ഇന്ത്യയിൽ വിമാനത്തിലേത് പോലുള്ള യാത്രാസുഖം സമ്മാനിച്ച് ഇന്ത്യക്കാരുടെ മനസ് കീഴടക്കിയ വാഹനമാണ് എംജി വിൻഡ്‌സർ (MG Windsor EV). ഇലക്‌ട്രിക് കാർ വിപണിയിൽ വളരെ വേഗം ഇത്രയും സ്വീകാര്യത നേടിയെടുത്ത മറ്റൊരു ഇവിയുണ്ടോയെന്ന് വരെ സംശയമാണ്. 2025 കലണ്ടർ വർഷത്തിൽ ഏറ്റവും കൂടുതൽ ആളുകൾ വാങ്ങിയ വൈദ്യുത വാഹനമായി മാറിയ വിൻഡ്‌സർ ഇവി പലരുടേയും ഡ്രീം കാർ കൂടിയായി മാറിയിട്ടുണ്ട്. ഇപ്പോഴിതാ മോഡലിന് ആദ്യമായി ഡിസ്കൌണ്ട് ഓഫറുമായി രംഗത്തെത്തിയിരിക്കുകയാണ്. അതും 65,000 രൂപയുടെ അടിപൊളി ഓഫറുമായിട്ടാണ് എംജിയുടെ വരവ്.

സ്പോർട്ടി ലുക്കും കരുത്തുറ്റ പ്രകടനവും ഒപ്പം പോക്കറ്റിന് താങ്ങാനാവുന്ന മികച്ച ഫീച്ചറുമുളള ഒരു ബൈക്കാണ് നിങ്ങൾ തേടുന്നതെങ്കിൽ, ഹീറോ എക്സ്ട്രീം 160R ഒരു മികച്ച തിരഞ്ഞെടുപ്പായിരിക്കുമെന്നുറപ്പാണ്. 160cc വിഭാഗത്തിൽ ബജാജ് പൾസർ, ടിവിഎസ് അപ്പാച്ചെ എന്നിവയ്ക്ക് ശക്തമായ വെല്ലുവിളിയുയർത്തുന്ന ഈ മോഡൽ, ഹീറോയുടെ വിശ്വസനീയമായ പ്രകടന പാരമ്പര്യത്തെ ഉയർത്തിപ്പിടിക്കുന്ന മോഡലാണ്. ഈ ബൈക്കിന്റെ വിലയും ഫീച്ചറുകളും വിശദമായി നോക്കിയാലോ.ബജാജ് പൾസറുമായി ഹീറോ എക്സ്ട്രീം 160യുടെ ചില വ്യത്യാസങ്ങളും ഈ ലേഖനത്തിൽ നിങ്ങളുമായി പങ്കുവയ്ക്കുകയാണ്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന നിര്‍മ്മാതാക്കളായ ഓല ഇലക്ട്രിക് തങ്ങളുടെ ജനപ്രിയ ക്യാമ്പയിനായ 'മുഹൂര്‍ത്ത മഹോത്സവം' വീണ്ടും അവതരിപ്പിച്ചു. 'പ്രരംഭ് 2026'-ന് മുന്നോടിയായാണ് ഈ പരിപാടി പ്രഖ്യാപിച്ചിരിക്കുന്നത്. ഇന്ന് (ജനുവരി 14) മുതല്‍ രണ്ട് ദിവസത്തേക്കാണ് ഈ പ്രത്യേക ഓഫറുകള്‍ ഉപഭോക്താക്കള്‍ക്ക് ലഭ്യമാകുന്നത്. കമ്പനിയുടെ ഏറ്റവും പുതിയ 4680 ഭാരത് സെല്‍ (4680 Bharat Cell) അടിസ്ഥാനമാക്കിയുള്ള വാഹനങ്ങള്‍ക്കാണ് ഈ ക്യാമ്പയിനില്‍ പ്രധാനമായും മുന്‍ഗണന നല്‍കുന്നത്. ഈ ഓഫറിന് കീഴില്‍ ഓല ശക്തി, S1 പ്രോ പ്ലസ് (S1 Pro+), റോഡ്സ്റ്റര്‍ X+ തുടങ്ങിയ മോഡലുകള്‍ വന്‍ വിലക്കുറവില്‍ സ്വന്തമാക്കാം.

ഇലക്‌ട്രിക് സ്‌കൂട്ടർ നിരയിലെ ഭീമൻമാരെ തകർക്കുവാനായി ഇന്ത്യയിലേക്ക് പുത്തൻ വൈദ്യുത സ്‌കൂട്ടറുമായി കടന്നുവരിയാണ് സാക്ഷാൽ യമഹ (Yamaha Electric Scooter). ഓല, ഏഥർ, ഒഖിനാവ തുടങ്ങിയ സ്റ്റാർട്ടപ്പ് ബ്രാൻഡുകൾ ആധിപത്യം സ്ഥാപിച്ച വിപണിയെ ടിവിഎസും ഹീറോയും ബജാജും ചേർന്ന് കൈപ്പിടിയിലാക്കിയപ്പോൾ കാഴ്ച്ചക്കാരായി ഗ്യാലറിയിലിരുന്ന യമഹ ഒടുവിൽ കളത്തിലിറങ്ങി കളിക്കാൻ ഒരുങ്ങിക്കഴിഞ്ഞു. അടുത്തിടെ പ്രദർശിപ്പിച്ച EC-06 ഇലക്ട്രിക് സ്‌കൂട്ടറിൻ്റെ നിർമാണം ഇന്ത്യയിൽ ആരംഭിച്ചതായി പ്രഖ്യാപിച്ചിരിക്കുകയാണ് യമഹ. വിപണിയിൽ എത്തുന്നതിന് മുന്നോടിയായി നിർമാണം കമ്പനി ആരംഭിച്ചതോടെ എതിരാളികളുടെ നെഞ്ചിൽ തീപടർന്നിട്ടുണ്ടാവും.

ഇലക്ട്രിക് സ്കൂട്ടർ നിർമ്മാതാക്കളായ ഏഥർ എനർജി, തങ്ങളുടെ റിസ്ത ഫാമിലി സ്കൂട്ടറിനായി തമിഴ് ഭാഷാ ഡാഷ്‌ബോർഡ് അവതരിപ്പിച്ചു. പ്രാദേശിക ഭാഷാ പിന്തുണയ്ക്കുന്നതിൻ്റെ ഭാഗമാണിത്. ചാർജിങ്, നാവിഗേഷൻ വിവരങ്ങൾ തമിഴിൽ ലഭ്യമാകുന്നതോടെ ഇത് പ്രാദേശിക ഉപയോക്താക്കൾക്ക് സ്കൂട്ടർ ഉപയോിക്കുന്നത് കൂടുതൽ എളുപ്പമാക്കും. റിസ്‌ത Z ലൈൻ ഉപയോക്താക്കൾക്കാണ് തമിഴ് ഡാഷ്‌ബോർഡ് ലഭ്യമാവുക. S ട്രിമ്മുകൾക്ക് ഇത് ലഭ്യമാവില്ല എന്നാണ് കമ്പനി അറിയിച്ചിരിക്കുന്നത്. അടുത്ത മാസം മുതൽ OTA (ഓവർ-ദി-എയർ) അപ്‌ഡേറ്റ് വഴി ഈ ഫീച്ചർ ലഭ്യമാകും. എന്നാൽ, 2026 ഫെബ്രുവരി മുതൽ അപ്‌ഡേറ്റ് പൂർണ്ണമായി പുറത്തിറക്കുമെന്നും ഏഥർ അറിയിക്കുന്നു. സ്കൂട്ടറിൽ ഹിന്ദി കഴിഞ്ഞ വർഷം ചേർത്തിരുന്നു.

ഇന്ത്യന്‍ കോംപാക്ട് എസ്‌യുവി വിഭാഗത്തില്‍ വിപ്ലവം സൃഷ്ടിച്ച ടാറ്റ പഞ്ചിന്റെ ഏറ്റവും പുതിയ ഫെയ്‌സ്ലിഫ്റ്റ് പതിപ്പ് (Tata Punch Facelift) ഇന്ന് പുറത്തിറങ്ങി. ടാറ്റയുടെ ഏറ്റവും കൂടുതല്‍ വിറ്റഴിക്കപ്പെടുന്ന മോഡലുകളില്‍ ഒന്നായ മൈക്രോ എസ്‌യുവിയെ കൂടുതല്‍ ജനകീയമാക്കുന്നതിനായി എക്‌സ്റ്റീരിയര്‍ രൂപകല്‍പ്പനയിലും സാങ്കേതിക വിദ്യയിലും സുരക്ഷയിലും വന്‍ മാറ്റങ്ങളാണ് കമ്പനി വരുത്തിയിരിക്കുന്നത്. 5.59 ലക്ഷം മുതല്‍ 10.54 ലക്ഷം രൂപ വരെയാണ് പുതിയ മോഡലിന്റെ എക്‌സ്-ഷോറൂം വില. ഔട്ട്‌ഗോയിംഗ് മോഡലും പുത്തന്‍ മോഡലും തമ്മിലുള്ള പ്രധാന മാറ്റങ്ങള്‍ ഈ ലേഖനത്തില്‍ വായിക്കാം.

മിഡ്സൈസ് എസ്‌യുവി സെഗ്മെൻ്റിൽ ഏറ്റവും മോഡേണും ഡിമാൻ്റും വർധിച്ച് നിൽക്കുന്ന 7 സീറ്റർ എസ്‌യുവികളിൽ ഒന്നാണ് മഹീന്ദ്ര XUV 7XO. ആഡംബര കാറുകളേക്കാൾ ഏറെ മുന്നിൽ നിൽക്കുന്ന ടെക്നോളജിയും ഫീച്ചറുകളും ഈ വാഹനത്തിൽ ലഭ്യമാണ്. XUV 7XO വാങ്ങാൻ താൽപ്പര്യപ്പെടുന്നവർക്ക് വേണ്ടി, കൂടുതൽ ഉതകുന്ന മൂന്ന് വേരിയന്റുകൾ നിങ്ങൾക്ക് വേണ്ടി പരിചയപ്പെടുത്തുകയാണ് ഈ ലേഖനത്തിലൂടെ. കൂടുതൽ അറിയാൻ തുടർന്ന് വായിക്കാൻ മറക്കരുതേ. XUV 7XO നിരയിലെ ഏറ്റവും മികച്ച ഓപ്ഷനാണ് ബേസ് മോഡലാണ് AX വേരിയന്റ്.

സേഫ്റ്റിയുടെ കാര്യത്തിൽ യാതൊരു വിധത്തിലുമുള്ള വിട്ടുവീഴ്ച്ചകൾക്കും തയാറാല്ലാത്തവരാണ് ടാറ്റ മോട്ടോർസ് (Tata Motors). ടിയാഗോ മുതൽ സഫാരി വരെ നീളുന്ന വാഹന നിരയിൽ എല്ലാവരും സുരക്ഷയുടെ കാര്യത്തിൽ കിടിലമാണ്. എൻട്രി ലെവൽ മോഡലുകളായ ടിയാഗോയും ടിഗോറും ഒഴികെ ബാക്കിയുള്ള കമ്പനിയുടെ കാറുകളെല്ലാം ക്രാഷ് ടെസ്റ്റിൽ 5-സ്റ്റാർ റേറ്റിംഗ് സ്വന്തമാക്കിയിട്ടുള്ളവരാണ്. ദേ പുതുതായി അവതരിച്ച പഞ്ച് ഫെയ്‌സ്‌ലിഫ്റ്റും (Punch Facelift) ഭാരത് NCAP ഇടിപ്പരീക്ഷയിൽ ഫുൾ മാർക്ക് വാങ്ങി എത്തിയിരിക്കുകയാണ്. മുതിർന്നവരുടെയും കുട്ടികളുടെയും സുരക്ഷയിലും 5-സ്റ്റാറാണ് ഈ മൈക്രോ എസ്‌യുവി.

നയന്റീസ് കിഡ്‌സിന്റെ കുട്ടിക്കാലം ശോഭനമാക്കിയ വ്യക്തികളില്‍ ഒരാളാണ് ജോണ്‍ സീന. ലോകപ്രശസ്ത ഡബ്ല്യുഡബ്ല്യുഇ ഗുസ്തി താരവും ഹോളിവുഡ് നടനുമായ ജോണ്‍ സീന തന്റെ അവസാന മത്സരം കഴിഞ്ഞ ദിവസമാണ് പൂര്‍ത്തിയാക്കിയപ്പോള്‍ കണ്ണീരണിഞ്ഞവര്‍ നിരവധിയാണ്. പ്രഫഷനല്‍ റസ്‌ലിംഗില്‍ നിന്ന് വിരമിച്ച താരം തന്റെ വാഹനശേഖരത്തിലേക്ക് പുത്തന്‍ ഹോണ്ട പ്രെലൂഡ് (Honda Prelude) ചേര്‍ത്തിരിക്കുകയാണ്. തന്റെ സിവിക് ടൈപ്പ്-ആര്‍ സര്‍വീസിനായി ഷോറൂമില്‍ എത്തിയപ്പോഴാണ് താരം 2026 മോഡല്‍ പ്രെലൂഡ് വാങ്ങിയത്. ഹോണ്ടയുമായി വര്‍ഷങ്ങളായി അടുത്ത ബന്ധം പുലര്‍ത്തുന്ന താരം സോഷ്യല്‍ മീഡിയയിലൂടെയാണ് പുതിയ 'ബൂസ്റ്റ് ബ്ലൂ' സുന്ദരിയെ പരിചയപ്പെടുത്തിയത്.

ഇന്ത്യന്‍ ഇലക്ട്രിക് വാഹന വിപണിയില്‍ ചുവടുവെച്ച് വെറും നാല് മാസത്തിനുള്ളില്‍ നിര്‍ണ്ണായക നേട്ടം കൈവരിച്ച് വിയറ്റ്‌നാമീസ് വാഹന നിര്‍മ്മാതാക്കളായ വിന്‍ഫാസ്റ്റ് (VinFast). 1,000 വാഹനങ്ങള്‍ എന്ന വില്‍പന നാഴികക്കല്ല് പിന്നിട്ടതോടെ ടാറ്റ മോട്ടോര്‍സ്, എംജി മോട്ടോര്‍, മഹീന്ദ്ര എന്നിവയ്ക്ക് പിന്നാലെ ഇന്ത്യയിലെ ഏറ്റവും വലിയ നാലാമത്തെ ഇലക്ട്രിക് കാര്‍ ബ്രാന്‍ഡായി വിന്‍ഫാസ്റ്റ് മാറി. 2025 സെപ്റ്റംബറിലാണ് വിന്‍ഫാസ്റ്റ് ഇന്ത്യന്‍ വിപണിയില്‍ ഔദ്യോഗികമായി പ്രവര്‍ത്തനം ആരംഭിച്ചത്. 2025 ഡിസംബര്‍ മാസത്തില്‍ മാത്രം 375 യൂണിറ്റുകള്‍ വിറ്റഴിച്ച വിന്‍ഫാസ്റ്റ് ഹ്യുണ്ടായി, കിയ, ബിഎംഡബ്ല്യു തുടങ്ങിയ കമ്പനികളെ പിന്നിലാക്കി എന്നതും ഇതിന്റെ കൂടെ ചേര്‍ത്ത് വായിക്കണം.

ഇന്ത്യക്കാർ ഏറെ പ്രതീക്ഷയോടെ കാത്തിരുന്ന ടാറ്റ പഞ്ച് ഫെയ്‌സ്‌ലിഫ്റ്റ് മോഡൽ ഒടുവിൽ വിപണിയിലെത്തിയിരിക്കുകയാണ്. കാത്തിരിപ്പിൻ്റെ സുഖം കൂടുന്ന തരത്തിലുള്ള പ്രഖ്യാപനങ്ങളും മാറ്റങ്ങളുമായിട്ടാണ് മുഖംമിനുക്കിയ ടാറ്റയുടെ കുട്ടിക്കൊമ്പൻ വിപണിയിൽ അവതരിപ്പിച്ചിരിക്കുന്നത്. വമ്പൻ മാറ്റങ്ങളുമായി എത്തുന്ന മോഡലിന് 5.59 ലക്ഷം രൂപ മുതലാണ് എക്സ്ഷോറൂം വില വരുന്നത്. 2021-ൽ അവതരിപ്പിച്ചതിന് ശേഷമുള്ള സബ്-കോംപാക്‌ട് എസ്‌യുവിയുടെ ആദ്യത്തെ പ്രധാന മിഡ്-ലൈഫ് അപ്‌ഡേറ്റാണിത്. ഫെയ്‌സ്‌ലിഫ്റ്റുകളിൽ പതിവായി കാണുന്ന എക്സ്റ്റീരിയർ, ഇൻ്റീരിയർ അപ്‌ഡേറ്റുകൾക്ക് പുറമെ പഞ്ച് ഫെയ്‌സ്‌ലിഫ്റ്റിനൊപ്പം രണ്ട് പുതിയ എഞ്ചിൻ ഓപ്ഷനും എത്തിയിട്ടുണ്ടെന്നത് പലരേയും ഹാപ്പിയാക്കും.

2255 എന്ന നമ്പർ കൊച്ചുകിട്ടികൾക്ക് പോലും കാണാപാഠമാണ്. മൈ ഫോൺ നമ്പർ ഈസ് 2255 എന്ന ഒറ്റ ഡയലോഗിലൂടെ മോഹൻലാൽ ഒരുനമ്പർ സീരീസ് തന്നെയാണ് സ്വന്തമാക്കിയത്. മോഹൻലാലിൻ്റേത് മാത്രമാക്കി എടുത്ത ഒരു നമ്പർ. ഇപ്പോഴിതാ വീണ്ടും വാർത്തകളിൽ നിറയുകയാണ്. 1.90 ലക്ഷം രൂപയ്ക്കാണ് മോഹൻലാൽ തൻ്റെ ഹൈക്രോസിന് വേണ്ടി ഇഷ്ട നമ്പർ സ്വന്തമാക്കിയിരിക്കുന്നത്.കെഎൽ07 ഡിജെ 2255 എന്നാണ് പുതയ ഹൈക്രോസിൻ്റെ നമ്പർ. നേരത്തെ ആൻ്റണി പെരുമ്പാവൂർ തൻ്റെ വോൾവോയ്ക്ക് വേണ്ടി3.20 ലക്ഷം മുടക്കി നമ്പർ വാങ്ങിയത് സോഷ്യൽ മീഡിയയിൽ വൈറലായിരുന്നു.

ടാറ്റ മോട്ടോര്‍സ് ഏറ്റവും പുതുതായി പുറത്തിറക്കിയ സിയറ എസ്‌യുവിക്ക് വിപണിയില്‍ നിന്നും അഭൂതപൂര്‍വ്വമായ പ്രതികരണമാണ് ലഭിച്ച് കൊണ്ടിരിക്കുന്നത്. ബുക്കിംഗ് വിന്‍ഡേ തുറന്ന ആദ്യ ദിനം തന്നെ 70000+ ഓര്‍ഡറുകളാണ് എസ്‌യുവി വാരിക്കൂട്ടിയത്. വമ്പന്‍ ഡിമാന്‍ഡിനെ തുടര്‍ന്ന് വാഹനത്തിന്റെ ഉല്‍പ്പാദനം ഇരട്ടിയാക്കാന്‍ ടാറ്റ മോട്ടോര്‍സ് തീരുമാനിച്ചു. ബുക്കിംഗും ഡെലിവറിയും തമ്മിലുള്ള ദൈര്‍ഘ്യം കുറയ്ക്കുന്നതിനും ഉപഭോക്താക്കളുടെ കാത്തിരിപ്പ് ഒഴിവാക്കുന്നതിനുമാണ് കമ്പനിയുടെ ഈ ദ്രുതഗതിയിലുള്ള നീക്കം.തുടക്കത്തില്‍ പ്രതിമാസം 7,000 യൂണിറ്റുകള്‍ ഉല്‍പ്പാദിപ്പിക്കാനായിരുന്നു ടാറ്റ മോട്ടോര്‍സ് ലക്ഷ്യമിട്ടിരുന്നത്. എന്നാല്‍ ബുക്കിംഗ് ആരംഭിച്ച് ആദ്യ 24 മണിക്കൂറിനുള്ളില്‍ തന്നെ 70,000-ത്തിലധികം ഓര്‍ഡറുകള്‍ ലഭിച്ചതോടെ ഉല്‍പ്പാദന ലക്ഷ്യം പുതുക്കി നിശ്ചയിച്ചു.

llകോംപാക്‌ട് സെഡാൻ സെഗ്മെൻ്റിലെ രാജാവായ മാരുതി സുസുക്കി ഡിസയറിൻ്റെ ഏറ്റവും വലിയ എതിരാളി ആരെന്ന് ചോദിച്ചാൽ അതിന് ഹോണ്ട അമേസ് എന്ന ഒറ്റ ഉത്തരമേയുള്ളൂ. പെട്രോളിലും ഡീസലിലും ലഭ്യമായിരുന്നപ്പോൾ ഇന്ത്യക്കാരെ കൈയിലെടുത്തിരുന്ന മിടുക്കൻ ഹോണ്ട സിറ്റിയുടെ ജൂനിയർ പതിപ്പാണ്. അന്തസും ആഡംബരവും ഒന്നിച്ച് ഇത്രയും ചെറിയ വിലയിൽ കിട്ടുന്നത് വലിയ കാര്യം തന്നെയാണല്ലോ. ഇപ്പോൾ പഴയ പ്രതാപമില്ലെങ്കിലും രാജ്യത്തെ ഏറ്റവും താങ്ങാനാവുന്ന വിലയുള്ള ADAS ഫീച്ചറുള്ള കാറാണ് അമേസ്. അതിനാൽ തന്നെ പലരും ഇന്നും ഈ പെട്രോൾ സെഡാനെ വളരെയധികം സ്നേഹിക്കുന്നുണ്ട്.

ക്വാളിസ്, ഇന്നോവ, ഫോച്യൂണർ, എത്തിയോസ് തുടങ്ങിയ ജനകീയ മോഡലുകളിലൂടെ ഇന്ത്യക്കാരുടെ പ്രിയപ്പെട്ടവരായി മാറിയ വാഹന നിർമാതാക്കളാണ് ടൊയോട്ട. എന്നാൽ ചെറുകാർ നിരയിൽ നിന്നും പടിയിറങ്ങിപ്പോയ കമ്പനി പിന്നീട് തിരിച്ചെത്തിയത് മാരുതി സുസുക്കിയുടെ ബജറ്റ് മോഡലുകളെ റീബാഡ്‌ജ് ചെയ്‌തുകൊണ്ടാണ്. തുടക്കത്തിൽ കല്ലുകടിയുണ്ടായെങ്കിലും പിന്നീട് ആളുകൾ കാര്യം മനസിലാക്കി ടൊയോട്ടയോടൊപ്പം കൂടി. ബലേനോ ഗ്ലാൻസയായും ഫ്രോങ്ക്സ് ടൈസറായും എർട്ടിഗ റൂമിയോണായും ഇപ്പോൾ പൊടിപൊടിക്കുകയാണ് കച്ചോടം. ടൊയോട്ട കിർലോസ്‌കർ മോട്ടോർ 2025 ഡിസംബർ മാസം 34,159 യൂണിറ്റുകളുടെ ആഭ്യന്തര വിൽപ്പന രേഖപ്പെടുത്തി റെക്കോർഡ് സൃഷ്ടിച്ചിരുന്നു.

ഇന്ത്യയില്‍ സ്വര്‍ണ്ണവില (Gold Price) റോക്കറ്റ് വിട്ട പോലെ മുകളിലോട്ട് കുതിച്ചുയരുകയാണ്. നിലവില്‍ ഒരു പവന്‍ (8 ഗ്രാം) സ്വര്‍ണ്ണത്തിന് ഏകദേശം 1.04 ലക്ഷം രൂപയാണ് വിപണി വില. ഈ സാഹചര്യത്തില്‍ പഴയ കാര്‍ വിറ്റ് ലക്ഷങ്ങള്‍ മുടക്കി പുതിയൊരെണ്ണം വാങ്ങണോ അതോ സ്വര്‍ണ്ണത്തില്‍ നിക്ഷേപിക്കണോ എന്ന് ചിന്തിക്കുന്നവര്‍ ഏറെയാണ്. എന്നാല്‍ വെറും 1 പവന്‍ സ്വര്‍ണ്ണത്തിന്റെ പൈസക്ക് നിങ്ങളുടെ പഴയ കാറിനെ ആധുനിക ഫീച്ചറുകളുള്ള പുതിയ വാഹനമാക്കി മാറ്റാന്‍ സാധിക്കും. അതിനുള്ള ചില വിദ്യകളാണ് ഈ ലേഖനത്തില്‍ പറയാന്‍ പോകുന്നത്.

ജനഹൃദയങ്ങളിൽ പ്രത്യേക സ്ഥാനമുള്ള വാഹന നിർമാതാക്കളാണ് മാരുതി സുസുക്കി. ഓരോ മാസവും ലക്ഷക്കണക്കിന് കാറുകൾ വിറ്റഴിക്കുന്ന ബ്രാൻഡ് ഇത്രയും ജനകീയരാവാൻ കാരണം തിരഞ്ഞാൽ അനേകായിരം കാരണങ്ങൾ കണ്ടെത്താനായേക്കും. അതിൽ ഒന്ന് കാറുകൾക്ക് ഓരോ മാസവും നൽകുന്ന അന്യായ ഓഫറുകളാണ്. ഇപ്പോഴിതാ ജനുവരി മാസത്തിലും മോഡൽ നിരയിൽ വലിയ ആനുകൂല്യങ്ങളാണ് കമ്പനി അവതരിപ്പിച്ചിരിക്കുന്നത്. നെക്‌സ നിരയിലെ ഫ്ലാഗ്ഷിപ്പ് എംപിവിയായ ഇൻവിക്റ്റോ വാങ്ങാൻ ആർക്കെങ്കിലും പ്ലാനുണ്ടെങ്കിൽ നല്ലൊരു അവസരമാണ് കൈവന്നിരിക്കുന്നത്. ജനുവരിയിൽ ടൊയോട്ട ഹൈക്രോസിൻ്റെ റീബാഡ്‌ജ് മോഡൽ വാങ്ങുന്നവർക്ക് 1.30 ലക്ഷം രൂപ വരെയാണ് ആനുകൂല്യങ്ങൾ ലഭിക്കുക.

ഹ്യുണ്ടായി മോട്ടോര്‍ ഇന്ത്യയുടെ ഫ്‌ലാഗ്ഷിപ്പ് ഇലക്ട്രിക് എസ്‌യുവിയായ അയോണിക് 5 2025 ഡിസംബറില്‍ ശ്രദ്ധേയമായ വില്‍പ്പന വളര്‍ച്ച രേഖപ്പെടുത്തി. പ്രീമിയം ഇലക്ട്രിക് വാഹന വിപണിയില്‍ കനത്ത മത്സരം നിലനില്‍ക്കുമ്പോഴും മുന്‍വര്‍ഷത്തെ അപേക്ഷിച്ച് വലിയ മുന്നേറ്റമാണ് ഈ മോഡല്‍ നടത്തിയത്. ഹ്യുണ്ടായിയുടെ ക്രെറ്റ, വെന്യൂ തുടങ്ങിയ മാസ് മാര്‍ക്കറ്റ് മോഡലുകളെ അപേക്ഷിച്ച് എണ്ണത്തില്‍ കുറവാണെങ്കിലും വളര്‍ച്ചാ നിരക്കില്‍ അയോണിക് 5 മുന്നിലാണ്. ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം 2025 ഡിസംബര്‍ മാസത്തില്‍ ആകെ 69 യൂണിറ്റ് അയോണിക് 5 കാറുകളാണ് ഹ്യുണ്ടായി വിറ്റഴിച്ചത്.

പുതിയൊരു കാർ വാങ്ങുക എന്ന സ്വപ്‌നവുമായി നടക്കുന്നവർ അനേകമാണ്. നിലവിൽ ഉപയോഗിക്കുന്ന പഴയ കാർ മാറ്റി പുത്തനൊരു എസ്‌യുവി വാങ്ങാൻ കൊതിക്കുന്നവരും ഏറെ. എന്നാൽ ഇതിനായി പണം കണ്ടെത്തുക എന്നതാണ് വലിയ വെല്ലുവിളി. ലാലേട്ടൻ പ്രത്യക്ഷപ്പെട്ട ഒരു പരസ്യ ചിത്രമാണ് ഈയവസരത്തിൽ മനസിലേക്ക് ഓടിയെത്തുന്നത്. വീട്ടിൽ സ്വർണം വെച്ചിട്ടെന്തിന്, നാട്ടിൽ തേടി നടപ്പൂ എന്ന ഹിറ്റ് പരസ്യത്തിൻ്റെ കാര്യമാണീ പറഞ്ഞുവരുന്നത്. കൈയിൽ സ്വർണമുണ്ടേൽ വാഹനം വാങ്ങുക എന്നത് നിസാരമായി മാറിയിരിക്കുകയാണ്. സ്വർണ വിലയിൽ റെക്കോഡ് കുതിപ്പ് ഉണ്ടായിക്കൊണ്ടിരിക്കുന്നതിന് ഇടയിൽ ഇങ്ങനയൊരു സാധ്യത പലരും മനസിൽ ഓർത്തിട്ടുകൂടിയുണ്ടാവില്ല.

ഐക്കണിക് ഇരുചക്ര വാഹന നിര്‍മ്മാതാക്കളായ റോയല്‍ എന്‍ഫീല്‍ഡ് (Royal Enfield) തങ്ങളുടെ കരുത്തുറ്റ 650 സിസി മോട്ടോര്‍സൈക്കിള്‍ നിരയുടെ വില വര്‍ദ്ധിപ്പിച്ചു. രാജ്യത്തുടനീളമുള്ള മോഡലുകള്‍ക്ക് ഈ വില പരിഷ്‌കാരം ബാധകമാണ്. ഉല്‍പ്പാദന ചിലവിലുണ്ടായ വര്‍ദ്ധനവും വിപണിയിലെ മാറ്റങ്ങളുമാണ് ഈ തീരുമാനത്തിന് പിന്നിലെന്നാണ് ലഭിക്കുന്ന സൂചനകള്‍. ഇന്റര്‍സെപ്റ്റര്‍ 650, കോണ്ടിനെന്റല്‍ ജിടി 650 തുടങ്ങി എല്ലാ പ്രീമിയം മോഡലുകള്‍ക്കും ഇനി കൂടുതല്‍ തുക നല്‍കണം. 2025 ജനുവരി മാസത്തില്‍ റോയല്‍ എന്‍ഫീല്‍ഡിന്റെ വില വര്‍ധനവിനെ കുറിച്ചുള്ള വിശദമായ വിവരങ്ങള്‍ വായിക്കാം.

ഇന്ത്യൻ ഇരുചക്ര വാഹന വിപണിയിലെ മിഡ്-കപ്പാസിറ്റി മോട്ടോർസൈക്കിൾ സെഗ്മെൻ്റിൽ കൊടികുത്തി വാഴുന്നവരാണ് റോയൽ എൻഫീൽഡ്. ഹോണ്ട, ട്രയംഫ്, ജാവ, യെസ്‌ഡി, ഹാർലി ഡേവിഡ്‌സൺ, ഹീറോ മോട്ടോകോർപ് എന്നീ വമ്പൻമാരെല്ലാം വൻമത്സരം നൽകിയെങ്കിലും ആളുകളെല്ലാം കട്ടയ്ക്ക് എൻഫീൽഡിനൊപ്പം നിൽക്കുകയായിരുന്നു. പണ്ടത്തെ അപേക്ഷിച്ച് വൈബ്രേഷനും മറ്റ് തകരാറുകളുമെല്ലാം പാടെ മാറിയതോടെ ആളുകൾക്കെല്ലാം ഹരമായി മാറിയിട്ടുണ്ട് ബ്രാൻഡിൻ്റെ ബൈക്കുകൾ. ഹണ്ടർ, ക്ലാസിക്, ബുള്ളറ്റ് പോലുള്ള ന്യൂജെൻ മോഡലുകൾ ചൂടപ്പം പോലെ വിറ്റഴിയുന്നതിൻ്റെ കാരണവും ഇതുതന്നെയാണ്. മോഡൽ നിരയിൽ കൃത്യമായ പദ്ധതികൾ ആവിഷ്ക്കരിക്കാനും റോയൽ എൻഫീൽഡിന് ഇപ്പോൾ നല്ല മിടുക്കുമുണ്ട്.

ഇന്ത്യയിലെ ഇരുചക്ര വാഹന വിപണിയില്‍ വിപ്ലവം സൃഷ്ടിച്ച് തങ്ങളുടെ ജനപ്രിയ സ്‌കൂട്ടറായ ആക്‌സസിന്റെ ഇലക്ട്രിക് പതിപ്പായ 'ഇ-ആക്‌സസ്' (e-Access) വിപണിയില്‍ എത്തിച്ചിരിക്കുകയാണ് ജാപ്പനീസ് ടൂവീലര്‍ നിര്‍മാതാക്കളായ സുസുക്കി. ഇലക്ട്രിക് വാഹന വിപണിയിലേക്കുള്ള സുസുക്കിയുടെ ഔദ്യോഗിക ചുവടുവെപ്പാണ് ഇആക്‌സസിലൂടെ അടയാളപ്പെടുത്തുന്നത്. നിലവിലുള്ള പെട്രോള്‍ മോഡലിന്റെ വിശ്വാസ്യത നിലനിര്‍ത്തിക്കൊണ്ട് ആധുനിക സാങ്കേതികവിദ്യകള്‍ കോര്‍ത്തിണക്കിയാണ് പുതിയ സ്‌കൂട്ടര്‍ എത്തിയിരിക്കുന്നത്. റേഞ്ച് കണക്കുകള്‍ അത്ര ആകര്‍ഷകമല്ലെങ്കിലും ദൈനംദിന ആവശ്യങ്ങള്‍ക്ക് പറ്റിയ ഒരു ഇലക്ട്രിക് സ്‌കൂട്ടര്‍ തേടുന്നവര്‍ക്ക് എന്തുകൊണ്ട് ഇലക്ട്രിക് ആക്‌സസ് പരിഗണിക്കാം എന്നാണ് ഇനി പറയാന്‍ പോകുന്നത്.

ഇന്ത്യന്‍ വാഹന വിപണിയില്‍ തരംഗമായി മാറുകയാണ് ടൊയോട്ടയുടെ പ്രീമിയം ഹാച്ച്ബാക്ക് മോഡലായ ഗ്ലാന്‍സ. 2025 ഡിസംബറിലെ വില്‍പ്പന കണക്കുകള്‍ പുറത്തുവന്നപ്പോള്‍ അമ്പരപ്പിക്കുന്ന വളര്‍ച്ചയാണ് ഈ വാഹനം രേഖപ്പെടുത്തിയിരിക്കുന്നത്. മാരുതി സുസുക്കി ബലേനോയുടെ റീ-ബാഡ്ജ് പതിപ്പായ ഗ്ലാന്‍സ, ടൊയോട്ടയുടെ വിശ്വാസ്യതയും മികച്ച മൈലേജും ഒത്തുചേരുന്ന മോഡലായാണ് വിപണിയില്‍ അറിയപ്പെടുന്നത്. ഓട്ടോ പണ്ഡിറ്റ്‌സ് പങ്കുവെച്ച ഏറ്റവും പുതിയ വില്‍പ്പന റിപ്പോര്‍ട്ടുകള്‍ പ്രകാരം 2025 ഡിസംബറില്‍ 6,451 യൂണിറ്റ് ഗ്ലാന്‍സ കാറുകളാണ് ടൊയോട്ട വിറ്റഴിച്ചത്. 2024 ഡിസംബറില്‍ വിറ്റ 3,487 യൂണിറ്റുകളുമായി താരതമ്യം ചെയ്യുമ്പോള്‍ വില്‍പ്പനയില്‍ 85 ശതമാനത്തിന്റെ വന്‍ വര്‍ദ്ധനവാണുണ്ടായത്.

മിഡ്-സൈസ് എസ്‌യുവി സെഗ്മെൻ്റിലെ വമ്പൻമാരെയെല്ലാം വിറപ്പിക്കാനായി ജാപ്പനീസ് വാഹന നിർമാതാക്കളായ ഹോണ്ട പുറത്തിറക്കിയ മോഡലായിരുന്നു എലിവേറ്റ് (Honda Elevate). ഹോണ്ടയുടെ സ്പോർട് യൂട്ടിലിറ്റി വാഹനമായതിനാൽ തന്നെ തുടക്കത്തിൽ വലിയ സ്വീകാര്യത നേടിയെടുക്കാനും മിടുക്കനായിരുന്നു. ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് എന്നിവരായിരുന്നു പ്രധാന എതിരാളികളെങ്കിലും ഗിമ്മിക്ക് കാട്ടി ആളുകളെ പറ്റിക്കാനൊന്നും എലിവേറ്റ് റെഡിയല്ലായിരുന്നു. സിറ്റി സെഡാനിലൂടെ ഏവർക്കും പരിചിതമായ പെട്രോൾ എഞ്ചിനും ആവശ്യത്തിന് വേണ്ടുന്ന ഫീച്ചറുകളും കുത്തിനിറച്ചെത്തിയ മോഡൽ തൻ്റേതായ സ്ഥാനം വിഭാഗത്തിൽ കണ്ടെത്തിയിട്ടുണ്ട്.

ഇന്ത്യയിലെ ബജറ്റ് കാർ വിഭാഗത്തെ വീണ്ടും ഞെട്ടിക്കാനായി ഒരുവരവ് കൂടി വരികയാണ് ടാറ്റ പഞ്ച്. ഇത്തവണയെത്തുന്ന ഫെയ്‌സ്‌ലിഫ്റ്റ് പതിപ്പ് പല കാരണങ്ങളാലും വിപണിയെ അമ്പരപ്പിക്കുമെന്ന സൂചന ടാറ്റ മോട്ടോർസ് ഇതിനോടകം നൽകിയിട്ടുണ്ട്. 2026 ജനുവരി 13-ന് അതായത് നാളെയാണ് മുഖംമിനുക്കിയെത്തുന്ന മൈക്രോ എസ്‌യുവിയുടെ ഔദ്യോഗിക അവതരണം നടക്കുക. നിലവിലേത് പോലെ വിലയിലും താങ്ങാനാവുന്നതായാൽ ടാറ്റ ഷോറൂമുകളിൽ പിന്നെ പെരുന്നാളിനുള്ള തിരക്കായിരിക്കുമെന്നതിൽ സംശയമൊന്നും വേണ്ട. ഫെയ്‌സ്‌ലിഫ്റ്റ് മോഡൽ ഇതിനോടകം ഡീലർഷിപ്പുകളിലേക്ക് എത്തിത്തുടങ്ങിയിട്ടുണ്ട്. പുതുക്കിയ പഞ്ച് 6 വേരിയൻ്റുകളിൽ വാഗ്ദാനം ചെയ്യുമെന്നാണ് കമ്പനി വ്യക്തമാക്കിയിരിക്കുന്നത്.