ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന ബ്രാന്‍ഡുകളിലൊന്നായ സീലിയോ ഇ മൊബിലിറ്റി (ZELIO E) അവരുടെ പുതിയ ലോ-സ്പീഡ് കാര്‍ഗോ ഇലക്ട്രിക് സ്‌കൂട്ടറായ ലോജിക്‌സിന്റെ (Logix) പരിഷ്‌കരിച്ച മോഡല്‍ 2025 ജൂലൈയില്‍ പുറത്തിറക്കാന്‍ ഒരുങ്ങുന്നു. ചെറിയ വ്യാപാരികള്‍, ഡെലിവറി ബോയ്‌സ്, ചെറുകിട ബിസിനസുകാര്‍ എന്നിവരെ ലക്ഷ്യമിട്ടുള്ള പുതിയ ലോജിക്‌സ് ഫെയ്‌സ്‌ലിഫ്റ്റ് മികച്ച പ്രകടനം, കൂടുതല്‍ റേഞ്ച് എന്നിവയിലൂടെ ഇന്ത്യയിലെ അര്‍ബന്‍, സെമി അര്‍ബന്‍ വിപണികളിലെ ലാസ്റ്റ് മൈല്‍ ഡെലിവറി സേവന വിഭാഗത്തിലെ മികച്ച ചോയ്‌സായി മാറുമെന്ന് കമ്പനി അവകാശപ്പെടുന്നു. പുതിയ ഇന്ത്യന്‍ ഇലക്ട്രിക് സ്‌കൂട്ടിറിനെ കുറിച്ച് ചുവടെ വിശദമായി വായിക്കാം.

റോഡുകളിൽ വർധിച്ചുവരുന്ന അപകടങ്ങളും നിയമലംഘനങ്ങളുമെല്ലാം കുറയ്ക്കാനായി കേന്ദ്ര, സംസ്ഥാന സർക്കാരുകൾ പുതിയ നടപടികൾ സ്വീകരിക്കുന്നത് പുതുമയുള്ള കാര്യമൊന്നുമല്ല. ഒന്ന് വണ്ടിയുമെടുത്ത് റോഡിലേക്ക് ഇറങ്ങിയാൽ ഗതാഗത നിയമലംഘനങ്ങൾ നിരവധി കാണാനുമാവും. പൊലീസ് പരിശോധനകളും എഐ ക്യാമറകളുടെ വരവും നിയമലംഘനങ്ങൾ ഒരു പരിധി വരെ കുറയ്ക്കാൻ സഹായിച്ചിട്ടുണ്ടെങ്കിലും എല്ലായിടത്തും പൊലീസിന്റെ കണ്ണ് എത്തണമെന്നില്ലല്ലോ. അതുമല്ല, സാധാരണ ജനങ്ങൾക്ക് ഇതെല്ലാം കണ്ടുനിൽക്കാം എന്നല്ലാതെ പ്രത്യേകിച്ച് ഒന്നും ചെയ്യാനും സാധിക്കില്ല. ഇനി അവരെ ചോദ്യം ചെയ്‌ത് സംഭവം വഷളാക്കാമെന്ന് അല്ലാതെ പ്രത്യേകിച്ച് ഗുണമൊന്നുമില്ല താനും.

ഇന്ത്യയിലെ നമ്പര്‍ 1 കാര്‍ ബ്രാന്‍ഡ് ആണ് മാരുതി സുസുക്കി(Maruti Suzuki). ഇന്തോ-ജാപ്പനീസ് വാഹന നിര്‍മാതാക്കള്‍ ഓരോ മാസവും ലക്ഷക്കണക്കിന് കാറുകളാണ് രാജ്യത്ത് വിറ്റഴിക്കുന്നത്. പതിനായിരക്കണക്കിന് കാറുകള്‍ ഇന്ത്യയില്‍ നിര്‍മിച്ച് വിദേശത്തേക്ക് കപ്പല്‍ കയറ്റി അയക്കുകയും ചെയ്യുന്നു. നിലവില്‍ പാസഞ്ചര്‍ ഇവി വിപണി ഒഴികെ ഒട്ടുമിക്ക സെഗ്‌മെന്റുകളിലും ആധിപത്യം പുലര്‍ത്തുന്നത് മാരുതിയാണ്. വണ്ടി വില്‍ക്കുക മാത്രമല്ല വില്‍പ്പനാനന്തര സേവനങ്ങളുടെ കാര്യത്തിലും കമ്പനി മികച്ച് നില്‍ക്കുന്നു. ഇന്ത്യക്കാര്‍ ഒരു കാര്‍ വാങ്ങുമ്പോള്‍ ആദ്യം മാരുതി സുസുക്കി പരിഗണിക്കാനുള്ള ഒരു കാരണം അവരുടെ വിപുലമായ സര്‍വീസ് നെറ്റ്‌വര്‍ക്കാണ്.

90-കളിൽ ഒരു പോപ്പ് സംഗീത ആൽബം പുറത്തിറങ്ങിയത് മാത്രമേ ഓർമ്മയുളളു, പിന്നീടങ്ങോട്ട് ചെറുപ്പക്കാരുടെ നാവിൻതുമ്പത്ത് തുളളിക്കളിച്ച ഗാനമായി മാറാൻ ഗാനത്തിന് അധികസമയം ഒന്നും വേണ്ടി വന്നില്ല.സ്റ്റേജ് പ്രകടനങ്ങളിലൂടെ താരമായ മാറിയ ദലേർ മെഹന്തി മെഹന്തിയുടെ ബോലോ താ രാ രാ എന്ന ആദ്യ ആൽബം ഇന്ത്യയിലെ ഏറ്റവും വലിയ ഹിറ്റുകളിലൊന്നായിരുന്നു. ആദ്യ ആൽബത്തിന്റെ 20 ലക്ഷം കോപ്പികളാണ് ലോകത്താകമാനം വിറ്റു പോയിരുന്നത്. ദലേർ മെഹന്തിയുടെ സഹോദരനാണ് പ്രശസ്ത റാപ്പറായ മിക്ക സിങ്ങ്. മകളായ അജിത് കൗർ മെഹന്തിയുടെ ഭർത്താവായ നവ്‌രാജ് ഹാൻസ് ഒരു ഗായകനും നടനും കൂടിയാണ്.

രാവണപ്രഭുവിൽ മോഹൻലാലിന്റെ ഇൻട്രോയിൽ പ്രത്യക്ഷപ്പെട്ട ഇടിവെട്ട് എസ്‌യുവിയെ വാഹനപ്രേമികൾ ഇന്നും മറന്നിട്ടുണ്ടാവില്ല. ടൊയോട്ടയുടെ ഐതിഹാസിക ഓഫ് റോഡർ ലാന്‍ഡ് ക്രൂയിസര്‍ പ്രാഡോയാണ് ലാലേട്ടനൊപ്പം മാസ് എൻട്രി കൊടുത്തത്. ഇന്ത്യയിലേക്ക് പ്രാഡോ മറ്റൊരു വരവിന് ഒരുങ്ങുകയാണെന്ന് അടുത്തിടെ അഭ്യൂഹങ്ങൾ പരന്നതോടെ വണ്ടിഭ്രാന്തൻമാരെല്ലാം ആവേശത്തിലാവുകയും ചെയ്‌തിരുന്നു. മിക്കവാറും ഈ വർഷം അവസാനത്തോടെ നമ്മുടെ വിപണിയിലേക്ക് എത്തുമെന്ന് കരുതപ്പെടുന്ന പ്രാഡോ ഇപ്പോഴിതാ മൈലേജ് വർധിപ്പിക്കുന്ന സൂത്രപ്പണിയുമായി രംഗത്തെത്തിയിരിക്കുകയാണ്. സംഭവം വേറെയൊന്നുമല്ല, അന്താരാഷ്ട്ര വിപണികളിൽ വിൽപ്പനയ്‌ക്കെത്തുന്ന ലാൻഡ് ക്രൂയിസർ പ്രാഡോയിൽ 48V മൈൽഡ്-ഹൈബ്രിഡ് സിസ്റ്റം ഉൾപ്പെടുത്തി അവതരിപ്പിച്ചിരിക്കുകയാണ് ടൊയോട്ട.

ലോകത്ത് പലതരത്തിലുള്ള ലോഹങ്ങള്‍ വിവിധ രംഗങ്ങളില്‍ ഉപയോഗിക്കുന്നുണ്ട്. കേട്ടുകേള്‍വിയില്ലാത്ത ലോഹങ്ങള്‍ പോലും പല വ്യവസായങ്ങള്‍ക്കും വളരെ പ്രധാനമാണ്. അടുത്ത കാലത്തായി ഓട്ടോമൊബൈല്‍ രംഗത്ത് വളരെയേറെ ചര്‍ച്ചയായിരുന്നു റെയര്‍ എര്‍ത്ത് മൂലകങ്ങള്‍ (Rare Earth Elements). അമേരിക്കയുടെ തീരുവ 'യുദ്ധ'ത്തിന് മറുപടിയായി ചൈന ഏഴ് റെയര്‍ എര്‍ത്ത് ലോഹങ്ങളുടെ കയറ്റുമതിക്ക് വിലക്കേര്‍പ്പെടുത്തിയതോടെയാണ് ഇവ വാര്‍ത്തകളില്‍ നിറയാന്‍ തുടങ്ങിയത്. ആധുനിക വ്യവസായങ്ങള്‍ക്ക് നിര്‍ണായകമായ സമേരിയം (Samarium), ഗാഡോലിനിയം (Gadolinium), ടെര്‍ബിയം (Terbium), ഡിസ്‌പ്രോസിയം (Dysprosium), ല്യൂട്ടീഷ്യം (Lutetium), സ്‌കാന്‍ഡിയം (Scandium), യിട്രിയം (Yttrium) എന്നീ ഏഴ് ലോഹങ്ങളുടെ കയറ്റുമതിക്കായിരുന്നു നിയന്ത്രണം.

ബോളിവുഡ് സിനിമകളും സീരീസുകളുമെല്ലാം സ്ഥിരമായി കാണുന്നവരാണ് മലയാളികൾ. അതിനാൽ തന്നെ അവിടുത്തെ ഒട്ടുമിക്ക താരങ്ങളേയും തിരിച്ചറിയാനും നമുക്ക് വേഗത്തിൽ സാധിക്കും. പ്രമുഖതാരങ്ങളെ മാത്രമല്ല കേട്ടോ, സൈഡ് റോളുകൾ വരെ ചെയ്യുന്ന ചെറിയ താരങ്ങളെപ്പോലും ശ്രദ്ധിക്കുന്നവരാണ് മലയാളീസ്. ഹിന്ദി സിനിമകൾ സ്ഥിരമായി കാണുന്നവർക്കെല്ലാം ഏറെ പരിചിതമുള്ള കപ്പിളായിരിക്കും കൃഷ്ണ അഭിഷേകും കാശ്മീര ഷായും. ഇനിയും മനസിലായില്ലെങ്കിൽ കപിൽ ശർമ ഷോയിൽ ഹാസ്യവേഷങ്ങൾ ചെയ്‌ത് ശ്രദ്ധേയനായ കക്ഷിയാണ് അഭിഷേക്. ഇവിടെ ഒരു എപ്പിസോഡിൽ പ്രത്യക്ഷപ്പെടുന്നതിന് 10 ലക്ഷം രൂപയോളം പ്രതിഫലം കൈപ്പറ്റുന്ന താരമാണ് ഇദ്ദേഹം.

എല്ലാ ദിവസവും വാഹനം സ്റ്റാർട്ട് ചെയ്ത് ഓടിച്ചു പോകുന്നതിന് മുൻപ് ചില കാര്യങ്ങൾ പരിശോധിക്കാൻ പലരും മറക്കും. അതിൽ പ്രധാനമാണ് വാഹനത്തിൻ്റെ ബ്രേക്ക്. വാഹനം സ്റ്റാർട്ട് ചെയ്യുന്നതിന് മുൻപ് ബോണറ്റ് ഉയർത്തി എഞ്ചിൻ ഓയിൽ, ബ്രേക്ക് ഫ്ല്യൂയിഡ്, കൂളൻ്റ് എന്നിവയെല്ലാം പരിശോധിക്കുന്നത് നല്ലതാണ്. മൺസൂൺ കാലമായത് കൊണ്ട് തന്നെ പലപ്പോഴും വാഹനത്തിൻ്റെ നിയന്ത്രണം വിടാൻ സാധ്യതയുണ്ട്. വാഹനത്തിന് മികച്ച ബ്രേക്ക് ഇല്ലെങ്കിൽ വലിയ അപകടത്തിൽ കലാശിച്ചേക്കാം. ഇനി നിങ്ങളുടെ വാഹനത്തിൻ്റെ ബ്രേക്ക് നഷ്ടപ്പെട്ടാൽ എന്തു ചെയ്യണമെന്ന് ചിലർക്കെങ്കിലും അറിയാമായിരിക്കും. എന്നാൽ ഓട്ടോമാറ്റിക്ക് ഗിയർ സംവിധാനമാണെങ്കിൽ എന്തു ചെയ്യും.

ലോകമെമ്പാടും ഇലക്ട്രിക് വാഹനങ്ങള്‍ക്ക് (Electric Vehicles) ഇന്ന് പ്രചാരം ഏറിക്കൊണ്ടിരിക്കുകയാണ്. പരിസ്ഥിതി സൗഹൃദമാണ് ഇലക്ട്രിക് വാഹനങ്ങള്‍ എന്നുള്ളതാണ് ഇതിന് പ്രധാന കാരണം. ഇത് കാരണം കൊണ്ടുതന്നെ പല രാജ്യങ്ങളും ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നു. ആഗോള തലത്തില്‍ ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിന് വേറൊരു കാരണം കൂടിയുണ്ട്. പെട്രോളിന്റെയും (Petrol) ഡീസലിന്റെയും (Diesel) പ്രധാന അസംസ്‌കൃത വസ്തുവായ ക്രൂഡ് ഓയില്‍ ഇറക്കുമതി കുറയ്ക്കാന്‍ ഇത് സഹായിക്കുന്നു. ഭാരത സര്‍ക്കാറും ബദല്‍ ഇന്ധനങ്ങള്‍ പ്രോത്സാഹിപ്പിക്കാനുള്ള പ്രധാന കാരണങ്ങളില്‍ ഒന്ന് ഇതാണ്.

ഏതുതരം ഇരുചക്ര വാഹനങ്ങളും വാങ്ങാൻ ആളുള്ള വിപണിയായി മാറിയിരിക്കുകയാണ് നമ്മുടെ ഇന്ത്യ. വില നോക്കാതെ തങ്ങളുടെ ഇഷ്‌ടപ്പെട്ട കാറുകളും ബൈക്കുകളും സ്‌കൂട്ടറുകളുമെല്ലാം വാങ്ങുന്നവരായി ഇന്ത്യക്കാർ മാറിയതും വളരെ വേഗമായിരുന്നു. ഇക്കാര്യം കൃത്യമായി മനസിലാക്കിയവരാണ് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട. അടുത്തിടെയായി ആഗോളനിരയിലെ ആഡംബര മോഡലുകളെയെല്ലാം കൂട്ടത്തോടെ ഇന്ത്യയിലെത്തിക്കുന്ന തിരക്കിലാണ് ബ്രാൻഡ്. അടുത്തിടെ ഞെട്ടിക്കുന്ന വിലയിൽ പുതിയ 750 സിസി അഡ്വഞ്ചർ സ്‌കൂട്ടർ ഹോണ്ട വിപണിയിൽ അവതരിപ്പിച്ചിരുന്നു. വലിയൊരു എസ്‌യുവി വാങ്ങുന്ന പൈസയുണ്ടേൽ മാത്രമേ ഈ ഗിയർലെസ് സ്‌കൂട്ടർ സ്വന്തമാക്കാനാവൂ എന്നതാണ് പ്രത്യേകത.

ഫാദേഴ്സ് ഡേയിൽ എല്ലാവരും ഓരോ സ്റ്റാറ്റസ് ഒക്കെ ഇട്ട് കാണുമല്ലോ, എന്നാൽ ദുബായ് ആസ്ഥാനമായി പ്രവർത്തിക്കുന്ന അനക്സ് ക്യാപ്പിറ്റൽസ് ഉടമയായ സതീഷ് സൻപാൽ തൻ്റെ ഒരു വയസുകാരിയായ മകൾക്ക് ഒരു സമ്മാനം തന്നെ നൽകി. സമ്മാനം എന്താണെന്ന് അറിഞ്ഞാൽ പലരുടേയും ചങ്ക് തകരുമെന്ന കാര്യത്തിൽ ഒരു സംശയവും ഇല്ല, വല്ല കളിപ്പാട്ടവുമായിരിക്കും എന്ന് വിചാരിക്കാൻ വരട്ടെ. ആഡംബരത്തിൻ്റെ അവസാന വാക്ക് എന്നറിയപ്പെടുന്ന ബ്രാൻഡായ റോൾസ് റോയ്സിൻ്റെ കലിനൻ കാറാണ് ഇസബെല്ല എന്ന സുന്ദരിക്ക് സമ്മാനമായി കൊടുത്തത്. പ്രത്യേകം ഇസബെല്ലയ്ക്ക് വേണ്ടി കസ്റ്റമൈസ് ചെയ്ത് ലണ്ടനിൽ നിന്ന് ദുബായിലേക്ക് ഇറക്കുമതി ചെയ്യുകയായിരുന്നു.

രാജ്യത്ത് ഏറ്റവും കുറഞ്ഞ വിലയില്‍ വില്‍പ്പനക്കെത്തുന്ന കാറുകളില്‍ ഒന്നാണ് മാരുതി ആള്‍ട്ടോ. വിലക്കുറവിനൊപ്പം മികച്ച മൈലേജും ആള്‍ട്ടോയുടെ പ്രത്യേകതയാണ്. മെച്ചപ്പെടുത്തിയ അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റവും ലിറ്ററിന് 28.2 കിലോമീറ്റര്‍ മൈലേജുമായി പുതിയ ആള്‍ട്ടോ അവതരിപ്പിച്ച് സുസുക്കി ആള്‍ട്ടോ. പടച്ചോനെ ആള്‍ട്ടോയില്‍ ADAS ഫീച്ചറും ബൈക്കിന്റെ മൈലേജുമോ എന്ന് അന്താളിക്കാന്‍ വരട്ടെ. പറഞ്ഞുവരുന്നത് ഇന്ത്യക്കാരുടെ ആള്‍ട്ടോയെ കുറിച്ചല്ല, മറിച്ച് ഇതേ പേരില്‍ ജപ്പാനില്‍ വില്‍ക്കുന്ന കെയ് കാറിനെ കുറിച്ചാണ്. ജാപ്പനീസ് ആള്‍ട്ടോയാണ് നവീകരണങ്ങളോടെ അരങ്ങേറിയിരിക്കുന്നത്.

ഇന്ത്യക്കാരുടെ ഡ്രീം കാറുകളിൽ ഒന്നാണ് മഹീന്ദ്രയുടെ ഥാർ എസ്‌യുവി. ആദ്യതലമുറയിലുണ്ടായിരുന്ന കുറ്റങ്ങളും കുറവുകളുമെല്ലാം പരിഹരിച്ചുകൊണ്ടാണ് 2020-ൽ ഥാറിന്റെ രണ്ടാംതലമുറ പിറവിയെടുക്കുന്നത്. മഹീന്ദ്രയുടെ ഇമേജ് മാറിയതും ഇവിടെ നിന്നായിരുന്നു. പരുക്കൻ ശൈലി വിട്ട് ലൈഫ്-സ്റ്റൈൽ സ്പോർട് യൂട്ടിലിറ്റി വാഹനമായി മാറിയതോടെ ആളുകൾക്കെല്ലാം വളരെ ഇഷ്‌ടപ്പെട്ടു. അന്യായ ലുക്കും അക്കാലത്തിനിണങ്ങുന്ന ഫീച്ചറുകളുമായി എത്തിയ വണ്ടി വളരെ വേഗമാണ് ഹിറ്റടിച്ചത്. എന്നാൽ പിൻനിരയിലേക്ക് കയറാനുള്ള ബുദ്ധിമുട്ടുകൾ ആളുകൾ എടുത്ത് പറയാൻ തുടങ്ങി. ഒരു ഫാമിലി വാഹനമായി ഥാർ ഉപയോഗിക്കാൻ കൊള്ളില്ലെന്ന് പലരും പറഞ്ഞുതുടങ്ങി.

രാജ്യത്ത് വാഹനങ്ങളുടെ പലതരം കൺവേർഷൻ നിങ്ങൾ വീഡിയോയിലൂടെ കാണാറുണ്ട്. കൂടുതൽ വണ്ടിപ്രാന്തൻമാരും കൺവേർട്ട് ചെയ്യാന തെരഞ്ഞെടുക്കുന്നത് ടൊയോട്ടയുടെ കൊമ്പനായ ഫോർച്ച്യൂണർ തന്നെയാണ്. ഫോർച്ച്യൂണറിൻ്റെ ആദ്യ തലമുറ മോഡലിൽ നിന്ന് ലെജൻഡറിലേക്ക് ഒക്കെയാണ് സാധാരണ കൺവേർട്ട് ചെയ്ത് കണ്ടിരിക്കുന്നത് എന്നാൽ ഫോർച്ച്യൂണറിനെ കുടുംബത്തിലെ മൂത്ത ചേട്ടനായ ലാൻഡ് ക്രൂയിസറിലേക്ക് കൺവേർട്ട് ചെയ്താലോ, ഇത് ചെയ്തവന് ഉറപ്പായിട്ടും ടൊയോട്ട ഒരു ട്രോഫി കൊടുക്കേണ്ടതാണ്. യുട്യൂബിൽ ഇപ്പോൾ കൺവേർഷൻ വീഡിയോ ഗംഭീര വൈറലായിരിക്കുകയാണ്. വീഡിയോയുടെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

കേരളത്തിൽ ഇവി ഉടമകളുടെ എണ്ണം ദിനംപ്രതി വർധിച്ചുകൊണ്ടിരിക്കുകയാണ്. ഒരു ഇവി വാങ്ങിയാൽ പെട്രോളും ഡീസലും അടിക്കുന്ന കാശ് ലാഭിക്കാം എന്ന ചിന്തയാണ് ഭൂരിഭാഗം മലയാളികളേയും ഇവി വാങ്ങാൻ പ്രേരിപ്പിക്കുന്നത്. വീട്ടിൽ ചാർജ് ചെയ്യാൻ സാധിക്കുന്നത് കൊണ്ട് തന്നെ പോക്കറ്റ് കീറാതെ ഇവി കൊണ്ടു നടക്കാമല്ലോ എന്നാണ് എല്ലാവരും പറയുന്നത്, എന്നാൽ എപ്പോഴും വീട്ടിൽ ചാർജ് ചെയ്യാൻ സാധിച്ചുവെന്ന് വരില്ല, പുറത്തുള്ള ചാർജിങ്ങ് സ്റ്റേഷനുകളെ ആശ്രയിക്കേണ്ടി വരും. അവിടെയാണ് നമ്മുടെ സ്വന്തം കെഎസ്ഇബിയുടെ(KSEB) ചാർജിങ്ങ് സ്റ്റേഷനുകളുടെ പ്രാധാന്യം എടുത്തു പറയേണ്ടത്. പലരും അവിടെ യൂണിറ്റിന് വലിയ ചാർജാണ് എന്നാണ് വിചാരിച്ചിരിക്കുന്നത്.

ജൂണ്‍ ആദ്യവാരം ടാറ്റ മോട്ടോര്‍സ് തങ്ങളുടെ ഏറ്റവും പുതിയ ഇലക്ട്രിക് എസ്‌യുവിയായ ഹാരിയര്‍ ഇവി പുറത്തിറക്കി. ആകര്‍ഷകമായ വിലയില്‍ പുറത്തിറക്കിയ ഈ ഇലക്ട്രിക് എസ്‌യുവി അഞ്ച് വ്യത്യസ്ത വേരിയന്റുകളില്‍ ലഭ്യമാണ്. ഈ കാറിന്റെ QWD വേരിയന്റുകളുടെ വില കൂടിയാണ് ഇനി പ്രഖ്യാപിക്കാനുള്ളത്. മഹീന്ദ്രയുടെ XEV 9e എന്ന മോഡലുമായി ഹാരിയര്‍ ഇവി മാറ്റുരയ്ക്കുന്നു. പായ്ക്ക് വണ്‍, പായ്ക്ക് ടു, പായ്ക്ക് ത്രീ സെലക്ട്, പായ്ക്ക് ത്രീ എന്നിങ്ങനെ നാല് വേരിയന്റുകളിലാണ് മഹീന്ദ്ര ഇവി ഓഫര്‍ ചെയ്യുന്നത്. ഈ സാഹചര്യത്തില്‍ രണ്ട് ഇവികളും നമുക്ക് താരതമ്യം ചെയ്ത് നോക്കിയാലോ?

ഇന്ത്യയിലെ ഗിയർലെസ് സ്‌കൂട്ടർ വിഭാഗത്തിലെ രാജാക്കൻമാരാണ് ഹോണ്ട. ആക്‌ടിവ, ഡിയോ തുടങ്ങിയ തട്ടുപൊളിപ്പൻ മോഡലുകളിലൂടെ അരങ്ങുവാഴുന്ന ബ്രാൻഡിനെ തോൽപ്പിക്കാൻ രാജ്യത്തെ മറ്റ് വമ്പൻമാർക്ക് ഇതുവരെ കഴിഞ്ഞിട്ടില്ലെന്നതാണ് സത്യം. ഇതുവരെ കോട്ടംതട്ടാതിരുന്ന സെഗ്മെന്റ് കൈവിടാതിരിക്കാനുള്ള മുന്നൊരുക്കങ്ങളും ജാപ്പനീസ് ഇരുചക്ര വാഹന നിർമാതാക്കളുടെ പക്കൽനിന്നും ഉയരുന്നുമുണ്ട്. പുതുപുത്തൻ മോഡലുകളുടെ പേറ്റന്റ് ഇന്ത്യയിൽ സമർപ്പിക്കുന്ന തിരക്കലാണ് കമ്പനിയിപ്പോൾ. അടുത്തിടെ സ്കൂപ്പി എന്നൊരു ക്യൂട്ട് സ്‌കൂട്ടറിന്റെ പേറ്റന്റാണ് ഹോണ്ട രാജ്യത്ത് സ്വന്തമാക്കിയത്. 2017-ൽ ഇവിടുത്തെ നിരത്തുകളിൽ വിജയകരമായി പരീക്ഷണയോട്ടം വരെ നടത്തിയ സ്‌കൂട്ടറായിരുന്നു ഇത്.

കാർ വാങ്ങുക എന്നത് ഏതൊരു മനുഷ്യനേയും സംബന്ധിച്ച് വലിയൊരു സ്വപ്‌നമായിരിക്കും. യാത്ര ചെയ്യുക എന്നൊരു ഒറ്റ ഉദ്ദേശം മാത്രമായിരിക്കില്ല കാർ വാങ്ങുന്നതിലൂടെ മലയാളികൾ ഉന്നംവെക്കുന്നത്. സാഹചര്യം വന്നാൽ അത്യാവിശ്യം വേണ്ടുന്ന സാധനങ്ങൾ കയറ്റി യാത്ര ചെയ്യാനും പറ്റുന്ന വിധത്തിലുള്ള വണ്ടികളായിരിക്കും മിഡിൽ ക്ലാസുകാരന് താത്പര്യം. അതിനാൽ ബൂട്ട് സ്പേസുള്ള മോഡലുകൾ നോക്കി വാങ്ങുന്നത് മിക്കവർക്കും ഒരു ആശ്യമാണ്. ഒരുനീണ്ട യാത്രയ്ക്ക് തയാറെടുക്കുകയാണെങ്കിൽ തുണിയും സാധനങ്ങളുമെല്ലാം കുത്തിനിറക്കുന്നത് മലയാളികളുടെ വിനോദമാണ്. ഇടയ്ക്കിടെ യാത്ര പോവുന്നവർക്ക് ഇക്കാര്യം കൃത്യമായി മനസിലാക്കാനും കഴിയും.

ഇന്ത്യയിലെ ഏറ്റവും വലിയ പൊതുമേഖലാ സ്ഥാപനങ്ങളില്‍ ഒന്നാണ് ഇന്ത്യന്‍ റെയില്‍വേ. പ്രതിദിനം ലക്ഷക്കണക്കിനാളുകളാണ് തങ്ങളുടെ യാത്രകള്‍ക്കായി റെയില്‍വേയെ ആശ്രയിക്കുന്നത്. മറ്റ് ഗതാഗത മാര്‍ഗങ്ങള്‍ ഉപേക്ഷിച്ച് ജനങ്ങള്‍ ട്രെയിനുകളെ ആശ്രയിക്കാനുള്ള ഒരു കാരണം ചെലവ് കുറവാണ് എന്നതാണ്. എന്നാല്‍ ഇപ്പോള്‍ സ്ഥിരമായി ട്രെയിനുകളില്‍ യാത്ര ചെയ്യുന്നവര്‍ക്ക് കേള്‍ക്കാന്‍ അത്ര രസമില്ലാത്ത ഒരു വാര്‍ത്തയുണ്ട്. ഇന്ത്യന്‍ റെയില്‍വേ യാത്രാ നിരക്കുകള്‍ വര്‍ദ്ധിപ്പിക്കാന്‍ ഒരുങ്ങുന്നു. വര്‍ഷങ്ങള്‍ക്ക് ശേഷമാണ് യാത്രാ നിരക്കുകള്‍ വര്‍ദ്ധിപ്പിക്കുന്നത്. പുതുക്കിയ നിരക്കുകള്‍ ജൂലൈ 1 മുതല്‍ പ്രാബല്യത്തില്‍ വരും.

ടാറ്റ മോട്ടോര്‍സ് കഴിഞ്ഞ ദിസമാണ് ഹാരിയര്‍ ഇവി RWD വേരിയന്റുകളുടെ വില പ്രഖ്യാപിച്ചത്. ടാറ്റ ഹാരിയര്‍ ഇവി RWD ഓപ്ഷനില്‍ അഞ്ച് വ്യത്യസ്ത ട്രിമ്മുകളില്‍ വാങ്ങാവുന്നതാണ്. അഡ്വഞ്ചര്‍ 65 (Adventure 65), അഡ്വഞ്ചര്‍ എസ് 65 (Adventure S 65), ഫിയര്‍ലെസ്+ 65 (Fearless+ 65), ഫിയര്‍ലെസ്+ 75 (Fearless+ 75), എംപവേര്‍ഡ് 75 (Empowered 75) എന്നിവയാണ് അവ. ഹാരിയര്‍ ഇവി RWD വേരിയന്റുകളുടെ വില 21.49 ലക്ഷം മുതല്‍ 27.49 ലക്ഷം രൂപ വരെ പോകുന്നു.

രാജ്യത്തെ ഏറ്റവും സുരക്ഷിതമായ കാറുകൾ നിർമിക്കുന്ന ബ്രാൻഡായി പേരെടുത്തവരാണ് ടാറ്റ മോട്ടോർസ് (Tata Motors). സേഫ്റ്റി എന്നൊരു ഘടകം മുൻനിർത്തി ജനപ്രിയരായ കമ്പനിയുടെ മിക്കകാറുകളും ഇടിപ്പരീക്ഷയിൽ ഫുൾ മാർക്ക് നേടി ജയിച്ചവരാണ്. 5-സ്റ്റാർ സേഫ്റ്റി റേറ്റിംഗ് ടാറ്റയുടെ കുത്തകയാണെന്ന് പറഞ്ഞാലും തെറ്റൊന്നുമില്ല. ഇപ്പോഴിതാ ഏറ്റവും പുതിയ ഹാരിയർ ഇവിയുടെ (Tata Harrier EV) ഭാരത് NCAP ക്രാഷ് ടെസ്റ്റ് ഫലവും പുറത്തുവന്നിരിക്കുകയാണ്. ഏവരും പ്രതീക്ഷിക്കുന്നത് പോലെ ഇടിക്കൂട്ടിൽ 5-സ്റ്റാർ സേഫ്റ്റി റേറ്റിംഗ് നേടിയാണ് ഇലക്ട്രിക് എസ്‌യുവി വെന്നിക്കൊടി പാറിച്ചത്.

ഇവികളിൽ ഉപഭോക്താക്കൾക്ക് ആദ്യം വളരെ സംശയം നിലനിന്നിരുന്ന ഒരു ബ്രാൻഡായിരുന്നു ബിവൈഡി. എന്നാൽ പതിയ പതിയ ജനങ്ങളുടെ വിശ്വാസം നേടിയെടുക്കാൻ ബ്രാൻഡിന് കഴിഞ്ഞു. അല്ലെങ്കിലും ഇന്ത്യൻ മാർക്കറ്റ് അങ്ങനെയാണല്ലോ, എന്തിനേയും ആദ്യം തന്നെ ചിലപ്പോൾ സ്വീകരിച്ചില്ലെങ്കിലും പതിയെ പതിയെ ഇഷ്ടപ്പെടും, ഇഷ്ടപെട്ടാലോ പിന്നെ വിട്ടു കളയുകയുമില്ല. അത് പോലെ തന്നെയായിരുന്നു ബിവൈഡിയുടെ കാര്യത്തിലും സംഭവിച്ചത്. e6 എന്ന മോഡലുമായി രാജ്യത്തേക്ക് രംഗപ്രവേശം നടത്തിയ ബ്രാൻഡിന് ഇപ്പോൾ നാല് മോഡലുകളാണ് രാജ്യത്ത് വിൽക്കുന്നത്. അതിൽ തന്നെ പ്രധാനിയാണ് ബിവൈഡി അറ്റോ 3 എന്ന കാർ.

കേരളത്തിലെ പല ജില്ലകളിലും മണ്‍സൂണ്‍ ശക്തി പ്രാപിച്ചിരിക്കുകലയാണ്. മഴക്കാലമായതിനാല്‍ പുറത്തിറങ്ങുമ്പോള്‍ എല്ലാവരും കൂടുതലായി കാറുകള്‍ തന്നെയാണ് ഉപയോഗിക്കുക. ഈ സാഹചര്യത്തില്‍ കാറുകളുടെ കണ്ടീഷന്‍ മികച്ചതാണെന്ന് ഉറപ്പ് വരുത്തേണ്ടത് ഓരോ ഉടമയുടെയും ഉത്തരവാദിത്തമാണ്. അടുത്ത കാലത്തായി നിരവധി വാഹന നിര്‍മാതാക്കള്‍ തങ്ങളുടെ ഉപഭോക്താക്കള്‍ക്കായി മണ്‍സൂണ്‍ ക്യാമ്പ് പ്രഖ്യാപിച്ചിട്ടുണ്ട്. അക്കൂട്ടത്തിലെ ഏറ്റവും പുതിയ പേരാണ് ഹ്യുണ്ടായി മോട്ടോര്‍ ഇന്ത്യ ലിമിറ്റഡ് (Hyundai Motor India Ltd). തങ്ങളുടെ എല്ലാ മോഡലുകള്‍ക്കും ബാധകമാവുന്ന മണ്‍സൂണ്‍ ക്യാമ്പില്‍ നിരവധി ഓഫറുകളും ആനുകൂല്യങ്ങളും ഉണ്ടാകുമെന്ന് കമ്പനി അറിയിച്ചു.

മാരുതി സുസുക്കിയിൽ നിന്നും ഏറ്റവും കൂടുതൽ വിറ്റഴിയുന്ന കാറുകളിൽ ഒന്നാണ് ഫ്രോങ്ക്‌സ് (Maruti Suzuki Fronx SUV). എർട്ടിഗ, വാഗൺആർ, സ്വിഫ്റ്റ് തുടങ്ങിയ കാറുകൾക്ക് ശേഷം ടോപ്പ് സെല്ലിംഗ് മോഡലായി അതിവേഗം മാറിയ ഈ ക്രോസ്ഓവറിന് ഹേറ്റേഴ്‌സ് ഇല്ലെന്ന് വേണം പറയുന്നതാവും ശരി. ബലേനോ പ്രീമിയം ഹാച്ച്ബാക്കിനെ അടിസ്ഥാനമാക്കി നിർമിച്ച വാഹനം 2023 ഏപ്രിലിലാണ് ഇന്ത്യയിൽ അവതരിപ്പിക്കുന്നത്. അഡാറ് ലുക്ക്, നല്ല പെർഫോമൻസ്, ഉഗ്രൻ മൈലേജ്, മോഡേൺ ഫീച്ചേഴ്‌സ് എന്നിവയെല്ലാം താങ്ങാനാവുന്ന വിലയിൽ ലഭ്യമാക്കിയതാണ് ഫ്രോങ്ക്‌സിന്റെ വിജയം.