മാരുതി സുസുക്കിയും മഹീന്ദ്രയും ടൊയോട്ടയും ഹ്യുണ്ടായിയും കിയയുമെല്ലാം അടുത്തിടെ തങ്ങളുടെ മോഡൽ നിരയിൽ വില വർധനവ് നടപ്പിലാക്കുന്ന തിരക്കിലായിരുന്നു. ഇവർക്കൊപ്പം ടാറ്റ മോട്ടോർസും തങ്ങളുടെ പാസഞ്ചർ കാർ ശ്രേണിയിൽ വില പരിഷ്ക്കാരം നടപ്പിലാക്കിക്കൊണ്ടിരിക്കുകയാണ് ഇപ്പോൾ. പഞ്ച്, നെക്സോൺ എന്നിവയുടെ പുതുക്കിയ വില വിവരങ്ങൾ പുറത്തുവിട്ട കമ്പനി ഇപ്പോഴിതാ തങ്ങളുടെ നിരയിലെ 7-സീറ്റർ എസ്‌യുവിയായ സഫാരിയുടെ പുതുക്കി വില വിവരങ്ങളും അതിന്റെ വിശദാംശങ്ങളും ജനങ്ങളിലേക്ക് എത്തിച്ചിരിക്കുകയാണ്. സഫാരിയുടെ തിരഞ്ഞെടുത്ത മോഡലിനെ ആശ്രയിച്ച് ഇനി വാങ്ങുന്നവർ ഇപ്പോൾ എസ്‌യുവിക്ക് മുമ്പത്തേക്കാൾ കൂടുതൽ പണം നൽകേണ്ടിവരും.

പ്രീമിയം ഇലക്ട്രിക് ഇരുചക്ര വാഹന വിപണിയില്‍ വലിയ ഓളം സൃഷ്ടിച്ചുകൊണ്ട് ജാപ്പനീസ് ബ്രാന്‍ഡ് ആയ യമഹ തങ്ങളുടെ ആദ്യ സ്‌പോര്‍ട്ടി ഇലക്ട്രിക് സ്‌കൂട്ടറായ എയ്‌റോക്‌സ് E' (Yamaha Aerox-E) പുറത്തിറക്കി. പെട്രോള്‍ മോഡലായ എറോക്‌സ് 155-ന്റെ അതേ ഡിസൈന്‍ ശൈലിയില്‍ വരുന്ന പുത്തന്‍ ഇവിയുടെ പ്രാരംഭ എക്‌സ്‌ഷോറൂം വില 2.82 ലക്ഷം രൂപയാണ്. നിലവില്‍ യമഹയുടെ ഇന്ത്യയിലെ ഏറ്റവും വില കുടിയ ഉല്‍പ്പന്നമായി എയ്‌റോക്‌സ് E മാറി.

രാജ്യത്തെ പ്രധാന വിനോദ സഞ്ചാര കേന്ദ്രങ്ങളില്‍ ഒന്നായ ഗോവ സന്ദര്‍ശിക്കുന്ന ഒട്ടുമിക്ക ടൂറിസ്റ്റുകളും അവിടം ചുറ്റിക്കറങ്ങാനായി റെന്റല്‍ വാഹനങ്ങളാണ് ഉപയോഗിക്കുന്നത്. ടൂവീലറുകളും ഫോര്‍വീലറുകളുമെല്ലാം വാടകയ്ക്ക് കിട്ടുന്നതിനാല്‍ വിനോദഞ്ചാരികള്‍ക്ക് സ്വന്തം ഇഷ്ടാനുസരണം യാത്ര പ്ലാന്‍ ചെയ്യാം. ഗോവ സന്ദര്‍ശിക്കുന്ന വിനോദസഞ്ചാരികളുടെ പ്രിയപ്പെട്ട വാഹനമായ മഹീന്ദ്ര ഥാര്‍ (Mahindra Thar) സെല്‍ഫ് ഡ്രൈവ് റെന്റല്‍ വിപണിയില്‍ നിന്നും ഘട്ടഘട്ടമായി നിരോധിക്കാന്‍ ഗോവ സര്‍ക്കാര്‍ നീക്കം തുടങ്ങിയതായാണ് ഇപ്പോള്‍ വാര്‍ത്തകള്‍ പുറത്തുവരുന്നത്.

മാഗ്നൈറ്റ്, ഗ്രാവൈറ്റ് എന്നിവയുടെ ഗംഭീര വിജയത്തിന് ശേഷം ഇന്ത്യൻ വിപണിയിലേക്ക് തങ്ങളുടെ മൂന്നാമത്തെ മോഡലും അവതരിപ്പിക്കാൻ ഒരുങ്ങുകയാണ് ജാപ്പനീസ് വാഹന നിർമാതാക്കളായ നിസാൻ. അതും രാജ്യത്തെ ഏറ്റവും മത്സരാധിഷ്ഠിത സെഗ്മെന്റായ മിഡ്-സൈസ് എസ്‌യുവി വിഭാഗത്തിലേക്കാണ് ഇത്തവണ കമ്പനി കോമ്പറ്റീഷന് ഇറങ്ങുന്നത്. റെനോ ഡസ്റ്ററിന്റെ റീബാഡ്‌ജ് പതിപ്പാണെങ്കിലും ടെക്റ്റൺ എന്നുപേരിട്ടിരിക്കുന്ന വാഹനം കാത്തിരിക്കുകയാണ് ഇന്ത്യയിലെ വാഹന പ്രേമികൾ. എന്തായാലും സർപ്രൈസുകളും അഭ്യൂഹങ്ങൾക്കുമെല്ലാം വിരാമമിട്ടുകൊണ്ട് നാളെ അതായത് ജൂലൈ 9-ന് മോഡൽ ഔദ്യോഗികമായി ആഭ്യന്തര വിപണിയിൽ അരങ്ങേറ്റം കുറിക്കും.

ഇന്ത്യക്കാര്‍ക്കാര്‍ക്ക് ഏറ്റവും പ്രിയപ്പെട്ട കോംപാക്ട് എസ്‌യുവികളില്‍ ഒന്നായ നെക്‌സോണിന്റെ വില വര്‍ധിപ്പിച്ച് ടാറ്റ മോട്ടോര്‍സ്. പെട്രോള്‍, ഡീസല്‍, സിഎന്‍ജി ഓപ്ഷനുകളില്‍ ലഭ്യമാകുന്ന നെക്‌സോണിന്റെ പുതുക്കിയ വില ഇതിനോടകം പ്രാബല്യത്തില്‍ വന്നു. വാഹന നിര്‍മാണത്തിനാവശ്യമായ അസംസ്‌കൃത വസ്തുക്കളുടെ വിലക്കയറ്റവും ഉല്‍പ്പാദന ചിലവ് കൂടിയതുമടക്കം ഒന്നിലേറെ കാരണങ്ങള്‍ കൊണ്ടാണ് കമ്പനി എസ്‌യുവിയുടെ വില പരിഷ്‌കരിച്ചത്. ഈ വര്‍ഷം മറ്റ് പല മുന്‍നിര വാഹന ബ്രാന്‍ഡുകളും പിന്തുടര്‍ന്ന രീതി പോലെ നിലവിലെ സാമ്പത്തിക സാഹചര്യം മുന്‍നിര്‍ത്തിയാണ് ടാറ്റയും തങ്ങളുടെ പാസഞ്ചര്‍ വാഹനങ്ങളുടെ വില കൂട്ടാന്‍ തീരുമാനിച്ചത്.

പഴയ പ്രതാപത്തിലേക്ക് തിരിച്ചുവരാനുള്ള തയാറെടുപ്പുകളെല്ലാം നടത്തി മുമ്പോട്ട് പോവുകയാണ് ഹോണ്ട (Honda Cars India). പുത്തൻ മോഡലുകൾക്കൊണ്ട് ഇന്ത്യൻ വിപണിയെ വിസ്‌മയിപ്പിക്കുന്ന ഭാഗമായി സിറ്റി ഫെയ്‌സ്‌ലിഫ്റ്റ് കൊണ്ടുവന്നതോടെ ഷോറൂമിൽ അൽപം തിരക്കൊക്കെയായി തുടങ്ങിയിട്ടുണ്ട്. ഈ തിരക്ക് മുതലെടുക്കുവാനായി 2026 ജൂലൈ മാസത്തേക്കായി വമ്പിച്ച ആദായ വിൽപ്പനയുമായി ഹോണ്ട എത്തിയിരിക്കുകയാണ്. അതും പുത്തൻ കാറുകൾക്ക് 2.15 ലക്ഷം രൂപ വരെ വിലക്കുറവാണ് കമ്പനി പ്രഖ്യാപിച്ചിരിക്കുന്നത്. വേരിയന്റ്, നഗരം, ഡീലർഷിപ്പ്, സ്റ്റോക്ക് ലഭ്യത എന്നിവയെ അടിസ്ഥാനമാക്കി ഓഫറിൽ വ്യത്യാസമുണ്ടാവാൻ സാധ്യതയുണ്ട് കേട്ടോ.

എസ്‌യുവി വിപണിയിൽ തങ്ങളുടേതായ സ്ഥാനം അതിവേഗം കണ്ടെത്തി കുതിക്കുകയാണ് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി. ഫ്രോങ്ക്‌സ്, ബ്രെസ, ഗ്രാൻഡ് വിറ്റാര, ജിംനി, വിക്ടോറിസ് എന്നീ മിടുക്കൻമാരെല്ലാം പടപൊരുതി വെന്നിക്കൊടി പാറിച്ചത് സാക്ഷാൽ മഹീന്ദ്ര, ടാറ്റ, ഹ്യുണ്ടായി തുടങ്ങിയ വമ്പൻമാരോട് പടപൊരുതിയാണ്. ഗ്രാൻഡ് വിറ്റാര തീർത്ത മഹാവിജയത്തിന് ശേഷം അതേ സെഗ്മെന്റിലേക്ക് മാരുതി കൊണ്ടുവന്ന വിക്ടോറിസും വിക്‌ടറിയടിച്ചത് പലർക്കും സർപ്രൈസായിരുന്നു. ഗ്രാൻഡ് വിറ്റാര ഉണ്ടായിരുന്നിട്ടും കുറച്ചുകൂടി വിൽപ്പന പിടിക്കുവാനായി നിയോഗിച്ച മിടുക്കൻ എന്തായാലും സക്‌സസായിരിക്കുകയാണ്.

ഇലക്ട്രിക് വാഹനപ്രേമികള്‍ ആകാംഷയോടെ കാത്തിരുന്ന സിയറ ഇവി (Tata Sierra EV) കഴിഞ്ഞ ആഴ്ചയാണ് ടാറ്റ മോട്ടോര്‍സ് വിപണിയിലെത്തിച്ചത്. 18.79 ലക്ഷം രൂപയുടെ പ്രാരംഭ എക്‌സ്-ഷോറൂം വിലയിലാണ് ഈ പുത്തന്‍ ലക്ഷ്വറി ഇലക്ട്രിക് എസ്യുവി ടാറ്റ പുറത്തിറക്കിയത്. ആകെ ആറ് വ്യത്യസ്ത വേരിയന്റുകളിലാണ് സിയറ ഇവി ഉപഭോക്താക്കള്‍ക്ക് വാങ്ങാനാകുക. പ്യുവര്‍, പ്യുവര്‍ S, അഡ്വഞ്ചര്‍, എംപവേര്‍ഡ്, എംപവേര്‍ഡ് A, എംപവേര്‍ഡ് A ഓള്‍-വീല്‍ ഡ്രൈവ് (AWD) എന്നിവയാണ് അവ. ഇതില്‍ ഏറ്റവും വിലകുറഞ്ഞ ബേസ് 'പ്യുവര്‍' (Pure) വേരിയന്റിനെ കുറിച്ച് ഈ ലേഖനത്തില്‍ വിശദമായി വായിക്കാം.

കഴിഞ്ഞ വര്‍ഷം സെപ്റ്റംബറില്‍ നടപ്പാക്കിയ ജിഎസ്ടി 2.0 കാരണം രാജ്യത്ത് ചെറുകാറുകള്‍ക്ക് ജീവശ്വാസം ലഭിച്ചിരുന്നു. എന്നിരുന്നാലും ഇപ്പോഴും ട്രെന്‍ഡ് സ്‌പോര്‍ട് യൂടിലിറ്റി വാഹനങ്ങള്‍ക്ക് (എസ്‌യുവി) അനുകൂലമായി തന്നെയാണ് തുടരുന്നത്. കഴിഞ്ഞ ഏതാനും മാസങ്ങളായി ഇന്ത്യയില്‍ ഏറ്റവും കുടുതല്‍ വിറ്റഴിക്കപ്പെടുന്ന പാസഞ്ചര്‍ കാര്‍ ആയിരുന്ന മാരുതി സുസുക്കി ഡിസയര്‍ സബ് കോംപാക്ട് സെഡാനെ താഴെ ഇറക്കി ഒരു എസ്‌യുവി ആ സ്ഥാനം പിടിച്ചടക്കയിരുന്നു. എന്നാല്‍ കോംപാക്ട് എസ്‌യുവി വിഭാഗത്തിലെ രാജാവായിരുന്ന ഹ്യുണ്ടായി ക്രെറ്റയല്ല (Hyundai Creta) ആ മോഡല്‍.

ഇന്ത്യയിലെ ടോപ്പ് സെല്ലിംഗ് കാറുകളുടെ പട്ടികയെടുത്താൽ മുടങ്ങാതെ കേട്ടിരുന്ന പേരുകളിൽ ഒന്നായിരുന്നു ഹ്യുണ്ടായി ക്രെറ്റ. ഒന്നിലധികം എഞ്ചിൻ ഓപ്ഷനുകൾ, ശക്തമായ ഫീച്ചർ ലിസ്റ്റ്, കിടിലൻ റീസെയിൽ വാല്യു, നല്ല ഫാമിലി എസ്‌യുവി എന്ന നിലയിലാണ് ക്രെറ്റ വാങ്ങാൻ ആളുകൾ ഇരച്ചെത്തിയിരുന്നത്. പക്ഷേ 2026 ജൂൺ മാസത്തെ വിൽപ്പന കണക്കുകൾ പുറത്തുവരുമ്പോൾ ഏറ്റവും കൂടുതൽ വിറ്റഴിക്കപ്പെടുന്ന 10 കാറുകളുടെ പട്ടികയിൽ നിന്നും ക്രെറ്റ പുറത്തായിരിക്കുകയാണ്. എന്നാൽ ഏവരേയും ഞെട്ടിച്ചുകൊണ്ട് ദക്ഷിണ കൊറിയൻ വാഹന നിർമാതാക്കളുടെ വെന്യു പത്താം സ്ഥാനം കൈവരിച്ച് ഹ്യുണ്ടായിയെ രക്ഷിച്ചു.

രാജ്യത്ത് എല്ലാ വാഹന വിഭാഗത്തില്‍ വൈദ്യുതവല്‍ക്കരണം പതുക്കെ നടന്നുകൊണ്ടിരിക്കുകയാണ്. പണ്ട് വളരെ ചുരുക്കമായിരുന്ന പച്ച നമ്പര്‍പ്ലേറ്റ് ഘടിപ്പിച്ച ഓട്ടോറിക്ഷകള്‍ ഇന്ന് കേരളത്തിലെ ഗ്രാമപ്രദേശങ്ങളിലടക്കം സാധാരണമായി മാറി. ഇപ്പോള്‍ ഇന്ത്യന്‍ കൊമേഴ്‌സ്യല്‍ പാസഞ്ചര്‍ വാഹന വിപണിയില്‍ തങ്ങളുടെ സാന്നിധ്യം കൂടുതല്‍ ശക്തമാക്കുന്നതിന്റെ ഭാഗമായി പ്രമുഖ ഇറ്റാലിയന്‍ ബ്രാന്‍ഡ് ആയ പിയാജിയോ വെഹിക്കിള്‍സ് (Piaggio Vehicles) പുതിയ 'ആപെ വേവ്' (Ape WavE) ഇലക്ട്രിക് ത്രീ-വീലര്‍ വിപണിയില്‍ എത്തിച്ചു.

വെള്ളിത്തിരയിൽ തുടങ്ങി മിനി സ്ക്രീനിൽ ഒതുങ്ങിപ്പോയ അടിപൊളി നടിയാണ് ബീന ആന്റണി. തൊണ്ണൂറുകളിലെ മിക്ക സിനിമകളിലും നിറഞ്ഞുനിന്നിരുന്നുവെങ്കിലും എന്തുകൊണ്ടോ സീരിയലുകളിലാണ് താരത്തിന് പിന്നീട് അവസരങ്ങൾ കൂടുതൽ ലഭിച്ചത്. എന്നാൽ അടുത്തിടെ തീയേറ്ററിൽ എത്തിയ ചിദംബരം സംവിധാനം ചെയ്ത ബാലൻ: ദ ബോയ് എന്ന ചിത്രത്തിലെ ഷംനാത്ത എന്ന കഥാപാത്രത്തിലൂടെ പ്രേക്ഷകരെ തന്റെ റേഞ്ച് അറിയിച്ചുകൊടുത്തിരിക്കുകയാണ് ബീന ആന്റണി. 35 വർഷത്തെ കാത്തിരിപ്പിന് ഒടുവിൽ തനിക്ക് ലഭിച്ച ഏറ്റവും മികച്ച റീ-എൻട്രിയിൽ ഏവരേയും വിസ്മയിപ്പിച്ചതിന്റെ സന്തോഷത്തിലാണ് നടിയും കുടുംബവും.

ഇന്ത്യന്‍ ഇരുചക്ര വാഹന വിപണിയില്‍ ഇലക്ട്രിക് സ്‌കൂട്ടറുകള്‍ക്ക് ഡിമാന്‍ഡ് നാള്‍ക്കുനാള്‍ വര്‍ദ്ധിച്ചുവരുന്ന സാഹചര്യത്തില്‍ സാധാരണക്കാരായ ഉപഭോക്താക്കളെ പ്രമുഖ ഇവി നിര്‍മ്മാതാക്കളായ കൊമാക്കി പുതിയ രണ്ട് ബജറ്റ് ഫ്രണ്ട്‌ലി ഇലക്ട്രിക് സ്‌കൂട്ടറുകള്‍ കമ്പനി രാജ്യത്ത് ഔദ്യോഗികമായി അവതരിപ്പിച്ചു. കൊമാക്കി എംജി പ്രോ V (MG Pro V), എംജി പ്രോ പ്ലസ് (MG Pro+) എന്നിങ്ങനെ രണ്ട് വ്യത്യസ്ത വേരിയന്റുകളിലാണ് ഈ പുത്തന്‍ സ്‌കൂട്ടറുകള്‍ പുറത്തിറക്കിയത്.

പ്രീമിയം മോട്ടോര്‍സൈക്കിള്‍ പ്രേമികള്‍ക്ക് നിരാശ സമ്മാനിച്ച് പ്രശസ്ത ബ്രിട്ടീഷ് ബ്രാന്‍ഡായ ട്രയംഫ് മോട്ടോര്‍സൈക്കിള്‍സ് (Triumph Motorcycles) 350 സിസി റേഞ്ചിന്റെ വില വീണ്ടും കൂട്ടി. ഉത്പാദന ചിലവിലുണ്ടായ വര്‍ദ്ധനവും പണപ്പെരുപ്പവും മുന്‍നിര്‍ത്തിയാണ് കമ്പനി തങ്ങളുടെ ജനപ്രിയ മോട്ടോര്‍സൈക്കിളുകളുടെ വില വീണ്ടും ഔദ്യോഗികമായി ഉയര്‍ത്തിയത്. ജൂണില്‍ വിപുലമായ രീതിയില്‍ വില വര്‍ദ്ധിപ്പിച്ചതിന് തൊട്ടുപിന്നാലെയാണ് തൊട്ടടുത്ത മാസം ട്രയംഫ് തങ്ങളുടെ മോഡലുകള്‍ക്ക് രണ്ടാമതും വില കൂട്ടിയത്. വെറും രണ്ട് മാസത്തിനിടയില്‍ ഉണ്ടാകുന്ന രണ്ടാമത്തെ വലിയ വില പരിഷ്‌കരണമാണിത്. ഇത് കമ്പനിയുടെ ആഭ്യന്തര വില്‍പനയെ ബാധിക്കാനിടയുണ്ട്.

ടാറ്റയുടെ ഇലക്‌ട്രിക് പാസഞ്ചർ കാർ നിരയിലേക്ക് നെക്സോൺ ഇവിക്ക് (Nexon EV) ശേഷം രണ്ടാമനായി എത്തിയ മോഡലായിരുന്നു ടിഗോർ ഇവി (Tata Tigor EV). തുടക്കത്തിൽ പ്രൈവറ്റ് ആവശ്യങ്ങൾക്കായി വിപണിയിലെത്തിയ ഇലക്‌ട്രിക് കോംപാക്‌ട് സെഡാൻ പിന്നീട് വാണിജ്യ ആവശ്യങ്ങൾക്കായി മാത്രം മാറ്റിവെക്കുകയും ചെയ്‌തു. അങ്ങനെ ടാറ്റ ടിഗോർ ഇവിയുടെ ഫ്ലീറ്റ് പതിപ്പായി എക്‌സ്-പ്രെസ്-ടി (X-Pres-T) രൂപമെടുക്കുകയും ചെയ്തു. ടാക്‌സി കാറായി പല വലിയ നഗരങ്ങളിലും നമ്മൾ ഇവനെ ശ്രദ്ധിച്ചിട്ടുണ്ടാവും. ഇപ്പോഴിതാ ഇവിയിലേക്ക് വമ്പൻ അപ്ഡേറ്റുകളുമായി എത്തിയിരിക്കുകയാണ് ടാറ്റ മോട്ടോർസ്.

ബജറ്റ് സെഗ്മെന്റിലെ മാരുതി സുസുക്കി കാറുകളുടെ അന്തകനായി അവതരിച്ച ടാറ്റയുടെ കുഞ്ഞൻ എസ്‌യുവിയായിരുന്നു പഞ്ച്. വന്ന കാലം മുതൽ കഴിഞ്ഞ മാസം വരെ രാജ്യത്തെ ടോപ്പ് സെല്ലിംഗ് കാറുകളിൽ ഒന്നായി ഈ മൈക്രോ സ്പോർട് യൂട്ടിലിറ്റി വാഹനം അരങ്ങുതകർക്കുകയാണ്. സെലേറിയോ, വാഗൺആർ, ഇഗ്നിസ്, സ്വിഫ്റ്റ്, ബലേനോ തുടങ്ങിയ ഒരുകൂട്ടം മാരുതി കാറുകളുടെ കച്ചോടം പിടിച്ചുകൊണ്ടാണ് പഞ്ച് മാസായത്. 5-സ്റ്റാർ സേഫ്റ്റി, ലോഡ് കണക്കിന് ഫീച്ചറുകൾ, തകർപ്പൻ ഡിസൈൻ, താങ്ങാനാവുന്ന വില, തരക്കേടില്ലാത്ത പെർഫോമൻസും മൈലേജും എന്നിവയൊക്കെയാണ് ടാറ്റയുടെ എസ്‌യുവിയെ പ്രിയങ്കരനാക്കിയത്.

വിപണയില്‍ എത്തിയ അന്ന് മുതല്‍ സെയില്‍സ് ചാര്‍ട്ടുകള്‍ വിറപ്പിക്കുന്ന ജെഎസ്ഡബ്ല്യു എംജി മോട്ടോര്‍ ഇന്ത്യയുടെ വിന്‍ഡ്‌സര്‍ ഇവി പുത്തന്‍ വില്‍പ്പന നാഴികക്കല്ല് പിന്നിട്ട് കുതിക്കുന്നു. ഇന്ത്യന്‍ വിപണിയില്‍ വിന്‍ഡ്സര്‍ ഇവിയുടെ ആകെ വില്‍പ്പന 75,000 യൂണിറ്റ് നാഴികക്കല്ല് പിന്നിട്ടു. നിലവില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന ഇലക്ട്രിക് കാറുകളിലൊന്നാണ് വിന്‍ഡ്‌സര്‍. 2024 സെപ്റ്റംബറിലാണ് ഈ ഇലക്ട്രിക് കാര്‍ ഇന്ത്യന്‍ വിപണിയില്‍ അരങ്ങേറ്റം കുറിച്ചത്. ലോഞ്ച് ചെയ്ത് രണ്ട് വര്‍ഷം തികയുന്നതിന് മുമ്പേ ഇത്രയും വലിയ വില്‍പ്പന നേട്ടം കൈവരിക്കാന്‍ കഴിഞ്ഞത് ഇവി വിപണിയുടെ വളര്‍ച്ച കൂടിയാണ് സൂചിപ്പിക്കുന്നത്.

പെട്രോള്‍, ഡീസല്‍ വില വര്‍ദ്ധനവും E20 ഇന്ധനത്തിനെ കുറിച്ചുള്ള ആശങ്കകളുമെല്ലാം രാജ്യത്ത് ഇലക്ട്രിക് വാഹന വില്‍പ്പന ഉത്തേജിപ്പിക്കുകയാണ്. ഇലക്ട്രിക് സ്‌കൂട്ടറുകളെ അപേക്ഷിച്ച് ഇലക്ട്രിക് ബൈക്കുകള്‍ക്ക് ഇന്ത്യയില്‍ ജനപ്രീതി കുറവാണ്. വിപണിയില്‍ മതിയായ ഓപ്ഷനുകള്‍ ഇല്ല എന്നതിനൊപ്പം വില കൂടുതലായതുമാണ് ഇവി ബൈക്കുകളുടെ വില്‍പ്പന മന്ദഗതിയിലാകാനുള്ള കാരണങ്ങള്‍. ഇപ്പോള്‍ ഇന്ത്യന്‍ ഇലക്ട്രിക് വിപ്ലവത്തിന് ഉത്തേജനം പകര്‍ന്ന് പ്രമുഖ ഇവി സ്റ്റാര്‍ട്ടപ്പായ ഒബെന്‍ ഇലക്ട്രിക് (Oben Electric) തങ്ങളുടെ ഏറ്റവും പുതിയ 'റോര്‍ ഇവോ' ഇലക്ട്രിക് മോട്ടോര്‍സൈക്കിളിന്റെ ഡെലിവറി ആരംഭിച്ചു. കമ്പനിയുടെ ആസ്ഥാനമായ ബംഗളൂരുവിലാണ് ആദ്യഘട്ട ഡെലിവറിക്ക് തുടക്കമായിരിക്കുന്നത്.

എല്ലാ കാലത്തും സാധാരണക്കാരായ ഇന്ത്യന്‍ കുടുംബങ്ങളുടെ വിശ്വാസ്ത ബ്രാന്‍ഡ് ആയാണ് മാരുതി സുസുക്കി നിലകൊള്ളുന്നത്. പതിറ്റാണ്ടുകള്‍ക്ക് മുമ്പും ഇപ്പോഴും പാവപ്പെട്ടവരുടെ കാര്‍ എന്ന സ്വപ്‌നം പൂവണിയിക്കുന്നത് മാരുതിയാണ്. കുറഞ്ഞ വിലയില്‍ നിലവാരമുള്ള കാറുകള്‍ നല്‍കുന്ന മാരുതി തങ്ങളുടെ ഉല്‍പ്പന്നങ്ങള്‍ കൂടുതല്‍ പ്രാപ്യമാക്കാനായി ഓഫറുകളും ഡിസ്‌കൗണ്ടുകളും നല്‍കാറുണ്ട്. മാരുതി സുസുക്കി തങ്ങളുടെ വിവിധ മോഡലുകള്‍ക്ക് ഈ ജൂലൈ മാസം ആകര്‍ഷകമായ ഓഫറുകള്‍ പ്രഖ്യാപിച്ചിട്ടുണ്ട്. ഇതിന്റെ ഭാഗമായി രാജ്യത്തെ ഏറ്റവും കുറഞ്ഞ വിലയില്‍ സ്വന്തമാക്കാവുന്ന ജനപ്രിയ കാര്‍ മോഡലായ 'എസ്-പ്രെസ്സോ' (Maruti Suzuki S-Presso) ഇപ്പോള്‍ വന്‍ വിലക്കിഴിവില്‍ വാങ്ങാം.

മലയാളികളുടെ പ്രിയപ്പെട്ട തമിഴ് നടന്‍മാരില്‍ ഒരാളായ പ്രഭു പുതിയ ടൊയോട്ട ഇന്നോവ ഹൈക്രോസ് (Toyota Innova Hycross) എംപിവി ചേര്‍ത്ത് തന്റെ ഗരാജ് വിപുലീകരിച്ചു. ചെന്നൈയിലെ പ്രമുഖ ടൊയോട്ട ഡീലര്‍ഷിപ്പായ 'ലാന്‍സണ്‍ ടൊയോട്ട' വഴിയാണ് താരം ഈ പുത്തന്‍ പ്രീമിയം വാഹനം സ്വന്തമാക്കിയത്. താരം പുതിയ കാര്‍ ഡെലിവറി എടുക്കുന്നതിന്റെ പ്രത്യേക വീഡിയോ ലാന്‍സണ്‍ ടൊയോട്ട തങ്ങളുടെ ഔദ്യോഗിക ഇന്‍സ്റ്റാഗ്രാം പേജിലൂടെ പുറത്തുവിട്ടിട്ടുണ്ട്. സോഷ്യല്‍ മീഡിയയില്‍ ഇതിനോടകം ശ്രദ്ധിക്കപ്പെട്ട വീഡിയോയില്‍ പുത്തന്‍ കാര്‍ സ്വന്തമാക്കിയ സന്തോഷം താരം പങ്കുവെക്കുന്നുണ്ട്.

ഇന്ത്യന്‍ ലൈഫ്സ്റ്റൈല്‍ പിക്ക്അപ്പ് ട്രക്ക് വിപണിയില്‍ തങ്ങളുടെ ആധിപത്യം കൂടുതല്‍ ശക്തമാക്കാന്‍ പുതിയ തലമുറ ഹൈലക്സുമായി (Toyota Hilux) ടൊയോട്ട രംഗത്തെത്തുന്നു. ഒമ്പതാം തലമുറ മോഡല്‍ വരും ദിവസങ്ങളില്‍ വിപണിയില്‍ ഔദ്യോഗികമായി ലോഞ്ച് ചെയ്യുമെന്ന് ടൊയോട്ട ഇന്ത്യ ഇപ്പോള്‍ സ്ഥിരീകരിച്ചിട്ടുണ്ട്. ഏറ്റവും പുതിയ വിവരങ്ങള്‍ പ്രകാരം ഈ വരുന്ന ജൂലൈ 28-നാണ് പുത്തന്‍ ഹൈലക്സ് രാജ്യത്ത് അരങ്ങേറ്റം കുറിക്കുക. രാജ്യാന്തര വിപണികളില്‍ ഇതിനകം തരംഗമായി മാറിയ ഈ പുതിയ മോഡല്‍ വിപുലമായ ഡിസൈന്‍ മാറ്റങ്ങളോടെയും നിരവധി അത്യാധുനിക ഫീച്ചറുകളോടെയുമാണ് ഇത്തവണ ഇന്ത്യന്‍ ഉപഭോക്താക്കള്‍ക്ക് മുന്നിലേക്ക് എത്താന്‍ ഒരുങ്ങുന്നത്.

ഇലക്ട്രിക് സ്കൂട്ടറുകൾ എന്ന് കേൾക്കുമ്പോൾ തന്നെ മിക്ക ആളുകൾക്കും ഏഥർ 450X, ഓല S1, ടിവിഎസ് ഐക്യൂബ്, ബജാജ് ചേതക്, ഹീറോ വിഡ തുടങ്ങിയ മോഡലുകളേയാവാം ആദ്യം ഓർമ വരിക. എന്നാൽ ഇന്ന് വിപണിയിൽ പലവിധത്തിലുള്ള മറ്റ് മോഡലുകളും ലഭ്യമാണ്. ഒരു സ്‌കൂട്ടറിന്റേയും ഓട്ടോറിക്ഷയുടേയും ഫലം ഒന്നിച്ച് നൽകുന്ന മൂന്നുവീലുള്ള ക്രോസ്ഓവർ ഇവികൾ വരെ വിപണിയിൽ സുലഭമായി ലഭിക്കുമെന്ന് പറഞ്ഞാൽ പലരും വേഗം നെറ്റിചുളുക്കിയേക്കും അല്ലേ. വീട്ടിൽ വയസായവർക്ക് വരെ എളുപ്പത്തിൽ ഉപയോഗിക്കാൻ കഴിയുന്നതിനാൽ മൂന്നുവീലുള്ള സ്‌കൂട്ടറുകൾക്ക് രാജ്യത്ത് പ്രചാരമേറിവരുന്നുണ്ട്.

ഇന്ത്യയിലുള്ള എല്ലാ ഫ്യുവൽ സംവിധാനങ്ങളിലും പാസഞ്ചർ കാറുകൾ പുറത്തിറക്കുന്നവരാണ് മാരുതി സുസുക്കി. ഡീസൽ എഞ്ചിൻ നിരയിൽ നിന്നും പണ്ടേ ഒഴിവാക്കിയെങ്കിലും പെട്രോളിലും സിഎൻജിയിലും ഇലക്ട്രിക്കിലുമെല്ലാം പരീക്ഷണം നടത്തി രാജ്യത്തെ ഏറ്റവും വലിയ വാഹന നിർമാതാക്കൾ വെന്നിക്കൊടി പാറിക്കുകയുണ്ടായി. അടുത്തിടെ ഫ്ലെക്‌സ് ഫ്യുവലിലും പുത്തനൊരു കാർ പുറത്തിറക്കി ആളുകളെയെല്ലാം കമ്പനി ഞെട്ടിച്ചിരുന്നു. ഇന്ത്യക്കായുള്ള ആദ്യത്തെ ഫ്ലെക്‌സ് ഫ്യുവൽ കാർ എന്ന പ്രത്യേകതയോടെ എത്തിയത് വാഗൺആറായിരുന്നു. തുടർന്ന് E85 വരെ എഥനോൾ മിശ്രിതങ്ങളിൽ പ്രവർത്തിക്കാൻ കഴിവുള്ള വാഗൺആർ ഫ്ലെക്സ് ഫ്യുവലിന്റെ ഡെലിവറിയും കമ്പനി ദിവസങ്ങൾക്കുള്ളിൽ ആരംഭിക്കുകയും ചെയ്‌തു.

രണ്ട് ലക്ഷം രൂപയിൽ കൂടുതൽ വിലയുള്ള പ്രീമിയം മോട്ടോർസൈക്കിളുകളിൽ മാത്രം കണ്ടുവന്നിരുന്ന ഫീച്ചറായിരുന്നു TFT സ്‌ക്രീനുകൾ. സാധാരണ അനലോഗ് മീറ്ററുകളിൽ നിന്നും ഇരുചക്ര വാഹനങ്ങളിലേക്ക് ഡിജിറ്റൽ മീറ്റർ എത്തുകയും അവിടുന്ന് തിൻ-ഫിലിം ട്രാൻസിസ്റ്റർ (TFT) പോലുള്ള നൂതനമായ സ്ക്രീനുകളിലേക്ക് എത്തുന്നതുമെല്ലാം വളരെ പെട്ടന്നായിരുന്നു. ഇന്ന് നിരവധി ബജറ്റ് സെഗ്മെന്റിലുള്ള കമ്മ്യൂട്ടർ ബൈക്കുകളിൽ പോലും ഇതൊക്കെ കാണാനാവുന്ന കാലമാണിത്. എന്നാൽ ബ്ലൂടൂത്ത് അനുയോജ്യത, നാവിഗേഷൻ, കോൾ അലേർട്ടുകൾ എന്നിവയ്‌ക്കൊപ്പം TFT സവിശേഷത വാഗ്ദാനം ചെയ്യുന്ന കുറഞ്ഞ വിലയുള്ള മോട്ടോർസൈക്കിളുകളെ ഒന്ന് പരിചയപ്പെട്ടാലോ?

ഇലക്‌ട്രിക് വാഹനങ്ങളിലൂടെ ഇന്ത്യക്കാരുടെ മനസിളക്കിയവരാണ് എംജി മോട്ടോർ. കമ്പനിയുടെ മൊത്തം വിൽപ്പനയുടെ 75 ശതമാനവും ഇപ്പോൾ ഇവികളാണ് സംഭാവന ചെയ്യുന്നത്. വിൻഡ്‌സർ ഇവി, കോമെറ്റ് ഇവി, ZS ഇവി, സൈബർസ്റ്റർ, M9 എന്നീ വമ്പൻമാരെ മുൻനിർത്തിയാണ് ഇപ്പോൾ ബ്രാൻഡ് പണംവാരുന്നതും. ശരിക്കും ഇക്കൂട്ടത്തിൽ തുറപ്പുചീട്ടായത് രാജ്യത്തെ ആദ്യത്തെ ക്രോസ്ഓവർ യൂട്ടിലിറ്റി വാഹനമായ (CUV) വിൻഡ്‌സർ തന്നെയാണെന്ന് നിസംശയം പറയാം. ടാറ്റ നെക്സോൺ ഇവി, മഹീന്ദ്ര ബോൺ ഇലക്ട്രിക് എസ്‌യുവികൾ എന്നിവയെ കടത്തിവെട്ടി 2025 കലണ്ടർ വർഷത്തിൽ ഏറ്റവും കൂടുതൽ ആളുകൾ വാങ്ങിയ വൈദ്യുത വാഹനമായി മാറിയതൊന്നും വെറുതെയാവില്ലല്ലോ.