ട്രാഫിക് നിയമങ്ങൾ പാലിക്കാനുളളതാണ്. അത് കൃത്യമായി പാലിക്കുന്നത് വഴി നിങ്ങളുടെ ജീവനും നല്ലത് മാത്രമേ വരു. ചിലർക്ക് നിയമങ്ങൾ തെറ്റിക്കുന്നത് ഒരു ഹരമായി മാറിയിരിക്കുകയാണ്. എന്തായാലും ഇനി അധികകാലം ഈ ഹരം മുന്നോട്ട് കൊണ്ടുപോകാൻ കഴിയില്ല എന്ന് മനസിലാക്കിക്കൊളളു. പതിവായി ട്രാഫിക് നിയമം തെറ്റിക്കുന്നവർക്ക് കേന്ദ്ര മന്ത്രി നിതിൻ ഗഡ്കരി വക ഒരു കിടിലൻ സമ്മാനം കൊടുക്കുന്നുണ്ട്. ലൈസൻസ് തെറിപ്പിച്ച് വീട്ടിലിരുത്തും. അത് എങ്ങനെയാണെന്ന് വച്ചാൽ ഓരോ നിയമലംഘനങ്ങൾക്കും പ്രത്യേക പോയിൻ്റ് കാണും. പോയിൻ്റ് കൂടി കഴിഞ്ഞാൽ അത് നിങ്ങളുടെ ലൈസൻസ് നഷ്ടപ്പെടും.

ബ്രിട്ടീഷ് കമ്പനിയായ ട്രയംഫ് മോട്ടോര്‍സൈക്കിള്‍സും ഇന്ത്യന്‍ കമ്പനിയായ ബജാജ് ഓട്ടോയും കൈകോര്‍ത്തതിന്റെ ഫലമായി പിറന്ന രണ്ട് മോട്ടോര്‍സൈക്കിളുകളില്‍ ഒന്നാണ് ട്രയംഫ് സ്‌ക്രാംബ്ലര്‍ 400X. സ്പീഡ് 400 എന്ന റോഡ്‌സ്റ്റര്‍ മോഡലിനൊപ്പം സ്‌ക്രാംബ്ലര്‍ 400X മോട്ടോര്‍സൈക്കിളും വിപണിയില്‍ വലിയ ചലനങ്ങള്‍ സൃഷ്ടിച്ചു. ഈ താങ്ങാവുന്ന വിലയില്‍ ലഭ്യമായ ഈ രണ്ട് മോട്ടോര്‍സൈക്കിളുകളും ഒരു ട്രയംഫ് സ്വന്തമാക്കാന്‍ ആഗ്രഹിച്ച നിരവധി ഇന്ത്യക്കാരുടെ മോഹം പൂവണിയിക്കുകയുണ്ടായി. ടൂറിംഗ്, കമ്മ്യൂട്ടിംഗ്, അല്ലെങ്കില്‍ ചെറിയ ഓഫ്-റോഡിംഗ് എന്നിങ്ങനെ ഏതുമായിക്കോട്ടെ ട്രയംഫ് സ്‌ക്രാംബ്ലര്‍ 400X അതിനെല്ലാം പറ്റിയ മെഷീന്‍ ആണ്.

വളരെ സമാധാനപരമായി പൊയ്ക്കൊണ്ടിരുന്ന സോഷ്യൽ മീഡിയ കഴിഞ്ഞ ദിവസം ഒന്ന് ആടിയുലഞ്ഞു. സത്യം പറഞ്ഞാൽ സോഷ്യൽ മീഡിയ കത്തിച്ചു എന്ന് വേണമെങ്കിൽ പറയാം. ഒരു സെലിബ്രിറ്റി, അതും വെറും ഒരു സെലിബ്രിറ്റി അല്ല 271 മില്യൺ ഫോളോവേഴ്സുളള ഇന്ത്യൻ ക്രിക്കറ്റിൻ്റെ അഭിമാനവും അഹങ്കാരവുമായ കോഹ്ലി. തൻ്റെ ഇൻസ്റ്റാഗ്രാം പേജിലൂടെ ഹിന്ദി ടെലിവിഷനിലും സിനിമകളിലും സജീവമായ അവ്നീത് കൗർ എന്ന നടിയുടെ ചിത്രത്തിന് ലൈക്ക് അടിച്ചതോടെ സംഭവം കൊടൂര വൈറലായി. ഈ ഒരു ഒറ്റ സംഭവത്തോടെ മണിക്കൂറുകൾക്കുളളിൽ നടിയുടെ ഫോളോവേഴ്സിൽ 18 ലക്ഷം ആളുകളാണ് എത്തിയത്.

ബോളിവുഡ് താരങ്ങളെയെല്ലാം മലയാളികൾക്ക് സുപരിചിതമായിരിക്കും. അതിപ്പോൾ ചെറിയ റോളുകളിൽ അഭിനയിച്ച് കൈയടി നേടുന്നവരെ പോലും പ്രത്യേകം ശ്രദ്ധിക്കാറുള്ളവരാണ് നമ്മൾ മലയാളികൾ. അത്തരത്തിൽ പലർക്കും ഏറെ മുഖപരിചയമുള്ളയാളാരിക്കും കുനാൽ ഖേമു. നമ്മുടെ സ്വന്തം സെയ്‌ഫ് അലി ഖാന്റെ സഹോദരിയും നടിയുമായ സോഹ അലി ഖാന്റെ ഭർത്താവാണെങ്കിലും അഭിനയത്തിന്റെ കാര്യത്തിൽ തന്റേതായ അഡ്രസുണ്ടാക്കിയെടുത്തയാളാണ് കുനാൽ. ബ്ലഡ് മണി, ഗോ ഗോവ ഹോൺ, ഗോൽമാൽ സീരീസ്, രാജ ഹിന്ദുസ്ഥാനി തുടങ്ങിയ ഹിറ്റ് ചിത്രങ്ങളുടെ ഭാഗമായിട്ടുള്ള താരം മോഡലിംഗിലും ഫിറ്റ്നെസിലും വരെ സൂപ്പർസ്റ്റാറാണ്.

പാന്‍ ഇന്ത്യ ലെവലില്‍ അറിയപ്പെടുന്ന മലയാള സിനിമാ നടനാണ് ദുല്‍ഖര്‍ സല്‍മാന്‍. മെഗസ്റ്റാര്‍ മമ്മൂട്ടിയുടെ മകന്‍ എന്നതിലുപരി സ്വന്തം നിലയിലാണ് ദുല്‍ഖര്‍ സിനിമയില്‍ ഓരോ പടവുകളും കയറിയത്. ടോളിവുഡില്‍ ഹാട്രിക് ഹിറ്റ് നേടി തെലുങ്കരുടെ ദത്തുപുത്രനായി മാറിയ ദുല്‍ഖര്‍ ഇന്ന് അന്യഭാഷകളില്‍ മലയാളത്തിന്റെ ഐക്കണ്‍ ആണ്. ദുല്‍ഖറിന്റെ ഒരു മലയാള സിനിമാ കാണാന്‍ ഏവരും കൊതിക്കുകയാണ് ഇപ്പോള്‍. സോഷ്യല്‍ മീഡിയയില്‍ വളരെ സജീവമായ താരം ഇടക്കിടെ തന്റെ കുടുംബത്തിന്റെ വിശേഷങ്ങള്‍ പങ്കുവെക്കാറുണ്ട്. കഴിഞ്ഞ ദിവസം മകള്‍ മറിയം അമീറ സല്‍മാന്റെ പിറന്നാള്‍ ദിനത്തില്‍ പുറത്തുവന്ന ഒരു ചിത്രമാണ് സോഷ്യല്‍ മീഡിയ കത്തിച്ചത്.

ഇന്ത്യൻ ഇരുചക്ര വാഹന വിപണിയിൽ ഇലക്‌ട്രിക് സ്‌കൂട്ടറുകൾ (Electric Scooter) അരങ്ങ് തകർക്കുകയാണ്. ഓലയും ഏഥററും ബജാജും ടിവിഎസുമെല്ലാം വലിയ സംഖ്യകൾ നേടുമ്പോൾ വിപണിയിലെ ചെറിയ സ്റ്റാർട്ടപ്പ് ബ്രാൻഡുകളും പുതിയ ഐഡിയ പുറത്തിറക്കി പണംവാരുന്നുണ്ട് കേട്ടോ. ദൈനംദിന യാത്രകൾ പോക്കറ്റ് കാലിയാക്കാതെ നടക്കണമെങ്കിൽ ഇപ്പോൾ വൈദ്യുത വാഹനങ്ങൾ വേണമെന്ന സ്ഥിതിയായിരിക്കുകയാണ്. പക്ഷേ പുതിയൊരു ഇവി വാങ്ങണമെങ്കിൽ 1 ലക്ഷം രൂപയെങ്കിലും വേണമെന്ന ധാരണയിലാണ് മിക്കവരും. എന്നാൽ നമ്മൾ ഉപയോഗിക്കുന്ന സ്‌മാർട്ട്ഫോണിന്റെ വിലയ്ക്ക് ഇലക്‌ട്രിക് സ്‌കൂട്ടറുകൾ വാങ്ങിക്കാൻ പറ്റുന്ന കാലഘട്ടമാണിത്.

ബോളിവുഡിലെ ഐതിഹാസിക ഗായകരില്‍ ഒരാളാണ് കുമാര്‍ സാനു. തൊണ്ണൂറുകളിലെ പ്രണയത്തിന് പുത്തന്‍ രുചിഭേദങ്ങളൊരുക്കിയ ഗായകനാണ് അദ്ദേഹം. മെലഡി കിംഗ് എന്നറിയപ്പെടുന്ന കുമാര്‍ സാനുവിന്റെ ശബ്ദമില്ലാതെ ഇന്ത്യന്‍ സിനിമയിലെ ഒരു പ്രണയ യുഗവും പൂര്‍ണമാകില്ല .ഒരുകാലത്ത് ദശലക്ഷക്കണക്കിന് ഇന്ത്യക്കാരുടെ പ്രണയത്തെ നിര്‍വചിച്ചത് ഇദ്ദേഹത്തിന്റെ ശബ്ദമായിരുന്നു. പതിറ്റാണ്ടുകള്‍ നീണ്ടുനിന്ന കരിയറിലൂടെ അദ്ദേഹത്തിന്റെ റൊമാന്റിക് ട്രാക്കുകള്‍ ഇന്നും പ്രേക്ഷകരില്‍ നിറഞ്ഞ് നില്‍ക്കുന്ന അനശ്വരമായ നിധികളായാണ് കണക്കാക്കപ്പെടുന്നത്. ആദ്യ പ്രണയത്തിന്റെ നിഷ്‌കളങ്കതയായാലും, വേര്‍പിരിയലിന്റെ വിരഹമായാലും, പുനഃസമാഗമത്തിന്റെ സന്തോഷമായാലും അവയോരോന്നും അവിസ്മരണീയമാക്കാന്‍ കുമാര്‍ സാനുവിന്റെ മനോഹര ശബ്ദം മാത്രം മതിയായിരുന്നു.

വിദേശത്ത് നിന്ന് ഇന്ത്യയിലേക്ക് എത്തി തങ്ങളുടേതായ ഒരു ഇരിപ്പിടം സൃഷ്ടിക്കുക എന്നത് അത്ര ചെറിയ കാര്യമല്ല. പ്രത്യേകിച്ച് ഓട്ടോമോട്ടീവ് രംഗത്തെ ആജാനുബാഹു ബ്രാൻഡുകളുമായി മുട്ടി നിന്ന് വിൽപ്പനയിൽ മുന്നിൽ എത്താൻ ചില്ലറ ചങ്കൂറ്റം മാത്രം പോര. അങ്ങനെ രാജ്യത്ത് ഓട്ടോമോട്ടീവ് രംഗത്ത് പോരാട്ടത്തിൻ്റെ 29 വർഷം പൂർത്തിയാക്കിയിരിക്കുകയാണ് ഹ്യുണ്ടായി. 29 വർഷത്തിനുളളിൽ 12 മില്യൺ കാറുകളാണ് രാജ്യത്ത് കമ്പനി വിറ്റത്. അതായത് ണിക്കൂറിൽ 50 കാറുകളെന്ന കണക്കിൽ. 30 വര്‍ഷത്തിനുള്ളില്‍ ആഭ്യന്തര വിപണിയില്‍ 90 ലക്ഷം കാറുകള്‍ വിറ്റ് സുസുക്കിക്ക് ശേഷം ഇന്ത്യയില്‍ ഏറ്റവും വിജയമായ കാര്‍ ബ്രാന്‍ഡ് ആയി ഹ്യുണ്ടായി മാറിയിരുന്നു.

വിൽപ്പനയിൽ എന്നും നമ്മളെ അതിശയിപ്പിക്കുന്ന ബ്രാൻഡാണ് മഹീന്ദ്ര. വിദേശികൾ വന്ന് നാട്ടുകാർക്ക് ഒരു ലോഡ് ഫീച്ചറുകളും ടെക്നോളജികളും കാണിച്ച് ഉപഭോക്താക്കളെ കൈയിൽ എടുത്തപ്പോഴും ഇന്ത്യൻ ബ്രാൻഡുകളുടെ മുട്ട് കൂട്ടിയിടിച്ചിട്ടില്ല. ഇന്ത്യാക്കാരുടെ മനസ് അറിഞ്ഞ് വാഹനം നൽകുന്നവരാണ് ഇന്ത്യൻ ബ്രാൻഡുകൾ. യൂട്യൂബർമാരുടെ ഒരു പ്രത്യേക വിനോദമാണ് വാഹനങ്ങൾ തമ്മിലുള്ള ഡ്രാഗ് റേസുകൾ. യൂട്യൂബിൽ വൈറലായ ഒരു ഡ്രാഗ് റേസാണ് ഹ്യുണ്ടായി ക്രെറ്റ ഇവിയുടേയും മഹീന്ദ്ര XEV 9E മോഡലിൻ്റേയും. ആരായിരിക്കും വിജയി എന്ന് നിങ്ങൾക്ക് പേര് കേൾക്കുമ്പോൾ തന്നെ മനസിലായി കാണുമല്ലോ. ആദ്യം രണ്ട് മോഡലുകളുടേയും കുറച്ച് വിശദാംശങ്ങളും പ്രത്യേകതകളും അറിഞ്ഞാലോ.

ഇലക്‌ട്രിക് കാറുകൾ (Electric Cars) ഇന്ത്യയിലും ജനകീയമായി കഴിഞ്ഞിരിക്കുകയാണ്. ടാറ്റ ടിയാഗോ ഇവി, എംജി കോമെറ്റ് ഇവി, സിട്രൺ eC3 തുടങ്ങിയ ചെറിയ മോഡലുകൾ വിപ്ലവം തീർത്ത് നിരത്തുകൾ കീഴടക്കുമ്പോൾ ഭാവിയിൽ ചെറിയ വിലയിൽ ഇനിയും വൈദ്യുത വാഹനങ്ങൾ രാജ്യത്ത് എത്തും. വിയറ്റ്നാമീസ് ബ്രാൻഡായ വിൻഫാസ്റ്റ് രാജ്യത്ത് പ്രവർത്തനം ആരംഭിച്ചുകഴിഞ്ഞിട്ടുണ്ട്. തുടക്കത്തിൽ പ്രീമിയം മോഡലുകളാണ് അവതരിപ്പിക്കാൻ പദ്ധതിയിട്ടിരിക്കുന്നതെങ്കിലും പിന്നീട് ബജറ്റ് ഫ്രണ്ട്ലി ഇവികൾ വിൻഫാസ്റ്റ് പുറത്തിറക്കും. ഇതേ വിഭാഗത്തിലേക്ക് നമ്മുടെ സ്വന്തം റെനോയും (Renault) കണ്ണുവെച്ചിട്ടുണ്ടെന്നാണ് വിവരം.

ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി ഇന്ത്യയിലെത്തിക്കുന്ന മൈക്രോ എസ്‌യുവിയാണ് എക്‌സ്റ്റര്‍. 2023 ജൂലൈ പത്തിന് പുറത്തിറങ്ങിയ ഈ കാര്‍ വെറും 13 മാസം കൊണ്ട് 1 ലക്ഷം യൂണിറ്റ് വില്‍പ്പന നാഴികക്കല്ല് താണ്ടിയിരുന്നു. ക്രെറ്റ, വെന്യു എന്നീ മോഡലുകള്‍ക്ക് ശേഷം ഏറ്റവും കൂടുതല്‍ വില്‍പ്പന നേടുന്ന ഹ്യുണ്ടായിയുടെ എസ്‌യുവിയാണ് എക്‌സ്റ്റര്‍. ടാറ്റ പഞ്ച് എന്ന ജനപ്രിയ മോഡലുമായി നേരിട്ട് ഏറ്റുമുട്ടുന്നതിനാല്‍ തന്നെ എക്‌സ്റ്റിനെ വിപണിയില്‍ പ്രസക്തമാക്കി നിലനിര്‍ത്താനായി ഹ്യുണ്ടായി ഇടക്ക് എക്‌സ്റ്ററിന്റെ വേരിയന്റ് ലൈനപ്പ് അപ്‌ഡേറ്റ് ചെയ്യാറുണ്ട്. ഇപ്പോള്‍ മൈക്രോ എസ്‌യുവിയിലേക്ക് രണ്ട് പുതിയ വേരിയന്റുകള്‍ ചേര്‍ത്തിരിക്കുകയാണ് കമ്പനി.

വിദേശരാജ്യങ്ങളിൽ പോയി ബിസിനസ് ചെയ്ത് കോടീശ്വരൻമാരായ നിരവധി ഇന്ത്യാക്കാരെ നിങ്ങൾക്ക് അറിയാമായിരിക്കും. കോടികൾ വിലയുള്ള കാറുകൾ അവരുടെയെല്ലാം ഗാരേജിൽ കാണാം. ചിലരൊക്കെ കാർ കളക്ടർമാരാണ്. അത്തരത്തിൽ പ്രശസ്ത വാഹന ശേഖരമുള്ള ആളായിരുന്നു ബൽവീന്ദർ സിംഗ് സാഹ്നി. ദുബായിൽ കള്ളപ്പണം വെളുപ്പിച്ച് കേസിൽ ജയിൽ ശിക്ഷ അനുഭവിക്കേണ്ടി വന്നയാളാണ് ഇദ്ദേഹം.പ്രോപ്പർട്ടി മാനേജ്മെന്റ് സ്ഥാപനമായ ആർ‌എസ്‌ജി ഗ്രൂപ്പ് ഓഫ് കമ്പനീസ് എന്ന സ്ഥാപനത്തിൻ്റെ ഉടമയും സ്ഥാപകനുമായിരുന്നു. 76 കോടി മുടക്കി ഫാനസി നമ്പർ സ്വന്തമാക്കിയതോടെയാണ് അദ്ദേഹം ജനശ്രദ്ധ നേടാൻ തുടങ്ങിയത്.

ഇന്ത്യയിലെ യുവാക്കൾക്കിടയിൽ റോയൽ എൻഫീൽഡ് ബൈക്കുകൾക്കുള്ള സ്വീകാര്യത ഒന്ന് വേറെ തന്നെയാണ്. പണ്ടത്തെ വികാരഭരിതരായ വണ്ടികളിൽ നിന്നും ഇന്ന് കംപ്ലയിന്റുകളൊന്നുമില്ലാത്ത തകർപ്പൻ യങ് മോട്ടോർസൈക്കിളുകളാണ് ബ്രാൻഡ് നിരയിലുള്ളത്. എങ്കിലും ഏതൊരു ബൈക്കിനേയും എൻഫീൽഡ് ആരാധകർ ബുള്ളറ്റ് എന്ന ഓമനപ്പേരിട്ടാണ് വിളിക്കുന്നത്. 350 സിസി മുതൽ 650 സിസി വരെയുള്ള മിടുക്കൻമാരെ വാങ്ങാൻ ആളുകൾ വരിനിൽക്കുന്ന കാഴ്ച്ചയാണ് ഇപ്പോൾ ഷോറൂമുകളിൽ കാണാനാവുക. എങ്കിലും കൂട്ടത്തിൽ ഏറ്റവും ആരാധകരുള്ളത് അഡ്വഞ്ചർ ടൂററായ ഹിമാലയനാണ്. ഇതിനിടയിൽ സ്ക്രാംബ്ലർ സ്റ്റൈൽ പിടിച്ചെത്തിയ സ്ക്രാം മോഡലും തരക്കേടില്ലാത്ത തരത്തിൽ വിറ്റഴിയുന്നുമുണ്ട്.

മാക്‌സി സ്‌കൂട്ടര്‍ എന്ന് പറയുമ്പോള്‍ ഇന്ത്യക്കാരുടെ മനസ്സിലേക്ക് ആദ്യം ഓടിയെത്തുന്ന പേരുകളില്‍ ഒന്നാണ് യമഹ എയ്‌റോക്‌സ. ഇപ്പോള്‍ എയ്‌റോക്‌സ് 155 വേര്‍ഷന്‍ S മാക്‌സി-സ്‌കൂട്ടറിന്റെ 2025 പതിപ്പ് പുതിയ കളര്‍ ഓപ്ഷനുകളും പുതുക്കിയ ഗ്രാഫിക്‌സുകളുമായി പുറത്തിറക്കിയിരിക്കുകയാണ് യമഹ ഇന്ത്യ. 'ദി കോള്‍ ഓഫ് ദി ബ്ലൂ' എന്ന ബ്രാന്‍ഡ് ക്യാമ്പയിനിന് കീഴില്‍ വേര്‍ഷന്‍ S നിരയിലേക്ക് റേസിംഗ് ബ്ലൂ, ഐസ് ഫ്‌ലൂ വെര്‍മില്യണ്‍ എന്നീ നിറങ്ങള്‍ ചേര്‍ത്തതിനൊപ്പം സ്‌കൂട്ടറിന് പരിഷ്‌കരിച്ച ഗ്രാഫിക്‌സും ലഭിക്കുന്നു. സ്റ്റാന്‍ഡേര്‍ഡ് വേരിയന്റില്‍ മെറ്റാലിക് ബ്ലാക്ക് ഓപ്ഷന്‍ തുടര്‍ന്നും ലഭ്യമാകും.

ഏതൊരു വാഹനം വാങ്ങിയാലും അതിൽ കുറച്ച് മോഡിഫിക്കേഷൻ, അതായത് അലോയ് വീലുകൾ, ലൈറ്റുകൾ അങ്ങനെ നിയമം വിരുദ്ധമല്ലാത്ത ആക്സസറീസ് ചെയ്യുന്നത് പതിവാണ്. എന്നാൽ ഇലക്ട്രിക് വാഹനങ്ങളിൽ അത്തരത്തിലൊരു മോഡിഫിക്കേഷനുകൾ ചെയ്തിരിക്കുന്നത് കുറവാണ്.മഹീന്ദ്രയുടെ BE6 ഇവിയിൽ ഒരു ഉടമ അഫ്റ്റർ മാർക്കറ്റ് അലോയ് വീലുകൾ ഘടിപ്പിച്ചിരിക്കുകയാണ്. കാർ ഡെക്കർ ഒഫീഷ്യൽ തങ്ങളുടെ ഇൻസ്റ്റാഗ്രാം പേജിലാണ് ഈ വീഡിയോ പങ്കുവെച്ചിരിക്കുന്നത്. AD വീൽസ് എന്ന ബ്രാൻഡിൽ നിന്നുള്ള 19 ഇഞ്ച് ആഫ്റ്റർമാർക്കറ്റ് വീലുകളാണ് ഉടമ തിരഞ്ഞെടുത്തിരിക്കുന്നത്. പുതിയ അലോയ് വീലുകൾ വന്നതോടെ വാഹനത്തിൻ്റെ മൊത്തത്തിലുളള ലുക്ക് തന്നെ മാറ്റാൻ സഹായിച്ചിട്ടുണ്ട്.

പെട്രോളിന്റെ വില ഈ അടുത്ത കാലത്തൊന്നും കുറയാൻ യാതൊരു വിധ സാധ്യതയും കാണുന്നില്ലാത്തതിനാൽ ആളുകളെല്ലാം ഇലക്‌ട്രിക് കാറുകളേയും (Electric Cars) സ്നേഹിച്ച് തുടങ്ങിയിരിക്കുകയാണ്. സാധാരണയൊരു പെട്രോൾ കാറിനേക്കാൾ അൽപം കൂടി പൈസ മുടക്കിയാൽ ഇവികൾ സ്വന്തമാക്കാനാവുന്നത് ജനങ്ങൾക്ക് ആശ്വാസകരമാണ്. കറണ്ട് ബില്ലിനെ പേടിച്ച് പലരും പുരപ്പുറത്ത് സോളാവും വെച്ചുതുടങ്ങിയിട്ടുണ്ട്. അത്തരക്കാർ വൈദ്യുത വാഹനം വാങ്ങിയാൽ ഫ്രീയായി നഗര യാത്രകളെല്ലാം ഒരുപരിധി വരെ നടക്കുകയും ചെയ്യും. കോമെറ്റ്, ടിയാഗോ പോലുള്ള ചെറു ഇവികൾക്ക് സ്വീകാര്യത കൂടാനുള്ള പ്രധാന കാരണവും ഇതുതന്നെയാണ്.

പ്രീമിയം ഹാച്ചബാക്കിന്റെ വിലയില്‍ കിടിലന്‍ ഫീച്ചറുകളും തരക്കേടില്ലാത്ത മൈലേജും കിട്ടുന്നതിനാല്‍ ഇന്ന് ഇന്ത്യക്കാര്‍ കോംപാക്ട് എസ്‌യുവികളുടെ പിറകെയാണ്. ഇതില്‍ തന്നെ കിടിലന്‍ മത്സരം നടക്കുന്ന വിഭാഗമാണ് സബ് 4 മീറ്റര്‍ എസ്‌യുവികളുടേത്. മാരുതി സുസുക്കി ബ്രെസ, ടാറ്റ നെക്‌സോണ്‍, ഹ്യുണ്ടായി വെന്യു, കിയ സോനെറ്റ്, മഹീന്ദ്ര XUV 3XO എന്നീ വമ്പന്‍മാര്‍ അണിനിരക്കുന്ന സെഗ്‌മെന്റിലേക്ക് ഏതാനും മാസങ്ങള്‍ക്ക് മുമ്പാണ് സ്‌കോഡ ഒരു പുലിക്കുട്ടിയെ ഇറക്കിവിട്ടത്. സ്‌റ്റൈല്‍, സുരക്ഷ, പ്രീമിയം ഫീല്‍ എന്നിവയുകെ മിശ്രണം വാഗ്ദാനം ചെയ്യുന്ന കോംപാക്റ്റ് എസ്‌യുവി ചുരുങ്ങിയ നാളുകള്‍ കൊണ്ട് ഹിറ്റായി.

ഇലക്ട്രിക് കാറുകളിലൂടെ ടാറ്റ മോട്ടോർസ് കാണിച്ച മാജിക്കിനപ്പുറം എന്തെങ്കിലും ഉണ്ടെങ്കിൽ അതിന്റെ ഉടയോനാണ് എംജി. ZS, കോമെറ്റ്, വിൻഡ്‌സർ തുടങ്ങിയ മോഡലുകളിലൂടെ നിശബ്‌ദ വിപ്ലവം രചിച്ച് ബ്രാൻഡ് ഇപ്പോൾ വേറെ ലെവലായിരിക്കുകയാണ്. സാധാരണക്കാരിലേക്ക് കൂടുതൽ അടുത്ത കമ്പനി ഇനിയങ്ങോട്ട് അൽപം പ്രീമിയം മോഡലുകളായ കണ്ട് ഇവികളാണ് പുറത്തിറക്കാൻ പോവുന്നത്. സിനിമക്കാർക്കിടയിൽ ഹിറ്റായി മാറിക്കൊണ്ടിരിക്കുന്ന കിയ കാർണിവലിന്റേയും ടൊയോട്ട വെൽഫയറിന്റേയുമെല്ലാം അന്തകനായി ഒന്നാന്തരമൊരു ഇലക്ട്രിക് എംപിവിയാണ് എംജി ഇന്ത്യയിലേക്ക് കൊണ്ടുവരുന്നത്. ഇക്കഴിഞ്ഞ 2025 ഓട്ടോ എക്സ്പോയിൽ പ്രദർശിപ്പിച്ച M9 ഇവിയാണ് കക്ഷി.

ഒരു വാഹനത്തിന് പിന്നില്‍ പ്രവര്‍ത്തിച്ചവര്‍ വരെ അതേ മോഡല്‍ വില കൊടുത്തു വാങ്ങുന്നത് നിങ്ങള്‍ അധികമൊന്നും കേട്ടിട്ടുണ്ടാകില്ല. എന്നാല്‍ അടുത്ത കാലത്തായി ഇന്ത്യയില്‍ അത്തരമൊരു സംഗതി നടന്നു. മഹീന്ദ്ര BE 6, XEV 9e എന്നീ മോഡലുകള്‍ക്ക് സൗണ്ട് ഡിസൈന്‍ ചെയ്ത സംഗീത മന്ത്രികന്‍ എആര്‍ റഹ്‌മാന്‍ തന്നെ അവയില്‍ ഒന്ന സ്വന്തമാക്കി. നമ്മുടെ രാജ്യത്ത് സെലിബ്രിറ്റികള്‍ അടക്കം ഇപ്പോള്‍ ഇലക്ട്രിക് കാറുകളില്‍ ആകൃഷ്ടരാകാന്‍ തുടങ്ങിയെന്ന് ഇതില്‍ നിന്ന് നമുക്ക് മനസ്സിലാക്കാം. വിപണിയില്‍ എത്തിയ അന്ന് മുതല്‍ തലക്കെട്ടുകള്‍ സൃഷ്ടിക്കുന്ന 'ഇന്ത്യന്‍ ടെസ്‌ലകള്‍' കൈയ്യില്‍ കിട്ടാന്‍ ഉപഭോക്താക്കള്‍ കുറച്ച് സമയം കാത്തിരിക്കണം.

രാജ്യത്ത് നിന്ന് നാടുവിട്ടാൽ പിന്നെ ഒരു തിരിച്ചുവരവ് അത്ര സാധ്യമല്ല, എന്നാൽ ചില ബ്രാൻഡുകൾ തിരികെ വരണമെന്ന് ഓരോ വാഹനപ്രേമികളും ആഗ്രഹിക്കുന്നുണ്ട്, അതിൽ മുൻപന്തിയിൽ തന്നെ നിൽക്കുന്ന ബ്രാൻഡാണ് ഫോർഡ്. ചെന്നൈയിയിലെ തങ്ങളുടെ പ്ലാൻ്റ് മാത്രം സൂക്ഷിച്ച് കൊണ്ട് അവർ നാട്ടു വിട്ടപ്പോഴെ എല്ലാവർക്കും മന,ിലായതാണ്. ഒരു ഗംഭീര തിരിച്ചു വരവ് ഉണ്ടാകുമെന്ന്. ഇപ്പോൾ എന്തായാലും ആ കാര്യതതിൽ ചെറിയ സൂചന കമ്പനി നൽകിയിട്ടുണ്ട്. എന്ന് കരുതി എല്ലാ മോഡലുകളും തിരികെ എത്തിക്കില്ല. തങ്ങളുടെ പര്ധാന എതിരാളിയായിരുന്നു ടൊയോട്ട ഫോർച്ച്യൂണറിൻ്റെ സ്ഥാനം തെറിപ്പിക്കാൻ കഴിയുന്ന ഒരു എസ്‌യുവി ആയിട്ടാണ് ഫോർഡ് എത്തുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.

ഥാറിനും സ്കോർപിയോയ്ക്കും ശേഷം ഇന്ത്യയിൽ ഓളമുണ്ടാക്കിയ മഹീന്ദ്ര എസ്‌യുവിയാണ് XUV700 (Mahindra XUV700). ശരിക്കും പറഞ്ഞാൽ കമ്പനിയുടെ ഇന്നത്തെ ഇമേജിലേക്ക് എത്തിച്ചത് ഈ ഫ്ലാഗ്ഷിപ്പ് മോഡലാണെന്നും വേണമെങ്കിൽ പറയാം. XUV500 പെട്ടന്ന് നിർത്തലാക്കിയപ്പോൾ ആരാധകർക്കുണ്ടായ നിരാശ ചെറുതൊന്നുമല്ലായിരുന്നു. എന്നാൽ പകരക്കാരനായി ഇറങ്ങിയ വണ്ടിയെത്തിയതോടെ പലരും പഴയ ചീറ്റപ്പുലിയെ വരെ മറന്നുപോയി. അത്രയേറെ ഓളമാണ് XUV700 ഇന്ത്യൻ വിപണിയിലുണ്ടാക്കിയെടുത്തത്. ആഡംബര വാഹനങ്ങളോട് കിടപിടിക്കുന്ന രീതിയിൽ പണികഴിപ്പിച്ചിരിക്കുന്ന ഈ വാഹനം വാങ്ങാൻ ആളുകൾ വരിവരിയായി നിൽക്കുന്ന കാഴ്ച്ചയാണ് ഡീലർഷിപ്പുകളിൽ കാണാനാവുന്നത്.

അത്യന്തം മത്സരം നിറഞ്ഞ ഇന്ത്യന്‍ കാര്‍ വിപണിയില്‍ വെറും മൂന്ന് മോഡലുകള്‍ കൊണ്ട് അങ്കംവെട്ടുന്ന കമ്പനിയാണ് ഹോണ്ട കാര്‍സ് ഇന്ത്യ ലിമിറ്റഡ്. സിറ്റി, അമേസ് സെഡാനുകളും എലിവേറ്റ് എസ്‌യുവിയുമാണ് ഹോണ്ട നിലവില്‍ ഇന്ത്യയില്‍ വില്‍പ്പനക്കെത്തിക്കുന്ന മോഡലുകള്‍. മികച്ച മോഡലുകളാണ് ഓഫര്‍ ചെയ്യുന്നതെങ്കിലും സമീപകാലത്ത് ഹോണ്ടക്ക് പ്രതീക്ഷിച്ച വില്‍പ്പന നേടിയെടുക്കാന്‍ സാധിക്കുന്നില്ല. വില്‍പ്പന പുനരുജ്ജീവിപ്പിക്കുന്നതിനായി ഹോണ്ട നടപ്പാക്കുന്ന പദ്ധതികളില്‍ വലിയ പങ്കുവഹിക്കാനുള്ളത് എലിവേറ്റ് എസ്‌യുവിക്കാണ്. ഇപ്പോള്‍ ഉല്‍പ്പന്ന നിരയെ പുനരുജ്ജീവിപ്പിക്കാനും ഉപഭോക്താക്കളെ ആകര്‍ഷിക്കുന്നതിനുമായി ഹോണ്ട എലിവേറ്റ് അപെക്‌സ് സമ്മര്‍ എഡിഷന്‍ (Honda Elevate Apex Summer Edition) അവതരിപ്പിച്ചിരിക്കുകയാണ്.

ആഷിഖി 2 എന്ന ഹിന്ദി ചിത്രത്തിലൂടെ അരങ്ങേറ്റം കുറിച്ച് ഇങ്ങ് മലയാളികൾക്കിടയിൽ വരെ ഫാൻസിനെ നേടിയെടുത്ത സുന്ദരിയാണ് ശ്രദ്ധ കപൂർ. ബോളിവുഡിലെ താരറാണിയാണെങ്കിലും സാധാരണ കാണുന്ന സെലിബ്രിറ്റികളിൽ നിന്നും ഏറെ വ്യത്യസ്‌തയാണ് കക്ഷി. വലിയ താരമാകുന്നതോടെ അഹങ്കാരത്തിന് കൈയും കാലുവെച്ച് നടക്കുന്ന മറ്റ് നടിമാരെ പോലയല്ല, എല്ലാവരോടും നല്ല പെരുമാറ്റവുമാണ് താരമെന്നാണ് പൊതുവേയുള്ള സംസാരം. സെലിബ്രിറ്റിയാവുന്നതോടെ സ്വന്തം ഫ്ലാറ്റ് വാങ്ങി വീട്ടിൽ നിന്നും മാറി താമസിക്കുന്ന മറ്റ് സഹപ്രവർത്തകരിൽ നിന്നും വ്യത്യസ്‌തയായ ശ്രദ്ധ അച്ഛൻ ശക്തി കപൂറിനും അമ്മയ്ക്കുമൊപ്പമാണ് ഇപ്പോഴും താമസം.

ആഡംബരത്തിനും ശക്തമായ ഓഫ്-റോഡ് ശേഷികള്‍ക്കും പേരുകേട്ട എസ്‌യുവിയാണ് ലാന്‍ഡ് റോവര്‍ ഡിഫെന്‍ഡര്‍. ഏതാനും വര്‍ഷങ്ങള്‍ക്ക് മുമ്പ് വരെ ഇന്ത്യന്‍ നിരത്തുകളില്‍ ഡിഫെന്‍ഡറുകള്‍ വളരെ കുറച്ചെണ്ണം മാത്രമായിരുന്നു കാണപ്പെട്ടിരുന്നത്. ഇന്ന് സെലിബ്രിറ്റികളും യംഗ് പ്രഫഷനുകള്‍ക്കും ഇടയില്‍ ഈ കാര്‍ ട്രെന്‍ഡിംഗ് ആയതോടെ ഡിഫെന്‍ഡര്‍ നിരത്തുകളിലെ സ്ഥിരം കാഴ്ചയായി മാറിയിട്ടുണ്ട്. ഓഫ്-റോഡ് പ്രേമികള്‍ മാത്രമല്ല ഇന്ത്യയിലെ സെലിബ്രിറ്റികളും സമ്പന്നരുമായ നിരവധിയാളുകള്‍ തങ്ങളുടെ സ്വകാര്യ ഉപയോഗത്തിനായി ഈ വാഹനം വാങ്ങുന്നുണ്ട്. ഇന്ത്യയിലെ ഡിഫെന്‍ഡര്‍ ഉടമകളായ സെലിബ്രിറ്റികളുടെ പട്ടികയില്‍ ഇടംപിടിച്ചിരിക്കുകയാണ് മോളിവുഡിലടക്കം വില്ലന്‍ വേഷങ്ങളിലൂടെ ശ്രദ്ധേയനായ ഒരു നടന്‍. അത് ആരാണെന്ന് വഴിയെ പറയാം.

ഇലക്ട്രിക് കാറുകളിലൂടെ (Electric Car) വിസ്‌മയം തീർത്ത് എംജി (MG Motor) പാറിപ്പറക്കാൻ തുടങ്ങിയിട്ട് നാളിമ്മിണിയായി. അതുവരെ വൈദ്യുത വാഹന നിര ഭരിച്ചിരുന്ന ടാറ്റ മോട്ടോർസിനെ വരെ സൈഡാക്കി ചൈനീസ് ബ്രാൻഡ് പറന്നുയരുകയാണ്. കോമെറ്റ്, വിൻഡ്‌സർ എന്നീ രണ്ട് മോഡലുകളുടെ വരവാണ് കമ്പനിയുടെ തലവര തന്നെ മാറ്റിയത്. വിമാനത്തിലേത് പോലെയുള്ള യാത്രാസുഖം സമ്മാനിച്ച് കാറുകളിലെ വിമാനമായി വിൻഡ്‌സർ മാറി. വെറും 6 മാസത്തിനുള്ളിൽ കാറിന്റെ വിൽപ്പന 20,000 യൂണിറ്റ് തൊട്ടപ്പോൾ നെക്സോൺ ഇവി വരെ ഭയന്നുവെന്ന് വേണം പറയാൻ.