ഇന്ത്യൻ ഇരുചക്ര വാഹന വിപണിയിൽ പയറ്റി തെളിഞ്ഞവരാണ് ഹീറോ മോട്ടോകോർപ് (Hero Motocorp). ഏതുതരം ബൈക്കുകളും പുറത്തിറക്കാൻ മിടുക്കുള്ള ബ്രാൻഡ് കമ്മ്യൂട്ടർ മോട്ടോർസൈക്കിളുകളിലൂടെയാണ് ഇന്ത്യക്കാരുടെ പ്രിങ്കരരായി മാറിയത്. എന്നാൽ യൂത്തൻമാരുടെ പ്രീതി പിടിച്ചുപറ്റാനായി പുറത്തിറക്കിയ CBZ, കരിസ്‌മ തുടങ്ങിയ മോഡലുകളെല്ലാം ഇതിഹാസ ബൈക്കുകളായി പേരെടുക്കുകയും ചെയ്‌തു. പിന്നീട് എക്സ്ട്രീം നിരയിലൂടെയാണ് ചോരത്തിളപ്പുള്ള യൂത്തൻമാരുടെ ഇടയിൽ ഹീറോ ശ്രദ്ധനേടിയത്. ഇപ്പോഴിതാ ക്വാർട്ടർ ലിറ്റർ സെഗ്മെന്റിലേക്ക് പുത്തനൊരു പടയാളിയുമായി എത്തുകയാണ് ബ്രാൻഡ്. എക്‌സ്ട്രീം 250R എന്ന പടക്കുതിരെയാണ് കമ്പനി കളത്തിലേക്ക് കൊണ്ടുവന്നിരിക്കുന്നത്.

ഇന്ത്യയിലെ മോട്ടോർസൈക്കിൾ സെഗ്മെന്റിലെ ചുണക്കുട്ടൻമാരായി റോയൽ എൻഫീൽഡ് മാറിക്കഴിഞ്ഞു. പണ്ട് വികാരവും വൈബ്രേഷനും തകരാറുകളുമെല്ലാമായി കഴിഞ്ഞുകൂടിയിരുന്ന വയസൻ പടയായിരുന്നു എൻഫീൽഡിന്റെ ശ്രേണിയിൽ ഉണ്ടായിരുന്നതെങ്കിൽ ഇന്ന് ഷോറൂമിലെത്തിയാൽ കാണാനാവുന്നത് അത്യുഗ്രൻ മോഡേൺ ബൈക്കുകളാണെന്ന് നിസംശയം പറയാം. ഹണ്ടർ 350, ഗറില്ല 450, ഹിമാലയൻ 450, ബെയർ 650 അങ്ങനെ യൂത്തൻമാരുടെ ജനപ്രിയ താരങ്ങളാണ് കമ്പനിയുടെ ആവനാഴിയിൽ ഇപ്പോഴുള്ളത്. ഒപ്പം അടിപൊളിയായ പുതുതലമുറ ക്ലാസിക്കും ബുള്ളറ്റും മീറ്റിയോറുമെല്ലാം കൂടി ചേരുന്നതോടെ എൻഫീൽഡ് നിര മൊത്തത്തിൽ കളറാണ്.

ഇന്നത്തെ കാലത്ത് ഒരു പഴയ വാഹനം കൊണ്ട് നടക്കണമെങ്കിൽ പോക്കറ്റിൽ ധാരാളം കാശ് വേണമെന്ന അവസ്ഥയായി. പറഞ്ഞു വരുന്നത് 15 വർഷം കഴിഞ്ഞ വാഹനങ്ങളുടെ കാര്യമാണ് കേട്ടോ. പഴകുംന്തോറും വീഞ്ഞിന് വീര്യം കൂടും എന്ന് പറയുന്നത് പോലെ തന്നെയാണ് ചില വാഹനങ്ങൾ. ആദ്യകാല ഹോണ്ട സിറ്റി, ടാറ്റ എസ്റ്റേറ്റ്, മാരുതിയുടെ എസ്റ്റീം, പഴയ കാല ആഡംബര രാജാക്കൻമാരായ ബെൻസ് എന്നിങ്ങനെ ലിസ്റ്റ് നീളുകയാണ്. പക്ഷേ 15 വർഷങ്ങൾക്ക് ശേഷം ആർസി പുതുക്കാൻ ചെല്ലുമ്പോഴാണ് ഇപ്പോൾ സത്യത്തിൽ കണ്ണുത്തളളുന്നത്. പഴയ വാഹനങ്ങളുടെ ആർസി പുതുക്കുന്നതിനുളള ഫീസ് ഇപ്പോൾ എട്ടിരട്ടി ആക്കിയിരിക്കുകയാണ് കേന്ദ്ര സർക്കാർ.

ഏത് വാഹനമാണെങ്കിലും അതിൻ്റ പവർ ഒന്ന് അറിയണമെന്ന് എല്ലാവർക്കും ആഗ്രഹമുണ്ടാകും. അതിന് വേണ്ടിയാണ് യുട്യൂബർമാർ ഡ്രാഗ് റേസ് എന്ന കലാപരിപാടികൾ നടത്തുന്നത്. ഇത് കണ്ട് പലരും വാഹനവുമായി ഏതെങ്കിലും മൈതാനത്തോ ആളൊഴിഞ്ഞ പ്രദേശത്തേക്കോ പോകുന്നത് ഇപ്പോൾ പതിവാണ്. എന്നാൽ ഇത് അൽപ്പം അപകടം പിടിച്ച പണിയാണ് എന്ന് പലർക്കും അറിയില്ല. കാരണം ഇതൊകെ റീൽസ് എടുത്തും വീഡിയോ എടുത്തും സോഷ്യൽ മീഡിയയിൽ പോസ്റ്റ് ചെയ്യാനാണല്ലോ പോകുന്നത്. ഫോൺ കൈയിൽ പിടിച്ചു ഷൂട്ട് ചെയ്തുകൊണ്ടായിരിക്കും പലരും വണ്ടിയോടിക്കുന്നത്. അങ്ങനെ വാഹനത്തിൻ്റെ നിയന്ത്രണം നഷ്ടമായാൽ വാഹനം ചിലപ്പോൾ തലകീഴായി മറിഞ്ഞേക്കാം.

ഇന്ത്യയിലെ ഏറ്റവും വലിയ രണ്ടാമത്തെ വാഹന നിർമാതാക്കളെന്ന പദവി ഹ്യുണ്ടായിയിൽ നിന്നും മഹീന്ദ്ര തട്ടിയെടുത്തത് വളരെ അപ്രതീക്ഷിതമായിരുന്നു. എന്നാൽ എങ്ങനെയും രണ്ടാമതായി ഓടിക്കയറാനുള്ള തയാറെടുപ്പുകളെല്ലാം ഹ്യുണ്ടായി (Hyundai) ആസൂത്രണം ചെയ്‌തിട്ടുണ്ട്. എന്നാൽ ഇതിനിടിയിൽ ഞെട്ടിക്കുന്നൊരു തീരുമാനവുമായി രംഗത്തെത്തിയിരിക്കുകയാണ് ദക്ഷിണ കൊറിയൻ വാഹന നിർമാതാക്കൾ. മറ്റൊന്നുമല്ല, മാരുതി സുസുക്കിക്കും ടാറ്റ മോട്ടോർസിനും കിയക്കും പിന്നാലെ മോഡൽ നിരയിൽ വില വർധനവ് പ്രഖ്യാപിച്ചിരിക്കുകയാണ് ഹ്യുണ്ടായി. 2025 ഏപ്രിൽ മുതൽ മോഡൽ നിരയിലാകെ പുതുക്കിയ വില പ്രാബല്യത്തിൽ വരുമെന്നും കമ്പനി അറിയിച്ചു.

ടാറ്റയുടെ പഴകാല കൊമ്പനാരാണ് എന്ന് ചോദിച്ചാൽ അതിനുത്തരം ടാറ്റ സഫാരി എന്നേ എല്ലാവരും പറയു. കാരണം നെറ്റിപ്പട്ടം വച്ച കൊമ്പനെ പോലെയുളള വരവ് കണ്ടാൽ ആരാണ് നോക്കിനിൽക്കാത്തത്. പഴയ മോഡലിൽ നിന്ന് പുത്തൻ അവതാരത്തിലേക്ക് വന്നപ്പോഴും രാജകീയ ലുക്കിന് ഒരു കുറവും കമ്പനി വരുത്തിയിട്ടില്ല. എന്നാൽ സമൂഹമാധ്യമങ്ങളിൽ എല്ലാവരുടേയും ശ്രദ്ധ പിടിച്ചുപറ്റിക്കൊണ്ടിരിക്കുന്ന ഒരു സഫാരിയെ കുറിച്ച് ആണ് നിങ്ങളോട് ഇ ലേഖനത്തിൽ പങ്കുവയ്ക്കുന്നത്. കമ്പനിയുടെ ലിമിറ്റഡ് എഡീഷൻ വല്ലോം ആണോ എന്ന് വിചാരിച്ചെങ്കിൽ തെറ്റി. ഇത് പക്കാ മോഡിഫിക്കേഷൻ.

ബോളിവുഡിൽ (Bollywood) ഏറ്റവും കൂടുതൽ ഹിറ്റ് സിനിമകൾ സമ്മാനിച്ച താരമാണ് ആമിർ ഖാൻ (Aamir Khan). മിസ്‌റ്റര്‍ പെര്‍ഫെക്ഷനിസ്‌റ്റ് എന്നു വിളിപ്പേരുള്ള നടൻ മികച്ച സിനിമകളിലൂടെയും മികച്ച കഥാപാത്രങ്ങളിലൂടെയും പ്രേക്ഷകരെ പല തവണ വിസ്‌മയിപ്പിച്ചിട്ടുണ്ട്. ലഗാന്‍, ദില്‍ ചഹ്‌ത ഹൈ, റംഗ് ദേ ബസതി, ത്രീ ഇഡിയറ്റ്, പികെ, ദംഗല്‍ അങ്ങനെ ഹിറ്റ് ചിത്രങ്ങളുടെ ലിസ്റ്റ് എടുത്താൽ അത് ഉടനൊന്നും അവസാനിക്കില്ല. എന്നാൽ ആമിറിന്റേതായി അടുത്തകാലത്ത് പുറത്തിറങ്ങിയ സിനിമകളെല്ലാം ബോക്സ് ഓഫീസിൽ വലിയ തകർച്ചയായിരുന്നു നേരിട്ടത്. ചുരുക്കി പറഞ്ഞാൽ ഒന്നാന്തരം ബോംബ് പടങ്ങളായിരുന്നുവെന്ന് സാരം.

ഇന്ത്യയിൽ ഇലക്‌ട്രിക് കാറുകളിലൂടെ വിപ്ലവം തീർത്തത് ടാറ്റ മോട്ടോർസ് ആണെങ്കിലും ഇവി എന്ന സ്വപ്‌നത്തെ വേറെ തലത്തിലെത്തിച്ചത് എംജിയാണെന്ന് നിസംശയം പറയാം. ZS ഇവിയിലൂടെ പതിയെ തുടങ്ങിയ കമ്പനി കോമെറ്റ്, വിൻഡ്‌സർ എന്നീ തട്ടുപൊളിപ്പൻ വണ്ടികളും കൂടി രാജ്യത്തേക്ക് കൊണ്ടുവന്ന് വൈദ്യുത വാഹന ലോകം വെട്ടിപ്പിടിക്കുകയായിരുന്നു. കാർ എന്ന ഇന്ത്യക്കാരുടെ സങ്കൽപ്പത്തെ തന്നെ പൊളിച്ചെഴുതുന്നതായിരുന്നു കോമെറ്റിന്റെ വരവ്. ചെറിയ രൂപം കൊണ്ട് തന്നെ വിസ്‌മയിപ്പിച്ച ഇത്തിരി കുഞ്ഞൻ ഇന്ന് പലരുടേയും മുറ്റങ്ങളിൽ എത്തിക്കഴിഞ്ഞു. സിറ്റി ഡ്രൈവിംഗിൽ കോമെറ്റ് ഇവിക്കുള്ള പ്രായോഗികത തന്നെയാണ് ഇവനെ ജനപ്രിയനാക്കിയത്.

ബോളിവുഡിലെ സെലിബ്രിറ്റികൾ കൂടുതലും ആഡംബര വാഹനങ്ങളിൽ യാത്ര ചെയ്യുന്നതാണ് കാണാറുളളത്. ചില നടിമാർ മാത്രമേ വളരെ സാധാരണ രീതിയിൽ മാരുതി സുസുക്കി സ്വിഫ്റ്റിൽ യാത്ര ചെയ്യുന്നത് കാണാം. ബോളിവുഡിലെ ഏതൊരു നടിയോ നടനോ എങ്ങോട്ട് തിരിഞ്ഞാലും ക്യാമറക്കണ്ണുകൾ അവരെ ചുറ്റുന്നുണ്ട്.അങ്ങനെ ക്യാമറക്കണ്ണുകളിൽ കുടുങ്ങിയത് ബോളിവുഡിലെ ഹോട്ട് ഗേളായ ഒരു നടിയാണ്. താരം ഒരു ചുവന്ന ഔഡി A4-ലേക്ക് കയറിപോകുന്ന വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. തെരഞ്ഞെടുക്കുന്ന വേരിയന്റിനെ അനുസരിച്ച് 41 ലക്ഷം രൂപ മുതൽ 51 ലക്ഷം രൂപ വരെയാണ് ഔഡി A4 സെഡാന് ഇന്ത്യയിൽ വരുന്ന എക്സ്ഷോറൂം വില.

ഓലയും ഏഥറുമെല്ലാം അരങ്ങുവാഴുന്ന ഇലക്‌ട്രിക് സ്‌കൂട്ടർ (Electric Scooter) വിപണിയിൽ കൊടുങ്കാറ്റാവുമെന്ന് പ്രതീക്ഷിച്ചിരുന്ന മോഡലാണ് ഹോണ്ട ആക്‌ടിവ ഇവി (Honda Activa EV). അവതരണവും ബുക്കിംഗും എല്ലാം ആരംഭിച്ചുവെങ്കിലും ജാപ്പനീസ് ബ്രാൻഡിൽ നിന്നും മോഡലിനെ കുറിച്ച് ഇതുവരെ കാര്യമായ അറിവൊന്നുമില്ലാതെയിരിക്കുകയായിരുന്നു. എന്നാൽ ഇതിനിടയിൽ സർപ്രൈസായി വന്ന് ഹിറ്റടിച്ചുകൊണ്ട് പോയിരിക്കുകയാണ് അൾട്രാവയലറ്റ്. കിടുക്കനൊരു ഇവി അവതരിപ്പിച്ചാണ് കമ്പനി വൈദ്യുത വാഹന ലോകത്തെ ഞെട്ടിച്ചിരിക്കുന്നത്. അതും താങ്ങാനാവുന്ന വിലയും ഒടുക്കത്തെ റേഞ്ചുമായി എത്തിയ അൾട്രാവയലറ്റ് ടെസറാക്റ്റ് സൂപ്പർ ഡ്യൂപ്പർ ഹിറ്റാണ് നേടിയിരിക്കുന്നത്.

ലോകത്തിലെ ഇവി ഭീമനായ ടെസ്‌ല പതിയെ ഓരോ രാജ്യങ്ങളിലും തങ്ങളുടെ ഇവികൾ കൊണ്ട് നിറയ്ക്കാനുളള തത്രപാടിലാണ്. ഇന്ത്യയിലേക്കുളള വരവിനും അധികം സമയമെടുക്കില്ല എന്ന് തന്നെയാണ് റിപ്പോർട്ടുകൾ ലഭിക്കുന്നത്. എന്നാൽ ഇവി ഭീമന് ഇപ്പോൾ ഫ്രഞ്ച് സംരഭകൻ്റെ കൈയിൽ നിന്നൊരു തിരിച്ചടിയും അപമാനവും ലഭിച്ചിരിക്കുകയാണ്. സംഭവം എന്താണെന്നായിരിക്കും നിങ്ങൾ ഇപ്പോൾ ആലോചിക്കുന്നത്. അമേരിക്കൻ വാഹനങ്ങൾ ബഹിഷ്കരിക്കാനുളള യൂറോപ്യൻ ഭരണകൂടത്തിൻ്റെ തീരുമാനവുമായി ബന്ധപ്പെട്ട് ഇ സംഭവത്തെ കാണാൻ സാധിക്കും. ഫ്രഞ്ച് കമ്പനിയായ റോയ് എനര്‍ജി ഗ്രൂപ്പിന്റെ സിഇഒ ആയ റൊമെയ്ന്‍ റോയ് എന്ന ബിസിനസുകാരൻ ടെസ്‌ല വാഹനങ്ങള്‍ക്കായി നല്‍കിയ ഓര്‍ഡര്‍ റദ്ദാക്കിയത്.

ഇന്ത്യൻ വിപണിയിലെ ഏറ്റവും മത്സരാധിഷ്ഠിതമായ സെഗ്മെന്റുകളിൽ ഒന്നാണ് കോംപാക്‌ട് എസ്‌യുവികളുടേത്. മാരുതി ബ്രെസയും (Maruti Brezza) ടാറ്റ നെക്സോണും (Tata Nexon) പോലുള്ള വമ്പൻമാർ അരങ്ങുവാഴുന്ന വിഭാഗത്തിൽ അടുത്തിടെ സ്കോഡ കൈലാക് പോലുള്ള മിടുക്കൻമാരും എത്തിയിരുന്നു. രാജ്യത്തെ പ്രമുഖ ബ്രാൻഡുകളെല്ലാം സാന്നിധ്യമറിയിച്ചിരിക്കുന്ന നിരയിലേക്ക് അടുത്തതായി കടന്നുവരാൻ പോവുന്നത് ഫോക്‌സ്‌വാഗൺ ആണ്. അതും 8 ലക്ഷം രൂപ ബജറ്റിലാണ് കുഞ്ഞൻ സ്പോർട് യൂട്ടിലിറ്റി വാഹനത്തെ ഇന്ത്യക്കായി സമ്മാനിക്കാൻ പോവുന്നതും. കുഷാഖിലും ടൈഗൂണിലും കണ്ടതുപോലെ കൈലാക്കിന്റെ അതേ പ്ലാറ്റ്ഫോമിനെ അടിസ്ഥാനമാക്കിയായിരിക്കും വാഹനം പണികഴിപ്പിക്കുക.

അമേരിക്കയുടെ ചരിത്രത്തിൽ തന്നെ മികച്ച ഒരു ഇലക്ഷനായിരുന്നു ഡൊണാൾഡ് ട്രംപിൻ്റെ രണ്ടാം വരവ് കുറിച്ച കഴിഞ്ഞ ഇലക്ഷൻ. നമ്മുടെ നാട്ടിൽ ഇലക്ഷൻ പാട്ടുകളും വീഡിയോകളുമാണ് ഇറക്കുന്നതെങ്കിൽ അങ്ങ് അമേരിക്കയിൽ ഇലക്ഷൻ പ്രചാരണത്തിന് വേണ്ടി ഒരു മിനി ബസ് തന്നെയാണ് ഇറക്കിയിരിക്കുന്നത്. ഒരു ഫോർഡ് മിനി ബസാണ് ട്രംപിൻ്റെ ഇലക്ഷൻ വർക്കിന് വേണ്ടി കസ്റ്റമൈസ് ചെയ്ത് ഇറക്കിയത്. രണ്ടാം അങ്കം ആയത് കൊണ്ട് തന്നെ ബസിൽ ഞാൻ തിരിച്ചു വരും എന്ന് എഴുതിയിരിക്കുന്നത് കാണാം. യോ യോ ലുക്കിലുളള ട്രംപിൻ്റെ ചിത്രമാണ് വാഹനത്തിൽ ഉളളത്. ഇപ്പോൾ ഇ ബസ് വിൽപ്പനയ്ക്ക് വച്ചിരിക്കുകയാണ്. 15000 ഡോളറാണ് വാഹനത്തിൻ്റെ വിലയായി നിശ്ചയിച്ചിരിക്കുന്നത്.

ബജാജ് എന്ന് കേൾക്കുമ്പോഴേ ആളുകളുടെ മനസിൽ തെളിയുന്ന ചിത്രം പൾസർ എന്ന ഇതിഹാസ ബൈക്കിന്റേതാവും അല്ലേ. ഇന്ന് പഴയ പ്രതാപം ഇല്ലെങ്കിലും ബ്രാൻഡിന്റെ ഇമേജ് പൾസറുകൾ തന്നെയാണെന്ന് പറയുന്നതാവും ശരി. പെട്രോളിന്റെ അമിത വിലയും മൈലേജിന്റെ ആശങ്കയും കാരണം ആളുകളെല്ലാം ഇപ്പോൾ ഇലക്ട്രിക് ഇരുചക്ര വാഹനങ്ങളിലേക്ക് ചേക്കേറികൊണ്ടിരിക്കുകയാണ്. അത്തരക്കാരെ വരെ പോക്കറ്റിലാക്കി രാജ്യത്ത് ഏറ്റവും കൂടുതൽ വിറ്റഴിയുന്ന വൈദ്യുത സ്‌കൂട്ടറായി ചേതക് ഇവി അടുത്തിടെ മാറിയിരുന്നു. ഇലക്ട്രിക് വണ്ടികളിൽ പണം മുടക്കാൻ താത്പര്യമില്ലാത്തവരെ വരെ ബ്രാൻഡിലേക്ക് ആകർഷിക്കാൻ കമ്പനി പോയ വർഷം ലോകത്തിലെ തന്നെ ആദ്യത്തെ സിഎൻജി ബൈക്കിനും രൂപംകൊടുത്തിരുന്നു.

റോഡിലൂടെ വാഹനമോടിക്കുമ്പോൾ സ്വന്തം വാഹനങ്ങളുടെ കാര്യം മാത്രമല്ല മറ്റ് വാഹനങ്ങളുടേയും റോഡിലുടെ നടന്ന് പോകുന്നവരുടെ കാര്യം കൂടെ ശ്രദ്ധിക്കണം. അതാണ് നല്ല ഡ്രൈവർ ചെയ്യേണ്ടത്. എത്രയൊക്കെ ട്രാഫിക് ബ്ലോക്കുണ്ടെങ്കിൽ പോലും എമർജൻസി വാഹനങ്ങൾ വന്നാൽ അതിന് വഴി കൊടുക്കണമെന്ന് ഡ്രൈവിങ്ങിൻ്റെ ബാലപാഠങ്ങൾ പഠിപ്പിക്കുമ്പോൾ പഠിക്കുന്നതാണ്. ഒരു നോട്ടവുമില്ലാതെ വഴി മുറിച്ച് കടക്കുന്നത്, സിഗ്നലുകൾ നൽകാതെ വാഹനങ്ങൾ തിരിക്കുന്നത് എല്ലാം ഇക്കൂട്ടത്തിൽ പെടുന്നു, അത് കൂടാതെ എമർജൻസി വാഹനങ്ങൾ വഴി തടയുന്നതും ഇപ്പോൾ ഒരു സാധാരണ കാഴ്ചയായി മാറിയിരിക്കുകയാണ്. ആംബുലൻസിനു മുന്നിൽ ഷോ കാണിച്ചു പോവുന്ന പല വാഹനങ്ങളുടേയും വീഡിയോകളും നാം കണ്ടിട്ടുണ്ട്.

സാമ്പത്തിക വര്‍ഷം അവസാനിക്കുന്ന സമയത്ത് പുതുതായി വാഹനം വാങ്ങാനിരിക്കുന്നവര്‍ക്ക് തിരിച്ചടിയേകിക്കൊണ്ട് ബ്രാന്‍ഡുകള്‍ വില വര്‍ധനവ് പ്രഖ്യാപിച്ച് കൊണ്ടിരിക്കുകയാണ്. ആദ്യം രാജ്യത്തെ ഏറ്റവും വലിയ കാര്‍ ബ്രാന്‍ഡ് ആയ മാരുതി സുസുക്കിയാണ് ഇതിന് തുടക്കമിട്ടത്. ഏപ്രില്‍ 1 മുതല്‍ തങ്ങളുടെ കാറുകള്‍ക്ക് 4 ശതമാനം വരെ വില വര്‍ധിപ്പിക്കുമെന്ന് തിങ്കളാഴ്ചയാണ് മാരുതി പ്രഖ്യാപിച്ചത്. ഇന്ന് പ്രമുഖ ആഭ്യന്തര വാഹന നിര്‍മാതാക്കളായ ടാറ്റ മോട്ടോര്‍സും തങ്ങളുടെ വാഹനങ്ങളുടെ വില ഉയര്‍ത്തുന്നതായി പ്രഖ്യാപിച്ചു. ഇപ്പോള്‍ മാരുതിയുടെയും ടാറ്റയുടെയും കൂടെ കൂടിയിരിക്കുകയാണ് പ്രമുഖ കൊറിയന്‍ ബ്രാന്‍ഡ് ആയി കിയ.

ഡെയ്‌ലി കമ്മ്യൂട്ടർ ബൈക്കുകൾക്ക് രാജ്യത്ത് വലിയ ഡിമാൻ്റുണ്ട്. അത് കൊണ്ട് തന്നെ ഏറ്റവും കൂടുതൽ ആവശ്യക്കാരുളളത് 100 സിസി ബൈക്കുകൾക്കാണ്. അത് മനസിലാക്കികൊണ്ട് ഇരുചക്രവാഹന നിർമാതാക്കൾ മത്സരിച്ച് വാഹനം അവതരിപ്പിക്കുന്നുണ്ട്. അത്തരത്തിൽ ഏറ്റവും മുന്നിൽ നിൽക്കുന്ന രണ്ട് മോഡലുകളാണ് ഹീറോ സ്പ്ലെൻഡർ 100 ഉം ഹോണ്ട ഷൈൻ 100-ഉം. രണ്ട് മോഡലുകളും 100 സിസി ബൈക്കുകളാണ്. ഹോണ്ട ഷൈൻ 100 മോട്ടോർസൈക്കിളിന്റെ ഏറ്റവും പുതിയ 2025 മോഡൽ OBD-2 നിലവാരത്തിലുള്ള പുത്തൻ എഞ്ചിൻ ചേർക്കുകയും അതോടൊപ്പം തന്നെ പുതിയ കളർ ഓപ്ഷനുകളും ബൈക്കിലേക്ക് കമ്പനി അവതരിപ്പിച്ചിട്ടുണ്ട്.

പുതിയൊരു കാർ വാങ്ങാൻ പ്ലാനിട്ടാൽ ഏറ്റവും തലവേദനയാവുന്ന കാര്യമായി മാറിയിരിക്കുന്ന വാഹന വില വർധനവ്. ബുക്ക് ചെയ്യാൻ തീരുമാനിച്ച് ഷോറൂമിലേക്ക് ചെന്നാൽ മുമ്പ് കേട്ട വിലയായിരിക്കില്ല വാഹനത്തിന് മുടക്കേണ്ടി വരിക. പുതുവർഷം ആരംഭിക്കുമ്പോൾ തന്നെ കമ്പനികളെല്ലാം മോഡൽ നിരയിൽ വില പരിഷ്ക്കാരം കൊണ്ടുവരുന്നതെല്ലാം സ്ഥിരമായിരിക്കുകയാണിപ്പോൾ. ഇക്കഴിഞ്ഞ ദിവസം ഈ വർഷത്തെ മൂന്നാമത്തെ വില വർധനവ് പ്രഖ്യാപിച്ച് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി പാവങ്ങളുടെ വയറ്റത്തടിച്ചിരുന്നു. ഇതിന് മണിക്കൂറുകൾ പിന്നിടുമ്പോഴേക്കും ജനപ്രിയരായ ടാറ്റ മോട്ടോർസും സമാനമായ പ്രഖ്യാപനവുമായി എത്തിയിരിക്കുകയാണ്.

ഫോക്സ്‌വാഗൺ പോളോ ഇന്ത്യൻ മാർക്കറ്റിനോട് വിട പറഞ്ഞ് പോയപ്പോൾ യുവാക്കൾക്ക് ബ്രേക്കപ്പിനേക്കാൾ വലിയ സങ്കടമായിരുന്നു. ആ സങ്കടം കമ്പനിക്ക് മനസിലായത് കൊണ്ടാണ് മറ്റൊരു പ്രിയപ്പെട്ട മോഡലായ ഗോൾഫ് GTI ഇന്ത്യയിൽ എത്തിക്കാൻ കമ്പനി തീരുമാനിച്ചിരിക്കുന്നത്. ഗോള്‍ഫ് GTI-യുടെ ഔദ്യോഗിക ബുക്കിംഗുകള്‍ ഉടന്‍ രാജ്യത്ത് ആരംഭിക്കുമെന്നാണ് അറിയാന്‍ കഴിയുന്നത്. ഫോക്‌സ്‌വാഗണ്‍ ഈ കാര്‍ പൂര്‍ണമായും അസംബിള്‍ ചെയ്ത കാര്‍ മോഡലായി ഇറക്കുമതി ചെയ്ത് വില്‍പ്പനയ്ക്ക് വെക്കും. അതുകൊണ്ട് തന്നെ പരിമിതമായ അളവില്‍ മാത്രമായിരിക്കും ഇത് ലഭ്യമാകുക.

ഇന്ത്യന്‍ വാഹന ഉപഭോക്താക്കള്‍ അടുത്ത കാലത്തായി പരിസ്ഥിതിക്ക് അധികം ദേശം വരുത്താത്തതും ഒപ്പം ലാഭകരവുമായ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങളിലേക്ക് മാറിത്തുടങ്ങിയിട്ടുണ്ട്. അത്തരക്കാരുടെ പ്രിയപ്പെട്ട ചോയ്‌സായി സിഎന്‍ജി (കംപ്രസ്ഡ് നാച്ചുറല്‍ ഗ്യാസ്) മാറിയിട്ടുണ്ട്. കുറഞ്ഞ വില, പ്രവര്‍ത്തന ചെലവുകള്‍, മികച്ച ഇന്ധനക്ഷമത, പെട്രോളിനെയും ഡീസലിനെയും അപേക്ഷിച്ച് കാര്‍ബണ്‍ പുറംതള്ളല്‍ കുറവാണ് എന്നീ കാരണങ്ങളാണ് സിഎന്‍ജി വാഹനങ്ങളെ ജനപ്രിയമാക്കുന്നത്. കൂടാതെ, രാജ്യത്തുടനീളമുള്ള സിഎന്‍ജി ഫ്യുവല്‍ സ്‌റ്റേഷനുകളുടെ വികാസവും പെട്രോള്‍-സിഎന്‍ജി ബൈ-ഫ്യൂവല്‍ സാങ്കേതികവിദ്യ സജ്ജീകരിച്ചിരിക്കുന്ന പാസഞ്ചര്‍ വാഹനങ്ങളുടെ എണ്ണം വര്‍ദ്ധിച്ചു വരുന്നതും ഇതിന്റെ സ്വീകാര്യത കൂട്ടുന്നു.

പോയ വർഷം വിപണിയിലെത്തി കൊടുങ്കാറ്റായ മോഡലായിരുന്നു ഥാർ റോക്‌സ് (Mahindra Thar Roxx). ഒരു വണ്ടിയിൽ കിട്ടാവുന്ന എല്ലാത്തരം മോഡേൺ ഫീച്ചറുകളും കുത്തിനിറച്ചെത്തിയ 5-ഡോർ എസ്‌യുവി ഹിറ്റാവാൻ ഇതിൽ കൂടുതൽ കാരണങ്ങളും വേണ്ടായിരുന്നു എന്നതാണ് സത്യം. ശരിക്കും പ്രാക്‌ടിക്കലായി കൊണ്ടുനടക്കാൻ പറ്റുന്ന ഫാമിലി സ്പോർട് യൂട്ടിലിറ്റി വാഹനമായി മാറാൻ ഇത്രവേഗം ഥാറാനാവുമെന്ന് ആരും കരുതിയതുമില്ല. അങ്ങനെ കുറ്റങ്ങളും കുറവുകളുമൊന്നുമില്ലാതെ ചീറിപാഞ്ഞെത്തിയ മോഡലിനെ ആളുകളെല്ലാം നെഞ്ചിലേറ്റുകയും ചെയ്‌തിട്ടുണ്ട്. ഒരു 20-25 ലക്ഷം രൂപയൊക്കെ ബജറ്റുള്ളവരുടെ ആദ്യ ചോയ്‌സായിരിക്കും മഹീന്ദ്ര ഥാർ റോക്‌സ്.

ഡ്രാഗ് റേസുകൾ നടത്തുന്നത് രാജ്യത്ത് പതിവാണ്. വാഹനങ്ങളുടെ പെർഫോമൻസ് എങ്ങനെയുണ്ട് എന്ന് വിലയിരുത്തുന്നതിന് വേണ്ടിയാണ് യുട്യൂബർമാർ ഇത്തരം റേസിങ്ങുകൾ നടത്തുന്നത്. അത്തരത്തിലൊരു റേസിങ്ങ് വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. യൂട്യൂബിൽ ആദിത്യ ഭാട്ടിയ എന്ന വ്യക്തിയാണ് വീഡിയോ പോസ്റ്റ് ചെയ്തിരിക്കുന്നത്. വാഹന പ്രേമികള്‍ക്ക് ഒരു ആമുഖം ആവശ്യമില്ലാത്ത ഒരു എസ്‌യുവിയാണ് ലാന്‍ഡ് റോവര്‍ ഡിഫെന്‍ഡര്‍. ഈ ഭൂഗോളത്തില്‍ ഇന്നുവരെ പുറത്തിറങ്ങിയ ഏറ്റവും മികച്ച ഓഫ്‌റോഡര്‍ എസ്‌യുവികളുടെ പട്ടികയെടുത്താല്‍ തീര്‍ച്ചയായും അതില്‍ ഡിഫെന്‍ഡര്‍ ഉണ്ടാകും. അതുകൊണ്ട് തന്നെ ലോകത്തിലെ ഏറ്റവും പ്രശസ്തരായ സെലിബ്രിറ്റികളുടെയും അതിസമ്പന്നരുടെയും ഗരാജിലെ സ്ഥിരം സാന്നിധ്യമാണ് ലാന്‍ഡ് റോവര്‍ ഡിഫെന്‍ഡര്‍.

ഹൈഡ്രജന്‍ ഇന്ധനമായി പ്രവർത്തിക്കുന്ന രാജ്യത്തെ ആദ്യത്തെ ട്രെയിന്‍ യാഥാർഥ്യമാവാൻ ഇനി മണിക്കൂറുകളുടെ കാത്തിരിപ്പുകൾ കൂടി മതിയാവും. തമിഴ്‌നാട്ടിലെ പെരമ്പൂരിലെ ഇന്റഗ്രൽ കോച്ച് ഫാക്ടറിയിൽ (ICF) 80 ശതമാനം ജോലികളും പൂർത്തിയായ ഹൈഡ്രജൻ ട്രെയിൻ ഉടൻ തന്നെ ട്രാക്കിലേക്ക് ഇറങ്ങും. പെയിന്റിംഗ്, ഹൈഡ്രജൻ സിലിണ്ടറുകൾ ബന്ധിപ്പിക്കൽ, സാങ്കേതിക ജോലികൾ എന്നിവ മാത്രമേ ബാക്കിയുള്ളൂ എന്ന് റെയിൽവേ ഉദ്യോഗസ്ഥർ വ്യക്തമാക്കുകയും ചെയ്‌തിട്ടുണ്ട്. ഈ മാസം അവസാനത്തോടെ ട്രെയിൻ പൂർത്തിയാകുമെന്ന് പ്രതീക്ഷിക്കുന്നുവെന്നും അടുത്ത മാസം ഹരിയാനയിലെ 89 കിലോമീറ്റർ ജിന്ദ്-സോണെപത് റൂട്ടിൽ പരീക്ഷണ ഓട്ടം നടത്തുമെന്നുമാണ് റെയിൽവേയുടെ അറിയിപ്പ്.

ജര്‍മന്‍ കാര്‍ നിര്‍മാതാക്കളായ മെര്‍സിഡീസ് തങ്ങളുടെ അള്‍ട്രാ ലക്ഷ്വറി കാറുകള്‍ മെയ്ബാക്ക് എന്ന ബ്രാന്‍ഡിന് കീഴിലാണ് പുറത്തിറക്കുന്നത്. ലക്ഷ്വറിയുടെ പരകോടിയെന്ന് വിശേഷിപ്പിക്കാവുന്ന മെയ്ബാക്ക് കാറുകള്‍ക്ക് ഇന്ത്യന്‍ സിനിമാ ലോകത്ത് ആരാധകര്‍ ഏറെയാണ്. അത്യാഡംബരങ്ങള്‍ നിറഞ്ഞ ഒരു മോഡലാണ് മെര്‍സിഡീസ്-ബെന്‍സ് മെയ്ബാക്ക് GLS. കമ്പനിയുടെ എസ്‌യുവി നിരയിലെ അത്യാഡംബര മോഡലാണിത്. മെയ്ബാക്കിന്റെ സിഗ്‌നേച്ചര്‍ അലങ്കാരമുള്ള എക്സ്റ്റീരിയറും അത്യാഡംബര തുളുമ്പുന്ന ഇന്റീരിയറുമാണ് ഈ മോഡലിന്റെ ആകര്‍ഷണം. ഇപ്പോള്‍ ഒരു ബോളിവുഡ് സുന്ദരി ഈ കാറില്‍ കറങ്ങുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്. അത് ആരാണെന്ന് നോക്കാം.