ഇന്ത്യയിലെ ഫാമിലി കാറുകളിലെ രാജാവായ ഇന്നോവയ്ക്ക് താഴെയായി റൂമിയോണ്‍ എന്ന ഒരു മള്‍ട്ടി പര്‍പ്പസ് വാഹനം ടൊയോട്ട പുറത്തിറക്കുന്നുണ്ട്. ഇപ്പോള്‍ ഇന്നോവയ്ക്ക് താഴെ വലിയ കുടുംബങ്ങള്‍ക്ക് സഞ്ചരിക്കാന്‍ പറ്റിയ മറ്റൊരു കരുത്തന്‍ കൂടി വരാന്‍ പോകുകയാണ്. ടൊയോട്ടയുടെ ജനപ്രിയ കോംപാക്ട് എസ്‌യുവിയായ അര്‍ബന്‍ ക്രൂയിസര്‍ ഹൈറൈഡര്‍ ഇനി വെറുമൊരു അഞ്ച് സീറ്റര്‍ വാഹനമല്ലെന്നാണ് ഇന്റര്‍നെറ്റില്‍ പുറത്തുവരുന്ന റിപ്പോര്‍ട്ടുകള്‍ സൂചിപ്പിക്കുന്നത്. ലഡാക്കിലെ കഠിനമായ പാതകളില്‍ രഹസ്യമായി പരീക്ഷണം നടത്തുന്നതിനിടെ ഹൈറൈഡറിന്റെ പുതിയ 7-സീറ്റര്‍ പതിപ്പ് (Toyota Urban Cruiser Hyryder 7-Seater) ക്യാമറക്കണ്ണില്‍ പതിഞ്ഞിരുന്നു.

ഓഫ്-റോഡ് പ്രേമികൾക്കിടയിലെ കൾട്ട് എസ്‌യുവിയാണ് ഫോഴ്‌സ് ഗൂർഖ. സാക്ഷാൽ മഹീന്ദ്ര ഥാറിന് പോലും ഇക്കാര്യത്തിൽ ഗൂർഖയോട് മുട്ടിനിൽക്കാനാവില്ലെന്നതാണ് സത്യം. രാജ്യത്തെ ലൈഫ്‌-സ്‌റ്റൈല്‍ എസ്‌യുവി സെഗ്‌മെന്റില്‍ ഏറെക്കാലമായുള്ള സാന്നിധ്യമാണെങ്കിലും അര്‍ഹിച്ച അംഗീകാരം ലഭിക്കാതെ ഇന്നും വിയർക്കുകയാണ് ഇവൻ. ഥാറിനോട് മത്സരിച്ച് തോറ്റുപോയെന്ന് പറഞ്ഞാലും സംഗതി ശരിയാണ്. പക്ഷേ തളരാതെ കുതിക്കാനുള്ള ബാല്യം ഫോഴ്‌സ് മോട്ടോർസിന് ഇനിയുമുണ്ടെന്ന് എന്നേ ഉറക്കെ പ്രഖ്യാപിച്ച് കഴിഞ്ഞു. പഴയ തലമുറ മോഡലിൽ നിന്നും വമ്പൻ മാറ്റങ്ങളോടെ എത്തിയ ഗൂർഖയ്ക്ക് ഇപ്പോൾ പഴയതിലും കച്ചോടമുണ്ടെന്ന് വേണം പറയാൻ.

വലിപ്പത്തില്‍ കുഞ്ഞനാണെങ്കിലും വില്‍പ്പനയില്‍ വമ്പന്മാരെ പോലും വിറപ്പിക്കുകയാണ് ടാറ്റയുടെ സ്വന്തം പഞ്ച്. ഇന്ത്യന്‍ റോഡുകളില്‍ ഇപ്പോള്‍ പഞ്ചിന്റെ തേരോട്ടമാണ് കാണാന്‍ സാധിക്കുന്നത്. വിപണിയിലെ വമ്പന്‍മാരായ മാരുതിയെ പോലും വെല്ലുവിളിച്ചുകൊണ്ട്, ഒരു സാധാരണ കുടുംബത്തിന് ആവശ്യമായ എല്ലാ സുരക്ഷയും കരുത്തും ഒത്തിണങ്ങിയ ഈ മൈക്രോ എസ്‌യുവി ഏപ്രിലില്‍ സ്വന്തമാക്കിയത് വിശ്വസിക്കാനാവാത്ത വില്‍പ്പന കണക്കുകളാണ് ഇന്ത്യന്‍ വാഹന വിപണിയിലെ മൈക്രോ എസ്‌യുവി വിഭാഗത്തില്‍ അപ്രമാദിത്വം തുടര്‍ന്ന് ടാറ്റ പഞ്ച് (Tata Punch). 2026 ഏപ്രില്‍ മാസത്തിലെ വില്‍പ്പന കണക്കുകള്‍ പ്രകാരം വന്‍ മുന്നേറ്റമാണ് കാഴ്ചവെച്ചിരിക്കുന്നത്.

എസ്‌യുവി വിപണിയിൽ ടാറ്റ മോട്ടോർസിനോടും മഹീന്ദ്രയോടും ഹ്യുണ്ടായിയോടുമെല്ലാം മല്ലിടാനായി കച്ചകെട്ടിയിറങ്ങിയിരിക്കുകയാണ് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി. നിലവിൽ ഫ്രോങ്ക്‌സ്, ബ്രെസ, വിക്ടോറിസ്, ഗ്രാൻഡ് വിറ്റാര, ജിംനി എന്നിങ്ങനെ 5 മോഡലുകളാണ് കമ്പനി വിപണിയിൽ അവതരിപ്പിക്കുന്നത്. ഇഗ്നിസ് പോയ ഗ്യാപ്പിലേക്ക് പുത്തനൊരു മിനി സ്പോർട് യൂട്ടിലിറ്റി വാഹനം കൂടി എത്തിക്കാനുള്ള അണിയറ പ്രവർത്തനങ്ങളും ആരംഭിച്ചിട്ടുണ്ട് മാരുതി. കച്ചോടം കൂടുതൽ പിടിക്കുവാനായി 2026 മെയ് മാസത്തിൽ മോഡൽ നിരയിൽ ഗംഭീര ആനുകൂല്യങ്ങളും അവതരിപ്പിച്ച് ആളുകളെ ഷോറൂമിലേക്ക് ആകർഷിക്കുകയാണ് ബ്രാൻഡ്.

യമഹ മോട്ടോര്‍ ഇന്ത്യ തങ്ങളുടെ ജനപ്രിയ സ്‌കൂട്ടര്‍ മോഡലുകളുടെ വില വര്‍ദ്ധിപ്പിക്കാന്‍ തീരുമാനിച്ചു. പ്രമുഖ മോഡലായ റേZR 125 (Yamaha RayZR 125) വാങ്ങാന്‍ താല്‍പര്യപ്പെടുന്ന ഉപഭോക്താക്കളും ഇനിമുതല്‍ അധികം പണം മുടക്കണം. നിര്‍മ്മാണ സാമഗ്രികളുടെയും ചരക്ക് നീക്കത്തിന്റെയും ചിലവ് (Input and logistics costs) വര്‍ദ്ധിച്ച സാഹചര്യത്തിലാണ് കമ്പനി ഇത്തരമൊരു തീരുമാനമെടുത്തത്. പുതിയ വിലകള്‍ രാജ്യത്തുടനീളമുള്ള ഡീലര്‍ഷിപ്പുകളില്‍ ഉടനടി പ്രാബല്യത്തില്‍ വരും. റേZR 125 ശ്രേണിയിലെ എല്ലാ വേരിയന്റുകള്‍ക്കും ഏകദേശം 2,200 രൂപയുടെ വര്‍ദ്ധനവാണ് കമ്പനി രേഖപ്പെടുത്തിയിരിക്കുന്നത്.

ഡസ്റ്ററിന്റെ തിരിച്ചുവരവോടെ റെനോയുടെ (Renault) ഷോറൂമിലെല്ലാം ആളുകളുടെ വലിയ തിരക്ക് അനുഭവപ്പെട്ട് തുടങ്ങിയിരിക്കുകയാണ്. പണ്ടെത്തെ പോലെ ഷോറൂമിൽ ആളും ബഹളവുമെല്ലാം ആയതോടെ കമ്പനി 2026 മെയ് മാസത്തേക്കായി മോഡൽ നിരയിൽ ഗംഭീര ഓഫറുകളും ആനുകൂല്യങ്ങളും പ്രഖ്യാപിച്ച് മുമ്പോട്ട് വന്നിരിക്കുകയാണ്. ക്വിഡ്, ട്രൈബർ, കൈഗർ എന്നീ മൂന്ന് മോഡലുകളിലാണ് ഡിസ്കൌണ്ടുകൾ അവതരിപ്പിച്ചിരിക്കുന്നത് എന്നതിനാൽ ചെറിയ ബജറ്റിൽ കാർ അന്വേഷിക്കുന്നവർക്ക് ഇതൊരു സുവർണാവസരമാണ് കൈവന്നിരിക്കുന്നത്. ഈ മാസത്തേക്കായി പ്രഖ്യാപിച്ചിരിക്കുന്ന ഓഫറിന് കീഴിൽ 65,000 രൂപ വരെയുള്ള ആനുകൂല്യങ്ങളാണ് റെനോ ഒരുക്കിവെച്ചിരിക്കുന്നത്.

ഇന്ത്യന്‍ പാസഞ്ചര്‍ വാഹന വിപണി 2026 ഏപ്രില്‍ മാസത്തില്‍ മികച്ച വളര്‍ച്ചയാണ് രേഖപ്പെടുത്തിയത്. ഹാച്ച്ബാക്കുകള്‍, സെഡാനുകള്‍, എംപിവികള്‍, എസ്‌യുവികള്‍ എന്നിവയ്ക്കെല്ലാം വിപണിയില്‍ വലിയ ഡിമാന്‍ഡാണ് അനുഭവപ്പെട്ടത്. രാജ്യത്ത് പോയ മാസം ഏറ്റവും കൂടുതല്‍ വിറ്റഴിക്കപ്പെട്ട 10 കാറുകള്‍ മാത്രം ആകെ 1,83,498 യൂണിറ്റ് വില്‍പ്പന രേഖപ്പെടുത്തി. 2025 ഏപ്രിലിനെ അപേക്ഷിച്ച് 23.31 ശതമാനം വാര്‍ഷിക വളര്‍ച്ചയാണ് ഈ വിഭാഗത്തില്‍ ഉണ്ടായത്. 2026 ഏപ്രില്‍ മാസത്തില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട പാസഞ്ചര്‍ വാഹനമായി മാരുതി സുസുക്കി ഡിസയര്‍ മാറി.

ഇന്ത്യൻ വിപണിയിൽ ടൊയോട്ടയും മാരുതി സുസുക്കിയും കൈകൊടുത്തത് തുടക്കത്തിൽ വലിയ കല്ലുകടി ആരാധകരിലുണ്ടാക്കിയിരുന്നുവെങ്കിലും ഇപ്പോൾ ഈ കൂട്ടുകെട്ടിന്റെ ആരാധകരാണ് പലരും. ടൊയോട്ടയുടെ ബാഡ്‌ജിലുള്ള കാറുകൾ വിലക്കുറച്ച് വാങ്ങാൻ കിട്ടിയ അവസരം ഇന്ത്യക്കാർ വേണ്ടുവോളം ഉപയോഗിക്കുന്നുമുണ്ട്. അതുപോലെ ഒരു അവസരം പക്ഷേ മാരുതിക്ക് കിട്ടിയപ്പോൾ ആളുകൾ കാര്യമായി തിരിഞ്ഞുനോക്കിയില്ലെന്നതാണ് സത്യം. ഇന്നോവയുടെ ഏറ്റവും പുതുതലമുറ മോഡലായ ഹൈക്രോസ് മാരുതിയുടെ കുപ്പായത്തിൽ എത്തിയപ്പോൾ ആളുകൾക്ക് പൂർണമായും ദഹിച്ചില്ല. മാരുതി സുസുക്കിയുടെ പ്രീമിയം ഡീലർഷിപ്പായ നെക്‌സയിലെ ഫ്ലാഗ്ഷിപ്പ് എംപിവിയായിട്ടാണ് ടൊയോട്ട ഇന്നോവ ഹൈക്രോസിന്റെ റീബാഡ്‌ജ് മോഡലായ ഇൻവിക്റ്റോ വിലസുന്നത്.

ഇന്ത്യന്‍ വാന്‍ വിപണിയിലെ ഒന്നാമനായ മാരുതി സുസുക്കി ഈക്കോ ഇനി പുത്തന്‍ ഭാവത്തില്‍. സ്വകാര്യ വാഹന ഉടമകളെ ലക്ഷ്യമിട്ട് ഈക്കോയുടെ പ്രത്യേക പതിപ്പായ 'സ്റ്റാര്‍ എഡിഷന്‍' (Eeco Star Edition) കമ്പനി വിപണിയില്‍ അവതരിപ്പിച്ചു. നിലവില്‍ വിപണിയില്‍ എതിരാളികളില്ലാത്ത ഈക്കോയുടെ വില്‍പ്പന വര്‍ദ്ധിപ്പിക്കാനാണ് മാരുതിയുടെ ഈ പുതിയ നീക്കം. സ്റ്റാന്‍ഡേര്‍ഡ് ഈക്കോയുടെ വിലയേക്കാള്‍ 19,999 രൂപ അധികം നല്‍കിയാല്‍ സ്റ്റാര്‍ എഡിഷന്‍ സ്വന്തമാക്കാം. മുന്‍പ് 37,000 രൂപയായിരുന്ന ആക്സസറി പാക്കേജ് വിലയാണ് ഇപ്പോള്‍ ഏകദേശം 20,000 രൂപയിലേക്ക് മാരുതി താഴ്ത്തിയിരിക്കുന്നത്.

സ്ട്രോംഗ് ഹൈബ്രിഡ് പെട്രോൾ എഞ്ചിൻ കാറുകൾ ഇന്ത്യയിൽ ജനകീയരാക്കിയവരാണ് മാരുതി സുസുക്കിയും ടൊയോട്ടയും. ഹോണ്ട സിറ്റിയിലൂടെ മറ്റൊരു ജാപ്പനീസ് ബ്രാൻഡും ഇതേ ടെക്നോളജി അവതരിപ്പിച്ചുവെങ്കിലും കൂടുതൽ പണമുണ്ടാക്കുന്നത് ആദ്യം പറഞ്ഞ കമ്പനികളാണ്. ഗ്രാൻഡ് വിറ്റാര, ഇൻവിക്റ്റോ എന്നീ രണ്ട് മോഡലുകളിലൂടെ മാരുതിയും അർബൻ ക്രൂയിസർ ഹൈറൈഡർ, ഇന്നോവ ഹൈക്രോസ് എന്നിവയിലൂടെ ടൊയോട്ടയും വെന്നിക്കൊടി പാറിക്കുകയാണ്. എന്നാൽ 2026 സാമ്പത്തിക വർഷത്തിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട ഹൈബ്രിഡ് കാർ എന്ന പദവി സ്വന്തമാക്കിയത് ഏത് മോഡലാണെന്ന് നിങ്ങൾക്ക് ഊഹിക്കാമോ?

ഇന്ത്യന്‍ നിരത്തുകളിലെ ഫാമിലി കാറുകളിലെ രാജാവായ എര്‍ട്ടിഗയ്ക്ക് ഇനി വിശ്രമിക്കാം. മാരുതിയുടെ പണിപ്പുരയില്‍ നിന്നും അതിലും കരുത്തനായ ഒരു പുതിയ 7-സീറ്റര്‍ എംപിവി ജനിക്കുന്നു. പരീക്ഷണ ഓട്ടത്തിനിടെ രഹസ്യമായി ക്യാമറയില്‍ കുടുങ്ങിയ ഈ വാഹനത്തിന്റെ ലുക്ക് കണ്ടാല്‍ ഏത് വമ്പന്‍ കാറുകളും ഒന്ന് വിറയ്ക്കും. പൂര്‍ണമായും മറച്ച നിലയില്‍ പൊതുനിരത്തില്‍ പരീക്ഷണ ഓട്ടം നടത്തുന്ന രണ്ട് പുതിയ മാരുതി വാഹനങ്ങളുടെ ചിത്രങ്ങളാണ് ഇപ്പോള്‍ പുറത്തുവന്നിരിക്കുന്നത്. 'ഹേമന്ത് ഓണ്‍ റോഡ്' എന്ന യൂട്യൂബ് ചാനലിലൂടെയാണ് ഈ സ്‌പൈ ചിത്രങ്ങള്‍ വാഹനപ്രേമികള്‍ക്കിടയില്‍ ചര്‍ച്ചയായിരിക്കുന്നത്.

ഇന്ത്യയിലെ സ്‌കൂട്ടർ നിരയിൽ ഹോണ്ടയ്ക്കും ടിവിഎസിനുമൊപ്പം മത്സരിച്ച് തങ്ങളുടേതായ സ്ഥാനം അതിവേഗം കണ്ടെത്തിയവരാണ് ജാപ്പനീസ് ഇരുചക്ര വാഹന നിർമാതാക്കളായ യമഹ. അതിന് സഹായിച്ചതാവട്ടെ ഫാസിനോ, റേ ZR എന്നീ കണ്ട് മിടുക്കൻ ഹൈബ്രിഡ് മോഡലുകളുമാണ്. ആക്‌ടിവയുടേയും ജുപ്പിറ്ററിന്റേയും പോലെ ലക്ഷക്കണക്കിന് യൂണിറ്റുകളൊന്നും ഓരോ മാസവും വിറ്റഴിക്കുന്നില്ലെങ്കിലും കമ്പനിക്ക് ലാഭകരമാവുന്ന വിധത്തിൽ ഇരുവരും പെർഫോമൻസ് നടത്തുന്നുണ്ട്. ഇതിൽ റേ യൂത്തൻമാരെ വശത്താക്കുമ്പോൾ ഫാസിനോ ഫാമിലി സ്കൂട്ടർ എന്ന പേരിലാണ് വിലസുന്നത്. എങ്കിലും സ്ത്രീകൾക്കാണ് ഇതിനോട് കൂടുതൽ കമ്പമെന്ന് മാത്രം.

ഇന്ത്യന്‍ വിപണിയിലെ ജനപ്രിയ സ്‌പോര്‍ട്ടി ഹാച്ച്ബാക്കായ i20 N ലൈനിന്റെ (Hyundai i20 N-Line) വേരിയന്റ് പട്ടിക പുതുക്കി ഹ്യുണ്ടായി മോട്ടോര്‍ ഇന്ത്യ. ചില പ്രത്യേക വേരിയന്റുകള്‍ നിര്‍ത്തലാക്കിക്കൊണ്ടാണ് കമ്പനി ഈ അഴിച്ചുപണി നടത്തിയിരിക്കുന്നത്. ഇതോടെ കാറിന്റെ ഓട്ടോമാറ്റിക് പതിപ്പുകള്‍ ആഗ്രഹിക്കുന്നവര്‍ക്ക് തിരഞ്ഞെടുക്കാന്‍ പരിമിതമായ ഓപ്ഷനുകള്‍ മാത്രമേ ഇനി ലഭ്യമാകൂ. വിപണിയിലെ മാറുന്ന സാഹചര്യങ്ങള്‍ കണക്കിലെടുത്താണ് ഈ തീരുമാനം. ഹ്യുണ്ടായി i20 N ലൈനിലെ മിഡ് വേരിയന്റായ N6 DCT (Dual-Clutch Transmission) കമ്പനി പൂര്‍ണമായും നിര്‍ത്തലാക്കി.

പുത്തനൊരു കാർ വാങ്ങാൻ പോവുന്ന ഭൂരിഭാഗം ആളുകളുടേയും ഫസ്റ്റ് ചോയ്‌സാവും മാരുതി സുസുക്കി. ഡീസൽ കാറുകളോട് വിടപറഞ്ഞുവെങ്കിലും പെട്രോളിലും സിഎൻജിയിലും വിസ്‌മയം തീർത്തുകൊണ്ട് മാരുതി കുതിച്ചുപായുകയാണ്. പെട്രോൾ വിപണിയിൽ മാരുതി സുസുക്കിയുടെ ആധിപത്യത്തെ വെല്ലുവിളിക്കാൻ മറ്റൊരു ബ്രാൻഡിനുമാവില്ലെന്നതാണ് സത്യം. കഴിഞ്ഞ സാമ്പത്തിക വർഷത്തെ വിൽപ്പന കണക്കുകൾ ഇതിന് അടിവരയിടുക കൂടിയാണ്. 2026 സാമ്പത്തിക വർഷം ഏറ്റവും കൂടുതൽ വിറ്റഴിക്കപ്പെട്ട 25 കാറുകളുടെ പട്ടികയിൽ 9 എണ്ണവും മാരുതിയുടേതാണ് എന്നതാണ് രസകരമായ കാര്യം. അതിൽ നമ്പർ വൺ ആയത് ഇന്ത്യക്കാരുടെ സ്വന്തം പെപ്പിക്കുട്ടിയായ സ്വിഫ്റ്റാണ്.

ഇന്ത്യയിലെ മള്‍ട്ടി പര്‍പ്പസ് വാഹന (എംപിവി) വിപണിയില്‍ ടൊയോട്ട ഇന്നോവ ഹൈക്രോസ് (Toyota Innova Hycross) തങ്ങളുടെ ആധിപത്യം ഉറപ്പിക്കുന്നു. 2026 സാമ്പത്തിക വര്‍ഷത്തിലെ വില്‍പ്പന കണക്കുകള്‍ പുറത്ത്‌വന്നപ്പോള്‍ ഇന്നോവ ക്രിസ്റ്റയേക്കാള്‍ (Toyota Innova Crysta) ഇരട്ടി വില്‍പ്പനയാണ് ഹൈക്രോസ് നേടിയത്. പ്രീമിയം വാഹന വിപണിയില്‍ ഹൈബ്രിഡ് സാങ്കേതികവിദ്യയ്ക്ക് ലഭിക്കുന്ന സ്വീകാര്യതയാണ് ഈ വന്‍ മുന്നേറ്റത്തിന് പിന്നിലെ പ്രധാന ഘടകം. കഴിഞ്ഞ സാമ്പത്തിക വര്‍ഷം ടൊയോട്ട 52,604 ഇന്നോവ ഹൈക്രോസുകള്‍ വിറ്റഴിച്ചപ്പോള്‍ ഇന്നോവ ക്രിസ്റ്റയുടെ വില്‍പ്പന 27,672 യൂണിറ്റുകളില്‍ ഒതുങ്ങി.

ഇന്ത്യയിലെ ഏറ്റവും വലിയ വാഹന നിർമാതാക്കളായി മാരുതി സുസുക്കി മാറുന്നതിന് പിന്നിൽ വിശ്വസിച്ച് വാങ്ങിക്കാനാവുന്ന കാറുകൾ മാത്രമല്ല ഉള്ളത്. ചില ജനകീയ തീരുമാനങ്ങളും അതിന് പിന്നിൽ സൈലന്റായി പ്രവർത്തിക്കുന്നുണ്ട്. ഓരോ മാസവും മോഡൽ നിരയിൽ ഗംഭീര ഓഫറുകളും ഡിസ്കൌണ്ടുകളും കമ്പനി പതിവായി നൽകാറുണ്ട്. അതും ജനപ്രിയ കാറുകൾ പോലും ആനുകൂല്യങ്ങളോടെ സ്വന്തമാക്കാനാവുമ്പോൾ ഇന്ത്യക്കാർ എങ്ങനെ മുഖംതിരിക്കും? 2026 മെയ് മാസത്തേക്കായും മാരുതി കിടിലൻ ഓഫറുകൾ അവതരിപ്പിച്ച് മുമ്പോട്ട് എത്തിയിരിക്കുകയാണ്. ഇതിൽ ഏറ്റവും ശ്രദ്ധനേടുന്നത് ഫാമിലി കാറായ ബലേനോയിൽ വാഗ്ദാനം ചെയ്യുന്ന ഓഫർ തന്നെയാണ്.

ഇന്ത്യന്‍ നിരത്തുകളിലെ സ്‌പോര്‍ട്‌സ് ബൈക്ക് പ്രേമികളുടെ ഹരമായ യമഹ R15 V4-ന്റെ വില വര്‍ദ്ധിപ്പിക്കാന്‍ യമഹ മോട്ടോര്‍ ഇന്ത്യ തീരുമാനിച്ചു. എല്ലാ വേരിയന്റുകള്‍ക്കും 4,900 രൂപയാണ് ഇപ്പോള്‍ വര്‍ദ്ധിപ്പിച്ചിരിക്കുന്നത്. ടൂവീലര്‍ നിര്‍മ്മാണത്തിന് ആവശ്യമായ അസംസ്‌കൃത വസ്തുക്കളുടെയും ചരക്ക് നീക്കത്തിന്റെയും ചിലവ് വര്‍ദ്ധിച്ചതാണ് ഈ വില വര്‍ദ്ധനവിന് പ്രധാന കാരണമായി വിശദീകരിക്കുന്നത്. പുതിയ വില ഈ മാസം മുതല്‍ രാജ്യത്തുടനീളം പ്രാബല്യത്തില്‍ വരും. യമഹ R15 V4 മോഡലിന്റെ മെയ് മാസത്തെ വില വര്‍ധനവിനെ കുറിച്ച് ഈ ലേഖനത്തില്‍ വിശദമായി വായിക്കാം.

ഇന്ത്യയും യുകെയും തമ്മിലുള്ള സ്വതന്ത്ര വ്യാപാര കരാർ പ്രാബല്യത്തിൽ എത്തിയതോടെ ടാറ്റ മോട്ടോർസിന് കോളടിച്ചിരിക്കുകയാണ്. ജാഗ്വർ ലാൻഡ് റോവർ മോഡലുകൾക്കെല്ലാം വമ്പൻ വിലക്കുറവാണ് കരാർ കാരണം ലഭിച്ചിരിക്കുന്നത്. കഴിഞ്ഞ വർഷം ജൂലൈയിൽ ഒപ്പുവച്ച സമഗ്ര സാമ്പത്തിക വ്യാപാര കരാർ പ്രാബല്യത്തിൽ വരുന്നതോടെ ഇരുരാജ്യങ്ങളും തമ്മിലുള്ള ഉഭയകക്ഷി വ്യാപാരത്തിൽ വലിയ കുതിച്ചുചാട്ടത്തിനാണ് ലോകം സാക്ഷ്യംവഹിക്കാൻ പോവുന്നത്. സെലിബ്രിറ്റികളുടേയും വലിയ വ്യവസായികളുടേയുമെല്ലാം പ്രിയങ്കരമായ റേഞ്ച് റോവർ മോഡലുകൾക്കെല്ലാം ലക്ഷക്കണക്കിന് വിലയാണ് കുറഞ്ഞിരിക്കുന്നത്. അടുത്തിടെ ജിഎസ്ടി 2.0 പരിഷ്കാരങ്ങൾ നടപ്പിലായതോടെ ആദ്യ വില കുറവ് സംഭവിച്ചിരുന്നു. കരാറിന്റെ ഭാഗമായി രണ്ടാമതും റേഞ്ച് റോവറുകൾക്ക് വിലക്കുറവ് ലഭിക്കുന്നത്.

ഇന്ത്യയിലെ പ്രമുഖ ഇരുചക്ര വാഹന നിര്‍മ്മാതാക്കളായ ടിവിഎസ് മോട്ടോര്‍ കമ്പനി (TVS Motor Company) തങ്ങളുടെ ജനപ്രിയ ഇലക്ട്രിക് സ്‌കൂട്ടറായ ഐക്യൂബ് (TVS iQube) നിര വിപുലീകരിച്ചു. ഐക്യൂബ് S 4.7 kWh എന്ന പുതിയ വേരിയന്റാണ് കമ്പനി ഇപ്പോള്‍ വിപണിയില്‍ അവതരിപ്പിച്ചത്. 2026 മെയ് ആറിനാണ് ഈ പുത്തന്‍ ഇലക്ട്രിക് സ്‌കൂട്ടര്‍ ഔദ്യോഗികമായി പുറത്തിറക്കിയത്. ഇന്ത്യന്‍ കുടുംബങ്ങളുടെ പ്രിയപ്പെട്ട ഇലക്ട്രിക് വാഹനമെന്ന പേര് നിലനിര്‍ത്തുന്ന ടിവിഎസ് ഐക്യൂബ് ഇതിനകം തന്നെ ഒമ്പത് ലക്ഷത്തിലധികം കുടുംബങ്ങളുടെ വിശ്വാസം നേടിയെടുത്തിട്ടുണ്ട്.

ടൊയോട്ട എന്ന് കേൾക്കുമ്പോൾ തന്നെ ആദ്യം മനസിൽ വരുന്ന രണ്ട് മോഡലുകളായിരിക്കും ഇന്നോവയും ഫോർച്യൂണറും. ഇതിൽ എസ്‌യുവിക്കുള്ള ഫാൻബേസ് ചെറുതൊന്നുമല്ലെന്നത് പ്രത്യേകം പറയേണ്ടതില്ലല്ലോ. അന്യായ റോഡ് പ്രസൻസും പെർഫോമൻസുമെല്ലാം നിറഞ്ഞ എസ്‌യുവി റോഡിലൂടെ വരുന്നത് തന്നെ കണ്ടാൽ എല്ലാവരും നോക്കിപ്പോവും. ജാപ്പനീസ് ബ്രാൻഡിന്റെ ഫുൾ-സൈസ് എസ്‌യുവിക്ക് ഏറ്റവും ഡിമാന്റുള്ള നാടാണ് മലയാളിക്കര. വില 60 ലക്ഷത്തിന് അടുത്ത് മുടക്കേണ്ടി വന്നാലും വാങ്ങാൻ ആളുകൾ അങ്ങനെ മടികാണിക്കാറുമില്ല. എന്നാൽ ഇപ്പോഴിതാ വീണ്ടും ഫോർച്യൂണറിന്റെ വില വർധിപ്പിച്ച് എല്ലാവരേയും സങ്കടത്തിലാഴ്ത്തിയിരിക്കുകയാണ് ജാപ്പനീസ് വാഹന നിർമാതാക്കൾ.

ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ തങ്ങളുടെ സാന്നിധ്യം ശക്തമാക്കാന്‍ ഒരുങ്ങുകയാണ് പ്രമുഖ വാഹന നിര്‍മ്മാതാക്കളായ ഹീറോ മോട്ടോകോര്‍പ്പ്. തങ്ങളുടെ ഇലക്ട്രിക് ബ്രാന്‍ഡായ വിഡയ്ക്ക് (Vida) കീഴില്‍ 1 ലക്ഷം രൂപയില്‍ താഴെ വിലയുള്ള പുതിയ സ്‌കൂട്ടറുകള്‍ പുറത്തിറക്കാനാണ് കമ്പനിയുടെ തീരുമാനം. നിലവില്‍ ഇലക്ട്രിക് സ്‌കൂട്ടര്‍ വിപണിയില്‍ നാലാം സ്ഥാനത്തുള്ള ഹീറോ, വരും വര്‍ഷങ്ങളില്‍ ഒന്നാമതെത്താനാണ് ലക്ഷ്യമിടുന്നത്. ഇതിനായി വാഹന ഉല്‍പ്പാദന ശേഷി വര്‍ദ്ധിപ്പിക്കുന്നതിനായി കമ്പനി വലിയ നിക്ഷേപങ്ങളാണ് നടത്തിക്കൊണ്ടിരിക്കുന്നത്.

ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിയുടെ ജീവവായുവാണ് മിഡ്-സൈസ് എസ്‌യുവിയായ ക്രെറ്റ (Hyundai Creta). ഓരോ മാസവും 15,000 യൂണിറ്റുകൾക്ക് മുകളിൽ വിറ്റഴിയുന്ന മോഡൽ രാജ്യത്തെ ടോപ്പ് സെല്ലിംഗ് കാറുകളുടെ പട്ടികയിൽ പലപ്പോഴും ഒന്നാം സ്ഥാനം കൈവരിക്കാറുണ്ട്. ക്രെറ്റ ഇത്രയും ജനപ്രിയമാവാനുള്ള കാരണം എന്താണെന്ന് ചോദിച്ചാൽ ഒറ്റ വാക്കിൽ ഉത്തരം പറയാനാവില്ല. എങ്കിലും നല്ല എഞ്ചിൻ, ഗിയർബോക്‌സ് കോമ്പിനേഷനുകൾ, മോഡേൺ ഫീച്ചറുകൾ, അടിപൊളി വില, തെരഞ്ഞെടുക്കാൻ ധാരാളം വേരിയന്റുകൾ, പ്രീമിയം ലുക്ക് എന്നിങ്ങനെ ഒട്ടേറെ കാരണങ്ങൾ നിരത്തിവെക്കാനാവും.

ഇന്ത്യന്‍ വാഹന വിപണിയില്‍ ഇന്ധനക്ഷമതയ്ക്ക് മുന്‍ഗണന നല്‍കുന്ന ഉപഭോക്താക്കള്‍ക്കിടയില്‍ സിഎന്‍ജി (CNG) കാറുകള്‍ക്ക് വലിയ പ്രാധാന്യമാണ് ലഭിക്കുന്നത്. കുറഞ്ഞ ചിലവില്‍ കൂടുതല്‍ ദൂരം സഞ്ചരിക്കാം എന്നതിനൊപ്പം കമ്പനികള്‍ നേരിട്ട് നല്‍കുന്ന ഫാക്ടറി ഫിറ്റഡ് സിഎന്‍ജി കിറ്റുകളുടെ സുരക്ഷിതത്വവും ഇതിന്റെ സ്വീകാര്യത വര്‍ദ്ധിപ്പിക്കുന്നു. മാരുതി സുസുക്കി, ടാറ്റ, ഹ്യുണ്ടായി തുടങ്ങിയ പ്രമുഖ ബ്രാന്‍ഡുകള്‍ ഈ വിഭാഗത്തില്‍ ശക്തമായ സാന്നിധ്യമാണ്. ദൈനംദിന ആവശ്യങ്ങള്‍ക്കായി നഗരയാത്രകള്‍ നടത്തുന്നവര്‍ക്ക് മികച്ച മൈലേജ് നല്‍കുന്ന വാഹനങ്ങള്‍ തിരഞ്ഞെടുക്കുന്നത് വലിയ സാമ്പത്തിക ലാഭമുണ്ടാക്കും.

ഇന്ത്യയിലെ ഏറ്റവും വലിയ വാണിജ്യ വാഹന നിർമാതാക്കളായ ടാറ്റ മോട്ടോർസ് തങ്ങളുടെ ഐതിഹാസിക വാഹനമായ എയ്‌സിന്റെ 21 വർഷം ആഘോഷിക്കുന്നതിന്റെ ഭാഗമായി പുതിയ എയ്‌സ് ഗോൾഡ് പ്ലസ് XL മോഡൽ പുറത്തിറക്കി. ലാസ്റ്റ് മൈൽ ലോജിസ്റ്റിക്‌സിന്റെ മാറിക്കൊണ്ടിരിക്കുന്ന ആവശ്യങ്ങൾ നിറവേറ്റുന്നതിനായി ലൈറ്റ് കൊമേഴ്‌സ്യൽ വാഹന നിരയെ വിപുലീകരിക്കുകയാണ് ഇതിലൂടെ കമ്പനി ഉദ്ദേശിക്കുന്നത്. ഉയർന്ന ലോഡ് വഹിക്കാൻ ലക്ഷ്യമിട്ടുള്ള ഒരു പുതിയ വേരിയന്റായതിനാൽ തന്നെ വിൽപ്പന കൂടുതൽ പിടിക്കാനും മോഡലിനായേക്കും. സിഎൻജി, പെട്രോൾ, ഡീസൽ, ഇലക്‌ട്രിക് എന്നിങ്ങനെ വൈവിധ്യപരമായ ഫ്യുവൽ ഓപ്ഷനുകളിൽ ലഭ്യമാവുന്ന അപൂർവ വാഹനം കൂടിയാണ് എയ്‌സ് സീരീസ്.

ഹാരിയര്‍, സഫാരി എസ്‌യുവി നിര വിപുലീകരിച്ചുകൊണ്ട് ടാറ്റ മോട്ടോര്‍സ് പുതിയ 'അള്‍ട്രാ റെഡ് ഡാര്‍ക്ക്' ഡീസല്‍ വേരിയന്റുകള്‍ പുറത്തിറക്കി. ഈ വര്‍ഷം ജനുവരിയില്‍ പെട്രോള്‍ പതിപ്പുകള്‍ അവതരിപ്പിച്ചപ്പോള്‍ ലഭിച്ച റെഡ് ഡാര്‍ക്ക് ട്രിം ഇപ്പോള്‍ ഡീസല്‍ ഓപ്ഷനിലും ലഭ്യമാണ്. ഡീസല്‍ നിരയിലെ ഏറ്റവും ഉയര്‍ന്ന ഫുള്ളി ലോഡഡ് ട്രിമ്മായാണ് ഇത് വിപണിയിലെത്തുന്നത്. ആദ്യ കാഴ്ചയില്‍ തന്നെ ആരെയും വശീകരിക്കുന്ന കറുപ്പ് നിറത്തിലാണ് അള്‍ട്രാ റെഡ് ഡാര്‍ക്ക് എഡിഷനുകള്‍ ഒരുക്കിയിരിക്കുന്നത്. ഇതില്‍ റെഡ് ലെറ്ററിംഗും ഹെഡ്ലാമ്പ് ക്ലസ്റ്ററിലും ഗ്രില്ലിലും നല്‍കിയിരിക്കുന്ന ചുവന്ന ഇന്‍സെര്‍ട്ടുകളും സ്‌പോര്‍ട്ടി ലുക്ക് വര്‍ദ്ധിപ്പിക്കുന്നു.