സുസുക്കി ഇ-ആക്സസിന്റെ റിവ്യൂ വിശേഷങ്ങൾ വായിക്കാം
ഓട്ടോമൊബൈൽസ്
- 1 year, 5 month, 17 days ago
നീണ്ടനാളത്തെ കാത്തിരിപ്പുകൾക്കൊടുവിൽ ഇന്ത്യയിലെ ഇലക്ട്രിക് സ്കൂട്ടർ വിപണിയിലേക്ക് പ്രവേശിക്കാൻ ഒരുങ്ങുകയാണ് ജാപ്പനീസ് ഇരുചക്ര വാഹന നിർമാതാക്കളായ സുസുക്കി. രാജ്യത്ത് കമ്പനിയുടെ ഏറ്റവും കൂടുതൽ വിറ്റഴിക്കപ്പെടുന്ന ആക്സസ് 125 ഗിയർലെസ് സ്കൂട്ടറിന്റെ ഇലക്ട്രിക് പതിപ്പുമായാണ് കമ്പനി നിശബ്ദ വിപ്ലവത്തിന് ഒരുങ്ങുന്നത്. 2025 ഓട്ടോ എക്സ്പോയിൽ പരിചയപ്പെടുത്തിയ ഇ-ആക്സസ് ഇതിനോടകം പലരുടേയും മനംകവർന്നിട്ടുണ്ടെന്ന് വേണം പറയാൻ. വമ്പൻ റേഞ്ച് കണക്കുകളോ ഫാൻസി ഡിസൈനോ ഒന്നുമില്ലാത്ത എന്നാൽ വിശ്വസിക്കാൻ കൊള്ളാവുന്ന സാധാരണക്കാർക്കായുള്ള ഇവിയായിരിക്കും ഇ-ആക്സസ്. ജൂണിൽ പുറത്തിറക്കാൻ പോവുന്ന വാഹനത്തിന്റെ വില കൂടിയറിനായി കാത്തിരിക്കുകയാണ് ആരാധകരിപ്പോൾ.