6.75 లక్షల కార్లు ఎగుమతి.. అంతర్జాతీయంగా భారత కార్ల హవా!

భారతదేశం ప్రస్తుతం కార్ల తయారీకి ఒక ముఖ్యమైన కేంద్రంగా ఎదుగుతోంది. ముఖ్యంగా మహారాష్ట్రలోని కార్ల కర్మాగారాలు నిరంతరం ఉత్పత్తి చేస్తూ, దేశీయ అవసరాలతో పాటు విదేశాలకు కూడా పెద్ద సంఖ్యలో కార్లను ఎగుమతి చేస్తున్నాయి. స్కోడా ఆటో ఫోక్స్‌వ్యాగన్ ఇండియా (Skoda Auto Volkswagen India) ఈ విషయంలో ముందుంది.

ఈ బైక్ పట్టుకుంటే వదిలేయలేరు! హోండా నుంచి సరికొత్త ఈవీ బైక్ వచ్చేస్తుంది

భారత్ ఇప్పుడు ప్రపంచంలోనే అతిపెద్ద ఈవీ తయారీదారుగా మారడానికి వేగంగా అడుగులు వేస్తుంది. అంతర్జాతీయంగా ఆటోమొబైల్ కంపెనీలన్ని కూడా భారత్‌లో పెట్టుబడులు పెట్టడానికి అలాగే, ఇక్కడ తమ వ్యాపారాన్ని మరింత విస్తరించడానికి కీలకంగా కృషి చేస్తున్నాయి. ముఖ్యంగా దేశీయ టూవీలర్ తయారీదారులు ఇతర విదేశీ కంపెనీల నుంచి వస్తున్న పోటీని తట్టుకోవడానికి వరుసగా కొత్త మోడళ్లను తీసుకొస్తున్నారు. ఈ క్రమంలో దిగ్గజ టూవీలర్ కంపెనీ హోండా (Honda) ఈ ఏడాది జనవరిలో QC1, Activa e ఇ-స్కూటర్లను విడుదల చేసింది. ఈ రెండు ఎలక్ట్రిక్ స్కూటర్‌లను అందరు కొనగలిగే విధంగా అందుబాటు ధరలో విడుదల చేసి, EV రంగంలో తన పట్టును బలోపేతం చేసుకుంది.

ఎలక్ట్రిక్ వాహనాల్లోనూ టీవీఎస్ సత్తా! 77% వృద్ధి.. భవిష్యత్తుపై గట్టి నమ్మకం!

తమిళనాడుకు చెందిన ప్రముఖ ఆటోమొబైల్ సంస్థ టీవీఎస్ మోటార్ (TVS Motor) తన అమ్మకాలతో అదరగొట్టేస్తోంది. టీవీఎస్ గ్రూప్ 1911లో టీ.వీ. సుందరం అయ్యంగార్ ద్వారా ఒక రవాణా సంస్థగా ప్రారంభమైంది. 1978లో టీవీఎస్ మోటార్ కంపెనీ లిమిటెడ్ ఒక ప్రత్యేక సంస్థగా ఏర్పడింది. ప్రారంభంలో సుజుకి మోటార్ కార్పొరేషన్‌తో కలిసి 'ఇండో సుజుకి' పేరుతో మోటార్‌సైకిళ్లను ఉత్పత్తి చేసింది.

ఎలక్ట్రిక్ స్కూటర్ కొనాలనుకుంటున్నారా? Vida V2 పై రూ.40,000 వరకు ప్రయోజనాలు

ఇండియాలో టూవీలర్ విభాగంలో అగ్రస్థానంలో ఉన్నటువంటి వాహన తయారీ సంస్థ హీరో మోటోకార్ప్ (Hero Motocorp) సంప్రదాయ ఇంధన మోడళ్లతో పాటు, ఎలక్ట్రిక్ టూవీలర్స్‌ను కూడా ఇటీవల కాలంలో ఎక్కువగా విడుదల చేస్తుంది. విడా బ్రాండ్ క్రింద V2 అనే ఎలక్ట్రిక్ స్కూటర్‌ను విక్రయిస్తుంది. శక్తివంతమైన బ్యాటరీ, ఆకర్షణీయమైన డిజైన్, స్మార్ట్ ఫీచర్లతో కూడిన ఈ మోడల్ గత డిసెంబర్‌లో విడుదల అయింది. ఇప్పటికే రైడర్ల నుంచి అద్భుతమైన స్పందన అందుకుంది. ఇప్పుడు, ఈ స్కూటర్‌ను కొనాలని ప్లాన్ చేస్తున్న కస్టమర్లకు మరో సూపర్ అప్‌డేట్ అందింది. ప్రముఖ ఈ కామర్స్ సంస్థలైన అమెజాన్, ఫ్లిప్‌కార్ట్‌లో హీరో విడా V2 ఎలక్ట్రిక్ స్కూటర్‌‌పై దాదాపు రూ.40,000 వరకు తగ్గింపు ప్రయోజనాలు అందుబాటులో ఉన్నాయి.
Advertisement

ఈ కంపెనీ వాహనాలకు భారీ స్థాయిలో డిమాండ్.. 5.53 లక్షల మంది ఫేవరెట్ బ్రాండ్!

భారతదేశ ఆటోమోటివ్ రంగంలో ప్రసిద్ధి చెందిన ప్రముఖ వాహన తయారీ కంపెనీ టాటా మోటార్స్ (tata motors) సేల్స్ పరంగా దూసుకుపోతోంది. మార్చి నెల ముగిసిన నేపథ్యంలో వివిధ తయారీదారులు తమ సేల్స్ వివరాలను వెల్లడిస్తున్నారు. అలాగే పాత ఆర్థిక సంవత్సరం ముగిసి కొత్త ఆర్థిక సంవత్సరం కూడా మొదలైంది. ఈ నేపథ్యంలో టాటా మోటార్స్ కూడా తన అమ్మకాల డేటాను వెల్లడించింది. దీని ప్రకారం, మార్చి 2025లో మహీంద్రాను అధిగమించి, అమ్మకాల పరంగా మళ్లీ తన బలాన్ని నిరూపించుకుంది. దేశీయ మార్కెట్లో టాటా కార్లకు వస్తున్న ఆదరణను నిరూపిస్తూ, మార్చి 2025లో 51,616 కార్లు అమ్ముడుపోయాయి. ఇది గత నెల అంటే ఫిబ్రవరిలో జరిగిన 46,437 కార్ల అమ్మకాలతో పోలిస్తే, బాగానే వృద్ధి చెందింది.

క్రెటా పవర్‌తో హ్యుందాయ్ జోరు! టాటా, మహీంద్రా వెనుకబాటు!

భారతీయ ఆటోమొబైల్ పరిశ్రమలో దక్షిణ కొరియాకు చెందిన దిగ్గజ వాహన తయారీ సంస్థ హ్యుందాయ్ మోటార్ ఇండియా తన సత్తాను చాటుకుంది. 2024-25 ఆర్థిక సంవత్సరానికి సంబంధించిన అమ్మకాల గణాంకాలను విడుదల చేయగా, హ్యుందాయ్ అనూహ్యంగా దేశంలోనే రెండో అతిపెద్ద కార్ల తయారీదారుగా అవతరించింది.

MG మోటార్ EV సునామీ.. విండ్సర్ మోడల్‌ను ఎవరూ ఆపలేకపోతున్నారు

ప్రముఖ కార్ల తయారీ కంపెనీ ఎంజీ మోటార్ (Mg Motor) అంతర్జాతీయంగానే కాకుండా భారత్‌లో కూడా మంచి మార్కెట్ కలిగి ఉంది. స్టైలిష్ డిజైన్, ప్రీమియం లగ్జరీ ఫీచర్స్‌తో కూడిన కార్లను అందించడంలో ఇది బాగా ప్రసిద్ధి చెందింది. ఇక్కడి మార్కెట్‌లో తనదైన ముద్ర వేయడానికి హెక్టర్, గ్లోస్టర్, ఆస్టర్ వంటి ICE ఇంజిన్ వాహనాలను తీసుకొచ్చిన కంపెనీ కొంతవరకు విజయాన్ని సాధించినా, పూర్తి స్థాయిలో ఊహించిన స్థాయికి చేరుకోలేకపోయింది. దీనికి ప్రధాన కారణం ఇతర తయారీదారుల నుంచి భారత్‌లో విపరీతమైన పోటీ ఉండటం. తర్వాత MG మోటార్ తన దృష్టిని ఎలక్ట్రిక్ వాహనాలపై మళ్లించింది. ఈవీల దిశగా అడుగులు వేసినప్పటి నుంచి కంపెనీ సేల్స్‌లో దూసుకుపోతుంది.

మార్కెట్లో మారుతి హవా.. దీనిని మించినోడే లేడు మామ.. ఏడాదిలో 22 లక్షల కార్ల అమ్మకాలు!

భారత వాహన పరిశ్రమలో అత్యధిక వాహనాలను విక్రయించే సంస్థ మారుతి సుజుకి ఇండియా లిమిటెడ్. ఈ సంస్థ 2024-25 ఆర్థిక సంవత్సరంలో మొత్తం 22,34,266 కార్లను విక్రయించింది. ఇది గత ఏడాది అమ్ముడైన 21,35,323 కార్ల కంటే 4.63 శాతం ఎక్కువ. అయితే, దేశీయంగా విక్రయాలు మాత్రం స్వల్పంగా 0.05 శాతం పెరిగి 17,60,767 కార్లు అమ్ముడయ్యాయి. సంస్థ ఈ ఏడాది పనితీరును వివరంగా పరిశీలిద్దాం.
Advertisement

సరికొత్త చరిత్రను లిఖించిన బజాజ్ పల్సర్.. ఏకంగా 2 కోట్లు దాటిన సేల్స్

భారతదేశంలో బజాజ్ కంపెనీకి చెందిన పల్సర్(Pulsar) అంటే తెలియని వారు ఉండరు. 2001లో యువతకు స్పోర్టీ మోటార్‌సైక్ల అభిరుచిని పరిచయం చేసిన ఈ మోడల్ ఇప్పుడు మరో చరిత్ర సృష్టించింది. ఆల్-టైమ్ హిట్ మోడళ్లలో ఒకటైన పల్సర్, 20 మిలియన్ల (2 కోట్ల) యూనిట్ల విక్రయాలను దాటి, ఇది అత్యంత విజయవంతమైన మోటార్‌సైకిల్ బ్రాండ్‌గా నిలిచింది. సాధారణ కమ్యూటర్ బైక్‌ల ఆధిపత్యం ఉన్న సమయంలో, పల్సర్ తన మస్కులర్ లుక్స్, శక్తివంతమైన ఇంజిన్, టాప్-క్లాస్ పనితీరుతో మార్కెట్‌ను శాశ్వతంగా మార్చేసింది. అద్భుతమైన వేగం, పెద్ద ఇంజిన్ సామర్థ్యం, మెరుగైన మైలేజ్‌ ఈ మూడింటిని ఒకే బైక్‌లో అందించిన మొదటి భారతీయ మోటార్‌సైకిల్ పల్సర్‌ మాత్రమే.

టయోటా చరిత్రలో మైలురాయి.. తొలిసారిగా 3 లక్షల యూనిట్ల అమ్మకాలు

భారతీయులకు టయోటా అంటే ప్రత్యేకమైన అభిమానం. మారుతి సుజుకితో స్నేహం కుదిరిన తర్వాత టయోటాకు అన్నీ మంచి శుభవార్తలే వస్తున్నాయి. 2024 ఆర్థిక సంవత్సరం ముగియడంతో టయోటా అమ్మకాల గణాంకాలు విడుదల అయ్యాయి. 2024 ఏప్రిల్ నుంచి 2025 మార్చి వరకు జపనీస్ వాహన తయారీదారు భారతదేశంలో భారీ విజయాన్ని నమోదు చేసింది.

ఇకపై 100 దేశాల చూపు భారత్‌పైనే.. మారుతి ఇ విటారా గొప్ప విజయం!

కొన్ని సార్లు రావడం కాస్త లేట్ అవ్వొచ్చేమో కానీ రావడం మాత్రం పక్కా అన్న పవన్ డైలాగ్ ప్రస్తుతం మారుతికి సరిగ్గా సరిపోతుంది. ప్రస్తుతం దేశంలో అత్యధిక కార్లను విక్రయిస్తున్న దిగ్గజ కంపెనీ మారుతి. కంపెనీ ఎప్పుడు ఎలక్ట్రిక్ కారును తీసుకొస్తుందా అని అందరూ ఆత్రుతగా ఎదురు చూస్తున్నారు. వారి ఎదురు చూపులు ఫలించేలా తొలి సారిగా ఎలక్ట్రిక్ కారును త్వరలోనే మార్కెట్లోకి తీసుకురాబోతుంది.

భారత మార్కెట్‌లో దూసుకెళ్తున్న కియా.. మార్చిలో 25,525 యూనిట్ల సేల్స్

దక్షిణ కొరియాకు చెందిన ప్రముఖ వాహన తయారీ సంస్థ కియా మోటార్స్ (Kia Motors) ఇండియాలోకి అడుగుపెట్టిన అతి తక్కువ కాలంలోనే ప్రసిద్ధ కంపెనీగా అవతరించింది. టాటా మోటార్స్, మారుతీ సుజుకీ, మహీంద్రా వంటి కార్ల తయారీదారులకు బలమైన పోటీగా ఎదిగి దేశంలోని అన్ని ప్రాంతాల ప్రజలకు తన కార్లను పరిచయం చేస్తుంది. సెల్టోస్, సోనెట్ లాంటి SUV లతో భారత మార్కెట్లోకి అడుగుపెట్టి, కేవలం కొన్ని సంవత్సరాల్లోనే తనకంటూ ఒక ప్రత్యేకమైన గుర్తింపును సంపాదించుకుంది. కియా, దేశీయ వినియోగదారుల అభిరుచులకు అనుగుణంగా తన మోడళ్లను లాంచ్ చేస్తుంది. భారత మార్కెట్లో ఇప్పటికే కొన్ని అంతర్జాతీయ బ్రాండ్‌లు తమదైన ముద్ర వేయడానికి పోటీ పడుతున్నప్పటికీ, కియా మాత్రం ఒక ప్రత్యేకమైన ప్లేస్‌ను దక్కించుకుంది.
Advertisement

ఇకపై స్కూటర్‌కు ఇద్దరు హెల్మెట్లు తప్పనిసరి! భద్రతకు పెద్దపీట!

వాహనదారుల భద్రత పై ప్రభుత్వం దృష్టి పెట్టింది. ప్రతేడాది జరుగుతున్న రోడ్డు ప్రమాదాల్లో వందల మంది మరణిస్తుండడంతో ప్రభుత్వం వాటి నివారణకు చర్యలు తీసుకుంటుంది. ఈ క్రమంలోనే ఓ సంచలన నిర్ణయాన్ని ప్రకటించింది. ఇక మీదట కొత్తగా స్కూటర్, బైక్ కొనుగోలు చేస్తే దానితో పాటు కొనుగోలుదారుడికి డీలర్ నుంచి రెండు హెల్మెట్లు ఇవ్వాలని రూల్ పెట్టింది.

భారతదేశంలోని నెంబర్ 1 ప్యాసింజర్ వెహికల్‌గా అవతరించిన వ్యాగన్ఆర్

భారతదేశంలో బడ్జెట్ ధరలో లభించే కార్లకు ఎప్పుడు డిమాండ్ ఉంటుంది. పేద, మధ్య తరగతి ప్రజలు ఎక్కువగా అందుబాటు ధరలో, మంచి పెర్ఫామెన్స్ అందించే కార్లను కొనుగోలు చేస్తుంటారు. తాజాగా గత ఆర్థిక సంవత్సరం ముగిసి కొత ఆర్థిక సంవత్సరం ముగిసిన నేపథ్యంలో వాహన తయారీదారులు తమ సేల్స్ వివరాలను విడుదల చేస్తున్నారు. ఈ నేపథ్యంలో తాజాగా భారతదేశపు అతిపెద్ద కార్ల తయారీదారు అయినటువంటి మారుతీ సుజుకీ (Maruti Suzuki) తన విక్రయాల డేటాను వెల్లడించింది. కంపెనీ నుంచి వచ్చిన డేటా ప్రకారం, 2024-25 ఆర్థిక సంవత్సరానికి గాను బెస్ట్ సెల్లింగ్ కార్ టైటిల్‌ను మారుతీ మరోసారి తన సొంతం చేసుకుంది.

మహీంద్రా చరిత్రలోనే అత్యధిక అమ్మకాలు! థార్, స్కార్పియో, XUV700 హవా!

దేశీయ కార్ల తయారీ దిగ్గజం మహీంద్రా అండ్ మహీంద్రా 2024-25 ఆర్థిక సంవత్సరంలో అత్యధిక వార్షిక అమ్మకాలను నమోదు చేసింది. ఈ కాలంలో మొత్తం 5,51,487 యూనిట్లను విక్రయించింది. అంతకు ముందు ఆర్థిక సంవత్సరం (FY24)లో నమోదైన 4,59,877 యూనిట్లతో పోలిస్తే ఇది ఏకంగా 20 శాతం వృద్ధిని సూచిస్తుంది.

చలాన్ కట్టేయండి.. లేకుంటే లైసెన్స్ రద్దు.. గవర్నమెంట్ కఠిన నిర్ణయం

భారతదేశంలో రోడ్డు భద్రతను మరింత మెరుగుపరిచేందుకు ప్రభుత్వం కీలక నిర్ణయాలు తీసుకోనుంది. ట్రాఫిక్ నిబంధనలను పాటించకుండా నిర్లక్ష్యంగా వాహనాలు నడిపే వారికి కఠినమైన చర్యలు తీసుకునే దిశగా ప్రభుత్వం పలు ప్రతిపాదనలను సిద్ధం చేస్తోంది. ఇప్పటి వరకు ట్రాఫిక్ నిబంధనలు ఉల్లంఘించినట్లయితే జరిమానాలు విధించడం మాత్రమే ఉండగా, ఇప్పుడు మరింత కఠినమైన చర్యలను తీసుకునే అవకాశం ఉంది. ముఖ్యంగా, కొత్త ముసాయిదా నిబంధనల ప్రకారం, ట్రాఫిక్ ఉల్లంఘనలకు సంబంధించిన ఇ-చలాన్లు చెల్లించనట్లయితే, సంబంధిత వ్యక్తుల డ్రైవింగ్ లైసెన్స్ ను సస్పెండ్ చేసే విధానం అమల్లోకి రావచ్చు. దీనికి సంబంధించి కేంద్ర ప్రభుత్వం కొత్త డ్రాఫ్ట్ నిబంధనలను ప్రవేశపెట్టింది. ఇంతకుముందు ట్రాఫిక్ నిబంధనలు ఉల్లంఘించిన వారిపై ఫైన్ విధించే వారు.
Advertisement

నిస్సాన్ మళ్లీ ఫామ్‌లోకి! Fy2024-25 ఆర్థిక సంవత్సరంలో సేల్స్ బ్రేకింగ్ రికార్డ్!

ప్రపంచ ప్రఖ్యాత కార్ల తయారీ సంస్థ నిస్సాన్(Nissan) గత కొంత కాలంగా బలమైన సేల్స్‌ను సాధిస్తుంది. ఇతర కంపెనీలకు ధీటుగా వేగంగా వరుసగా కొత్త కొత్త మోడళ్లను విడుదల చేస్తూ కస్టమర్లను తన వైపు తిప్పుకుంటుంది. తాజాగా నిస్సాన్ తన అమ్మకాలపై కీలక వివరాలు వెల్లడించింది. ఈ ఆర్థిక సంవత్సరంలో గణనీయమైన విక్రయాలు సాధించినట్టు ప్రకటించింది. గత ఏడు సంవత్సరాలో 2024-25 ఆర్థిక సంవత్సరంలోనే అత్యధిక యూనిట్ల అమ్మకాలు నమోదయ్యాయి. అంతకుముందు 2024-25లో మెరుగైన గణంకాలను సాధించింది. వాహన మార్కెట్లో కంపెనీల మధ్య విపరీతమైన పోటీ నెలకొంది. నువ్వా నేనా అన్నట్లుగా కస్టమర్లను ఆకట్టుకోవడానికి అదిరిపోయే డిజైన్స్, లేటెస్ట్ ప్రీమియం ఫీచర్స్‌తో కార్లను విడుదల చేస్తున్నాయి. ఈ క్రమంలో నిస్సాన్ వారిని ఆకట్టుకోవడంతో కొంత సక్సెస్ అయిందని చెప్పవచ్చు.

విడాకుల తర్వాత ధనశ్రీ వర్మ లగ్జరీ లైఫ్: మెర్సిడెస్ బెంజ్‌లో విమానాశ్రయానికి!

మనదేశంలో వివాహ బంధానికి ఎంతో ప్రాధాన్యత ఉంది. అందుకే ప్రపంచంలోని ఇతర దేశాలతో పోలిస్తే ఇక్కడ విడాకుల సంఖ్య చాలా తక్కువగా ఉంటుంది. కానీ, ఇటీవల కాలంలో విడాకులు కోరుతూ కోర్టుల మెట్లెక్కుతున్న వారి సంఖ్య పెరుగుతోంది. సామాజిక ఒత్తిళ్లను అధిగమించి, సంతోషం లేని బంధాల నుంచి బయటకు రావడానికి, ఆర్థిక స్వాతంత్ర్యం, మానసిక ఆరోగ్యంపై పెరుగుతున్న అవగాహన వంటి అనేక కారణాలు దోహదం చేస్తున్నాయని నిపుణులు చెబుతున్నారు.

హృతిక్ రోషన్‌కి ఇష్టమైన బైక్‌ను గత మూడు నెలలుగా ఎవరూ కొనలేదు

దేశీయ దిగ్గజ టూవీలర్ తయారీ కంపెనీ హీరో మోటోకార్ప్ భారత్‌లో బాగా ప్రసిద్ధి చెందిన సంస్థ. పేద, మధ్య తరగతి, ఉన్నత వర్గాలను దృష్టిలో పెట్టుకుని పలు టూవీలర్స్‌ను విడుదల చేస్తూ, హోండా, టీవీఎస్ వంటి ఇతర తయారీదారులకు గట్టి పోటీగా నిలుస్తుంది. తాజాగా హీరో తన ప్రసిద్ధ మోడల్ అయినటువంటి కరిజ్మా ఎక్స్‌ఎమ్‌ఆర్ 210 (karizma xmr 210)కు సంబంధించిన అమ్మకాల డేటా విడుదల అయింది. దీని ప్రకారం, వందలాది మోడళ్లతో భారతదేశాన్ని టూవీలర్ సెగ్మెంట్‌లో ఏలుతున్న హీరో కంపెనీ.. ఇప్పుడు తన ఒక ప్రధాన బైక్ మోడల్‌తో ఊహించని ఎదురుదెబ్బను ఎదుర్కొంటోంది. అంచనాలు పెట్టుకున్న హీరో కరిజ్మా 210 బైక్‌ కు ఆశించిన స్పందన రాకపోవడం, వాస్తవానికి మూడు నెలలుగా ఒక్క యూనిట్ కూడా అమ్ముడుపోకపోవడం గమనార్హం.

టయోటా నుంచి తక్కువ ధరలో అదిరిపోయే ఫీచర్లతో కొత్త ఈవీ

భారత ఎలక్ట్రిక్ వాహన(ఈవీ) మార్కెట్‌లోకి టయోటా తన తొలి అడుగు వేయడానికి రెడీ అవుతుంది. అర్బన్ క్రూజర్ బీఈవీ(BEV) పేరుతో ఎలక్ట్రిక్ కారును విడుదల చేయబోతుంది. ప్రియస్ కారు ద్వారా హైబ్రిడ్ టెక్నాలజీని 15ఏళ్ల క్రితమే పరిచయం చేసిన టొయోటా, ఇప్పుడు పూర్తిస్థాయి ఎలక్ట్రిక్ వాహనంతో సత్తా చాటాలని చూస్తోంది. ఈ కారు ఇప్పటికే గతేడాది డిసెంబర్‌లో యూరోప్‌లో విడుదలైంది. కొద్ది నెలల్లో ఇండియాలోకి రానుందని అంచనా వేస్తున్నారు.
Advertisement

ఏప్రిల్ 2025లో భారతీయ మార్కెట్‌లో విడుదల కానున్న మోడల్స్ ఇవే !

భారతీయ వాహనదారులను ఆకర్షించేందుకు ప్రముఖ ఆటోమొబైల్ తయారీదారులు ఏప్రిల్ 2025లో సరికొత్త కార్లను విడుదల చేసేందుకు రెడీ అవుతున్నాయి. ఈ నెలలో కొత్త కార్లతో పాటు ఇప్పటికే ఉన్న మోడళ్ల అప్‎డేటెడ్ వెర్షన్లు కూడా విడుదల కానున్నాయి. గత నెలల మాదిరిగానే, ఈ ఏప్రిల్‌లో కూడా దేశీయ ఫోర్ వీలర్ విభాగంలో సందడి నెలకొననుంది. ఈ ఏప్రిల్‌లో విడుదల కానున్న టాప్ 5 కార్ మోడల్స్ గురించి వివరంగా తెలుసుకుందాం.

CNG కారును ఇలా నడిపితే.. మైలేజ్ ఊహించనంత పెరుగుతుంది!

ఇండియాలో పెట్రోల్, డీజిల్ ధరలు ఆకాశాన్నంటుతుండడంతో, CNG కార్లు తిరిగి ట్రెండింగ్‌లోకి వచ్చాయి. తక్కువ ఖర్చుతో ఎక్కువ మైలేజ్ అందించే ఈ వాహనాలను ఎంతో మంది ఎంపిక చేసుకుంటున్నారు. అయితే ఈ కారును కొనుగోలు చేసిన చాలా మంది ఆ తర్వాత వాటిని సరిగ్గా నిర్వహించలేకపోతున్నారు. దీంతో దాని మైలేజ్ తగ్గడం, ఇంజిన్ పనితీరు దెబ్బతినడం వంటి ఇతర సమస్యలు ఎదురవుతుంటాయి. కాబట్టి సీఎన్‌జీ కార్లను కొనుగోలు చేసిన వారు తప్పనిసరిగా కొన్ని విషయాలను గుర్తుంచుకోవాల్సిన అవసరం ఉంది. మీరు కూడా ఈ కారును తమ వద్ద కలిగి ఉన్నట్లయితే ఇవే సమస్యలను ఎదుర్కొంటున్నట్లయితే, మేము చెప్పిన విషయాలను మీరు పాటించినట్లయితే మీ CNG కారు మెరుగైన మైలేజ్, పనితీరును అందిస్తుంది. అవెంటో కింది కథనంలో తెలుసుకుందాం.

టయోటా సంచలనం.. తక్కువ ధరలో ల్యాండ్ క్రూయిజర్.. గెట్ రెడీ బాయ్స్

మనదేశంలో SUV మార్కెట్‌లో టయోటా ఫార్చ్యూనర్‌కు ఉన్న డిమాండ్ అందరికీ తెలిసిందే. అయితే, అధిక ధర కారణంగా చాలా మంది కొనుగోలుదారులు దానిని కొనుగోలు చేయలేకపోతున్నారు. ఈ నేపథ్యంలో టయోటా సరికొత్త వ్యూహంతో ముందుకు వస్తోంది. అదేంటంటే, ఫార్చ్యూనర్‌కు మరింత సరసమైన ధరలో ఒక ప్రత్యామ్నాయాన్ని తీసుకురావాలని చూస్తుంది. ఈ కొత్త SUVనే టయోటా ల్యాండ్ క్రూయిజర్ FJ.

మంచి రేంజ్‌తో అదిరిపోయే కొత్త కార్! భారత మార్కెట్‌లోకి VinFast VF3 EV దూసుకొస్తోంది!

వియత్నాంకు చెందిన ప్రముఖ ఆటోమొబైల్ దిగ్గజం విన్‌ఫాస్ట్ (Vinfast) భారతీయ కార్ల మార్కెట్లో తన ముద్ర వేయడానికి సిద్ధమైంది. ఇంతకుముందు ప్రధానంగా వియత్నాం మార్కెట్‌కే పరిమితమైన ఈ బ్రాండ్, ఇప్పుడు భారత్ వంటి విస్తృత వినియోగదారులను లక్ష్యంగా పెట్టుకుంది. ఈ నేపథ్యంలో కొత్తగా పలు మోడళ్లను విడుదల చేయడానికి కీలకంగా దృష్టి సారించింది. దీనిలో భాగంగా ఈ ఏడాది జనవరిలో దేశ రాజధాని ఢిల్లీలో జరిగిన భారత్ మొబిలిటీ గ్లోబల్ ఎక్స్‌పో 2025 ఈవెంట్‌లో 'VF3' ఎలక్ట్రిక్ హ్యాచ్‌బ్యాక్ మోడల్‌ను ప్రపంచానికి పరిచయం చేసింది. చిన్నదైన, స్టైలిష్‌ లుక్‌తో, పూర్తిగా ఎలక్ట్రిక్ డ్రైవ్‌ట్రెయిన్‌తో వస్తున్న ఈ కారు, భారతీయ రహదారులపై విప్లవాత్మక మార్పుని తీసుకురాబోతోందని మార్కెట్ వర్గాలు అంచనా వేస్తున్నారు.
Advertisement

పోర్షే కార్లలో విప్లవాత్మక మార్పులు - ఇంటీరియర్‌లో సరికొత్త ఫీచర్లు, మరింత కనెక్టివిటీ!

లగ్జరీ కార్లలోకి అడుగుపెడితే మళ్లీ దిగాలనిపించదు. అంతేకాదు లెక్కలేనన్ని ఫీచర్లు లగ్జరీ వాహనాల్లో ఉంటాయి. వాహనాల్లో మార్పులు తీసుకురావడం అన్ని బ్రాండ్‌లు చేసేదే. 911, టేకాన్, పనామెరా, కయీన్ మోడళ్లలో కస్టమర్ల సౌలభ్యం, కనెక్టివిటీని మెరుగుపరచడానికి లక్ష్యంగా పెద్ద ఎత్తున సాంకేతిక మార్పులను ప్రవేశపెట్టాలని కంపెనీ యోచిస్తోంది. తాజా మోడళ్లలో మెరుగైన ఆడియో టెక్నాలజీతో పలు కీలక అప్ డేట్స్ అందిస్తోంది.