ഇന്ത്യയിലെ വാഹന വിപണിയിൽ 50 ശതമാനത്തോളം വിപണി വിഹിതമുള്ള ബ്രാൻഡാണ് മാരുതി സുസുക്കി. അതായത് രാജ്യത്ത് രണ്ട് വാഹനങ്ങൾ വിറ്റുപോയാൽ ഒന്ന് മാരുതി സുസുക്കി ആയിരിക്കുമെന്നതാണ് കണക്ക്. കഴിഞ്ഞ മാസം ലക്ഷകണക്കിന് വീടുകളിലാണ് ബ്രാൻഡ് സന്തോഷം വിതറിയത്. ഈ മാസവും മാരുതി തങ്ങളുടെ നെക്സ ഷോറൂമുകളിലെ ലൈനപ്പുകൾക്ക് കിടിലൻ ഓഫറുകളാണ് പ്രഖ്യാപിച്ചിരിക്കുന്നത്. അതിൽ പ്രധാനിയാണ് ജനപ്രിയ എസ്‌യുവിയായ ഗ്രാൻഡ് വിറ്റാര.ലക്ഷങ്ങളുടെ ഓഫറാണ കമ്പനി പ്രഖ്യാപിച്ചിരിക്കുന്നത്. നവംബറിൽ എസ്‌യുവി സ്വന്തമാക്കിയാൽ നിങ്ങൾക്ക് 1 വർഷത്തേക്ക് പെട്രോൾ അടിക്കാനുളള കാശ് ലാഭമെന്ന് ചുരുക്കം.

ഒരു വാഹനം ഓടാന്‍ അത്യന്താപേക്ഷിതമായ കാര്യമാണ് ഇന്ധനം. പെട്രോള്‍, ഡീസല്‍, വൈദ്യുതി, സിഎന്‍ജി എന്നിങ്ങനെ വിവിധ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങള്‍ നമ്മുടെ രാജ്യത്ത് സുലഭമാണ്. എന്നിരുന്നാലും ഭൂരിഭാഗവും ഇപ്പോഴും പരമ്പരാഗത ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങളാണ് ഉപയോഗിക്കുന്നത്. ഒരു വാഹനം ഉപയോഗിക്കുമ്പോള്‍ ഓരോരുത്തരും അവരുടെ ശീലത്തിനും സാമ്പത്തിക സ്ഥിതിക്കും അനുസരിച്ചാണ് ഇന്ധനം നിറയ്ക്കുക. ചിലര്‍ ഫുള്‍ ടാങ്ക് ഇന്ധനം നിറയ്ച്ച് പ്രത്യേക ലെവലില്‍ എത്തുമ്പോള്‍ റീഫില്‍ ചെയ്യാറാണ് പതിവ്. എന്നാല്‍ സ്ഥിരമായി ബൈക്കുകളിലും മറ്റും 100 രൂപയ്ക്ക് പെട്രോള്‍ നിറയ്്ച്ച് അത് തീരുന്നത് വരെ ഓടുന്ന വിരുതന്‍മാരുണ്ട്.

ഇന്ത്യയിൽ സെഡാനുകളുടെ (Sedan) കാലം കഴിഞ്ഞുവെന്ന് വിധി എഴുതിയവരാണ് പലരും. എന്നാൽ അങ്ങനൊരു സംഭവം ഇവിടില്ലെന്നും ത്രീ ബോക്‌സ് ടൈപ്പ് വാഹനങ്ങൾ വാങ്ങാൻ ഇനിയും ഇവിടെ ആളുണ്ടാവുമെന്ന് തെളിയിച്ചവരാണ് ജർമൻ വാഹന നിർമാതാക്കളായ ഫോക്‌സ്‌വാഗൺ (Volkswagen). ഒരുകാലത്ത് കാർ എന്നാൽ എല്ലാവരുടേയും അവസാനവാക്കായിരുന്നു സെഡാനുകൾ. എന്നാൽ എസ്‌യുവികളുടെ കടന്നുവരവോടെ പലരും ത്രീ-ബോക്‌സ് ടൈപ്പ് വാഹനങ്ങളോട് അത്ര താത്പര്യം കാണിക്കാറില്ല. ബോഡി റോൾ ഒന്നുമില്ലാതെ നല്ല യാത്രാസുഖം തരുന്ന വണ്ടികളാണെങ്കിലും എല്ലാവർക്കും ഇപ്പോൾ ഉയർന്നിരുന്ന് യാത്ര ചെയ്യാനാണ് താത്പര്യം.

ഒന്നിലേറെ തവണ കപ്പിനും ചുണ്ടിനും ഇടയില്‍ നഷ്ടമായ ഐസിസി ഏകദിന ക്രിക്കറ്റ് ലോകകപ്പ് കിരീടം ഒടുവില്‍ സ്വന്തം മണ്ണില്‍ വെച്ച് സ്വന്തമാക്കിയിരിക്കുകയാണ് ഇന്ത്യന്‍ വനിതാ ടീം. പ്രാഥമിക റൗണ്ടില്‍ 3 മത്സരങ്ങള്‍ പരാജയപ്പെട്ട് സ്വന്തം ആരാധകരില്‍ നിന്ന് വരെ ട്രോളുകള്‍ ഏറ്റുവാങ്ങേണ്ടി വന്ന് ഹര്‍മന്‍പ്രീത് കൗറും സംഘവും വിമര്‍ശനങ്ങള്‍ അഭിനന്ദനങ്ങളാക്കി മാറ്റിയിരിക്കുകയാണ്. നവംബര്‍ രണ്ടിന് ഞായറാഴ്ച നവി മുംബൈയില്‍ നടന്ന ഫൈനലില്‍ ദക്ഷിണാഫ്രിക്കയെയാണ് തോല്‍പ്പിച്ചാണ് ഇന്ത്യ കന്നി ലോകകപ്പ് സ്വന്തമാക്കിയത്. കാലങ്ങളോളം രാജ്യത്തെ കായികപ്രേമികള്‍ക്ക് ഓര്‍മിക്കാന്‍ തക്കവണ്ണമുള്ള ചില മത്സരങ്ങള്‍ സമ്മാനിച്ച ഇന്ത്യന്‍ വനിതാ ക്രിക്കറ്റ് ടീം ഇപ്പോള്‍ ഏഴാം സ്വര്‍ഗത്തിലാണ്.

ഇന്ത്യയിലെ ന്യൂജെൻ എസ്‌യുവികളുമായി ഏറ്റുമുട്ടാൻ ഒരുങ്ങിയിറങ്ങുകയാണ് ടാറ്റയുടെ 90 കിഡ് സിയറ (Tata Sierra). എന്നാൽ പഴഞ്ചൻ പേര് കടമെടുത്തിട്ടുണ്ടെങ്കിലും പക്കാ മോഡേൺ ആയിട്ടാണ് ആശാന്റെ രണ്ടാംവരവ്. സിയറ എന്ന പേരിന് ഇപ്പോഴുമുള്ള ഫാൻബേസ് മുതലെടുക്കാൻ ഇത്തവണ ടാറ്റ മോട്ടോർസിന് സാധിക്കുമെന്നാണ് വിലയിരുത്തൽ. നവംബർ 25-ന് ഇന്ത്യൻ വിപണിയിലേക്ക് സിയറ മടങ്ങിയെത്തും. ടാറ്റയുടെ മോഡൽ നിരയിൽ കർവിനും ഹാരിയറിനും ഇടയിലായിരിക്കും ഈ മിഡ്-സൈസ് എസ്‌യുവിയുടെ സ്ഥാനം. അടുത്തിടെ ടീസറുകളിലൂടെ ഹൈപ്പുയർത്തിയ മോഡലിന്റെ വരവിനായി രാജ്യം മുഴുവൻ ഒരുപോലെ കാത്തിരിക്കുകയാണ്.

ഹാച്ച്ബാക്കുകൾ, സെഡാനുകൾ, എസ്‌യുവികൾ, ഇലക്ട്രിക് വാഹനങ്ങൾ എന്നിവയുടെ ആഗോള നിർമ്മാതാക്കളായി തിളങ്ങി നിൽക്കുന്ന ഒരു ബ്രാൻഡാണ് ടാറ്റ മോട്ടോർസ് (Tata Motors). ഇപ്പോഴിതാ അതിവേഗം വളരുന്ന വാഹന വിപണിയിലേക്ക് ടാറ്റ ഒരുഗ്രൻ കുതിച്ചുച്ചാട്ടത്തിന് ഒരുങ്ങുകയാണ്. ഇതിൻ്റെ ഭാഗമായി ഇന്ത്യൻ ഇവി പ്രേമികൾക്ക് ഈ നവംബർ മാസത്തിൽ കമ്പനി ഒരുക്കുന്നത് വമ്പൻ ഡിസ്കൌണ്ടുകളാണ്, ടാറ്റ തങ്ങളുടെ ഏറ്റവും ജനപ്രിയ മോഡലുകളായ ഇലക്ട്രിക് കാറുകൾക്കാണ് ആകർഷകമായ ഓഫറുകൾ വാഗ്ദാനം ചെയ്തിരിക്കുന്നത്. വാർത്തയുടെ കൂടുതൽ വിശദാംശമറിയാൻ തുടർന്ന് വായിച്ചോളൂ.

കോംപാക്‌ട് എസ്‌യുവി സെഗ്മെന്റ് തൂക്കാൻ ഹ്യുണ്ടായി വെന്യുവിന്റെ ( New Gen Hyundai Venue) പുതുതലമുറ മോഡൽ പിറവികൊണ്ടിരിക്കുകയാണ്. കിടിലൻ ഡിസൈനും ഫീച്ചറുകളും വിട്ടുവീഴ്ച്ചയില്ലാത്ത സേഫ്റ്റിയും എല്ലാമായി വാഹനം ഇതിനോടകം തരംഗമായിട്ടുണ്ട്. ഒപ്പം ഇന്നലെ പ്രഖ്യാപിച്ച വില നിർണയം കൂടിയായപ്പോൾ എതിരാളികളുടെ കിളി പോയിട്ടുണ്ടെന്ന് വേണം പറയാൻ. മാനുവൽ, ഓട്ടോമാറ്റിക് ഓപ്ഷനുകളുമായി ജോടിയാക്കിയ 1.2 ലിറ്റർ NA പെട്രോൾ, 1.0 ലിറ്റർ ടർബോ പെട്രോൾ, 1.5 ലിറ്റർ ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകളിലാണ് സബ്-4 മീറ്റർ എസ്‌യുവി എത്തിയിരിക്കുന്നത്.

ലോകത്തിലെ തന്നെ ഏറ്റവും വലിയ ഇരുചക്ര വാഹന മാമാങ്കങ്ങളിൽ ഒന്നായ ECIMA മോട്ടോർഷോയുടെ 2025 പതിപ്പിലും തിളങ്ങി ഇന്ത്യയുടെ സ്വന്തം ടൂവീലർ ബ്രാൻഡായ ഹീറോ മോട്ടോർപ്. ഹീറോ സ്വന്തം ബാനറിലും ഇലക്ട്രിക് സബ്സിഡിയറി കമ്പനിയായ വിഡയുടെ ബാനറിലും ഒന്നിലധികം ഉൽപ്പന്നങ്ങൾ പ്രദർശിപ്പിച്ചാണ് കമ്പനി ശ്രദ്ധനേടിയിരിക്കുന്നത്. കൂട്ടത്തിൽ ഏവരുടേയും കണ്ണുടക്കിയത് എക്‌സ്‌പൾസ് 210 ഡക്കാർ എഡിഷനിലും പുതിയ ഹങ്ക് 440 SX എന്ന മോഡലിലുമാണ്. ഇതിൽ അഡ്വഞ്ചർ ബൈക്കായ എക്‌സ്‌പൾസിന്റെ റാലി എഡിഷൻ ഏവരും കാത്തിരുന്ന മോഡലുകളിൽ ഒന്നായിരുന്നു.

ആഗോള വാഹന വിപണിയിൽ തന്നെ പതിറ്റാണ്ടുകളായി സ്ഥാനം ഉറപ്പിച്ച ജാപ്പനീസ് വാഹന നിർമാതാക്കളാണ് ടൊയോട്ട. ലോകത്തിൽ തന്നെ ഏറ്റവും കൂടുതൽ കാറുകൾ വിറ്റഴിക്കുന്ന ബ്രാൻഡ് എന്ന കിരീടം സ്വന്തമാക്കി കുതിക്കാൻ തുടങ്ങിയിട്ട് കാലം കുറയായതിനാൽ ഇന്ത്യക്കാർക്കും ടൊയോട്ടയെ പെരുത്തിഷ്ട്ടാണ്. ഇന്ന് ആഗോളതലത്തിൽ ദശലക്ഷക്കണക്കിന് വാഹനങ്ങൾ സമ്മാനിക്കുന്ന ഒരു വൻകിട ബ്രാൻഡായാണ് തലയുയർത്തി നിൽക്കുന്നത്. ഇപ്പോഴിതാ പുത്തൻ ഹൈലക്സിൻ്റെ വാർത്തകളുമായി മുന്നോട്ട് വന്നിരിക്കുകയാണ് കമ്പനി.

ജനങ്ങളുടെ പൾസറിഞ്ഞ് കൃത്യമായ രീതിയിൽ കാറുകൾ പുറത്തിറക്കാൻ പ്രത്യേക കഴിവുള്ളവരാണ് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി. ചെറിയ വിലയുള്ള ഹാച്ച്ബാക്കുകൾ മുതൽ വലിയ 8 സീറ്റർ പ്രീമിയം എംപിവി വരെ ഇപ്പോൾ കമ്പനിയുടെ നിരയിലുണ്ട്. മൊത്തത്തിൽ ഇന്ത്യക്കാരെ മനസിലാക്കി പ്രവർത്തിക്കുന്ന കമ്പനിയാണ് മാരുതി. സാധാരണക്കാരൻ ഒരു കാർ വാങ്ങിയേക്കാമെന്ന് വിചാരിച്ചാൽ അവന്റെ ആദ്യ ചോയ്‌സ് സുസുക്കി ബാഡ്‌ജുള്ള മോഡലായിരിക്കും. അതിപ്പോൾ സെക്കൻഡ് ഹാൻഡായാലും പുതിയതായാലും അങ്ങനെ തന്നെയാവും. അങ്ങേയറ്റത്തെ വിശ്വാസം, കുറഞ്ഞ മെയിന്റനെൻസ്, ഒടുക്കത്തെ മൈലേജ് എന്നിവയാണ് മാരുതി കാറുകളെ മറ്റുള്ളവരിൽ നിന്നും വേറിട്ടുനിർത്തുന്നത്.

രാജ്യത്ത് ഏറ്റവും കൂടുതൽ ജനപ്രീതിയാർജിച്ച ഒരു ഇറ്റാലിയൻ പ്രീമിയം മോട്ടോർസൈക്കിൾ ബ്രാൻഡാണ് ഡ്യുക്കാട്ടി. ഡ്യുക്കാട്ടിയുടെ ബൈക്ക് എന്ന് കേട്ടാൽ ഒരു സൂപ്പർഹീറോ പരിവേഷമാണുള്ളത്. ഇന്ന് ന്യൂ-ജെൻ ഇരുചക്ര വാഹന പ്രേമികളുടെ ഹൃദയം അടക്കിവാഴുന്ന ബ്രാൻഡ് കൂടിയാണിത്. ഇപ്പോഴിതാ ഇന്ത്യയിൽ പുത്തനൊരു മോഡൽ പുറത്തിറക്കിയിരിക്കുകയാണ് കമ്പനി. ഡ്യുക്കാട്ടി സ്‌ക്രാംബ്ലർ 10° ആനിവേഴ്‌സരിയോ റിസോമ എഡിഷനാണ് (Ducati Scrambler 10° Anniversario Rizoma Edition) നമ്മുടെ നിരത്തുകൾ ഭരിക്കാനായി എത്തിയിരിക്കുന്നത്. പുത്തൻ എഡിഷൻ്റെ കൂടുതൽ വിവരങ്ങൾ അറിയേണ്ടേ. എങ്കിൽ ഈ ലേഖനം തുടർന്ന് വായിച്ചോളൂ.

ഇറ്റലിയിലെ മിലാനിൽ നടക്കുന്ന 2025 EICMA മോട്ടോർ ഷോയിൽ തങ്ങളുടെ ഏറ്റവും പുതിയ അഡ്വഞ്ചർ ടൂറർ മോട്ടോർസൈക്കിളിനെ പുറത്തിറക്കി ബവേറിയൻ ഇരുചക്ര വാഹന നിർമാതാക്കളായ ബിഎംഡബ്ല്യു മോട്ടോറാഡ്. ഇന്ത്യയുൾപ്പടെയുള്ള രാജ്യങ്ങളിൽ ഉടൻ വിൽപ്പനയ്ക്ക് എത്താൻ പോവുന്ന മോഡലിനെ ഇതാദ്യമായാണ് കമ്പനി പൊതുവേദിയിൽ അവതരിപ്പിക്കുന്നത്. നേരത്തെ കൺസെപ്റ്റ് പതിപ്പിൽ എത്തിയപ്പോൾ തന്നെ ഏറെ ഹൈപ്പുണ്ടാക്കിയ F 450 GS എഡിവിയുടെ പ്രൊഡക്ഷൻ പതിപ്പാണിത്. G 310 GS നിർത്തലാക്കിയപ്പോൾ സങ്കടപ്പെട്ടവർക്കെല്ലാം ഇരട്ടി സന്തോഷം നൽകുന്നതാണ് ബേബി ജിഎസിന്റെ വരവ്.

ഇറ്റലിയിലെ മിലാനിൽ നടക്കുന്ന EICMA മോട്ടോർസൈക്കിൾ ഷോയിൽ ഞെട്ടിച്ച് ഇന്ത്യൻ ഇരുചക്ര വാഹന നിർമാതാക്കളായ ടിവിഎസ് (TVS). ലോകത്തിലെ ഏറ്റവും വലിയ ഇരുചക്ര വാഹന മാമാങ്കത്തിൽ പുത്തൻ കൺസെപ്റ്റ് മോഡലുകൾ അവതരിപ്പിച്ചുകൊണ്ടാണ് ടിവിഎസ് ഏവരുടേയും ശ്രദ്ധയാകർഷിക്കുന്നത്. പെട്രോൾ, ഇലക്ട്രിക്, നെക്സ്റ്റ് ജെൻ കണക്റ്റഡ് ടെക്, റൈഡർ ഗിയർ ഇന്നവേഷനുകൾ, യൂറോപ്യൻ വിപണിക്കായുള്ള റോഡ്മാപ്പ് എന്നിവ ഉൾപ്പെടുന്ന 6 പുതിയ ഉൽപ്പന്നങ്ങൾ പുറത്തിറക്കിക്കൊണ്ടാണ് ടിവിഎസ് പങ്കെടുത്തിരിക്കുന്നത്. ഇതോടൊപ്പം ടിവിഎസിന്റെ ഉടമസ്ഥതയിലുള്ള നോർട്ടൺ ബ്രാൻഡിലും പുത്തൻ മോഡലുകൾ കമ്പനി പ്രദർശിപ്പിച്ചിട്ടുണ്ട്.

ഇന്ത്യയിലെ നമ്പര്‍ 1 കാര്‍ ബ്രാന്‍ഡ് ആയ മാരുതി സുസുക്കി ഏറ്റവും പുതുതായി വിപണിയില്‍ എത്തിച്ച എസ്‌യുവി യാണ് വിക്ടോറിസ്. മാരുതി അരീന ഡീലര്‍ഷിപ്പ് നെറ്റ്വര്‍ക്ക് വഴി വിപണനം ചെയ്യുന്ന വിക്ടോറിസ് സെപറ്റംബറിലാണ് പുറത്തിറങ്ങിയത്. അതേ മാസം നാലാം തീയതി ബുക്കിംഗ് ആരംഭിക്കുകയും നവരാത്രി ഉത്സവത്തിനോട് അനുബന്ധിച്ച് കസ്റ്റമര്‍ ഡെലിവറിയും തുടങ്ങി. മാരുതിയുടെ പുതിയ കോംപാക്ട് എസ്‌യുവി വെറും രണ്ട് മാസം കൊണ്ട് 30,000 ബുക്കിംഗ് വാരിക്കൂട്ടിയതായി കഴിഞ്ഞ ദിവസം റിപ്പോര്‍ട്ട് പുറത്തുവന്നിരുന്നു. അതില്‍ ഇന്ത്യക്കാരുടെ ഉപഭോക്തൃ വികാരം കൃത്യമായി പ്രതിഫലിക്കുന്നുണ്ട്.

ടെസ്‌ല പറക്കും കാറുകൾ നിർമ്മിക്കാൻ ഒരുങ്ങുന്നുവെന്ന അഭ്യൂഹങ്ങൾ ഓട്ടോമൊബൈൽ ലോകത്ത് ഇപ്പോൾ വലിയ ചർച്ചയായിരിക്കുകയാണ്. ടെസ്‌ലയുടെ സിഇഒ ഇലോൺ മസ്‌ക് ഒരു അഭിമുഖത്തിൽ നൽകിയ സൂചനകളാണ് ഇപ്പോൾ സംശയങ്ങൾക്ക് ആക്കം കൂട്ടിയിരിക്കുന്നത്. സാധാരണ കാറുകളെ യാഥാർത്ഥ്യമാക്കിയ ടെസ്‌ല, പറക്കും കാറുകളിലേക്കും കടന്നാൽ അത് വലിയൊരു മാറ്റമായിരിക്കുമെന്നാണ് വാഹന ലോകം പ്രതീക്ഷിക്കുന്നത്. എന്നാൽ സാധാരണ റോഡിലൂടെ ടുന്ന ഇവികൾ പോലെ അത്ര എളുപ്പമല്ല പറക്കുന്ന കാറുകൾ നിർമിക്കാൻ. പക്ഷേ ലോകത്തെ ഏറ്റവും വലിയ ധനികന് ഇതൊരു പ്രശ്നമേയല്ല എന്നാണ് സോഷ്യൽ മീഡിയയിലും എല്ലാം കമൻ്റ് ഉയരുന്നത്.

എന്താണ് അഡ്വഞ്ചർ ടൂറർ മോട്ടോർസൈക്കിളുകൾ എന്ന് ഇന്ത്യക്കാർക്ക് മനസിലാക്കി കൊടുത്ത മോഡലാണ് റോയൽ എൻഫീൽഡ് ഹിമാലയൻ. 411 സിസി മോഡലായ ഹിമാലയനിലൂടെ രാജ്യം വെട്ടിപ്പിടിച്ച കമ്പനി ഇന്ന് 450 സിസി ഹിമാലയനാണ് പുറത്തിറക്കുന്നത്. ആദ്യ തലമുറയ്ക്കുണ്ടായിരുന്ന കുറവുകളെല്ലാം നികത്തി ആശാൻ ന്യൂജെൻ ആയിട്ട് കുറച്ച് കാലം മാത്രമേ ആയിട്ടുള്ളൂ. പഴയ മോഡലിലെ എല്ലാ പോരായ്മകളും നികത്തി പുതിയ പ്ലാറ്റ്‌ഫോമും കരുത്തുറ്റ എഞ്ചിനും ആധുനിക ഫീച്ചറുകളുമെല്ലാം നിറച്ചായിരുന്നു ഹിമാലയൻ 450 അരങ്ങുവാഴാൻ എത്തിയത്. വില അൽപം കൂടുതലാണെങ്കിലും കൊടുക്കുന്ന പൈസയ്ക്കുള്ള ബൈക്കായി ഇത് മാറുകയും ചെയ്‌തിട്ടുണ്ട്.

എല്ലാവർക്കും എല്ലാ വാഹനങ്ങളും ഓടിക്കാൻ സാധിച്ചുവെന്ന് വരില്ല, കാരണം മറ്റൊന്നുമല്ല, ചിലർക്ക് ഉയരം കുറവായത് കൊണ്ട് കുഷ്യൻ ഇട്ട് ഉയരം ക്രമീകരിക്കാറുണ്ട്. ഇന്ത്യയിൽ 10 ലക്ഷം രൂപയിൽ താഴെ എക്സ്-ഷോറൂം വില വരുന്ന വാഹനങ്ങളിൽ ഡ്രൈവർ സീറ്റ് ഉയരം ക്രമീകരിക്കാൻ സാധിക്കുന്ന ചില മോഡലുകളുണ്ട്. സേഫ്റ്റി, ആധുനിക സൗകര്യങ്ങൾ എന്നിവയിൽ മുന്നിൽ നിൽക്കുന്ന ടാറ്റ പഞ്ച്, മാരുതി സുസുക്കി സ്വിഫ്റ്റ്, ഹ്യുണ്ടായി എക്സ്റ്റർ, മാരുതി സുസുക്കി ബലേനോ തുടങ്ങിയ മോഡലുകളിൽ നിങ്ങൾക്ക് ഈ ഫീച്ചറുകൾ ലഭിക്കുന്നുണ്ട്. കൂടുതൽ വിശദമായി തന്നെ ഒന്ന് പരിശോധിച്ചാലോ.

ഹാച്ച്ബാക്ക് സെഗ്മെൻ്റുകളുടെയും എസ്‌യുവി സെഗ്മെൻ്റുകളുടെയും മത്സരയോട്ടത്തിൽ വേറിട്ടു നിൽക്കുന്ന മറ്റൊരു വിഭാഗമാണ് സെഡാനുകളുടേത്. ഇന്ത്യൻ സെഡാൻ വിപണി എപ്പോഴും വൈവിധ്യമാർന്ന മോഡലുകളാൽ സമ്പന്നമാണ്. കോംപാക്‌ട്, മിഡ്-സൈസ് ശ്രേണിയിലെ രണ്ട് മിടുക്കൻമാരാണ് ഹ്യുണ്ടായി ഓറയും ഹോണ്ട സിറ്റിയും. സെഗ്മെന്റ് വേറെയെങ്കിലും സെഡാനുകളിൽ മികച്ച ഫാമിലി കാർ ഏതാണെന്ന് പലർക്കും സംശയമുണ്ടാവും അല്ലേ. രണ്ട് മോഡലുകളും ഒരു ഫാമിലി സെഡാൻ്റെ സവിശേഷതകൾ ഒരുപോലെ വാഗ്ദാനം ചെയ്യുന്നുണ്ടെങ്കിലും, ഇവ തമ്മിൽ രാവും രാത്രിയും തമ്മിലുള്ള വ്യത്യാസങ്ങളുണ്ട്. നിങ്ങൾ ഒരു സെഡാൻ വാങ്ങണമെന്ന് ആഗ്രഹിക്കുന്നവരാണെങ്കിൽ ഈ ലേഖനം തീർച്ചയായും നിങ്ങൾക്ക് ഉപകാരപ്പെടും. കൂടുതലറിയാൻ തുടർന്ന് വായിച്ചോളൂ.

കഴിഞ്ഞ മാസം എല്ലാ ബ്രാൻഡുകൾക്കും മികച്ച വിൽപ്പന തന്നെ നേടാൻ സാധിച്ചിട്ടുണ്ട്. ഉത്സവ കാലത്തിനൊപ്പം തന്നെ മികച്ച പ്രമോഷനുകളും എല്ലാം ഇതിന് സഹായിച്ചിട്ടുണ്ട്. ചില പുതിയ മോഡലുകൾക്ക് പുറനമേ നേരത്തെയുളള ചില മോഡലുകൾ പുതുക്കി അവതരിപ്പിക്കാനും കമ്പനി ശ്രമിച്ചതിൻ്റെ ഫലമാണ് റെക്കോർഡ് വിൽപ്പന നേടാൻ കമ്പനിയെ സഹായിച്ചത്. ഏറ്റവും ഉയർന്ന പ്രതിമാസ വിൽപ്പനയിലൂടെ കമ്പനി ഒക്ടോബറിൽ 1.30 ലക്ഷം യൂണിറ്റുകളാണ് വിറ്റത്. കഴിഞ്ഞ വർഷത്തെ വിൽപ്പനയുമായി താരതമ്യം ചെയ്താൽ 8 ശതമാനത്തിൻ്റെ വർധനവാണ് സുസുക്കി നേടിയിരിക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കണേ.

EICMA 2025 അന്താരാഷ്ട്ര ഇരുചക്ര വാഹന പ്രദര്‍ശനം ഇറ്റലിയിലെ മിലാന്‍ നഗരത്തില്‍ ആരംഭം കുറിച്ചിരിക്കുകയാണ്. ടൂവീലര്‍ ഇന്‍ഡസ്ട്രിയിലെ പ്രധാനപ്പെട്ട ട്രേഡ് ഫെയറുകളില്‍ ഒന്നായ ഈ ഇവന്റില്‍ ഐക്കണിക് ബ്രാന്‍ഡ് ആയ റോയല്‍ എന്‍ഫീല്‍ഡ് വിവിധ വാഹനങ്ങള്‍ പ്രദര്‍ശിപ്പിച്ചിട്ടുണ്ട്. EICMA 2025-ല്‍ റോയല്‍ എന്‍ഫീല്‍ഡ് പുതിയ ഫ്ലയിംഗ് ഫ്ലീ FF.S6 സ്‌ക്രാംബ്ലര്‍ ഇലക്ട്രിക് മോട്ടോര്‍സൈക്കിള്‍ പ്രദര്‍ശിപ്പിച്ചു. റോയല്‍ എന്‍ഫീല്‍ഡിന്റെ ഇലക്ട്രിക് മൊബിലിറ്റി വിഭാഗമായ ഫ്ലയിംഗ് ഫ്ലീക്ക് കീഴില്‍ വരുന്ന രണ്ടാമത്തെ മോട്ടോര്‍സൈക്കിളാണ് ഇത്. റോയല്‍ എന്‍ഫീല്‍ഡിന്റെ വൈദ്യുത വാഹന വികസന പദ്ധതിയുടെ ഭാഗമായ FF.S6 മോഡലിനെ കുറിച്ച് ചുവടെ വിശദമായി വായിക്കാം.

ചെറിയ ബിസിനസുകാരെ സംബന്ധിച്ചിടത്തോളം ചെിയ വാണിജ്യ വാഹനങ്ങളോടായിരിക്കും താൽപ്പര്യം. അത് കൊണ്ട് തന്നെ അശോക് ലെയ്‌ലാൻഡിൻ്റെ വാഹനങ്ങളാണ് അവരുടെ ഏറ്റവും മികച്ച ഓപ്ഷൻ. ബ്രാൻഡിൻ്റെ ദോസ്ത് സീരിസ് വാണിജ്യരംഗത്ത് വലിയ വിപ്ലവം തന്നെ സൃഷ്ടിച്ച മോഡലുകളാണ്. കമ്പനി പുതുതായി അവതരിപ്പിച്ച Dost+ XL LX മോഡൽ കൂടുതൽ സ്പേസ്, മികച്ച പെർഫോമൻസ്, കുറഞ്ഞ മെയിൻ്റെനൻസ് ചിലവ് എന്നീ പ്രത്യേകതകൾ കൊണ്ട് ചെറുകിട ചരക്ക് ഗതാഗതത്തിൽ ഏവരുടേയും ആദ്യ ഓപ്ഷൻ ആയി മാറിയിട്ടുണ്ട്. വാഹനത്തെ കുറിച്ചുളള വിശദമായി വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ലോകത്തിലെ ഏറ്റവും വലിയ ഇരുചക്ര വാഹന മാമാങ്കമാണ് ഇറ്റലിയിലെ മിലാനിൽ നടക്കുന്ന EICMA മോട്ടോർസൈക്കിൾ ഷോ. ഹീറോ മോട്ടോകോർപ്, ടിവിഎസ്, റോയൽ എൻഫീൽഡ് തുടങ്ങിയ ഇന്ത്യയിലെ പ്രമുഖ ഇരുചക്ര വാഹന നിർമാതാക്കളെല്ലാം സജീവമായി പങ്കെടുക്കുന്ന പരിപാടിയിൽ നിരവധി പുത്തൻ ബൈക്കുകളും കൺസെപ്റ്റ് പതിപ്പുകളുമെല്ലാം അവതരിപ്പിക്കാറുണ്ട്. ഇത്തവണത്തെ 2025 EICMA ഷോയിൽ നിരവധി പുത്തൻ മോഡലുകളെയാണ് എൻഫീൽഡ് പരിചയപ്പെടുത്തിയിരിക്കുന്നത്. ഇതിൽ ഏറ്റവും ആദ്യം ബുള്ളറ്റ് 650 പ്രദർശിപ്പിച്ചുകൊണ്ടാണ് കമ്പനി വാർത്തകളിൽ ഇടംനേടിയിരിക്കുന്നത്. 650 സിസി നിരയിലെ പുത്തൻ ബുള്ളറ്റിനെ കുറിച്ച് കൂടുതൽ അറിയാൻ തുടർന്ന് വായിച്ചോളൂ...

1990 കളില്‍ ഇന്ത്യന്‍ വിപണിയില്‍ വിലസിയ എസ്‌യുവിയാണ് ടാറ്റ സിയറ (Tata Sierra). 3-ഡോര്‍ ഡിസൈനിനും വലിയ റിയര്‍ ഗ്ലാസ് പാനലുകള്‍ക്കും പേരുകേട്ട ഒറിജിനല്‍ സിയറ ടാറ്റ ടെല്‍കോളിന്‍ പിക്കപ്പ് പ്ലാറ്റ്ഫോമിനെ അടിസ്ഥാനമാക്കിയായിരുന്നു നിര്‍മിച്ചത്. 1991-ല്‍ വിപണിയില്‍ എത്തിയ സിയറ 2003 വരെ ഉത്പാദനത്തില്‍ ഉണ്ടായിരുന്നു. 2020, 2023 ഓട്ടോ എക്സ്പോയില്‍ ടാറ്റ മോട്ടോര്‍സ് സിയറ നെയിംപ്ലേറ്റ് കണ്‍സെപ്റ്റ് രൂപത്തില്‍ പുനരുജ്ജീവിപ്പിച്ചതോടെ എസ്‌യുവിക പ്രേമികള്‍ ആവേശത്തിലായിരുന്നു. ഇപ്പോള്‍ 22 വര്‍ഷത്തിന് ശേഷം ടാറ്റ സിയറ വീണ്ടും വിപണിയിലെത്താന്‍ പോകുകയാണ്. നവംബര്‍ 25-നാണ് ടാറ്റ സിയറയുടെ പുതിയ മോഡല്‍ പുറത്തിറങ്ങുന്നത്.

ഏറ്റവും മത്സരാധിഷ്ഠിതമായ കോംപാക്‌ട് എസ്‌യുവി സെഗ്മെന്റിലേക്ക് പുതുരൂപവും ഭാവവും ആവാഹിച്ച് എത്തിയിരിക്കുകയാണ് ഹ്യുണ്ടായിയുടെ കുഞ്ഞൻ പെർഫോമൻസ് എസ്‌യുവിയായ വെന്യു N ലൈൻ. രണ്ടാംതലമുറ ആവർത്തനത്തിൽ ഡിസൈനും ഫീച്ചറുകളും സേഫ്റ്റിയുമെല്ലാം മുമ്പത്തേതിനേക്കാൾ കിടിലമാക്കിയാണ് ന്യൂജെൻ മോഡലിന്റെ വരവ്. വെന്യുവിന്റെ സ്റ്റാൻഡേർഡ് വേരിയന്റുകളേക്കാൾ ചില കോസ്മെറ്റിക് പരിഷ്ക്കാരങ്ങളും അധിക ഫീച്ചറുകളും പെർഫോമൻസുമായാണ് കുട്ടിക്കൊമ്പന്റെ വരവ്. തുക്കിയ സ്പോർട്ടിയർ വേരിയന്റ് മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷനുകളിലായി N6, N10 എന്നീ രണ്ട് വേരിയന്റുകളിൽ ലഭ്യമാകും. വില നോക്കിയാലും ഞെട്ടിക്കുന്ന പ്രൈസിംഗാണ് ഇട്ടിരിക്കുന്നത്.

ടെക്നോളജിയിൽ പുലികളായ ഹ്യുണ്ടായിയുടെ ഏറെ കാത്തിരുന്ന ഹ്യുണ്ടായി വെന്യു ഇന്ത്യൻ വിപണിയിൽ എത്തിച്ചിരിക്കുകയാണ്. പഴയ മോഡലിൽ നിന്ന് അടിമുടി മാറ്റങ്ങളുമായിട്ടാണ് വെന്യു എത്തിയിരിക്കുന്നത്. 32 മാറ്റങ്ങളാണ് പുതിയ വെന്യുവിൽ കമ്പനി നൽകിയിരിക്കുന്നത്. കംഫർട്ട്,സേഫ്റ്റി,പെർഫോമൻസ്,മൈലേജ് അങ്ങനെ എല്ലാത്തിലും ഹ്യുണ്ടായി തങ്ങളുടെ ഈ ജനപ്രിയ എസ്‌യുവിയിൽ നിരവധി മാറ്റങ്ങളാണ് കൊണ്ടുവന്നിരിക്കുന്നത്. 2019 -ലാണ് ഹ്യുണ്ടായി വെന്യു ഇന്ത്യൻ വിപണിയിൽ എത്തുന്നത്. ഇത് വരെ 7 ലക്ഷം കുടുംബങ്ങളിലാണ് വെന്യു എത്തിയിട്ടുളളത്. പുതിയ മോഡലിൻ്റെ മറ്റൊരു പ്രത്യേകത എന്താണെന്ന് വച്ചാൽ 2030 എത്തുമ്പോൾ 26 വാഹനമെന്ന ബ്രാൻഡിൻ്റെ ലക്ഷ്യത്തിലെ ആദ്യ വാഹനമാണ് പുതിയ 2025 ഹ്യുണ്ടായി വെന്യു.