ഈ ബൈക്ക് വാങ്ങിയാൽ സർവീസ് 16,000 കിലോമീറ്റർ കൂടുമ്പോൾ മതി
ഓട്ടോമൊബൈൽസ്
- 1 year, 4 month, 8 days ago
രണ്ട് 400 സിസി മോട്ടോർസൈക്കിളുകളിലൂടെ ഇന്ത്യക്കാരുടെ സ്വന്തം ഇരുചക്ര വാഹന നിർമാതാക്കളായി മാറിയവരാണ് ട്രയംഫ്. ബജാജിന്റെ സഹകരണത്തോടെ വികസിപ്പിച്ച സ്പീഡ്, സ്ക്രാംബ്ലർ X എന്നിവ രാജ്യത്ത് വിപ്ലവം തന്നെ സൃഷ്ടിച്ചുവെന്ന് വേണം പറയാൻ. റോയൽ എൻഫീൽഡ് അടക്കിവാണിരുന്ന മിഡ്-കപ്പാസിറ്റി മോട്ടോർസൈക്കിൾ വിഭാഗത്തിലെ വലിയൊരു ഭാഗം പിടിച്ചെടുക്കാനും ട്രയംഫിനായിട്ടുണ്ട്. സൂപ്പർബൈക്ക് ബ്രാൻഡിൽ നിന്നും ഇത്രയും കുറഞ്ഞ വിലയുള്ള വണ്ടികൾ കിണ്ടുമ്പോൾ ഇന്ത്യക്കാർക്ക് എങ്ങനെ മുഖംതിരിക്കാനാവും. ഇപ്പോഴിതാ വിൽപ്പന വേഗം വർധിപ്പിക്കാനായി ട്രൈഡന്റ് 660-യുടെ 2025 മോഡൽ പുറത്തിറക്കിയിരിക്കുകയാണ് കമ്പനി.