భారతదేశ ఆటోమొబైల్ మార్కెట్లో పెద్ద కుటుంబాల కోసం 7 సీటర్ కార్లకు ఎప్పుడూ డిమాండ్ ఎక్కువగానే ఉంటుంది. అయితే బడ్జెట్ పరిమితుల వల్ల చాలా మంది వీటిని కొనలేకపోతుంటారు. అలాంటి వారి కోసం దేశంలోనే అత్యంత చౌకైన, తిరుగులేని మైలేజ్ ఇచ్చే ఏడు సీట్ల సిఎన్‌జి కారు ఒకటి మార్కెట్‌ను శాసిస్తోంది. కేవలం రూ.6.36 లక్షల ప్రారంభ ధరతో, లీటరుకు 27 కిలోమీటర్ల కంటే ఎక్కువ మైలేజ్ ఇస్తూ, సరికొత్త భద్రతా ఫీచర్లతో దూసుకుపోతున్న ఆ సూపర్ హిట్ కారు విశేషాలు తెలుసుకుందాం. భారతదేశంలో 7 సీటర్ కార్ల విభాగంలో రెనాల్ట్ ట్రైబర్, నిస్సాన్ గ్రావైట్ వంటి కార్లు తక్కువ ధరలో అందుబాటులో ఉన్నప్పటికీ, వాటి ప్రారంభ ధరలు రూ.5.65 లక్షల నుంచి ఉన్నాయి. ఇక అందరికీ ఇష్టమైన మారుతి ఎర్టిగా కారు కొనాలంటే కనీసం రూ.8.80 లక్షలు ఖర్చు పెట్టాలి. కానీ వీటన్నిటికంటే సగం ధరలోనే లభిస్తూ, సామాన్యుడి సొంత ఇంటి కారు కలని నిజం చేస్తోంది మారుతి ఈకో.

ఇండియాలో సామాన్య ప్రజల కార్ కలను నిజం చేసిన కంపెనీల్లో మారుతి సుజుకి (Maruti Suzuki) పేరు ముందువరుసలో ఉంటుంది. తక్కువ బడ్జెట్‌తో మంచి మైలేజ్, తక్కువ మెయింటెనెన్స్ ఖర్చులు, సులభమైన సర్వీస్ నెట్‌వర్క్ కారణంగా గ్రామాల నుంచి నగరాల వరకు కోట్లాది మంది మారుతి కార్లను నమ్మకంగా కొనుగోలు చేస్తున్నారు. ముఖ్యంగా మధ్యతరగతి కుటుంబాలకు, మొదటిసారి కారు కొనాలనుకునే వారికి మారుతి ఎప్పుడూ తొలి ఎంపికగానే నిలిచింది. అయితే ఇప్పుడు అదే కంపెనీ తీసుకున్న తాజా నిర్ణయం కార్ కొనాలని ప్లాన్ చేస్తున్న వారిపై అదనపు భారం మోపేలా కనిపిస్తోంది. ఇప్పటి వరకు అందుబాటు ధరల్లో లభించిన మారుతి కార్లు ఇకపై మరింత ఖరీదయ్యే అవకాశాలు కనిపిస్తున్నాయి.

మధ్య తరగతి ప్రజలకు తమ సొంత కారు కలను నిజం చేయడానికి ప్రముఖ వాహన తయారీ సంస్థ బజాజ్ ఆటో సరికొత్త సంచలనానికి తెరలేపింది. భారతీయ మార్కెట్లోకి అత్యంత చౌకైన ఎలక్ట్రిక్ కారును ప్రవేశపెట్టేందుకు అన్ని ఏర్పాట్లు పూర్తి చేసింది. బజాజ్ క్యూట్ ఈవీ (Bajaj Qute EV) పేరుతో రాబోతున్న ఈ చిన్న కారు ధర, ఫీచర్లు ఇప్పుడు సోషల్ మీడియాలో విపరీతంగా వైరల్ అవుతున్నాయి.

భారతదేశ టూ వీలర్ మార్కెట్లో హాట్ కేకుల్లా అమ్ముడపోయే పల్సర్ బైకుల్లో బజాజ్ ఆటో సంస్థ ఒక సరికొత్త సంచలనానికి తెరలేపింది. తన పాపులర్ మోడల్ పల్సర్ N160 (Bajaj Pulsar N160) రేంజ్‌లో సరికొత్త ప్రీమియం వేరియంట్‌ను మార్కెట్లోకి తీసుకొచ్చింది. ఈ కొత్త వేరియంట్ ప్రారంభ ఎక్స్-షోరూమ్ ధరను రూ.1.22 లక్షలుగా (ఇంట్రడక్టరీ ప్రైస్) నిర్ణయించారు. ఇన్నాళ్లూ భారీ రేసింగ్ బైకులకు మాత్రమే పరిమితమైన క్రేజీ ఫీచర్లను ఈ సరికొత్త పల్సర్‌లో అందించడం విశేషం. కాన్ఫిడెంట్ హ్యాండ్లింగ్, అదిరిపోయే స్పోర్టీ లుక్స్‌తో రోజువారీ ప్రయాణాలను మరింత సుఖవంతం చేయడానికి ఈ బైక్ దూసుకొచ్చింది. ఈ సరికొత్త పల్సర్ N160 లో కస్టమర్లను ఇట్టే ఆకట్టుకునే అతిపెద్ద అప్‌డేట్ ఏంటంటే.. దీనికి అమర్చిన గోల్డెన్ అప్‌సైడ్-డౌన్ (USD) ఫ్రంట్ ఫోర్క్స్. ఈ గోల్డెన్ కలర్ సస్పెన్షన్ బైక్‌కు ఒక రేసింగ్ లుక్‌ను ఇవ్వడమే కాకుండా, రోడ్లపై సడన్ టర్నింగ్స్ తీసుకునేటప్పుడు, హైస్పీడ్‌లో వెళ్తున్నప్పుడు బైక్ అస్సలు ఊగకుండా అద్భుతమైన స్టెబిలిటీని, రోడ్ గ్రిప్‌ను అందిస్తుంది. బైక్ నడిపే కుర్రాళ్ల సేఫ్టీ కోసం బజాజ్ ఈ వేరియంట్‌లో పవర్‌ఫుల్ ఫీచర్లను జోడించింది. ఇందులో మొదటిసారిగా అసిస్ట్ అండ్ స్లిప్పర్ క్లచ్ (Slipper Clutch) టెక్నాలజీని ఇచ్చారు. దీనివల్ల ట్రాఫిక్‌లో గేర్లు డౌన్ షిఫ్ట్ చేసేటప్పుడు వెనుక చక్రం లాక్ అవ్వకుండా చాలా స్మూత్ రైడింగ్ అనుభూతి లభిస్తుంది. అలాగే, ముందు, వెనుక చక్రాలకు డిస్క్ బ్రేక్‌లతో పాటు డ్యూయల్-ఛానల్ ఏబీఎస్ (Dual-Channel ABS) భద్రతను కూడా కల్పించారు. టెక్నాలజీ లవర్స్ కోసం ఈ బైక్‌లో అప్‌డేటెడ్ నెగటివ్ ఎల్‌సీడీ డిజిటల్ డిస్ప్లేను అమర్చారు. దీని టాప్ ఎండ్ వేరియంట్లలో బ్లూటూత్ కనెక్టివిటీతో పాటు విభిన్న రోడ్ల కోసం ప్రత్యేకమైన రైడింగ్ మోడ్స్ కూడా లభిస్తాయి. ప్రయాణంలో మొబైల్ ఛార్జింగ్ అయిపోకుండా ఉండేందుకు వీలుగా ఫ్యూయల్ ట్యాంక్ సరిహద్దుల్లోనే ఒక USB Type-C ఛార్జింగ్ పోర్టును కూడా అమర్చారు. రాత్రి వేళల్లో రోడ్లు క్లియర్‌గా కనిపించేందుకు ఎల్‌ఈడీ ప్రొజెక్టర్ హెడ్‌ల్యాంప్, సింగిల్-పీస్ సీట్ సెటప్‌ను ఇచ్చారు. మెకానికల్ విషయానికి వస్తే బైక్ ఇంజన్‌లో ఎలాంటి మార్పులు చేయలేదు. ఇందులో పాత నమ్మకమైన 164.82 సీసీ సింగిల్-సిలిండర్, ఆయిల్-కూల్డ్ ఇంజన్‌నే వాడారు. ఇది 15.7 bhp పవర్, 14.65 Nm టార్క్‌ను ప్రొడ్యూస్ చేస్తుంది. దీనికి 5-స్పీడ్ గేర్‌బాక్స్‌ను జతచేశారు. ఈ బైక్ పాత కలర్ ఆప్షన్లయిన పర్ల్ మెటాలిక్ వైట్, రేసింగ్ రెడ్, గ్రే మరియు బ్రూక్లిన్ బ్లాక్ రంగులలో లభిస్తుంది. మార్కెట్లో ఇది టీవీఎస్ అపాచీ ఆర్‌టీఆర్ 160, యమహా ఎఫ్‌జెడ్, హీరో ఎక్స్‌ట్రీమ్ 160 4V లతో గట్టిగా పోటీ పడనుంది. పల్సర్ N160 తో పాటు బజాజ్ ఆటో సంస్థ తన ఫ్లాగ్‌షిప్ బైక్ Bajaj Pulsar NS400Z సరికొత్త వెర్షన్‌ను కూడా మార్కెట్లోకి తెచ్చింది. ఇందులో సరికొత్త 349 సీసీ ఇంజన్‌ను వాడారు. ఈ అప్‌డేట్ వల్ల ఈ బైక్ ఇప్పుడు 18% జీఎస్టీ పరిధిలోకి రావడంతో దీని ధర భారీగా తగ్గింది. ఢిల్లీలో దీని ఎక్స్-షోరూమ్ ధరను రూ. 1,80,092 గా నిర్ణయించారు. ఈ 349cc ఇంజన్ ఏకంగా 40.6 bhp పవర్, 33.2 Nm టార్క్ జనరేట్ చేస్తూ రైడర్లకు నెక్స్ట్ లెవెల్ థ్రిల్‌ను అందిస్తుంది.

భారతీయ రోడ్లపై కొన్ని వాహనాలకు కేవలం మార్కెట్ మాత్రమే కాదు, ఒక ప్రత్యేకమైన భావోద్వేగ అనుబంధం కూడా ఉంటుంది. అలాంటి అరుదైన మోటార్‌సైకిళ్లలో రాయల్ ఎన్‌ఫీల్డ్ బుల్లెట్ 350 (Royal Enfield Bullet 350) ఒకటి. కాలం మారింది, టెక్నాలజీ మారింది, మార్కెట్లో ఎన్నో ఆధునిక ఫీచర్లతో కొత్త బైకులు వచ్చాయి. LED లైటింగ్, డిజిటల్ డిస్‌ప్లేలు, అలాయ్ వీల్స్, స్పోర్టీ డిజైన్లు వంటి ఎన్నో ఫీచర్లు ఇప్పుడు సాధారణమయ్యాయి. అయినప్పటికీ, వీటిలో ఏవి పెద్దగా లేకపోయినా బుల్లెట్ 350 మాత్రం ఇప్పటికీ భారతీయుల మనసుల్లో తన ప్రత్యేక స్థానాన్ని అలాగే నిలుపుకుంది. దశాబ్దాలుగా రాయల్ ఎన్‌ఫీల్డ్ బుల్లెట్ కేవలం ఒక బైక్‌గా మాత్రమే కాకుండా, ఒక స్టైల్ స్టేట్‌మెంట్‌గా, రాయల్ రైడింగ్ అనుభూతికి ప్రతీకగా నిలుస్తోంది.

పెట్రోల్ ధరలు రోజురోజుకీ పెరుగుతున్న పరిస్థితుల్లో, ప్రజలు ఇప్పుడు రవాణా ఖర్చులను తగ్గించుకోవడానికి ఎలక్ట్రిక్ వాహనాల వైపు వేగంగా మారుతున్నారు. రోజువారీ ప్రయాణాలకు తక్కువ ఖర్చు, సులభమైన మెయింటెనెన్స్, అలాగే భవిష్యత్ టెక్నాలజీ కావడంతో ఈవీ స్కూటర్లకు డిమాండ్ బాగా పెరుగుతోంది. ఈ నేపథ్యంలో మార్కెట్లో అనేక బ్రాండ్లు తమ ఎలక్ట్రిక్ స్కూటర్లను అందుబాటులోకి తీసుకువస్తున్నాయి. వాటిలో ప్రత్యేకంగా ఆకర్షణగా నిలుస్తున్న మోడల్ ప్రముఖ ఎలక్ట్రిక్ వాహనాల తయారీ కంపెనీ లెక్ట్రిక్స్‌కు చెందిన ఎన్ డ్యూరో (Lectrix NDuro Electric Scooter). లెక్ట్రిక్స్ కంపెనీకి చెందిన ఈ స్కూటర్ ప్రస్తుతం ఆన్‌లైన్‌లో ప్రముఖ ఈ-కామర్స్ ప్లాట్‌ఫామ్ ఫ్లిప్‌కార్ట్‌లో కూడా బుకింగ్‌కు అందుబాటులో ఉంది.

భారతదేశ మిడ్‌సైజ్ ఎస్‌యూవీ (Midsize SUV) మార్కెట్లో సరికొత్త సంచలనం సృష్టించేందుకు జపాన్ ఆటోమొబైల్ దిగ్గజం నిస్సాన్ (Nissan India) సర్వం సిద్ధం చేసుకుంది. దేశీయ మార్కెట్లో చాలా కాలంగా కేవలం మాగ్నైట్ కారుతోనే నెట్టుకొస్తున్న నిస్సాన్, ఇటీవల 7-సీటర్ విభాగంలో గ్రావైట్‎ను పరిచయం చేసింది.

మారుతి సుజుకి సెలెరియో (Maruti Suzuki Celerio) భారత హ్యాచ్‌బ్యాక్ విభాగంలో చాలా కాలంగా తన ప్రత్యేక స్థానాన్ని కొనసాగిస్తోంది. నగర రోడ్లలో సులభంగా నడిపించగలిగే కాంపాక్ట్ డిజైన్, రోజువారీ వినియోగానికి అనువైన ప్రాక్టికల్ ఫీచర్లు ఈ కారును ఎంతో ఉపయోగకరంగా మారుస్తాయి. తక్కువ బడ్జెట్‌లో మంచి నమ్మకమైన కారు కావాలనుకునే కుటుంబాలు, కొత్తగా డ్రైవింగ్ నేర్చుకునే వారు, మొదటి కారుగా కొనాలనుకునే కస్టమర్లకు సెలెరియో ఎప్పుడూ ఒక బెటర్ ఆప్షన్‌గా నిలుస్తుంది. మారుతి సుజుకి బ్రాండ్‌పై ఉన్న విశ్వాసం కూడా ఈ మోడల్‌కు మరింత బలాన్ని ఇస్తూ, దీన్ని మార్కెట్లో స్థిరమైన ఎంపికగా నిలబెడుతోంది. ప్రస్తుతం ఈ కారు ధర రూ.4.70 లక్షలు నుంచి రూ.6.73 లక్షలు (ఎక్స్-షోరూమ్). EMI ఆప్షన్‌లో ఈ కారును కొనుగోలు చేయాలని అనుకునే వారికి ఈ కథణంలో నెలవారీగా EMI డేటా మీ కోసం

భారత ఆటోమొబైల్ మార్కెట్లో సబ్-కాంపాక్ట్ ఎస్‌యూవీ (Sub-Compact SUV)ల మధ్య పోటీ రసవత్తరంగా మారిపోయింది. గత కొన్ని నెలలుగా అగ్రస్థానంలో కొనసాగుతున్న కార్లను వెనక్కి నెట్టి.. టాటా మోటార్స్ కి చెందిన చిన్న కారు సరికొత్త సంచలనం సృష్టించింది.

భారతీయ ఆటోమొబైల్ మార్కెట్లో యూరోపియన్ కార్లకు ఎప్పటినుంచో ప్రత్యేకమైన క్రేజ్ ఉంది. ఆ జాబితాలో ముందువరుసలో నిలిచే బ్రాండ్లలో స్కోడా ఆటో (Skoda Auto) ఒకటి. చెక్ రిపబ్లిక్‌కు చెందిన ఈ ప్రముఖ కార్ల తయారీ సంస్థ, గత కొన్ని సంవత్సరాలుగా భారత మార్కెట్‌పై ప్రత్యేక దృష్టి పెట్టింది. ముఖ్యంగా భారతీయ రోడ్లు, వినియోగదారుల అవసరాలు, బడ్జెట్‌ను దృష్టిలో పెట్టుకొని రూపొందించిన మోడళ్లతో కంపెనీ మంచి విజయాన్ని అందుకుంది. కాంపాక్ట్ SUV సెగ్మెంట్‌లో కంపెనీకి ప్రధాన బలంగా నిలుస్తున్న మోడల్ స్కోడా కైలాక్ (Skoda Kylaq). స్టైలిష్ డిజైన్, యూరోపియన్ బిల్డ్ క్వాలిటీ, ఆధునిక ఫీచర్లు, ప్రీమియం ఫీల్ కారణంగా ఈ SUVకు మంచి ఆదరణ లభిస్తోంది.

దేశీయ ఆటోమొబైల్ మార్కెట్లో ఇప్పుడు ఎస్‌యూవీ (SUV) కార్ల హవా నడుస్తోంది. అయితే పెట్రోల్, డీజిల్ ధరలు మండిపోతుండడంతో కస్టమర్లు అందరూ ఇప్పుడు సిఎన్‌జి (CNG) కార్ల వైపు మొగ్గు చూపుతున్నారు. ముఖ్యంగా మధ్యతరగతి ఫ్యామిలీల కోసం భారత మార్కెట్లో రూ.12 లక్షల కంటే తక్కువ బడ్జెట్ లోనే అదిరిపోయే మైలేజ్ ఇచ్చే కంఫర్టబుల్ సిఎన్‌జి ఎస్‌యూవీలు అందుబాటులోకి వచ్చాయి.

చెక్ రిపబ్లిక్‌కు చెందిన ప్రముఖ కార్ల తయారీ సంస్థ స్కోడా ఆటో (Skoda Auto) భారతీయ మార్కెట్లో తనకంటూ ప్రత్యేక గుర్తింపు సంపాదించుకుంది. ముఖ్యంగా కైలాక్, కుషాక్, స్లావియా వంటి 'మేడ్ ఇన్ ఇండియా' మోడళ్లతో భారతీయ వినియోగదారుల విశ్వాసాన్ని గెలుచుకుంది. ఇప్పటివరకు భారత్‌లో స్కోడా ప్రధానంగా పెట్రోల్ ఇంజన్ కార్లపైనే దృష్టి పెట్టినా, అంతర్జాతీయ మార్కెట్లో మాత్రం ఎలక్ట్రిక్ వాహనాల విభాగంలో కూడా బలమైన అడుగులు వేస్తోంది. ఈ నేపథ్యంలోనే కంపెనీ తాజాగా పరిచయం చేసిన కొత్త కాంపాక్ట్ ఎలక్ట్రిక్ SUV 'ఎపిక్ (Epiq)' ప్రపంచవ్యాప్తంగా ఆటోమొబైల్ ప్రియుల దృష్టిని ఆకర్షిస్తోంది. స్కోడా ఎపిక్‌ను కంపెనీ ఇప్పటివరకు విడుదల చేసిన అత్యంత సరసమైన ఎలక్ట్రిక్ SUVగా పేర్కొంటున్నారు.

భారత ఆటోమొబైల్ దిగ్గజం టాటా మోటార్స్ (Tata Motors), మధ్యతరగతి కార్ల మార్కెట్లో మరోసారి సంచలనం సృష్టించడానికి రెడీ అయింది. తన పోర్ట్‌ఫోలియోలోనే అత్యంత చౌకైన, ప్రజాదరణ పొందిన ఎంట్రీ-లెవల్ హ్యాచ్‌బ్యాక్ కారు టాటా టియాగోను సరికొత్త అవతారంలో లాంచ్ చేయబోతోంది.

ప్రపంచ ప్రసిద్ధ లగ్జరీ కార్ల దిగ్గజం మెర్సిడెస్-బెంజ్ (Mercedes-Benz) సరికొత్త రేసింగ్ టెక్నాలజీతో కూడిన ఎలక్ట్రిక్ రాకెట్‌ను మార్కెట్లోకి వదిలింది. తన పవర్‌ఫుల్ రేసింగ్ విభాగం నుంచి సరికొత్త 2026 మెర్సిడెస్-ఏఎమ్‌జీ జీటీ 4-డోర్ కూపే (Mercedes-AMG GT 4-Door Coupe) మోడల్‌ను అధికారికంగా ఆవిష్కరించింది.

భారత ఆటోమొబైల్ రంగంలో విశ్వసనీయత, భద్రత, పనితీరు అనే మూడు ముఖ్య అంశాలను సమతుల్యం చేస్తూ తనకంటూ ప్రత్యేక గుర్తింపు సంపాదించుకున్న టాటా మోటార్స్ (Tata Motors)కు చెందిన టాటా నెక్సాన్ (Tata Nexon) మరోసారి మార్కెట్లో తన బలాన్ని ఘనంగా చాటుకుంది. SUVలకు దేశంలో రోజురోజుకు పెరుగుతున్న డిమాండ్ మధ్య, నెక్సాన్ నిరంతరం స్థిరమైన అమ్మకాలతో తన స్థానాన్ని బలపరుచుకుంటూ ముందంజలో కొనసాగుతోంది. తాజాగా విడుదలైన అమ్మకాల గణాంకాలు కూడా ఈ SUVపై వినియోగదారుల నమ్మకం ఎంత బలంగా ఉందో స్పష్టంగా చూపిస్తున్నాయి. ఏప్రిల్ 2026లో టాటా నెక్సాన్ మొత్తం 18,126 యూనిట్ల అమ్మకాలను నమోదు చేసింది. ఇందులో పెట్రోల్, డీజిల్ వంటి ICE వెర్షన్లతో పాటు ఎలక్ట్రిక్ వేరియంట్ అమ్మకాలు కూడా ఉన్నాయి.

భారత ఆటోమొబైల్ మార్కెట్లోకి సరికొత్త ఫీచర్లు, వినూత్నమైన డిజైన్లతో కూడిన చైనీస్ ఎస్‌యూవీలు (SUVs) క్యూ కడుతున్నాయి. రొటీన్ కార్లకు భిన్నంగా, సరికొత్త టెక్నాలజీతో ప్రయాణించాలనుకునే వారి కోసం మార్కెట్లోకి నాలుగు పవర్‌ఫుల్ ఎస్‌యూవీలు ఎంట్రీ ఇవ్వబోతున్నాయి. జేఎస్‌డబ్ల్యూ గ్రూప్ (JSW Group), బీవైడీ (BYD), ఎంజీ (MG) వంటి ప్రముఖ కంపెనీల భాగస్వామ్యంతో వస్తున్న ఈ కార్లలో.. ప్లగ్-ఇన్ హైబ్రిడ్(PHEV), ప్యూర్ ఎలక్ట్రిక్ (EV) మోడల్స్ ఉన్నాయి. ల్యాండ్ రోవర్ డిఫెండర్ లుక్‌తో వస్తున్న ఒక క్రేజీ కారుతో పాటు రాబోతున్న ఆ టాప్-4 చైనీస్ ఎస్‌యూవీల పూర్తి వివరాలు తెలుసుకుందాం.

జపాన్‌కు చెందిన ప్రముఖ ఆటోమొబైల్ తయారీ సంస్థ హోండా (Honda) భారత మార్కెట్లో ఇప్పటికే తనకంటూ ఒక ప్రత్యేక స్థానాన్ని సంపాదించింది. పరిమిత మోడళ్లతోనే అయినప్పటికీ, నాణ్యత, విశ్వసనీయత, డ్రైవింగ్ అనుభవం కారణంగా వినియోగదారుల నమ్మకాన్ని గెలుచుకుంటూ వస్తోంది. ఈ నేపథ్యంలో కంపెనీకి కీలక మోడల్‌గా ఉన్న హోండా ఎలివేట్ (Honda Elevate) అమ్మకాల తాజా గణాంకాలు ఇప్పుడు మార్కెట్లో ఆసక్తిని రేపుతున్నాయి. తాజాగా విడుదలైన ఏప్రిల్ 2026 సేల్స్ డేటా ప్రకారం, హోండా ఎలివేట్ గత నెలలో 1,036 యూనిట్ల అమ్మకాలను నమోదు చేసింది.

భారత టూవీలర్ మార్కెట్‌లో ప్రతి నెలా అత్యధికంగా అమ్ముడయ్యే బైక్ ఏదని అడిగితే, సమాధానం ఎప్పటిలాగే ఒక్కటే, అది హీరో స్ప్లెండర్ ప్లస్ (Hero Splendor Plus). సంవత్సరాలు మారినా, మార్కెట్‌లో కొత్త మోడళ్లు ఎన్ని వచ్చినా, ఈ బైక్ తన అగ్రస్థానాన్ని మాత్రం ఎప్పటికీ కోల్పోలేదు. మధ్యతరగతి వినియోగదారుల నమ్మకాన్ని గెలుచుకున్న ఈ బైక్, తక్కువ నిర్వహణ ఖర్చు, మంచి మైలేజ్, విశ్వసనీయ పనితీరు కారణంగా లక్షలాది మంది రోజువారీ ప్రయాణాల్లో మొదటి ఎంపికగా మారింది. తాజాగా విడుదలైన సేల్స్ గణాంకాలు కూడా ఈ బైక్ ఆధిపత్యాన్ని మరోసారి స్పష్టంగా చూపిస్తున్నాయి. 2026 ఏప్రిల్ నెలలో మాత్రమే స్ప్లెండర్ ప్లస్ మొత్తం 3.09 లక్షల యూనిట్ల అమ్మకాలను నమోదు చేసింది.

దేశంలో రోజురోజుకూ పెరిగిపోతున్న పెట్రోల్, డీజిల్ ధరలు సామాన్యులకే కాకుండా ట్రావెల్ రంగం (క్యాబ్ సర్వీసెస్) పై కూడా తీవ్ర ప్రభావాన్ని చూపిస్తున్నాయి. ఢిల్లీ-ఎన్‌సీఆర్ వంటి మెట్రో నగరాల్లో కాలుష్యాన్ని అదుపు చేసేందుకు, ఖర్చులను తగ్గించుకునేందుకు కంపెనీలు ఇప్పుడు పెట్రోల్, డీజిల్ కార్లను తమ క్యాబ్ నెట్‌వర్క్‌లో చేర్చుకోవడానికి ఆసక్తి చూపించడం లేదు.

భారతీయ ఎలక్ట్రిక్ వాహన మార్కెట్లో చిన్న కార్లకు కూడా భారీ డిమాండ్ పెరుగుతోందని మరోసారి నిరూపించింది జెఎస్ డబ్ల్యూ ఎంజీ మోటార్ ఇండియా (JSW MG Motor India) సంస్థకు చెందిన ఎంజీ కామెట్ ఈవీ (MG Comet EV). చూడటానికి ఎంతో కాంపాక్ట్‌గా, చిన్నగా కనిపించే ఈ ఎలక్ట్రిక్ కారు ఇప్పుడు నగరాల్లో ప్రయాణించే వినియోగదారుల ఫేవరెట్‌గా మారుతోంది. ముఖ్యంగా ట్రాఫిక్ ఎక్కువగా ఉండే నగరాల్లో సులభంగా డ్రైవ్ చేయగలగడం, పార్కింగ్‌కు తక్కువ స్థలం సరిపోవడం, అలాగే తక్కువ ఖర్చుతో నడవడం వంటి కారణాలతో కామెట్ EVకు మంచి ఆదరణ లభిస్తోంది. తాజాగా విడుదలైన అమ్మకాల గణాంకాలు చూస్తే, ఈ చిన్న ఎలక్ట్రిక్ కారు మార్కెట్లో ఎంత వేగంగా ఎదుగుతోందో స్పష్టంగా అర్థమవుతోంది.

ప్రపంచవ్యాప్తంగా ఎస్‌యూవీ (SUV) లవర్స్ మనసు దోచుకున్న అత్యంత ప్రజాదరణ పొందిన మోడల్ రెనాల్ట్ డస్టర్(Renault Duster). భారత మార్కెట్లో ఒకప్పుడు ఈ కారు సృష్టించిన హవా అంతా ఇంతా కాదు. ఇప్పుడు ఇదే ఐకానిక్ డస్టర్ మోడల్‌ను మరింత ప్రాక్టికల్ గా, పవర్‌ఫుల్ గా మారుస్తూ రెనాల్ట్ సంస్థ ఒక సరికొత్త పిక్అప్ ట్రక్ (Pickup Truck) వెర్షన్‌ను ప్రపంచ మార్కెట్లోకి తీసుకురావడానికి సిద్ధమైంది. దీనికి సంబంధించిన అధికారిక టీజర్‌ను కంపెనీ తాజాగా విడుదల చేసింది.

జపాన్‌కు చెందిన ప్రముఖ ఆటోమొబైల్ దిగ్గజం హోండా (Honda) భారత మార్కెట్లో మళ్లీ తన పూర్వ వైభవాన్ని తిరిగి తెచ్చుకునేందుకు వేగంగా అడుగులు వేస్తోంది. గత కొన్ని సంవత్సరాలుగా కంపెనీ అమ్మకాల పరంగా కొంత వెనుకబడినప్పటికీ, ఇప్పుడు మాత్రం కొత్త వ్యూహాలతో మార్కెట్లో బలమైన స్థానం సంపాదించాలని చూస్తోంది. ఇప్పటికే అమేజ్, సిటీ, ఎలివేట్ వంటి మోడళ్లతో భారతీయ వినియోగదారుల్లో మంచి గుర్తింపు సంపాదించిన హోండా, ఇప్పుడు తన పోర్ట్‌ఫోలియోను మరింత ప్రీమియంగా మార్చే ప్రయత్నంలో ఉంది. ఈ నేపథ్యంలోనే కంపెనీ ఒక కొత్త హైబ్రిడ్ ఎస్‌యూవీని భారత మార్కెట్లో ప్రవేశపెట్టేందుకు సిద్ధమైంది.

భారత్‎లో నంబర్ వన్ ఆటోమొబైల్ సంస్థ అయిన మారుతి సుజుకి (Maruti Suzuki) రాబోయే 12 నుంచి 18 నెలల్లో సరికొత్త మోడళ్లతో ఇండియన్ ఆటో మార్కెట్‌ను శాసించడానికి పక్కా ప్లాన్ రెడీ చేసింది. మీరు గనుక ప్రస్తుతం కొత్త కారు కొనాలనే ఆలోచనలో ఉంటే.. మరికొన్ని నెలలు ఆగడం చాలా మంచిది. ఎందుకంటే మారుతి సుజుకి తన బెస్ట్ సెల్లింగ్ కార్లయిన బాలెనో, బ్రెజ్జా, ఫ్రాంక్స్‌లకు సరికొత్త అప్‌డేట్ వెర్షన్లను తీసుకురావడంతో పాటు.. ఫ్యామిలీల కోసం సరికొత్త 7-సీటర్ ఎలక్ట్రిక్ కార్లను కూడా లైన్లో పెట్టింది. ఆ అప్‌కమింగ్ 4 అదిరిపోయే కార్ల వివరాలు తెలుసుకుందాం.

లగ్జరీ, స్పోర్ట్స్ కార్ల ప్రియుల కోసం ప్రముఖ గ్లోబల్ ఆటోమొబైల్ బ్రాండ్ మినీ ఇండియా(Mini India) దేశీయ మార్కెట్లోకి ఒక అద్భుతమైన పవర్‌ఫుల్ కారును ప్రవేశపెట్టింది. రేసింగ్ ట్రాక్‌లపై దూసుకెళ్లే మినీ జీపీ (Mini GP) మోడల్ ఆధారంగా రూపొందించిన సరికొత్త Mini Cooper S GP Inspired Editionను భారత్‌లో అధికారికంగా లాంచ్ చేసింది.

భారతదేశ ఆటోమొబైల్ మార్కెట్లో జపాన్ కార్ల దిగ్గజం టయోటా (Toyota) సరికొత్త రికార్డును నెలకొల్పింది. దేశీయ మార్కెట్లో టయోటాకు చెందిన హైబ్రిడ్ కార్ల (Hybrid Cars) మొత్తం విక్రయాలు ఏకంగా 3 లక్షల యూనిట్ల మైలురాయిని దాటినట్లు కంపెనీ అధికారికంగా ప్రకటించింది. ఒకప్పుడు కేవలం మైలేజ్ కోసం డీజిల్ కార్ల వైపు మాత్రమే మొగ్గు చూపిన భారతీయ కస్టమర్లు.. ఇప్పుడు తక్కువ కాలుష్యాన్ని విడుదల చేస్తూ, అత్యధిక మైలేజీని ఇచ్చే సరికొత్త గ్రీన్ టెక్నాలజీ కార్ల వైపు ఎంత వేగంగా మారుతున్నారో చెప్పడానికి టయోటా సాధించిన ఈ ఘనతే ఒక నిదర్శనం.