ഇന്ത്യക്കാർക്ക് പ്രത്യേകിച്ച് പരിചയപ്പെടുത്തലിന്റെ ആവശ്യമൊന്നും ഇല്ലാത്ത വാഹനമാണ് മഹീന്ദ്ര ബൊലേറോ. ഏറ്റവും കൂടുതൽ ആരാധകരുള്ള അണ്ടർറേറ്റഡ് മൾട്ടി യൂട്ടിലിറ്റി വാഹനം കൂടിയാണ് ആശാൻ. ഒരേ രൂപത്തിലും ഭാവത്തിലും നിരത്തുകൾ ഭരിക്കാൻ തുടങ്ങിയിട്ട് കാലംകുറച്ചായെങ്കിലും ആളുകൾക്ക് ബൊലേറോയോട് മടുപ്പൊന്നും തോന്നിയിട്ടില്ലെന്ന് വേണം കരുതാൻ. മഹീന്ദ്ര നിരയിലെ വാഹനങ്ങളെല്ലാം പുതുതലമുറ ആവർത്തനങ്ങളിലേക്ക് ചേക്കേറിയപ്പോൾ എല്ലാവർക്കും ചോദിക്കാനുണ്ടായിരുന്ന ചോദ്യമായിരുന്നു ബൊലേറോ എന്നാണ് മാറുകയെന്ന്. എന്നാൽ ഇതിനുള്ള ഉത്തരം കൃത്യമായ നൽകാൻ മഹീന്ദ്ര തയാറായിരുന്നില്ല. നിശബ്‌ദമായി അണിയറയിൽ എന്തൊക്കെയോ തട്ടിക്കൂട്ടുന്ന തിരക്കിലായിരുന്നു കമ്പനി.

ഹിന്ദി സീരിയലുകൾക്ക് എപ്പോഴും ആരാധകരുണ്ട്, വെറും വിനോദത്തിന് മാത്രമല്ല പലപ്പോഴും ഭാഷ പഠിക്കാനും ഇതൊക്കെ സഹായിക്കാറുണ്ട് എന്നതാണ് ഗുണം. പേടിപ്പെടുത്തുന്നതാണെങ്കിലും ചെറുപ്പക്കാരുടെ പ്രിയപ്പെട്ട സീരിയലാണ് നാഗിൻ. 2015 മുതൽ തുടങ്ങിയ സീരിയലിൻ്റെ ആറാമത്തെ സീസൺ ആണിപ്പോൾ നടന്നുകൊണ്ടിരിക്കുന്നത്. ഹിന്ദി ടെലിവിഷനിലും മറാത്തി സിനിമകളിലും നിറഞ്ഞു നിൽക്കുന്നത താരമാണ് തേജസ്വി പ്രകാശ് വയങ്കങ്കർ. നാഗിൻ 6 എന്ന സീരിയലിൽ താരം മൂന്ന് കഥാപാത്രങ്ങളാണ് അവതരിപ്പിക്കുന്നത്. താരത്തിൻ്റെ പുതിയ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. താരം തൻ്റെ ആഡംബര എസ്‌യുവിയിൽ വന്നിറങ്ങുന്നത് ആണ് വീഡിയോയിൽ.

മറ്റ് രാജ്യങ്ങളെ അപേക്ഷിച്ച് ഇന്ത്യയിലെ ഓട്ടോമൊബൈല്‍ നിര്‍മ്മാണം ചെലവ് കുറഞ്ഞതായതിനാല്‍ പല വിദേശ കമ്പനികളും ഇന്ത്യയെ ഒരു ഓട്ടോമൊബൈല്‍ പ്രൊഡക്ഷന്‍ ഹബ് ആയി ഉപയോഗിക്കുന്നു. ഇന്ത്യയില്‍ ഇപ്പോള്‍ ഏറ്റവും കൂടുതല്‍ വ്യവസായങ്ങള്‍ ഉള്ള സംസ്ഥാനങ്ങളില്‍ ഒന്നാണ് തമിഴ്‌നാട്. നമ്മുടെ അയല്‍സംസ്ഥാനത്തിന്റെ ജിഡിപി പാകിസ്താനേക്കാള്‍ ഉയര്‍ന്നതാണെന്ന് അടുത്തിടെ റിപ്പോര്‍ട്ടുകള്‍ വന്നിരുന്നു. അതിനുള്ള പ്രധാന കാരണങ്ങളില്‍ ഒന്ന് പല വമ്പന്‍ ഫോറിന്‍ ബ്രാന്‍ഡുകളും കമ്പനികളും അവരുടെ ഫാക്ടറികള്‍ക്കും ആസ്ഥാനങ്ങള്‍ക്കുമായി തമിഴ്‌നാട്ടില്‍ കോടികള്‍ നിക്ഷേപിച്ചതാണ്. ഓട്ടോമൊബൈല്‍ മേഖലയില്‍ ഹ്യുണ്ടായി, ഫോര്‍ഡ്, യമഹ തുടങ്ങിയ ഭീമന്‍മാര്‍ക്ക് ചെന്നൈയ്ക്ക് സമീപം ഫാക്ടറികളുണ്ട്.

ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് പോലുള്ള മിഡ്-സൈസ് എസ്‌യുവികളുടെ വരവോടെ പ്രതാപം നഷ്‌ടപ്പെട്ടുപോയ മോഡലുകളാണ് സി-സെഗ്മെന്റ് സെഡാനുകൾ. ഹോണ്ട സിറ്റി, ഹ്യുണ്ടായി വെർണ, സ്കോഡ സ്ലാവിയ, ഫോക്‌സ്‌വാഗൺ വെർട്ടിസ് തുടങ്ങിയ ഇടിവെട്ട് കാറുകൾ നിരയിലുണ്ടെങ്കിലും ആവശ്യക്കാർ കുറവാണെന്നതാണ് സത്യം. എങ്കിലും തരക്കേടില്ലാത്ത രീതിയിൽ വിറ്റഴിക്കാൻ അതത് കമ്പനികൾക്കാവുന്നുണ്ടെന്നത് ശ്രദ്ധേയമാണ്. കൂട്ടത്തിൽ ഏറ്റവും റീസെയിൽ വാല്യുവുള്ള സെഡാനായി അറിയപ്പെടുന്ന വാഹനമാണ് വെർണ. കാലങ്ങളായി ഇന്ത്യക്കാർക്ക് പരിചിതമായ മോഡൽ ശരിക്കും അൾട്രാ മോഡേൺ കാറാണ് കേട്ടോ.

ബോളിവുഡ് നടിയാകുക എന്നത് ചെറിയ ഒരു കാര്യമല്ല. മൊറോക്കൻ-കനേഡിയൻ നർത്തകിയും, മോഡലും, അഭിനേത്രിയുമായ നോറ ഫത്തേഹിയുടെ ബോളിവുഡിലേക്കുളള അരങ്ങേറ്റം ഏറെ കഷ്ടപ്പാടുകൾ നിറഞ്ഞതായിരുന്നു. നൃത്തം നോറയ്ക്ക് തൻ്റെ ശ്വാസമിടിപ്പ് പോലെ ആയിരുന്നു. ഇന്നിപ്പോൾ ഒരു നൃത്തപരിപാടിക്ക് വാങ്ങുന്നത് 50 ലക്ഷം രൂപയാണ്. അതിന് പുറമേ കൈനിറച്ച് സിനിമകളുമുണ്ട്. താരത്തിൻ്റെ വരാനിരിക്കുന്ന ചിത്രം ഹൗസ്ഫുൾ 5 ആണ്. സോഷ്യൽ മീഡിയയിൽ താരത്തിൻ്റെ ഏതൊരു വീഡിയോ പോസ്റ്റ് ചെയ്താലും കത്തികയറുമെന്ന കാര്യത്തിൽ ഒരു സംശയവും വേണ്ട. പതിവ് പോലെ പുതിയ വീഡിയോയും ആരാധകരുടെ മനസ് നിറച്ചിരിക്കുകയാണ്.

ഇവികളുടെ കൂട്ടത്തിൽ ഒരു കൊമ്പനായി തലയുയർത്തി നിൽക്കുകയാണ് മഹീന്ദ്രയുടെ ഇവികൾ. അതിൽ തന്നെ ഏവരുടേയും നോട്ടം പോകുന്നത് XEV 9E എന്ന മോഡലിലേക്കാണ്. വാങ്ങാനെത്തുന്ന ഭൂരിഭാഗം ആളുകളും ഇവിയുടെ പായ്ക്ക് ത്രീ എന്ന ടോപ്പ് വേരിയന്റാണ് തെരഞ്ഞെടുക്കുന്നതും. XEV 9e ഇവിയിലേക്ക് നോക്കിയാൽ തെരഞ്ഞെടുക്കുന്ന ബാറ്ററി സജ്ജീകരണത്തെ ആശ്രയിച്ച് യഥാക്രമം 542 കിലോമീറ്ററും 656 കിലോമീറ്ററും റേഞ്ച് വാഗ്ദാനം ചെയ്യാനും സാധിക്കും. പെർഫോമൻസ് കണക്കുകളിലേക്ക് നോക്കിയാൽ ഇവികളുടെ 59 kWh പതിപ്പ് 230 bhp കരുത്തിൽ പരമാവധി 380 Nm torque ഉത്പാദിപ്പിക്കാൻ ശേഷിയുള്ള ഇലക്ട്രിക് മോട്ടോറാണ് ഉപയോഗിക്കുന്നത്.

ടാറ്റയുടെ പുത്തൻ ആൾട്രോസ് വാങ്ങിയാൽ കൊളളാമെന്ന് നിങ്ങൾക്ക് ആഗ്രഹമുണ്ടോ, വാഹനം എന്തായാലും ഷോറൂമുകളിൽ എത്തിതുടങ്ങിയിട്ടുണ്ട്. ആഗ്രഹം മാത്രം പോരല്ലോ കൈയിൽ കാശും കൂടെ വേണ്ടേ ബ്രോ എന്നായിരിക്കും നിങ്ങളുടെ മനസിൽ ഉയരുന്ന ചോദ്യം. അപ്പോഴാണ് ഫിനാൻസ് കമ്പനികളും ബാങ്കുകളും പിന്നെന്തിനാ മുത്തേ ഞങ്ങളിവിടെ എന്ന് ചോദിക്കും കേട്ടോ. അത് കൊണ്ട് നിങ്ങളുടെ പ്രിയപ്പെട്ട വാഹനങ്ങൾ സ്വന്തമാക്കാൻ ഏകദേശം എത്ര രൂപ ഇഎംഐ അടയ്ക്കേണ്ടി വരുമെന്ന് നിങ്ങളെ അറിയിക്കുന്നതിന് വേണ്ടി ഞങ്ങൾ എപ്പോഴും ജാഗരൂകരാണ്, നിങ്ങൾ വാങ്ങാൻ പോകുന്ന വാഹനമേതെന്ന് കമൻ്റ് ചെയ്യാൻ മറക്കരുതേ.

റസ്റ്ററന്റ് ആണെങ്കില്‍ അത് വിജയമാക്കാന്‍ കൈപ്പുണ്യവും ബിസിനസുമെല്ലാം അറിഞ്ഞിരിക്കണം. ഒരു പൊറാട്ടയടിക്കാരന്‍ അവധിയാണെങ്കില്‍ നേരെ കയറി പൊറോട്ടയുണ്ടാക്കാന്‍ പറ്റുന്ന മുതലാളിയാണെങ്കില്‍ ആ ഹോട്ടല്‍ ഉറപ്പായും വിജയിക്കും. ചില ഹോട്ടലുകാര്‍ നേടുന്ന വിജയം കാണുമ്പോള്‍ പഠിക്കാന്‍ പോയ സമയത്ത് വല്ല ഹോട്ടലും തുടങ്ങിയാല്‍ മതിയായിരുന്നു എന്ന് ചിന്തിക്കുന്നവര്‍ ഒത്തിരിയുണ്ടാകും. അത്തില്‍ ഒരു ധാബ മുതലാളിയുടെ വിജയകഥയാണ് ഇനി പറയാന പോകുന്നത്.

റോയൽ എൻഫീൽഡ് ഹിമാലയൻ, കെടിഎം അഡ്വഞ്ചർ 390 പോലുള്ള എതിരാളികളെല്ലാം പുതുതലമുറയിലേക്ക് ചേക്കേറിയതിന് പിന്നാലെ അഡ്വഞ്ചർ മോട്ടോർസൈക്കിൾ പ്രേമികളെ കൈയിലെടുക്കാനായി പുത്തൻ ലുക്കിൽ അവതരിച്ച് യെസ്‌ഡി അഡ്വഞ്ചർ. 2.15 ലക്ഷം രൂപ മുതൽ 2.27 ലക്ഷം രൂപ വരെയുള്ള എക്സ്ഷോറൂം വിലയിലാണ് ക്ലാസിക് ലെജൻഡ്‌സിന്റെ ബൈക്ക് വിപണിയിൽ എത്തിയിരിക്കുന്നത്. നിരവധി മാറ്റങ്ങളാണ് കമ്പനി ബൈക്കിൽ കൊണ്ടുവന്നിരിക്കുന്നതെന്ന് വേണം പറയാൻ. അതിൽ ഏറ്റവും ശ്രദ്ധേയമായത് പുതിയ ഡിസൈൻ ഭാഷയാണ്. മുൻഗാമിയേക്കാൾ കിടിലമായ മുൻവശം തന്നെയാണ് ഇക്കൂട്ടത്തിൽ ഏറ്റവും അടിപൊളിയായിട്ടുള്ളത്.

വായു മലിനീകരണം ഇപ്പോള്‍ വെറുമൊരു പാരിസ്ഥിതിക പ്രശ്നമല്ല പല ഇന്ത്യക്കാരുടെയും ജീവിതശൈലിയായി ഇത് മാറിയിരിക്കുന്നു. ഉപകരണ നിര്‍മ്മാതാക്കളായ IQഎയര്‍ 2024 -ലെ ലോക വായു ഗുണനിലവാര റിപ്പോര്‍ട്ട് അനുസരിച്ച് ലോകത്തിലെ ഏറ്റവും മലിനമായ തലസ്ഥാന നഗരങ്ങളുടെ പട്ടികയില്‍ ന്യൂഡല്‍ഹി രണ്ടാം സ്ഥാനത്താണ്. പട്ടികയില്‍ ഏറ്റവും മുകളില്‍ ആഫ്രിക്കന്‍ രാജ്യമായ ഛാഡിന്റെ തലസ്ഥാനമായ എന്‍'ഡ്ജമേനയാണ്. രണ്ട് നഗരങ്ങളും ഒരു ക്യൂബിക് മീറ്ററില്‍ 90 മൈക്രോഗ്രാമില്‍ കൂടുതല്‍ വാര്‍ഷിക ശരാശരി PM2.5 സാന്ദ്രത രേഖപ്പെടുത്തുന്നു. ഇത് ലോകാരോഗ്യ സംഘടനയുടെ ഏറ്റവും പുതിയ മാര്‍ഗനിര്‍ദ്ദേശത്തേക്കാള്‍ 18 മടങ്ങ് കൂടുതലാണ്.

ഏറെ നാളത്തെ കാത്തിരിപ്പിനൊടുവിൽ ടാറ്റ ഹാരിയർ ഇവി (Tata Harrier EV) വിപണിയിൽ എത്തിയിരിക്കുകയാണ്. ഇന്ത്യൻ വിപണിക്കായുള്ള ആറാമത്തെ പാസഞ്ചർ ഇലക്‌ട്രിക് കാറാണ് കമ്പനി പുറത്തിറക്കിയിരിക്കുന്നത്. എന്നാൽ ഇതുവരെ പുറത്തിറക്കിയിട്ടുള്ള ഇവികളിൽ നിന്നും വ്യത്യസ്‌തമായി ഓൾവീൽ ഡ്രൈവ് സംവിധാനവുമായാണ് ഹാരിയർ ഇവിയുടെ വരവ്. അഡ്വഞ്ചർ, ഫിയർലെസ്, എംപവേർഡ് എന്നീ മൂന്ന് ട്രിം ലെവലുകളിൽ എത്തുന്ന മോഡൽ 21.49 ലക്ഷം രൂപയുടെ പ്രാരംഭ വിലയിലാണ് അവതരിപ്പിച്ചിരിക്കുന്നത്. ഇതിൽ ബേസ് വേരിയന്റിൽ തന്നെ എല്ലാ സംവിധാനങ്ങളും കമ്പനി കൊടുത്തിട്ടുണ്ടെന്നതാണ് രസകരമായ സംഗതി.

വര്‍ഷങ്ങളായി ഇന്ത്യയിലെ ഏറ്റവും മികച്ച രണ്ടാമത്തെ കാര്‍ നിര്‍മാതാക്കളെന്ന സ്ഥാനം അലങ്കരിച്ചിരുന്ന ഹ്യുണ്ടായിക്ക് കഴിഞ്ഞ രണ്ട് മാസങ്ങളായി അടിതെറ്റിയിരിക്കുകയാണ് മഹീന്ദ്രയാണ് ഹ്യുണ്ടായിയെ പിന്തള്ളി രണ്ടാം സ്ഥാനം കൈയ്യടക്കിയത്. മഹീന്ദ്ര മാത്രമല്ല ടാറ്റ മോട്ടോര്‍സും കൊറിയന്‍ കമ്പനിക്ക് കനത്ത വെല്ലുവുളി ഉയര്‍ത്തുന്നുണ്ട്. കഴിഞ്ഞ മാസം വില്‍പ്പന കൂട്ടാനായി ഹ്യുണ്ടായി തെരഞ്ഞെടുത്ത മോഡലുകള്‍ക്ക് വിലക്കിഴിവ് പ്രഖ്യാപിച്ചിരുന്നു. എന്നാല്‍ ഈ മാസം ഡിസ്‌കൗണ്ട് ഓഫറുകള്‍ കുറച്ച് ഉയര്‍ത്തിയിട്ടുണ്ട് ബ്രാന്‍ഡ്. i20, വെന്യൂ, എക്സ്റ്റര്‍, ഗ്രാന്‍ഡ് i10 നിയോസ് എന്നീ മോഡലുകള്‍ക്കാണ് 85,000 രൂപ വരെ കിഴിവ് ലഭിക്കുക.

ഇലക്‌ട്രിക് വാഹന വിപണിയിൽ ടാറ്റ മോട്ടോർസും എംജിയുമെല്ലാം പണംവാരുന്നത് കണ്ടുനിൽക്കാൻ മാത്രം യോഗമുണ്ടായിരുന്നവരാണ് മഹീന്ദ്ര. ആദ്യം പുറത്തിറക്കിയ XUV400 എന്ന ഇലക്‌ട്രിക് കോംപാക്‌ട് എസ്‌യുവി അമ്പേ പരാജയപ്പെട്ടപ്പോൾ വൈദ്യുത വാഹന രംഗത്ത് മഹീന്ദ്രയ്ക്ക് ഭാവിയില്ലെന്ന് പ്രവചിച്ചവരായിരുന്നു അധികവും. എന്നാൽ വിമർശകരുടെ വായ അടപ്പിച്ചുകൊണ്ട് രണ്ട് കിടിലൻ ഇവികൾക്കാണ് സ്വദേശി ബ്രാൻഡ് രൂപം കൊടുത്തത്. മറ്റേതുമല്ല, ലോകംമുഴുവൻ ശ്രദ്ധനേടിയ BE 6, XEV 9e ഇലക്ട്രിക് എസ്‌യുവികളുടെ കാര്യം തന്നെയാണീ പറഞ്ഞുവരുന്നത്. ഇന്ത്യൻ ടെസ്‌ലകൾ എന്ന ഓമനപ്പേരിട്ട് ആരാധകർ വിളിക്കുന്ന രണ്ട് മോഡലുകളും ബംബർ ഹിറ്റാണ്.

മലയാളക്കരയെ മാത്രമല്ല മാപ്പിളപ്പാട്ടുകളെ ഇഷ്ടപ്പെടുന്ന ഏതൊരു വ്യക്തിയുടേയും പ്രിയപ്പെട്ട പാട്ടുകാരനാണ് കൊല്ലം ഷാഫി. വ്യത്യസ്തമായ ആലാപന ശൈലിയിലൂടെ ശ്രദ്ധേയനായ ഗായകനാണ് അദ്ദേഹം സ്റ്റാർ മാജിക്കിലൂടെ തനിക്ക് അഭിനയവും തമാശയും വഴങ്ങുമെന്ന് പ്രേക്ഷകരെ കാണിച്ചുകൊടുത്തു. സോഷ്യല്‍മീഡിയയില്‍ സജീവമായ ഷാഫി പങ്കുവെക്കുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറുന്നുണ്ട്. അത്തരത്തിൽ താരം തൻ്റെ മകന് ഒരു സമ്മാനം കൊടുത്തതിൻ്റെ ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. സന്തൂർ ഡാഡി എന്നാണ് സോഷ്യൽ മീഡിയയിൽ താരത്തിനെ സമൂഹമാധ്യമങ്ങളിൽ വിളിക്കുന്നത്. താരം തൻ്റെ മകന് മാരുതി സുസുക്കി ഫ്രോങ്ക്സ് ആണ് നൽകിയിരിക്കുന്നത്.

ഇന്ത്യയില്‍ ഏറ്റവും കൂടുതല്‍ ചര്‍ച്ച ചെയ്യപ്പെടുന്ന രണ്ട് കാര്യങ്ങളാണ് കാറുകളും ക്രിക്കറ്റും. ഇവ രണ്ടും ഇഴചേര്‍ന്നാല്‍ പിന്നെ കോളാണെന്ന് മനസ്സിയാക്കിയാണ് ടാറ്റ ഇന്ത്യന്‍ പ്രീമിയര്‍ ലീഗിന്റെ ടൈറ്റില്‍ സ്‌പോണ്‍സര്‍ഷിപ്പ് സ്വന്തമാക്കിയത്. വര്‍ഷങ്ങളായി, നിരവധി ടാറ്റ കാറുകള്‍ ഐപിഎല്‍ സ്റ്റേഡിയങ്ങളില്‍ പ്രദര്‍ശിപ്പിച്ചത് നിങ്ങള്‍ കണ്ടിട്ടുണ്ടാകും. ടാറ്റയുടെ ഏറ്റവും പുതിയ മോഡലുകളാണ് സ്‌റ്റേഡിയങ്ങളില്‍ പ്രദര്‍ശിപ്പിക്കുക. ചില ബാറ്റര്‍മാരുടെ കൂറ്റന്‍ അടികള്‍ പതിച്ചിട്ടും ഗ്ലാസുകള്‍ പൊട്ടാതെ കരുത്തനായി നിന്ന ടാറ്റ കാറുകള്‍ മുന്‍കാലങ്ങളില്‍ തലക്കെട്ടുകള്‍ സൃഷ്ടിച്ചിരുന്നു. കഴിഞ്ഞ ദിവസം ഐപിഎല്‍ 2025 സീസണിന് തിരശ്ശീല വീണു.

ഡസ്റ്റർ പടിയിറങ്ങിയതോടെ ഇന്ത്യൻ വാഹന വിപണിയിലുണ്ടായിരുന്ന സൗഭാഗ്യങ്ങളെല്ലാം നഷ്‌ടപ്പെട്ടവരാണ് ഫ്രഞ്ച് വാഹന നിർമാതാക്കളായ റെനോ. ക്വിഡ് പഴയതു പോലെ വിറ്റഴിയാത്തതും ട്രൈബറിനും കൈഗറിനും ഒരുപരിധിക്കപ്പുറം ഉയരാനാവാത്തതുമെല്ലാം കമ്പനി നേരിടുന്ന തിരിച്ചടികളാണ്. എങ്കിലും സാധാരണക്കാരോട് എപ്പോഴും ചേർന്നു നിൽക്കാൻ താത്പര്യം കാണിക്കുന്ന റെനോ എങ്ങനെയും കച്ചോടം പൊടിപൊടിക്കാനുള്ള പദ്ധതികൾ ആസൂത്രണം ചെയ്‌തുവരികയാണ്. ഇതിനിടയിൽ നിലവിലുള്ള കാറുകൾ വിറ്റഴിക്കാനുള്ള പരിശ്രമങ്ങളും നടക്കുന്നുണ്ട്. മഴക്കാലമായതിനാൽ ബൈക്ക് മാറ്റി പുതിയൊരു കാർ വാങ്ങിയാലോ എന്ന് ആലോചിക്കുന്നവരെ ചാക്കിലാക്കാൻ ഗംഭീര ഓഫറുകളാണ് 2025 ജൂൺ മാസത്തേക്കായി റെനോ അവതരിപ്പിച്ചിരിക്കുന്നത്.

ഇന്ത്യക്കാര്‍ ഏറെ നാളായി കാത്തിരുന്ന ടാറ്റ ഹാരിയര്‍ ഇവി കഴിഞ്ഞ ദിവസം പുറത്തിറങ്ങിയിരിക്കുകയാണ്. കമ്പനിയുടെ ഫ്‌ലാഗ്ഷിപ്പ് ഇലക്ട്രിക് എസ്‌യുവിക്ക് 21.49 ലക്ഷം രൂപയാണ് പ്രാരംഭ എക്‌സ്‌ഷോറൂം വില നിശ്ചയിച്ചിരിക്കുന്നത്. കേരളത്തിലെ ഒരു വലിയ കുന്നിന് മുകളിലേക്ക് ഹാരിയര്‍ ഓടിച്ച് കയറ്റി അതിന്റെ ഓഫ്‌റോഡിംഗ് ശേഷിയും കമ്പനി പ്രകടമാക്കിയിരുന്നു. ഈ വീഡിയോ ഏറെ ശ്രദ്ധിക്കപ്പെട്ടു. ഏതായാലും ഹാരിയര്‍ ഇവിയുടെ ബുക്കിംഗ് ജൂലൈ രണ്ട് മുതലാണ് ആരംഭിക്കുക. തുടര്‍ന്നുള്ള ദിവസങ്ങളില്‍ ഡെലിവറിയും പ്രതീക്ഷിക്കാം. നിങ്ങള്‍ ഒരു ഹാരിയര്‍ ഇവി വാങ്ങാന്‍ ഉദ്ദേശിക്കുന്നുണ്ടെങ്കില്‍ ഇലക്ട്രിക് എസ്‌യുവിയെ കുറിച്ചുള്ള ഈ 5 പ്രധാനപ്പെട്ട കാര്യങ്ങള്‍ അറിയാന്‍ മറക്കരുത്.

2025-ൽ ടാറ്റയുടെ അഴിഞ്ഞാട്ടം തന്നെയാണ് കണ്ടുകൊണ്ടിരിക്കുന്നത്. പ്രീമിയം ഹാച്ച്ബാക്ക് സെഗ്മെൻ്റിൽ ആൾട്രോസിൻ്റെ മുഖം മിനുക്കി ഇറക്കിയതിന് പിന്നാലെയാണ് ഹാരിയറിൻ്റെ ഇവി അവതരിപ്പിക്കുന്നത്. എതിരാളികൾക്ക് എന്തെങ്കിലും ചെയ്യാനുളള സമയം പോലും ടാറ്റ നൽകുന്നില്ല എന്നതാണ് സത്യം. ഇപ്പോഴിതാ ലോഞ്ചിന് ശേഷം ആൾട്രോസ് ഫെയ്സ്‌ലിഫ്റ്റ് ഷോറൂമുകളിൽ എത്തിതുടങ്ങിയിട്ടുണ്ട്. ഒട്ടും സമയം കളയാതെ ഷോറൂമുകളിൽ ചെന്ന് വാഹനം അടുത്ത് കാണുകയും ടെസ്റ്റ് ഡ്രൈവ് ചെയ്യുകയും ചെയ്യാൻ മറക്കരുതേ. നേരിട്ട് കണ്ട് ബോധ്യപ്പെടണം ടാറ്റയുടെ പുതിയ ഫീച്ചറുകളും ടെക്നോളജികളും. സെഗ്മെൻ്റ് ഫസ്റ്റായ ഫ്ലഷ് ഡോറുകളൊക്കെ കണ്ടും വാഹനം ഓടിച്ച് നോക്കാനും മറക്കല്ലേ.

ഓരോ മാസവും കുത്തനെ താഴേക്ക് വീഴുന്ന ഹോണ്ടയുടെ വിൽപ്പന കണക്കുകൾ പിടിച്ചുയർത്താനായി വീണ്ടും ആ കാർ വരുന്നു. മറ്റേതുമല്ല, ഒരിടയ്ക്ക് ഹോണ്ട സിറ്റിയേക്കാൾ സ്വീകാര്യതയുണ്ടായിരുന്ന എക്‌സിക്യൂട്ടീവ് സെഡാൻ മോഡലായ സിവിക്കാണ് ഇന്ത്യയിലേക്ക് റീഎൻട്രിക്കായി തയാറെടുക്കുന്നത്. ഒരുകാലത്ത് ഹോണ്ട ഷോറൂമുകളിൽ എത്തുന്നവരുടെയെല്ലാം കണ്ണെത്തിയിരുന്നത് ഈയൊരു അഡാറ് കാറിലായിരുന്നു. ബിഎസ്-VI മലിനീകരണ മാനദണ്ഡങ്ങൾ നിലവിൽ വരുന്നതിന്റെ ഭാഗമായി നിർത്തലാക്കിയ സിവിക് (Honda Civic) മടങ്ങിവരുന്നുവെന്ന് കേൾക്കുമ്പോൾ ഏതൊരു വാഹന പ്രേമിയുടേയും കണ്ണൊന്ന് നിറഞ്ഞേക്കും. ഡ്രൈവിംഗ് ആസ്വദിക്കുന്നവരുടെ ഹരമായിരുന്നു സെഡാൻ മോഡലായ സിവിക്.

വലിയ ഓഫ്റോഡ് രാജാക്കൻമാരുടെ ലിസ്റ്റ് എടുക്കുമ്പോൾ തലയെടുപ്പോടെ മുന്നിൽ തന്നെയുളള പേരാണ് ജീപ്പ് വ്റാംഗ്ലർ. ഓഫ്റോഡിങ്ങിൻ്റെ രാജാവെന്ന് ചുമ്മാ വിളിക്കുന്നതല്ല കേട്ടോ. എല്ലാ അർത്ഥത്തിലും ഇവനൊരു കൊമ്പൻ തന്നെയാണ്. എന്നാൽ എന്തൊക്കെ കാരണങ്ങളാണ് മറ്റ് ഓഫ്റോഡറുകളിൽ നിന്ന് ജീപ്പ് വ്റാംഗ്ലറിനെ വ്യത്യസ്തനാക്കുന്നതെന്ന് വിശദമായിട്ടൊന്ന് നോക്കിയാലോ. ആദ്യം തന്നെ ഏതൊരു ഓഫ്റോഡറിനെ പോലേയും ജീപ്പിൻ്റെ ഗ്രൗണ്ട് ക്ലിയറൻസ് ആണ് ഒരു പ്ലസ് പോയിൻ്റ്.237 mm ആണ് വ്റാംഗ്ലറിൻ്റെ ഗ്രൗണ്ട് ക്ലിയറൻസ്. അത് കൊണ്ട് അത്ര ചെറിയ കുഴിയോ കല്ലോ ഒന്നും ഇവനൊരു വിഷയമല്ല എന്ന് മനസിലാകുമല്ലോ.

ചെക്ക് റിപബ്ലിക്കൻ ബ്രാൻഡ് ആയ സ്കോഡ രാജ്യത്ത് വിലസാൻ തുടങ്ങിയിട്ട് വർഷങ്ങളേറെയായി. ഓരോ പുതിയ ഫീച്ചറുകളും ഡിസൈനുകളുമായി എല്ലാ ആരാധകരേയും കമ്പനി ഞെട്ടിക്കാറുണ്ട്, എന്നാൽ ചില മോഡലുകളിൽ മാത്രം ഫീച്ചറുകളുടെ അഭാവം ഉണ്ട്. സാധാരണ ഒരു ഫീച്ചർ അല്ലെങ്കിൽ ടെക്നോളജി വാഹനത്തില്ലെങ്കിൽ എല്ലാവരും ആഫ്റ്റർ മാർക്കറ്റ് ആക്സസറികൾ ഘടിപ്പിക്കുന്നതാണല്ലോ പതിവ്. എന്നാൽ ഒരു അഡാസ് ഫീച്ചർ എങ്ങനെ ആഫ്റ്റർ മാർക്കറ്റിൽ സ്ഥാപിക്കുമെന്ന സംശയത്തിൻ്റെ ഉത്തരമാണ് സോഷ്യൽ മീഡിയയിൽ ഇപ്പോൾ എല്ലാവരും കാണുന്ന സ്കോഡ സ്ലാവിയ ഉടമ. അദ്ദേഹം തൻ്റെ കാറിൽ ആഫ്റ്റർ മാർക്കറ്റ് ആക്സസറിയായി ലെവൽ 2 അഡാസ് ഫീച്ചർ ചേർത്തിരിക്കുകയാണ്.

ഇന്ത്യയില്‍ മള്‍ട്ടി പര്‍പ്പസ് വാഹനങ്ങള്‍ക്ക് ഇപ്പോള്‍ ആവശ്യക്കാര്‍ കൂടുതലാണ്. കൂടുതല്‍ സൗകര്യങ്ങള്‍ ഉള്ള എംപിവികള്‍ക്കുള്ള ഡിമാന്‍ഡ് മുതലെടുക്കാനായി ദക്ഷിണ കൊറിയന്‍ വാഹന നിര്‍മാതാക്കളായ കിയ കഴിഞ്ഞ മാസം പുതിയ കാരെന്‍സ് ക്ലാവിസ് എന്ന മോഡല്‍ പുറത്തിറക്കിയിരുന്നു. കാരെന്‍സ് എംപിവിയുടെ ഫെയ്‌സ്‌ലിഫ്റ്റ് പതിപ്പാണ് ഇത്. കാരെന്‍സും ക്ലാവിസും ഒരുമിച്ചാണ് കിയ ഇപ്പോള്‍ വില്‍ക്കുന്നത്. ഇതോടൊപ്പം തന്നെ കാരെന്‍സ് ക്ലാവിസിന്റെ ഇലക്ട്രിക് പതിപ്പും പുറത്തിറങ്ങാന്‍ പോകുന്നതായി കിയ അറിയിച്ചിരുന്നു. പുത്തന്‍ ഇലക്ട്രിക് എംപിവിയുടെ ലോഞ്ച് സംബന്ധിച്ച് പുത്തന്‍ അപ്‌ഡേറ്റുകള്‍ പുറത്തുവന്നിട്ടുണ്ട്. അതിനെ കുറിച്ച് വിശദമായി വായിക്കാം.

നല്ല കുറഞ്ഞ വിലയിൽ രണ്ട് എൻട്രി ലെവൽ സൂപ്പർബൈക്കുകൾ പുറത്തിറക്കി യുവാക്കളുടെ ഇടയിൽ ഹിറ്റായ ഇരുചക്ര വാഹന നിർമാതാക്കളായിരുന്നു അപ്രീലിയ. RS 457 സ്പോർട് മോട്ടോർസൈക്കിൾ ഇന്ത്യയിൽ വലിയ ഹിറ്റായതോടെ ഇതിനെ അടിസ്ഥാനമാക്കിയുള്ള ടുവോണോ 457 നേക്കഡ് സ്ട്രീറ്റ് ഫൈറ്റർ മോഡലും രാജ്യത്ത് തരംഗം സൃഷ്‌ടിക്കാനായി എത്തുകയുണ്ടായി. പക്ഷേ അടുത്തിടെ എഞ്ചിനുമായി ബന്ധപ്പെട്ട ചില തകരാറുകൾ ഇറ്റാലിയൻ ബ്രാൻഡിന് ചീത്തപ്പേര് നേടിക്കൊടുത്തിരുന്നു. എന്നാൽ ഇതിന് ഉടൻ പരിഹാരം കണ്ടെത്തിയ അപ്രീലിയ ഇപ്പോഴിതാ ഉപഭോക്താക്കളുടെ ആശങ്കകളെല്ലാം അകറ്റുന്ന തീരുമാനവുമായി രംഗത്തെത്തിയിരിക്കുകയാണ്.

ഇന്നു വരും നാളെ വരും എന്നൊക്കെ പറഞ്ഞ ഇവി ഭീമനായ ടെസ്‌ലയുടെ വരവിന് വേണ്ടി കാത്തിരിക്കാൻ തുടങ്ങിയിട്ട് വർഷങ്ങളായിരുന്നല്ലോ. എന്നാൽ അതൊക്കെ കാറ്റിൽപ്പറത്തി ടാറ്റയുമായി കൈകോർത്തതും ഷോറൂമിനും നിർമാണ് പ്ലാൻ്റിനുളള സ്ഥലം ഉറപ്പിച്ച വാർത്തകളൊക്കെ കേട്ടപ്പോൾ ആരാധകർ കൂടുതൽ ഉഷാറായി. മെയ്ക്ക് ഇൻ ഇന്ത്യയുടെ ഭാഗമായി ടെസ്‌ലയും മാറുമെന്ന വാർത്തകൾ ലോകമെങ്ങും കാട്ടുതീ പോലെ പരന്നു. എന്നാൽ ഇപ്പോൾ രാജ്യത്ത് ഇലക്ട്രിക് വാഹനങ്ങൾ നിർമ്മിക്കാൻ ടെസ്‌ലയ്ക്ക് താൽപ്പര്യമില്ലെന്ന് ഇന്ത്യയുടെ ഘന വ്യവസായ മന്ത്രി എച്ച്‌ഡി കുമാരസ്വാമിയുടെ പ്രസ്താവന കേട്ടു ഞെട്ടിയിരിക്കുകയാണ് വാഹനലോകം

മഹീന്ദ്രയോട് നഷ്‌ടപ്പെടുത്തിയ രണ്ടാംസ്ഥാനം തിരികെപ്പിടിക്കാനുള്ള ഉറച്ച തീരുമാനത്തിലാണ് പ്രമുഖരായ ഹ്യുണ്ടായി (Hyundai). എങ്ങനെയൊക്കെ പരീക്ഷിച്ചിട്ടും ക്രെറ്റ (Creta) ഒഴികെയുള്ള വാഹനങ്ങൾ വിൽപ്പനയിൽ കത്തിക്കയറുന്നില്ലെന്നത് ദക്ഷിണ കൊറിയൻ വാഹന നിർമാതാക്കളെ സംബന്ധിച്ച് വലിയൊരു വേദനയാണ്. എങ്കിലും പുതിയ ഐഡിയകളുമായി കളംനിറയുന്നതിൽ നിന്നും കമ്പനി പിന്നാക്കം പോയിട്ടില്ല. ഇപ്പോഴിതാ അൽകസാർ എസ്‌യുവിയുടെ (Alcazar SUV) പുത്തനൊരു വേരിയന്റിനെ വിപണിയിൽ എത്തിച്ചാണ് ഹ്യുണ്ടായി വാർത്തകളിൽ ഇടംപിടിച്ചിരിക്കുന്നത്. അതും പലരും ആവശ്യപ്പെട്ട ഫീച്ചറുകൾ സമ്മാനിച്ചുകൊണ്ടാണ് കോർപ്പറേറ്റ് വേരിയന്റ് എന്നറിയപ്പെടുന്ന പുത്തൻ പതിപ്പിനെ വിപണിയിൽ അവതരിപ്പിച്ചിരിക്കുന്നത്.