ഏതാനും നാളുകള്‍ കൊണ്ട് ഇന്ത്യന്‍ ഇലക്ട്രിക് വാഹന വിപണിയിലെ മുന്‍നിരക്കാരായി മാറിയിരിക്കുകയാണ് ജെഎസ്ഡബ്ല്യു എംജി മോട്ടോര്‍ ഇന്ത്യ. നിലവില്‍ കോമെറ്റ് ഇവി, വിന്‍ഡ്‌സര്‍ ഇവി, ZS ഇവി എന്നിങ്ങനെ മൂന്ന് ഇലക്ട്രിക് കാറുകളാണ് എംജി ഇന്ത്യയില്‍ വില്‍ക്കുന്നത്. ഇതില്‍ തന്നെ വിന്‍ഡ്‌സര്‍ ഇവി ഇന്ത്യയിലെ നമ്പര്‍ 1 ഇലക്ട്രിക് കാര്‍ എന്ന നേട്ടം തുടര്‍ച്ചയായി 3 മാസം സ്വന്തമാക്കി. രാജ്യത്തെ പാസഞ്ചര്‍ ഇവി വിപണി പിടിച്ചടക്കാനായി കൂടുതല്‍ ഇവികള്‍ കൊണ്ടുവരാനാണ് എംജിയുടെ പ്ലാന്‍. ഓരോ മൂന്ന് മാസത്തിലും ഒരു പുതിയ കാര്‍ ലോഞ്ച് ചെയ്യാനാണ് ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാന്‍ഡിന്റെ പദ്ധതികള്‍.

ഇന്ത്യൻ ഇലക്‌ട്രിക് വാഹന വിപണിയിൽ കൊടുങ്കാറ്റാവാൻ ഒരുങ്ങുകയാണ് വിയറ്റ്നാമീസ് ഇവി നിർമാതാക്കളായ വിൻഫാസ്റ്റ് (VinFast). ആഭ്യന്തര വിപണിയിൽ വൈദ്യുത വാഹനങ്ങൾ (Electric Vehicles) നിർമിക്കാനായി രാജ്യത്ത്​ 16,000 കോടിയോളം രൂപയുടെ നിക്ഷേപമാണ് ബ്രാൻഡ് നടത്തിയിരിക്കുന്നത്. 2017-ൽ പ്രവർത്തനം ആരംഭിച്ച വിയറ്റ്നാമീസ് ബ്രാൻഡ് ഇലക്ട്രിക് കാറുകൾ നിർമിക്കുന്നതിലെ വൈദഗ്ധ്യം ലോകത്തിന് മുന്നിൽ ഇതിനോടകം തെളിയിച്ചിട്ടാണ് ഇന്ത്യയിലേക്ക് എത്തുന്നത് എന്നതിനാൽ കാര്യങ്ങളൊക്കെ എളുപ്പമാണ്. ഇപ്പോൾ നടന്നുകൊണ്ടിരിക്കുന്ന 2025 ഓട്ടോ എക്സ്പോയിൽ (Auto Expo) രാജ്യത്തേക്ക് അവതരിപ്പിക്കാനിരിക്കുന്ന മോഡൽ നിരയെ വിൻഫാസ്റ്റ് പ്രദർശിപ്പിക്കുകയുണ്ടായി.

ഇന്ത്യയില്‍ പിക്കപ്പ് ട്രക്കുകള്‍ വില്‍ക്കുന്ന കമ്പനികളുടെ പേര് പറഞ്ഞാല്‍ ആദ്യം മനസ്സില്‍ വരുന്ന പേരാണ് ഇസുസു. ജാപ്പനീസ് ബ്രാന്‍ഡിന്റെ പിക്കപ്പ് ട്രക്കുകള്‍ക്ക് ഇന്ത്യയില്‍ ആവശ്യക്കാര്‍ ഏറെയുണ്ട്. രാജ്യ തലസ്ഥാനത്ത് നടന്ന് കൊണ്ടിരിക്കുന്ന 2025 ഓട്ടോ എക്‌സ്‌പോയില്‍ നിരവധി വാഹന നിര്‍മാതാക്കള്‍ കണ്‍സെപ്റ്റ് മോഡലുകള്‍ പ്രദര്‍ശിപ്പിക്കുന്നുണ്ട്. അവയില്‍ ഏവരുടെയും ശ്രദ്ധ പിടിച്ചുപറ്റുകയാണ് ഇസുസു ഡി-മാക്‌സ് പിക്ക്-അപ്പ് ട്രക്കിന്റെ ഇലക്ട്രിക് പതിപ്പ്. കണ്‍സെപ്റ്റ് പതിപ്പാണെങ്കിലും ഉത്പാദനം ഉടന്‍ ആരംഭിക്കുമെന്ന് പ്രതീക്ഷിക്കുന്നു. ഇന്ത്യന്‍ വിപണിയില്‍ വലിയ ചലനങ്ങള്‍ സൃഷ്ടിക്കാന്‍ ശേഷിയുള്ള പിക്ക്-അപ്പ് ട്രക്കിനെ കുറിച്ചുള്ള വിശദ വിവരങ്ങള്‍ ചുവടെ വായിക്കാം.

ദക്ഷിണ കൊറിയന്‍ വാഹന നിര്‍മാതാക്കളായ കിയ തങ്ങളുടെ കാര്‍ണിവല്‍ എംപിവിയുടെ കൂടുതല്‍ ആഡംബരം തുളുമ്പുന്ന ഹൈ-റൂഫ് പതിപ്പായ കാര്‍ണിവല്‍ ഹൈ ലിമോസിന്‍ ഭാരത് മൊബിലിറ്റി ഗ്ലോബല്‍ എക്സ്പോ 2025-ല്‍ പ്രദര്‍ശിപ്പിച്ചു. കാര്‍ണിവല്‍ ഹൈ ലിമോസിന്‍ 2020 ഓട്ടോ എക്സ്പോയില്‍ പഴയ തലമുറ അവതാരത്തില്‍ കിയ കൊണ്ടുവന്നിരുന്നു. ഇപ്പോള്‍ അത് ആദ്യമായി ഒരു പുതിയ തലമുറ പതിപ്പില്‍ പ്രദര്‍ശിപ്പിച്ചിരിക്കുകയാണ്. 4-സീറ്റര്‍ ലേഔട്ടില്‍ വരുന്ന പ്രീമിയം എംപിവി സാധാരണ കാര്‍ണിവലിനെ അപേക്ഷിച്ച് കൂടുതല്‍ സൗകര്യങ്ങള്‍ വാഗ്ദാനം ചെയ്യുന്നു. സാധാരണ കാര്‍ണിവലില്‍ നിന്ന് ഇത് എങ്ങനെ വ്യത്യസ്തമാകുന്നുവെന്ന് നമുക്ക് ചുവടെ വിശദമായി വായിക്കാം.

രാജ്യത്ത് അധികം പ്രചാരമില്ലാത്തൊരു സെഗ്മെന്റായിരുന്നു ലൈഫ് സ്റ്റൈൽ പിക്കപ്പ് ട്രക്കുകളുടേത്. ടാറ്റയും മഹീന്ദ്രയുമെല്ലാം പയറ്റി പരാജയപ്പെട്ട ശ്രേണിയിലേക്ക് കടന്നുവരാൻ അധികമാരും ശ്രമിച്ചിരുന്നില്ലെങ്കിലും ജാപ്പനീസ് വാഹന നിർമാതാക്കളായ ഇസൂസു ഇവിടുത്തെ വണ്ടിഭ്രാന്തൻമാരുടെ അടുത്തേക്ക് ഡി-മാക്‌സ് മോഡലുകൾ കൊണ്ടുവന്ന് കളംപിടിക്കുകയായിരുന്നു. പിന്നീട് നമ്മുടെ സ്വന്തം ടൊയോട്ട ഹൈലക്‌സിനെ കൊണ്ടുവന്ന് സെഗ്മെന്റ് കളറാക്കി. ലോകവിപണി കീഴടക്കിയ ഹൈലക്‌സ് ഇന്ത്യയിലെത്തിയപ്പോൾ ചെറുതായൊന്ന് പതറിയെന്ന് വേണം പറയാൻ. എന്നാൽ വരുംകാലങ്ങളിൽ വണ്ടിയെ തേടി ആളുകളെത്തുമെന്ന് ടൊയോട്ടയ്ക്ക് ഉറപ്പുണ്ട്.

മദ്യപിച്ച് വാഹനമോടിക്കുക എന്നത് നമ്മുടെ രാജ്യത്ത് കുറ്റകരമായ കാര്യമാണ്. എന്നാൽ പലരും അത് പാലിക്കാറില്ല എന്നതാണ് സത്യം. അത് കൊണ്ട് രാജ്യത്ത് പല അപകടങ്ങളും സംഭവിക്കുന്നുണ്ട്. അടുത്തിടെ ഒരു അപകടത്തിൻ്റെ വീഡിയോ സോഷ്യൽ മീഡിയ വൈറലായിരിക്കുകയാണ്. മദ്യപിച്ച മാരുതി സുസുക്കി ഗ്രാൻഡ് വിറ്റാര ബ്രെസ്സ ഡ്രൈവർക്ക് തന്റെ എസ്‌യുവിയുടെ വേഗത നിയന്ത്രിക്കാൻ കഴിയാതെ വന്നപ്പോൾ 20 അടി താഴ്ചയുള്ള ഡ്രെയിനേജിലേക്ക് ഇടിച്ചുകയറ്റുന്ന ഒരു വീഡിയോ ആണ് വൈറലായത്. ഒടുവിൽ നാട്ടുകാർ ഇടപ്പെട്ടാണ് അയാളെ രക്ഷപ്പെടുത്തിയത്. മുംബൈയിലെ പ്രീമിയം ഹൗസിംഗ് സൊസൈറ്റിയായ വസായ് മധുബനിൽ നിന്നുള്ള സിസിടിവി ദൃശ്യങ്ങളാണ് വീഡിയോയിലുളളത്.

ഓട്ടോ മൊബൈല്‍ വിപണിയില്‍ ഇപ്പോള്‍ വമ്പന്‍ വാഹന നിര്‍മാതാക്കള്‍ തമ്മില്‍ കൈകോര്‍ക്കുന്നത് സാധാരണമായി മാറിയിരിക്കുകയാണ്. മാരുതി സുസുക്കി, ടൊയോട്ട എന്നിവര്‍ ഇത്തരത്തില്‍ ചേര്‍ന്നാണ് പ്രവര്‍ത്തിക്കുന്നത്. ഇപ്പോള്‍ ഡല്‍ഹിയില്‍ നടന്ന് കൊണ്ടിരിക്കുന്ന 2025 ഓട്ടോ എക്‌സ്‌പോയില്‍ വെച്ച് ഇന്ത്യന്‍ വിപണിക്കായി നൂതന ഇലക്ട്രിക് ത്രീ-വീലര്‍, മൈക്രോ 4-വീലര്‍ വാഹനങ്ങള്‍ വികസിപ്പിക്കുന്നതിനായി ഹ്യുണ്ടായി മോട്ടോറും ടിവിഎസ് മോട്ടോര്‍ കമ്പനിയും ചേര്‍ന്ന് പ്രവര്‍ത്തിക്കുന്നതായി പ്രഖ്യാപിച്ചു. ഇന്ത്യയില്‍ വളര്‍ന്ന് വരുന്ന ലാസ്റ്റ് മൈല്‍ ഡെലിവറി സേവനങ്ങള്‍ക്കുള്ള ഡിമാന്‍ഡ് നിറവേറ്റുന്നതിനായി ഹ്യുണ്ടായി തങ്ങളുടെ മൈക്രോ മൊബിലിറ്റി കണ്‍സെപ്റ്റ് ഇവികള്‍ പ്രദര്‍ശിപ്പിച്ചു.

ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന സ്പോർട് യൂട്ടിലിറ്റി വാഹനങ്ങളിൽ ഒന്നാണ് ഹ്യുണ്ടായി ക്രെറ്റ (Hyundai Creta). ഇതുവരെ ഡീസൽ, പെട്രോൾ, ടർബോ പെട്രോൾ എഞ്ചിൻ ഓപ്ഷനുകളിൽ എത്തിയിരുന്ന എസ്‌യുവി ഭാരത് മൊബിലിറ്റി ഗ്ലോബൽ എക്സ്പോയിൽ ഇലക്ട്രിക് കുപ്പായമണിഞ്ഞ് ക്രെറ്റ ലോഞ്ച് ചെയ്‌തിരുന്നു. ഇപ്പോഴിതാ 2025 ഓട്ടോ എക്സ്പോയിൽ സർപ്രൈസായി ഹ്യുണ്ടായി ക്രെറ്റയുടെ ഫ്ലെക്‌സ് ഫ്യുവൽ മോഡലിനെ പ്രദർശിപ്പിച്ചിരിക്കുകയാണ് ദക്ഷിണ കൊറിയൻ വാഹന നിർമാതാക്കൾ. 1.0 ടർബോ പെട്രോൾ എഞ്ചിനുമായി എത്തുന്ന മോഡലിന് 100 ശതമാനം എഥനോളിൽ പ്രവർത്തിക്കാനാവും.

അമിതമായ ഉപ്പുരസമുള്ള കറികളെ തേങ്ങാപ്പാൽ എങ്ങനെ സന്തുലിതമാക്കുമെന്ന് കണ്ടെത്തുക. നിങ്ങളുടെ വിഭവങ്ങൾ മെച്ചപ്പെടുത്താൻ അതിൻ്റെ ഗുണങ്ങളും ഉപയോഗ നുറുങ്ങുകളും അറിയുക.

ഇന്ത്യയിലെ പുതിയ അമ്മമാർക്കുള്ള നിർണായക പോഷകാഹാര നുറുങ്ങുകൾ കണ്ടെത്തുക, വീണ്ടെടുക്കലിനും മുലയൂട്ടലിനും സമീകൃതാഹാരം ഉറപ്പാക്കുക.

സ്‌പെഷ്യല്‍ എഡിഷന്‍ മോഡലുകള്‍ പുറത്തിറക്കി ക്ലിക്ക് ആക്കുന്നതില്‍ ടാറ്റ മോട്ടോര്‍സിന് പ്രത്യേക മിടുക്കാണ്. കാസിരംഗ, ജെറ്റ്, ബ്ലാക്ക്, റെഡ്, കാമോ എന്നിങ്ങനെ നിരവധി സ്‌പെഷ്യല്‍ എഡിഷനുകള്‍ പുറത്തിറക്കിയിട്ടുണ്ട്. അസമിലെ കാസിരംഗ ദേശീയോദ്യാനത്തില്‍ കാണപ്പെടുന്ന കാണ്ടാമൃഗത്തില്‍ നിന്ന് പ്രചോദനം ഉള്‍ക്കൊണ്ടാണ് കാസിരംഗ എഡിഷന്‍ നിര്‍മ്മിച്ചിരിക്കുന്നത്. ഇപ്പോള്‍ 2025 ഓട്ടോ എക്‌സ്‌പോയില്‍ വെച്ച് ടാറ്റ മോട്ടോര്‍സ് തങ്ങളുടെ മൂന്ന് കാറുകള്‍ക്ക് സ്‌പെഷ്യല്‍ എഡിഷന്‍ സമ്മാനിച്ചു. ഭാരത് മൊബിലിറ്റി എക്സ്പോയില്‍ ടാറ്റ മോട്ടോര്‍സ് നെക്സോണ്‍ ഇവി, ഹാരിയര്‍, സഫാരി എന്നിവയുടെ ബന്ദിപ്പൂര്‍ എഡിഷന്‍ മോഡലുകള്‍ അവതരിപ്പിച്ചു.

യാത്രാ സംവിധാനങ്ങളെ പൊളിച്ചെഴുതാൻ ഫ്ലൈയിംഗ് ടാക്‌സികൾ വരുന്നൂ വരുന്നൂ വരുന്നൂവെന്ന് കേൾക്കാൻ തുടങ്ങിയിട്ട് കാലംകുറച്ചായി. സ്റ്റാർ വാർസ് പോലുള്ള ഹോളിവുഡ് സിനിമയിൽ മാത്രം കണ്ടിട്ടുള്ള ഇത്തരം വാഹനങ്ങൾ എത്രനാൾകൊണ്ട് യാഥാർഥ്യമാവുമെന്ന് ആർക്കും കൃത്യമായ പറയാനാവില്ലെങ്കിലും ഇന്ത്യയിൽ ഇതെല്ലാം വരാൻ കാലങ്ങൾ എടുക്കുമെന്നാണ് മിക്കവരും ചിന്തിക്കുന്നത്. പക്ഷേ അത്രയ്ക്ക് കാത്തിരുപ്പുകളൊന്നും വേണ്ടെന്ന അവകാശവാദവുമായി എത്തിയിരിക്കുകയാണ് എയ്‌റോസ്‌പേസ് സ്റ്റാർട്ടപ്പായ സർല ഏവിയേഷൻ. ഇന്ത്യയിലെ നഗര ഗതാഗതത്തിൽ വിപ്ലവം സൃഷ്ടിക്കുന്നതിനായി 2028 ഓടെ ബാംഗ്ലൂരിൽ ഇലക്ട്രിക് ഫ്ലൈയിംഗ് ടാക്സികൾ അവതരിപ്പിക്കുമെന്ന വാർത്തകളെല്ലാം നാം കേട്ടിരുന്നല്ലോ.

ഇലക്ട്രിക് വാഹന നിര്‍മാതാക്കള്‍ക്ക് തങ്ങളുടെ ഉല്‍പ്പന്നങ്ങളും നവീന സാങ്കേതികവിദ്യയും ലോകത്തിന് മുന്നില്‍ പ്രദര്‍ശിപ്പിക്കാന്‍ കിട്ടുന്ന മികച്ച അവസരമാണ് ഓട്ടോ എക്‌സ്‌പോ. ഇപ്രാവശ്യത്തെ ഓട്ടോ എക്‌സ്‌പോയിലും നിരവധി ഇന്ത്യന്‍ ഇലക്ട്രിക് ടൂവീലര്‍ കമ്പനികള്‍ അവരുടെ വാഹനങ്ങള്‍ പ്രദര്‍ശിപ്പിച്ചിട്ടുണ്ട്. ഇപ്പോള്‍ 2025 ഓട്ടോ എക്‌സ്‌പോയില്‍ വാഹനങ്ങളുടെ ഒരു പുതിയ ശ്രേണി അനാവരണം ചെയ്തിരിക്കുകയാണ് ഗോദാവരി ഇലക്ട്രിക് മോട്ടോര്‍സ് പ്രൈവറ്റ് ലിമിറ്റഡ്. ഗോദാവരിയുടെ പവലിയനില്‍ രണ്ട് ഇലക്ട്രിക് സ്‌കൂട്ടറുകള്‍ കമ്പനി പ്രദര്‍ശിപ്പിച്ചു. ഇതില്‍ ഗോദാവരി ഇബ്ലൂ ഫിയോ Z, ഇബ്ലൂ ഫിയോ DX എന്നീ ഇലക്ട്രിക് സ്‌കൂട്ടറുകളെ കുറിച്ച് ചുവടെ വിശദമായി വായിക്കാം.

2025 ജനുവരി 18-ന്, ഭാരത് മൊബിലിറ്റി ഗ്ലോബൽ എക്സ്പോ 2025 -ൽ മോൺട്ര ഇലക്ട്രിക് രണ്ട് വിപ്ലവകരമായ ഇലക്ട്രിക് വാഹനങ്ങൾ അവതരിപ്പിച്ചിരിക്കുകയാണ് - 'EVIATOR' എന്ന മോഡലും, സൂപ്പർ കാർഗോ എന്ന ത്രീ വീലറുമാണ് മോൺട്ര അവതരിപ്പിച്ചത്. ഇന്ത്യാ ഗവൺമെന്റിന്റെ കേന്ദ്ര ഘന വ്യവസായ മന്ത്രി ശ്രീ എച്ച്. ഡി. കുമാരസ്വാമിയായിരുന്നു വാഹനങ്ങളുടെ ലോഞ്ച് നടത്തിയത്. മികച്ച പ്രകടനത്തിനും കാര്യക്ഷമതയ്ക്കും വേണ്ടി രൂപകൽപ്പന ചെയ്ത EVIATOR, ഫ്ലീറ്റ് ഓപ്പറേറ്റർമാരുടെയും സംരംഭകരുടെയുംഎല്ലാവിധ ആവശ്യങ്ങൾ നിറവേറ്റുന്നതിനായി രൂപകൽപ്പന ചെയ്ത സൂപ്പർ കാർഗോ, ഇനി വിപണിയിൽ എതിരാളികളെ നിലം പരിശാക്കുമെന്ന കാര്യത്തിൽ ഒരു സംശയവും വേണ്ട.

ഹാസ്യവേഷങ്ങളിലൂടെ ചിരിച്ചും ചിന്തിപ്പിച്ചും മലയാള സിനിമാ പ്രേമികളുടെ മനസിൽ ഇടംനേടിയ താരമാണ് ഹരീഷ് കണാരൻ (Hareesh Kanaran). മിമിക്രി വേദിയില്‍ നിന്നും സിനിമയില്‍ തുടക്കമിട്ട് താരമായി മാറിയ ഹരീഷ് ഒരുപിടി മികച്ച കഥാപാത്രങ്ങൾ ഇതിനോടകം ചെയ്‌തു കഴിഞ്ഞു. ഒരിടയ്ക്ക് റിലീസാവുന്ന എല്ലാ ചിത്രങ്ങളിലും കണാരേട്ടൻ നിറസാന്നിധ്യമായിരുന്നു. മഴവിൽ മനോരമയിലെ കോമഡി പരിപാടിയിലൂടെ ശ്രദ്ധിക്കപ്പെട്ട താരത്തിന്റെ ജാലിയൻ കണാരൻ എന്ന കഥാപാത്രമാണ് ഹരീഷിന്റെ തലവര മാറ്റിയത്. 75 വയസുള്ള ജാലിയന്‍ കണാരനായി വേദിയിലെത്തിയ ഹരീഷിന്റെ പ്രകടനം മലയാളികൾ അത്രവേഗമൊന്നും മറക്കാനിടയില്ല.

JSW എംജി മോട്ടോർ ഇന്ത്യ ഒടുവിൽ നാം ഏറെ പ്രതീക്ഷയോടെ കാത്തിരുന്ന മജസ്റ്റർ ഫുൾ -സൈസ് എസ്‌യുവി ഇന്ത്യയിൽ പുറത്തിറക്കിയിരിക്കുകയാണ്. എംജി ഗ്ലോസ്റ്ററിന്റെ പരിഷ്കരിച്ച പതിപ്പാണിത്. അന്താരാഷ്ട്ര വിപണികളിൽ വിൽപ്പനയ്ക്ക് എത്തുന്ന മാക്‌സസ് D90 എസ്‌യുവിയെ അടിസ്ഥാനമാക്കിയുള്ളതാണിത്. മെക്കാനിക്കലുകളുടെ കാര്യത്തിൽ, ഇത് നിലവിൽ ഇന്ത്യയിൽ വിൽപ്പനയ്‌ക്ക് എത്തുന്ന എംജി ഗ്ലോസ്റ്ററിന് സമാനമായിരിക്കും, കാര്യമായ മാറ്റങ്ങൾ ഒന്നും ഉണ്ടായിരിക്കില്ല. എന്നാൽ എക്സ്റ്റീരിയർ & ഇന്റീരിയർ ഡിസൈനുകളിൽ മാറ്റം വന്നിട്ടുണ്ട്. രാജ്യത്തെ എംജി സെലക്ട് ഡീലർഷിപ്പുകൾ വഴിയാണ് ഇത് വിൽക്കുന്നത്.

2025 ഓട്ടോ എക്‌സ്‌പോയിൽ എൽഎൻജിയിൽ പ്രവർത്തിക്കുന്ന എഞ്ചിൻ യൂണിറ്റുകളിലേക്കുള്ള ഇന്ത്യയുടെ കടന്നുവരവിനെ അടയാളപ്പെടുത്തിക്കൊണ്ട് ടാറ്റ മോട്ടോഴ്‌സ് ഭാരത് മൊബിലിറ്റിയിൽ പ്രൈമ ജി.55എസ് അവതരിപ്പിച്ചിരിക്കുകയാണ്. ഫുൾടാങ്കിൽ 2400 കിലോമീറ്റർ വരെ ദൂരം സഞ്ചരിക്കാൻ കഴിവുള്ള ഈ വാഹനം റേഞ്ചിന്റെ കാര്യത്തിൽ മറ്റൊരു തലമാണ് സൃഷ്ടിക്കുന്നത്. എൽഎൻജിയുടെ സംയോജനം മൂലമാണ് ഈ റേഞ്ച് വർദ്ധനവ് സാധിക്കുന്നത്, പരിസ്ഥിതിക്ക് വളരെയധികം ശല്യമുണ്ടാക്കാതെ ടാറ്റ പ്രൈമ ജി.55-കളെ കൂടുതൽ ദൂരം സഞ്ചരിക്കാൻ ഇത് സഹായിക്കുന്നു എന്നതാണ് ഗുണം.

കഴിഞ്ഞ വര്‍ഷം ഹേമ കമ്മിറ്റി റിപ്പോര്‍ട്ട് പുറത്ത് വന്നതിന് ശേഷം മലയാളികള്‍ക്ക് പരിചിതമായ വാക്കാണ് 'കാസ്റ്റിംഗ് കൗച്ച്'. അവസരം വാഗദാനം ചെയ്ത് ലൈംഗികമായി ദുരുപയോഗം ചെയ്യുന്ന ഏത് തൊഴില്‍ മേഖലയിലും ഈ വാക്ക് അനുയോജ്യമാണെങ്കിലും സിനിമാ മേഖലയുമായി ബന്ധപ്പെട്ടാണ് ഈ ഇത് കൂടുതലായി ഉപയോഗിക്കാറുള്ളത്. അടുത്ത കാലത്തായി സിനിമ നടിമാരാണ് കാസ്റ്റിംഗ് കൗച്ചിനെ കുറിച്ച് തുറന്ന് പറച്ചില്‍ നടത്തിയത്. എന്നാല്‍ 2023-ല്‍ വിട്ടുവീഴ്ചക്ക് തയാറാകാത്തതിന് ചില ഷോകള്‍ നഷ്ടമായതായി തുറന്ന് പറഞ്ഞ നടനാണ് ആകാശ് ചൗധരി. ഇത് സോഷ്യല്‍ മീഡിയയിലടക്കം വലിയ ഒച്ചപ്പാടുകള്‍ സൃഷ്ടിച്ചിരുന്നു.

ഹിന്ദി ടെലിവിഷൻ സീരിയലുകൾക്ക് ഒരുപാട് പ്രേക്ഷകരുണ്ട്. അത് പോലെ തന്നെയാണ് ഹിന്ദി സീരിയലിൽ അഭിനയിക്കുന്നവർ ഹിന്ദി ബിഗ്ബോസിലും പങ്കെടുക്കാറുണ്ട്. ബിഗ്ബോസിൽ പങ്കെടുക്കുന്ന താരങ്ങൾക്ക് ദിവസം പ്രതിഫലം ലഭിക്കുന്നത് ആയിരം തൊട്ട് ലക്ഷങ്ങൾ വരെയാണ്. അത് കൊണ്ട് തന്നെ അതിൽ കയറികൂടാനാണ് പല അഭിനേതാക്കളും ശ്രമിക്കുന്നത്. ഹിന്ദി സീരിയലുകളിൽ പാണ്ഡ്യ സ്റ്റോർ എന്ന പരമ്പര വളരെ ജനശ്രദ്ധ പിടിച്ചു പറ്റിയ ഒന്നാണ്. പാണ്ഡ്യ സ്റ്റോർ എന്ന പരമ്പരയിലൂടെ പെൺകുട്ടികളുടെ മനം കവർന്ന നടനാണ് കൻവർ ദില്ലൺ. ഇപ്പോൾ താരം ഒരു പുതിയ കവസാക്കി 1000SX -ൽ കറങ്ങി നടക്കുന്നതിൻ്റെ വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്.

ഡൽഹിയിൽ ഇപ്പോൾ നടന്നുകൊണ്ടിരിക്കുന്ന ഭാരത് മൊബിലിറ്റി ഗ്ലോബൽ എക്‌സ്‌പോയിൽ BYD -യുടെ അപ്പ് മാർക്കറ്റ് ബ്രാൻഡായ യാങ്‌വാങ് തങ്ങളുടെ ഫ്ലാഗ്ഷിപ്പ് U8 എസ്‌യുവി പ്രദർശിപ്പിച്ചു. ഇത് ഒരു ഇലക്ട്രിക് മോഡൽ അല്ല, പകരം ഒരു റേഞ്ച് -എക്‌സ്റ്റെൻഡർ പ്ലഗ് -ഇൻ ഹൈബ്രിഡ് (PHEV) പതിപ്പാണ്. നിലവിലെ BYD ഇന്ത്യ നിരയിൽ ഇലക്ട്രിക് വാഹനങ്ങൾ മാത്രമേ ഉൾപ്പെടുന്നുള്ളൂ, അതിനാൽ തന്നെ മോഡൽ നിരയിൽ വൈവിധ്യം ചേർക്കാൻ തങ്ങളുടെ ആഡംബര കമ്പനിയെ വേണമെങ്കിൽ ബ്രാൻഡിന് ഉപയോഗിക്കാം.

ഫോസിൽ ഇന്ധനങ്ങളുടെ അന്തകനാവാൻ ഇലക്‌ട്രിക് വാഹനങ്ങൾ കച്ചകെട്ടിയിറക്കിയിരിക്കുകയാണ്. ഡൽഹിയിലെ പ്രഗതി മൈതാനിയിൽ നടക്കുന്ന 2025 ഓട്ടോ എക്സ്പോയിൽ ഇന്ത്യയിലെ ആദ്യത്തെ സോളാർ പവർ കാർ പുറത്തിറക്കി എല്ലാവരേയും ഞെട്ടിച്ചിരിക്കുകയാണ് വേവ് മൊബിലിറ്റി (Vayve Eva) എന്ന സ്റ്റാർട്ടപ്പ് ബ്രാൻഡ്. ഈവ എന്ന് പേരിട്ടിരിക്കുന്ന കുട്ടികാർ കാഴ്ച്ചയിൽ തന്നെ ആരുടേയും മനംമയക്കുന്ന രീതിയിലാണ് വരുന്നത്. കേട്ടാൽ ആരായാലും വാങ്ങിപ്പോവുന്ന വിലയിലാണ് കാർ വിപണിയിലെത്തിയിരിക്കുന്നത്. സൗരോർജത്തിൽ ഓടാൻ ശേഷിയുള്ള ഈവയ്ക്ക് വെറും 3.25 ലക്ഷം രൂപയാണ് എക്സ്ഷോറൂം വില വരുന്നത്.

ഓട്ടോ എക്‌സ്‌പോക്ക് മുമ്പ് ദക്ഷിണ കൊറിയന്‍ നിര്‍മാതാക്കളായ ഹ്യുണ്ടായി വിദേശ വിപണികളില്‍ ജനപ്രിയമായ സ്റ്റാരിയ മിനി വാന്‍ പ്രദര്‍ശിപ്പിക്കുമെന്ന് വ്യക്തമാക്കിയിരുന്നു. അടുത്ത കാലത്തായി ഇന്ത്യയില്‍ ഫാമിലി കാറുകള്‍ക്ക് ആവശ്യക്കാര്‍ കൂടിയിട്ടുണ്ട്. പ്രീമിയം എംപിവികള്‍ ചൂടപ്പം പോലെയാണ് വിറ്റുപോകുന്നത്. അരക്കോടിക്ക് മേല്‍ വിലയുള്ള കിയ കാര്‍ണിവല്‍ എംപിവിക്ക് നിലവില്‍ 1 വര്‍ഷത്തിലേറെയാണ് കാത്തിരിപ്പ് കാലയളവ്. ഈ സാഹചര്യത്തില്‍ കാര്‍ണിവലിന്റെ അതേ പ്ലാറ്റ്‌ഫോമില്‍ പണിത സ്റ്റാരിയ ഇന്ത്യക്കാര്‍ക്ക് മുന്നില്‍ പ്രദര്‍ശിപ്പിച്ചിരിക്കുകയാണ് കൊറിയന്‍ ഭീമന്‍. ഹൈബ്രിഡ് പവര്‍ട്രെയിനും മള്‍ട്ടിപ്പിള്‍ സീറ്റിംഗ് ഓപ്ഷനുമുള്ള സ്റ്റാരിയ പുറത്തിറക്കിയാല്‍ ഹ്യുണ്ടായിക്ക് വില്‍പ്പന വാരാം.

സംസ്ഥാനത്ത് ട്രാഫിക് നിയമങ്ങൾ ലംഘിക്കുന്നവരെ കണ്ടെത്തുന്നതിന് വേണ്ടിയാണല്ലോ ആർട്ടിഫിഷ്യൽ ഇൻ്റലിജൻസ് ക്യാമറകൾ സ്ഥാപിച്ചത്. വാഹന പരിശോധനയ്ക്ക് വേണ്ടി പൊലീസ് അല്ലെങ്കിൽ മോട്ടോർ വാഹന വകുപ്പുകൾ കൈകാണിച്ച് വാഹനം നിർത്തുകയാണ് പതിവ്. എന്നാൽ ഇനി മുതൽ വാഹനങ്ങൾ കൈകാണിച്ച് നിർത്തി പരിശോധിക്കാതെ കൂടുതൽ ക്യാമറകളുപയോഗിച്ച് വാഹനം പരിശോധിക്കാനുളള സംവിധാനം ആവിഷ്കരിക്കാൻ പദ്ധതി ഇടുകയാണ് മോട്ടോർ വാഹന വകുപ്പ്. പ്രത്യേകിച്ച് സംസ്ഥാന അതിർത്തികളിൽ ഈ സംവിധാനം കൊണ്ടുവരാനാണ് ആലോചനകൾ നടക്കുന്നത്. വാളയാറടക്കമുള്ള സംസ്ഥാനാതിര്‍ത്തികളിലാണ ആർട്ടിഫിഷ്യൽ ഇൻ്റലിജൻസ് ക്യാമറകളുൾപ്പടെ സ്കാനറുകളും ഉപയോഗിക്കാൻ പദ്ധതിയുണ്ട്.

നടന്നുകൊണ്ടിരിക്കുന്ന ഓട്ടോ എക്സ്പോ വാഹനമേളയിൽ പുതിയ മിനി കൂപ്പർ S JCW പായ്ക്ക് പുറത്തിറക്കി ബ്രിട്ടീഷ് വാഹന നിർമാതാക്കൾ. 55.90 ലക്ഷം രൂപയുടെ എക്സ്ഷോറൂം വിലയിലാണ് കാറുകളുടെ മഹാറാണിയുടെ പുത്തൻ പതിപ്പിനെ കമ്പനി അവതരിപ്പിച്ചിരിക്കുന്നത്. വാഹനം വാങ്ങാൻ താത്പര്യമുള്ളവർക്കായി ബുക്കിംഗും കമ്പനി ആരംഭിച്ചിട്ടുണ്ട്. അതേസമയം പ്രീമിയം കാറിനായുള്ള ഡെലിവറി ഈ വർഷം ഏപ്രിലിൽ തുടങ്ങുമെന്നും വ്യക്തമാക്കിയിട്ടുണ്ട്. ഇന്ത്യയിൽ ഇതിനകം വിൽപ്പനയ്‌ക്കെത്തിയ സ്റ്റാൻഡേർഡ് കൂപ്പർ എസിനേക്കാൾ കരുത്തുറ്റ എഞ്ചിൻ, സ്‌പോർട്ടിയർ എക്സ്റ്റീരിയർ, ഇന്റീരിയർ ട്രീറ്റ്‌മെന്റ് എന്നിവയോടെയാണ് പുതിയ കൂപ്പർ S JCW പായ്ക്ക് കളത്തിലിറക്കിയിരിക്കുന്നത്.

രാജ്യത്തെ വാണിജ്യ വാഹനങ്ങളുടെ ലിസ്റ്റിൽ ടാറ്റയോട് മുട്ടി നിൽക്കാൻ പ്രാപ്തമായ ബ്രാൻഡാണ് ഐഷർ ബസ് ആൻ്റ് ട്രക്സ്. ദില്ലിയിൽ നടക്കുന്ന ഭാരത് മൊബിലിറ്റി ഓട്ടോ എക്സ്പോയിൽ തങ്ങളുടെ ഐഷർ പ്രൊ എക്സ് ശ്രേണി വിപുലീകരിച്ചിരിക്കുകയാണ്. 2-3.5 ടൺ വിഭാഗത്തിൽ പ്രവേശിക്കുന്നതോടെ എതിരാളികൾക്ക് എല്ലാം തലവേദനയാകുമെന്ന കാര്യത്തിൽ ഒരു സംശയവും വേണ്ട. ഐഷറിന്റെ അഡ്വാൻസ്ഡ് ഇൻഡസ്ട്രി 4.0 ഭോപ്പാൽ പ്ലാൻ്റിലാണ് നിർമ്മിക്കുന്നത്. ലൈറ്റ്, മീഡിയം ഡ്യൂട്ടി ട്രക്കുകളിലെ ഞങ്ങളുടെ വിപണി നേതൃത്വ പാരമ്പര്യവും നൂതനാശയങ്ങളുടെ ട്രാക്ക് റെക്കോർഡും പ്രയോജനപ്പെടുത്തി ഈ മികച്ച ശ്രേണിയിലുള്ള വാഹനങ്ങൾ സൃഷ്ടിച്ചിട്ടുണ്ട്.