വിന്റേജ് കാർ പ്രേമികൾക്ക് സന്തോഷ വാർത്തയായി പുത്തൻ സർക്കാർ നയം, ക്ലാസിക് വിന്റേജ് വാഹനങ്ങൾ ഇറക്കുമതി ചെയ്യുന്നത് എളുപ്പമാക്കിയിരിക്കുകയാണ് കേന്ദ്ര സർക്കാർ. ഇതുവരെ, 1950 -ന് മുമ്പ് നിർമ്മിച്ച കാറുകൾ മാത്രമേ രാജ്യത്തേക്ക് കൊണ്ടുവരാൻ കഴിയുമായിരുന്നുള്ളൂ. എന്നിരുന്നാലും, 50 വർഷമോ അതിൽ കൂടുതലോ പഴക്കമുള്ള കാറുകൾ ഇറക്കുമതി ചെയ്യാൻ അനുവദിക്കുന്ന തരത്തിൽ നിയമങ്ങളിൽ ഇപ്പോൾ സർക്കാർ ഇളവ് വരുത്തിയിട്ടുണ്ട് എന്നതാണ് ശ്രദ്ധേയം. അതായത് 2025 -ൽ, 1975 വരെ നിർമ്മിച്ച വാഹനങ്ങൾ ഇന്ത്യയിലേക്ക് കൊണ്ടുവരാം, പിന്നെ 2026 ആവുമ്പോൾ, 1976 വരെയുള്ള കാറുകൾ ഈ യോഗ്യത നേടും.

ഇന്ത്യയിൽ എസ്‌യുവികൾ പെരുകിയതോടെ പ്രതാപം നഷ്‌ടപ്പെട്ട വിഭാഗമാണ് സെഡാനുകളുടേത്. പണ്ട് കാർ എന്നാൽ ത്രീ-ബോക്‌സ് ടൈപ്പ് മോഡലുകളായിരുന്നു ആളുകൾക്ക് വേണ്ടിയിരുന്നത്. അംബാസിഡറും പത്മിനിയുമെല്ലാം അങ്ങനെ അരങ്ങ് തകർത്തവരാണ്. എന്നാൽ കാലം മാറിയതോടെ സ്പോർട് യൂട്ടിലിറ്റി വാഹനങ്ങളോടായി ആളുകൾക്ക് പ്രിയം. എങ്കിലും വലിയ സെഡാനുകളേക്കാൾ വിൽപ്പനയുമായി കോംപാക്‌ട് സെഡാനുകൾ ഇപ്പോഴും നല്ല രീതിയിൽ വിറ്റഴിയുന്നുണ്ട്. മാരുതി സുസുക്കി ഡിസയർ, ഹോണ്ട അമേസ്, ഹ്യുണ്ടായി ഓറ, ടാറ്റ ടിഗോർ തുടങ്ങിയ ചില മോഡലുകൾ ഇതിന് ഉദാഹരണങ്ങളാണ്.

എല്ലാവാർക്കും ലോങ്ങ്ഡ്രൈവ് പോകാൻ ഇഷ്ടമുളളവരാണ്. എന്നാൽ എല്ലാവരും നേരിടുന്ന ഒരു വെല്ലുവിളിയാണ് ഡ്രൈവ് ചെയ്യുകയോ ബൈക്ക് റൈഡ് ചെയ്യുമ്പോഴോ ഉറക്കമെന്ന വില്ലൻ്റെ എൻട്രി. വാഹനമോടിക്കുമ്പോൾ ഉറക്കം വരുന്നതിൻ്റെ പ്രധാന കാരണം ക്ഷീണിതനാണ് എന്നതിൻ്റെ തെളിവാണ്. അല്ലെങ്കിൽ ഡ്രൈവർ വേണ്ടത്ര ഉറങ്ങിയിട്ടില്ല എന്നതും കാരണമാണ്. മദ്യപിച്ച് വാഹനമോടിക്കുന്നതിന് തുല്യമാണ് ശരിയായി ഉറക്കം ലഭിക്കാത്ത വ്യക്തി വാഹനമോടിക്കുമ്പോൾ. ദൂരയാത്ര പോകാൻ പ്ലാൻ ഉണ്ടെങ്കിൽ മതിയായ ഉറക്കം ലഭിച്ചുവെങ്കിൽ മാത്രമേ വാഹനമോടിക്കാവു.അഥവാ ഉറക്കം വന്നാൽ കുറച്ച് നേരം ഒരു പവർ നാപ്പ് എടുക്കുന്നത് എന്തുകൊണ്ടു നല്ല കാര്യമാണ്. കാരണം നിങ്ങളുടെ വാഹനത്തിലുളളവരുടേയും മറ്റ് വാഹനങ്ങളുടേയും സുരക്ഷ നിങ്ങളുടെ കൈയിലാണ് എന്നത് മറക്കാതിരിക്കുക.

ഹോളിവുഡിലും ബോളിവുഡിലും മാത്രമല്ല വാഹനങ്ങള്‍ കേന്ദ്ര കഥാപാത്രമാകുന്ന അല്ലെങ്കില്‍ അത്രത്തോളം പ്രാധാന്യത്തില്‍ അവതരിപ്പിച്ച ഒരുപിടി സിനിമകള്‍ മലയാളത്തിലും ഇറങ്ങിയിട്ടുണ്ട്. അതില്‍ പെട്ട ഒന്നാല്‍ 1997-ല്‍ പുറത്തിറങ്ങിയ 'ദി കാര്‍'. ഒരേ പോലുള്ള രണ്ട് കാറുകളെ ചുറ്റിപ്പറ്റിയുണ്ടാകുന്ന ചില പ്രശ്നങ്ങളാണ് ഈ രാജസേനന്‍ ചിത്രം പറഞ്ഞത്. ഈ സിനിമയില്‍ നായകന്‍ ജയറാമിന്റെ കാര്‍ ഒരു ചുവന്ന നിറത്തിലുള്ള മാരുതി എസ്റ്റീം ആയിരുന്നു. ജെന്‍ Z കിഡ്സിന് ഈ കാര്‍ അത്ര പരിചയമുണ്ടാകില്ലെങ്കിലും മില്ലെനിയല്‍സിന് ഇത് ഒരു നൊസ്റ്റാള്‍ജിയയാണ്.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിൽ ഹ്യുണ്ടായി ക്രെറ്റയോട് മുട്ടിനിൽക്കാൻ ചില മാറ്റങ്ങളുമായി ഏറ്റവും പുതിയ 2025 മോഡൽ എംജി ആസ്റ്റർ വിപണിയിലെത്തുകയുണ്ടായി. തട്ടുപൊളിപ്പൻ ഫീച്ചറുകളെല്ലാം കുത്തിനിറച്ചെത്തിയ വാഹനത്തെ ജനം ഇരുകൈയും നീട്ടി സ്വീകരിക്കുമെന്നാണ് അനുമാനം. പക്ഷേ ഇപ്പോഴിതാ ആസ്റ്റർ എസ്‌യുവിയിലെ പവർഫുൾ 1.3 ലിറ്റർ ടർബോ പെട്രോൾ എഞ്ചിൻ ഉടൻ തന്നെ പിൻവലിക്കുമെന്ന് അറിയിച്ചിരിക്കുകയാണ് കമ്പനി. ഏറ്റവും പുതുതായി അവതരിപ്പിച്ചിരിക്കുന്ന മോഡൽ നിരയിൽ 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ മാത്രമേ ഇനിയുണ്ടാവൂ എന്നാണ് അറിയാൻ കഴിഞ്ഞിരിക്കുന്നത്.

റോഡപകടത്തിൽപ്പെടുന്നവർക്ക് 48 മണിക്കൂറിനുളളിൽ ഫ്രീ ചികിത്സ നടപ്പാക്കണമെന്ന സർക്കാരിൻ്റെ പദ്ധതി ഇപ്പോഴും നടപ്പിലായിട്ടില്ല എന്നാണ് റിപ്പോർട്ടുകൾ പുറത്ത് വന്നിരിക്കുന്നത്. ഇതുമായി ബന്ധപ്പെട്ട് സമഗ്ര ട്രോമാകെയർ പദ്ധതിയുടെ ഭാഗമായി സർക്കാർ, സ്വകാര്യ ആശുപത്രികളിൽ പണമീടാക്കാതെ ചികിത്സനൽകുമെന്ന് 2017 നവംബറിലായിരുന്നു പ്രഖ്യാപിച്ചത്. ഇപ്പോഴുളള സംവിധാനം പ്രവർത്തിക്കുന്നത് ത്രിതല ചികിത്സാസംവിധാനം സർക്കാർ ആശുപത്രികളെയും സർക്കാർ മെഡിക്കൽ കോളേജുകളെയും മാത്രം ബന്ധിപ്പിച്ചു കൊണ്ടാണ്. കൃത്യസമയത്ത് പരിചരണം ലഭിക്കാത്തത് കൊണ്ടാണ് അപകടത്തിൽപ്പെടുന്ന ഭൂരിഭാഗം ആളുകളും മരണപ്പെടുന്നത് എന്ന് പല റിപ്പോർട്ടുകളും പുറത്ത് വന്നിരുന്നു. രാജ്യത്ത് കലാപങ്ങളിലൂടേയും, ഭീകരാക്രമണങ്ങളിലൂടേയും മരിക്കുന്നവരേക്കാൾ കൂടുതൽ പേർ റോഡപകടങ്ങളിലൂടെ മരിക്കുന്നുണ്ട് എന്നാണ് കണക്കുകൾ സൂചിപ്പിക്കുന്നത്.

ലോകപ്രശസ്തമായ ഒരു ആഡംബര കാര്‍ കമ്പനികളില്‍ ഒന്നാണ് ബിഎംഡബ്ല്യു. നാട്ടുകാരായ മെര്‍സിഡീസ് ബെന്‍സിന് ശേഷം ഇന്ത്യയിലെ ഏറ്റവും ജനപ്രിയമായ രണ്ടാമത്തെ ആഡംബര കാര്‍ ബ്രാന്‍ഡാണ് ബിഎംഡബ്ല്യു. ബിഎംഡബ്ല്യുവിന്റെ ഇന്ത്യയിലെ ഏറ്റവും ജനപ്രിയമായ കാറുകളില്‍ ഒന്നാണ് ബിഎംഡബ്ല്യു 7 സീരീസ്. സമ്പന്നരായ ആളുകള്‍ക്കൊപ്പം ഇന്ത്യയില്‍ നിരവധി യംഗ് പ്രഫഷനലുകളും സംരംഭകരും ഇപ്പോള്‍ നിരവധി ആഡംബര കാറുകള്‍ വാങ്ങുന്നുണ്ട്. ഇപ്പോള്‍ രണ്ട് വര്‍ഷത്തെ കാത്തിരിപ്പിന് ശേഷം തനിക്ക് ഇഷ്ടപ്പെട്ട ബിഎംഡബ്ല്യു 7 സീരീസ് സ്വന്തമാക്കിയിരിക്കുകയാണ് കേരളത്തിലെ ഒരു യുവ സംരംഭകന്‍. അത് ആരാണെന്ന് നമുക്ക് നോക്കാം.

വാഹനങ്ങളുടെ സേവനവുമായി ബന്ധപ്പെട്ട വെബ്സൈറ്റാണ് പരിവാഹൻ. മാർച്ച് 1 മുതൽ മോട്ടോർ വാഹന വകുപ്പ് പൊതുജനങ്ങൾക്ക് നൽകുന്ന എല്ലാ സേവനങ്ങളും ആധാർ അടിസ്ഥാനമാക്കിയുള്ളതായിരിക്കുമെന്നാണ് അറിയിച്ചിരിക്കുന്നത്. അത് കൊണ്ട് ആധാറുമായി ബന്ധിപ്പിച്ചിരിക്കുന്ന മൊബൈൽ നമ്പർ പരിവാഹൻ സൈറ്റിൽ നൽകണമെന്നാണ് മോട്ടോർ വാഹന വകുപ്പിൻ്റെ നിർദേശം. പരിവാഹൻ പോർട്ടലിൽ കയറി സ്വയം ചെയ്യുകയോ അല്ലെങ്കിൽ ഇ-സേവ/അക്ഷയ കേന്ദ്രങ്ങൾ വഴിയോ ഇത് ചെയ്യാൻ സാധിക്കുന്നതാണ്. ഫെബ്രുവരി 1 മുതൽ 28 വരെ ഇതിനായി ആർടിഒകൾ എന്നിവിടങ്ങളിൽ ഒരു പ്രത്യേക കൗണ്ടർ പൊതുജനങ്ങൾക്കായി തുറന്നിട്ടുമുണ്ട് എന്നാണ് എംവിഡി അറിയിച്ചിരിക്കുന്നത്.

ഇന്ത്യയെന്ന രാജ്യത്തിന്റെ ഭൂപ്രകൃതി നമുക്കെല്ലാവര്‍ക്കുമറിയാം. കടല്‍ത്തീരവും സമതലങ്ങളും പര്‍വതനിരകളുമെല്ലാം ഉള്‍ക്കൊള്ളുന്നതാണ് ഈ മഹാരാജ്യം. അതുകൊണ്ട് തന്നെ രാജ്യാതിര്‍ത്തി കാക്കുന്ന സുരക്ഷാ ഭടന്‍മാര്‍ക്ക് ഇവിടങ്ങളിലൂടെ യാത്ര ചെയ്യാന്‍ അതിനൊത്ത വാഹനങ്ങള്‍ വേണം. ഇന്നേ വരെ ഇന്ത്യന്‍ സുരക്ഷാ സേനയുടെ വാഹന വ്യൂഹത്തില്‍ ഉള്‍പ്പെട്ട ഏറ്റവും മികച്ച ഓഫ്‌റോഡിംഗ് വാഹനങ്ങളില്‍ ഒന്നാണ് മാരുതി സുസുക്കി ജിപ്‌സി (Maruti Gypsy). സിവിലിയന്‍സിനുള്ള ഉത്പാദനം അവസാനിപ്പിച്ച ശേഷവും കമ്പനി ഈ വാഹനം മിലിട്ടറിക്കായി നിര്‍മിച്ച് നല്‍കിയിരുന്നു. ലൈറ്റ്‌വെയിറ്റ് നിര്‍മ്മാണവും ഓഫ്-റോഡിംഗ് കഴിവുകളും കാരണം ഈ വാഹനം ജനപ്രിയമായി.

കെജിഎഫിന് ശേഷം സിനിമ പ്രേമികൾക്ക് ഒരുപോലെ പ്രിയപ്പെട്ടതായി മാറിയിരിക്കുകയാണ് കന്നഡ സിനിമകൾ. കെജിഎഫിന് ശേഷം 777 ചാർളിയും കാന്തരയ്ക്കും സലാറിനും പോലെയുള്ള സാൻഡൽവുഡ് പടങ്ങൾക്കെല്ലാം വലിയ സ്വീകാര്യതയാണ് കേരളത്തിൽ വരെ ലഭിച്ചത്. സിനിമാ താരങ്ങൾക്ക് മാത്രമല്ല കേട്ടോ മിനിസ്ക്രീനിലും കന്നഡ സീരിയലുകൾക്ക് വരെ ഇപ്പോൾ ഫാൻസുണ്ട്. മലയാളികളെ പോലെ തന്നെ സീരിയലുകൾക്ക് ഏറെ ആരാധകരുള്ള നാടാണത്. മല്ലൂസിന് അത്ര പിടിയില്ലെങ്കിലും ചില നടിമാർക്കും ഇവിടെ നടൻമാരെ പോലെ തന്നെ വലിയ ഫാൻസ് അസോസിയേഷനൊക്കെ ഉണ്ട്. അത്തരത്തിൽ ശ്രദ്ധിക്കപ്പെട്ട താരമാണ് രശ്മി പ്രഭാകർ.

യൂണിയൻ ബജറ്റിന് ശേഷം സംസ്ഥാന ബജറ്റിൽ വാഹന പ്രേമികൾക്കും ഇവിയെടുക്കാൻ താൽപ്പര്യപ്പെടുന്നവർക്കും തലയ്ക്ക് അടി കിട്ടിയ പോലെ ആയിരിക്കുകയാണ്. 15 വർഷം കഴിഞ്ഞ വാഹനങ്ങൾ രജിസ്‌ട്രേഷൻ പുതുക്കാൻ വാഹനങ്ങൾക്ക് 50 ശതമാനം നികുതികൂട്ടിയിരിക്കുകയാണ്. ഇലക്ട്രിക് വാഹനങ്ങൾക്ക് 10 ശതമാനവും നികുതി ആക്കി. 15 വർഷം പഴക്കമുള്ള സ്വകാര്യവാഹനങ്ങൾക്ക് ഇപ്പോൾ നിലവിലെ റോഡ് നികുതിയുടെ പകുതിത്തുകകൂടി അടയ്ക്കേണ്ടി വരുമെന്നാണ് മനസിലാക്കാൻ സാധിക്കുന്നത്. 15 വർഷത്തിനുശേഷം ഒരോ അഞ്ചുവർഷത്തേക്കാണ് സ്വകാര്യവാഹനങ്ങളുടെ രജിസ്‌ട്രേഷൻ പുതുക്കുന്നത്.

ദക്ഷിണ കൊറിയന്‍ വാഹന നിര്‍മാതാക്കളായ ഹ്യണ്ടായി ഇന്ത്യയില്‍ വില്‍പ്പനക്കെത്തിക്കുന്ന ഏറ്റവും ചെറിയ എസ്‌യുവിയാണ് എക്‌സ്റ്റര്‍. 2023 ജൂലൈയില്‍ പുറത്തിറക്കിയ ഈ മോഡല്‍ ടാറ്റ പഞ്ചുമായാണ് നേരിട്ട് ഏറ്റുമുട്ടുന്നത്. ഇപ്പോള്‍ ഡ്രൈവിംഗ് അനുഭവം മെച്ചപ്പെടുത്തുന്നതിനായി പുതിയ ഫീച്ചറുകളും വേരിയന്റുകളും ചേര്‍ത്ത് ഹ്യുണ്ടായി എക്സ്റ്ററിന്റെ 2025 മോഡല്‍ പുറത്തിറക്കിയിട്ടുണ്ട്. ഉപഭോക്താക്കളില്‍ നിന്ന് മികച്ച സ്വീകാര്യത നേടിയ എക്സ്റ്ററില്‍ ഇപ്പോള്‍ പെട്രോള്‍, ഡ്യുവല്‍ സിലിണ്ടര്‍ സിഎന്‍ജി ഓപ്ഷനുകളില്‍ SX ടെക് വേരിയന്റ് ചേര്‍ത്ത് അപ്‌ഡേറ്റ് ചെയ്തിട്ടുണ്ട്്. എക്‌സ്റ്ററിന്റെ സിഎന്‍ജി വേരിയന്റുകള്‍ ഉടച്ചുവാര്‍ത്തു. 2025 എക്‌സ്റ്ററിനെ കുറിച്ച് ചുവടെ വിശദമായി വായിക്കാം.

ടിവിഎസിൻ്റെ വിൽപ്പന കണക്കിൽ മുന്നിൽ തന്നെ നിൽക്കുന്ന മോഡലാണ് ഐ ക്യൂബ് ഇലക്ട്രിക് സ്കൂട്ടർ. ഐക്യൂബ്, ഐക്യൂബ് S, ഐക്യൂബ് ST എന്നിങ്ങനെ മൂന്ന് വേരിയന്റുകളിലാണ് ടിവിഎസ് ഈ ഇലക്ട്രിക് സ്‌കൂട്ടര്‍ ഓഫര്‍ ചെയ്യുന്നത്. ടിവിഎസിന്റെ ഔദ്യോഗിക വെബ്സൈറ്റ് പ്രകാരം സ്റ്റാന്‍ഡേര്‍ഡ് ഐക്യൂബ് മോഡലിന് 89,999 രൂപയാണ് വില. ടോപ് സ്‌പെക് വേരിയന്റിന്റെ വില 1,85,373 രൂപയാണ്. സ്റ്റാന്‍ഡേര്‍ഡ് അല്ലെങ്കില്‍ ബേസ് ഐക്യൂബ് മോഡലില്‍ 2.2 kWh, 3.4 kWh ശേഷിയുള്ള ബാറ്ററി പായ്ക്കുകള്‍ ലഭ്യമാണ്. ഫുള്‍ ചാര്‍ജില്‍ 75 മുതല്‍ 100 കിലോമീറ്റര്‍ വരെ റേഞ്ച് ഇത് വാഗ്ദാനം ചെയ്യുന്നു.

ഒരു കാലത്ത് എൻട്രി ലെവൽ ഹാച്ച്ബാക്ക് സെഗ്മെന്റ് ഭരിച്ചിരുന്ന രാജാവായിരുന്നു മാരുതി ആൾട്ടോ. 800 എന്ന ഇതിഹാസത്തിന് പകരമായി സ്ഥാനംപിടിക്കുമ്പോൾ ആരും സ്വപ്നത്തിൽ പോലും കരുതാതിരുന്ന സ്വീകാര്യതയായിരുന്നു ഈ കുഞ്ഞൻ വണ്ടിക്ക് കിട്ടിയത്. ഇന്ത്യയിലെ ഓരോ സാധാരണക്കാരന്റേയും വീട്ടുമുറ്റം അങ്ങനെ ആൾട്ടോകളാൽ സമ്പന്നമായെന്ന് പറയുന്നതാവും ശരി. പിന്നീട് 800 സിസി മോഡലിന്റെ സ്വീകാര്യത ഇരട്ടിയാക്കിക്കൊണ്ട് ആൾട്ടോ K10 എന്ന തട്ടുപൊളിപ്പൻ ഹാച്ച്ബാക്കും പിറവിയെടുത്തിരുന്നു. നല്ല പെപ്പി എഞ്ചിനും ഒതുക്കമുള്ള രൂപവുമെല്ലാം വാഗ്‌ദാനം ചെയ്‌ത മോഡലും ചൂടപ്പം പോലെയാണ് രാജ്യത്ത് വിറ്റഴിഞ്ഞത്.

ചെക്ക് റിപബ്ലിക്കന്‍ കാര്‍ നിര്‍മാതാക്കളായ സ്‌കോഡക്ക് ഇന്ത്യയില്‍ പ്രത്യേക ഫാന്‍ബേസ് തന്നെയുണ്ട്. സ്വന്തമായി പ്രത്യേക ഉപഭോക്തൃ അടിത്തറയുണ്ടെങ്കിലും സ്‌കോഡക്ക് ഇന്ത്യയില്‍ നിന്ന് കാര്യമായി വില്‍പ്പന വാരാന്‍ സാധിച്ചിരുന്നില്ല. എന്നാല്‍ ഇപ്പോള്‍ ഉപഭോക്തൃ അടിത്തറ നിലനിര്‍ത്തുന്നതിനും പുതിയ ഉപഭോക്താക്കളെ ഷോറൂമിലേക്ക് ആകര്‍ഷിക്കുന്നതിനുമായി സ്‌കോഡ പുത്തന്‍ പദ്ധതികള്‍ ആവിഷ്‌കരിച്ച് നടപ്പാക്കുകയാണ്. ഫോക്‌സ്‌വാഗണ്‍ ഗ്രൂപ്പിന്റെ കീഴിലുള്ള ഇന്ത്യ 2.0 സ്ട്രാറ്റജിക്ക് കീഴില്‍ വന്ന വാഹനങ്ങള്‍ എല്ലാം സൂപ്പര്‍ ഹിറ്റായിരുന്നു. ഇപ്പോള്‍ പ്രധാനമായും ഇന്ത്യന്‍ വിപണി ലക്ഷ്യമിട്ട് പുറത്തിറക്കുന്ന സ്‌കോഡ കാറുകളുടെ വില്‍പ്പന ശുഭസൂചനകളാണ് നല്‍കുന്നത്.

സാധാരണക്കാരനെ വരെ ഇലക്‌ട്രിക് കാർ വാങ്ങിപ്പിച്ച വണ്ടിക്കമ്പനിയാണ് ടാറ്റ മോട്ടോർസ്. ടിയാഗോയും ടിഗോറും പഞ്ചുമെല്ലാം വൈദ്യുതീകരിച്ച് ഏവരേയും ബ്രാൻഡിലേക്ക് അടുപ്പിക്കാനും രത്തൻ ടാറ്റയെന്ന മഹാന്റെ ബ്രാൻഡിനായി. ഇപ്പോഴിതാ പഞ്ച് ഇവി, ടിയാഗോ ഇവി, നെക്‌സോൺ ഇവി, കർവ് ഇവി തുടങ്ങിയ മോഡലുകൾക്കെല്ലാം ഗംഭീര വിലക്കുറവുമായി എത്തിയിരിക്കുകയാണ്. പക്ഷേ 2024 സ്റ്റോക്കുകൾക്കാണ് ടാറ്റ ആനുകൂല്യങ്ങളും ഓഫറുകളും ഒരുക്കിയിരിക്കുന്നത് എന്നതാണ് രസകരമായ കാര്യം. വേരിയന്റിനെ ആശ്രയിച്ച് ഗ്രീൻ ബോണസ്, എക്സ്ചേഞ്ച് അല്ലെങ്കിൽ സ്ക്രാപ്പേജ് ബെനഫിറ്റുകൾ എന്നിങ്ങനെ തിരിച്ചാണ് വിലക്കിഴിവ് പ്രഖ്യാപിച്ചിരിക്കുന്നത്.

ഓട്ടോ എക്സ്പോ കഴിഞ്ഞതോടെ എല്ലാവരും വലിയ പ്രതീക്ഷയിലാണ്. കാരണം ഭാരത് മൊബിലിറ്റി എക്സ്പോയിൽ നിരവധി വാഹനങ്ങളാണ് അവതരിപ്പിച്ചിരുന്നത്. എല്ലാവരുടേയും കണ്ണുത്തളളിക്കുന്ന മോഡലുകളും കൂട്ടത്തിൽ ഉണ്ടായിരുന്നു. കോമെറ്റിലൂടെ ആളുകളുടെ മനോഭാവമെല്ലാം മാറിയെന്ന് മനസിലായതോടെ കോംപാക്‌ട് ഇലക്ട്രിക് കാറുകൾക്ക് നല്ല സാധ്യതകളാണുള്ളത്. 3,190 mm നീളവും 1,679 mm വീതിയും 1,622 mm ഉയരവും 2,075 mm വീൽബേസുമുള്ള ഒരു കോം‌പാക്റ്റ് ടു-ഡോർ, 4 സീറ്റർ ഇലക്ട്രിക് സ്പോർട് യൂട്ടിലിറ്റി വാഹനമാണ് VF 3. ചെറിയ വലിപ്പമായിരുന്നിട്ടും വിൻഫാസ്റ്റ് ഇതിനെ ഒരു മിനി എസ്‌യുവി എന്നുതന്നെയാണ് വിശേഷിപ്പിക്കുന്നത്. ഇപ്പോൾ രാജ്യത്തെ ഏറ്റവും വിൽപ്പനയുളള മോഡലാണ് ടിയാഗോ ഇവി. അതുമായി വിൻഫാസ്റ്റിനെ ഒന്ന് താരതമ്യം ചെയ്ത് നോക്കിയാലോ.

ഇന്ത്യന്‍ കാര്‍ വിപണിയിലെ ടോപ് 5 കമ്പനികളില്‍ ഒന്നാണ് കിയ. ദക്ഷിണ കൊറിയന്‍ വാഹന നിര്‍മാതാക്കള്‍ ഫെബ്രുവരി ഒന്നാം തീയതി പുതിയ സിറോസ് എസ്‌യുവി പുറത്തിറക്കിയിരുന്നു. രാജ്യത്ത് കോംപാക്ട് എസ്‌യുവികള്‍ക്ക് വര്‍ധിച്ച് വരുന്ന ഡിമാന്‍ഡ് മുതലെടുക്കാനാണ് കമ്പനി സിറോസ് പുറത്തിറക്കിയത്. ആദ്യ മാസം 5000 ബുക്കിംഗ് നേടി സിറോസ് കമ്പനിയുടെ പ്രതീക്ഷ കാത്തു. വരും മാസങ്ങളില്‍ ഇന്ത്യയിലെ വിപണി വിഹിതം ഉയര്‍ത്താന്‍ സിറോസ് തങ്ങളെ സഹായിക്കുമെന്നാണ് കിയ പ്രതീക്ഷിക്കുന്നത്. ഇതിനിടെ 2025 ജനുവരി മാസത്തെ വില്‍പ്പന കണക്കുകള്‍ പുറത്തുവന്നിട്ടുണ്ട്. കഴിഞ്ഞ മാസം കോംപാക്റ്റ് എസ്‌യുവിയായ സോനെറ്റിന് 7,000-ത്തിലധികം പുതിയ ഉപഭോക്താക്കളെ ലഭിച്ചു.

ഹീറോപന്തി എന്ന ചിത്രത്തിലൂടെ ഹിന്ദി സിനിമയിൽ അരങ്ങേറ്റം കുറിച്ച് യുവാക്കളുടെ പ്രിയങ്കരിയായി മാറിയ നടിയാണ് കൃതി സനോൺ. ബോളിവുഡിലെ നെപ്പോ കിഡ്‌സിനെ വരെ പിന്തള്ളി തിരക്കുള്ള നടിയായി മാറാൻ പരമ സുന്ദരിക്ക് അധികം സമയമൊന്നും വേണ്ടിവന്നില്ല. മിമിയിലൂടെ മികച്ച നടിക്കുളള ദേശീയ അവാര്‍ഡ് വരെ സ്വന്തമാക്കി കൃതി അനേകം ഹിറ്റ് ചിത്രങ്ങളുടെ ഭാഗമായിട്ടുണ്ട്. ഒപ്പം ആദിപുരുഷ് എന്ന വലിയ ഫ്ലോപ്പ് പടത്തിൽ വരെയായെങ്കിലും ഒരു ഭാഗ്യനായികയുടെ പരിവേഷമാണ് കക്ഷിക്കുള്ളത്. ബോളിവുഡിന് പുറത്ത് കൃതിയെന്ന് കേൾക്കുമ്പോൾ തന്നെ പരം പരം പരം പരമ സുന്ദരിയെന്ന ഹിറ്റ് പാട്ടായിരിക്കും ഓർമ വരിക.

ആധുനിക ലോകത്ത് വാഹനങ്ങള്‍ പ്രവര്‍ത്തിപ്പിക്കാനായി പെട്രോളും ഡീസലും മാത്രമല്ല ഉപയോഗിക്കുന്നത്. വൈദ്യുതി, സിഎന്‍ജി തുടങ്ങിയ ബദല്‍ ഇന്ധനങ്ങള്‍ എല്ലാവര്‍ക്കും സുപരിചിതമായിരിക്കും. ഇലക്ട്രിക്, സിഎന്‍ജി, എല്‍എന്‍ജി തുടങ്ങിയ പവര്‍ട്രെയിനുകളില്‍ ഓടുന്ന വാഹനങ്ങള്‍ നിങ്ങള്‍ കണ്ടിട്ടുമുണ്ടാകും. എന്നാല്‍ മലിനജലം ഉപയോഗിച്ച് ഓടുന്ന ഒരു സൂപ്പര്‍ കാര്‍ നിര്‍മിച്ച് ശ്രദ്ധ നേടുകയാണ് ഇംഗ്ലണ്ടിലെ വാര്‍വിക്ക് സര്‍വകലാശാലയിലെ എഞ്ചിനീയറിംഗ് ഗവേഷണ വിദ്യാര്‍ത്ഥികള്‍. ഓട്ടോമോട്ടീവ് ലോകത്ത് വിപ്ലവകരമായ മാറ്റങ്ങള്‍ സൃഷ്ടിക്കാന്‍ ശേഷിയുള്ളതാണ് ഈ കണ്ടുപിടിത്തം. ഇത്തരം ആശയങ്ങള്‍ നടപ്പില്‍ വന്നാല്‍ ഭാവിയില്‍ നമുക്ക് പെട്രോളിനെയും ഡീസലിനെയും മാത്രം ആശ്രയിക്കേണ്ടി വരില്ല.

ഇന്ത്യൻ സിനിമയിലെ മഹാനടനായ കമൽ ഹാസന്റെ മകളെന്ന മേൽവിലാസത്തിൽ സിനിമയിലെത്തിയ താരമാണ് ശ്രുതി ഹാസൻ. അച്ഛനെ പോലെ തന്നെ അഭിനയത്തിലും സംഗീതത്തിലും വേറിട്ടുനിൽക്കാൻ താരത്തിന് ഇതുവരെയായിട്ടുണ്ട്. ബോളിവുഡിലായിരുന്നു അരങ്ങേറ്റമെങ്കിലും ശ്രുതിയുടെ ഭാഗ്യം ഇങ്ങ് തെന്നിന്ത്യൻ സിനിമകളിലായിരുന്നു. തമിഴിലും തെലുങ്കിലുമെല്ലാം നിരവധി സൂപ്പര്‍ ഹിറ്റുകളില്‍ നായികയായി അഭിനയിച്ചിട്ടുണ്ട് ശ്രുതി ഹാസന്‍. ചിത്രങ്ങളിലെ ഗ്ലാമർ മാത്രമല്ല, ഓഫ് സ്‌ക്രീനിലെ തന്റെ വ്യക്തിത്വം കൊണ്ടും ആരാധകരെ നേടിയെടുത്ത വ്യക്തിത്വമാണ് കമൽ ഹാസന്റെ മകൾ. ഉലകനായകൻ കമൽ ഹാസന്റെ മകളാണെങ്കിലും നെപ്പോ കിഡിന്റെ പ്രിവിലേജിൽ നടക്കാൻ ഒരുകാലത്തും ആഗ്രഹിക്കാത്തയാളാണ് ശ്രുതിയെന്ന് പലപ്പോഴായി വെളിപ്പെടുത്തിയിട്ടുമുണ്ട്.

രാജ്യം ഏറെ പ്രതീക്ഷയോടെ കാത്തിരിക്കുന്ന മാരുതി സുസുക്കി ഇ-വിറ്റാര ഏതാനും ആഴ്ചകള്‍ക്കുള്ളില്‍ പുറത്തിറങ്ങാന്‍ പോകുകയാണ്. ഇന്ത്യയിലെ നമ്പര്‍ 1 കാര്‍ നിര്‍മാതാക്കളുടെ ആദ്യത്തെ ഇലക്ട്രിക് കാര്‍ എന്നത് തന്നെയാണ് ഇ-വിറ്റാരയ്ക്ക് ഇത്രയധികം ഹൈപ്പ് ലഭിക്കാനുള്ള കാരണം. 2025 ഓട്ടോ എക്‌സ്‌പോയില്‍ പ്രദര്‍ശിപ്പിക്കപ്പെട്ട ഇലക്ട്രിക് എസ്‌യുവി ഇതിനോടകം രാജ്യത്തിന്റെ ചില ഭാഗങ്ങളിലുള്ള നെക്‌സ ഷോറൂമുകളില്‍ പ്രദര്‍ശനത്തിനെത്തിയിട്ടുണ്ട്. ചില ഡീലര്‍ഷിപ്പുകള്‍ അനൗദ്യോഗികമായി കാറിന്റെ ബുക്കിംഗും ആരംഭിച്ചു. ഡെല്‍റ്റ, സീറ്റ, ആല്‍ഫ എന്നീ മൂന്ന് വേരിയന്റുകളിലാണ് വാഹനം പുറത്തിറങ്ങുക. ഓരോന്നും വ്യത്യസ്ത സവിശേഷതകള്‍ പായ്ക്ക് ചെയ്താണ് എത്തുക. ലോഞ്ചിന് മുന്നോടിയായി ഇ-വിറ്റാരയുടെ ഫീച്ചര്‍ ലിസ്റ്റ് പുറത്തായിട്ടുണ്ട്.

ഇന്ത്യൻ വാഹന പ്രേമികൾ കാത്തിരിക്കുന്ന മോഡലാണ് റെനോ ഡസ്റ്റർ. എന്നാൽ നിർത്തലാക്കിയതിന് ശേഷം ഉടൻ വരുമെന്ന റിപ്പോർട്ടുകൾ പുറത്തു വരുന്നുണ്ട്. എന്നാൽ ഇപ്പോൾ അപ്ഡേറ്റ് ലഭിച്ചിരിക്കുന്നത് വിദേശത്തുളള മോഡലിനാണ്. 2020 ൽ ലഭ്യമായിരുന്ന മോഡലാണ് ബ്രസീലിൽ ഉളളത്.2024 ൽ ആണ് ഇതിന് മിഡ്-സൈക്കിൾ ഫെയ്‌സ്‌ലിഫ്റ്റ് ലഭിച്ചത്. ബ്രസീലിലെ രണ്ടാം തലമുറ ഡസ്റ്ററിന് ഒരു അപ്‌ഡേറ്റ് ലഭിച്ചുവെന്നത് അതിശയകരം തന്നെയാണ്. ഇപ്പോൾ ഒരു ഷാർക്ക് ഫിൻ ആന്റിന, എൽഇഡി ഹെഡ്‌ലൈറ്റുകൾ,17 ഇഞ്ച് ടെർഗൻ അലോയ് വീലുകൾ, മെഗാലിത്ത് ഗ്രേ സ്‌കിഡ് പ്ലേറ്റുകൾ, റൂഫ് ബാറുകൾ എന്നിവയൊക്കെയാണ് ലഭിക്കുന്നത്.

വാഹനമില്ലാതെ വലയുന്ന സർക്കാർ വകുപ്പുകൾക്ക് ആശ്വാസമായി പുതിയ കേളര ബജറ്റ്. പഴയതും കാലഹരണ്പ്പെട്ടതുമായ സർക്കാർ വാഹനങ്ങൾ മാറ്റി വാങ്ങാൻ 2025 -2026 സംസ്ഥാന ബജറ്റിൽ 100 കോടി രൂപ വകയിരുത്തിയതായി ധനമന്ത്രി കെ. എൻ. ബാല​ഗോപാൽ അറിയിച്ചു. രണ്ടാം പിണറായി സർക്കാരിന്റെ അവസാന സമ്പൂർണ ബജറ്റ് അവതരണ വേളയിലാണ് ഈ പ്രഖ്യാപനം. അടുത്ത വർഷത്തെ ബജറ്റ് സമ്മേളനത്തിന് കേരളത്തിന്റെ വടക്കൻ പ്രദേശത്തുള്ള MLA -മാർക്ക് വീതിയും സൗകര്യവുമേറിയതായ ആറ് വരി ദേശീയ പാതയിലൂടെ തിരുവനന്തപുരത്തേക്ക് എത്താൻ കഴിയും എന്നും പ്രഖ്യാപനം വ്യക്തമാക്കുന്നു.