വിമാനത്തിലെ ഫസ്റ്റ് ക്ലാസ് യാത്രാനുഭവം നിരത്തില്‍ സമ്മാനിക്കുന്ന ടൊയോട്ടയുടെ ലക്ഷ്വറി എംപിവിയായ വെല്‍ഫെയര്‍ (Toyota Vellfire) രാജ്യത്തെ സെലിബ്രിറ്റികളുടെയും സമ്പന്നരുടെയും ഫേവറിറ്റുകളില്‍ ഒന്നാണ്. ഇതിനോടകം തന്നെ നിരവധി ലക്ഷ്വറി കാറുകള്‍ അണിനിരക്കുന്ന കല്ല്യണ്‍ സില്‍ക്‌സിന്റെ ഗരാജിലെ ഏറ്റവും പുതിയ അതിഥിയായി മാറിയിരിക്കുകയാണ് ടൊയോട്ട വെല്‍ഫെയര്‍. കല്യാണ്‍ സില്‍ക്സ് എക്സിക്യൂട്ടീവ് ഡയറക്ടര്‍ മഹേഷ് പട്ടാഭിരാമനാണ് ഈ ആഡംബര എംപിവി തന്റെ വാഹനശേഖരത്തിലേക്ക് ചേര്‍ത്തത്. ടൊയോട്ട ഡീലര്‍ഷിപ്പ് അധികൃതര്‍ കല്യാണ്‍ സില്‍ക്‌സ് ഉടമകളുടെ സ്വന്തം വസതിയായ ഓംകാരയില്‍ വെച്ചാണ് ബ്രാന്‍ഡ് ന്യൂ വെല്‍ഫെയറിന്റെ താക്കോല്‍ കൈമാറിയത്.

സാധാരണക്കാരുടെ കാർ എന്ന സ്വപ്നങ്ങൾക്ക് ചിറകുകൾ നൽകിയ മോഡലാണ് ആൾട്ടോ (Maruti Alto). 800 എന്ന ഇതിഹാസത്തിന് പകരക്കാരനായി വിപണിയിലെത്തുമ്പോൾ കമ്പനി സ്വപ്നത്തിൽ പോലും ഓർമിക്കാത്തത്ര സ്വീകാര്യതയാണ് എൻട്രി ലെവൽ ഹാച്ച്ബാക്ക് നേടിയെടുത്തത്. ലോർഡ് ആൾട്ടോയെന്ന ഓമനപ്പേരിൽ ഇന്ത്യക്കാർ വിളിക്കുന്ന ഇവനെയാവും ആദ്യ കാറായി വാങ്ങിയിട്ടുള്ള പലരും സ്വന്തമാക്കിയിട്ടുണ്ടാവുക. ഇന്ന് ഏകദേശം 48 ലക്ഷം ആൾട്ടോകൾ ഇന്ത്യയിൽ വിറ്റിട്ടുണ്ടാവുമെന്നാണ് കണക്കുകൾ. എസ്‌യുവികൾ അരങ്ങുവാഴാൻ തുടങ്ങിയതോടെ സെഡാനുകൾക്ക് മാത്രമല്ല, ഹാച്ച്ബാക്ക് മോഡലുകൾക്കും വിൽപ്പന കാര്യമായി കുറയാൻ തുടങ്ങിയെന്നതാണ് സത്യം.

ആഗോള ഇരുചക്ര വാഹന വിപണിയില്‍ ജാപ്പനീസ് ഭീമന്‍മാരായ യമഹയെ അമ്പരപ്പിച്ചുകൊണ്ട് വന്‍ മുന്നേറ്റം നടത്തി ഇന്ത്യന്‍ കമ്പനിയായ ടിവിഎസ് മോട്ടോര്‍. ലോകത്തെ ഏറ്റവും വലിയ മൂന്നാമത്തെ ഇരുചക്ര വാഹന നിര്‍മ്മാതാക്കളെന്ന പദവിയാണ് ചെന്നൈ ആസ്ഥാനമായുള്ള ടിവിഎസ് ഇപ്പോള്‍ സ്വന്തമാക്കിയിരിക്കുന്നത്. ഓട്ടോകാര്‍ പ്രൊഫഷണല്‍ പുറത്തുവിട്ട ഏറ്റവും പുതിയ റിപ്പോര്‍ട്ടിലാണ് അന്താരാഷ്ട്ര വിപണിയെ ഞെട്ടിച്ച ഈ റാങ്ക് മാറ്റത്തെ കുറിച്ച് പറയുന്നത്. വര്‍ഷങ്ങളായി ഹോണ്ട മോട്ടോര്‍ കമ്പനിയും ഹീറോ മോട്ടോകോര്‍പ്പും അടക്കിവാണിരുന്ന ആഗോള ഇരുചക്ര വാഹന വിപണിയിലെ ആദ്യ മൂന്ന് സ്ഥാനങ്ങളില്‍ ഒന്നില്‍ ടിവിഎസ് ഇടംപിടിച്ചത് വലിയൊരു മാറ്റമായാണ് വിലയിരുത്തപ്പെടുന്നത്.

യങ്സ്റ്റേഴ്‌സിനിടയിൽ ഏറ്റവും ഫാൻസുള്ള ഇരുചക്ര വാഹന നിർമാതാക്കളായി മാറിക്കഴിഞ്ഞിരിക്കുകയാണ് റെട്രോ ക്ലാസിക് മോട്ടോർസൈക്കിൾ നിർമാതാക്കളായ റോയൽ എൻഫീൽഡ് (Royal Enfield). ബുള്ളറ്റ്, ക്ലാസിക്, മീറ്റിയോർ തുടങ്ങിയ ഇതിഹാസങ്ങൾക്കൊപ്പം ഹണ്ടർ, ഹിമാലയൻ, സ്ക്രാം, ഗറില്ല (Guerrilla), ഇൻ്റർസെപ്റ്റർ, കോണ്ടിനെൻ്റൽ ജിടി തുടങ്ങിയ മിടുക്കൻ മോഡലുകളും കൂടി അണിനിരന്നതോടെ ഷോറൂമിന് മുന്നിൽ വലിയ ആൾക്കൂട്ടവുമായി. പോരാത്തതിന് പഴയത് പോലെ വിറയലില്ലാത്തതും തകരാറുകളില്ലാത്തതും കൂടിയായപ്പോൾ എൻഫീൽഡിന് കോളടിച്ചു. ഇതിനെല്ലാം പുറമെ കൃത്യമായ ഇടവേളകളിൽ മോഡലുകളെ നവീകരിക്കാൻ കാണിക്കുന്ന താത്പര്യവും ആളുകൾക്കിടയിൽ മതിപ്പുളവാക്കിയിട്ടുണ്ട്.

സ്വപ്നങ്ങള്‍ക്ക് അതിരുകളില്ലെന്ന് തെളിയിച്ച വ്യക്തികളുടെ എണ്ണമറ്റ കഥകള്‍ നാം കേട്ടിട്ടുണ്ട്. അക്കൂട്ടത്തിലെ ഏറ്റവും പുതിയ പേരാണ് ജാര്‍ഖണ്ഡിലെ സരായ്‌കേല സ്വദേശിയായ മുഹമ്മദ് ആരിഫ് എന്ന മെക്കാനിക്ക്. തന്റെ കഠിനാധ്വാനത്തിലൂടെ സാധാരണക്കാരന്റെ വാഹനമായ മാരുതി 800 ലോകോത്തര സൂപ്പര്‍ കാറായ ലംബോര്‍ഗിനിയുടെ രൂപത്തിലേക്ക് മാറ്റിയാണ് ഈ മെക്കാനിക്ക് താരമായി മാറിയത്. നിലവില്‍ സോഷ്യല്‍ മീഡിയ പ്ലാറ്റ്ഫോമുകളായ ഇന്‍സ്റ്റാഗ്രാമിലും ഫേസ്ബുക്കിലും ഈ 'ദേശി ലംബോര്‍ഗിനി' വലിയ തരംഗമാണ് സൃഷ്ടിച്ചുകൊണ്ടിരിക്കുകയാണ്. ഈ മോഡിഫൈഡ് കാറിനെ കുറിച്ച് വിശദമായി ഈ ലേഖനത്തില്‍ വായിക്കാം.

ഇലക്‌ട്രിക് വാഹനങ്ങൾ എന്ന് കേൾക്കുമ്പോഴേ ഇന്ത്യക്കാർക്ക് ആദ്യം മനസിൽ വരുന്ന പേര് ടാറ്റയെന്നോ എംജിയെന്നോ ആവും അല്ലേ. എന്നാൽ ലോകത്തിൽ തന്നെ വൈവിധ്യമാർന്ന ഇവികൾ നിർമിച്ച് സാക്ഷാൽ ടെസ്‌ലയെ വരെ മുട്ടുകുത്തിച്ച ഒരു കമ്പനി ഇങ്ങ് ഇന്ത്യയിലും പ്രവർത്തിക്കുന്നുണ്ട്. മറ്റാരുമല്ല, ബിൽഡ് യുവർ ഡ്രീംസ് എന്ന ബിവൈഡിയുടെ കാര്യമാണീ പറഞ്ഞുവരുന്നത്. ആഭ്യന്തര വിപണിയിൽ വളരെ കുറച്ച് മോഡലുകൾ മാത്രമാണ് ബ്രാൻഡ് പുറത്തിറക്കുന്നതെങ്കിലും ആഗോള വിപണികളിൽ ബിവൈഡിയുടെ നിരയിൽ അത്യാഡംബരവും കഴിവുറ്റതുമായ നിരവധി വൈദ്യുത വാഹനങ്ങളെ കാണാനാവും.

ഇലക്ട്രിക് പെര്‍ഫോമന്‍സ് മോട്ടോര്‍സൈക്കിളുകള്‍ സ്വപ്നം കാണുന്ന ഇന്ത്യക്കാര്‍ക്ക് ആവേശകരമായ ഒരു വാര്‍ത്തയാണ് ബാംഗ്ലൂരില്‍ നിന്ന് വരുന്നത്. ഇന്ത്യയിലെ മുന്‍നിര ഇലക്ട്രിക് ഇരുചക്രവാഹന നിര്‍മാതാക്കളായ അള്‍ട്രാവയലറ്റ് തങ്ങളുടെ കരുത്തുറ്റ X-47 ക്രോസ്ഓവര്‍ ഇനി സാധാരണക്കാര്‍ക്കും പ്രാപ്യമാകുന്ന വിലയില്‍ ലഭ്യമാക്കി. വിപ്ലവകരമായ 'ബാറ്ററി ഫ്ലെക്സ്' (Battery Flex) എന്ന ബാറ്ററി-ആസ്-എ-സര്‍വീസ് (BaaS) സബ്സ്‌ക്രിപ്ഷന്‍ മോഡലിലൂടെ ഇവിയുടെ പ്രാരംഭ വിലയില്‍ 40 ശതമാനത്തോളമാണ് കുറവ് വന്നിരിക്കുന്നത്. ബാറ്ററിയുടെ വില ബൈക്കിന്റെ വിലയില്‍ നിന്ന് വേര്‍തിരിച്ച് ഇലക്ട്രിക് മോട്ടോര്‍സൈക്കിളുകള്‍ കൂടുതല്‍ താങ്ങാനാവുന്ന വിലയില്‍ ജനങ്ങള്‍ക്ക് നല്‍കാനാണ് ബാറ്ററി ഫെ്ലക്സ് സ്‌കീം വഴി അള്‍ട്രാവയലറ്റ് ലക്ഷ്യമിടുന്നത്.

ബോളിവുഡിലെ മുൻനിര നായകൻമാരിൽ ഒരാളാണ് ഷാഹിദ് കപൂർ. ഇങ്ങ് മലയാളികൾക്കിടയിൽ വരെ വമ്പൻ ഫാൻസുള്ള താരം ജബ് വി മെറ്റ്, ഉഡ്താ പഞ്ചാബ്, പദ്മാവത്, ജേഴ്‌സി, കബീർ സിങ് പോലുള്ള ഹിറ്റ് സിനിമകളിലൂടെയാണ് ഹിന്ദി സിനിമയിലെ തൻ്റെ സ്ഥാനം ഉറപ്പിക്കുന്നത്. നടന്‍ പങ്കജ് കപൂറിന്റേയും നര്‍ത്തകി നീലിമ അസീമിന്റേയും മകനായിട്ടാണ് ബി-ടൌണിൽ എത്തുന്നതെങ്കിലും കരീന കപൂറിന്റെ കാമുകനായിട്ടാണ് തുടക്കം മുതൽ താരം അറിയപ്പെട്ടിരുന്നത്. പിന്നീട് പ്രിയങ്ക ചോപ്രയുമായി അടുപ്പത്തിലായതുമെല്ലാം ഗോസിപ്പ് കോളങ്ങളിൽ ഇടംപിടിച്ച വലിയ വാർത്തയായിരുന്നു. മുമ്പ് തന്റെ ജീവിതത്തിലുണ്ടായ ബന്ധങ്ങളില്‍ പലതിലും താന്‍ വഞ്ചിക്കപ്പെടുകയായിരുന്നുവെന്ന് തുറന്ന്പറയാനും ധൈര്യം കാണിച്ചയാളാണ് ഷാഹിദ്.

ഹോളി (Holi 2026) ആഘോഷം കഴിഞ്ഞ് നിങ്ങളുടെ കാര്‍ 'മള്‍ട്ടി കളര്‍ ക്യാന്‍വാസ്' പോലെ ഇരിക്കുകയാണോ?. ആഘോഷത്തിന്റെ ആവേശം അടങ്ങുമ്പോള്‍ പല കാര്‍ ഉടമകളെയും ആശങ്കയിലാക്കുന്നത് വാഹനത്തില്‍ പറ്റിപ്പിടിച്ചിരിക്കുന്ന കടുംചായങ്ങളാണ്. ഗുലാല്‍ പൊടികളും സിന്തറ്റിക് നിറങ്ങളും കാറിന്റെ പെയിന്റിലും ഗ്ലാസിലും ഇന്റീരിയറിലും അനാവശ്യമായ പാടുകള്‍ വീഴ്ത്തുന്നത് സാധാരണമാണ്. എന്നാല്‍ ശരിയായ സമയത്ത് വൃത്തിയാക്കിയാല്‍ നിങ്ങളുടെ പ്രിയപ്പെട്ട വാഹനം പഴയ രൂപത്തിലേക്ക് തിരികെ കൊണ്ടുവരാന്‍ സാധിക്കും. അതിനായി എന്തൊക്കെയാണ് ചെയ്യേണ്ടതെന്നാണ് ഇനി പറയാന്‍ പോകുന്നത്.

ഓട്ടോമാറ്റിക് കാറുകൾ വാങ്ങുന്നവരുടെ എണ്ണത്തിൽ കഴിഞ്ഞകുറച്ച് കാലമായി വലിയ വർധനവാണ് കാണാനാവുന്നത്. പണ്ട് ഗിയർലെസ് കാറുകൾ ഓടിക്കാൻ മടിച്ചിരുന്നവർ പോലും ഇന്ന് ഇത്തരം വാഹനങ്ങളുടെ ആരാധകരായി മാറിയിട്ടുണ്ട്. അതിൻ്റെ പ്രധാന കാരണം റോഡുകളിലെ തിരക്കേറുന്നതും ഓടിക്കാൻ എളുപ്പവുമാണെന്നുള്ളതാണ്. ക്ലച്ചില്ലെങ്കിൽ തന്നെ കാർ ഓടിക്കുമ്പോഴുണ്ടാവുന്ന പകുതി പ്രശ്നങ്ങൾക്ക് പരിഹാരമാവും. ട്രാഫിക്കിലും മറ്റും ഹാഫ് ക്ലച്ച് എല്ലാം ചവിട്ടി കിളിപോവുന്നതെല്ലാം ഒഴിവാക്കാൻ ക്ലച്ച്ലെസ് വലിയ അനുഗ്രഹമാണ്. ഒപ്പം കൂടുതൽ സ്ത്രീകളും കാറോടിക്കാൻ മുമ്പോട്ട് എത്തിയതും ഓട്ടോമാറ്റിക് കാറുകളുടെ വരവോടെയാണ്.

ടാറ്റ നെക്‌സോണ്‍, ഹ്യുണ്ടായി വെന്യു, കിയ സോനെറ്റ് എന്നീ വമ്പന്‍മാര്‍ അരങ്ങുവാഴുന്ന സബ് കോംപാക്ട് എസ്‌യുവി വിഭാഗത്തിലേക്ക് റെനോയുടെ ഒരു കരുത്തന്‍ പോരാളി കൂടി എത്തുന്നു. ആഗോള വിപണിക്കായി ഒരുക്കിയ റെനോയുടെ പുതിയ സബ്-4 മീറ്റര്‍ എസ്‌യുവി 'ബ്രിഡ്ജര്‍' (Bridger) കണ്‍സെപ്റ്റിന്റെ ടീസര്‍ ചിത്രങ്ങളാണ് ഇപ്പോള്‍ വണ്ടിപ്രാന്തന്‍മാര്‍ക്കിടയില്‍ തരംഗമാകുന്നത്. റെനോയുടെ ഭാവി തന്ത്രങ്ങള്‍ വ്യക്തമാക്കുന്ന 'futuREady' പ്ലാനിന്റെ ഭാഗമായി മാര്‍ച്ച് 10-ന് ഈ വാഹനം പൂര്‍ണമായും ലോകത്തിന് മുമ്പില്‍ വെളിപ്പെടുത്തും. റെനോ ബ്രിഡ്ജര്‍ കണ്‍സെപ്റ്റില്‍ നമുക്ക് എന്തൊക്കെ പ്രതീക്ഷിക്കാമെന്ന് ചുവടെ വായിക്കാം.

ഇന്ത്യയിലെ ഹാച്ച്ബാക്ക് വിപണിയുടെ അന്തകനായി പിറവിയെടുത്ത എസ്‌യുവിയാണ് ടാറ്റ പഞ്ച്. മൈക്രോ സ്പോർട് യൂട്ടിലിറ്റി വാഹനമായി വർഷങ്ങൾക്ക് മുമ്പേ വിപണിയിലെത്തിയ മോഡൽ ഇന്നും ചൂടപ്പം പോലെയാണ് വിറ്റഴിയുന്നത്. ചെറിയ ഹാച്ച്ബാക്കുകളുടെ വിലയും ആഡംബര കാറുകളിലെ ഫീച്ചറുകളും ഒടുക്കത്തെ സേഫ്റ്റിയുമെല്ലാമായി എത്തിയ പഞ്ച് എന്ന കൊച്ചുമിടുക്കൻ ഇന്ന് രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറുകളിൽ ഒന്നാണ്. സാക്ഷാൽ മാരുതി വാഗൺആറിനേയും ബലേനോയേയും സ്വിഫ്റ്റിനേയുമെല്ലാം വീശിയെറിഞ്ഞാണ് വാഹനം ടോപ്പ് ചാർട്ടിൽ ഇടംപിടിക്കുന്നത്. 2026 ഫെബ്രുവരി മാസത്തിലും മാരുതി കാറുകളെ പോലും അമ്പരപ്പിക്കുന്ന കണക്കുകളാണ് ആശാൻ സ്വന്തമാക്കിയിരിക്കുന്നത്.

ഇന്ത്യന്‍ വിപണിയിലെ വാന്‍ സെഗ്മെന്റില്‍ തങ്ങളുടെ അപ്രമാദിത്വം നിലനിര്‍ത്തിക്കൊണ്ട് മാരുതി സുസുക്കി ഈക്കോ (Maruti Suzuki Eeco) 2026 ഫെബ്രുവരിയില്‍ മികച്ച വില്‍പ്പന നേട്ടം സ്വന്തമാക്കി. കഴിഞ്ഞ മാസം മാത്രം ഈക്കോയുടെ 11,620 യൂണിറ്റുകളാണ് കമ്പനി രാജ്യത്തുടനീളം വിറ്റഴിച്ചത്. കുടുംബങ്ങള്‍ക്കും ചെറുകിട സംരംഭകര്‍ക്കും ഒരുപോലെ പ്രിയങ്കരമായ ഈ വാന്‍ മോഡല്‍ വില്‍പ്പനയില്‍ സ്ഥിരതയാര്‍ന്ന പ്രകടനമാണ് കാഴ്ചവെക്കുന്നത്. കഴിഞ്ഞ വര്‍ഷം ഫെബ്രുവരിയുമായി താരതമ്യം ചെയ്യുമ്പോള്‍ ഈക്കോയുടെ ജനപ്രീതി ഉയര്‍ന്നതായാണ് വില്‍പ്പന കണക്കുകള്‍ സൂചിപ്പിക്കുന്നത്. 2025 ഫെബ്രുവരിയില്‍ 11,493 യൂണിറ്റുകളായിരുന്നു ഈക്കോയുടെ വില്‍പ്പന.

ഇന്ത്യക്കാർക്ക് പ്രത്യേക ഇഷ്‌ടമുള്ള വാഹന നിർമാതാക്കളാണ് ഹോണ്ട. നല്ല എഞ്ചിനും ബിൽഡ് ക്വാളിറ്റിയുമെല്ലാം ഉള്ള മോഡലുകൾ പണ്ട് നല്ല രീതിയിലാണ് വിറ്റഴിഞ്ഞിരുന്നത്. എന്നാൽ നിലവിൽ അൽപം ക്ഷീണത്തിലാണ് ജാപ്പനീസ് ബ്രാൻഡ്. സ്പോർട് യൂട്ടിലിറ്റി വാഹനങ്ങളുടെ ട്രെൻഡിനിടയിലും സെഡാനുകളെ മാത്രം ആശ്രയിച്ച് നിന്നിരുന്ന കമ്പനി പലരുടേയും നിർബന്ധത്തിന് വഴങ്ങി എലിവേറ്റ് എന്ന മിഡ്-സൈസ് എസ്‌യുവിക്ക് രൂപം കൊടുത്തുവെങ്കിലും കാര്യമായ രീതിയിൽ പിടിച്ചുനിൽക്കാനായില്ലെന്ന് വേണം പറയാൻ. എങ്കിലും വിൽപ്പന കൂട്ടുവാനായുള്ള ശ്രമങ്ങൾ ഒരു ഭാഗത്ത് നടക്കുന്നുണ്ട്. എല്ലാമാസവും ഓഫറുകൾ വാരിക്കോരിയിട്ട് ആളുകളെ ചാക്കിലാക്കുവാനാണ് ഹോണ്ട ഇപ്പോൾ ശ്രമിക്കുന്നത്.

മാരുതി കാര്‍ ബുക്ക് ചെയ്ത് ഏറെ നാളായി കാത്തിരിക്കുന്നവരെ തേടി ഒരു സന്തോഷ വാര്‍ത്തയുണ്ട്. ആയിരങ്ങള്‍ കാറുകള്‍ക്കായി കാത്തിരിക്കുന്ന സാഹചര്യത്തില്‍ മാരുതി സുസുക്കി തങ്ങളുടെ പ്ലാന്റുകളില്‍ ഉല്‍പ്പാദനം വന്‍തോതില്‍ കൂട്ടാന്‍ ഒരുങ്ങുകയാണ്. നിലവില്‍ രണ്ട് ലക്ഷത്തോളം കാറുകള്‍ ഉപഭോക്താക്കള്‍ കൊടുത്തു തീര്‍ക്കാനുള്ള സാഹചര്യത്തിലാണ് കമ്പനി തങ്ങളുടെ വാര്‍ഷിക ഉല്‍പ്പാദന ശേഷി അഞ്ച് ലക്ഷം യൂണിറ്റായി വര്‍ദ്ധിപ്പിക്കാന്‍ തീരുമാനിച്ചത്. അടുത്ത സാമ്പത്തിക വര്‍ഷത്തിന്റെ ആദ്യ പാദത്തില്‍ തന്നെ ഹരിയാനയിലെ ഖാര്‍ഖോദ പ്ലാന്റിലെ രണ്ടാമത്തെ അസംബ്ലി ലൈന്‍ പ്രവര്‍ത്തനക്ഷമമാകും. ഇതുവഴി പ്രതിവര്‍ഷം 2.50 ലക്ഷം യൂണിറ്റുകളുടെ അധിക ഉല്‍പ്പാദനം സാധ്യമാകും.

റോഡിലൂടെ ഒഴുകിനീങ്ങുന്ന ഒരു 'പ്രൈവറ്റ് ജെറ്റില്‍' യാത്ര ചെയ്യണമെന്ന് നിങ്ങള്‍ക്ക് ആഗ്രഹമുണ്ടോ?. അതെ എന്ന് ഉത്തരമുള്ളവര്‍ക്കായാണ് ഇന്ത്യന്‍ വിപണിയിലെ രണ്ട് ആഡംബര എംപിവികള്‍ വില്‍പ്പനക്കെത്തുന്നത്. ഇക്കഴിഞ്ഞ ദിവസം പുറത്തിറങ്ങിയ മെര്‍സിഡീസ് ബെന്‍സ് V-ക്ലാസ് (Mercedes-Benz V-Class LWB), ടൊയോട്ട വെല്‍ഫെയര്‍ (Toyota Vellfire ) എന്നീ മോഡലുകളെ കുറിച്ചാണ് പറഞ്ഞ് വരുന്നത്. ആഡംബരത്തിന്റെ പര്യായമായ ഈ രണ്ട് എംപിവികളും (MPV) സെലിബ്രിറ്റികള്‍ക്കും ബിസിനസ് ടൈക്കൂണുകള്‍ക്കുമിടയില്‍ വലിയ തരംഗമാണ് സൃഷ്ടിച്ചിരിക്കുന്നത്. ടൊയോട്ട മോഡല്‍ ഇതിനോടകം തന്നെ രാജ്യത്ത് ഏറ്റവും കൂടുതല്‍ വിറ്റഴിക്കപ്പെടുന്ന ലക്ഷ്വറി എംപിവികളില്‍ ഒന്നാണ്.

ഓരോ മാസവും ഇന്ത്യൻ വിപണിയിലെ ടോപ്പ് സെല്ലിംഗ് കാറാവാനായി മത്സരിക്കുന്നത് എസ്‌യുവികളാണെങ്കിലും മിക്കമാസവും മാരുതി സുസുക്കിയുടെ ഒരു സെഡാൻ സ്പോർട് യൂട്ടിലിറ്റി വാഹനങ്ങളെയെല്ലാം തറപറ്റിച്ച് നമ്പർ 1 കിരീടം സ്വന്തമാക്കാറുണ്ട്. മറ്റാരുമല്ല, ഏറ്റവും പുതിയ ഡിസയറാണ് ടാറ്റ നെക്സോണിനോടും ഹ്യുണ്ടായി ക്രെറ്റയോടും ടാറ്റ പഞ്ചിനോടും പടവെട്ടി ഈ സ്ഥാനം തട്ടിയെടുക്കാറ്. എന്നാൽ കഴിഞ്ഞ രണ്ട് മാസവും നെക്സോൺ വളരെ ചെറിയ വ്യത്യാസത്തിൽ ഒന്നാം സ്ഥാനം കൈക്കലായിരുന്നു. 2026 ഫെബ്രുവരിയിലെ വിൽപ്പന കണക്കുകൾ പുറത്തുവരുമ്പോൾ 20,000 യൂണിറ്റുകൾക്ക് അടുത്ത് യൂണിറ്റുകളാണ് ഡിസയറിൻ്റെ സമ്പാദ്യം.

ഇന്ത്യന്‍ ഇലക്ട്രിക് വാഹന വിപണിയില്‍ തങ്ങളുടെ ആധിപത്യം ഉറപ്പിക്കുന്നതിനായി ടാറ്റ മോട്ടോര്‍സ് വിപ്ലവകരമായ പദ്ധതികളും സേവനങ്ങളും അവതരിപ്പിക്കുകയാണ്. വിപണിയില്‍ മത്സരം കടുത്ത് വരുന്ന സാഹചര്യത്തില്‍ ഇവി വാങ്ങുന്നതിനുള്ള പ്രാരംഭ ചെലവുകള്‍ ഗണ്യമായി കുറയ്ക്കുന്ന 'ബാസ്' (BaaS) എന്ന് ചുരുക്കി വിളിക്കുന്ന ബാറ്ററി ആസ് എ സര്‍വീസ് ((Battery-as-a-Service) പദ്ധതിക്ക് ടാറ്റ തുടക്കം കുറിച്ചിരുന്നു. ബാറ്ററി സബ്‌സ്‌ക്രിപ്ഷന്‍ മോഡലുകള്‍ പുറത്തിറക്കിയതിന് പിന്നാലെ ഇപ്പോള്‍ വീട്ടുപടിക്കല്‍ ചാര്‍ജിംഗ് സേവനം ലഭ്യമാക്കുന്ന മറ്റൊരു നൂതന പദ്ധതി കൂടി നടപ്പിലാക്കിയിരിക്കുകയാണ് ടാറ്റ. അതിനെ കുറിച്ച് വിശദമായി ഈ ലേഖനത്തില്‍ വായിക്കാം.

ഫോർച്യൂണറിൻ്റെ ആധിപത്യം തകർക്കുവാനായി ഇന്ത്യയിലെ ഫുൾ-സൈസ് എസ്‌യുവി വിഭാഗത്തിലേക്ക് കാലുകുത്തിയ പുത്തൻ മോഡലാണ് എംജി മജസ്റ്റർ. ഗ്ലോസ്റ്ററിന് സാധിക്കാതെ പോയ നേട്ടങ്ങളെല്ലാം സ്വന്തമാക്കുവാനായി ഇറങ്ങിത്തിരിച്ചിരിക്കുന്ന മോഡൽ ഈയടുത്താണ് വിപണിയിൽ അവതരിക്കുന്നത്. ഇതുവരെ വില പ്രഖ്യാപിച്ചിട്ടില്ലെങ്കിലും എല്ലാകാര്യത്തിലും ടൊയോട്ടയുടെ അതികായകനെ വെല്ലാൻ പാകമായിട്ടാണ് മജസ്റ്റർ ഒരുക്കിയിരിക്കുന്നത്. ബ്രാൻഡിൻ്റെ എസ്‌യുവി നിരയിൽ ഗ്ലോസ്റ്ററിനേക്കാൾ മുകളിലായി സ്ഥാനംപിടിച്ചുവെച്ചിരിക്കുന്ന മജസ്റ്ററിൻ്റെ വരവ് എന്തായാലും ഫോർച്യൂണറിന് വെല്ലുവിളിയാവുന്നതായിരിക്കും. ഓഫ്-റോഡ് സാഹചര്യങ്ങളിൽ പോലും വാഹനം എത്രത്തോളം കേമമാണെന്ന് തെളിയിക്കുന്ന പുതിയ പരസ്യ വീഡിയോ പുറത്തുവിട്ട് എതിരാളികളെ ഞെട്ടിച്ചിരിക്കുകയാണ് എംജിയിപ്പോൾ.

പകുതി വിലയ്ക്ക് കാര്‍ വിറ്റഴിച്ചാൽ പോലും മറ്റ് ബ്രാന്‍ഡുകള്‍ക്ക് സ്വപ്നം കാണാന്‍ കഴിയാത്ത അത്രയും ഉയർന്ന വില്‍പ്പന കണക്കുകളുമായി മാരുതി സുസുക്കി വീണ്ടും വാഹന ലോകത്തെ ഞെട്ടിച്ചു. 2026 ഫെബ്രുവരിയില്‍ മാത്രം 2,13,995 വാഹനങ്ങളാണ് കമ്പനി വിറ്റഴിച്ചത്. കഴിഞ്ഞ വര്‍ഷം ഇതേ മാസത്തെ അപേക്ഷിച്ച് വില്‍പനയില്‍ വലിയ വര്‍ദ്ധനവാണ് രേഖപ്പെടുത്തിയിരിക്കുന്നത്. ആഗോള വിപണിയില്‍ മാരുതി കാറുകള്‍ക്കുള്ള സ്വീകാര്യതയാണ് ഈ കുതിപ്പിന് കരുത്തേകുന്നത്.കഴിഞ്ഞ മാസം മൊത്തം മാരുതി സുസുക്കിയുടെ വില്‍പ്പന 213995 യൂണിറ്റായിരുന്നു. 2025 ഫെബ്രുവരിയില്‍ വിറ്റ 1,99,400 യൂണിറ്റുകളേക്കാള്‍ വലിയ വര്‍ദ്ധനവാണ് ഇത്തവണ രേഖപ്പെടുത്തിയിരിക്കുന്നത്.

ഇന്ത്യൻ വിപണിയിൽ നിസാൻ മാഗ്നൈറ്റ് എന്ന കുഞ്ഞൻ കോംപാക്‌ട് എസ്‌യുവിയിലൂടെ മാത്രം പണമുണ്ടാക്കിയിരുന്ന ജാപ്പനീസ് വാഹന നിർമാതാക്കളായ നിസാൻ അടുത്തിടെ പുതിയൊരു മോഡൽ കൂടി രാജ്യത്ത് അവതരിപ്പിക്കുകയുണ്ടായി. ഗ്രാവൈറ്റ് എന്ന 7-സീറ്റർ ഫാമിലി എംപിവിയുടെ കാര്യമാണീ പറഞ്ഞുവരുന്നത്. വലിയ കുടുംബങ്ങൾക്കായി ചെറിയ വിലയിൽ പുറത്തിറങ്ങിയ വാഹനം ഇതിനോടകം തന്നെ പലരും നോട്ടമിട്ടുണ്ടാവും. 5.65 ലക്ഷം രൂപ മുതൽ വില ആരംഭിക്കുന്ന ഈ സെവൻ സീറ്ററിനായുള്ള ഡെലിവറിയും തുടങ്ങിയതായി അറിയിച്ചിരിക്കുകയാണ് നിസാൻ ഇപ്പോൾ. മോഡലിന്റെ ഡെലിവറികൾ ഇന്ത്യ മുഴുവൻ ആരംഭിച്ചതായി കമ്പനി സ്ഥിരീകരിച്ചു.

വാഹന വിപണിയിലേക്ക് ഒരു ഇതിഹാസം പുനർജനിച്ചപ്പോൾ കമ്പനി സ്വപ്‌നം കണ്ടതിലും വലിയ വിജയം കൈവരിക്കുന്നത് എപ്പോഴും സന്തോഷം നൽകുന്ന കാര്യമാണ്. തൊണ്ണൂറുകളെ ത്രസിപ്പിച്ച ടാറ്റ സിയറ എസ്‌യുവി പുതുതലമുറയിൽ പിറവിയെടുത്തത് കഴിഞ്ഞ വർഷം അവസാനത്തോടെയായിരുന്നു. പിന്നീട് ഈ വർഷം തുടക്കത്തിൽ തന്നെ മോഡലിനായുള്ള ഡെലിവറിയും കമ്പനി ആരംഭിക്കുകയുണ്ടായി. ഇപ്പോഴിതാ വെറും 6 ആഴ്ച്ചകൊണ്ട് സിയറയുടെ 10,000 യൂണിറ്റുകൾ ഡെലിവറി ചെയ്‌ത് റെക്കോർഡ് സൃഷ്ടിച്ചിരിക്കുകയാണ് നമ്മുടെ സ്വന്തം ടാറ്റ മോട്ടോർസ്. കൃത്യമായി പറഞ്ഞാൽ 2026 ജനുവരി 15-നാണ് എസ്‌യുവിക്കായുള്ള ഔദ്യോഗിക ഡെലിവറി ആരംഭിക്കുന്നത്.

മലയാള സിനിമയില്‍ സ്വഭാവ നടനായും വില്ലനായും തിളങ്ങിയ ഷാജു ശ്രീധറും ഭാര്യയും നടിയുമായ ചാന്ദ്‌നിയും ജീവിതത്തിലെ പുതിയൊരു സന്തോഷം ആരാധകരുമായി പങ്കുവെച്ചിരിക്കുകയാണ്. തങ്ങളുടെ ഏറ്റവും പുതിയ വാഹനമായി റെനോ ക്വിഡ് (Renault Kwid) ആണ് താരജോഡികള്‍ തിരഞ്ഞെടുത്തത്. 2023-ല്‍ ഇവര്‍ 50 ലക്ഷത്തോളം വിലവരുന്ന ടൊയോട്ട ഫോര്‍ച്യൂണര്‍ എസ്‌യുവി സ്വന്തമാക്കിയ വാര്‍ത്ത ഏറെ ശ്രദ്ധിക്കപ്പെട്ടിരുന്നു. അരക്കോടിയുടെ കാര്‍ ഉള്ളവര്‍ തന്നെ ഒരു എന്‍ട്രി ലെവല്‍ ഹാച്ച്ബാക്ക് വാങ്ങിയത് കണ്ട് അത്ഭുതപ്പെടുകയാണ് ആരാധകലോകം. ചാന്ദ്നി പുത്തന്‍ ക്വിഡിനൊപ്പം നില്‍ക്കുന്ന ചിത്രം താരം സോഷ്യല്‍ മീഡിയയില്‍ പങ്കുവെച്ചു.

ഇന്ത്യയിലെ ഇലക്‌ട്രിക് സ്‌കൂട്ടർ രംഗത്തിന് വമ്പൻ നേട്ടവുമായിട്ടാണ് 2026 ഫെബ്രുവരി മാസം കടന്നുപോവുന്നത്. രാജ്യത്തെ മുൻനിര ഇരുചക്ര വാഹന നിർമാതാക്കളെല്ലാം കളത്തിലിറങ്ങിയതോടെ കൂടുതൽ ആളുകൾ ഇവി സ്വന്തമാക്കുവാനായി സധൈര്യം മുമ്പോട്ട് വരുന്നുണ്ട്. ഇതിൻ്റെ ഭാഗമായി ഇലക്ട്രിക് ഇരുചക്ര വാഹന വിഭാഗം ശക്തമായ വളർച്ചയാണ് കഴിഞ്ഞ മാസം കൈവരിച്ചിരിക്കുന്നത്. 1,11,000 യൂണിറ്റിലധികം ഇവികളാണ് ഫെബ്രുവരിയിൽ ഇന്ത്യൻ നിരത്തുകളിൽ എത്തിയത്. മുൻ വർഷത്തെ ഇതേ കാലയളവിൽ വിപണനം ചെയ്‌ത 76,720 യൂണിറ്റുകളെ അപേക്ഷിച്ച് ഇ-സ്കൂട്ടർ രംഗത്തിന് 46 ശതമാനം വർധനവാണ് എത്തിപ്പിടിക്കാനായിരിക്കുന്നത്.

ഇന്ത്യന്‍ വാഹന വിപണിയിലേക്ക് ചുവടുവെക്കാന്‍ ഒരുങ്ങുന്ന ജെഎസ്ഡബ്ല്യു മോട്ടോര്‍സിന്റെ (JSW Motors) ആദ്യ എസ്‌യുവിയുടെ ഡിസൈന്‍ പേറ്റന്റിന് ഇന്ത്യയില്‍ അംഗീകാരം. ആഗോള വിപണിയില്‍ തരംഗമായ ജെറ്റോര്‍ T2 (Jetour T2) മിഡ്-സൈസ് എസ്‌യുവിയെ അടിസ്ഥാനമാക്കിയാണ് ഈ വാഹനം നിര്‍മ്മിക്കുന്നത്. ജെറ്റോറിന്റെ മാതൃകമ്പനിയായ ചെറി ഓട്ടോമൊബൈല്‍ 2025 ഡിസംബറില്‍ സമര്‍പ്പിച്ച പേറ്റന്റിന് 2026 ഫെബ്രുവരി 27-നാണ് അംഗീകാരം ലഭിച്ചത്. പുറത്തുവന്ന പേറ്റന്റ് രേഖകള്‍ പ്രകാരം ജെറ്റോര്‍ മോഡല്‍ അതിന്റെ ബോക്‌സി ഡിസൈനും മസ്‌കുലര്‍ ലുക്കും ഇന്ത്യന്‍ മോഡലിലും നിലനിര്‍ത്തിയിട്ടുണ്ട്.