68000 രൂപയ്ക്ക് കിടിലൻ സേഫ്റ്റി ഫീച്ചർ

ഏതൊരു വാഹനത്തെ സംബന്ധിച്ചു അതിൻ്റെ ഡിമാൻ്റ് വർധിക്കുന്നതിൽ സേഫ്റ്റി ഫീച്ചറുകൾക്ക് വലിയ പ്രാധാന്യമുണെന്നത് ശരിയാണ്. കാരണം ഒരു വാഹനം വാങ്ങാൻ പോകുമ്പോൾ വണ്ടി എത്രമാത്രം സുരക്ഷ നൽകുന്നു എന്നും നോക്കാറുണ്ടല്ലോ. 6 എയർബാഗ് കൊണ്ട് മാത്രം സുരക്ഷ പൂർണമാകുന്നില്ല. വാഹനത്തിൻ്റെ സേഫ്റ്റി ഫീച്ചറുകൾ എന്നത് ഒരു കൂട്ടം ഫീച്ചറുകൾ ഒത്തുചേരുന്നതാണ്. അത്തരത്തിൽ ഔഡി ഉടമകൾക്ക് ഒരു സന്തോഷവാർത്തയുമായി എത്തിയിരിക്കുകയാണ് ജർമൻ ബ്രാൻഡ്. എല്ലാ ഔഡി മോഡലുകളിലും ഉപയോഗിക്കാൻ സാധിക്കുന്നത് കൊണ്ട് തന്നെ നിലവിലുളള ഉപഭോക്താക്കൾക്കും ഇത് വാങ്ങാൻ സാധിക്കും.

ഈ പോളിഷ് പുരട്ടിയാല്‍, വൈപ്പറുകള്‍ പോലും വേണ്ട

കേരളത്തില്‍ ഇപ്പോള്‍ മണ്‍സൂണ്‍ കാലമാണ്. മഴക്കാലമായതിനാല്‍ തന്നെ പുറത്ത് പോകുമ്പോള്‍ അധികമാളുകളും കാറുകളാണ് ഉപയോഗിക്കുന്നത്. കനത്ത മഴയുള്ള സമയങ്ങളില്‍ പലപ്പോഴും കാറോടിക്കുന്നത് ബുദ്ധിമുട്ടായി അനുഭവപ്പെടാറുണ്ടാകും. മഴക്കാലത്ത് വാഹനമോടിക്കുമ്പോള്‍ ചെയ്യേണ്ട കാര്യങ്ങള്‍ ഞങ്ങള്‍ മുമ്പും പല ലേഖനങ്ങളിലായി നിങ്ങളെ ഓര്‍മിപ്പിച്ചതാണ്. കനത്ത മഴ പെയ്യുന്ന സാഹചര്യങ്ങളില്‍ കാറിന്റെ വൈപ്പറുകള്‍ ഉപയോഗിച്ചാലും കാഴ്ച വ്യക്തമല്ലാത്തതായി പലരും പരാതിപ്പെടാറുണ്ട്. ഇത്തരത്തില്‍ ദൃശ്യപരത കുറഞ്ഞത് കാരണം മൂലം അപകടങ്ങള്‍ സംഭവിക്കാനുള്ള സാധ്യതയും കൂടുതലാണ്. ഇത്തരം സാഹചര്യങ്ങളില്‍ ഉപയോഗപ്പെടുന്ന ഒരു വസ്തുവിനെ കുറിച്ചാണ് നമ്മള്‍ ഇനി പറയാന്‍ പോകുന്നത്.

ജീവിതത്തിലും മാസ് കാണിച്ച് മോളിവുഡിൻ്റെ റോക്കി ഭായ്!

മല്ലുസിങ്ങ് എന്ന ചിത്രത്തിലൂടെ തനിക്ക് മാസ് കഥാപാത്രങ്ങൾ ചേരുമെന്ന് മലയാള സിനിമ പ്രേക്ഷകർക്ക് കാണിച്ചു തന്ന നടനാണ് ഉണ്ണി മുകുന്ദൻ. അവിടുന്നിങ്ങോട്ട് നായകനായും വില്ലനായും നിരവധി സിനിമകൾ. അവസാനം ഇറങ്ങിയ മാർക്കോയിലൂടെ മാസ് കഥാപാത്രത്തിൻ്റെ രാജാവായി വന്നു നിന്നപ്പോൾ മോളിവുഡിൻ്റെ റോക്കി ഭായ് ആവാൻ വേറെ ആരെ കൊണ്ടും പറ്റില്ല എന്ന് ആരാധകരെ കൊണ്ട് പറയിപ്പിച്ചു. സിനിമ കഴിഞ്ഞാൽ പിന്നെ ഉണ്ണി മുകുന്ദന് കൂടുതൽ താൽപ്പര്യം വാഹനങ്ങളോട് ആണ്. ഗാരേജിൽ നിരവധി പ്രിയപ്പെട്ട വാഹനങ്ങൾ എത്തിച്ചിട്ടുണ്ട്. എന്നാൽ ഇപ്പോഴിതാ ഒരു ദിവസം തന്നെ രണ്ട് ആഡംബര വാഹനങ്ങൾ എത്തിച്ചിരിക്കുകയാണ്.

ഈ ഇ-സ്‌കൂട്ടര്‍ ഓടിക്കാന്‍ ലൈസന്‍സ് വേണ്ട

രാജ്യത്ത് ഏറെ കാലമായി ഇലക്ട്രിക് ഇരുചക്ര വാഹനങ്ങള്‍ നിര്‍മ്മിച്ച് വിപണനം ചെയ്യുന്ന ഒരു പ്രമുഖ കമ്പനിയാണ് ഒഡീസി ഇലക്ട്രിക് വെഹിക്കിൾസ് (Odysse Electric Vehicles). ഇന്ത്യയുടെ വാണിജ്യ തലസ്ഥാനമായ മുംബൈ ആസ്ഥാനമായി പ്രവര്‍ത്തിക്കുന്ന ഒഡീസി ഇലക്ട്രിക് വെഹിക്കിള്‍സ് നിരവധി ഇലക്ട്രിക് ഇരുചക്ര വാഹനങ്ങള്‍ പുറത്തിറക്കുന്നു. ഇലക്ട്രിക് സ്‌കൂട്ടറുകള്‍ക്ക് പുറമേ, ഇലക്ട്രിക് ബൈക്കുകളും ട്രോട്ട് എന്ന പേരില്‍ ചെറിയൊരു ഇലക്ട്രിക് കാര്‍ഗോ ബൈക്കും ഈ കമ്പനി വിപണിയിലിറക്കുന്നുണ്ട്.നിലവില്‍ ഇലക്ട്രിക് ടൂവീലറുകള്‍ക്ക് ആവശ്യക്കാര്‍ കൂടുന്നതിനാല്‍ സ്റ്റാര്‍ട്ടപ്പ് ബ്രാന്‍ഡുകളും പരമ്പരാഗത ബ്രാന്‍ഡുകളുമെല്ലാം പോര്‍ട്‌ഫോളിയോ വിപുലീകരിക്കുന്ന തിരക്കിലാണ്.
Advertisement

റാപ്പിഡോയെ കൊണ്ട് ഇങ്ങനെയും ഉപകാരമുണ്ടോ

ഓല, റാപ്പിഡോ,ഊബർ എന്നിങ്ങനെയുള്ള ഓൺലൈൻ ടാക്സി സർവീസുകൾ പലപ്പോഴും ഒരു വലിയ അനുഗ്രഹം തന്നെയാണ്, വളരെ ശ്രദ്ധയോടും,വിശ്വസ്തതയോടും കൂടെ നമ്മൾക്ക് പോകേണ്ട സ്ഥലങ്ങളിൽ ഇവർ നമ്മളെ എത്തിക്കുന്നു. കേരളത്തിന് പുറത്ത് താമസിക്കുന്നവർക്ക് കൂടുതലായി ഇത്തരം സർവീസുകളെ ആശ്രയിക്കേണ്ടി വരാറുണ്ട്. എന്നാൽ റാപ്പിഡോയെ കൊണ്ട് മറ്റൊരു തരത്തിൽ ഉപയോഗിച്ചിരിക്കുകയാണ് ഒരു റോയൽ എൻഫീൽഡ് ഉടമ. അത് എന്താണെന്ന് അറിയണ്ടേ. പലപ്പോഴും ടൂവീലർ ഉടമകൾ നേരിടുന്ന ഒരു പ്രശ്നമാണ് പെട്രോൾ തീർന്ന് വഴിയിൽ കിടക്കുക എന്നത്. ചിലപ്പോൾ കൂട്ടുകാർ വന്ന് പെട്രോൾ വാങ്ങാൻ പോകും അല്ലെങ്കിൽ മറ്റൊരു വാഹനത്തിൽ ലിഫ്റ്റ് അടിച്ചു പോകുന്നതാണല്ലോ പതിവ്.

ബാറ്ററി വാടകയ്‌ക്കെടുക്കണോ അതോ ഇവി മുഴുവനായി വാങ്ങണോ?

അടുത്ത കാലത്തായി ഇന്ത്യക്കാര്‍ക്ക് ഇലക്ട്രിക് വാഹനങ്ങളോടുള്ള അയിത്തമെല്ലാം മാറിക്കൊണ്ടിരിക്കുകയാണ്. ജനങ്ങള്‍ക്കിടയില്‍ ഇവികളോടുള്ള താല്‍പര്യം വര്‍ധിക്കുന്നതായി മനസ്സിലാക്കി നിരവധി പുതിയ കമ്പനികള്‍ വിപണിയിലേക്ക് രംഗപ്രവേശനം ചെയ്തിട്ടുണ്ട്. എന്നിരുന്നാലും, ഇലക്ട്രിക് കാറുകള്‍ വാങ്ങുന്നതില്‍ നിന്ന് ജനങ്ങളെ പിന്നോട്ട് വലിക്കുന്നതില്‍ പ്രധാനമാണ് ബാറ്ററിയുടെ ആയുസ്. ഒരു ഇലക്ട്രിക് കാറിന്റെ വിലയുടെ 40 ശതമാനത്തോളം ബാറ്ററിക്കാണ് മുടക്കുന്നതെന്നാണ് പറയപ്പെടുന്നത്. അതുകൊണ്ട് ആജീവനാന്ത വാറണ്ടി വാഗ്ദാനം ചെയ്താല്‍ പോലും ചിലര്‍ക്ക് തൃപ്തി വരില്ല. ഈ ഒരു സാഹചര്യത്തിലാണ് ബാറ്ററി ആസ് എ സര്‍വീസ് (ബാസ്) എന്ന ആശയം ചില കമ്പനികള്‍ നടപ്പാക്കിയത്.

ജൂലൈ 15-ന് മുംബൈയിൽ ഇലക്ട്രിക് ഷോക്ക്

ഇന്ത്യൻ വാഹന വിപണിയും ഇവി ആരാധകരും ഉറ്റുനോക്കുന്ന എൻട്രിയാണ് ടെസ്‌ലയുടേത്. നിരവധി അപ്ഡേറ്റുകൾ വരുന്നുണ്ടെങ്കിലും ഇപ്പോഴിതാ പുതിയ വാർത്ത വന്നിരിക്കുകയാണ്. തങ്ങളുടെ ആദ്യത്തെ എക്സ്പീരിയൻസ് സെൻ്റർ ആരംഭിക്കുകയാണ് ബ്രാൻഡ്.ബാന്ദ്ര കുർള കോംപ്ലക്സിലായിരിക്കും ഈ എക്സ്പീരിയൻസ് സെന്റർ ആരംഭിക്കുന്നത്. ലോകത്തിലെ മൂന്നാമത്തെ വലിയ ഓട്ടോമോട്ടീവ് വിപണിയായ ഇന്ത്യയിലേക്കുളള കമ്പനിയുടെ പ്രവേശനത്തിനുളള തീയതി കുറിച്ചിരിക്കുന്നത് ജൂലൈ 15-നാണ്. മുംബൈയിൽ തുറന്നതിന് ശേഷം ദില്ലിയിലായിരിക്കും രണ്ടാമത്തെ എക്സ്പീരിയൻസ് സെൻ്റർ എന്നാണ് പുറത്ത് വന്ന റിപ്പോർട്ടിൽ നിന്ന് വ്യക്തമാകുന്നത്. രാജ്യത്ത് ടെസ്‌ലയുടെ വാഹനങ്ങൾ ടെസ്റ്റ് റൺ നടത്താൻ ആരംഭിച്ചിട്ടുണ്ട്.

സംഗതി മാരുതിയാണെങ്കിലും സേഫ്റ്റി മുഖ്യമെന്ന് ടൊയോട്ട!

എന്‍ട്രി ലെവല്‍ ഹാച്ച്ബാക്കുകള്‍ക്കും കോംപാക്ട് എസ്‌യുവികള്‍ക്കും ഇടയില്‍ ഇടത്തരക്കാരായ ജനങ്ങള്‍ ഏറ്റവും കൂടുതല്‍ പരിഗണിക്കുന്ന കാര്‍ വിഭാഗമാണ് പ്രീമിയം ഹാച്ച്ബാക്ക്. ആദ്യമായി വാങ്ങിയ ചെറുകാറില്‍ നിന്ന് അപ്‌ഗ്രേഡ് ചെയ്യുന്ന സാധാരണക്കാരായ ഇന്ത്യക്കാര്‍ക്ക് വലിയ ആശ്വാസമാണ് ഇത്തരം കാറുകള്‍. ഇന്ത്യയിലെ ഏറ്റവും ജനപ്രിയമായ പ്രീമിയം ഹാച്ച്ബാക്കുകളില്‍ ഒന്നാണ് ടൊയോട്ട ഗ്ലാന്‍സ. ഇത് യഥാര്‍ത്ഥത്തില്‍ മാരുതി സുസുക്കി ബലേനോയുടെ റീബാഡ്ജ്ഡ് പതിപ്പാണ്. സെഗ്‌മെന്റില്‍ വമ്പന്‍ അപ്‌ഡേറ്റുകളുമായി എതിരാളിയായ ടാറ്റ ആള്‍ട്രോസ് ഫെയ്‌സ്‌ലിഫ്റ്റ് പുറത്തിറങ്ങിയതോടെ കാറിനെ സവിശേഷമാക്കാനുള്ള മാറ്റങ്ങള്‍ മാരുതിക്ക് മുമ്പേ നടപ്പാക്കുകയാണ് കമ്പനി.
Advertisement

4.2 കോടിയുടെ ലംബോര്‍ഗിനി വാങ്ങാനെത്തിയത് മലയാളി ലുക്കില്‍

ഇന്ത്യയില്‍ ഏറ്റവും മികച്ച വാഹന സംസ്‌കാരമുള്ള സംസ്ഥാനങ്ങളില്‍ ഒന്നാണ് കേരളം. രാജ്യത്തിന്റെ മൊത്തം കണക്കുകള്‍ക്കൊപ്പം കൊച്ചു കേരളത്തിലും ആഡംബര കാറുകള്‍ വാങ്ങുന്നവരുടെ എണ്ണം കൂടിവരുന്നുണ്ട്. ഇറ്റാലിയന്‍ സ്‌പോര്‍ട്‌സ് കാര്‍ നിര്‍മാതാക്കളായ ലംബോര്‍ഗിനിയുടെ കാറുകള്‍ പണ്ട് നമ്മുടെ നിരത്തുകളില്‍ വിരളമായിരുന്നു. എന്നാല്‍ ലംബോര്‍ഗിനി തങ്ങളുടെ ആദ്യത്തെ സ്‌പോര്‍ട് യൂടിലിറ്റി വാഹനമായ ഉറൂസ് പുറത്തിറക്കിയതോടെ സ്ഥിതി മാറി. ഇന്ന് നിരവധി മലയാളികളുടെ കൈവശം ഉറൂസ് കാണാം. ഇപ്പോള്‍ ഒരു മലയാളി മുണ്ടും ഷര്‍ട്ടുമണിഞ്ഞ് തനിനാടന്‍ ലുക്കില്‍ 4.2 കോടി രൂപ വില വരുന്ന ലംബോര്‍ഗിനി ഉറൂസ് S ഡെലിവറിയെടുക്കുന്ന വീഡിയോ സോഷ്യല്‍ മീഡിയയില്‍ വൈറലായി.

ഡോക്ടറായില്ല, പകരം മിസ് വേൾഡ് പട്ടം സ്വന്തമാക്കി

പെൺകുട്ടികൾ അൽപ്പം ഒരുങ്ങി നടന്നാൽ പണ്ട് ചോദിക്കുമായിരുന്നു, നീ ആരാ ഐശ്വര്യ റായ് ആണോ എന്ന്. ലോക സുന്ദരി പട്ടം സ്വന്തമാക്കുക എന്നത് ഏതൊരു പെൺകുട്ടിയുടേയും ആഗ്രഹങ്ങളിലൊന്നാണ് എന്ന് വേണമെങ്കിൽ പറയാം. 2017 -ലെ മിസ് വേൾഡ് ആയി തെരഞ്ഞെടുക്കപ്പെട്ട ഇന്ത്യൻ മോഡലും ഈ പുരസ്കാരം കരസ്ഥമാക്കുന്ന ആറാമത്തെ ഇന്ത്യക്കാരിയും ആണ് മാനുഷി ചില്ലർ. 2000 -ൽ പ്രിയങ്ക ചോപ്ര വിജയച്ചതിനുശേഷം ഈ പുരസ്കാരം ലഭിക്കുന്ന ആദ്യ ഇന്ത്യക്കാരിയുമാണ് മാനുഷി ചില്ലർ. എംബിബിഎസ് കരസ്ഥമാക്കിയ മാനുഷി തൻ്റെ കരിയറായി തെരഞ്ഞെടുത്തത് അഭിനയവും മോഡലിങ്ങുമാണ്. ഓപ്പറേഷൻ വാലൻ്റൈൻ എന്ന ചിത്രമാണ് താരത്തിൻ്റെ അവസാനമായി പുറത്തിറങ്ങിയ ചിത്രം.

വില കുറവായിട്ടും 7-സീറ്റര്‍ എംപിക്ക് വില്‍പ്പന കുറഞ്ഞു

ഇന്ത്യന്‍ വിപണിയില്‍ 7 സീറ്റര്‍ മള്‍ട്ടി പര്‍പ്പസ് വാഹനങ്ങള്‍ക്ക് (എംപിവി) മികച്ച ഡിമാന്‍ഡ് ആണ്. കുടുംബത്തോടൊപ്പം യാത്ര ചെയ്യാനായി നല്ല സ്‌പെയ്‌സും സുഖസൗകര്യങ്ങളുമുള്ള വാഹനങ്ങളാണ് ഇപ്പോള്‍ ജനങ്ങള്‍ വാങ്ങാന്‍ ആഗ്രഹിക്കുന്നത്. അതുകൊണ്ട് കൂടുതല്‍ അംഗങ്ങളുള്ള വലിയ കുടുംബങ്ങള്‍ കാര്‍ വാങ്ങുമ്പോള്‍ ആദ്യം പരിഗണിക്കുന്നത് 7 സീറ്റര്‍ എംപിവി കാറുകളാണ്. അതില്‍ പ്രത്യേകിച്ചും മാരുതി സുസുക്കി എര്‍ട്ടിഗ എംപിവിയാണ് ഇന്ത്യക്കാര്‍ കൂടുതലായും ഇഷ്ടപ്പെടുന്നത്. ഈ കാറിന്റെ വില്‍പ്പന കണക്കുകള്‍ തന്നെ അതിന് തെളിവാണ്. 2025 ജൂണ്‍ മാസം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാറുകളുടെ പട്ടികയില്‍ നാലാം സ്ഥാനത്താണ് എര്‍ട്ടിഗ.

ഇവി മോട്ടോർസൈക്കിളുകളിലെ 'ദുൽഖർ സൽമാൻ'

തലക്കെട്ട് വായിക്കുമ്പോൾ ദുൽഖർ സൽമാൻ്റെ ബ്രാൻഡായ ആൾട്രാവയലറ്റ് ആണെന്ന് വിചാരിച്ചുവെങ്കിൽ തെറ്റി കേട്ടോ. ദുൽഖറിനെ പോലെ സ്റ്റൈലിഷ് ലുക്കുളള ഒരു മോഡലിനെ കുറിച്ചാണ് പറഞ്ഞു വരുന്നത്. ബെംഗളൂരു ആസ്ഥാനമായുള്ള ഇലക്ട്രിക് സ്റ്റാർട്ടപ്പ് നിർമാതാക്കളായ ഒബെൻ ഇലക്ട്രിക് എന്ന ബ്രാൻഡിൻ്റെ കാര്യമാണ് പറഞ്ഞു വരുന്നത്. 150, 125 സിസി ICE മോട്ടോർസൈക്കിൾ വിഭാഗങ്ങളിൽ ലക്ഷ്യം വച്ചുള്ള റോർ, റോർ EZ അർബൻ കമ്മ്യൂട്ടർ ഇ-ബൈക്കുകൾക്ക് ആവശ്യക്കാർ വർദ്ധിച്ചുവരികയാണ് എന്നാണ് പുതിയ റിപ്പോർട്ടുകൾ സൂചിപ്പിക്കുന്നത്. 2024 ജൂലൈ മുതൽ 2025 ജൂലൈ 9 വരെ 2,077 യൂണിറ്റുകളാണ് വിറ്റഴിച്ചിരിക്കുന്നത്.
Advertisement

എംജി M9 പ്രസിഡന്‍ഷ്യല്‍ ലിമോസിന്‍ റിവ്യൂ വായിക്കാം

MG M9 Presidential Limousine-ൻ്റെ വിശേഷതകളും, ഫീച്ചറുകളും, വിലയും അറിയാം. ആഢംബരവും, വിശാലതയും, അത്യാധുനിക സാങ്കേതിക വിദ്യയും ഉൾക്കൊള്ളുന്ന ഇലക്ട്രിക് MPV-യെക്കുറിച്ച് വിശദമായി.

ഇനി ഇവൾ അംബാനി കുടുംബത്തിലെ അംഗം

പണം കൊണ്ടും പ്രതാപം കൊണ്ടും അംബാനി കുടുംബത്തിനെതിരെ മുട്ടി നിൽക്കാൻ കഴിയില്ല. ഒരു കാർ സ്വന്തമാക്കുക എന്നത് ഏവരുടേയും സ്വപ്നമാണ്, എന്നാൽ അംബാനി കുടുംബത്തെ സംബന്ധിച്ച് അതൊരു സാധാരണ കാര്യം തന്നെയാണ്. തന്നെയുമല്ല വാങ്ങുന്നത് ചെറിയ കാറുകളൊന്നുമല്ലല്ലോ. റോൾസ് റോയ്സ്, ബെൻ്റ്ലി, മെർസിഡീസ് ബെൻസ്,ലംബോർഗിനി എന്നിങ്ങനെ കോടികൾ വിലയുള്ള കാറുകൾ. ഇപ്പോൾ പുതിയ വാർത്തയെന്താണെന്ന് വച്ചാൽ വാഹന നിരയിലേക്ക് പുതിയ ഒരാളെ കൂടെ ചേർത്തിരിക്കുകയാണ്. അത് മറ്റാരുമല്ല ലംബോർഗിനിയുടെ ആദ്യ എസ്‌യുവിയായ ഉറൂസ്. 4.2 കോടി വിലയുളള പുതിയ വാഹനം നിരത്തിലൂടെ പോകുന്ന വീഡിയോ സോഷ്യൽ മീഡിയയിൽ വൈറലാണ്.

എംജിയുടെ കിടിലൻ മോഡൽ കിട്ടാൻ ഇത്രയും കാത്തിരിക്കണം

പണക്കാരുടെ പ്രിയപ്പെട്ട ബ്രാൻഡുകളുടെ ലിസ്റ്റിഷ ഇടംപിടിച്ചവരാണ് മോറിസ് ഗാരേജ്. ഫീച്ചറുകൾ കൊണ്ടും യാത്രാസുഖം കൊണ്ടും ഉപഭോക്താക്കളുടെ മനം കവരാൻ സാധിച്ചു. ഓട്ടോ എക്സ്പോയിൽ സൈബർസ്റ്റർ എന്ന 2 സീറ്റർ സ്പോർട്സ് കാറും മാസങ്ങൾക്ക് മുൻപ് അവതരിപ്പിച്ച ഇലക്ട്രിക് എംപിവിയുമായ mg m9 എന്ന മോഡലിനോടും ജനങ്ങൾക്ക് പ്രത്യേകം താൽപ്പര്യം ഉണ്ട് എന്നാണ് ബ്രാൻഡ് പുറത്ത് വിടുന്ന റിപ്പോർട്ടിൽ വ്യക്തമാക്കുന്നത്. 90kWh ശേഷിയുള്ള നിക്കൽ മാംഗനീസ് കൊബാൾട്ട് (NMC) ബാറ്ററി പായ്ക്കാണ് എംജി M9 ഇവിയിൽ ഘടിപ്പിച്ചിരിക്കുന്നത്. ലിഥിയം-അയൺ ഫോസ്ഫേറ്റ് ബാറ്ററികളുമായി താരതമ്യപ്പെടുത്തുമ്പോൾ ഇലക്ട്രിക് എംപിവിയിലെ NMC സെൽ കെമിസ്ട്രി ഉപയോഗിക്കുന്നവ ഉയർന്ന ഊർജ സാന്ദ്രതയാണ് വാഗ്ദാനം ചെയ്യുന്നത്.

എംജിയുടെ രോമത്തിൽ പോലും ഏശില്ല!

ഇലക്ട്രിക് വാഹന മേഖലയെ പിടിച്ചുലയ്ക്കാൻ തക്ക ശക്തിയുള്ള ഒരു ആയുധമാണ് ചൈന ഇപ്പോൾ പ്രയോഗിച്ചുകൊണ്ടിരിക്കുന്നത്. ഇവികളുടെ നിർമാണത്തിന് ഉപയോഗിക്കുന്ന റെയർ എർത്ത് മെറ്റൽ എല്ലാ രാജ്യങ്ങൾക്കും നൽക്കുന്ന ചൈനയാണ്. ചൈന ഇത് നൽകാത്തത് മൂലം ഇവി മേഖലയിൽ പ്രതിസന്ധി നേരിടുന്ന വാർത്തകൾ നിങ്ങളിലേക്ക് ഞങ്ങൾ എത്തിച്ചിരുന്നു. ഒരു പെട്രോള്‍ അല്ലെങ്കില്‍ ഡീസല്‍ വാഹനം നിര്‍മ്മിക്കാന്‍ ഏകദേശം 100 ഗ്രാം റെയര്‍ എര്‍ത്ത് മൂലകങ്ങള്‍ മാത്രമേ ഉപയോഗിക്കുന്നുള്ളൂ. എന്നാല്‍ ഹൈബ്രിഡ് വാഹനങ്ങള്‍ നിര്‍മ്മിക്കാന്‍ ഏകദേശം 500 ഗ്രാം അപൂര്‍വ ധാതുക്കള്‍ ആവശ്യമാണ്.
Advertisement

മൈലേജും സേഫ്റ്റിയും ഒന്നിച്ച് കിട്ടുന്ന എസ്‌യുവി

ഇന്ത്യയിൽ ഏറ്റവും കൂടുതൽ മത്സരം നടക്കുന്ന സെഗ്മെന്റുകളിൽ ഒന്നാണ് കോംപാക്‌ട് എസ്‌യുവികളുടേത്. മാരുതി സുസുക്കി ബ്രെസ, ടാറ്റ നെക്സോൺ, ഹ്യുണ്ടായി വെന്യു, കിയ സോനെറ്റ്, മഹീന്ദ്ര XUV 3XO, സ്കോഡ കൈലാക്, നിസാൻ മാഗ്നൈറ്റ്, റെനോ കൈഗർ അങ്ങനെ നീളുന്ന വാഹന നിരയാണ് ഇവിടുള്ളത്. മിഡിൽ ക്ലാസുകാരുടെ ജനപ്രിയ എസ്‌യുവി ശ്രേണിയായതിനാൽ തന്നെ ഇവിടുത്തെ വിൽപ്പന കണക്കുകളെല്ലാം എപ്പോഴും വാർത്തകളിൽ നിറയാറുള്ള കാര്യമാവുമാണ്. സബ്-4 മീറ്റർ സ്പോർട് യൂട്ടിലിറ്റി വാഹന വിഭാഗത്തിൽ ആരും മൈൻഡ് ചെയ്യാതിരുന്ന മഹീന്ദ്രയുടെ XUV300 പേരുമാറി XUV 3XO ആയതോടെ സെഗ്മെന്റിൽ വലിയ ആരവം തീർത്തിരുന്നു.

സ്റ്റൈലൻ എസ്‌യുവിക്ക് 2.80 രൂപയുടെ വിലക്കുറവുമായി സിട്രൺ

തൊടുന്നതെല്ലാം പൊന്നാക്കുമെന്ന് കരുതി ഇന്ത്യൻ വിപണിയിലേക്ക് എത്തിയവരാണ് ഫ്രഞ്ച് വാഹന നിർമാതാക്കളായ സിട്രൺ. പക്ഷേ പയറ്റിയ തന്ത്രങ്ങളെല്ലാം പാളിപ്പോവുന്ന കാഴ്ച്ചയാണ് കാണാനായത്. ഇന്ത്യക്കാരെ വിലകുറച്ച് കണ്ടതാണ് സിട്രണിന്റെ ഇന്നുള്ള അവസ്ഥയ്ക്ക് കാരണമെന്ന് പറയുന്നവരുമുണ്ട്. എന്നാൽ തുടക്കത്തിൽ കണ്ട ബ്രാൻഡേയല്ല ഇപ്പോൾ എന്നതാണ് ശരി. തങ്ങളുടെ കുറ്റങ്ങളും കുറവുകളുമെല്ലാം നികത്തി സിട്രൺ മിടുക്കൻമാരിയിട്ടുണ്ട്. പുറത്തിറക്കുന്ന കാറുകളുടെ ക്വാളിറ്റിയും ഫീച്ചറുകളും കണ്ടാൽ തന്നെ അക്കാര്യം മനസിലാക്കാം. ചെലവ് കുറയ്ക്കാൻ ഒഴിവാക്കിയ ഫീച്ചറുകളെല്ലാം ഒരുക്കി വാഹനത്തെ മിടുക്കൻമാരാക്കി കഴിഞ്ഞു.

കോടികൾ വാരി ടോൾ പ്ലാസകൾ; ഓഗസ്റ്റ് 15 മുതൽ വാർഷിക പാസ്

സംസ്ഥാനത്തും അത് പോലെ അതിർത്തി കടന്നു പോകുമ്പോഴും ടോൾ കൊടുക്കണമെന്ന കാര്യം എല്ലാവർക്കും അറിയാവുന്നതാണല്ലോ. രാജ്യത്ത് 2026 നടപ്പ് സാമ്പത്തിക വർഷത്തിലെ ആദ്യ പാദത്തിൽ റെക്കോർഡ് വർധനവാണ് സംഭവിച്ചിരിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. 2026 സാമ്പത്തിക വർഷത്തിലെ ഏപ്രിൽ-മെയ് കാലയളവിൽ ഫാസ്റ്റ് ടാഗുകൾ വഴിയുള്ള സംസ്ഥാനത്തേും ദേശീയ പാതകളിലുടനീളമുള്ള ടോൾ പിരിവ് 19.6 ശതമാനംവർധിച്ച് 20,681.87 കോടിയിലെത്തിയിരിക്കുകയാണ്. ടോൾ ഉപയോഗിക്കുന്നവരുടെ എണ്ണത്തിൽ വർധനവുണ്ടായിട്ടുണ്ടെന്നാണ് നാഷണൽ ഹൈവേ അതോറിറ്റി ഓഫ് ഇന്ത്യ വ്യക്തമാക്കുന്നത്. ഏപ്രിൽ ഒന്ന് മുതൽ രാജ്യത്തുടനീളമുള്ള ഹൈവേയിലെ ടോൾ നിരക്കുകൾ ശരാശരി നാല് മുതൽ അഞ്ച് ശതമാനം വരെ വർദ്ധിപ്പിച്ചിരുന്നു.

എൻടോർഖിനെ തൂക്കാൻ പുതിയ 125 സിസി സ്പോർട്ടി സ്‌കൂട്ടർ

ഇലക്‌ട്രിക് വാഹനങ്ങൾക്കുള്ള ഫാൻബേസ് ദിനംപ്രതി കൂടിവരികയാണെന്ന് വേണം പറയാൻ. വർഷങ്ങളായി ഉയർന്ന് നിൽക്കുന്ന പെട്രോൾ വില കാരണം ആളുകളെല്ലാം വൈദ്യുത വാഹനങ്ങളിലേക്ക് വല്ലാതങ്ങ് അടുത്തു കഴിഞ്ഞു. ഇതെല്ലാം മുതലെടുക്കാനായി ഇറ്റാലിയൻ വൈദ്യുത വാഹന നിർമാതാക്കളായ VLF എന്നറിയപ്പെടുന്ന വെലോസിഫെറോ കുറച്ച്കാലം മുമ്പ് ഇന്ത്യയിലേക്ക് രംഗപ്രവേശം ചെയ്യുകയുണ്ടായി. ആഡംബര ഇരുചക്ര വാഹനങ്ങളോട് കിടപിടിക്കുന്ന ഡിസൈനും ഫീച്ചറുകളുമായി എത്തിയ ഇവികൾ അതിവേഗം ശ്രദ്ധനേടുകയും ചെയ്‌തിരുന്നു. KAW വെലോസ് മോട്ടോർസ് പ്രൈവറ്റ് ലിമിറ്റഡുമായുള്ള പങ്കാളിത്തത്തോടെയാണ് ബ്രാൻഡ് രാജ്യത്ത് പ്രവർത്തനം ആരംഭിച്ചത്.
Advertisement

വിൽപ്പന കൂടാൻ ഫാസ്റ്റ് ബോളറിനെ കൂടെകൂട്ടി ഫോക്സ്‌വാഗൺ

ഫോക്സ്‌വാഗണിൻ്റെ ഇപ്പോഴത്തെ പ്രധാന തുറുപ്പുചീട്ടായി നിൽക്കുന്നത് ഗോൾഫ് ജിടിഐ ആണ്. സത്യത്തിൽ കമ്പനി പോലും വിചാരിച്ചു കാണില്ല ഇത്രമാത്രം ഡിമാൻ്റ് വർധിക്കുമെന്ന്. എന്തായാലും തങ്ങളുടെ വിൽപ്പന ഒന്നുകൂടി കൂട്ടുന്നതിന് പുതിയ ഒരാളെ ബ്രാൻഡ് കൂടെ കൂട്ടിയിരിക്കുകയാണ്. അത് മറ്റാരുമല്ല, ടെസ്റ്റ് ക്രിക്കറ്റിൽ ഇന്ത്യയുടെ ഉപനായകനായും ചില ടെസ്റ്റുകളിലും ടി20 മത്സരങ്ങളിലും ക്യാപ്റ്റനായും പ്രവർത്തിച്ച റൈറ്റ്-ആം ഫാസ്റ്റ് ബോളറായ ജസ്‌പ്രീത് ജസ്ബീർസിംഗ് ബുമ്രയാണ്. ഗോൾഫ് ജിടിഐ എന്ന മോഡലിൻ്റെ കരുത്തും സൂക്ഷ്മതയും ആഗോളത്തലത്തിൽ തന്നെ ഇപ്പോൾ ആഘോഷിക്കപ്പെടുന്നുണ്ട്. കേരളത്തിൽ നിരവധി സെലിബ്രിറ്റികളാണ് ഇതിനോടകം ഗോൾഫ് സ്വന്തമാക്കിയിരിക്കുന്നത്.

പുതിയ ഹീറോ ബൈക്കിന്റെ ഡെലിവറി തുടങ്ങി കമ്പനി

90 കിഡ്‌സിന്റെ ഡ്രീം ബൈക്കുകളിൽ ഒന്നായിരുന്നു ഹീറോ കരിസ്‌മ. രാജ്യത്തെ ആദ്യത്തെ സ്പോർട്‌സ് മോട്ടോർസൈക്കിളായി അരങ്ങുവാണ കക്ഷി ഇടയ്ക്ക് കളംവിട്ടുവെങ്കിലും അടുത്തകാലത്ത് വിപണിയിലേക്ക് 210 സിസി എഞ്ചിനുമായി തിരിച്ചുവരവ് നടത്തുകയും ചെയ്‌തിരുന്നു. ഒട്ടേറെ പ്രത്യേകതകളുമായി എത്തിയ വാഹനത്തിന് ബ്രാൻഡിന്റെ ആദ്യത്തെ ലിക്വിഡ് കൂൾഡ് എഞ്ചിനും കിട്ടി. കരിസ്‌മ XMR ക്ലച്ചുപിടിച്ചില്ലെന്നാണ് പലരും പറയുന്നതെങ്കിലും തരക്കേടില്ലാത്ത രീതിയിൽ വിറ്റഴിക്കാൻ രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കൾക്ക് സാധിച്ചിട്ടുണ്ട്. പുതിയ കരിസ്മയെ അടിസ്ഥാനമാക്കി ഹീറോ ഇടയ്ക്കൊരു സെന്റിനിയൽ മോഡലിനെ വിപണിയിൽ അവതരിപ്പിച്ചിരുന്നു.

ടൊയോട്ടയുടെ കുറഞ്ഞ വിലയുള്ള എസ്‌യുവിക്ക് വില കൂടി

ഇന്ത്യയിൽ മാരുതി സുസുക്കിയുമായുള്ള കൂട്ടുകച്ചവടത്തിലൂടെ പണംവാരുകയാണ് ടൊയോട്ട. ബലേനോ ഗ്ലാൻസ ആയപ്പോഴും എർട്ടിഗ റൂമിയോൺ ആയപ്പോഴും ബ്രെസ അർബൻ ക്രൂയിസർ ആയപ്പോഴുമെല്ലാം ഇവിടെ വാങ്ങാൻ ആളുണ്ടായിരുന്നു. പിന്നെ ഏറ്റവും പുതിയ ഫ്രോങ്ക്‌സ് ടൈസർ എന്ന പേരിൽ എത്തിയപ്പോഴും ലാഭമുണ്ടാക്കാൻ ജാപ്പനീസ് വാഹന നിർമാതാക്കൾക്ക് സാധിക്കുകയുണ്ടായി. സാധാരണക്കാരിലേക്ക് കൂടുതൽ അടുക്കാൻ മാരുതിയിൽ നിന്നും കിട്ടിയ കാറുകൾ കൈയയഞ്ഞ് സഹായിച്ചിട്ടുണ്ടെന്നതാണ് സത്യം. അര്‍ബന്‍ ക്രൂയിസര്‍ വിടവാങ്ങിയതിന് ശേഷം സബ്-4 കോംപാക്ട് എസ്‌യുവി വിഭാഗത്തില്‍ കമ്പനിക്ക് ഇല്ലാതിരുന്ന പ്രാതിനിധ്യമാണ് ടൈസറിലൂടെ മറികടന്നത്.

വിമാനത്തിലെ ഫസ്റ്റ് ക്ലാസിനെ വെല്ലുന്ന ആഡംബര എംപിവി വാങ്ങാം

യാത്രാസുഖം മികച്ചതാണെങ്കിൽ വിലയൊന്നും ഒരു പ്രശ്നവുമല്ല, അതിൻ്റെ പല ഉദാഹരണങ്ങളാണല്ലോ രാജ്യത്തെ എംപിവികൾ, വെൽഫയർ, കാർണിവൽ, ലെക്സസ് എന്നിങ്ങനെ. ആ കൂട്ടത്തിലേക്ക് എംജി തങ്ങളുടെ പുത്തൻ ആഡംബര എംപിവിയും ഇറക്കി വിട്ടിരിക്കുകയാണ്. എന്നാൽ MG M9, സൈബർസ്റ്റർ എന്നിങ്ങനെയുള്ള ഫ്ലാഗ്ഷിപ്പ് മോഡലുകൾ എംജിയുടെ പ്രീമിയം ഷോറൂമായ എംജി സെലക്ടിൽ നിന്ന് മാത്രമേ ലഭ്യമാകു. ഇന്ത്യയിലെ ഇത്തരത്തിലുള്ള ആദ്യ ഷോറൂം, താനെ വെസ്റ്റിലെ കാവേസറിലെ വാഗ്ബിലിലുള്ള റോസ വിസ്റ്റയിലാണ് കമ്പനി ആരംഭിച്ചിരിക്കുന്നത്. 13 പ്രധാന നഗരങ്ങളിലായി 14 കേന്ദ്രങ്ങൾ തുറക്കാനാണ് ബ്രാൻഡ് പദ്ധതിയിടുന്നത് എന്നാണ് അറിയിച്ചിരിക്കുന്നത്.
Advertisement

ദില്ലിക്ക് ചെന്നാൽ ചുളുവിൽ പഴയ വണ്ടി കിട്ടുമോ?

ദില്ലിയിൽ ചെന്നാൽ ചുളുവിലയ്ക്ക് ഇന്നോവയും ഫോർച്ച്യൂണറും സ്വന്തമാക്കാമെന്നുളള പലരുടേയും വ്യാമോഹങ്ങളൊക്കെ ഏകദേശം തീർന്നുവെന്നാണ് തോന്നുന്നത്. കാരണം ദില്ലിയിൽ ഇപ്പോൾ ഇന്ധന നിരോധനം പിൻവലിച്ചിരിക്കുകയാണ്. വർധിച്ചുവന്ന ജനരോഷം കണക്കിലെടുത്താണ് പഴക്കം ചെന്ന കാറുകൾക്ക് ഇന്ധനം നിരോധിക്കുന്ന നടപടി ദില്ലി സർക്കാർ പിൻവലിച്ചത്. 10 വർഷത്തിൽ കൂടുതൽ പഴക്കമുള്ള വാഹനങ്ങൾ ദില്ലിയിൽ നിന്ന് ചുളുവിലയ്ക്ക് വാങ്ങി കേരളത്തിൽ എത്തിച്ച് വിൽക്കുന്നത് ഇപ്പോൾ ട്രെൻഡാണല്ലോ. എന്നാൽ ഇന്ധന നിരോധനം നിലവിൽ വരുന്നതോടെ കൂടുതൽ വാഹനങ്ങൾ വലിയ തോതിൽ ദില്ലിയിൽ നിന്ന് എത്തിക്കാമെന്ന വ്യാമോഹങ്ങൾ നടക്കാതെ പോകുമല്ലോ.