ഇന്ത്യന്‍ വാഹനവിപണിയില്‍ ടൊയോട്ട കിര്‍ലോസ്‌കര്‍ മോട്ടോര്‍ വമ്പന്‍ നേട്ടം കൊയ്ത മാസമായിരുന്നു 2026 മാര്‍ച്ച്. കമ്പനിയുടെ വിപണിയിലെ വളര്‍ച്ചയെ നയിച്ചത് അര്‍ബന്‍ ക്രൂയിസര്‍ ഹൈറൈഡര്‍ (Urban Cruiser Hyryder) എന്ന മിഡ്സൈസ് എസ്‌യുവിയാണ്. മുന്‍ വര്‍ഷത്തെ അപേക്ഷിച്ച് ഈ മോഡലിന്റെ വില്‍പ്പനയില്‍ 93.08 ശതമാനത്തിന്റെ അവിശ്വസനീയമായ വര്‍ദ്ധനവാണ് രേഖപ്പെടുത്തിയിരിക്കുന്നത്. രാജ്യത്തെ ഒട്ടുമിക്ക ടൊയോട്ട ഡീലര്‍ഷിപ്പുകളിലും ഈ എസ്‌യുവിക്ക് വന്‍ ഡിമാന്‍ഡാണ് അനുഭവപ്പെട്ടത്. ഹൈബ്രിഡ് സാങ്കേതികവിദ്യയോടുള്ള ഉപഭോക്താക്കളുടെ താല്‍പ്പര്യമാണ് ഹൈറൈഡറിന്റെ വിജയത്തിന് പിന്നിലെ പ്രധാന ഘടകമെന്ന് റിപ്പോര്‍ട്ടുകള്‍ വ്യക്തമാക്കുന്നു.

ടാറ്റയ്ക്കും മഹീന്ദ്രയ്ക്കും എംജിക്കുമെല്ലാം മുമ്പ് ഇന്ത്യയിൽ ആദ്യമായി ഇലക്‌ട്രിക് പാസഞ്ചർ കാർ പുറത്തിറക്കിയവരാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. പക്ഷേ ആദ്യ മോഡലായ കോന ഇവിക്ക് കാര്യമായി ക്ലച്ചുപിടിക്കാനാവാതെ പോവുകയായിരുന്നു. എന്നാൽ ഇതിന് ശേഷം അയോണിക് 5, ക്രെറ്റ ഇവി പോലുള്ള വൈദ്യുത കാറുകൾ കൊണ്ടുവന്നുവെങ്കിലും കമ്പനിക്ക് ശോഭിക്കാനായില്ലെന്നതാണ് സത്യം. എന്നാൽ ഹ്യുണ്ടായിയുടെ രാശി മാറ്റാൻ പോവുന്ന ഇലക്‌ട്രിക് കാർ പിറവിയെടുത്തിരിക്കുകയാണ് ഇപ്പോൾ. 2025 സെപ്റ്റംബറിൽ കൺസെപ്റ്റ് ത്രീ എന്ന പേരിൽ പ്രിവ്യൂ ചെയ്ത അയോണിക് 3 എസ്‌യുവിയുമായാണ് ബ്രാൻഡിന്റെ വരവ്.

ഫാമിലി ഇലക്ട്രിക് സ്‌കൂട്ടര്‍ വാങ്ങാനൊരുങ്ങുന്നവര്‍ക്ക് ആവേശം നല്‍കിക്കൊണ്ട് ഏഥര്‍ എനര്‍ജി റിസ്തക്ക് ആകര്‍ഷകമായ ഓഫറുകള്‍ പ്രഖ്യാപിച്ചു. വിപണിയില്‍ ഡിമാന്‍ഡ് വര്‍ദ്ധിപ്പിക്കുക എന്ന ലക്ഷ്യത്തോടെ പരിമിത കാലത്തേക്ക് മാത്രമാണ് കമ്പനി ഈ ആനുകൂല്യങ്ങള്‍ ഒരുക്കിയിരിക്കുന്നത്. തെരഞ്ഞെടുത്ത പ്രദേശങ്ങള്‍ അനുസരിച്ച് ഓഫറുകളിലും ആനുകൂല്യങ്ങളില്‍ മാറ്റമുണ്ടാകും. പരമാവധി 23,500 രൂപ വരെയാണ് ഓഫറുകളിലൂടെ ഉപഭോക്താക്കള്‍ക്ക് ലാഭിക്കാന്‍ സാധിക്കുക. ഏഥര്‍ റിസ്ത സ്വന്തമാക്കാന്‍ ആഗ്രഹിക്കുന്നവര്‍ക്ക് ഇതൊരു മികച്ച അവസരമാണ്.ഏഥര്‍ എനര്‍ജിയുടെ ഏറ്റവും പുതിയ ഓഫറുകള്‍ പ്രകാരം ഇന്ത്യയിലെ മിക്ക സംസ്ഥാനങ്ങളിലും 23,500 രൂപയുടെ ആനുകൂല്യങ്ങള്‍ ലഭ്യമാണ്.

കെടിഎമ്മിന്റെ ബൈക്കുകളിൽ ഏറ്റവും ഫാൻസുള്ള മോഡലാണ് 390 ഡ്യൂക്ക്. അന്യായ പെർഫോമൻസും അതിനൊത്ത ക്വാളിറ്റിയുമുള്ള സ്പോർട്ടി നേക്കഡ് സ്ട്രീറ്റ് സ്പോർട്‌സ് മോട്ടോർസൈക്കിളിന് ഹേറ്റേഴ്‌സ് ഇല്ലെന്ന് പറഞ്ഞാലും തെറ്റില്ല. പെർഫോമൻസുകൊണ്ട് ഇന്ത്യൻ യുവത്വങ്ങളുടെ കണ്ണഞ്ചിപ്പിച്ച ബൈക്ക് ഇന്നും ഹോട്ട് കേക്ക് പോലെയാണ് വിറ്റഴിയുന്നത്. ഇപ്പോഴിതാ കെടിഎം ഇന്ത്യ ജനപ്രിയനായ 390 ഡ്യൂക്കിന്റെ പുതിയ 350 സിസി പതിപ്പ് ഇന്ത്യയിൽ പുറത്തിറക്കിയിരിക്കുകയാണ്. 2.77 ലക്ഷം രൂപ എക്സ്ഷോറൂം വിലയിലാണ് അവതരിപ്പിച്ചിരിക്കുന്നത്. അതായത് നിലവിലുള്ള 390 R മോഡലിനേക്കാൾ 62,000 രൂപയോളം വില കുറവാണെന്ന് സാരം.

ഇന്ത്യയിലെ വേനല്‍ക്കാലം കടുത്തതിനാല്‍ വാഹനയാത്ര സുഖകരമാക്കാന്‍ മികച്ച എയര്‍ കണ്ടീഷനിംഗ് സംവിധാനമുള്ള കാറുകള്‍ അത്യാവശ്യമാണ്. മെറ്റല്‍ ബോഡിയുള്ള കാറുകള്‍ വെയിലത്ത് പാര്‍ക്ക് ചെയ്യുമ്പോള്‍ ചൂടുകൊണ്ട് വീര്‍പ്പുമുട്ടാറുണ്ട്. എന്നാല്‍ പത്ത് ലക്ഷം രൂപയില്‍ താഴെ വിലയുള്ള ചില ജനപ്രിയ കാറുകള്‍ മികച്ച എസി പെര്‍ഫോമന്‍സിലൂടെ ക്യാബിന്‍ പെട്ടെന്ന് തണുപ്പിക്കാന്‍ സഹായിക്കുന്നു. പ്രമുഖ നിര്‍മ്മാതാക്കളായ മാരുതി സുസുക്കി, ടാറ്റ, ഹ്യുണ്ടായിവ തുടങ്ങിയവ ഈ രംഗത്ത് ഏറെ മുന്നിലാണ്. 10 ലക്ഷം രൂപയില്‍ താഴെ വിലയില്‍ ലഭിക്കുന്ന മികച്ച എസിയുള്ള കാറുകള്‍ ഏതൊക്കെയെന്ന് നോക്കാം.

വിശേഷ ദിവസമായ അക്ഷയ തൃതീയക്ക് (Akshaya Tritiya 2026) സ്വര്‍ണത്തിന് സമാനമായി പുതിയ വാഹനങ്ങള്‍ വാങ്ങാനും ഉപഭോക്താക്കള്‍ ഏറെ താല്‍പ്പര്യപ്പെടുന്നു. ഇതിന്റെ ഭാഗമായി ഇന്ത്യയിലുടനീളമുള്ള മഹീന്ദ്ര (Mahindra) ഷോറൂമുകളില്‍ വലിയ തിരക്കാണ് അനുഭവപ്പെട്ടത്. ഈ അവസരം പ്രയോജനപ്പെടുത്തിയ കമ്പനി തങ്ങളുടെ ഇലക്ട്രിക് വാഹനങ്ങളുടെ ഡെലിവറി തകര്‍പ്പന്‍ രീതിയില്‍ പൂര്‍ത്തിയാക്കി. ഏപ്രില്‍ 19-ന് നടന്ന അക്ഷയതൃതീയ ആഘോഷങ്ങള്‍ക്കിടെ ഒറ്റ ദിവസം കൊണ്ട് ഇന്ത്യയിലുടനീളം 610-ലധികം ഇലക്ട്രിക് എസ്‌യുവികളാണ് മഹീന്ദ്ര ഉപഭോക്താക്കള്‍ക്ക് കൈമാറിയത്. മംഗളകരമായ ദിവസങ്ങളില്‍ പുതിയ വാഹനങ്ങള്‍ സ്വന്തമാക്കാന്‍ ഉപഭോക്താക്കള്‍ കാണിക്കുന്ന താല്‍പ്പര്യമാണ് ഈ നേട്ടത്തിന് പിന്നില്‍.

ഏഷ്യാനെറ്റിലെ മൗനരാഗം, സീതാ കല്യാണം, ചന്ദനമഴ, തുടങ്ങിയ പരമ്പരകളിലൂടെ മിനി സ്ക്രീൻ പ്രേക്ഷകർക്ക് പ്രിയങ്കരനായി മാറിയ നടനാണ് ജിത്തു വേണു​ഗോപാൽ. സ്റ്റാർ മാജിക്കിലൂടെയും വിവിധ പരമ്പരകളിലൂടെയുമെല്ലാം കുടുംബ പ്രേക്ഷകർക്ക് സുപരിചിതനായ താരം സോഷ്യൽ മീഡിയയിലും വളരെയധികം സജീവമാണ്. റൊമാന്റിക് ഹീറോയായി ആദ്യ സീരിയലിൽ എത്തിയ അജയ് ഇപ്പോൾ മൗനരാഗത്തിൽ അത്യാവശ്യം വില്ലൻ വേഷമാണ് കൈകാര്യം ചെയ്യുന്നത്. ഹാസ്യവും സീരിയസ് റോളുമെല്ലാം ഗംഭീരമാക്കുന്ന താരത്തിന് ആരാധകരും ഏറെയാണ്. ഇപ്പോഴിതാ കരിയറിന്റെ ഏറ്റവും നല്ല സമയത്തിലൂടെ കടന്നുപോവുന്ന ജിത്തു ഇനിയുള്ള യാത്രകൾക്കായി പുത്തനൊരു വാഹനം വാങ്ങിയിരിക്കുകയാണ്.

ഇലക്‌ട്രിക് കാർ വിപണിയിൽ തരംഗം തീർത്ത് മുന്നേറുകയാണ് എംജി വിൻഡ്‌സർ ഇവി. വിമാനത്തിലേത് പോലെ യാത്രാസുഖം തരുന്ന അകത്തളവുമായി എത്തിയ മോഡൽ ഹിറ്റടിച്ചത് കണ്ണടച്ച് തുറക്കുന്ന വേഗത്തിലായിരുന്നു. സാക്ഷാൽ ടാറ്റ നെക്സോൺ ഇവിയെ വരെ പിന്നിലാക്കി രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ഇലക്ട്രിക് വാഹനമായി വിൻഡ്‌സർ മാറിയതും വളരെ പെട്ടന്നായിരുന്നു. ഇപ്പോഴിതാ ടാക്‌സിയോടിക്കാൻ താത്പര്യമുള്ളവർക്കായി വിൻഡ്‌സർ ഇവിയുടെ ഒരു ഫ്ലീറ്റ്-ഒൺലി 'കമ്മ്യൂട്ട്' വേരിയന്റ് വിപണിയിൽ അവതരിപ്പിച്ചിരിക്കുകയാണ് കമ്പനി. ഡീസൽ കാറുകളേക്കാൾ കൂടുതൽ ലാഭമുണ്ടാക്കാൻ വൈദ്യുത മോഡലുകൾ ഡ്രൈവർ മാരെ സഹായിക്കുന്നതായിരിക്കും.

ഫ്രഞ്ച് വാഹന നിർമാതാക്കളായ റെനോയുടെ കഷ്‌ടകാലമെല്ലാം അവസാനിപ്പിക്കുവാനായി രണ്ടാം ജന്മമെടുത്തിരിക്കുകയാണ് റെനോ. രാജ്യത്തെ ആദ്യത്തെ മിഡ്-സൈസ് എസ്‌യുവിയായി അരങ്ങുവാണിരുന്ന കാലം വീണ്ടും തിരിച്ചുപിടിക്കാനാവുമെന്ന പ്രതീക്ഷയിൽ അടിപൊളിയായിട്ടാണ് കക്ഷിയുടെ രണ്ടാംവരവ്. ഡിസൈനിലായാലും ഫീച്ചറുകളിലായാലും എഞ്ചിൻ ഓപ്ഷന്റെ കാര്യത്തിലായാലും എല്ലാവരേയും തൃപ്ത്തിപ്പെടുത്തിയ ബ്രാൻഡ് വിലയിലും അതേ പ്രതീക്ഷ നിലനിർത്തിയാണ് ന്യൂജെൻ ഡസ്റ്ററിനെ വിപണിയിലെത്തിച്ചത്. ഇപ്പോഴിതാ സേഫ്റ്റിയുടെ കാര്യത്തിലും ഫുൾ മാർക്കും നേടി എതിരാളികളെ അമ്പരപ്പിച്ചിരിക്കുകയാണ് വാഹനം. ഭാരത് ന്യൂ കാർ അസസ്‌മെന്റ് പ്രോഗ്രാം (BNCAP) നടത്തിയ ഏറ്റവും പുതിയ ക്രാഷ് ടെസ്റ്റുകളിൽ മുതിർന്നവരുടെയും കുട്ടികളുടെയും സുരക്ഷയിൽ റെനോ ഡസ്റ്റർ 5-സ്റ്റാർ സേഫ്റ്റി റേറ്റിംഗ് സ്വന്തമാക്കിയിരിക്കുകയാണ്.

ടാറ്റ നെക്സോണും (Tata Nexon) മാരുതി സുസുക്കി ബ്രെസയും (Maruti Suzuki Brezza) അരങ്ങുവാഴുന്ന കോംപാക്‌ട് എസ്‌യുവി വിപണിയിൽ തന്റേതായ ശൈലിയിലൂടെ ഇടംകണ്ടെത്തിയ മിടുക്കനാണ് ഹ്യുണ്ടായി വെന്യു (Hyundai Venue). വന്നകാലം മുതൽ ഇന്നുവരെ കാര്യമായ രീതിയിൽ പരാതികളൊന്നും കേൾപ്പിക്കാതെ മുന്നേറുന്ന മോഡൽ അടുത്തിടെ ന്യൂജെനറേഷനിലേക്ക് മാറിയതോടെ കൂടുതൽ ആളുകൾ സ്വന്തമാക്കാനായി എത്തുന്നുണ്ട്. പുറത്തിറങ്ങി മാസങ്ങൾക്കുള്ളിൽ 1 ലക്ഷത്തിലധികം ബുക്കിംഗുകൾ സ്വന്തമാക്കി കുതിച്ചുപായുന്ന വെന്യുവിലേക്ക് ഇപ്പോഴിതാ കൂടുതൽ സ്പോർട്ടിയറായ പുത്തനൊരു വേരിയന്റുമായി രംഗത്തിറങ്ങിയിരിക്കുകയാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി.

ഇന്ത്യക്കാരെ വിസ്‌മയിപ്പിക്കുവാനായി ദക്ഷിണ കൊറിയൻ വാഹന നിർമാതാക്കളായ കിയ കൊണ്ടുവന്നൊരു കുഞ്ഞൻ എസ്‌യുവിയായിരുന്നു സിറോസ് (Kia Syros). സോനെറ്റ് ചൂടപ്പം പോലെ വിറ്റഴിയുന്ന അതേ കോംപാക്‌ട് എസ്‌യുവി വിഭാഗത്തിൽ രണ്ടാമതൊരു മോഡലിനെ കൂടി കൊണ്ടുവരുന്ന ബ്രാൻഡിന്റെ തന്ത്രം പക്ഷേ വിലപ്പോയില്ലെന്ന് വേണം പറയാൻ. ചെറിയ വിലയ്ക്ക് കിട്ടുന്ന ആഡംബര കാറായിട്ടും ആളുകൾക്ക് എന്തോ സിറോസിനെ കാര്യമായി ബോധിച്ചില്ല. പല ആഡംബര കാറുകളിലും മാത്രം കണ്ടിരുന്ന ഫീച്ചറുകളെല്ലാം ചെറിയ വിലയ്ക്ക് എത്തിക്കാൻ മോഡലിലൂടെ കിയയ്ക്ക് സാധിച്ചുവെങ്കിലും പരാജയമായിരുന്നു കാത്തിരുന്നത്.

അഡ്വഞ്ചർ ടൂറർ മോട്ടോർസൈക്കിൾ പ്രേമികൾ ഏറെക്കാലമായി കാത്തിരിക്കുന്നൊരു മോഡൽ ദിവസങ്ങൾക്കുള്ളിൽ വിപണിയിലേക്ക് എത്താൻ പോവുകയാണ്. മറ്റേതുമല്ല, ബവേറിയൻ ഇരുചക്ര വാഹന നിർമാതാക്കളായ ബിഎംഡബ്ല്യു മോട്ടോറാഡിനായി ടിവിഎസ് പണികഴിപ്പിക്കുന്ന F 450 GS എഡിവിയുടെ കാര്യമാണീ പറഞ്ഞുവരുന്നത്. 2025 EICMA മോട്ടോർ ഷോയിലൂടെ വെളിപ്പെടുത്തിയ ബൈക്ക് മുമ്പുണ്ടായിരുന്ന G 310 GS മോഡലിന്റെ പിൻഗാമിയായി നാടുവാഴാനാണ് ഒരുങ്ങുന്നത്. അവതരണം നേരത്തെ നടക്കേണ്ടിയിരുന്നതായിരുന്നുവെങ്കിലും ചില കാരണങ്ങളാൽ പദ്ധതി ഇതുവരെ വൈകുകയായിരുന്നു. എന്തായാലും ബിഎംഡബ്ല്യുവിന്റെ എൻട്രി ലെവൽ ബൈക്ക് 2026 ഏപ്രിൽ 23-ന് വിപണിയിൽ ഔദ്യോഗികമായി അവതരിപ്പിക്കുന്നതായിരിക്കും.

ഇന്ത്യയിലെ സ്‌കൂട്ടർ വിപണിയിൽ ഹോണ്ടയ്ക്കും ടിവിഎസിനും ശക്തമായ മത്സരം നൽകുന്നവരാണ് ജാപ്പനീസ് ഇരുചക്ര വാഹന നിർമാതാക്കളായ യമഹ. ഹൈബ്രിഡ് സ്‌കൂട്ടറുകളുമായി രംഗത്തിറങ്ങി പണംവാരുന്ന കമ്പനി സ്ത്രീജനങ്ങൾക്കും ഫാമിലി ഉപയോഗങ്ങൾക്ക് സ്‌കൂട്ടർ തേടുന്നവർക്കുമായി ഫാസിനോ എന്ന മിടുക്കിയെ പുറത്തിറക്കിയപ്പോൾ യങ്സ്റ്റേഴ്‌സിനും അൽപം സ്പോർട്ടി സ്റ്റൈൽ മോഡൽ തേടുന്നവർക്കുമായി റേ ZR എന്ന മിടുക്കന് രൂപംകൊടുക്കുകയുണ്ടായി. ഏറെക്കാലമായി വിപണിയിലുള്ളതിനാൽ ഇവരെ പ്രത്യേകം പരിചയപ്പെടുത്തേണ്ട ആവശ്യമൊന്നുമില്ലെന്നറിയാം. വേറെ ഒരു കമ്പനിക്കും കഴിയാത്തൊരു ടെക്‌നോളജിയിലൂടെയാണ് യമഹ ഈ വിഭാഗത്തിൽ മിന്നും വിജയം കൈക്കലാക്കുന്നത്.

തമിഴ്‌നാട്ടിലെ തൂത്തുക്കുടിയില്‍ വാഹന നിര്‍മാണശാല സ്ഥാപിച്ച് ഇന്ത്യയില്‍ പ്രവര്‍ത്തനം തുടങ്ങിയ വിയറ്റ്‌നാമീസ് ബ്രാന്‍ഡ് ആയ വിന്‍ഫാസ്റ്റ് ഓരോ ദിവസവും പുതിയ തലക്കെട്ടുകള്‍ സൃഷ്ടിക്കുകയാണ്. VF 6, VF 7 എന്നീ രണ്ട് ഇലക്ട്രിക് എസ്‌യുവികള്‍ക്ക് പിന്നാലെ ഇക്കഴിഞ്ഞ ദിവസമാണ് വിന്‍ഫാസ്റ്റ് VF MPV 7 എന്ന പുതിയ മോഡല്‍ ചേര്‍ത്ത് ഇന്ത്യന്‍ വാഹനനിര വിപുലീകരിച്ചത്. നിലവില്‍ വിന്‍ഫാസ്റ്റ് ഓഫര്‍ ചെയ്യുന്ന മൂന്ന് ഇലക്ട്രിക് കാറുകള്‍ക്കും 10 ലക്ഷം രൂപയ്ക്ക് മുകളിലാണ് വില. ഈ വര്‍ഷം തന്നെ ഇന്ത്യക്കാര്‍ക്കായി വിന്‍ഫാസ്റ്റിന്റെ വക ഒരു സര്‍പ്രൈസ് ഉണ്ട്.

ഇന്ത്യന്‍ വാഹന വിപണിയില്‍ അവിശ്വസനീയ നേട്ടം കുറിച്ച് കേരളത്തിന്റെ അഭിമാനമായി ഇന്‍ഡസ് മോട്ടോര്‍സ്. 2025-26 സാമ്പത്തിക വര്‍ഷത്തില്‍ റെക്കോര്‍ഡ് നേട്ടത്തോടെ 50,482 കാറുകള്‍ വിറ്റഴിച്ചാണ് ഇന്‍ഡസ് മോട്ടോര്‍സ് ദേശീയതലത്തില്‍ ചരിത്രം കുറിച്ചത്. ഇന്ത്യയിലെ ഒരു മാരുതി സുസുക്കി ഡീലര്‍ഷിപ്പ് ഇത്രയും വലിയൊരു വില്‍പ്പന ലക്ഷ്യം വര്‍ഷത്തിനുള്ളില്‍ സ്വന്തമാക്കുന്നത് ഇതാദ്യമാണ്. ഈ നേട്ടത്തോടെ മാരുതി സുസുക്കിയുടെ ഇന്ത്യയിലെ തന്നെ ഏറ്റവും വലിയ ഡീലര്‍ ശൃംഖലയെന്ന പദവി ഇന്‍ഡസ് ഊട്ടിയുറപ്പിച്ചു.2025-26 സാമ്പത്തിക വര്‍ഷത്തില്‍ മാരുതി സുസുക്കി ഇന്ത്യയിലുടനീളം 24 ലക്ഷത്തിലധികം വാഹനങ്ങള്‍ വിറ്റഴിച്ചിരുന്നു.

ഇന്ത്യന്‍ഏറ്റവും കൂടുതല്‍ വിറ്റഴിക്കപ്പെടുന്ന പ്രീമിയം ഹാച്ച്ബാക്കാണ് (Premium Hatchback) മാരുതി സുസുക്കി ബലേനോ. നിലവിലെ പതിപ്പ് വിപണിയില്‍ എത്തിയിട്ട് നാല് വര്‍ഷങ്ങള്‍ പിന്നിട്ട് കഴിഞ്ഞിട്ടും കാലാനുസൃതമായ മാറ്റങ്ങള്‍ക്കായി വലിയ അപ്ഡേറ്റുകളൊന്നും കമ്പനി നടത്തിയിരുന്നില്ല. എന്നാല്‍ ഈ കുറവ് പരിഹരിച്ചുകൊണ്ട്, കൂടുതല്‍ അത്യാധുനിക സാങ്കേതികവിദ്യകളും ഡിസൈന്‍ മാറ്റങ്ങളും ഉള്‍പ്പെടുത്തി ഫെയ്‌സ്‌ലിഫ്റ്റ് (Maruti Suzuki Baleno Facelift) പതിപ്പ് അവതരിപ്പിക്കാനാണ് മാരുതി സുസുക്കിയുടെ തീരുമാനം. ഈ കലണ്ടര്‍ വര്‍ഷത്തിന്റെ രണ്ടാം പകുതിയോടെ പ്രീമിയം ഹാച്ചിന്റെ അപ്‌ഡേറ്റഡ് പതിപ്പ് നിരത്തുകളില്‍ എത്തും.

കന്നി ഇവിയായ മോഡല്‍ Y-ക്ക് (Tesla Model Y) ഇന്ത്യന്‍ നിരത്തുകളില്‍ പ്രതീക്ഷിച്ച വിജയം കൈവരിക്കാന്‍ പറ്റാതെ പോയതിന്റെ ക്ഷീണം മായ്ക്കാന്‍ വമ്പന്‍ പദ്ധതികള്‍ നടപ്പാക്കാനൊരുങ്ങി അമേരിക്കന്‍ ഇവി ഭീമന്‍മാരായ ടെസ്‌ല. കൂടുതല്‍ വിശാലമായ ക്യാബിനും ആഡംബര സൗകര്യങ്ങളുമായി എത്തുന്ന ടെസ്ലയുടെ 6-സീറ്റര്‍ 'മോഡല്‍ Y L' (Tesla Model Y L) എസ്‌യുവി ഉടന്‍ ഇന്ത്യയിലെത്തുന്നു. ഏപ്രില്‍ 22-ന് നടക്കാനിരിക്കുന്ന ടെസ്ലയുടെ പ്രത്യേക പരിപാടിയില്‍ ഈ അത്യാധുനിക വാഹനം ഔദ്യോഗികമായി അവതരിപ്പിക്കുമെന്നാണ് ഏറ്റവും പുതിയ റിപ്പോര്‍ട്ടുകള്‍ വ്യക്തമാക്കുന്നത്.

ടാറ്റ പഞ്ചിന്റെയും (Tata Punch) ഹ്യുണ്ടായി എക്സ്റ്ററിന്റെയും (Hyundai Exter) കുതിപ്പില്‍ വിറങ്ങലിച്ചു നില്‍ക്കുന്ന മൈക്രോ എസ്‌യുവി വിപണി പിടിച്ചെടുക്കാന്‍ മാരുതി സുസുക്കി തങ്ങളുടെ ഏറ്റവും പുതിയ ആയുധം പുറത്തെടുക്കുന്നു. വില്‍പ്പന മന്ദഗതിയിലായ ഇഗ്‌നിസിനെ (Maruti Suzuki Ignis) പടിക്കുപുറത്താക്കി, പകരം 'Y43' എന്ന കോഡ് നാമത്തില്‍ അറിയപ്പെടുന്ന പുതിയ മൈക്രോ എസ്‌യുവി (Micro SUV) അവതരിപ്പിക്കാനുള്ള മാരുതിയുടെ നീക്കം വാഹനലോകത്ത് വലിയ ചര്‍ച്ചയായിരിക്കുകയാണ്. പഞ്ചും എക്‌സ്റ്ററും , ആധിപത്യം പുലര്‍ത്തുന്ന സെഗ്മെന്റില്‍ സ്വന്തമായൊരു സ്ഥാനം കണ്ടെത്തുക എന്ന ലക്ഷ്യത്തോടെയാണ് മാരുതി ഈ കുട്ടി എസ്‌യുവി കൊണ്ടുവരാന്‍ പോകുന്നത്.

നിയമസഭ തെരഞ്ഞെടുപ്പ് ഫലം വരുന്നതിന് മുമ്പേ തന്നെ ഭരണം ലഭിക്കുമെന്ന പ്രതീക്ഷയില്‍ ഇന്ത്യന്‍ നാഷനല്‍ കോണ്‍ഗ്രസിന്റെ പ്രമുഖ നേതാക്കള്‍ മുഖ്യമന്ത്രിക്കസേരക്കായി പിടിവലി തുടങ്ങിയ വാര്‍ത്തകള്‍ നാം കാണുന്നുണ്ട്. ഇന്ത്യയിലെ കത്തുന്ന ചൂടില്‍ കാര്‍ യാത്ര വെല്ലുവിളിയായി മാറുമ്പോള്‍, ആശ്വാസത്തിന്റെ 'കുളിര്‍ക്കാറ്റുമായി' എത്തുന്ന വെന്റിലേറ്റഡ് സീറ്റുകള്‍ക്കായാണ് (Ventilated Seats) വാഹനലോകത്ത് പിടിവലി. ഇന്ത്യന്‍ വാഹന വിപണിയില്‍ ഉപഭോക്താക്കള്‍ ഇന്ന് ഏറ്റവും കൂടുതല്‍ ആവശ്യപ്പെടുന്ന ഫീച്ചറുകളില്‍ ഒന്നായി വെന്റിലേറ്റഡ് സീറ്റുകള്‍ മാറിയിരിക്കുന്നു.

മാരുതി സുസുക്കിയുമായുള്ള പങ്കാളിത്തത്തോടെ സാധാരണക്കാരിലേക്ക് കൂടുതൽ അടുത്തവരാണ് ജാപ്പനീസ് വാഹന നിർമാതാക്കളായ ടൊയോട്ട. ബലേനോ ഗ്ലാൻസയായപ്പോഴും എർട്ടിഗ റൂമിയോൺ ആയപ്പോഴും ബ്രെസ അർബൻ ക്രൂയിസർ ആയപ്പോഴും ഫ്രോങ്ക്‌സ് ടൈസർ ആയപ്പോഴുമെല്ലാം ഇന്ത്യക്കാർ ഇരുകൈയും നീട്ടിയാണ് സ്വീകരിച്ചത്. ടൊയോട്ടയുടെ ബാഡ്‌ജിന്റെ വില എത്രത്തോളമുണ്ടെന്ന് വണ്ടിഭ്രാന്തൻമാരോട് ചോദിച്ചാൽ കൃത്യമായി അറിയാം. ബ്രാൻഡിന്റെ എക്കാലത്തേയും ഫേവറീറ്റ് മോഡലായ ഇന്നോവ (Toyota Innova MPV) വാങ്ങാൻ പണിമില്ലാത്തവർക്ക് ടൊയോട്ടയുടെ എംബ്ലം ഘടിപ്പിച്ച കുറഞ്ഞ വിലയുള്ള മറ്റൊരു 7-സീറ്റർ കൊടുക്കാൻ കമ്പനിക്കായതും മാരുതിയുടെ സഹായത്തോടെയാണ്.

അക്ഷയതൃതീയ ആഘോഷങ്ങളുടെ ഭാഗമായി തങ്ങളുടെ മുഴുവന്‍ ഇലക്ട്രിക് ഇരുചക്ര വാഹന നിരയിലും വമ്പിച്ച ഓഫറുകള്‍ പ്രഖ്യാപിച്ച് ഓല ഇലക്ട്രിക്. 'ഓല സോന വീക്കെന്‍ഡ്' (Ola Sona Weekend) എന്ന പേരില്‍ പ്രഖ്യാപിച്ചിരിക്കുന്ന ഈ പ്രത്യേക ക്യാമ്പയിനിന് കീഴില്‍ ഉപഭോക്താക്കള്‍ക്ക് 50,000 രൂപ വരെ ആനുകൂല്യങ്ങള്‍ നേടാം. 2026 ഏപ്രില്‍ 18, 19 തീയതികളില്‍ മാത്രമാണ് ഈ പരിമിതകാല ഓഫറുകള്‍ ലഭ്യമാകുന്നത് എന്ന കാര്യം പ്രത്യേകം ശ്രദ്ധിക്കുക. അതായത്, ഇന്നും നാളെയും വൈകീട്ട് 6 മണി മുതല്‍ 9 മണി വരെയുള്ള സമയത്താണ് ഉപഭോക്താക്കള്‍ക്ക് ഈ പ്രത്യേക ഓഫറുകള്‍ ലഭ്യമാവുക.

ഇന്ത്യക്കായി വമ്പൻ പ്രഖ്യാപനങ്ങൾ നടത്തി ട്രെൻഡിംഗായി നിൽക്കുകയാണ് ഫ്രഞ്ച് വാഹന നിർമാതാക്കളായ റെനോ. ഡസ്റ്ററിന്റെ തിരിച്ചുവരവോടെ പഴയ ഫോം തിരിച്ചുപിടിച്ച ബ്രാൻഡ് ഇക്കുറി രണ്ടും കൽപ്പിച്ചാണ് ഇറങ്ങിയിരിക്കുന്നത്. റെനോയുടെ ടോപ്പ് സെല്ലിംഗ് മോഡലുകളിൽ ഒന്നായ ട്രൈബറിലേക്ക് (Renault Triber) ടർബോ പെട്രോൾ എഞ്ചിൻ കൊണ്ടുവരുന്ന കാര്യമുൾപ്പടെ കമ്പനി സ്ഥിരീകരിച്ചിട്ടുണ്ട്. ഒപ്പം മറ്റൊരു സർപ്രൈസും റെനോയുടെ പ്രഖ്യാപനത്തിലുണ്ട്. റെനോ ഇന്ത്യ ഉടൻ തന്നെ ട്രൈബറിൽ ഒരു പുതിയ ഫാക്ടറി ഫിറ്റഡ് സിഎൻജി കിറ്റ് അവതരിപ്പിക്കും എന്നതാണ് ആ കാര്യം.

സ്‌കോഡ കാറുകള്‍ സ്വന്തമാക്കാന്‍ കാത്തിരിക്കുന്നവര്‍ക്ക് സന്തോഷം നല്‍കിക്കൊണ്ട് ജനപ്രിയ മോഡലുകള്‍ക്ക് ഏപ്രില്‍ മാസം വമ്പിച്ച വിലക്കിഴിവ് പ്രഖ്യാപിച്ച് ചെക്ക് റിപബ്ലിക്കന്‍ ബ്രാന്‍ഡ്. പുത്തന്‍ ഫെയ്സ്ലിഫ്റ്റ് പതിപ്പ് വിപണിയില്‍ എത്തിയതോടെ സ്റ്റോക്കിലുള്ള പഴയ കുഷാഖ് മോഡലുകള്‍ക്ക് മൂന്ന് ലക്ഷം രൂപ വരെയാണ് ഡിസ്‌കൗണ്ട് ലഭിക്കുന്നത്. പ്രീമിയം എസ്‌യുവികള്‍ കുറഞ്ഞ ചെലവില്‍ സ്വന്തമാക്കാന്‍ ആഗ്രഹിക്കുന്നവര്‍ക്ക് ഇതൊരു സുവര്‍ണാവസരമാണ്. അടുത്തിടെയാണ് സ്‌കോഡ തങ്ങളുടെ കോംപാക്ട് എസ്‌യുവിയായ കുഷാഖിന് ആദ്യമായി ഫെയ്സ്ലിഫ്റ്റ് സമ്മാനിച്ചത്. എക്‌സ്റ്റീരിയറില്‍ കോസ്‌മെറ്റിക് പരിഷ്‌കാരങ്ങള്‍ വരുത്തിയതിനൊപ്പം എസ്‌യുവിയുടെ 1.0 ലിറ്റര്‍ TSI എഞ്ചിനോടൊപ്പം പുതിയ 8-സ്പീഡ് ടോര്‍ക്ക് കണ്‍വെര്‍ട്ടര്‍ ഗിയര്‍ബോക്‌സ് കൂടി ചേര്‍ത്തിട്ടുണ്ട്.

സംഗതി ചൈനീസ് കമ്പനിയാണെങ്കിലും ഇന്ത്യക്കാരുടെ മനസ് കീഴടക്കി മുന്നേറുകയാണ് ബിൽഡ് യുവർ ഡ്രീംസ് എന്ന ബിവൈഡി. ഇലക്ട്രിക് കാറുകളിൽ ശ്രദ്ധകേന്ദ്രീകരിച്ചിരിക്കുന്ന കമ്പനിക്ക് വിലയൊരു വിലങ്ങുതടിയല്ലെന്ന് തെളിയിച്ചവർ കൂടിയാണ്. e6 എംപിവി, അറ്റോ 3, സീൽ, സീലയൺ 7, ഇമാക്‌സ് 7 തുടങ്ങിയ മിടുക്കൻ മോഡലുകളിലൂടെയാണ് രാജ്യം വെട്ടിപ്പിടിച്ചത്. ആഗോളതലത്തിൽ സാക്ഷാൽ ടെസ്‌ലയെ വരെ പിന്നിലാക്കി കുതിക്കുന്ന ബ്രാൻഡ് ഇന്ത്യയിലും സജീവമായാണ് പ്രവർത്തിക്കുന്നത്. നല്ല രീതിയിൽ മുമ്പോട്ട് പോവുന്നതിനിടയിൽ ചില കാരണങ്ങളാൽ മോഡൽ നിരയിൽ വില വർധനവ് നടപ്പിലാക്കാൻ ഒരുങ്ങുകയാണ് ബിവൈഡി.

ഇന്ത്യയിലെ ട്രെയിനുകളില്‍ നിങ്ങള്‍ യാത്ര ചെയ്തിട്ടുണ്ടെങ്കില്‍ തീവണ്ടിയുടെ തുടക്കത്തിലോ ഒടുവിലോ ആയി 'SLR' എന്ന് രേഖപ്പെടുത്തിയ കോച്ചുകള്‍ കണ്ടിട്ടുണ്ടാകും. എന്നാല്‍ ഈ കോച്ചുകളുടെ യഥാര്‍ത്ഥ ഉപയോഗത്തെ കുറിച്ച് പലര്‍ക്കും വ്യക്തമായ ധാരണയില്ല. സ്ലീപ്പര്‍ കോച്ചുകള്‍ പോലെ ഏതെങ്കിലും ഒരു കോച്ച് ആകുമെന്ന ധാരണയില്‍ നാം അത് വിസ്മരിക്കാറാണ് പതിവ്. എന്നാല്‍ ഒന്നിലേറെ റോളുകള്‍ നിര്‍വഹിക്കുന്ന ഈ കോച്ചുകള്‍ ട്രെയിനിന്റെ പ്രവര്‍ത്തനത്തില്‍ വളരെ നിര്‍ണായകമായ പങ്കാണ് നിര്‍വഹിക്കുന്നത്. ട്രെയിനിലെ SLR കോച്ച് എന്താണെന്നും അതിന്റെ ധര്‍മം എന്താണെന്നും ഈ ലേഖനത്തില്‍ നമുക്ക് പരിശോധിക്കും.