ഇന്ത്യന്‍ സിനിമക്ക് ഏറ്റവും മികച്ച ടെക്‌നീഷ്യന്‍മാരെ സമ്മാനിച്ച നാടാണ് കേരളം. സമീപകാലത്ത് മോളിവുഡിലെ പശ്ചാത്തല സംഗീത ശൈലി മാറ്റിമറിച്ച പ്രതിഭയാണ് വിഷ്ണു വിജയ്. 'ഗപ്പി' എന്ന ചിത്രത്തിലെ മനോഹരമായ ഗാനങ്ങളിലൂടെ സ്വതന്ത്ര സംഗീത സംവിധായകനായി മാറിയ അദ്ദേഹം, പിന്നീട് 'ഭീഷ്മപര്‍വ്വം', 'തല്ലുമാല', 'സുലൈഖ മന്‍സില്‍', 'പ്രേമലു' തുടങ്ങിയ ഒട്ടനവധി സൂപ്പര്‍ഹിറ്റ് സിനിമകള്‍ക്ക് സംഗീതം നല്‍കി. ഇന്ന് മലയാള സിനിമയിലെ തിരക്കേറിയ യുവ സംഗീത സംവിധായകരില്‍ ഒരാളായ വിഷ്ണു തന്റെ യാത്രകള്‍ കൂടുതല്‍ ആഡംബര പൂര്‍ണമാക്കാന്‍ പുത്തന്‍ ബിഎംഡബ്ല്യു കാര്‍ സ്വന്തമാക്കിയിരിക്കുകയാണ്.

ടാറ്റ മോട്ടോർസും മഹീന്ദ്ര ആൻഡ് മഹീന്ദ്രയും എംജി മോട്ടോറുമെല്ലാം പണംവാരുന്ന ഇലക്‌ട്രിക് പാസഞ്ചർ കാർ വിപണിയിൽ ഇവർക്കെല്ലാം മുമ്പേ ആദ്യം എത്തിയത് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിയായിരുന്നു. കോന ഇവിയുമായി എത്തിയ ബ്രാൻഡിന് പക്ഷേ പ്രതീക്ഷിച്ച രീതിയിൽ ക്ലച്ചുപിടിക്കാനായില്ല. ആദ്യ മോഡൽ വമ്പൻ ഫ്ലോപ്പായപ്പോൾ പ്രീമിയം നിരയിലേക്ക് അയോണിക് 5 ഇവി പുറത്തിറക്കി പരീക്ഷണത്തിന് കമ്പനി തയാറായി. എന്നാൽ സാധാരണക്കാരിലേക്ക് ഇറങ്ങിച്ചെല്ലുവാനായി ഹ്യുണ്ടായി തങ്ങളുടെ ടോപ്പ് സെല്ലിംഗ് മോഡലായ ക്രെറ്റയുടെ ഇലക്‌ട്രിക് (Hyundai Creta EV) പതിപ്പിനെ നിയോഗിക്കുകയുണ്ടായി.

ജൂലൈ മാസം പിറന്നതോടെ പല മുന്‍നിര കമ്പനികളും തങ്ങളുടെ കാറുകളുടെ വില പരിഷ്‌കരിച്ചിട്ടുണ്ട്. ഇപ്പോള്‍ മാരുതി സുസുക്കി തങ്ങളുടെ ജനപ്രിയ സബ്കോംപാക്ട് ക്രോസ്ഓവര്‍ എസ്യുവിയായ ഫ്രോങ്ക്സിന്റെ (Maruti Suzuki Fronx) തിരഞ്ഞെടുത്ത വേരിയന്റുകളുടെ വില വര്‍ദ്ധിപ്പിച്ചു. ഈ വര്‍ഷം മേയ് മാസത്തില്‍ കമ്പനി പ്രഖ്യാപിച്ച വില പരിഷ്‌കരണമാണ് ഇപ്പോള്‍ പ്രാബല്യത്തില്‍ വന്നിരിക്കുന്നത്. കമ്പനിയുടെ ഔദ്യോഗിക അറിയിപ്പ് പ്രകാരം ജൂണ്‍ മാസം മുതല്‍ പുതിയ നിരക്കുകള്‍ വിപണിയില്‍ നടപ്പിലായി തുടങ്ങി. ഇ വിറ്റാര, ജിംനി, എര്‍ട്ടിഗ, ഡിസയര്‍, സ്വിഫ്റ്റ് തുടങ്ങിയ മറ്റ് മോഡലുകളുടെ വില കൂട്ടിയതിന് പിന്നാലെയാണ് ഇപ്പോള്‍ ഫ്രോങ്ക്സിനും ചെലവേറിയിരിക്കുന്നത്.

ഇന്ത്യന്‍ വാഹന വിപണിയിലെ പുത്തന്‍ വിപ്ലവത്തിന് തുടക്കമിട്ട് മാരുതി സുസുക്കി ഏതാനും ദിവസം മുമ്പ് പുറത്തിറക്കിയ രാജ്യത്തെ ആദ്യത്തെ ബയോഫ്യുവല്‍ പാസഞ്ചര്‍ കാറായ വാഗണ്‍ആര്‍ ബയോഫ്ലെക്സിന് (WagonR Flex-Fuel) തണുപ്പന്‍ പ്രതികരണം. ഈ സുപ്രധാന മോഡലിന് വിപണിയില്‍ നിന്ന് പ്രതീക്ഷിച്ച വരവേല്‍പ്പ് നേടാനാകാതെ പരാജയഭീതിയിലാണ്. 2026 ജൂണ്‍ മാസത്തിലെ വില്‍പ്പന കണക്കുകള്‍ പുറത്തുവരുമ്പോള്‍ ഈ പുത്തന്‍ കാറിന്റെ വെറും 3 യൂണിറ്റുകള്‍ മാത്രമാണ് കമ്പനിക്ക് വിറ്റഴിക്കാന്‍ സാധിച്ചത്. വലിയ അളവില്‍ എഥനോള്‍ കലര്‍ത്തിയ വാഹനങ്ങളിലേക്ക് പെട്ടെന്ന് മാറാന്‍ ഇന്ത്യയിലെ ഉപഭോക്താക്കള്‍ ഇനിയും തയാറായിട്ടില്ലെന്ന് വേണം ഇതില്‍ നിന്ന് മനസിലാക്കാന്‍.

മോട്ടോർസൈക്കിളുകളെ വൈദ്യുതീകരിക്കാൻ അധികമാരും തയാറാവാതിരുന്ന കാലത്ത് നമുക്ക് ഇലക്‌ട്രിക് ബൈക്കുകൾ എന്താണെന്ന് കാണിച്ചുതന്നവരാണ് രത്തൻഇന്ത്യ എൻ്റർപ്രൈസസിന്റെ കീഴിലുള്ള റിവോൾട്ട് മോട്ടോർസ്. ഇന്ത്യയിലെ ആദ്യത്തെ ഇലക്ട്രിക് ബൈക്കായ RV400 ഇവിയുടെ വരവ് ശരിക്കും ഇരുചക്ര വാഹന വിപണിക്ക് പുതിയൊരു ഊർജമാവുന്ന കാഴ്ച്ചയാണ് കാണാനായത്. 2019-ൽ പുറത്തിറക്കിയ ഈ മോഡൽ മോട്ടോർസൈക്കിളുകൾ എന്ന സങ്കൽപ്പത്തെ തന്നെ പൊളിച്ചെഴുതുകയായിരുന്നു. അൽപം ശബ്‌ദവും ക്ലച്ചും ഗിയറുമെല്ലാം ഉണ്ടായിരുന്ന സാധാരണ ബൈക്കുകളിൽ നിന്നുമെല്ലാം വ്യത്യസ്‌തനായിരുന്നു ഇവൻ. കാരണം ഇതൊന്നുമില്ലാതെ ബൈക്കിന്റെ രൂപം മാത്രം ആവാഹിച്ചെത്തിയ റിവോൾട്ട് RV400 പിന്നീട് വിപ്ലവം സൃഷ്ടിച്ചു.

ഇലക്‌ട്രിക് സ്‌കൂട്ടർ വിപണിയിൽ അജയ്യരായി കുതിക്കുകയാണ് ബെംഗളൂരു ആസ്ഥാനമായുള്ള ഇവി സ്റ്റാർട്ടപ്പ് കമ്പനിയായ ഏഥർ എനർജി. ഇന്ന് നിലവിലുള്ള പല ബ്രാൻഡുകളും വൈദ്യുത വാഹന രംഗത്തേക്ക് കാലുകുത്തുന്നതിന് മുമ്പേ തന്നെ പ്രവർത്തനം ആരംഭിച്ച ബ്രാൻഡ് പരാതികളും പരിഭവങ്ങളും കേൾപ്പിക്കാതെയാണ് മുമ്പോട്ട് കുതിക്കുന്നതും. ശരിക്കും പറഞ്ഞാൽ തുടക്കത്തിൽ ഓല കാണിച്ച മണ്ടത്തരങ്ങളൊന്നും ഏറ്റുപിടിക്കാനോ മാതൃതയാക്കാനോ ഏഥർ ശ്രമിക്കാതെ സ്വയം വഴിവെട്ടി മുമ്പോട്ട് പോവാനാണ് തീരുമാനിച്ചത്. ഇതുതന്നെയാണ് ബ്രാൻഡിനെ ഇന്നുകാണുന്ന നിലയിലേക്ക് വളർത്തിയതും. മാത്രമല്ല, കൃത്യമായ ഇടവേളകളിൽ നവീകരിക്കാനും ഏഥറിന് പ്രത്യേക മിടുക്കുണ്ട്.

ഇന്ത്യക്കാരുടെ ഏറ്റവും പ്രിയപ്പെട്ട ഫോറിന്‍ ബ്രാന്‍ഡുകളില്‍ ഒന്നാ റെനോ തങ്ങളുടെ ഏറ്റവും വിലകുറഞ്ഞ ഹാച്ച്ബാക്ക് മോഡലായ ക്വിഡിന്റെ (Kwid) പുതിയ ഫെയ്സ്ലിഫ്റ്റ് പതിപ്പ് നാളെ ഇന്ത്യന്‍ വിപണിയില്‍ അവതരിപ്പിക്കും. കുറഞ്ഞ ബജറ്റില്‍ മികച്ച ഫീച്ചറുകള്‍ ആഗ്രഹിക്കുന്ന കാര്‍ പ്രേമികള്‍ ഏറെ പ്രതീക്ഷയോടെയാണ് ഈ പുതിയ വാഹനത്തിന്റെ വരവിനായി കാത്തിരിക്കുന്നത്.

വിലയറിയുന്നതിന് മുമ്പേ ഇന്ത്യക്കാർ വാങ്ങിക്കൂട്ടിയ എസ്‌യുവി ഔദ്യോഗികമായി പുറത്തിറക്കി ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. കൊഡിയാക് RS പെർഫോമൻസ് സ്പോർട് യൂട്ടിലിറ്റി വാഹനത്തിന്റെ ബുക്കിംഗ് ആരംഭിച്ച് വെറും 6 മിനിറ്റിലാണ് ആദ്യം കൊണ്ടുവന്ന 50 എണ്ണവും വിറ്റഴിഞ്ഞത്. ഇപ്പോഴിതാ സ്കോഡ ഇന്ത്യ ഔദ്യോഗികമായി രാജ്യത്ത് മോഡൽ പുറത്തിറക്കിയിരിക്കുകയാണ്. അതും 66.99 ലക്ഷം രൂപയുടെ എക്സ്ഷോറൂം വിലയിലാണ് കൊഡിയാക് ഫുൾ-സൈസ് എസ്‌യുവിയുടെ പുത്തൻ പതിപ്പ് വിപണിയിലെത്തിയിരിക്കുന്നത്. ബ്രാൻഡിന്റെ ഫ്ലാഗ്ഷിപ്പ് മൂന്ന്-വരി എസ്‌യുവി പൂർണമായും വിദേശത്ത് നിർമിച്ചാണ് ഇന്ത്യയിലേക്ക് എത്തിക്കുന്നത്.

രാജ്യത്തെ പ്രമുഖ വാഹന നിര്‍മാതാക്കളായ ജെഎസ്ഡബ്ല്യു എംജി മോട്ടോര്‍ ഇന്ത്യ 2026 ജൂണ്‍ മാസത്തില്‍ തങ്ങളുടെ ബിസിനസ് ചരിത്രത്തിലെ ഏറ്റവും ഉയര്‍ന്ന പ്രതിമാസ ഹോള്‍സെയില്‍ വില്‍പ്പന സ്വന്തമാക്കി. ഐസിഇ, ഇലക്ട്രിക് എന്നിവയുള്‍പ്പെടെ വൈവിധ്യമാര്‍ന്ന വാഹനങ്ങള്‍ ഉള്‍ക്കൊള്ളുന്ന കമ്പനിയുടെ പോര്‍ട്‌ഫോളിയോയാണ് എംജിക്ക് നിലവിലുള്ളത്. കമ്പനി ഔദ്യോഗികമായി പുറത്തുവിട്ട പുതിയ റിപ്പോര്‍ട്ടുകള്‍ പ്രകാരം, ജൂണ്‍ മാസത്തില്‍ കമ്പനിയുടെ മൊത്തവില്‍പ്പന 7,568 യൂണിറ്റിലെത്തി. 2025 ജൂണ്‍ മാസത്തെ വില്‍പ്പനയുമായി താരതമ്യം ചെയ്യുമ്പോള്‍ ഇത്തവണ 30 ശതമാനത്തിന്റെ വന്‍ വാര്‍ഷിക വളര്‍ച്ചയാണ് ബ്രാന്‍ഡ് രേഖപ്പെടുത്തിയിരിക്കുന്നത്.

ഇന്ത്യയിലെ ഇലക്‌ട്രിക് വാഹന വിപണിയിൽ സ്വന്തമായി അഡ്രസുണ്ടാക്കിയെടുത്ത് കുതിക്കുന്നവരാണ് ചൈനീസ് വാഹന നിർമാതാക്കളായ ബിവൈഡി. ടാറ്റ മോട്ടോർസും മഹീന്ദ്രയും എംജി മോട്ടോറും പോലുള്ള വമ്പൻമാർ ഭരിക്കുന്ന ഇവി മേഖല കീഴടക്കാൻ യാതൊരു പ്ലാനും ബിൽഡ് യുവർ ഡ്രീംസിന് ഇല്ലെങ്കിലും സ്വന്തം ശൈലിയിൽ മുമ്പോട്ട് പോവാനാണ് അന്നും അന്നും ശ്രമം. ആളുകളുടെ പൾസ് കൃത്യമായി മനസിലാക്കി മുമ്പോട്ട് പോവുന്ന കമ്പനി ഇമാക്‌സ് 7 ഇവിയുടെ പുത്തൻ വേരിയന്റുമായി ഇന്ത്യക്കാരുടെ അടുത്തേക്ക് എത്തിയിരിക്കുകയാണ്. ഇലക്ട്രിക് എംപിവിയിലേക്ക് പുതിയ മിഡ്-സ്പെക്ക് കംഫർട്ട് ട്രിമ്മാണ് ബിവൈഡി അവതരിപ്പിച്ചിരിക്കുന്നത്.

ആഡംബര കാറുകളുടെ തറവാടായ കേരളത്തിലേക്ക് ഒരു പുത്തന്‍ റോള്‍സ് റോയ്‌സ് (Rolls-Royce) കൂടി എത്തിച്ചേര്‍ന്നിരിക്കുകയാണ്. പ്രമുഖ ആഗോള ബിസിനസ് സംരംഭമായ ജുമാന ഗ്രൂപ്പ് ഓഫ് കമ്പനീസിന്റെ (Jumana Group) ഉടമയും വ്യവസായിയുമായ റാഫി ആയിച്ചസ് ആണ് ഈ പുത്തന്‍ ബ്രിട്ടീഷ് ആഡംബര കാര്‍ സ്വന്തമാക്കിയത്. രാജ്യത്തെ അതിസമ്പന്നരുടെ ഗരാജുകള്‍ അലങ്കരിക്കുന്ന റോള്‍സ് റോയ്‌സ് നിരയിലേക്ക്, ഏറ്റവും പുതിയ പതിപ്പായ റോള്‍സ് റോയ്‌സ് ഗോസ്റ്റ്' (Rolls-Royce Ghost) മോഡലാണ് കണ്ണൂര്‍ സ്വദേശി വാങ്ങിയത്.

മാരുതി സുസുക്കിക്ക് പിന്നിൽ രാജ്യത്തെ ഏറ്റവും വലിയ രണ്ടാമത്തെ വാഹന നിർമാതാക്കളായി കാലങ്ങളോളം വിലസിയവരാണ് ഹ്യുണ്ടായി. എതിരാളികളില്ലാതെ കുതിച്ചിരുന്ന കമ്പനി പിന്നീട് ടാറ്റയുടേയും മഹീന്ദ്രയുടേയും നിഴലിൽ നാലാംസ്ഥാനത്തേക്ക് പിന്തള്ളപ്പെടുന്ന കാഴ്ച്ചയും നാം കണ്ടു. കഴിഞ്ഞ കുറച്ച് മാസങ്ങളായി ഇവിടെ തന്നെ ഉറച്ചുനിൽക്കുന്ന ഹ്യുണ്ടായിക്ക് 2026 ജൂൺ മാസത്തിലും കാലിടറിയിരിക്കുകയാണ്. കഴിഞ്ഞ 30 ദിവസത്തിൽ ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിക്ക് ഇന്ത്യയിൽ ആകെ 39,635 യൂണിറ്റ് വിൽപ്പനയാണ് നേടാനായത്. അതേസമയം 11,700 കാറുകൾ വിദേശ രാജ്യങ്ങളിലേക്കും കയറ്റിയയക്കാൻ ബ്രാൻഡിനായിട്ടുണ്ട്.

ഇന്ത്യന്‍ വാഹന വിപണിയിലെ കരുത്തരായ മഹീന്ദ്ര ആന്‍ഡ് മഹീന്ദ്ര തങ്ങളുടെ പാസഞ്ചര്‍ വാഹന വിഭാഗത്തിലും കാര്‍ഷിക ഉപകരണ മേഖലയിലും 2026 ജൂണ്‍ മാസത്തില്‍ എക്കാലത്തെയും മികച്ച വില്‍പ്പന നേട്ടം കൈവരിച്ചു. വിപണിയിലെ ശക്തമായ ഡിമാന്‍ഡ് മുന്‍നിര്‍ത്തി കമ്പനിയുടെ എസ്‌യുവി നിരയും കൊമേഴ്സ്യല്‍ വാഹനങ്ങളും വലിയ വളര്‍ച്ചയാണ് ഇത്തവണ രേഖപ്പെടുത്തിയത്. കമ്പനി പുറത്തുവിട്ട ഏറ്റവും പുതിയ കണക്കുകള്‍ പ്രകാരം, 2026 ജൂണ്‍ മാസത്തില്‍ മാത്രം ആഭ്യന്തര വിപണിയില്‍ 60,393 യൂട്ടിലിറ്റി വാഹനങ്ങളാണ് (SUV) മഹീന്ദ്ര വിറ്റഴിച്ചത്.

അസംസ്‌കൃത എണ്ണ ഇറക്കുമതി കുറയ്ക്കുന്നതിനും അന്തരീക്ഷ മലിനീകരണം തടയുന്നതിനുമായി ഭാരത സര്‍ക്കാര്‍ പുതിയ രണ്ട് സാങ്കേതികവിദ്യകളെയാണ് ഒരേസമയം പ്രോത്സാഹിപ്പിക്കുന്നത്. ഇലക്ട്രിക് വാഹനങ്ങളും (EV) ഫ്ലക്സ് ഫ്യുവല്‍ (Flex-Fuel) വാഹനങ്ങളും വിപണിയില്‍ സജീവമാക്കാന്‍ ലക്ഷ്യമിട്ടുള്ള വിപുലമായ പദ്ധതികളാണ് അധികൃതര്‍ ഇപ്പോള്‍ നടപ്പിലാക്കുന്നത്. ഈ രണ്ട് പരിസ്ഥിതി സൗഹൃദ ഗതാഗത സംവിധാനങ്ങളും ഒരേ ലക്ഷ്യത്തോടെയാണ് പ്രവര്‍ത്തിക്കുന്നതെങ്കിലും അവയുടെ പ്രവര്‍ത്തന ശൈലി തികച്ചും വ്യത്യസ്തമാണ്. ഈ രണ്ട് നൂതന സാങ്കേതികവിദ്യകളും എങ്ങിനെ വ്യത്യാസപ്പെട്ടിരിക്കുന്നുവെന്നും നമ്മുടെ രാജ്യത്തിന് കൂടുതല്‍ അനുയോജ്യമായത് ഏതാണെന്നും നമുക്ക് നോക്കാം.

ബൈക്ക് എന്ന സങ്കൽപ്പത്തെ തന്നെ പൊളിച്ചെഴുതി വൈദ്യുത ഇരുചക്ര വാഹന രംഗത്തേക്ക് എത്തിയവരാണ് റിവോൾട്ട് മോട്ടോർസ്. ഇലക്‌ട്രിക് മോട്ടോർസൈക്കിൾ എങ്ങനെയായിരിക്കുമെന്ന് ഇന്ത്യക്കാരെ കാണിച്ചു തന്ന രത്തൻഇന്ത്യ എൻ്റർപ്രൈസസിന്റെ കീഴിലുള്ള ബ്രാൻഡ് സാധാരണക്കാർക്ക് വേണ്ടി മൂന്നോളം മോഡലുകളാണ് ഇപ്പോൾ വിപണനത്തിന് എത്തിക്കുന്നത്. ഇപ്പോഴിതാ 2026 ജൂലൈ 2-ന് പുതിയ ഇലക്ട്രിക് മോട്ടോർസൈക്കിൾ പുറത്തിറക്കി തങ്ങളുടെ ഇവി നിര വിപുലീകരിക്കാൻ പദ്ധതിയിടുകയാണ് ബ്രാൻഡ്. എന്നാൽ നാളെ അവതരിപ്പിക്കാൻ പോവുന്ന മോഡൽ ഏതാവുമെന്ന കാര്യം മാത്രം ഗുരുഗ്രാം ആസ്ഥാനമായി പ്രവർത്തിക്കുന്ന റിവോൾട്ട് വ്യക്തമാക്കിയിട്ടില്ല.

Vehicle Maintenance Tips for Hill Trips. കേരളത്തിലെ മലയോര പാതകളിലൂടെയുള്ള യാത്രയ്ക്ക് മുൻപ് ബ്രേക്ക്, ടയർ, കൂളന്റ് എന്നിവ കൃത്യമായി പരിശോധിക്കേണ്ടത് എങ്ങനെയെന്ന് ഈ ലേഖനത്തിലൂടെ വിശദമായി മനസ്സിലാക്കാം.

ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന മിഡ്-സൈസ് എസ്‌യുവികളില്‍ ഒന്നായ സെല്‍റ്റോസിന്റെ രണ്ട് പുതിയ ടോപ്പ്-സ്‌പെക് വേരിയന്റുകള്‍ ഔദ്യോഗികമായി വിപണിയിലിറക്കി. പുതുതായി വേരിയന്റ് നിരയിലേക്ക് കൂട്ടിച്ചേര്‍ത്ത GTX (O), X-Line (O) എന്നിവയ്ക്ക് 21.57 ലക്ഷം രൂപയാണ് പ്രാരംഭ എക്‌സ്-ഷോറൂം വില വരുന്നത്. നിലവില്‍ വിപണിയിലുള്ള ഉയര്‍ന്ന GTX (A) ട്രിമ്മിന് തൊട്ടുമുകളിലായാണ് ഈ പുതിയ വേരിയന്റുകളുടെ സ്ഥാനം നിശ്ചയിച്ചിരിക്കുന്നത്. ഇതിനോടകം തന്നെ ഫീച്ചര്‍ റിച്ച് ആയ സെല്‍റ്റോസ് നിരയെ കൂടുതല്‍ പ്രീമിയവും ആധുനികവുമാക്കാന്‍ ലക്ഷ്യമിട്ടാണ് ഈ പുതിയ പതിപ്പുകള്‍ കമ്പനി ഇപ്പോള്‍ വിപണിയില്‍ അവതരിപ്പിച്ചിരിക്കുന്നത്.

റിയാലിറ്റി ഷോയിലൂടെയും ജനപ്രിയ ടെലിവിഷൻ പരിപാടികളിലൂടെയും മലയാളി പ്രേക്ഷകരുടെ പ്രിയങ്കരനായി മാറിയ താരമാണ് ഷിയാസ് കരീം. അടുത്തിടെ ധാരാളം വിവാദങ്ങളിലും ഷിയാസിന്റെ പേര് പ്രേക്ഷകർ ഉയർന്ന് കേട്ടിട്ടുണ്ടാവും. പ്രണയം നടിച്ച് സ്ത്രീയിൽ നിന്നും 49 ലക്ഷം രൂപ തട്ടിയെന്നതായിരുന്നു ഇദ്ദേഹത്തിനെതിരെയുള്ള ആരോപണവും വിവാദവും. ഇതിനെ തുടർന്നുള്ള ഒരുപാട് ചർച്ചകൾ സോഷ്യൽ മീഡിയയിൽ പല രീതിയിൽ പ്രചരിച്ചിരുന്നു. എന്നാൽ ഇതിൽ നിന്നുമെല്ലാം ഇടവേളയെടുത്ത് ഒരു കുഞ്ഞുപിറന്നതിന്റെ സന്തോഷത്തിലായിരുന്നു ഷിയാസ്. തങ്ങളുടെ ആദ്യത്തെ കൺമണിക്ക് 'ഡെസു' എന്ന ക്യൂട്ട് പേരുമിട്ട് ചിത്രങ്ങളും താരം സമൂഹ മാധ്യമങ്ങളിലൂടെ പങ്കുവെച്ചിരുന്നു.

ഇന്ത്യന്‍ വാഹന ലോകം ഏറെ ആവേശത്തോടെ കാത്തിരുന്ന ടാറ്റ സിയറ ഇവി (Sierra EV) ഒടുവില്‍ ഔദ്യോഗികമായി രാജ്യത്ത് ലോഞ്ച് ചെയ്തിരിക്കുകയാണ്. നിലവില്‍ ഇന്ത്യന്‍ വിപണിയില്‍ ലഭ്യമായ മഹീന്ദ്ര BE 6, മാരുതി സുസുക്കി ഇ വിറ്റാര, ഹ്യുണ്ടായി ക്രെറ്റ ഇലക്ട്രിക്, എംജി ZS ഇവി എന്നീ പ്രമുഖ മിഡ്-സൈസ് ഇലക്ട്രിക് എസ്‌യുവികളോടാണ് സിയറ വിപണിയില്‍ നേരിട്ട് മത്സരിക്കുന്നത്.

ഇന്ത്യയിലെ ഇലക്‌ട്രിക് കാർ വിപണിയെ കോരിത്തരിപ്പിച്ചുകൊണ്ട് പിറവിയെടുത്തിരിക്കുകയാണ് ടാറ്റ സിയറ ഇവി. മാരുതി ഇ വിറ്റാര, ഹ്യുണ്ടായി ക്രെറ്റ ഇവി, മഹീന്ദ്ര XEV 9e, എംജി വിൻഡ്‌സർ ഇവി പോലുള്ള വമ്പൻമാർക്കെല്ലാം മുട്ടൻപണിയാണ് ടാറ്റ മോട്ടോർസിന്റെ പുത്തൻ ഇലക്ട്രിക് എസ്‌യുവിയുടെ വരവ്. 18.79 ലക്ഷം രൂപയുടെ പ്രാരംഭ വിലയിലെത്തിയ മോഡലിന്റെ ടോപ്പ് എൻഡ് വേരിയന്റിന് പോലും 25.99 ലക്ഷമാണ് വില നിശ്ചയിച്ചിരിക്കുന്നത്. ഈ ബജറ്റിൽ ലഭ്യമായ ഏറ്റവും നല്ല ഇവിയായി ഇതോടെ സിയറയുടെ വൈദ്യുത പതിപ്പ് മാറുകയാണ്. അതും ആജീവനാന്ത ബാറ്ററി വാറണ്ടിയും കൂടിയാവുമ്പോൾ ഏതൊരാൾക്കും കണ്ണുംപൂട്ടി വാങ്ങിക്കാനാവും.

ഇന്ത്യന്‍ വിപണിയില്‍ ഇന്ധനവിലയില്‍ ഉണ്ടാകുന്ന തുടര്‍ച്ചയായ മാറ്റങ്ങള്‍ സാധാരണക്കാരായ ഇരുചക്ര വാഹന ഉപഭോക്താക്കളെ വലിയ രീതിയില്‍ ഇലക്ട്രിക് സ്‌കൂട്ടറുകളിലേക്ക് ആകര്‍ഷിക്കുന്നുണ്ട്. ഇന്ന് ഒരു ഇലക്ട്രിക് സ്‌കൂട്ടര്‍ വാങ്ങാന്‍ വിപണിയിലേക്ക് ഇറങ്ങുന്ന ഉപഭോക്താക്കള്‍ക്ക് മുന്നില്‍ നിരവധി ഓപ്ഷനുകളുണ്ട്. അവയെല്ലാം മാസതവണ വ്യവസ്തയില്‍ സ്വന്തമാക്കാനും സാധിക്കും. ഈ സാഹചര്യത്തില്‍ നിലവില്‍ വിപണിയില്‍ തരംഗമായി മാറിക്കൊണ്ടിരിക്കുന്ന മൂന്ന് പ്രമുഖ മോഡലുകളുടെ കൃത്യമായ പ്രതിമാസ ഇഎംഐ (EMI) വിവരങ്ങളാണ് താഴെ വേര്‍തിരിച്ച് നല്‍കുന്നത്.

സ്‌കൂട്ടർ വിപണിയിൽ തങ്ങളുടേതായ അഡ്രസുണ്ടാക്കിയെടുക്കാൻ ഏറെ പണിപെട്ടവരാണ് ഹീറോ മോട്ടോകോർപ്. ഗിയർലെസ് സ്‌കൂട്ടർ വിപണിയിൽ ഹോണ്ടയുടേയും ടിവിഎസിന്റേയും കടന്നുകയറ്റം രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കളെ ചെറുതായൊന്നുമല്ലയിരുന്നു ബാധിച്ചിരുന്നത്. പ്ലഷർ സീരീസിലൂടെ തുടക്കത്തിൽ ഞെട്ടിക്കാനായെങ്കിലും പിന്നീട് വലിയൊരു ഹിറ്റ് സമ്മാനിക്കാൻ കമ്പനിക്കായിരുന്നില്ല. എങ്കിലും ഡെസ്റ്റിനിയിലൂടെ ഫാമിലിയുടെ ഇടയിൽ ഹീറോയ്ക്ക് മതിപ്പുണ്ടാക്കിയെടുക്കാനായി. പിന്നീട് യൂത്തൻമാരെ കൈയിലെടുത്തുകൊണ്ട് സൂം 125, സൂം 160 മോഡലുകൾ കളംനിറഞ്ഞിരുന്നു. ഇപ്പോഴിതാ കൂടുതൽ പരിഷ്ക്കാരികളായ സ്‌കൂട്ടറുകളെ അണിനിരത്തി എതിരാളികളുടെ നെഞ്ചിൽ തീകോരിയിടാൻ ഒരുങ്ങുകയാണ് ഹീറോ.

Monsoon driving safety tips. മഴക്കാല യാത്രകൾ സുരക്ഷിതമാക്കാൻ നിങ്ങളുടെ വാഹനത്തിൽ നിർബന്ധമായും ഉണ്ടായിരിക്കേണ്ട അത്യാവശ്യ സാധനങ്ങളെക്കുറിച്ചും മുൻകരുതലുകളെക്കുറിച്ചും വിശദമായി അറിയാം.

ജൂൺ മാസത്തിൽ ഇന്ത്യക്കാരെ തേടിയെത്തിയത് ഒരുകൂട്ടം പുത്തൻ കാറുകളായിരുന്നു. പുതുക്കിയ ടൊയോട്ട ഇന്നോവ ക്രിസ്റ്റ, മെർസിഡീസ് ബെൻസ് S-ക്ലാസ് ഫെയ്‌സ്‌ലിഫ്റ്റ്, മാരുതി വാഗൺആർ ഫ്ലെക്‌സ്-ഫ്യുവൽ, സിട്രൺ eC3X, പോർഷ 911 GT3 എന്നിവ പോലുള്ള വൈവിധ്യമാർന്ന മോഡലുകളായിരുന്നു നമ്മുടെ വിപണി ഭരിക്കാൻ കഴിഞ്ഞ 30 ദിവസത്തിൽ എത്തിയത്. എന്നാൽ വരാനിരിക്കുന്ന 2026 ജൂലൈ മാസത്തിൽ പുറത്തിറങ്ങാൻ പോവുന്ന പുതുവണ്ടികൾ കണ്ടാൽ പലരും നിലവിൽ ഉപയോഗിക്കുന്ന പഴയ കാറുകൾ വിറ്റ് ഇവയിൽ ഏതെങ്കിലും വാങ്ങിപ്പോവും. അടുത്ത മാസം പുറത്തിറങ്ങാൻ പോകുന്ന കാറുകളുടെ നിരയിതാ...

തൊണ്ണൂറുകളെ വിസ്‌മയിപ്പിച്ച ടാറ്റയുടെ ആദ്യകാല എസ്‌യുവിയായിരുന്നു സിയറ. രൂപം കൊണ്ടും ഭാവം കൊണ്ടും പെർഫോമൻസ് കൊണ്ടും ഇന്ത്യക്കാർ നെഞ്ചിലേറ്റിയ മോഡൽ പിൽക്കാലത്ത് കൾട്ട് ക്ലാസിക് വാഹനമായി വണ്ടിഭ്രാന്തൻമാർ കൊണ്ടാടിയിട്ടുണ്ട്. ഇതുകണ്ട ടാറ്റ മോട്ടോർസ് ന്യൂജെൻ കാലത്തേക്ക് ന്യൂജെൻ സിയറയും പുറത്തിറക്കുകയുണ്ടായി. പെട്രോൾ, ഡീസൽ എഞ്ചിൻ ഓപ്ഷനുകളും അന്യായ ഗ്ലാമറുള്ള എക്സ്റ്റീരിയറും അതിഗംഭീര ഫീച്ചറുകളും കോർത്തിണക്കിയെത്തിയ പുതുകാലത്തെ സിയറയും വിപണിയിൽ വെന്നിക്കൊടി പാറിച്ചു. അതും ഹ്യുണ്ടായി ക്രെറ്റ, മാരുതി വിക്ടോറിസ്, കിയ സെൽറ്റോസ്, ടൊയോട്ട ഹൈറൈഡർ പോലുള്ള വമ്പൻമാർ അരങ്ങുവാഴുന്ന സെഗ്മെന്റിലെത്തിയാണ് സീൻ തൂക്കിയത് എന്നതുകൂടിയറിഞ്ഞാൽ സിയറയുടെ റേഞ്ച് മനസിലാക്കാവുന്നതല്ലേയുള്ളൂ.