ഹോണ്ടയും നിസാനും കൂട്ടായി എന്ന് കുറച്ച് ദിവസങ്ങൾക്ക് മുൻപാണ് റിപ്പോർട്ടുകൾ പുറത്ത് വന്നത് , എന്നാൽ ഇപ്പോൾ ഞെട്ടിക്കുന്ന വാർത്തകളാണ് പുറത്ത് വരുന്നത്. എതിരാളിയായ ഹോണ്ടയുമായുള്ള ലയന ചർച്ചകളിൽ നിന്ന് നിസ്സാൻ പിന്മാറുകയാണെന്ന് തരത്തിലുളള വാർത്തകളാണ് ഇപ്പോൾ പുറത്ത് വരുന്നത്. ഹോണ്ടയുമായുള്ള ലയന ചർച്ചകൾ തകർന്നതിനെത്തുടർന്ന് നിസ്സാൻ പുതിയ പങ്കാളികളുമായി പ്രവർത്തിക്കാൻ തയ്യാറാണെന്നുളള സൂചനകളാണ് ഇപ്പോൾ വൈറലായിരിക്കുന്നത്. 2026 ഓഗസ്റ്റിൽ ഒരു ഹോൾഡിംഗ് കമ്പനി സ്ഥാപിക്കുന്നതോടെ ഈ ലയനം ഔപചാരികമാക്കാൻ ആയിരുന്നു കമ്പനികളുടെ പദ്ധതി. ഈ ലയനവും അതിന്റെ ഭാഗമായ കമ്പനിയും പ്രവർത്തനക്ഷമമായാൽ, സംയോജിത വിൽപ്പന 191 ബില്യൺ ഡോളറിൽ (ഏകദേശം 1.62 ലക്ഷം കോടി രൂപ) എത്തും എന്നായിരുന്നു കമ്പനികളുടെ പ്രതീക്ഷ.

രണ്ടാം പിണറായി സർക്കാരിന്റെ അവസാന സമ്പൂർണ ബജറ്റ് അവതരണം അവസാനിക്കുമ്പോൾ വണ്ടിഭ്രാന്തൻമാരെ നിരാശപ്പെടുത്തുന്ന തീരുമാനങ്ങളാണ് പുറത്തുവരുന്നത്. വാഹനങ്ങളുടെ വില അനുസരിച്ച് ഇവികളുടെ നികുതിയിൽ മാറ്റം വരുത്തുന്നത് ഉൾപ്പടെ വാഹന മേഖലയുമായി ബന്ധപ്പെട്ട നിരവധി പ്രഖ്യാപനങ്ങളാണ് ഇത്തവണത്തെ ബജറ്റ് പ്രസംഗത്തിലുണ്ടായിരുന്നത്. തദ്ദേശ തിരഞ്ഞെടുപ്പ് പശ്ചാത്തലത്തില്‍ ജനകീയ പ്രഖ്യാപനങ്ങള്‍ പ്രതീക്ഷിച്ചാണ് ജനം കാത്തിരുന്നതെങ്കിലും വാഹന ഉടമകൾക്ക് സന്തോഷിക്കാനാവുന്ന കാര്യങ്ങളൊന്നും ഇത്തവണയുണ്ടായില്ല. 15 വര്‍ഷം കഴിഞ്ഞ വാഹനങ്ങൾക്ക് 50 ശതമാനം നികുതി വര്‍ധിപ്പിക്കാൻ സര്‍ക്കാര്‍ തീരുമാനിച്ചതാണ് ഇതിൽ ഏറ്റവും പ്രധാനം.

ഇലക്ട്രിക് വാഹന വിപണി ദിനം പ്രതി വളർന്നുകൊണ്ടിരിക്കുകയാണ്. എല്ലാ വാഹന നിർമാതാക്കളും വിപണിയിൽ മത്സരത്തിന് വേണ്ടി പുതിയ മോഡലുകൾ അവതരിപ്പിക്കാൻ നിർബന്ധിതരാകുന്നുണ്ട്. അത്തരത്തിൽ ജർമൻ വാഹന ഭീമൻമാരായ ഫോക്സ്‌വാഗൺ ഇലക്ട്രിക് വാഹന സെഗ്മെൻ്റിലേക്ക് ചുവടുവയ്ക്കാൻ പോകുകയാണ് എന്ന തരത്തിലുളള വാർത്തകൾ പുറ്ത് വരുന്നുണ്ട്. 2027 എത്തുമ്പോഴേക്കും പ്രൊഡക്ഷൻ മോഡൽ അവതരിപ്പിക്കാനാണ് കമ്പനി പദ്ധതിയിടുന്നത്. സ്കേലബിൾ സിസ്റ്റംസ് പ്ലാറ്റ്‌ഫോമിൽ (SSP) നിർമ്മിക്കുന്ന പുതിയ ഇലക്ട്രിക് വാഹനം 2025 മാർച്ചിൽ അതിന്റെ കൺസെപ്റ്റ് രൂപത്തിൽ വെളിപ്പെടുത്തുമെന്നാണ് കമ്പനി അറിയിച്ചിരിക്കുന്നത്.

ലോകത്തിലെ തന്നെ ഏറ്റവും വലിയ ഇരുചക്ര വാഹന വിപണിയാണ് ഇന്ത്യ. ആഭ്യന്തര ബ്രാന്‍ഡുകള്‍ മുതല്‍ ലോകോത്തര ബ്രാന്‍ഡുകള്‍ വരെ ഇന്ത്യയില്‍ ഉല്‍പ്പന്നങ്ങള്‍ വിപണനം ചെയ്യുന്നു. ഒരു ഇന്ത്യന്‍ കമ്പനിയാണ് ഇവിടെ ഒന്നാം സ്ഥാനം അലങ്കരിക്കുന്നത്. അത് മറ്റാരുമല്ല ഹീറോ മോട്ടോകോര്‍പ്പാണ് (Hero MotoCorp). ഹീറോയും മുന്‍പങ്കാളിയായ ഹോണ്ടയും (Honda Motorcycles) തമ്മിലാണ് ആഭ്യന്തര വിപണിയില്‍ ഒന്നാം സ്ഥാനത്തിനായി കടുത്ത യുദ്ധം നടക്കുന്നത്. എന്നാല്‍ കയറ്റുമതിയുടെ കാര്യത്തില്‍ ഹീറോ, ഹോണ്ട എന്നീ കമ്പനികളെ പിന്നിലാക്കി മറ്റൊരു കമ്പനിയാണ് ഒന്നാമത്. അത് ഏതാണെന്ന് നമുക്ക് വിശദമായി പരിശോധിക്കാം.

ലോകത്തിന് മുമ്പിലേക്ക് അഭിമാന പുരസ്ക്കരം സമർപ്പിക്കാനാവുന്ന മെയ്‌ഡ് ഇൻ ഇന്ത്യ ഇലക്‌ട്രിക് എസ്‌യുവികളാണ് (Electric SUV) മഹീന്ദ്ര അടുത്തിടെ പുറത്തിറക്കിയ XEV 9e. ലോകോത്തര വാഹന നിർമാതാക്കളെ പോലും വിസ്മയിപ്പിച്ചുകൊണ്ട് മികവുറ്റ ഡിസൈനിൽ പണികഴിപ്പിച്ചിരിക്കുന്ന മോഡൽ ഇതിനോടകം പലരുടേയും ഡ്രീം കാറുകളിൽ ഒന്നായി മാറിയിട്ടുണ്ടെന്ന് വേണം പറയാൻ. അടുത്തിടെ XEV 9e ഇവിയുടെ വില പ്രഖ്യാപനത്തിലൂടെ വിസ്‌മയിപ്പിക്കാനും മഹീന്ദ്ര ആൻഡ് മഹീന്ദ്രയ്ക്കായി (Mahindra And Mahindra) എന്നുവേണം പറയാൻ. ഇതിനൊപ്പം BE 6 എന്ന കൊച്ചുസുന്ദരനേയും കമ്പനി അവതരിപ്പിച്ചിരുന്നു.

രാജ്യത്ത് ഏറ്റവും കൂടുതല്‍ പണം സമ്പാദിക്കുന്നവര്‍ ബിസിനസുകാരും സിനിമാ താരങ്ങളുമാണ്. ഇന്ത്യയിലെ ഏറ്റവും സമ്പന്നയായ നടിമാരുടെ പട്ടികയെടുത്താല്‍ അതില്‍ മുന്നില്‍ നില്‍ക്കുന്ന നടി മലയാളികള്‍ക്ക് സുപരിചിതയാണ്. എന്നാല്‍ അവര്‍ ഒരു മലയാളിയല്ല കേട്ടോ. ഫാസില്‍ സംവിധാനം ചെയ്ത് മലയാളത്തിന്റെ അഭിമാന താരങ്ങളായ മമ്മൂട്ടിയും മോഹന്‍ലാലും തകര്‍ത്ത് അഭിനയിച്ച് ഹരികൃഷ്ണന്‍സിലെ നായികയായ മീരയെ ആരും മറന്ന് കാണില്ല. മീരയുടെ വേഷം അഭിനയിക്കാന ഫാസില്‍ ബോളിവുഡിലെ അക്കാലത്തെ വിലപിടിപ്പുള്ള താരമായ ജൂഹി ചൗളയെയാണ് കൊണ്ടുവന്നത്. ആ ഒറ്റ സിനിമ കൊണ്ട് ജൂഹി ചൗള മലയാള നാടിന്റെയും ഇഷ്ടം നേടി.

രാജ്യത്ത് ഏത് വാഹനം അവതരിപ്പിച്ചാലും വലിയ താമസമില്ലാതെ തന്നെ അത് കേരളത്തിലെ വഴികളിൽ കാണാന സാധിക്കും. കാരണം കേരളത്തിലെ വാഹനപ്രേമികളുടെ എണ്ണം വളരെ കൂടുതലാണ് എന്നത് കൊണ്ടാണ്. അത്തരത്തിലൊരു വാഹനത്തിൻ്റെ ആദ്യ ഡെലിവറി വീഡിയോ ആണ് നിങ്ങളുടെ ശ്രദ്ധയിലേക്ക് കൊണ്ടുവരുന്നത്. ഓട്ടോ എക്സ്പോയിൽ ആഡംബര ബ്രാൻഡായ ബിഎംഡബ്ല്യു തങ്ങളുടെ 49 ലക്ഷം രൂപ എക്സ്-ഷോറൂം വില പ്രഖ്യാപിച്ച് BMW iX1 ലോംഗ് വീൽബേസ് ഓൾ ഇലക്ട്രിക് പുറത്തിറക്കിയിരുന്നു. ബിഎംഡബ്ല്യു എക്സ്1 ലോംഗ് വീൽബേസ് ഓൾ ഇലക്ട്രിക് ഒരു മികച്ചതും ആധുനികവുമായ ഡിസൈൻ തന്നെയാണ് പ്രദർശിപ്പിക്കുന്നത്.

കോമഡി പറഞ്ഞ് തുടങ്ങി ഉയരങ്ങളിലെത്തിയ രമേശ് പിഷാരഡിയെ മലയാളികൾക്ക് എത്രമേൽ പ്രിയങ്കരമാണോ അതുപോലെയാണ് ഹിന്ദി ഭാഷ സംസാരിക്കുന്നവർക്ക് കപിൽ ശർമ്മ. കൊമേഴ്‌സ്യൽ ആർട്‌സും കമ്പ്യൂട്ടറും ഒക്കെ പഠിച്ചശേഷം ജീവിതത്തിൻ്റെ രണ്ടറ്റവും കൂട്ടിമുട്ടിക്കാൻ നാടകം പഠിപ്പിക്കാൻ തുടങ്ങിയ കക്ഷി ഇന്ന് ഏറ്റവും കൂടുതല്‍ പ്രതിഫലം വാങ്ങുന്ന ടിവി താരമാണ്. ഏറ്റവും മോശം അവസ്ഥയില്‍ നിന്ന് പ്രശസ്തിയുടെ കൊടുമുടിയിലേക്ക് നടന്ന് കയറിയ കലാകാരനെ അറിയാത്ത ഇന്ത്യക്കാർ തന്നെ കുറവാണ്. അവതാരകനും കൊമേഡിയൻ എന്ന നിലയിൽ കോടികൾ പ്രതിഫലം വാങ്ങുന്ന കപിൽ ദി ഗ്രേറ്റ് ഇന്ത്യന്‍ ലാഫര്‍ ചലഞ്ച് എന്ന ടിവി ഷോയിലൂടെയാണ് ശ്രദ്ധനേടുന്നത്.

ലോകോത്തര ഇലക്ട്രിക് വാഹന നിര്‍മ്മാതാക്കളാണ് ബില്‍ഡ് യുവര്‍ ഡ്രീംസ് (BYD). എസ്‌യുവി, സെഡാന്‍, എംപിവി ബോഡിടൈപ്പുകളിലായി ഇതുവരെ മൂന്ന് ഇവികളാണ് ചൈനീസ് കമ്പനി ഇന്ത്യന്‍ വിപണിയില്‍ എത്തിക്കുന്നത്. തങ്ങളുടെ ചില ഗ്ലോബല്‍ മോഡലുകള്‍ അവര്‍ 2025 ഓട്ടോ എക്‌സ്‌പോയില്‍ പ്രദര്‍ശിപ്പിച്ചിരുന്നു. അക്കൂട്ടത്തില്‍ ഒന്ന് ഇപ്പോള്‍ ഇന്ത്യന്‍ നിരത്തുകളില്‍ പരീക്ഷണയോട്ടം നടത്തുന്നതിനിടെ ക്യാമറക്കണ്ണുകളില്‍ പതിഞ്ഞിരിക്കുകയാണ്. ഉടന്‍ വില്‍പ്പനയ്ക്കെത്തുമെന്ന് കരുതുന്ന സീലയണ്‍ 6 കാര്‍ മോഡലാണ് നിലവില്‍ പരീക്ഷണയോട്ടം നടത്തിക്കൊണ്ടിരിക്കുന്നത്. ഇതോടെ അധികം വൈകാതെ തന്നെ സീലയണ്‍ ഇന്ത്യയില്‍ വില്‍പ്പനക്കെത്തുമെന്ന് പ്രതീക്ഷിക്കാം. ഈ കാറിനെ കുറിച്ച് വിശദമായി അറിയാം.

ടൊയോട്ടയും മാരുതി സുസുക്കിയും തമ്മിലുള്ള പങ്കാളിത്തം ഇന്ത്യയിൽ കാര്യമായ വിറ്റുവരാണ് നേടുന്നത്. ബലേനോ ഗ്ലാൻസ ആയപ്പോഴും ബ്രെസ അർബൻ ക്രൂയിസറായപ്പോഴും എർട്ടിഗ റൂമിയോൺ ആയപ്പോഴും ടൊയോട്ട കാശുവാരുകയായിരുന്നു. റീബാഡ്‌ജിംഗ് ആണെന്നറിഞ്ഞിട്ടും ടൊയോട്ടയുടെ എംബ്ലമുള്ള വണ്ടികൾ വാങ്ങാൻ ഇന്ത്യക്കാർ മത്സരിക്കുകയായിരുന്നു. എന്നാൽ ടൊയോട്ടയുടെ ഒരു വണ്ടി എപ്പോഴാണ് മാരുതിയുടെ കുപ്പായമിട്ട് വരുന്നതെന്നായിരുന്നു പലരുടേയും ചോദ്യം. ഇന്നോവയുടെ ഏറ്റവും പുതിയ പതിപ്പായ ഹൈക്രോസ് അവതരിപ്പിച്ചപ്പോൾ ഫാൻസിന് അതിനുള്ള ഉത്തരവും കിട്ടി. അങ്ങനെ മാരുതിയുടെ പ്രീമിയം കാർ എന്ന ബഹുമതിയോടെ ഇൻവിക്റ്റോ പ്രതിഷ്ഠിക്കപ്പെട്ടു.

യുവാക്കളിൽ പ്രത്യേകിച്ച് കമിതാക്കൾ ഏറെ കാത്തിരിക്കുന്ന ദിവസമാണ് ഫെബ്രുവരി 14 വാലൻ്റൈൻസ് ഡേ. ഇഷ്ടം തുറന്ന് പറയാൻ ഒരു വെറൈറ്റിക്ക് ട്രിപ്പ് അടിച്ചാലോ. എപ്പോൾ യാത്ര പോകുമ്പോഴും ശ്രദ്ധിക്കേണ്ട കാര്യങ്ങളുണ്ട്. അത് കാറിലാണെങ്കിലും ബൈക്കിലാണെങ്കിലും അങ്ങനെ തന്നെ. ഏറെ ഇഷ്ടപ്പെടുന്ന വ്യക്തിയോടൊപ്പം യാത്രയ്ക്ക് തയ്യാറെടുക്കുമ്പോൾ ആദ്യം ചെയ്യേണ്ടത് വളരെ നയനമനോഹരമായ ഒരു സ്ഥലം തെരഞ്ഞെടുക്കുക എന്നതാണ് ആദ്യം ചെയ്യേണ്ടത്. മഞ്ഞുമൂടിയ കാടുകൾ, തീരദേശ റോഡുകൾ, അല്ലെങ്കിൽ തടാകക്കരയിലെ പാതകൾ എന്നിങ്ങനെ പ്രണയത്തെ ഉണർത്തുന്ന പ്രകൃതി മനോഹരമായ റൂട്ടുകൾ തെരഞ്ഞെടുക്കുക.

ടൂർ പോകാനും ട്രിപ്പടിക്കാനും താൽപ്പര്യമില്ലാത്തവരായി ആരും തന്നെ കാണില്ല. ചിലർക്ക് ഒറ്റയ്ക്ക് പോകാനായിരിക്കും താൽപ്പര്യമെങ്കിൽ കൂടുതൽ പേർക്കും എല്ലാവരേയും കൂടെ കൂട്ടി യാത്ര ചെയ്യാനായിരിക്കും ഇഷ്ടം. ജീവിതത്തിലെ ആദ്യത്തെ വിനോദയാത്ര പലപ്പോഴും സ്കൂളിൽ നിന്നോ കോളേജിൽ നിന്നോ ആയിരിക്കും. പക്ഷേ ഇന്നത്തെ കാലത്ത് 2k കിഡ്സ് ഒക്കെ പിറന്ന വീഴുമ്പോൾ തന്നെ മാതാപിതാക്കളുടെ കൂടെ വിദേശയാത്രകളും റോഡ് ട്രിപ്പുകളും പോകുന്ന വീഡിയോകൾ സോഷ്യൽ മീഡിയയിൽ കാണുന്നതാണല്ലോ. ഇപ്പോൾ നിങ്ങളുടെ ശ്രദ്ധയിലേക്ക് കൊണ്ടുവരുന്നത് ഒരു തുളളൽ വീഡിയോ ആണ്. ആരാണെന്നും എന്താണെന്നും അറിയാൻ വേണ്ടി തുടർന്ന് വായിക്കാൻ മറക്കരുതേ. നിങ്ങൾക്ക് ഇഷ്ടപ്പെടുന്ന കാര്യത്തിൽ ഉറപ്പാണ്.

ആഡംബര വാഹനങ്ങൾ സ്വന്തമാക്കി ചെറിയ അഹങ്കാരത്തോടെ യാത്ര ചെയ്യുന്ന പലരേയും കാണാൻ സാധിക്കും, ചിലപ്പോഴൊക്കെ ഒരു സഹായത്തിന് വേണ്ടി ആവശ്യപ്പെട്ടാൽ വാഹനം ഒന്ന് നിർത്താനുളള മനസ് പോലും കാണിക്കാറില്ല. എല്ലാവരുടേയും കാര്യമല്ല കേട്ടോ. ഓരോ തിരക്കുകളിൽ പെട്ട് ലോകം ഓടിക്കൊണ്ടിരിക്കുകയാണ്. എന്നാൽ സോഷ്യൽ മീഡിയയിൽ വൈറലായിരിക്കുന്ന ഒരു വീഡിയോ ആണ് നിങ്ങളുടെ ശ്രദ്ധയിലേക്ക് കൊണ്ടുവരികയാണ്. തിരക്കിട്ട ട്രാഫിക്കിൽ ഒരു സെക്കൻഡ് പോലും പാഴാക്കാൻ താൽപ്പര്യപ്പെടുന്നില്ല. അപ്പോഴാണ് ബിഎംഡബ്ല്യുവിൽ വന്നിറങ്ങിയ മനുഷ്യൻ റോഡിൽ ഉപേക്ഷിക്കപെട്ട ഒരു പൂച്ചക്കുഞ്ഞിനെ രക്ഷിക്കുന്നത്.

എസ്‌യുവികളെ ഇന്ത്യക്കാർക്കിടയിൽ ഫെയ്‌മസാക്കാൻ കാരണക്കാരയവരിൽ പ്രധാനിയാണ് എംജി മോട്ടോർസ് (MG Motor). ഹെക്‌ടറും ആസ്റ്ററും ഗ്ലോസ്റ്ററുമെല്ലാം വന്ന മനംമയക്കിയപ്പോൾ ഷോറൂമിലെത്തിയവരാണ് നമ്മളിൽ പലരും. ഇപ്പോൾ എംജി ഇലക്ട്രിക് കാറുകളിലൂടെയാണ് പണംവാരുന്നതെങ്കിലും ICE എഞ്ചിൻ മോഡലുകൾ വാങ്ങാനും ആളുകളെത്തുന്നുണ്ട്. ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് തുടങ്ങിയ വാഹനങ്ങൾക്കിടയിൽ പെട്ടുപോയ നല്ലൊരു മിഡ്-സൈസ് എസ്‌യുവിയാണ് ആസ്റ്റർ. AI ഫീച്ചറുകൾ മുതൽ ADAS വരെ താങ്ങാനാവുന്ന വിലയിൽ നമുക്ക് സമ്മാനിച്ച ആസ്റ്ററിനെ പലരും വേണ്ടവിധത്തിൽ പരിഗണിക്കാത്തത് നിരാശാജനകമാണ്.

പൊതുജനങ്ങള്‍ക്കിടയില്‍ മാത്രമല്ല സിനിമാ താരങ്ങള്‍ക്കിടയിലും ഇലക്ട്രിക് വാഹനങ്ങള്‍ക്ക് നല്ല സ്വീകാര്യത ലഭിക്കുന്നുണ്ട്. സിനിമാ താരങ്ങളല്ലേ അവര്‍ ഇലക്ട്രിക് കാറുകള്‍ ആയിരിക്കും വാങ്ങുന്നതെന്ന് ചിന്തിക്കുന്നവര്‍ക്ക് തെറ്റി. കുറഞ്ഞ വിലയുള്ള ഇലക്ട്രിക് സ്‌കൂട്ടറുകള്‍ക്കും സെലിബ്രിറ്റികള്‍ക്കിടയില്‍ പ്രചാരമേറുകയാണ്. ഇത് തെളിയിച്ച് കൊണ്ട് നമ്മുടെ അയല്‍ സംസ്ഥാനമായ കര്‍ണാടകയില്‍ ഒരു സിനിമാ നടി ടിവിഎസിന്റെ ഇലക്ട്രിക് സ്‌കൂട്ടര്‍ വാങ്ങിയിട്ടുണ്ട്. ഡബ്ബിംഗ് ആര്‍ട്ടിസ്റ്റ്, ടിവി സീരിയല്‍ നടി, സിനിമാ നടി തുടങ്ങിയ മേഖലകളില്‍ ശ്രദ്ധേയയായ സുനേത്ര പണ്ഡിറ്റ് ആണ് പുതിയ ഇലക്ട്രിക് ഇരുചക്ര വാഹനം വാങ്ങിയത്. ടിവിഎസിന്റെ ജനപ്രിയ ഇവിയായ ഐക്യൂബ് സെലിബ്രിറ്റികള്‍ക്കിടയിലും ജനപ്രിയമാകുന്നുവെന്നതിന്റെ തെളിവാണിത്.

ലോകത്തിലെ ഏറ്റവും സമ്പന്നരായ കുടുംബങ്ങളിൽ ഒന്നാണ് അംബാനി കുടുംബം എന്നത് നമുക്ക് ഏവർക്കും അറിയാം. മുഴുവൻ അംബാനി കുടുംബവും തങ്ങളുടെ വലുതും ചെറുതുമായ യാത്രകളിൽ ഉയർന്ന സുരക്ഷ ആസ്വദിക്കുന്നുമുണ്ട്. ഇന്ത്യയിലെ ഏറ്റവും വിലയേറിയ ഗാരേജുകളിൽ ഒന്ന് അംബാനിമാരുടെ ഉടമസ്ഥതയിലാണ് എന്നതും ശ്രദ്ധേയമാണ്. തങ്ങളുടെ സുരക്ഷാ (സേഫ്റ്റി) വാഹനവ്യൂഹത്തിൽ പോലും വിലകൂടിയ കാറുകളും എസ്‌യുവികളുമാണ് ഉൾപ്പെടുത്തിയിരിക്കുന്നത്. അടുത്തിടെ, മുകേഷ് അംബാനിയുടെ മകൻ അനന്ത് അംബാനി തന്റെ റോൾസ് റോയ്‌സ് കലിനനിൽ സഞ്ചരിക്കുന്നതായി കാണപ്പെട്ടു, അതോടൊപ്പം നിരവധി ആഡംബര കാറുകളും എസ്‌യുവികളും അടങ്ങുന്ന സുരക്ഷാ വാഹനവ്യൂഹവും തനിക്ക് ചുറ്റും കാണപ്പെട്ടു.

പള്ളിക്കൂടത്തില്‍ പോയവര്‍ എല്ലാവരും തങ്ങളുടെ ജീവിതത്തില്‍ ഒരു പ്രാവശ്യമെങ്കിലും 'പഠിപ്പിസ്റ്റ്' ആയ വിദ്യാര്‍ത്ഥിയെ കണ്ടിട്ടുണ്ടാകും. പാഠ്യ-പാഠ്യേതര വിഷയങ്ങളില്‍ മികവ് പുലര്‍ത്തുന്ന ഇവര്‍ നല്‍കുന്ന വര്‍ക്കുകള്‍ എല്ലാം പറയുന്ന സമയത്തിന് മുമ്പേ തീര്‍ക്കുന്നവര്‍ ആയിരിക്കും. ടീച്ചര്‍ സെമിനാര്‍ ചെയ്യാന്‍ പറഞ്ഞാല്‍ മറ്റ് കുട്ടികള്‍ക്ക് മുമ്പേ തീര്‍ക്കുന്നവര്‍ ആയിരിക്കും ഇവര്‍. ഈ കാര്യങ്ങള്‍ ഇവിടെ പറയുന്നത് എന്തിനാണെന്നായിരിക്കും നിങ്ങള്‍ ചിന്തിക്കുന്നത്. ഇത് പറയാന്‍ കാരണമുണ്ട്. ഇന്ത്യയിലെ വണ്ടിക്കമ്പനികള്‍ക്കിടയിലെ പഠിപ്പിസ്റ്റായി മാറിയിരിക്കുകയാണ് ഹോണ്ട. ഇന്ത്യയില്‍ വില്‍ക്കുന്ന എല്ലാ കാര്‍ മോഡലുകളെയും E20 ഇന്ധനത്തില്‍ പ്രവര്‍ത്തിക്കുന്ന തരത്തിലേക്ക് പരിവര്‍ത്തനം ചെയ്താണ് ഹോണ്ട എതിരാളികളെ പിന്നിലാക്കി സ്‌കോര്‍ ചെയ്തത്.

കേരളത്തിൽ ടോൾ പിരിവുമായി ബന്ധപ്പെട്ട് ഇപ്പോൾ വലിയ കോലാഹലങ്ങളാണ് നടന്നുകൊണ്ടിരിക്കുന്നത്. കിഫ്ബി 50 കോടിയിലേറെ മുതൽമുടക്കി നിർമിക്കുന്ന റോഡുകളിൽ ടോൾ പിരിക്കാനുള്ള സാധ്യതാപഠനം നടത്തിക്കൊണ്ടിരിക്കുകയാണ്. ടോൾ പിരിവിനെതിരെ രാജ്യത്ത് വലിയ പ്രതിഷേധങ്ങൾ സംഘടിപ്പിച്ച പാർട്ടിയുടെ നേതൃത്വത്തിലുള്ള സർക്കാർ തന്നെ പുതിയ ടോൾ പിരിവുമായി രംഗത്തെത്തുന്നതിനെതിരെ പ്രതിപക്ഷ പാർട്ടികളിൽ നിന്ന് വിമർശനങ്ങൾ ഉയർന്നുവരുന്നുണ്ട്. ടോൾ പിരിവിൽ കേന്ദ്ര സർക്കാർ പുതിയ രണ്ട് പ്ലാനുകൾ അവതരിപ്പിച്ചിരിക്കുകയാണ്. മുഴുവൻ വിവരങ്ങളും സർക്കാർ പുറത്ത് വിട്ടിട്ടില്ല. പുറത്ത് വിട്ട വിവരങ്ങളുടെ വിശദാംശങ്ങൾ അറിയാൻ തുടർന്ന് വായിക്കാൻ മറക്കരുതേ.

പോളോ (Polo) എന്ന ഒരൊറ്റ കാർ കൊണ്ട് ഇന്ത്യയിൽ മുഴുവൻ ഫാൻസിനെയുണ്ടാക്കിടെയുത്ത മുതലാണ് ഫോക്‌സ്‌വാഗൺ (Volkswagen). അങ്ങ് ജർമനിയിൽ നിന്നുമെത്തിയ പോളോ വിടപറഞ്ഞിട്ട് കാലം ഇമ്മിണിയായെങ്കിലും ഇന്ന് ടൈഗൂണിലൂടെയും വെർട്ടിസിലൂടെയും ആളുകളെ പിടിച്ചുനിർത്താൻ ഇതുവരെ കമ്പനിക്കായിട്ടുണ്ട്. ഇപ്പോഴിതാ ഫോക്‌സ്‌വാഗൺ കാറുകൾ വാങ്ങാൻ കാത്തിരിക്കുന്നവർക്കായി ഒരു സന്തോഷ വാർത്ത വന്നിരിക്കുകയാണ്. മറ്റൊന്നുമല്ല നല്ല വിലക്കുറവിൽ ആദായ വിൽപ്പന ആരംഭിച്ചിരിക്കുകയാണ് ബ്രാൻഡ്. ഫെബ്രുവരി മാസം വാഹനം വാങ്ങാൻ എത്തുന്നവരെ കാത്തിരിക്കുന്നത് 4.20 ലക്ഷത്തോളമുള്ള ഓഫറുകളാണ്. അതിനെക്കുറിച്ചുള്ള കൂടുതൽ വിശദാംശങ്ങളിലേക്ക് കടന്നാലോ?

ഇന്ത്യന്‍ കാര്‍ വിപണിയില്‍ വിപ്ലവം സൃഷ്ടിച്ച ഒരു കാര്‍ മോഡലായിരുന്നു ടാറ്റ നാനോ. അടുത്തിടെ അന്തരിച്ച ടാറ്റ ഗ്രൂപ്പിന്റെ മുന്‍ ചെയര്‍മാന്‍ രത്തന്‍ ടാറ്റയുടെ ആശയമായിരുന്നു ടൂവീലറിന്റെ വിലയില്‍ ഇന്ത്യയിലെ സാധാരണക്കാരായ ജനങ്ങള്‍ക്ക് ഒരു കാര്‍ എന്നത്. ഇന്ത്യയില്‍ ഇലക്ട്രിക് കാറുകള്‍ അത്ര കണ്ട് വരാത്ത കാലത്ത് ജെയം മോട്ടോര്‍സുമായി കൈകോര്‍ത്ത് നാനോയുടെ ഏതാനും യൂണിറ്റുകള്‍ ഇലക്ട്രിക് ആക്കി മാറ്റിയിരുന്നു. അതില്‍ ചിലത് നിങ്ങളും നിരത്തുകളില്‍ കണ്ടിട്ടുണ്ടാകും. എന്നാല്‍ ടാറ്റ നാനോയുടെ ഇലക്ട്രിക് പതിപ്പ് വരുന്നുവെന്ന് അവകാശപ്പെടുന്ന ചില ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. അതിന്റെ പിന്നിലെ വാസ്തവം അറിയാം.

പല തരത്തിലുള്ള ന്യൂജെൻ ബൈക്കുകൾ പുറത്തിറക്കിയാലും റോയൽ എൻഫീൽഡ് (Royal Enfield) മോഡലുകളെ ആളുകൾ സ്നേഹത്തോടെ വിളിക്കുന്ന പേരാണ് ബുള്ളറ്റ്. ചെറുപ്പക്കാർക്കും പ്രായമാവർക്കുമെല്ലാം ഒരുപോലെ ഇഷ്‌ടമുള്ള ആ പ്രകമ്പന ശബ്‌ദം പലരും അനുകരിക്കാൻ നോക്കിയിട്ടുണ്ടെങ്കിലും ഇന്ത്യക്കാർക്ക് ഏറ്റവും പ്രിയപ്പെട്ട കുടുകുടു ശബ്‌ദം ബുള്ളറ്റുകളുടേതാണ്. പണ്ട് വികാരമാണ് വൈബ്രേഷനാണെന്ന് വരെ കളിയാക്കിയിട്ടുള്ളവരെല്ലാം ഇന്ന് എൻഫീൽഡ് ഫാൻസാണ്. അതിന് കാരണം മോഡൽ നിരയിലെ ന്യൂജെൻ പിള്ളേരാണെന്ന് വേണം പറയാൻ. ഹണ്ടറും (Hunter) ഹിമാലയനും ഗറില്ലയുമെല്ലാം ഉണ്ടാക്കിയെടുത്ത ഓളം അത്രത്തോളമുണ്ട്.

സാധാരണക്കാരനെ സന്തോഷിപ്പിക്കുന്ന കാര്യത്തിൽ ഓട്ടോ ചേട്ടൻമാര് വേറെ ലെവലാണ് എന്ന് പറയാതിരിക്കാൻ സാധിക്കില്ല. കാര്യം മറ്റൊന്നുമല്ല വണ്ടിയിൽ കയറുന്ന യാത്രക്കാരെ അവർ അത്ഭുതപ്പെടുത്തും. സ്പീഡിൻ്റെ കാര്യമല്ല കേട്ടോ. ഓട്ടോയിലെ ഇൻ്റീരിയറിൽ അവർ ചില മാറ്റങ്ങൾ ഒക്കെ വരുത്തും. അത്തരത്തിൽ ഒരു അടിപൊളി ഓട്ടോയുടെ വീഡിയോ ആണ് സോഷ്യൽ മീഡിയയിൽ ഇപ്പോൾ വൈറലായിരിക്കുന്നത്. അക്വേറിയവും ഡിസ്കോ ലൈറ്റുകളും സ്പീക്കറുകളുമായി ഒരു ഡിജെ പാർട്ടിക്ക് പോയ ഫീലാണ് ഈ ഓട്ടോയിൽ കയറിയാൽ എന്ന് പറയേണ്ടി വരും. സംഭവം അങ്ങ് പൂനെയിലാണ് എങ്കിലും ഓട്ടോ ചേട്ടൻമാരുടെ കാര്യം എല്ലായിടത്തും ഒന്നാണല്ലോ.

ആളുകളുടെ പൾസറിഞ്ഞ് വാഹനങ്ങൾ പുറത്തിറക്കുന്നവരാണ് നമ്മുടെ മാരുതി സുസുക്കി. രാജ്യത്ത് ഏറ്റവും കൂടുതൽ വിറ്റഴിക്കപ്പെട്ടിരുന്ന ബലേനോ പ്രീമീയം ഹാച്ച്ബാക്കിന്റെയും ബ്രെസ എസ്‌യുവിയുടേയും നടുവിലായി എന്തെങ്കിലും വേണമെന്ന ആലോചനയിൽ പിറവിയെടുത്ത മോഡലാണ് ഫ്രോങ്ക്‌സ്. കൂപ്പെ എസ്‌യുവികളെ അനുസ്മരിപ്പിക്കുന്ന തരത്തിൽ പണികഴിപ്പിച്ച വണ്ടി ഷോറൂമുകളിലെത്തിയതോടെ ആളുകളെല്ലാം വെച്ചുപിടിച്ചത് ഫ്രോങ്ക്‌സ് സ്വന്തമാക്കാനായിരുന്നു. 2023 ഓട്ടോ എക്സ്പോയിൽ ജിംനിക്കൊപ്പം സർപ്രൈസായി കൊണ്ടുവന്ന വാഹനത്തിന് പിന്നെ ഇതുവരെ തിരിഞ്ഞുനോക്കേണ്ടി വന്നിട്ടില്ലെന്നതാണ് സത്യം. കൂപ്പെ പോലുള്ള സ്റ്റൈലിംഗും താങ്ങാനാവുന്ന വിലയും കൂടിയായപ്പോൾ സംഗതി കളറായി.

ജര്‍മന്‍ വാഹന നിര്‍മാതാക്കളായ ഫോക്‌സ്‌വാഗണിന് ഇന്ത്യന്‍ യൂത്തിനിടയില്‍ മേല്‍വിലാസമുണ്ടാക്കിക്കൊടുത്ത ഹോട്ട് ഹാച്ച്ബാക്കാണ് പോളോ. വിപണിയില്‍ നിന്ന് പിന്‍വലിച്ചെങ്കിലും സെക്കന്‍ഡ് ഹാന്‍ഡ് വിപണിയില്‍ പോളോക്കായി പിടിവലിയാണ്. പോളോ പോയ വിഷമത്തില്‍ ഇരിക്കുന്ന കാര്‍ പ്രേമികള്‍ക്കായി ജര്‍മനിയില്‍ നിന്ന് ഒരു പുത്തന്‍ ഹോട്ട് ഹാച്ച് ഇന്ത്യയില്‍ എത്താന്‍ പോകുന്നതായി ഏതാനും ദിവസങ്ങള്‍ക്ക് മുമ്പ് വാര്‍ത്തകള്‍ വന്നിരുന്നു. ഇന്ത്യയിലെ ഫോക്‌സ്‌വാഗണ്‍ പ്രേമികളില്‍ പലരുടെയും സ്വപ്‌നമായ ഗോള്‍ഫ് GTI (Volkswagen Golf GTI) ആണത്. ഗോള്‍ഫിന്റെ വരവ് സ്ഥിരീകരിച്ച് ചില ഫോക്‌സ്‌വാഗണ്‍ കാര്‍ ഡീലര്‍മാര്‍ പ്രീ-ബുക്കിംഗ് ആരംഭിച്ചതായി പറയപ്പെടുന്നു. ഇതൊരു ഔദ്യോഗിക ബുക്കിംഗ് പ്രക്രിയയല്ല എന്നത് ശ്രദ്ധിക്കേണ്ടതാണ്.

ഫീച്ചറുകളേക്കാൾ ആളുകൾ കൂടുതലായി സേഫ്റ്റിക്ക് പ്രാധാന്യം കൊടുക്കുന്നുണ്ട് ഇപ്പോൾ. സേഫ്റ്റിയുടെ കാര്യത്തിൽ ടാറ്റയെ വെല്ലാൻ ആരുമില്ല. ക്രാഷ് ടെസ്റ്റുകളിലും അല്ലാതെ റോഡിൽ സംഭവിക്കുന്ന അപടങ്ങളിലും യാത്രക്കാരെ സംരക്ഷിക്കുന്ന കാര്യത്തിൽ ടാറ്റ ഇപ്പോഴും മുന്നിൽ തന്നെയാണ്. ടാറ്റയുടെ ലൈനപ്പിലെ പല വാഹനങ്ങളും ക്രാഷ് ടെസ്റ്റിൽ ഫൈവ്സ്റ്റാർ നേടിയവരാണ്.ഫോക്‌സ്‌വാഗൺ പോളോ പിൻഭാഗത്ത് ഇടിച്ചതിന് ശേഷം ടാറ്റ നെക്‌സോൺ ഇവിയുടെ ഒരു വീഡിയോ ഇപ്പോൾ ഇന്റർനെറ്റിൽ വൈറലായിരിക്കുകയാണ്. ഒറ്റ ഇടിയിൽ തന്നെ ഫോക്സ്‌വാഗൺ പോളോയുടെ മുൻവശം തകർന്നിരിക്കുകയാണ്. ഹെഡ്‌ലൈറ്റ്, ബമ്പർ, ബോണറ്റ് എന്നിവ മുഴുവൻ കേടുപാടുകൾ സംഭവിച്ചിട്ടുണ്ട്. കൂടാതെ, മുൻവശത്തെ ഇടതുവശത്തെ ഹെഡ്‌ലൈറ്റും ബമ്പറും തകർന്നു.