ഫീച്ചറുകളേക്കാൾ ആളുകൾ കൂടുതലായി സേഫ്റ്റിക്ക് പ്രാധാന്യം കൊടുക്കുന്നുണ്ട് ഇപ്പോൾ. സേഫ്റ്റിയുടെ കാര്യത്തിൽ ടാറ്റയെ വെല്ലാൻ ആരുമില്ല. ക്രാഷ് ടെസ്റ്റുകളിലും അല്ലാതെ റോഡിൽ സംഭവിക്കുന്ന അപടങ്ങളിലും യാത്രക്കാരെ സംരക്ഷിക്കുന്ന കാര്യത്തിൽ ടാറ്റ ഇപ്പോഴും മുന്നിൽ തന്നെയാണ്. ടാറ്റയുടെ ലൈനപ്പിലെ പല വാഹനങ്ങളും ക്രാഷ് ടെസ്റ്റിൽ ഫൈവ്സ്റ്റാർ നേടിയവരാണ്.ഫോക്‌സ്‌വാഗൺ പോളോ പിൻഭാഗത്ത് ഇടിച്ചതിന് ശേഷം ടാറ്റ നെക്‌സോൺ ഇവിയുടെ ഒരു വീഡിയോ ഇപ്പോൾ ഇന്റർനെറ്റിൽ വൈറലായിരിക്കുകയാണ്. ഒറ്റ ഇടിയിൽ തന്നെ ഫോക്സ്‌വാഗൺ പോളോയുടെ മുൻവശം തകർന്നിരിക്കുകയാണ്. ഹെഡ്‌ലൈറ്റ്, ബമ്പർ, ബോണറ്റ് എന്നിവ മുഴുവൻ കേടുപാടുകൾ സംഭവിച്ചിട്ടുണ്ട്. കൂടാതെ, മുൻവശത്തെ ഇടതുവശത്തെ ഹെഡ്‌ലൈറ്റും ബമ്പറും തകർന്നു.

ഒരിക്കലും അവസാനിക്കാത്ത ബന്ധമാണ് സ്വർണവും (Gold) മലയാളികളും തമ്മിലുള്ളത്. പവന് ദിനംപ്രതി വില കൂടുന്നുണ്ടെങ്കിലും പൊന്ന് വാങ്ങാതെ മലയാളിക്ക് കല്യാണം, നൂലുകെട്ട് പോലുളള്ള ആഘോഷ പരിപാരികളൊന്നും ഇല്ലെന്ന് വേണം പറയാൻ. അതിനാൽ ദിനംപ്രതി ഒരുപാട് ജ്വല്ലറി ഷോറൂമുകൾ ഇവിടെ ആരംഭിക്കുന്നുമുണ്ട്. കേരളീയരുടെ ഏറ്റവും ഇഷ്‌ടപ്പെട്ട സ്വർണ്ണക്കട ഏതെന്ന് ചോദിച്ചാൽ പലരും ആദ്യം പറയുന്ന പേര് ഭീമ ജ്വല്ലേഴ്‌സ് (Bhima Jewellers) എന്നാവും. മികച്ച പരസ്യങ്ങളിലൂടെ എല്ലാവരുടേയും മനസിലേക്ക് ഓടിക്കയറിയ ഇവർ സർവീസിന്റെ കാര്യത്തിലും സ്വർണത്തിന്റെ കാര്യത്തിലും പകരംവെക്കാനില്ലാത്തവരാണെന്ന് നിസംശയം പറയാം.

ലോകത്തെ ഏറ്റവും ആഡംബര തുളുമ്പുന്ന എസ്‌യുവികളില്‍ ഒന്നാണ് റേഞ്ച് റോവര്‍ ഓട്ടോബയോഗ്രഫി. അതുകൊണ്ടാണ് സമൂഹത്തിന്റെ ഉന്നത ശ്രേണിയിലുള്ള പ്രമുഖരുടെ ഗരാജുകളില്‍ ഈ ആഡംബര കാര്‍ ഇടം കണ്ടെത്തുന്നത്. സിനിമാ നടന്മാര്‍ക്കും ക്രിക്കറ്റ് താരങ്ങള്‍ക്കും രാഷ്ട്രീയക്കാര്‍ക്കും പ്രിയപ്പെട്ട എസ്യുവിയാണ് റേഞ്ച് റോവര്‍ ഓട്ടോബയോഗ്രഫി. ഈ ലക്ഷ്വറി എസ്‌യുവി 2022-ലാണ് ഇന്ത്യയിലെത്തിയത്. നാല് വേരിയന്റുകളിലും മൂന്ന് എഞ്ചിന്‍ ഓപ്ഷനുകളിലും രണ്ട് വീല്‍ബേസ് മോഡലുകളിലുമാണ് ബ്രിട്ടീഷ് ആഡംബര വാഹന നിര്‍മാതാക്കള്‍ ഈ കാര്‍ അവതരിപ്പിച്ചത്. ഇതിന് SE, HSE, ഓട്ടോബയോഗ്രഫി, ഫസ്റ്റ് എഡിഷന്‍ വേരിയന്റുകളും ലഭിക്കുന്നുണ്ട്.

ഇന്ത്യൻ വിപണിയിൽ അഡ്വഞ്ചർ മോട്ടോർസൈക്കിളുകൾക്ക് ഇത് നല്ലകാലമാണ്. ഹീറോ എക്‌സ്പൾസും റോയൽ എൻഫീൽഡ് ഹിമാലയനും പോലുള്ള മോഡലുകളെല്ലാം നന്നായി വിറ്റഴിഞ്ഞ് പോവുന്നുണ്ട്. മറുവശത്ത് ഇതേ സെഗ്മെന്റിൽ യെസ്‌ഡി അഡ്വഞ്ചർ, സുസുക്കി വി-സ്ട്രോം SX പോലുള്ള ചെറിയ മോഡലുകളും വിരാജിക്കുന്നുണ്ട്. പക്ഷേ ഇക്കൂത്തിൽ വേറിട്ടുനിൽക്കുന്നവരാണ് കെടിഎം 390 അഡ്വഞ്ചറും 250 അഡ്വഞ്ചറും. നന്നായി ടൂർ ചെയ്യാനും നല്ല പെർഫോമൻസ് തരാനും കഴിവുള്ള ചുരുക്കം ചില ADV മോഡലുകളിൽ ഒന്നാണിവ. ഇപ്പോഴിതാ രണ്ട് ബൈക്കുകളുടേയും പുതുപുത്തൻ ആവർത്തനങ്ങളെ വിപണിയിലെത്തിച്ചിരിക്കുകയാണ് ഓസ്ട്രിയൻ ഇരുചക്ര വാഹന നിർമാതാക്കളായ കെടിഎം.

ബാംഗ്ലൂര്‍ ആസ്ഥാനമായുള്ള ഇലക്ട്രിക് മോട്ടോര്‍സൈക്കിള്‍ നിര്‍മ്മാതാക്കളായ അള്‍ട്രാവയലറ്റ് ഇതുവരെ F77 മാക് 2 എന്ന ഒറ്റ വാഹനം മാത്രമാണ് വിപണിയില്‍ അവതരിപ്പിച്ചിട്ടുള്ളത്. റൈഡര്‍മാര്‍ F77 മാക് 2 മോഡലിന്റെ ഉയര്‍ന്ന ടോര്‍ക്ക് ലെവലുകളും അതിന്റെ ലുക്കും റേഞ്ചുമെല്ലാം നന്നായി ബോധിച്ചു. എന്നാല്‍ ചിലര്‍ റൈഡിംഗ് പൊസിഷന്‍ അല്‍പ്പം മുന്നോട്ട് ചാഞ്ഞതിനെ കുറിച്ച് പരാതി പറഞ്ഞു. ഇത് മനസ്സിലാക്കി അള്‍ട്രാവയലറ്റ് F77 മാക് 2-വിന്റെ കൂടുതല്‍ സ്ട്രീറ്റ് ഫോക്കസ്ഡ് പതിപ്പ് തയാറാക്കാന്‍ തുടങ്ങി.

കാറുകൾക്ക് മാത്രമല്ല ഇരുചക്ര വാഹനങ്ങളിലും ഇലക്ട്രിക് മയമാണ് നിറയുന്നത്. ഓല തങ്ങളുടെ കന്നി ഇലക്ട്രിക് മോട്ടോര്‍സൈക്കിളായ ഓല റോഡ്‌സ്റ്റര്‍ X പുറത്തിറക്കിയിരിക്കുകയാണ്. ഓല റോഡ്‌സ്റ്റര്‍ X എന്ന കന്നി മോഡലിലൂടെ തന്നെ ഓല ലക്ഷ്യം വെക്കുന്നത് ഇന്ത്യന്‍ കമ്മ്യൂട്ടര്‍ ബൈക്ക് വിപണിയിലെ കിരീടം വെക്കാത്ത രാജാവായ ഹീറോ സ്‌പ്ലെന്‍ഡറിനെയാണ്. റോഡ്‌സ്റ്ററിന്റെ എന്‍ട്രി ലെവല്‍ വേരിയന്റ് സ്‌പ്ലെന്‍ഡറിന്റെ അതേ വിലയിലാണ് വരുന്നത്. ഈ എന്‍ട്രി ലെവല്‍ X സീരീസില്‍ റോഡ്സ്റ്റര്‍ X , റോഡ്സ്റ്റര്‍ X പ്ലസ് എന്നിങ്ങനെ രണ്ട് മോഡലുകള്‍ കമ്പനി പുറത്തിറക്കിയിട്ടുണ്ട്. മോട്ടോര്‍സൈക്കിളിന്റെ പ്രാരംഭ എക്‌സ്-ഷോറൂം വില 89,999 രൂപയാണ്.

മഹീന്ദ്ര ആരാധകരുടെ കാത്തിരിപ്പിന് വിരാമമിട്ടു കൊണ്ട് പുതിയ ഇവി ചുണക്കുട്ടൻമാരായ BE 6, XEV 9e ഇവികളുടെ വില പ്രഖ്യാപിച്ചിരിക്കുകയാണ്. വില മാത്രമല്ല രണ്ട് വേരിയൻ്റുകൾ കൂടുതലായി ചേർത്തിട്ടുമുണ്ട്. 2025 ഫെബ്രുവരി 14 മുതൽ ഇവി എസ്‌യുവികൾ വേണ്ടിയുളള ബുക്കിംഗ് ആരംഭിക്കുമെന്നാണ് കമ്പനി പ്രഖ്യാപിച്ചിരിക്കുന്നത്. വലിയ രീതിയിലുളള ഡിമാൻ്റ് പ്രതീക്ഷിക്കുന്നത് കൊണ്ട് തന്നെ നിർമാണം ഘട്ടം ഘട്ടമായിട്ടായിരിക്കും നടത്തുക. അവതരിപ്പിച്ച സമയത്ത് മൂന്ന് വേരിയൻ്റുകളിലായിരുന്നു വാഹനം ലഭ്യമായിരുന്നത്. പാക്ക് 1,2,3 എന്നായിരുന്നു അത്. എന്നാൽ അതിനൊപ്പം രണ്ട് ഓപ്ഷനുകൾ കൂടി ചേർത്തു.

യൂത്തിന്റെ ഹരമായ ഇരുചക്ര വാഹന നിര്‍മാതാക്കളാണ് കെടിഎം. ഓസ്ട്രിയന്‍ വാഹന നിര്‍മാതാക്കള്‍ കടക്കെണിയിലാണെങ്കിലും അത് തങ്ങളുടെ ഇന്ത്യയിലെ പ്രവര്‍ത്തനങ്ങളെ ബാധിക്കില്ലെന്ന് പങ്കാളികളായ ബജാജ് അടുത്തിടെ വ്യക്തമാക്കിയിരുന്നു. ഇന്ത്യ ബൈക്ക് വീക്ക് 2024-ല്‍ പ്രദര്‍ശിപ്പിച്ച ശേഷം കെടിഎം പുതിയ അഡ്വഞ്ചര്‍ 390 റേഞ്ച് ഇന്ത്യന്‍ വിപണിയിലെത്തിച്ചു. 2025 കെടിഎം 390 അഡ്വഞ്ചര്‍ X, അഡ്വഞ്ചര്‍ എന്നീ രണ്ട് വേരിയന്റുകളിലാണ് എത്തുന്നത്. സ്റ്റാന്‍ഡേര്‍ഡ് വേരിയന്റിന് 3.68 ലക്ഷവും അഡ്വഞ്ചര്‍ X-ന് 2.9 ലക്ഷം രൂപയുമാണ് വില (എക്‌സ്-ഷോറൂം). കെടിഎം 390 അഡ്വഞ്ചറിന്റെ നിലവിലുള്ള മോഡലിന്റെ ടോപ്പ്-സ്‌പെക്ക് SW വേരിയന്റിനേക്കാള്‍ ഏകദേശം 4,000 രൂപ കൂടുതലാണ്.

ഇലക്‌ട്രിക് കാറുകളിലൂടെ ഇന്ത്യക്കാരുടെ മനംകവർന്നവരാണ് നമ്മുടെ സ്വന്തം എംജി മോട്ടോർസ്. കോമെറ്റ്, വിൻഡ്‌സർ ഇവി, ZS ഇവി തുടങ്ങിയ ബാറ്ററി വണ്ടികൾ വാങ്ങാൻ ഷോറൂമിൽ ആളുകളുടെ കൂട്ടയിടിയാണ്. എന്നിരുന്നാലും മറ്റ് ചില യമണ്ടൻ ICE എഞ്ചിൻ എസ്‌യുവികളും കമ്പനിയുടെ ആവനാഴിയിലുണ്ട് കേട്ടോ. ജനപ്രിയനായ ഹെക്‌ടർ മുതൽ അങ്ങ് ഗ്ലോസ്റ്റർ വരെ നീളുന്ന നിര ആരേയും മോഹിപ്പിക്കുന്നതാണ്. ഇക്കൂട്ടത്തിൽ ഏറ്റവും അണ്ടർറേറ്റഡ് ആയിട്ടുള്ള മോഡലാണ് ഗ്ലോസ്റ്റർ. ഫുൾ-സൈസ് എസ്‌യുവി വിഭാഗത്തിൽ ടൊയോട്ട ഫോർച്യൂണർ പോലുള്ള വമ്പൻമാരുമായി ഏറ്റുമുട്ടുന്ന വാഹനം മൊത്തത്തിൽ അടിപൊളിയാണ്.

ക്യാബ് അഗ്രിഗേറ്റര്‍മാരായ ഓല ഇലക്ട്രിക് വാഹന വിഭാഗത്തിലേക്ക് ചുവടുവെച്ചപ്പോള്‍ മൊത്തം സെഗ്‌മെന്റിന്റെ തന്നെ തലവര മാറിയതിന് നാം സാക്ഷ്യം വഹിക്കുകയാണ്. ഇന്ന് കേരളത്തിലെ നാട്ടിന്‍പുറങ്ങളില്‍ വരെ ഫ്യൂചറിസ്റ്റ് ലുക്കിലുള്ള ഓലയുടെ പച്ച നമ്പര്‍പ്ലേറ്റ് ഘടിപ്പിച്ച സ്‌കൂട്ടറുകള്‍ സുലഭമാണ്. ഓല (Ola Electric) വന്നതോടെ ഇലക്ട്രിക് സ്‌കൂട്ടറുകള്‍ ജനകീയമായി എന്നത് സത്യമാണ്. എന്നാല്‍ ഇലക്ട്രിക് മോട്ടോര്‍സൈക്കിള്‍ വിഭാഗം ഇപ്പോഴും ശൈശവദശയിലാണ്. ഇതിനും ഇനി മാറ്റം വരാന്‍ പോകുകയാണ്. കാരണം ഓല ഇന്ന് തങ്ങളുടെ കന്നി ഇലക്ട്രിക് മോട്ടോര്‍സൈക്കിളായ ഓല റോഡ്‌സ്റ്റര്‍ X പുറത്തിറക്കിയിരിക്കുകയാണ്.

കുട്ടിക്കാലം മുതൽ നമ്മുടെ എല്ലാവരുടേയും വലിയ സ്വപ്നങ്ങളിൽ ഒന്നായിരിക്കും ഒരു കാർ വാങ്ങുക എന്നത്. എന്നാൽ വലുതായി അതിനുള്ള പ്രാപ്തിയിലേക്ക് എത്തുമ്പോഴാണ് ഒരു കാർ സ്വന്തമാക്കുക എന്നത് ഉദ്ദേശച്ചതിലും ചെലവേറിയ പണിയാണ് എന്ന അപ്രിയമായ സത്യം നമ്മിൽ പലരും മനസിലാക്കുന്നത്. ഒരു കാർ ഓണർഷിപ്പിന്റെ വലിയൊരു ഭാഗമാണ് നികുതി എന്ന് ഇപ്പോൾ നമുക്ക് എല്ലാവർക്കും അറിയാം; എന്നിരുന്നാലും, നാം കഷ്ടപ്പെട്ട് വാങ്ങുന്ന കാറുകളുടെ വിലയുടെ 58 % സർക്കാരിന് നികുതിയായി നൽകുന്നു എന്ന് ഓർക്കുമ്പോൾ തന്നെ ഒരു ഞെട്ടലും വലിയ വിഷമവും ഉണ്ടാവും.

ഇലക്‌ട്രിക് സ്‌കൂട്ടർ വിഭാഗത്തിൽ ഓലയോടും അതുപോലെ തന്നെ ബബാജ്, ടിവിഎസ് തുടങ്ങിയ വമ്പൻ ഇരുചക്ര വാഹന നിർമാതാക്കളോടും ഓരുപോലെ മത്സരിക്കുന്ന കമ്പനിയാണ് ബെംഗളൂരു ആസ്ഥാനമായുള്ള ഏഥർ എനർജി. 450 സീരിസിനൊപ്പം ജനപിന്തുണയുമായി അവരുടെ ഏറ്റവും പുതിയ റിസ്‌ത എന്ന ഫാമിലി സ്‌കൂട്ടറും വിൽപ്പനയിൽ കരുത്തുകാട്ടുകയാണ്. ഇഷ്‌ടം പോലെ സ്ഥലം, വലിയ സീറ്റ്, നല്ല റേഞ്ച് ഇതെല്ലാം കുറഞ്ഞ വിലയ്ക്ക് കൊടുത്താണ് ഏഥർ ആളുകളെ ചാക്കിലാക്കിയതെന്ന് വേണം പറയാൻ. അടുത്തിടെ റിസ്‌തയുടെ വില വർധിപ്പിച്ച് വാങ്ങാനിരുന്നവരെ ഏഥർ എനർജി നിരാശപ്പെടുത്തുകയുണ്ടായി.

2024-25 യൂണിയൻ ബജറ്റ് അവതരിപ്പിച്ചതോടെ വാഹന വിപണിയുടെ ഇനിയുള്ള അവസ്ഥ എന്താകുമെന്ന ആശങ്ക എല്ലാവരിലുമുണ്ട്. കാരണം നികുതികളിൽ ഇളവ് വരുത്തകയും ഇവികളുടെ ബാറ്ററിക്ക് വില കുറച്ചതോടെ വിപണി ഒന്ന് കൂടി ഉഷാറാകുമെന്ന പ്രതീക്ഷയിലാണ് വാഹന നിർമാതാക്കൾ. ഈ ബജറ്റിലെ ഏറ്റവും പ്രധാനവും അത് പോലെ തന്നെ ജനങ്ങൾ നോക്കി കണ്ടതുമായ ഒരു കാര്യമാണ് ഞാൻ മുൻപ് സൂചിപ്പിച്ച ഇളവ്. പ്രതിവർഷം 12 ലക്ഷം രൂപ വരെ വരുമാനമുള്ള വ്യക്തികൾക്കും ബിസിനസുകൾക്കും നികുതി അടയ്ക്കേണ്ടതില്ല എന്നതാണ് പുതിയ ബജറ്റിൽ പറയുന്നത്.

ജനുവരിയില്‍ മൊത്തം 2 ലക്ഷത്തിലധികം കാറുകള്‍ വിറ്റഴിച്ച് മാരുതി സുസുക്കി 2025 കലണ്ടര്‍ വര്‍ഷത്തിന് ഗംഭീര തുടക്കമിട്ടിരിക്കുകയാണ്. കഴിഞ്ഞ കലണ്ടര്‍ വര്‍ഷം ഏതാനും മാസങ്ങളില്‍ ബെസ്റ്റ് സെല്ലര്‍ കാര്‍ പദവി മാരുതി മോഡലുകള്‍ക്ക് നഷ്മായിരുന്നു. മാത്രമല്ല 40 വര്‍ഷത്തിന് ശേഷം ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന കാര്‍ എന്ന ഖ്യാതി മാരുതി കാറുകള്‍ക്ക് നഷ്ടമാവുകയും ചെയ്തു. മാരുതിയുടെ ജനപ്രിയ മോഡലുകളെ പിന്തള്ളി ടാറ്റ പഞ്ച് ആയ് പോയ വര്‍ഷത്തിലെ ബെസ്റ്റ് സെല്ലര്‍ കാര്‍ ആയി മാറിയത്. എന്നാല്‍ ഈ വര്‍ഷം എന്ത് വില കൊടുത്തും അത് തിരിച്ചുപിടിക്കാനുള്ള ശ്രമത്തിലാണ് മാരുതി.

വമ്പൻ വിൽപ്പന കണക്കുകളുമായി മാരുതിയും ഹ്യുണ്ടായിയും മഹീന്ദ്രയും ടാറ്റയുമെല്ലാം പരസ്‌പരം മത്സരിക്കുമ്പോൾ ഇതെല്ലാം കണ്ടുനിൽക്കാൻ മാത്രമാണ് ഹോണ്ട എന്ന വമ്പന് ഇപ്പോൾ സാധിക്കുന്നുള്ളൂ. എങ്കിലും മാന്യമായ വിൽപ്പനയുമായി ഇന്ത്യക്കാരുടെ ജനപ്രിയനായി തുടരാൻ ഇന്നും ഈ ജാപ്പനീസ് വാഹന നിർമാതാക്കൾക്ക് സാധിക്കുന്നുണ്ടെന്നതാണ് രസകരമായ കാര്യം. ഇതിന് സഹായിക്കുന്നതാവട്ടെ പഴയ പടക്കുതിരകളായ സിറ്റിയും അമേസും തന്നെയാണ്. ഒപ്പം എലിവേറ്റ് എന്ന പുത്തൻ മിഡ്-സൈസ് എസ്‌യുവിയും മോശമാക്കാതെ കൂടെയുണ്ട്. വിൽപ്പന കൂട്ടാനായി ഇപ്പോഴിതാ ഹോണ്ട അടിപൊളി ഡിസ്‌കൗണ്ട് ഓഫറുകളുമായി മുമ്പോട്ട് വന്നിരിക്കുകയാണ്.

റെനോ ഇന്ത്യ വലിയ മാറ്റങ്ങൾക്ക് വേണ്ടി ഒരുങ്ങുകയാണ്. ഇനി റെനോയുടെ വരാനിരിക്കുന്നതായി മൂന്ന് മോഡലുകളാണ് ഉളളത്. അതിൽ പ്രധാനിയാണ് റെനോ ഡസ്റ്റർ. അത് കൊണ്ട് തന്നെ ഷോറൂമുകളും ഡീലർഷിപ്പുകളും ഇവരെ വരവേൽക്കുന്നതിന് വേണ്ടിയായിരിക്കും ഷോറൂമുകളെല്ലാം പുതുക്കി പണിയുന്നതെന്നാണ് തോന്നുന്നത്. ആർ സ്റ്റോർ എന്നാണ് പുതിയ പേര്. റെനോ ഇന്ത്യ തമിഴ്‌നാട്ടിലെ ചെന്നൈയിലെ അമ്പത്തൂരിൽ പുതിയതായി രൂപകൽപ്പന ചെയ്ത ആദ്യത്തെ ഡീലർഷിപ്പ്, പുതിയ 'ആർ സ്റ്റോർ' ഉദ്ഘാടനം ചെയ്തിരിക്കുകയാണ്. ലോഗോ പുതുക്കുകയും ചെയ്തിട്ടുണ്ട്. റെനോയുടെ പുതിയ ഡീലർഷിപ്പുകളുടെ പ്രധാന ഹൈലൈറ്റ് ആയി എടുത്തു പറയേണ്ടത് ഉൾഭാഗത്തെ തികച്ചും പുതിയതും, പുതുമയുള്ളതും ആക്കിയിട്ടുണ്ട് എന്നതാണ്.

ധനികരായ രാഷ്ട്രീയ നേതാക്കള്‍ക്ക് കുറവില്ലാത്ത ഒരു രാജ്യമാണ്. പണവും പവറും ഒരുമിച്ചുള്ള ആളുകള്‍ക്ക് സമൂഹത്തിലുണ്ടാകുന്ന വില പ്രത്യേകം പറയേണ്ടതില്ലെല്ലോ. രാഷ്ട്രീയത്തിലിറങ്ങി പണക്കാരായവരും സമ്പന്നനായ ശേഷം രാഷ്ട്രീയക്കാരായ ആളുകളുമുണ്ട്. അവരുടെ ഐഡന്റിറ്റികളില്‍ ഒന്ന് കൂടിയാണ് കാര്‍. അതുകൊണ്ട് തന്നെ തന്റെ സമ്പന്നരായ രാഷ്ട്രീയക്കാര്‍ കാറില്‍ വ്യത്യസ്തത പുലര്‍ത്താന്‍ ശ്രമിക്കാറുണ്ട്. ഇപ്പോള്‍ തെലങ്കാനയിലെ ഒരു എംഎല്‍എ ഇന്ത്യയില്‍ മറ്റാര്‍ക്കും ഇല്ലാത്ത ഒരു ആഡംബര കാര്‍ വാങ്ങി തലക്കെട്ടുകള്‍ സൃഷ്ടിക്കുകയാണ്. ഇന്ത്യയില്‍ നിലവില്‍ അധികാരത്തിലിരിക്കുന്ന പ്രായം കുറഞ്ഞ എംഎല്‍എയായ മൈനാമ്പള്ളി രോഹിത്താണ് (Mynampally Rohith) കക്ഷി.

മാരുതി സുസുക്കിയുടെ ജനപ്രിയ മോഡലാണ് ഫ്രോങ്ക്സ്. വിപണിയിൽ ബലേനോയ്ക്ക് മുകളിലും ബ്രെസ്സയ്ക്ക് താഴെയുമായി നിൽക്കുന്ന ഒരു ക്രോസ്ഓവറാണ് ഫ്രോങ്ക്സ്. 2023 ഓട്ടോ എക്‌സ്‌പോയിൽ കോംപാക്ട് എസ്‌യുവി കൂപ്പെ ആഗോള തലത്തിൽ മാരുതി സുസുക്കി അവതരിപ്പിച്ചു, അതിനു ശേഷം 2023 ഏപ്രിൽ 24 -നാണ് വാഹനം ഔദ്യോഗികമായി ലോഞ്ച് ചെയ്തത്. 'ഷേപ്പ് ഓഫ് ന്യൂ' സ്‌റ്റൈലിംഗ് ശൈലിയെ അടിസ്ഥാനമാക്കി, മാരുതി സുസുക്കി ഫ്രോങ്ക്‌സിന് നിലവിൽ ബേസ് മോഡലിന് 7.47 ലക്ഷം രൂപ വരെയാണ് എക്സ്-ഷോറൂം വില വരുന്നത്, റേഞ്ച്-ടോപ്പിംഗ് മോഡലിന് 13.14 ലക്ഷം രൂപ വരെ ഇത് ഉയരുന്നു.

പെട്രോൾ ബൈക്കുകളുടെ അന്തകനാവാൻ പിറവിയെടുത്തിരിക്കുകയാണ് ഓല ഇലക്‌ട്രിക് ബൈക്ക് (Ola Electric Bike). സ്‌കൂട്ടർ ഇഷ്‌ടമല്ലാത്തവരെ കൈയിലെടുക്കാൻ ബെംഗളൂരൂ ആസ്ഥാനമായുള്ള വൈദ്യുത വാഹന നിർമാതാക്കൾ കൊണ്ടുവന്നിരിക്കുന്നത് റോഡ്സ്റ്റർ X എന്ന മോഡലിനെയാണ്. രാജ്യത്തെ ഏറ്റവും വലിയ ഇലക്‌ട്രിക് ഇരുചക്ര വാഹന നിർമാതാക്കളിൽ നിന്നുമുള്ള എൻട്രി ലെവൽ മോട്ടോർസൈക്കിളിന് 74,999 രൂപയാണ് എക്സ്ഷോറൂം വില വരുന്നത്. അതായത് ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കമ്മ്യൂട്ടർ ബൈക്കായ ഹീറോ സ്പ്ലെൻഡറിന്റെ അതേ വിലയിലാണ് ഓല റോഡ്സ്റ്റർ X അവതരിപ്പിച്ചിരിക്കുന്നതെന്ന് സാരം.

സമീപ വര്‍ഷങ്ങളില്‍ ഇന്ത്യയില്‍ വൈദ്യുത വാഹന വില്‍പ്പനയില്‍ കുതിച്ച് ചാട്ടം ഉണ്ടായിട്ടുണ്ട്. 2025 കലണ്ടര്‍ വര്‍ഷത്തിലെ ആദ്യ മാസമായ ജനുവരിയിലും ഇന്ത്യയില്‍ ഇവി വില്‍പ്പനയില്‍ വളര്‍ച്ചയാണ് കാണാനായത്. ഉത്സവകാലമായിരുന്ന ഒക്‌ടോബറിന് ശേഷം ഈ സാമ്പത്തിക വര്‍ഷത്തില്‍ ഏറ്റവും കൂടുതല്‍ വില്‍പ്പന നേടിയ മാസമാണ് കഴിഞ്ഞ് പോയത്. പുതിയ ഇലക്ട്രിക് വാഹനങ്ങളുടെ വരവും പുതിയ മോഡലുകളുടെ വരവറിയിച്ച ഓട്ടോ എക്സ്പോയും ഇവി വില്‍പ്പനയെ സ്വാധീനിച്ചതായി കണക്കാക്കാം. ഏറെ പ്രതീക്ഷയോടെ കാത്തിരിക്കുന്ന മാരുതി സുസുക്കി ഇ-വിറ്റാര, ഹ്യുണ്ടായി ക്രെറ്റ ഇലക്ട്രിക് എന്നിവയുള്‍പ്പെടെയുള്ള കോംപാക്റ്റ് ഇലക്ട്രിക് എസ്‌യുവി വിഭാഗം വളരെയധികം പ്രതീക്ഷകള്‍ സൃഷ്ടിക്കുകയും ചെയ്തിട്ടുണ്ട്.

ബംഗ്ലൂരുവിലെ തിരക്കും ഓട്ടോ ചേട്ടൻമാരുടെ പാച്ചിലുമൊക്കെ വളരെ പ്രശസ്തമാണ്. മൈക്കിൾ ഷൂമാക്കറിനെ മനസിൽ ധ്യാനിച്ചാണ് ഓട്ടോ ചേട്ടൻമാർ രാവിലെ വണ്ടിയെടുക്കുന്നതെന്ന് പലപ്പോഴും തോന്നി പോകാറുണ്ട്. ഇനി അഥവാ വാഹനം എങ്ങാനും തട്ടിയാലും അതൊന്നും മൈൻഡ് ചെയ്യാതെ കൈ കൊടുത്ത് വണ്ടി പറപ്പിക്കും. തർക്കിക്കാൻ പോയാൽ ചിലപ്പോൾ നമ്മൾ അങ്ങോട്ട് കാശ് കൊടുക്കേണ്ടി വരും. ഇപ്പോൾ അത്തരത്തിലൊരു അവസ്ഥ വന്നിരിക്കുന്നത് ക്രിക്കറ്റ് ഇതിഹാസം രാഹുൽ ദ്രാവിഡിനാണ്. ബംഗ്ലൂരിവിലൂടെ പോകുമ്പോൾ അദ്ദേഹത്തിൻ്റെ ഹ്യുണ്ടായി ക്രെറ്റയിലേക്ക് ഒരു ഗുഡ്സ് ഓട്ടോ വന്നിടിക്കുകയായിരുന്നു. ഓട്ടോ ഡ്രൈവറുമായി ചെറിയൊരു തർക്കത്തിൽ ഏർപ്പെടുന്നുണ്ടെങ്കിലും പൊലീസ് ഇടപെടാതെ പരിഹരിക്കാൻ സാധിച്ചു.

രണ്ട് മൂന്ന് വർഷങ്ങൾക്ക് മുമ്പ് മലപ്പുറത്ത് (Malappuram) വൈറലായ മനോഹരമായ കൊട്ടാരം മലയാളികൾ അത്രവേഗമൊന്നും മറക്കാൻ ഇടയുണ്ടാവില്ല. ഒരേ കോംപൌണ്ടിൽ പണികഴിച്ചിപ്പിരിക്കുന്ന മൂന്ന് മണിമാളികകളുടെ സൌന്ദര്യം ഇന്നും യൂട്യൂബിൽ കയറി പലരും ആസ്വദിക്കുന്നുമുണ്ടാവും. പ്രമുഖ വ്യവസായി കുടുംബമായ എംഎംഎച്ച് ഗ്രൂപ്പിലെ (MMH Group) മൂന്ന് സഹോദരൻമാരുടേതായിരുന്നു ഈ വലിയ വീടുകൾ. 21000 സ്ക്വയർഫീറ്റിൽ പണികഴിപ്പിച്ച മനോഹരമായ ഭവനം മാത്രമല്ല, ആരേയും മോഹിപ്പിക്കുന്ന ആഡംബര കാറുകളുടെ വലിയ ശേഖരമാണ് ഇവരുടെ മുറ്റത്തുള്ളത്. ഇക്കൂട്ടത്തിലേക്ക് ഇപ്പോഴിതാ പുതിയൊരു അതിഥി കൂടി വന്നെത്തിയിരിക്കുകയാണ്.

പുറത്തിറങ്ങിയ അന്ന് മുതല്‍ എന്‍ട്രി ലെവല്‍ സൂപ്പര്‍സ്പോര്‍ട്ട് വിഭാഗത്തില്‍ വേറിട്ട് നില്‍ക്കുന്ന ഒരു ബൈക്കാണ് യമഹ R15. ഒരുകാലത്ത് നയന്റീസ് കിഡ്‌സിന്റെയെല്ലാം സ്വപ്‌നത്തിലുണ്ടായിരുന്ന ബൈക്ക്. പതിനാറ് വര്‍ഷത്തിലേറെയായി യമഹ R15 അതിന്റെ ക്ലാസില്‍ മുന്‍പന്തിയില്‍ തുടരുകയാണ്. 2008-ല്‍ പുറത്തിറക്കിയ ഈ ബൈക്ക്, എന്‍ട്രി ലെവല്‍ പെര്‍ഫോമന്‍സ് ബൈക്കുകളില്‍ ലിക്വിഡ്-കൂള്‍ഡ് എഞ്ചിന്‍, ഡെല്‍റ്റബോക്‌സ് ഫ്രെയിം തുടങ്ങിയ പുതുമകള്‍ കൊണ്ടുവന്നു. കാലികമായ അപ്‌ഡേറ്റുകളിലൂടെ ബൈക്ക് കൂടുതല്‍ പ്രസക്തവും മത്സരക്ഷമതയുള്ളതുമായി നിലനിര്‍ത്താന്‍ കമ്പനിക്കായി. ഇപ്പോള്‍ യമഹ മോട്ടോര്‍ ഇന്ത്യ R15 ബൈക്കിലൂടെ ശ്രദ്ധേയമായ ഒരു നേട്ടം കൈവരിച്ചു. 10 ലക്ഷം ഉത്പാദന നാഴികക്കല്ല് പിന്നിട്ടതാണ് അത്.

ഇന്ത്യയിലെ കോംപാക്‌ട് സെഡാൻ സെഗ്മെന്റിലെ കിങായ മാരുതി സുസുക്കി ഡിസയറിന്റെ ഏറ്റവും വലിയ എതിരാളിയാണ് ഹോണ്ട അമേസ്. പെട്രോളിലും ഡീസലിലും എല്ലാം ലഭ്യമായിരുന്നപ്പോൾ ഇന്ത്യക്കാരെ കൈയിലെടുത്തിരുന്ന മോഡലിന് ഇപ്പോൾ പഴയ പ്രതാപമില്ലെങ്കിലും രാജ്യത്തെ ഏറ്റവും താങ്ങാനാവുന്ന വിലയുള്ള ADAS ഫീച്ചറുള്ള കാറാണ് അമേസ് ഇന്ന്. ഡീസലിനെ ഒഴിവാക്കി പൂർണമായും പെട്രോളിലേക്ക് ഒതുങ്ങിക്കൂടിയ വാഹനം അടുത്തിടെ മുഖംമിനുക്കി വിപണിയിൽ എത്തിയിരുന്നു. V, VX, ZX എന്നിങ്ങനെ മൂന്ന് വേരിയന്റുകളിൽ എത്തുന്ന പുത്തൻ ഹോണ്ട അമേസിന് 8 ലക്ഷം മുതൽ 10.90 ലക്ഷം രൂപ വരെയായിരുന്നു എക്സ്ഷോറൂം വിലയും നിശ്ചയിച്ചിരുന്നത്.

സെലിബ്രിറ്റികൾ ചോദിച്ച് വാങ്ങുന്ന വാഹനം ഏതാണ് എന്ന ചോദ്യത്തിൻ്റെ ഉത്തരമാണ് ലാൻഡ് റോവർ ഓട്ടോബയോഗ്രഫി എന്നത്. സോഷ്യൽ മീഡിയയിൽ പലപ്പോഴും കാണാറുള്ളതാണ് ഏതെങ്കിലും ഒരു സെലിബ്രിറ്റിയോ ബിസിനസുകാരനോ ലാൻഡ് റോവർ മോഡലുകൾ ഡെലിവറി എടുക്കുന്നത്. ഇപ്പോൾ സോഷ്യൽ മീഡിയയിൽ വൈറലായിരിക്കുന്നത് ബോളിവുഡിൻ്റെ ഹോട്ട് ഗേളായ അന്യ പാണ്ഡെയാണ്. സാധാരണ വേഷം ധരിച്ച് താരം വന്നിറങ്ങുന്ന വീഡിയോ ആണ് പങ്കുവച്ചിരിക്കുന്നത്. അംബാനി സ്കൂളിൽ വിദ്യാഭ്യാസത്തിന് ശേഷം സിനിമയിലേക്ക് ചുവടുവച്ച താരം കുറച്ച് കാലങ്ങൾ കൊണ്ട് തന്നെ മൂന്ന് കോടി വരെ പ്രതിഫലം വാങ്ങുന്ന അവസ്ഥയിലേക്ക് എത്തിപ്പെട്ടു.