ഒറ്റ മോഡൽ കൊണ്ട് ഇന്ത്യൻ വാഹന വിപണിയിൽ തങ്ങളുടേതായ സ്ഥാനം ഉറപ്പിച്ച മുതലുകളാണ് നിസാൻ. നിരവധി ജനപ്രിയ മോഡലുകളുണ്ടായിരുന്ന ബ്രാൻഡിനിപ്പോൾ ആകെ ഒരു മോഡൽ മാത്രാണ് വിൽപ്പനയിലുളളത്. നിസാൻ മാഗ്നൈറ്റ് എന്ന മോഡൽ കൊണ്ട് ഇന്ത്യൻ വിപണിയിൽ പിടിച്ചു നിൽക്കാൻ ചില്ലറ ചങ്കൂറ്റം ഒന്നും പോര. എന്നാൽ ഇപ്പോൾ നിസാൻ രാജ്യം വിടുന്നെന്നുളള വാർത്തകളും കിംവദന്തികളുമാണ് പരക്കുന്നത്. ഇതിൽ എന്തെങ്കിലും സത്യാവസ്ഥ ഉണ്ടോ എന്നാണ് നമ്മൾ പരിശോധിക്കാൻ പോകുന്നത്. പുതിയതായി നിസാൻ കാർ വാങ്ങിയവർ തീർച്ചയായും ഇത് വായിക്കാതെ പോകരുതെന്ന് പ്രത്യേകം ഓർമിപ്പിക്കുന്നു.

ബാലതാരമായി അഭിനയ രംഗത്തെത്തി സീരിയലുകളിലൂടെ മിനി സ്‌ക്രീന്‍ പ്രേക്ഷകരുടെ പ്രിയപ്പെട്ട താരമായി മാറിയയാളാണ് നയന ജോസന്‍. മിനി സ്‌ക്രീനില്‍ കൂടെവിടെ പരമ്പരയിലൂടെയും വിവിധ ഡാന്‍സ് റിയാലിറ്റി ഷോസിലൂടെയും നയന നിരവധി ആരാധകരെ സ്വന്തമാക്കിയിരുന്നു. ഇപ്പോള്‍ പവിത്രം എന്ന സീരിയലില്‍ രാധയായാണ് നയന പ്രേക്ഷകര്‍ക്ക് മുന്നിലെത്തുന്നത്. കഴിഞ്ഞ ദിവസമായിരുന്നു ഏറെ നാളത്തെ പ്രണയത്തിനൊടുവില്‍ നയനയും ഡാന്‍സറും മോഡലുമായ ഗോകുലും വിവാഹിതരായത്. കഴിഞ്ഞ വര്‍ഷം മെയ് മാസത്തിലായിരുന്നു ഇരുവരുടെയും വിവാഹ നിശ്ചയം. തിരുവനന്തപുരം അല്‍സാജ് കണ്‍വെന്‍ഷന്‍ സെന്ററില്‍ നടന്ന വിവാഹത്തില്‍ നിരവധി സെലിബ്രിറ്റികളടക്കം പങ്കെടുത്തു.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റ് അരങ്ങുവാഴുന്ന റോയൽ എൻഫീൽഡിന്റെ ഏറ്റവും വലിയ പേടി സ്വപ്‌നമാണ് ഹോണ്ട. ബുള്ളറ്റ്, ക്ലാസിക് തുടങ്ങിയ മോഡലുകൾക്ക് പണികൊടുക്കാൻ കൊണ്ടുവന്ന ഹൈനസ് CB350 എല്ലാം ആളുകൾ നെഞ്ചിലേറ്റിയതോടെ എൻഫീൽഡിന് പണികിട്ടിയിരുന്നു. ഇതിനെ തുടർന്ന് 650 സിസി വിഭാഗത്തിലേക്ക് ശ്രദ്ധകേന്ദ്രീകരിച്ച ബ്രാൻഡിനെ വീണ്ടും പിന്തുടരുകയാണ് ഹോണ്ട. അതിനായി അവതരിപ്പിച്ചിരിക്കുന്നതാവട്ടെ ഒന്നാന്തരം 500 സിസി ക്രൂയിസർ ബൈക്കാണ്. പ്രീമിയം മോഡലാണെങ്കിലും വില കേട്ടാൽ സംഗതി കൊള്ളാല്ലോയെന്ന് തോന്നിപ്പോവും. അതും ഏറെക്കാലമായി ഇന്ത്യക്കാർ കാത്തിരിക്കുന്ന മോഡൽ കൂടിയാവുമ്പോൾ സംഗതി ഉഷാറാവും.

ഒരു അവധി കിട്ടിയാൽ എല്ലാവരും വണ്ടിയെടുത്ത് നേരെ ഹൈറേഞ്ചിലോട്ട് വച്ചുപിടിക്കാറുണ്ട്. എന്നാൽ അപകടങ്ങൾ കൂടുതലും സംഭവിക്കുന്നതും ഹൈറേഞ്ചിലേക്ക് പോകുമ്പോഴാണ്. കാരണം എന്തായിരിക്കും എന്ന് എപ്പോഴെങ്കിലും ആലോചിച്ചിട്ടുണ്ടോ. നിരപ്പിൽ വാഹനമോടിച്ച് പരിചയിച്ചവർ ഹൈറേഞ്ചിലും അത് പോലെ തന്നെ വാഹനമോടിക്കുമ്പോഴാണ് അപകടങ്ങൾ സംഭവിക്കുന്നത്. അതോടൊപ്പം തന്നെ ഹിൽസ്റ്റേഷനുകളിലേക്ക് പോകുമ്പോൾ എന്തൊക്കെ തയ്യാറെടുപ്പുകൾ വേണമെന്നും അറിഞ്ഞിരിക്കുന്നത് നല്ലതാണ്. മലമുകളിലേക്ക് നിങ്ങളുടെ യാത്ര ആരംഭിക്കുന്നതിന് മുമ്പ്, നിങ്ങളുടെ കാർ പരിശോധിക്കുകയും ആവശ്യമെങ്കിൽ സർവീസ് ചെയ്യുകയും ചെയ്യണം. ബ്രേക്കുകൾ, HVAC, വിൻഡ്ഷീൽഡ് വൈപ്പറുകൾ, ബാറ്ററി, എക്‌സ്‌ഹോസ്റ്റ് സിസ്റ്റങ്ങൾ എന്നിവ അവയുടെ ഒപ്റ്റിമൽ സ്റ്റേറ്റിലാണെന്ന് ഉറപ്പാക്കുക.

വില്‍പ്പനയുടെ കാര്യത്തില്‍ മാത്രമല്ല ഒന്നിലധികം പ്രൈസ് ബ്രാന്‍ഡുകളില്‍ വിവിധ തരത്തിലുള്ള മോഡലുകള്‍ പുറത്തിറക്കിയാണ് ടാറ്റ മോട്ടോര്‍സ് ഇന്ത്യന്‍ ഇലക്ട്രിക് കാര്‍ വിഭാഗത്തില്‍ ആധിപത്യം സ്ഥാപിച്ചത്. ഇപ്പോള്‍ വിന്‍ഡ്‌സര്‍ ഇവി എന്ന ഒറ്റ മോഡല്‍ കൊണ്ട് എംജി ടാറ്റയെ വിറപ്പിച്ച് കൊണ്ടിരിക്കുകയാണ്. കൂടെ ബോണ്‍ ഇലക്ട്രിക് വാഹനങ്ങളുമായി മഹീന്ദ്രയും ഒരുവശത്ത് ഉയര്‍ന്ന് വരുന്നു. ഈ സാഹചര്യത്തില്‍ പോര്‍ട്‌ഫോളിയോ വലുതാക്കി എംജിയെയും മഹീന്ദ്രയെയും മറികടക്കാനുള്ള നീക്കത്തിലാണ് ടാറ്റ. അടുത്ത ഏതാനും മാസങ്ങള്‍ കൊണ്ട് ഹാരിയര്‍ ഇവി, സഫാരി ഇവി, സിയറ ഇവി, അവിന്യ ഇവി എന്നീ പുതിയ ഇവി മോഡലുകള്‍ പുറത്തിറക്കാനാണ് ടാറ്റയുടെ പ്ലാന്‍.

ഒരു ബ്രാൻഡ് തങ്ങളുടെ മുന്നോട്ടുളള കാര്യങ്ങൾ പ്ലാൻ ചെയ്തുവയ്ക്കുന്നത് സാധാരണമായ കാര്യമാണ്. ഹ്യുണ്ടായി തങ്ങളുടെ 2030 വരെയുള്ള കാര്യങ്ങൾ എല്ലാം ക്രമീകരിച്ചിരിക്കുകയാണ്. ഇൻവസ്റ്റേഴ്സ് മീറ്റിങ്ങിൽ 2030 വരെയുള്ള കാര്യങ്ങളിൽ വ്യക്തമായ ധാരണയാണ് കമ്പനി നൽകിയിരിക്കുന്നത്. അഞ്ച് വർഷത്തിനുളളിൽ 26 മോഡലുകൾ അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്. അതിൽ ഇലക്ട്രിക്കും ഹൈബ്രിഡ് മോഡലുകളും ഉൾപ്പെടുത്തിയിട്ടുണ്ട്. ഇവികളും അത് പോലെ തന്നെ ആളുകൾ കൂടുതലായി ആവശ്യപ്പെടുന്ന ഹൈബ്രിഡ് വാഹനങ്ങളും ഉൾപ്പെടുത്തുമ്പോൾ ബ്രാൻഡിൻ്റെ വാഹനങ്ങൾക്ക് ഡിമാൻ്റ് കൂടുമെന്ന കാര്യത്തിൽ ഒരു സംശയവും വേണ്ട.

സുസുക്കി മോട്ടോര്‍സൈക്കിള്‍ ഇന്ത്യ അവെന്‍സിസ് (Suzuki Avenis) സ്‌കൂട്ടറിന്റെ പുതിയ സ്റ്റാന്‍ഡേര്‍ഡ് വേരിയന്റ് പുറത്തിറക്കി. കേന്ദ്ര സര്‍ക്കാര്‍ നടപ്പാക്കുന്ന ഏറ്റവും പുതിയ മലിനീകരണ മാനദണ്ഡങ്ങള്‍ പാലിക്കുന്ന എഞ്ചിനാണ് ഇതിന് ലഭിക്കുന്നത്. കൂടുതല്‍ കര്‍ശനമായ OBD-2B മാനദണ്ഡങ്ങള്‍ക്ക് അനുസൃതമായി സുസുക്കി അവെന്‍സിസും അതിന്റെ സ്‌പെഷ്യല്‍ എഡിഷനുകളും ഇതിനകം അപ്ഡേറ്റ് ചെയ്തിട്ടുണ്ട്. ഇപ്പോള്‍ സ്റ്റാന്‍ഡേര്‍ഡ് വേരിയന്റും അപ്ഡേറ്റ് ചെയ്തിരിക്കുകയാണ്. ഏറ്റവും പുതിയ ട്രിം ഇതിനകം അംഗീകൃത ഡീലര്‍ഷിപ്പില്‍ എത്തിയിട്ടുണ്ട്, കൂടാതെ വില്‍പ്പനയ്ക്ക് ലഭ്യമാണ്. പുത്തന്‍ സ്‌കൂട്ടറിനെ കുറിച്ച് വിശദമായി ചുവടെ വായിക്കാം.

ടാറ്റ പഞ്ച് തിരികൊളുത്തിയ മൈക്രോ എസ്‌യുവി സെഗ്മെന്റിനെ കൈയിലെടുക്കാൻ ഹ്യുണ്ടായി പണികഴിപ്പിച്ച് പുറത്തിറക്കിയ മോഡലായിരുന്നു എക്സ്റ്റർ (Hyundai Exter). ഫീച്ചറുകൾകൊണ്ട് അമ്മാനമാടിയെത്തിയ വാഹനം വളരെ വേഗം പലരുടേയും ഫേവറീറ്റായി മാറി. 6 എയർബാഗ് ഉൾപ്പടെയുള്ള സ്റ്റാൻഡേർഡ് സേഫ്റ്റി ഫീച്ചറുകളും കൂടിയായപ്പോൾ ദക്ഷിണ കൊറിയൻ വാഹന നിർമാതാക്കളുടെ കുഞ്ഞൻ എസ്‌യുവിക്ക് ബുക്കിംഗുകൾ കുന്നുകൂടാൻ തുടങ്ങി. പലപ്പോഴും വിൽപ്പനയുടെ കാര്യത്തിൽ പഞ്ചിന് ഭീഷണിയായി ഉയർന്നുവരാനും എക്സ്റ്ററിനായിരുന്നു. എന്നാൽ 2025 ഏപ്രിൽ മാസത്തെ കണക്കുകൾ പുറത്തുവരുമ്പോൾ ഹ്യുണ്ടായിക്ക് ക്ഷീണമായി മാറിയിരിക്കുകയാണ് മോഡലിന്റെ വിൽപ്പന.

ഏതൊരു സെഗ്മെൻ്റിലും മുട്ടി നിൽക്കാൻ മോഡലുകളുളള ബ്രാൻഡുകളിൽ ഒന്നാണ് മോറിസ് ഗാരേജ്. ബ്രാൻഡിൻ്റെ ഫ്ലാഗ്ഷിപ്പ് മോഡലാണ് ഗ്ലോസ്റ്റർ. ഫുൾ-സൈസ് എസ്‌യുവി വിഭാഗത്തിൽ ടൊയോട്ട ഫോർച്യൂണർ പോലുള്ള വമ്പൻമാരുമായി മുഖാമുഖം നിന്ന് കോർക്കാൻ ഈ മോഡലിന് ചങ്കൂറ്റം ഉണ്ട്. എന്നാൽ ബ്രാൻഡിൻ്റെ ഇടയ്ക്കുള്ള വില വർധന ജനങ്ങൾക്ക് ദഹിക്കുന്നില്ല എന്നതാണ് സത്യം. തലക്കെട്ടിൽ പറഞ്ഞത് പോലെ വിൽപ്പനയിൽ വളരെ ദുർബലമായി നിൽക്കുമ്പോൾ വിലയും കൂടെ വർധിപ്പിച്ചാൽ എങ്ങനെ വാഹനം വിറ്റുപോകാനാണ്. എംജി ഗ്ലോസ്റ്ററിൻ്റെ ഏതൊക്കെ മോഡലുകൾക്കാണ വില വർധിപ്പിച്ചിരിക്കുന്നതെന്ന് വിശദമായി തന്നെ നോക്കിയാലോ. മറ്റ് മോഡലുകൾക്കും വില വർധിപ്പിച്ചോ എന്ന് അറിയണ്ടേ.

ടിവിഎസിനെയും ബജാജിനെയും പോലുള്ള വമ്പന്‍ ബ്രാന്‍ഡുകള്‍ തുനിഞ്ഞിറങ്ങിയതോടെ ഇലക്ട്രിക് ഇരുചക്ര വാഹന വിപണിയില്‍ ഇപ്പോള്‍ മത്സരം കടുത്തിരിക്കുകയാണ്. മാസങ്ങളോളം സെഗ്മെന്റില്‍ ഒന്നാം സ്ഥാനം കൈയ്യടക്കി വെച്ചിരുന്നത് സ്റ്റാര്‍ട്ടപ്പ് കമ്പനിയായ ഓല ഇലക്ട്രിക് ആയിരുന്നെു. എന്നാല്‍ ഇപ്പോള്‍ ഇലക്ട്രിക് ടൂവീലര്‍ വിഭാഗത്തിലെ സിംഹാസത്തില്‍ ബജാജും ടിവിഎസും മാറി മാറി ഇരിക്കുകയാണ്. 2025 ഏപ്രിലില്‍ ഇന്ത്യയിലെ നമ്പര്‍ 1 ഇലക്ട്രിക് ടൂവീലര്‍ നിര്‍മാതാക്കള്‍ ടിവിഎസ് ആയിരുന്നു. വാഹന്‍ ഡേറ്റ പ്രകാരം കഴിഞ്ഞ മാസം ടിവിഎസ് 19736 സ്‌കൂട്ടറുകള്‍ വിറ്റഴിച്ചു. 2024 ഏപ്രിലില്‍ വിറ്റ 7762 യൂണിറ്റിനെ അപേക്ഷിച്ച് 154 ശതമാനമാണ് വില്‍പ്പന വളര്‍ച്ച നേടിയിരിക്കുകയാണ്.

ആധുനിക കാറുകൾ ലോകംമുഴുവൻ കീഴടക്കി മുന്നേറുമ്പോൾ വിന്റേജ് കാറുകളെ മാത്രം സ്നേഹിക്കുന്ന മനുഷ്യരും നമുക്കിടയിലുണ്ട്. പഴയ കാറുകളെന്ന് കേൾക്കുമ്പോഴേ എല്ലാവരുടേയും മനസിലേക്ക് ഓടിയെത്തുന്നത് ഹിന്ദുസ്ഥാൻ അംബാസിഡർ, ഫിയറ്റ് പത്മിനി, മാരുതി 800 എന്നീ മൂന്ന് കാറുകളാവും അല്ലേ. ഇക്കൂട്ടത്തിലെ കൊമ്പനും സുന്ദരനുമാണ് പത്മിനി. തുടക്കത്തിൽ ഫിയറ്റ് 1100 ഡിലൈറ്റ് എന്ന പേരിലാണ് വാഹനം വിൽപ്പനയ്ക്ക് എത്തിയതെങ്കിലും ഒരു പതിറ്റാണ്ടിനിപ്പുറം പ്രീമിയർ പത്മിനി എന്ന് പുനർനാമം ചെയ്‌താണ് വാഹനത്തെ വിൽക്കാൻ തുടങ്ങിയത്. പിന്നെ ഫിയറ്റ് എന്ന ഓമനപ്പേരിൽ ഇവൻ നാട് വാഴാനും തുടങ്ങി.

ഇലക്ട്രിക് വാഹന വിപണിയിൽ ഹ്യുണ്ടായി തങ്ങളുടെ തുറുപ്പുചീട്ടായി അവതരിപ്പിച്ച മോഡലായിരുന്നു ക്രെറ്റ ഇവി. 2025 ഓട്ടോ എക്സ്പോയിലാണ് വാഹനം അവർ അവതരിപ്പിച്ചത്. അതിന് ശേഷം വാഹനം ഷോറൂമുകളിൽ എത്തിക്കഴിഞ്ഞ് വലിയ രീതിയിലുള്ള ഡിമാൻ്റാണ് ഉളളത്. പ്രത്യേകിച്ച് ടോപ് സ്പെക്ക് വേരിയൻ്റിനാണ് ആവശ്യക്കാരുളളത്. ഒറ്റനോട്ടത്തിൽ, പുതിയ ഹ്യുണ്ടായി ക്രെറ്റ ഇലക്ട്രിക് അതിന്റെ ഡൈനോ-ബേണിംഗ് സഹോദരങ്ങളുമായി നോക്കിയാൽ വലിയ വ്യത്യാസങ്ങൾ കാണാനില്ല. എന്നിരുന്നാലും, നിങ്ങൾ സൂക്ഷ്മമായി പരിശോധിച്ചാൽ, പുതിയ വിശദാംശങ്ങൾ നിങ്ങൾക്ക് മനസിലാക്കാൻ സാധിക്കും. ക്രെറ്റ എൻ ലൈനിൽ നിന്ന് എടുത്തത് പോലെ തോന്നിക്കുന്ന ആംഗിൾ ഫ്രണ്ട് ബമ്പറിലും പിക്‌സലേറ്റഡ് ഡിസൈൻ ക്രെറ്റ ഇലക്ട്രിക്കിൽ കാണാം.

ഇന്ത്യയിലെ സെലിബ്രിറ്റികളെല്ലാം വലിയ ആഡംബര കാറുകളിൽ (Luxury cars) സഞ്ചരിക്കാൻ മത്സരിക്കുന്നവരാണ്. സിനിമാതാരങ്ങളെല്ലാം കാരവാനിലെ സൌകര്യങ്ങൾ ലഭിക്കുന്ന കാറുകൾ ലഭിക്കുമോയെന്ന് നോക്കിനടക്കുന്നവരാണ്. അത്തരക്കാർക്ക് മുന്നിലേക്ക് ടൊയോട്ട വെൽഫയറും കിയ കാർണിവലും എത്തിയപ്പോൾ പിന്നെ ഒന്നും നോക്കിയില്ല. എല്ലാവരും ഈ രണ്ട് മോഡലുകളിൽ ഏതെങ്കിലും ഒന്ന് വാങ്ങാനായി നേരെ ഷോറൂമിലേക്ക് വിട്ടവരാണ്. എന്നാൽ ഇന്ത്യയിൽ ഈ രണ്ട് കാറുകളും ഒന്നിച്ച് സ്വന്തമാക്കിയിരിക്കുകയാണ് ക്രിക്കറ്റ് ഇതിഹാസം വിരാട് കോലി. ടെസ്റ്റ് ക്രിക്കറ്റിൽ നിന്നും വിരമിക്കൽ പ്രഖ്യാപിച്ചതിന് ശേഷം വാർത്തകളിൽ താരം നിറഞ്ഞുനിൽക്കുകയാണ്.

കേരളത്തിൻ്റെ തന്നെ അഭിമാനമായി മാറിയിരിക്കുന്ന തുറമുഖമാണ് വിഴിഞ്ഞം. അദാനി ഗ്രൂപ്പ് ഇപ്പോൾ രാജ്യത്തെ ചരക്കു ഗതാഗതത്തിൽ തന്നെ വിപ്ലവം തീർക്കാൻ കഴിവുള്ള ഒരു ട്രക് അവതരിപ്പിച്ചിരിക്കുകയാണ്. ഛത്തീസ്ഗഢിലുളള ഖനന വിതരണ ശൃംഖലയുടെ ആവശ്യങ്ങള്‍ക്ക് വേണ്ടിയാണ് ഗ്രൂപ്പ് പുതിയ ട്രക്ക് അവതരിപ്പിച്ചിരിക്കുന്നത്. 40 ടണ്‍ വരെ സാധനങ്ങള്‍ വഹിക്കാന്‍ ശേഷിയുള്ള ട്രക്കിന് ഒറ്റയടിക്ക് 200 കിലോമീറ്റര്‍ ദൂരം സഞ്ചരിക്കാന്‍ കഴിയും. ട്രക്കിൽ മൂന്ന് ഹൈഡ്രജൻ ടാങ്കുകളാണ് സജ്ജീകരിച്ചിരിക്കുന്നത്. ടാറ്റയും തങ്ങളുടെ ട്രക്കിൻ്റെ ശ്രേണിയിൽ ഹൈഡ്രജൻ മോഡലുകൾ പരീക്ഷിച്ചുകൊണ്ടിരിക്കുകയാണ്. അദാനി ഗ്രൂപ്പ് താമസിയാതെ വിഴിഞ്ഞത്തേക്കും ഹൈഡ്രജൻ ട്രക്ക് എത്തിക്കുമെന്നാണ് പ്രതീക്ഷിക്കുന്നത്.

ഏതാനും വര്‍ഷങ്ങള്‍ക്ക് മുമ്പ് വരെ പെട്രോള്‍ അല്ലെങ്കില്‍ ഡീസല്‍ പവര്‍ട്രെയിനില്‍ പ്രവര്‍ത്തിക്കുന്ന വാഹനങ്ങള്‍ മാത്രമായിരുന്നു ഇന്ത്യയില്‍ കണ്ടുവന്നിരുന്നത്. എന്നാല്‍ ഇന്ന് സ്ഥിതി മാറി. ഒരു കാര്‍ വാങ്ങാന്‍ ഉദ്ദേശിക്കുന്നവര്‍ക്ക് മുന്നില്‍ പെട്രോള്‍, ഡീസല്‍ മോഡലുകള്‍ക്ക് പുറമെ സിഎന്‍ജി, ഹൈബ്രിഡ്, ഇലക്ട്രിക് മോഡലുകള്‍ ഉണ്ട്. ഫോസില്‍ ഇന്ധനങ്ങളുടെ വില ഉയര്‍ന്നിരിക്കുന്നതിനാലും കര്‍ശനമായ എമിഷന്‍ മാനദണ്ഡങ്ങളും കാരണം ഒരുപറ്റം ഉപഭോക്താക്കള്‍ ഇതിനോടകം വൈദ്യുത വാഹനങ്ങളിലേക്ക് തിരിഞ്ഞിട്ടുണ്ട്. വിമര്‍ശനങ്ങള്‍ ഒത്തിരി പറയാനുണ്ടാകുമെങ്കിലും ഇവികള്‍ കൊണ്ട് കുറേ ഗുണങ്ങളുമുണ്ട്. പെട്ടെന്ന് തന്നെ ഇവി വാങ്ങാന്‍ മടിയുള്ള ഒരു കൂട്ടര്‍ ഹൈബ്രിഡ് കാര്‍ മോഡലുകളില്‍ ആകൃഷ്ടരാകുന്നു.

മോട്ടോർസൈക്കിളുകൾക്ക് എല്ലാക്കാലത്തും ആവശ്യക്കാരുണ്ട്. സ്‌കൂട്ടറുകളേക്കാൾ കൂടുതൽ യാത്രാ സുഖവും കാര്യങ്ങളുമെല്ലാം തരുന്ന ഇവ ദൂരയാത്രകൾക്കും കേമൻമാരാണ്. നിലവിൽ പ്രീമിയം ബൈക്കുകൾ കൂടുതൽ ജനപ്രിയരായതോടെ 150 സിസി മുതലുള്ള ചെറിയ സെഗ്മെന്റ് വാഹനങ്ങൾക്ക് അത്ര ആവശ്യക്കാരൊന്നുമില്ല. പക്ഷേ ദൈനംദിന ഉപയോഗങ്ങൾക്കും ഒന്ന് അപ്പുറത്തെ ജില്ല വരെ പോവാനുള്ള യാത്രകൾക്കായാലും ഇത്തരം ബൈക്കുകൾ ശരിക്കും പ്രായോഗികമാണ്. മൈലേജിന്റെ കാര്യത്തിലായാലും മെയിന്റനെൻസിന്റെ കാര്യത്തിലായാലും ഇവർ ബജറ്റ് ഫ്രണ്ട്ലിയാണ്. സുരക്ഷാ സവിശേഷതകളുടെ കാര്യത്തിലായാലും ഈ വിഭാഗം വലിയ മാറ്റങ്ങൾക്ക് വിധേയമായിട്ടുണ്ട്.

BYD എന്ന ചുരുക്കപ്പേരില്‍ അറിയപ്പെടുന്ന ബില്‍ഡ് യുവര്‍ ഡ്രീംസ് എന്ന ചൈനീസ് ഇലക്ട്രിക് കാര്‍ നിര്‍മാതാക്കളെ കുറിച്ച് നിങ്ങള്‍ കേട്ടിട്ടുണ്ടാകും. 2021-ല്‍ ഇന്ത്യയിലെ പാസഞ്ചര്‍ വാഹന വിപണിയിലെത്തിയ ബ്രാന്‍ഡ് അത്യാവശ്യം വില കൂടിയ പ്രീമിയം കാറുകളാണ് ഇന്ത്യയില്‍ വില്‍ക്കുന്നത്. ഏതാനും മാസങ്ങള്‍ക്ക് മുമ്പ് BYD ഇന്ത്യന്‍ മാര്‍ക്കറ്റില്‍ ഇറക്കിയ ഇലക്ട്രിക് എസ്‌യുവിയാണ് സീലയണ്‍ 7. നിലവില്‍ BYD സീലയാന്‍ 7 ഇലക്ട്രിക് കാറിന്റെ എക്‌സ്-ഷോറൂം വില 48.90 ലക്ഷം മുതല്‍ 54.90 ലക്ഷം രൂപ വരെയാണ്. ഇത് നിരത്തിലെത്തിക്കാന്‍ ഏതായാലും അരക്കോടിക്ക് മുകളില്‍ പൊടിക്കേണ്ടി വരും.

എതിരാളികൾക്ക് ഒന്ന് തൊടാൻ പോലും പറ്റാതെ വിപണിയിൽ അങ്ങനെ വാഴുന്ന ഒരു മോഡലാണ് ടൊയോട്ട ഫോർച്ച്യൂണർ. എന്നാൽ ചെക്ക് റിപ്പബ്ലിക്കൻ നാട്ടിൽ നിന്ന് ടൊയോട്ടയ്ക്ക് ഒരു എതിരാളിയെ കൂടുതൽ ഫീച്ചറുകളും ലുക്കും നൽകി ബ്രാൻഡ് ഇറക്കിയിരിക്കുകയാണ്.അന്യായ ലുക്കും ഫീച്ചറുകളുമെല്ലാമായി എത്തിയ പുത്തൻ സ്കോഡ കൊഡിയാക്കിനായുള്ള ഡെലിവറിയും ആരംഭിച്ചിരിക്കുകയാണ് കമ്പനിയിപ്പോൾ. 2025 ഏപ്രിലിൽ പുറത്തിറക്കിയ വാഹനം ഒറ്റ മാസത്തിൽ ആളുകളുടെ കൈയിലേക്ക് എത്തിയത് എന്തായാലും വിൽപ്പനയ്ക്ക് മൈലേജാവും. 46.89 ലക്ഷം പ്രാരംഭ വിലയിൽ അവതരിപ്പിച്ച കൊഡിയാക് നിലവിൽ രണ്ട് വേരിയന്റുകളിലായാണ് വിപണിയിൽ എത്തുന്നത്.

അടുത്തിടെ കേരളത്തിലെ ഏറ്റവും വില കൂടിയ വാഹന നമ്പർ പ്ലേറ്റ് ലേലത്തിൽ വിറ്റുപോയ വാർത്ത എല്ലാവരും ശ്രദ്ധിച്ചിട്ടുണ്ടാവുമല്ലോ. 45.99 ലക്ഷം രൂപ വാരിയെറിഞ്ഞാണ് KL 07 DG 0007 എന്ന എറണാകുളം ആർടി ഓഫിസിന് കീഴിൽ വരുന്ന ഫാൻസി നമ്പർ ഒരു മലയാളി സ്വന്തമാക്കിയത്. സോഫ്റ്റ്‌വെയർ കമ്പനിയായ ലിറ്റ്മസ് 7 സിസ്റ്റം കൺസൽട്ടിംഗ് പ്രൈവറ്റ് ലിമിറ്റഡിന്റെ മുതലാളി വേണു ഗോപാലകൃഷ്‌ണൻ എന്ന വ്യക്തിയാണ് ഇഷ്‌ട നമ്പരിനായി ലക്ഷങ്ങൾ പൊടിച്ചത്. തന്റെ ഏറ്റവും പുതിയ ലംബോർഗിനി ഉറൂസിനായാണ് ഈ അടിപൊളി നമ്പർ കക്ഷി ലേലത്തിൽ വിളിച്ചെടുത്തത്.

ജയസൂര്യയെ നായകനാക്കി പ്രജേഷ് സെന്‍ സംവിധാനം ചെയ്ത 'വെള്ളം' (2021) എന്ന സിനിമ എല്ലാര്‍ക്കും ഓര്‍മയുണ്ടാകും. ആ സിനിമയില്‍ നടന്‍ സിദ്ദിഖ് അവതരിപ്പിച്ച കഥാപാത്രം നായകനായ മുരളിയോട് പറയുന്ന ഒരു ഡയലോഗ് ഇന്നും ഇന്‍സ്റ്റഗ്രാം റീലുകളില്‍ നിറഞ്ഞോടുന്നുണ്ട്. 'ഇന്‍സല്‍ട്ടാണ് മുരളീ ഏറ്റവും വലിയ ഇന്‍വെസ്റ്റ്‌മെന്റ്' എന്ന ആ ഡയലോഗിന്റെ പൊളിറ്റിക്കല്‍ കറക്ടനസിനെ കുറിച്ച് വിവിധ അഭിപ്രായങ്ങള്‍ ഉണ്ടെങ്കിലും ഇത് പലര്‍ക്കും നല്‍കിയ മോട്ടീവേഷന്‍ ചില്ലറയൊന്നുമല്ല. സിനിമയിലെ കഥാപാത്രത്തെ പോലെ തന്നെ അപമാനം ഒരു പ്രചോദനമായെടുത്ത് ജീവിതത്തില്‍ വിജയിച്ച ഒത്തിരി പേരുടെ ഉദാഹരണങ്ങളും നമ്മുടെ മുന്നിലുണ്ട്.

ഇന്ത്യയിലെ പ്രീമിയം ഹാച്ച്ബാക്ക് വിഭാഗത്തിൽ മാരുതി സുസുക്കി ബലേനോയോടും ഹ്യുണ്ടായി i20-യോടും പടവെട്ടി വിജയിച്ചവനാണ് ടാറ്റ ആൾട്രോസ്. എതിരാളികളേക്കാൾ കൂടുതൽ ഫീച്ചറുകളും സേഫ്റ്റിയും കുത്തിനിറച്ചെത്തിയ കാറിന് ഡീസൽ എഞ്ചിന്റെ കരുത്തുമുണ്ടായിരുന്നു. അങ്ങനെ വളരെ വേഗം തന്റേതായ ഇടം സെഗ്മെന്റിൽ കണ്ടെത്തിയ ആൾട്രോസ് വാങ്ങിയവരെയാരേയും നിരാശപ്പെടുത്തിയിട്ടില്ല. നല്ല സ്പേസും കാര്യങ്ങളുമെല്ലാം ഉള്ള ഒന്നാന്തരം ഫാമിലി കാർ കൂടിയാണ് കക്ഷി. പഞ്ച് എന്ന മൈക്രോ എസ്‌യുവിയുടെ വരവോടെ വിൽപ്പന ചെറുതായൊന്ന് ഇടിഞ്ഞിരുന്നെങ്കിലും അത് തിരികെ പിടിക്കാനായി മോഡലിന്റെ ഫെയ്‌സ്‌ലിഫ്റ്റ് പതിപ്പിനെ അവതരിപ്പിക്കാനുള്ള ഒരുക്കത്തിലാണ് ടാറ്റ മോട്ടോർസ്.

ICE എഞ്ചിൻ വാഹനങ്ങളേക്കാൾ ഇപ്പോൾ ലാഭകരമെന്ന് പറയുന്നത് ഇലക്ട്രിക് വാഹനങ്ങളാണല്ലോ. എന്നാൽ പെട്രോൾ,ഡീസൽ വാഹനങ്ങളുമായി താരതമ്യം ചെയ്യുമ്പോൾ വാഹനങ്ങളുടെ സർവീസിൻ്റെ ചിലവ് ഏതുവിധമെന്ന് എപ്പോഴെങ്കിലും ചിന്തിച്ചിട്ടുണ്ടോ. പല കണക്കുകളും സൂചിപ്പിക്കുന്നത് ഇലക്ട്രിക് വാഹനങ്ങൾ പരിപാലിക്കാൻ വളരെ എളുപ്പമാണ് എന്നതാണ്. ഇലക്ട്രിക് കാറുകള്‍ നഗരയാത്രകള്‍ക്ക് ഒരു മികച്ച ഓപ്ഷന്‍ ആണെന്ന കാര്യത്തില്‍ തര്‍ക്കമില്ല. എന്നാല്‍ നിങ്ങള്‍ ഇടക്കിടക്ക് ദൂരയാത്രകള്‍ പോകുകയോ ഹൈവേകളിലൂടെ സഞ്ചരിക്കുന്നവരോ ആണെങ്കില്‍ നിലവിലെ സാഹചര്യത്തില്‍ ഒരു ഇവി വാങ്ങിയിടുന്നത് അത്ര ബുദ്ധിയല്ലെന്ന് വേണം പറയാന്‍.

ആഭ്യന്തര വാഹന നിര്‍മാതാക്കളായ മഹീന്ദ്ര ഇപ്പോള്‍ ചരിത്രത്തിലെ ഏറ്റവും മികച്ച സമയത്തിലൂടെയാണ് കടന്ന് പോയിക്കൊണ്ടിരിക്കുന്നത്. 2025 ഏപ്രില്‍ മാസത്തില്‍ ഒരിക്കല്‍ കൂടി ഇന്ത്യയിലെ ഏറ്റവും വലിയ രണ്ടാമത്തെ കാര്‍ നിര്‍മാതാക്കളായി മാറിയ മഹീന്ദ്ര ഹ്യുണ്ടായിയെയും ടാറ്റയെയും പിന്തള്ളി മുന്നേറിക്കൊണ്ടിരിക്കുകയാണ്. മഹീന്ദ്ര കൊണ്ടുവന്ന പുത്തന്‍ എസ്‌യുവികള്‍ക്ക് ലഭിക്കുന്ന വമ്പന്‍ സ്വീകാര്യതയാണ് വില്‍പ്പനയില്‍ പ്രതിഫലിക്കുന്നത്. സ്‌കോര്‍പിയോ, ഥാര്‍, ബൊലേറോ, 3X0, XUV 700 എന്നീ മോഡലുകളെല്ലാം മികച്ച വില്‍പ്പനയാണ് നേടുന്നത്. മഹീന്ദ്ര അടുത്തിടെ പുറത്തിറക്കിയ ഇലക്ട്രിക് എസ്‌യുവികളും ഹിറ്റായി മാറിയിട്ടുണ്ടെങ്കിലും അവയുടെ ഡെലിവറി പൂര്‍ണ തോതിലായിട്ടില്ല.

ഇന്നോവയുടെ പ്രായോഗികതയും യാത്രാസുഖവും കണ്ട് വീഴാത്ത ഇന്ത്യക്കാർ ഉണ്ടാവില്ലല്ലോ. പക്ഷേ ഷോറൂമിൽ ചെന്ന് വില കേട്ടാൽ സ്വന്തമാക്കണമെങ്കിൽ പലരും കുടുംബം വരെ പണയപ്പെടുത്തേണ്ടി വരും. പക്ഷേ നല്ലൊരു 7 സീറ്റർ എംപിവിയും തേടി ഷോറൂമിലെത്തുന്നവരെ നിരാശയോടെ മടക്കി അയക്കാതിരിക്കാൻ ടൊയോട്ട മറ്റൊരു വഴിയും കൂടി ഷോറൂമിൽ കരുതിവെച്ചിട്ടുണ്ട്. അതാണ് റൂമിയോൺ എന്ന മൾട്ടി പർപ്പസ് വാഹനം. ഒരുകാലത്ത് ഈ വിഭാഗത്തിൽ ഇന്നോവയുടെ മുഖ്യശത്രുവായി കണ്ടിരുന്ന മാരുതി എർട്ടിഗയുടെ റീബാഡ്‌ജ് പതിപ്പാണെങ്കിലും ടൊയോട്ട ബാഡ്‌ജ് ധരിച്ചെത്തുമ്പോൾ ഇവിടെ വാങ്ങാൻ ആളുണ്ടെന്നതാണ് രസകരമായ കാര്യം.