ടാറ്റ മോട്ടോർസ് കൈയടക്കിവെച്ചിരുന്ന ഇലക്ട്രിക് കാർ വിപണിയെ കോമെറ്റും വിൻഡ്‌സറും പുറത്തിറക്കി കൈയടക്കിയവരാണ് എംജി മോട്ടോർ. പക്ഷേ പുലി പതുങ്ങുന്നത് ഒളിക്കാനല്ല, കുതിക്കാനാണെന്ന് എംജിക്ക് മനസിലാക്കി കൊടുക്കാൻ ടാറ്റയ്ക്ക് അധിക സമയമൊന്നും വേണ്ടിവരില്ലെന്ന് എല്ലാവർക്കും അറിയാമായിരുന്നു. ഏറെ നാളത്തെ കാത്തിരിപ്പുകൾക്കെല്ലാം വിരാമമിട്ടുകൊണ്ട് ഇലക്‌ട്രിക് എസ്‌യുവികളിലെ രത്തൻ ടാറ്റ ജനനം കൊണ്ടിരിക്കുകയാണ്. അസാമാന്യ പ്രകടനവും അന്യായ റേഞ്ചുമായി ഹാരിയർ ഇവി ഔദ്യോഗികമായി അവതരിപ്പിച്ചിരിക്കുകയാണ് ഇന്ത്യക്കാരുടെ സ്വന്തം വണ്ടിക്കമ്പനി. ഒപ്പം ആരേയും മോഹിപ്പിക്കുന്ന വില കൂടിയായതോടെ ഇവി വിപണി ഹാരിയർ ഇവി തൂക്കുമെന്ന് ഉറപ്പിക്കാം.

പുതിയ വാഹനം വാങ്ങുമ്പോൾ സാധാരണ നമ്മൾ പ്രാർത്ഥനയോടെ ആയിരിക്കുമല്ലോ വാഹനം ഡെലിവറി എടുക്കുന്നത്. പല സ്ഥലത്ത് പല ആചാരങ്ങളാണല്ലോ. വ്യത്യസ്ത മതാനുഷ്ഠാനങ്ങൾ അനുസരിച്ച് അത് മാറിക്കൊണ്ടിരിക്കും. എന്നാൽ ഒരു നാരങ്ങ എങ്കിലും വയ്ക്കാതെ വാഹനം ഡെലിവറി എടുക്കാറില്ല. അത് പോലെ തന്നെ നിങ്ങൾ സോഷ്യൽ മീഡിയയിൽ കണ്ടിട്ടുണ്ടാകും പുത്തൻ വാഹനത്തിൽ പെൺകുട്ടികളുടെ കാലുകൾ കുങ്കുമത്തിൽ മുക്കിയതിന് ശേഷം ബോണറ്റിൽ കാൽപ്പടുകൾ പതിപ്പിക്കുന്നത്. അങ്ങനെ ഒരു ഡെലിവറി വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. ഒരു കുടുംബം തങ്ങളുടെ പുതിയ സകോർപിയോ എൻ ഡെലിവറി എടുക്കാൻ വരുന്നതാണ് വീഡിയോയിൽ.

2025 മെയ് മാസത്തിൽ ഹോണ്ടയുടെ ടു വീലർ സെഗ്മെൻ്റിൽ 4,65,115 യൂണിറ്റുകളാണ് മെയ് മാസത്തിൽ കമ്പനി വിറ്റിരിക്കുന്നതെന്നാണ് റിപ്പോർട്ടുകൾ വ്യക്തമാക്കുന്നത്. ഹോണ്ടയുടെ ആഭ്യന്തര വിപണിയിൽ 4,17,256 യൂണിറ്റുകളുടെ വിൽപ്പനയും അത് പോലെ തന്നെ 47,859 യൂണിറ്റുകൾ കയറ്റുമതി ചെയ്തതിൻ്റെ കണക്കുകളുമാണ് ഇതിൽ ഉൾപ്പെടുത്തിയിരിക്കുന്നത്. 2026 സാമ്പത്തിക വർഷത്തിന്റെ ആദ്യ രണ്ട് മാസങ്ങളിൽ പ്രത്യേകിച്ച് ഏപ്രിൽ & മെയ് ജാപ്പനീസ് ടൂ വീലർ ബ്രാൻഡ് 9,45,979 യൂണിറ്റുകൾ റീട്ടെയിൽ ചെയ്തിരിക്കുകയാണ്, ഇതിൽ 8,40,155 യൂണിറ്റുകളുടെ ആഭ്യന്തര വിൽപ്പനയും 1,05,824 യൂണിറ്റ് കയറ്റുമതിയും ഉൾപ്പെടുന്നുണ്ട്.

ഇന്ത്യയിൽ എസ്‌യുവി മോഡലുകൾക്ക് വലിയ സ്വീകാര്യത ലഭിക്കുന്ന സാഹചര്യത്തിൽ സാധാരണക്കാർക്കായി ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി പണിതിറക്കിയ മോഡലാണ് എക്സ്റ്റർ (Hyundai Exter). ടാറ്റ പഞ്ച് എന്ന അതികായകൻ അരങ്ങുവാഴുന്ന മൈക്രോ സ്പോർട് യൂട്ടിലിറ്റി വാഹന വിഭാഗത്തിലേക്ക് എത്തിയപ്പോൾ എക്സ്റ്റർ എങ്ങനെ കളംനിറയുമെന്നായിരുന്നു ആളുകളുടെ പ്രധാന സംശയം. എന്നാൽ അടിപൊളി ഡിസൈനും മോഡേൺ ഫീച്ചറുകളെല്ലാം കുത്തിനിറച്ച് ഹ്യുണ്ടായിയുടെ ഇത്തിരി കുഞ്ഞൻ അതിവേഗം ജനഹൃദയങ്ങൾ കീഴടക്കി. തുടക്കത്തിൽ അതിവേഗം വിറ്റഴിയാനും ആശാന് സാധിച്ചത് കമ്പനിക്ക് വലിയ ആശ്വാസമാവുകയും ചെയ്‌തു.

സിനിമാ താരങ്ങള്‍ക്കിടയില്‍ ഏറ്റവും പ്രചാരമുള്ള എസ്‌യുവികളുടെ പട്ടികയെടുത്താല്‍ അതില്‍ മുന്‍പന്തിയിലുണ്ടാകും ലാന്‍ഡ് റോവര്‍ ഡിഫെന്‍ഡര്‍. ആഗോള തലത്തില്‍ ഏറ്റവും പോപ്പുലറായ ഓഫ്‌റോഡര്‍ എസ്‌യുവി ഇപ്പോള്‍ ഇന്ത്യന്‍ വിപണിയിലും തരംഗം തീര്‍ക്കുകയാണ്. ഇന്ത്യയും യുകെയും തമ്മിലുള്ള സ്വതന്ത്ര വ്യാപാര കരാറിന്റെ ഭാഗമായി ഡിഫെന്‍ഡര്‍ അടക്കമുള്ള കാറുകള്‍ക്ക് ഇനി വിലയും കുറയാന്‍ പോകുന്നതായാണ് പറയപ്പെടുന്നത് അങ്ങനെ വരുമ്പോള്‍ ഡിഫെന്‍ഡര്‍ ഓണര്‍ ആകുന്ന സെലിബ്രിറ്റികളുടെ പട്ടിക ഇനിയും നീളും. മോളിവുഡില്‍ മമ്മൂട്ടിയുടെ ഡിഫെന്‍ഡര്‍ വളരെ ഫെയ്മസാണ്. സമാനമായ രീതിയില്‍ ബോളിവുഡിലെ ഒരു വെറ്ററന്‍ നടനും ഡിഫെന്‍ഡറില്‍ വന്നിറങ്ങുന്ന വീഡിയോ ഏറെ ശ്രദ്ധിക്കപ്പെട്ടു. അത് ആരാണെന്ന് നോക്കാം.

ഒരു സെവൻ സീറ്റർ വാങ്ങാൻ ആഗ്രഹിക്കുന്ന ഒരുപാട് ആളുകൾ നമുക്ക് ചുറ്റുമുണ്ടാവും. എന്നാൽ ഇത്തരം വാഹനങ്ങളുടെ വില കേട്ടറിഞ്ഞ പലരും അവരുടെ സ്വപ്‌നം പാതിവഴിക്ക് ഉപേക്ഷിച്ച് പോയിട്ടുമുണ്ടാവും. ഇത്തരക്കാരുടെ സ്വപ്നം പൂവണിയിക്കാൻ ബജറ്റ് കോംപാക്‌ട് എംപിവി സെഗ്മെന്റിൽ റെനോ ട്രൈബർ എന്നൊരു മോഡലുണ്ട്. എന്നാൽ അണ്ടർപവർ ആയിട്ടുള്ള എഞ്ചിനുമായി വരുന്നതിനാൽ പലരും അധികം മൈൻഡ് ചെയ്യാറില്ല. ഇത്തരക്കാർക്ക് അടുത്ത ഓപ്ഷനാണ് മാരുതി എർട്ടിഗ. പക്ഷേ ഇതിന്റെ വില അൽപം കൂടുതലായതിനാൽ 7-സീറ്റർ എന്ന ആഗ്രഹം വേണ്ടെന്ന് വെക്കുകയാണ് പതിപ്. പക്ഷേ വളരെ അണ്ടർറേറ്റഡ് ആയിട്ടുള്ള ഈക്കോ വാൻ അങ്ങനെ ആരും തിരിച്ചറിഞ്ഞിട്ടില്ല.

എപ്പോഴും പറയാറുള്ള കാര്യമാണ് എതിരാളികളെ ടാറ്റ നേരിടുന്ന രീതി. ഒരു വീഡിയോ അങ്ങ് ഇറക്കി വിട്ട് എതിരാളികളെ മിണ്ടാൻ വയ്യാത്ത അവസ്ഥയിലാക്കും ടാറ്റ മോട്ടോർസ്. അത്തരത്തിലൊരു വീഡിയോ ആണ് ടാറ്റ തങ്ങളുടെ ഒരു ഇവി മോഡൽ അവതരിപ്പിക്കുന്നതിന് മുൻപായി അങ്ങ് ഇറക്കി വിട്ടിരിക്കുന്നത്. ഇന്ന് ടാറ്റ ഹാരിയർ ഇവിയുടെ ലോഞ്ച് നടക്കാൻ പോകുകയാണ്. അതിന് മുൻപായി തങ്ങൾ അവതരിപ്പിക്കുന്ന മോഡൽ അത്ര ചില്ലറക്കാരനല്ല എന്ന് പറയാൻ വേണ്ടി ഒരു പരസ്യവീഡിയോ അങ്ങ് പോസ്റ്റ് ചെയ്തു. പിന്നീടങ്ങോട്ട് സോഷ്യൽ മീഡിയ കത്തിയെന്ന് തന്നെ പറയണം. അതും കേരളത്തിൽ നിന്നൊരു വീഡിയോ ആരും സ്വപ്നത്തിൽ പോലും വിചാരിച്ചു കാണില്ല.

ഇന്ത്യയിലെ മുന്‍നിര കാര്‍ നിര്‍മ്മാതാക്കളാണ് ഹ്യുണ്ടായി. കമ്പനിയുടെ ഏറ്റവും കൂടുതല്‍ വിറ്റഴിക്കപ്പെടുന്ന കാറാണ് ക്രെറ്റ. ഇത് ഒരു കോംപാക്ട് എസ്‌യുവിയാണ്. വിപണിയില്‍ എത്തിയ അന്ന് മുതല്‍ മികച്ച അഭിപ്രായം നേടിയ ഈ കാര്‍ നിലവില്‍ അതിന്റെ സെഗ്‌മെന്റിലെ നമ്പര്‍ 1 മോഡല്‍ ആണ്. ഒരു എസ്‌യുവി വാങ്ങാന്‍ താല്‍പര്യപ്പെടുന്നവരുടെ ആദ്യ ചോയ്‌സ്‌കളില്‍ ഒന്നാണ് ക്രെറ്റ. അതുകൊണ്ട് തന്നെ ഈ കാര്‍ വാങ്ങാന്‍ താല്‍പര്യപ്പെടുന്നവര്‍ക്ക് അതിന്റെ ലോണ്‍, ഇഎംഐ വിവരങ്ങള്‍ അറിയാന്‍ താല്‍പര്യമുണ്ടാകും. ഹ്യുണ്ടായി ക്രെറ്റ എസ്‌യുവി 2 ലക്ഷത്തില്‍ താഴെ കൈയ്യില്‍ ഉണ്ടെങ്കില്‍ ഷോറൂമില്‍ നിന്ന് ഇറക്കാമെന്ന് പറഞ്ഞാല്‍ നിങ്ങള്‍ വിശ്വസിക്കുമോ?.

പണ്ട് പരുക്കൻ വാഹനങ്ങൾ മാത്രം നിർമിക്കുന്നൊരു വാഹന നിർമാതാക്കളായിരുന്നു മഹീന്ദ്രയെങ്കിൽ ഇപ്പോൾ ഇമേജ് എല്ലാം മാറി ഏതൊരാളും മോഹിക്കുന്ന തരത്തിലുള്ള എസ്‌യുവികൾ മാത്രം പുറത്തിറക്കുന്ന ബ്രാൻഡായി മഹീന്ദ്ര ആൻഡ് മഹീന്ദ്ര മാറി (Mahindra And Mahindra). മോഡേൺ ഫീച്ചറുകളും ഗംഭീര യാത്രാസുഖവും അഡാറ് സേഫ്റ്റിയും തരുന്ന മോഡലുകൾ മാത്രമാണ് കമ്പനി ഇപ്പോൾ അവതരിപ്പിക്കുന്നത്. XUV 3XO, ബൊലേറോ, ബൊലേറോ നിയോ, ഥാർ, ഥാർ റോക്‌സ്, സ്കോർപിയോ N, XUV700 അങ്ങനെ ഇടിവെട്ട് മോഡലുകളാൽ സമ്പന്നമാണ് ബ്രാൻഡിന്റെ വാഹന നിര.

റെക്കോഡ് വില്‍പ്പന നേടിയ 2025 ഏപ്രിലിന് ശേഷം മെയ് മാസത്തിലും ഇന്ത്യയില്‍ ഇലക്ട്രിക് ടൂവീലര്‍ വിഭാഗത്തിന്് മികച്ച മാസമായിരുന്നു. ഏപ്രിലില്‍ 92,345 യൂണിറ്റായിരുന്നു മൊത്തം വില്‍പ്പനയെങ്കില്‍ മെയില്‍ അത് 1,00,266 യൂണിറ്റായി ഉയര്‍ന്നു. കഴിഞ്ഞ വര്‍ഷം മെയ് മാസത്തിലെ 77,330 യൂണിറ്റുമായി താരതമ്യം ചെയ്യുമ്പോള്‍ 30% വളര്‍ച്ചയാണ് രേഖപ്പെടുത്തിയത്. 2025 മെയ് മാസത്തില്‍ 26144 യൂണിറ്റുകള്‍ വിറ്റ് ടിവിഎസ് മോട്ടോര്‍ ഒന്നാം സ്ഥാന നിലനിര്‍ത്തി. തുടര്‍ച്ചയായി രണ്ടാം മാസമാണ് ടിവിഎസ് ഇന്ത്യന്‍ ഇലക്ട്രിക് ടൂവീലര്‍ വിഭാഗത്തില്‍ ഒന്നാം സ്ഥാനത്തെത്തുന്നത്.

മഴക്കാലമായത് കൊണ്ട് ഇപ്പോൾ ഓഫ്റോഡറുമാർക്ക് ചാകരയാണ് എന്ന് പ്രത്യേകം പറയേണ്ട കാര്യമില്ലല്ലോ. എവിടെയെങ്കിലും വെളളപ്പൊക്കം വന്നാൽ പിന്നങ്ങോട്ട് ഥാർ, ബൊലേറോ, ടൊയോട്ട ഹൈലക്സ് എന്നിങ്ങനെ ഓഫ്റോഡർ രാജാക്കൻമാരുടെ റീൽസായിരിക്കും സോഷ്യൽ മീഡിയ ഭരിക്കുക. പാലായിൽ വെളളത്തിൽ കൂടെ വരുന്ന ഥാറിനെ കുറിച്ച് വെബ്സൈറ്റിൽ വന്ന വാർത്ത നിങ്ങളെല്ലാവരും വായിച്ചു കാണുമല്ലോ. ഒരു സ്റ്റോക്ക് വണ്ടിയുമായിട്ടാണ് ഡ്രൈവർ വെളളത്തിലൂടെ ഓടിച്ചു പോന്നത്. അപ്പോൾ ഒരു ഓഫ്റോഡ് സ്പെക്ക് നിറച്ച വണ്ടിയാണങ്കിലോ. അത്തരത്തിലൊരു കിടിലൻ ഥാർ റോക്സിൻ്റെ ചിത്രങ്ങൾ ഇപ്പോൾ സോഷ്യൽ മീഡിയയിൽ എല്ലാവരുടേയും കണ്ണുത്തളളിച്ചിരിക്കുകയാണ്.

ഇന്ത്യൻ വാഹന വിപണിയിൽ വളരെ തിരക്കുപിടിച്ച സമയമാണ് ടാറ്റ മോട്ടോർസിന് ഇപ്പോൾ. നിലവിലുണ്ടായിരുന്ന കാറുകളുടെ ഫെയ്‌സ്‌ലിഫ്റ്റ് മോഡലുകളെല്ലാം പുറത്തിറക്കിയ കമ്പനി നാളെ പുതിയ ഹാരിയർ ഇലക്ട്രിക് എസ്‌യുവിയെ അവതരിപ്പിക്കാനുള്ള ഒരുക്കങ്ങളിലാണ്. ഇതിനിടയിൽ അടുത്തിടെ ഇന്ത്യക്കാർക്കായി സമ്മാനിച്ച കാറിന്റെ ഔദ്യോഗിക ബുക്കിംഗും സ്വീകരിച്ച് തുടങ്ങിയിരിക്കുകയാണ് കമ്പനി. ഏവരേയും മോഹിപ്പിച്ച 5-സ്റ്റാർ സേഫ്റ്റിയുള്ള സാധാരണക്കാരന്റെ പ്രീമീയം ഹാച്ച്ബാക്കായ ടാറ്റ ആൾട്രോസ് ഫെയ്‌സ്‌ലിഫ്റ്റിന്റെ ബുക്കിംഗാണ് ബ്രാൻഡ് ആരംഭിച്ചിരിക്കുന്നത്. വാഹനം വാങ്ങാൻ താത്പര്യമുള്ള ഉപഭോക്താക്കൾക്ക് ടാറ്റ മോട്ടോർസിന്റെ വെബ്സൈറ്റ് വഴിയോ അല്ലെങ്കിൽ ഡീലർഷിപ്പിലെത്തിയോ പുതിയ ആൾട്രോസ് ബുക്ക് ചെയ്യാം.

ഇന്ത്യൻ സിനിമ ചരിത്രത്തിൽ തന്നെ റേസറായ ഒരു നടനുണ്ടോ എന്ന് ചോദിച്ചാൽ അത് തമിഴ് സിനിമയുടെ തലയായ അജിത് മാത്രമേയുളളു. പലരും ഹോബിയായി റേസിങ്ങിനെ കാണുമ്പോൾ അഭിനയം പോലെ തന്നെ തൻ്റെ ജീവാത്മാവും പരമാത്മാവുമായിട്ടാണ് റേസിങ്ങിനെ താരം കാണുന്നത്. അത് തെളിയിക്കുന്നതാണ് അദ്ദേഹത്തിൻ്റെ കഴിഞ്ഞ തവണത്തെ റേസിങ്ങിലെ പ്രകടനം. ഒന്നു രണ്ട് തവണ അദ്ദേഹത്തിൻ്റെ കാർ അപകടത്തിൽപ്പെട്ടിരുന്നു എങ്കിലും ഗംഭീര തിരിച്ചു വരവാണ് അദ്ദേഹം നടത്തിയത്. സിനിമയിലെ അഭിനയം കണ്ട് ആരാധന തോന്നിയെങ്കിൽ ഇപ്പോൾ യുവാക്കൾ അദ്ദേഹത്തിൻ്റെ റേസിങ്ങ് കണ്ടാണ് ആരാധകരായി മാറുന്നത്.

സോഷ്യല്‍ മീഡിയയില്‍ (Social Media) സൗഹൃദങ്ങളെ കുറിച്ചുള്ള ട്രോളുകളും മീമുകളും പലര്‍ക്കും സ്വന്തം ജീവിതവുമായി ബന്ധപ്പെടുത്താന്‍ സാധിക്കാറുണ്ട്. കഴിഞ്ഞ ദിവസം സോഷ്യല്‍ മീഡിയയില്‍ സ്‌ക്രോള്‍ ചെയ്യുമ്പോള്‍ ഒരു ട്രോളില്‍ കണ്ട അത്തരത്തില്‍ ഒരു സംഗതി ഇത് എഴുതുന്ന എന്നിലും ചിരി പടര്‍ത്തി. നമ്മള്‍ എല്ലാവരും ആഗ്രഹിക്കുന്നത് വിക്രമാദിത്യനില്‍ ആദിക്ക് ലോകേഷിനെ കിട്ടിയത് പോലെ ഒരു ചങ്ങാതിയെ ആയിരിക്കും എന്നാല്‍ കിട്ടിയതോ വടക്കന്‍ സെല്‍ഫിയില്‍ ഉമേഷിന്റെ ചങ്കായ ഷാജിയെ പോലെ ഒരു കൂട്ടുകാരനെ ആണ് എന്നതായിരുന്നു അതിലെ ഉള്ളടക്കം.

എല്ലാവർക്കും ഒരുപോലെ ഇഷ്‌ടമുള്ള എസ്‌യുവിയാണ് ടൊയോട്ട ഫോർച്യൂണർ (Toyota Fortuner SUV). ഇക്കൂട്ടത്തിൽ ഏറ്റവും ഫാൻസുള്ളത് മലയാളികൾക്കിടയിലാണെന്നതാണ് വേറൊരു സത്യം. വില അൽപം കൂടുതലാണെങ്കിലും പണം മുടക്കി വാങ്ങാൻ ഇവിടെ ആളുണ്ടെന്നതാണ് സത്യം. അധികം വൈകാതെ ഫോർച്യൂണറിന്റെ പുതുതലമുറ ആവർത്തനത്തെ ജാപ്പനീസ് വാഹന നിർമാതാക്കൾ അവതരിപ്പിക്കുമെന്നതും കേട്ട് കൊതിയോടെ കാത്തിരിക്കുകയാണ് വണ്ടിഭ്രാന്തൻമാർ. ഇത്തവണത്തെ വരവിൽ ഇന്നോവ ഹൈക്രോസിലേത് (Innova Hycross) പോലെ ആധുനിക ഫീച്ചറുകളും ഹൈബ്രിഡ് പെട്രോൾ എഞ്ചിനുമെല്ലാം ഉണ്ടാവുമെന്ന വാർത്തയാണ് കാത്തിരിപ്പിന് അത്രമേൽ പ്രാധാന്യം നൽകുന്നത്.

ഹോണ്ടയുടെ വാഹനങ്ങൾക്ക് എന്നും ആരാധകരുണ്ട്. വിൽപ്പനയിലും മോഡലുകൾക്ക് ഒരു കുറവും ഇല്ലാത്ത ബ്രാൻഡായി മാറിയിട്ടുമുണ്ട്. എന്നാൽ കഴിഞ്ഞ മാസം ഹോണ്ടയ്ക്ക് അത്ര നല്ല കാലം അല്ലായിരുന്നു എന്നാണ് കണക്കുകൾ വ്യക്തമാക്കുന്നത്. കഴിഞ്ഞ വർഷവുമായി താരതമ്യം ചെയ്യുമ്പോൾ കുറവുണ്ടെന്ന് കമ്പനിയും വ്യക്തമാക്കുന്നുണ്ട്, എന്നാൽ ഈ കുറവ് താൽക്കാലികം മാത്രമാണെന്നും കമ്പനി മുന്നോട്ട് കുതിക്കുകയാണെന്നുമാണ് അധികൃതർ അറിയിച്ചിരിക്കുന്നത്. ഹോണ്ട ഭാവിയിൽ കൂടുതലായി ഹൈബ്രിഡ് മോഡലുകളിൽ ശ്രദ്ധ ചെലുത്താനാണ് പദ്ധതിയിട്ടിരിക്കുന്നത്. ഹോണ്ടയുടെ വിൽപ്പനയിൽ അൽപ്പം കുറവ് നേരിട്ടിരിക്കുന്നത് ഹോണ്ട സിറ്റിക്കാണ്. സിറ്റിയുടെ മറ്റ് വിശേഷങ്ങളിലേക്ക് കൂടി നോക്കിയാലോ.

ഇന്ത്യന്‍ കാര്‍ വിപണി വര്‍ഷങ്ങളായി അടക്കി ഭരിക്കുകയാണ് മാരുതി സുസുക്കി. പതിറ്റാണ്ടുകളായി മാരുതിയുടെ ഒന്നാം സ്ഥാനത്തിന് ഇളക്കമൊന്നും സംഭവിച്ചിട്ടില്ല. വില്‍പ്പന നമ്പറുകളുടെ കാര്യത്തില്‍ ചില മാസങ്ങളില്‍ ഏറ്റക്കുറച്ചിലുകള്‍ സംഭവിക്കാറുണ്ട്. അത് ഉടന്‍ തന്നെ മറ്റ് രീതികളില്‍ കമ്പനി പരിഹരിക്കാറുണ്ട്. ഇപ്പോള്‍ 2025 മെയ് മാസത്തിലെ വില്‍പ്പന കണക്കുകള്‍ പുറത്തുവന്നപ്പോള്‍ മാരുതി സുസുക്കി ആഭ്യന്തര വില്‍പ്പനയില്‍ ഇടിവ് നേരിട്ടു. എന്നാല്‍ കയറ്റുമതിയിലെ ഉയര്‍ന്ന ഡിമാന്‍ഡ് കാരണം ഇത് മറികടന്ന് മെത്തം വില്‍പ്പന പോസിറ്റീവാക്കാന്‍ സാധിച്ചു. പോയ മാസത്തെ ഇന്തോ-ജാപ്പനീസ് വാഹന നിര്‍മാതാക്കളുടെ വില്‍പ്പന കണക്കുകള്‍ വിശദമായി നമുക്ക് വിലയിരുത്താം.

ഇലക്‌ട്രിക് വാഹന വിപണിയിൽ എംജിയും ടാറ്റയും തമ്മിലുള്ള പോര് മുറുകുകയാണ്. കോമെറ്റും വിൻഡ്‌സറും പുറത്തിറക്കി ഇവി സെഗ്മെന്റ് കൈയിലെടുത്ത് ചൈനീസ് ബ്രാൻഡ് മുന്നേറുമ്പോൾ പുതിയ പദ്ധതികളുമായി കളംനിറയുകയാണ്. നെക്സോൺ ഇവി, പഞ്ച് ഇവി പോലുള്ള വജ്രായുധങ്ങൾ വിൻഡ്‌സറിന് മുന്നിൽ പതറിയപ്പോൾ അടുത്തതായി ടാറ്റ കണ്ടുവെച്ചിരിക്കുന്നത് ഒറ്റയടിക്ക് വൈദ്യുത വാഹന പ്രേമികളെയെല്ലാം ഷോറൂമിലെത്തിക്കാൻ പോവുന്നൊരു കാറാണ്. മറ്റേതുമല്ല കുറച്ചുനാളുകളായുള്ള കാത്തിരിപ്പിനൊടുവിൽ ഹാരിയർ ഇവിയാണ് മറനീക്കി നാളെ വിപണിയിലേക്ക് എത്താനിരിക്കുന്നത്. ഇതോടെ എംജിയുടെ കഷ്‌ടകാലം നാളെ തുടങ്ങുമെന്നാണ് ടാറ്റ ഫാൻസിന്റെ വിലയിരുത്തൽ.

രാജ്യമെങ്ങും ഇവി മയത്തിൽ മുങ്ങി നിൽക്കുമ്പോൾ കേരളത്തിൽ ഇലക്ട്രിക് വാഹനങ്ങളുടെ വിൽപ്പനയിൽ നേരിയ കുറവ് ഉണ്ടെന്നാണ് റിപ്പോർട്ടുകൾ പുറത്ത് വരുന്നത്. കേരളത്തിൽ രജിസ്റ്റർ ചെയ്യുന്ന ഇലക്ട്രിക് വാഹനങ്ങളുടെ എണ്ണത്തിൽ കുറവ് വന്നിട്ടുണ്ട്. കഴിഞ്ഞ സാമ്പത്തിക വർഷം കേരളത്തിൽ രജിസ്റ്റർ ചെയ്തിരുന്ന ഇലക്ട്രിക് വാഹനങ്ങളുടെ എണ്ണം എന്നത് 41,818 വാഹനങ്ങളാണ്. മുൻ സാമ്പത്തിക വർഷത്തിലെ കണക്കുകൾ പരിശോധിച്ചാൽ അത് 81,000 വാഹനങ്ങളായിരുന്നു. 40 ശതമാനത്തിന് മുകളിലാണ് കുറവ് രേഖപ്പെടുത്തിയിരിക്കുന്നത്. കേരലത്തിലെ കാര്യം മാത്രമല്ല ദേശീയ തലത്തിലും വാഹന രജിസ്ട്രേഷനിൽ കുറവ് വന്നിട്ടുണ്ടെന്നാണ് കണക്കുകളിൽ നിന്ന് വ്യക്തമാകുന്നത്.

ജാഗ്വാര്‍ ലാന്‍ഡ് റോവര്‍ (ജെഎല്‍ആര്‍) റേഞ്ച് റോവറിന്റെ പുതിയ ഇന്ത്യ-സ്‌പെസിഫിക് സ്‌പെഷ്യല്‍ എഡിഷന്‍ മോഡല്‍ വിപണിയില്‍ എത്തിച്ചു. റേഞ്ച് റോവര്‍ SV രന്തംബോര്‍ എഡിഷന് ശേഷം ഇന്ത്യക്ക് വേണ്ടി ഈ വര്‍ഷം പുറത്തിറക്കുന്ന രണ്ടാമത്തെ ലിമിറ്റഡ് എഡിഷന്‍ റേഞ്ച് റോവറിന് കമ്പനി റേഞ്ച് റോവര്‍ SV മസാര എഡിഷന്‍ എന്നാണ് പേരിട്ടിരിക്കുന്നത്. ഈ ലിമിറ്റഡ് എഡിഷന്‍ മോഡലിന് 4.99 കോടി രൂപയാണ് ബ്രിട്ടീഷ് ബ്രാന്‍ഡ് എക്‌സ്-ഷോറൂം വിലയായി നിശ്ചയിച്ചിരിക്കുന്നത്. മാത്രമല്ല ഈ എസ്‌യുവിയുടെ 12 യൂണിറ്റുകള്‍ മാത്രമേ നിര്‍മ്മിക്കൂ. പുത്തന്‍ കാറിനെ കുറിച്ച് വിശദമായി ചുവടെ വായിക്കാം.

ഫാമിലി ഇലക്‌ട്രിക് സ്‌കൂട്ടർ എന്ന വാക്ക് പോപ്പുലർ ആവുന്നത് ഏഥർ റിസ്‌ത എന്ന മോഡലിന്റെ വരവോടെയാണ്. ഒരു വീട്ടിലെ എല്ലാവർക്കും ഒരുപോലെ ഉപയോഗിക്കാനാവുന്ന തരത്തിൽ ഡിസൈൻ ചെയ്‌തിരിക്കുന്ന ഇവിയെ ഇന്ത്യക്കാർ വളരെ വേഗം നെഞ്ചോട് ചേർക്കുകയും വിശ്വസിക്കുകയും ചെയ്‌തു. ബജാജ് ചേതക്, ടിവിഎസ് ഐക്യൂബ്, ഓല S1 തുടങ്ങിയ വമ്പൻമാരോട് പടവെട്ടാനിറങ്ങിയപ്പോൾ ചില സവിശേഷമായ കാര്യങ്ങൾ കോർത്തിണക്കിയാണ് റിസ്‌ത പുറത്തിറങ്ങിയത്. ഇഷ്‌ടം പോലെ സ്ഥലം, വലിയ സീറ്റ്, നല്ല റേഞ്ച്, താങ്ങാനാവുന്ന വില എന്നിവയെല്ലാം ഹൈലൈറ്റാക്കിയ ഏഥർ എനർജിയുടെ കുടുംബിനി ഹിറ്റായില്ലെങ്കിലേ അതിശയിക്കാനുള്ളൂ.

സാധാരണക്കാരെ സംബന്ധിച്ച് ഒരു കാർ സ്വന്തമാക്കുക എന്നത് വലിയ ഒരു സ്വപ്നമാണ്. ഏത് കാർ വാങ്ങുമെന്നത് ചിന്തിക്കുന്നതിന് മുൻപ് കൈയിൽ നീക്കിയിരിപ്പ് എന്തൊക്കെ ഉണ്ടെന്നാണ് ആദ്യം നോക്കുക. അപ്പോഴാണല്ലോ ഫൈനാൻസ് കമ്പനികൾ നമ്മുടെ രക്ഷയ്ക്കെത്തുന്നത്. മാസാമാസം ഇഎംഐ അടച്ച് ലോൺ എടുത്ത് വണ്ടിയിറക്കും. എന്നാൽ കാര്യമായ സമ്പാദ്യം കൈയിൽ ഇല്ലെങ്കിൽ പോലും നിങ്ങൾക്ക് ഒരു വാഹനമെന്ന സ്വപ്നം സാക്ഷാത്കരിക്കാനുളള സംവിധാനങ്ങൾ ഇന്നുണ്ട്. ആദ്യ വാഹനം പലരും ചെറിയ മോഡലുകളായിരിക്കും വാങ്ങുന്നത്. അങ്ങനെ നോക്കുമ്പോൾ ഇപ്പോൾ വിപണിയിൽ ഏറ്റവും മികച്ച ചെറുവാഹനമെന്നത് ടാറ്റ പഞ്ചാണ്. പഞ്ചിൻ്റെ ഓൺറോഡ് വിലയും ഇഎംഐ വിശദാംശങ്ങളും അറിഞ്ഞാലോ.

സോഷ്യല്‍ മീഡിയ ഉപയോഗിക്കുന്നവര്‍ക്ക് പരിചിതമായ പേരാണ് അവനീത് കൗര്‍. ഏതാനും ദിവസങ്ങള്‍ക്ക് മുമ്പ് വരെ ഹിന്ദി നടി എന്ന നിലയില്‍ മാത്രം അറിയപ്പെട്ടിരുന്ന അവനീത് കൗര്‍ ഇന്ന് ഇന്റര്‍നെറ്റ് സെന്‍സേഷന്‍ ആണ്. അതിന്റെ കാരണം ഇന്ത്യന്‍ ക്രിക്കറ്റര്‍ വിരാട് കോഹ്ലിയുടെ വെരിഫൈഡ് ഇന്‍സ്റ്റ അക്കൗണ്ടില്‍ നിന്ന് വന്ന ഒരു ലൈക്ക് ആണ്. അവനീത് കൗറിന്റെ ഫാന്‍പേജില്‍ വന്ന് ഒരു ഹോട്ട് ഫോട്ടോക്ക് വിരാട് കോഹ്ലിയുടെ ലൈക്ക് വീണതോടെയാണ് സോഷ്യല്‍ മീഡിയ അക്ഷരാര്‍ത്ഥത്തില്‍ കത്തി. മണിക്കൂറുകള്‍ കൊണ്ട് സംഭവം വൈറലാകുകയും പല കിംവദന്തികളും ഉയരുകയും ചെയ്‌തു.

ഇന്ത്യയിലെ മോട്ടോർസൈക്കിൾ വിഭാഗത്തിലെ രാജാക്കൻമാരാണ് ഹീറോ മോട്ടോകോർപ്. ഇവരുടെ ഏറ്റവും വലിയ ശത്രുവാകട്ടെ പണ്ട് ഒന്നിച്ച് പ്രവർത്തിച്ച ഹോണ്ടയെന്ന ജാപ്പനീസ് ഇരുചക്ര വാഹന നിർമാതാക്കളും. പണ്ട് ഹീറോ ഹോണ്ട ഒറ്റ പേര് മതിയായിരുന്നു എതിരാളികൾ വിറയ്ക്കാൻ. പിന്നീട് വേർപിരിഞ്ഞ് സ്വന്തന്ത്രമായി പ്രവർത്തിക്കാൻ ഹോണ്ട തീരുമാനിച്ചത് മുതൽ ഉന്നംവെച്ചത് ഹീറോയുടെ മാർക്കറ്റായിരുന്നു. ഒരു പരിധി വരെ വിജയം കണ്ട ബ്രാൻഡ് വെന്നിക്കൊടി പാറിച്ചത് ഗിയർലെസ് സ്‌കൂട്ടർ രംഗത്തായിരുന്നു. മറുവശത്ത് കമ്മ്യൂട്ടർ ബൈക്കുകളിലൂടെ ഹീറോയും പണംവാരി. ഇരുകൂട്ടരും അതത് മേഖലകളിലേക്ക് കടന്നുകയറാൻ ശ്രമിച്ചുവെങ്കിലും കാര്യമായി ശോഭിക്കാനായില്ല.

കേരളത്തിലെ എഐ ക്യാമറകൾ സ്ഥാപിച്ചതിൻ്റെ പ്രധാന ഉദ്ദേശം തന്നെ ട്രാഫിക് നിയമലംഘനങ്ങൾ തടയാനും അത് വഴി അപകടനിരക്കും മരണനിരക്കും കുറയ്ക്കുക എന്നതായിരുന്നു. എന്നാൽസർക്കാർ വിചാരിച്ചത് പോലെ എന്തെങ്കിലും നടന്നുവെന്ന് നിങ്ങൾക്ക് തോന്നുന്നുണ്ടോ. പുറത്ത് വരുന് കണക്കുകളും റിപ്പോർട്ടുകളും സൂചിപ്പിക്കുന്നത് ക്യാമറ സ്ഥാപിച്ചത് വഴി അപകടങ്ങൾ കുറയ്ക്കാൻ സാധിച്ചില്ല എന്നതാണ്. 2023 -ൽ സ്ഥാപിച്ച ക്യാമറകൾ നിരവധി തവണ തകരാറിലാകുകയും അത് പോലെ തന്നെ കെൽട്രോണിൻ്റെ കുടിശ്ശിക അടയ്ക്കാത്തത് മൂലം പ്രവർത്തിക്കാതിരുന്നത് വലിയ വാർത്തയായിരുന്നു. എന്നാൽ എഐ ക്യാമറ സീസൺ 2 ആരംഭിക്കുകയും ചെയ്തിരുന്നു.