ഇലക്ട്രിക് പാസഞ്ചര്‍ കാര്‍ വിപണിയില്‍ ടാറ്റ മോട്ടോര്‍സിന് കട്ട കോംപറ്റീഷന്‍ നല്‍കുന്ന കമ്പനിയാണ് എംജി മോട്ടോര്‍. സമീപകാലത്തായി ചില ഇലക്ട്രിക് കാറുകളിലൂടെയാണ് എംജി വാര്‍ത്തകള്‍ സൃഷ്ടിക്കുന്നത്. വിഖ്യാത ബ്രിട്ടീഷ് ബ്രാന്‍ഡ് ആയ എംജി നിലവില്‍ ചൈനീസ് കമ്പനിയായ SAIC ഗ്രൂപ്പിന് കീഴിലാണ്. 2019 മുതല്‍ ഇന്ത്യയില്‍ പ്രവര്‍ത്തിക്കുന്നുണ്ടെങ്കിലും കമ്പനിയുടെ ഗതിമാറ്റിക്കൊണ്ടിരിക്കുന്നത് ഇന്ത്യന്‍ കമ്പനിയായ ജെഎസ്ഡബ്ല്യു ഗ്രൂപ്പ് എംജിയില്‍ നിക്ഷേപവുമായി സഹ ഉടമകളായുതാടെയാണ്. ജെഎസ്ഡബ്ല്യു എത്തിയതോടെ എംജി പ്രധാനമായും ഇലക്ട്രിക് കാറുകളില്‍ ശ്രദ്ധ കേന്ദ്രീകരിക്കുകയും വിദേശ വിപണികളിലുള്ള ഗ്രൂപ്പിന്റെ മികച്ച ഉല്‍പ്പന്നങ്ങള്‍ ഇന്ത്യയില്‍ എത്തിക്കാനും തുടങ്ങി.

നമ്മൾ ഉപയോഗിക്കുന്ന ഭൂരിഭാഗം കാറുകളും ഫ്രണ്ട് വീൽ ഡ്രൈവ് മോഡലുകളായിരിക്കും. എന്തുകൊണ്ടായിരിക്കും ഇന്ത്യയിലെ മിക്ക വാഹനങ്ങളും ഈയൊരു സംവിധാനത്തിൽ പുറത്തിറങ്ങുന്നതെന്ന് എപ്പോഴെങ്കിലും ചിന്തിച്ചിട്ടുണ്ടോ? FWD ലേഔട്ടുള്ള കാറുകളും എസ്‌യുവികളും നിർമിക്കാൻ എളുപ്പവും ചെലവ് കുറഞ്ഞതുമാണ് എന്നതു തന്നെയാണ് ഇതിന്റെ പിന്നിലെ രഹസ്യം. എന്നാൽ യൂട്ടിലിറ്റി വാഹനങ്ങൾ, എസ്‌യുവികൾ, പ്രീമിയം സെഡാനുകൾ, സ്‌പോർട്‌സ് കാറുകൾ എന്നിവയിൽ റിയർ-വീൽ ഡ്രൈവ് സജ്ജീകരണവും ഉണ്ടാവാറുണ്ട്. പക്ഷേ നമ്മുടെ അത്ര സാധാരണമല്ലെന്ന് മാത്രം. വിലകൂടിയ ആഡംബര കാറുകളിലാണ് റിയർ-വീൽ-ഡ്രൈവ് സംവിധാനങ്ങൾ കൂടുതലും നൽകുന്നത്.

56-ാമത് ജിഎസ്ടി കൗണ്‍സില്‍ യോഗത്തിലേക്കായിരുന്നു ഇന്ത്യൻ ജനതയും കണ്ണും മനസും അർപ്പിച്ച് കാത്തിരുന്നത്. എന്തായാലും കാത്തിരുന്നത് വെറുതെയായില്ല. സാധാരണക്കാർക്ക് വേണ്ടിയുളള പരിഷ്കാരങ്ങൾ നികുതിയിൽ വരുത്തിയിട്ടുണ്ട് എന്നാണ് കേന്ദ്ര ധനമന്ത്രി നിര്‍മ്മല സീതാരാമന്‍ പറഞ്ഞത്. ഇനി മുതൽ നാല് സ്ലാബുകള്‍ രണ്ടായി കുറച്ചുകൊണ്ട് ജിഎസ്ടി കൗണ്‍സില്‍ നികുതി സമ്പ്രദായത്തില്‍ തന്നെ നിര്‍ണായക മാറ്റം നടത്തിയിരിക്കുകയാണ്. ടാക്സിൽ 12, 28 ശതമാനം നിരക്കുകള്‍ ഒഴിവാക്കുകയും 5ശതമാനം, 18 ശതമാനം സ്ലാബുകള്‍ മാത്രമാക്കിയിരിക്കുകയാണ്. ഓട്ടോമോട്ടീവ് രംഗത്ത് വളരെ നിർണായകമായ വില കുറവാണ് പ്രഖ്യാപിച്ചിരിക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

Maruti Suzuki Victorious launched with petrol, CNG, and hybrid options. Explore its design, features, and expected price in India. | മാരുതി സുസുക്കി വിക്ടോറിയസ് പെട്രോൾ, സിഎൻജി, ഹൈബ്രിഡ് ഓപ്ഷനുകളിൽ പുറത്തിറങ്ങി. ഇതിന്റെ ഡിസൈൻ, ഫീച്ചറുകൾ, പ്രതീക്ഷിക്കുന്ന വില എന്നിവ അറിയുക.

കാറിന്റെ വിന്‍ഡ്ഷീല്‍ഡിലെ കറുത്ത ഡോട്ടുകള്‍ അല്ലെങ്കില്‍ കുത്തുകള്‍ നിങ്ങള്‍ എപ്പോഴെങ്കിലും ശ്രദ്ധിച്ചിട്ടുണ്ടോ?. ശ്രദ്ധിച്ചിട്ടുണ്ടെങ്കില്‍ തന്നെ അവയുടെ ധര്‍മം എന്താണെന്ന് അറിയാമോ?. അറിയില്ലെങ്കിലും കുഴപ്പമില്ല. ഒട്ടുമിക്കയാളുകള്‍ക്കും ഇതിനെ കുറിച്ച് അറിവില്ല. മിക്ക കേസുകളിലും, ഗ്ലാസിന്റെ ചുറ്റിലും കറുത്ത വരകള്‍ ഉപയോഗിച്ച് ഈ കുത്തുകള്‍ കൂടുതല്‍ ആകര്‍ഷകമാക്കുന്നു. അതുകൊണ്ട് തന്നെ ഗ്ലാസിന് ഭംഗി കൂട്ടാനാണ് ഈ ഡോട്ടുകള്‍ നല്‍കിയതെന്ന് ഒരാള്‍ തെറ്റിദ്ധരിച്ചാലും തെറ്റ് പറയാനാകില്ല. വാസ്തവത്തില്‍, ഈ കുത്തുകള്‍ ഡിസൈന്‍ പ്രക്രിയയുടെ ഒരു അവിഭാജ്യ ഘടകമാണ്. അത് എന്താണെന്ന് നമുക്ക് വിശദമായി ചുവടെ വായിക്കാം.

രാജ്യം കാത്തിരുന്ന ഏറ്റവും പുതിയ കോംപാക്ട് എസ്‌യുവിയായ മാരുതി സുസുക്കി വിക്‌ടോറിസ് ആഗോള തലത്തില്‍ അരങ്ങേറ്റം കുറിച്ചിരിക്കുകയാണ്. ഇന്ത്യയില്‍ നിര്‍മിച്ച് 100-ലധികം ലോകരാജ്യങ്ങളിലേക്ക് കയറ്റുമതി ചെയ്യാന്‍ പോകുന്ന എസ്‌യുവിയുടെ വില ഒഴികെ ഒട്ടുമിക്ക വിവരങ്ങളും കമ്പനി പുറത്തുവിട്ടിട്ടുണ്ട്. മാരുതി സുസുക്കിയുടെ അരീന ഡീലര്‍ഷിപ്പ് വഴി വിപണനം ചെയ്യാന്‍ പോകുന്ന വിക്‌ടോറിസ് അതിന്റെ കിടിലന്‍ സവിശേഷതകള്‍ കൊണ്ട് ഇതിനോടകം നിരവധി പേരില്‍ പ്രതീക്ഷകള്‍ സൃഷ്ടിച്ചിട്ടുണ്ട്. ഏറ്റവും പുതിയ മാരുതി വിക്‌ടോറിസ് എസ്‌യുവിയുടെ ബുക്കിംഗ് വിവരങ്ങള്‍, ബുക്കിംഗ് തുക, ഡെലിവറി ടൈംലൈന്‍ എന്നിവ നമുക്ക് വിശദമായി പരിശോധിക്കാം.

തെലുങ്ക് സിനിമയിലെ സൂപ്പർസ്റ്റാറായി വിലസുന്ന നടനാണ് നാഗ ചൈതന്യ. തമന്നയോടൊപ്പമുളള 100% ലവ് എന്ന ചിത്രമാണ് നാഗയുടെ അഭിനയ ജീവിതത്തിൽ വഴിത്തിരിവായത്. അതിന് ശേഷം നിരവധി ഹിറ്റ് സിനിമകൾ സമ്മാനിക്കാൻ സാധിച്ചു. 2017-ൽ സിനിമപ്രേമികളുടെ പ്രിയപ്പെട്ട നായികയായ സാമാന്തയുമായി കല്ല്യാണം കഴിഞ്ഞു. എന്നാൽ 4 വർഷത്തെ ഭാമ്പത്യബന്ധം അവസാനിപ്പിച്ച് തൻ്റെ ജീവിതത്തിലേക്ക് നടൻ ക്ഷണിച്ചത് ശോഭിത ധുലിപാല എന്ന ജനപ്രിയ നടിയെയായിരുന്നു. താരത്തിൻ്റെ രണ്ട് വിവാഹങ്ങളും ആരാധകർ ഉത്സവം പോലെ കൊണ്ടാടിയതായിരുന്നു. ഇപ്പോൾ സോഷ്യൽ മീഡിയയിൽ വൈറലായിരിക്കുന്നത് ശോഭിതയെ നാഗ ചൈതന്യ തൻ്റെ പുത്തൻ ആഡംബര കാറിൽ എയർപോർട്ടിൽ കൊണ്ടുവിടുന്ന ചിത്രങ്ങളാണ്.

ജിഎസ്ടി നിരക്ക് ക്രമീകരണങ്ങൾ കാരണം നിക്ഷേപ പോർട്ട്ഫോളിയോകളിൽ മാറ്റങ്ങൾ വരുത്തണമെന്ന് വിദഗ്ദ്ധർ ശുപാർശ ചെയ്യുന്നു, ഉപഭോഗ ഓഹരികളിലും റിയൽ എസ്റ്റേറ്റിലും ശ്രദ്ധ കേന്ദ്രീകരിക്കുന്നു.

ഇന്ത്യൻ ക്രിക്കറ്റ് ടീമിൽ ശ്രീശാന്തിന് ശേഷം സാന്നിധ്യമറിയിച്ച മലയാളിയാണ് സഞ്ജു സാംസൺ. എന്നാൽ ശ്രീയിൽ നിന്നും വ്യത്യസ്‌തനായി ഏറെ ശാന്തനായ സഞ്ജു തന്റേതായ സ്ഥാനം ക്രിക്കറ്റ് പ്രേമികൾക്കിടയിൽ നേടിയെടുത്തിട്ടുണ്ട്. മലയാളികൾക്കിടയിൽ മാത്രമല്ല, സഞ്ജുവിന് അങ്ങ് വടക്കേ ഇന്ത്യയിലും വലിയ ആരാധകവൃന്ദമാണുള്ളത്. ഐപിഎല്ലിലെ സ്ഥിരം സാന്നിധ്യമായ താരം രാജസ്ഥാന്‍ റോയല്‍സിന്റെ നായകൻ കൂടിയാണ്. നായനകായി തിളങ്ങിയ സഞ്ജു സാംസണ്‍ അടുത്ത ഐപിഎല്‍ സീസണില്‍ ആര്‍ക്കൊപ്പമാവുമെന്ന ആകാംക്ഷയിലാണ് ക്രിക്കറ്റ് ലോകം. എംഎസ് ധോണിക്ക് പകരമായി ചെന്നൈ സൂപ്പർ കിംഗ്‌സ് നായകനായി നമ്മുടെ മലയാളി പയ്യൻ എത്തുമെന്ന അഭ്യൂഹങ്ങൾ അടുത്തിടെ എയറിലുണ്ടായിരുന്നു.

ഉത്സവ കാലം അടുക്കുമ്പോൾ ഓഫറുകളുടെ മാത്രമല്ല കേട്ടോ, പുതിയ മോഡലുകളും അവതരിപ്പിക്കാൻ പല ബ്രാൻഡുകളും ധൈര്യം കാണിക്കാറുണ്ട്. ഇപ്പോൾ മലയാളികളെ സംബന്ധിച്ച് ഓണക്കാലത്ത് വിക്ടോറിസ് എന്ന മിഡ്സൈസ് എസ്‌യുവിയിലൂടെ സർപ്രൈസ് നൽകിയിരിക്കുകയാണ് ജനപ്രിയ ബ്രാൻഡായ മാരുതി സുസുക്കി. പക്ഷേ ഇതിനെല്ലാം മുന്നേ തന്നെ ഹ്യുണ്ടായി തങ്ങളുടെ പണിപ്പുരയിൽ ഇന്ത്യൻ വിപണിക്കുളളത് ഒരുക്കുന്നുണ്ടായിരുന്നു. ഇപ്പോൾ രാജ്യത്ത് നിരവധി തവണ പരീക്ഷണയോട്ടം നടത്തിക്കൊണ്ടിരിക്കുന്ന പുതിയ തലമുറ ഹ്യുണ്ടായി വെന്യുവിൻ്റെ കാര്യമാണ് പറഞ്ഞു വരുന്നത്. വെന്യുവിൻ്റെ സ്പൈ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

ഏറെ നാളത്തെ കാത്തിരിപ്പിനൊടുവില്‍ മാരുതി സുസുക്കി തങ്ങളുടെ ഏറ്റവും പുതിയ എസ്‌യുവിയായ വിക്ടോറിസ് (Maruti Suzuki Victoris) ഇന്ത്യന്‍ വിപണിയില്‍ അവതരിപ്പിച്ചിരിക്കുകയാണ്. ബ്രാന്‍ഡിന്റെ അരീന ഡീലര്‍ഷിപ്പികള്‍ വഴി വില്‍ക്കുന്ന ഫ്ലാഗ്ഷിപ്പ് എസ്‌യുവിയുടെ വില കമ്പനി ഇനിയും പ്രഖ്യാപിച്ചിട്ടില്ല. 5-സീറ്റര്‍ എസ്‌യുവിയുടെ ലുക്കും സവിശേഷതകളും കാണുന്നവരുടെയെല്ലാം ശ്രദ്ധയാകര്‍ഷിക്കും. അതിനൊപ്പം തന്നെ സേഫ്റ്റിക്ക് പ്രാമുഖ്യം കൊടുക്കുന്നവര്‍ക്കും ഈ മാരുതി എസ്‌യുവി കണ്ണുംപൂട്ടി വാങ്ങാം. അവതരണ വേളയില്‍ തന്നെ മാരുതി സുസുക്കി തങ്ങളുടെ ഏറ്റവും പുതിയ എസ്‌യുവി ഭാരത് ന്യൂ കാര്‍ അസെസ്മെന്റ് പ്രോഗ്രം ക്രാഷ് ടെസ്റ്റില്‍ 5 സ്റ്റാര്‍ സേഫ്റ്റി റേറ്റിംഗ് നേടിയതായി പ്രഖ്യാപിച്ചു.

മാരുതി സുസുക്കിയുടെ നിരയിലേക്ക് പുതിയൊരു എസ്‌യുവി കൂടിയെത്തിയിരിക്കുകയാണ്. രാജ്യത്തെ ഏറ്റവും വലിയ വാഹന നിർമാതാക്കളിൽ നിന്നുള്ള ആദ്യ വൈദ്യുത കാറിനെ പ്രതീക്ഷിച്ചിരിക്കുന്ന സമയത്താണ് സർപ്രൈസായി മറ്റൊരു മോഡലിനെ കമ്പനി അവതരിപ്പിക്കുന്നത്. അടുത്തിടെയായി ടീസർ ചിത്രങ്ങളിലൂടെ ഹൈപ്പുയർത്തിയ വിക്ടോറിസ് എന്ന സുന്ദരക്കുട്ടപ്പനാണ് വിപണനത്തിന് എത്തിയിരിക്കുന്നത്. വില പ്രഖ്യാപനം പിന്നീട് നടക്കുമെങ്കിലും ഉത്സവ സീസണിൽ പുതിയ കാർ വാങ്ങാനിരിക്കുന്നവരെ ആകർഷിക്കാനായാണ് വണ്ടിയുടെ അവതരണം നടത്തിയിരിക്കുന്നത്. FWD, 4WD കോൺഫിഗറേഷനുകളിലുടനീളം 8 വേരിയൻ്റുകളിൽ മാരുതി വിക്ടോറിസ് (Maruti Suzuki Victoris) സ്വന്തമാക്കാനാവും.

ലോകത്തിലെ തന്നെ മൂന്നാമത്തെ ഏറ്റവും വലിയ വാഹന വിപണിയായി ഇന്ത്യയിലേക്ക് ഒരു ബ്രാൻഡ് എത്തി ക്ലച്ച് പിടിച്ചാൽ അത് അവരുടെ ഭാഗ്യം എന്നേ പറയാൻ സാധിക്കു. കാരണം മറ്റൊന്നുമല്ല ഇന്ത്യൻ വാഹന വിപണിയെ സംബന്ധിച്ചിടത്തോളം അങ്ങനെ പെട്ടെന്ന് ഒന്നും ആരേയും മനസിൽ കയറ്റി വയ്ക്കില്ല, പക്ഷേ ഇഷ്ടപ്പെട്ടാലോ പിന്നെ ചങ്ക് പറിച്ച് കൂടെ നിൽക്കും എന്നതാണ് ഗുണം.അതിൻ്റെ ഏറ്റവും വലിയ തെളിവ് തന്നെയാണ് ബിവൈഡിയുടെ വളർച്ചയും ടെസ്‌ലയുടെ തളർച്ചയും. ബിവൈഡി ഇന്ത്യയിൽ തങ്ങളുടെ 10000 യൂണിറ്റുകളുടെ വിൽപ്പന എന്ന വലിയ നേട്ടം കൈവരിച്ചിരിക്കുകയാണ്.

2025 ഓഗസ്റ്റ് മാസത്തെ വില്‍പ്പന കണക്കുകള്‍ പുറത്തു വന്നപ്പോള്‍ ഇന്ത്യയിലെ നമ്പര്‍ 1 ബ്രാന്‍ഡ് ആയ മാരുതി സുസുക്കി അത്ര സുഖകരമായ വാര്‍ത്തകള്‍ ആയിരുന്നില്ല ലഭിച്ചത്. 2024 ഓഗസറ്റുമായും 2025 ജൂലൈ മാസമായും താരതമ്യം ചെയ്യുമ്പോള്‍ വില്‍പ്പനയില്‍ ഇടിവാണ് രേഖപ്പെടുത്തിയത്. ഓഗസ്റ്റിലെ സെയില്‍സ് ചാര്‍ട്ടുകള്‍ കമ്പനി പങ്കുവെച്ചപ്പോള്‍ മിഡ്‌സൈസ് വിഭാഗത്തില്‍ പോസിറ്റീവ് ഫലങ്ങളാണുണ്ടായത്. 2025 ഏപ്രിലില്‍ മാസമാണ് ഈ വിഭാഗത്തില്‍ ഉള്‍പ്പെടുന്ന പ്രീമിയം സെഡാന്‍ ആയ സിയാസിന്റെ (Maruti Suzuki Ciaz) ഉത്പാദനം കമ്പനി അവസാനിപ്പിച്ചത്. കമ്പനിയുടെ നെക്‌സ ഡീലര്‍മാരില്‍ കുറച്ച് സ്റ്റോക്ക് ബാക്കിയുണ്ടായിരുന്നതിനാല്‍ കാര്‍ വിപണിയില്‍ നിന്ന് പിന്‍വലിച്ചിരുന്നില്ല.

നീണ്ടനാളത്തെ കാത്തിരിപ്പുകൾക്കൊടുവിൽ അമേരിക്കൻ ഇലക്‌ട്രിക് വാഹന നിർമാതാക്കളായ ടെസ്‌ല (Tesla) അടുത്തിടെ തങ്ങളുടെ ആദ്യ മോഡലിനെ ഇന്ത്യൻ വിപണിക്കായി സമ്മാനിക്കുകയുണ്ടായി. മോഡൽ Y എസ്‌യുവിയാണ് ഇലോൺ മസ്ക്കിന്റെ കമ്പനി ആഭ്യന്തര വിപണിക്കായി ആദ്യം പുറത്തിറക്കിയിരിക്കുന്നത്. റിയർവീൽ ഡ്രൈവ് (RWD), ലോംഗ് റേഞ്ച് RWD വേരിയന്റുകളിൽ ലഭ്യമാകുന്ന ടെസ്‌ല മോഡൽ Y ഇവിക്ക് യഥാക്രമം 59.89 ലക്ഷം രൂപയും 67.89 ലക്ഷം രൂപയുമാണ് എക്സ്ഷോറൂം വിലയായി മുടക്കേണ്ടി വരിക. എന്തായാലും തുടക്കം മോശമാക്കാതെ തന്നെ ബുക്കിംഗുകൾ വാരിക്കൂട്ടുകയാണ് ടെസ്‌ല.

ഇന്ന് ടെലിവിഷന്‍ ചാനലുകളില്‍ പല തരത്തിലുള്ള റിയാലിറ്റി ഷോകള്‍ സംപ്രേഷണം ചെയ്യാറുണ്ട്. സംഗീതം, നൃത്തം, അഭിനയം, കോമഡി എന്ന് തുടങ്ങി വിവിധ വിഭാഗങ്ങളില്‍ പ്രതിഭകളെ കണ്ടെത്താന്‍ റിയാലിറ്റി ഷോകള്‍ നടക്കുന്നു. റിയാലിറ്റി ഷോകള്‍ ജീവിതം മാറ്റിമറിച്ച പല വ്യക്തികളുടെ ഉദാഹരണവും നമ്മുടെ മുന്നിലുണ്ട്. അത്തരത്തില്‍ റിയാലിറ്റി ഷോ കണ്ടെടുത്ത ഒരു പ്രതിഭയാണ് സിരുണ്ടേ രഘു. മലയാളികള്‍ക്ക് ഇദ്ദേഹത്തെ അത്ര സുപരിതനാകാന്‍ വഴിയില്ല. കാരണം ഇദ്ദേഹം നമ്മുടെ തൊട്ട് അയല്‍ സംസ്ഥാനമായ കര്‍ണാടകയിലെ തിരക്കുള്ള അഭിനേതാവാണ്. സീ കന്നഡ ചാനലിലെ പ്രശസ്തമായ കോമഡി ഖിലാഡിഗലുവിന്റെ കണ്ടെത്തലാണ് ഇദ്ദേഹം.

സെഡാനുകളിലൂടെ മാത്രം ഹിറ്റടിച്ചിരുന്ന വാഹന നിർമാതാക്കളായിരുന്നു ഹോണ്ട. സിറ്റിയും സിവിക്കും അമേസുമെല്ലാം തരംഗം സൃഷ്‌ടിച്ച് നിരത്തുകൾക്ക് വിസ്‌മയമായിരുന്ന സമയമുണ്ടായിരുന്നു. അന്ന് എസ്‌യുവികൾ അത്ര ട്രെൻഡ് ആയിരുന്നില്ലെങ്കിലും CR-V പോലുള്ള ചില കിടിലൻ മോഡലുകൾ അന്നേ പുറത്തിറക്കി ഹോണ്ട കാലത്തിന് മുമ്പേ സഞ്ചരിച്ചിട്ടുണ്ട്. എന്നാൽ സ്പോർട് യൂട്ടിലിറ്റി വാഹനങ്ങൾ ട്രെൻഡ് സെറ്ററായപ്പോൾ ഹോണ്ടയുടെ പക്കൽ ഇന്ത്യക്കാർക്ക് കൊടുക്കാൻ വണ്ടികളൊന്നുമില്ലാതെ പോയി. എന്നാൽ ഇന്ത്യയിൽ പിടിച്ചുനിൽക്കണമെങ്കിൽ എസ്‌യുവി പുറത്തിറക്കിയേ മതിയാവൂ എന്ന സന്ദർഭം വന്നപ്പോൾ എലിവേറ്റ് എന്നൊരു മിടുക്കന് കമ്പനി രൂപംകൊടുക്കുകയും ചെയ്‌തിരുന്നു.

ടാറ്റയുടെ എൻട്രി ലെവൽ മോഡലായി കുഞ്ഞൻ കാറാണ് പഞ്ച്. പേര് പോലെ തന്നെ എതിരാളികളുടെ മുഖത്തൊരു കിടിലൻ പഞ്ച് നൽകിക്കൊണ്ടായിരുന്നു മോഡൽ എത്തിയത്. സിഎൻഡി പവർട്രെയിനിലും കൂടെ അവതരിപ്പിച്ചപ്പോൾ അക്ഷരാർത്ഥത്തിൽ എതിരെ നിൽക്കാൻ പോലും ആരും മടിക്കുന്ന അവസ്ഥയാണ് ഉണ്ടായത്. ഇവിയിലും ലഭ്യമാകുന്ന കുഞ്ഞൻ്റെ മുഖം മിനുക്കി അവതരിപ്പിക്കാൻ തീരുമാനിച്ചതിന് ശേഷം നിരവധി ടെസ്റ്റ് റൺ ചിത്രങ്ങൾ സോഷ്യൽ മീഡിയയിൽ പ്രത്യക്ഷപ്പെടുന്നുണ്ട്.കാഴ്ച്ചയിൽ കുഞ്ഞനെങ്കിലും സേഫ്റ്റിയുടെ കാര്യത്തിൽ മുതിർന്ന എസ്‌യുവികൾ പോലും മാറി നിൽക്കുമെന്നതാണ് പ്രത്യേകത. എന്തൊക്കെ മാറ്റങ്ങളാണ് ടാറ്റ പഞ്ചിൽ ബ്രാൻഡ് വരുത്തിയിരിക്കുന്നതെന്ന് വിശദമായി തന്നെ നോക്കിയാലോ.

പുതിയ വാഹനം വിപണിയിലെത്തിയെന്ന് കേൾക്കുമ്പോൾ ഒരു സന്തോഷമാണ്, എന്നാൽ നിങ്ങളെ എപ്പോഴെങ്കിലും ഒരു വാഹനം അത്ഭുതപ്പെടുത്തിയിട്ടുണ്ടോ? വാഹന വിപണിയിൽ പുറത്തിറങ്ങുന്ന എല്ലാ വാഹനങ്ങളും ഏകദേശം ഒരു പോലെയാണല്ലോ എന്ന് തോന്നിയേക്കാം. പക്ഷേ എംജിയുടെ ബ്ലോക്ക്ബസ്റ്റർ എസ്‌യുവിയായ ആസ്റ്റർ കണ്ടാൽ നിങ്ങൾ തീർച്ചയായും അത്ഭുതപ്പെട്ട് പോകുമെന്ന കാര്യത്തിൽ ഒരു സംശയവും വേണ്ട. ഷൈൻ, സെലക്ട് എന്നീ ട്രിമ്മുകൾ ചേർത്തുകൊണ്ട് എംജി അടുത്തിടെ ആസ്റ്റർ ലൈനപ്പിനെ ഒന്ന് പുതുക്കിയിരുന്നു.എന്തുകൊണ്ടായിരിക്കും എംജി തങ്ങളുടെ ആസ്റ്റർ എന്ന മോഡലിനെ ബ്ലോക്ക്ബസ്റ്റർ എസ്‌യുവി എന്ന് വിശേഷിപ്പിച്ചിരിക്കുന്നത് എന്ന് നോക്കിയാലോ.

ഇന്ത്യയില്‍ ഇലക്ട്രിക് കാറുകള്‍ക്ക് പ്രചാരമേറിക്കൊണ്ടിരിക്കുകയാണ്. മാസ് മാര്‍ക്കറ്റ് ഇവികള്‍ക്ക് പുറമെ പ്രീമിയം വിഭാഗത്തിലും ഒത്തിരി കാറുകള്‍ പുറത്തിറങ്ങുന്നുണ്ട്. പുതിയ മോഡലുകള്‍ പുറത്തിറങ്ങുന്നുണ്ടെങ്കിലും പലര്‍ക്കും ഇവികള്‍ വാങ്ങാന്‍ ഇന്നും മടിയാണ്. രാജ്യത്തെ പ്രമുഖരായ സെലിബ്രിറ്റികള്‍ ഇവികള്‍ വാങ്ങിക്കൊണ്ട് ഇവി വിപ്ലവത്തിന് ചൂട്ടുപിടിക്കുന്നുണ്ട്. കുറഞ്ഞ വിലയുള്ള ഇലക്ട്രിക് കാര്‍ ആയ എംജി കോമെറ്റ് ഇവി മുതല്‍ കോടികള്‍ വിലമതിക്കുന്ന പ്രീമിയം ഇവികള്‍ വരെ സെലിബ്രിറ്റികള്‍ വാങ്ങുന്നു. ഇപ്പോള്‍ ഇലക്ട്രിക് കാര്‍ ഉടമയാകുന്ന ഏറ്റവും പുതിയ സെലിബ്രിറ്റിയായി മാറിയിരിക്കുകയാണ് വെറ്ററന്‍ നടി ഹേമ മാലിനി. എംജി M9 ഇലക്ട്രിക് എംപിവിയാണ് ഡ്രീം ഗേള്‍ സ്വന്തമാക്കിയിരിക്കുന്നത്.

ഓണം റിലീസായി എത്തിയ പടങ്ങളെല്ലാം പണംവാരുകയാണ്. ലോകയും ഹൃദയപൂർവവും എല്ലാം പ്രേക്ഷകരുടെ മനംകവർന്ന് നിറഞ്ഞ സദസിൽ പ്രദർശനം തുടരുമ്പോൾ ഫഹദ് ഫാസിൽ നായകാനായി എത്തിയ ഓടും കുതിര ചാടും കുതിരയാണ് ഓണം റിലീസുകളിലെ ഫ്ലോപ്പായി പലരും പറയുന്നത്. ഞണ്ടുകളുടെ നാട്ടിൽ ഒരിടവേള എന്ന ചിത്രത്തിന് ശേഷം അൽത്താഫ് സലിം സംവിധാനം ചെയ്ത് ഫഹദ് ഫാസിൽ- കല്യാണി പ്രിയദർശൻ കൂട്ടുകെട്ടിൽ പുറത്തിറങ്ങിയ സിനിമയ്ക്ക് നെഗറ്റീവ് റിവ്യൂകളാണ് കണ്ടവരിൽ ഭൂരിഭാഗവും പറയുന്നത്. എന്തായാലും ഓണത്തിന് ലാലേട്ടനും കല്യാണി പ്രിയദർശനും ഒപ്പം മത്സരിക്കാനെത്തി ഫ്ലോപ്പാനായിരുന്നു ഫഹദിന്റെ വിധി. പക്ഷേ ഈ ഓണക്കാലത്ത് ഇതിന്റെ നിരാശയൊന്നും ഫഫയുടെ കൂട്ടിനുണ്ടാവില്ല കേട്ടോ.

തലക്കെട്ടിൽ പറഞ്ഞിരിക്കുന്നത് പോലെ ബോളിവുഡിലെ ഡ്രീം ഗേളിനെ അറിയാത്തവരായി ആരും തന്നെ കാണില്ല. അത് മറ്റാരുമല്ല സാക്ഷാൽ ദീപിക പദുക്കോൺ ആണ്. ഐശ്വര്യ എന്ന കന്നഡ ചിത്രത്തിലൂടെ അഭിനയരംഗത്തേക്ക് കയറിയ നടി ഷാറൂഖ് ഖാനൊപ്പമുളള ഓം ശാന്തി ഓം എന്ന ചിത്രത്തിലൂടെയാണ് പ്രേക്ഷകരുടെ മനസിൽ ഇടം നേടിയ ഡ്രീം ഗേളായി മാറിയത്. ഭർത്താവും ബോളിവുഡിലെ യുവതാരങ്ങളിൽ ഒരാളായ രൺവീർ സിംഗാണ്. ഒരു സിനിമയ്ക്ക് 20 കോടിയോളം രൂപയാണ് ദീപിക പ്രതിഫലമായി വാങ്ങുന്നതെന്നാണ് റിപ്പോര്‍ട്ട്. അതേസമയം രൺവീർ ആവട്ടെ 30 കോടി മുതൽ 50 കോടി രൂപ വരെയാണ് പ്രതിഫലമായി കൈപറ്റുന്നത്.

പുതിയ കാര്‍ വാങ്ങിയാല്‍ ഏറെ കാലം പുതുമയോടെ നിലനിര്‍ത്താന്‍ ആഗ്രഹിക്കുന്നവരാണ് പലരും. വണ്ടി വാങ്ങി മാസങ്ങള്‍ പിന്നിട്ടാലും ടെമ്പററി നമ്പര്‍ പ്ലേറ്റ് വെച്ച് ഓടുന്നവരും സീറ്റിലെ പ്ലാസ്്റ്റിക് കവര്‍ വരെ ഒഴിവാക്കത്തവരെ വരെ നമുക്ക് കാണാം. ഈ പ്ലാസ്റ്റിക് കവര്‍ ഒഴിവാക്കിയില്ലെങ്കിലുള്ള ഭവിഷത്തുകളെ കുറിച്ച് ഞങ്ങള്‍ നേരത്തെ തന്നെ ഒരു ലേഖനം പ്രസിദ്ധീകരിച്ചിരുന്നു. ഇത്തരത്തില്‍ കാര്‍ വാങ്ങുമ്പോള്‍ നിരുപ്രദവകരമെന്ന് കരുതി നമ്മള്‍ പറിച്ച് കളയാന്‍ മടിക്കുന്ന വേറെയും ചില സംഗതികള്‍ കാറില്‍ ഉണ്ട്. അത്തരത്തില്‍ കാര്‍ ഗ്ലാസില്‍ കാണപ്പെടുന്ന ഒരു സ്റ്റിക്കര്‍ നല്‍കിയേക്കാവുന്ന മുട്ടന്‍ 'പണി'യെ കുറിച്ചാണ് ഇനി പറയാന്‍ പോകുന്നത്.

ഇലക്‌ട്രിക് സ്‌കൂട്ടറുകളെ ഇന്ത്യക്കാർക്കിടയിൽ ജനപ്രിയരാക്കിയവരിൽ പ്രധാനിയാണ് ബെംഗളൂരു ആസ്ഥാനമായി പ്രവർത്തിക്കുന്ന ഇലക്ട്രിക് സ്റ്റാർട്ടപ്പ് ഇരുചക്ര വാഹന നിർമാതാക്കളായ ഏഥർ എനർജി. ഓലയും ഏഥറും ആദ്യ സ്ഥാനങ്ങൾ കൈയേറി മുൻനിരയിൽ സ്ഥാനം പിടിച്ചിരുന്നുവെങ്കിലും പിന്നീട് ബജാജും ടിവിഎസും വന്ന് ഇവി വിപണി വെട്ടിപ്പിടിക്കുകയായിരുന്നു. ഓല ഇതിനിടയിൽ ഒരുപാട് ചീത്തപ്പേരുകൾ വാങ്ങിക്കൂട്ടുകയും ചെയ്‌തപ്പോൾ ആരുടെ പക്കൽ നിന്നും പരാതിയും പരിഭവങ്ങളും കേൾപ്പിക്കാതെ ഏഥർ വൈദ്യുത സ്‌കൂട്ടർ രംഗത്തെ ഓമനക്കുട്ടനായി മുന്നേറി. കൃത്യമായ സമയത്ത് തങ്ങളുടെ മോഡലുകളെ മിടുക്കൻമാരാക്കുന്നതിലും ഏഥറിന് പ്രത്യേക കഴിവുണ്ട്.

വാഹനപ്രേമികളുടെ പ്രിയപ്പെട്ട സെഗ്മെൻ്റാണ് വിൻ്റേജ് വാഹനങ്ങൾ. പഴകുംന്തോറും വീര്യ കൂടുന്ന വിൻ്റേജ് കാറുകൾ മേയ്ച്ച് നടക്കാൻ പണം മാത്രമല്ല വേണ്ടത്, അതിനോട് താൽപ്പര്യം കൂടിയാണ്. പല വാഹനയുടമകളും നേരിടുന്ന പ്രശ്നമാണ് സർക്കാരിൻ്റെ ഭാഗത്ത് നിന്ന് വേണ്ട പരിഗണന വിൻ്റേജ് കാറുകളോട് കാണിക്കാത്തത്. എന്നാൽ ഇനി മുതൽ അങ്ങനെയൊരു പ്രശ്നം നേരിടില്ല. വിൻ്റേജ് കാറുടമകൾക്ക് തങ്ങളുടെ വാഹനത്തിൻ്റെ രജിസ്ട്രേഷൻ വിൻ്റേജ് കാറുകൾ എന്ന കാറ്റഗറിയിൽ ഉൾപ്പെടുത്താനുളള സംവിധാനം അവതരിപ്പിച്ചിരിക്കുകയാണ്. ഇതിലൂടെ വിൻ്റേജ് വാഹനങ്ങളെ കൂടുതലായി സംരക്ഷിക്കാനും കൃത്യമായ എണ്ണവും ലഭിക്കാൻ സഹായിക്കുന്നു. 50 വർഷത്തിൽ കൂടുതൽ പഴക്കമുള്ള വാഹനങ്ങളെയാണ് വിൻ്റേജ് കാറ്റഗറിയിൽ ഉൾപ്പെടുത്തുന്നത് എന്നത് പ്രത്യേകം ഓർക്കുക.