ടെസ്‌ലക്ക് സാധിക്കാത്ത നേട്ടത്തില്‍ BYD

ചൈനയിലെ പ്രമുഖ ഇലക്ട്രിക് വാഹന നിര്‍മ്മാതാക്കളായ ബില്‍ഡ് യുവര്‍ ഡ്രീംസ് (ബിവൈഡി) എന്ന കമ്പനിയെ വര്‍ഷങ്ങള്‍ക്ക് മുമ്പ് ടെസ്‌ല സിഇഒ ഇലോണ്‍ മസ്‌ക് പുച്ഛിച്ച കഥ നിങ്ങള്‍ കേട്ടിട്ടുണ്ടാകും. വര്‍ഷങ്ങള്‍ക്കിപ്പുറം അതേ ടെസ്‌ലയെ പിന്നിലാക്കി പുത്തന്‍ നേട്ടങ്ങള്‍ കൈവരിക്കുന്നത് ശീലമാക്കുകയാണ് BYD. കമ്പനി അടുത്തിടെ 1.3 കോടി ന്യൂ എനര്‍ജി വാഹനങ്ങള്‍ (NEV) പുറത്തിറക്കി ആഗോള വാഹന വിപണിയില്‍ പുതിയ റെക്കോര്‍ഡ് സ്ഥാപിച്ചു. യാങ്വാങ് U 7 എന്ന മോഡലിലൂടെയാണ് ഈ നേട്ടം കൈവരിച്ചത്. ഷെന്‍ഷെന്‍-ഷാന്‍വെയ് സോണിലെ വാഹന നിര്‍മാണശാലയില്‍ നിന്നാണ് റെക്കോഡ് നേട്ടം കുറിച്ച വാഹനം പുറത്തിറങ്ങിയത്.

ടെസ്‌ല ആദ്യം കിട്ടാൻ ഈ നാട്ടിൽ പോകേണ്ടി വരുമോ

ഇവി ഭീമനായ ടെസ്‌ല തങ്ങളുടെ കന്നി അങ്കം കുറിച്ചതോടെ ബുക്കിങ്ങുകളും ധാരാളം ലഭിക്കുന്നുണ്ട്. എന്നാൽ ഒരു ഷോറൂം മാത്രമുളളത് കൊണ്ട് തന്നെ വിദേശത്തുളളത് പോലെ ഹോം ഡെലിവറി ഒന്നും സാധ്യമാവില്ലായിരിക്കും. പക്ഷേ ഇന്ത്യയിൽ എവിടെയിരുന്നു ടെസ്‌ല ബുക്ക് ചെയ്യാനുളള സംവിധാനം കമ്പനി ഒരുക്കിയിട്ടുണ്ട്. തുടക്കത്തിൽ മുംബൈ,ഡൽഹി,പൂനെ എന്നിവടങ്ങളിൽ മാത്രമായിരുന്നു എങ്കിൽ ഇപ്പോൾ ഇന്ത്യ മുഴുവൻ തങ്ങളുടെ ബുക്കിങ്ങ് വിപുലീകരിച്ചിരിക്കുകയാണ് ടെസ്‌ല. അതായത് കേരളത്തിൽ ഇരുന്നും നിങ്ങൾക്ക് ടെസ്‌ല ബുക്ക് ചെയ്യാം. എന്നാൽ ആദ്യ മുൻഗണന ചില സ്ഥലങ്ങളിൽ മാത്രമായിരിക്കും എന്നു കമ്പനി അറിയിച്ചിട്ടുണ്ട്. അത് ഏതൊക്കെയാണെന്ന് നോക്കിയാലോ.

ഏഥർ ഇലക്‌ട്രിക് സ്‌കൂട്ടറിലേക്ക് പുതിയ മാറ്റവുമായി കമ്പനി

ഇലക്ട്രിക് സ്‌കൂട്ടർ വിപണിയിൽ തങ്ങളുടേതായ സ്ഥാനം കണ്ടെത്തി കുതിക്കുന്നവരാണ് ബെംഗളൂരു ആസ്ഥാനമായി പ്രവർത്തിക്കുന്ന സ്റ്റാർട്ടപ്പ് ഇരുചക്ര വാഹന നിർമാതാക്കളായ ഏഥർ. 450 സീരീസിലൂടെയും റിസ്‌തയെന്ന ഫാമിലിമാനിലൂടെയും ഇന്നും കുറ്റങ്ങളും കുറവുകളും ഒന്നുമില്ലാതെ തിമിർക്കുകയാണ് ഏഥർ. കൃത്യമായ ഇടവേളകളിൽ അതത് ഇവികളിൽ മാറ്റങ്ങൾ കൊണ്ടുവരാനും ബ്രാൻഡ് ശ്രമിക്കാറുണ്ട്. ഇപ്പോഴിതാ അത്തരത്തിലൊരു പരിഷ്ക്കാരവുമായി വീണ്ടും രംഗത്തെത്തിയിരിക്കുകയാണ് കമ്പനി. പക്ഷേ ഏതെങ്കിലുമൊരു ഇവിയിലല്ല പരിഷ്ക്കാരം കൊണ്ടുവന്നിരിക്കുന്നതെന്ന് മാത്രം. പകരം നിലവിലുള്ള 'പ്രോ പായ്ക്ക്' സോഫ്റ്റ്‌വെയർ സ്യൂട്ടിനെ 'ഏഥർസ്റ്റാക്ക് പ്രോ' എന്ന് പുനർനാമകരണം ചെയ്‌തുകൊണ്ടാണ് ഏഥർ ഇത്തവണ ഉപഭോക്താക്കളിലേക്ക് എത്തിയിരിക്കുന്നത്.

പുതിയ ബാലിസ്റ്റിക്+ മോഡുമായി അള്‍ട്രാവയലറ്റ് F77

ഇന്ത്യയിലെ പ്രമുഖ ഇലക്ട്രിക് ടൂവീലര്‍ നിര്‍മാതാക്കളായ അള്‍ട്രാവയലറ്റ് തങ്ങളുടെ യൂറോപ്യന്‍ എന്‍ട്രി ഗംഭീരമാക്കി അടുത്ത കാലത്തായി വാര്‍ത്തകളില്‍ നിറഞ്ഞ് നില്‍ക്കുകയാണ്. കമ്പനിയിലെ നിക്ഷേപകനും തുടക്കം മുതലുള്ള അഭ്യുദയകാംക്ഷിയുമായ നടന്‍ ദുല്‍ഖര്‍ സല്‍മാന്‍ അടക്കമുള്ളവര്‍ ഫ്രഞ്ച് തലസ്ഥാന നഗരിയായ പാരീസില്‍ നടന്ന ചടങ്ങില്‍ പങ്കെടുത്തിരുന്നു. ഇപ്പോള്‍ അള്‍ട്രാവയലറ്റ് തങ്ങളുടെ മുന്‍നിര ഇലക്ട്രിക് മോട്ടോര്‍സൈക്കിളായ F77-ന്റെ പെര്‍ഫോമന്‍സ് അപ്ഡേറ്റ് പുറത്തിറക്കി. ജെന്‍3 പവര്‍ട്രെയിന്‍ ഫേംവെയര്‍ എന്ന് പേരിട്ടിരിക്കുന്ന ഈ അപ്ഡേറ്റ് നിലവിലുള്ള എല്ലാ F77 ഉപഭോക്താക്കള്‍ക്കും നയാപൈസ ചിലവില്ലാതെ ലഭ്യമാണ്.
Advertisement

ബെൻസ് ഉണ്ടായാൽ പോര തലയ്ക്ക് അകത്ത് ആൾതാമസം കൂടി വേണം

ആഡംബര വാഹനങ്ങൾ സ്വന്തമാക്കുക എന്നത് ഏതൊരാളുടേയും സ്വപ്നമാണ്. എന്നാൽ അത് മെയിൻ്റെയിൻ ചെയ്യാൻ കൂടി പഠിക്കണം, അല്ലെങ്കിൽ അത് എങ്ങനെ ഉപയോഗിക്കണം എന്ന് പലർക്കും അറിയില്ല. വാഹനത്തിൻ്റെ കഴിവും പരിമിതികളും അറിഞ്ഞ് വേണം വാഹനമോടിക്കാൻ. സാഹസം കാണിക്കാനും അഭ്യാസം കാണിക്കാനും മുതിരുമ്പോൾ സുരക്ഷ നോക്കി വേണം ചെയ്യാൻ. മണ്ടത്തരങ്ങൾ കാണിച്ചാൽ നഷ്ടം ലക്ഷങ്ങളായിരിക്കും. അത്തരത്തിൽ കാശിൻ്റെ ഹുങ്ക് നിറഞ്ഞ ഒരു വ്യക്തി കാണിച്ച അഭ്യാസം സോഷ്യൽ മീഡിയയിൽ വൈറലാണ്. അത് എന്താണെന്ന് അറിയാൻ ഈ ലേഖനം തുടർന്ന് വായിക്കുകയും വീഡിയോ കാണുകയും ചെയ്യാൻ മറക്കരുതേ.

പുത്തൻ ലുക്കിൽ 6.10 ലക്ഷത്തിന്റെ 7-സീറ്റർ വരുന്നു

ഇന്ത്യൻ വിപണിയിൽ ക്വിഡും ഡസ്റ്ററും വിറ്റ് കാശുണ്ടാക്കിയ വാഹന നിർമാതാക്കളായിരുന്നു റെനോ (Renault). ചൂടപ്പം പോലെ ഇരുമോഡലുകളും വിറ്റഴിഞ്ഞ നല്ലകാലം അവസാനിച്ചിട്ട് വർഷങ്ങൾ ആയെങ്കിലും നല്ലൊരു നാളെ അധികം ദൂരെയല്ലെന്ന് മനസിലാക്കിയ ഫ്രഞ്ച് ബ്രാൻഡ് ശക്തമായി പോരാടുകയാണ്. അതിന് ചുക്കാൻ പിടിക്കുന്നതാവട്ടെ ട്രൈബർ എന്ന 7-സീറ്റർ ബജറ്റ് എംപിവിയാണ് (Triber 7-Seater MPV). ഇത്രയും കുറഞ്ഞ വിലയിൽ ലഭ്യമായൊരു പ്രായോഗികമായ വണ്ടി വേറെയുണ്ടോയെന്ന് വരെ സംശയമാണ്. മാരുതി എർട്ടിഗയും ടൊയോട്ട ഇന്നോവയും വാങ്ങാൻ കാശില്ലാത്തവർക്ക് കണ്ണുംപൂട്ടി ആശാനെ സ്വന്തമാക്കാനാവും.

ഇതിഹാസത്തെ ഓര്‍മിപ്പിക്കുന്ന പുത്തന്‍ ഇ-സ്‌കൂട്ടര്‍ ഈ മാസം

ഇന്ത്യയുടെ ഇരുചക്ര വാഹന ചരിത്രം എഴുതുമ്പോള്‍ വിസ്മരിക്കാനാകാത്ത നാമമാണ് കൈനറ്റിക്ക്. പലരുടെയും നൊസ്റ്റാള്‍ജിയയുടെ ഭാഗമാണ് ഈ ഒരു ബ്രാന്‍ഡും അവര്‍ പുറത്തിറക്കിയ സ്‌കൂട്ടറുകളും. കാലത്തിന് അനുസരിച്ച് കോലം മാറി ഇലക്ട്രിക് അവതാരത്തില്‍ കമ്പനി കൈനറ്റിക് ഗ്രീന്‍ എന്ന പേരില്‍ പുനര്‍ജനിച്ചിരുന്നു. കൈനറ്റിക് ഗ്രീനിലൂടെ ഇലക്ട്രിക് സ്‌കൂട്ടറുകളാണ് കമ്പനി വിപണിയിലെത്തിക്കുന്നത്. ഈ മാസം അവസാനത്തോടെ കൃത്യമായി പറഞ്ഞാല്‍ 2025 ജൂലൈ 28-ന് കമ്പനി ഒരു പുതിയ ഉല്‍പ്പന്നം വിപണിയില്‍ എത്തിക്കാന്‍ പോകുകയാണ്. ലോഞ്ചിന് മുന്നോടിയായി ഈ പുത്തന്‍ ഇലക്ട്രിക് സ്‌കൂട്ടറിന്റെ ടീസര്‍ പുറത്തുവിട്ടിട്ടുണ്ട്.

കിയയുടെ പുത്തൻ 7-സീറ്റർ ഇലക്‌ട്രിക് എംപിവിയുടെ റിവ്യൂ വിശേഷം

Kia Clavis EV-യുടെ സമ്പൂർണ്ണ അവലോകനം. സവിശേഷതകൾ, വില, ഡ്രൈവിംഗ് അനുഭവം, ഇന്റീരിയർ, എക്സ്റ്റീരിയർ എന്നിവയെക്കുറിച്ച് അറിയുക. നിങ്ങളുടെ അടുത്ത ഇലക്ട്രിക് MPV-യോ? ഉടൻ തന്നെ അറിയുക.
Advertisement

1 കി.മീ. ഓടാൻ വെറും 57 പൈസ മതി

ലോകത്തെ ഏറ്റവും വലിയ മൂന്നാമത്തെ വാഹനവിപണിയായ ഇന്ത്യയിലേക്ക് ഇവി ഭീമനായ ടെസ്‌ല എത്തിയതിൻ്റെ ഓളങ്ങൾ കെട്ടടങ്ങിയിട്ടില്ല, തിരി കൊളുത്തിയതേയുളളു. ഇറക്കുമതി ചെയ്യുന്നത് കൊണ്ട് തന്നെ വാഹനങ്ങൾക്ക് വില കൂടുതലാണെന്ന് തുടക്കത്തിൽ തന്നെ സൂചനകൾ ലഭിച്ചിരുന്നു. ബ്രാൻഡിൻ്റെ ഏറ്റലും താങ്ങാനാവുന്ന മോഡലാണ് മോഡൽ Y. ഇന്ത്യയിൽ ആദ്യം അവതരിപ്പിച്ചിരിക്കുന്നതും ഈ മോഡൽ തന്നെയാണ്. റിയർവീൽ ഡ്രൈവ് (RWD), ലോംഗ് റേഞ്ച് RWD വേരിയന്റുകളിൽ ലഭ്യമാകുന്ന ടെസ്‌ല മോഡൽ Y ഇവിക്ക് യഥാക്രമം 59.89 ലക്ഷം രൂപയും 67.89 ലക്ഷം രൂപയുമാണ് എക്സ്ഷോറൂം വിലയായി മുടക്കേണ്ടി വരിക.

ബുഗാട്ടി സിഇഒ ഡെയ്‌ലി യൂസിനായി വാങ്ങിയത് VW ഗോള്‍ഫ്

ഒരു കമ്പനിയുടേയോ അല്ലെങ്കില്‍ സ്ഥാപനത്തിന്റെയോ ഏറ്റവും തലപ്പത്തുള്ള തസ്തികയാണ് സിഇഒ എന്ന് നാം ചുരുക്കി വിളിക്കുന്ന ചീഫ് എക്‌സിക്യൂട്ടീവ് ഓഫീസര്‍. കമ്പനിയുടെ വലിപ്പമനുസരിച്ച് സിഇഒമാരുടെ വരുമാനവും കൂടുതല്‍ ആയിരിക്കും. സാധാരണയായി കോടികള്‍ വിലമതിക്കുന്ന സൂപ്പര്‍ കാറുകളും എസ്യുവികളും സ്വന്തമാക്കുന്ന സിഇഒമാരെ നമ്മള്‍ കാണാറുണ്ട്. എന്നാല്‍, ഇതില്‍ നിന്നെല്ലാം വ്യത്യസ്തത പുലര്‍ത്തുന്ന ഒരു സിഇഒയാണ് ഇപ്പോള്‍ ഇന്റര്‍നെറ്റില്‍ നിറഞ്ഞ് നില്‍ക്കുന്നത്. കക്ഷി ഒരു കാര്‍ ബ്രാന്‍ഡിന്റെ സിഇഒ ആയിട്ട് കൂടി താരതമ്യേന വളരെ കുറഞ്ഞ വിലയുള്ള കാര്‍ ദൈനംദിന ആവശ്യങ്ങള്‍ക്ക് ഉപയോഗിക്കുന്നതെന്ന് തുറന്ന് പറഞ്ഞാണ് ശ്രദ്ധേയനാകുന്നത്. അത് ആരാണെന്ന് നമുക്ക് നോക്കാം.

80 Km മൈലേജ്, വില്‍ക്കുന്നത് 47000 രൂപക്ക്!

ഇന്ത്യന്‍ വിപണിയില്‍ വില്‍പ്പനക്കെത്തുന്ന ഒരു ജനപ്രിയ ഇരുചക്ര വാഹനമാണ് ടിവിഎസ് XL 100. മോപ്പെഡ് വിഭാഗത്തില്‍ പെടുന്ന ഈ ഒരു മോഡലിന് ഇന്ത്യയുടെ ഗ്രാമീണ മേഖലയില്‍ വലിയ സ്വീകാര്യതയുണ്ട്. കുറഞ്ഞ വിലയും മികച്ച മൈലേജുമാണ് ഈ വാഹനത്തിന്റെ പ്രധാന ആകര്‍ഷണങ്ങള്‍. അതുകൊണ്ട് തന്നെ സാധാരണക്കാര്‍ക്ക് വളരെ പ്രിയപ്പെട്ട വാഹനമായി ഇത് മാറി. നിലവില്‍ ഐസി എഞ്ചിനില്‍ പ്രവര്‍ത്തിക്കുന്ന മോപ്പഡുകള്‍ ഇന്ത്യയില്‍ വേറെ ഇല്ലെന്ന് തന്നെ പറയാം. ഇലക്ട്രിക് മോപ്പെഡുകള്‍ വിപണിയില്‍ ഉണ്ടെങ്കിലും അവ വാങ്ങാനുള്ള ധൈര്യം ഭൂരിഭാഗത്തിനും ഇതുവരെ ആയിട്ടില്ല.

7-സീറ്റർ ഇലക്‌ട്രിക് എംപിവിയുടെ ബുക്കിംഗ് തുടങ്ങിയേ

മാരുതി എർട്ടിഗയോടും ടൊയോട്ട ഇന്നോവ ക്രിസ്റ്റയോടും പടവെട്ടി ഇന്ത്യയിലെ എംപിവി വിഭാഗത്തിൽ വെന്നിക്കൊടി പാറിച്ച കിയ കാരെൻസ് ഇലക്ട്രിക്കിലേക്കും വേഷം മാറിയെത്തിയിരിക്കുകയാണ്. കഴിഞ്ഞ ആഴ്ച്ച വില പ്രഖ്യാപനമെല്ലാം കഴിഞ്ഞ് ആളുകളെ കൈയിലെടുത്ത കാരെൻസ് ക്ലാവിസ് (Kia Carens Clavis EV) ഇവിക്കായുള്ള ഔദ്യോഗിക ബുക്കിംഗും ആരംഭിച്ചിരിക്കുകയാണ് ദക്ഷിണ കൊറിയൻ വാഹന നിർമാതാക്കൾ. കിയയുടെ ആദ്യത്തെ മെയ്‌ഡ് ഇൻ ഇന്ത്യ ഇലക്ട്രിക് കാറാണെന്ന പ്രത്യേകതയും ഇതിനുണ്ടെന്നതും ശ്രദ്ധേയമാണ്. വിലയിലും ലുക്കിലും റേഞ്ചിലുമെല്ലാം ഫ്ലാറ്റായവർക്ക് ഇന്ന് മുതൽ വാഹനം പ്രീ-ബുക്ക് ചെയ്‌തിടാം.
Advertisement

ഈ കാറുകൾ തിരിച്ചുവിളിച്ച് കമ്പനി

ടൊയോട്ടയും മാരുതിയുടെ പോലെ പ്രത്യക്ഷത്തിൽ രണ്ട് കമ്പനികളാണെങ്കിലും ജർമൻ വാഹന നിർമാതാക്കളായ ഫോക്‌സ്‌വാഗണും ചെക്ക് റിപ്പബ്ലിക്കൻ ബ്രാൻഡായ സ്കോഡയും ഒന്നാണെന്ന് പറയുന്നതാവും ശരി. ഇക്കാര്യം വണ്ടിഭ്രാന്തൻമാർക്കെല്ലാം കൃത്യമായി അറിയാവുന്ന കാര്യവുമാണ്. കുഷാഖ്, ടൈഗൂൺ, സ്ലാവിയ, വെർട്ടിസ് എന്നിവയെല്ലാം അടിസ്ഥാനപരമായി എഞ്ചിനും ട്രാൻസ്മിഷനും പ്ലാറ്റ്ഫോമുമെല്ലാം പങ്കിടുന്നവരാണ്. ഇപ്പോഴിതാ ഇന്ത്യ 2.0 പദ്ധതിയുടെ ഭാഗമായി പുറത്തിറക്കിയ 4 കാറുകളിൽ ചില നിർമാണ തകരാറുകൾ കണ്ടുപിടിച്ചിരിക്കുകയാണ് കമ്പനികൾ. ഇതിന്റെ ഭാഗമായി സ്കോഡ ഓട്ടോ ഫോക്സ്‌വാഗൺ ഇന്ത്യ തങ്ങളുടെ മോഡലുകളെയെല്ലാം തിരിച്ചുവിളിച്ചിരിക്കുകയാണ്.

ഹൈക്രോസിനോട് ഭ്രമം കൂടാനുള്ള കാരണങ്ങൾ ഇതൊക്കെ

എംപിവി എന്ന് പറഞ്ഞാൽ അത് ഇന്നോവ ആണല്ലോ എല്ലാവരുടേയും മനസിൽ. സെഗ്മെൻ്റ് ഇന്നോവയ്ക്ക് മുൻപും പിന്നീടും എന്ന് വേണമെങ്കിൽ വിശേഷിപ്പിക്കാം. തലമുറ മാറ്റത്തിലൂടെ കടന്ന് വന്ന് ഹൈബ്രിഡ് ഹൃദയം കൂടി ആയപ്പോൾ ടൊയോട്ട ഷോറൂമിൽ തിരക്കോട് തിരക്കായി. വണ്ടി കിട്ടാനില്ലാത്ത അവസ്ഥ. എന്നാലോ വിലയാണെങ്കിൽ ടൊയോട്ട ഇടയ്ക്ക് വർധിപ്പിക്കുന്നുമുണ്ട്. എത്ര പൊള്ളുന്ന വിലയാണെങ്കിലും ഡിമാൻ്റിന് ഒരു കുറവുമില്ല. ഇന്നോവയുടെ ഹൈബ്രിഡ് പതിപ്പായ ഹൈക്രോസിൻ്റെ ഫീച്ചറുകളും വിലകളും എല്ലാം എല്ലാവർക്കും കാണാപാഠം ആണെങ്കിലും കുറച്ച് കാര്യങ്ങൾ നിങ്ങളുമായി പങ്കുവയ്ക്കുകയാണ് ഈ ലേഖനത്തിലൂടെ.

ആളെ മയക്കുന്ന ചിരിയാണ് ഈ സുന്ദരിയുടെ മെയിൻ

ബോളിവുഡിലെ താരങ്ങൾക്ക് അമേരിക്കൻ ബ്രാൻഡായ ജീപ്പിനോട് അൽപ്പം പ്രിയം കൂടുതലാണ്. ബോവുഡിലെ സീരിയൽ സിനിമ നടീനടൻമാരൊക്കെ തങ്ങളുടെ തുടക്കകാലത്ത് സ്വന്തമാക്കുന്നത് പലപ്പോഴും ജീപ്പിൻ്റെ പല മോഡലുകളായിരിക്കും. അത്തരത്തിലൊരു സുന്ദരി നടിയാണ് മഹിമ മക്‌വാന. ബാല താരമായി മിലേ ജബ് ഹം തും, ബാലിക വധു എന്നീ ടെലിവിഷൻ സീരിയുകളിലൂടെയാണ് അഭിനയലോകത്തേക്ക് കടന്നത്. പത്താം വയസിൽ അഭിനയം ആരംഭിച്ച മഹിമ ബോളിവുഡിൽ തൻ്റെ 15 വർഷം പൂർത്തിയാക്കിയിരിക്കുകയാണ്. താരം തൻ്റെ പ്രിയ വാഹനമായ ജീപ്പ് കോമ്പസിൽ വന്നിങ്ങുന്ന വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്.

മുക്കിലും മൂലയിലും വരെയുള്ള വണ്ടിക്കമ്പനികളിലെ 'ദൈവം'

ഇന്ത്യയിലെ ഏറ്റവും വലിയ വാഹന നിര്‍മാതാക്കളായ മാരുതി സുസുക്കി ഒറ്റരാത്രി കൊണ്ടല്ല ഈ ഒരു സാമ്രാജ്യം സൃഷ്ടിച്ചെടുത്തത്. ഓരോ മാസവും ലക്ഷക്കണക്കിന് കാറുകള്‍ വില്‍ക്കുന്ന മാരുതി ഇന്ത്യക്കാരുടെ ഏറ്റവും പ്രിയപ്പെട്ട ബ്രാന്‍ഡ് ആയി മാറാന്‍ നിരവധി കാരണങ്ങള്‍ ഉണ്ട്. അതില്‍ ഒന്നാണ് വില്‍പ്പനാനന്തര സേവനം. രാജ്യത്തിന്റെ ഏത് മുക്കിലും മൂലയിലും ചെന്നാലും മാരുതി സുസുക്കിയുടെ സര്‍വീസ് സെന്ററുകള്‍ കാണാം. എതിരാളികളില്‍ പലരും സര്‍വീസിനെ കുറിച്ച് പരാതികള്‍ കേള്‍ക്കുമ്പോള്‍ മാരുതി അതിന് വലിയ പ്രാധാന്യം നല്‍കി വരുന്നു. ഇപ്പോള്‍ രാജ്യമെമ്പാടുമുള്ള തങ്ങളുടെ സര്‍വീസ് ശൃംഖല 5,500 കേന്ദ്രങ്ങളിലേക്ക് വ്യാപിപ്പിച്ചിരിക്കുകയാണ് മാരുതി സുസുക്കി ഇന്ത്യ.
Advertisement

ജനപ്രിയ എസ്‌യുവിക്ക് 10 വയസ് തികഞ്ഞു

എസ്‌യുവി വിപണിയിൽ ഓളം ഉണ്ടാക്കിയ ഹ്യുണ്ടായി മോട്ടോർസിൻ്റെ ജനപ്രിയ മോഡലാണ് ക്രെറ്റ. ഇന്ന് വിപണിയിലെത്തിയിട്ട് 10 വർഷം പൂർത്തിയാവുകയാണ്. 2015-ൽ കൊമ്പൻമാരുടെ ഇടയിലേക്ക് ഇറങ്ങുകയും ഡിസൈന മികവും, പവർ, പെർഫോമൻസ്, കംഫർട്ട് എന്നിവ കൊണ്ട് ഓരോ ഉപഭോക്താക്കളെ സന്തോഷിപ്പിച്ച് ഇന്ന് 1 ലക്ഷം കുടുംബങ്ങളുടെ യാത്രകളിൽ കൂട്ടായി ക്രെറ്റ ഉണ്ട്.സെഗ്മെൻ്റ് മൊത്തത്തിൽ കൈയ്യടക്കി എന്ന് പറയുന്നതാവും ശരി. ഹ്യുണ്ടായി ക്രെറ്റയുടെ യാത്ര ഞങ്ങൾക്ക് മാത്രമല്ല, അതിനെ ജീവിതത്തിന്റെ ഭാഗമാക്കിയ ഓരോ ഉപഭോക്താവിനും വളരെ വൈകാരികമാണ്.

കാരെന്‍സ് ക്ലാവിസ് ഇവി നാളെ മുതല്‍ ബുക്ക് ചെയ്യാം

സാധാരണക്കാരന് വാങ്ങാന്‍ പറ്റിയ ഒറ്റ ഇലക്ട്രിക് വാഹനം പോലുമില്ലെന്ന ഇന്ത്യക്കാരുടെ പരാതി തീര്‍ത്ത് ഏതാനും ദിവസങ്ങള്‍ക്ക് മുമ്പാണ് കിയ കാരെന്‍സ് ക്ലാവിസ് ഇവി പുറത്തിറക്കിയത്. 7 പേര്‍ക്ക് സുഖമായി സഞ്ചരിക്കാന്‍ കഴിയുന്ന ഈ ഇലക്ട്രിക് എംപിവി ഇന്ത്യയില്‍ തദ്ദേശീയമായാണ് ദക്ഷിണ കൊറിയന്‍ കമ്പനി നിര്‍മിക്കുന്നത്. കിയ കരെന്‍സ് ക്ലാവിസ് ഇവിയുടെ വില 17.99 ലക്ഷം രൂപയില്‍ ആരംഭിക്കുന്നു. ടോപ് സ്പെക് വേരിയന്റിന് 24.49 ലക്ഷം രൂപയാണ് വില. എക്സ്ഷോറൂം വിലകളാണ് ഇത്. ഈ പുത്തന്‍ ഇവി ഇതിനോടകം നിരവധി ഇന്ത്യക്കാരില്‍ താല്‍പര്യം ജനിപ്പിച്ചിട്ടുണ്ട്.

മഹീന്ദ്രയുടെ കുഞ്ഞൻ എസ്‌യുവി ഇനി കുറഞ്ഞ വിലയിൽ വാങ്ങാമല്ലോ

വിൽപ്പനയുടെ കാര്യത്തിൽ രാജ്യത്തെ ഏറ്റവും വലിയ രണ്ടാമത്തെ വാഹന നിർമാതാക്കളായി മാറിയിരിക്കുകയാണ് നമ്മുടെ സ്വന്തം മഹീന്ദ്ര ആൻഡ് മഹീന്ദ്ര. പുതുതലമുറ മോഡലുകളിലൂടെ വിസ്‌മയം തീർക്കുന്ന ബ്രാൻഡിന്റെ എല്ലാ വാഹനങ്ങൾക്കും ഇന്ത്യയിൽ ആവശ്യക്കാരുണ്ടെന്നതാണ് സത്യം. രാജ്യത്തെ ഏറ്റവും മത്സരാധിഷ്ഠിതമായ സബ്-4 മീറ്റർ എസ്‌യുവി സെഗ്മെന്റിലെ XUV 3XO എന്ന മോഡലാണ് മിഡിൽ ക്ലാസുകാരുടെ ജനപ്രിയ മഹീന്ദ്ര എസ്‌യുവി. XUV300 പേരുമാറി XUV 3XO ആയതോടെയാണ് സെഗ്മെന്റിലെ എതിരാളികൾക്ക് വരെ പേടി സ്വപ്‌നമായി മാറിയത്. പുതിയ ലുക്കും പുത്തൻ ഫീച്ചറുകളുമെല്ലാമായി എത്തിയതോടെ വണ്ടി ഹിറ്റാവുകയും ചെയ്‌തു.

റോൾസ് റോയ്സിൻ്റെ അപകട വീഡിയോ സോഷ്യൽ മീഡിയയിൽ വൈറൽ

ആഡംബരത്തിൻ്റെ അവസാന വാക്കായി പറയുന്ന ബ്രാൻഡാണ് റോൾസ് റോയ്സ്. മറ്റൊരു പ്രത്യേകത എന്താണെന്ന് വചാൽ റോൾസ് റോയ്സിൻ്റെ വാഹനങ്ങളൊന്നും ഇതു വരെ ക്രാഷ് ടെസ്റ്റ് ചെയ്യാൻ നൽകിയിട്ടില്ല. അത് മറ്റൊന്നും കൊണ്ടല്ല വാഹനത്തിൻ്റെ അമിതമായ വിലയും ക്രാഷ് ടെസ്റ്റിന് ഒന്നിൽ കൂടുതൽ വാഹനങ്ങളും ആവശ്യമാണ്. മറ്റൊരു ഗ്രൂപ്പിന് വേണ്ടി കമ്പനി ക്രാഷ് ടെസ്റ്റിന് വാഹനങ്ങൾ നൽകാറില്ല, ബ്രാൻഡിൻ്റെ കർശനമായ ആന്തരിക പരിശോധനയും ഉപയോഗിക്കുന്ന വെർച്വൽ ക്രാഷ് സിമുലേഷനുകളെയാണ് കമ്പനി ആശ്രയിക്കുന്നത്. എന്നാൽ ഇപ്പേൾ റോൾസ് റോയ്സ് വാഹനം അപകടത്തിൽപ്പെട്ടിരിക്കുന്നതിൻ്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
Advertisement

130 KM റേഞ്ചുള്ള ഇലക്‌ട്രിക് സ്‌കൂട്ടറുമായി ഇന്ത്യൻ കമ്പനി

പെട്രോൾ സ്‌കൂട്ടറുകളുടെ അന്തകരായി വളർന്നുവരികയാണ് ഇലക്ട്രിക് സ്‌കൂട്ടറുകൾ (Electric Scooter). പരമ്പരാഗത ഇന്ധനത്തിലോടുന്ന പെട്രോൾ ഇരുചക്ര വാഹന നിർമാതാക്കളേക്കാൾ ലാഭകരമാണ് ബാറ്ററിയിൽ പ്രവർത്തിക്കുന്ന ഇവയെന്ന് ഇന്ത്യക്കാർ മനസിലാക്കി കഴിഞ്ഞുവെന്ന് പറയാം. സൈലന്റായി പച്ച നമ്പർപ്ലേറ്റും ഘടിപ്പിച്ച് നിരത്തിലൂടെ നിശബ്‌ദനായി ഓടുന്ന ഇവികൾ കാഴ്ച്ചക്കും രസകരമാണ്. കുറഞ്ഞ വിലയിൽ ഇലക്‌ട്രിക് സ്‌കൂട്ടറുകൾ തപ്പിനടക്കുന്നവർക്ക് നിരവധി ഓപ്ഷനുകളും ഇന്ന് സുലഭമാണ്. സീലിയോ (Zelio) പോലുള്ള സ്റ്റാർട്ടപ്പ് ബ്രാൻഡുകളാണ് ഈ സെഗ്മെന്റിൽ ഇപ്പോൾ കൂടുതൽ പണംവാരുന്നത്. നിരവധി വൈവിധ്യമാർന്ന ഇവികൾ പുറത്തിറക്കുന്നതിൽ പ്രത്യേക കഴിവുള്ള ബ്രാൻഡ് അടുത്തിടെയായി പരുടേയും മനസിൽ കയറിക്കൂടിയിട്ടുമുണ്ട്.

'പാവങ്ങളുടെ ഡിഫെന്‍ഡര്‍' ഇങ്ങെത്താറായി! ഏതാനും ദിവസം കൂടി

ഇന്ത്യയിലെ നമ്പര്‍ വണ്‍ സ്‌പോര്‍ട് യൂടിലിറ്റി വാഹന (എസ്‌യുവി) നിര്‍മാതാക്കളായ മഹീന്ദ്ര ആന്‍ഡ് മഹീന്ദ്ര ഒന്നിലേറെ പുതിയ ഉല്‍പ്പന്നങ്ങള്‍ വിപണിയിലിറക്കാന്‍ തയാറാക്കി നിര്‍ത്തിയിരിക്കുകയാണ്. ഇതില്‍ പലതും വ്യത്യസ്ത അവസരങ്ങളില്‍ ഇന്ത്യന്‍ നിരത്തുകളില്‍ പരീക്ഷണയോട്ടം നടത്തുന്നതിനിടെ ക്യാമറക്കണ്ണില്‍ പതിഞ്ഞിരുന്നു. മഹീന്ദ്ര എല്ലാ വര്‍ഷവും സ്വാതന്ത്ര്യദിനത്തില്‍ അതായത് ഓഗസ്റ്റ് 15-ന് പുതിയ ഉല്‍പ്പന്നങ്ങളും കണ്‍സെപ്റ്റ് മോഡലുകളും പരിചയപ്പെടുത്താറുണ്ട്. ഈ വര്‍ഷം നടക്കുന്ന ഇവന്റില്‍ വെച്ച് മഹീന്ദ്ര പുറത്തിറക്കാന്‍ പോകുന്ന ഉല്‍പ്പന്നങ്ങളില്‍ ഒന്നായിരിക്കും പുതുതലമുറ ബൊലേറോ. ഇന്ത്യന്‍ വാഹന വിപണിയില്‍ 20 വര്‍ഷത്തിലേറെയായി നിറഞ്ഞുനില്‍ക്കുന്ന വാഹനമാണ് മഹീന്ദ്ര ബൊലേറോ.

ടൊയോട്ടയുടെ കച്ചോടം പൂട്ടിക്കാൻ പുത്തൻ എംപിവിയുമായി എംജി

രാജ്യത്തെ വളർന്നുവരുന്ന ഇവി വിപണിക്ക് ഊർജം പകർന്നുകൊണ്ടിതാ പുത്തനൊരു വാഹനം കൂടി കടന്നുവന്നിരിക്കുകയാണ്. ഏറെ നാളായി ഇന്ത്യക്കാർ കാത്തിരുന്ന എംജിയുടെ അത്യാഡംബര ഇലക്ട്രിക് എംപിവിയായ M9 ഇവിയാണ് നിശബ്ദ വിപ്ലവത്തിനായി രംഗപ്രവേശം ചെയ്‌തിരിക്കുന്നത്. 69.90 ലക്ഷം രൂപയുടെ പ്രാരംഭ വിലയ്ക്കാണ് M9 പ്രസിഡൻഷ്യൽ ഇലക്ട്രിക് കാറിനെ ജെഎസ്ഡബ്ല്യു എംജി മോട്ടോർ വിപണിയിൽ എത്തിച്ചിരിക്കുന്നത്. ഇവിയുടെ ഡെലിവറി ഓഗസ്റ്റ് 10 മുതൽ ആരംഭിക്കുമെന്നാണ് ബ്രാൻഡ് അറിയിച്ചിട്ടുമുണ്ട്. കിയ കാർണിവൽ, ടൊയോട്ട വെൽഫയർ തുടങ്ങിയ എതിരാളികളെ വെല്ലുവിളിക്കുന്ന ആഡംബര ഇലക്ട്രിക് എംപിവി ആയിട്ടാണ് M9 എൻട്രി കൊടുത്തിരിക്കുന്നതെന്ന് പറയാം.

ഫോർഡിൻ്റെ പുത്തൻ ഇവി പതിപ്പ് ഉടനെത്തും

രാജ്യം വിട്ട് പോയ ഫോർഡ് മറ്റ് രാജ്യങ്ങളിൽ തങ്ങളുടെ പുതിയ മോഡലുകളെല്ലാം അവതരിപ്പിച്ച് വിപണിയിൽ ആറാടുന്നുണ്ട്. ഇന്ത്യയിലേക്ക് തിരികെ വരും എന്ന് കേൾക്കാൻ തുടങ്ങിയിട്ട് കാലം കുറെ ആയത് കൊണ്ട് തന്നെ പലരുടേയും പ്രതീക്ഷ മങ്ങിയിരിക്കുകയാണ്. ഇപ്പോഴിതാ ഫോർഡ് തങ്ങളുടെ ബ്രോങ്കോയുടെ ഇവി പതിപ്പ് ഉടൻ വരുമെന്ന് അറിയിച്ചിരിക്കുകയാണ്. ചൈനയിലെ ജിയാങ്‌ലിംഗ് മോട്ടോഴ്‌സുമായി സഹകരിച്ച് വികസിപ്പിച്ചെടുത്ത പുതുതായി നിർമ്മിച്ച എസ്‌യുവിയായ പുതിയ ഫോർഡ് ബ്രോങ്കോ ന്യൂ എനർജി, പൂർണ്ണമായും ഇലക്ട്രിക്, എക്സ്റ്റൻഡഡ്-റേഞ്ച് ഹൈബ്രിഡ് പതിപ്പുകൾ ഉടൻ പുറത്തിറക്കുമെന്നാണ് കമ്പനി അറിയിച്ചിരിക്കുന്നത്.
Advertisement

ക്രെറ്റയെ പൂട്ടാന്‍ 10 ലക്ഷത്തിന്റെ പുതിയ മാരുതി എസ്‌യുവി!

രാജ്യത്തെ നമ്പര്‍ 1 കാര്‍ ബ്രാന്‍ഡ് ആയ മാരുതി സുസുക്കിക്ക് കഴിഞ്ഞ ഏതാനും മാസങ്ങളായി ആഭ്യന്തര വില്‍പ്പനയില്‍ ഇടിവ് നേരിടുന്നുണ്ട്. കയറ്റുമതിയിലെ വളര്‍ച്ച കൊണ്ടാണ് കമ്പനി ആ നഷ്ടം നികത്തുന്നത്. എന്നാല്‍ ആഭ്യന്തര വില്‍പ്പന തിരിച്ചുകൊണ്ടുവരാന്‍ ആവശ്യമായ നടപടികള്‍ കമ്പനി കൈക്കൊള്ളുന്നുണ്ട്. അതില്‍ ഒന്നാണ് എസ്‌യുവി പോര്‍ട്ഫോളിയോ വലുതാക്കുന്നത്. ഈ വര്‍ഷം തന്നെ തങ്ങള്‍ പുതിയ രണ്ട് എസ്‌യുവികള്‍ പുറത്തിറക്കാന്‍ പോകുന്നതായി മാരുതി സുസുക്കി വ്യക്തമാക്കിയതാണ്. അതില്‍ ഒന്ന് കമ്പനിയുടെ കന്നി എസ്‌യുവയായ ഇവിറ്റാരയാണ്. ഇത് കൂടാതെ മാരുതി സുസുക്കി ഈ ഉത്സവ സീസണില്‍ പുതിയ കോംപാക്റ്റ് എസ്‌യുവി പുറത്തിറക്കാന്‍ ഒരുങ്ങുകയാണ്.