ಇತ್ತೀಚೆಗೆ ಹೊಸ ಟಾಟಾ ಸಿಯೆರಾ (Tata Sierra) ಎಸ್‌ಯುವಿಯನ್ನು ಅದ್ದೂರಿಯಾಗಿ ಮಾರಾಟಕ್ಕೆ ತರಲಾಗಿತು. ಇದು ಅತ್ಯಾಕರ್ಷಕವಾದ ವಿನ್ಯಾಸವನ್ನು ಹೊಂದಿದ್ದು, ಹತ್ತಾರು ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ರೂ.11.49 ಲಕ್ಷ (ಎಕ್ಸ್-ಶೋರೂಂ) ಪರಿಚಯಾತ್ಮಕ ಬೆಲೆಯಲ್ಲಿ ಬಿಡುಗಡೆಗೊಂಡಿದೆ. ಸ್ಮಾರ್ಟ್ ಪ್ಲಸ್, ಪ್ಯೂರ್, ಪ್ಯೂರ್ ಪ್ಲಸ್, ಅಡ್ವೆಂಚರ್, ಅಡ್ವೆಂಚರ್ ಪ್ಲಸ್, ಅಕಾಂಪ್ಲಿಶ್ಡ್ ಮತ್ತು ಅಕಾಂಪ್ಲಿಶ್ಡ್ ಪ್ಲಸ್ ಎಂಬ ರೂಪಾಂತರಗಳ (ವೇರಿಯೆಂಟ್) ಆಯ್ಕೆಯಲ್ಲಿಯೂ ಲಭ್ಯವಿದೆ. ಶನಿವಾರ ಈ ಕಾರಿನ ಎಲ್ಲ ರೂಪಾಂತರಗಳ (ವೇರಿಯೆಂಟ್) ದರವನ್ನು ಘೋಷಣೆ ಮಾಡಲಾಗಿದೆ. ಆದರೂ ಅಕಂಪ್ಲಿಶ್ಡ್ & ಅಕಂಪ್ಲಿಶ್ಡ್ ಪ್ಲಸ್ ರೂಪಾಂತರಗಳ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಿಲ್ಲ.

ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನ ವಿಭಾಗದಲ್ಲಿ ಪ್ರಮುಖ ಜಾಗತಿಕ ವಾಹನ ತಯಾರಕರಾದ ಟಿವಿಎಸ್ ಮೋಟಾರ್ ಕಂಪನಿ (ಟಿವಿಎಸ್ಎಂ) ಟಿವಿಎಸ್ ಮೋಟೋಸೌಲ್ 5.0 ಆಯೋಜಿಸಿದ್ದು, 2ನೇ (ಇಂದು) ದಿನದಂದು ಪ್ರಮುಖ ಉಪಕ್ರಮಗಳನ್ನು ಘೋಷಿಸಿತು. ಕಂಪನಿಯು ಏಜಿಸ್ ರೈಡರ್ ವಿಷನ್ AR HUD ಹೆಲ್ಮೆಟ್ ಅನ್ನು ಪ್ರದರ್ಶಿಸಿತು, ಟಿವಿಎಸ್ ರೇಸಿಂಗ್ ಮತ್ತು MT ಹೆಲ್ಮೆಟ್‌ಗಳ ನಡುವಿನ ಪಾಲುದಾರಿಕೆಯನ್ನು ಘೋಷಿಸಿತು. ಜೊತೆಗೆ ಟಿವಿಎಸ್ ರೇಸಿಂಗ್ ಆಫ್ರೋಡ್ ತರಬೇತಿ ಅಕಾಡೆಮಿಯನ್ನು ಪ್ರಾರಂಭಿಸಿತು. ಹೊಸ ಹೆಲ್ಮೆಟ್ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.

ಕೆಟಿಎಂ ತನ್ನ ಅಂತರರಾಷ್ಟ್ರೀಯ ವೆಬ್‌ಸೈಟ್‌ನ ಪತ್ರಿಕಾ ಪ್ರಕಟಣೆಯಲ್ಲಿ 390 ಸಿರೀಸ್ನ ಬಹು ಮಾದರಿಗಳನ್ನು ಹಿಂಪಡೆಯುವುದಾಗಿ ಘೋಷಿಸಿದೆ. ಎಂಜಿನ್ ಸ್ಥಗಿತಗೊಳ್ಳುವ ಸಾಧ್ಯತೆ ಇರುವುದರಿಂದ ಈ ಹಿಂಪಡೆಯುವಿಕೆಯನ್ನು ಪ್ರಾರಂಭಿಸಲಾಗಿದೆ. ಈ ಹಿಂಪಡೆಯುವಿಕೆ ಭಾರತದಲ್ಲಿ ಮಾರಾಟವಾಗುವ ಬೈಕ್‌ಗಳ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಬಜಾಜ್ ದೃಢಪಡಿಸಿದೆ. ಕೆಟಿಎಂ ತನ್ನ 390 ಸಿರೀಸ್ ಮೋಟಾರ್‌ಸೈಕಲ್‌ಗಳನ್ನು ಸ್ವಯಂಪ್ರೇರಿತವಾಗಿ ಹಿಂಪಡೆಯುತಿದ್ದು, ಗ್ರಾಹಕರಿಗೆ ಉಚಿತವಾಗಿ ರಿಪೇರಿ ಮಾಡಲಾಗುತ್ತದೆ ಎಂದು ವರದಿಯಾಗಿದೆ.

ಟಿವಿಎಸ್ ಮೋಟಾರ್ ಕಂಪನಿಯು ಆಯೋಜಿಸಿದ ಐದನೇ ವರ್ಷದ 'ಟಿವಿಎಸ್ ಮೋಟೋಸೌಲ್' ನಲ್ಲಿ 'ರೋನಿನ್ ಅಗೊಂಡಾ' ವನ್ನು ಬಿಡುಗಡೆ ಮಾಡಿದೆ. ಹೊಸ ಟಿವಿಎಸ್ ರೋನಿನ್ ಅಗೊಂಡಾ ಬೆಲೆ ರೂ. 1,30,990 (ಎಕ್ಸ್ ಶೋ ರೂಂ) ಇದೆ. ಟಿವಿಎಸ್ ರೋನಿನ್‌ನ ಬ್ರ್ಯಾಂಡ್ ಕಥೆಯನ್ನು ರೂಪಿಸಿದ ಕಸ್ಟಮ್ - ಸಂಸ್ಕೃತಿ ವಿನ್ಯಾಸ ನೀತಿಯಿಂದ ಪ್ರೇರಿತರಾಗಿ, ಟಿವಿಎಸ್ ಮೊದಲ - ಇನ್ - ಲೈನ್ ಲಿಮಿಟೆಡ್ - ಎಡಿಷನ್ 'ರೋನಿನ್ ಅಗೊಂಡಾ' ವನ್ನು ಬಿಡುಗಡೆ ಮಾಡಿದೆ.

ಪುಣೆ ಮೂಲದ ಇ-ಮೊಬಿಲಿಟಿ ಸಂಸ್ಥೆಯಾದ ಇಮೋಟೊರಾಡ್, ಡಿಸೆಂಬರ್ 2, 2025 ರಂದು ಇಂಟಿಗ್ರೇಟೆಡ್ ಬ್ಲೂಟೂತ್ ಮತ್ತು ಐಚ್ಛಿಕ ಜಿಪಿಎಸ್ ಸಂಪರ್ಕದೊಂದಿಗೆ ಭಾರತದ ಮೊದಲ ಸ್ಮಾರ್ಟ್ ಕನೆಕ್ಟೆಡ್ ಎಲೆಕ್ಟ್ರಿಕ್ ಸೈಕಲ್ ಆಗಿರುವ ಟಿ-ರೆಕ್ಸ್ ಸ್ಮಾರ್ಟ್ ಅನ್ನು ಬಿಡುಗಡೆ ಮಾಡಿದೆ. ಈ ಹಾರ್ಡ್‌ಟೈಲ್ MTB-ಶೈಲಿಯ ಇ-ಸೈಕಲ್ ನಗರ ಪ್ರಯಾಣಿಕರು ಮತ್ತು ಕುಟುಂಬಗಳಿಗಾಗಿ ಪರಿಚಯಿಸಿದ್ದು, AMIIGO NXT ಪ್ಲಾಟ್‌ಫಾರ್ಮ್ ಮೂಲಕ ಸುರಕ್ಷತೆ, ಟ್ರ್ಯಾಕಿಂಗ್ ಮತ್ತು ಅಪ್ಲಿಕೇಶನ್ ಏಕೀಕರಣಕ್ಕೆ ಒತ್ತು ನೀಡುತ್ತದೆ ಎಂದು ಕಂಪನಿ ತಿಳಿಸಿದೆ.​

ಪ್ರತಿನಿತ್ಯ ಆಫೀಸ್‌ಗೆ ಹೋಗುವುದು ಸೇರಿದಂತೆ ದಿನಬಳಕೆಗೆ ದ್ವಿಚಕ್ರ ವಾಹನಗಳು (Two Wheelers) ತೀರಾ ಅಗತ್ಯವಾಗಿವೆ. ಅದರಲ್ಲೂ ಸ್ಕೂಟರ್‌ಗಳನ್ನು ಮಹಿಳೆಯರು ಹಾಗೂ ಪುರುಷರು ಸುಲಭವಾಗಿ ಬಳಕೆ ಮಾಡಬಹುದು. ನೀವು ಹೊಚ್ಚ ಹೊಸ ಸ್ಕೂಟರ್‌ವೊಂದನ್ನು ಖರೀದಿಸಲು ಆಲೋಚಿಸಿದ್ದೀರಾ.. ಹಾಗಾದರೆ ಟಿವಿಎಸ್ ಜೆಸ್ಟ್ 110, ಹೋಂಡಾ ಆಕ್ಟಿವಾ, ಹೀರೋ ಪ್ಲೆಷರ್ ಪ್ಲಸ್, ಟಿವಿಎಸ್ ಜುಪಿಟರ್ ಹಾಗೂ ಹೀರೋ ಜೂಮ್ 110ಗಳು ಅತ್ಯುತ್ತಮವಾದ ಆಯ್ಕೆಯಾಗಲಿವೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.

ಬಿಎಂಡಬ್ಲ್ಯು (BMW), ಕೆಟಿಎಂ (KTM) ಮತ್ತು ಹಾರ್ಲೆ-ಡೇವಿಡ್ಸನ್ (Harley-Davidson) ಭಾರತದಲ್ಲಿ ಹೊಸ ಮೋಟಾರ್‌ಸೈಕಲ್‌ಗಳ ಬಿಡುಗಡೆಗೆ ಸಜ್ಜಾಗಿವೆ. ಈ ಮೂರು ಬ್ರಾಂಡ್‌ಗಳಿಂದ ಐದು ಮೋಟಾರ್‌ಸೈಕಲ್‌ಗಳು ಮಾರುಕಟ್ಟೆಗೆ ಪಾದಾರ್ಪಣೆ ಮಾಡಲಿವೆ. ಮುಂಬರುವ ಈ ಐದು ಮೋಟಾರ್‌ಸೈಕಲ್‌ಗಳು ಭಾರತೀಯ ಪ್ರೀಮಿಯಂ ಮೋಟಾರ್‌ಸೈಕಲ್ ವಿಭಾಗದಲ್ಲಿ ಪ್ರಮುಖ ಸ್ಥಾನ ಪಡೆಯಲಿವೆ. ಇವು ಅಡ್ವೆಂಚರ್, ಸ್ಟ್ರೀಟ್ ‌ಫೈಟರ್ ಮತ್ತು ಕ್ರೂಸರ್ ‌ಗಳಂತಹ ವೈವಿಧ್ಯಮಯ ವಿಭಾಗಗಳಲ್ಲಿ ಬಿಡುಗಡೆಯಾಗಲಿವೆ. ಹಾಗಾದ್ರೆ 2026 ರಲ್ಲಿ ಈ ಪ್ರಮುಖ ಬ್ರಾಂಡ್‌ಗಳಿಂದ ಬಿಡುಗಡೆಯಾಗಲಿರುವ ಬೈಕ್‌ಗಳು ಯಾವುವು ನೋಡೋಣ.

ಭಾರತದಲ್ಲಿ 125 ಸಿಸಿ ಬೈಕ್‌ಗಳು ದಿನಬಳಕೆಗೆ ಹೆಚ್ಚು ಸೂಕ್ತವಾಗಿವೆ. ಇವುಗಳನ್ನು ಗ್ರಾಮೀಣ ಹಾಗೂ ಪಟ್ಟಣ ಪ್ರದೇಶಗಳಲ್ಲೂ ಸುಲಭವಾಗಿ ಬಳಕೆ ಮಾಡಬಹುದು. ನೀವು ಹೊಸ ಮೋಟಾರ್‌ಸೈಕಲ್‌ವೊಂದನ್ನು ಕೊಂಡುಕೊಳ್ಳಲು ಪ್ಲ್ಯಾನ್ ಮಾಡಿದ್ದೀರಾ.. ಹಾಗಾದರೆ, ಈ ವಿಭಾಗದಲ್ಲಿ ಖರೀದಿಗೆ ದೊರೆಯುವ ಬಜಾಜ್ ಫ್ರೀಡಂ 125, ಹೀರೋ ಎಕ್ಸ್‌ಟ್ರೀಮ್ 125ಆರ್, ಬಜಾಜ್ ಪಲ್ಸರ್ 125, ಹೋಂಡಾ ಶೈನ್ 125 ಹಾಗೂ ಹೀರೋ ಸೂಪರ್ ಸ್ಪ್ಲೆಂಡರ್ ಎಕ್ಸ್‌ಟೆಕ್‌ಗಳು ಅತ್ಯುತ್ತಮವಾದ ಆಯ್ಕೆಯಾಗಲಿವೆ. ಬನ್ನಿ, ಇವುಗಳ ಬೆಲೆ ಹಾಗೂ ವಿಶೇಷತೆಗಳ ಕುರಿತಂತೆ ಸಂಕ್ಷಿಪ್ತವಾದ ವಿವರಗಳನ್ನು ತಿಳಿಯೋಣ.

ಸ್ಕೋಡಾ ಆಟೋ ಇಂಡಿಯಾ ಜನವರಿ 2026 ರಲ್ಲಿ ಕುಶಾಕ್ ಫೇಸ್‌ಲಿಫ್ಟ್ ಅನ್ನು ಬಿಡುಗಡೆ ಮಾಡಲು ಯೋಜಿಸಿದೆ, ಇದು ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಹುಂಡೈ ಕ್ರೆಟಾ ಮತ್ತು ಕಿಯಾ ಸೆಲ್ಟೋಸ್‌ಗೆ ನೇರ ಪ್ರತಿಸ್ಪರ್ಧಿಯಾಗಿದೆ. ಸ್ಕೋಡಾ ಕುಶಾಕ್ ಭಾರತದಲ್ಲಿ ಮೊದಲ ಬಾರಿಗೆ ಜೂನ್ 2021 ರಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಿತು, ನಂತರ ಕಾರು ತಯಾರಕರ ಇಂಡಿಯಾ 2.0 ಯೋಜನೆಯಡಿಯಲ್ಲಿ ಫೇಸ್‌ಲಿಫ್ಟ್ ಮಾಡಲ್ ಅನ್ನು ಜನವರಿ 2026 ರಲ್ಲಿ ಬಿಡುಗಡೆ ಮಾಡಲು ಸಜ್ಜಾಗಿದ್ದಾರೆ. ಮುಂಬರಲಿರುವ ಈ ಕಾರಿನ ಕುರಿತ ಹೆಚ್ಚಿನ ವಿಶೇಷತೆಗಳು ಇಲ್ಲಿವೆ.

ವಿಶ್ವದಲ್ಲೇ ಭಾರತ ಅತಿದೊಡ್ಡ ಕಾರು ಮಾರುಕಟ್ಟೆಯನ್ನು ಹೊಂದಿದೆ. ಈ ವರ್ಷವು ಹತ್ತಾರು ಕಾರುಗಳು ಅದ್ದೂರಿಯಾಗಿ ಬಿಡುಗಡೆಗೊಂಡಿವೆ. ಅದರಲ್ಲೂ 2025ರಲ್ಲಿ ವಿನ್‌ಫಾಸ್ಟ್ ವಿಎಫ್7, ಹೊಸ ತಲೆಮಾರಿನ ಹುಂಡೈ ವೆನ್ಯೂ ಹಾಗೂ ಟಾಟಾ ಸಿಯೆರಾ ಎಸ್‌ಯುವಿಗಳನ್ನು ಮಾರಾಟಕ್ಕೆ ತರಲಾಗಿತ್ತು. ಇವು ನೋಡಲು ತುಂಬಾ ಸುಂದರವಾಗಿದ್ದು, ಹತ್ತಾರು ವೈಶಿಷ್ಟ್ಯಗಳನ್ನು ಪಡೆದುಕೊಂಡಿವೆ. ಬನ್ನಿ, ಈ ಕಾರುಗಳ ಬೆಲೆ ಎಷ್ಟು.. ವಿಶೇಷತೆಗಳೇನು ಎಂಬುದರ ಕುರಿತಂತೆ ಸಂಪೂರ್ಣವಾದ ವಿವರಗಳನ್ನು ತಿಳಿಯೋಣ.

2025ನೇ ವರ್ಷವು ಭಾರತದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಉದ್ಯಮಕ್ಕೆ ಒಂದು ಮೈಲಿಗಲ್ಲಾಗಿದೆ, ಇದರಲ್ಲಿ ಪರ್ಫಾಮೆನ್ಸ್ ಬೈಕ್ ‌ಗಳು, ಪ್ರೀಮಿಯಂ ಕಮ್ಯೂಟರ್ ಬೈಕ್‌ಗಳು ಮತ್ತು ಸ್ಮಾರ್ಟ್ ಸ್ಕೂಟರ್ ಬಿಡುಗಡೆಗಳು ಸೇರಿವೆ. ಕಂಪನಿಗಳು ನಿರಂತರವಾಗಿ ರೇಂಜ್, ವೇಗ, ಡಿಸೈನ್, ಬ್ಯಾಟರಿ ತಂತ್ರಜ್ಞಾನ ಮತ್ತು ಸ್ಮಾರ್ಟ್ ಫೀಚರ್ಸ್ ವಿಷಯದಲ್ಲಿ ಮಿತಿಗಳನ್ನು ದಾಟಿ ನೀಡುತ್ತಿರುವುದರಿಂದ, ಈ ಉನ್ನತ ಮಾಡಲ್‌ಗಳು ವರ್ಷದ ಅತ್ಯಂತ ಪ್ರಭಾವಶಾಲಿ EV ದ್ವಿಚಕ್ರ ವಾಹನಗಳಾಗಿವೆ. 2025 ರಲ್ಲಿ ಬಿಡುಗಡೆಯಾದ ಟಾಪ್ - 5 EV ದ್ವಿಚಕ್ರ ವಾಹನಗಳನ್ನು ಇಲ್ಲಿ ಪಟ್ಟಿ ಮಾಡಿದ್ದೇವೆ.

ನಿನ್ನೆ ಸಂಜೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ (Vladimir Putin), 23ನೇ ಭಾರತ-ರಷ್ಯಾ ವಾರ್ಷಿಕ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲು ಭಾರತಕ್ಕೆ ಆಗಮಿಸಿದರು. ದೆಹಲಿ ವಿಮಾನ ನಿಲ್ದಾಣದಲ್ಲಿ ಪ್ರಧಾನಿ ನರೇಂದ್ರ ಮೋದಿ (Narendra Modi) ಬರಮಾಡಿಕೊಂಡರು. ಆ ಬಳಿಕ, ಇಬ್ಬರು ನಾಯಕರು ಪ್ರಧಾನ ಮಂತ್ರಿ ಅವರ ಲೋಕ ಕಲ್ಯಾಣ್ ಮಾರ್ಗ್ ನಿವಾಸಕ್ಕೆ ಒಂದೇ ಕಾರಿನಲ್ಲಿ ಪ್ರಯಾಣ ಬೆಳೆಸಿದರು. ಸದ್ಯ, ಈ ಕಾರಿನ ಮೇಲೆ ಎಲ್ಲರ ಗಮನವು ಕೇಂದ್ರೀಕರಿಸಿದೆ.

ಪ್ರಮುಖ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನ ತಯಾರಕರಾದ ಬಜಾಜ್ ಆಟೋ ಲಿಮಿಟೆಡ್, ಇಂದು ಗೋಲ್ಡ್ USD ಫೋರ್ಕ್‌ಗಳು ಮತ್ತು ಸಿಂಗಲ್ ಪೀಸ್ ಸೀಟ್ ಕಾನ್ಫಿಗರೇಶನ್ ಹೊಂದಿರುವ ಪಲ್ಸರ್ N160 ನ ಹೊಸ ವೇರಿಯೆಂಟ್ ಅನ್ನು ಬಿಡುಗಡೆ ಮಾಡಿದೆ. ಇತ್ತೀಚಿನ ನವೀಕರಣವು ಜನಪ್ರಿಯ N ಸಿರೀಸ್‌ಗೆ ಸುಧಾರಿತ ಸೌಕರ್ಯ ಮತ್ತು ಉತ್ತಮ ರೈಡಿಂಗ್ ಡೈನಾಮಿಕ್ಸ್ ಅನ್ನು ತರುತ್ತದೆ. ಇದು ಭಾರತದಲ್ಲಿ ಸ್ಪೋರ್ಟಿ ಮೋಟಾರ್‌ಸೈಕ್ಲಿಂಗ್ ಅನ್ನು ಕೈಗೆಟುಕುವ ಬೆಲೆಯಲ್ಲಿ ಹೆಚ್ಚು ಖರೀದಿಸುವಂತೆ ಮಾಡುತ್ತದೆ. ಹೊಸ ವೇರಿಯೆಂಟ್ ಬೆಲೆ ರೂ. 1,23,983 (ಎಕ್ಸ್-ಶೋರೂಂ) ಇದ್ದು, ಇಂದಿನಿಂದ ಭಾರತದಾದ್ಯಂತ ಡೀಲರ್‌ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ.

ದೇಶವೇ ಮೆಚ್ಚಿರುವ ನಂಬರ್ 1 ಕಾರಾಗಿ ಟಾಟಾ ನೆಕ್ಸಾನ್ (Tata Nexon) ಹೊರಹೊಮ್ಮಿದೆ. ಇದೊಂದು ಕಾಂಪ್ಯಾಕ್ಟ್ ಎಸ್‌ಯುವಿಯಾಗಿದೆ. ಗ್ರಾಹಕರು ಕೂಡ ಮುಗಿಬಿದ್ದು ಕೊಂಡುಕೊಳ್ಳುತ್ತಿದ್ದಾರೆ. ಪ್ರತಿ ತಿಂಗಳು ಉತ್ತಮ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿದೆ. ಈ ನವೆಂಬರ್‌ನಲ್ಲಿಯೂ ಅದು ಮುಂದುವರಿದಿದೆ. ಬರೋಬ್ಬರಿ 22,434 ಯುನಿಟ್‌ಗಳನ್ನು ಖರೀದಿದಾರರಿಗೆ ವಿತರಿಸಲಾಗಿದೆ. ನಾವಿಲ್ಲಿ ಇದೇ 'ನೆಕ್ಸಾನ್' ಕಾರನ್ನು ಏಕೆ ಖರೀದಿಸಬೇಕು ಎಂಬುದರ ಕುರಿತಂತೆ 5 ಪ್ರಮುಖ ಕಾರಣಗಳನ್ನು ತಿಳಿಸಿಕೊಟ್ಟಿದ್ದೇವೆ.

ವಿಯೆಟ್ನಾಂ ಮೂಲದ ಪ್ರಮುಖ ಕಾರು ತಯಾರಕ ಕಂಪನಿಯಾದ ವಿನ್‌ಫಾಸ್ಟ್, ತಮಿಳುನಾಡಿನ ತೂತುಕುಡಿಯಲ್ಲಿರುವ ಸಿಪ್ಕಾಟ್ ಕೈಗಾರಿಕಾ ಉದ್ಯಾನವನದಲ್ಲಿ ಕಂಪನಿಯ ಅಸ್ತಿತ್ವದಲ್ಲಿರುವ ಸೌಲಭ್ಯದ ಅಭಿವೃದ್ಧಿಗಾಗಿ ಸುಮಾರು 200 ಹೆಕ್ಟೇರ್ ಭೂಮಿಯನ್ನು ಹಂಚಿಕೆ ಮಾಡಲು ವಿನ್‌ಫಾಸ್ಟ್ ಮತ್ತು ತಮಿಳುನಾಡು ಸರ್ಕಾರವು ತಿಳುವಳಿಕೆ ಒಪ್ಪಂದಕ್ಕೆ (ಎಂಒಯು) ಸಹಿ ಹಾಕಿವೆ. ಈ ಮೂಲಕ ಸರ್ಕಾರವು ಹೊಸ ಕಂಪನಿಗೆ ಎಲೆಕ್ಟ್ರಿಕ್ ಕಾರುಗಳಿಂದ ಎಲೆಕ್ಟ್ರಿಕ್ ಬಸ್‌ಗಳು, ಇ - ಸ್ಕೂಟರ್ ‌ಗಳು ಮತ್ತು ಚಾರ್ಜಿಂಗ್ ಮೂಲಸೌಕರ್ಯಗಳಿಗೆ ವಿಸ್ತರಿಸಲು ಅವಕಾಶವನ್ನು ಒದಗಿಸಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಮಹೀಂದ್ರಾ ಎಕ್ಸ್‌ಯುವಿ 3ಎಕ್ಸ್ಒ (Mahindra XUV 3XO) ಜಗಮೆಚ್ಚಿದ ಎಸ್‌ಯುವಿಯಾಗಿದೆ. ಇದು ನೋಡಲು ತುಂಬಾ ಚೆನಾಗಿದ್ದು, ಹಲವು ಹೊಸತನಗಳಿಗೂ ಸಾಕ್ಷಿಯಾಗಿದೆ. ಪ್ರತಿ ತಿಂಗಳು ಉತ್ತಮ ಸಂಖ್ಯೆಯಲ್ಲಿಯೂ ಮಾರಾಟವಾಗುತ್ತಿದೆ. ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿ ಮಾಡುತ್ತಿದ್ದಾರೆ. ನೀವು ಹೊಚ್ಚ ಹೊಸ ಕಾರೊಂದನ್ನು ಖರೀದಿ ಮಾಡಲು ಆಲೋಚಿಸಿದ್ದೀರಾ.. ಹಾಗಾದರೆ 'ಎಕ್ಸ್‌ಯುವಿ 3ಎಕ್ಸ್ಒ' ಅತ್ಯುತ್ತಮವಾದ ಆಯ್ಕೆಯಾಗಲಿದೆ. ಬನ್ನಿ, ಈ ಕಾರಿನ ಬೆಲೆ, ವಿನ್ಯಾಸ, ಕಾರ್ಯಕ್ಷಮತೆ, ಮೈಲೇಜ್ ಹಾಗೂ ವೈಶಿಷ್ಟ್ಯಗಳ ಕುರಿತಂತೆ ಪ್ರಮುಖಾಂಶಗಳು ಏನೆಂಬುದನ್ನು ತಿಳಿಯೋಣ.

ಹೀರೋ ಹೆಚ್ಎಫ್ ಡಿಲಕ್ಸ್ (Hero HF Deluxe) ಜನಪ್ರಿಯ ಬೈಕ್ ಎಂದೇ ಹೆಸರುವಾಸಿಯಾಗಿದೆ. ಇದು ಕನಿಷ್ಠ ರೂ.55,992 ಹಾಗೂ ಗರಿಷ್ಠ ರೂ.68,485 (ಎಕ್ಸ್-ಶೋರೂಂ) ದರವನ್ನು ಪಡೆದಿದೆ. ಅತ್ಯುತ್ತಮವಾದ ವಿನ್ಯಾಸವನ್ನು ಒಳಗೊಂಡಿದ್ದು, ನೋಡುಗರ ಕಣ್ಣು ಕುಕ್ಕುವಂತಿದೆ. ಬ್ಲ್ಯಾಕ್ ವಿತ್ ಪರ್ಪಲ್, ಬ್ಲ್ಯಾಕ್ ವಿತ್ ರೆಡ್, ಟೆಕ್ನೋ ಬ್ಲ್ಯೂ, ಹೆವಿ ಗ್ರೇ ವಿತ್ ಗ್ರೀನ್ ಹಾಗೂ ಹೆವಿ ಗ್ರೇ ವಿತ್ ಬ್ಲ್ಯಾಕ್ ಎಂಬ ಬಣ್ಣಗಳ ಆಯ್ಕೆಯಲ್ಲಿಯೂ ದೊರೆಯುತ್ತದೆ. 1,965 ಮಿ.ಮೀ ಉದ್ದ, 720 ಮಿ.ಮೀ ಅಗಲ ಹಾಗೂ 1,045 ಮಿ.ಮೀ ಎತ್ತರವಿದೆ. 165 ಮಿ.ಮೀ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 1,235 ಮಿ.ಮೀ ವೀಲ್‌ಬೇಸ್‌ನ್ನು ಹೊಂದಿದೆ.

ಭಾರತದಲ್ಲಿ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಪ್ರಯಾಣಿಸುವ ತನ್ನ ಚಂದಾದಾರರಿಗಾಗಿ ರಿಲಯನ್ಸ್ ಜಿಯೋ ಹೊಸ ಸುರಕ್ಷತಾ ವೈಶಿಷ್ಟ್ಯವನ್ನು ಪರಿಚಯಿಸುತ್ತಿದೆ. ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ (NHAI) ಸಹಯೋಗದೊಂದಿಗಿನ ಇತ್ತೀಚಿನ ಪಾಲುದಾರಿಕೆಯಡಿ, ಹೆದ್ದಾರಿಗಳ ಅಪಾಯಕಾರಿ ವಿಭಾಗಗಳನ್ನು ಸಮೀಪಿಸುವಾಗ ಜಿಯೋ ಬಳಕೆದಾರರು ಈಗ ತಮ್ಮ ಮೊಬೈಲ್ ಫೋನ್‌ಗಳಿಗೆ ನೇರವಾಗಿ ನೈಜ-ಸಮಯದ ಸುರಕ್ಷತಾ ಎಚ್ಚರಿಕೆಗಳನ್ನು ಸ್ವೀಕರಿಸಲಿದ್ದಾರೆ ಎಂದು ವರದಿಯಾಗಿದೆ. ಈ ಟೆಲಿಕಾಂ ಆಧಾರಿತ ಎಚ್ಚರಿಕೆ ವ್ಯವಸ್ಥೆಯು ಸಂಭಾವ್ಯ ಅಪಾಯಗಳ ಬಗ್ಗೆ ಸಮಯೋಚಿತ ಅಧಿಸೂಚನೆಗಳನ್ನು ಒದಗಿಸುವ ಮೂಲಕ ರಸ್ತೆ ಸುರಕ್ಷತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ.

ಬೆಳವಣಿಗೆ ಮತ್ತು ಗ್ರಾಹಕರ ನಂಬಿಕೆಯ ಯಶಸ್ವಿ ವರ್ಷವನ್ನು ಗುರುತಿಸುತ್ತಾ, JSW MG ಮೋಟಾರ್ ಇಂಡಿಯಾ ಡಿಸೆಂಬರ್ 5 ರಿಂದ 7 ವರೆಗೆ ತನ್ನ ಎಲ್ಲಾ ವಾಹನಗಳಲ್ಲಿ ತನ್ನ ರೋಮಾಂಚಕಾರಿ 'ಮಿಡ್‌ನೈಟ್ ಕಾರ್ನಿವಲ್' ಅಭಿಯಾನವನ್ನು ದೇಶಾದ್ಯಂತ ಪ್ರಾರಂಭಿಸುವುದಾಗಿ ಘೋಷಿಸಿದೆ. ಎಲ್ಲಾ MG ಶೋ ರೂಂಗಳು ಈ ಮೂರು ದಿನಗಳವರೆಗೆ ಮಧ್ಯರಾತ್ರಿಯವರೆಗೆ ತೆರೆದಿರುತ್ತವೆ. ಹಬ್ಬದ, ಕಾರ್ನೀವಲ್‌ನಂತಹ ಅನುಭವದ ಭಾಗವಾಗಿರುವಾಗ ಗ್ರಾಹಕರು ತಮ್ಮ ನೆಚ್ಚಿನ MG ವಾಹನಗಳನ್ನು ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಅನ್ವೇಷಿಸಲು ಹೆಚ್ಚಿನ ಸಮಯ ಮತ್ತು ಅನುಕೂಲವನ್ನು ನೀಡುತ್ತಿರುವುದಾಗಿ ಎಂಜಿ ತಿಳಿಸಿದೆ.

ಭಾರತದಲ್ಲಿ 100 ಸಿಸಿ ಸಾಮರ್ಥ್ಯದ ಬೈಕ್‌ಗಳು, ಕೈಗೆಟುಕುವ ಬೆಲೆ ಹಾಗೂ ಭರ್ಜರಿ ಮೈಲೇಜ್ ನೀಡುವುದಕ್ಕೆ ಹೆಸರುವಾಸಿಯಾಗಿವೆ. ನೀವು ದಿನಬಳಕೆಗೆ ಹೊಚ್ಚ ಹೊಸ ಮೋಟಾರ್‌ಸೈಕಲ್‌ವೊಂದನ್ನು ಕೊಂಡುಕೊಳ್ಳಲು ಆಲೋಚಿಸಿದ್ದೀರಾ.. ಹಾಗಾದರೆ ಈ ವಿಭಾಗದಲ್ಲಿ ಖರೀದಿಗೆ ದೊರೆಯುವ ಬಜಾಜ್ ಪ್ಲಾಟಿನಾ 100, ಹೋಂಡಾ ಶೈನ್ 100, ಹೀರೋ ಪ್ಯಾಶನ್ ಪ್ಲಸ್, ಹೀರೋ ಸ್ಪ್ಲೆಂಡರ್ ಪ್ಲಸ್ ಹಾಗೂ ಹೀರೋ ಹೆಚ್ಎಫ್ ಡಿಲಕ್ಸ್ ಮಾಡೆಲ್‌ಗಳು ಬೆಸ್ಟ್ ಚಾಯ್ಸ್ ಆಗಲಿವೆ. ಬನ್ನಿ, ಇವುಗಳ ಬೆಲೆ ಎಷ್ಟು, ವಿಶೇಷತೆಗಳೇನು ಎಂಬುದರ ಕುರಿತಂತೆ ಸಂಕ್ಷಿಪ್ತವಾದ ವಿವರಗಳನ್ನು ತಿಳಿಯೋಣ.

ಆಫ್ರಿಕಾ ಮಾರುಕಟ್ಟೆಗಾಗಿ ನಿರ್ಮಿಸಲಾದ ಹ್ಯುಂಡೈ ಐ10 ಕಾರನ್ನು GNCAP (ಜಾಗತಿಕ ಹೊಸ ಕಾರು ಮೌಲ್ಯಮಾಪನ ಕಾರ್ಯಕ್ರಮ) ಕ್ರಾಷ್ ಪರೀಕ್ಷೆ ನಡೆಸಿದ್ದು, 0 (ಶೂನ್ಯ) ಸ್ಟಾರ್ ರೇಟಿಂಗ್ ನೀಡಿದೆ. ಈ ಕಾರು ಮಕ್ಕಳ ರಕ್ಷಣೆಯಲ್ಲಿ ಕೇವಲ 3 ಸ್ಟಾರ್ ಹಾಗೂ ವಯಸ್ಕರ ರಕ್ಷಣೆಯಲ್ಲಿ 0 ಸ್ಟಾರ್ ರೇಟಿಂಗ್ ಪಡೆದುಕೊಂಡಿದೆ. ಇದು ಆಫ್ರಿಕಾ ಜನರಿಗೆ ಅಪಾಯಕಾರಿಯಾಗಿದೆ, ತೀರಾ ಕಳಪೆ ಎಂದು GNCAP ಪರೀಕ್ಷೆ ನಿರ್ಧರಿಸಿದೆ. ಭಾರತದಲ್ಲಿ ನಿರ್ಮಾಣವಾಗಿರುವ ಈ ಹುಂಡೈ ಗ್ರ್ಯಾಂಡ್ ಐ10 ಅನ್ನು #SaferCarsForAfrica ಅಭಿಯಾನದ ಭಾಗವಾಗಿ ಪರೀಕ್ಷಿಸಲಾಯಿತು, ಇದರ ಫಲಿತಾಂಶಗಳು ದಕ್ಷಿಣ ಆಫ್ರಿಕಾಕ್ಕೆ ಮಾತ್ರ ಮಾನ್ಯವಾಗಿವೆ.

ಜಪಾನ್ ಮೂಲದ ನಿಸ್ಸಾನ್ (Nissan) ಜಗಮೆಚ್ಚಿದ ವಾಹನ ತಯಾರಕ ಕಂಪನಿ ಎಂದೇ ಹೆಸರುವಾಗಿದೆ. ಭಾರತ ಸೇರಿದಂತೆ ಹತ್ತಾರು ದೇಶಗಳಲ್ಲಿ ವಿವಿಧ ಕಾರುಗಳನ್ನು ಯಶಸ್ವಿಯಾಗಿ ಮಾರಾಟಗೊಳಿಸುತ್ತಿದೆ. ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿ ಮಾಡುತ್ತಿದ್ದಾರೆ. ಸದ್ಯ, ಬ್ರೆಜಿಲ್‌ನ ಸಾವೊ ಪಾಲೊದಲ್ಲಿ ನಡೆದ ಅದ್ದೂರಿ ಸಮಾರಂಭದಲ್ಲಿ ಹೊಚ್ಚ ಹೊಸ 'ಕೈಟ್' ಹೆಸರಿನ ಎಸ್‌ಯುವಿಯನ್ನು ಜಾಗತಿಕವಾಗಿವಾಗಿ ಪರಿಚಯಿಸಿದೆ. ಬನ್ನಿ, ಈ ಕಾರಿನ ಬೆಲೆ ಎಷ್ಟು, ವಿಶೇಷತೆಗಳೇನು ಎಂಬುದರ ಕುರಿತಂತೆ ಸಂಪೂರ್ಣವಾದ ವಿವರಗಳನ್ನು ತಿಳಿಯೋಣ.

ವಿಯೆಟ್ನಾಂ ಮೂಲದ ಬಹುದೊಡ್ಡ ಎಲೆಕ್ಟ್ರಿಕ್ ಕಾರು ತಯಾರಕ ಕಂಪನಿಯಾದ 'ವಿನ್‌ಫಾಸ್ಟ್' (Vinfast) ಭಾರತದಲ್ಲಿ ಇತ್ತೀಚೆಗೆ ಪಾದಾರ್ಪಣೆ ಮಾಡಿದೆ. ತನ್ನ ಮೊದಲೆರಡು ಕಾರುಗಳನ್ನು ಕೂಡ ದೇಶದಲ್ಲಿ ಪರಿಚಯಿಸಿ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಇದೀಗ ವಿನ್‌ಫಾಸ್ಟ್ ಭಾರತದಲ್ಲಿ ಮುಂದಿನ ದೊಡ್ಡ ಎಲೆಕ್ಟ್ರಿಕ್ ಕಾರನ್ನು ಬಿಡುಗಡೆ ಮಾಡುವ ಯೋಜನೆಯನ್ನು ದೃಢಪಡಿಸಿದೆ. ಇದು ಭಾರತದಲ್ಲಿ ಕಂಪನಿಯ ಮೂರನೇ ಎಲೆಕ್ಟ್ರಿಕ್ ಕಾರಾಗಿರಲಿದ್ದು, ಇದರ ಹೆಸರು ವಿನ್‌ಫಾಸ್ಟ್ 'ಲಿಮೋ ಗ್ರೀನ್' (Limo Green) ಆಗಿದೆ. 7-ಸೀಟರ್ ಎಲೆಕ್ಟ್ರಿಕ್ ಕಾರಾಗಿ ಮಾರಾಟವಾಗಲಿದೆ.

ಮೊನ್ನೆ ಮೊನ್ನೆವರೆಗೆ ಹಲವರು ಮಾರುತಿ ಕಾರುಗಳು ಕಳಪೆ ಎಂದು ಜರಿಯುತ್ತಿದ್ದರು. ಅಷ್ಟರಮಟ್ಟಿಗೆ ನಕಾರಾತ್ಮಕ ಅಭಿಪ್ರಾಯವನ್ನು ಬೆಳೆಸಿಕೊಂಡಿದ್ದರು. ಸದ್ಯ, ಕಂಪನಿಯ ಒಂದೊಂದೇ ಕಾರುಗಳು ಸುರಕ್ಷಿತ ವಾಹನಗಳ ಪಟ್ಟಿಗೆ ಸೇರ್ಪಡೆಯಾಗುತ್ತಿವೆ. ದೇಶದ ಕಾರುಗಳಿಗೆ ಸೇಫ್ಟಿ ಟೆಸ್ಟ್ ನಡೆಸುವ ಸಂಸ್ಥೆ 'ಭಾರತ್ ಎನ್‌ಸಿಎಪಿ' ಡಿಜೈರ್, ವಿಕ್ಟೋರಿಸ್, ಇನ್ವಿಕ್ಟೋ ಹಾಗೂ ಇ-ವಿಟಾರಾಗಳನ್ನು ಅತಿ ಸುರಕ್ಷಿತ ಪ್ರಯಾಣಿಕ ವಾಹನಗಳೆಂದು ತೀರ್ಮಾನಿದೆ. ಬನ್ನಿ, ಆ ಬಗ್ಗೆ ಹೆಚ್ಚಿನ ವಿವರಗಳನ್ನು ತಿಳಿಯೋಣ.

ಐಷಾರಾಮಿ ಕಾರು ತಯಾರಕ ಬ್ರಾಂಡ್ ಆಗಿರುವ ಲೆಕ್ಸಸ್ ಇಂಡಿಯಾ ಡಿಸೆಂಬರ್ 3, 2025 ರಂದು ತನ್ನ ಐಷಾರಾಮಿ ಹೈಬ್ರಿಡ್ ಎಸ್‌ಯುವಿಯ ಹೊಸ ಆರಂಭಿಕ ಹಂತದ ಟ್ರಿಮ್ ಆಗಿ RX 350h ಎಕ್ಸ್‌ಕ್ವಿಸೈಟ್ ವೇರಿಯೆಂಟ್ ಅನ್ನು ಬಿಡುಗಡೆ ಮಾಡಿದೆ. ಇದರ ಬೆಲೆ ರೂ. 89.99 ಲಕ್ಷ (ಎಕ್ಸ್-ಶೋರೂಂ) ಇದೆ. ಇದು ಹೆಚ್ಚಿನ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಉಳಿಸಿಕೊಂಡು ಹಿಂದಿನ ಐಷಾರಾಮಿ ಟ್ರಿಮ್‌ಗಿಂತ ಸುಮಾರು ರೂ. 6 ಲಕ್ಷ ಕಡಿಮೆ ಆಗಿದೆ. ಹೊಸ ಎಕ್ಸ್‌ಕ್ವಿಸೈಟ್ ವೇರಿಯೆಂಟ್ ಕುರಿತ ಪ್ರಮುಖಾಂಶಗಳು ಇಲ್ಲಿವೆ.