భారత టూవీలర్ మార్కెట్లో స్కూటర్ అంటే ముందుగా గుర్తుకు వచ్చే పేరు హోండా యాక్టివా (Honda Activa). ఈ పేరు వినగానే చాలా మందికి నమ్మకం, మైలేజ్ గుర్తుకు రావడం సహజం. కాలక్రమేణా యాక్టివా కేవలం ఒక వాహనం మాత్రమే కాకుండా, ప్రతి ఇంటి రోజువారీ జీవితంలో భాగమైపోయింది. నగరాల్లోనూ, గ్రామాల్లోనూ ఒకే రీతిలో ఆదరణ పొందుతూ, దేశంలోని నంబర్ వన్ స్కూటర్‌గా తన స్థానాన్ని దృఢంగా నిలబెట్టుకుంది. ఈ ప్రాచుర్యానికి తగినట్టుగానే యాక్టివా అమ్మకాలు కూడా నిరంతరం బలంగా కొనసాగుతున్నాయి. తాజాగా విడుదలైన గణాంకాలు చూస్తే, 2026 ఫిబ్రవరి నెలలో ఈ స్కూటర్ ఏకంగా 2,54,449 యూనిట్ల అమ్మకాలను నమోదు చేసింది.

భారతదేశంలో కార్ల మార్కెట్ ముఖచిత్రం వేగంగా మారిపోతోంది. ఒకప్పుడు ఆటోమేటిక్ కార్లు అంటే కేవలం ధనవంతులకు మాత్రమే పరిమితం అనే భావన ఉండేది. కానీ, నేడు ట్రాఫిక్ కష్టాలు పెరగడంతో మధ్యతరగతి ప్రజలు కూడా క్లచ్ తలనొప్పి లేని ఆటోమేటిక్ కార్ల వైపు మొగ్గు చూపుతున్నారు. ముఖ్యంగా ఎస్‌యూవీ (SUV) మోజు పెరగడంతో, తక్కువ ధరలో లభించే ఆటోమేటిక్ ఎస్‌యూవీలకు డిమాండ్ విపరీతంగా పెరిగింది. మరి ప్రస్తుతం ఇండియాలో అత్యంత తక్కువ ధరకు లభిస్తున్న టాప్-5 ఆటోమేటిక్ ఎస్‌యూవీలేంటో, వాటి ప్రత్యేకతలేంటో వివరంగా తెలుసుకుందాం.

దేశీయ టూవీలర్ రంగంలో తనకంటూ ప్రత్యేక గుర్తింపు సంపాదించుకున్న రాయల్ ఎన్‌ఫీల్డ్ (Royal Enfield) మరోసారి తన దూకుడు కొనసాగిస్తోంది. కేవలం క్లాసిక్ స్టైల్ బైకులు మాత్రమే కాకుండా, వినియోగదారుల నమ్మకాన్ని గెలుచుకున్న బ్రాండ్‌గా కూడా ఇది నిలుస్తోంది. ఈ నేపథ్యంలో అమ్మకాల పరంగా కొత్త రికార్డులు సృష్టిస్తూ ముందుకు సాగుతోంది. తాజాగా వెలువడిన గణాంకాల ప్రకారం, FY2026 ఆర్థిక సంవత్సరంలో మొదటి 11 నెలల కాలంలోనే రాయల్ ఎన్‌ఫీల్డ్ మొత్తం 10,06,937 యూనిట్ల బైకులను విక్రయించి అద్భుతమైన మైలురాయిని అందుకుంది. ఈ సంఖ్య కేవలం ఒక గణాంకం మాత్రమే కాదు, కంపెనీ మార్కెట్లో ఎంతటి పట్టు సాధించిందో తెలియజేసే బలమైన సూచిక.

ఎలక్ట్రిక్ టూ-వీలర్ రంగంలో సంచలనాలు సృష్టించే ఓలా ఎలక్ట్రిక్ (OLA Electric), మరోసారి కస్టమర్ల మైండ్ బ్లాక్ అయ్యే రేంజ్‌లో అదిరిపోయే ఆఫర్లను ప్రకటించింది. #EndICEAge పేరుతో మొదలుపెట్టిన ఈ కొత్త క్యాంపెయిన్ ద్వారా సామాన్యుడికి కూడా ఎలక్ట్రిక్ స్కూటర్ అందుబాటులోకి రావాలని ఓలా భావిస్తోంది. కేవలం రూ.49,999 ప్రారంభ ధరతోనే స్కూటర్లు, బైక్‌లను ఆఫర్ చేయడమే కాకుండా.. ఏకంగా రూ.50,000 వరకు బెనిఫిట్స్ అందిస్తూ మార్కెట్‌ను షేక్ చేస్తోంది. ఈ ఆఫర్ కేవలం మార్చి 31 వరకు మాత్రమే అందుబాటులో ఉండనుంది.

భారతీయుల రోజువారీ ప్రయాణాల్లో నమ్మకమైన భాగస్వామిగా నిలిచిన బైక్‌లలో బజాజ్ ప్లాటినా (Bajaj Platina) ఒకటి. మంచి మైలేజ్, తక్కువ నిర్వహణ ఖర్చులు, సరసమైన ధర ఈ మూడు అంశాలు కలిపి ఈ బైక్‌ను నగరాల్లోనే కాకుండా చిన్న పట్టణాలు, గ్రామీణ ప్రాంతాల్లో కూడా విపరీతంగా ప్రాచుర్యం పొందేలా చేశాయి. ఉద్యోగాలకు వెళ్లే వారు, చిన్న వ్యాపారులు, గ్రామాల్లో రోజువారీ పనులు చూసుకునే వారు.. ఇలా విభిన్న వర్గాల ప్రజలకు ఇది ఎంతో ఉపయోగకరంగా మారింది. ప్రస్తుతం పెట్రోల్ ధరలు పెరుగుతున్న పరిస్థితుల్లో, ఖర్చులను తగ్గించుకోవాలని చూస్తున్న వారికి ఈ బైక్ మరింత ఆకర్షణీయంగా మారుతోంది. తక్కువ ఇంధనంతో ఎక్కువ దూరం ప్రయాణించే సామర్థ్యం ఉండటంతో, చాలా మంది కొత్తగా బైక్ కొనాలనుకున్నప్పుడు ప్లాటినానే ఎంపికగా తీసుకుంటున్నారు.

ఇటీవలి కాలంలో భారత ఆటోమొబైల్ మార్కెట్లో ఒక స్పష్టమైన ట్రెండ్ కనిపిస్తోంది, అదే ఫేస్‌లిఫ్ట్ మోడళ్ల వరద. కొత్త కారు కొనాలనుకునే వినియోగదారుల అభిరుచులు వేగంగా మారుతున్న నేపథ్యంలో, తయారీదారులు కూడా తమ ఇప్పటికే ఉన్న మోడళ్లను మరింత స్టైలిష్‌గా, టెక్నాలజీ పరంగా అప్‌డేట్ చేస్తూ మళ్లీ మార్కెట్లోకి తీసుకువస్తున్నారు. ఈ ట్రెండ్‌లో భాగంగానే ఇటీవల స్కోడా కుషాక్ (Skoda Kushaq) ఫేస్‌లిఫ్ట్ వెర్షన్ విడుదలై మంచి స్పందనను అందుకుంది. ఇదే విధానాన్ని కొనసాగిస్తూ ఇప్పుడు ఫోక్స్‌వ్యాగన్ (Volkswagen) కూడా తన ప్రాచుర్యం పొందిన మిడ్-సైజ్ SUV అయిన టైగన్ (Taigun) ఫేస్‌లిఫ్ట్ వెర్షన్‌ను భారత మార్కెట్లోకి తీసుకురావడానికి సిద్ధమవుతోంది.

మధ్యప్రాచ్యంలో ముదురుతున్న యుద్ధ జ్వాలలు సామాన్యుడి జేబుకు చిల్లు పెడుతున్నాయి. ఇరాన్‌పై అమెరికా, ఇజ్రాయెల్ జరిపిన సైనిక దాడుల నేపథ్యంలో అంతర్జాతీయంగా ముడిచమురు ధరలు ఆకాశాన్ని తాకాయి. ఈ భారాన్ని తట్టుకోలేక దేశీయ అతిపెద్ద ప్రైవేట్ ఇంధన విక్రయ సంస్థ నయారా ఎనర్జీ (Nayara Energy) కీలక నిర్ణయం తీసుకుంది. పెట్రోల్, డీజిల్ ధరలను భారీగా పెంచుతూ గురువారం (మార్చి 26, 2026) ప్రకటన చేసింది.

Tata Sierra : భారతీయ ఆటోమొబైల్ రంగంలో టాటా మోటార్స్ సృష్టించిన ప్రభంజనం అంతా ఇంతా కాదు. పాత జ్ఞాపకాలను సరికొత్త హంగులతో వెండితెరపైకి తెచ్చినట్లుగా, టాటా సియెర్రా (Tata Sierra) ఎస్‌యూవీని మార్కెట్లోకి తెచ్చి కస్టమర్లను మంత్రముగ్ధులను చేస్తోంది. తాజాగా గుజరాత్‌లో జరిగిన ఒక సంఘటన టాటా సియెర్రాకు ఉన్న క్రేజ్‌ను అద్దం పడుతోంది. అహ్మదాబాద్‌లోని ఒక టాటా డీలర్ కేవలం ఒక్క రోజులోనే ఏకంగా 101 సియెర్రా ఎస్‌యూవీలను కస్టమర్లకు డెలివరీ చేసి రికార్డు సృష్టించారు. ఈ భారీ డెలివరీ కార్యక్రమానికి సంబంధించిన వీడియోను టాటా మోటార్స్ స్వయంగా తన అధికారిక యూట్యూబ్ ఛానల్‌లో షేర్ చేయడంతో అది కాస్తా వైరల్‌గా మారింది. గుజరాత్‌లోని అహ్మదాబాద్ నగరంలో ఉన్న టాటా డీలర్‌షిప్ వద్ద పండుగ వాతావరణం నెలకొంది. తమ అభిమాన ఎస్‌యూవీ కోసం నెలల తరబడి వేచి చూసిన కస్టమర్లకు ఒకేసారి సర్ ప్రైజ్ ఇవ్వాలని డీలర్ నిర్ణయించారు. దీనికోసం ప్రత్యేకంగా ఒక వేడుకను ఏర్పాటు చేసి, ఏకకాలంలో 101 టాటా సియెర్రా కార్లను డెలివరీ చేశారు. వరుసగా నిలబెట్టిన తెల్లటి, బూడిద రంగు సియెర్రాల మధ్య కస్టమర్లు తమ కుటుంబ సభ్యులతో కలిసి వచ్చి కార్ల తాళాలను అందుకున్నారు. ఈ దృశ్యం అద్భుతంగా ఉండటంతో టాటా మోటార్స్ కూడా దీనిని గర్వంగా సోషల్ మీడియాలో పంచుకుంది. కేవలం అహ్మదాబాద్‌లోనే కాకుండా, గత వారం మధ్యప్రదేశ్ డీలర్ కూడా ఇలాగే వందకు పైగా కార్లను డెలివరీ చేయడం విశేషం. గత ఏడాది నవంబర్‌లో లాంచ్ అయిన టాటా సియెర్రాకు బుకింగ్‌లు వెల్లువెత్తుతున్నాయి. జనవరి 2026 నుంచి డెలివరీలను ప్రారంభించిన టాటా మోటార్స్, కేవలం మూడు నెలల వ్యవధిలోనే సుమారు 14,000 యూనిట్లను కస్టమర్ల చేతిలో పెట్టింది. పాతసియెర్రా మోడల్‌కు ఉన్న సెంటిమెంట్‌కు తోడు, ఆధునిక టెక్నాలజీని జోడించడంతో యువత కూడా ఈ కారు వైపు మొగ్గు చూపుతోంది. ప్రస్తుతం మార్కెట్లో ఉన్న డిమాండ్ కారణంగా ఈ ఎస్‌యూవీకి వెయిటింగ్ పీరియడ్ కూడా గణనీయంగా పెరిగింది. అయినా సరే, కస్టమర్లు దీని కోసమే వేచి చూడటం విశేషం.

భారతీయ యువతలో స్టైలిష్ లుక్, మస్క్యులర్ డిజైన్, స్మూత్ రైడింగ్ అనుభవంతో ప్రత్యేక గుర్తింపు సంపాదించుకున్న బైక్‌లలో యమహా ఎఫ్‌జెడ్ (Yamaha FZ) ఒకటి. నగర రోడ్లపై యువత ఎక్కువగా ఎంచుకునే ఈ బైక్, ఇటీవలి కాలంలో మళ్లీ తన సేల్స్ గ్రాఫ్‌ను గట్టిగా పెంచుకుంటూ మార్కెట్లో తన స్థానం బలపరుస్తోంది. దానికి తాజా ఉదాహరణగా 2026 ఫిబ్రవరి అమ్మకాల గణాంకాలు నిలిచాయి. ఈ ఒక్క నెలలోనే దేశవ్యాప్తంగా మొత్తం 16,852 యూనిట్లు అమ్ముడవడం గమనార్హం. ఇది కేవలం ఒక సంఖ్య మాత్రమే కాదు, యమహా FZ పై వినియోగదారుల నమ్మకం మళ్లీ పెరుగుతోందనే సంకేతం. ముఖ్యంగా గత ఏడాది ఇదే కాలాన్ని తీసుకుంటే, పరిస్థితి ఎంత మారిందో స్పష్టంగా తెలుస్తుంది.

భారతదేశ ఆటోమొబైల్ దిగ్గజం మారుతీ సుజుకీ సరికొత్త రికార్డులను సృష్టిస్తోంది. కేవలం కార్ల అమ్మకాల్లోనే కాకుండా, వాటిని కస్టమర్ల వద్దకు చేరవేసే లాజిస్టిక్స్ విధానంలో కూడా ఈ సంస్థ విప్లవాత్మక మార్పులు చేస్తోంది. హర్యానాలోని మారుతీ సుజుకీకి చెందిన మానేసర్ ఇన్-ప్లాంట్ రైల్వే సైడింగ్ కార్యకలాపాలు ప్రారంభించిన కేవలం 9 నెలల వ్యవధిలోనే ఒక లక్ష వాహనాలను రైళ్ల ద్వారా డిస్పాచ్ చేసి అరుదైన మైలురాయిని చేరుకుంది. ఇది కేవలం వ్యాపార పరంగానే కాకుండా, పర్యావరణ పరిరక్షణలో కూడా పెద్ద విజయం అని చెప్పాలి.

భారతీయుల దైనందిన జీవితంలో విడదీయరాని భాగంగా మారిపోయిన బైక్‌లలో ఒకటి హీరో స్పెండ్లర్ (Hero Splendor). సాధారణ ప్రజల అవసరాలను దృష్టిలో పెట్టుకుని రూపొందించబడిన ఈ బైక్, జాతీయ బైక్ అన్న పేరు తెచ్చుకోవడం యాదృచ్ఛికం కాదు. తక్కువ ఖర్చుతో ఎక్కువ మైలేజ్, సింపుల్ మెయింటెనెన్స్, నమ్మకమైన పనితీరు ఈ మూడు లక్షణాలు స్ప్లెండర్‌ను కోట్లాది భారతీయుల మొదటి ఎంపికగా నిలబెట్టాయి. ఇప్పటికీ అదే ట్రెండ్ కొనసాగుతోంది. ముఖ్యంగా 2026 ఫిబ్రవరిలో ఈ బైక్ నమోదు చేసిన అమ్మకాలు చూస్తే, స్ప్లెండర్ ప్రభావం ఎంత గొప్పదో స్పష్టంగా అర్థమవుతుంది. కేవలం ఒక్క నెలలోనే దేశవ్యాప్తంగా 3,21,952 యూనిట్లు అమ్ముడవడం చిన్న విషయం కాదు. అంటే ప్రతి రోజు సగటున 10,700కు పైగా బైక్‌లు రోడ్డెక్కుతున్నాయంటే, ఇది ఒక రికార్డ్ స్థాయి డిమాండ్‌గా చెప్పాలి.

వియత్నాంకు చెందిన ప్రముఖ ఎలక్ట్రిక్ వాహనాల దిగ్గజం విన్‌ఫాస్ట్ (VinFast) భారత మార్కెట్‌లోకి అత్యంత వ్యూహాత్మకంగా అడుగుపెడుతోంది. కేవలం కార్లను అమ్మి వెళ్ళిపోవడానికి కాకుండా, ఇక్కడ ఒక భారీ సామ్రాజ్యాన్ని నిర్మించడమే లక్ష్యంగా ఈ సంస్థ అడుగులు వేస్తోంది. ఇటీవల డ్రైవ్‌స్పార్క్ రివ్యూస్ ఎడిటర్ ప్రోమీత్ ఘోష్ వియత్నాంలోని విన్‌ఫాస్ట్ ప్రధాన తయారీ కేంద్రమైన హై ఫాంగ్‎ను సందర్శించారు. అక్కడ ఆయన చూసిన రోబోటిక్ టెక్నాలజీ, అత్యాధునిక తయారీ విధానం విన్‌ఫాస్ట్ అంతర్జాతీయ స్థాయిని చాటి చెబుతున్నాయి. సుమారు 1,200 ఎకరాల్లో విస్తరించి ఉన్న ఈ ప్లాంట్‌ను కేవలం 21 నెలల్లోనే నిర్మించారంటే, ఆ సంస్థ వేగం, పట్టుదల ఏంటో అర్థం చేసుకోవచ్చు.

భారతీయ SUV మార్కెట్లో ఒకప్పుడు తనకంటూ ప్రత్యేక స్థానం సంపాదించుకున్న రెనాల్ట్ డస్టర్ (Renault Duster), కొంతకాలం విరామం తర్వాత మళ్లీ కొత్త అవతారంలో ఎంట్రీ ఇచ్చింది. ఈసారి మరింత ఆధునిక డిజైన్, శక్తివంతమైన ఇంజిన్ ఆప్షన్లు, మెరుగైన మైలేజీతో SUV ప్రియుల మనసు గెలుచుకునేలా తిరిగి వచ్చింది. ప్రారంభ ధరను రూ. 10.49 లక్షలుగా నిర్ణయించిన కంపెనీ, ప్రత్యేకంగా ఆర్-పాస్ ద్వారా బుక్ చేసుకునే వారికి రూ. 10.29 లక్షలకే అందిస్తామని ప్రకటించడం మరింత ఆకర్షణగా మారింది. కొత్త డస్టర్‌లో డీజిల్ ఇంజిన్‌కు పూర్తిగా గుడ్‌బై చెప్పి, పూర్తిగా పెట్రోల్ ఇంజిన్‌లపై దృష్టి పెట్టింది Renault. ప్రస్తుతం ఇది రెండు పెట్రోల్ ఇంజన్ ఆప్షన్లతో అందుబాటులోకి వచ్చింది. ఒకటి 1-లీటర్ టర్బో పెట్రోల్ ఇంజన్ కాగా, మరొకటి 1.3-లీటర్ టర్బో పెట్రోల్ ఇంజన్.

టాటా మోటార్స్ ఎంతో ప్రతిష్టాత్మకంగా పునఃప్రారంభించిన టాటా సియెర్రా(Tata Sierra) ప్రస్తుతం ఇండియన్ ఆటోమొబైల్ మార్కెట్‌లో సెన్సేషన్ సృష్టిస్తోంది. 2025 నవంబర్‌లో గ్రాండ్‌గా లాంచ్ అయిన ఈ ఎస్‌యూవీ మైలేజీకి సంబంధించి ఇప్పటివరకు కంపెనీ అధికారికంగా ఎలాంటి గణాంకాలు వెల్లడించలేదు. అయితే, తాజాగా ఒక ఆర్‌టీఐ (RTI) ద్వారా ఏఆర్‌ఏఐ (ARAI) సర్టిఫైడ్ మైలేజ్ వివరాలు బయటకు వచ్చాయి. ఈ వివరాల ప్రకారం పెట్రోల్ వేరియంట్ కంటే డీజిల్ వేరియంట్ మైలేజీ పరంగా అదరగొడుతోందని తెలుస్తోంది. టర్బో పెట్రోల్ ఇంజిన్ మాత్రం ఆశించిన స్థాయిలో మైలేజీ ఇవ్వడం లేదన్న చర్చ నడుస్తోంది.

భారతదేశంలో ఎలక్ట్రిక్ వాహనాలపై ఆసక్తి రోజురోజుకూ పెరుగుతున్న సమయంలో, బజాజ్ చేతక్ ఎలక్ట్రిక్ (Bajaj Chetak) తన ప్రత్యేక గుర్తింపుతో ముందుకు దూసుకుపోతోంది. క్లాసిక్ డిజైన్‌ను ఆధునిక టెక్నాలజీతో మేళవించిన ఈ స్కూటర్, వినియోగదారుల హృదయాలను గెలుచుకుంటూ, మార్కెట్లో స్థిరమైన డిమాండ్‌ను కొనసాగిస్తోంది. ఫిబ్రవరి 2026 అమ్మకాల గణాంకాలను పరిశీలిస్తే, చేతక్ పనితీరు ఎంత బలంగా ఉందో స్పష్టంగా తెలుస్తుంది. ఆ నెలలో మొత్తం 28,004 యూనిట్లు అమ్ముడవడం ఒక పెద్ద విజయంగా చెప్పుకోవచ్చు. ఇదే సమయంలో గత సంవత్సరం ఫిబ్రవరి 2025లో 21,240 యూనిట్లు మాత్రమే అమ్ముడయ్యాయి. అంటే కేవలం ఒక ఏడాదిలోనే 6,764 యూనిట్ల అదనపు అమ్మకాలు నమోదయ్యాయి.

క్రికెట్ పండుగలా భావించే ఐపీఎల్ 2026 (IPL 2026) ప్రారంభానికి ముందు నుంచే దేశవ్యాప్తంగా ఉత్సాహం పెరిగిపోతుంది. ఇదే వేళ, అభిమానుల ఆ ఎగ్జైట్‌మెంట్‌ను మరోస్థాయికి తీసుకెళ్లేందుకు హీరో మోటోకార్ప్ (Hero MotoCorp) ఒక ఆసక్తికరమైన అడుగు వేసింది. ప్రపంచంలోనే అతిపెద్ద ద్విచక్ర వాహన తయారీ సంస్థగా గుర్తింపు పొందిన ఈ కంపెనీ, క్రికెట్, ఎలక్ట్రిక్ మొబిలిటీని కలిపి ఒక కొత్త అనుభవాన్ని అందించేందుకు సిద్ధమైంది. ఈ క్రమంలో, కోల్‌కతా నైట్‌ రైడర్స్‌ (Kolkata Knight Riders) అభిమానుల కోసం ప్రత్యేకంగా రూపొందించిన ఒక లిమిటెడ్ ఎడిషన్ ఎలక్ట్రిక్ స్కూటర్‌ను పరిచయం చేయబోతోంది, అదే హీరో విడా వీఎక్స్‌2 ప్లస్ నైట్ ఎడిషన్ (Hero Vida VX2 Plus Night Edition).

కరోనా తరువాత కాలంలో ప్రజల జీవనశైలిలో వచ్చిన మార్పులు ఆటోమొబైల్ మార్కెట్‌పైనా స్పష్టంగా కనిపిస్తున్నాయి. ముఖ్యంగా కుటుంబంతో కలిసి ప్రయాణాలు చేసే ట్రెండ్ పెరగడంతో, ఎక్కువ సీటింగ్ సామర్థ్యం ఉన్న వాహనాలపై డిమాండ్ గణనీయంగా పెరిగింది. ఈ నేపథ్యంలో ఎంపీవీ (Multi Purpose Vehicle) సెగ్మెంట్ మళ్లీ బలంగా నిలబడుతూ, కుటుంబ అవసరాలకు సరిపోయే ప్రాక్టికల్ ఆప్షన్‌గా మారింది. ఒకప్పుడు SUVల హవా ఎక్కువగా ఉన్నప్పటికీ, ఇప్పుడు పెద్ద కుటుంబాల కోసం సౌకర్యవంతమైన సీటింగ్, ఎక్కువ లెగ్‌రూమ్, ప్రయాణంలో సౌలభ్యం వంటి అంశాలు ప్రధానంగా మారాయి. ఇవన్నీ కలిపి ఎంపీవీ కార్లను మళ్లీ ముందుకు తీసుకువచ్చాయి. నగరాల్లోనూ, గ్రామీణ ప్రాంతాల్లోనూ ఒకే విధంగా ఉపయోగపడే ఈ వాహనాలు ఇప్పుడు చాలా మందికి ఫస్ట్ ఛాయిస్‌గా మారుతున్నాయి.

గ్లోబల్ ఎలక్ట్రిక్ వాహన మార్కెట్లో తనదైన ముద్ర వేస్తున్న దక్షిణ కొరియా దిగ్గజం కియా (Kia), మధ్యతరగతి ప్రజలకు అందుబాటులో ఉండేలా సరికొత్త ఎలక్ట్రిక్ కారు కియా EV2 (Kia EV2) ను అధికారికంగా లాంచ్ చేసింది. ఈ ఏడాది ప్రారంభంలో జనవరిలో యూరప్ మార్కెట్ కోసం దీనిని ప్రదర్శించిన కియా, ఇప్పుడు దీని ధరలు, వేరియంట్లను వెల్లడించింది. విలాసవంతమైన ఇంటీరియర్, అత్యాధునిక ఫీచర్లు, ఏకంగా 453 కిలోమీటర్ల భారీ రేంజ్ ఇవ్వడం ఈ కారు స్పెషాలిటీ. జర్మనీతో సహా పలు యూరోపియన్ దేశాల్లో ఇప్పటికే దీని బుకింగ్స్ షురూ అయ్యాయి. కియా సంస్థ నుంచి వస్తున్న అత్యంత చౌకైన ఎలక్ట్రిక్ కారుగా EV2 రికార్డు సృష్టించబోతోంది.

భారత టూవీలర్ మార్కెట్‌లో స్టైల్, పనితీరు, ధర అన్నీ కలిపి ఒకే ప్యాకేజ్‌గా అందించే బైక్‌లలో రాయల్ ఎన్‌ఫీల్గ్ హంటర్ 350 (Royal Enfield Hunter 350) ఒక ప్రత్యేక స్థానం సంపాదించుకుంది. ముఖ్యంగా యువతలో ఈ బైక్‌కు ఉన్న క్రేజ్ రోజురోజుకూ పెరుగుతోంది. రాయల్ ఎన్‌ఫీల్డ్ బ్రాండ్‌కు చెందిన ఇతర మోడళ్లతో పోలిస్తే, హంటర్ 350 అత్యంత సరసమైన ధరలో అందుబాటులో ఉండటం దీనికి పెద్ద ప్లస్ పాయింట్‌గా మారింది. ఈ అందుబాటు ధరే కాదు, దానికి తోడు నగర వినియోగానికి సరిపోయే లైట్‌వెయిట్ డిజైన్, సులభమైన హ్యాండ్లింగ్, క్లాసిక్ లుక్ కలిసి హంటర్ 350ను విభిన్న వయసు గల వినియోగదారులకు ఆకర్షణీయంగా మార్చాయి. అందుకే ఈ బైక్ మార్కెట్లోకి వచ్చినప్పటి నుంచి ప్రతి నెలా మంచి అమ్మకాలను నమోదు చేస్తూ వస్తోంది.

ప్రపంచవ్యాప్తంగా లగ్జరీ స్కూటర్లకు కేరాఫ్ అడ్రస్ అయిన ఇటాలియన్ బ్రాండ్ వెస్పా (Vespa), తన పాపులర్ మోడళ్లయిన ప్రైమావేరా (Primavera), స్ప్రింట్ ఎస్ (Sprint S) శ్రేణిని 2026 సంవత్సరానికి గానూ సరికొత్త హంగులతో అప్‌డేట్ చేసింది. స్టైల్‌కు మారుపేరుగా నిలిచే ఈ స్కూటర్లలో ఈసారి కేవలం రంగులు మార్చడమే కాకుండా, సేఫ్టీ (Safety), సౌకర్యం (Convenience), అధునాతన సాంకేతికత (Technology) కలగలిపి అదిరిపోయే అప్‌గ్రేడ్స్ ఇచ్చింది. ప్రస్తుతం విదేశీ మార్కెట్లలో లాంచ్ అయిన ఈ మోడళ్లు త్వరలోనే భారత రోడ్లపై కూడా మెరిసే అవకాశం ఉంది. పియాజియో (Piaggio) సంస్థ ఆధ్వర్యంలో తయారయ్యే ఈ స్కూటర్ల విశేషాలేంటో వివరంగా తెలుసుకుందాం.

భారతదేశంలో ఎలక్ట్రిక్ స్కూటర్ మార్కెట్ వేగంగా ఎదుగుతున్న సమయంలో, టీవీఎస్ మోటార్ కంపెనీ (TVS Motor Company) తీసుకొచ్చిన టీవీఎస్ ఐక్యూబ్ (TVS iQube) ఒక ప్రత్యేక స్థానం సంపాదించుకుంది. సాధారణంగా ఎలక్ట్రిక్ వాహనాలు అంటే కొత్త టెక్నాలజీ, అనుమానాలు, పరిమిత వినియోగం అనే భావనలు ఉండేవి. కానీ iQube వచ్చాక ఆ అభిప్రాయాలు చాలా వరకు మారిపోయాయి. ఇది కేవలం ఒక స్కూటర్‌గా కాకుండా, రోజువారీ జీవితంలో భాగమైపోయే సౌకర్యవంతమైన ప్రయాణ సాధనంగా మారింది. 2020 జనవరిలో ప్రారంభమైన ఈ ఎలక్ట్రిక్ స్కూటర్, నెమ్మదిగా కానీ స్థిరంగా వినియోగదారుల నమ్మకాన్ని గెలుచుకుంటూ వచ్చింది. మొదట్లో కొన్ని నగరాలకే పరిమితమైన ఈ వాహనం, ప్రస్తుతం దేశవ్యాప్తంగా విస్తరించి, భారీ స్థాయిలో అమ్మకాల్ని నమోదు చేసింది.

భారత ఆటోమొబైల్ మార్కెట్లో కియా (Kia) సంస్థకు ఒక ప్రత్యేకమైన క్రేజ్ ఉంది. సెల్టోస్, సోనెట్ వంటి మోడళ్లతో దేశీ మార్కెట్‌ను ఊపేసిన ఈ కొరియన్ కార్ల దిగ్గజానికి ఇప్పుడు ఒక కొత్త చిక్కు వచ్చి పడింది. ఎంతో ఆశగా, వినూత్నమైన డిజైన్‌తో లాంచ్ చేసిన కియా సైరోస్ (Kia Syros) కాంపాక్ట్ ఎస్‌యూవీ అమ్మకాల విషయంలో ఘోరంగా వెనుకబడిపోతుంది. 2026 ఫిబ్రవరి నెలలో ఈ కారు సేల్స్ గణాంకాలు చూస్తుంటే కంపెనీ మేనేజ్‌మెంట్‌కు చెమటలు పడుతున్నాయి. ఫీచర్లు అదిరిపోయినా, లుక్స్ విషయంలో మాత్రం కస్టమర్లను మెప్పించలేకపోతోందా? అసలు సైరోస్ ఎందుకు ఫెయిల్ అవుతోందో తెలుసుకుందాం.

దేశంలోనే అతిపెద్ద ఆటోమొబైల్ తయారీ సంస్థ అయిన మారుతి సుజుకి (Maruti Suzuki), ఎలక్ట్రిక్ వాహనాల రంగంలోకి తన మొదటి అడుగును ధైర్యంగా వేసింది. ఎంతోకాలంగా ఎదురుచూస్తున్న తన ఎలక్ట్రిక్ ఎస్‌యూవీ ఇ-విటారా (e-vitara)ను మార్కెట్లోకి తీసుకువచ్చి, ఒక్కసారిగా అందరి దృష్టిని ఆకర్షించింది. ముఖ్యంగా 2026 ఫిబ్రవరి 17న ఈ వాహనం విడుదలైన వెంటనే, ఇది కేవలం మరో కొత్త కారు కాదని, మారుతి నుంచి వచ్చిన గేమ్ ఛేంజర్ అని చెప్పేలా మారింది. ఈ ఇ-విటారా ప్రత్యేకతలలో ప్రధానంగా చెప్పుకోవాల్సింది దీని ధర. బ్యాటరీ-యాజ్-ఎ-సర్వీస్ (BaaS) మోడల్ కింద ప్రారంభ ధరను కేవలం రూ. 10.99 లక్షలుగా నిర్ణయించడం ద్వారా, ఎలక్ట్రిక్ కార్ల మార్కెట్లో కొత్త ట్రెండ్‌కు శ్రీకారం చుట్టింది.

భారతదేశ ఆటోమొబైల్ రంగంలో ఇప్పుడు ఇథనాల్ (Ethanol) ఒక హాట్ టాపిక్‌గా మారింది. పెట్రోల్‌లో 20 శాతం ఇథనాల్ కలిపిన E20 ఇంధనం ఇప్పటికే మార్కెట్లోకి అందుబాటులోకి వచ్చింది. అయితే, ఈ ఇంధనం వాడకం వల్ల వాహనదారులు ఎదుర్కొంటున్న ఇబ్బందులు అన్నీ ఇన్నీ కావు. పాత వాహనాల్లో ఇంజిన్ లైఫ్ తగ్గిపోతోందని, మైలేజీ దారుణంగా పడిపోతోందని సోషల్ మీడియా వేదికగా ఫిర్యాదులు వెల్లువెత్తుతున్నాయి. ఇలాంటి గందరగోళ పరిస్థితుల మధ్య, ఇప్పుడు E30 (30% ఇథనాల్) వైపు అడుగులు వేయాలని ఆల్ ఇండియా డిస్టిల్లర్స్ అసోసియేషన్ (AIDA) కేంద్ర ప్రభుత్వానికి ప్రతిపాదించడం దేశవ్యాప్తంగా పెను సంచలనంగా మారింది. అసలు ఈ E30 వెనుక ఉన్న కథాకమీమామిషు ఏంటో వివరంగా తెలుసుకుందాం.

ఒకప్పుడు కారు కొనేటప్పుడు కేవలం మైలేజీ, తక్కువ ధర మాత్రమే చూసేవారు. కానీ, ఇప్పుడు కాలం మారింది. రోడ్డు ప్రమాదాల భయం పెరగడంతో, ప్రాణాలకు రక్షణ ఇచ్చే సేఫ్టీ ఫీచర్లకు జనం పెద్దపీట వేస్తున్నారు. కారు బాడీ ఎంత బలంగా ఉంటే అంత సురక్షితం అనే నమ్మకం పెరిగింది. అందుకే మన దేశంలో తయారవుతున్న కార్లు కూడా ఇప్పుడు అంతర్జాతీయ ప్రమాణాలకు తగ్గట్లుగా లోహపు కోటల మాదిరిగా వస్తున్నాయి. ముఖ్యంగా 10 లక్షల రూపాయల కంటే తక్కువ బడ్జెట్‌లోనే గ్లోబల్ ఎన్‌క్యాప్ (Global NCAP) లేదా బి-ఎన్‌క్యాప్ (BNCAP) నుంచి 5-స్టార్ సేఫ్టీ రేటింగ్ అందుకున్న టాప్-5 కార్లు మార్కెట్లో సందడి చేస్తున్నాయి. ఆ అదిరిపోయే కార్ల వివరాలు తెలుసుకుందాం.