പ്രിയപ്പെട്ടവരുടെ പിറന്നാള്‍ അവര്‍ എന്നെന്നും ഓര്‍മിക്കുന്ന ഒന്നാക്കി മാറ്റാന്‍ എല്ലാവരും ശ്രമിക്കാറുണ്ട്. പ്രായപൂര്‍ത്തിയായി കഴിഞ്ഞാല്‍ ആണ്‍കുട്ടികള്‍ക്ക് മാതാപിതാക്കള്‍ ജന്മദിന സമ്മാനമായി ആദ്യം പരിഗണിക്കുന്നത് വാഹനങ്ങള്‍ ആയിരിക്കും. ഇപ്പോള്‍ മകനോട് ഏറെ കരുതലുള്ള ഒരു പിതാവ് മകന്റെ ജന്മദിനത്തിന് മുമ്പായി സര്‍പ്രൈസ് സമ്മാനം നല്‍കിയ സംഭവം സോഷ്യല്‍ മീഡിയയില്‍ ഏറെ ശ്രദ്ധിക്കപ്പെടുകയാണ്. പ്രശസ്ത കോമഡി താരമായ സുധേഷ് ലേഹ്രിയാണ് തന്റെ മകന് പിറന്നാള്‍ സമ്മാനമായി പുത്തന്‍ മഹീന്ദ്ര ഥാര്‍ റോക്സ് സമ്മാനിച്ച് ആരാധകരെ അമ്പരപ്പിച്ചത്. താരവും കുടുംബവും പുത്തന്‍ കാറിന് മുന്നില്‍ ആഘോഷിക്കുന്ന നിമിഷങ്ങള്‍ സോഷ്യല്‍ മീഡിയയില്‍ വൈറലായി.

ടയറുകൾ എന്നാൽ ഒരു കാറിന്റെ ഏറ്റവും പ്രധാന ഘടകങ്ങളിൽ ഒന്നാണല്ലോ. എഞ്ചിൻ എത്ര കരുത്തുണ്ടെങ്കിലും, ബ്രേക്കുകൾ എത്ര മികച്ചതായാലും, ടയറുകൾ ശരിയായ നിലയിൽ ഇല്ലെങ്കിൽ നിങ്ങളുടെ വാഹനത്തിൻ്റെ പെർഫോമൻസിനേയും സുരക്ഷയേയും ഗൗരവമായി ബാധിക്കും എന്ന് ആദ്യം തന്നെ മനസിലാക്കുക. ടയറുകളുടെ പരിപാലനത്തെ കുറിച്ച് നിരവധി തവണ പല ലേഖനങ്ങളും നിങ്ങളുമായി പങ്കുവച്ചിട്ടുണ്ട്. അതിൽ തന്നെ പ്രധാനപ്പെട്ട ഒരു കാര്യമാണ് ഈ ലേഖനത്തിലൂടെ നിങ്ങളുമായി പങ്കുവയ്ക്കുന്നത്. ചിലർ തങ്ങളുടെ കാറുകളിൽ ഇത് ചെയ്യുന്നുമുണ്ടാവാം. ഇനി കാറില്ലെങ്കിലും നിങ്ങൾ കാർ സ്വന്തമാക്കുമ്പോൾ പ്രാവർത്തികമാക്കാൻ വേണ്ടി അറിഞ്ഞു വച്ചോളു.

ഏതാനും വര്‍ഷങ്ങള്‍ക്ക് മുമ്പ് ഇന്ത്യയില്‍ പച്ച നമ്പര്‍പ്ലേറ്റ് ഘടിപ്പിച്ച വാഹനങ്ങളുടെ എണ്ണം വളരെ കുറവായിരുന്നു. രാജ്യത്ത് ഇലക്ട്രിക് വാഹന വില്‍പ്പന കൂടാനുള്ള ഒരു പ്രധാന കാരണം സബ്‌സിഡിയാണ്. ഐസിഇ വാഹനങ്ങളില്‍ നിന്ന് ജനങ്ങളെ ഇവികളിലേക്ക് ആകര്‍ഷിക്കുന്നതിനായി കേന്ദ്ര സര്‍ക്കാറും വിവിധ സംസ്ഥാന സര്‍ക്കാറുകളും സബ്‌സിഡികള്‍ നല്‍കി വന്നിരുന്നു. ഫാസ്റ്റര്‍ അഡോപ്ഷന്‍ ആന്‍ഡ് മാനുഫാക്ചറിംഗ് ഓഫ് ഇലക്ട്രിക് വെഹിക്കിള്‍സ് (ഫെയിം) പദ്ധതിക്ക് കീഴില്‍ കോടിക്കണക്കിന് രൂപയാണ് കേന്ദ്ര സര്‍ക്കാര്‍ ഇതിനായി ചെലവഴിച്ചത്. പെട്രോള്‍, ഇലക്ട്രിക് വാഹനങ്ങള്‍ തമ്മിലുള്ള വിലയിലെ അന്തരം കുറയ്ക്കാന്‍ ഈ സബ്സിഡികള്‍ സഹായിച്ചുവെന്ന് മാത്രമല്ല ഇവികള്‍ ജനകീയമാക്കാനും വഴിമരുന്നിട്ടു.

ഇതിഹാസ മോഡലുകളെല്ലാം ഇപ്പോൾ തിരിച്ചു വരവിൻ്റെ പാതയിലാണല്ലോ. സ്കോഡയുടെ പെർഫോമൻസ് രാജാവായ ഒക്ടാവിയ ആർഎസ് മോഡൽ ഇപ്പോൾ തിരികെ വന്നതും 100 യൂണിറ്റുകൾ ചൂടപ്പം പോലെയാണ് വിറ്റു പോയത്. അത് കൊണ്ട് കമ്പനി രണ്ടാമത്തെ ബാച്ച് കൊണ്ടുവരാനുളള തയ്യാറെടുപ്പിലാണെങ്കിലും ആ ബാച്ചിനുള്ള ബുക്കിങ്ങും കഴിഞ്ഞു എന്ന് പറഞ്ഞാൽ വിശ്വസിക്കാൻ സാധിക്കുമോ. എന്നാൽ സത്യം അതാണ്. ആകെ മൊത്തം 350 ബുക്കിങ്ങുകളാണ് സ്കോഡ ഒക്ടാവിയ ആർഎസ് മോഡലിന് ലഭിച്ചത്. അതിൽ ആദ്യത്തെ 100 യൂണിറ്റുകൾക്ക് ശേഷം ഇപ്പോൾ രണ്ടാമത്തെ ബാച്ച് വരുമ്പോൾ ആദ്യം ബുക്ക് ചെയ്തവർക്കാണ് മുൻഗണന. മൂന്നാമത്തെ ബാച്ചും കൂടി ഇറക്കേണ്ടി വരുമെന്നാണ് തോന്നുന്നത്.

സ്പോർട്സ് കാറുകൾ അല്ലെങ്കിൽ ലക്ഷ്വറി കാറുകൾ എന്ന് കേൾക്കുമ്പോൾ ആദ്യം മനസ്സിലേക്ക് വരുന്ന പേരാണ് പോർഷ. ഓട്ടോമോട്ടീവ് ലോകത്തെ ഒരു ബ്രാൻഡ് എന്നതിലുപരി, വാഹനപ്രേമികളുടെ ഹൃദയ സ്പന്ദനം കൂട്ടുന്ന കാർ ബ്രാൻഡ് കൂടിയാണിവർ. എല്ലാ മോഡലുകൾക്കും അതിൻ്റേതായ പ്രത്യേകതകൾ കൊണ്ട് നിറഞ്ഞതാണെങ്കിലും അതിൽ രാജാവായി ഒരാൾ ഉണ്ടെങ്കിൽ അത് പോർഷ 911 തന്നെയാണ്. വർഷങ്ങളായി നിരന്തരം അപ്ഡേറ്റുകൾ നൽകി ഇപ്പോൾ അതിന്റെ പുതിയ തലമുറയായ 2025 പോർഷ 911 ടർബോ എസ് ഇന്ത്യയിൽ എത്തിയിരിക്കുന്നു. 3.80 കോടി രൂപ പ്രാരംഭ വിലയിൽ ലഭ്യമാകുന്ന ഈ മോഡലിൻ്റെ ഡെലിവറികൾ 2026ൻ്റെ പകുതിയോടെ ആരംഭിക്കുമെന്നാണ് കമ്പനി അറിയിച്ചിരിക്കുന്നത്.

ഇന്ത്യയിലെ ഇലക്ട്രിക് വാഹന വിപണി അനുദിനം വളര്‍ന്ന് കൊണ്ടിരിക്കുകയാണ്. നിലവില്‍ ആഭ്യന്തര വാഹന നിര്‍മാതാക്കളായ ടാറ്റ മോട്ടോര്‍സ്, മഹീന്ദ്ര എന്നിവയ്‌ക്കൊപ്പം ജെഎസ്ഡബ്ല്യു എംജി മോട്ടോര്‍ ഇന്ത്യയുമാണ് ഈ വിഭാഗം ഭരിച്ച് കൊണ്ടിരിക്കുന്നത്. എംജിയെ കൂടാതെ നിരവധി വിദേശി ഇവി ഭീമന്‍മാര്‍ അടുത്തിടെ ഇന്ത്യന്‍ വിപണിയില്‍ പ്രവേശിച്ചിരുന്നു. അതില്‍ പ്രധാനികളാണ് വിയറ്റ്‌നാമില്‍ നിന്നുള്ള വിന്‍ഫാസ്റ്റ്. സെപ്റ്റംബറിലാണ് വിന്‍ഫാസ്റ്റ് (VinFast) ഇന്ത്യന്‍ വിപണിയില്‍ എത്തിയത്. റീട്ടെയില്‍ ഓപറേഷന്‍ മുഴുവനായി തുടങ്ങിയ ശേഷമുള്ള ആദ്യ മാസത്തില്‍ വിന്‍ഫാസ്റ്റ് മികച്ച വളര്‍ച്ച കൈവരിച്ചു. 2025 ഒക്‌ടോബര്‍ മാസത്തിലെ വിന്‍ഫാസ്റ്റിന്റെ ഇന്ത്യയിലെ വില്‍പ്പന കണക്കുകള്‍ നമുക്ക് വിശദമായി നോക്കാം.

ഉത്സവ സീസണ്‍ അവസാനിച്ചെങ്കിലും ടാറ്റ മോട്ടോര്‍സില്‍ നിന്നുള്ള ലോഞ്ച് മേളങ്ങള്‍ അവസാനിച്ചിട്ടില്ല. ഈ മാസം 25-ാം തീയതി ടാറ്റ പുതിയ സിയറ എസ്‌യുവി അവതരിപ്പിക്കാന്‍ പോകുകയാണ്. സിയറയുടെ അവതാരപ്പിറവി കണ്ട് കോരിത്തരിച്ച് നില്‍ക്കുന്ന ഫാന്‍സിന് മുന്നിലേക്ക് അധികം വൈകാതെ അടുത്ത ഐറ്റം അങ്ങ് ഇറക്കി വിടും. പറഞ്ഞ് വരുന്നത് രാജ്യത്തെ എസ്‌യുവി പ്രേമികള്‍ ഒന്നടങ്കം കാത്തിരിക്കുന്ന ഹാരിയര്‍, സഫാരി എസ്‌യുവികളുടെ പെട്രോള്‍ പതിപ്പുകളെ കുറിച്ചാണ്. ജനപ്രിയ എസ്‌യുവികളുടെ പെട്രോള്‍ പതിപ്പുകളുടെ ലോഞ്ച് തീയതി ഇപ്പോള്‍ പുറത്തുവന്നിട്ടുണ്ട്. എസ്‌യുവികളുടെ പെട്രോള്‍ പതിപ്പുകളില്‍ നമുക്ക് എന്തൊക്കെ പ്രതീക്ഷിക്കാമെന്ന് നമുക്ക് ഈ ലേഖനത്തില്‍ വിശദമായി വായിക്കാം.

ഇന്ത്യയിലെ എസ്‌യുവി വിഭാഗത്തിൽ ബെഞ്ച്മാർക്കാണ് ഹ്യുണ്ടായി ക്രെറ്റ (Hyundai Creta SUV). മിഡ്-സൈസ് സ്പോർട് യൂട്ടിലിറ്റി വാഹന വിഭാഗത്തിൽ ഏറ്റവും കൂടുതൽ വിറ്റഴിക്കപ്പെടുന്ന മോഡലിന്റെ വിൽപ്പനയെ മറികടക്കാൻ സെഗ്മെന്റിൽ ഇതുവരെ ആർക്കും കഴിഞ്ഞിട്ടില്ലെന്ന് വേണം പറയാൻ. 10 ലക്ഷത്തിന് മുകളിൽ വിലയുള്ള മോഡൽ പല മാസങ്ങളിലും ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കാർ എന്ന പട്ടം സ്വന്തമാക്കിയിട്ടുണ്ട്. ഓരോ മാസവും 15,000 യൂണിറ്റുകൾക്ക് മുകളിൽ കച്ചോടം പിടിക്കുന്ന ക്രെറ്റയുടെ തന്ത്രം എന്താണെന്ന് എതിരാളികൾക്ക് ഇതുവരെ മനസിലാക്കാൻ സാധിച്ചിട്ടില്ല.

ഒരു ബീച്ചിൻ്റെ അടുത്ത് ഒരു വീട് സ്വന്തമാക്കണമെന്ന് പലരും ആഗ്രഹിക്കാറുണ്ട്. കടൽ തിരമാലകളുടെ ശബ്ദവും ഒക്കെ കേട്ട് ഉണരുകയും ഉറങ്ങുകയും എന്നൊക്കെ പറയുമ്പോൾ തന്നെ എത്ര മനോഹരമല്ലേ. എന്നാൽ കടലോരത്ത് താമസിക്കുമ്പോൾ നിങ്ങളുടെ കാറുകൾക്ക് അത് ഗുണകരമായിരിക്കുമോ എന്ന് ചിന്തിച്ചിട്ടുണ്ടോ. മനോഹരമായ കാലാവസ്ഥയും ദൃശ്യഭംഗിയും ഒക്കെ ഉണ്ടെങ്കിലും കാറിൻ്റെ ലോഹ ഭാഗങ്ങൾക്കും ഇലക്ട്രോണിക് ഘടകങ്ങൾക്കും ഭാവിയിൽ കേടുപാടുകൾ ഉണ്ടാക്കാൻ സാധ്യതയുണ്ട്. ഇനി കടലോര ഈർപ്പം നിങ്ങളുടെ കാറിൻ്റെ ബോഡിയിൽ നിരവധി രാസപ്രതികരണത്തിന് ഇടയാക്കും. കടലിന്റെ വായുവിൽ സോഡിയം ക്ലോറൈഡ് അടങ്ങിയതുകൊണ്ട് ഈർപ്പം കാറിന്റെ മെറ്റൽ ബോഡിയിൽ തുരുമ്പ്, പെയിന്റ് പൊട്ടൽ, എന്നിവയ്ക്ക് കാരണമാകും.

ഇന്ത്യയിലെ വാഹന വിപണിയിൽ ഒരുപാട് വർഷങ്ങളായി മുന്നിൽ നിൽക്കുന്ന ഒരു ബ്രാൻഡാണ് ഹ്യുണ്ടായി. സെഡാനുകളും, ഹാച്ച്ബാക്കുകളും, എസ്‌യുവികളുമെല്ലാം സമ്മാനിച്ചുക്കൊണ്ട് ജനഹൃദയത്തിൽ ഇടംപിടിക്കാൻ ഇവർക്ക് അധികനാളുകളൊന്നും വേണ്ടിവന്നിട്ടില്ല. സ്റ്റൈലിഷ് ലുക്ക്, കംഫർട്ടബിൾ ഇന്റീരിയർ, പെർഫോമൻസ് എന്നിവ മികച്ച രീതിയിൽ ബാലൻസ് ചെയ്യുന്നതിനാൽ സെഡാൻ വിഭാഗത്തിൽ ഹ്യുണ്ടായി വെർണ എപ്പോഴും ഒരു പ്രിയപ്പെട്ട മോഡലാണ്. വെർണയെ ഒരു പുതിയ തലത്തിലേക്ക് കൊണ്ടുപോകാൻ ലക്ഷ്യമിട്ടുക്കൊണ്ട് 2026 ഫെയ്‌സ്‌ലിഫ്റ്റ് പുറത്തിറക്കാനുള്ള പ്ലാനിലാണിപ്പോൾ കമ്പനി. ഈയിടെ ഹിറ്റായിരുന്ന പുത്തൻ വെർണ സ്പൈ ഷോട്ടുകളുടെ കൂടുതൽ വിവരങ്ങളിലേക്ക് ഒന്ന് കണ്ണോടിച്ചാലോ.

ടാറ്റ മോട്ടോർസ് തങ്ങളുടെ ഐതിഹാസിക മോഡൽ തിരികെ കൊണ്ടുവരുന്ന കാര്യം കൊച്ചുകുട്ടികൾ പോലും അറിഞ്ഞു കാണുമല്ലോ. ഇനി അധികം ദിവസങ്ങളുടെ കാത്തിരിപ്പില്ല എന്ന് തന്നെ പറയാം. ഈ മാസം അവസാനം കാത്തിരിപ്പുകൾക്ക് വിരാമമിട്ട് കൊണ്ട് തങ്ങളുടെ സിയറ എത്തിക്കുകയാണ്. ഇപ്പോൾ പുതിയതായി പുറത്ത് വന്ന റിപ്പോർട്ടുകൾ പ്രകാരം ടാറ്റ സിയറയ്ക്ക് ഒരു പെട്രോൾ എഞ്ചിൻ നൽകുന്നുണ്ട് എന്നതാണ്. 1.5 ലിറ്റർ 4 സിലിണ്ടർ നാച്ചുറലി ആസ്പിറേറ്റഡ് (NA) പെട്രോൾ എഞ്ചിൻ ആയിരിക്കും ലഭിക്കുക. എക്സ്പോയിൽ കാണിച്ചത് 1.5 ലിറ്റർ ഡയറക്ട്-ഇഞ്ചക്ഷൻ ടർബോ-പെട്രോൾ എഞ്ചിനായിരുന്നു.

ഇന്ത്യയിലെ പല മുന്‍നിര കാര്‍ കമ്പനികള്‍ക്കും യൂസ്ഡ് കാര്‍ വിപണിയില്‍ ശക്തമായ സാന്നിധ്യമുണ്ട്. മാരുതി സുസുക്കി ട്രൂവാല്യു , ഹ്യുണ്ടായി H പ്രോമിസ് തുടങ്ങിയവയെ കുറിച്ച് നിങ്ങള്‍ കേട്ടിട്ടുണ്ടാകും. ഇന്ത്യക്കാരുടെ പ്രിയപ്പെട്ട ഫോറിന്‍ ബ്രാന്‍ഡുകളില്‍ ഒന്നായ കിയ മോട്ടോര്‍സും സര്‍ട്ടിഫൈഡ് പ്രീ-ഓണ്‍ഡ് (Certified Pre-Owned- CPO) പ്രാഗ്രാമിന് കീഴില്‍ യൂസ്ഡ് കാറുകള്‍ വില്‍ക്കുന്നുണ്ട്. ഇപ്പോള്‍ പ്രീ-ഓണ്‍ഡ് കാര്‍ വിപണിയില്‍ തങ്ങളുടെ സാന്നിധ്യം ശക്തിപ്പെടുത്തുന്നതിനായി കിയ ഇന്ത്യ ചില സുപ്രധാന നീക്കങ്ങള്‍ നടത്തിയിരിക്കുകയാണ്. അത് എന്താണെന്ന് നമുക്ക് ഈ ലേഖനത്തില്‍ വിശദമായി വായിക്കാം.

ടിവിഎസിന്റെ അഡ്വഞ്ചർ മോട്ടോർസൈക്കിൾ അടുത്തിടെ തീർത്ത ആരവം കെട്ടടങ്ങുന്നതിന് മുമ്പേ ഇന്ത്യയിലേക്ക് പുത്തനൊരു മോഡൽ കൂടിയെത്തുകയാണ്. ഇറ്റലിയിലെ മിലാനിൽ നടന്ന 2025 EICMA മോട്ടോർ ഷോയിൽ ബവേറിയൻ ഇരുചക്ര വാഹന നിർമാതാക്കളായ ബിഎംഡബ്ല്യു മോട്ടോറാഡ് അവതരിപ്പിച്ച F 450 GS എഡിവിയാണ് രാജ്യത്തേക്ക് എത്തുന്നത്. അതും ഇന്ത്യക്കായി ടിവിഎസ് ആയിരിക്കും ഈ മോഡൽ പണികഴിപ്പിക്കുക എന്നതാണ് ശ്രദ്ധേയമായ മറ്റൊരു കാര്യം. G 310 GS നിർത്തലാക്കിയപ്പോൾ സങ്കടപ്പെട്ടവർക്കെല്ലാം ഇരട്ടി സന്തോഷം നൽകുന്നതായിരിക്കും പുത്തൻ ബേബി ജിഎസിന്റെ വരവ്.

ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന പ്രീമിയം ഹാച്ച്ബാക്കുകളില്‍ ഒന്നാണ് മാരുതി സുസുക്കി ബലേനോ. ഈ കാറിനെ അടിസ്ഥാനമാക്കിയുള്ള ഒരു കൂപ്പെ ക്രോസ്ഓവര്‍ ആണ് മാരുതി സുസുക്കി ഫ്രോങ്ക്‌സ്. ബലേനോയെ പോലെ തന്നെ മാരുതി സുസുക്കി ഫ്രോങ്ക്‌സും ഇന്ത്യന്‍ വിപണിയില്‍ വന്‍ വിജയമായി മാറിയിരുന്നു. 2023 ഏപ്രിലില്‍ പുറത്തിറങ്ങിയതിന് ശേഷം മാരുതി സുസുക്കി ഫ്രോങ്ക്‌സ് എല്ലാ മാസവും മികച്ച വില്‍പ്പന രേഖപ്പെടുത്തുന്നു. പുറത്തിറങ്ങി ചുരുങ്ങിയ നാളുകള്‍ കൊണ്ട് 5 ലക്ഷം യൂണിറ്റ് വില്‍പ്പന നാഴികക്കല്ല് താണ്ടാന്‍ ഫ്രോങ്ക്‌സിന് സാധിച്ചു. ഇന്ത്യന്‍ നിര്‍മിത ഫ്രോങ്ക്‌സിന് വിദേശ വിപണികളിലും വന്‍ ഡിമാന്‍ഡ് ആണ്.

ടൊയോട്ടയെന്ന ബ്രാൻഡിനോട് വണ്ടിഭ്രാന്തൻമാർക്കെല്ലാം വല്ലാത്തൊരു അടുപ്പമാണ്. ഫോർച്യൂണറും ഇന്നോവയും പോലുള്ള വമ്പൻ മോഡലുകളിലൂടെയാണ് ഈ ജാപ്പനീസ് വാഹന നിർമാതാക്കൾ ഇന്ത്യക്കാരുടെ മനസിൽ കയറിപ്പറ്റിയെങ്കിലും സാധാരണക്കാരിലേക്ക് കൂടുതൽ അടുത്തത് എത്തിയോസ് ലിവ, എത്തിയോസ് സെഡാൻ എന്നിവയിലൂടെയായിരുന്നു. ഒപ്പം സാമ്രാജ്യം കെട്ടിപ്പടുക്കാൻ ക്വാളിസ് എംപിവിയും വലിയ തോതിൽ സഹായിച്ചിട്ടുണ്ട്. എന്നാൽ എത്തിയോസ് നിർത്തലാക്കിയതോടെ കുറഞ്ഞ വിലയിൽ കാറുകൾ പുറത്തിറക്കാൻ മാരുതി സുസുക്കിയുടെ കാറുകൾ റീബാഡ്‌ജ് ചെയ്‌ത ടൊയോട്ടയുടെ തന്ത്രം തുടക്കത്തിൽ ആളുകൾക്ക് അത്ര സുഖിച്ചിരുന്നില്ല. എന്നാൽ പിന്നീട് ഇത് വലിയ വിജയം തന്നെ കൊയ്‌തുവെന്ന് പറയുന്നതാണ് ശരി.

ഒരു വാഹനം സ്വന്തമാക്കുക എന്നത് ഏതൊരാളുടേയും ആഗ്രഹമാണല്ലോ, ചിലർ തങ്ങളുടെ വാഹനത്തിന് പ്രിയപ്പെട്ട നമ്പറുകൾ ലേലത്തിൽ വാങ്ങുന്ന പതിവുണ്ടല്ലോ. കേരളത്തിൽ ഇപ്പോൾ ട്രെൻഡായി മാറിയിരിക്കുന്നത് ലിറ്റ്മസ് 7 എന്ന സോഫ്റ്റുവെയർ കമ്പനി ഉടമ ആഡംബര വാഹനങ്ങൾ വാങ്ങിച്ചു കൂട്ടുന്ന തിരക്കിലാണ്. ഇപ്പോൾ അദ്ദേഹം ഏറ്റവും പുതിയതായി സ്വന്തമാക്കിയിരിക്കുന്നത് ലംബോർഗിനി റെവൽറ്റോ ആണ്. 12 കോടി രൂപയോളം വില വരുന്ന വാഹനത്തിന് അദ്ദേഹം 25 ലക്ഷം രൂപ മുടക്കിയാണ് ഇഷ്ടനമ്പർ കരസ്ഥമാക്കിയിരിക്കുന്നത്. ഇതിന് മുൻപ് വേണു ഗോപാല കൃഷ്ണൻ സ്വന്തമാക്കിയത് റേഞ്ച് റോവർ,മെർസിഡീസ് ബെൻസ് ജി വാഗൺ മോഡലുകളാണ്.

ജപ്പാനീസ് ഇരുചക്ര വാഹന നിര്‍മ്മാതാക്കളായ യമഹ കഴിഞ്ഞ ദിവസം (11 നവംബര്‍ 2025) ഒന്നിലേറെ പുതിയ ഉല്‍പ്പന്നങ്ങള്‍ ഇന്ത്യന്‍ വിപണിക്ക് പരിചയപ്പെടുത്തിയിരുന്നു. സ്‌കൂട്ടറുകളും ബൈക്കുകളും ഇലക്ട്രിക് വാഹനങ്ങളും അതില്‍ ഉണ്ടായിരുന്നു. അതില്‍ ഏറ്റവും കൂടുതല്‍ യൂത്തന്‍മാരെ ആകര്‍ഷിച്ചത് പുതിയ XSR 155 റെട്രോ ബൈക്ക് ആയിരുന്നു. യമഹ R15, MT-15 എന്നിവയുടെ അതേ പ്ലാറ്റ്ഫോമില്‍ നിര്‍മ്മിച്ച ഈ നിയോ-റെട്രോ ബൈക്കില്‍ നിരവധി ആധുനിക ഫീച്ചറുകള്‍ ഉള്‍പ്പെടുത്തിയിട്ടുണ്ട്. യമഹയുടെ മോഡേണ്‍-റെട്രോ വിഭാഗത്തിലെ ഏറ്റവും ഒതുക്കമുള്ള മോഡലാണിത്. ഈ യമഹ ബൈക്ക് സ്വന്തമാക്കാന്‍ നിങ്ങളെ പ്രേരിപ്പിക്കുന്ന ചില പ്രധാന കാരണങ്ങള്‍ താഴെ വായിക്കാം.

ഇന്ത്യയിലെ ഇലക്‌ട്രിക് സ്‌കൂട്ടർ വിപണിയിലേക്ക് ജാപ്പനീസ് വമ്പൻമാരായ യമഹയും വരവറിയിക്കുകയാണ്. ഓല, ഏഥർ, ഒഖിനാവ തുടങ്ങിയ സ്റ്റാർട്ടപ്പ് ബ്രാൻഡുകൾ ആധിപത്യം സ്ഥാപിച്ച വിപണിയെ ടിവിഎസും ഹീറോയും ബജാജും ചേർന്ന് കൈപ്പിടിയിലാക്കിയപ്പോൾ കാഴ്ച്ചക്കാരായി ഗ്യാലറിയിലിരുന്ന യമഹ ഒടുവിൽ കളത്തിലിറങ്ങി കളിക്കാൻ തീരുമാനിച്ചിരിക്കുകയാണ്. ഇന്ത്യയിൽ പുത്തൻ XSR 155, FZ റേവ് എന്നിവ അവതരിപ്പിച്ച് ആരാധകരെ കൈയിലെടുത്ത കമ്പനി കൂട്ടത്തിൽ രണ്ട് ഇലക്ട്രിക് സ്കൂട്ടറുകളും പരിചയപ്പെടുത്തുകയുണ്ടായി. എയറോക്‌സ് ഇ, EC-06 എന്നീ രണ്ട് ഇവികളാണ് യമഹ പ്രദർശിപ്പിച്ചത്.

വിൽപ്പനയുടെ കാര്യത്തിൽ മാരുതി സുസുക്കി എന്നും മുന്നിൽ തന്നെയാണ്. കഴിഞ്ഞ മാസം ബ്രാൻഡിനെ സംബന്ധിച്ചിടത്തോളം ചാകര തന്നെയായിരുന്നു. അതിൽ തന്നെ മാരുതിയുടെ ടോൾ ബോയ് മോഡലായ വാഗൺആറിന് കഴിഞ്ഞ മാസം 23 ശതമാനത്തിൻ്റെ വർധനവാണ് ഉണ്ടായിരിക്കുന്നത്. വാഹനം ഇറങ്ങിയപ്പോൾ മുതൽ ഇന്ന് വരെ 34 ലക്ഷം യൂണിറ്റുകളാണ് ഇത് വരെ വിറ്റുപോയത്. കഴിഞ്ഞ മാസത്തെ വിൽപ്പന കണക്കിലേക്ക് വന്നാൽ 18,970 വാഹനങ്ങളാണ് ഒക്ടോബർ മാസം വിറ്റത്. അതിന് മുന്നേയുളള മാസമായ സെപ്റ്റംബറിൽ 15,388 യൂണിറ്റുകളായിരുന്നു. കഴിഞ്ഞ വർഷത്തെ കണക്കുമായി താരതമ്യം ചെയ്താൽ 36 ശതമാനത്തിൻ്റെ വ്യത്യാസമാണ് രേഖപെടുത്തിയിരിക്കുന്നത്.

Numeros Motors launches N-First electric scooter in India, targeting urban commuters with affordability and efficiency. | Numeros Motors N-First ഇലക്ട്രിക് സ്കൂട്ടർ ഇന്ത്യയിൽ പുറത്തിറക്കി, താങ്ങാനാവുന്ന വിലയും കാര്യക്ഷമതയും ലക്ഷ്യമിട്ട് നഗര യാത്രക്കാർക്ക്.

ഓരോ മാസവും ഇന്ത്യന്‍ കാര്‍ വിപണിയില്‍ പുതുതായി എന്തെങ്കിലുമൊക്കെ സംഭവിക്കാറുണ്ട്. ചിലപ്പോള്‍ പുതിയ കാറുകളുടെ ലോഞ്ച് ആയിരിക്കാം. ചിലപ്പോള്‍ ചിലതിന്റെ ഉത്പാദനം നിര്‍ത്തിയതോ വിപണിയില്‍ നിന്ന് പിന്‍വലിച്ചതോ ആയിരിക്കാം. ചില കാറുകള്‍ വരുന്നതും പോകുന്നതും ആരും അറിയാറില്ല. ഉപഭോക്താക്കളില്‍ നിന്ന് വേണ്ടത്ര സ്വീകാര്യത ലഭിക്കാത്തതാണ് ഇതിന് പ്രധാന കാരണം. എന്നാല്‍ അപൂര്‍വം ചില കാറുകള്‍ ഇതിന് ഒരു അപവാദമായി നിലകൊള്ളുന്നു. ഉപഭോക്താക്കളുടെ ഹൃദയത്തില്‍ കയറിപ്പറ്റുന്ന ഈ കാറുകള്‍ പതിറ്റാണ്ടുകളോളം വിപണിയില്‍ തുടരുന്നു. ഇന്ത്യയിലെ മുന്‍നിര കാര്‍ ബ്രാന്‍ഡുകളില്‍ നിന്ന് അത്തരത്തില്‍ ചില മോഡലുകള്‍ ഇന്നും വില്‍പ്പനക്കെത്തുന്നുണ്ട്.

സ്വന്തം സ്‌റ്റൈലും ഗുണനിലവാരവും കൊണ്ട് ലോകത്ത് ശ്രദ്ധേയമായ കൊറിയന്‍ വാഹന നിര്‍മാതാക്കളാണ് കിയ. ആധുനിക ഡിസൈന്‍, ഇന്റീരിയര്‍, പ്രീമിയം ഫീല്‍ എന്നിവ ചേര്‍ത്ത് എല്ലാ വാഹന വിഭാഗങ്ങളിലും കിയ തങ്ങളുടെ കൈയ്യൊപ്പ് പതിപ്പിച്ചിട്ടുണ്ട്. അതിലൊന്നാണ് ഫ്‌ലാഗ്ഷിപ്പ് എസ്‌യുവിയായ ടെല്ലുറൈഡ്. 2019ല്‍ അവതരിക്കപ്പെട്ട ടെല്ലുറൈഡ് അതിന്റെ ആകര്‍ഷകമായ സവിശേഷതകള്‍ കാരണം ആഗോള വിപണിയില്‍ വേഗത്തില്‍ ഹിറ്റായിരുന്നു. ഇപ്പോള്‍ 2027 കിയ ടെല്ലുറൈഡ് പൂര്‍ണമായും പുതുക്കിയ മിനുക്കുപ്പണികളോടെ അനാവരണം ചെയ്തിരിക്കുകയാണ്. ലോസ് ഏഞ്ചല്‍സില്‍ നടക്കാനിരിക്കുന്ന ഓട്ടോ ഷോയില്‍ ഔദ്യോഗികമായി അവതരിപ്പിക്കുന്നതിന് മുന്നോടിയായാണ് കമ്പനി ഈയൊരു നീക്കം നടത്തിയത്.

പൾസറും അപ്പാച്ചെയുമെല്ലാം അരങ്ങുവാണിരുന്ന കാലത്ത് യൂത്തൻമാരെയെല്ലാം യമഹയുടെ ഷോറൂമിലെത്തിച്ച ബൈക്കായിരുന്നു FZ. വലിയ ടയറും നേക്കഡ് സ്റ്റൈലുമെല്ലാമായി എത്തിയ മോഡലിനെ ഇന്ത്യക്കാർ അതിവേഗമാണ് സ്വീകരിച്ചത്. ഇന്ന് പഴയ പ്രതാപമില്ലെങ്കിലും തരക്കേടില്ലാത്ത രീതിയിൽ ആശാൻ വിറ്റഴിയുന്നുണ്ട്. ഇന്ത്യയിലെ മോട്ടോർസൈക്കിൾ പ്രേമികളുടെ ഏറ്റവും പ്രിയപ്പെട്ട ബ്രാൻഡുകളിൽ ഒന്നാണ് ഇപ്പോഴും യമഹ. ഇന്ന് യുവാക്കളുടെ പൾസളക്കാൻ MT-15, R-15 എന്നീ രണ്ട് ബൈക്കുകൾ മാത്രമാണുള്ളതെങ്കിലും ആവനാഴിയിലേക്ക് XSR 155 പുറത്തിറക്കി കമ്പനി വീണ്ടും തരംഗമാവാൻ ഒരുങ്ങുകയാണ്. ഇതിനോടൊപ്പം വേറെയും പുത്തൻ വണ്ടികളുടെ വരവിന് രാജ്യം സാക്ഷ്യംവഹിച്ചിരിക്കുകയാണ്.

ഇന്ത്യന്‍ വാഹന വിപണിയില്‍ ഒഴുക്കിനെതിരെ നീന്തുന്നവരാണ് മാരുതി സുസുക്കി. പല വാഹന നിര്‍മാതാക്കളും പിന്തുടരുന്ന സ്ട്രാറ്റജിയല്ല മാരുതി പുറത്തെടുക്കാറുള്ളത്. രാജ്യം സ്‌പോര്‍ട് യൂടിലിറ്റി വാഹനങ്ങള്‍ക്ക് പിന്നാലെ പായുന്നതിനാല്‍ പൊതുവേ സെഡാന്‍ ബോഡിസ്‌റ്റൈലിലുള്ള കാറുകളുടെ വില്‍പ്പന മന്ദഗതിയിലാണ്. എന്നാല്‍ ട്രെന്‍ഡിന് വിപരീതമായി മാരക വില്‍പ്പന നേടുന്ന ഒരു സെഡാന്‍ മോഡല്‍ ആണ് മാരുതി സുസുക്കി ഡിസയര്‍. സെഡാന്‍ വിഭാഗത്തില്‍ ഏറ്റവുമധികം വിറ്റഴിക്കപ്പെടുന്ന മോഡലാണ് ഡിസയര്‍. ഇതിന് പിന്നില്‍ പല കാരണങ്ങളുമുണ്ട്. 2025 ഒക്‌ടോബര്‍ മാസത്തിലും മാരുതി സുസുക്കി ഡിസയര്‍ മികച്ച വില്‍പ്പനയാണ് നേടിയത്.

ഇലക്ട്രിക് സ്കൂട്ടറുകളെ സംബന്ധിച്ച് മുന്നിൽ നിൽക്കുന്നത് ഏഥറും ഓലയും ഒക്കെ ആണ്. ഒന്നാം സ്ഥാനത്തിന് വേണ്ടി മറ്റ് ബ്രാൻഡുകൾ അഘോരാത്രം പരിശ്രമിക്കുന്നുണ്ട് കേട്ടോ. ആ കൂട്ടത്തിലേക്ക് പുതിയ ഒരു എൻട്രി വന്നിട്ടുണ്ട്. അതാണ് യമഹ. തങ്ങളുടെ പുത്തൻ ഇവിയുമായി രംഗത്തെത്തിയിരിക്കുകയാണ് ജാപ്പനീസ് ബ്രാൻഡ്. ICE സെഗ്മെൻ്റിലെ പടകുതിരയായ എയറോക്സിൻ്റെ ഇലക്ട്രിക് പതിപ്പാണ് കമ്പനി ഇപ്പോൾ അവതരിപ്പിച്ചിരിക്കുന്നത്. ഡിസൈൻ ഘടകങ്ങളെല്ലാം എയറോക്സുമായി പങ്കിടുന്നുണ്ട്. കൂടുതൽ വിവരങ്ങളൊന്നും കമ്പനി ഔദ്യോഗികമായി പുറത്ത് വിട്ടിട്ടില്ല എങ്കിലും ലഭ്യമാകുന്ന വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.