భారతదేశంలో ఇంధన ధరల పెరుగుదల మధ్యతరగతి ప్రజలకు పెద్ద భారంగా మారింది. ఈ నేపథ్యంలో సాంప్రదాయ పెట్రోల్, డీజిల్ (ICE) వాహనాలతో పోలిస్తే SUV కార్ల డిమాండ్ మార్కెట్లో రోజురోజుకు అమాంతం పెరుగుతోంది. SUV ధరల్లో ఇటీవల స్వల్ప మార్పులు వచ్చినప్పటికీ, ఇవి పెట్రోల్ కంటే చాలా చౌకగా లభిస్తాయి. వీటికి తోడు ఇవి అద్భుతమైన మైలేజీని ఇస్తూ, తక్కువ కాలుష్యాన్ని విడుదల చేస్తూ పర్యావరణహితంగా ఉంటాయి. ఈ క్రమంలో ఈ నెలలో కొత్త కారు కొనాలనుకునే వారి కోసం దేశంలోని టాప్ 3 కంపెనీలైన హ్యుందాయ్, మారుతి సుజుకి, టాటా మోటార్స్ తమ పాపులర్ 5 మోడళ్లపై భారీ ఆఫర్లను ఇస్తున్నాయి.

భారతదేశ అతిపెద్ద కార్ల తయారీ సంస్థ మారుతి సుజుకి, తన కస్టమర్లకు ఊహించని షాక్ ఇచ్చింది. ఎంతో కాలం ఎదురుచూసిన తర్వాత ఈ ఏడాది ఫిబ్రవరి (2026)లో లాంచ్ అయిన మారుతి సుజుకి ఫస్ట్ ఎలక్ట్రిక్ SUV ఇ-విటారా (eVitara) ధరలను కంపెనీ మొదటిసారిగా పెంచుతున్నట్లు ప్రకటించింది. కారు తయారీకి అవసరమైన ముడిసరుకుల ధరలు పెరగడం, మార్కెట్ లో ఉన్న ద్రవ్యోల్బణ పరిస్థితుల వల్లే ఈ ధరల సవరణ చేయాల్సి వచ్చిందని కంపెనీ యాజమాన్యం స్పష్టం చేసింది. ఈ ధరల పెంపు సాధారణ వేరియంట్లతో పాటు బ్యాటరీ-ఆస్-ఎ-సర్వీస్ (BaaS) మోడళ్లకు కూడా వర్తిస్తుంది.

Vehicle maintenance tips. మీ డ్రైవింగ్ అలవాట్లు మీ వాహన ఖర్చులను ఎలా పెంచుతాయో తెలుసుకోండి. సరైన డ్రైవింగ్ పద్ధతులతో మైలేజీని పెంచుకుని, రిపేర్ ఖర్చులను తగ్గించుకునే మార్గాలు ఇక్కడ ఉన్నాయి.

పెట్రోల్, డీజిల్ ధరలు ఆకాశాన్ని తాకుతున్న ఈ రోజుల్లో.. పెట్రోల్ బంకుల్లో జరిగే మోసాలు వాహనదారులను మరింత ఆందోళనకు గురిచేస్తున్నాయి.. తాజాగా సోషల్ మీడియా ప్లాట్‌ఫారమ్ ఎక్స్‎లో అనుజ్ అగ్నిహోత్రి అనే యూజర్ షేర్ చేసిన ఒక వీడియో ఇప్పుడు ఇంటర్నెట్‌ను ఊపేస్తోంది.. ఒక బైక్ నడిపే వ్యక్తి బంకులో రూ.500 పెట్రోల్ కొట్టమని చెబితే, అక్కడి ఉద్యోగి అతడిని నమ్మించి చాలా తెలివిగా పెట్రోల్ దొంగతనం చేశాడు.. ఈ మోసమంతా బంకులోని సీసీటీవీ కెమెరాలో రికార్డ్ అవ్వడంతో అసలు విషయం బయటపడింది.

సొంతంగా ఒక కారు కొనుగోలు చేసి, దానిని ఫ్యామిలీతో కలిసి డెలివరీ తీసుకోవడం అనేది ప్రతి ఒక్కరి జీవితంలో ఒక ప్రత్యేకమైన అనుభూతి. కానీ ఒక కస్టమర్‌కు మాత్రం ఈ సంతోషం కాస్తా పెద్ద షాక్‌గా మారింది. కియా షోరూమ్‌లో కారు కొనుగోలుకు సంబంధించిన అన్ని రకాల పేపర్‌వర్క్, డాక్యుమెంటేషన్ ప్రక్రియ విజయవంతంగా పూర్తయింది.

భారతీయ కార్ల మార్కెట్లో తన పట్టును మరింత బలపరుచుకోవడానికి ఫ్రెంచ్ కార్ల తయారీ సంస్థ రెనాల్ట్ (Renault) ఒక భారీ మాస్టర్ ప్లాన్‌తో ముందుకు వస్తోంది. కంపెనీ తన futuREady ప్రాజెక్ట్ కింద 2030 నాటికి భారతదేశంలో పలు సరికొత్త మోడళ్లను విడుదల చేయాలని నిర్ణయించింది. ఈ ప్రణాళికలో భాగంగా రెనాల్ట్ ఇటీవల తన సరికొత్త బ్రిడ్జర్ (Bridger) కాన్సెప్ట్ కారును ప్రదర్శించింది. ఈ కాన్సెప్ట్ ఆధారంగానే భవిష్యత్తులో 4-మీటర్ల కంటే తక్కువ పొడవుండే ఒక పవర్‌ఫుల్ సబ్-కాంపాక్ట్ ఎస్‌యూవీని రెనాల్ట్ సంస్థ మార్కెట్లోకి తీసుకురానుంది.

భారతీయ ఆటోమొబైల్ దిగ్గజం టాటా మోటార్స్ తన కస్టమర్ల అవసరాలకు అనుగుణంగా సరికొత్త అప్‌డేట్లతో దూసుకుపోతోంది. ప్రస్తుతం మార్కెట్లో ఉన్న టాటా హారియర్, సఫారీ కార్లు వాటి లుక్స్, రోడ్ ప్రెజెన్స్, అద్భుతమైన ఫీచర్లతో మంచి అమ్మకాలను సాధిస్తున్నాయి. అయితే ఇవి మోనోకాక్ ప్లాట్‌ఫామ్‌ పై ఆధారపడి నిర్మించబడటం వల్ల వీటిలో ఆఫ్‌రోడింగ్‌కు ఉపయోగపడే 4×4 డ్రైవ్‌ ట్రెయిన్ సిస్టమ్ అందుబాటులో లేదు. టాటా ఫ్యాన్స్ చాలా కాలంగా ఈ ఫీచర్ కావాలని కోరుతుండటంతో, కంపెనీ ఇప్పుడు వారి డిమాండ్‌ను నెరవేర్చడానికి పటిష్టమైన లైనప్‌ ను సిద్ధం చేస్తోంది.

Fuel efficiency tips for monsoon. వర్షాకాలంలో మీ కారు మైలేజ్ అకస్మాత్తుగా తగ్గిపోతుందా? రోడ్లపై నీరు, ఏసీ వాడకం మరియు టైర్ ప్రెజర్ వంటి కారణాల వల్ల ఇంధన వినియోగం పెరుగుతుంది. పూర్తి వివరాలు ఇక్కడ చూడండి.

భారతదేశంలో ఎలక్ట్రిక్ ద్విచక్ర వాహనాల మార్కెట్ వేగంగా విస్తరిస్తున్న నేపథ్యంలో, టీవీఎస్ (Tvs) మోటార్ కంపెనీ తన ఐక్యూబ్ (Iqube) ఎలక్ట్రిక్ స్కూటర్‌తో అద్భుతమైన ప్రదర్శన కొనసాగిస్తోంది. సాంప్రదాయ పెట్రోల్ వాహనాల విభాగంలో ఇప్పటికే బలమైన స్థానం సంపాదించిన టీవీఎస్, ఇప్పుడు ఎలక్ట్రిక్ మొబిలిటీ రంగంలో కూడా తన సత్తాను చాటుతోంది. ముఖ్యంగా ఐక్యూబ్‌కు వినియోగదారుల నుంచి లభిస్తున్న ఆదరణ నెల నెలా పెరుగుతుండటం కంపెనీకి పెద్ద ఊరటనిస్తోంది. గత కొన్ని సంవత్సరాలుగా ఎలక్ట్రిక్ వాహనాలపై వినియోగదారుల ఆసక్తి పెరుగుతుండగా, టీవీఎస్ ఐక్యూబ్ తన విశ్వసనీయత, ఆకర్షణీయమైన డిజైన్, ఆధునిక ఫీచర్లు, తక్కువ నిర్వహణ ఖర్చులతో ప్రత్యేక గుర్తింపు సంపాదించింది.

భారత టూవీలర్ మార్కెట్లో మోపెడ్ విభాగానికి వస్తే, టీవీఎస్ ఎక్స్ఎల్ 100 (tvs Xl 100) పేరు ప్రత్యేకంగా చెప్పుకోవాలి. దశాబ్దాలుగా సామాన్య ప్రజలు, చిన్న వ్యాపారులు, రైతులు, గ్రామీణ ప్రాంతాల వినియోగదారులకు నమ్మకమైన తోడుగా నిలుస్తున్న ఈ మోపెడ్, మరోసారి తన సత్తా చాటుకుంది. 2026 మే నెలలో TVS XL 100 అమ్మకాలు గణనీయమైన వృద్ధిని నమోదు చేసి, దేశీయ మార్కెట్లో తన బలమైన స్థానాన్ని మరింత పటిష్టం చేసుకుంది. ప్రస్తుతం గ్రామీణ ప్రాంతాల్లోనే కాకుండా పట్టణాల్లో కూడా చిన్న వ్యాపారాలు, డెలివరీ సేవలు, రోజువారీ రవాణా అవసరాల కోసం మోపెడ్‌ల వినియోగం పెరుగుతోంది. ముఖ్యంగా తక్కువ నిర్వహణ ఖర్చు, అధిక లోడ్ మోసే సామర్థ్యం, అద్భుతమైన మైలేజ్ కారణంగా TVS XL 100కు వినియోగదారుల నుంచి మంచి ఆదరణ లభిస్తోంది.

Highway safety tips. హైవేపై ప్రయాణించేటప్పుడు అకస్మాత్తుగా టైర్ పంక్చర్ అయితే కంగారు పడకుండా ప్రాణాలను ఎలా కాపాడుకోవాలో, సురక్షితంగా టైర్ ఎలా మార్చుకోవాలో ఈ కథనంలో వివరంగా తెలుసుకోండి.

భారతదేశంలో అత్యంత ప్రజాదరణ పొందిన కమ్యూటర్ బైక్‌లలో హీరో హెచ్‌ఎఫ్ డీలక్స్ (Hf Deluxe) ఒకటి. తక్కువ ధర, మంచి మైలేజ్, సులభమైన నిర్వహణ ఖర్చులతో గ్రామీణ, పట్టణ ప్రాంతాల్లో ఈ బైక్‌కు ప్రత్యేక గుర్తింపు ఉంది. అయితే తాజాగా విడుదలైన అమ్మకాల గణాంకాలు హీరో మోటోకార్ప్‌కు పెద్ద షాక్ ఇచ్చాయి. సాధారణంగా ప్రతి నెలా మంచి అమ్మకాలను నమోదు చేసే హెచ్‌ఎఫ్ డీలక్స్, ఈసారి గణనీయమైన అమ్మకాల క్షీణతను చవిచూసింది. గ్రామీణ మార్కెట్లలో అత్యధికంగా అమ్ముడయ్యే మోడళ్లలో ఒకటిగా నిలిచిన ఈ బైక్, గత కొన్ని సంవత్సరాలుగా హీరో మోటోకార్ప్ అమ్మకాలలో కీలక పాత్ర పోషిస్తోంది.

భారతీయ SUV మార్కెట్లో టాటా మోటార్స్ (tata motors) మరో సంచలనానికి సిద్ధమవుతున్నట్లు తెలుస్తోంది. ఇటీవలే దేశీయ మార్కెట్లో ప్రవేశించి మంచి ఆదరణ పొందిన టాటా సియెర్రా (sierra) ఇప్పుడు CNG వెర్షన్‌లో కూడా అందుబాటులోకి రానున్నట్లు సమాచారం. పెరుగుతున్న ఇంధన ధరలు, తక్కువ రన్నింగ్ ఖర్చుతో కూడిన వాహనాలపై వినియోగదారుల ఆసక్తి నేపథ్యంలో, కంపెనీ తన ప్రముఖ SUVకి CNG పవర్‌ట్రెయిన్‌ను జోడించే పనిలో ఉన్నట్లు తాజా నివేదికలు సూచిస్తున్నాయి. నవంబర్ 2025లో భారత మార్కెట్లో అధికారికంగా విడుదలైన టాటా సియెర్రా, తన ప్రత్యేక డిజైన్, ఆధునిక ఫీచర్లు, విశాలమైన క్యాబిన్, బలమైన పనితీరుతో వినియోగదారులను ఆకట్టుకుంది.

ప్రముఖ ఇటాలియన్ టూవీలర్ తయారీ సంస్థ ఏప్రిలియా (Aprilia) భారత మార్కెట్లో తన SR 125, SR 175 స్కూటర్లకు కొత్త ట్రిబ్యూట్ ఎడిషన్‌లను విడుదల చేసింది. స్టైలిష్ డిజైన్, స్పోర్టీ లుక్‌తో ఇప్పటికే యువతలో మంచి గుర్తింపు సంపాదించుకున్న ఈ స్కూటర్లు ఇప్పుడు మరింత ప్రత్యేక రూపంలో వినియోగదారుల ముందుకు వచ్చాయి. ప్రస్తుతం భారతదేశంలో ఏప్రిలియా విక్రయిస్తున్న ప్రధాన స్కూటర్ మోడళ్లైన SR 125, SR 175లకు ఈ ప్రత్యేక ఎడిషన్‌లను ఒకేసారి పరిచయం చేయడం విశేషం. ఈ కొత్త ట్రిబ్యూట్ ఎడిషన్‌లలో ఇంజిన్, పనితీరు లేదా ఫీచర్ల పరంగా ఎలాంటి మార్పులు చేయలేదు. స్టాండర్డ్ మోడళ్లలో ఉన్న అదే మెకానికల్ సెటప్, అదే ఫీచర్లు ఇందులో కూడా కొనసాగుతున్నాయి.

భారతదేశంలో ప్రత్యామ్నాయ ఇంధన వాహనాల విప్లవానికి మరో కీలక అడుగు పడింది. దేశంలోనే అతిపెద్ద కార్ల తయారీ సంస్థ అయిన మారుతి సుజుకి (Maruti Suzuki) ఇటీవల భారతదేశపు తొలి ఫ్లెక్స్ ఫ్యూయల్ హ్యాచ్‌బ్యాక్‌గా వ్యాగన్ఆర్(Wagonr)ను అధికారికంగా మార్కెట్లోకి తీసుకువచ్చిన సంగతి తెలిసిందే. ఈ కారు ఆవిష్కరణ జరిగిన వెంటనే డెలివరీలు ప్రారంభం కావడం ఇప్పుడు ఆటోమొబైల్ రంగంలో చర్చనీయాంశంగా మారింది. సాధారణంగా కొత్త టెక్నాలజీతో కూడిన వాహనాలు మార్కెట్లోకి వచ్చిన తర్వాత వాటి డెలివరీలు ప్రారంభం కావడానికి నెలలు లేదా కొన్ని సందర్భాల్లో సంవత్సరాల సమయం పట్టే అవకాశం ఉంటుంది. అయితే మారుతి మాత్రం ఈ విషయంలో అందరి అంచనాలను తారుమారు చేస్తూ, కారు విడుదలైన కొద్ది రోజుల వ్యవధిలోనే వినియోగదారులకు వాహనాలను అందించడం ప్రారంభించింది.

Fuel Saving Tips for Long Drives. లాంగ్ డ్రైవ్‌లో పెట్రోల్ ఖర్చులు తగ్గించుకోవడానికి, మైలేజ్ పెంచుకోవడానికి ఈ సింపుల్ డ్రైవింగ్ ట్రిక్స్ మరియు మెయింటెనెన్స్ చిట్కాలు పాటించండి.

ప్రముఖ ద్విచక్ర వాహన తయారీ సంస్థ రాయల్ ఎన్‌ఫీల్డ్ (Royal Enfield) తన సరికొత్త ఎలక్ట్రిక్ బ్రాండ్ ఫ్లయింగ్ ఫ్లీ (Flying Flea) కింద రూపొందించిన మొట్టమొదటి ఎలక్ట్రిక్ మోటార్‌సైకిల్ ఫ్లయింగ్ ఫ్లీ సీ6 (Flying Flea C6) డెలివరీలను అధికారికంగా ప్రారంభించింది. దీనితో కంపెనీ ఇంధన ఆధారిత వాహనాల నుంచి ఎలక్ట్రిక్ శకంలోకి గ్రాండ్‌గా అడుగుపెట్టింది. ఈ క్రేజీ బైక్ డెలివరీలు ప్రస్తుతం బెంగళూరు నగరంలో మొదలయ్యాయి. రాబోయే రోజుల్లో దేశంలోని ఇతర ప్రముఖ నగరాలకు కూడా ఈ విక్రయాలను విస్తరించడానికి కంపెనీ ప్రణాళికలు సిద్ధం చేస్తోంది.

భారత ఆటోమొబైల్ మార్కెట్లో ఎలక్ట్రిక్ వాహనాల (EV) హవా కొనసాగుతోంది. ముఖ్యంగా తక్కువ ధరలో ఎక్కువ రేంజ్ ఇచ్చే ఈ-స్కూటర్లను కొనుగోలు చేయడానికి కస్టమర్లు ఆసక్తి చూపిస్తున్నారు. పెట్రోల్ స్కూటర్ల ధరలు లక్ష దాటిపోవడంతో, దైనందిన అవసరాల కోసం లో స్పీడ్ ఎలక్ట్రిక్ స్కూటర్లు బెస్ట్ ఆల్టర్నేటివ్‎గా మారాయి. మోటార్ వెహికల్ యాక్ట్ 1988 నిబంధనల ప్రకారం, 25కిమీ లోపు టాప్ స్పీడ్ ఉన్న వాహనాలకు ఎలాంటి ప్రభుత్వ పర్మిషన్లు, లైసెన్సులు అవసరం లేదు. అలాంటి టాప్ 5 స్కూటర్ల వివరాలు తెలుసుకుందాం.

Vehicle Maintenance Tips. మీ కారు లేదా బైక్ మెయింటెనెన్స్ ఖర్చులను తగ్గించుకోవడానికి ఈ సింపుల్ చిట్కాలు పాటించండి. ఇంజిన్ ఆరోగ్యం మరియు టైర్ల సంరక్షణతో భారీ ఖర్చుల నుండి తప్పించుకోవచ్చు.

భారత మధ్య తరహా SUV మార్కెట్‌లో పోటీ రోజురోజుకీ మరింత తీవ్రంగా మారుతున్న సమయంలో, నిస్సాన్ (Nissan) తన కొత్త ఎస్‌యూవీ 'టెక్టన్ (Tekton)'తో రంగంలోకి దిగేందుకు సిద్ధమవుతోంది. జూలై 9న ఈ కొత్త మోడల్‌ను అధికారికంగా ఆవిష్కరించనున్నట్లు కంపెనీ ప్రకటించింది. ఇప్పటికే ఈ విభాగంలో అనేక ప్రముఖ మోడళ్లు ఆధిపత్యం చెలాయిస్తున్నప్పటికీ, టెక్టన్ తన ప్రత్యేక డిజైన్, ఆధునిక ఫీచర్లు, గ్లోబల్ స్టైలింగ్‌తో వినియోగదారుల దృష్టిని ఆకర్షించేందుకు సిద్ధంగా ఉంది. ఈ మోడల్ రాకను ప్రకటిస్తూ నిస్సాన్ ఇండియా విడుదల చేసిన తాజా టీజర్ వీడియో ఆటోమొబైల్ వర్గాల్లో ఆసక్తిని పెంచింది. ముఖ్యంగా కంపెనీ ఫ్లాగ్‌షిప్ SUV అయిన ప్యాట్రోల్ నుంచి స్ఫూర్తి పొందిన డిజైన్ భాష ఇందులో కనిపించడం విశేషం.

భారత టూవీలర్ మార్కెట్‌లో స్కూటర్ల విభాగం రోజురోజుకు మరింత బలపడుతున్న నేపథ్యంలో, వినియోగదారుల నమ్మకాన్ని గెలుచుకుని స్థిరమైన అమ్మకాలతో ముందుకు సాగుతున్న మోడళ్లలో టీవీఎస్ జూపిటర్ (Tvs Jupiter) ఒకటి. కుటుంబ అవసరాలకు అనుగుణంగా రూపొందించిన ఈ స్కూటర్, సౌకర్యవంతమైన రైడింగ్ అనుభవం, మంచి మైలేజ్, తక్కువ నిర్వహణ ఖర్చులు, విశ్వసనీయ పనితీరు కారణంగా దేశవ్యాప్తంగా విస్తృత ఆదరణను పొందుతోంది. యువత నుంచి మధ్య వయసు వారివరకు, మహిళల నుంచి ఉద్యోగులకు వరకు ప్రతి వర్గం వినియోగదారులను ఆకర్షించగలిగిన అరుదైన స్కూటర్లలో జూపిటర్ ఒకటిగా నిలిచింది. ఈ ప్రజాదరణ అమ్మకాల గణాంకాల్లో కూడా స్పష్టంగా కనిపిస్తోంది.

భారతీయ ఆటోమొబైల్ మార్కెట్లో సబ్-కాంపాక్ట్ ఎస్‌యూవీల విభాగంలో మారుతి బ్రెజ్జాకు ఒక ప్రత్యేకమైన ఇమేజ్ ఉంది. అయితే ఇటీవల కాలంలో టాటా, మహీంద్రా, హ్యుందాయ్ కంపెనీల నుంచి వచ్చిన కొత్త మోడళ్ల పోటీని తట్టుకోలేక బ్రెజ్జా అమ్మకాలు స్వల్పంగా తగ్గాయి. దేశంలో అత్యధికంగా అమ్ముడవుతున్న టాప్-10 కార్ల లిస్ట్ నుంచి బ్రెజ్జా వెనకబడిపోవడంతో మారుతి సుజుకి అలర్ట్ అయింది. కస్టమర్లను మళ్లీ తనవైపు తిప్పుకోవడానికి సరికొత్త డిజైన్, పవర్‌ఫుల్ ఇంజిన్ తో బ్రెజ్జా ఫేస్‌లిఫ్ట్ వెర్షన్ ను తీసుకురావడానికి క్షేత్రస్థాయిలో రోడ్ టెస్టింగ్‌లను ముమ్మరం చేసింది.

భారతీయ టూ-వీలర్ మార్కెట్లో దశాబ్దాలుగా తనకంటూ ప్రత్యేక గుర్తింపు సంపాదించుకున్న మోటార్‌సైకిళ్లలో హోండా షైన్ (honda shine) ఒకటి. నమ్మకమైన పనితీరు, అద్భుతమైన మైలేజ్, సౌకర్యవంతమైన రైడింగ్ అనుభవం, తక్కువ నిర్వహణ ఖర్చులతో ఈ బైక్ లక్షలాది మంది భారతీయుల రోజువారీ జీవితంలో భాగంగా మారింది. ముఖ్యంగా ఉద్యోగులు, చిన్న వ్యాపారులు, విద్యార్థులు, ప్రతిరోజూ ఎక్కువ దూరం ప్రయాణించే వినియోగదారుల కోసం షైన్ ఎప్పటికీ ఒక నమ్మకమైన ఎంపికగా నిలుస్తోంది. ప్రస్తుతం మార్కెట్లో అనేక కొత్త మోడళ్లు, ఆధునిక ఫీచర్లతో కూడిన బైక్‌లు అందుబాటులోకి వస్తున్నప్పటికీ, హోండా షైన్‌పై వినియోగదారుల నమ్మకం మాత్రం ఏమాత్రం తగ్గలేదు. గ్రామీణ ప్రాంతాల నుంచి నగరాల వరకు ప్రతి ప్రాంతంలోనూ షైన్‌కు స్థిరమైన కస్టమర్ బేస్ ఉండటం దీని బలాన్ని చూపిస్తోంది.

భారతదేశంలో ఎంట్రీ లెవెల్ ఎలక్ట్రిక్ కార్ల విభాగంలో పోటీ రోజురోజుకూ ఆసక్తికరంగా మారుతోంది. రోజువారీ సిటీ ప్రయాణాలతో పాటు అప్పుడప్పుడు హైవే రైడ్స్ కు వెళ్లాలనుకునే వారి కోసం కంపెనీలు తక్కువ ధరలోనే ఈవీలను అందిస్తున్నాయి. ఈ రేస్ లో ఇప్పటివరకు టాటా మోటార్స్ హవా నడుస్తుండగా, ఫ్రెంచ్ కార్ల తయారీ సంస్థ సిట్రోయెన్ తన కారును సరికొత్తగా అప్‌డేట్ చేసి టాటాకు గట్టి సవాల్ విసిరింది. తన ఎక్స్ (X) లైనప్ లో భాగంగా సిట్రోయెన్ ఈసీ3ఎక్స్ మోడల్ ను లాంచ్ చేయగా, టాటా సైతం అదనపు ఫీచర్లు, కొత్త లుక్స్ తో టియాగో ఈవీ ఫేస్‌లిఫ్ట్ ను రంగంలోకి దించింది.

భారత టూవీలర్ మార్కెట్‌లో ఎన్నో కొత్త మోడళ్లు వచ్చినా, కొన్ని బైక్‌లకు మాత్రం ప్రత్యేకమైన అభిమాన వర్గం ఉంటుంది. అలాంటి మోటార్‌సైకిళ్లలో బజాజ్ పల్సర్ 220 ఎఫ్ (Bajaj Pulsar 220F) ఒకటి. దాదాపు రెండు దశాబ్దాలుగా యువత హృదయాలను గెలుచుకుంటూ వస్తున్న ఈ బైక్, తన స్పోర్టీ డిజైన్, శక్తివంతమైన పనితీరు, ప్రత్యేక గుర్తింపుతో ఇప్పటికీ మార్కెట్లో మంచి ఆదరణను కొనసాగిస్తోంది. గత ఏడాది డిసెంబర్‌లో కొత్త గ్రాఫిక్స్, ఆకర్షణీయమైన రంగులతో ఈ బైక్‌ను అప్‌డేట్ చేసిన బజాజ్, ఇప్పుడు 2026 మోడల్‌ను మరిన్ని మెరుగుదలలతో పరిచయం చేసింది. కొత్త 2026 పల్సర్ 220F ఎక్స్-షోరూమ్ ధర రూ.1.36 లక్షల నుంచి ప్రారంభమవుతోంది.