ഇന്ത്യന്‍ വാഹന വിപണിയിലെ മിഡ്-സൈസ് എസ്‌യുവി സെഗ്മെന്റില്‍ ചുരുങ്ങിയ കാലം കൊണ്ട് വലിയ തരംഗം സൃഷ്ടിച്ച മോഡലാണ് ടൊയോട്ട അര്‍ബന്‍ ക്രൂയിസര്‍ ഹൈറൈഡര്‍. ഇന്ധനക്ഷമതയ്ക്കും വിശ്വസ്തതയ്ക്കും മുന്‍ഗണന നല്‍കുന്ന ഉപഭോക്താക്കള്‍ക്കിടയില്‍ ഈ വാഹനത്തിനുള്ള വലിയ സ്വീകാര്യത അടിവരയിടുന്നതാണ് ഏറ്റവും പുതിയ വില്‍പ്പന കണക്കുകള്‍. മാരുതി സുസുക്കി ഗ്രാന്‍ഡ് വിറ്റാരയുമായി പ്ലാറ്റ്‌ഫോം പങ്കിട്ടെത്തുന്ന ഈ കോംപാക്ട് എസ്‌യുവിയുടെ 2026 മെയ് മാസത്തി്‌ലെ വില്‍പ്പന കണക്കുകള്‍ ഗാഡിവാഡി (Gaadiwaadi) പങ്കുവെച്ചിട്ടുണ്ട്. റിപ്പോര്‍ട്ട് പ്രകാരം കഴിഞ്ഞ മാസം ആകെ 8,664 അര്‍ബന്‍ ക്രൂയിസര്‍ ഹൈറൈഡര്‍ എസ്‌യുവിയാണ് ടൊയോട്ട ഇന്ത്യയിലുടനീളം വിറ്റഴിച്ചത്.

ഇന്ത്യന്‍ വിപണിയില്‍ വന്‍ തരംഗം സൃഷ്ടിച്ചുകൊണ്ട് ഫ്രഞ്ച് വാഹന നിര്‍മാതാക്കളായ റെനോയുടെ പുതു തലമുറ ഡസ്റ്റര്‍ എസ്‌യുവി മികച്ച മുന്നേറ്റം തുടരുന്നു. വിപണിയില്‍ അവതരിപ്പിച്ച് ചുരുങ്ങിയ മാസങ്ങള്‍ക്കുള്ളില്‍ തന്നെ 5000 യൂണിറ്റുകളുടെ വില്‍പ്പനയാണ് ഈ മിഡ്-സൈസ് എസ്‌യുവി സ്വന്തമാക്കിയത്. ഈ വലിയ വിപണി നേട്ടത്തിന്റെ പശ്ചാത്തലത്തില്‍ പുതിയ ഡസ്റ്റര്‍ വാങ്ങാന്‍ ആഗ്രഹിക്കുന്ന ഉപഭോക്താക്കള്‍ക്കായി ആകര്‍ഷകമായ പുതിയൊരു സവിശേഷ ആനുകൂല്യ പദ്ധതിയും കമ്പനി ഇപ്പോള്‍ പ്രഖ്യാപിച്ചിട്ടുണ്ട്. പുതിയ ഡസ്റ്റര്‍ സ്വന്തമാക്കാന്‍ ആഗ്രഹിക്കുന്ന ഉപഭോക്താക്കള്‍ക്ക് കൂടുതല്‍ ആശ്വാസം നല്‍കുന്നതിനായി 'ഡിസ്‌കവറി ഡേയ്‌സ്' എന്ന പേരില്‍ പ്രത്യേക ക്യാമ്പയിനാണ് റെനോ ഇന്ത്യ ആരംഭിച്ചിരിക്കുന്നത്.

Monsoon car parking tips. മഴക്കാലത്ത് വാഹനം പാർക്ക് ചെയ്യുമ്പോൾ ശ്രദ്ധിക്കേണ്ട കാര്യങ്ങൾ ഇവയാണ്. ഹാൻഡ്‌ബ്രേക്ക് ഉപയോഗം, സുരക്ഷിതമായ സ്ഥലം കണ്ടെത്തൽ എന്നിവയിലൂടെ വലിയ സാമ്പത്തിക നഷ്ടം ഒഴിവാക്കാം.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിലേക്ക് ശക്തമായൊരു തിരിച്ചുവരവ് നടത്തി എതിരാളികളുടെ നെഞ്ചിൽ തീകോരിയിട്ടിരിക്കുകയാണ് റെനോ ഡസ്റ്റർ എന്ന ഇതിഹാസം. ഇത്രയും വലിയ മത്സരാധിഷ്ഠിതമായ സെഗ്മെമ്റിലേക്ക് വെറുതേ വന്നാൽ കളികൾ നടക്കില്ലെന്ന് കൃത്യമായി മനസിലാക്കിയ ഫ്രഞ്ച് വാഹന നിർമാതാക്കൾ നല്ല കിടിലമാക്കിയാണ് ന്യൂജെൻ ഡസ്റ്ററിന് പണിതിറക്കിയിരിക്കുന്നത്. നല്ല വില നിർണയവും സ്ട്രോംഗ് ഹൈബ്രിഡ് പെട്രോൾ എഞ്ചിന്റെ സാന്നിധ്യവും ഒന്നാന്തരം ഡിസൈനും കൂടിയായപ്പോൾ ഫ്രഞ്ച് ബ്രാൻഡിന്റെ നല്ലകാലവും തുടങ്ങി. 10.49 ലക്ഷം രൂപ മുതൽ 18.50 ലക്ഷം രൂപ വരെയാണ് ഡസ്റ്ററിനായി മുടക്കേണ്ടി വരുന്ന എക്സ്ഷോറൂം വില.

Vehicle Rust Prevention. തീരപ്രദേശങ്ങളിൽ വാഹനങ്ങൾ വേഗത്തിൽ തുരുമ്പെടുക്കുന്നത് തടയാൻ ഫലപ്രദമായ വഴികൾ ഇതാ. അണ്ടർബോഡി കോട്ടിംഗ് മുതൽ കൃത്യമായ വാഷിംഗ് വരെ ശ്രദ്ധിക്കേണ്ട കാര്യങ്ങൾ അറിയാം.

ഇന്ത്യയിലെ ആദ്യ പ്ലഗ്-ഇൻ ഹൈബ്രിഡ് കാർ ബിവൈഡി പുറത്തിറക്കാൻ പോവുന്നുവെന്ന വാർത്തകൾ അടുത്തിടെ വലിയ ചർച്ചയായിരുന്നു. ഇപ്പോഴിതാ ആഗോളതലത്തിൽ പ്രശംസ നേടിയ ഡ്യുവൽ മോഡ് ഇന്റലിജന്റ് എന്ന DM-i ഹൈബ്രിഡ് സാങ്കേതികവിദ്യ ഔദ്യോഗികമായി രാജ്യത്ത് അവതരിപ്പിച്ചിരിക്കുകയാണ് ബിൽഡ് യുവർ ഡ്രീംസ് എന്ന ബിവൈഡി. പുതിയ പ്ലഗ്-ഇൻ ഹൈബ്രിഡ് വാഹനം വിപണിയിലെത്തുമെന്ന് പ്രതീക്ഷിച്ചിരുന്നവർക്ക് മുന്നിലേക്ക് ഈയൊരു സാങ്കേതികവിദ്യയെ മാത്രമാണ് ചൈനീസ് വൈദ്യുത വാഹന നിർമാതാക്കൾ ഇപ്പോൾ പരിചയപ്പെടുത്തിയിരിക്കുന്നത്. എന്തായാലും ഇക്കാര്യത്തിൽ വണ്ടിഭ്രാന്തൻമാരുടെ നിരാശ താത്ക്കാലികമായിരിക്കുമെന്ന കാര്യവും കമ്പനി ഉറപ്പുനൽകുന്നുണ്ട്.

തമിഴകത്തെ ജനപ്രിയ അവതാരകയും അഭിനേത്രിയുമാണ് ഡിഡി എന്ന ദിവ്യദർശിനി നീലകണ്ഠൻ (Dhivyadharshini). മലയാളികൾക്ക് രഞ്ജി ഹരിദാസ് എങ്ങനെയാണോ അങ്ങനെയാണ് ഡിഡി തമിഴർക്ക്. ദക്ഷിണേന്ത്യയിലെ തന്നെ ഏറ്റവും വേതനം വാങ്ങുന്ന അവതാരികമാരിൽ ഒരാൾ കൂടിയാണ് കക്ഷി. ടൊവിനോ തോമസിന്റെ ഒരു ആൽബം സോംഗിലും ദിവ്യദർശിനി പ്രത്യക്ഷപ്പെട്ടിട്ടുള്ളതിനാൽ മലയാളികൾക്കും പുള്ളിക്കാരിയെ സുപരിചിതമാണ്. നടി, അവതാരക തുടങ്ങിയ നിലകളിൽ ശ്രദ്ധേയയായ ഡിഡി ഇപ്പോഴിതാ തന്റെ യാത്രകൾക്ക് കൂട്ടായി പുതിയൊരു അതിഥിയെ കൂടെക്കൂട്ടിയിരിക്കുകയാണ്. മലയാളത്തിൽ വേരുകളുള്ള ദിവ്യദർശിനി പുതിയൊരു വാഹനം സ്വന്തമാക്കിയതാണ് സംഭവം.

ജനങ്ങളുടെ മനസറിഞ്ഞ് വാഹനങ്ങൾ പുറത്തിറക്കുന്നവരാണ് നമ്മുടെ സ്വന്തം മാരുതി സുസുക്കി. ബജറ്റ് ഹാച്ച്ബാക്കുകൾ മുതൽ ഇലക്ട്രിക് എസ്‌യുവി വരെ നീണ്ടുകിടക്കുന്ന മോഡൽ നിരയിൽ ഫ്ലോപ്പ് കാറുകളുടെ എണ്ണം വരെ വളരെ കുറവാണ്. എസ്‌യുവി വിപണിയിൽ ടാറ്റ മോട്ടോർസിനോടും മഹീന്ദ്രയോടും ഹ്യുണ്ടായിയോടുമെല്ലാം മല്ലിടാനായി കച്ചകെട്ടിയിറങ്ങിയ രാജ്യത്തെ ഏറ്റവും വലിയ വാഹന നിർമാതാക്കൾ കുറച്ചുനാളുകൾക്ക് മുമ്പ് കിടിലനൊരു വാഹനം ഇന്ത്യയ്ക്ക് സമ്മാനിച്ചിരുന്നു. രാജ്യത്തെ പ്രമുഖ നിർമാതാക്കളെല്ലാം സാന്നിധ്യമറിയിച്ച മിഡ്-സൈസ് എസ്‌യുവി വിഭാഗത്തിലേക്ക് എത്തിയ വിക്ടോറിസായിരുന്നു (Maruti Suzuki Victoris) അത്.

സെൽറ്റോസ്, സോനെറ്റ്, കാരെൻസ് ക്ലാവിസ് എന്നിങ്ങനെ നല്ല നല്ല മോഡലുകളുമായി ഇന്ത്യൻ വിപണിയിൽ നിറഞ്ഞാടുകയാണ് ദക്ഷിണ കൊറിയൻ വാഹന നിർമാതാക്കളായ കിയ. ഈ മോഡലുകളുടെ വിൽപ്പനക്കിടയിലും മിടുക്കനായൊരു വാഹനത്തിന്റെ വിൽപ്പന അമ്പേ പരാജയപ്പെട്ടു പോയതിന്റെ സങ്കടത്തിലായിരുന്നു കമ്പനി. മറ്റാരുമല്ല, സിറോസ് എന്ന കോംപാക്‌ട് എസ്‌യുവിയാണ് കുറച്ചുകാലമായി പ്രതീക്ഷകൾക്ക് മങ്ങലേൽപ്പിച്ചുകൊണ്ട് കെട്ടിക്കിടക്കുന്നത്. പക്ഷേ തോറ്റുപിൻമാറാൻ തയാറല്ലാത്ത കിയ അടുത്തിടെ സിറോസിന്റെ പുതിയ 2026 മോഡലുമായി വിപണിയിലെത്തിയിരുന്നു. ഇതിന് ശേഷം ഷോറൂമിൽ വാഹനം തേടിയെത്തുന്നവരുടെ എണ്ണവും കൂടിയിരിക്കുകയാണ്.

മാരുതി സുസുക്കി എർട്ടിഗ അരങ്ങുവാഴുന്ന ഇന്ത്യയിലെ കോംപാക്‌ട് എംപിവി സെഗ്മെന്റിലേക്ക് ജാപ്പനീസ് വാഹന നിർമാതാക്കളായ നിസാൻ പുത്തനൊരു മോഡലുമായി എത്തിയത് ഈയടുത്തായിരുന്നു. ഗ്രാവൈറ്റ് എന്നുപേരിട്ടിരിക്കുന്ന 7-സീറ്റർ മൾട്ട് പർപ്പസ് വാഹനം ഒരു ഹാച്ച്ബാക്ക് വാങ്ങുന്ന വിലയ്ക്ക് സ്വന്തമാക്കാനാവും എന്നതാണ് ഹൈലൈറ്റ്. മാഗ്നൈറ്റ് എന്ന കുഞ്ഞൻ എസ്‌യുവിയിലൂടെ മാത്രം പണമുണ്ടാക്കിയിരുന്ന ബ്രാൻഡ് നിരയിലേക്ക് എത്തിയ മിടുക്കൻ ഇപ്പോൾ ചൂടപ്പം പോലെ വിറ്റഴിയുന്നുണ്ട്. അന്യായ പെർഫോമൻസ് കണക്കുകളോ വലിയ എഞ്ചിൻ ശേഷിയോ ഒന്നുമില്ലെങ്കിലും ചെറിയ വിലയ്ക്ക് വാങ്ങാൻ കഴിയുന്ന മിടുമിടുക്കനൊരു സെവൻ സീറ്ററാണ് ഗ്രാവൈറ്റ്.

ബോളിവുഡ് സിനിമകളും ടിവി ഷോയുമെല്ലാം കാണുന്നവർക്ക് ഏറെ പരിചിതമായ മുഖമായിരിക്കും മനോജ് പഹ്വ എന്ന നടന്റേത്. പേര് കേട്ടാൽ മനസിലായില്ലെങ്കിലും അദ്ദേഹത്തിന്റെ മുഖം കണ്ടാൽ മലയാളികൾക്ക് വരെ താരത്തെ മനസിലാവും. ഹം ലോഗ്, ഓഫീസ് ഓഫീസ്, ദബാംഗ് 2, ജോളി എൽഎൽബി തുടങ്ങിയ നിരവധി ഹിറ്റ് സിനിമകളിലൂടെയും ടിവി ഷോകളിലൂടെയും നമുക്ക് പരിചിതനായ ഇദ്ദേഹം ഹാസ്യ കഥാപാത്രങ്ങളിലൂടെയാണ് കൂടുതലും ശ്രദ്ധിക്കപ്പെട്ടിട്ടുള്ളത്. ഇപ്പോഴിതാ തന്റെ ഇനിയുള്ള യാത്രകൾക്കായി പുത്തനൊരു വാഹനം സ്വന്തമാക്കിയിരിക്കുകയാണ് നടൻ. ബി-ടൌണിലെ താരങ്ങൾ വാങ്ങിക്കൂട്ടുന്ന അത്യാഡംബര കാർ ഒന്നുമല്ല കേട്ടോ മനോജിന്റെ ഗരാജിലേക്ക് എത്തിയിരിക്കുന്നത്.

പുതിയ മോഡലുകളിലൂടെ ഇന്ത്യൻ ടൂവീലർ വിപണി കൈപ്പിടിയിലാക്കാനുള്ള തയാറെടുപ്പുകളെല്ലാം ആരംഭിച്ചിരിക്കുകയാണ് യമഹ. കഴിഞ്ഞ വർഷം അവസാനത്തോടെ XSR 155 ഇന്ത്യയിൽ പുറത്തിറക്കിയ കമ്പനി അധികം വൈകാതെ കിടിലനൊരു മാക്‌സി സ്‌കൂട്ടറിനെ കൂടി ഇന്ത്യക്കായി അവതരിപ്പിക്കാൻ ഒരുങ്ങുകയാണ്. കഴിഞ്ഞ കുറച്ച് വർഷങ്ങളായി യമഹയിൽ നിന്നും പുറത്തിറങ്ങുമെന്ന് പ്രതീക്ഷിച്ചിരിക്കുന്ന എൻമാക്‌സ് 155 ആണ് ഇത്തവണ പിറവിയെടുക്കാൻ പോവുന്നത്. ആഗോള തലത്തിൽ വമ്പൻ വിജയമായതിന് ശേഷമാണ് നമ്മുടെ നിരത്തുകളിലേക്കും ഇവൻ എത്തുന്നത്. 2024 ഓട്ടോ എക്സ്പോയിൽ മോഡലിന്റെ പ്രദർശനം നടന്നിരുന്നുവെങ്കിലും പദ്ധതി മനപൂർവം യമഹ വൈകിപ്പിക്കുകയായിരുന്നു.

സാധാരണക്കാരിലേക്കും ഇലക്‌ട്രിക് കാറുകളെ അടുപ്പിച്ചവരാണ് ടാറ്റ മോട്ടോർസ്. ഇവി വിപണിയുടെ ഭാവി കൃത്യമായി മനസിലാക്കി പ്രവർത്തിച്ച കമ്പനി ഇന്ന് ഇന്ത്യയിലെ നമ്പർ 1 ഇലക്‌ട്രിക് വാഹന നിർമാതാക്കളാണ്. എംജിയും മഹീന്ദ്രയും ആഞ്ഞുപിടിച്ചിട്ടും തളയ്ക്കാനാവാതെ ടാറ്റ കുതിച്ചുപായുകയാണ്. നെക്സോൺ, പഞ്ച്, ടിയാഗോ എന്നിങ്ങനെ ജനകീയ മോഡലുകളെയെല്ലാം വൈദ്യുതി കരുത്തിൽ പുറത്തിറക്കിയ ബ്രാൻഡ് ജനങ്ങളുടെ പൾസറിഞ്ഞാണ് മുമ്പോട്ട് പോവുന്നത്. ഇതോടൊപ്പം കൃത്യമായ ഇടവേളകളിൽ കാറുകളെ നവീകരിക്കാൻ കാണിക്കുന്ന ധൈര്യവും ചെറുതല്ല. ഇക്കഴിഞ്ഞ ദിവസം ടിയാഗോ ഇവിയുടെ ഫെയ്‌സ്‌ലിഫ്റ്റ് പതിപ്പുമായാണ് ടാറ്റ വിപണിയിലെത്തിയത്.

ഇന്ത്യക്കാരുടെ ഏറ്റവും പ്രിയപ്പെട്ട ഫാമിലി ഹാച്ച്ബാക്കുകളിൽ ഒന്നാണ് ബലേനോ (Maruti Suzuki Baleno). എല്ലാ കാര്യത്തിലും മിടുക്കനായ കാറിന് പ്രത്യേകിച്ച് പരിചയപ്പെടുത്തലിന്റെ ആവശ്യമൊന്നും ഉണ്ടാവില്ല. എസ്‌യുവികളുടെ ബഹളങ്ങൾക്കിടയിലും ഇന്നും ആളുകൾ തിരക്കിയെത്തുന്നൊരു ഹാച്ച്ബാക്കാണെങ്കിൽ ഊഹിക്കാനാവുന്നതല്ലേയുള്ളൂ ആളിന്റെ റേഞ്ച് എത്രത്തോളമാണെന്ന്. പോരാത്തതിന് ബലേനോയെ അടിസ്ഥാനമാക്കി പണികഴിപ്പിച്ച ഫ്രോങ്ക്‌സ് എന്ന കോംപാക്‌ട് എസ്‌യുവി വിപണിയിലുണ്ടായിരുന്നിട്ടും അന്യായ കച്ചോടമാണ് ബലേനോ ഇപ്പോഴും സ്വന്തമാക്കുന്നത്. ഫ്രോങ്ക്‌സ് പോലൊരു വണ്ടി ഏകദേശം ഒരേ വിലയിൽ കിട്ടമ്പോൾ ആരെങ്കിലും ബലേനോ വാങ്ങുമോ എന്നതായിരുന്നു വിമർശകരുടെ ചോദ്യം.

രാജ്യത്തെ ഇലക്ട്രിക് വാഹന വിപണിയില്‍ പിടിമുറുക്കുന്നതിനായി ദക്ഷിണ കൊറിയന്‍ വാഹന ഭീമന്മാരായ ഹ്യുണ്ടായി വമ്പന്‍ പദ്ധതി പ്രഖ്യാപിച്ചിരിക്കുകയാണ്. സാധാരണക്കാരായ ഉപഭോക്താക്കളെ ലക്ഷ്യമിട്ട് കമ്പനി വികസിപ്പിക്കുന്ന തങ്ങളുടെ ഏറ്റവും പുതിയ ബജറ്റ് ഫ്രണ്ട്‌ലി ഇലക്ട്രിക് എസ്‌യുവി ചെന്നൈയിലെ അത്യാധുനിക പ്ലാന്റില്‍ നിര്‍മ്മിക്കാനാണ് തീരുമാനിച്ചിരിക്കുന്നത്. ഇന്ത്യന്‍ വിപണിയിലെ വളര്‍ച്ച ലക്ഷ്യമിട്ടാണ് ഹ്യുണ്ടായി പുതിയ സബ്-4 മീറ്റര്‍ ഇലക്ട്രിക് എസ്‌യുവി വിപണിയിലെത്തിക്കാന്‍ ഒരുങ്ങുന്നത്. നിലവില്‍ കമ്പനിയുടെ തമിഴ്നാട് തലാ്‌സഥാനമായ ചെന്നൈയിലെ ഉല്‍പ്പാദന കേന്ദ്രത്തെ ഈ പുതിയ മാസ്-മാര്‍ക്കറ്റ് ഇവിയുടെ പ്രധാന പ്രൊഡക്ഷന്‍ ഹബ്ബായി മാറ്റാനാണ് മാനേജ്മെന്റ് ലക്ഷ്യമിടുന്നത്.

ഇന്ത്യന്‍ ഇരുചക്ര വാഹന വിപണിയില്‍ തങ്ങളുടെ സാന്നിധ്യം കൂടുതല്‍ ശക്തമാക്കുന്നതിന്റെ ഭാഗമായി പുത്തന്‍ പ്രീമിയം ഡീലര്‍ഷിപ്പ് ശൃംഖല ആരംടിക്കാന്‍ ഒരുങ്ങി ടിവിഎസ്. ഉപഭോക്താക്കള്‍ക്ക് ആഡംബരപൂര്‍ണമായ പര്‍ച്ചേസ് അനുഭവം സമ്മാനജക്കുന്നതിന് വേണ്ടിയാണ് തമിഴ്നാട് ആസ്ഥാനമായി പ്രവര്‍ത്തിക്കുന്ന തങ്ങളുടെ ഉയര്‍ന്ന വിലയുള്ള മോട്ടോര്‍സൈക്കിളുകള്‍ മാത്രമായി വില്‍ക്കുന്നതിനായി 'ടിവിഎസ് പാഡോക്ക്' എന്ന പേരില്‍ പ്രത്യേക എക്‌സ്‌ക്ലൂസീവ് ഷോറൂമുകള്‍ ആരംഭിക്കാനൊരുങ്ങുന്നത്. നിലവില്‍ കാര്‍ വിപണിയില്‍ മാരുതി സുസുക്കി തങ്ങളുടെ പ്രീമിയം മോഡലുകള്‍ നെക്‌സ (Nexa) വഴിയും, സാധാരണ മോഡലുകള്‍ അരീന വഴിയും വില്‍ക്കുന്ന അതേ മാതൃകയാണ് ടിവിഎസും ഇവിടെ പിന്തുടരുന്നത്.

മാരുതി സുസുക്കിയുടെ പ്രീമിയം ഡീലര്‍ഷിപ്പ് ശൃംഖലയായ നെക്‌സയുടെ ഏറ്റവും വിലകുറഞ്ഞ എന്‍ട്രി ലെവല്‍ മോഡലായ 'ഇഗ്‌നിസ്' ഹാച്ച്ബാക്കിന്റെ ഉല്‍പ്പാദനം കമ്പനി പൂര്‍ണമായും അവസാനിപ്പിച്ചു. 2026 മെയ് മാസത്തിലെ ഔദ്യോഗിക വില്‍പന കണക്കുകള്‍ പുറത്തുവന്നപ്പോഴാണ് ഈ മോഡലിന് വിപണിയില്‍ കടുത്ത തിരിച്ചടി നേരിട്ട വിവരം വ്യക്തമായത്. 2026 മെയ് മാസത്തില്‍ രാജ്യത്ത് ഒറ്റ യൂണിറ്റ് ഇഗ്‌നിസ് കാര്‍ പോലും വിറ്റഴിക്കാന്‍ കമ്പനിക്ക് സാധിച്ചിട്ടില്ല. തുടര്‍ച്ചയായ രണ്ടാം മാസമാണ് ഇന്ത്യന്‍ വിപണിയില്‍ ഇഗ്‌നിസിന്റെ വില്‍പ്പന വട്ടപ്പൂജ്യമായത്.

ഇന്ത്യയിലെ പ്രീമിയം ഉപഭോക്താക്കള്‍ക്കുമായി മാരുതി സുസുക്കി തങ്ങളുടെ നെക്‌സ (Nexa) ഡീലര്‍ഷിപ്പുകള്‍ വഴി വിപണനം ചെയ്യുന്ന ആഡംബരപൂര്‍ണമായ വാഹനമാണ് 'ഇന്‍വിക്‌റ്റോ. ലോകോത്തര ഫീച്ചറുകളും ഉയര്‍ന്ന ഇന്ധനക്ഷമതയും സേഫ്റ്റിയുമെല്ലാം ഉണ്ടായിട്ടും ഈ പ്രീമിയം എംപിവി മോഡല്‍ വിപണിയില്‍ വിറ്റഴിക്കാന്‍ മാരുതി കഷ്ടപ്പെടുകയാണ്. ഏറ്റവും പുതിയ സെയില്‍സ് റിപ്പോര്‍ട്ടുകള്‍ പ്രകാരം 2026 മെയ് മാസത്തില്‍ രാജ്യത്തുടനീളം വെറും 301 യൂണിറ്റ് ഇന്‍വിക്‌റ്റോ എംപിവികള്‍ മാത്രമാണ് മാരുതി സുസുക്കിക്ക് വിറ്റഴിക്കാന്‍ സാധിച്ചത്. കമ്പനിയുടെ മറ്റ് ജനപ്രിയ മോഡലുകളുടെ വില്‍പ്പനയുമായി താരതമ്യം ചെയ്യുമ്പോള്‍ ഇത് വളരെ കുറവാണ്.

ആധുനിക ട്രാഫിക് സംവിധാനങ്ങളുടെ ഭാഗമായി റോഡുകളില്‍ സ്ഥാപിച്ചിട്ടുള്ള ക്യാമറകള്‍ വഴി പിഴ അടയ്ക്കാനുള്ള ഇ-ചലാന്‍ സന്ദേശങ്ങള്‍ തെറ്റായി വാഹന ഉടമകള്‍ക്ക് ലഭിക്കുന്നത് ഇപ്പോള്‍ പതിവായിരിക്കുകയാണ്. പലപ്പോഴും എഎന്‍പിആര്‍ ക്യാമറകള്‍ വാഹന നമ്പര്‍ പ്ലേറ്റുകള്‍ തെറ്റായി റീഡ് ചെയ്യുന്നതാണ് ഇതിന് കാരണം. ഇത്തരം തെറ്റായ ഇ-ചലാനുകള്‍ തനിയെ മാറില്ല എന്നതിനാല്‍ വാഹന ഉടമകള്‍ കൃത്യമായി പ്രതികരിക്കേണ്ടതുണ്ട്. നിങ്ങള്‍ക്ക് ലഭിച്ച ട്രാഫിക് ഫൈന്‍ സന്ദേശം തെറ്റാണെന്ന് ബോധ്യപ്പെട്ടാല്‍ ആദ്യം തന്നെ അത് ഔദ്യോഗിക വെബ്സൈറ്റ് വഴി പരിശോധിക്കുകയാണ് വേണ്ടത്.

ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കാറുകളിൽ ഒന്നായി ടാറ്റ നെക്സോണിന്റെ (Tata Nexon Compact SUV) കുതിപ്പ് തുടരുകയാണ്. ഡിസയറിനോടും സഹോദരൻ പഞ്ചിനോടും ഒന്നാം സ്ഥാനം പലതവണ നഷ്ടപ്പെട്ടുവെങ്കിലും ഇവർക്ക് പിന്നിലെ സ്ഥിരം സാന്നിധ്യമാണ് കക്ഷി. ഇന്ത്യയിലെ സബ്-4 മീറ്റർ കോംപാക്‌ട് എസ്‌യുവി വിപണിയിൽ ഏറ്റവും കൂടുതൽ വിറ്റഴിയുന്ന മോഡലായ നെക്സോൺ വിപണിയിലെത്തിയിട്ട് ഏറെക്കാലമായെങ്കിലും ഇന്നും ചൂടപ്പം പോലെയാണ് വിറ്റഴിയുന്നത്. പെട്രോൾ, ഡീസൽ, സിഎൻജി, ഇവി എന്നിങ്ങനെ ഒന്നിലധികം ഫ്യുവൽ ഓപ്ഷനുകളിൽ വാങ്ങാനാവുന്ന അപൂർവ എസ്‌യുവികളിൽ ഒന്നുകൂടിയാണിത്.

പൊതുമേഖലാ എണ്ണക്കമ്പനികള്‍ തോന്നുംപടി ഇന്ധന വില കൂട്ടാന്‍ തുടങ്ങിയതോടെ രാജ്യത്തെ സാധാരണ ജനങ്ങള്‍ ജീവിതത്തിന്റെ രണ്ടറ്റം കൂട്ടിമുട്ടിക്കാന്‍ പാടുപെടുകയാണ്. ഇന്ധനവില വര്‍ദ്ധനവ് വലയ്ക്കുമ്പോള്‍, ഇലക്ട്രിക് ഇരുചക്ര വാഹനങ്ങളിലേക്ക് മാറാന്‍ ആഗ്രഹിക്കുന്നവര്‍ക്കായി പ്രമുഖ ഇവി ബ്രാന്‍ഡായ അള്‍ട്രാവയലറ്റ് (Ultraviolette) പുതിയ ക്യാഷ്ബാക്ക് പദ്ധതി പ്രഖ്യാപിച്ചു. പെട്രോള്‍ ബൈക്ക് യാത്രക്കാരുടെ മുന്‍കാല ട്രാവല്‍ ഹിസ്റ്ററി അടിസ്ഥാനമാക്കി വന്‍ ആനുകൂല്യങ്ങള്‍ നല്‍കുന്ന 'കില്‍ ദി പെട്രോള്‍ ബില്‍' (Kill the Petrol Bill) പദ്ധതിക്കാണ് ബെംഗളൂരു ആസ്ഥാനമായി പ്രവര്‍ത്തിക്കുന്ന കമ്പനി തുടക്കമിട്ടിരിക്കുന്നത്. കില്‍ ദി പെട്രോള്‍ ബില്‍ പദ്ധതിയെ കുറിച്ച് ഈ റിപ്പോര്‍ട്ടില്‍ വിശദമായി വായിക്കാം.

സ്‌കൂട്ടർ മുതലാളിമാരെല്ലാം ജീവിതത്തിൽ ഒരുതവണയെങ്കിലും ബൈക്ക് വാങ്ങിയാൽ മതിയാരുന്നുവെന്ന് ചിന്തിച്ചിട്ടുണ്ടാവുന്ന നിമിഷം ഉണ്ടായിട്ടുണ്ടാവും. നല്ല കുണ്ടും കുഴിയും നിറഞ്ഞ റോഡിലൂടെ പോവുമ്പോൾ നടുവിന് പണിയാവുന്ന നിമിഷമാവും ഇത്തരത്തിൽ ചിന്തിച്ചിട്ടുണ്ടാവുക. ചെറിയ വീലുകൾ ഉപയോഗിക്കുന്നതിനാൽ സ്‌കൂട്ടർ ഓടിക്കുന്നവർക്ക് റോഡിന്റെ അവസ്ഥ അനുസരിച്ച് നല്ല പണികിട്ടിയിട്ടുണ്ടാവാം. മോട്ടോർസൈക്കിളുകളെ അപേക്ഷിച്ച് നല്ല പ്രായോഗികത ഉണ്ടാവുമെങ്കിലും സ്കൂട്ടറുകളുടെ ഏറ്റവും വലിയ പോരായ്മയാണ് ചെറിയ വീലുകൾ. എന്നാൽ ഇന്നത്തെ മോഡേൺ യുഗത്തിൽ ഇതിന് പരിഹാരം നൽകുന്ന മോഡലുകളും വാങ്ങാൻ കിട്ടും കേട്ടോ.

ഇന്ത്യന്‍ ഹരിത ഇന്ധന വിപ്ലവത്തില്‍ ചരിത്രപരമായ നാഴികക്കല്ല് കുറിച്ചുകൊണ്ട് രാജ്യത്തെ ആദ്യത്തെ E85 ഫ്യുവല്‍ ഡിസ്‌പെന്‍സിംഗ് സ്റ്റേഷന്‍ ന്യൂഡല്‍ഹിയില്‍ ഔദ്യോഗികമായി പ്രവര്‍ത്തനമാരംഭിച്ചു ആരംഭിച്ചു. വിദേശത്ത് നിന്ന് ഇറക്കുമതി ചെയ്യുന്ന അസംസ്‌കൃത എണ്ണയെ ആശ്രയിക്കുന്നത് കുറയ്ക്കുന്നതിനും സുസ്ഥിര ഗതാഗത സംവിധാനങ്ങള്‍ പ്രോത്സാഹിപ്പിക്കുന്നതിനുമുള്ള കേന്ദ്ര ഗതാഗത മന്ത്രാലയത്തിന്റെ തന്ത്രപരമായ നീക്കങ്ങളുടെ ഭാഗമായാണ് പുതിയ E85 ഇന്ധന വിതരണ കേന്ദ്രം രാജ്യതലസ്ഥാനത്ത് തുറന്നത്. പെട്രോളിനേക്കാള്‍ വളരെ കുറഞ്ഞ വിലയില്‍ ലഭ്യമാകുന്ന ഈ പുത്തന്‍ പരിസ്ഥിതി സൗഹൃദ ഇന്ധനത്തെ കുറിച്ചും അതിന്റെ സാങ്കേതികവും മെക്കാനിക്കലുമായ സവിശേഷതകളെ കുറിച്ചും ഈ റിപ്പോര്‍ട്ടില്‍ വിശദമായി വായിക്കാം.

സാധാരണക്കാരന്റെ കാർ എന്ന സ്വപ്നത്തിന് ചിറകുകൾ നൽകുന്നവരാണ് മാരുതി സുസുക്കി. അന്നും ഇന്നും ചെറിയ ബജറ്റിൽ അടിപൊളി കാറുകൾ പുറത്തിറക്കുന്നത് കമ്പനിയുടെ മെയിൻ പൊളിസികളിൽ ഒന്നാണെന്ന് തോന്നുന്നു. അതിനാൽ ചെറുകാർ വിപണിയിൽ ഇവർക്ക് എതിരാളികളേയില്ലെന്ന് പറയുന്നതാവും ശരി. മാരുതി 800 ഗുഡ്ബൈ പറഞ്ഞിറങ്ങിയപ്പോൾ പകരക്കാരനായി എത്തിയ ആൾട്ടോ (Maruti Suzuki Alto) പിന്നീട് ഓരോ ഇന്ത്യക്കാരന്റേയും മനസ് നിറയ്ക്കുന്ന കാഴ്ച്ചയാണ് നാം കണ്ടത്. ഇപ്പോൾ എസ്‌യുവികളുടെ ട്രെൻഡിനിടയിലും ചൂടപ്പം പോലെ വിറ്റഴിയുന്നുണ്ടെങ്കിൽ മോഡലിന്റെ റേഞ്ച് എന്താണെന്ന് മനസിലാക്കാമല്ലോ.

ഇന്ത്യയില്‍ മിഡ്‌സൈസ് എസ്‌യുവി വിപണിക്ക് തുടക്കം കുറിച്ച റെനോ ഡസ്റ്റര്‍ എന്ന ഐതിഹാസിക എസ്‌യുവി ഏതാനും ആഴ്ചകള്‍ക്ക് മുമ്പാണ് രാജ്യത്ത് റീഎന്‍ട്രി നടത്തിയത്. കാലികമായ മാറ്റങ്ങളുമായി അത്യന്ത്യം മത്സരം നിറഞ്ഞ സെഗ്‌മെന്റില്‍ അങ്കത്തിനിറങ്ങിയ ഡസ്റ്റര്‍ ഇതിനോടകം തന്നെ മികച്ച അഭിപ്രായം നേടിയിരുന്നു. പുതിയ രൂപത്തിലും ഭാവത്തിലും വിപണിയിലെത്തിയ 2026 റെനോ ഡസ്റ്ററിന്റെ ഏറ്റവും പുതിയ 1.0 ലീറ്റര്‍ ടര്‍ബോ പെട്രോള്‍ പതിപ്പിന്റെ മൈലേജ് വിവരങ്ങള്‍ കമ്പനി ഇപ്പോള്‍ ഔദ്യോഗികമായി വെളിപ്പെടുത്തിയിരിക്കുകയാണ്. ഇന്ധനക്ഷമതയ്ക്ക് പ്രാധാന്യം നല്‍കുന്ന ഇന്ത്യന്‍ ഉപഭോക്താക്കളെ ആകെ ആകര്‍ഷിക്കുന്ന കണക്കുകളാണ് പുറത്തുവന്നിട്ടുള്ളത്.