ന് കഴിഞ്ഞാല്‍ പിന്നെ പല കാര്‍ ഉടമകളും അവ വിറ്റ് ഒഴിവാക്കുകയാണ് ചെയ്യാറുള്ളത്. എന്നാല്‍ പഴയ കാറുകള്‍ വില്‍ക്കുന്നതിലൂടെ ലഭിക്കുന്ന പണത്തേക്കാള്‍ കൂടുതല്‍ ആനുകൂല്യങ്ങള്‍ വാഹനങ്ങള്‍ പൊളിക്കാന്‍ കൊടുത്താല്‍ ലഭിക്കുമെന്ന കാര്യം നമ്മള്‍ എത്ര പേര്‍ക്ക് അറിയാം. അതെ നമ്മുടെ രാജ്യത്ത് പഴക്കം ചെന്ന വാഹനങ്ങള്‍ പൊളിക്കുന്നതിനായി സര്‍ക്കാര്‍ ഒരു നയം കൊണ്ട് വന്നിട്ടുണ്ട്. ഒരു പുതിയ കാര്‍ വാങ്ങുമ്പോള്‍ സ്‌ക്രാപ്പേജ് പോളിസി ഉപയോഗപ്പെടുത്തി എങ്ങിനെ പരമാവധി ആനുകൂല്യം നേടാമെന്നതാണ് നമ്മള്‍ ഈ ലേഖനത്തില്‍ പരിശോധിക്കുന്നത്.

ഫോക്സ്‌വാഗൺ തിരികൊളുത്തിയ ഗോൾഫ് GTI ആഘോഷങ്ങൾ ഇതുവരെ കെട്ടടങ്ങിയിട്ടില്ല. ഓരോ ദിവസവും പല പല സെലിബ്രിറ്റികളാണ് വാഹനം സ്വന്തമാക്കി കൊണ്ടിരിക്കുന്നത്. ഇപ്പോഴിതാ സോഷ്യൽ മീഡിയയിൽ വണ്ടിപ്രാന്തൻമാരുടെ കണ്ണിലുണ്ണിയായ ഒക്ടേൻ ഗേൾ എന്ന മിയ ജോസഫ് ചിറക്കേക്കാരനും തൻ്റെ സ്വപ്നവാഹനം സ്വന്തമാക്കിയിരിക്കുകയാണ്. OCTANE GIRL എന്ന പ്രൊഫൈൽ ഫോളോ ചെയ്യാത്ത ഒരു വണ്ടിപ്രാന്തനും കേരളത്തിൽ കാണുമോ എന്ന് തന്നെ സംശയമാണ്. ഏതൊരു ചെറുപ്പക്കാരനും ആഗ്രഹിക്കുന്ന വാഹനങ്ങളാണ് ഇ സുന്ദരി കൈകാര്യം ചെയ്യുന്നത്. തലക്കെട്ടിൽ പറഞ്ഞിരിക്കുന്നത് പോലെ മിയയുടെ പിതാവും ചില്ലറക്കാരനല്ല കേട്ടോ.

ലംബോർഗിനിയും മക്ലാരനും മെയ്ബാക്കുമെല്ലാം വാങ്ങുന്ന ശതകോടീശ്വരൻമാരുടെ വാർത്തകളെല്ലാം നാം അടിക്കടി സോഷ്യൽ മീഡിയയിൽ കാണാറുള്ളതാണല്ലോ. സിനിമാ താരങ്ങൾ അല്ലെങ്കിൽ വലിയ വ്യവസായി പ്രമുഖരാവും ഇത്തരത്തിൽ കോടികൾ മുടക്കി വണ്ടികൾ വാങ്ങാറുള്ളത്. ആഡംബര കാറുകൾ വാങ്ങുക എന്നത് പണക്കാർക്ക് പറഞ്ഞിട്ടുള്ള പണിയാണ് സത്യത്തിൽ. വാങ്ങാൻ എങ്ങനെയും പണം കണ്ടെത്തിയാലും അതിനെ മേച്ചോണ്ട് നടക്കാൻ ചില്ലറ കാശ് ഒന്നും പോര. ഇന്ധനം നിറയ്ക്കാനാണെങ്കിലും മെയിന്റനെൻസിനായാലും കാറിന് മുടക്കുന്ന പണത്തോളം കണ്ടെത്തേണ്ടതായുണ്ടെന്നതാണ് സത്യം. അതിനാൽ ലോട്ടറിയടിച്ചാൽ ഒന്ന് വാങ്ങിച്ചുകളയാമെന്ന മോഹമൊന്നും നമ്മളെ പോലുള്ള സാധാരണക്കാർക്ക് പാടില്ല.

മഴക്കാലത്ത് നമ്മുടെ വാഹനങ്ങള്‍ക്ക് എക്സ്ട്രാ കെയര്‍ കൊടുക്കുന്നവരാണ് നമ്മള്‍. അടുത്ത കാലത്തായി നമ്മുടെ നാട്ടില്‍ ഇലക്ട്രിക് ഇരുചക്ര വാഹനങ്ങളുടെ എണ്ണം കൂടിയിട്ടുണ്ട്. പെട്രോള്‍ ടൂവീലറുകള്‍ പോലെ മണ്‍സൂണ്‍ കാലത്ത് ഇലക്ട്രിക് ടൂവീലറുകള്‍ക്കും പ്രത്യേക ശ്രദ്ധയും പരിചരണവും ആവശ്യമാണ്. വെള്ളക്കെട്ടിലൂടെയും മറ്റും ഇവികള്‍ സുഖസുന്ദരമായി പോകുന്നത് കണ്ട് മഴ ഞങ്ങളെ ഏശില്ലെന്ന് ഏതെങ്കിലും ഇവി ഉടമ കരുതിയാല്‍ അവര്‍ക്ക് തെറ്റി. മഴയും അന്തരീക്ഷത്തിലെ ഈര്‍പ്പവും വാഹനത്തിന്റെ ഇലക്ട്രിക് ഭാഗങ്ങള്‍ക്ക് കേടുപാടുകള്‍ വരുത്താന്‍ സാധ്യതയുണ്ട്. മഴക്കാലത്ത് ഇലക്ട്രിക് ഇരുചക്രവാഹനങ്ങള്‍ സുരക്ഷിതമായി ഉപയോഗിക്കാനായി ചില ടിപ്പുകള്‍ പറഞ്ഞുതരാം.

ഇന്ത്യയിൽ പണ്ടത്തെ പ്രതാപമെല്ലാം നഷ്‌ടപ്പെട്ട് ദുരതത്തിലായിരുന്നവരാണ് ഓസ്ട്രിയൻ ഇരുചക്ര വാഹന നിർമാതാക്കളായ കെടിഎം (KTM). ഡ്യൂക്ക് (Duke) സീരീസിലൂടെ പടുത്തുയർത്തിയ സാമ്രാജ്യം പതിയെ പതിയ കെടിഎമ്മിന് നഷ്‌ടപ്പെടുകയായിരുന്നു. കാലൻ ബൈക്കെന്ന പേരുകൂടി വീണുവെങ്കിലും യൂത്തൻമാർക്ക് ഇതൊന്നും വിഷയമയല്ലായിരുന്നു. എന്നാൽ ആധുനിക ബൈക്കുകളുടെ വരവ് വർധിച്ചതോടെ ബ്രാൻഡിന് കച്ചോടം ചെറുതായൊന്ന് ഇടിഞ്ഞു. പക്ഷേ ഇപ്പോഴിതാ പുതുതലമുറ മോഡലുകളിലൂടെ പഴയ ഫോമിലേക്ക് തിരിച്ചെത്തിയിരിക്കുകയാണ് കെടിഎം. അടുത്തിടെ അവതരിപ്പിച്ച അഡ്വഞ്ചർ (Adventure Bike) മോഡലുകൾ ഹിറ്റടിച്ചതോടെ ഷോറൂമുകളിൽ വീണ്ടും ആളുകൾ തിങ്ങിനിറയാൻ തുടങ്ങിയിട്ടുണ്ട്.

ലോകം കണ്ട ഏറ്റവും വലിയ വാഹനപ്രേമിയും അത് പോലെ തന്നെ മനുഷ്യസ്നേഹിയുമായിരുന്ന രത്തൻ ടാറ്റയുടെ വിയോഗം എല്ലാ ഇന്ത്യക്കാർക്കും ഒരു നോവ് തന്നെയാണ്. ലാഭത്തിന് വേണ്ടിയല്ല, പകരം സേവനത്തിന് മുൻതൂക്കം നൽകിയാണ് അദ്ദേഹം എന്നും പ്രവർത്തിച്ചത്. അദ്ദേഹത്തിൻ്റെ വിയോഗത്തിന് ശേഷവും ടാറ്റ മോട്ടോർസ് അങ്ങനെ തന്നെയാണ് നിലകൊള്ളുന്നത്. ജനങ്ങൾക്ക് വേണ്ടി ഏതറ്റവും വരെ പോകും. സാധാരണക്കാരനെ ഒപ്പം ചേർത്ത് നിർത്തുന്ന ബ്രാൻഡ് ഇപ്പോൾ പുതിയ ഒരു പ്രഖ്യാപനം നടത്തിയിരിക്കുകയാണ്. ഇന്ത്യൻ വാഹന വിപണിയിൽ ഇവികളെ പോലെ തന്നെ ആരാധകരുണ്ട് ഹൈബ്രിഡ് എഞ്ചിനുകൾക്ക്.

രാജ്യത്ത് പെട്രോള്‍, ഡീസല്‍ വില ഇപ്പോഴും ഉയര്‍ന്ന് നില്‍ക്കുന്നതിനാല്‍ പലരും ബദല്‍ ഇന്ധനങ്ങളിലേക്ക് തിരിഞ്ഞിട്ടുണ്ട്. അവരില്‍ പലരും ഐസിഇ (Internal Combustion Engine) വാഹനങ്ങളില്‍ നിന്ന് ഇലക്ട്രിക് കാറുകളിലേക്ക് മാറുമ്പോള്‍, മറ്റു ചിലര്‍ അവരുടെ നിലവിലുള്ള കാറുകളില്‍ ആഫ്റ്റര്‍ മാര്‍ക്കറ്റ് സിഎന്‍ജി (CNG) കിറ്റുകള്‍ ഘടിപ്പിക്കുകയോ അല്ലെങ്കില്‍ ഫാക്ടറി ഫിറ്റഡ് സിഎന്‍ജി കിറ്റുകളുമായി വരുന്ന വാഹനങ്ങള്‍ വാങ്ങുകയോ ചെയ്യുന്നു. ഉയര്‍ന്ന ഇന്ധനക്ഷമതയുള്ള ഈ വാഹനങ്ങള്‍ ഫോസില്‍ ഫ്യുവലുകളെ അപേക്ഷിച്ച് കുറച്ച് മലിനീകരണത്തിന് മാത്രം കാരണമാകുന്നതിനാല്‍ സര്‍ക്കാറും ഇവ പ്രോത്സാഹിപ്പിക്കുന്നുണ്ട്.

മലയാളി സിനിമയിലെ നടനും അത് പോലെ തന്നെ തിരക്കേറിയ നിർമാതാവ് കൂടിയാണ് ഫ്രൈഡേ ഫിലിംസിൻ്റെ ഉടമയായ വിജയ് ബാബു. ആട് എന്ന ചിത്രത്തിലൂടെ മലയാളി പ്രേക്ഷകരുടെ മനസിൽ സ്ഥാനം പിടിച്ച ആളാണ് സർബത്ത് ഷമീർ. ആട് 3 ആണ് വരാനിരിക്കുന്ന പടം. പടക്കളം എന്ന ചിത്രം നിർമിക്കുകയും അഭിനയിക്കുകയും ചെയ്തിരുന്നു. 7 കോടി രൂപയ്ക്ക് നിർമിച്ച പടക്കളം എന്ന ചിത്രം 18 കോടി രൂപയോളം കളക്ഷൻ നേടുകയും ചെയ്തു. പുത്തൻ പടം ഹിറ്റായത് കൊണ്ട് തന്നെ വിജയ് ബാബു തൻ്റെ യാത്രകൾക്ക് കൂട്ടായി ടൊയോട്ടയുടെ പ്രീമിയം എംപിവി സ്വന്തമാക്കിയിരിക്കുകയാണ്.

പണ്ടത്തെ പോലെ വലിയ ബഹളങ്ങളൊന്നുമില്ലെങ്കിലും രാജ്യത്ത് പിടിച്ചുനിൽക്കാനുള്ള കാശ് ഹോണ്ട (Honda) ഇന്ത്യയിൽ നിന്നുമുണ്ടാക്കുന്നുണ്ട്. വലിയ തോതിൽ ലാഭമുണ്ടാക്കാൻ ആവില്ലെന്നത് സത്യമാണെങ്കിലും തോറ്റ് പിൻമാറാനും കമ്പനി തയാറല്ലെന്ന് വേണം പറയാൻ. എലിവേറ്റ് എസ്‌യുവിയും പുതുതലമുറ അമേസുമെല്ലാം വന്നതോടെ ഇക്കാര്യത്തിന് ഉറപ്പുമായി. അങ്ങനെ പേടിച്ചോടാൻ തയാറാല്ലാത്ത ജാപ്പനീസ് ബ്രാൻഡ് ഇക്കഴിഞ്ഞ ദിവസം ജനപ്രിയനായ ഹോണ്ട സിറ്റിയുടെ സ്പോർട് എഡിഷനും വിപണിയിൽ അവതരിപ്പിച്ചിരുന്നു. നിലവിൽ അൽപം മന്ദഗതിയിലുള്ള വിൽപ്പനയുടെ വേഗം വർധിപ്പിക്കാൻ പുതിയ സ്പെഷ്യൽ പതിപ്പിന്റെ വരവ് സഹായകരമായേക്കുമെന്നാണ് വിലയിരുത്തൽ.

ഇന്ന് ഒടിടി പ്ലാറ്റ്ഫോമുകളും വൈഡ് തീയറ്റര്‍ റിലീസുകളും ഉള്ളതിനാല്‍ മലയാളികള്‍ക്ക് മറ്റ് ഇന്ത്യന്‍ ഭാഷകളിലെ ചിത്രങ്ങള്‍ അല്ലാതെ വിദേശ സിനിമകളടക്കം എളുപ്പത്തില്‍ കാണാന്‍ സാധിക്കും. എന്നാല്‍ കുറച്ച് വര്‍ഷങ്ങള്‍ക്ക് മുമ്പ് മലയാള സിനിമകള്‍ കൂടാതെ കേരളീയര്‍ കാണുന്നത് ഹിന്ദി, തമിഴ്, ഇംഗ്ലീഷ് സിനിമകള്‍ മാത്രമായിരുന്നു. അതില്‍ തന്നെ ഹിന്ദി സിനിമകള്‍ കൂടുതലായി ദൂരദര്‍ശനിലും മറ്റും സംപ്രേഷണം ചെയ്യുന്നതിനാല്‍ ബോളിവുഡ് താരങ്ങളെ മലയാളികള്‍ക്കും സുപരിചിതമായിരുന്നു. ആദ്യകാലത്ത് ബോളിവുഡിനെ ഇളക്കിമറിച്ച ഒരു സുന്ദരിയായിരുന്നു രേഖ. ഇന്ന് മലയാളി നടിമാര്‍ കോളിവുഡിലും ടോളിവുഡിലും താരങ്ങളാകുന്ന കണക്കേയായിരുന്നു പത്ത് നാല്‍പത് വര്‍ഷം മുമ്പ് തമിഴ്നാട്ടില്‍ നിന്നുള്ള സുന്ദരികള്‍ ബോളിവുഡില്‍ താരസിംഹാസനം അലങ്കരിച്ചിരുന്നത്.

കൊച്ചുകുട്ടികൾക്ക് പോലും അറിയാവുന്ന പേരാണ് ബെൻസിന്റേത്. അടുത്തിടെ മോഹൻലാൽ അഭിനയിച്ച തുടരും എന്ന ബ്ലോക്ക്ബസ്റ്റർ ചിത്രത്തിൽ ലാലേട്ടനെ എല്ലാവരും സ്നേഹത്തോടെ വിളിക്കുന്ന പേരാണ് ബെൻസ് എന്നത്. ഒരു വണ്ടിഭ്രാന്തന് ഇതിലും നല്ലൊരു പേര് കിട്ടാനേയില്ല. നിലവിൽ ഇന്ത്യയിലെ ഏറ്റവും വലിയ ആഡംബര കാർ നിർമാതാക്കളാണ് മെർസിഡീസ് ബെൻസ്. വൈവിധ്യമാർന്ന മോഡലുകളാൽ സമ്പന്നമായ ബ്രാൻഡ് നിര ആരേയും മോഹിപ്പിക്കുന്ന ഒന്നുകൂടിയാണ്. ശരിക്കും പറഞ്ഞാൽ ഇന്ത്യയിലെ ഏറ്റവും വലിയ കാർ വിൽപ്പനക്കാരനും നിർമാതാവുമായ മാരുതി സുസുക്കിയേക്കാൾ കൂടുതൽ മോഡലുകൾ ബെൻസിനുണ്ടെന്നതാണ് വാസ്‌തവം.

സാധാരണ ബ്രാൻഡാണെങ്കിലും ആഡംബര ബ്രാൻഡാണെങ്കിലും കൃത്യസമയത്ത് പരിപാലിച്ചില്ലെങ്കിൽ വാഹനം പണിമുടക്കുമെന്ന കാര്യത്തിൽ ഒരു സംശയവും വേണ്ട. എല്ലാ ഡീലർഷിപ്പുകളും മൺസൂൺ കാലമായത് കൊണ്ട് തന്നെ നിരവധി ക്യാമ്പയിനുകൾ സംഘടിപ്പിക്കുന്നുണ്ട്. ആ കൂട്ടത്തിൽ ആഡംബര വാഹന നിർമാതാക്കളായ പോർഷയും ചേരുകയാണ്. നിങ്ങളുടെ പോർഷ കാറിന് ഈ മഴക്കാലത്ത് മികച്ച പരിപാലനം നൽകുക എന്ന ഉദ്ദേശത്തോടെ ജൂലൈ 16 മുതൽ സെപ്റ്റംബർ 30 വരെ മൺസൂൺകാല ക്യാമ്പയിൻ ആരംഭിക്കുകയാണ്. അതിലുപരി വാഹനം വളരെ സൂക്ഷമതയോടെ പരിശോധിക്കുകയും ചെയ്യും. അംഗീകൃത പോർഷെ സെന്ററുകളിലെ സർട്ടിഫൈഡ് ഇൻ-ഹൗസ് ടെക്നീഷ്യൻമാരായിരിക്കും വാഹനത്തിൻ്റെ എല്ലാ പരിശോധനകളും നടത്തുന്നത്.

ഇന്ത്യയില്‍ ഏറ്റവും കൂടുതല്‍ നികുതി ഈടാക്കുന്ന ഉല്‍പ്പന്നങ്ങളില്‍ ഒന്നാണ് കാര്‍. ഒരു കാര്‍ നിരത്തിലിറക്കുമ്പോള്‍ അതിന്റെ വലിപ്പത്തിനും തരത്തിനും അനുസരിച്ച് സര്‍ക്കാറിലേക്ക് നികുതി അടക്കേണ്ടതായുണ്ട്. വില കൂടിയ ലക്ഷ്വറി കാറുകള്‍ക്ക് ഉയര്‍ന്ന നികുതി ഈടാക്കുന്നു. ഏതാനും വര്‍ഷങ്ങള്‍ക്ക് മുമ്പ് ലക്ഷ്വറി കാറുകളുടെ നികുതി വെട്ടിക്കാനായി അന്യസംസ്ഥാനങ്ങളില്‍ രജിസ്റ്റര്‍ ചെയ്യുന്ന സംഭവം കേരളത്തില്‍ വലിയ കോളിക്കം സൃഷ്ടിച്ചിരുന്നു. ഇപ്പോള്‍ വിലകൂടിയ കാര്‍ വാങ്ങിയ ഒരാള്‍ നികുതി വെട്ടിക്കുന്നതിനായി വ്യാജരേഖ ചമച്ച സംഭവം പുറത്തുവന്നിരിക്കുകയാണ്. എങ്ങനെയാണ് ഇയാള്‍ നികുതി വെട്ടിപ്പ് നടത്തിയതെന്നും എത്ര രൂപ പോക്കറ്റിലായെന്നും എങ്ങിനെ പിടിക്കപ്പെട്ടുവെന്നതുമടക്കമുള്ള വിവരങ്ങള്‍ ചുവടെ വിശദമായി വായിക്കാം.

ഇലക്‌ട്രിക് സ്‌കൂട്ടർ വിപണിയിലെ സ്റ്റാർട്ടപ്പ് ബ്രാൻഡുകളുടെ ആധിപത്യം മറികടന്ന് മുൻപന്തിയിലേക്ക് എത്തിയിരിക്കുകയാണ് രാജ്യത്തെ പ്രമുഖ ഇരുചക്ര വാഹന നിർമാതാക്കളായ ബജാജ്, ടിവിഎസ്, ഹീറോ മോട്ടോകോർപ് എന്നിവ. നിലവിൽ ഹോണ്ടയും സെഗ്മെന്റിലുണ്ടെങ്കിലും ജാപ്പനീസ് ബ്രാൻഡിന്റെ പദ്ധതികളൊന്നും വേണ്ടവിധത്തിൽ ഏശിയില്ലെന്ന് വേണം പറയാൻ. ബാക്കി മൂന്നുപേരും തമ്മിലാണ് ഇപ്പോൾ മത്സരം നടക്കുന്നത്. ചേതക്കുമായി ബജാജും ഐക്യൂബുമായി ടിവിഎസും വിഡ സീരീസുമായി ഹീറോയും പണം നന്നായി വാരുന്നുണ്ട്. ഇവർ തമ്മിലുള്ള മത്സരം കൊഴുപ്പിക്കാനായി നമ്മുടെ ഹീറോ കുറഞ്ഞ വിലയുള്ള പുത്തനൊരു ഇവിയുമായി രംഗത്തിറങ്ങാൻ ഒരുങ്ങുകയാണ്.

ഇവികളുടെ രാജാവായി വാഴുന്ന ടാറ്റ കുടുംബത്തിലെ വല്യേട്ടൻ സ്ഥാനത്തേക്ക് എത്തിയ ഹാരിയർ ഇവി എല്ലാവരുടേയും മനസിൽ സ്ഥാനം പിടിച്ചിരിക്കുകയാണ്. മലകയറ്റത്തിൻ്റെ വീഡിയോ ഇറങ്ങിയതോടെ ഓഫ്റോഡ് പ്രാന്തൻമാരുടെ ഹൃദയത്തിലേക്ക് കൂടിയാണ് ഇവൻ കറണ്ടടിപ്പിച്ച് കയറി കൂടിയത്. ടാറ്റയുടെ ഓൾ വീൽ ഡ്രൈവ് സംവിധാനമായ QWD വേരിയൻ്റിൻ്റെ വില പുറത്ത് വിട്ടിരിക്കുകയാണ് ടാറ്റ. 28.99 ലക്ഷം രൂപ മുതലാണ് ഈ വേരയിൻ്റിൻ്റെ എക്സ്ഷോറൂം വില ആരംഭിക്കുന്നത്, ഓൺറോഡ് വില ഏകദേശം 32 ലക്ഷം രൂപയോളം വരുമെന്നാണ് കണക്കുകൾ. റിയർ വീൽ ഡ്രൈവ് മോഡലിന് 21 ലക്ഷം രൂപ മുതലാണ് എക്സ്ഷോറും വില ആരംഭിക്കുന്നത്.

അഞ്ച് വര്‍ഷത്തെ ഇടവേളയ്ക്ക് ശേഷം മെര്‍സിഡീസ് AMG-യുടെ മുന്‍നിര ഗ്രാന്‍ഡ് ടൂറര്‍ ഇന്ത്യന്‍ വിപണിയിലേക്ക് തിരിച്ചെത്തി. രണ്ടാം തലമുറ AMG GT-യുടെ വരവ് പെര്‍ഫോമന്‍സ് കാര്‍ പ്രേമികളെ സംബന്ധിച്ച് സന്തോഷം നല്‍കുന്ന കാര്യമാണ്. ആദ്യ തലമുറ മോഡല്‍ 2020-ല്‍ നിര്‍ത്തലാക്കിയതിനെ തുടര്‍ന്ന് രാജ്യം വിട്ട ഈ ഹൈ-പെര്‍ഫോമന്‍സ് കൂപ്പെ വീണ്ടും അവതരിപ്പിക്കുകയാണ് ലക്ഷ്വറി വാഹന നിര്‍മ്മാതാക്കളായ മെര്‍സിഡീസ്. മെര്‍സിഡീസ് AMG GT 63 (Mercedes AMG GT 63), GT 63 പ്രോ എന്നീ രണ്ട് വേരിയന്റുകളാണ് കമ്പനി പുറത്തിറക്കിയിരിക്കുന്നത്.

സൂഫി ഗായകരായ നൂറാൻ സഹോദരിമാരെ കുറിച്ച് കേൾക്കാത്ത സംഗീതപ്രേമികളുണ്ടാവില്ല അല്ലേ. ഇനി ഇവരുടെ പേര് കേട്ടിട്ട് മനസിലാകാത്തവരുണ്ടെങ്കിൽ യൂട്യൂബിൽ പോയി ഈ പേര് സെർച്ച് ചെയ്‌ത് നോക്കിയാൽ ഇവർ പാടിയപാട്ടുകളെല്ലാം എത്രത്തോളം തരംഗം സൃഷ്‌ടിച്ചിട്ടുണ്ടെന്ന് മനസിലാവും. ഹൈവേയിലെ പതക്ക ഗുഡിയെ തുടങ്ങിയ ഹിറ്റ് പാട്ടുകൾക്ക് പിന്നിലുള്ള ശബ്‌ദവും നൂറാൻ സിസ്റ്റേഴ്‌സിന്റേതാണ്. ഇവരിൽ ജ്യോതി നൂറാണ് ഏറ്റവും പ്രശസ്‌ത. നിലവിൽ ബോളിവുഡിലെ തന്നെ ഏറ്റവും വിലപിടിപ്പുള്ള പാട്ടുകാരികൂടിയാണ് കക്ഷി കേട്ടോ. ജീവിതം സംഗീതത്തിനായി ഉഴിഞ്ഞുവെച്ചിരിക്കുന്ന ജ്യോതി തന്റെ ഇനിയുള്ള യാത്രകൾക്ക് കൂട്ടായി പുതിയൊരു ആളെക്കൂടി ഒപ്പംകൂട്ടിയിരിക്കുകയാണ്.

ഇന്ത്യയിലെ മുന്‍നിര ടൂവീലര്‍ ബ്രാന്‍ഡ് ആയ ടിവിഎസ് മോട്ടോറിന്റെ ജനപ്രിയ മോട്ടോര്‍സൈക്കിള്‍ റേഞ്ചാണ് അപ്പാച്ചെ. അപ്പാച്ചെ സീരീസില്‍ വരുന്ന ബൈക്കുകള്‍ കമ്പനി ഇടക്കിടെ അപ്‌ഡേറ്റ് ചെയ്യാറുണ്ട്. ഇന്ന് ടിവിഎസ് മോട്ടോര്‍ കമ്പനി 2025 അപ്പാച്ചെ RTR 160 ഇന്ത്യയില്‍ അവതരിപ്പിച്ചു. 1,34,320 രൂപ എക്‌സ്‌ഷോറൂം വിലയില്‍ പുറത്തിറക്കിയ പുതിയതിന് പഴയ മോഡലിന്റെ ടോപ്പ്-എന്‍ഡ് റേസിംഗ് എഡിഷനേക്കാള്‍ ഏകദേശം 4,000 രൂപ കൂടുതല്‍ മുടക്കണം.160 സിസി പെര്‍ഫോമന്‍സ് ബൈക്കുകള്‍ക്കിടയില്‍ ശക്തമായ മത്സരം കാഴ്ചവെക്കാന്‍ ലക്ഷ്യമിടുന്ന പുത്തന്‍ ബൈക്കിനെ കുറിച്ച് വിശദമായി ചുവടെ വായിക്കാം.

ഹോണ്ടയുടെ ടൂവീലറിന് ലോകത്ത് ആരാധകർക്ക് ഒട്ടും തന്നെ കുറവില്ല, വിൽപ്പനയുടെ കാര്യത്തിലാണെങ്കിലും ഹോണ്ട എന്നും മുന്നിൽ തന്നെയാണ്. ഹോണ്ടയുടെ പ്രീമിയം ക്രൂയിസർ ബൈക്കായ റെബൽ 500 ഡെലിവറി ആരംഭിച്ചിരിക്കുകയാണ്. എന്നാൽ ഇത് കേട്ട് കാശുമായി നേരെ ഹോണ്ടയുടെ ബിഗ്‌വിംഗിലേക്ക് ഓടിയിട്ട് കാര്യമില്ല കേട്ടോ. സംഭവം എന്താണെന്ന് വച്ചാൽ ആദ്യം ഡെലിവറി ആരംഭിച്ചിരിക്കുന്നത് ഗുരുഗ്രാം, ഇൻഡോർ ഉൾപ്പെടെയുള്ള നഗരങ്ങളിലാണ് തങ്ങളുടെ റെബൽ 500 പ്രീമിയം ക്രൂയിസർ വിതരണം ആരംഭിച്ചിരിക്കുന്നത്. ബൈക്കിൻ്റെ വില ആരംഭിക്കുന്നത് 512 ലക്ഷം രൂപയിലാണ്. ഇന്ത്യയിലെ തങ്ങളുടെ പ്രീമിയം മോട്ടോർസൈക്കിൾ നിര വിപുലീകരിക്കുന്നതിന്റെ ഭാഗമായാണ് റെബൽ 500 അരങ്ങേറ്റം കുറിച്ചിരിക്കുന്നത്.