ഇറ്റാലിയന്‍ മോട്ടോര്‍സൈക്കിള്‍ ഭീമന്‍മാരായ ഡ്യുക്കാട്ടി പ്രീമിയം കാറിന്റെ പ്രൈസ് ടാഗില്‍ വരുന്ന ഒരു മോട്ടോര്‍സൈക്കിള്‍ പുറത്തിറക്കി. 2025 പാനിഗാലെ V4, V4 S എന്നീ മോഡലുകളാണ് പരിഷ്‌കാരങ്ങളോടെ വിപണിയില്‍ എത്തിച്ചിരിക്കുന്നത്. മോട്ടോര്‍സൈക്കിളിന്റെ സ്റ്റാന്‍ഡേര്‍ഡ് വേരിയന്റിന്റെ വില 29,99,000 രൂപയാണ്. ഇതിന് മുന്‍ഗാമിയേക്കാള്‍ 2,26,400 രൂപ കൂടുതലാണ്. പാനിഗാലെ V4 S ന് 36,50,000 രൂപയാണ് നിശ്ചയിച്ചിരിക്കുന്നത്. അതേ സമയം ടോപ് സ്‌പെക് പാനിഗാലെ V4 S പതിപ്പിന് മുമ്പുള്ളതിനേക്കാള്‍ 3,02,400 രൂപ അധികം മുടക്കണം. എക്‌സ്-ഷോറൂം വിലകളാണിത്.

സർപ്രൈസുകൾ നൽകാൻ പ്രത്യേക താത്പര്യം കാണിക്കുന്നവരാണ് ടാറ്റ മോട്ടോർസ്. സ്പെഷ്യൽ എഡിഷൻ മോഡലുകൾ പുറത്തിറക്കി കാശ് വാരാനും ഇവർക്കുള്ള മിടുക്ക് ഒന്ന് വേറെ തന്നെയാണ്. ടാറ്റയുടെ നിരയിൽ ഏറ്റവും ജനപ്രിയമായ സീരീസാണ് ഡാർക്ക് എഡിഷനുകൾ. സഫാരിയും ഹാരിയറും നെക്സോണും ആൾട്രോസും എല്ലാം ഇത്തരത്തിൽ ആളെക്കൂട്ടിയവരാണ്. ഇപ്പോഴിതാ കർവിന്റെ ഡാർക്ക് എഡിഷൻ കൂടി അവതരിപ്പിക്കാൻ ഒരുങ്ങുകയാണ് കമ്പനി. ഇതിലൊരു സർപ്രൈസ് കൂടിയുണ്ട് കേട്ടോ. എന്താണല്ലന്നല്ലേ ഈ മാസം ആരംഭിക്കാനിരിക്കുന്ന 2025 ഐപിഎല്ലിന്റെ ഔദ്യോഗിക കാറായിട്ടാവും ഇതിനെ ടാറ്റ മോട്ടോർസ് അവതരിപ്പിക്കുക.

നമ്മുടെ രാജ്യത്ത് ഇലക്ട്രിക് കാര്‍ വില്‍പ്പന പതുക്കെ പച്ചപിടിച്ച് വരികയാണ്. മാരുതി സുസുക്കിയടക്കമുള്ള ബ്രാന്‍ഡുകള്‍ ഇവി വിഭാഗത്തിലേക്ക് കടന്ന് വരുന്നതിനാല്‍ പൊതുജനങ്ങള്‍ പ്രതീക്ഷയിലാണ്. സെലിബ്രിറ്റികള്‍ക്കാണെങ്കില്‍ ഇതിനോടകം തന്നെ ഒരുപിടി ആഡംബര ഇവികള്‍ വിപണിയില്‍ എത്തുന്നുണ്ട്. ഇന്ത്യയില്‍ ഇലക്ട്രിക് കാറുകള്‍ സജീവമായി വില്‍പ്പനക്കെത്തിക്കുന്ന ലക്ഷ്വറി ബ്രാന്‍ഡ് ആണ് ബിഎംഡബ്ല്യു. നിലവില്‍ ജര്‍മന്‍ ബ്രാന്‍ഡ് 5 തരം ഇലക്ട്രിക് കാറുകള്‍ രാജ്യത്ത് വില്‍പ്പനക്കെത്തിക്കുന്നുണ്ട്. ഇതില്‍ ഏറ്റവും ജനപ്രിയമായ മോഡലാണ് ബിഎംഡബ്ല്യു i7. ഇ-ഡ്രൈവ്50 M സ്പോര്‍ട്, എക്സ്-ഡ്രൈവ്60 M സ്പോര്‍ട്, M70 എക്സ്-ഡ്രൈവ് എന്നീ മൂന്ന് വേരിയന്റുകളിലാണ് ഇവി ഇന്ത്യയിലെ വില്‍പ്പനക്കെത്തുന്നത്.

വിവാഹവും വിവാഹമോചനവും ബോളിവുഡിൽ പുതുമയുള്ള കാര്യമല്ല. എന്നാൽ ചിലപ്പോൾ വിവാഹമോചനത്തിനുള്ള കാരണങ്ങൾ വളരെ വിചിത്രമായിരിക്കും. സിനിമയിൽ മാത്രമല്ല കേട്ടോ, ജീവിതത്തിലും നിസാര കാര്യങ്ങൾക്ക് ബന്ധം വേർപിരിയുന്നവർ അനേകമാണ്. അത്തരത്തിലൊരു വാർത്തയാണ് ഇപ്പോൾ ബി-ടൗണിലെ ചർച്ചാ വിഷയം. സിനിമ ഭ്രാന്തൻമാർക്കെല്ലാം സുപരിചിതനായ ആളായിരിക്കും അരുണോദയ് സിംഗ്. പേര് കേട്ടിട്ട് മനസിലായില്ലെങ്കിലും ആളെ കണ്ടാൽ പലർക്കും പെട്ടന്ന് പിടികിട്ടും. ഐഷ, യേ സാലി സിന്ദഗി, ജിസം, മേ തേരാ ഹീറോ, മിസ്റ്റർ എക്സ്, മോഹൻജൊ ദാരോ, ബ്ലാക്ക് മെയിൽ തുടങ്ങിയ ഹിറ്റ് ചിത്രങ്ങളിലൂടെയാണ് അരുണോദയ് പരിചിതനാവുന്നത്.

ഇലക്ട്രിക് വാഹന വിപണിയില്‍ ഏറ്റവും കൂടുതല്‍ ഒച്ചപ്പാടുകള്‍ സൃഷ്ടിച്ച കമ്പനിയാണ് ഓല ഇലക്ട്രിക്. ക്യാബ് അഗ്രിഗേറ്റര്‍മാരായിരുന്ന ഓല ഇലക്ട്രിക് വാഹന വിപണിയിലേക്ക് കാലെടുത്ത് വെച്ച് ചുരുങ്ങിയ നാളുകള്‍ കൊണ്ട് മാര്‍ക്ക് ലീഡേഴ്‌സായി മാറിയിരുന്നു. ഒരു മാസം അരലക്ഷത്തിലധികം ഇലക്ട്രിക് സ്‌കൂട്ടറുകള്‍ വിറ്റ സമയമുണ്ടായിരുന്നു. എന്നാല്‍ കഴിഞ്ഞ കുറച്ച് മാസങ്ങളായി ഓല ഇലക്ട്രിക്കിന്റെ സ്ഥിതി അല്‍പ്പം മോശമാണ്. കഴിഞ്ഞ വര്‍ഷം വില്‍പ്പനാനന്തര സേവനങ്ങളുമായി ബന്ധപ്പെട്ട് നിരന്തരം പരാതികള്‍ ഉയര്‍ന്നതോടെ കമ്പനിയുടെ വില്‍പ്പനയിലും ഇടിവ് സംഭവിച്ചിരുന്നു. ഇപ്പോള്‍ ചെലവ് കുറയ്ക്കുന്നതിനായി കമ്പനി 1200-ന് അടുത്ത് ജീവനക്കാരെ പിരിച്ച് വിടാന്‍ പോകുകയാണ്.

ഇന്ത്യയിൽ സെക്കൻഡ് ഹാൻഡ് വിപണിയിൽ ഏറ്റവും ഡിമാന്റും റീസെയിൽ വാല്യുവുമുള്ള വാഹനങ്ങളാണ് ടൊയോട്ടയുടേത് (Toyota). എത്ര ലക്ഷം കിലോമീറ്ററുകൾ വേണമെങ്കിലും മടുപ്പില്ലാതെ ഓടുന്ന എഞ്ചിനുമായി എത്തുന്ന ഇന്നോവയും (Innova) ഫോർച്യൂണറുമെല്ലാം (Fortuner) മോഹവിലയിൽ വാങ്ങിക്കൊണ്ട് പോവാൻ ആളുകൾ റെഡിയാണ്. ഇതിന് കാരണം ഫുൾ-പേയ്മെന്റ് കൊടുത്ത് പുതിയത് വാങ്ങാൻ പണമില്ലെന്നത് മാത്രമല്ല, കണ്ണുംപൂട്ടി വാങ്ങിക്കാം എന്നത് കൂടിയാണ്. ഫോർച്യൂണർ പോലെയുള്ളൊരു എസ്‌യുവി സ്വന്തമാക്കാൻ ഏതൊരു വണ്ടിഭ്രാന്തനും മനസിൽ കൊതിയുണ്ടാവുമല്ലോ. ആഗ്രഹങ്ങളും സ്വപ്‌നങ്ങളും വീണ്ടും പൊടിതട്ടിയെടുക്കാൻ ടൊയോട്ടയിതാ പുതിയൊരു മോഡലുമായി രംഗത്തെത്തിയിരിക്കുകയാണ്.

ഇന്ത്യന്‍ ഇലക്ട്രിക് ടൂവീലര്‍ വിഭാഗത്തിലെ മുന്‍നിരക്കാരാണ് അള്‍ട്രാവയലറ്റ് ഓട്ടോമോട്ടീവ്. നിലവില്‍ F77 എന്ന ഇലക്ട്രിക് സ്‌പോര്‍ട്‌സ് ബൈക്കിന്റെ രണ്ട് പതിപ്പുകളാണ് അള്‍ട്രാവയലറ്റ് വാഗ്ദാനം ചെയ്യുന്നത്. ഏതാനും ദിവസങ്ങള്‍ക്ക് മുമ്പ് ഇലക്ട്രിക് ടൂവീലറുകളിലെ മറ്റ് സെഗ്‌മെന്റുകളിലേക്ക് കൂടി തങ്ങള്‍ പ്രവേശിക്കാന്‍ പോകുകയാണെന്ന് അള്‍ട്രാവയലറ്റ് പ്രഖ്യാപിച്ചിരുന്നു. ഓലയടക്കമുള്ള സ്റ്റാര്‍ട്ടപ്പ് കമ്പനികളെയും ടിവിഎസ്, ബജാജ്, ഹീറോ, ഹോണ്ട എന്നീ പരമ്പരാഗത ടൂവീലര്‍ ബ്രാന്‍ഡുകളെയും ഞെട്ടിച്ച് കൊണ്ട് അള്‍ട്രാവയലറ്റ് തങ്ങളുടെ കന്നി ഇലക്ട്രിക് സ്‌കൂട്ടറായ ടെസറാക്റ്റ് ലോകത്തിന് മുന്നില്‍ അവതരിപ്പിച്ചിട്ടുണ്ട്. ലോകത്തിലെ തന്നെ ഏറ്റവും അഡ്വാന്‍സ്ഡ് ആയ ഇലക്ട്രിക് സ്‌കൂട്ടര്‍ എന്നാണ് ഇതിനെ അള്‍ട്രാവയലറ്റ് വിശേഷിപ്പിക്കുന്നത്.

ഇന്ത്യയിലെ ഇലക്ട്രിക് ഇരുചക്ര വാഹന രംഗത്തെ വ്യത്യസ്‌തരാണ് അൾട്രാവയലറ്റ്. സൂപ്പർബൈക്കുകളോട് കിടപിടിക്കുന്ന F77 ഇലക്ട്രിക് മോട്ടോർസൈക്കിൾ പണിതിറക്കി ശ്രദ്ധനേടിയ ബ്രാൻഡിന് ഓരോ വാഹനപ്രേമിയുടേയും മനസിൽ പ്രത്യേക സ്ഥാനമായിരിക്കുമുള്ളത്. ഇപ്പോഴിതാ ഓലയും ഏഥറും പോലുള്ള വമ്പൻമാർ വിലസുന്ന വൈദ്യുത സ്‌കൂട്ടർ നിർമാണ രംഗത്തേക്കും ചുവടുവെച്ചിരിക്കുകയാണ് കമ്പനി. ടെസറാക്റ്റ് എന്നുപേരിട്ടിരിക്കുന്ന മോഡലുമായാണ് അൾട്രാവയലറ്റ് ഓട്ടോമോട്ടീവിന്റെ വരവ്. ആദ്യ കാഴ്ച്ചയിൽ തന്നെ ആരുടേയും മനസിനെ മോഹിപ്പിക്കുന്ന സ്റ്റൈലും കാര്യങ്ങളുമുള്ള ഇവിക്ക് വെറും 1.20 ലക്ഷം രൂപ മാത്രമാണ് എക്സ്ഷോറൂം വില വരുന്നത്.

ഇലക്‌ട്രിക് വാഹനങ്ങളുടെ വരവും പുതിയ മലിനീകരണ മാനദണ്ഡങ്ങൾ നടപ്പിലാക്കിയതും മൂലം ഇന്ത്യക്ക് നഷ്‌ടമായവരാണ് ചെറുഡീസൽ കാറുകൾ. മാരുതി സെലേറിയോ വരെ ഒരുകാലത്ത് ഡീസൽ എഞ്ചിൻ ഘടിപ്പിച്ച് പുറത്തിറക്കിയിരുന്നുവെന്ന് പറഞ്ഞാൽ പലർക്കും അത്രവേഗം വിശ്വസിക്കാനായേക്കില്ല. പിന്നെ സ്വിഫ്റ്റ്, i10, i20 അങ്ങനെ ഹാച്ച്ബാക്ക് നിരയിൽ ഓയിൽ ബർണർ കാറുകൾ ഒരുപാട് വേറെയുമുണ്ടായിരുന്നു. പക്ഷേ ഇപ്പോൾ ഇതിൽ എല്ലാ മോഡലുകളും ഓർമയായി. എന്നാൽ നമ്മുടെ സ്വന്തം ടാറ്റ മോട്ടോർസ് ഇന്ത്യക്കാർക്ക് വേണ്ടി ഡീസൽ എഞ്ചിനുള്ള ഒരു ഹാച്ച്ബാക്ക് പുറത്തിറക്കുന്നുണ്ട് കേട്ടോ.

2008 മുതല്‍ ഇന്ത്യന്‍ നിരത്തുകള്‍ വാഴുന്ന ഒരു കോംപാക്ട് സെഡാന്‍ കാറാണ് മാരുതി സുസുക്കി ഡിസയര്‍. മാരുതി സുസുക്കിയുടെ ഏറ്റവും കൂടുതല്‍ വിറ്റഴിക്കപ്പെടുന്ന കാറുകളില്‍ ഒന്നാണ് ഡിസയര്‍. വാസ്തവത്തില്‍, ഇന്ത്യയില്‍ നന്നായി വില്‍ക്കുന്ന ഒരേയൊരു സെഡാന്‍ മാരുതി സുസുക്കി ഡിസയര്‍ മാത്രമാണ്. ഓരോ മാസവും പതിനായിരക്കണക്കിനാളുകളാണ് ഈ കാര്‍ വാങ്ങാനായി മാരുതി ഷോറൂമുകളില്‍ എത്തുന്നത്. കഴിഞ്ഞ കലണ്ടര്‍ വര്‍ഷം അവസാനത്തോടെ ഡിസയറിന് തലമുറ മാറ്റം സംഭവിച്ചിരുന്നു. പുതിയ തലമുറ ഡിസയര്‍ അപകടത്തില്‍ പെട്ടതിന്റെ ദൃശ്യങ്ങള്‍ ഇപ്പോള്‍ ഞങ്ങളുടെ പക്കലുണ്ട്. ആ അപകടത്തെ ഈ മാരുതി കാര്‍ എങ്ങനെ നേരിട്ടുവെന്ന് നമുക്ക് നോക്കാം.

ലഹരി ഉപയോഗം എന്ന് പറയുന്നത് എല്ലാ മേഖലയിലും ഉണ്ടെന്ന് നടനും സംവിധായകനുമായി ധ്യാന്‍ ശ്രീനിവാസന്‍. സിനിമയില്‍ മാത്രമല്ല ലഹരി ഉപയോഗം ശക്തമായിട്ടുള്ളത്. അത് ഒരാളുടെ വ്യക്തിപരമായ താല്‍പര്യമാണ്. അവനവന്‍, അവനവന്റെ ശരീരമാണ് കേടാകുന്നത്. ആ ഒരു ചിന്തയാണ് എല്ലാവർക്കും വേണ്ടത്. ഒരു കാലം വരെ ഇതെല്ലാം ഉപയോഗിച്ചിരുന്ന ആളാണ് ഞാന്‍. ക്സാസിഫൈഡ് ചെയ്ത് പറയുകയാണെങ്കില്‍ ലിക്വിഡ്, ഗ്യാസ്, സോളിഡ് ഗ്യാസ് എന്ന് പറയുമെന്നും ധ്യാന്‍ പറയുന്നു.

'ആഷിഖി 2' എന്ന ബോളിവുഡ് ചിത്രത്തിലൂടെ ഇങ്ങ് കേരളത്തില്‍ വരെ തരംഗം സൃഷ്ടിച്ച നടിയാണ് ശ്രദ്ധ കപൂര്‍. ആഷിഖി 2 എന്ന ചിത്രത്തിലെ മുഴുവന്‍ ഗാനങ്ങളും മലയാളികളടക്കം മൂളിനടന്നു. തുടക്കം തന്നെ ഗംഭീരമാക്കിയ ശ്രദ്ധക്ക് പിന്നെ തിരിഞ്ഞ് നോക്കേണ്ടി വന്നിട്ടില്ല. കഴിഞ്ഞ വര്‍ഷം ബോളിവുഡില്‍ പുറത്തിറങ്ങിയ ഏറ്റവും വലിയ പണംവാരിപ്പടങ്ങളില്‍ ഒന്നായ 'സ്ത്രീ 3' ശ്രദ്ധയുടെ കരിയര്‍ ഗ്രാഫ് ഉയര്‍ത്തിയിരിക്കുകയാണ്. നിലവില്‍ ഹിന്ദി സിനിമാ ലോകത്ത് ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാളാണ് ശ്രദ്ധ. മാര്‍ച്ച് മൂന്നിന് നടിക്ക് 38 വയസ്സ് തികഞ്ഞു. ഇക്കുറി നടുക്കടലിലായിരുന്ന ശ്രദ്ധയുടെ പിറന്നാള്‍ ആഘോഷം.

പോളോ (Polo) എന്ന പ്രീമിയം ഹാച്ച്ബാക്കിലൂടെ ഇന്ത്യക്കാർക്കിടയിൽ ഫാൻസുണ്ടാക്കിയെടുത്ത വാഹന നിർമാതാക്കളാണ് ഫോക്‌സ്‌വാഗൺ (Volkswagen). ഇതിഹാസ പദവി നേടിയെടുത്ത് വർഷങ്ങൾക്ക് മുമ്പേ മോഡൽ പടിയിറങ്ങിയെങ്കിലും ടൈഗൂൺ (Taigun), വെർട്ടിസ് (Virtus), ടിഗുവാൻ (Tiguan) തുടങ്ങിയ ചില തട്ടുപൊളിപ്പൻ കാറുകളിലൂടെയാണ് ജർമൻ ബ്രാൻഡ് ഇവിടെ ഇതുവരെ പിടിച്ചുനിന്നത്. എന്നാൽ ഇനിയും ഇങ്ങനെ തുടർന്നാൽ അധികകാലം പിടിച്ചുനിൽക്കാനാവില്ലെന്ന് മനസിലാക്കിയ കമ്പനി പുതിയ തീരുമാനങ്ങൾ എടുത്തിരിക്കുകയാണ്. മൂവർ സംഘത്തിന് കൂട്ടായി രണ്ട് പുത്തൻ മോഡലുകളെ കൂടി ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുകയാണ് ഫോക്‌സ്‌വാഗൺ.

ഏതൊരു രാജ്യത്തേയും വാഹന വിപണിയിൽ തങ്ങളുടെ പ്രതാപ കാലത്ത് രാജാവായി വിലസിയിരുന്ന ഒരു വാഹനം കാണും. ഇന്ത്യയിലെ ആ രാജാവ് ആരാണെന്ന് ചോദിച്ചാൽ അത് ഹിന്ദുസ്ഥാൻ മോട്ടോർസ് വിപണിയിൽ എത്തിച്ച അംബാസഡറാണ് എന്നതാണ്. 2014-ൽ നിരവധി കാരണങ്ങളാൽ വാഹനം പിൻവലിക്കുപ്പെട്ടുവെങ്കിലും ഇപ്പോഴും പഴയ വാഹനങ്ങൾ പൊന്ന പോലെ സുക്ഷിക്കുന്ന നിരവധി പേരുണ്ട്. 2026-ൽ അംബാസഡർ രാജ്യത്തേക്ക് ഒരു തിരിച്ചു വരവ് നടത്താനൊരുങ്ങുകയാണ് എന്ന് നിരവധി റിപ്പോർട്ടുകൾ ലഭിക്കുന്നുണ്ട്. അതിൻ്റെ പിന്നിലെ സത്യാവസ്ഥ എന്തായിരിക്കും എന്ന് നോക്കിയാലോ. കൂടുതൽ അറിയാൻ തുടർന്ന് വായിക്കാൻ മറക്കരുതേ.

സേഫ്റ്റിക്ക് പേരുകേട്ട ബ്രാൻഡാണ് വോൾവോ. തങ്ങളുടെ ഫ്ലാഗ്ഷിപ്പ് മോഡലായ XC90-യുടെ ഫെയ്സ്‌ലിഫ്റ്റ് പതിപ്പ് പുറത്തിറക്കിയിരിക്കുകയാണ്. 1.02 കോടി പ്രാരംഭ എക്സ്ഷോറൂം വിലയിലാണ് കമ്പനി പുതിയ വാഹനം അവതരിപ്പിച്ചിരിക്കുന്നത്. വാഹനത്തിന്റെ ഡിസൈനിലും അത് പോലെ തന്നെ ടെക്നോളജികളിലും നിറയെ മാറ്റങ്ങൾ കൊണ്ടുവരാൻ കമ്പനി ശ്രദ്ധിച്ചിട്ടുണ്ട്. രാജ്യത്ത് ബ്രാൻഡിന്റെ ലൈനപ്പിലുളള നാല് എസ്‌യുവികളിൽ ഒന്നാണ് XC90.മാറ്റങ്ങളിലേക്ക് നോക്കിയാൽ ഇരുവശത്തുമുള്ള മാട്രിക്സ് എൽഇഡി ഹെഡ്‌ലൈറ്റുകൾക്കുള്ളിൽ പുതിയ ഗ്രില്ലിനൊപ്പം റീഡിസൈൻ ചെയ്ത ടി ആകൃതിയിലുള്ള ഡിആർഎല്ലുകളും ഉള്ള പുതുക്കിയ ഫ്രണ്ട് ഫാസിയയാണ് കാണാൻ സാധിക്കുന്നത്.

ലോറി, ട്രക്ക് എന്നീ ഹെവി വാഹനങ്ങളില്‍ പൊതുവേ ഇന്ധനമായി ഉപയോഗിക്കുന്നത് ഡീസലാണ്. സമീപകാലത്തായി വൈദ്യുതിയില്‍ പ്രവര്‍ത്തിക്കുന്ന വാണിജ്യ വാഹനങ്ങളും ചില കമ്പനികള്‍ പുറത്തിറക്കാന്‍ തുടങ്ങിയിട്ടുണ്ട്. സുസ്ഥിരമായ ഭാവി കെട്ടിപ്പടുക്കുന്നതിനായി ഫോസില്‍ ഇന്ധനങ്ങളുടെ ഉപയോഗം ഘട്ടംഘട്ടമായി കുറച്ച് ബദല്‍ ഇന്ധനങ്ങളിലേക്ക് മാറാന്‍ വാഹന നിര്‍മാതാക്കള്‍ക്ക് കേന്ദ്ര സര്‍ക്കാര്‍ അകമഴിഞ്ഞ പ്രോത്സാഹനം നല്‍കി വരുന്നുണ്ട്. ഇന്ത്യയിലെ ഏറ്റവും വലിയ വാണിജ്യ വാഹന നിര്‍മാതാക്കളില്‍ ഒന്നാണ് ടാറ്റ മോട്ടോര്‍സ്. ഇപ്പോള്‍ ഹൈഡ്രജന്‍ ഇന്ധനമായി പ്രവര്‍ത്തിക്കുന്ന ഹെവി ട്രക്കുകളുടെ പരീക്ഷണം ഇന്ത്യയില്‍ ആരംഭിച്ചിരിക്കുകയാണ് ടാറ്റ മോട്ടോര്‍സ്.

ഇന്ത്യൻ ക്രിക്കറ്റ് ടീമിന്റെ എക്കാലത്തേയും മികച്ച നായകൻമാരുടെ പട്ടികയെടുത്താൽ കപിൽ ദേവും സൌരവ് ഗാംഗുലിയുമെല്ലാം പട്ടികയിൽ ഇടംപിടിക്കുമെങ്കിലും നമ്മുടെ തലമുറയ്ക്ക് ഏറ്റവും പരിചതൻ എംഎംസ് ധോണി തന്നെയാണ്. രണ്ട് പതിറ്റാണ്ടിന് മുകളിൽ ഇന്ത്യ കണ്ട ലോകകപ്പ് സ്വപ്‌നങ്ങൾ യാഥാർഥ്യമാക്കിയ നായകൻ ടി20, ഏകദിന ലോകകപ്പുകൾ ഉൾപ്പടെ തന്നെക്കൊണ്ട് നേടിത്തരാനാവുന്ന എല്ലാ കപ്പുകളും ഷെൽഫിൽ എത്തിച്ചാണ് ദേശീയ ടീമിന്റെ കുപ്പായം ഊരിവെച്ചത്. സച്ചിൻ തെണ്ടുൽക്കറിന് ശേഷം മറ്റൊരു ക്രിക്കറ്റ് താരത്തിന്റെ വിരമിക്കലിൽ രാജ്യം ഒന്നടങ്കം സങ്കടപ്പെട്ടിട്ടുണ്ടെങ്കിൽ അത് ധോണിയുടേത് മാത്രമായിരിക്കും.

പതിറ്റാണ്ടുകളായി വില്‍പ്പനയുടെ കാര്യത്തില്‍ രാജ്യത്ത് മാത്രമല്ല ലോകത്തിലെ തന്നെ ഏറ്റവും വലിയ ഇരുചക്ര വാഹന നിര്‍മ്മാതാക്കളാണ് ഹീറോ മോട്ടോകോര്‍പ്പ്. പക്ഷേ ഇപ്പോള്‍ ഹീറോയുടെ സിംഹാസനത്തിന് കടുത്ത വെല്ലുവിളി ഉയര്‍ത്തുകയാണ് ജാപ്പനീസ് ഇരുചക്ര വാഹന നിര്‍മാതാക്കളായ ഹോണ്ട. ജാപ്പനീസ് കമ്പനി ഇന്ത്യന്‍ വിപണിയില്‍ തുടര്‍ച്ചയായി മികച്ച പ്രകടനമാണ് കാഴ്ചവയ്ക്കുന്നത്. 2025 ഫെബ്രുവരി മാസത്തെ കണക്കുകള്‍ പുറത്ത് വരുമ്പോള്‍ ആഭ്യന്തര വിപണിയില്‍ ഹോണ്ട വീണ്ടും ഹീറോ മോട്ടോകോര്‍പ്പിനെ മറികടന്നു. ഫെബ്രുവരിയില്‍ ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ ആകെ 3.84 ലക്ഷം വാഹനങ്ങള്‍ വിറ്റഴിച്ചു. അതേസമയം ആഭ്യന്തര വിപണിയില്‍ ഹീറോക്ക് 3.57 ലക്ഷം വാഹനങ്ങളാണ് വിറ്റഴിക്കാന്‍ സാധിച്ചത്.

ലോകത്തിലെ ഏറ്റവും വലിയ ഇരുചക്ര വാഹന വിപണിയായ ഇന്ത്യയിലേക്ക് ഒട്ടുമിക്ക ടൂവീലർ ബ്രാൻഡുകളും കടന്നുവന്നിട്ടുണ്ട്. അക്കൂട്ടത്തിൽ ഏറ്റവും ഹിറ്റായ പ്രീമിയം മോട്ടോർസൈക്കിൾ നിർമാതാക്കളാണ് കെടിഎം (KTM). സ്പോർട്‌സ് ബൈക്കുകൾ മാത്രം പുറത്തിറക്കി വമ്പൻ ലാഭം കൊയ്‌ത കമ്പനിക്ക് പണ്ടത്തെ പ്രതാപം ഇപ്പോഴില്ലെങ്കിലും ഒരിടിയ്ക്ക് ഇവരുണ്ടാക്കിയെടുത്ത ഓളം ചെറുതൊന്നുമല്ലായിരുന്നു. വീട്ടിൽ മാതാപിതാക്കൾക്ക് ഉറക്കമില്ലാത്ത രാത്രികൾ പോലും സമ്മാനിച്ചവരാണ് കെടിഎം. കാലൻ വണ്ടിയെന്ന ചീത്തപ്പേരൊക്കെ കേൾപ്പിച്ചിട്ടുണ്ടെങ്കിലും നമ്മുടെ രാജ്യത്തെ പയ്യൻമാർ ഇത്തരം മോട്ടോർസൈക്കിളുകൾ കൈകാര്യം ചെയ്യാൻ പ്രാപ്‌തരായിരുന്നില്ല എന്നതാണ് സത്യം.

കേരളത്തിൽ ഇപ്പോൾ റേഞ്ച് റോവർ വാഹനങ്ങൾക്ക് ചാകരയാണ് എന്ന് വേണം പറയാൻ. കാരണം സെലിബ്രിറ്റികളും വ്യവസായ പ്രമുഖൻമാരും ഇപ്പോൾ റേഞ്ച് റോവർ, ലാൻഡ് റോവർ ഡിഫൻഡർ മോഡലുകൾ ഗാരേജിൽ എത്തിക്കുന്ന തിരക്കിലാണ്. റേഞ്ച് റോവർ മോഡലുകളിൽ പ്രിയപ്പെട്ട മറ്റൊരു മോഡലാണ് വെലാർ. 2018 ലാണ് ബ്രിട്ടീഷ് ആഢംബര വാഹന കമ്പനിയായ റേഞ്ച് റോവർ വെലാറിനെ ഇന്ത്യൻ വിപണിയിൽ അവതരിപ്പിക്കുന്നത്. ചെറിയ എസ്‌യുവിയായ ഇവോക്കിൽ നിന്ന് പ്രചോദനം ഉൾക്കൊണ്ടാണ് വെലാറിലെ ഡിസൈൻ പൂർത്തിയാക്കിയിരിക്കുന്നത്. ഫ്ലഷ് ഡോർ ഹാൻഡിലുകൾ, ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീൻ, കൺട്രോൾ പാനൽ തുടങ്ങിയവയാണ് വെലാർ എസ്‌യുവിയിലെ ചില പ്രധാന സവിശേഷതകൾ.

രാജ്യത്തെ ഏറ്റവും വില കൂടിയ കാര്‍ ഉപയോഗിക്കുന്ന വ്യക്തിയുടെ പേരാണ് യോഹാന്‍ പൂനാവല. ഇന്റര്‍വാല്‍വ് പൂനവാല ലിമിറ്റഡ്, എല്‍-ഒ-മാറ്റിക് ഇന്ത്യ പ്രൈവറ്റ് ലിമിറ്റഡ്, പൂനവാല എന്‍ജിനിയറിംഗ് ഗ്രൂപ്പിന്റെ ഭാഗമായ ഫിനാന്‍ഷ്യല്‍ പ്രൈവറ്റ് ലിമിറ്റഡ് എന്നിവയുടെയെല്ലാം ചെയര്‍മാനാണ് ഇദ്ദേഹം. 22 കോടി രൂപയോളം വില വരുന്ന ഫാന്റം VIII EWB ആഡംബര കാറാണ് യോഹന്‍ അടുത്തിടെ സ്വന്തമാക്കിയത്. എന്നാല്‍ പൂനാവാലയെന്ന പേര് നിങ്ങള്‍ ഏറ്റവും കൂടുതല്‍ കേട്ടത് കോവിഡ് കാലത്തായിരിക്കും. ലോകത്തിലെ തന്നെ ഏറ്റവും വലിയ വാക്‌സിന്‍ നിര്‍മാതാക്കളായ സെറം ഇന്‍സ്റ്റിറ്റ്യൂട്ട് ഓഫ് ഇന്ത്യയുടെ മുതലാളിമാരാണ് പൂനാവാല കുടുംബം.

ഇന്ത്യയിലെ ഏറ്റവും വലിയ പാസഞ്ചർ കാർ നിർമാതാക്കളായി മാരുതി സുസുക്കി വിലസാൻ തുടങ്ങിയിട്ട് കാലം കുറേയായി. എന്നാൽ വാണിജ്യ വാഹന നിരയിലേക്ക് വന്നാൽ അവിടെ ടാറ്റ മോട്ടോർസും മഹീന്ദ്രയുമെല്ലാമാണ് കിങ് മേക്കേഴ്‌സ്. പക്ഷേ ലൈറ്റ് കൊമേഴ്‌സ്യൽ വെഹിക്കിൾ നിരയിൽ മാരുതിയുടെ തുറുപ്പുചീട്ടായി ഒരു കിടിലൻ മോഡൽ അരങ്ങുവാഴുന്നുണ്ട് കേട്ടോ. മറ്റാരുമല്ല, നമ്മുടെ സ്വന്തം സൂപ്പർ ക്യാരിയാണ് ആ കക്ഷി. ചെറുകിട വാണിജ്യ വാഹന വിഭാഗത്തിൽ പലരുടേയും ഇഷ്ട മോഡലായ ക്യാരി മികച്ച നിലവാരവും വൈവിധ്യമാർന്ന ഡെക്കുമാണ് വാഗ്‌ദാനം ചെയ്യുന്നത്.

സുന്ദരിമാരായ ബോളിവുഡ് നടിമാർ എന്ത് ചെയ്യുകയാണെന്ന് നോക്കി നടക്കുകയാണ് പാപ്പരാസികൾ. വൈറലാവാൻ നടിമാർ തങ്ങളുടെ ക്യൂട്ട്നെസ് വാരി വിതറുന്നത് പതിവാണ്. എന്നാൽ ചിലപ്പോൾ ചില മണ്ടത്തരങ്ങളും പറ്റാറുണ്ട്. അത് ട്രോളൻമാർ വൈറലാക്കാറുമുണ്ട്. ഇപ്പോൾ സോഷ്യൽ മീഡിയയിൽ വൈറലാവാൻ നറുക്ക് വീണിരിക്കുന്നത് നാഗകന്യക എന്ന പരമ്പരയിലൂടെ വൈറലായ ഉർവശി റൗട്ടേലയാണ്. അതും റോൾസ് റോയ്സ് കലിനനിൽ. ബ്രിട്ടീഷ് ആഡംബര കാര്‍ ബ്രാന്‍ഡായ റോള്‍സ് റോയ്സ് ആദ്യമായി പുറത്തിറക്കിയ എസ്‌യുവിയാണ് കലിനന്‍. 6.75 ലിറ്റര്‍ ട്വിന്‍ ടര്‍ബോ V12 എഞ്ചിനാണ് റോള്‍സ് റോയ്സ് കലിനന് കരുത്ത് പകരുന്നത്.

ഇന്ത്യയില്‍ ഇന്ന് ഉപഭോക്താക്കള്‍ തങ്ങളുടെ കാറില്‍ ഉണ്ടായിരിക്കണമെന്ന് ആഗ്രഹിക്കുന്ന ഒരു സംഗതിയാണ് ADAS എന്ന ചുരുക്കപ്പേരില്‍ അറിയപ്പെടുന്ന അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റംസ്. ഇന്ത്യയില്‍ വിപണനത്തിനെത്തിക്കുന്ന എല്ലാ കാറുകളിലും ADAS സജ്ജീകരിച്ച കമ്പനിയാണ് ഹോണ്ട. ജാപ്പനീസ് വാഹന നിര്‍മാതാക്കള്‍ സിറ്റി എക്‌സിക്യൂട്ടീവ് സെഡാന്‍, എലിവേറ്റ് കോംപാക്ട് എസ്‌യുവി, അമേസ് കോംപാക്ട് സെഡാന്‍ എന്നീ കാറുകളില്‍ ഈ സേഫ്റ്റി സ്യൂട്ട് ഓഫര്‍ ചെയ്യുന്നു. ഇന്ത്യന്‍ റോഡുകളില്‍ 50,000 ഹോണ്ട സെന്‍സിംഗ് ADAS സജ്ജീകരിച്ച കാറുകള്‍ ഉണ്ടെന്നാണ് ഇപ്പോള്‍ ഹോണ്ട കാര്‍സ് പ്രഖ്യാപിച്ചിരിക്കുന്നത്. ഹോണ്ടയുടെ പുത്തന്‍ നാഴികക്കല്ലിനെ കുറിച്ച് നമുക്ക് വിശദമായി വായിക്കാം.

മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിൽ (Mid-Capacity Motorcycle Segment) പല കമ്പനികൾ വന്നെങ്കിലും രാജാക്കൻമാരായ റോയൽ എൻഫീൽഡിന് (Royal Enfield) കാര്യമായ വെല്ലുവിളിയാവാൻ സാധിച്ചിട്ടില്ലെന്നതാണ് രസകരമായ സംഗതി. പക്ഷേ റെട്രോ ക്ലാസിക് ഇരുചക്ര വാഹന വിഭാഗത്തിൽ എൻഫീൽഡിന് ശക്തരായ എതിരാളിയുണ്ടെങ്കിൽ അത് ക്ലാസിക് ലെജൻഡ്‌സ് (Classic Legends) ആയിരിക്കും. ജാവ, യെസ്‌ഡി, ബിഎസ്എ എന്നിങ്ങനെ മൂന്ന് ഐതിഹാസിക ബ്രാൻഡുകളെയാണ് കമ്പനി എൻഫീൽഡുമായുള്ള യുദ്ധത്തിനായി ഇന്ത്യയിലേക്ക് തിരികെ കൊണ്ടുവന്നത്. മഹീന്ദ്രയുടെ ഉടമസ്ഥതയിലുള്ള ക്ലാസിക് ലെജൻഡ്‌സ് ഇപ്പോൾ ടോപ്പ് ഗിയറിലാണ് കുതിക്കുന്നത്.