ഇന്ത്യയിലെ ഏറ്റവും വലിയ സ്‌പോര്‍ട് യൂടിലിറ്റി വാഹന (എസ്‌യുവി ) നിര്‍മാതാക്കളാണ് മഹീന്ദ്ര. കമ്പനി ഇപ്പോള്‍ തങ്ങളുടെ ജനപ്രിയ എസ്‌യുവി നിരയായ ബൊലേറോ നിയോ (Mahindra Bolero Neo) മുഖംമിനുക്കി പുറത്തിറക്കാനുള്ള ഒരുക്കത്തിലാണ്. പരീക്ഷണയോട്ടം തകൃതിയായി നടക്കുന്നതിനിടെ അപ്ഡേറ്റ് ചെയ്ത നിയോ കോംപാക്റ്റ് ലാഡര്‍ ഫ്രെയിം എസ്‌യുവി ക്യാമറക്കണ്ണില്‍ പതിഞ്ഞിരിക്കുകയാണ്. മോഡലിന്റെ ലോഞ്ച് ആസന്നമായതായുള്ള സൂചനകളാണ് ഇത് നല്‍കുന്നത്. ഈ മാസം തന്നെ മഹീന്ദ്ര ബൊലേറോ നിയോയുടെ അപ്‌ഡേറ്റഡ് പതിപ്പ് പുറത്തിറക്കിയേക്കുമെന്നാണ് സൂചന. അതിന്റെ വിശദാംശങ്ങള്‍ വിശദമായി പരിശോധിക്കാം.

നൃത്തത്തിനോട് പ്രത്യേക താൽപ്പര്യമുളളരെല്ലാം തന്നെ കണ്ടിരിക്കുന്ന ചില ചിത്രങ്ങളുണ്ട്.അതിൽ മുൻപന്തിയിലുണ്ട് 2013 -ൽ ഇറങ്ങിയ എനിബഡി കാൻ ഡാൻസ് എന്ന ചിത്രം. അതിൽ പ്രധാന വേഷം കൈകാര്യം ചെയ്ത് നടിയാണ് അമേരിക്കൻ നർത്തകിയും നടിയുമായ ലോറൻ ഗോട്ലീബ്. താരം ഒരു മികച്ച കൊറിയോഗ്രാഫർ കൂടിയാണ്. ജനിച്ചു വളർന്നത് അമേരിക്കയിലാണെങ്കിലും ഇന്ത്യയയോടും ഇന്ത്യൻ പൈതൃകത്തിനോടും ഒരുപാട് സ്നേഹമാണ് താരത്തിന്. ഇപ്പോൾ താരത്തിൻ്റെ പുതിയ ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. ഇന്ത്യൻ പൈതൃക വേഷം ധരിച്ച് താരം ലാൻഡ് റോവർ ഡിഫൻഡറിൽ വന്നിറങ്ങുന്നതിന് ആരാധകരുടെ കമൻ്റ് പ്രവാഹമാണ്.

ഇലക്‌ട്രിക് ഇരുചക്ര വാഹന വിപണിയിലേക്ക് ഓലയ്ക്കൊപ്പം കടന്നുവന്നവരാണ് സിമ്പിൾ എനർജിയെന്ന സ്റ്റാർട്ടപ്പ് ബ്രാൻഡ്. ഓല അതിവേഗം വളർന്ന് പന്തലിച്ചപ്പോൾ ആദ്യ ഇവിയുടെ വിപണനം തുടങ്ങാൻ ബെംഗളൂരു ആസ്ഥാനമായുള്ള ബ്രാൻഡിന് അൽപം കൂടി സമയം വേണ്ടിവന്നിരുന്നു. അൽപം വൈകിയെങ്കിലും രാജ്യത്ത് ഏറ്റവും കൂടുതൽ റേഞ്ച് നൽകുന്ന ഇലക്ട്രിക് സ്കൂട്ടറായ വൺ ജനപ്രീതി നേടി മുന്നേറുന്നുണ്ട് ഇപ്പോൾ. എതിരാളികൾക്ക് ഒന്നും ഇതുവരെ നേടിയെടുക്കാൻ കഴിയാത്ത വലിയൊരു നേട്ടം തങ്ങളുടെ പേരിലാക്കിയിരിക്കുകയാണ് ബ്രാൻഡ്. ഇലക്ട്രിക് വാഹന (EV) സാങ്കേതികവിദ്യയിൽ പുതിയൊരു കണ്ടുപിടുത്തമാണ് കമ്പനി സ്വന്തമാക്കിയിരിക്കുന്നത്.

ലോകം ഇലക്ട്രിക് വാഹന വിപ്ലവത്തിലേക്ക് അതിവേഗം നടന്നു നീങ്ങുകയാണ്. പല ലോകോത്തര ബ്രാന്‍ഡുകളും ഇതിന്റെ മുന്‍നിരയില്‍ തന്നെ സ്ഥാനം പിടിക്കുന്നു. ജാപ്പനീസ് വാഹന നിര്‍മാതാക്കളായ ടൊയോട്ട ഒന്നിലേറെ ഇലക്ട്രിക് വാഹനങ്ങള്‍ അണിയറയില്‍ ഒരുക്കുന്നുണ്ട്. ഇപ്പോള്‍ ടൊയോട്ട ജപ്പാനില്‍ ഇ-പാലറ്റ് എന്ന പേരില്‍ സെല്‍ഫ് ഡ്രൈവിംഗ് ബാറ്ററി ഇലക്ട്രിക് വാഹനം അവതരിപ്പിച്ചു. 29 ദശലക്ഷം ജാപ്പനീസ് യെന്‍ ആണ് വില നിശ്ചയിച്ചിരിക്കുന്നത്. ഇത് ഇന്ത്യന്‍ കറന്‍സിയിലേക്ക് മാറ്റുമ്പോള്‍ വില ഏകദേശം 1.74 കോടി രൂപ വരും. ടൊയോട്ടയുടെ പുത്തന്‍ വാഹനത്തെ കുറിച്ച് ഈ ലേഖനത്തില്‍ വിശദമായി വായിക്കാം.

ഇന്ത്യൻ ക്രിക്കറ്റ് ടീമിന്റെ ഭാവി സൂപ്പര്‍ താരങ്ങളിലൊരാളാണ് തിലക് വര്‍മ. 2023-ൽ അന്താരാഷ്ട്ര ക്രിക്കറ്റില്‍ അരങ്ങേറിയ താരം ഇതിനകം തന്നെ ദേശീയ ടീമിലെ സ്ഥിരം സാന്നിധ്യമാവാൻ സാധിച്ചിട്ടുണ്ട്. ബാറ്റിഗും ബോളിംഗിലും ഒരുപോലെ തിളങ്ങാനാവുന്ന ഇന്ത്യയുടെ മിടുക്കൻ ഓള്‍റൗണ്ടര്‍ കൂടിയാണ് ഈ ഹൈദരാബാദുകാരൻ. പേസ്, സ്പിന്‍ വ്യത്യാസമില്ലാതെ ബൗളർമാരെ നേരിടാനുള്ള കഴിവും തിലകിനെ വ്യത്യസ്‌നാക്കുന്നുണ്ട്. അടുത്ത ലോകകപ്പ് ലക്ഷ്യമിട്ട് വിരാട് കോലിയുടെ പകരക്കാരനായി മൂന്നാം നമ്പറില്‍ ഇന്ത്യ ഇറക്കാൻ ഉദ്ദേശിച്ചിരിക്കുന്നതും ഈ ഇടംകൈ ബാറ്ററെയാണ്. നിലവിൽ ടി20 ടീമിലെ സ്ഥിരം സാന്നിധ്യമാണെങ്കിലും ഏകദിനത്തിലും തിലകിനെ പരീക്ഷിക്കാനാണ് പരിശീലകൻ ഗംഭീറിന് താത്പര്യം.

രാജ്യത്ത് ടോൾ പ്ലാസകളിൽ വാർഷിക പാസ് അവതരിപ്പിച്ചത് മുതൽ സർക്കാരിൻ്റെ ഖജനാവിലേക്ക് വരുമാനത്തിൻ്റെ കുത്തൊഴുക്കാണ്. ടോൾ പ്ലാസകളിലെ തിരക്ക് കുറയ്ക്കുന്നതിനും അത് പോലെ തന്നെ വാർഷിക പാസിലൂടെ കൂടുതൽ വരുമാനം ലഭിക്കാനും സാധിച്ചു എന്നാണ് കേന്ദ്ര മന്ത്രി നിതിൻ ഗഡ്കരി അഭിപ്രായപ്പെട്ടത്. ഫാസ്ടാഗ് അവതരിപ്പിക്കുന്നതിന് മുൻപായി നീണ്ട വരിയായി കിടക്കേണ്ട അവസ്ഥയിൽ നിന്ന് ഇപ്പോൾ വളരെ വേഗത്തിൽ തന്നെ ടോൾ പ്ലാസകൾ കടക്കാന സാധിക്കുന്നുണ്ട്. 2026 സാമ്പത്തിക വർഷത്തിലെ ആദ്യ പാദത്തിലെ ടോൾ പിരിവിൻ്റെ വരുമാനം ഏകദേശം 21,000 കോടി ശേഖരിച്ചിരുന്നു.

വിവിധ വാഹന വിഭാഗങ്ങളിലായി ഓരോ ബ്രാന്‍ഡുകളുടെയും ഉല്‍പ്പന്നങ്ങള്‍ വിറ്റഴിക്കാനായി ഡീലര്‍ഷിപ്പുകളുണ്ടാകും. വില്‍പ്പനയീം വില്‍പ്പനാനന്തര സേവനങ്ങളുമെല്ലാം ഡീലര്‍ഷിപ്പിന് കീഴിലൂടെയാണ് നടത്തിപ്പോരുന്നത്. ഇന്ത്യയില്‍ ഒരു വാഹന ഡീലര്‍ഷിപ്പ് നടത്തുന്നവര്‍ എത്രത്തോളം സന്തുഷ്ടരാണെന്ന് മനസ്സിലാക്കാന്‍ ഫെഡറേഷന്‍ ഓഫ് ഓട്ടോമൊബൈല്‍ ഡീലേഴ്‌സ് അസോസിയേഷന്‍ (FADA) ഒരു സര്‍വേ നടത്താറുണ്ട്. 5 വര്‍ഷമായി നടത്തിക്കൊണ്ടിരിക്കുന്ന ഈ സര്‍വേയുടെ 2025-ലെ ഫലങ്ങള്‍ ഇപ്പോള്‍ പുറത്തിറങ്ങിയിട്ടുണ്ട്. ഇന്ത്യയിലെ തൃപ്തികരമായ ഡീലര്‍ഷിപ്പുകളെക്കുറിച്ചുള്ള ഒരു സര്‍വേ കഴിഞ്ഞ വര്‍ഷം ജൂലൈ, ഓഗസ്റ്റ് മാസങ്ങളിലാണ് നടത്തിയത്. അതില്‍ ഇന്ത്യയില്‍ ഏറ്റവും സംതൃപ്തരായ ഡീലര്‍മാര്‍ ഏത് കമ്പനിയുടേതാണെന്ന് നമുക്ക് നോക്കാം.

ടാറ്റയുടെ (Tata Motors) പുതിയ കാറുകൾ വാങ്ങാൻ ആളുകൾ തീരുമാനിക്കുന്നതിന്റെ പ്രധാന കാരണങ്ങളിൽ ഒന്ന് സേഫ്റ്റി തന്നെയാവും. ടിയാഗോ മുതൽ സഫാരി വരെ നീളുന്ന മോഡൽ നിര സുരക്ഷയുടെ കാര്യത്തിൽ യാതൊരു തരത്തിലുള്ള വിട്ടുവീഴ്ച്ചകൾക്കും ഇടംകൊടുത്തിട്ടില്ല. ഒപ്പം ക്രാഷ് ടെസ്റ്റുകളിലായാലും മിന്നും പ്രകടനമാണ് ചെറുകാറുകൾ വരെ നടത്തിയിട്ടുള്ളത്. നേരത്തെ ഗ്ലോബൽ NCAP ക്രാഷ് ടെസ്റ്റ് ഫലങ്ങൾ നോക്കിയാണ് ആളുകൾ കാറുകൾ വാങ്ങിയിരുന്നതെങ്കിൽ ഇപ്പോൾ ഇന്ത്യക്ക് സ്വന്തമായുള്ള ഭാരത് NCAP ക്രാഷ് ടെസ്റ്റിനെ (Crash Test) അടിസ്ഥാനമാക്കിയാണ് പലരും തീരുമാനങ്ങളെടുക്കുന്നത്.

കുറച്ച് ദിവസങ്ങൾക്ക് മുൻപാണ് ചൈനയിൽ ഫ്ലഷ് ഡോർ ഹാൻഡിലുക നിരോധിക്കാനൊരുങ്ങുന്നു എന്ന വാർത്ത നിങ്ങളുമായി പങ്കുവച്ചത്. ഒരു ഫ്ലഷ് ഡോർ ഹാൻഡിൽ കൊണ്ട് എന്ത് സുരക്ഷ കുറവാണ് സംഭവിക്കുക എന്ന് തോന്നിയേക്കാം. എന്നാൽ ഒട്ടും പരിചിതമല്ലാത്ത ഡോർ ഹാൻഡിൽ ഡിസൈൻ പലർക്കും ഒരു ബുദ്ധിമുട്ട് സൃഷ്ടിച്ചിട്ടുണ്ട്. അതിനൊപ്പം തന്നെ അപകടങ്ങൾ സംഭവിക്കുമ്പോൾ ഫ്ലഷ് ഡോർ ഹാൻഡിൽ മൂലം തുറക്കാനാവാത്ത സാഹചര്യമുണ്ടാകുകയും യാത്രക്കാരെ രക്ഷിക്കാൻ സാധിക്കാതെ പലപ്പോഴും യാത്രക്കാരുടെ ജീവന് പോലും ഭീഷണിയാകുന്ന സംഭവങ്ങൾ ഉണ്ടായത് കൊണ്ടാണ് സർക്കാർ ഇത്തരത്തിലൊരു തീരുമാനം നടപ്പിലാക്കുന്നത്.

ഹാച്ച്ബാക്കിന്റെ വിലയില്‍ ഒരു എസ്‌യുവി വേണമെന്നുള്ളവരുടെ കണ്ണ് ആദ്യം പോകുന്നത് ടാറ്റ ഷോറൂമിലുള്ള പഞ്ച് എന്ന കുഞ്ഞനിലേക്കാണ്. ആഭ്യന്തര വാഹന നിര്‍മാതാക്കള്‍ ഇപ്പോള്‍ ജനപ്രിയ മൈക്രോ എസ്‌യുവിയായ ടാറ്റ പഞ്ചിനെ കൂടുതല്‍ താങ്ങാനാവുന്ന വിലയില്‍ ലഭ്യമാക്കുകയാണ്. ജിഎസ്ടി 2.0 പ്രകാരം ടാറ്റ പഞ്ചിന്റെ വിലയില്‍ ഗണ്യമായ കുറവ് വരുത്തിയിട്ടുണ്ട്. ജിഎസ്ടി കുറച്ചതിന്റെ മുഴുവന്‍ ആനുകല്യങ്ങളും ഉപഭോക്താക്കള്‍ക്ക് കൈമാറാന്‍ തുരുമാനിച്ചതിനാല്‍ പഞ്ചിന് വേരിയന്റുകള്‍ക്ക് അനുസരിച്ച് 33,000 മുതല്‍ 87,000 രൂപ വരെ വിലക്കുറവ് ലഭിച്ചിട്ടുണ്ട്. ടാറ്റ പഞ്ചിന്റെ വേരിയന്റ് തിരിച്ചുള്ള വിലക്കുറവിനെ കുറിച്ച് വിശദമായി ഈ ലേഖനത്തില്‍ വായിക്കാം.

വാഹനം വാങ്ങാൻ ആഗ്രഹിക്കുമ്പോൾ പലപ്പോഴും സാമ്പത്തികമാണ് വില്ലനായി എത്താറുള്ളത്. എന്നാൽ അതിന് പോംവഴിയായി വാഹന ലോൺ സഹായത്തിന് എത്താറുണ്ട് എന്നതാണ് ശരി. കമ്പനിയിൽ നിന്ന് തന്നെ വാഹനത്തിനുള്ള ലോൺ എടുക്കുകയോ അല്ലെങ്കിൽ ഏതെങ്കിലും ബാങ്കിൽ പോയി വാഹന ലോണിന് അപേക്ഷിക്കുകയോ ആണല്ലോ പതിവ്. അത്തരത്തിൽ നിങ്ങൾക്ക് വിൻഫാസ്റ്റിൻ്റെ വാഹനം വാങ്ങാൻ ഇനി വേറെ ബാങ്കുകൾ കയറി അലയേണ്ട. വിയറ്റ്നാം ബ്രാൻഡ് ഐസിഐസിഐയുമായി കൈകോർത്തിരിക്കുകയാണ്. 100 ശതമാനം ഓൺ-റോഡ് ഫണ്ടിംഗ്, ആകർഷകമായ പലിശ നിരക്കുകൾ, മികച്ച തിരിച്ചടവ് ഓപ്ഷനുകൾ തുടങ്ങിയ ആനുകൂല്യങ്ങൾ ഈ പങ്കാളിത്തം വാഗ്ദാനം ചെയ്യും.

നിലവില്‍ ഇന്ത്യയിലെ നമ്പര്‍ 1 ഇലക്ട്രിക് സ്‌കൂട്ടറാണ് ടിവിഎസ് ഐക്യൂബ്. ഇലക്ട്രിക് ടൂവീലര്‍ വിപണിയില്‍ ഓരോ മാസവും മത്സരം കടുക്കുന്നതിനാല്‍ തങ്ങളുടെ ഉല്‍പ്പന്നം കൂടുതല്‍ ആകര്‍ഷകമാക്കാന്‍ പറ്റാവുന്ന പണികളെല്ലാം പയറ്റുകയാണ് കമ്പനികള്‍. ഇപ്പോള്‍ ഇന്ത്യയിലെ ആദ്യത്തെ ഇവി-സ്മാര്‍ട്ട് വാച്ച് സംയോജനത്തിതിനായി ടിവിഎസ് മോട്ടോര്‍ കമ്പനി ഇന്ത്യയിലെ കണക്റ്റഡ് ലൈഫ്സ്‌റ്റൈല്‍ ബ്രാന്‍ഡായ നോയ്സുമായി പങ്കാളിത്തത്തില്‍ ഏര്‍പ്പെട്ടിരിക്കുകയാണ്. ഈ കൂട്ടുകെട്ടിന്റെ ഫലമായി ടിവിഎസ് ഐക്യൂബ് ഇലക്ട്രിക് സ്‌കൂട്ടര്‍ നോയ്സ് സ്മാര്‍ട്ട് വാച്ചുമായി ബന്ധിപ്പിക്കുന്നു. ഇത് തത്സമയ റൈഡ് ഡാറ്റയും സേഫ്റ്റി അലേര്‍ട്ടുകളും റൈഡറുടെ കൈത്തണ്ടയിലേക്ക് നേരിട്ട് നല്‍കുന്നു.

ഒരൊറ്റ മോഡലിന്റെ ബലത്തിൽ രാജ്യത്ത് പിടിച്ചുനിൽക്കുന്നവരാണ് ജാപ്പനീസ് വാഹന നിർമാതാക്കളായ നിസാൻ. വിദേശ രാജ്യങ്ങളിൽ വലിയ വാഹന നിരയുണ്ടെങ്കിലും ഇന്ത്യയിൽ കാര്യമായ രീതിയിൽ വളരാനൊന്നും ഇവർക്കായിട്ടില്ല. എങ്കിലും ഹാച്ച്ബാക്ക് വാങ്ങുന്ന വിലയ്ക്ക് കോംപാക്‌ട് എസ്‌യുവി തന്ന് ഇന്ത്യക്കാരെ ചാക്കിലാക്കാൻ നിസാന് സാധിച്ചിട്ടുണ്ട്. ഇന്നും തരക്കേടില്ലാത്ത രീതിയിൽ വിറ്റഴിയുന്ന മോഡൽ പലരുടേയും ഡ്രീം കാർ കൂടിയായിരിക്കും. അടുത്തിടെയായി രാജ്യത്ത് കാർ ഉപയോഗിക്കുന്നവർക്ക് തലവേദനയുണ്ടാക്കിയിട്ടുള്ള കാര്യമാണ് E20 പെട്രോളും അത് സംബന്ധിച്ച വാർത്തകളും. എഥനോൾ 20 ശതമാനത്തോളം കലർന്ന പെട്രോളാണ് നിലവിൽ രാജ്യത്ത് നിലവിലുള്ളത്.

വാഹന നിർമാതാക്കൾ ഒരു വാഹനം പുറത്തിറക്കുമ്പോൾ അതിൽ ലഭിക്കുന്ന ഫീച്ചറുകൾക്ക് വളരെ വ്യക്തമായ ഉപയോഗമുണ്ടാകും, അത് ചെറുതായാലും വലുതായാലും. അതിനൊപ്പം തന്നെ ഏത് രാജ്യത്താണോ വാഹനം അവതരിപ്പിക്കുന്നത്, അവിടുത്തെ കാലാവസ്ഥയും റോഡും എല്ലാം ഒറു വാഹനം നിർമിക്കുമ്പോൾ പ്രധാന ഘടകങ്ങളായി കമ്പനി പരിഗണിക്കാറുണ്ട്. വിദേശ രാജ്യങ്ങളിലാണ് വാഹനങ്ങളിൽ സൺറൂഫ് വളരെ പ്രശസ്തം. ഇന്ത്യൻ വിപണിയിലും സൺറൂഫ് എത്തിയെങ്കിലും പലപ്പോഴും പല വാഹനങ്ങളിലും അത് ഒരു അനാവശ്യ ഫീച്ചറായി മാറുന്നുണ്ട്. ഇന്ത്യൻ കാലാവസ്ഥയ്ക്കും റോഡിനും ഒന്നും സൺറൂഫിൻ്റെ ആവശ്യകതയില്ല എന്നാണ് പലപ്പോഴും തോന്നാറുളളത്.

കാർ വാങ്ങുക എന്നത് ഏതൊരു മനുഷ്യന്റേയും വലിയ സ്വപ്നങ്ങളിൽ ഒന്നാണ്. ഒരുകാലത്ത് കാറുകൾ ആഡംബര വസ്‌തുവായി കണ്ടിരുന്നെങ്കിലും ഇന്ന് മനുഷ്യ ജീവിതത്തിലെ അവശ്യ വസ്തുവായി മാറിയിട്ടുണ്ട്. എന്നാൽ പുത്തനൊരു കാർ വാങ്ങുക എന്നത് പലരേയും സംബന്ധിച്ച് ബാലികേറാ മലയാണ്. ആയതിനാൽ ഇന്ത്യയിലെ ബഹുഭൂരിപക്ഷം പേരും സെക്കൻഡ് ഹാൻഡ് വിപണിയെയാണ് ആശ്രയിക്കുന്നത്. പുതിയ കാറുകൾക്ക് മുടക്കേണ്ടി വരുന്ന ഉയർന്ന വില കാരണം ഇന്ത്യയിൽ യൂസ്‌ഡ് കാറുകൾക്കുള്ള ഡിമാന്റ് കുതിച്ചുയരുകയായിരുന്നു. ഓരോ വർഷവും മൂന്നും നാലും തവണയെല്ലാം വാഹനങ്ങൾക്ക് വില വർധിപ്പിക്കുന്നത് സ്ഥിരം കാഴ്ച്ചയായിട്ടുണ്ട്.

ഹോണ്ട നിശബ്ദമായി പുതിയ ഇലക്ട്രിക് മോട്ടോര്‍സൈക്കിള്‍ അവതരിപ്പിച്ചു. സംഗതി ഇന്ത്യയിലല്ല അങ്ങ് യൂറോപ്പിലാണ്. ഹോണ്ടയുടെ 'ഫണ്‍' വിഭാഗത്തിലെ ആദ്യത്തെ ഫിക്‌സഡ്-ബാറ്ററി ഇലക്ട്രിക് മോട്ടോര്‍സൈക്കിളായ ഹോണ്ട WN7 (Honda WN7) മിലാനില്‍ നടന്ന EICMA 2024-ല്‍ കമ്പനി അവതരിപ്പിച്ച ഇവി ഫണ്‍ കണ്‍സെപ്റ്റിന്റെ പ്രൊഡക്ഷന്‍ പതിപ്പാണ്. മികച്ച പ്രകടനവും സുസ്ഥിര മൊബിലിറ്റി സെല്യൂഷനും ആഗ്രഹിക്കുന്ന റൈഡര്‍മാര്‍ക്കായാണ് ഹോണ്ട WN7 രൂപകല്‍പ്പന ചെയ്തിരിക്കുന്നത്്. ആദ്യത്തെ ഇലക്ട്രിക് നേക്കഡ് മോട്ടോര്‍സൈക്കിളായ ഹോണ്ട WN7 ഉപയോഗിച്ച് ഹോണ്ട യൂറോപ്യന്‍ ഇലക്ട്രിക് മോട്ടോര്‍സൈക്കിള്‍ വിപണിയില്‍ പ്രവേശിച്ചു.

പച്ച നമ്പർപ്ലേറ്റും ഘടിപ്പിച്ച് സൈലന്റായി നിരത്തുകളിലൂടെ പായുന്ന ഇലക്ട്രിക് വാഹനങ്ങൾ മനുഷ്യ ജീവിതത്തിന്റെ ഭാഗമായിക്കഴിഞ്ഞിട്ടുണ്ട്. പ്രത്യേകിച്ച് ഇരുചക്ര വാഹന വിപണിയിൽ ഇവികളുടെ കടന്നുകയറ്റം വളരെ പ്രകടമാണ്. പക്ഷേ ഇലക്ട്രിക് വാഹനങ്ങൾ വാങ്ങുന്ന ഭൂരിഭാഗം ആളുകളുടേയും ഏറ്റവും വലിയ ആശങ്കകളിൽ ഒന്നാണ് തീപിടുത്തം. നിരവധി സംഭവങ്ങൾ ഇത്തരത്തിൽ റിപ്പോർട്ട് ചെയ്‌തിട്ടുള്ളതിനാൽ പലരും വൈദ്യുത വാഹനങ്ങളോട് അകലം പാലിക്കാൻ ശ്രമിക്കാറുണ്ട്. തീപിടുത്തവുമായി ബന്ധപ്പെട്ട പ്രശ്‌നങ്ങൾ അടുത്തിടെയായി ശന്തമായതായിരുന്നു. കൂടുതൽ സേഫ്റ്റി ഫീച്ചറുകൾ ഉൾപ്പെടുത്തി ബ്രാൻഡുകൾ തങ്ങളുടെ മോഡലുകളെ കൂടുതൽ സുരക്ഷിതമാക്കിയതായിരുന്നു ഇതിന്റെ പിന്നിലുള്ള കാരണം.

രാജ്യത്ത് ഇവികളോടുളള താൽപ്പര്യം കൂടി വരികയാണ്, എന്നാൽ ഒരു ഇവി വാങ്ങാൻ ആലോചിക്കുമ്പോൾ ഏത് മോഡൽ വാങ്ങും എന്ന് എല്ലാവരേയും കുഴക്കുന്ന കാര്യം തന്നെയാണ്. ഇന്ത്യൻ മണ്ണിൽ തങ്ങളുടെ ബിസിനസ് ചുവടുറപ്പിക്കാൻ നിരവധി വിദേശ ബ്രാൻഡുകൾ രാജ്യത്ത് എത്തിയിട്ടുണ്ട്. ഏറ്റവും പുതിയതായി എത്തിയത് വിയറ്റ്നാ ബ്രാൻഡായ വിൻഫാസ്റ്റാണ്. അതിന് മുൻപ് ഇവി ഭീമനായ ടെസ്‌ല എത്തി. എന്നാൽ ഇന്ത്യൻ ബ്രാൻഡുകളെ വെല്ലാൻ ഇവർക്കൊന്നും സാധിക്കുന്നില്ല എന്നതാണ് സത്യാവസ്ഥ. ജനങ്ങളുടെ മനസിൽ ഇന്ത്യൻ ബ്രാൻഡ് കഴിഞ്ഞിട്ടേയുളളു മറ്റ് ബ്രാൻഡുകൾക്ക് സ്ഥാനം എന്നത് മനസിലാക്കാൻ സാധിക്കുന്നുണ്ട്.

ഇവിറ്റാര ഇലക്ട്രിക് എസ്‌യുവിക്കൊപ്പം മാരുതി സുസുക്കി ഈ വര്‍ഷം മറ്റൊരു എസ്‌യുവി പുറത്തിറക്കുന്നുവെന്ന വാര്‍ത്തകള്‍ വന്നപ്പോള്‍ അത് ഗ്രാന്‍ഡ് വിറ്റാരയുടെ 7-സീറ്റര്‍ പതിപ്പായിരിക്കുമെന്നായിരുന്നു കണക്കുകൂട്ടിയിരുന്നത്. എന്നാല്‍ കമ്പനി നടത്തിയ പഠനങ്ങളില്‍ നിന്ന് 7-സീറ്റര്‍ എസ്‌യുവിയേക്കാള്‍ 5-സീറ്റര്‍ മോഡലിനാണ് വിപണി സാധ്യതയെന്ന തിരിച്ചറിവിലാണ് വിക്‌ടോറിസ് പിറവിയെടുത്തത്. ചുരുക്കിപ്പറഞ്ഞാല്‍ ഹ്യുണ്ടായി ക്രെറ്റ, കിയ സെല്‍റ്റോസ്, ടൊയോട്ട ഹൈറൈഡര്‍, ഹോണ്ട എലിവേറ്റ് എന്നിവക്കൊപ്പം ഗ്രാന്‍ഡ് വിറ്റാരയ്ക്കും നേരിട്ടുള്ള എതിരാളിയായാണ് വിക്ടോറിസ് വിപണിയില്‍ എത്തിയത്. ഇത് ഉപഭോക്താക്കള്‍ക്ക് മിഡ്‌സൈസ് എസ്‌യുവി വിഭാഗത്തില്‍ രണ്ട് ശക്തമായ മാരുതി ഓപ്ഷനുകളില്‍ ഒന്ന് തെരഞ്ഞെടുക്കാനുള്ള അവസരം നല്‍കുന്നു.

ഒരു പൂ ചോദിച്ചപ്പോൾ പൂക്കാലം തന്നു എന്നത് പോലെയാണ് മാരുതി സുസുക്കിയുടെ ഇ വിറ്റാറ പ്രതീക്ഷിച്ച് ഇരുന്നവർക്ക് വിക്ടോറിസ് നൽകിയത്. എന്നാൽ ഇ വിറ്റാറയ്ക്ക് വേണ്ടി അൽപ്പം കൂടി കാത്തിരിക്കേണ്ടി വരുമെന്നാണ് ലഭിക്കുന്ന റിപ്പോർട്ടുകൾ സൂചിപ്പിക്കുന്നത്.പുതിയതായി പുറത്ത് വരുന്ന റിപ്പോർട്ടുകൾ അനുസരിച്ച് ജപ്പാനിൽ 2026 ജനുവരി 16 ന് അവതരിപ്പിക്കുമെന്നാണ് അറിയിച്ചിരിക്കുന്നത്.ഗുജറാത്തിലെ പ്ലാൻ്റിൽ നിർമിച്ച് ജപ്പാനിലേക്ക് കയറ്റി അയക്കാനാണ് പ്രാഥമികമായി കമ്പനി തീരുമാനിച്ചിരിക്കുന്നത്. 2025 ലെ ഭാരത് മൊബിലിറ്റി ഓട്ടോ എക്സ്പോയിലായിരുന്നു മാരുതി സുസുക്കി തങ്ങളുടെ ഇ വിറ്റാറ അവതരിപ്പിച്ചത്.

എന്നെങ്കിലും മെർസിഡീസ് ബെൻസ് പോലൊരു ജർൻ ആഡംബര വാഹനം സ്വന്തമാക്കുക എന്നത് പലരുടേയും സ്വപ്നമായിരിക്കും. നിരവധി ആളുകൾ അവരുടെ കഠിനാധ്വാനത്തിലൂടെ അത് നേടിയെടുക്കുന്ന വാർത്തകളും നാം കാണാറുണ്ട്. അത്തരത്തിലൊരു വാർത്തയാണ് ഇപ്പോൾ ട്രെൻഡിംഗ്. കുക്കിംഗ് റിയാലിറ്റി ടിവി ഷോയായ മാസ്റ്റർഷെഫ് ഇന്ത്യ വിജയിയായ മാസ്റ്റർഷെഫ് പങ്കജ് ബദൗരിയാണ് തന്റെ സ്വപ്ന വാഹനം സ്വന്തമാക്കിയിരിക്കുന്നത്. ഏതാണന്നല്ലേ, ജർമൻ ലക്ഷ്വറി കാർ നിർമാതാക്കളായ ബെൻസിന്റെ എസ്-ക്ലാസാണ് ഇവർ തന്റെ ഗരാജിലെത്തിച്ചിരിക്കുന്നത്. പുതിയ വണ്ടി വാങ്ങിയ വിവരം ഇവർ തന്നെയാണ് സോഷ്യൽ മീഡിയയിലൂടെ ഫോളോവേഴ്‌സിലേക്ക് എത്തിച്ചിരിക്കുന്നത്.

അരീന കാറുകള്‍ക്കിടയിലെ ഫ്‌ലാഗ്ഷിപ്പ് മോഡലായിക്കൊണ്ട് ഇക്കഴിഞ്ഞ ദിവസമാണ് മാരുതി സുസുക്കി വിക്‌ടോറിസ് എസ്‌യുവി പുറത്തിറക്കിയത്. ഇന്ത്യന്‍ വിപണിയില്‍ വെറും 10.50 ലക്ഷം രൂപ പ്രാരംഭ വിലയില്‍ പുറത്തിറക്കിയ വിക്‌ടോറിസ് നിരവധി ഉപഭോക്താക്കള്‍ക്കിടയില്‍ ഇതിനോടകം വലിയ പ്രതീക്ഷകള്‍ സൃഷ്ടിച്ചിട്ടുണ്ട്. ലെവല്‍ 2 ADAS സ്യൂട്ടാണ് വിക്ടോറിസിന്റെ പ്രധാന പ്രത്യേകതകളിലൊന്ന്. ADAS ലഭിക്കുന്ന ആദ്യ മാരുതി കാര്‍ ആണ് വിക്ടോറിസ്. എന്നാല്‍, ADAS സൗകര്യം വിക്‌ടോറിസിന്റെ എല്ലാ വേരിയന്റുകളിലും ലഭ്യമല്ല. ലെവല്‍ 2 ADAS സ്യൂട്ട് ലഭ്യമാകുന്ന വിക്‌ടോറിസിന്റെ വേരിയന്റുകള്‍ ഏതൊക്കെയാണെന്ന് നമുക്ക് ഈ ലേഖനത്തില്‍ പരിശോധിക്കാം.

ഇന്ത്യൻ എസ്‌യുവി വിപണിയിലെ ചർച്ചാവിഷയമായി മാറിയിരിക്കുകയാണ് മാരുതി സുസുക്കിയുടെ ഏറ്റവും പുതിയ വിക്ടോറിസ്. വിലയിലായാലും സേഫ്റ്റിയിലായാലും മൈലേജിലായാലും ഞെട്ടിച്ച മോഡൽ വെറും 10.50 ലക്ഷം രൂപ മുതൽ എക്സ്ഷോറൂം വിലയുണ്ടെങ്കിൽ സ്വന്തമാക്കാനാവും. ഈ വിഭാഗത്തിൽ വരുന്ന പല മോഡലുകളേയും നാണിപ്പിക്കുന്ന വിധത്തിൽ പണികഴിപ്പിച്ചിരിക്കുന്ന വിക്ടോറിസ് വിക്ടറിയാവുമെന്നതിൽ സംശയമൊന്നും വേണ്ട. പെട്രോൾ, സ്ട്രോംഗ് ഹൈബ്രിഡ്, സി‌എൻ‌ജി പവർട്രെയിനുകൾ എന്നിവയിലായി ആറ് വേരിയന്റുകളിലാണ് വാഗ്ദാനം ചെയ്യുന്നത്. ഉത്സവ സീസൺ ആയതോടെ എസ്‌യുവിക്കായി അധികം കാത്തിരിക്കേണ്ടിയും വരില്ലെന്ന സ്ഥിരീകരണവും മാരുതി സുസുക്കിയിൽ നിന്നും പുറത്തുവന്നിട്ടുണ്ട്.

രാജ്യത്ത് എഥനോൾ പെട്രോളുമായി ബന്ധപ്പെട്ട് നിരവധി ആരോപണങ്ങളും വ്യാജ വാർത്തകളും രാജ്യത്ത് അലയടിക്കുകയാണ്. എന്നാൽ ഇതിൻ്റെ സത്യാവസ്ഥ എന്താണ്. നിങ്ങളുടെ വാഹനത്തിൽ എഥനോൾ കലർന്ന പെട്രോൾ ഒഴിച്ചാൽ വാഹനത്തിന് കേടുപാടുകൾ സംഭവിക്കുമെന്നാണ് എല്ലാവരും ആശങ്കപ്പെടുന്നത്. എന്നാൽ അതിൽ ഒരു കഴമ്പുമില്ല എന്നാണ് കേന്ദ്ര ഗതാഗത മന്ത്രി നിതിൻ ഗഡ്കരി പ്രസ്താവനയിൽ വ്യക്തമാക്കുന്നത്. ഇപ്പോഴിതാ ഇന്ത്യൻ ഓയിൽ കോർപ്പറേഷൻ തങ്ങൾ എഥനോൾ കലരാത്ത പെട്രോൾ വിൽക്കില്ല എന്നാണ് അറിയിച്ചിരിക്കുന്നത്. എഥനോൾ പെട്രോൾ ഉപയോഗിക്കുന്നത് വഴി വാഹനത്തിന് തകരാർ സംഭവിക്കുമെന്ന തരത്തിൽ ഒരു റിപ്പോർട്ടുകളും പുറത്ത് വന്നിട്ടില്ല.

എപ്പോഴാണെങ്കിലും എവിടെയാണെങ്കിലും വാണിജ്യവാഹനങ്ങൾക്ക് എന്നും ഡിമാൻ്റുണ്ട്. അതിൽ തന്നെ വർഷങ്ങളായി വാണിജ്യവിപണി കൈയ്യടക്കി വച്ചിരിക്കുന്നത് മറ്റാരുമല്ല അശോക് ലെയ്‌ലാൻഡ് ആണ്. ഇന്ത്യയിലെ വാണിജ്യ വാഹന മേഖലയിലെ മുൻനിരക്കാരനും പ്രശസ്തമായ ഹിന്ദുജ ഗ്രൂപ്പിന്റെ ഭാഗമായ അശോക് ലെയ്‌ലാൻഡ് സാത്തി എന്നൊരു മോഡൽ അവതരിപ്പിച്ചിരുന്നു. പ്രീമിയം എൻട്രി ലെവൽ ലൈറ്റ് കൊമേഴ്‌സ്യൽ വെഹിക്കിൾ സെഗ്മെൻ്റിൽ പുറത്തിറക്കിയ മോഡൽ വിപണിയിൽ വലിയ ഡിമാൻ്റ് നേടുന്നുണ്ട് എന്നാണ് റിപ്പോർട്ടുകൾ. സാത്തിയെ കൂടുതലായി അറിയാൻ എല്ലാവർക്കും താൽപ്പര്യമുണ്ടാകുമല്ലോ. എന്തുകൊണ്ടാണ് അശോക് ലെയ്‌ലാൻഡ് സാത്തി മറ്റ് ബ്രാൻഡുകളിൽ നിന്ന് വ്യത്യസ്തമാകുന്നതെന്ന് നോക്കിയാലോ.